مرحبا ايها الوحش

مرحبا ايها الوحش

يلاه البنات "اربطوا الاحزمة سنغوص في اللامكان ..ونسافر عبر الزمن "....... انا فرد من عائلة مالكي العائلة لي مسك عليها الله كتمتالك مجموعة شركات لصناعة الالكترونيات رب العائلة او لي هو رئيس الشركة هو حسن مالكي او مرتو لي هي اوسي بنت عمو راضية مالكي هادالجوج لي عندهم ولد الكبير علي مالكي لي هو نقطة اهتمام الكل هو الكل في الكل او بنت صغيرة بتول مالكي لي هي حتا حاجة سوى انها هي انا والديا دييما ناسيني لي كيهمهم هو خويا علي هازو علي حطوا علي ديرو لعلي فعلوا لعلي تركو لعلي او حتا هو كان قد هاد الاهتمام ديما هو رقم واحد فكولشي اما انا هو اخر واحد ممكن يسول فييه شي حد داكشي بااش كنت كنديير ليبغاو غي باش نبان ليهم غي باش يهتاموا بيا كنت كندير لي كيققولو ليا ماما او بابا ما كان عندي راي فحتا حاجة معمرني درت شي حاجة بغيتها كنت ديما كندير لحوايج لي كيبغوا هوما غي باش نبان ليهم او يقولوراه عنا واحد البنت ولكن رغم كوولشي انا دييماا لووووووووور .

كنت كنحس بالفراغ فحياتي مكانتش كتعجبني حياتي بالمرة انا عندي 14 عام اوو كووول هاد سنين معمرني حسيت انا هادي هي حياتي ليخاصني نعيشها دايرين بيا نااس كيهمهم غي هادا شنو لابس كيدير وجهو شحال عندوو فالبنك حتا فاش كيجوا عنا ناس او صحاباتي لي نورمالمون راهم صحابات مكاينش شي هضرة من غيير هاشنو خرج فالسوق لموضا كي كيقولو اخر كسوة خرجات اخر لوك اخر صاك اخر صباط اوو نهاار يغايرو لموضوع كيهضرواا على تلاقيت مع ولد زوين درت علاقة مع ولد هادا فعلت مع هادا ببساطة كانت كتجيني حياتهم مبتذلة او كنساحب من بيينهم او نخرج نقعود بوحدي فجردة او برغم من انني كنغيير من خويا بزاااف لانه كيخطف اي حاجة كنتمناها الا انه كان شخص ليكيفهمني واخا غي شوي كيخرجني او يضرب بيا دورات ........او ف 29/06/2016 فليلة من الليالي الصيفية بابا او ماما داروا حفلة بمناسبة تخرج ديال علي لي ولا مهندس دولة لي غادي يولي يسير شركة ديالهم عارضواا علىى كااااع الالبة دياال لبلاد فواحد لوطيل فالمدينة البحرية او كاااانت الاجواااء اكثر من مملة ماما او بابا او خويا مجموعين مع شي مستثمرين كيهضروا على شي مشاريع او البنات او لولاد لي دايرين بيا متقدرش تفرق بيناتهم او هضرة كدور غا على اش عند هادا او اش عند هادا بحالا حياتهم كولها كنحصر على داكشي لي كيملكو تسلت من بيناتهم اصلا تاحد ممسول فيا سواءا خرجت ولا دخل اخر همهم هي انا خرجت من الاوطيل او طلعت لواهد المنحدر تما كان قريب من لوطيل كيطل على البحر او سما كحلااا عامرة بنجوووم عجبنيييي المنظر بزاااف كتشووف منظر بحاال هادا يخاليك تنسا دنيا او ما فيها سهييت كنشووف فسما ما فقت حتا كنحس بشي حد حاط ايدو على كتفي درت لقيت واحد شاب وقفت بزربة او فاش جا بيوقف بان ليا مامتوازنش تميت باغا بيت نمشي او هو يشدني قربني ليه شميت فيه واحد ريحة فشكل ريحة خايبة من بعد بانو ليا واحد جووج جايين من وراه لعندنا كااع دايخيين هنا فهمت بلي هوما سكرانين او انا في موقف لا ا حسد عليه بقيت كنتنطر منو او بدا كيجرني لبلاصة ليكانو فيها كانت غي ورايا او انا مشفتهمش بديت كنغوت او هو يسد ليا فمي بيدو او بدا كيجرني عندوو او انا كنغوت بكووول ما فيا من قوة ولكن تا وحد مكيسمعنيي او هو كيقووول ليا شووو شووو او انا غواتيي مكيتسمعش بدا كوولشي كيدور قدامي او انا كيشي دمية كيحركها كي بغا دمية كيف كنت ديما الفرق انا والديا لي كنو كيحركووني او دابا هاد الوحش هو لي كيحركنيي كنشوفو كيجرنيي حتا لديك لبلاصة لي كانو قاعديين فيها او لاحني او بقا حاط ايدو على فمي بدا كيحيد الجزء السفلي من حوايجييي اووو صاافي واليت كي شي كا ميرا غي كتصور كنشووف بلا من كوون مدركة لي كيوقع عينيا تسمروا على واحد الجرح كان فصدر الوحش او وذنيا كيسمعو دووك جووج لا خريين كيقولو ليه "اوسوو وا اوسوو طلقنا اصاحبي " سلا هو او داروا ليا صحابو بجوج داكشي لدااار انا غي كنشوف او دموعي نازلين حايد ايدو عليا او واخا هكاك مازال كنحس بيها شادا ليا فمي بقييت لا واعية لمدة طويلة لمدة لي غادي يسالو فيها او يمشوا او يخالوني تما بحال شي دمية مونيكا لعبو بيها دراري صغار او مشاو او خلاوها فاش فوعيت بقيت كنزل فحوايجي او نبكي او شويي بديت كنسمع صوتو كيقول ليا شوو شووو او بحاالا شي ايد محطوطة على فمي واخا مكاين واالوو بدييت كنغاوت او نغاوت او ناضت بدييت كنجرييي بلا منعرف انني كنجري جيهت المنحدر شوي مبقيتش كنحس بالارض واليت كنحس براسييي نااازلة بحاالا نازلة لشي بير حتا كنحس براسي ترضخت بالارض او شويي كيبان ليا ظلاام بشوي بشوييي حتاا ....

من بعد ستة الشهور فقت لقيت راسي فالصبيطار قالو ليا بابا او ماما بلي بقيت غيبوبة لمدة ستة شهور او سبب انني نهار الحفل ديال تخرج ديال خويا خرجت او تعرضت لحادثة سير او بسباب ضربة ليجاتني فراسي مبقيتش عاقلة او فالقترة لبيقت فالصبيطار من بعد عرفت بلي انني واليت مقعدة وقع شلل فرجليا او واليت منقدرش نتمشى او غادي نولي نستعمل الكرسي المتحرك فاش خرجت من الصبيطار او مشيت الدار قلت واقيلة غادي تحسن الاومور من بعد مي العكس ولليت غي محبوسة فالدار او فاش كيجو صحاب بابا ولا صحابات ماما كيحبسوني فبيتي او فاش كيسولو عليا كيقولو ليهم بلي انا مسافرة واليت كنقرا برا بقا فيا لحال بزاااف تساءلت بزاااف علاش واليديا كيديرو ليا هاكا او بداو كيقولو ليا ان هادشي لمصلاحتي تا يلقاو ليا شي دوا تقبلتها او واليت كنبقى غي فبيتي مكنخرجش بالمرة

من بعد شي شهور قفلت 15 عام جا خويا علي او لقاني فديك الحالة غي قافلة عليا بيتي بدا كيغوت على بابا او ماما او بقاو مني منك حتا تنازلو او دارو ليه خاطروا او فاش جا بغا يخرجني مبغيتش نخرج بقا معايا حتا ولى كينزلني لجردة او يدورني فداار او واليت ناكل معاهم فدار مي بلا منطق حتا كلمة فهاد الاثناء بدا خويا كيتناقش الموضوع ديال قرايتي مع والديا لي قالو ليه كيغادي دير مقعدة تقرا هددهم انه الا مداروش داكشي لي قال معمرهم يشوفوه وافقوا او قالها ليا او رفضت كيفاش اقرب ناس ليا رفضوني فاش واليت معاقة اش غادي يديرو ناس لاخرين رفضت رفضا ققاطعا

من بعد جا لدار او جاب معاه شي كراطن كبار او شي معدات او قاليا الا انا مبغيتش نمشي لمدراسة علاش منخاليش شي حد يمشي فبلاصتي على انه انا ستغربت شرح ليا انه شرا واحد الروبوت من واحد الشركة يابانية او عاود البرمجة ديالو او وصلو مع ماحد الجهاز حسي افتراضي عبر واحد الشرائح الكترونية او انا نقضر نتحكم فهاد الروبوت او انا غيفدار عبر الجهاز الافتراضي او روبوت يقدر يخرج او يمشي لمدرسة فبلاصتي او تقدر نشوف كااع داكشي ليكيشوفو او نحركو كيف بغيت او كاع داكشي لبيت نقولو نكتبو بالكلافي لقدامي او روبوت يقولو عجباتني الفكرة انني نتحكم فشي حاجة او انا لي كانو ديما كيتحكمو فيا سميت الروبوت "اimi" او بديت كنخدمو عجبني انني من بعد عاام شافت برا كيدير او شفت بنادم او مشيت لمدرسة ولكن هادشي مدازش عادي فاش ناس بداو كيشوفو روبوت كيمشي قدامهم كيبقا يتجمعوا عليا او يصورواا او حتا فالمدرسة متقبلوهاش مي من بعد الاقناع ديا علي ليهم قبلووو مبغيتش imiيمشي فطوموبيل او يجي فيها كي قالو بابا او ماما لا بغيتو حتا هو يشووف العالم يشوف او يدير داكشي لي مقدرتش انا نديرو فالمدرسة مبقاوش كيستغربو داو عليا او اصلا هوما عاطيني تساع مي فطريق كنلقى مشكيل ناس ديما كتستوقفنيي او واحد المرة كنت راجعة لدار او قدام واحد المطعم ديال البيتزا تجمعوا علي imiناس او مخلاوهش يدوز او هو يجي واحد الشاب بدا تيغوت على الناس قالهم " واش معمركم واشتو هادشي هاد الروبوت راهه من واراه واحد بنادم باغي يعيش نورمال فبلاصت متحسوه بلي هو غريب عاونوه باش يتاقلم مع حياتو جديدة " تقنعو ناس بهضرتو او مشاو او قاليا هاداك الشاب واش تقدر ندخل لمحل ناكل شي بيتزا او هو لي غادي يصاوبها ليا .. متبعين ؟

الشاب; بسم الله تفضل هادي بيتزا من عندي .....imi; علاش.........الشاب;كان كيحسابلي غادي تبقى تشكرني سعات طلعتي صعيب مع راسك حتا انا بحال كااع نااس مستغرب كوني كاعد كنهضر معا روبوت.....imi; واش كنخلع....... الشاب; لا ماشي هكاك انا دابا فخاطري كنقوول واااااو انا كاعد مع روبوت ههههه مزيان نشوفو شي حاجة خارجة على طبيعة بعد المرات .... كان شاب متفتح كيتقبل اي حاجة كولشي عندوو عادي تمنيت كون كانو عائلتي بحالوو فاش تميت ماشية صفر ليا او قال ;مرحبا بيك فاي وقت نتمنى شي مرة تجي نتا لعنا ماشي روبوت ....... او لحقاش كان هاد المحل فطريقي واليت ديما كندوز ليه او هنا بشوي بشوي بديت كنتعرف على هاداك الشاب او هو دورو كيتعرف عليا قالي ;انا اسامة 22 سنة او كنقرا فلافاك علم الاجتماع او نتاا.....imi;الروبو سميتو imiاو انا سميتي بتول عندي 15 عام او كنقرا فالاعدادية لي فهاد الشارع هاكا تعارفنا او واليت ديما كنمشي او كنعاود ليه كولشي او كان نعم الشخص لي يقدر يسمع او يخفف عليك واحد النهار قالي ; بتول علاش متخرجيش انتي فالاخير راه imiماشي هو بتول او انا مكرهتش نشوفك.....imi;حتا انا مكرهتش ولكن منقدرش.... اسامة;او علاش متقدريش ....imi;ميخالونيش والديا ....بداغ كيستفسر او عاود لفيه كولشي ....اسامة;اووووف انا منقدرش نبقا كاعد امتا مكيكونوش انا غادي نجي نخرجك ......صدمني او قلت علاش لا نجرب او نشوف تافقت معاه او جا او فاش بيدخل لدار كعرفش صونا ليا او انا وريتو منين يدخل دخل من الكوزينة او لقاني تما كنتسناه فاش شافني جاني بحالا تصدم ولا رتابك مي ذغيا بدا كيضحك ....اسامة;مكتشبهيش لايمي ...شاف علامات استغراب فوجهي او قال ;انتي زوينة

جار الكرسي المتحرك او خرجني دورني فالمدينة بزاااف واخا انسان غريب مي ثقت فييه او هو ستحقها او كانت غا ساعات معاه حسن من كاااع الوقاات لي دوزت مع بابا او ماما او خلانيي نلعب او نهضر او شاف درية صغيرة هازا لكليا كتشوف فيه قاليا.شوفي تبا لتواضعي حتا درية صغيرة طاحت فيا ...دري فيه علامة تعجب قاليا:تابا تشوفي .....مشاغغ عندها بدا يتبسم او قالا عطيني شوي او هي ضربو او زادت تغاوت ضحكاتنييي بقيت غي شادا كرشي او كنضحك او جاعندي قال:هههه واخا كلتها مي درت حاجة زوينة خاليتك ضحكي بقاي ديما ضاحكة بقاي ديما زوينا اوكيي.....بتول:ههه اوكي........ولا ديما كيجي يخرجني فنفس الوقيتة بلا علم بابا او ماما او فهاد الوقيتة تعرفت على اطيب انسانة تمينيت كون عرفتها قبل ماما ثريا هي ماشي ماما هي مامات اسامة الا شفتيها هي او ياه متقولش ماماه تقول غي ختو صغيرة ففالعمر سولتها قالت ليا بلي تزوجات بابات اسامة او هي صغيرة او ولداتو او هي فعمر 14 عام او من بعد بشي عامين مات باباه او بقات هي او ياه او ماما ثريا مكتشوفش توقفات خلايا البصرية دييالها على الخدمة ولا كيديني لجردة ديال المدينة او او كيعاوني نحرك رجليا انا اصلا كنت فاقدة الامل انني نرجع نتمشا مي هو اصر او درت ليه خاطرو فالاول كنت كنوقف كنطيح مكنقدرش مي مع الوقت هو كيبزز عليا او رجليا كيديرو استجابة مع الوقت مجا فين نقفل العام على معرفة اسامة او نقفل 16 عام واليت كنتمشا او لفضل كووولوووو لاسامة اوف كورس بابا او ماما معارفينش انني كنتمشا حينت فدار كنتحرك غي بالكرسي وليت كل نهار كنتسا اسامة قدام الدار فنفس الوقيتة او واحد النهار كنا فالجردة كنشوف الواد لي فيها ........بتول;عرفتي اسامة انا عيييت من العيشة فدار عييت نبقا نلبس هاد لحوايج عيييت من اي حاجة كنديرها دابا كنتمنى يكون عندي شي دار فوق شي الجبل او تكون دار بسيطة صغيرة او زوينة او تكون كتطل على بزااف ديال الجبال او نكون فيها غي انا او نتا نرعاو الغنم او نحطبو من الجبل او نحلبو لبن من البقيرات ....اغو بداكيحبس فالضحكا.....بتول;اساااا مة مضحاااكش ......اسامة;هههه اااااه متعرفي تقدر تحقق شكون عرف ...بتول;تعود تحلاب البقرة ههه...اسامة;ههههه هادا الا كانت البقرة اجييي بتول كنت ديما باغي نسولك شنو سباب فالشلل ديالك.....بتول;انا معاقلا على وااالو يمكن تقول جاني فقدان الذاكرة الجزئي داك الجزء ديال الحادث مبقيتش عاقلة عليه قالو ليا فصبيطار بلي درت حادثة سير .....اسامة ;وااش وااش انتي اصلا فاقدة الذاكرة ....بتول;مالك تصدمتي .....ااسامة;والوو .. واالوو ........نهار ثاني تسينيتو او مجاش بقيت كنتسنا او مجاش مشيت لمحل ديال البيتزا او بان ليا مي ذغيا تخبا او فاش سولت واحد تما مشا رجع او قاليا مكاينش واخا انا شفتو هنا عرفتو ماباغيش يشوفني ثاني مشيت رجعت لدار ليل كولو او انا كنبكييي حتا شخص لي قلت راد حياتي زوينا هاهو مشا كيف جا نهار لي بعدو معرفتش مشيت قدام الباب فنفس لوقيتة ليكيجي اسامة او كعدت جمعت رجليا او حطيت عليهم راسي او بقيت كنتسنا واخا عارفة نه مجايش شوي او انا نحاس بحالا شي حاد هازني حتا كنهز راسي او كنلقاه اسامة ...اسامة;الغزالة ديالي تسنيتي بزااف غير كونو جا نساني فداكشي لي دار او هاد المرة مشينا لمحل ديال البيتزا او بان ليا اسامة ممرتاحش بغا يقول شي حاجة او مبااغيش......بتول;مالك ......اسامة;اوووف اووف معرفش منقدرش ....بتول;قول غي قول....اسامة;معرفتش اش نقول ولكن انا مكانتش عارف كنحلف ليك مكنتش عارف بلي نتي اصلا فاقدة ذاكرة سمحيي ليا سمحيي ليا بزاااف انا كان كيحسابلي فاش شفتك نتي كتعرفيني او تقربتي ليا غي باش تاخدي حقك ولا تنتاقمي داكشي باش فتحت ليك المجال باش ديري لي عجبك فيا اصلا نتي مذنبك فوالوو ....بتول;اسامة اش تتخربق اش تتقول .....مجيت لفين سالي هضرتي حتا عيطو واحد الجوج لاسامة او فاش دار عرف شكون صرب الطابلة او قالي باش نوضو او بيت نشوف شكون ولكن هو بقا كيغبر عليا هادوك الجوج بيت نتنطلا منو شدني بزز او مخلانيش تشوفهم هوما جايين لعنا او هو هارب منهم او شادني فاش بيت نعايط ليهم شاد ليا فمي بديت كنقز باش نشوف نقزت او كنت شادا فالقميجة ديالو او هي تقطع او انا تشوف واحد الجرح فصدرو بحالا جاتني صدمة اسامة شاد ليا فمي او داك الجرح او هادوك الجوج كيعيطو ليه اسامة اسامة اووسوو او بداا كترجعني ذاكرة لووور نفس الموقف تماما بديت كنغوت بحاار جهدي او كنضربو على صدروا فاش رخاني بدييت كنغوت بعاااد مني بعااد منيي او بدات دنيا كدووور حتاا طحت و سديييت عينياا او مشييييت....

بقيت فصبطار لمدة يوماين او انا غي ساكتة كيهضرو معايا ومكيلقاو حتا اجابة كان تفكيري كولو داكشي لي وقع كيفاش كيفاش شخص لي كان كيحسابلي بلي هو لي رد ليا حياتي زوينة كان هو اصلا سبب فكولشيي كان صعيب عليا نتقبل انني تعرضت لاغتصاب جماعي او من الفوق تلاحيت من فوق جرف او واليديا مدارو والو خباوني كيف شي شوها زعما انا راه بنتهم علاش مياخدوش ليا حقي حسيت براسي بوحدي كووولشيي سماح فيا او لعاب بيا كيف بغا حسيت براسي وااالو نكرة مبقا كيبان ليا فحياتي واالو بان ليا واحد مشرط طبي هازيتو او مشيت لمرحاض كنت بغييت غي نموووت او نتهنااا نمن هاد الحياة لي مديت منها والو غي لمشقة او لعدااب او من مين من الناس لقراب ليك دخلت سديت الباب او وقفت قدام المرايا اوة هازيت لموس مديت ايدي تنهدت او يلااه كنت بيت نضرب راسي او هو يتطلق الاذان من واحد الجامع قريب من الصبيطار وخيت الموس او بقييت كنبكي نبكييي على حياتي لي تاحة مزوينة فيها ومع سمعت الاذان حسيت بلي ربي كيقوليا بلي الموت ماشي انا لي كنختارها هي كنختارني او ان حياني ماشي هادي هي نهاية ديالها مزاال باقين شي حوايج خاصني نعيشهم فالعشية جاو عندي البوليس قالو ليا بلي ان واحد جا قدم دعوة قضائية ضدو او ضد صحابو بتهمت الاعتصاب الجماعي او اهن اعنارف بكولشي واش نبغي تاكد الدعوة حسيت بسخرية لهاد الدرجة كان وحش حسن من والديا مع ذالك اسامة كان ديما حسن من بابا او ماما اكدت لدعوة فاش مشاو فليل وصلني ميساج او من مين من اسامة قال فيه "سمحيليا او ماما امانة عندك ا بتول" معرفتش اش ندير صليت استخارة او مشيت لدارنا جمعت حوايجي او نزلت عندهم لصالون

كانو ماما او بابا كاعدين او علي واقف عليهم نزلت بصاكي تميت ماشا لباب .....ماما;فين غادا ابنتي.........بتول;بنتي بنتي انا بنتك باااش انا بيت غي نعرف اش كتفهمو من هاد الكلمة واش بنتي هي متسوقيش ليا واش بنتي هي ماتديهاش فيا واش غي عمرك قلتي ليا بتول اشنو بيتي ولا بتول واش خاصاك شي حاجة ديما كتمشيني انتي او بابا كيف بغيتو واش حتا حوايجي دوك الاخرين مكنلبسهمش كيف بغيت خاصك انتي ليتختاريهم او كنت ديما كندير داكشي لي كتبغو غا باش تهتموا بيا شوي مي واالووو داكشي بااش فوتوني غي بعدو مني مابيت واالو منكم .... او تميت ماشا ....بابا; فين غادا يحسابليك تطلقتي على غرضك .....بتول;اشنوو بيتي ديير كااع بيتي تحبسني كيف درتي اعبااد الله واش انتوما تعداو على بنتكم او مدرتو والو جبتوني او حبستوني بحالا موقع والو مقديتوش تخسرو عليا حتى ابيل او تبلغو البوليس حبستوني او خابيتو شوهتكم بدلتوني بهضرت الناس هادشي لي سويت عندكم طلع داك لي تعدا عليا حسن منكم هو لي خرجني من هاد الحبس هو لي شاد فيدي حتا تمشيت هو لي بلغ البوليس عليه او على صحابوا او مزال كتسمو ريوسكم والدين بتول المونيكا مشات بااح ماتت دابا هادي بتول جديدة غادي تعيش او تاكل او تلبس او تخرج فين بغات هي ماشي اي واحد فهمتو دابا خليوني عليكم او حتا واحد ميوقف فطريقي .....هازيت صاكي او خرجت خاليت ماما كتبكي تبعني على شادني عنقني قالي سمحي ليا او وصلني لحدا دار لي قلت ليه او مشا بقيت واقفا شحال قدامه او انا ندق خرجات ليا ماما ثريا او تلاحيت عليها عنقتها او بكييت انا او ياها قالت ليا سمحي ليا انا لي معرفتش انربي ولدي مزيان مهم بكيييينا مزيان او ديك الليلة بات فحضنها

دازت 8 سنين على الخروج ديالي من الدار هاد 8 سنين تبدلواا فيها بزاااف ديال الحوايج كنت كنتمنى شحال هادا انهم يتبدلوو ابتداءا من راسي تبدلت شكلا و مضمونا حتا من شعري لي كانت ماما كتطولو ليا قطعتو قصير فوق كتافي بشوييي او دوك لحوايج ديال لكيلي ميني ليكنت كنلبس لاحتهم واليت كنلبس شي من هوك او شي منهوك شي معالي شي مدلي مبقيتش مسوقاا او ديك بتول ساكتة او ليكيقولو ليها كديرو واليت ليهضر معايا ماشي تالهيه نعطيه او واليت مسيرة حياتي كيف ما بيغت فاد السنين عشت انا او ماما ثريا لي ولات بنسبة ليا ام حسن من ديك لي ولداتني من بعد متحولنا من ديك الدار من بعد ماكملت الثانوي التاحقت بكلية الطب حينت لقيت راسي كيعجبني هاد الميدان او فاش جيت ندير التخصص عمرت التخصص ديال جراحة عامة ولكن تخالطو ليهم الوراق او لقيت راسي مسجلة فتخصص الطب الشرعي او حينت كان قليل لي دارها معجباتنيش فالاول مي من بعد وليت كنبغي غي انتا انجي لكلية دابا انا عندي 24 عام تخرجت او واليت طبيبة شرعية فالمعمل الجنائي كنت كنشوف راسي كنوصل لداكشي لبغيت وحدة بوحدة بمجهودي الخاص عجباتني خدمتي او زادت عجباتني فاش لاقاتني مع فدوى المفروحة ديالي شوف القدر كي داير انا لي مكنت كنسوق كااع ندير شي صاحبة من بعد مكانو عندي دوك صحابات الكيلي ميني و لات عندي صاحبة كيف تمنيتها هي محققة شرطة اول مرة تلاقينا تخاصمنا انا او ياها او خصرنا مسرح الجريمة او حبسونا حينت قلنا ليهم راه حنا مكلفين بالقضية فاش قالو لينا فينهوما لي باش ديالكم لقينا راسنا ناسينهم كانت بداية ديال الصداقة ديالنا او كيما كتقول هي تتزوج لهبيل بالهبيلة او دخلو لكوميسارية

30/06/2026 هادا هو التاريخ لي قالو ليا فيه ان المكتب ديالي تحول مبقيتش فالمعمل الجنائي انني واليت عضو ف فرقة المباحث جاتني عجب حينت عمرني سمعت بهاد الفرقة عاد وضحو ليا بان منظمة الشرطة فالبلاد كونات واحد الفرقة جديدة سماتها فرقة المباحث الكود زيرو غاتكون متخصصة فحل القضضايا الصعبة او جمعو فيها غي دوك المتفوقين فميدان التحقيقات او انا معاهم حسيت بالعضامة ديك الساعات مي كعيت فاش عرفت بلي مبقيتش غادي نشوف فدوى مي فاش مشيت لمقر لي غادي نوالي نخدم فيه تلاقيت بالاعضاء لاخرين او غي عرفت بلي حتا فدوى عضو قلابناها ديسكوو كعدنا كنشطحو رقصة النصر انا او ياها او شوي او هو يدخل علينا الامين العام لشرطة الوطنية او حنا نجمعو ريوسنا او تستفنا او بدا كيهدر.......رئيس الشرطة;السلام عليكم خاصكم تعرفوا ان الناس لي هوما هنا دابا راهم طوب ديال هاد الميدان او حنا جمعناكو ففرقة المباحث الكود زيرو باش تمونو اول ناس ليكيتكلفوا باصعب القضايا او جمعناكم من مختلف مجالات هاد الميدان انا دابا غادي نفتي عليكم المهام ديالكم كمال فهيم......كمال;وي شاف......رئيس الشرطة;انتا مفتش ممتاز او تم اختيارك باش تكون قائد الفريق ......كمال;وي شاف.......رئيس الشرطة;رضوان عادل....رضوان;وي شاف........رئيس الشرطة;انتا محقق مممتاز انتا ضمن التحقيق و البحث ......رضوان;وي شااف........رئيس;فدوى شرف......فدوى;وي شاف........رئيس;انتي محقق ممتاو مكلفة ايضا بتحقيق او البحث........فدوى;ويي شاف.......رئيس ;مروان حمدي....مروان;ويي شاف.......رئيس;انتا مشهود لك بالتفوق ديالك فمجال المعلوميات او الهاكر انت مكلف بالتلقي المكالمات الطوارئ او تحقيق الالكتروني.........مروان;ويي شااف........رئيس;بتول مالكي.......بتول;هانا....نسيت راسي حتا نغزاتني فدوى...بتول;ااا ااا وي وي شاف.....رئيس;احم احم انتي طبيبة شرعية او نلتي اعلى الدرجات فاختبار التوظيف او جادي تكلفي الخبرة الجنائية......بتول;اييه علاش لا اا زعما اا ويي شاف......رئيس;على اي كاين عضو اخر ولكن مزال ملتاحق او هو خارج لبلاد حاليا او المهمة ديالو انه غادي يكون المحلل الجنائي للفرقة لانه نال شهادة بروفيسور فامريكا او حل مجموعة من القضايا تما او كان مستشار لشرطة تماك عموما غادي يلتاحق بيكم فاقرب وقت كنتمنى ليكم التوفيق او كنتمنى المشروع ديال فرقة المباحث الكود زيرو تنجح

مشيت تشوف لبيرو لقيناهم زاديين لبيرو ديالي او ديال فدوى او داك المحلل او دايرينهم مقابلين مع البيرو ديال كمال او رضوان او مروان او حتا بيرواتهم مزاديين اهئ اهئ فرقوني انا او فدوى دارو هاد المحلل وسطنا او مشيت للمختبر نشوفو كيدير او فدوى مشات تضرب دورة فالمقر وا المختبر مطقطق كندور فيه او هي تجي عندي فدوى....... فدوى;وا الحيوانة واا خبيرة جايبة ليك كترتر بحااال هكا .....بتول;الحيوانة هي موك خليني منن لخبارات شوفي المختبر كي داير او ليا بوحديي واااااو مغادي يدابز معايا حد عليه ياااااي ........فدوى;تي مال موك متلفينك غي هاد الشقوفة عرفي سمعت قائد الفريق كيهضر مع الدراري على هاد المحلل لي بيخدم معانا وا خوااار اصحبتييي........بتول;و انا لي خوااار اصحبتيي معمرها وقعات لشي طبيب مختبر بوحدوو .......فدوى ;قالو انه اصغر بروفيسور فالتحليل الجنائي عندو ديك 30 ولا 31......بتول;عندك الصح فينما كان شي بروفيسور كيكون عندو من 60 لفوق .......فدوى;قاليك اسطورة وا مشهور او قاليك هو اصلا كان مشدود فالحبس ياك فالانفرادي ياك او تصادف الحبس لي كان فيه كان تما اخطر بروفيسور فالبلاد او هاد البروفيسور معروف عالميا ياك الالة كان فهاداك الحبس كيدير شي تجارب او بحوث على السجناء او قاليك فاش جا يدير شي اختبارات لهاد السيد تصدم فالذكاء ديالو او فبلاصت ميدير عليه البحوث ولا كيديرهم معاه او بقا لمدة 8 سنين او هو كيقريه فالحبس التحليل الجنائي او كيديرو بجوج اختبارات على السجناء او هاد البروفيسور شاف ان هاد الولد كيقدم نتائج مذهلة فهاد المجال بقا معاه او قراه او حينت هو كان محكوم عليه ب15 عام 10 سنين على التهمة ديالو او 5 سنين الحق العام تام اسقاط الحق العام نظرا لحسن السيرة ديالو او فاش دوز 8 سنين طلقوا سراح ديالو حينتاش دفع لشهادة بروفيسور فامريكا من سجن او نجح فيها او البروفيسور ليكان كيقريه خلص عليه غرامة على لعيمان لي بقاو ليهه او خرج كفالة او مشا لامريكا.......بتول;وا هو ليطلعات ليه او انتي كيدرتي تعرفتي هادشي كولو......فدوى;شي سمعتو او شي لاخور شفتو انا او مروان مسخوط دخل لبيسي ديال الرئيس من البيسي لي عندو ......بتول; او معرفتوش علاش دخل الحبس اااه اويلي وليت بركاكة تفو علا قاعدة علمتيني .......فدوى; حيوانة انا بركاكة تعالي لموك .....انا هربت عرفتها الى كبضاتني غادي تريشنيي

كنا كاعدين كان كادو فالبيروات دياولنا حتا كنسمعو صونيت وييوييو ويييوييو كود زيرو كود زيرو هالي قالنا مروان بلي هادا هو نداء ديال انذار الخاص بالفرقة ديالنا او انه دابا عنا قضية كتسنانا نحلوها ركبنا فالصطافيط الخاصة بينا او مشينا كانت القضية ديال واحد البنت طايحة من طاج الرابع انا بقيت لتحت مع الجثة او هوما طلعو لدار ديالها ساليت من الجثة او طلعت عندهم ......كمال;كنظن انها حالة انتحار حتا جيران قالو انها مكتخرجش او مكتهضرش معاهم غالبا غادي يكون عندها اكتئاب ولا شي حاجة بحال هكا لقضية بسيطة.....بتول;موحالش على حساب تشخيص الاولي لجثة مكايناش حتا 15 دقيقة على لموت ديالها الجسم ديالها مزال محافظ على الحرارة لي فيه بينما الوجه ديالها تيبس او 15 دقيقة هي المدة ديال تيبس عضلات الوجه بعد الموت مباشرة سبب الموت هو تهشم الجمجمة بسبب السقطة او واقيلة ضحية كان عندها ارق لان البشرة ديالها شاحبة او عندها جفاف او عندها هالات سوداء او كييف اثار ديال التعنيف على ايديها او حتى على وجهها او ماشي مدة طويلة باش تعلرضات ليه ......مروان;قلبت فالملفات الشخصية ديال الضحية سميها لطيفة عمرو سن 27 سنة عاطلة على العمل او مبعيدش باش طردات من واحد الشركة ديال بيع مستحضرات التججميل.....كمال;شتي هادي قضية انتحار.....ماجا فين يسالي هضرتو حتا كنسمعو شي واحد كيهضر معانا من واحد البيت فدار......صوت;اي واحد مكلخ غادي يفكر انها قضية انتحار .....مشاو لبيت يشولفو شكون كيهضر انا كان كيبان ليا غي قفاه.......صوت;اي واحد باغي ينتاحر كيتعمد يخلي من وراه شي علامة تخلي ناس او تساعدهم باش يقراو الموضوع على انه انتحار غالبا مكتكون هاد العلامات عبارة عن رسائل او مكنظنش ان واحد باغي ينتاحر غادي يخلي لمكينة ديال الصابون خدامة ولا يقعد يشرب قهوة فالببالكون الى مشيتو شتوه غادي تلقاو القهو مزال سخونة اي اننا قدام جريمة قتل او تشخيص ديال الطبيبة كياكد هادشي ليكيقول .......دار عندنا شاف فيا او حيد عينيه او دغيا رجع ركزهم فيا او شوي رجع كمل هضرتو ;انا المحلل الجنائي لي معاكم بالفرقة .......كمال;كان خاصك تلتاحق بالمكتب ديالك قبل ماشي تال دابا او دير لينا استعراض.......المحلل;مجيتش لاسباب او ماشي ضروري نقولهم ليك....اوفات القائد او خلاه بايموت القائد طلع ليه الدم او خرج دراري لاخرين رحبو بيه او خرجو او فدوى قالت لو;مرحبا بيك بيت ننقعد تنعرف عليك ولكن خاصني نخرج نسول ناس باش نقاد لائحة لمشتبه فيهم باي باي باي باي بتول.....قالت سميتي او هو نبان فيه الصدمة هي هاديك بقيت انا اياه .....انا; واااااااه علا زهر عندك زعمااااا ...... محلل;انتي ...بتول.......انا; حتا انا متوقعتكش تكون هنا اااه نسيت مرحبتش بيك ياااك مرحبا ...ايها الوحش .... او مشيت او خليتو....اسامة;بتوووول

كيف خرجت من تما او تاكدت من ان الجثة وصلات لمختبر شديت طوبيص اومشيت ديريكت لدار طول الطريق او اننا كنفكر اش هاد الدراما ولات فحياتي تخيلت تاعييت مظنيتش انني غادي نعاود نتلاقا بيه ابدا او كيف شفتو اول شخص طاح فبالي هي ماما ثريا الى عرفات ولداها قريب ليها واش غادي تمشي او تخليني دخلت لدار لقيت ماما ثريا كاعدة كتقرا واحد الكتاب هاداك لكتاب مكتوب بطريقة برايل مخصص لناس لي متيشوفوش كيف شفتها تلاحيت عليها بتعنيقة........بتول"ماما لحبيبة اش كتقراي".......ماما ثريا"ههه جيتي راه ااغداك فكوزينة نوضي كولي هي لولا".......تبول"انتي هي اغدايا" .....بقيت معنقاها او هي كتمسح ليا على راسي ....بتول"ماما نسولك".......ماما" سولي"......بتول"علاش اسامة كيقولو يه اوسو".....ماما سكتات واد الشوي او هي تزيد تبتاسم ... ماما"فكرتيني ابنتي فاياااام كانت سميتو كتجيه صعيبة او فاش كيسولوه اشنو سميتك كيقوليهم اووسوو اوبقيت نقوليه انا اوسو او حتا لاخرين خداوها عليه"....بتول"اوسووههه ماما كنت منينتا باغاغا نسولك علا هاد الحاجة او مكتجيش الفرصةاسامة عندو واحد الجرح كبير فصدرو منين جاه".....ماما"انا فاش كان اسامة صغير مكنتش كنضربو كنت مفششاه او حتا هو مكانش كيدير علاش نضربو كان ساكت او هاديي او فاش جا خويا كعد معانا شي يامات او حينت كان خويا كبر من اسامة غي ب 10 سنين كان كيشد معاه الضد او واحد المرة ضربوا انا مكنتش كان كيحسابلو غادي يبكي او يسكت ساعات او ساما ناض او بدا كيضرب فيه او باش ايخلعو هاز ليه زلاك ديال زنان بشيرصا سعات هو ناض او تلاح على خالو باغي يضربو خويا ميز بزلاك او بلا ميقصد ضربو بيه تخشا زلاك فصدر اوسو او فبلاصة ميرصا ناض وقف او مشا ليه زلاك مع معا صدرو كامل او جرحو او داكشي باش بقاو ديك سيكاتريس شادا ليه صدرو كامل".....بتول"او ما بكا ما اغوت ما والو ".....ماما"لا حتا انا ا و خالو او طبيب ليداواه تعجبنا ليه مجروح جرح خيب او مبكاش"......بتول"ماما ولدك عالاااام"....ماما"ههه كولشي كان عزيز عليه اوسو او حتا هو كان كيكسب الرضا ديال كوللشي مي واحد الوقيتة تبدل هو من راسو ولا كيقوليا ماما انا راه ماشي مزيان كيف كيحسابليك ااااااه ابنتي انا طول عمري عشت على قبل اوسو او فاش بات ما صبح عوضني الله بيك ولكن لكبدة ابنتي مكتحنش مازال بلاصتو فقلبي معدباني معارفاه حي ولا ميت ولكن كيستاهل حيينت غلاط او غلاط بزاااف"... بقينا شحال او حنا كنهدرو علا ايام ديال ماما مع اوسوبقيت كنتصنت لحكاياتها هي او ياه لعلني نتفكر هاداك الشخص لي نور حياتي وحد الوقت نهار ثاني مشيت لمختبر ديالي او بديت فحص الجثة او فاثناء الفحص لقيت قشرة ديال الجلد فوسط ظفارها فاش دري فحص الحمض النووي لهاد العينة لقيت لحمض مكينطابقش معا الحمض النووي ديال الجثة او خديت البيانات ديال الحمض او ديتهم لمروان لياغادي يدخلهم فلكمبيوتر الوطني العام او دابا مع تطور تكنولوجيا هاد الكمبيوتر يقدر يعطيك كاع المعلومات الخاصة بمول الحمض النووي لي كدخل البيانات ديال لفيه لقيناه هو رئيس قسم المبيعات فشركة لي كانت خدامة فيها الضحية مشات فدوى او رضوان باش ايجيبوه اوفاش جا غادي يحقق معاه كمال او المحلل انا اوف كورس وليت كنتجنب نتلاقاه او حتا هو فهمها او ولا كيعطيني مساحة كبيرة حتا لمكتب ديالو لي حدا المكتب ديالي مبقاش كيوصلو فاش كننكون انا فيه هوما دخلو عندو فغرفة الاستجواب او حنا بقينا فالغرفة لي حداها هوما مكيشوفوناش او حنا كنشوفوهم او كنسمعوهم بدا كيسولو كمال او اسامة غي كيشوف فيه.....كمال"حميد رشدي رئيس قسم المبيعات فشركة بينك لمستحضرات التجميل انتا المشتبه فيه الاول فجريمة قتل لطيفة عمرواو عليك بزاف ديال الشكاوي بتحرش او من ضمن ناس ليتشكاو كانت لطيفة او متقدرش تنكر انك كتعرفها حينت فسجل المكالات كانت بيناتكم عدة مكالات حتا لنهار لي قبل الجريمة"........حميد"انا او لطيفة الله يرحمها كنا فعلاقة او لفاش بغيت نتفارقو بقات كتهدد انها اغادي تنتاحر او داكشي ليكانت كتقولو راه دارتو "........كمال"فيم كنتي فهار الثلاثاء مع 9 ديال الصباح "....

حميد"كنت فداري او الواليدة تقدر تاكد ليكم".....كمال"الاقرباء ديال المتهمين لا تقبل شهادة ديالهم زعما مامشيتيش عندها لدار او دابزتو او ضربتيها او فاش كنتي كضربها دفعتيها من البالكون".....حميد" لا اش تتخربق".....اسامة"صافي باراكا علينا كذبتي لكاع الاسئلة ليسولناك خاصك تعرف بلي العقل باش كيخبي الحقيقة او كيقول عكس داكشي لي كين او الحقيقة كيكبتها فما يسما ماقبل الوعي الحد الفاصل بين الوعي و اللاوعي ديال الانسان او كيحاول ايغيرها عاد يخليها تمر للوعي او فاش كيصرح الانسان بهاد الحقائق الكاذبة كيدير العقل ردات فعل لارادية او هاد الحركات كنسميوهم فالتحليل النفسي بخصائص الكذب البشري حينت فاش سولك فين كنتي رتافعت العضلة السفلية لذقن ديالك او هادي اول مميزة من مميزات الكذب البشري او فاش قاليك جيتي لعندها لدار او دربتيها بان عليك اضطراب او بداو حذقات العين ديالك كتمشي يمينا يسارا او هادي ثاني مميزة او هاد ردات الفعل اللاارادية كيديرهم العقل باش يكبح لحقائق لي كينين فما قبل الوعي او حسن ليك بلا منكذب حينت الا كذبني غادي نعرفك حينت لي قدامك كاشف كذب بشري ماشي الي ..... صدمنا كاملين بقاداك السيد شوي او هو يكر قدامهم قال بلي لضحية صورتو او هو كيتحرش بيها او بقات كتهددو بالفيديو او فاش طردها ولات ملاحقاه ديما او قالت ليه بلي الا مرجعهاش او عطاها واحد المبلغ مالي غادي تلوح الفيديو فسيت ديال الشركة داكشي باش مشا عندها او فاش مبغاتش تعطيه السيدي ضربها او بلا ميقصد طاحت او فاش مشاو يقلبو دارو لقاو فيها السيدي او هكا تسدات القضية او قالت الصحافة انها اول قضية قتل تحل فظرف وجيز لي هو يومين

واليت فينما نخرج انا او ماما نخاف نتلقاوه او ياخدها ليا مي سيد حتا هو مساهلش ولا كيشد ستون هو او سامية رئيسة قسم المفقودين هي بصراحة زوينة او قريبة ليه فالعمر كول شوي نتلقاه كيهدر هو ياها او ولات تجي حتااال قسم ديالو او تسول عليه واحد النهار كنت باغا نطلع فسانسور او لقيتو فيه مع دلك طلعت بقيت انا او ياه شوي او هو يبدا سانسور يتزعزع او هو يوقف انا مشيت منطيح شادني زعما......بتول" بعد مني ما تقيسنيش" ......هو نيت بعد مني بقا كيكليكي على شي بوطون باش يخدم فاش ما بايخدم بقا واقف او ساكت ماليت او معا طالع ليا دم كعدت قرضت او بديت نهضر غا راسي....بتول"بنادم واخد راحتو شاد ليا ستون معا ايتفو سيرو ديرو لفتنة فشي جيهة او خرى راه بلاصة الخدمة هادي".....اسامة" نعام كلتي شي حاجة"......بتول بتنفاض "سوقك ممعاكش ياااه".. بدا كيتبسم او يضحك .....بتول" مالك كضحك مانخافوش"......كعد حتا هو ..اسامة" كبرتي بزااف"......بتول"سوقك"......اسامة"ههههه ااه باقا صغيرة"....بقينا شوي ساكتين او هو يتفتاح الباب او نضت خرجت هاد الدقايق لبقيتهم غير انا او ياااه رجعوووني لايام زوينة تام خارج حتا هو كيضحك دارت ليه فدوى الاستجواب....فدوى"مالك يا كاحل العيون شادا ضحكا "...... قربت ليها او همست فوذنها انا" الحادكا هادا راه سميتو تحرش"....فدوى بالهمس "او نتي داروك محامي ديالو"......انا" ا خفتهوم يشدوك بتهمة التحرش او انا ياكبور منقدرش نعيش بلا بيك"....فدوى"حتا انا يا الشعيبية تنغبيك"....اسامة" غي كنضحك او صافي علاه"......فدوى" ضحك ضحك راني ناقصة حنان قليل فاش كنشوف تيتيز كيضحك".....اسامة" هههه اوا اشنو كاين علاه عايطو علينا".....كمال" جانا بلاغ علا حالة سرقةديال محل مجوهرات او دابا يلاه لمحل".......اسامة"سير مالني انا شادك مكاينش فبلادكم شي حاجة سميتها عايط عليا فتيلي او غادي نجي مي هاد التسخسيخة طالعات عليا بشي حاجة زوينة ماشي مشكل".....كمال" انتا خاصك تعرف انني انا قائد الفريق انا على منك خاصك تحتارمني"......اسامة" انتا لي خاصك تعرف ان لا سلطة لك على انا درت عقد مع المكتب او هادا مكيعنيش انك تقدر تحكم فيا"....شوي بايتشادو من نهار الاول هادو منكادوش اصلا قائد الفريق كيبي يتحكم او اسامة مكيحملش ليتحكم فيه مهم انا مخاسرا والو نهار يدابزو انا نتفرج او شكون بحالي مصارعة اون لاين مهم مشينا لمحل او على حساب مقال مول محل

ان منيمتا كان كيمشي لييه شي حاجة بسيطة خاتم واحد فشهرين او ولا كل مرة كتمشي ليه شي حاجة كتوصل لشحال من خاتم او سنسلة ولا دمليج فالسيمانة او مشكل كاين الكاميرات او مبان ليه حتا واحد كيسرق لامن لكليان لا من موظفين ليمعاه داكشي كيمشي او مكيعرفوه فين مشا كان المحل كبيراو كاين مول المحل او واحد البنت كتشاد واحد الكونتوار او الكاميرات فكل بلاصة او انا يحسرة راه طبيبة شرعية مكندخل حتا كتكون شي جثة ولكن قاليك ان ضروري التدخل ديال جميع افراد الفرقة او مشيت كندور فالمحل كنشوف البلايص ديال الكاميرات تلاقيت ماما ليي ولداتني هي او واحد صاحبتها كيشوفو شي تفرشيش تما بقيت كنشوف فيها او هي تلمحني تخطف منها اللون عرفت راها كاذبة على صاحبتها قايلا ليها رانني واقيلة فشي جايحة داكشي باش دزت من حداها او فتها او كنسمع صاحبتها كتقوليها هادي ماشي بتول او ماما كتقول ليها لا او كالت ليها لا هادي بتول او تمات جايا عندي سولتني انتي بتول ياك انا مدام عمار معرفتنيش قلت ليها" لا سمحي ليا راه وقيلة تخالط ليك معا شي حد" او مشيت او خليتها لقيتهم كيهضرو معا مول المحل....بتول"خاصنا ناخدو تسجيلات ديال الكاميرات باش نشوفوهم"......كمال" جمعهوم لينا او اراهم او غادي نحتاجو نهضرو معاك او معا لبنت لي خدامة معاك جيو لمقر فاش تسالو".....مروان" شحال كان بين كول سرقة او سرقة"....حسين مول المحل" فالاول كان منن شهرين لشهرين او دابا ولا من سيمانة لسيمانة"......فدوى" انتا عارف الايام لي كان كيوقع فيهم السرقة ياك".....حسين"اه النهار الثاني كنعرف اشنو تسرق ".....فدوى" عطينا تسجيلات ديال نهارات ديال السرقة بوحدهوم او لاخرين بوحدهم"...مشا هو او مروان لكومبيونر لي كيتحكم فالكاميرات او بقينا حنا كنتسناو او شي او يبان ليا اسامة كيعيط على ديك البنت لي خدامة تما او كيشوف فارشيف الكتروني كان كيشوف فيه.....اسامة" انتي مريم عابد خريجات اقتصاد ياك"....
مريم البنت ليخدامة تما" وي "....اسامة" انتي ملاحظتي والو بخصوص السرقة".....مريم" كان مول المحل ديما كيلاحظ سلعة المسروقة حتا النهار الثاني او انا كنجي لمحل من بعدو او كنخرج قبل منو تا كنجي هالي كيقول ليا شنو واقع"......اسامة" اهاااا"

انا حسيت براسي مخنوقة من الموقف لي طرالي مع ماما مشيت لحمام او خليتهم كي دخلت الحمام دازو دموعي كي الشلال علاه لهاد الدرجة صاحبتها حسن مني سديت عليا الباب او بكييت كيف بغيت دازت شي ثلث ساعة مسحت دموعي او خرجت مالقيتهمش او خرجت علا برا لقيتهم مشاو او اسامة واقف حدا الطوموبيل ديالو كانقول معا راسي وايلي هادو فين مشاو او هو يجاوبني....اسامة"راه مشاو او قلت ليهم انني غادي نجيبك معايا"....عطيتو بظهري او تميت ماشية .....اسامة" بتوول بتووول"....مشيت مجاوبتوش او هو يشدني من ايدي او جرني. انطرت ايدي منو ...بتول" بعد مني متقيسنيش"....اسامة" اوا يلاهي نوصلك "....بتول" مبيتش مكتفهمش مابيتش"....او تميت ماشية او جا هزني او مديني لطوموبيل او انا كنضرب فيه او نقوليه رخيني او هو ماباش فتح الباب او بيدخلني بقيت كنتركل او هو يغوت عليا..اسامة" بتووول"...بقيت كنشوف فيه او هو يقرب ليا ...اسامة"كنقوليك ديما متبقايش تبكي بوحدك او علاش فاش سولتك ديك سيدة كالتي ليها انا ماشي بتول وليتي ضعيفة لهاد الدرجة تنكري راسك ".....فهاد اللحظة بقيت كنقول فخاطري علاش هاد خاينة كنبعد منو او هو كيقرب ليا علاش هو الوحيد ليكيفهمني علاش يلاه بيكحاز باش يسد الباب او انا ندفعو او خرجت تميت ماشيا هو ركب الطوموبيل او تم سايق بشوي او مقاد معايا فطريق مشيت واحد المسافة او هو مزال ماشي معايا شفت تاعييت او انا نركب معاه بقا حابس الضحك ....بتول" لا غاضحك او تشوف واش غادي نبقا راكبة معاك"....اسامة" مادرت والو هاني شفتيني ضحكت ههههه"....بتول" وييييييه".....فتح السقف الطوموبيل او قال ليا....اسامة" وقفي ".....بتول" اشنو".....اسامة" وقفي غي جربي او شوفي " ....وقفت او وااااااو البرد كيضرب فيك ممع الطوموبيل مكسيريا او وقفت بدييت كنغوت او نصفر بصراحة حسيت براحة من بعد مكتن مخنوقة تبا لكاحل العيون يفهمني

مشينا المقر او لقيناهم قاعدين كيشوفو تسجيلات كعدنا كل واحد شاد بيسي كنشوفو واش كين شي حاجة ماشي تال لهيه مي والو .....فدوى" كيبيديرو لكليان تا يسرقو او مول المحل ديما معاهم "......بتول" ما لاحظتوش ان الكاميرات موزعة فكل بلاصة مكينش شي حاجة مغاديش تبان مي لكونتوار لي عند الباب كينا كاميرا وراه كاتبان عندي غير ظهر ديال هاديك البنت او مكينش شي كاميرا كتبينها من القدام"......اسامة "مروان عفاك دير لينا فشاشة لكبيرة تسجيل ديال نهارات ديال السرقة من الكاميرا لي ورا الكونتوار"......فاش شفنا التسجيلات لاحظنا بزاف ديال الحوايج غراب......فدوى"ما شفتوش انها ديما كتحدر او نفس الحركة او غي نهار ديال السرقة".......اسامة" او كاتبان ليا لابسة داك الحزام غي فتسجيلات ديال نهار السرقة"......بتول" بلاتي بلاتي شتو راه كاين واحد الزاج مقابل معاها الا قربتي ا مروان غادي يبانن لينا الانعكاس ديال صورة ديالها"....... فاش قرب مروان التصويرة بان لينا انها كتحدر على على سلعة لي عندها فالكونتوار او كتكحز واحد اللعيبة فحزامها ليسر كتبقا شوي او كتردها كيف كانت او هادشي كاين فقط فتسجيلات ديال نهار السرقة بقينا مراقبين نفس الكاميرا اون للاين حتا لنهار لي جات لابسا فيه نفس الحزام او مشيت انا او فدوى او فاش تاكدنا عايطنا على لاخرين ا وجاو. ......اسامة" باش تكون سرقة فمكان واحد او لمرات متعددة هادا كيعني ان السارق عارف هاد المحل مزيان حافظ كاع القناتي لي فيه الا ستبعدنا الكليان الدائمين لمحل لانهم غي ناس لاباس عليهم معندهم تا دافع لسرقة كيبقى جوج سيد حسين او انسة مريم او بما ان سيد حسان هو مول المحل بقيتي غي انتي".....كمال" او انتي اكثر واحد عارف المواقع ديال الكاميرات ستاغليتي موقع الكاميرا لورا ك ا وان مكاين حتا كاميرا قدامك او بقيتي كتسرقي او باحترافية".....اسامة"فاش سولت كاو جاوبتي مكان عليك حتى علامة ا ضطراب او مدرتي حتا ردة فعل عكسية تكشف الكذب ديالك لانني فاش سولتك اشنو لاحظتي بخصوص سرقة جاوبتيني بداكشي لي لاحظتي على مول محل ماشي سرقة تهربتي من سؤال بدهاء معليكش او ليزاد دوخني ان سيد حسان فاش سولتو بان عليه اظطراب او حتى طول الموجي ديال الصوت ديالو تغير لي كيدل على الارتباك او لخوف ديالو من اننا نعلرفو شي حاجة".....بتول"فا شجيت انا او فدوى صباح جبنا معانا كاشف للمجالات المغناطيسية لي هو على شكل ساعة لي راني لابساه دابا او فاش قربت الجهاز من حزامك فاش دزت من حداك الكاشف سجل ترددات عالية لموجات كهرومغناطيسية منبعثة من الحزام ديالك ".....فدوى" كنتي كتستعملي لحزام ديالك لي كيحتاوي على مغناطيس باش يجذب هادوك المجوهارات او فاشك يلصق الخاتم ولا سنسلة على المغناطيس كتسديه بهاديك العيبة ليفالحزام او هكا تقدري تسرقي لي بغيتي بلا ميقشعك شي حد".....او جبد مروان المينوط او قا ل" انسة مريم عابد انتي متهمة بالسرقة الموصوفة مع سبق الاصرار و الترصد عند الحق توكلي محامي او عند الحق بالبقاء صامتة اثناء الاستجواب" او تم مديها لصطافيط او هو يتبعها مول محل كيقول "يااك انا مخدمك معايا ا وثيق فيك او انتي كتلعبي عليا قولي يالللفعة....او هو يجي عندو اسامة هاز المينوط او شد ايدين مول المحال او قال ليه "سيد حسين انت متهم بجريمة النصب والاحتيال على العامة بتزييف الذهب عند الحق بتوكيل محامي او البقاء صامت اثناء الاستجواب ".... او دار عند مريم او قال ليها" انتي ذكية بزاف او تعاملتي معا كولشي بذكاء فاش كنتي كتسرقي مي نسيتي ان الذهب معدن لا ينجذب للمغناطيس".....او هكا ...... تقفلات القضية بالحل جريمتين عوض وحدة

هي هاديك دراري مشاو داوهم يكمل معاهم اجراءات التحقيق او انا او فدوى مشينا نتسركلو شويا او دزنا لدار كعدنا مع ماما شوي او رجعنا لمقر بالمناسبة فدوى فراسها كولشي عليا فراسها حتي قضية اغتصاب ديالي ولكن معارفاش واش هو اسامة فاش كنا طالعين فسانسور طلعت معانا سامية رئيسة قسم المفقودين او كانت هازا معاها واحد كريطينة باينة كيك او حينت فدوى خاصها تعرف علاش هادي هازا كيك بدات الاستجواب بالفن.....فدوى" انسة سامية اش هاد لكيك ياك ماشي واحد معانا فالكروب عندو عيد ميلاد او حنا مافراسناش"......سامية" ماشي هكاك احبيبة ".....فدوى" اه معا شفت الكاطو او جاتني عجب قالت هكاك".....سامية" مادام بيتي تعرفي احبيبة اوا هاد الكاطو جبتو لبروفيسور اسامة ما حينت حنا والينا متقربين بزاف قلت نقوي علاقتنا"...او هي تغمز فدوى او هاد الاخيرة ليرجعات ليها الغمزة اااه يربي تصبرني نتقربو سااع هاد اللصقة هادي تفتح الباب او خرجت فدوى مشات او خرجت انا او هاد اللصقة او عايط ليها...بتول" نصيحة ا انسة سامية اوسو ماكيكولش الكيك او بالاخص لي فيه لكريم بحال الكاطو ديالك"...او مشيت المختبر ديالي كعت كنعقم ادوات التشريح او شوي هي تجي عندي فدوى باين طالع ليها القردة.......فدوى"ناااارييي نااااري انا غادي نرتكب جريمة ".......بتول"هههه شكون نقتلوا" ......فدوى" يا ختي هاديك سامية كعدات حدا بروف اسامة او كاعدة تبعكك فاش كاليها راه كامنكولش لكيك بقا فيها لحال قالت ليا نوضي جيبي لينا قهوة واش انا خدامة عندها".....بتول" او جبتيها ليها".....فدوى"انتي مال موك مكتشوفينيش هازاها"....بتول" اوا منعرف اش بيتي ديري يا نمرود"......كانت هازا جوج كيسان ديال القهوة شدات واحد او بدات كدفل فيه او تنخم فيه.....بتول" حشوما عليك ماشي لديك الدرجة اجي بعد او لكاس ثاني ديالك".......فدوى" ولا ديال لبروف اسامة راه كاعدة معاه".....بتول" اري ليا كاسها عندي نيت شي دفال شيط فمي" عمرنا ديك القهوة دفال او هوضناها او قلت ليهها اري انا نديه نضحكو عليها غي شوي او فاش حطيت ليهم القهوة مديت ليها الكاس لي فيه دفال هي شداتو عطاتو لاسامة او خدات لكاس لاخور تبهتنا يلاه بيمد لكاس لفمو شديتو ليه وليت انا نجر او هو يجر.....بتول" ارا لكاس راه اممم راه اه فيه سكر نتا كتشرب لقهوة مسوسة".....اسامة" غي خليه غادي نشربو ياك انتي ليقاديتيها غي خليها غادي نشربها".....بتول" يا ودي طلق قالت ليك متشربهاش".....اسامة" ياااه بيت نشربها" ........بتول" وايني وحلة طلق"....بيت انطرها دفكات على ايدينا او لموشكيل لقهوة سخونة انا دفكات عليا غي شوي هو لي دفكات عليه بزاف....سامية" ابنادم مكتشوفيش اش درتي"....بدات تجبد فكلينيكس او تمسح ليه ايشيييي او هو روغها عليه هاو ناض عندي....اسامة" انشوف ايديك ياكما تحرقتي اجي ندير يك ثلج".....بتول" وانتا مريض ولا مالك راه انتا لي تحرقتي ماشي انا"....
شاف فيا بتعجب..اسامة" انا".......او ايديه حمرين ...اسامة" ماحسيت بوالو"......بتول" حيد عليا انتا ماشي طبيعي"....اسامة" بحرا بيتي تعرفيها ".....مشيت او خليتو

.....فاش مكاتكون عنا حتا قضية كنعاونو الاقسام لاخرين ديال الشرطة فالقضايا عادية او واحد المرة تفاتنو واحد جوج دراري يكونو قراب ليا فالعمر او جابوهم لعنا او كنت غي انا او فدوى او مروان او اسامة او بدا اسامة بيدير معاهم محضر....اسامة" سيد براهيم انت اسي عند ك اعتداء على سيد انوار هادا لي حداك او عند تهمة ازعاج العامة"....ابراهيم"والله يا شاف ما انا هو ليجبدني".....فدوى"دابا انت غي مظلوم او هو لي جبدك"....ابراهيم" اياااه ازين وا هانتي فهمتيني" ....اسا مة" العاود زير معانا شوي ولا نشد موك معانا هنا بتحرش "....ابراهيم " انا حشومة عليك اشاف اربي ا الغزالة واش انا كنتحرش بيك"......فدوى" لا حاشا بالعمى"....ابراهيم" وا هانتا اشاف "...ضحكني انا هاد سيد او زدت كنضحك......ابراهيم"يخليلي ضحيكة او زيونات".....هاز اسامة واحد الملف او ضربو على راسو اسامة" واا هانتا العاود بيتي تخسر معايا شتي لي مبغيناش" ......ابراهيم" وانا اشاف ماشي ذنبي مايحسابليش واش لكوميسارية فيها هاد الزين اما لي لقيتو فطريق انضرب او نجي نخضر عينيا بالتيتيز" ..انا بعدا زادت غا كنضحك ....ابراهيم" والله البوكوصة انا بيت نعود نجي لهنا غي نسمع هاد الضحيكة او نمشي" ....عاود ضربوا سامة...اسامة" انت لموك كتحوك عليا شوف فيا انا ليقدامك ولا عرفتي خروج عند موك انا مابقيت باغي ندير تا محضر سير خرج عند موك".....ابراهيم" انا مخارجش بيت نبقا هنا انا اسي قاتل او سارق او فينما كانت شي جريمة انا دايرها خليني نكعد معا تيتيز "....اسامة" اجي اخويا دي عليا هاد خاينة تايسحا "...داك النهار شبعنا غا ضحك ههادا اسيد عالام هههه او ديك العشية جانا بلاغ بوجود جثة فواحد الشقة او هكا مشينا لعين المكان

مشينا لديك العمارة لقينا الجوقة على بابها طلعنا لقينا ام ديال الضحية كاعدة كتبكي وضوان او كمال بقاو كيهدرو معها او فدوى او اسامة نزلو عند كونسياج يهضرو معاه او يساولوه على الضحية او المقربين ليه او انا مشيت جيهة الجثة الا شفتيها تقول غي موت طبيعي حينت ماكين تا شي ضربات على الجسد ديالو او مكين حتا اثار ديال الخنق او مكين حتا شي شوائب فمقرلة دياول عينيه او فاش مسيتو والجسد ديالو مفقدش الحرارة ديالو بالمرة حينت نورمالمون بعد الوفاة مباشرة كتوقف عملية الاكسدة او كتناقص درجة الحرارة تدريجيا حتا كتولي بحال درجة حرارة المحيط او فاش سولت ام ديال الضحية قالت ليا بالي من هادي ربعة السوايع كانت كتهدر معا او شوي تسمعات شي حاجة طاحت او مبقاش كيجاوبها كانت كتحسابو نعس او فاش جات من هادي شوي لقاتو هكا يعني لو كان مات من ديك ساعة كون تبدل الون ديال الجثة كولها بسبب الرسوب الدموي لان من بعد الموت كيترسب الدم فالاوعية او شرايين او كيتكتل فالاجزاء السفلية للجسم بفعل الجاذبية او هاد الجثة لا جيت بيت نشوف النبضض ديالو والو مكين شاو حتا تنفس مكاينش شويي او انا نفهم اش واقع.....بتول" لونبيلوص بزوبة لونبيلوص ".....كمال" اشمن لونبيلوص".......بتول" وراه ماميتش راه باقي حي".......رضوان" كيفاش".....بتول" واضغيا عتقو سيد"...بعدا لونبيلوص دغيا جات حيت لكلينيك كان قريب او من بعد ماشرحت لطبيب اش كاين دخلوه لعناية الطبية او فاش وصلو الجسم ديال باجهزة مراقبة الوظائف الحيوية لقاوه حي بصح نزلت من لكلينيك لقيتهم كيتسناوني طلعت لصطافيط .....كمال" شرحي لينا اش واقع"......بتول"تيدرودوتاكسين او ما يسمى سم الزومبي او هو سم مميت فحالت مام استعماله عن طريق مجرى الدم مباشرة او هو اقوى بالاف المرات من سيانيد البوتاسيوم اما الى تم استعمال ديالو بكمية ضئيلة او دخل الجسم عبر الانف ولا الفم فهو كيسبب شلل شبيه بالموت لضحية لعدة ايام بحيت كيتم ابطال الجهاز العصبي العام للجسم او هكا لعضلات مكتنقلش نبضات القلب او كيحسابليهم بلي الضحية ميت رغم انه فهاد الحالة كيكون واعي بداكشي لي داير بيه الا انه ماكيدير تا ردة فعل او هكا وقع معا مع هاد السيد مي معرفش كيدار حتا كالو داكشي باش خديت عينات من الدم ديالو او اللعاب ديالو او حتى عصرة المعدة ديالو باش نشوف كيف دخل لجسم ديالو "......مرواان"واااااااااااااه او منين جا هاد السم "....اسامة" فايت لي سمعت بهاد السم فاش كنت فواحد المطعم بحري فاش كنت برا او على ما اظن ان بحال هاد السم كين فالمسالك التناسلية للانثى ديال سمكة الينفوخ حينت قبل ماكتكلها كيبقى يقدمو ليك نصائح فحالة تسمم".....بتول" وي كياخدوه من مصادر طبيعية بحال هاد النوع ديال الاسماك او كيعدلوه كيميائيا" .....رضوان" هه كون ماكنت البريهيشة ديال الفرقة كون كاع منعرفو هاد الشي "

من بعد ما درت تحاليل لدوك العينات تبين انه تعاطى لمخدر المورفين او كان ممزوج بغبار تيدرودوتاكسين او لانه تعاطاه عن طريق الفم او بكمية قليلة ادى غي لشلل ماشي القتل اي انه عنا هنا مخاولة قتل ولكن منجحاتش هنا بدينا كنبحدثو على شكون ممكن يعطيه هاد المخدر بلا منتسناوه حتا يفيق على حساب مقال كونسييج انه معندوش شي صحاب منيمتا كان كيجي عندو واحد الرجل يكون قريب ليه فالعمر او من بعد مدة مبقاش كيجي عندو او ولات واحد البنت لي كتجي تبقا عندو شي ايام او تمشي او مبعيد كاع اخر مرة جات عندو او حينت مكاينش كاميرات فالموبل كاينة غي وحدة حدا سانسور او بان فيها رجل ليكان كيجي عندو مي البنت مقدرناش نشوفو وجهها الا فواحد التسجيل مي الكاميرة كانت خاسرة كتبين غي نص او نص لا بانت غي او هي كنورك على لي بوطون ديال سانسور او حتا مو مكالت والو قالت معارفاش صحاب ولدها حينت معايش معاها مشينا لافاك لي كيقرا فيها او اسامة ناض دار فيها محاضرة او قدر يعرف من الطلبة او الاساتذة يعرف شكون لمروجين المشهورين ديال المخدرات او بالاستجواب المضلل ديال فدوى او دقة تحليل ديال اسامة قدرنا نعرفو شكون زودو بمخدر ولكن هاد السيد قال انه خلا ليه هاد بيكيتا ديال المخدر فواحد البلاصة فالمختبر ديال اللافاك مكيعرفوها غي هوما جوج او هو كيجي كياخدها تبين انه كيقول الحقيقة او فاش درنا الفحص لمخدر ليعطا منو لضحية لقيناها مافيها والو مما يعني انه كين شي واحد ثالث كيعرف هاديك البلاصة او هو ليسمم المخدر او حنا كنحق فهاد القضية توصل بحالة قتل وحدا او خرى او فاش مشينا لمسرح الجريمة كانت واحد البنت ميتة او ظاهر عليهها حالة تسمم حينت لون الجثة باه ثاو دازت شي ' سوايع على موتها نظرا لتقييم حرارة الجسم او تيبس او اعراض اوخرى او لان دازت مدة على الموت كان ولبد يكون ارتخاء فالعضلات الا انه كين واحد الخدر فيهم او كانوا ثار ديال القيئ او لولا هاد القيئ كان غادي يبان بحال موت طبيعي او هكا من سهل استنتاج انه تسمم بنفس السم التيدرودوتاكسين او لافت للامر هو الجثة بحد ذاتها او لقاها كونسياج لي جابليها شي سخرة او دق دق او فتح الباب بسوارت لي عندو باش يحط السخرة او مني لقاها ناعسة بغا يفيقها مي مافاقتش ليه شاف تنفس ديالها او بلغ البوليس ...... بتول"راه سبب الموت هو تسمم بتيدرودوتاكسين ا واو راه تم تحويل مكان الجثة يعني انها ماتت فبلاصة او لقيناها فبلاصة او خري اي مامتش الضحية او هي ناعسة حينت كينين شي بلايص تختر فيهم دم او وحين اخرين قراب مفيهم او كون متحولتش من بلاصتها كانت هادييك البلاضة كةلها يترسب فيها الدم ماشي تلونو شي وحدين او بقاو لاخرين او اكثر من ذلك هو ان الضحية ماشي مراة".....رضوان" كيفاش ماشي مراة اش بيكون".......بتول" بصراحة معرفتش واش نحسبوه مع الرجال ولا مع العيالات الضحية دار عملية تحول جنسي هي عملية تجميلية تحول من راجل لمراة كيديرو استئصال لاعضاء التناسلية الخارجية لرجل او كيزوعو اعضاء الجنسية للمراة "

مروان" كيدرتي تعرفتيها "...عايط على اسامة ليكان كيقلب فشي مواد ديال التنظيف او عيط على فدوى وقفتهوم قدامي....بتول" ساهلة حينت واخا تغيير المظهر الخارجي الجنسي متقدرش تغير الهيكل العضمي لان الهيكل العضمي عند الرجل او عند المراة كيختالف "...قربت وجه اسامة او بديتك نشرح" دابا الرجل كتكون الجمجمة ديالو كبيرة او اثقل او اسنان او الفكان اكبر حجما ايضا او لان صدر او رئتين ديال الرجل اكبر سعة فان قفص الصدري ديالو اكبر او اكتاف ديال الرجل اعرض من عند المراة"....او دزت عند فدوى" او بنسبة للمراة فالقفص الصدري ديالها اقصر او اقل سعة واستدارة او الجمجمة ديالها اقل حجم او اقل وزن او عضام الحوض عند المراة اعرض مما عند الرجل او هاد الجثة بعيدة كل البعد عن هيكل عضمي للمراة باضافة ان التسسم كان عن طريق الدم اي انه حقنو بلا ميعرفو.....اسامة" اه لقيت فثلاجة هاد القريعة ديال الانسولين ضحية كان عندو سكري او الا كانت شي حاجة غادي يحقنها بلا ميشك اشنو فيها هي هادي زائد ان هاد مسرح الجريمة كيفضح شوي من معالم شخصية المجرم كاين القيئ فشعر ضحية او مكينش فتا بلاصة اوخرى او حتى فاش حول الجثة خلا الوضعية ديال النوم تكون مثالية نوعا ما هاد المجرم نقا تقيا ليكان او ستخدم منظف بريحة الورد فبلاصة جافيل لي كان غي فالبلاكار تحتاني او ردو فين كان يعني ان شخصية المجرم شخصية منظمة عندها واحد الموازنة بين ابقاء الشيه او ازالته شخصية تحدر من الفوضى مند البداية حتى لا تقع فشباكها فالطريقها او لمعروف ان النساء هم اكثر ميلا للمنظفات بالورود او المنظفات ذات الرائحة عكس معظم الرجال او بما ان شخصية المجرم مثالية اي انها غادي تختار منظف نسائي اي ان المجرم مراة ذات شخصية منظمة بشكل مبالغ فيه او مثالية نوعا ما"....رضوان" ممكن يكون شي رابط بيمن محاولة القتل الاولى او هاد الجريمة نظرا لتشابه سبب الموت"......فدوى" بلاتي بلاتي مالاحضتوش ان الرجل فتسجيل لي شفنا فديك العمارة او لمراة ليكانو كيمشو عند الضحية الاولى كانو كيوركو على بوطون ديال السانسور بلايد ليسرا ا وان المدة ليمبقاش كيجي فيها هاداك الراجل او لي من بعدها ولات كتجي فيها هاديك البنت كانت المدة ديال عملية التجميل يعني احتمال وارد حنا ندو تصويرة ديال الجثة او نسول كونسياج "

او اكد لينا الكونسياج انها نفس البنت او من بعد تحليل عينة الانسولين لقيت فيها تيدرودوتاكسين او هكا توصلنا ان الجريمتين مرتبطين او المجرم واحد تعرفن على الهوية ديالو من بعد ما حللنا بيانات الحمض النووي هو طالب جامعي او سميتو ربيع او كان كيقرى فنفس البرونش لي كان كيقرا فيها ضحية الاولى من بعد البحث لقيناه قطع الصلة بالعائلة ديالو او فسخ الخطوبة ديالو قبل ميدير العملية التجميلية او فاش جينا نشوفو شكون من المحتمل يكون قريب ليه لقينا لخطيبة سابقة ديالو كتقرا فنفس الجامعة واخا لبرونش مختالف .....اسامة" انا شاك فهاد البنت انا متاكد انها هي ليبغات تقتل الاول او قتلات ثاني راه حضرات لمحاضرة ليدرت فالجامعة ديالهم او فاش كنت كنهضر او سولتهم على اساليب القتل الناجعة ليتعرفت بيها حضارة الهنود الحمر جاوبتي انها كانت معروفة بالسموم او بالاخص استخدامهم لسم الضفدع الذهبي او قالت انه كيستخرج من هاد الضفدع سم يسمى سم الزومبي لي هو تيدرودوتاكسين او فاش ساليت المحاضرة ديالي هضرت معاها شوي او كانت شخصية ديالها قريبة نوعا ما من تحليل تشخيصي لي درت لمسرح الجريمة".....بتول" بنادم مضيعش الوقت او خدا راحتو او شاد ستون معاها"...اسامة" نعام"....بتول بتنفاض" ماقلت والو "......فدوى" انا راه شفتها فالكلينيك فاش كنت بيت نشوف الضحية الاولى واش فاق او كانت كتسول على امين عموري "......رضوان" او مالكي ما قلتيها راه هو الضحية الاولى نيت"...فدوى" انا اش عرفني".....كمال" او الى جينا نشوفو راه عندها دافع للقتل يقدر يكون ان خطيبها فسخ الخطوبة او تحول او منعرف".....اسامة" نقدرو انتاكدو انا مزال عندي جوج محاضرات باش نكمل الموضوع لي كنحاضر عليه او نقدر نتلقاها او نحاول نعرف شي حاجة اش قلتو"..بتول بزربة" لاء"...بداو يشوفو فيا كاملين..بتول" زعما حنا فريق خاصنا نديرو اي حاجة كاملين ماشي كل واحد يدير حاجة".....كمال" وي اذن غادي تمشي معاه فدوى باش نيت تراقب او مروان باش يجيب نيت تسجيلات الكاميرا".....فدوى" يالا بينا يا بروفيسور يا اسر القلوب هي خليتيها تزعط فيك ااا كار غي كاار".....بتول" احم احم" ... او مشيت او خاليتهم طالعوا ليا دم انا مشيت لدار تغديت مع ماما او خرجنا تقادينا شي حوايج من السوبر ماركيت فوجنا بعدا فاش رجعت لمقر لقيتهم جاو ....اسامة" انا متاكد انها هي "....مروان" من بعد ماشفت تسجيلات الكاميرا للاسف كينا كاميرا وحدا قدام الباب ديال المختبر او لداخل المختبر ماكين والو او من بعد سيد لي حاط لادروك دخلو جوج تناس هاد البنت او واحد اخر او عاد باش دخل الضحية امين".....فدوى"شكوك واضحة ولكن معنا حتا دليل قوي ضدها "....بتول" علاش منخلوهاش تعتارف هي راسها".....رضوان" فكرة مزيانة مي كيفاش"...اسامة" انا تلزمني بضع دقايق باش نعرف شخصية اي واحد داكشي باش خالو هاد شي ليا انا عندي فكرة كيفاش نخاليها تعتارف انتوما معليكم غي تعايطو ليها لاستجواب او خالوني انا نستجوبها او شوف بيتك تشد قاعة الاستجواب او ترونها عمرها بزبل ولا اي حاجة مهم تكون حالتها حالة حينت اي شخصية منظمة كترتابك او كيتشتت الذهن ديالها فاش كتكون فمكان فوضوي او بالاضافة انني اكتاشفت كتلف او كتتبقا دخل او تخرج فالهضرة الى شافت شي حاجة مذببة او حادة فاش كنت كنهضر معاها او انا هاز قلم الرصاص بانت متوترة او ببغات غي امتا تسالي الهضرة باش تمشي فحالها او هادا كيدل على انه عندها رهاب المؤنفات الخوف من الاشياء الحادة يعني غادي تحاط ليا فوق الطبلة اقلام الرصاص او استيلويات او اي حاجة ماضية او انا الي غادي نخاليها تهضر

بتول" ماتيقش فراسك بزاااف زعما".....دار ايدو وراعنقو او احدر راسو اوخرج ماكنحملوش يبقا يدير هكا ....فدوى" انتي مالكي معاه كضحكي معا كولشي حتا من قائد الفريق لمعفر كيضحك معاك او ضحكي معاه او مالكي مع لبروف اسامة ديما تعطيه من جبهة لجنب".......بتول" اوا صافي حتا انتي"......جات مع ثمانية ديال لعشية او دخلات لقاعة الاستجواب او لقات اسامة كيتسناها تصدمات حينت متوقعتوش يكون تم او زادت توترات او رتابكات فاش شافت الحالة ديال القاعة كاع عامرة وسخ او لوراق مرونة بمعنى الكلمة او طبلة فوقها واحد المقص او اقلام منجورين مزياااان او حنا بقينا كنتصنتو ليهم من الغرفة ليحداها او نشوفو اش بايدير ....اسامة" انسة سلمى ياسر انتي ليوما فالاستجواب فقضية قتل الخطيب السابق ديالك"......سلمى" انا تفارق عليه من شحال هادا او معمرني عاود شفتو".....اسامة" ربما معمرك مشفتيه فشكل لقديم ديالو مي شفتيه بالشكل جديد ديالو ولا لا"...سلمى" انا معارفا علاش كتهضر ا بروفيسور"......اسامة" شتي فاش حركتي عنينيك بعيد علا عيننا عتارفتي انك عارفا علاه زعما محاولتيش تديري سم فلاضروك ديال امين لي قدر يخسر عليك حياتك فاش دار علاقة مع خطيبك"...بدات كنرعد او تصدد او هو يهاز اسامة قلام الرصاص او قربو ليها او بدا كيشير ليها او يهضر " انتي انتي لي درتي سم حتا فالانسولين ديال ربيع او تقتليه باش تسكتي رغبة الجامحة ديال الانتقام".....سلمى" لا لا لااااااااا"...اسامة" اياه انتي كنتي كتقولي علاش يخاليني انا او يبدل الجنس ديالو علا قبل واحد نكرة كتقولي انا مثالية زوينة او كنقرا لاباس عليا مخاصني والو علاش يخاليني او قتلتيه لان عندك اضطراب الشخصية النرجيسية خاص الناس يهتمو بيك غي انتي او الا مهتموش خاصهم ايختافو من حياتك باغا تقتلي جوج تناس باش تنرضي راسك".....فواحد الوقيتة هاجت او فقدات السيطرة على راسها او بدات كتغوات او ماحينت كان قدامها واحد جوج كيسان ديال الما هزاتهم او دربات بيهم اسامة او بدات التغوات " ا هانا ليقتلت ربيع او غادي نقتل حتا داك نكرة ديال امين انا ماكينش شي واحد غادي يذلني او يبقا حي او اي واحد يتجرا عليا غادي نقتل واو هزات الكرسي او بدات ضرب فاسامة او لي صدمنا غي هو ما دار تا ردت فعل وا راسو ولا دمايات او بدات كتنزل عليه شوي حايد ليها الكرسي انا مشيت كنجري بيت نفتح الباب ديال قاعة الاستجواب والو كان قافلو من لداخل او شوي جا مروان فتح الباب بسوارت لقيتو هاز المينوط او مشا عنها....اسامة" سلمى ياسر انتي متهمة بجريمة قتل او محاولة قتل او ثبثات على ذمتك التهمة عندك الحق توكيل محامي او البقاء صامتة اثناء المحاكمة "...او عطاها لرضوان او تم جاي عنا بحالا معامرش دم ولا مكايلش الدق....اسامة" ققالت ليكم غادي نخاليها تعتارف شتي".....بتول" واش انتا مريض ولا شنو شوف كي وليتي دمايات"...دار ايدو على جبهتو او هالي شاف الدم او عاق بيه.....اسامة" ااه مشفتوش هو منين جا بعدا".....بتول" انتا ماشي طبيعي راه ضرباتك بجوج كيسان ديال زاج او نزلات عليك بكرسي او انت كتسول".....اسامة" ااه محسيت بوالوو" طلع ليا الدم او خرجت..او هكا تقفلات القضية او تسد الملف ديالها

مشيت كعدت فالمختبر شاديت راسي او بقيت كنهدر معا راسي" انا دابا لاش معصبة يضرب راسو ولا يدبح راسو انا مالي لا ماشي يدبح راسو كااع الا الموت مامعاناش"....فدوى" الهبيلة مالكي كتهضري بوحدك"....بتول" والله معرفت مالي انا نيت ماعلينا ديتو هاديك المجنونة".....فدوى" هههه وي من هنا ليوماين غادي تعرض قدام المحكمة انا لي عجبني هو البروف اسامة وا كون كان اي واحد فينا او كال هاداك الدق كون مسكتش من الغوات او نحيط وااااه وااااو"...عاد طاحت فبالي ...بتول" ااااه دابا عاد فهمت انتاكد انا اش خاسرة"....فدوى" وااديك الحيوانة مالك" بيت غي نتاكد فينهو هاداك المشرط صافي هاهو" ...هازيت واحد المشرط او واحد البواط ديال الاسعافات او مشيت كنقلب على اسامة مالقيتوش فالمكتب ديالو او قالو ليا بلي كاين فالمكتب ديال انسة سامية رئيسة قسم المفقودين انا بيتها هي توضر او مايلقاو ليها لاتر او لحاج مضيعش لوقت دغيا طار عندها درمت عليهم فالبيرو ديالها لقيتو قاعد فوق واحد الكرسي جبت كرسي ليا او حطيتو قداموا او كعدت عليه مقابلة او قريبة ليه...سامية" الالاة اش كاديري"...فتحت ليه صدافي ديال المونطو ديالو او فتحت ليه صدافي ديال قميجة ديالو ....سامية" اش كديري انتي كنهدر معاك بعدي من لبروفيسور".....اسامة" خاليها " شاف فيا او بدا يبتاسم" ديري ليبغيتي نعاونك فشي حاجة"...بتول" عاوني بسكات"...شديت المشرط او حطيتو على صدر واو بديتك نجرح فيه جراحتو مزيان حتي داز دم او هو والو متقصح مادار حتا ردة فعل ضربتو على صدرو....بتول" نوض الله يعفو عليك عرفت بلاك".....اسامة" بلايا انتي بلايا"....بتول" جمع جمع بديتي كتحل كنهضر عليك كتضرب او كايبان ليا مكتحس بوالو عندك واحد المتلازمة عصبية سميتها ايمينجيا الالم اي فقدان ذاكرة الالم او بمعنى اخر فقدان القدرة على الاحساس بالالم يعني واخا يشبع فيك بنادم دق ماغادي تحس بوالو واخا تهرس ولا يفتحو ليك كرشك مغادي تحس بوالو واخا الجسم ديالك مضرر " ....بديت كندير ليه الفاصمة لجرح ليجرحتو او هو كيشوف فيا او هو يبدا يحيد ليا شعري على وجهي"....بتول" حايد ايديك ولا نهرسهم ليك"...اسامة" غي هرسيهم يا كانا مغادي نحس بوالو انا ديري بيا ليبغيتي".....بتول" اش عندي منديربيك انبيعك فسوق جملة" ....تميت ماشية.....اسامة" فين غادا كادي ليا حوايجي"...بتول" اشنووووو"....اسامة" مالني انا ليفتحتهم".....كعدت يلاهه بيت نبدا نسدهم ليه...سامية" احم احم" ...عاد شفناها نسيناها كاع واش كاينا...بتول" حايد عليا كوليها هي تسدهم ليك ياك فينما دور نلقاك عندها" ....سامية" على اي ا بروفيسور هاهو العنوان لي كنتي كتقلب عليه"....اسامة" مرسي سامية بتول تسناي تسناي"....مشيت او خاليتو كيعايط

تسلمو عائلة ربيع الجثة او نقيت المختبر او عقمت الادوات ديال الترشيح ساليت خرجت شاديت طوبيس و مشيت لدار او انا طالعة مع دروج كنسمع لباب ديال الشقة ديالنا تفتحات طلعت واحد شوي كيبان ليا اسامة قدام الباب تصدمت قلبي تشد عليا بقيت كنشوف هو محسش بيا كاع او هي تفتاح ماما لباب او بقات كتقول شكون او هو بقا غا كيشوف فيها مقدر يقول والو ماما سكتات بقات غي كتصنت او شوي هي تقول...ماما ثريا" اسامة....اسامة ولدي" ... او هي تبدا تلمس فاش وصلاتو بدات كتلمس ليه لحيتو او شعرو ...ماما بالبكا " اسامة ... انت ولدي اسامة"......اسامة" وااه ايما انا اسامة"...بدات تبكي او تعنق فيه...ماما" فين مشيتي فين او خاليتيني انا ميمتك حرام عليك"....اسامة" توحشتاك ايما توحشت ريحتك و الله ".....بقات ماما تتبكي او تعنقو او حتا هو كيعنق فيها او كيبوس ليها راسها او عينيها او يديها ....ماما" فين غبرتي او سمحتي فيا فين ".....اسامة" سمحي ليا ايما سمحي ليا ولكن والله ماكان بيدي ايما "....او شوي او هي تبدا ضربوا على صدرو ...ماما" علاش درتي هكاك علاش علا ش انا ربيت ولدي باش يتعدا على بنات الناس انا لي غالطا انا لي معرفتش انربي ولدي انا" .....اسامة" سمحي ليا ايما سمحيليا او انا لي غالط ماشي انتي "......ماما" خسارة تربيتي فيك خسارة ".....اسامة" يما عايريني ضربيني ديري لي بيتي والكن انا منقدرش نبعد عليك يلاه عيشي معايا او ديري ليبغيتي علاش عايشة بوحدك"....انا كيف سمعت هضرتو تبهت مبقيتش متحكمة فراسي حتا الكارطابل لي كنت هازا طاحت هالي انتابهوا ليا.......ماما" بنتي بتول".....انا واليت كولي كنترعد مابقيت عارفا اشك ندير انزلت كنجري من من دروج غير غادا ماعرفاش حتا فين مقادراش نتخايل ان ماما لي بقات معايا مدة 8 سنين غادي تمشي حتا هي او تخاليني تبعني اسامة كيعايط.....اسامة" بتول بتول" ....شدني...بتول" بعدمني ماتقيسنيش"....

اسامة" تهادني علاش ماكلتيهاش ليا علاش ماقلتيش ليا ان يما عندك او خاليتيني كنقلب عليها انا او سامية عرفتي شحال قلبت"......بتول" بعد مني بعد مني"...بغيت غي نبعد ماعرفتش اشنو جرا ليا كولي كنترعد او غي غادا شدني ثاني او انا نتنطر منو....بتول" بعد مني كولشي اصلا بسبابك ا نت سباب انا ما درت والو اشنو كان ذنبي انت انت كون ما نتا لي شديتيني داك النهار انتا كون ما سديتيش ليا فمي او جريتيني ماكان غادي يوقع والو انتا لي لي عطيتيني لصحابك فاش ساليتي مني ما عرفتيش انا باش كنت كنحس ديك الساعات ماعرفش شناهيا تبقا تغوت بحر جهدك او حد ماكيسمعك مكتعرفش احساس انك تعيش تجربة خايبة كل نهار كل نهار فحياتك لدابا لدابا او فاش لقيت ماما ثريا هي ليقدرات تعطيني داك الحنان او داك اامان لي معمرني حسيت بيهه معا واليديا جيتيي باش تاخدها انت اكثر واحد معندوش لحق يهضر انت"......اسامة" ماشي غي انتي بوحدك لي مكانش عاجبك لي وقع انا راه كرهت نهار لي قدرت نحط فيه ايدي عليك راه حتا انا تعذبت فاش كنت فالحبس فراسك ان لي دخل لحبس بتهمة القتل كيعيش حسن من داك ليداخل بتهمة اغتصاب معمرك مسمعتي بشي حاجة سميتها قصاص الشرف فسجون انا راه عذبوني كيف بغاو او دخلت لكلينيك غيبوبة شهرين او فاش رجعت لحبس بقيت فالانفرادي 8 سنين انا مزال راه غي عذبوني اما جوج لاخرين واحد دارو ليه كيف دار ليك او لاخور خلاوه يتناحر راه ماشي غي بوخدك ليعشتي تجربة خايبة راه كولنا بسباب غلاط واحد خسرنا حياتنا ".....جا قرب ليا بدا كيهدن فيا ......بتول" انا بيت غي نعرف واش كنتي داير لاضروك قول ليا انك فاش تعديتي عليا كنتي ماواعيش قول انهم دارو ليك شي حاجة قول اه عافاك قول اه".....بدا كيمسح ليا فدموعي...اسامة" تمنيت نقوليك اه مي انا كنت غي شارب غي سكران او صافي اي واعي تقريبا او عاقل على كولشي ".....معرفتش علاش تصدمت رغم انها شي حاجة كانت باينة الا اني مقدرتش نتقبلها بقيت كنضرب فيه او نقول لا او هو كيعنقني او يهدن فيا حتا كنحس براسي ثقيل عليا او غمضت عينيا او مشييييت...فاش بديتك نفيق كنت كنحس بحالا شي واحد هازني او كيحطني فوق ناموسية فاش حاليت عينيا او عرفت بلي لي كيحطني هو اسامة لا اراديا دفعت واو بديتك نرجع بلور او نقوليه بعد مني....اسامة" تهدني انا هاه ماغاديش ناذيك رتاحي"....ماماثريا" بنتي خلاعتيني عليك اجي عندي "...بقيت معنقاها او هي كتمسح ليا فراسي

بقيت لمدة يوماين فدار او نهار الثالث مشيت لمعمل الجنائي كنعاونهم يجيرو شي تحاليل حينت معندنا حتا شي قضية فالمقر مكنت باغا كااع نشوف حاد مي فدوى باش زوينة ماكتخالي حاد فتيقار جات خرجتني بزز او ضربنا دورة فالمدينة او دازنا المقر بزز مي مالقينا حد بعدا من غير مروان كعدنا معاه شوي او فاش كنا خارجين سمعنا بصدفة سامية كتقول لشي حد فتيليفون انها ممسالياش غاديا تحضر لاخر محاضرة لبروفيسور اسامة فالجامعة لي فالمدينة......فدوى" انا والله على بالي انمشي غا نخسر عليها هاد الكعدة مع البروف او نجي اش بان ليك"......او انا بحالا كنت كنتسنى غا الفرصة حينت مكنتش غادي نخاليها تمشي عندو بوحدها..بتول" من اجل الصالح العام يلاه ههههه" ....... مشينا خاليناها حتا دخلات او معرفتنا ايمتا كعدنا حداها ههه درنا ليها الصدمة هههه بشوي بشوي حتا عمر لونفيي كولو دكس ببنادم بنادم كيهدر كيف دخل سكت كولشي حاط الكارطابل ديالو البيرو او طلع المنصة او بدا كيهدر او كيشرح او يفسر بكل تلقائية كانت طريقة الالقاء ديالو واعرة واخد راحتو اوكيوصل او مرة مرة يبقى يضحك مع الطلبة يعني طول المحاضرة او هو كياخدنا من بلاصة لبلاصة العنوان ديال المحاضرة ليكان سميتو شيفرة الاجرام فالجينات الوراثية لي كان بحد ذاتو مثير اما المحاضرة كانت اكثر اثارة فدوى شي حد صونا عليها او قالت ليا غادي تمشي او مشات بقيت كنشوف فيه او بديت كنتفر كاع دوك الايام ليدازو او حطيت راسي على لونفي او بقيت كنتفكر بقيت هكاك تا كنسمغ شي حد "مادموزيل مادموزيل واش بيخير"....هزيت راسي كايبان ليا هو ليكيهدر معايا بان ليا تفاجا واخا كان بعيد عليا باين مشافنيش مجاوبتوش او رجعت حطيت راسي فاش سالات المحاضرة بداو ناس كينزلو من لونفي او انا بقيت معرفتش علاش حسيت براسي مقاداش نتحرك كيبان ليا طلبة تجمعو عليه بقا شحال او هو كيهدر معاهم او يجاوبهم او سامية بقات واقفة حدا المنصة بشوي بشوي حتا مبقا حد او مشا جمع الكارطابل ديالو هضر واحد شوي مع سامية هي مشات او هو طلع لعند البلاصة لي كاعدة فيها او حاط راسو على الونفي بحالي او بقى يشوف فيا او انا نشوف فيه .....بتول" شتي الفرق بين كيف دوزت انا دوك 8 سنين او كيف دوزتيهم انت هو حينت واخا يعدبو فيك حتا يعياو مغاديش تحس بالمرا اما انا راه كنحس".....اسامة" يمااا غادددي تبقى معاك او مرا مرا غادي نعود نديها عندي لاين نمشي بحالي".....بتول" دير ليعجبك".....اسامة" كنت غادي نوقف المحاضرة كولها كون ماهزيتيش راسك انتي اول واحد ينعس فالمحاضرة ديالي".......بتول" ماكنتش ناعسة كنت كنتفر الوقت لي كنت كنتسناك فيه كل نهار قدام الدار او عرفتي تاكد من واحد الحاجة انني مبقيتش ديك البنت دال 15 عام لي كانت كتشوف فيك كولشي"....هاو راسو او بقا يمسح فراسو ...بتول" انا بعدا باقي هاداك الولد ديال 22 عام ليمعرفش اش درتيليه لي ديما كيتسنا الوقت ليشوفك فيه"....ديك الساعات ناضت او مشيت او خاليتو كاعد

مشيت لدار او فاش تعشينا مشيت عند ماما لبيتها او تكيت على رجليها ...ماما" بنتي مالكي ساكنة من قبيلة مالكي "....بتول" معرفتش مالي مرا كنشوف اسامة بحال مكانت عندي 15 عام اومرا اوخرى كنخاف منو فاش كنشوفو مع اي بنت مكيعجبنيش الحال كنحس بانه ديالي بوحدي او مرا مكنبغيش نشوف وجهو بالمرة منكر شانني كنغير من كل بنت كتقرب ليه او فنفس الوقت مكنحاملوش يتقرب مني حارت كيفاش تقدر تبغي او نكره شي حد فنفس الوقت"......ماما" بنتي انتي كتحسي بهاكا حينت شفتي اسامة فجوج حالات فالحالة الاولى كرهتيه فيها او المرة ثانية بغيتيه فيها او انتي احبيبتي هكا حينت معارفش تختاري اشمن صورة تاخدي عليه واش لولى او باش تختاري هاد المرة خدمي عقلك او قلبك او هوما غادي يوروك او انا احبيبتي معا كفاي حاجة ختاريتيها"......بتول" بيت نعس حداك هنا اماما"...ماما" مرحبا بيك ابنيتي" كنرتااح بزااف فاشك نعاود لماما لانها بالفعل كتريحني نهار ثاني كنت فالمقر او جانا اتصال بوجود جثة ديال واحد الرجل فدارو مقتول

مشينا لهاديك الدار او تلاقيناالسيد ميت كيبان انه تم طعن ديالو عدة طعنات مي مالقيناش سلاح الجريمة او مثير للاهتمام ان الجرح عامر بالما او كاع البلاصة حول الجرح مرطبة بالما او درجة حرارة الما معتدلة او رغم ان الجو سخون يعني انه نورمال مون خاص تكون لحرارة ديالة بحال الحرارة ديال الجو الا الى كان هو فالاول بارد ولا كان فالاصل ثلج كل واحد فينا تدهى مع شغلو انا بقيت كنفحص فالجثة او فدوى او رضوان خرجو يسولو ناس او جيران او مروان مشى يشوف الا كين شي تسجيلات ديال الكاميرا او كمال كيقلب فحوايج ديال الضحية اواسامة جا معطل بقا يشوف فمسرح الجريمة .....بتول" من الوضعية الحالية ديال الجثة باين انه كان كيقاوم المجرم او كيبان ان سبب الموت هو الطعن فالجانب العلوي الايمن من البطن او من نظرة اولية الجرح غالبا غادي تكون سبب الموت هو ان سلاح الجريمة اختارق الكبد لو زمن الوفاة غادي يكون بين ساعتين لساعتين او نص لان الترسب الدموي خدا الشكل الكلي ديالو او باقي المعلومات غادي نجيبها ليكم من بعد من نفحض الجثة فالمختبر".......مروان" لقيت تسجيلات الفيديو غادي ندقق فيههم فالمكتب"......كمال" اخر مكالمات وصلات ضحية كانت مع صباح غادي نتعرفو على مولاها ".....اسامة" الحالة ديال الجرح بمثابة توقيع ديال المجرم اي ان المجرم دكي حتا يخلي توقيع الجريئ ديالو فمسرح الجريمة او يخخالي المكان نقي او نظيف اي ان دافع مكانش سرقة حينت مامشى والو او مكان ديال الجريمة لي هو الصالون كيدل على ان الضحية استقبل المجرم او مجاهش على غفلة او كيدل ايضا على ان الضحية كيعرف المجرم او هادشي كوولوو كيدل على ان شخصية المجرم من شخصيات لي كنبغي لاستعراض او كتحس بانها متفوقة او احسن من الاجهزة الحكومية اي انها كتحدى القانون او بما انه مكلفش راسو يسد الباب من وراه ولا يخبي الجثة كيدل على انه شخصية اعتمادية اي انه شي شخص عارف راسو غادي يخرج من هاد المشكل غالبا او احتمال كبير انه يكون شخصية عندها صلات بمؤسسات حكومية او انها عندها مكانة اجتماعية كضمن ليه هاد الثقة او كنظن ان المجرم عندو نوع من اضطراب الشخصية" كولها مهم شوفوا لمقربين من ضحية ليقدرو يكونو بحال هكا"

رجعنا لمقر او كولها داها فشغلو انا بقيت كنقاد الغرفة تشريح بين ماتوصل الجثة او ماجات فين دوز نص ساعة حتا عايط علينا مروان....مروان" لقيت فالكاميرا لي كاينة فالدخلة ديال الموبل فواحد التسجيل بظبط من بعد وقوع الجريمة هانتوما شوفو " .....خدم التسجيل او كان كيبان فيه واحد السيد خارج من الموبل او لابس كاسكيط او داير على وجهو كمامة او لابس نظادر يعني مامبين والو او كان هاز معاه واحد الحافظة ديال الثلج ديك اللعيبة لي بحال صنيديقة كيهازو فيها ثلج باش ميذوبش او فاش كبر مروان صورة عليه بان واحد الوشم فعنقو طبعو صورة ديال هاداك الوشم او مشات فدوى او رضوان لمحلات ليكيصمم الاوشام باش يعرفو ليصمم هاد الوشم او منو غادين يعرفو شكون ناس لتصاوب ليهم هاد الوشم او كمال او اسامة وخا ماكيتلاقاوش مشاو يتلقاو مع العائلة او صحاب ضحية اما انا فبديت بتشريح الجثة من بعد ماوصلات او بديت بالجرح او كيبان ان طعنة لاةولى بصح اخترقات الكبد او الطعنة ثانية قطعات واحد الشريان او واحد الجزء من الامعاء او لو انهم كتاشفو اش جرا قبل بمدة كان ممكن يبقى حي الى دا جراحة مي معا هاديك المدة خسر بزاف ديال الدم مما ادى الى الموت او من تحليل عينة ديال الدم بان ان الضحية كان مدمن على واحد النوع ديال العقاقير ديال الارق اي انه كان ربما كيعاني من شي مشكل مخلاهش ينعس بقيت معطلة بزااف مع هاد الجثة لانني بصراحة بقيت شي ساعة او انا نشوف فيها جاني الوجه ديال الضحية مالوف مهم خرجت من المختبر لقيت كولشي مشا مشيت باش نحط البيانات ديال التحاليل فوق المكتب حتا كنلقى واحد البواط طويلة ديال لكادويات قلت معا راسي اواه شي حد غالط او انا نفتحها اشخاسرة انا لقيت فيها واحد الفيولو واحد الكمان كيف شفتو تفكرت الايام ليكنت كناخد فيها دروس فالكمان اكثر حاجة بقات فيا انني مكملتش دروس حينت غاليين من بعد ماستقليت على واليديا هه مي ماشي مشكل او انا كنشوف فيه بانت ليا مكتوبة فيه فواحد الجنب فالتحت سميتي بالحروف الرومانية القديمة او انا نقلب فالبواط لقيت واحد الوريقة مكتوب فيها " كل عام و قدماك بخير اليوم يوافق اليوم الذي استطعتي فيه المشي على قدميك مجددا اتمنى ان اسمع معزوفة "ايف ماريا" التي كنت تعزفينها لي " .....مكنتش محتاجة نعرف شكون حينت الوحيد لي عارف هاد النهار او الوحيد لي كان كيعجبو يتصنط لهاد المعزوفة هو هو معفتش كيفاش هازيت هاداك الكمان او بديت كنعزف هاديك المعزوفة ديال ايف ماريا او فالظلمة او حتا حد ماكين فالمقر كان احسن كادو خديتو تبا له يفهمني

نهار الثاني تجمعنا او بدينا كنشوفو داكشي ليوصلنا ليه ......كمال" الضحية هو عثمان الرابي سكريتير فشركة ديال "انفو" للهندسة و التعمير او سن 26 سنة كان الاب ديالو خدام عند مول الشركة شيفور او على حساب مجمعنا مكان عندو حتا عداوة او صحابو كيقولو انه كانش بيناتهم شي علاقة نيت لانه كان مقرب بزاف من ولد مول الشركة".........مروان" اخر رقم اتصل بيه غير مسجل فوكالة الاتصالات او شافت الحساب الالكتروني ديالو فمواقع تواصل الاجتماعي او كين واحد الحساب كيبقى يديرونجيه يقول ليه بلي هو شفار او انه ماغاديش ياخد داكشي ليباغي او انه غادي يدفع ثمن ديال الخيانة ديالو او فاش تبعت هاد الحساب لقيتو مسجل باسم مستعار ".......بتول" فعينات ديال الدم ديال الضحية كان فيها بقايا ديال واحد العقار مضاد للاق او كان بكمية كبيرة مما كيدل على الادمان يمكن عندو شي مشاكيل او ربما بسباب هاد المضايقات او المثير للاهتمام هو الطعنات بحد ذاتها الا جينا نشوفو شكل الانغراز ديال سلاح الجريمة من سهل نقولو انها سكين اي موس ولكن فاش جيت نشوف الابعاد ديال الطعنة مكتدلش على انه موس حينت لو كان موس باضافة لشكل غادي يكون تمزق لي فعضلات البطن بشكل محز او الياف العضلية غادي تمزق بشكل متساوي مما كيدل على ان هاديك الادات حادة او هنا كنستنتجو انها سكين مي ابعاد الجرح عند الضحية كتختالف تمزق لي فعضلات البطن ماشي محزة لا او الالياف العضلية مقطعة بشكل غي متساوي مما كيدل على انها كانت نوعا ما اصلب من ادات الجريمة اوقدات تحطم اجزاء من الحافة ديال سلاح الجريمة او هادشي متقدرش الالياف ديرو لمادة صلبة لي ههي الحديد لي كيتصنعو مننها السكاكين " ........كمال" هادا كيدل على ان التحقيقق غادي يتعطل مدام حنا معارفينش سلاح الجريمة"......اسامة" ممكن اننا نضيق دائرة المشتبه فيهم لان العائلة ديالو مكتعرف والو على الحياة الشخصية او العملية ديالو او حتا صحابو كانت المعرفة ديالهم بيه سطحية متقدرش توصل لدرجة انهم يبغو يقتلوه لانهم ببساطة معندهم ذافع للقتل او من بعد مالاحظت تعليقات ديال هاداك لي كان كيضايق الضحية كانت نوعا ما جريئة اي انه كيعرف مزيان الضحية او حتا ضحية مكانش كيجاوبو رغم انه كان كيسجل دخول لحساب ديالو كيشوف تعليقات او مكيجاوبش اي انه حتا هو كيعرفو لو مكانش كيعرفو كان على الاقل غادي يحاول يعرف شكون هو او علاش كيهدر معاه بهاد الجراءة او هاد ردة الفعل كدل على الاحساس بالذنب فمثلا انا داير ليك شي حاجة او انت كتحملني المسؤولية او كتهددني غادي نحس بالذنب لانني غلط فحق او غادي نسكت لان معنديش لحق باش تجاوبك او من هادشي كولو يمكن نقولو ان الضحية سبب شي مشكل

لهاداك السيد او هو كيهدد بيها او بما ان طريقة الهدررة ديالو كدل على انه كيعرف ضحية مزيان فهو غادي يكون من المقربين ديال ضحية الا استبعدنا العائلة او صحابو لاخرين غادي يبقى لين العلاقات ديالو داخل العمل او لاحظت فاش كنا كنسول رئيس الشركة على هاد الموظف كان عندو اهتزاز فصوت ديالو مما كيدل على انه كيخبي شي حاجة او كان مرارا وتكراا كيدير ايدو على فمو او هاد الحركة من ضمن خصائص الكذب البشري او كان كيديرها كلما سولناه على ولدو"........مروان" ابن رئيس الشكة درت عليه بحث كيف قولتي ليا ابوفيسور سميتو ناصر بنميمون خريج معهد التجارة والاقتصاد او فنفس الدفعة لي تخرج منها ضحية او كان هو او الضحية صحاب من الطفولة لانه ترباو فنفس الدار او خدمو فنفس الشركة ليهي ملك الاب ديال ناصر "....قاطعتوا انا ضغيا بتول" صافي بلا متكمل دابا هالي تفكرت او انا كنقول مال لوجه ديال الضحية او الوشم مغرابش عليا انا كنعرف ناصر او كنعرف عثمان كنا اصدقاء ايام الاعدادي او كان بات ناصر صاحب ابابا اهه عثمان او ناصر كانو صحاب من الصغر واخا اب ثاني كان خدام عند اب الاول او الوشم اه الوشم ديال ناصر اول مرة دارو او وراه لينا فاش كانت عندي 13 عام هو كان عندو هو او عثمان 15 عام ".......فدوى" يلاه كنت بيت نقوليكم اننا لقينا اسم ناصر بنميمون ضمن ناس ليدارو عملية رسم الوشم ديال هاداك التصميم "........كمال" واخا هكاك الى معرفناش سلاح الجريمة ميمكنش لينا نثبتو هاد الشي كولو".......صافي ناضنا باش نرجعو لمسرح الجريمة باش نشوفو شي دليل على سلاح الجريمة او انا نضرب فالطبلة او هوما يدوو عندي بتول" انا مكلخة والله حتا مكلخة كيفاش حتى نسيت الما لي لقينا فالجرح او شكل ديال الطعنة لي هو شكل ديال موس او الابعاد ديال الجرح لي كتدل على ان مادة ليمصنوعة منها سلاح ماشي حديد ولا معدن او عاد تفكرت ان ناصر كانت عندو واحد الهواية كيديرها من كان صغير كان كينحث على الجليد اي ان سلاح الجريمة .." قلتها انا او اسامة مقادين" سكين من الجليد"

هكا لقينا جميع الادلة على ان ناصر بنميمون هو مرتكب الجريمة او دابا مشاو كمال او ضوان او فدوى باش يجيبوه من دارههم من بعد ماخداو الاذن بالاعتقال او بقيت انا او مروان او اسامة فالمقر او من بعد نص ساعة جانا اتصال من فدوى قالت لينا انهم مالقاوهش فدار او ولا فشركة او واليديه باين كيخبو شي حاجة او ماباغين يقولو والو اي انه هرب مروان من بعد ماسمعها علق لقسم طوارئ باش يعمم تصويرتو او رقم جواز السفر ديالو باش يتمنع من مغادرة المدينة بقيت انا او اسامة فالقسم ديال الفرقة ديالنا .....اسامة" شي حاجة باينة انه مغاديش يتسنانا تنجو نشدوه نظرا لشخصية الاستعراضية ديالو هو دابا بحالا كيتحدانا نلقاوه او شفت سجل العدلي ديالو او كان مشارجي اعتداءات او انتهاكات قانونية كنت متاكد ان عندو نوع من اضطراب الشخصية او افعال ديالو دابا خلاتني نعرف اشمن اضطراب على حسب الدليل التشخيصي الاحصائي للاضطربات العقلية فهو عندو اضطراب الشخصية المعادية للمجتمع او كتاصف هاد الشخصية بانماط المستهينة كاستخفاف بحقوق الانسان او كتفتاقر لحس الاخلاقي او كيكون عدواني بزااف اتجاه لي كيعارضو او كيكون عندها تاريخ فالاعمال الغير القانونية او الى مشينا مع هاد الشخصية من سهل عليه يعرف اننا غادي نحبسوه او منخلوهش يخرج من المدينة او غادي يمشي يتخبى فشي بلاصة غير مثيرة لريبة "...بتول" اجي اي عائلة لاباس عليها الى او كيكون عندهم شي املاك تقدر تكون خارج المدينة ولا بعيدة عليها بحال شي كوخ ولا مزواعة او ناصر يقدر يكون فبحال هاد البلايص تكون بعيدة على الانظار"........شاد اسامة لبيسي او بدا كيقلب على الممتلكات ديال هاد العائلة ليقريبة لمدينة او تلاقينا جوج وحدا مزوعةقريبة او كوخ كاين فالجنب لاخر ديال المدينة او درنا تصاور ديالهم او عنوان ديالهم......اسامة" هاد الواجهة ديال هاد الكوخ شافتها فواحد التصويرة فدار ديالهم او التصويرة كان فيها هاد ناصر".....تام اسامة غادي كيجري باش ييمشي لهاد لبلاصة او انا نتبعو دخل طونوبيل ديالو او انا ندخل حتا انا...اسامة" فين غادا".....بتول" لحمام غادا حتا انا فين انت غادي او غي زيد بلا متناقش".....اسامة" على انا نقدر نتناقش معاك بعدا".....مشينا او صونيت على فدوى باش يمشو يشوفو المزرعة او حنا غادي نشوفو لكوخ او حتا الى مالقاوهش تما يلحقو علينا" .....وصلنا او بانو لينا ضواو شاعلين هنا تاكدنا انه غادي يكون هنا صونيت على فدوى او لاخرين ولكن ماكيجاوبوش اسامة دار على الكوخ بغا يدخل من الباب الخلفي انا خاليتو مشا هو كيحسابليه انا وراه او انا مشيت لبلب القدامي او لقيتو مفتوح او دخلت بقيت كنشوف الا كان شي حاد مي مابان

ليا والو شوي او هو يجرني شي حد من اللور او زداني مع الحيط او قجني او كان ناصر لي كيقجني.....ناصر" شكون انتي حتا انتي مع البوليس ااا كان كيحسابلي مغاديش تعرفوني فين مشيت ساعات طلعتو مطورين معليكومش برافو "......او زاد كيقجني او شوي اهو يبدا يحايد ليا شعري على وجهي.....ناصر" بلاتي انا كنعرفك انتي فين شفتك فشن شفتك اااااه انتي انتي بتول مالكي ليغبرتيي او دابا جاية تشديني ااا متافقة مع عثمان باش تشدوني ياك انتي لي خاليتي لبوليس يجو لدار ااا ياااك ليوم انتبعك لعثمان ليوم" زاد كيقجني او شوي او هو يدخل اسامة او جارو بعدو مني او بقا كيجرو او هو كيطنطر منو باغي يجي عندي انا او انا نفس تقطع ليا بسيف باش كنتفس او اسامة كيجراو هو كيتنطر بدا اسامة كيضربو او هو جهل ممسوقش لاسامة ليكيضربو باغي غييوصل ليا انا شوي او هو يدفع اسامة او تام خارج اسامة جاعندي انا....اسامة" بتول بتول جاوبيني"...بتول بصعوبة" ا...نا ....بيخي..ر"بقا محني عليا باش ينوضني او هو يجي ناصر هاز واحد لهراوة او وقف علينا....ناصر" حايد حايد خاليني نتبعها لشريكها حايد".....اسامة تحنى عليا او جمع ليا رجليا او حنا ليا راسي غطا ليا لجسم ديالي بالجسم ديالو جابيني او بين ناصر هاد الاخير ليبقا كيغوت فاش مبغاش اسامة يحيد بدا كينزل عليه بالهراوة بقا كينزل عليه او اسامة محاوطني انا بقيت مصدومة معارفاش اش جاري كنحس غي بضربات ليكيجو لاسامة على ضهرو او كتافو او هو يرخي ناصر الهراوة او بدا كيغوت او هو يدخل كمال او رضوان هازين سلاح او هو يرجع ناصر هاز العصا او عاود ضرب بيها اسامة او هوما يتيرو فيه او طاح شدوه او ما بقيت عايقة لوالو حتا كنحس بداك الجسم لي كان محاوطني طاح

ناضت كنترعد غي راسي او كنشوف فيه هو غاب على الوعي ديالو الضربة لخرا جاتو فالراس بديت كنحايد تجاكيطي او كنديرها ليه على راسو او انا كلي كنتفتف ....بتول بالبكا" اسامة...فيق ...فيق اسامة".... بعدا الاسعاف جاو مع الدراري دغيا هازوه او داوه لصبيطار .......من بعد ما فقت من صدمة مشيت شفت الطبيب لي شرف على الحالة ديال اسامة قال ليا انه تهرس من كتاف ليمن او لكتف او المرفق ديال لايد ليسرا او حتى كانة عندو كسور فالجانب ديال القفص الصدري ديالو او ضربة لي فراسو مكانتش خطيرة لانها مجاتش فراسو ديريكت كون جات فيه ديريكت كون مات جات ضربة غي محادية راسو او قاستو ......بصراحة مقدرتش نمشي عندو لصبيطار او نشوفو فهاديك الحالة لمدة ثلاثة الاسابيع او حتال لننهار لي بغا يخرج فيه من صبيطار هالي مشيت عندو دخلت لشونبر ديالو لقيتو كيجمع فحوايجو غي بايد وحدا حينت لايد ثانية مزال فيها جبيرة او كانت معاه واحد الممرضة باتعاونو فصاك او هو كيقوليها بلاش شافتي شيرت ليها بايدي باش تخاليه على راحتو خرجات او انا ندخل عندو معرفني ايمتا وقفت عليه حتا شديت ليه صاك او بديت كنقاد الحوايج فيه بقا شحال او هو كيشوف فيا او انا كنجمع لحوايج سديت ساك او انا نشوف فيه بتاسم او قلت" على سلامتك" ...او هو يعنقني شحال او هو

يشوف فيا او دار ايديه فايديا او شبك صبعانا بعضياتهم او قال" انا لاصق فيك مغاديش تهناي مني ضغيا بحال هكا " ...جيت بيت نحيد ايدي او هو يزير عليا ..اسامة" انا عندي من هنا لثلاث ايام او غادي يسالي لعقد ديالي مع المقر او غادي نرجع لبرا فين كنت او الى قالتي ليا انكي مباقاش باغا تشوفيني انا كنواعدك انني معمرني باقا نبان فحياتك ولكن الى قلتي ليا بقا انا غادي نبقا شاد ليك فايديك بحال هكا طول ما انا عايش" ......او رخى ليا ايدي او هاز صاكو او مشا .............دابا داز عام على هاد الحادثة انا عتازلت الطب الشرعي او واليت طبيبة تشخيصية انا دابا خدامة فواحد المصتوصف فواحد الدوار فوق واحد الجبل معمرني ظنيتا نني غادي نقدر نحقق داك الحلم البريئ ديال بنت عندها 15 عام حلم انني نعيش فمنزل جبلي كيطل على مناظر جبلية من ابداع الله سبحانه وتعالى شحال شعور زوين كل صباح تفتح الباب او تشوف هاد المنظر زوين بزاف او دابا انا باغا نلعب السكاي فالجبل حينت كاين الثلج او هوما ممخالينيش لبست حوايج السكاي او حطيت الماتيريال عند الباب لي قافلينو عليا او انا نقرد حدا لباب....بتول" دابا انا منلعابش سكاي والله حتى حرام عليكم انا من صباح او انا نبلاني "........اسامة" ولا هي لا" ....بتول" وابزاااف بزاااف" ...اسامة" وا ولادي اعباد الله خايني غي تانشوف هلال او بلال او سيري لعبي كيبغيتي".....بتول" واهادوك ولادك انا ماليي "....اسامة" ولادي فكرش مراتي او مراتي قاليها طبيب متحركيش بزاف لان اصلا الحمل واعر عليها ولكن هي كطير بغات تحتافظ فالحمل".....بتول" واهاديك مراتك او انا مالي".....اسامة"' يماااااا شوفي معا بنتك واش اعباد الله انا صبرت 8 سنين غا باش نشوفها او دوزت عام باش نقنعها تزوج بيا او فاش تزوجت بيها باغا تهترنيي".......بتول" عفاك احبيبي عافاك"......اسامة" انا كنت اصلا خارج برات لبلاد لشي شغل ساعات بوت نبت حداك هنا حتا تولدي ديك ساعات ارا متلعبي".....بتول" حكااااار"........

مغاديش نقول النهاية لاننا مادمنا فهاد الدنيا معمر السيناريو ديال حياتنا غادي يسالي يقدر تكون بتول او اسامة او كااع شخصيات لي فالقصة مجرد كائنات حبرية الا انه يقدر يكونو شي ناس كيعيشو قصة #مرحبا_ايها_الوحشفالواقع كنتمنى تعجبكم هاد القصة او نكون توفقت باش نصور ليكم قصة بوليسية شكرا على المتابعة وارائكم تهمني كالعادة