حب الأطباء الشطر التاني من الحلقة 42 الى 65 و الاخيرة

حب الأطباء 

جزء42
فقت لقيت راسي مزال فداك الحبس كان يصحبني غير حلم وغادا نفيق منو ولكن هادي راه حقيقة بقيت غير متكيا فبلاصتي حتى جات واحد الخانزة وجها كامل مخسر 
هي:شوفي راه مشي جايا تبقاي ناعسة حنا مشي خدامين عندك خاصك من اليوم ديري معانا نوبة فهمتي 
انا:لا مفهمتش 
هي:باينا ليا غادا ندير فيك شغل ايدي باش تبداي تفهمي انا نضت وقفت قالت ليه اش كاين ياله وريني هزت ايديها حتال سماوضربتني وانا نشدها من شعرها فكوها مني غير بزز 
انا:باش نعلمك تحطي عليا ايديك الكلبة
هي:ولهلا بقات فيك الموسخة انا غادا نربيك 
مشيت جلست مع واحد زوج عيلات كيبانو ظريفين 
وحدة فيهم سميتها زهور هي مرة كبيرة وتانية سمية 
زهور:بنتي خاصك تبعدي من ديك رحمة راه اسم على غير مسمى مكاين فقلبها لا شفاقة لا رحمة 
سمية:ولا كين اخالتي زهور راه بردت لينا قلبنا فيها تستهل معندي مايتسالك اختي معرفتيناش براسك وعلاش نتي هنا عاودت ليهم اش طرا ونتي اخالتي علاش هنا 
زهور:انا ابنتي حكايتي حكاية كنت مزوجة بواحد الكلب والخيانة غادا ليه فدم وكانت عندي واحد صاحبتي كنت معتبرها كتر من ختي ولكن هي طلعت واحد الق.... ديك نهار عاقلة كنت مشيت عند ختي لي ولدات ومني رجعت لقيتهم بزوج ففراشي تعصبت وبقيت كنضرب فيهم هي هربات وهو بقا كيضربني حتا هزيت موس خشيتو ليه فالقلب وصراحة منادمش وكنت بغا مني نخرج نكمل بديك الكلبة ولكن سمعت بلي نتاحرات 
سمية:واخا تبان ليك بحال هاكا خالتي زهور من اطيب خلق الله غير شيطان غرها
انا:وزيد عليها حتىظلم لي تعرضات ليه ومتي اسمية 
سمية:انا اختي غير طمع هو اي لجابني هنا كنت خدامة فواحد الشركة وغرني لغرار وسرقت شي فلوس منها حصلوني وصيفطوني هنا هههه
انا:الله يفرج عليك اختي بقيت مجمعة معهم ونضت عونتهم وجدنا الغدا وديك رحمة محملانيش الله يستر

لجزء43
عند مجد لي كيحاول يعرف شنو وقع نهار العملية ولكن موصل لوالو حيت كلشي كان طبيعي داك نهار وكان غير فريق العمل مزايد حاد 
سارة وجدات شي شهيوات ومشات عند رحاب مخلاوهاش تشوفها حيت ماشي وقت زيارة امارضوان كيحاول يشوف شنويدير باش حتاهو يعاونها مع محامي مجد.
مني جابت ليا ختي داكشي دخلتو وجمعت لبنات لي تم باش ياكلو معايا الى ديك شريرة حتى انا محشيتوش ليها كلينا وضحكنا وهي محملانيش 
صراحة توحشت مجد بزاف 
الغد ليه جا عندي 
مجد:رحاب مالك فوجهك
انا:لا والو 
مجد:كيفاش والو وحنكك زرق 
انا:راه غير طحت
مجد:واش كتفلاي عليا قولي مالك 
انا:فصراحة غير ضربة مع واحدة معايا
مجد:كيفاش انا غادي نقوليهم يحولك من تم
انا:لا انا عجبني الحال غير هاديك معنديش معاها
مجد:انا لي خاصني نكون فبلاصتك ماشي نتي 
حطيت ايدي على فمو شووووو انا حمدالله حيت مامشيتيش نتا وانا مرتاحة نسبيا هنا جرني عنقني سمحليا احبيبة 
انا:مكاينش فاش نسمحليك هادا مكتاب عليا قربت الفمو وبستو بوسة طويلة حيدت فيها كاع الشوق ديالي ليه حتى سمعنا الباب تحل عاد بعدت عليه خديت داكشي لي جاب ليا ورجعت وهو مشا مسخيتش بيه صراحة 
دخلت هزيت قرعتي ديال الماء من جنب سرير ديالي كنت شحفانة بديت كنشرب دقة وحدة شوية لحتها وبديت كنكح احح احح احح احح جات خالتي زوهور :مالك ابنتي 
انا كنهدار بتتاقل عفاك عطيني الحليب 
خالتي زهور:مايكنش منين نجيبو ليك 
انا:احح احح قلبي داكشي لي جبت دابا 
مشات كتقلب ليا فالبلاستيكات لي جاب مجد وانا روحي غادا تخرج واخيرا لقتو شديتو شربتو فمرة مشيت كنتقيا فالحمام غسلت وجهي ورجعت 
سمية زهور : مالكي اش وقع 
انا:راه شربت روح ديال جافيل كنت غادا نموت 
سمية:جافيل اويلي اش مشى يدير فبلاصتك 
انا:باينا شكون مكيحملنيش هنا شكون من غيرها رحمة هي مولات الفعلة..

لجزء44 
مشيت ليها نيشان هيه نتي اش كتحاولي ديري 
رحمة:مالني عوتاني اش كين فيما طرات ليك شي حاجة تسبيها فيا 
انا:بلما تمتلي عليا ضرافة راني عرفاك اش كتسواي 
جرتني سمية:صافي اختي تبقاي محمقة راسك معاها خليها راه حمقة 
رحمة:سمية قالت شي حاجة 
سمية:لا اختي رحمة انا نقدر 
رحمة:ايوا معرت 
انا:علاش كلشي كيخاف منها
سمية:راه فارضة سيطرة ديالها علينا كاملين وعندها نفود هنا مع المحبسيا حيت عندها الفلوس معرت منين كيجيوها خلينا منها وعودي ليا على راسك 
نمشيو عند مجد لي فالخدمة وحاط ايدو على راسو معارف مايدير حتا دخلات عليه لاورة 
هي:سلام 
مجد مجاوبهاش 
لاورة:كيف دايرة رحاب 
مجد:كيف بغيتها تكون وهي فالحبس
لاورة:مسكينة مشكيلة انها مدايرة والو ولي داير مطلوق وحر
مجد هز راسو شاف فيها باستفهام اش كتعني يهدرتك 
لاورة:مجد انا عارف شكون دار داكشي فرحاب 
مجد:بفرح واش بصح شكون شكون
لاورة بسخرية:هههه واش تصحبني غادا نقول ليك بلا مقابل
مجد:انا غادي نعطيك لي بغيتي 
لاورة:اوك هاكا مزيان 
مجد:شحال نعطيك 
لاورة:انا بغيتك نت 
مجد:بتعجب كيفاش واش مرضتي اش هاد الهدرة 
لاورة:ايو خلي حبيبتك ظوز حياتها فالحبس اما حسن تشوفها فدارها ولا تبقا تشوفها فالحبس 
مجد:لا هادشي مغديش يكون وانا غاظا نبين براتها 
لاورة:ايو لي بغيتي مهم الى بدلتي رايك جي عندي باش نجيب ليك دليل وخرجات 
هدرت لاورة خلات مجد راسو غادي يطرطق بتفكير اش هاد الوحلة طاح فيها هو وحبيبتو

جزء45
اليوم فقت على صداع كانت ديك رحمة وشي صحباتها شادين سمية كيضربو فيه بان ليا كلشي كيتفرج وانا نمشي ليهم شديت وحدة فيهم من شعرها طالقو البنت الكلبات كنت كنضرب فيها شوية جات ليا رحمة من اللور جرتني من شعري ياله درت عندها شدوني اللخرين من ايدي وخلاوها كضرب فيا جات سميةةخالتي زهور كيفكوني دفعتهم وبدات عليا بتصرفيق من سلاو مني دفعوني على طابلة حتى تجرح ليا راسي مشات زهور عيطت ليهم يدوني المشفى دخلت الحراسة:اش وقع هنا 
رحمة:راه تعكلت وطاحت هزةني داوني دواو ليا جرحا ورجعت راسي دارني شفت فيها واحدشوفة ديال والله لا بقات فيك 
بركة فبلاصتي حتى عيطو ليا اليوم زيارة مشيت لقيت مجد وخالتي فاطمة ومنال وسارة ورضوان وحتى نورة جاو يزوروني 
مجد ناض كيجري:رحاب مالك فراسك 
سارة:اش وقع اختي 
انا:غير طاحت 
مجد بالغوات متحوليش تكدبي هادوك لمعاك هما لي دارو ليك هاكا 
انا:حدرت راسي 
فاطمة:بحال داك نوع مخصكش تهدري معاهم راه مولفين الحبسات 
انا:صافي نساو راكم جاين تشوفوني 
رضوان :انا غادي نطالب يحاولوك من حداهم
انا:لا عفاك راه درت صحبات تم
نورة:بقات بلاصتك اختي توحشتك
انا:حتى انا ظابا نرجع الى بغا الله 
منال:كيف بقيتي اختي مزيان
انا:حمد الله كيف داير عمي مالو مجاش
فاطمة:بتهروب راه عندو الخدمة بزاف
انا:سلمو ليا عليه سارة كيف ديرين احبابي
سارة:مزيان حمد الله راه درت ليهم مربية قهروني 
مجد بقا ساكت غير كيشوف انا شديت ليه ايدو 
مجد واش لقيتي شي حاجة تخرجني ولا غادا ندوز حياتي هنا 
مجد:مزال مي نشاء الله تخرجي
دوزت معاهم وقيت زوين تفرقنا بالبكا فرحت فاش جاو يشوفوني كاملين دخلت عاودت لسمية وزهور على عائلتي تقاسمت معاهم داكشي لي جاني بحكم خالتي زهور مكيجي عندها حاد وسمية كيجيو مرة مرة اصلا ما بقا ليها والو وتخرج

جزء46
مجد خرج وهوحاقد على الوضع رحاب كتعدب قدامو وهو مقادر يدير والو نعس وهو فبالو القرار لي غادي يدير 
كانت لاورة كتغدا حتى وقف عليها مجد :شنو المطلوب مني فالمقابل
لاورة:مزيان مني عرفتي شنو لمزيان لمرتك سابقة 
مجد كيشوف فيها بالحقد 
لاورة:مهم انا مطالبة من عندك والو من غير انك طلق رحاب وتزوج بيا 
مجد:واش حمقيتي كيفاش غادي نقوليها غادي نطلقكوهي فهاد الظروف كانت غالط فيك بواف
لاورة:معندك لاش تغلط غيا كيما نتا باغي دير هادشي على قبل حبك ليها فا حتا انا كندير هادشي حيت كنبغيك 
مجد:حقيرة مكتسوايش
لاورة:حسبها كيف بغيتي الزين 
مجد:عطيني دليل دابا 
لاورة:حتى طلق رحاب وتزوج بيها وانا غادا نطيب ليك دليل حتال بين ايديك
مجد:باش غادي نتيق فيك 
لاورة:ننونونو خاصك تيق احبيبي معندك حتال حل من غير هادا 
مجد مشا وخلاها وهي غادا طير بالفرحة مشات عند سمير لقاتو تبهدل بسباب حبو لرحاب بحال هاكا قالت غادا تستغلو عرضت عليه العشاء فدارها وقالت ليه بلي غادي يقديو ليلة حمراء وهو تحمس الموضوع سلاو الخدمة ومشا عندها بليل دخلو تعشاو وحطو شراب خلاتو دخل الحمام وقدات الكامير اونفاس مع بلاصتو وخبات باش كاعما يشوفها
لاورة:سمير انا عارف انك سباب فدخول رحاب الحبس 
سمير:اش كتخربقي 
لاورة:ياك حنا اصدقاء علاش كتخبي عليا 
سمير :اوووةةف راسي غادي يطرطق انا كان يصحبني العملية ديال مجد ساعة صدقات رحاب انا كنبغيها بزاف مكنتش بغي ليها هادشي وكنبغي حتى راسي منقدرش نقول ليهم انا لي درت الحقن ديال السم فبلاصة دوا كنخاف من الحبس 
لاورة غمزتو ودارت حراكة براسها باش يتبعها البيت نعاس دخلتو ومشات طفات الكاميرا وخبتها ورجعت عندو دوز اليلة بزوج 

جزء47
دازت 10 ايام وانا فالحبس وبقات يومين على يوم المحاكمة ومجد باقي مدار والو باش يعتقني ومبقاش كيجي عندي بمرة معرفتش علاش وانا وديك رحمة ديما مضاربين ولكن مؤخرا وليت كنتفدها حيت بان ليا عمري كامل غادي يدوز هنا من احسن نبعد من صداع خرجت حيت جا عندي المحامي 
انا:فين وصلا القضية ديالي 
المحامي :انا جيت عندك على قضية اخرا 
انا:انا قضية 
هو:قضية الطلاق
انا:طلاق؟؟!!!
هو:فصراحة امدام رحاب سي مجد رافع عليك دعوة طلاق وقاليك خاصك توقعيهم دابا باش طلقو نهائيا 
انا:ههههه اش هادضحك الباسل 
هو:انا مكنضحكش الالة 
انا :ودموعي شلال لا انا مغدا نوقع على والو حتى نشوفو 
المحامي:هو مبقاش باغي يشوفك وخصوصا مني عرف بلي خروجك من هنا مستحيل داكشي علاش بغا حريتو باش يعيش حياتو 
انا هاد الهدرة نزلت عليا بحال التلج مبقيت عرفا مندير من غير هويت ستيلو ونهيت حياتي مع مجد خليتو وخرجت وانا صدمة هازاني لسماء كيفاش قدر يتخلا عليا اش درت ليه 
دخلت وانا محطمت ودموع فعيني خالتي زهور مالك ابنتي انا كنغوت هو تخلا عليا اخالتي هو خلاني فاسوء ظروفي عرفني غادي ندوز حياتي فالحبس ولاحني بحال الكلبة مكدبتيش فاش قالتي بلي الخيانة كتمشي لرجال فدم الحقير منسمحش ليه بقيت كنبكي ونغوت حتى طحت فالارض هزوني لفراشي وغسلو ليا وهي وغطوني باش نرتاح 
عند مجد لي مشا شرا شراب داه لدار وبقا كيشرب ولي جات قدامو كيهرسها ايدو كلها ولات دم 
الغد ليه فقت جات عندي سارة عرفت شنو طرا صبرتني شوية وقالت لياوبلي مغظاش تخلا عليا 
مجد مشا باش يتزوج بلاورة عطاتو الفيديو ديال سمير وتزوج بها بلا عرس بلا والو عطاه المحامي وكان بغي يكشي يقتل سمير مخلاهش قاليه غدا المحاكمة ديال رحاب نقدم دليل ويمشيو يشدوه وديك ساعة دير فيه ما بغيتي.
مشات سارة رجعت لقيت صداع وكلشي داير برحمة مشيت كنجري بانت ليا سخفانة شوية بدا لسانها كيرجع لور انا درت ليها الاسعافاش الاولية وجبظت ليها لسانها لاتموت فهاد المسائلكنبعد الكره تمام وكنخدم خدمتي من بعد جاو دوها المشفى يعطيوها دوا.........

جزء48
رجعو رحمة وهي عيانةوكتشوف فيا شوفات ديال ندم ولكن انا راه دارت غير واجبي المهني 
مجد تزوج بلاورة وجات سكنات معاها ولكن داها لدار لقديمة ديالو 
فقت اليوم وانا كا حقد عارفة راسي الى معطونيش غادي يعطيوني شي 30عام جاو داوني المحكمة دورت وجهي بانت ليا غير سارة ورجلها ونورة مجد مبانش ليه الاتار لا هو لا عائلتو 
خداو الاقوال ديالي شوية وهو ينوض المحامي جبد شي cd خدمو كلشي كيتسنت انا لا ميمكنش هادا سمير اش كيقول واش هو سباب القاضي خدا دليل وحكم عليا بالبراة مقدرتش نحبس دموعي كانو دموع الفرحة رجعوني باش نجمع حويجي 
زهور:فرحة ليك ابنتي الله يكمل عليك 
سمية:عنداك اختي تنساينا مني تخرجي 
زهور:راه مابقا ليك حتى نتي والو عندكم غير تنساوني انا 
عنقتهم انا معمرني نساكم والله يفككم على خير 
جات عندي رحمة وهي حنيا راسها الارض على سلمتك اختي 
انا:الله يسلمك 
رحمة:كنتمني تسمحي ليا على كلشي وكنشكرك بواف عاونتيني 
انا:المسامحة والله يطلق صراحك 
تفارقت معاهم بالبكا خرجت ولقيت سارة ورضوان كيتسناوني حدا الباب طلعوني ودوني لدارهم 
انا :ختي خاصني نمشي نهدر مع مجد 
سارة:رحاب نساي عليك مجد فمرة 
انا:لا خاصني نعرف علاش تفارق معايا بهاد سهولة 
سارة:قالت ليك نسايه
انا:علاش 
سارة:رحاب مجد تزوج
انا:اش كتقولي نتي 
سارة:معك بصحة هو تزوج بشي وحدة هو تخلا عليك فامس الحاجة 
انا حسيت بودني كتصفر مبقيت كنسمع والو كنشوف غير فمها كيتحرك دموع تحجرو فعيني مبقيتش قادا نبكي بقيت هكاك حتى طحت الارض بقيت مصدومة لمدة شهر حتال واحد نهار ..

جزء49
فقت على غير العادة لي ولفت غير سكات فقت ناشطة وحاسة بلي الحياة ممكن تعطيني حوايج حسن من لي خدات ليا المدير كان معايط لسارة قاليها باش نرطع الخدمتي اما سمير فا شدوه فداك نهار ه سبابي فهادشي كامل الكلب الاخر نضت دوشت لبست كسوة موف درت الكب ديالي هبطت نفطر وانا ضحك لعبت مع ولاد سارة شوية وهما كلشي مصدوم 
انا:بلما تبقاو ديرو فيا دوك شوفات راني مشي حمقيت راه حتا حاجة من دنيا متستاهل ندير هادشي فراسي 
سارة:عنقتني هكاك نبغيك اختي لي جاب ليك مجد يجيب غيرو 
انا:ماتبقيش تجبدي سميت داك الحقير مهم انا قررت نرجع لداري ونرجع لخدمتي 
سارة:احسن حاجة اختي واخا مسخيناش بيك 
قاديت اموري ودعتهم ووصلني رضوان لداري غير وصلت بانت ليا سيارة مجد حدا الباب هادا اش كيدير هنا 
رضوان:علر مسمعت هو ستقر هنا هو ومرتو
انا:باغي يعصبني والله لا كانت ليه انا غادا نوريه رحاب وحدا اخرا ياله بسلامة وشكرا بزاف خويا رضوان 
طلعت لدار الله شحال توحشتها بزاف جمعتها وقديتهاوطيبت عشايا كليت ونعست حلف نعاس لا جاني نضت كنطل من سرجم حتى كيبان ليا مجد هبط هو ولاورة ولكن هادي اش كدير هنا 
اه كيفاش مفكرتش فيها لاورة هي مرتو جديدة خلاوني دخلت الحبس وحياو الحب ديالهم فقت صباح كان الحد فقت على صوت تيليفون كيصوني كانت نورة
انا:صباح الخير 
نورة:صباح نور حبيبتي 
انا:كيف دايرة
نورة:لباس حمد الله مهم عيطت ليك غير باش نقوليك بلي غدا ديرين حافلة على قبلك ورجوعك الخدمة 
انا:اوك انشاء الله 
نضت لبست حوايجي هزيت سيارتي ومشيت لمول نتقدا شوية اش نقصني خديت شوية الحويج وشي ميكاب كان نقصني
رجعت لدار بانت ليا لاورة خارجة وجايا جيهتي 
انا:اش بغيتي 
لاورة:اش هاد صواب راه حنا جيران زعما
انا:اللهيخليها جورة احبيبة ياله مضيعش ليا وقتي بسلامة ضربت فيها وزدت طلعت حابسة دموع بزز الغد ليه فقت دوشت لبست وقاديت صوبت شعري جيت توتة خرجت هويت سيارتي واتجهت الخدمة 

جزء50
دخلت سلمت عليهم مشيت الخدمتي لبست حويجي ومشيت نشوف اش ندير سلينا الخدمة وعيطو ليا على قبل الحفل دخلت القاعة كانو موجدين ليا حفلة زوينة كلشي مرتب وكلشي كيبارك ليا على البرءة ديالي مجد جا وديك لاورة لاصقة فيه شادا فيه انا كنبين راسي فرحانة غير بزز دازت الحفلة ومجد باين كيتفدني بنضراتو خرج فنص ديال الحفلة وتبعتو ديك الكنيشة 
ساليت ورجعت لدار فليل لبست واحد الكسوة مقزبة ودرت مكياج سمومي وتسنيت حتى بان ليا مجد وانا نهبط كنتعوج شافني حلوفمو 
مجد فخاطرو هادي فين غادا بهاد الحالة اش كتحاول دير 
ركبت مخليا من ورايا غير ريح مجد ياله كان غادي يتبعني وهي تشدو لاورة فين غادي مجد :طلقي مني اش بغيتي 
هي:فين غادي لاش تبعها 
مجد:نتي سوقك طلقي مني ياكما تيقتي راسك راك مرتي بصح دفعها وركب فسيلرتو تبعها ولكن مبان ليها الاثار 
انا مشيت لجنب البحر ووقفت كنبكي انا مزال فقلبي كنبغيه ولكن خاصني نكرهو انا تعدبت بزاف
فحياتي وفاش لقيت حضن الامان حتا هو تخلا عليا دازو ايام وليت كنمشي ديما عند ختي شهرزاد علاقتي تحسنات مع مرة با ولات هيا لي مسندني وعرفتني باقا كنبغي مجد داكشي علاش قررت تعاوني باش نادبو ونرجعو ليا كنا فالخدمة كلشي خدام حتى جا المدير قالينا بلي شي صاحبو مدير مستشفى فكنظا دار حادت وانا ومجد لي خاصنا نتكلفو دخلنا وجدنا العملية ومجد مهبطتش عينو عليا انا داخلا ومتوتر حيت هو بالقرب مني دخلنا المريض وبدينا فالعملية انا وياه بدينا كنتعونو وحد يكمل الاخر حسيت براسي بحال لي كنا شحال هادي ...

جزء51
سالينا العملية لي نجحات وخرجنا كنغسلو فايدينا وكل واخد فينا ساكت 
انا:مبروك زواج فصراحة جات معاك لاورة حيت بزوجكم من نفس نوع 
مجد:حط داكشي لي فايدو ودار شاف فيا وكمل غسيلو 
انا:معرفتي متقول اسي مجد ولا حب لاورة خلاك بلا لسان 
دار شدني من كتافي رحاب صافي باركة من هاد الهدرة نتي راك معرفة والو 
انا:اوووه اش بغيتي نعرف الغدر ديالك ولا الخيانة 
ديالك الكلب 
زاير ليا على ايدي رحاب اش هاد الهدرة انا راه كانت عندي ظروفي 
انا:ان ظروف تخليك تخلا عليا وانا فديك الحالة 
مجد:رحاب انا منقدر نقول ليك والو وخشا وجهو فعونقي كيشم فريحتي شوية قرب لفمي وانا نهز ايدي حتال السما عطيتها ليه بتصرفيقة حتا دار 
انا:معمرك تحاول تقرب مني الحيوان سير عند مرتك انا مشي ق....باش طلقني وتقصني فهمتي 
هو بقا كيشوف فيا بعينيه عامرين غضب دفعني وخرج
الحمار الاخر بغي تكون عندو مرة وصاحبة مكيحشمش رجعت كملت خدمتي جات عندي خالتي شيماء تغديت انا وياها ووصتني انني من تخلاش على مجد 
انا :ولكن اخالتي هو راه مزوج 
هي:شوفي بنتي مديريش نفس الخطاء لي دارو وليديك هما كانو كيبغيو بعضيتهم وتفارقو وحنا معرفينش ظروف لي خلات مجد تزوج بها 
انا:هو راه كان كيبغيها من شحال هادي
شيماء:كون كيبغيها ابنتي كعما يتزوج بيك نتي وكنضن نتي عارفة شحال كان كيبغيك 
انا:معرفتش اش ندير انا بغا ندمو على هاد شي لي دار فيا 
شيماء:مكينش ماحسن من الغيرة مجد خاصة يولي يغير عليك كتر وكتر وديك ساعة نار الغيرة غادا تبين ليك حبو ليك 
انا:ااوووف واللهم معرفت 
شيماء :غادا تعرفي وانا عندي ولد صاحبتي غادا نطلبو يمثل معك دور كيبغيك ولا غادي يخطبك وديك ساعة نشوفو سيهم مجد اش غادي يدير 
انا:وي عندك الحق 😈😈😈
ليوم فقت ناشطة مشيت الخدمة شفت المريض لي من طرف المدير عتنيت بيه مزيان حتى مشى بحالو من بعد اسبوع عيط ليا المدير دخلت وانا نلقا مجد 
المدير:سي نيكولاس لي درتو ليه العملية دداير حفل فالمستشفى ديالو وقالي نقولها ليكم باش تمشيو ويشكركم على الرعاية لي عطيتوه

جزء52
خدينا 3ايام من الخدمة ومشينا الكندا ولكن هاد المرة مبركتش حدا مجد خليتو يدبر راسو باش يعرف بقيمتي وصلنا مجد :رحاب الى بغيتي تقادي تمشي معايا لدار صاحبي هي راه قريبة المستشفى 
انا:كتحلم واقيلة 
مجد:حنا راه زملاء فالخدمة اولا 
انا:منمشي معاك متمشي معايا خليتو وخرجت شديت طاكسي الاوطيل وصلت عيانة دخلت دوشت ونعست نرتاح مفقت حتال الصباح اووه اليوم الحفلة وانا مافي لي نوض حتى من بلاصتي حاسة براسي عيانة اربي نضت غير بزز دوشت وهبطت فطرت لبست حويجي وخرجت ندور شوية من نهار مشيت من كندا ما رجعت ليها زرت كاع لبلايص لي كنعرف تغديت فواحد المطعم كان عزيز عليا فاش كنت هنا شوية كنسمع شي حد كيعيط بسميتي درت وانا نلقاه جون انا:وااااو جون توحشتك وعنقتو
جون:اه من نهار مشيت ماسولتي فيا بحال عمرنا كنا اصدقاء 
انا:لا متقولش بحال هاكا راه غير مشات ليا نمرة ديالك ومالك نتا مسولتي فيا 
جون:انا راه مشي غير مشات ليا راه كانت تحرقات لينا دار 
انا😮اش طرا 
جون:الحمد الله متادا حتى حد 
انا:الحمدالله ايو جلس تغدا معايا وعود ليا اش درتي 
جلس جون وتغدينا مجموعين بضحك وتفكرنا ايام زمان وايام القرايا وعرفت منو بلي ولا طبيب فنفس المستشفى لي معروضين الحفلة ديالهم ودرنا نتلاقو حدا الاوطيل باش نمشيو بزوج رجعت باش نقاد راسي دخلت دوشت لبست واحد لاغوب فالكحل طويلة من اللور ومفتوحة من جيهت الكرش درت مكب سموكي ولليلونتي غري شعري طلقتو لبست صباط فلون البوشيط رشيت عطري وهبطت جيت بحال شي اميرة لقيت جون حدا الباب جون:وااااو اش هادشي جيتي زوينة بزاف ارحاب 
انا:شكرا حتى نتا جيتي زوين 
جون حل ليا الباب ديال سيارتو واتجهنا لمكان الحف كانتدنيا عامرة بزااف مشيت انا وجون نسلمو على مسيو نيكولاس لقيناه واقف مع مجد 
لي كان غاظي يكولني بعينيه سلمت عليهم وشديت فايد جون ومشينا بقيت حديا مجد بنص عيني كان غادي يكولني باينا تعصب بزاف جون مشا هز كاس شراب وقالي واش بغيتي قالت ليه لاولكن هو بزز عليا قال ليا غير دوقي ياربي تسمح ليا هههه شديت دام الكاس غير باش نزيد نعصب مجد غير شافني تم جاي جيهت خدا ليا الكاس من ايدي نتي واش حمقيتي فين عمرك شربتي باش ديرهادابا

جزء53
وقف حدا البوفي وبدا كاس من ورا كاس انا غير شفتو هكاك بغيت نزيد نعصبو زدت كاس اخر حتى بدا يجيني بنين ولفتو 
جون:رحاب باركة عليك راك غادا تسكري 
انا:اممم غير خليني راه زوين واووحتا نت زوين بديت كنقرب منو لوجهو واو فمك شحال زوين حسن من داك مجيد الخيب غدا وكنقرب وجون مسكين كيبعد عليا مبغاش يحطني فموقف خيب 
مجد غير شافها كتقرب وهو يجي ليها 
دورها زاش متي يصحبليك معندك راجل 
انا:لا معنديش اجي شكون نتا 
مجد:عمك انا
انا:واوعمي جيتي وبديت كنسلم عليه وجريت ياله اجون بسلامة عمي جا يديني تمينا غادين وهو يوقفني 
مجد:رحاب علاش كديري هاكا 
انا:ها ها تش كندير 
مجد:واش كتبغي تعصبيني
انا:لا اعمي مباغش نعصبك نتا قربت ليه حدا ودنيه انا راه بغا نعصب داك مجيد حيت هو لي خلاني عنداك تقولها ليه 
مجد:ولكن اش دار ليك مسكين
انا:هو راه خيب وخيب بزاف خلاني وتزوج
مجد:تفو على حمار حتى توريه ليا نسلخ والديه واش كين شي حد كيخلي هاد زين 
انا:ههههههه شكرا شكرا حتا نتا زوين حسن منو
مجد:عارف راسي زوين ولكن معرفتش علاش رحاب مكتبغينيش 
انا:لا لا كنبغيك عرفتي علاش 
مجد:علاش 
انا:حيت كتشبه المجد 
مجد:حتى انا مجد
انا:واو صدفة زوينة نت مجد وانا رحاب
مجد:متشرفين 
انا:عرفتي فمك زوين بزاف حسن من هداك لي كنت واقف معاها اجي معاي اجي 
سكيرية ديال رحاب ههه جرت مجد ومشاو ورا الحفلة تحت واحد شجرة 
مجد:واش نتي بغا تخطفيني 
انا:هيهيهيه اه حيت عجبتيني وانا نتلاح ليه على فمو بدينا فالبوسان وهو كيحط ايدو على كل بلاصة فجسمي 
شوية جرنيوتمينا غادين واحد المسافة قصيرة دخلنا لواحد دار

جزء54
انا:اش كنديرو هنا
مجد:رحاب انا كنبغيك بزاف كنترجاك سامحيني 
انا:حتى انا كنبغيك ولكن مغداش نسامحك نتا ممزيان نت خايب ولكن غير بوساتك لي زوينين 
مجد:هاد المرة هو لي جرني وبدينا عوتاني محسينا براسنا حتا دخلنا البيت بديت كنحل ليه فصديف شميز حتى مبقينا لابسين والو لحتو فوق سرير وطلعت فوقو كنبوس فيه فوجهو وفعنقو مجدهاج ديال بصح وهو يقلبني انا لتحت وبدينا كنمارسو دازت ليلا واعرا بجميع المقايس مخلينا مدرنا فيه محسيتش حتى نعست فوق صدرو فقت فصباح راسي دارني بزاف معاقلة على والو ولكن انا اش كندير هنا ويلي مجد تش كيدير هنا لقيت راسي عريانة وحتى هوا 
بديت كنضرب فيه الحمار اش درتي ليا 
مجد فاق هلى صوت رحاب كنبكي وكتغوت وراسي دارني اش واقع مالك 
انا:دوي اش درتي ليا الكلب حيوان مكتسواش
مجد:مدرت ليك والو كيفاش جينا هنا اصلا 
انا غير كنبكي اش هادشي درت ياربي نضت لبست حويجي وخرجت شديت طاكسي لاوطيل دخلت نيشان لدوش طلقت عليا الماء وانا كنحاول نتفكر اش طراوالبارح بقيت كنعصر فدماغي تفكرت شوية اويلي على شراب البارح درت كاع انواع الحرام ياربي تسمح ليا تفكرت شوية اش وقع بيني وبين مجد 😯😯😯مايمكنش انا درت داكشي كامل لبارح صافي بلمانزيد نتفكر كنحس براسي درت اكبر دنب فحياتي اووف نضت لبست حوايجي عيط ليا جون قالوليا بلي كيتسناني التحت هبطت فطرت انا وياه 
جون:شكون داك شاب ديال البارح
انا:هادا طليقي
جون:باينا كتبغيه بزاف غير عاودي ليا راه عينيك فضحينك 
انا:اوك اوك عاودت ليه علينا 
جون:اول مرة كنسمع على بحال هاد الحب وخصوصا بين اطباء وااو قصتكم زوينة ولكن معجبنيش طلاقكم نتوما خصمم ترجعو 
انا:مكرهتش 
جون :ايوا حاولي وصاافي 
دوزت نهار انا وجون من بعد وصلني المطار لقيت مجد تم شاف فيا وطلع لطيارة وصلت مشيت لدار
رتاحيت من بعد مشيت نشوف ختي شهرازاد وعيطت لسارة سولت فيها .

جزء55
كنت كنطل فالعشية بانت ليا لاورة مع مجد غادا شادا ليه فايدو بان ليا غير كنخوي الماء فرملة وقيلة مجد فعلا كيبغي رحاب راسي غادي يتفرقع نوض نعس حسن .
ياله غادا نعس وانا نسمع دقان نضت حليت الباب لقيت خالتي شيماء ومعاها واحد شاب وسيم 
دخلو مرحبا وجدت ليهم اتاي وجلسنا 
شيماء:هادا هو دري لي قالت ليك عليه سميتو فهد 
انا:متشرفين فهد وشكرا حيت بغيتي تعاونا 
فهد:والو راه خالتي شيماء عزيزة وميمكنش نرفض ليها شي طلب حيت هي عزيزة عليا بزاف
شيماء:بالمناسبة فهد راه خاطب 
انا:ولكن عنداك نتسبو ليهم فشي مشكيل 
فهد:لا اختي مكاين حتى شي مشكيل خطيبتي معايشاش فالمفرب كنقرا على برا وخا تسيق الخبار هي متفاهما
انا:اوك هاكا مزيان مشاو هما ونضت انا نعس
عند مجد لي خارج هو ولاورة 
مجد:انا خرجت معاك باش نهدرو فواحد الموضوع
لاورة:وشنو هو هاد الموضوع
مجد:انا باغي نطلق منك 
لاورة:ههههه ضحكتيني حنا ياله تزوجنا بغي طلقني 
مجد:لاورة نتي عارفني مكنبغيكش ومن نهار تزوجنا محسيت من جيهتك بوالو 
لاورة:انا مغداش نطلقك منك 
مجد:لا انا غتدي نطلقك 
لاورة:بنتي ليا ساخي بزاف برحاب 
مجد:نتي اش كتعني بهدرتك 
لاورة:واش بغيتيني نكمل داكشي لي بدا سمير راك عارفني اش نقدر ندير
مجد:لا نتي متقدري ديري والو 
لاورة:لا انا راه نقدر والى بغيتي نوريك راه نوريك 
مجد شدها من وجهها والله وتقيسيها حتى نوريك
الكلبة 
لاورة:غير حاول طلقني وشوف اشنو غادي يطرا اسي مجد 
خلاها تما ورجع لدار بغي غير كيفاش يتهنا من هاد لصقة ...

جزء56
فقت فصباح وانا خاطري مروع عليا مشيت نيشان الحمام كنستفرغ اووف صبحت عيانة مافيا لي يمشي عيطت ليهم فالخدمة علمت بلي مغداش نجي حيت مريضة بقيت متكيا غير فبلاصتي شاد فيلم نضت طيبت الغدا ولكن مقديتش ناكل معجبتنيش ريحتو مشيت عند خالتي شيماء لدار منها نيت نشوف ختي شهرزاد دخلت لقيتهم عاد كيتغداو اممممم ديرين الحوت مشيت كنجري لحت صاكي وبديت نخشي فوجهي حتى شبعت عاد سلمت عليهم 
شيماء:مالكي ابنتي كانو رابطينك 
شهرزاد:هههه هادشي لي بان ليا 
انا:راه متغديتش فدار حطيتو ومعجبتنيش ريحتو 
شيماء:مالكي مريضة ابنتي 
انا :شوية صبحت عيانة مامشيتش الخدمة
شهرزاد:تبارك الله مريضة وكتاكلي هاكا هههههه 
ضربتها لراسها بسم الله عليا حضيني انا ههه
شيماء:بصحتك ابنتي ياكما تبغي تزيديك 
انا شفت شوفا ديال البراءة كي لقطيطة وقالت ليها اه عيطات على الخدامة و جاب الحوت عاوتني هاد المرة طاحت فيه كتر من اللول هما مفهمو والو غير كيشوفو سالينا الغدا خرجنا جلسنا حدا لبيسين كنشربو قهوة شوية تفكرت مجد الله شحال توحشتو 
انا:خالتي مجد ياك ولد خوك 
شيماء بتعجب :وي وراك عارفة 
انا:ايو مني هكاك عيطي ليه يجي 
شيماء:واش متاكدة بغيتيه يجي 
انا:اه اه 
عيطات ليه قال ليها غير يسالي الخدمة يدوز عندها بقينا باركين حتى بان ليا مجد داخل نضت كنجري عندو عنقتو وبقيت كنشم فريحتو مجد تصدم من رحاب حط ايدو ورا ظهرا 
انا كنطلع نفس ونهبطها فعنقو مجد ريحتك زوينة بزاف 
مجد:حتى نتي زوينة 
انا بقيت هكاك حتى تفكرت اش طاري وانا نبعد عليه رجعت لبلاصتي شيماء مفهمت والو اش طاري بقا معانا مجد وانا عيني حلفت الى نزلت عيني عليه معرفتش علاش ولا كيبان ليا زوين بزاف وريحتو هبلتني 
شوية بدا كيصوني ليه تيليفون 
مجد:الو لاورة انا جاي صافي قالت ليك انا جاي وقطع 
انا عيني غرغرو بزاف من هدار معاها نضت الحمام بديت نبكي تبعتني شيماء:رحاب مالك 
انا:هيئ هييئ هئ معرفتش مالي مني هدار معاها حسيت بواحد الغيرة محسيتش بيها حتى مني كنشوفو معاها 
شيماء :رحاب حالتك معجبتنيش اليوم كليت الحوت بزاف جا مجد عنقتيه ومحدرتيش عينك عليه ودابا دموع عندك تكوني حاملة.

جزء57
انا:😲😲😲 كيفاش حاملة ولكن منين غادا نحمل وانا مطلقة ،شوية وانا نتفكر ليلة كندا اويلي علا حاملة هادشي لي كان نقصني 
شيماء:خصاك ضروري ديري الفحص 
انا:ولا كنت حاملة اش غادي يطرا 
شيماء:نقولها المجد باش ترجعو بزوج 
انا:ولكن انا صافي مبقيتش بغا نرجع ليه 
شيماء:كون شفتي راسك كيفاش كنتي قبيلة كون مقالتيش هاد الهدرة سلمت عليها ورجعت لداري مبغيتش نشوف مجد لاندير شي شوهة عاوتني
رجعت وانا غير كنفكر واش بصح نقدر نكون حاملة ياربي ميوقعش هادشي ولدي غادي يانبني مني ميعرف باباه فقت فصباح بكري مشيت الصيدلية خديت الاختبار رجعت لدار درتو وانا كنتسنا ياربي منكونش حاملة شوية لقيت زوج خطوطة 😠😤الله اربي حاملة طحت الارض كنبكي على زهري ومكتوبي اش هادشي طرا انا ميمكنش نعيش ولدي بلا اب انا دزت من هاد المرحلة منقدرش ندوزو فيها بقيت غير كنبكي 
دخلت دوشت ولبست حويجي ومشيت الخدمةبان ليا مجد كيدور على المرضى مقديتش نقاوم مشيت كنتسلت من ورا ظهرو كنشم ريحتو حتى دار حصلني
مجد:رحاب اش كديري هنا 
انا كنتفتف:بغيت غير نقوليك راك نسيتي مركبتي سيروم لداك المريض دار يشوف لقا سيروم معلق رجع يشوف فيا لقاني طرت من حداه اوف ديما غادا نبقى هاكا عيت من هاد الحالة مشيت نتغدا شافتني لاورة وهي تلصق فيه سمحت فالغدا وتميت غادا كنجري دزت من حدا مكتب مجد وانا ندخل ياربي نلقا ريحتو هنا بقيت كنقلب كنقلب حتى لقيتها فواحد المجر ياله غادا نخرج وخو يتحلوالباب 
لاورة:اش كديري نتي هنا 
انا:انا انا ونتي مالك 
تم جي مجد من وراها:رحاب اش كدير هنا 
لاورة:علم الله اش جات سرقت ليك شوف كيف كترعد باينة دارت شي زبلة انا بديت نبكي مجد انا مدرت والو والله انا انا مجد جا كيمسح ليا دموع شو واخا تكوني ايا تسرقي مشي مشكيل غير متبكيش اش هدشي من ورا ايديك 
انا:هادي غير ريحتك كنت دايزا من هنا وسخفت دخلت بغيت نشمها 
مجد:اوك صافي خوديها المكتب ديالك بلما تبكي عفاك انا مسحت دموعي وخنونتي وخرجت خنزرت فديك الكلبة وزدت تفو شحال وليت بكايا فهاد الحمل...

جزء58
مشيت المتب ديال وانا دايرة ضحكت شر اوووف واخيرا جبت ريحت مجد دابا معندي لاش نبقى تابعاه رشيت شوية فايدي وشميتها ساليت الخدمة ورجعت لدار عيطت لخالتي شيماء عاودت ليها اش كين فالعشية درت معاها تصيفط ليا فهد باش نخرج معاها 
قديت حالتي مزيان جا فهد هبطت عندو ركبت معاه ومجد كان ياله خارج شافني جميع الالوان دازو فيه ركبنا واتجهنا لواحد الكافي دخلنا وهو كيعاود ليا على خطيبتو وعلى المغامرات لي دوزو شوية وهو يبان ليا مجد داخل
انا:هادا اش جاي يدير هنا 
فهد:باينا تبعنا هههه
انا:هههه نيت هادشي لي بغينا ياله حط شد ليا فايدي 
فهد:واش متاكدة
انا:وي وي حنا راه خاصنا نعصبوه شد ليا فايدي وحنا كنضحكو 
مجد:مقابل معانا ومفهان والو كيفاش رحاب تقدر تنساه وتبدلو 
بقيت كنضحكو حتى ةقف علينا 
مجد:دكتورة رحاب صافا 
انا:اوبس مجد اش كادير هنا 
مجد:كنت هنا حتى بنتي ليا 
انا:اه انا مشفتكش😆
مجد:مغديش تعرفيني بصديقك 
انا:لا هادا ماشي صديق هادا غادي يكون راجلي مستقبلا مجد بلع ريق غير بزز وسلم عليه زير ليه على ايديه كان غادي يهرسها ليه ههه
مجد بكل برودة:اه ايو مبروك الله يكمل بالخير 
نقدر نبرك معاكم 
انا:لا لقيتينا غادين نبدلو هاد للبلاصة حيت معجبتش حبيبو فهد
زدنا وخليناه
مجد:😬قالت ليك حبيبو والله لا كانت ليك ارحاب نتي لا بغا تنسيني انا مغديش نخليك 
مشيت انا و فهظ وصلني وهو مشا صارحة دري ظريف 
مجد:مشا معصب من بعد مشاف رحاب معاه داز شهر وانا كل مرة ولا كيوصلني فهد وفيما يشوفنا مجد كنتشادو ولا كنعقو غير باش نفقصو وزاد تازم فاش قالت ليه تخطبنا انا الوحم سالا معايا من جيهتو كنبغي غير نبقا نشوف فيه خالتي ديما كتقولليا بلي مجد خاصو يعرف وانا مقصحة راسي بغيتو حتى يتفرق من ديك العوجة ونتاكد من حبو جيهتي عاد نقولها ليه 

جزء59
داك نهار كنا فالخدمة ومجد دخل الوحد العملية ودخلات معاه لاورة من بعد دار المدير اجتماع باش يشهد بالكفاة ديال مجد كلشي تجمع وناض مجد كيلقي فالكلمة ديالو مني سال قال بلي كيشكر زوجة ديالو لاورة على دعمها ليه وباس ليها ايديها لاورة تصدمت من مجد انا غير سمعت هاد الهدرة حسيت بقلبي تقبط يعني كاع هادشي لي كندير مشا فرملة مني قال بحال هكاك خرجت من القاعة وانا مقداش نتنفس دخلت المكتب ديال وبديت نبكي شوية تحل الباب وكان مجد :اووه رحاب مالكي كتبكي غادي يشوفك حبيبك فهد ويتقلق
انا:خرج برا وسد الباب
مجد:نو نو دكتورة ماشي بهاد سهولة حتى تقولي ليا علاش كتبكي
انا:ماشي سوقك فيا نبكي ولا نموت كاع نت مالك 
مجد:واش كتبكي حيت غرتي من لاورة
انا:😵اش كتقول علاش غادي نغير منها 
مجد قرب ليا حيت نتي كتبغيني انا وكتغيري عليا انا وهادا نعت جيهت قلبي فيه غير انا واش فهمتي نتي علاش كتبكي 
انا بتهرب :انا مكنبغيكش وزيدون انا قربت نتزوج
مجد:رحاب انا متاكد من داكشي لي قلت شوفي انا غادي نسولك وغدا تكون اخير مرة واش مزال كتبغيني وكيشوف ليا فعيني 
انا صافي دبت بقيت غير كنشوف ليه فعينيه معرفت منقول 
مجد:جوبيني
انا :علاش بغي تعرف 
مجد:باش الى كنتي كتبغيني غادي نخلي كلشي ونحرب على قبل هاد الحب 
انا:اححححح اقلبي فرحتني هاد الهدرة ولكن بغيت نبقى دافع كبير لا مكنبغيكش اسيدي 
مجد:اوك انا غادي ندير نتيقال لشي بلاصة لي معمرك غادي تشوفيني فيها وتم غادي 
انا:ناري دارها بصح مجد تسنا 
مجد:اشنو بغيتي مزال نتي خيبني دني فيك 
انا:فصراحة انا انا انا
مجد:نتي مالكي 
انا:وحتا تقولي ليا نتا اللول 
مجد:انا كنبغيك بزااااف كتر نن لي كتصوري
انا:حتى انا بزاف او لاورة 
مجد:مالكي كتخسري لحظات زوينة لاورة كيف تزوجتها غادي نطلقها ونتي وداك نونوس ديالك 
انا:حشومة عليك فهد ظريف 
مجد :ربع ايديه ياك الالة كتشكريه قدامي
انا:راه فهد غير صديق ديالي مابيني وبينو والو 
مجد:ايو مفهمتش غلاش درتي طب كون دراي تمتيل تمشي بعيد هههه 
قرب ليا مجد ودخلنا فقبلة طويلة كلها شوق وحب 
مجد:امتى نتزوج باش ندخلو فالمعقول 
انا:هههه زربان 
مجد:وايلي غير هو غادي نتزوج بيك بشرط واحد 
انا:هاي هاي شروط وشنوهو 
مجد:تكوني كل ليلية بحال ليلية ديال كندا 
انا حماريت حشمني مشا خرج وغمزني

جزء60
ممتيقاش بلي انا ومجد صافي رجعنا بهاد سهولة عيطت لخالتي شيماء عاودت ليها فرحت ليا بزاف 
ولينا انا ومجد كنخرجو بحال ايام المراهقة 
انا:مجد صافي عيت من هاد الخوف كامل واش مغديش طلق من اللورة خلاص 
مجد:غير يجي الوقت المناسب غادي نطلقها 
انا:امتى غادي يجي راه مليت
مجد:اليوم غادي نهدر معاها احبيبةمتخافيش وصلت مجد بسيارتي حدا دار متسوقناش واش غادي تشوفنا لاورة
طلع مجد لدار ونسى تيليفون بقيت متردا واش نلحقو ليه شوية بدات كتصوني ماماه ةانا نطلع اصلان غادي يكون هدار مع لاورة
مجد غير طلع لدار لقا لاورة واقف ليه فطريق لابسة واحد شميز دونوي بغيت نقول ملابسة والو
جات ردات الباب وجرت مجد 
لاورة:حبيبي توحشتك حشومة عليك من نهار تزوجنا مدرنا والو منبقاش فيك مجد :اش كتخربقي نتي حيدي بعدي مني 
لاورة تلاحت ليه على فمو كتبوس فهاد اللحظة وصلت رحاب حلت الباب مجد سمع تيليفون كيصوني دار لقا رحاب تصدم
رحاب طيحت تيليفون من ايديها بهول الصدمة وهبطت كتجري مجد دفع لاورة وتبعها ركبت سيارتها ومشات مجد عيا ميقلب عليها ملقهاش تسنا حتى يشوفها فالخدمة ويهدر معاها الغد ليه مامشاتش الخدمة عيطت الفهد تلاقت معاه كان فالقهوة حتى حست براسها فيها دوخة حيت هملت راسها وهي حاملة 
ناض فهد وصلها مجد كان ياله جاي من الخدمة وهو يتبعهم شوية فهد هز رحاب وتمو طلعين فدروج مجد شافها تصدم او هادي اش كدير طلع فهد لدار مني دخلو قاليها غير رتاحي انا غادي نظخلك حتال لغرفتك مجد لقا الباب محلول دخل لقاهم دخلو لبيت نعاس فهم كلشي غلاط غوت باحر من جهدو ررررررححححاب
فهد بقوة الخلعة كان غادي يطيحني خخخخخ
حطني وتم جاي جيهتي عطني واحد تصرفيقة شفت نجوم وجرني من ايدي فهد طلق من البنت راه مريضة 
مجد:نتا داروك طبيب ديالها عطاه كرشي نشرو وهبطني دخلني فسيارتو ومشا بيا 
انا:اش كتحول دير راك فاهم كلشي غلاط انا راه ماشي مسخ بحالك 
مجد:نتي لي اش كتحولي ديري واش بغا ترودي ليا صرف انا الي درتها جات معايا اما نتي لدرتيها فراك غير ق......
انا:اش هاد الهدرة كتقول 
مجد:هيا ليوخصك تسمعي ..

جزء61
مشينا طريق طويلة حتى وصلنا لدارنا القديمة 
انا:اش كنديرو هنا 
مجد:هبطي وسكوتي
انا معودتش ابهدرة هبطت وسكت هبط هو غلظي ةانا تابعها حتى دخلنا مجد:ياله قولي ليا اش بينك وبين داك المنيكة ديال فهد
انا:بغيت نعصبو زعمة وانا نقوليه كنبغيه 
مجد فقد اعصابو وبقا كيضرب فيا شدني من عنقي وكيصرفق فيا ياك للغدارة دوي انا كلشي درتو على قبلك ونتي خدامة ليا فالحب والغرام ياك كنتي كتبغيني لاش تقلبتي ولا نتي تبعا غير .... دفعني حتى طحت انا :اييييييي توعت فكرشي اي ولدي ولدي قتلتي ليا ولدي 
مجد:اشمن ولد واش نتي حاملة 
انا:مكنجوبوش غير كنتوعت 
هو مخلا حتى حاجة صحيحة فدار كلشي هرسو لا مزيان هادشي لي بقا غير تحملي من داك شماتة بدا كيدوز ليا دم من تحتي مجد شافني تخلع هزني داني المستشفى دخلوني فحصوني الحمدالله ولدي بخير خرجو ليا دوا ولكن مني خرجت ملقيتش داك الوحش ديال مجد 
مشيت لدار شربت دوا ونعست عند مجد لي مني عرف رحاب حاملة قرر يخوي ليها المنطقة باش تعيش حياتها ويحاول ينساها حتى هو بلما تعرفو فين مشا وداكشي لي كان مجد بات مصبح خدا كونجي طويل وغبر ليه الاتار
داز اسبوع مبقيتش شفت مجد مني مشيت سولت عليه قالو ليا بلي راه خدا كونجي عيطت على منال قالت ليا بلي جا غير سلم عليهم ومعرفوهش فين مشا انا طاح عليا ضيم عيطت مشيت شفت سارة وعودت ليها اش كين قالت ليا بلي غلطت كان عليا نعود ليه اش كين من اللول رجعت والايام كدوز ولا خبار على مجد مبقيتش عرفت منين نوصل ليه كنت جالسة فالمكتب كندوز المرضا حتى دخلت عندي لاورة كيف العجاجة 
لاورة:حقيرة اليوم نقتلك وشنقت عليا
انا دفعتها اش كدير نتي واش حمقيتي 
لاورة:اه حمقيت ونتما سباب 
انا:مالنا اش وقع جايا مهجمع عليا
لاورة:نتي سباب حتى مجد طلقني 
انا بصدمة :كيفاش طلقك
لاورة:اه هو منشحال هادي وهو غابر وفالخر مصيفط ليا براتي 
انا:مفخباري والو على هادشي وانا معارفا على مجد والو من نهار غبر 
لاورة:كدابة
انا:بغيتي تيقي تيقي انا منبقاش نحلف ليك ودابا خرجي راني خدامة 
لاورة عرفت من خلال هدرت رحاب بلي هيا معارفة والو فعلا خرجت وخلاتها
انا فخاطري هو طلاق لاورة يكما دبر عوتاني على شي وحدة اخر اوووف عيت بتفكير جبدت ريحتو وبقيت كنشم فيها الله شحال توحشتو بزاف مكراهتش نشوفو ونعود ليه بلي هادا لي فكرشي راه ولدو وانا معمرني ما خنتو

جزء62
خالتي شيماء دايرة كل ما فجهدها على ود باش تعرف ليا مجد فين ولكن والو كيحاولو يخبيو مكانو 
عند مجد لي عيطت ليه ماماه هي الوحيدة لي عرفاه فين كين قالت ليه بلي رحاب قالبة دنيا بتقلاب عليه ولكن هو وساها متقولش ليها مكانو صافي مبقاش باغي يشوف وجها من بعد داكشي لي طرا مجد فخاطرو هادي لاش كتقلب عليا بغا نزيد تجرحني انا بعدت عليها وهي بغني نشهد على حبها وزوجها ولادها من داك شماتة هادي هي لي عمرها تكون ليها حقيرة كرهتها ديال بصح تفو كون بقينا مزوجين كون هداك الولد ولدي وحنا اسعد ناس فدنيا ولكن هي ختارت العكس صافي خاصني ننساها
ايام تمشي وايام تجي وانا معدبة مع الحمالة وكرشي بدات كتبان وهدرت ناس بدات كتكتر عليا مبقيت عارفة منقول وليت كنسمع الهدرة حدا ودني شوفي كيعازا ولد الحرام فكرشها و فرحانة بيه باقي عندها الوجه تجي الخدمة لاورة دارت نتيقال رجعت منين جات خصوصا فاش عرفتنا صافي تفرقنا بمرة ولكن قبلما تمشي جات عندي وانبت ليا ضميري 
لاورة:صارحة ارحاب نتي احقر مرة شافت عيني 
انا:جمعي فمك حسن ليك 
لاورة:حيت كون مكنتيش هاكا كاعما تسمحي فمجد حيت بغاك من قلبو 
انا:اش عرفك نتي 
لاورة :انا فرحانة حيت مجدمشى وخلاك 
انا بقيت ساكتة 
لاورة كملت هدرتها:واش عرفتي مجد علاش طلق منك حيت كان هداك هو تمن خروجك من الحبس حيت انا لي عونتو ولكن بشرط يطلقك
انا غير كنسمع ومصدومة من هدرتها 
هي هو قرر يسمح فيك وميخليكش دوزي حياتك فالحبس وكل مرة كيبغي يطلقني كنهدو بيك هو صبر على قبلك ولكن نتي اش درتي نتي مشيتي حملتي من زنقة ودرتي علاقات غير شرعية 
انا عطيتها تصرفيقة حتى دارت هادي باش تعلمي تهدري مع لالياتك الحمارة خرجت وخليتها كتحك فيها من بعد مشات فحالها المطار انا مشيت كنطير عند خالتي شيماء باش تمشي معايا لدار مجد
مشينا لقينا غير ختو وخالتي فاطمة سلمت عليهم وهما غير كيشوفو فكرشي 
شيماء:فاطمة الى كنتي عارفة بلاصت مجدعفاك قوليها لينا راه رحاب خاصها تعرف ضروري 
انا:عفاك اخالتي راه لي فكرشي من مجد 
فاطمة قلبت لينا الوجه الاخر:ياك نتي غير ظوري وحملي من زناقي ةجي سبيها فولدي نوضي قلي ليك على باه وحنا معارفينش بلاصة مجد متحاوليش تجي تسوليني ارحاب انا سمعت ديك الهدرة خرجت كنجري 
شيماء:حشومة عليك نتي رتاكبتي خطا كبير بزاف دابا ضلمتي هاد درية مسكينة والله وخرجت تبعتني لقاتني كنبكي بحرقة دارت بيا دنيا كلشي تجمع عليا...

جزء63
من بعد هادشي كامل قررت نعيش حياتي بشكل طبيعي ونتسنا ولدي ونربيه ولي بغا يقول شي حاجة يقولها قالت ليا سارة الى خفتي من هدرت ناس رجعي لكندا حتى تولدي انا:معندي مناش نخاف هادا ولدي وباه معروف مكين مناش نخاف 
الخدمة خفافت عليا بحكم حاملتي 
كنت باركة حتى دخلت عندي منال جات سلمت عليا وجلست معايا 
انا:مرحبا بيك عندي
هي:سمحي لينا اخير لقاء كان خيب معا ماما 
انا:ماشي مشكيل من حقها 
منال:مهم رحاب انا عرفت ليك بلاصت خويا مجد 
انا:😀واش بصح فين كين 
هي:وي راه مشا عند خال ماما لواحد العروبية 
انا:كتبي ليا بلاصة هاد العروبية عفاك 
نعتات ليا مسكينا فين كيسكن خال مامها رجعت خديت كونجي من الخدمة على حساب الحمل ديالي ورجعت لدار نعست وانا غادا نطير بالفرحة فقت فصباح دخلت لدوش اوه كرشي كبرات جاتني زوينة خرجت لبست واحد الكسوة فالكحل ديال الحوامل قاديت وجهي مزيان هزيت سيارتي وتاجهت المكان لي فيه مجد اوف اخيرا غادا نشوف الحبيب ديالي توحشتو
مشيت مسافة طويلة بسيارة عييت بزاف ولكن على ود مجد غادا نصبر معندي مندير قربت نوصل حدا الباب حتى ولات كتبان ليا دبابة قدام عيني دخلت فواحد الشجرة وبديت كنفقد الوعي 
دار خال مجد سمعو صداع خرجو كيجريو لقاو سيارة داخلة فشجرة خال مجد سي العربي :مجد مجد مجد وولدي اجي عاوني 
مجد جا كيجري اش وقع اخالي 
العربي :شي بنت كانت سايقة دخلت فشجرة لي قدامنا خرجو كيجريو
مجد شاف من زاج هادي رحاب اش كدير هنا بدا كيحول فالباب والو مبغاش يتحل بديت كنفيق لمحت مجد
انا:بصوت ضعيف مجد مجد 
مجد:رحاب غير سكتي غادي نعونك 
انا:كنبكي عفاك تهلا فولدنا عفاك متخليهش يتيم الام وحتى الاب 
مجد:اش كتخربقي نتي 
انا:مجد هادا لي فكرشي راه ولدك عفاك تهلا فيه 
مجد:عينيه بدموع غير سكتي غادي نعتقك غير نتي حاولي تحلي البيبان انا ايدي مقداش نهزها باش نحل ودخان كتر وبديت كنتخنق
مجد غادي يحماق والو مبغاش يتحل دار لجيها الاخر وهز حديدة كيضرب بيها بزز باش تحل ليه الباب جر رحاب وهزها دخلها لدار عيط الواحد طبيب حداهم جا شافها دوا ليها الجرةح وقاليهم معندهاش شي حاجة خطيرة خاصها غير ترتاح وديها فراسها وفحملها

جزء64
خرج طبيب ومجد فهم خال بلي انا غير صديقتو وجيت نشوفو رجع مجد بدا حاضي رحاب الله شحال توحشتها بزاف انا فصراحة مقظرتش نساها والو محيدتش من بالي ياله حط ايدو على راسها وهي تفيق جر ايدو غير قولي ليا نتي اش جايا دير هنا شكون قال ليك انا هنا 
انا:ماشي مهم شكون قال ليا نت هنا المهم قدرت نوصل ليك
مجد:ديك ماما مكتشدش فمها 
انا:ماشي ماماك صافي نسا انا دابا جيت عندك
مجد:علاش جايا نعرضي عليا لسبوع ولدك فهد خلاك تجي
انا:اش كتخربق راه ما بيني وبين فهد والو وهدا لي فكرشي راه ولدك واش مكتفهمش
مجد :كدوب كدوب 
انا:متيقتينيش سول عمتك شيماء هيوعارفة كلشي وحتى انا عرفت كاع داكشي لي درتي على قبلي وعلاش زواجك بلاورة مجد انا ولدك محتاجين ليك كتر من اي وقت 
مجد تحنا وبدا كيبكي اول مرة كنشوفو هاكاك انا ممزيانش مقدرتش نتيق فيك ونتي كنتيديالي غير بوحدي وضيعتك معرفتش لرحاب واش تقدري تسامحيني على هادشي لي درت فيك 
انا:مسحت ليه وجهو وقربتو ليا انا مسامحك على كلشي كن مكنتش كنبغيك منجيش عندك حتال للهنا مجد عنقني وعر ليا كرشي كيبوس فيها ويبوس فيا 
مجد:توحشتك توحشتك بزاف احبيبتي
انا:اه داكشي لاش خليتيني بوحدي ومشيتي 
مجد:فصراحة ارحاب انا كنت قررت نرجع ونصارحك بحبي وقالت واخا ميكونش ولدي انا نتبناه ليك ولكن انا حمار معرفتش علاش معرفتوش ولدي اجي نتي لاش مقالتيش ليا راك حاملة من اللول
انا:مني جينا من كندا عرفت راسي حاملة مبغيتش نقولها ليك حتى تفرق مع لاورة وفاش جيت نقولها ليك وقع لي وقع 
مجد:صافي نساي اناوغادي نعوضك هلى كل حاجة ضيعتها ليك لا نتي لا ولدي باينة غادي تكوني تمحنتي فالوحم 
انا:بزاف 
مجد:صافي احبيبة انشاء الله ولادنا جاين نكون حداك 
انا:انشاء الله تعنقنا وقررنا فليل نرجعو فحالنا مبقيناش قادين على الفراق
شدينا طريق وحنا غادين وكنهدرو وصلنا دخلنا لدارنا الغد ليه فصباح مشينا خبرنا الكل باننا غادي نتزوج درنا العقظ فصباح وقررنا فالويكاند العرس ...

لجزء65والاخير
درنا العقد وفالعشية مشينا تقدينا حويج البيبي حيت هادا شهري جينا فالعشية كنت ناعسة حتى كنحس بمجد كيبوس فيا انا خليني نعس مجد لا مكين نعاس السوم انا توحشتك بزاف دخلنا فقبل حميمية كنا موحشين بعضياتنا بزاف انا مجد غير بشوية راني حاملة 
مجد:متخافيش احبيبة مغديش ناديك لا نتي لا ولدي
بقينا هكاك مجد كان حنين معايا بزاف دوزنا ليلية واعرة واخا كرشي ولات قنبولة مكنحشموش هههه ديك سيمانة وجدنا العرس درنا عيطت لسارة جات تكلفات بيا وليدين مجد فرحو بزاف حيت هادا اول حفيد ليهم ختلتي فاطمة طلبت مني سماحت وعوناتني هي شيماء جا نهار العرس لبست فستان ديال الحملات قاديتوفصالون عروسة حاملة ههه جاتني عجب درنا حفلة غير صغيرة جات العائلة كاملة تجمعو وانا ومجد فقمة الفرحة واخيرا غادي نتجمعو عوتاني رغم ظروف لي فرقتنا ولكن ربي عاود جمعنا 
جا مجد لصالون وانا خرجت مجد عينيه مغرغرين باس ليا راسي 
انا:شفتك وليتي بكاي هاد الايام
مجد:ولي كان غادي يخسر اميرة بحالك ميبكيش 
انا :لهلا يخطيك عليا اخياتي 
مجد:وحتى نتي احبيبتي 
ركبني فسيارة واتجهنا لدارهم حيت جردة هيا مكان الحفل 
مشينا دخلنا بزغاريت كلشي فرحان معانا بقينا على شطيح وستك ستك وحد اللحظة وانا نشد كرشي 
انا:مجد مجد 
مجد:مالكي احبيبة 
انا:ضربتو لراسو كيفاش مالك واش مشفتينيش كنتوجع راني كنموت عتاقني حبسو الموسيقى وكلشي دار بيا وانا كنغوت لربي لي خلقني هزوني نيشان المستشفى باش نولد ههههه كلشي تابعني بتكاشطحم وانا غادا بلاغوب كلشي كيشوف فينا بنادم مفهم والو دخلوني الغرفة العمليات وهما كيتسناوني اما مجد كيمشي وميجي جاب ليهم دوخا حتى بركوه عاد رتاحو 
خرج عندهم طبيب مبروك عليكم تزاد عندكم وليد مجد غادي يتسطا بالفرحة سميناه سلطان كيحمق بزين غير مجد صغيور .
من ورا سلطان تزاد عدنا امير وختمتها بزوج بنات توام سلمى وسوسن دازو اعوام وانا ومجد حبنا كيزيد يكبر وكنكبرو بيه وليداتنا سلطان قرر يولي طبيب بحالي انا وباباه واليوم انا كنهضر معكم من عرس ولدي سلطان واخا كبرت انا ومجد باقين زوينين مع بدينا نشرفو ولينا فتناكير وهو عاد مزاد كيغير عليا كتر من الشباب ههه سلطان تزوج بطبيبة وهاكا حب الاطباء مزال مستمر ......النهاية 
كنتمنى تكون قصة حب الاطباء نالت اعجابكم  كنتسنى اراءكم البنات ماشي تقراو وتهربو نطلاقو فالقصة المقبلة هادشي الى كانت كتعجبكم كتابتي بييييزوووو