سرقوه مني بحجة العادات والتقاليد

سرقوه مني بحجة العادات والتقاليد

(البارت 1): سميتي سارة في عمري 16 عام تزاديت و كبرت في العروبية قريت حتى كملت الكوليج و لكن حلمي كان أكبر من هاكدا كنت ديما كنحلم نكمل قرايتي بحكم أنني متفوقة في الدراسة و لكن العروبية فين ساكنين ما كايناش الليسسي..إلى بغيت نكمل لابد ما نمشي للمدينة و لكن عارفة بابا ما غاديش يبغي..و لكن انا ما كنستسلمش على قبل مستقبلي نقدر نتحدى أي حاجة.. بصعوبة كبيرة باش وافق أنني نمشي نعيش مع عمي في المدينة و تماك نكمل قرايتي.. آه بابا وافق و لكن بشروطو..يعني أنني غنمشي غير نقرأ ..القراية لا غير ني خروج ني دوران ني تصاحيب.. وصاني و أكد عليا من الدار لليسي و من الليسي للدار وإلى حصل عليا شي حاجة تخالف هادشي غيرجعني العروبية و يزوجني لشي سراح هادا باش كان كيهددني ديما .. من بعد ما خديت موافقة بابا باش نجي نقرأ في المدينة وجدت كل ما غتحتاج و ودعت ماما و ختي نادية .. اجي بعدا قبل نمشي نعرفكم على عائلتي.. بابا شيخ القبيلة كملتو مسموعة في الدوار و كلشي كيدير ليه حساب ماما نجاة ربة بيت معروفة في الدوار غير بمرات الشيخ أما ختي نادية 24 عام واخة هي كبر مني كنحس بيها مازال ما ناضجة يمكن هادشي حيت ما قراتش و كل حياتها دوزاتها غير في دك الدوار ديما تلقايها غير في الكوري تنكس على البهايم و لا مخرجاهم يسرحو..ما كتنقي حالته ما كتهلا في راسها انا و ياها ما كنتشابهوش نهائيا.. أما أنا عكس نادية واخة ساكنة في العروبية عزيز عليا ديما نكون نقية و زوينة و حتى عقليتي متفتحة عليها بحكم أنني قريت و هي لا .. المهم ودعتهم و ركبت مع بابا للي غيوصلني لعند عمي .. بعدما وصلني رجع هو للعروبية و بقيت انا في دار عمي ..ما كنحسش براسي غريبة وسطهم دار عمي كيتعاملو معايا مزيان و خصوصا بنت عمي اللي ا نسجمت معاها واخة هي كبر مني مي كنتفاهم انا و ياها ، عيشتي في دار عمي كانت فكرة زوينة لقيت فيها راحتي و كأنني في دارنا. و لكن حياتي و أحلامي غتبدل من غنبدا القراية في الليسي.. أول نهار ليا في القراية كنت كنحس براسي غريبة وسط منهم ما عندي لا صحابات لا والو كنت بوحدي عكس الكل ...فينما دورت وجهي كنلقا كليكا مجموعة على الضحك عادي كل وحدة هنا لقات صحاباتها للي كانو معاها في الكوليج.. انا بوحدي للي جايا من بعيد و صعيب باش كنكون صداقات كنحس بللي البنات للي في عمري ماناضجاتش بحالي أو بالأحرى انا للي سابقة عمري و كنفكر بعيد..

( البارت 2): بعد كل الإجراءات في المدرسة و بعد ما عرفت قسمي و عرفت التوقيت اللي عندي.. و كل ما كيتعلق بالأدوات .. في أول حصة رسمية بقيت جالسة بوحدي راكم عارفين اول حصة كتكون غير للتعارف بين التلاميذ و الاساتدة دازت 4 الحصص الأولى عادية أولها تعارف و من بعد تذكير باللي قرينا في السنة الماضية وصلات 12 و خرجنا و لكن قارية حتى عشية دونك غنمشي و نرجع تاني ، لليسي ما كانتش بعيدة على الدار بزاف كانت شي 15 دقيقة ديال المشي مزيان نيت نبقى نتمشى شوية ، مشيت تغديت و راجعة مع 2 .. دخلنا لليسي و هاد المرة عندي حصة رياضة من ساعتين .. دخلت للتيران للي كان كبير عامر بالتلاميد.. الكل تجمع في الوسط لكن البغوف مازال ما جا.. بعد لحظات شاب ذو جسم رياضي بلباس رياضي ..طويل أو نقول عملاق هه حيت ما شاء الله طولا و عرضا ماشي غليض مي جسمو كلو مطراسي لي بغا لي و لي ميسكل و بلا ما نهضر على الزين العينين تبارك الله كوحل و كبار و رموشهم كثاار أما اللحية اللي على وجهو غتاكل منو النص ههه الصراحة كيحمق أما واحد الشوفات عندوو خلاااص سطاوني.. صافي ضعت انا ههه بقيت حالة فيه فمي  و لكن ماشي غير انا كاع البنات باينة عاجبهم.. بعد ما دخل البغوف و تهيأ باش يبدأ الحصة جمعنا عليه الذكور في جهة و الإناث في جهة و عطانا 20 دقيقة ديال الهرولة و الحركات التسخينية.. ختكم بقات تدور على التيران و ساهية غير فيه ههه بعد ما سالات العشرين دقيقة رجع جمعنا تاني و قسمنا إلى فرقات حسب اللائحة و عطانا لي بالون كان خاصنا لعبو الباسكيط.. بدينا اللعب شي كيخربق و شي غير كيجري وسط التيران ما عارفش علاش و شي غير مجمع.. دازت الحصة كلها باسكيط.. ما سخيتش بيها تسالي بغيت غير نبقى نحضر عويناتي في الزين الصافي هههه ما عرفتش اش وقع لي واش غير حيت هادي اول مرة نشوف الزين داكشي علاش و لا غير المراهقة هادي هههه و لا اشنو المهم هو أن هاد السيد ما خلاش لي العقل مي كنحاول ما نبينش.. لحظات و يسالي الماتش.. فجأة كنسمعو الصفارة ديال البغوف باش نحبسو اللعب و نجمعو لي بالون و نمشيو لعندو.. البغوف : كيف كتعرفو هادي اول حصة لينا و ما عرفتكمش على راسي أنا حسام بغوف دو سبوغ التلاميذ : متشرفين أستاذ البغوف : أنا ما كيعجبنيش دك القمع و السيطرة لذلك كونو في المستوى باش تكون علاقتنا بحال علاقة الأصدقاء ماشي علاقة أستاذ بالتلاميد اوكي.. التلاميذ : اوكي استاد .. البغوف : اوكي يالاه لا سومين بغوشين ان شاء الله .. في أمان الله.. التلاميذ : في أمان الله. و الكل بدأ خارج في مرة وحدة فكروني غير في البهايم اللي عندنا من كتبدا مخرجاهم نادية كيديرو عجاجة من وراهم..بحالو للي دارو هادو دابا هههه انا بقيت غير كنضحك و واقفة في بلاصتي نتسنى الدنيا تخوى ما كيعجبنيش الزحام.. لكن ما عرفت فين سهيت و انا مبتاسمة.. البغوف: مادموزيل..ايهو..كوكو مادموزيل.. سارة :( بارتباك )اه وي سمحلي البغوف : من قبايلة كنهضر معاك لكن نتي ماشي هنا ؟!! كنتي تفكري في شي حاجة سارة : أنا ننن غير جاني الزحام و قلت حتا تخوى الدنيا البغووف : هههههههههههه هههههههه 😄 سارة : في خاطري يا سلام على ضحكة..اححححححح قلبي... البغوف : و لكن أشمن زحام رآه قريب تكمل نص ساعة باش الكل خرج غير نتي للي بقيتي هنا سارة : اشنو...  دورت عينيا يمينا و يسار والله إلى بصح ما كاين حد .. البغووف :( و هو حابس الضحكة  ) على كل حال إلى كنتي خارجة دابا نتمشااو بزوج حيت الدنيا على برات الليسي كتكون خاوية في وسط الحصة سارة :  بقيت غير حالة فمي.. البغوف : مادموزيل ..مادموزيل مشينا ؟!!! سارة : وي استاذ.. البغوف : ههههه 😆أستاذ ؟!! نن هادي غير في الحصة أما على برى انا حسام سارة : اوكي ميسيو.. بغوف : هههه نن حسام و نتي مادموزيل ؟!! سارة : سميتي سارة بغوف : ايوا ا سارة كتسكني غير هنا .. سارة : وي غير في الحي للي اللور. حسام : صدفة زوينة .. حتا أنا كنسكن غير تماك.. سارة :  الطريق كاملة غادي و كيهضر و الله ما عرفت فاش ولا علاش انا كنقول غير اه اه اه هههه و حالة فمي فيه ... حسام : سارة انا وصلت نتي مازال القدام ؟!! سارة : لا رد حسام : كوكو ..سارة فين مشيتي تاني .. سارة : اه اشنو... حسام : هههه سبحان الله نتي عندك شي قصة مع هاد السهو لابد ما نعرفها... .. سارة :  حسام : قلت ليك انا وصلت انا ساكن هنا في هاد الموبل... ونتي .. سارة : حتا انا ساكنة هنا .. حسام : واو  ما عمرني شفتك.. سارة :  وي حيت يالاه جيت سكنت مع دار عمي.. حسام : مزيان ايوا ها حنا صدقنا جيران و غنكوونو حتى أصدقاء  سارة : وي

(البارت3) طلعنا كل واحد فحالوو..انا كنت في البغوميييغ ايطاج..مي هو بقى مازال طالع.. دخلت للدار بدلت عليا و بقيت ساهية نفكر فيه..حلف لا حيد ليا من بالي.. بقيت هاكداك حتا داني النعاس.. و في نصاصات الليل..ضربتني الفيقة ههههه..فيقني غير الجوع مشيت للكوزينة قصيت و رجعت نكمل نعاسي... صبح الصباح لبست و فطرت و هبطت باش نمشي نقرا...وصلت حدا الباب ديال المووبل.... انا كنخاف بزاف خصوصاً في البلايص الخاوين...و الموبل مع الصباح خاوي مازال الناس ناعسين..هابطة و دايرة اطونسيون... فجأة كنحس بشي يد حراتني...و انا نغوت بأعلى صوت... و بسرعة البرق الشخص للي جرني..سد لي فمي بيديه... ما حسيتش براسي حتى دموعي نزلو..و قلبي كيضرب على الجهد... بغيت نهضر بغيت نعايرو..مي لساني ثقال عليا و الكلام وحل ليا.. حسام : كيحاول يهدأني..و كيمسح لي دموعي..اششش سارة سمحيلي...و الله ما قصدت نخلعك.. سارة : حسام : عنقني و صافي ما عمرني نعاود كنت غير بغيت نضحك معاااك.. ما يحسابليش قلبك ضعيف لهاد الدرجة..هههه سارة : ههه غير عنقني و نسيت راسي علاش كنت كنبكي...ههههه ناري ريحتو كتحمق انا دخت...ههههههه استحليت التعنيقة و نسيت راسي... حسام: سارة..سارة..شوية دابا؟!! نمشيو را غتعطلي على قرايتك.. سارة: اه وي نمشيو... و مشينا بزوج...و هاكدا بقات صداقتنا غاديا و كتطور فينما نكونو داخلين في نفس الوقت كنتمشاو بزووج حتا لليسي..دازت شهوور و مع ذلك علاقتنا ما فاتتش الصداقة... حسام ضريف بزااف و ضحوكي من كنكونو بزوج كنكون نااشطة .. و بصراحة وليت انا كنقلب عليه بعينيا..هههه فاش مكنشوفووش كنحس بشي حاجة ناقصاني... و لكن هو كيعاملني على أنني تلميذتو و صديقة لا غير... و ديما كيحسسني أنني مازال صغيرة و ما فاهماش الحياة.. حيت انا 16 عام و هو 27 عام واخة هو كبير عليا لكن كيحمقني

(البارت4): سرعان ما داز العام طاير ما حسيتش بيه كيف داز و لكن وصلت نهاية السنة و العطلة من بعد النتائج خاصني نمشي للعروبية لدارنا نشوف بابا و ماما و ختي للي توحشتهم بزااااف... آخر أسبوع في الليسي بقينا كنمشيو غير لبعض المواد و لكن حسام ديما كنشوفو إلى ما كان في الليسي كنتلاقاه في باب الموبل هو بصح لقائي بيه قلال...و لكن شعوري تجاهو عاد ما كيتزاااد.. كنحاول نحيددوو من بالي.. يوم النتائج و انا هابطة ماشية لليسي تلاقيت حسام في باب الموبل.. حسام : أهلا سارة فين غبورك.. سارة : غير الداار☺ حسام : اممم ايوا اليوم يخرجو النتائج... سارة : وي انا ماشية دابا نشووفهم.. حسام : ناجحة إن شاء الله سارة : اميين.. حسام : يالاه بلاما نعطلك اكيد متشوقة تشوفي نتيجتك.. نهضرو من بعد.. سارة : اوكي.. وصلت لليسي دخلت خديت نتيجتي نقطي كانو نقط زوينة فرحت حيت نجحت بتفوق.. رجعت للدار قلت ليهم بللي نجحت فرحو لي بزااااف و وجدو لي حفلة للنجاح .. داز نهار زويين مع دار عمي و هادا آخر نهار معاهم حيت في الصباح غيجي بابا باش يديني... جمعت حوايجي و وجدت راسي باش غدا ما يزربنيش بابا عارفاه ما كيصبرش.. بقيت العشية غير في الدار حتى جات نجوى بنت عمي.. نجوى : سارة شفتك ما خرجتي فين!!! سارة : فين غنخرج ا ختي؟! نجوى : ودعي صحاباتك خودي شي كادويات لماماك و ختك.. ودعي هاد المدينة.. باش تبقاي تفكريها... رآه 3 شهور عاد غترجعي ثاني.. سارة : وي بصصح.. نجوى : ايوا هي إلى نضتي بدلتي عليك.. و نمشيو نتسارااو.. سارة :  هي اللوولا.. خرجنا تسارينا مزياان نجوى ما خلات في ساراتني.. و شرات ليا شي حوايج قالت لي هادو باش تعطيهم للدار باش ما يقولو ليك ما جبتي ليهم والوو.. نجوى كانت ضريفة معايا من نهار جيت عندهم.. من بعد المسارية و التقدية راجعين للدار و كنضحكوو.. وصلنا لباب الموبل.. حسيت براسي طاح عليا الظيم.. نجوى : مالك ا سارة شفت وجهك تبدل.. سارة : ( عينيا غرغرووو..) غنتوحشكم بزاااف..و نتوحش كل حاجة هنا نجوى : ( وقفات في نص الدروج) ايوا صافي ما تبكيش ا لهبيلة راك غير العطلة و راجعة و حتى حنا غنتوحشوووك و كل حاجة هنا غتوحشك..ههه  و غبقا نعيط ليك كل نهار باش ما تنساينييش.. سارة : حمقة واش انا نقدر ننساااك.. نتي راك ختي.. موووواح ما جيت فين ندور نكمل الدروج حتى طفا الضو.. و بقينا طالعين نتهاماو في الظلامات..بينما نوصلو للضو.. و شوية كنحس بشي واحد تساطح معايا.. سارة: اوووه راسي... نجوى : مالكي..؟!! سارة : خرجت في شي حاااجة.. ميمتي غنمشي لدارنا معطوبة.. نجوى: هههههه بلاتي نسبقك نشعل الضووو... و قبل ما تكمل هضرتها فجأة شعل الضووو... و في نفس اللحظة.. حسام : سارة سارة : حسااام نجوى :  شكووون حسام؟!!!

(البارت5): سارة : وي هادا البغوف دو سبووغ حسام: ( شاف فيا واحد الشووفة حاجب الفوق و حاجب التحت).. بغووووف تاني.. .. ننن حنا دي زامي نجوى : بغووف، آمي.. و لكن اش كيدير هنا انا ما فهمت والوو ا سارة..؟!! حسام : هههه بغووووف، آمي، و جاار..ههه انا ساكن في الكاطغيام اطاااج.. نجوى : اه متشرفين.. ما عمر سارة قالت لي بلي بغوف ديالها ساكن هنا.. سارة : غير ما جابتهاش الوقت.. حسام : ايوا ها الوقت جابتها ا سارة .. سارة : وي .. حسام : ايوا ما غتعرفيناش على الانسة.. سارة :  اه نجوى بنت عمي... حسام : متشرفين.. من بعد ما تعرفنا اكيد غتشرفوني شي نهار و نديرو شي كافيي.. نجوى : ما كرهنااش مي دومااج سارة غتمشي الصبااح.. حسام : فين غتمشي ا سارة؟؟؟ سارة : لدارنا رآه العطلة حساام: ( ملامح وجهو تبدلوو كان ضاحك في رمشة عين عقد غوابشوو..) ااه نسيت المهم طريق السلامة و هبط قبل حتى ما نجاوبووو سارة : حساام.. حسام : لا جواااب. .. نجوى : ؟!!!! مااالووو سارة : ما عرفت.. طلعنا فحاالنا دخلنا للدار يالاه رتاحينا شوية و هي تجي خالتي نورا ( مرات عمي ) خالتي نورا: ايوا تساريتو شوية ا بنتي.. سارة : اه ا خالتي... بزااف ماشي غير شوية..ههه خالتي نورا : بصحتكم ابنتي..و لاهيلا عمرتي علينا الدار ا بنتي غتخللي بلاصتك كبيرة..و عنقتني.. نجوى : احححم اححمممم...غنبدا نغير على هاد الحسااب..ههه سارة : هههههه نجوى : ماما فين السروال ديالي البيج عيت ما نقلب عليه ما لقيتووو.. خالتي نورا : اويلي..نسسيت الحوايج في النشاار.. نجوى : ماما... حشومة عليك ديما كتديريها ليا.. سارة : هههه صافي ا نجنج ما تبكيش.. يالاه نطلع انا و ياك نجيبوهم.. خالتي نورا : سيري ا بنتي الله يرضي عليك.. هنيتوني.. و الله كنت نخمم ليهم الدروج كيساليو معايا.. سارة : آمين خالتي.. ها حنا طالعين نجيبوهم.. جريت نجوى غير بزز.. ههه مافيها للي يطلع.. نجوى : و الله إلى حرام عليك ا سارة ما فيا للي يتحرك سارة : طلعي و سكتي من العكزز را غير 2 درجاات...ههه طلعنا حيدنا الحوايج من النشار و بقينا نطللو. . سارة : واااو.. أول مرة نطلع للسطح بالليل الجو واعر.. نجوى : أشمن وااعر  سارة : و الله حتا فننن..زوييون نجوى : امم الزوييون هو للي شفنا قبيلة في الدروووج.. سارة : شكون نجوى : اممم بلاما ديريلي فيها ما عارفاااش سارة : من بصح ما عارفااش.. نجوى : اححمممم اححم.. حبيب القلب سارة : علاش كتهضري...؟!! رااه ما فهمتش نجوى : ا حياني... التيتيز للي تساطحتي معاه في الدرووج ا كبيدة باين عليك طايحة فيه و بلاما تحاولي تنكري حيت هادشي واضح و باين..ههه عيونك فضحووك يا روحي..هههه. سارة : باراك من التخربيق هاداك غير بغوووف ديالي... نجوى : اهييييه عليا انا...ههههه أقطع ذراعي ان كنتي ما بتحبيه..هههه شوفي ا حبيبة را ما بقا عندك ما يتخبا كشفتك..ههه سارة : و الله و ما تبعدي مني حتا نبالي بيك.. (وبديت تابعاها و هي هاربة) نجوى : بتحبيه يا بت..ههه سارة : خانزة ا بلاتي حتى نشدك.. نجوى : هه و غير اعتارفي..سرك في بير.. سارة : نبغيه و لا ما نبغيه نتي مالك نجوى: ههه والوو غير ضرني راسي.. (التبركيك الله ينجيك) هههههه سارة : و الله يعميها ليك نجوى : الحب و ما يدير..هه غير قولي ليا من ايمتا؟ !!! سارة : غير ساكتة و كنتحلف عليها بالسكات. . نجوى : الصراحة اختاريتي و عرفتي اش تختاري.. التبوكيصة ما عندي ما نقوول..شحااال و انا ساكنة هنا ما عمرني شفتووو حتا جيتي نتي..هههه شوفي إلى ما كنتيش كتبغيه خلليه ليا. ..ههه سارة : و الله و نحصل جدك كتدوري جيهتو نحرك.. نجوى : ههههههه انا تاني على الغيرة سارة : اه كنبغيه و نغير عليه .. خاصك شي حااجة؟!!! نجوى : شكون ؟!!! سارة : حساام نجوى : لا ماشي معاك ا سارة اشش..، شكون كاين هنا... ....: حساام سارة :  ميمتي على حصلة يكووم سمعني زعما؟؟؟ نجوى : و مالو للي ما يسمعك صمك..راك كنتي مركبة بووق في حلقك... حسام : اححمممم بحال إلى سمعت سميتي.. نجوى : سارة تعطلنا خاصنا نهبطوو.. سارة : اه بصح.. نجوى زادت قدامي..و انا حدرت راسي و تبعتها... فجأة شدني حسام.. حساام: واقيلا سولت.. بحال إلى سمعتك كتقولي سميتي و لا غلطت؟!! سارة :  ( نجوى سلتات و خلاتني..انا حصلت ما عرفت ما نقوول..بديت كنتمتم عليه..) حسام : راني سولتك مالكي كتمتمي عليا.. واش سمعت سميتي ولا جاب ليا الله.. سارة : هو في الصرااحة.. نجوى للي هبطات.. حسام : اه نجوى هبطات عرفتها..و من بعد.. سارة : دابا هي قبل ما تمشي كانت..سولاتني و انا جوبتها.. حسام : ههه و من بعد سارة : صافي و مشات حسام : و لكن انا ما سولتكش عليها.. سارة : اه حسام : ايوا جاوبي.. سارة : دابا انا و نجوى.. حسام : بفففففف... و نساااي نجوى و جاوبيني.. سارة : حسام نسيت ما قلت ليك..نجحت حساام :  مبرووك ا لالة...مي ماشي هادا سؤالي من جيت سمعت سميتي ياك.. سارة : اه حسام : و من بعد ؟؟ سارة : والوو...و من بعد جيتي حساام: يا ربي يعطيني الصبر.. للي بغيت نعرف آش كنتي كتقولي قبل ما تقولي سميتي..؟!! سارة : والووو..غير قلت لنجوى بللي نسيت ما سلمتش عليك قبل نمشي حسام : زعمة زعمة.. سارة : اه مالي اش عندي ما نقوول.. حسام : ايوا ما نعرف.. جاب لي الله سمعت شي حاجة..يمكن غير كنتخايل.. سارة : اش سمعتي..؟!! حسام: لا والوو..صافي نسااي...

(البارت6): سارة : اه.. حسام : ااوه..حنا لا..(وبدا كيقرب) نوريك كيفاش كنقولو بسلامة.. سارة : (الصمت)و حدرت راسي حسام: قرب و شد لي من يديا.. بسلامة و تهلاي في راسك.. ووو غنتوحشك بزااااف... هزيت راسي مبتسمة  حسام : طبع قبلة في خدي.. هادي سوفونير باش تبقاي تفكريني.. و نتمنى نشوفك في القريب العاجل.. انا حشمت و خرجت من السطح كنجري..و بقيت في الدروووج..كنحاول نهدأ ضقات قلبي للي غيخرج من بلاصتوو.. نجوى : بس بس.. أ مالكي... سارة : شديت ليها يدها و حطيتها على قلبي للي كيضرب في 90.. نجوى: اووووه حالتك صعيبة موحااال تعيشي بزاااف...هههههه سارة : ههههههههههه نجوى : زيدي قدامي رآه تعطلنا.. سارة : اوكي.. هبطنا و دك الليلة ما نعسنااش بقيت كنعاود لنجوى على إعجابي و حبي لحسام من الاول..نجوى كانت أول وحدة تعرف بحبي ليه.. طلع الصباح و جا بابا غير فطرنا و خرجنا فحالنا..و انا هابطة شفت حسام..جاي طالع تخالفنا في الدرووج هو بقا يشوف فيا و حتا انا بقيت نشوف فيه و نتفكر للي وقع البارح..تأكدت بللي كنموت عليه و كنتمنى يكوون ديالي.. ركبت مع بابا غاديا لدارنا و عقلي و قلبي خليتوو مع حسام.. بابا : ايوا ا بنتي ما توحشتيناش... سارة : توحشتكم ا بابا و بزاااااف.. بابا : الدار بلا بيك ا بنتي كحلة و الله نتي هي نور عويناتي.. سارة : الله يخليك ليا ا بابا .. بابا : كيف كانت القراية و أمورك كيف دازت.. سارة : كلشي مزيان الحمد لله ا بابا.. دار عمي كانو مديريني بنتهم و مهللين فيا.. من بعد اطمئنان بابا عليا داني النعاس حيت الليل كامل فايقة.. نعست حتى وصلت لدوارنا فيقني صوت الدجاج و ريحة البهايم.. الله على ريحة..ههه ما تضحكووش عليا و الله حتا هاد الريحة كتحمقني.... نزلت و دخلت نجري للداار.. سارة : ماما ، نادية... ها أنا جيت فينكمم.. بابا : ما كاينينش ا بنتي سارة : فين مشااو؟!!! بابا : ماشين عند خالك ا بنتي.. سارة : اااه كنت موحشاهم و متشوقة ايمتا نشوووفهم و لكن ماشي مشكل حتا يجيييو.. بابا : ايوا سيري ترتاحي ا بنتي.. سارة : واخة ا بابا.. دخلت لبيتي تكيت و شوية كنسمع بابا كيعيط.. بابا : سارة أجي هضري مع نجوى.. سارة : انا ماجية.. سارة : الوو.. نجوى : الوو الزين كيف وصلتي.. سارة : الحمد لله. . نجوى : توحشتك ا لعفيريتة خليتي بلاصتك... سارة : حتا انا توحشتك.. نجوى : اممم توحشتيني و لا توحشتيييه....هههههه سارة : الله يمسخك...هههه نجوى : اه نسيت ما قلت ليك.. الكادووو ديال النجاح ديالك را حطيتو ليك في صاكك سيري شوفيه... سارة : حمقة لاش محنتي راسك.. نجوى : و سيري شوفيه بعدا..هههه.. سارة : اوكي.. ( حليت الصاك لقيت بواطة مغلفة و مكتوب عليها إلى سارة.. فكيتها لقيتو تيليفووون).. واااااو زوييين بزااااف ميغسي ختي العزيزة... نجوى : تستاهلي ، باش نبقاو نهضروو ديما بلاما نبرزطو عمي.. سارة : اه..
 (البارت7): الكادو ديال نجوى عجبني... كنت كندوز بيه الوقت في العروبية حيت لا ما و لا نادية كاينين غير انا و بابا. كنكمل الشقا و نخرج نتسركل في الدوار شبعت التصاور ما خليت فين تصورت..ههه.. و كنت ديما كنمشي نكلس تحت واحد الشجرة و نفكر في حسام يعلم الله اش كيدير ولا فاش كيفكر...واش حتا هو كيفكر فيا كيف كنفكر فيه؟!!!.. توحشتوو بزااف ما كرهتش نغمض عيني نلقاه قدامي.. دازو 2 صيمانات ماما و نادية مازاال ما رجعوو.. و الله حتى توحشتهم.. و الصيمانة التالتة قريب تسالي.. سارة : بابا واش ماما ما غتجيش؟!! توحشتهم بابا : دابا نعيط ليهم يجيو ا بنتي.. سارة : واخة ا بابا.. في الليل عيطات لي نجوى. بقينا مجمعين كيف ديما.. نجوى : سارة حبيبة زغرتي... سارة : أويلي اش واقع.. نجوى : انا فرحانة بزاااف بزاااف.. سارة : ايوا خبار الخير...اشنو سبب الفرحة ديالك.. نجوى : نبيل ا حبيبة غيجي يخطبني من بابا هاد السبت.. سارة : بصح بصح هاد السبت ديال بعد غدا؟!!! نجوى : اه اه.. ما نصوريش قداش فرحانة.. سارة : الله يكمل ليكم بالخير حبيبتي.. نجوى : امييين العقبة ليك نتي و حساام.. سارة: اميييييين اميييين.. نجوى : هههه طالبة عليها...هههه سارة : وي توحشتووو..ههه نجوى : ايوا صافي هانتي غتجي للخطبتي و تشوفي حبيب القلب... ههه سارة : نو حبيبة ما نقدرش نجي رآه مازال ماشفت ماما و نادية من نهار جييت...مازال في دار خالي.. نجوى : اممم نووو ما تقوليهاااش.. ضروري تجي إلى ما جيتيش نتقلللق عليك.. سارة : نو حبيبتي ما تقلقيش مي والله ما عندي كيف ندير... نجوى : ماشي سوقي...أنا غنقولها لعمي يجيبك..و الله و ما تحضري ما نبقى ندوي معااك.. و قطعات...يا ربي اش غندير إلى ما مشيتش نجوى غتقللق و إلى مشيت ماما و نادية ما غنشوفهمش... بقيت كنفكر.. شوية جا بابا بابا : سارة سارة : نعام ا بابا.. بابا: وجدي راسك ا بنتي عيطلي عمك باش نديك عندهم نجوى عندها الخطوبة و اكدات عليك تحضري.. سارة: و لكن ا بابا مازال ما شفت ماما. بابا : ايوا انا درت لي عليا فكري و باش ما كان علميني الصباح.. سارة : واخة ا بابا... أول مرة بابا كيهضر معايا هاكدا.. كنحس بشي حاجة ماشي هي هاديك واقعة...كنت متوقعة من بابا هو يقول ليا ما تمشيش بقاي تشوفي ماماك.. المهم تكيت و انا كنفكر اش ندير.. شوية كنسمع الدقااان في الباب..خرجت نشوووف لقيت بابا حل الباب.. سارة : ماما..جيتي.. ( تلاحيت فيها عنقتها) و لكن حسيت بيها في شكل و كأنها ما توحشتنيش... حيداتني من حضنها... ماما: و حتى أنا توحشتك..( حسيت بهاد الكلام ما خارجش من قلبها ما عرفتش علااااش) سارة : ختي نادية توحشتك اش خبارك.. ( جيت نسلم عليها مدات ليا يدها بحال إلى كنت بايتة معاها ... و انا عام ما شفتهم) الصراحة ما عرفتش علاش دارو لي هاد التعامل حاولت ما ندير في بالي والووو... المهم هما دخلو لبيت و شوية وجدت ليهم ما ياكلو و مشيت نجمع معاهم.. سارة : ما تصوريش ا ماما شحااال توحشتكم..و جيت نجمع معاكم شوية  ( و عنقتها) ماما : (كنحس بيها كتهرب مني.. ) حنا عيانين بالسفر و بغينا نرتاحوو..حتى للصباح و ارى ما نجمعووو. سارة : واخة ا ماما.... خرجت من البيت..و مشيت لبيتي.. و انا في رأسي كيدور الف سؤاال... شوية تفكرت الماعن للي خليت في البيت عند ماما رجعت ناخدهم.. و قبل ندخل كنسمع ماما و نادية هاضرين.. نادية : افففف ما صدقنا تفكينا ها هي رجعات تاني امتا تمشي تاني.. ماما : ايوا رآه العطلة صبري دابا نديرو ليها شي حل و نتهناااو... انا سمعت هضرتهم قلبي ضرني علاش هادشي. .علاش أقرب الناس ليا ما باغينيش...ماما و ختي..؟!!!! مشيت لبيتي بكيت حتى عيت و تنفخو عينيا...ما نعست ما شفت النعاس بقا عليا ايمتا يوصل الصباااح.. غير صبح الحال مشيت عند بابا... سارة : بابا صافي انا غنمشي عند عمي.. بابا : واخة ا بنتي نفطرو و نخرجوو.. سارة : واخة.. ( دابا عاد عرفت بابا علاش قال هاكداك... حسيت بيه كان عارف اش كيدوور.. ما عرفتش اش هادشي واقع. ولكن للي حاسة بيه هو أن قلبي كيتقطع..) هزيت حوايجي للي كنت جمعت في الليل و درتهم في في الطوموبيل و خرجت قبل ما تفيق ماما و نادية اصلا ما قادراش نشووف فيهم.. ركبنا من بعد ما فطرنا متوجهين لدار عمي.. غير وصلت و تلاحيت عنقت خالتي نورا لي حسيت بيها احن عليا من ماما و بلاما نشعر بكيت... بابا : و الدموع في عينيه ( موجه الكلام لخالتي نورا) تهلاي في سارة را هي للي عندي خالتي نورا: كون هاني سارة را وحدة من ولادي... سارة : عنقت بابا و انا كنبكي..و هو كيبكي.. الصراحة حسيت بيه كيعاني ما عرفت علاش.. تتبع

(البارت8): سارة : بابا تهلا في رأسك و رد البال لصحتك.. بابا : كوني هانية من جهتي ا بنتي و ما تشغليش بالك عليا انا قاد براسي.. ديها في صحتك و قرايتك بني مستقبلك و استقلي براسك... دابا غنخليك مع عمك راهم عائلتك ودعني و مشا و عينه و دموعو كيقولو الكلام للي ما قدرش يخرجو على لسانوو.. كنت حاسة بيه كيتقطع..و كيقطع قلبي معاه...بابا للي كلمتو كتزعزع الجبال دابا دموعو نازلين ما عرفتش السبب مي كاينة شي حاجة ورا هادشي كامل.. مشى و بابا و خلاني في دار عمي.. عنقت خالتي نورا و انا كنبكي...و نشكي ليها على للي ضرني في قلبي ما قدرتش نخبي عليها و خصوصاً أنني لقيت في الحضن ديالها الحنان و العطف للي ما لقيتووش عند ماما... و انا كنعاود ليها قالت واحد الجملة ما فهمتش اش قصدات بيها و ما حاولتش نسول...حيت كنت باغا غير نعنقها و ننعس... قالت خالتي نورا : كنت عارفة غيجي هاد النهار إحساسي ما كدبنيش الله يرحمك ا ختي... نعست في حضنها..ما فقت حتا داز النهااار.. من فقت لقيت نجوى قالبا البيت سفاه على علاه. . سارة : اش هادشي واقع هنا؟؟ نجوى : و أخيرا الأميرة النائمة فاقت..ههه على السلامة سارة : الله يسلمك...مالكي على هاد الحالة.. نجوى : عتقيني اختي حرت ما عرفت اش نلبس.. سارة : ههههه صافي.. بعد محاولات إقناع عديدة و أخيراً قدرت نعنقها بشي قفطان..هههه ختارت قفيطين في الموف مرصع.. أما أنا ختاريت فراشة في النواغ حتى هي مرصعة..و من بعد جمعنا دك الروينة للي كانت دارتها نجوى و بقينا مجمعات كنشوفو فيديوات في اليوتوب ديال الميك اب... حيت نجوى ما بغاتش تمشي للكوافوورة بقينا نشوفو الطريقة د الماكياج و نديرو في التجارب.. ما نعسناش بكري.. صبح الحال نجوى فايقة على النبوري ما موالفاش ليها..هههه و لكن اليوم حاجة أخرى مخلطة فيها خلعة و فرحة.. عادي شحال و هي تسنى هاد النهار و أخيرا نبيل وفى بوعدو. .نبيل بغوفيسور ديالها في لافاك علاقتهم استمرت 3 سنين..و دابا إن شاء الله غتكمل بالزوااج.. بعد الترتيبات للخطوبة ما بقا إلا نجوى توجد راسها.. دوشات و جات باش نصيب ليها الماكياج... سارة : اليوم ننتاقم منك..نفدي فيك الغالي و الرخيص...ههههه على ما دتي ليا دك المرة نجوى : ناري حشومة عليك...انا في عرضك..ههههههه مستقبلي بين يديك.. سارة : هههههه سانتقم... كنماكي ليها و هي كترطى كل مرة باغا تشوف في المراية ولكن و الله لا شافت حتى نكمل..هههههههه سارة : اوووه و أخيرا نجوى : كملتي.؟!! سارة : وي مازال غير المشيطة.. نجوى : يالاه عطيني نشوووف في المرايا.. سارة : ننن حتى نكمل ... نجوى : و راك كملتي...بليييز..بليييز سارة : ههه نونونو.. لبستها القفطان عاد صيبت ليها شعرها بوكاي و درت ليه مشيطا خفيفة من الفوق اما التحت خليتو مطلوق باش يبان البوكلاج.. سارة : اوووه جيتي طياحة تبارك الله عليا نجوى : تبارك الله عليك؟؟؟ للي زين زين..ما جات لا ب ماكياج لا بستا حمص.. سارة : ههه يااااك..و دك الساعة ما تجيش تطلبيني..نماكي ليك حتا دابا مازال الحال انحيدوووه..و نتهنااو...ههه نجوى : لواااه..ههههه يالاه أري المراية.. عطيتها المراية تشوف كيف جااات... نجوى : واو واااو...هادي انا سارة : هههه لا انا شوية دخلت خالتي نورا... خالتي نورا : ما شاء الله على بنتي... الله يحفظك من العين و عنقاتها... انا في هاد اللحظة نزل عليا الظيم..حسيت بأنني موحال واش نعيش هاد اللحظة..نت بعد الكلام للي سمعت من ماما.. هي موحال كتبغيني كيف كتبغي نادية.. حاولت ما نبكيييش.. سارة : انا غنبدل و نجي عندكم... نجوى : اوكي... مشيت لبست و عملت ماكياج خفيف... و رجعت عند نجوى.. سارة : عروستنا فاش كتفكر.... نجوى : تعطل يا ختي سارة : ههههه لا ما تعطل والو نتي للي زربانة.. تخايلي معايا يكون غير ضحك معاك..و ما يجيش!!!ههههه فضيحتك بجلاجل... نجوى : ما حنا على فالك... سارة: هههههه.. و حنا كنضحكوو..حتا كنسمعو الباب تحل و كنسمعو خالتي و عمي كيرحبوو بالناس.. و لا شعوريا نجوى ترسمات على وجهها واحد الضحيكة.. المهم دازت الخطوبة في جو زوين الكل كان فرحان..خصوصاً نجوى و نبيل.. من بعد عائلة نبيل مشاو ة حنا كل واحد مشى لبيتو يرتاح..و حتا انا و نجوى دخلنا للبيتنا من بعد ما جمعنا الروينة... تكيت و ما عرفت فين سرحت..حتى قاطعتني نجوى.. نجوى : كوكووو...سارة فين سارحة سارة : لا والوو انا معااك.. نجوى : اممم معايا وي مي عقلك معاااه.. سارة : شكوون؟!! نجوى : هه و شكون من غيروو..حبيب القلب حسام.. سارة : ههه ننن... (فعلا ما كنتش كنفكر فيه..ماشي نسيتو و لكن في هاد اللحظة انا تفكرت غير كلام نادية و ماما..عينيا غرغرووو) نجوى : مالك ا سارة سارة : (و انا كنمسح دموعي كنحاول ما تبين والو لنجوى.. ) واالوو..ما ماليش نجوى : نتي كتبكي و كتقولي والووو.. ( هزات لي راسي بيدها..) سارة مالكي... سارة : عنقتها و انا كنبكي...مخنوووقة ا نجوى مخنوووقة نجوى : اشش...يالاه نطلعو للسطح يضربك شوية البرد.. و طلعنا بقيت غير كنتأمل في هدوء المدينة..في حين أن قلبي شاعلة فيه الناار.. كنحس بحرقة ما عرفت علاش نجوى : عافاك ا سارة قولي ليا تش عندك راك شوشتيني عليك.. سارة : الصمت و البكاء


حسام : خليك معاها انا نمشي نجيب شوية الما فيه السكر..غيكون نزل ليها الطونسيو.. نجوى : و هي مخلووعة... اوكي.. حسام : جاب الما و جا كيشرب لسارة.. شوية بدات كتفيق سارة : فين انا.. نجوى و حسام..: على سلامتك نجوى :( عنقتها) خلعتينا ا صاحبتي.. حسام : شوية ا سارة.. سارة : لا رد..دورت وجها للجهة لاخرى.. حسام: (شد ليها يدها..) سمحي لي ا سارة و الله ما قصدت كنت غير باغي نضحك معاك راك عارفاني.. ضحكي خايب الله يعفو عليا.. سارة :( بعصبية و كتبكي... )و نتا عارفني كنخاااف حسام:( باس ليها على جبهتها...) صافي سمحيلي كنواعدك هادي آخر مرة.. و عنقها.. نجوى : اححم اححم انا نمشي نشرب (وخرجات من البيت هه غير دارت الما سبا و صافي) سارة:( بغات تنووض..) حسام : اش كديري خليك مرتاحة.. سارة : أويلي الليل هادا خاصنا نهبطوو.. حسام : امم و إلى قلت ليك خليك معايا سارة : هههه حماقيتي راه إلى فاقو و ما لقاوناش اش غيقولوو.. حسام : ماشي شغلي انا يقولو لي لغاو.. انا بغيت نجمع معاك سارة : حتى لغدا بنهار و نجمعوو..ههه حسام : لا انا ما كيعجبنيش التجماع بنهار سارة : و اش كيعجبك؟!! حسام : كيعجبني التجمااع بالليل.. و نتي... سارة : احم احححمم  حسام : ( قرب حدايا بحال كيشم ريحتي.. جا حدا ودني) سارة توحشتك سارة : كنحاول نبعد.. حسام : نتي ما توحشتنيييش؟!! سارة : لا ما توحشتكش.. حسام : اممممم شوفي في عينيا و قوليها... سارة : و صافي. .. شكوون نتا اصلا حتى نتوحشك... حسام : انا حساامسارة : عرفناك حسام قصدت زعما اش كتعني ليا باش نتوحششك...وااالوووووو(دافعة كبير زعمة) حسام: اوووه ما كنعني ليك والووو.. غير كتموتي عليا سارة:  حسام : اه و حتى انا كنموووووت عليك عيت ما نصبر و لكن الصبر تقادا...كنت بغيت نقولها ليك قبل تمشي في العطلة..و لكن تراجعت في آخر لحظة ما زعمتش..واخة كنت عارفك كتبغيني كيف كنبغيك... سارة : (حطيت يدي على راسوو..) اوووه السخانة طالعة ل 40.. حسام : (شد لي يدي و حطها على صدرووو.. ) هنا بلاصتها شوفي شحال كيضرب غير ليك كنبغيك و عارفك كتبغيني صافي قوليها بغيت نسمعها منك.. سارة : ننن ما كنبغييكش.. حسام : اممممم تيقتك يالاه شوفي في عينيا و قولي بللي ماكتبغينيش... سارة :( هزيت راسي نشووف في عينييه..باش نقول ما كنبغيهش و يديا مازال شادهم ليا على صدرووو) .. ما قدرتش نقوول حتى كلمة وااااو على عينين دوبوني.. حساام: (كيقرب وجهوو مني..و بصوته خافت كيقووول...) هضري ا سارة كنتسناااك.. سارة : تزيزنت كيفاش نقدر نتكلم و هو وجهو على وجهي.. غمضت عيني و ما حسيتش براسي غير و حنا كنتباوسوو حتى وقفات علينا نجوى كيف الصاعقة..هههه نجوى : اووه سمحولي دخلت في وقت غير مناسب حسام : احححم لا لا تفضلي.. سارة :( انا حشمت و ما بقيت عارفة ما ندير...) نجوى يالاه نهبطو تعطلنا.. نجوى : اه يالاه.. حسام : بلاتي نهبط معاكم حتى للباب الليل هادا.. سارة : بلاما نمحنووك ما كاين للي يدي معانا حسام : تسناو غنهبط معاكم.. هابطين الصقيل و انا غير حادرا راسي.. ما بقيت قادرة نهزوو ويلي اش نقول لنجوى حصلاتنا في منضر خايب..لا الصراحة هو زوييين هههه غير هو محرج... نجوى : شكرا حسام عذبناك معانا.. حسام : و هو كيشوووف في سارة عذابكم راااحة.. نجوى : تصبح على خير ا خويا.. حسام : تصبحوو على خير.. دخلنا كنتسلتوو باش ما نفيقو حد..أما حسام طلع فحالوو.. دخلنا لبيتنا... انا لحد الآن ما عنديش الوجه للي نشوف بيه في نجوى.. سارة : تصبحي على خير ( و تغطيت بغيت غير... نسلت اما مازال ما فيا النععاس..هههه طيرولي حسام) نجوى : أجي لهنا اشمن تصبحي على خير...ههه انا و الله ما يجيني النعاااس حتا نعرف اس وقع بيناتكم.. سارة : وااالوووووو نجوى : اممممم غير دوي ما تحشمييش..عادي دك شي جاري بيه العمل..ههههه غير قولي ليا كيف جاتك اول بوسة..هههه انا متأكدة غير حشمانة..حتى انا كنت بحالك اول مرة باسني نبيل مي من بعد وليت انا كنجبدوو بلعاني..ههههههه.. سارة : هههههه نجوى : و دوي باراكا من العياقة..اش وقع و كي حسيتي بأول قبلة من حبيب القلب. .. سارة : علاه نتي خليتي شي حاجة توقع. .و باش غنحس و نتي وقفتي علينا كيف الزلط يالاه غنبداو جيتي نتي... نحوى: هههه هههههههههه ههههههه مسخوووطة.. و لكن نتي كان عاجبك الحال كون ما دخلت يعلم الله فين كنتو توصلو..هههه

(البارت10) : سارة : ههههه ما حدك لاصقة فيا ما غنوصلوو فين.. يالاه خليني ننعس.. نجوى : اممممم تنعسي ولا تتخايلي حبيب القلب. ..هههه سارة : واش نتي خارجة لي في عودي..هاد الليلة هههه نجوى : ههه وي عنقاتني و نعسنا. .. صبح الصباح و صبحنا خامرات بجووج.. فقت على الغوات في الزنقة... سارة : نجوى وااا نجوى فيقي... رااه 12 هادي.. نجوى : اممممم خليني عليك.. حلفات نجوى ما تفيق... خرجت مشعكة..و حالتي تقول جاية من الحرب...ههه رجل ديال السروال طالعة و رجل هابطة.. نشوف خالتي فين..ما لقيتهاش يمكن خارجة ما كاين حد من غيري انا و النعاسة ديال نجوى.. شوية كنمسع الدقاان في الباب..يمكن خالتي جات..نمشي نشووف شكووون... سارة : شكوون و كنحل في البااااب.. )غير حليتو تصدمت..) سارة :  حسام : صباحوو. .. وينو على التشعكيكة و السروال. .. سارة : و انا نرجع نسد الباب.. و لكن هوو دفعوو و تبارك الله فزعني انا من ورا الباب.. هههه سارة : اش بغيتي حماقيتي... حسام : مالي اش درت؟؟ سارة : جاي كتدق بلا حيا بلا حشمة... حسام : اه جاي بغيت عمك في شي حاجة ضرورية.. سارة : ماكاينش دابا.. و لكن اشنو هاد الحاجة الضرورية؟!!! حسام : ههه و نتي مالك فضولية ا شعكوكتي.. هادي خدمة بيني و بينو سارة : بينك و بينووو... واااخة..؛ ( دفعت البااب..) و هو رجع دفعووو... حسام : سارة كنبغيييك... سارة : كذااااب .. حسام : و الله ما كنكذب..كنحماااق عليك..غنتسناك في العشية حدا البارك للي اللور بغيت نقولليك شي حاجة.. سارة : ما جاياااش.. حسام : جااايا سارة : نننن حسام : ها حنا غنشووفووو سارة : دابا نشووفوو... ( سديت الباب و بقيت كنبتاسم غير بوحدي...)


سارة : دابا نشووفوو... ( سديت الباب و بقيت كنبتاسم غير بوحدي...) نجوى : 《و هي كتفوه.... 》 بسم الله عليك..نتي في عار الله معامن كتضحكي... سارة : حسااام.. نجوى : هههه حماقيتي نتي...وليتي تهتهتي و تحلمي بيه و نتي فايقة... سارة : ننن ما كنحلمش..حسام كان هنا بصح.. نجوى : اويلي... بغيتي الواليد يحيح علينا . سارة : ههه لا..هو اصلا جا كيسول على عمي.. نجوى: كيسول على بابا؟!!!! و علااش؟!! سارة: ما عرفتش..قال بيناتهم شي خدمة انا ما عرفتهاااش.. نجوى : ااااه نسسيت غير كان بابا سولو على شي صال دو سبوغ على قبل خويا وليد.. و حيت هو مدرب في شي صال هنا..كان سولو بابا.. سارة : اه وي.. نجوى : ايوا هو عارف بابا ما كاينش غير دارها سبة و جا يشووفك..ههه الساعة نتي ندمتيه.. سارة : علاش مالي اختي.. نجوى : خارجة ليه هاكا كون راكي خلعتيه مسكين..هههه سارة : الله يمسخك...ههههه نجوى : هه بهزر معاكي...زيدي نفطروو..و نوجد راسي خارجة مع نونو ديالي.. سارة : اممممم و أنا كنت بغيتك تمشي معايا... نجوى : فين بالسلامة.. هههه سارة : نشووف حسام..في الجردة للي تل اللوور.. نجوى : ايوا هو بغا يشوفك نتي..ماشي انا..ههه سيري بوحدك باش تاخدوو راحتكم... المهم غنخرجو بجووج و نتي سيري شوفي حسام و انا نمشي نشوف نبيل...و من بعد تتلاقاو و نرجعو للدار بجوووج...هههه باش ماما ما تشك في والو... سارة : ههه اوكي.. وصلات العشية لبسنا و خرجنا.. نجوى داز نبيل داها..و انا مشيت للجردة كنتسنا اللسي حسام يبان.. سارة: ناري تعطل ياكما ما جايش... ياكما دارها بيا...و الله لا بقات فيه... يالاه كنتحلف عليه حتى جا من وريا..و عنقني.. حسام : الزين ديالي... سارة :( دفعتوو) اويلي حشم حنا في الزنقة.. حسام: ايوا ما نعنقش حبيبة ديالي للي توحشتها.. سارة : ننن.. حسام : امممم... اوكي يالاه نحيدو من هنا سارة : فين غنمشيو.. حسام : تبعيني و سكتي.... تبعتووو طلع لولحد الطوموبيل..و طلعت حداااه.. حسام : ديري السمطة... سارة : ديال من هاد الطوموبيل.. حسام : سرقتها..ههه ديال من غتكوون في نظرك سارة : و شكوون عرف.. حسام : ههه الله يستر .. بيان سيغ ديالي.. سارة : امممم... و فين غنمشيو دابا؟؟ حساام: غنوضرك..هههههه سارة : هي هي هي هي ديمارا الطوموبيل وصلنا حدا واحد البناية كبيرة..و نزلنا.. حسام : زيدي.. سارة : فين حنا؟!!! حسام : القصر ديالي...ههههههخ. انتي زيدي و سكتي... ماكتعرفيش.. سارة : لا ما كنعرفش دخلنا طلعنا للدوزيام ايطاج و عاد عرفت بللي هادا صال دو سبوغ... وااو شحال زوين بقيت حالا فيه فمي..واخة هو صال غير صغير مي زوين مجهز بطريقة رائعة حسام : عجبك؟ !!!! سارة : وي زويين.. حسام : هادا كان الحلم ديالي..من صغري و يالاه بادي فيه..من هنا القدااام غنزيد نكبروو إن شاء الله سارة : هاد الصال ديالك..؟!!! حسام : (جا قدامي) ديالنا انا و ياك ا حبيبة. .. سارة : ... حسام : وينوو على شعكوكتي كتحشم..هههه سارة : ههه مسطي... حسام : بيك و عليك.. سارة : امممم.. حسام : سارة كنبغييييك.. ( و حيت كان الصال خاوية الصوت بقى كيتردد و يتعاود...) سارة : هههههه حسام : شفتي حتى من الحيووط عرفوني كنبغيك و بداو كيقولوها معايا.. ( حل ليا دراوعوو و بدا كيأشر ليا باش نعنقو..) انا بلا تردد..عنقتوو.. حسام : سارة مازال ما سمعتها منك... سارة : اشنو هي... حسام : كنبغيك..بغيتك تقوليها و عينك في عيني... طلقت منو و بديت غاديا للداخل..و هو تابعني.. جرني من يدي..و جلس فوق واحد البيروو..و قربني لعندووو جلسني فوق رجليه..و هز لي راسي لجيهتوو حتى ولات عيني في عينوو... حسام : دابا كنسمعك هضري... سارة : كككككك.... حسام : كككككك..؟!! اشنوو.. سارة : كنبغيك.. حسام : ما سمعتش مزيان..اشنو قلتي؟ !! سارة : قربت حدا و دنووو.. كنبغيييييييك... )ما جيت فين نكملها السيد بدا يبوس في عنقي.. ما شعرتش حتى بادلتو نفس الشئ هو كيبوس فيا و انا كنبوووس فيه.. و بدينا نفلوغطيو.. دابا طيط أ طيط. . ما كايناش نجوى للي تحرمها..علينا.ههخخه مازااال غارقين في بعضنا حتى كيصوني..التيليفووون.. بفففف هاد نجوى حالفة تحرمها و صافي..هههه سوى كاينة سوى ما كينااش... جبدت التيلي..قطعت عليها ههه بلاما نقطع بوستي..خليني غير نحس بيها كيف دايرا...ههههخ حتى كملنا على خاطرنا و صونيت ليها)

 (البارت 11) نجوى : ماعرفت مال سارة ماكتجاوبش.. نبيل : غيكون شي بغوبليم في الريزو.. نجوى : نن را كتقطع... نبيل : كو را غير جات فيه... نجوى: ها هي كتصوني... ألو سارة على السلامة.. مالكي ماكتجاوبيش... سارة : ا ماسمعتووش.. نجوى : ما سمعتيش!!! و الله يجعلني نتيق..ههه سارة : ههه هه غي تيقي.. نجوى : فيك امبوسيبل...ههههه، ايوا فينك دابا؟ سارة : ماعرفتش.. نجوى : اويلي على ماعرفتش... سارة : عارفاني ماشي بنت هنا و ماكنعرفش القنات كاملين..ماشي بحالك كي مقدم الحوومة..ههه كاع الزناقي حافظاهم..هههه نجوى : واااخة عقلي على هادشي مزياان...ههه و دابا دوزيلي حسام باش يقوليا فينكم نلحقو عليكم نبيل بغى يتعرف عليكم.. سارة : اوكي.. ( و دوزت ليها حسام نعت ليهم فين يجيو.. ) سارة : يالاه نخرجوو باش يالاه نجيو معاهم قد قد.. حسام : مالكي زربانة..ههه رآه درت معاهم نتلاقاو في واحد الكافي غي قريبة لهنا مازاال عندنا الوقت.. سارة : و حنا اصلا ما عندنا ما نبقاااو نديرو هنا ياللاه نسبقوهم..حتا يلحقوو علينا.. حسام : شكوون قالليك ما بقى عندنا ما يدار هنا...!!!  عااندنا شلا ما يدااار..و بدا كيقرب جيهتي... سارة : حسام غتقرب ليا نغوت.. حسام : بصح؟!!! غوتي نسمع...و كيقرب خطوة بخطوة.... بشوية بحال كيدير العرض البطئ.. و مع كل خطوة كيقرب صوتي كينخفص ...ههه سارة : بصوت خاافت..والله تا نغوت... حساام: حتا هو بنفس الطريقة بصوت خافت.. ما سمعت والوووو...غوتي انا كنتسناااك.. سارة : الصمت... وحلات ليا الهضرة و لساني تربط حسام : اوووه.. شفت الصوت مشى بمرة!!! و لا لسانك كلاتووو القطيطة سارة : بكثرة ما سكت دابا سرسبت ليه الهضرة في خطرة... و بسرعة البرق.. ههه شوف را ماشي خايفة منك و لا شي حاجة و الله و ما ترجع لبلاصتك حتى نطلق ليك شي غوتة فاعلة تاركة و لساني مازال في بلاصتووو القطيطة واااخة تعيا ما تحاول ما نوصلش ليه... و باش تتأكد هاااهو..و خرجت لساني.. هو دكشي لي كان كيتسنى.. غير خرجت لساني..و تلاح عليه..بدى كيمصوو.. و حتا انا ما قاومتوووش إحساس روعة بقينا هاكداك شي 10 دقايق ماسخيناااش غي صونا التيليفوون... أما مانحبسووووش...ههه حسام : ألو وي نجوى نجوى : حنا في الكافي فينكم., حساام: حداكم 5 مينيت نكونو عندكم... نجوى : اوكي.. نزلنا مشينا للكافي.. كانت قريبة ما خليناهمش كيتسنااو.. طلعنا بانتلي نجوى مشينا عندهم.. جلسنا محموعين و تعرفنا على نبيل.. أو بالأحرى غي انا للي يالاه تعرفت عليه اكتشفنا أن نبيل و حسام صحاب من ايام الليسي.. و بقينا مجمعين و كنضحكوو بالزربة داز الوقت.. ماسخيناش بالجماعة.. مي خاصنا نرجعوو للداار.. نبيل بغى يوصل نجوى..لكن حسام قالليه غي يمشي هو طريقو مختلفة على طريقنا غيوصلها عاد يرجع للدار.. غيتسخسخ.. حسام قالليه بللي هو غيوصلنا.. نبيل وافق..سلم علينا و مشى و ركبنا مع حسام.. انا و نجوى ركبنا اللوور..واخا حسام بغاني نركب حدااه انا رفضت..ههه الطريق كاملة حاضيني من المرايا...وآخر نجوى قشعاتووو..وآخر هي فليفلة ماكتسكتش.. نجوى : هالعاار ا خويا حسام رد البال للطريق راك سايق و مازالل ما بغيت نمووت...هههه و انا مازال ماركبت في العمارية..ههه حسام : ههههه واخة ا لالة نجوى : عندك العمر كامل باش تبقى تشووف في سارة و لكن دابا شووف غي في الطريق..لا نصدقوو..لا انت لا سارة و لا حتى انا.... سارة : الله يحفظ ما حنا على فالك.. نجوى : هههه ايوا الله يحفظ.. وصلنا و حطنا في الشارع للي ورانا باش مايشووفنا حتى واحد معاه..و طلعنا للدار.

(البارت 12) دخلنا للدار سلمنا على خالتي و مشينا للبيت بدلنا حوايحنا و خرجنا نريحو شوية مع خالتي.. خالتي : كيف دازت خرجتكم.. سارة : زوينة ا خالتي ماكرهنا كون كنتي معانا.. نجوى : بقات حالة فيا فمها..هههه  خالتي : ايوا بعد غدا إن شاء الله و نخرجوو مجموعين.. و حتى نبيل و ماماه.. نجوى : نبيل و ماماه؟!! علاش خالتي : عيطات ليا مامات نبيل الصباح و بغات نخرجو مجموعين نختارو الخاتم و نشريو شي حواايج.. نجوى : كنظن مازال الوقت مازربانينش.. خالتي : هادشي للي قلت ليها..و هي قالت ليا من نتلاقاو نهضروو في الموضوع كنظن باغين يحددوو موعد العرس قريب نجوى : و لكن نبيل ماقال ليا والوو.. خالتي : ايوا حتا نشوفوهم و نتناقشوو كلشي مزيان نطلبو غي الصحة و السلامة نجوى : بصح ا ماما.. سارة : ايوا الله يتمم بخير.. خالتي : آمين ا بنتي و العقبة ل نهارك أن شاء الله سارة : في حياتك ا خالتي .. نجوى : وينوو على حنيكات تزنgووو...هههه خالتي : فوتي عليك بنت عمك..ههه نجوى : ماالي..اش قلت...ههه نتوماا ما معاكم ضحك..ارووو ليا غي ناكل حسن...هههه خالتي : هاكي.. نتي مضروبة على كرشك بااز لنبيل معاك غديري ليه السيزي..هههه نجوى : ناري سيكتي ا ماما..يسمعك و يتنادم معاه الحال...و يخليني لاصقة فيك..هههه.. سارة : ههههههه و لاهيلا.. نجوى : كيفاش و لاهيلا...حتا نتي.. سارة : يسمع خبارك كتاكلي الأخضر و اليابس...يتنادم معاه الحاال..ههه يخاف على راسووو شي نهار تسرطيه.. نجوى : ايوا ا لالة غي تهناااي هو عارف هدشي و باغييني كيما انا ...كية للي ما عندو لي يبغيه..ههه يلله موتي بالسممم.. سارة : كنتحلف عليها غي بالاشارات... ( وااخة على مك .. و الله ما تبقى فيك غير حتى نستفرد بيك...و نوريك كية للي ماعندوو لي يبغيه..و دك مولاي حسام كيجاك...هههه) بعد ما تجمعنا تعشينا كل واحد مشى لبيتو... و انا و نجوى حتا جمعنا الطابلة و غسلنا الماعن.. دخلنا باش نعسوو... سارة : آجي للمك لهنا...انا ما عندي للي ييغيني.. اشنوو دابا نتفاهم انا و ياك.. نجوى : هههه الله يسامح غي كنا ضاحكين.. سارة : امممم دابا وليتي كطلبي.. نجوى : عارفاني على قد حالي و ما نقد عليك..هههه سارة : ايوا الله يعميها ليك.. قربتي تمشي خللي بلاصتك زوينة..ههه نجوى: وااخة ا شااف...ههههه شوية بدأ يصوني ليا حساام.. سارة : هاااه دابا شنووو نقووول تا انا كية للي ما عندو لي يصوني عليه و يسول فيه..هههه الحيبان ديالك كوون راااه كيشخر.. نجوى : هههههه وابااااز.. سارة : بزيييز...ههه تلاحي سيري تركدي سالا وقتك.. نجوى: وااااخة ا لاالة..بووونوي.. سارة: بووونوي... و انا بقيت شادة الهضرة مع حبيبوو في التيلي..حتى قرب يصبح الحااال.. هههه الحب و ما يدير.. الغد ليه داز النهار عادي..غير الدار الشقى و التيفي و التيلي.... و بعد الغد هو اليووم للي غنمشيو مع نجوى تشري الخاتم... وصل الوقت و اتصل بيها نبيل باش يالله نوجدوو ريوسنا.. لبسنا و كنتسناو نبيل غيدووز من ورانا..

 ( البارت 13) خالتي وجدات الفطووور و حطت كلشي فوق الطابلة.. شوية الدقان في البااب.. خالتي : سارة حلي الباب عافا بنتي..هادا ما يكون غير نبيل و ماماه.. سارة : واخة ا خالتي.. نجوى : غير خليك انا غنحل.. سارة : هههه اوكي.. نجوى : حلات الباب و نيت كان نبيل و ماماه.. السلام أ خالتي دخلي مرحبا.. أم نبيل : ترحب بيك الجنة ا بنتي.. نبيل : السلام نجوى لاباس عليك نجوى :  اه الحمد لله و نتوما بيخير.. نبيل : الحمدلله دخلو تسالمنا و gلسوو فطرو معانا عاد نزلنا كاملين.. نبيل ركب و حل الباب القدامي و غمز لنجوى باش تركب حداه.. نجوى ما بغاتش.. بغات تركب اللور حدايا..هههه أم نبيل : لا أ بنتي نتي بلاصتك القدام حدا راجلك.. نجوى : لا أ خالتي هاديك بلاصتك نتي.. أم نبيل : كانت بلاصتي قبل ما تكوني نتي اما دابا ولات بلاصتك.. نجوى : التي كانت و غتبقى ليك حتى حاجة ماتبدلات.. أم نبيل : كوني تسمعي للكلام و طلعي حدا زمانك..ههه و لا بغيتي تكوني مسخوطت عكوزتك...هههههه نجوى : ما يكون غي خاطرك ا خالتي.. ركبات نجوى القدام و انا و خالتي و مامات نبيل ركبنا اللوور.. طريق كاملة حنا هاضرين و كنضحكووو أما نجوى ضاربة الطم...هههه اواااه هادي هي بنت عمي للي ما كتسكتش من بلابلا...هههه سبحان مبدل الاحوااال... وصلنا لعند مالين الذهب و نزلنا.. بقينا ندوروو من محال لمحال و تقووول شي خاتم عجب لالة لعروووسة...ههه كاع مالين الذهب تماك عرفووونا.. و أخيراً لالة نجوى عجبها واحد الخاتم ذهب بيض الصراحة واااعر خفيف و لكن رااقي صافي خدينا دك الخاتم و نبيل خلصوو.. و لكن ماسخينا نخرجوو من تماك هاد المحال فيه دكشي للي كلااص..ديال الناس الواعرين واخة الغلا مي شي حاجة تستاهل.. سارة : ايوا على السلامة و أخيرا عجبك شي خاتم...ههه نجوى : ايوا انا ذوقي صعييب اش نديير..ههه سارة : واااالوو..ماعندك ماديري الله يحسن عوان نبيل من هنا القدام هههه غتشيبيه قبل لوقت. .. نبيل : على ود نجوى حتى حاجة ما تغلى.. غير تطلب و تآمر اش حب الخاااطر يحضر في الحين.. سارة : ايييه...ايوا اش بغيتي ا لالة...تأمري ليا مع راسك..ههه نجوى : بصح ا نبيل نبيل : وي ا عيون نبيل.. نجوى :  امممممم... دورات عينيها يمينا و شمالا.... بااان ليها واحد البغاصلي...واااااو روعة.. نبيل بغيت هادا... نبيل : مغجاوبهاااش.. رجع دخل طلب من الذهيبي يجبدووو ليه و تفاهمو على الثمن و دارو في بوشيط ديالو.. نبيل : هاكي ما يغلاااش على حبيبتي.. نجوى :  درتيها بصح..انا غير ضحكت معااك.. نبيل : مي انا كنت هاضر بصح ا حياتي.. نجوى : يخليك ليا.. نبيل : و يخليك ليلي.. سارة : احمممم احممممم نحن هنا...ههههه نبيل : اححم دابا نمشيو ناخدو الحوايج ياك.. أم نبيل : اه ا ولدي.. مشينا جيهة الحوايج... و لالة نجوى ما خلات ما شراااات را قلت ليكم باااز لنبيل...ههه السيزي مافيها شك.... و أخيرا كملنا... خارجين من القسارية هازين عرااام الميكات..ههه تقولي شارين القيسارية كاملة..ما وصلنا للطوموبيل حتى عينا... نجوى : سارة وااا سارة.. سارة : اشنووو خباار الخير.. نجوى : جاني الجوووع... سارة : ايوا كوليني... نجوى : هههههه الله يمسخك.. سارة : إلى جاك الجووع قوليها لراااجلك انا مالي...

لبارت 14 صبح الصبااح..نهار جديد و أحداث مختلفة.. فقت فطرنا و طرفنا الدار..لا انا صونيت لحسام و لا حتى هو صونا.. و لكن و الله ما نسول حتى يسول هو ياك هو للي قطع عليا البارح إذن هو للي خصوو يعيط... بقينا هاكداك النهار كامل شي دافع كبير على شي... حتى الليل وصلني ميساج منو..فيه بونسواغ صافا كيف داز نهارك.. ما جاوبتوووش.. شوية صونا المرة اللولة قطعت الثانية قطعت..و كنتسناه يصوني.. الثالثة ناوية نجاوب... ولكن صدق مطور...هههه ما صوناااش المرة الثالثة بقيت شي ساعة حاضية التيلي... حتى بدا يديني النعااااس..و هو يصوني قفزني.. يالاه بغيت نجاااوب قلت خليه يصوني شوية باش ما يقولش كانت كتسنى فيا..ههه عزة النفس و دكشي..هههههههه المهم جاوبت.. سارة : الوو خبار الخير.. حسام : هاكدا كنجاوبو! !!! سارة : علاش مالي اش قلت؟ حسام : ماموالفاش ليك تجاوبيني هاكدا...اش واقع ياك لاباس.. سارة : لا ماواقع والووو حمد الله و شكروو انا بعدا جاوبتك ماشي بحال شي ناس قطعت في وجهك.. حسام : كتدقي عليا؟!! سارة : ننن انا ماكندقش و صونيط كاااين... حسام : اييييه الدقان و رداان الصرف ايوا الله يخلف عليك.. سارة : امين حتى يخلف و اجي حشووو... حسام : ايييه مابقيتيش سويهلة سارة: لاواه دلاحة.. حسام : هههههه و صافي الله ينعل الشيطان سارة : الله ينعل الشيطان و يخزيه واخة هو مادار والووو.. غير بنادم الله يهديه فينما يزبلها يلصقها في الشيطان.. حسام : ههههه و تمجهدنا سارة : عيطتي بغيتي تقول شي حاجة؟!!! حسام : اه سارة : وي اشنوو كنسمعك... حسام : توحشششششتك موووت و كنموووت فيك.. سارة : امممم كتصبغني حسام : لا الصباغة غالية عليا..ههه كندير غي الجييير...هههههه سارة : ايييييه اوكي يله بااااي و قطعت.. حسااام: الووو الووووو.. وايلي تقلقااات بفففف جيت نكحلها عميتها... سارة : ههههه و لاهيلا كان انا للي خصني نعتاذر و بزربة قلبتها عليه...ههه و لى هو للي خصوو يطلب و يزااوك و العااار نرضى...هههههه تبارك الله عليا و خلاااص.. عاود صوونا لي... سارة : الووو اش باغي مازااال ، و لا باقي ما كلمتي التجيااار!!! حسام : اووه ديزولي حبيبة ديالي غي كنت كنضحك معاااك.. سارة : كاين فرق بين الضحك و بين الطنز حسام : حراام عليك تقولي هادشي..بحالى ماكتعرفينيش..انا هاكدا ضحكي باااسل.. سارة : ايوا بدا تزيد عليه ضامة البنة باش يجي بنين... حسااام: هههههه واخة ا لالة مايكووون غي خاطرك.. سارة : ما لالة حد انا ...سميتي سارة حسام : ويننووو نمووت انا في هد التقليقة سارة : اشنننووو.. حسام : لا والووو..ههه سارة : ايوا ما نعرف ليك..ها ودني منك حسام : ههههه واخة ؛ ايوا ماغنشووفكش سارة : علاااش.. حسام : كيفااش علاش..توحشتتتتتتتك.. سارة : حتى نفكر.. حسام : تفكري...هههههه واخة ا لالة من تفكري عيطي لي.. سارة : ننن نتا عيطلي و سولني واش فكرت.. حسام : ههههه زوينة هادي..و لا قلتي لي لا مازال ما فكرت..اش ندير؟!! سارة : عادي.. مرة اخرى و عاود عيط و سولني.. حساااام: هههههههه اوكي مايكوون غي خاطرك يالاه أري شي بيزوو..بب سارة : سير تنعس ره دوخك النعاااس بن نوي.. حسام : بن نوي بب..

البارت 15 صبح الصبااح..نهار جديد و أحداث مختلفة.. فقت فطرنا و طرفنا الدار..لا انا صونيت لحسام و لا حتى هو صونا.. و لكن و الله ما نسول حتى يسول هو ياك هو للي قطع عليا البارح إذن هو للي خصوو يعيط... بقينا هاكداك النهار كامل شي دافع كبير على شي... حتى الليل وصلني ميساج منو..فيه بونسواغ صافا كيف داز نهارك.. ما جاوبتوووش.. شوية صونا المرة اللولة قطعت الثانية قطعت..و كنتسناه يصوني.. الثالثة ناوية نجاوب... ولكن صدق مطور...هههه ما صوناااش المرة الثالثة بقيت شي ساعة حاضية التيلي... حتى بدا يديني النعااااس..و هو يصوني قفزني.. يالاه بغيت نجاااوب قلت خليه يصوني شوية باش ما يقولش كانت كتسنى فيا..ههه عزة النفس و دكشي..هههههههه المهم جاوبت.. سارة : الوو خبار الخير.. حسام : هاكدا كنجاوبو! !!! سارة : علاش مالي اش قلت؟ حسام : ماموالفاش ليك تجاوبيني هاكدا...اش واقع ياك لاباس.. سارة : لا ماواقع والووو حمد الله و شكروو انا بعدا جاوبتك ماشي بحال شي ناس قطعت في وجهك.. حسام : كتدقي عليا؟!! سارة : ننن انا ماكندقش و صونيط كاااين... حسام : اييييه الدقان و رداان الصرف ايوا الله يخلف عليك.. سارة : امين حتى يخلف و اجي حشووو... حسام : ايييه مابقيتيش سويهلة سارة: لاواه دلاحة.. حسام : هههههه و صافي الله ينعل الشيطان سارة : الله ينعل الشيطان و يخزيه واخة هو مادار والووو.. غير بنادم الله يهديه فينما يزبلها يلصقها في الشيطان.. حسام : ههههه و تمجهدنا سارة : عيطتي بغيتي تقول شي حاجة؟!!! حسام : اه سارة : وي اشنوو كنسمعك... حسام : توحشششششتك موووت و كنموووت فيك.. سارة : امممم كتصبغني حسام : لا الصباغة غالية عليا..ههه كندير غي الجييير...هههههه سارة : ايييييه اوكي يله بااااي و قطعت.. حسااام: الووو الووووو.. وايلي تقلقااات بفففف جيت نكحلها عميتها... سارة : ههههه و لاهيلا كان انا للي خصني نعتاذر و بزربة قلبتها عليه...ههه و لى هو للي خصوو يطلب و يزااوك و العااار نرضى...هههههه تبارك الله عليا و خلاااص.. عاود صوونا لي... سارة : الووو اش باغي مازااال ، و لا باقي ما كلمتي التجيااار!!! حسام : اووه ديزولي حبيبة ديالي غي كنت كنضحك معاااك.. سارة : كاين فرق بين الضحك و بين الطنز حسام : حراام عليك تقولي هادشي..بحالى ماكتعرفينيش..انا هاكدا ضحكي باااسل.. سارة : ايوا بدا تزيد عليه ضامة البنة باش يجي بنين... حسااام: هههههه واخة ا لالة مايكووون غي خاطرك.. سارة : ما لالة حد انا ...سميتي سارة حسام : ويننووو نمووت انا في هد التقليقة سارة : اشنننووو.. حسام : لا والووو..ههه سارة : ايوا ما نعرف ليك..ها ودني منك حسام : ههههه واخة ؛ ايوا ماغنشووفكش سارة : علاااش.. حسام : كيفااش علاش..توحشتتتتتتتك.. سارة : حتى نفكر.. حسام : تفكري...هههههه واخة ا لالة من تفكري عيطي لي.. سارة : ننن نتا عيطلي و سولني واش فكرت.. حسام : ههههه زوينة هادي..و لا قلتي لي لا مازال ما فكرت..اش ندير؟!! سارة : عادي.. مرة اخرى و عاود عيط و سولني.. حساااام: هههههههه اوكي مايكوون غي خاطرك يالاه أري شي بيزوو..بب سارة : سير تنعس ره دوخك النعاااس بن نوي.. حسام : بن نوي بب..

لبارت 17 و أخيراً وقف الطوموبيل و نزل..و جا نزلني حيت مازال مغمض ليا عيني.. سارة : حساام حل ليا عيني خلاااص.. حسام : صبري... سارة : بفففف مابقى عندي صبر..خلااااص.. حسام : اوكي..هههه 1_2_ 3... سيغبغاااايز.. سارة : حليت عينيا وااااو تخلطات عليا دهشة و فرحة... أول مرة شي واحد كيفاجئني هاكدا..من الفرحة دازو لي الدموووع.. حسام : جا قدامي.. جوايوزاني فيغسيغ حياتي.. سارة : في خبارك انا كنت ناسياه.. حسام : مي انا نن ماناسيش سارة : مي كيفااش عرفتيه را اليووم... حسام : ساهلة..رك كنتي ايتيديانت عندي...ههههههه سارة : اممممممم..  كان حسام موجد ليا طاغت بسميتي.. و الورد و دكشي...ههههه ما قصرش من جهدوو.. + الكادووو واااو خاتم مكتوووب فيه سميتي و سميتوو و حتا هو خدا ليه كادوو فيه سمياتنا.. باش يبقااو معانا طوول حياتنا.. سارة : ميغسي بب.. حسام : سي غيان حياتي تستاهلي كثر.. رجعني للدار.. بعد مرور أيام تحدد عرس نجوى بعد شهرين اما ضريب الصداق بعد يوميين.. داز كلشي بخير و على خير... ولينا غي نجريو ما نعقلوو.. مع التوجاااد للعرس و الضغط ديال الوقت... و لكن الحمدلله التواجد كلوو دااز ميسر... بقا غي زووج الأسابيع للعرس.. و نودعوو نجوى و نتهناو من صداعها....هههههههههه و أخيراً ليلة العرس للي كتحلم بيه أي بنت.. تبارك الله نجوى جات غزالة و حتا نبيل... جاو مواتيين.. حتا انا جيت فنيونة..هههه شكوون شكارة العرووس...هههه و حتى حسام معرووض اليووم بحكم انه جارنا و كيعرف عمي.. دخل و شافني..بقا حاال فمووو..كنت لابسة تكشيطة مبرة في البلونوي و كلها مرصعة و ميك اب سموكي.. و سبيبيط في الفضي عالي... و ما نسيتش ليزاكسيسوااغ مواتيين للتكشيطة.. دااز العرس زااز و من لبسات نجوى الهندية طلباتني نلبسها معاها... حيت كيلبسووها البنات مع العروووس..و لبستها حتا انا في الgغونا و الخلاخل و الطانقة د النيف..هههه و ليزاكسيسوااغ ديال الشعر و العنق.. دكشي واعر.. و من دخلنا الكل بقا متفاجئ و طلقوو واحد الديسكك هندي..و انا كنحمااق على الهنوود...هههه شدوني هوايشي الهنديين..ما حسيت براسي حتى بديت نشطح بحاال دكشي د'الافلاااام... كان خاص غير البطل...ههههه و لكن ما خيبونيش..النكافة طلبات شي واحد من الدراري...يطوع و يلبس اللبسة الهندية و حاجة أكيدة شاروخان ديالي للي غيلبسها...ههههههه و جا يكمل دكشي للي باقي... بقينا كنشطحووو على دك ديسك ..ههههه حتى بردت هوايشي... و أخيراً سالا العرس..و جات فقرة التنخصيص...ههه ضغوغي أي عروووس مغربية كتغادر دارهم بالبكا...الصراحة عيت مانحلل في هادي و ما فهمت والووو..البنت كتكون ميتة على الزواااج..تقلب لبو ركابي ديالها راسوو سفااه على علاه جي لدارنا خاصنا نتجوجو...و من كيتتزوجوو و يبغي يديها عاد كتجيها المحنة على دارهم...ههه و تبدى تغبن...ههههه المهم هادو هوما البنااات صعيب تفهموومنا.... المهم فقرة البكا و النحيط ما يحيدهاااش الطبيب.. خالتي عنقات نجوى كتودعها.. نجوى تبكي و خالتي تبكي..و توصي فيها.. نجوى ديري عقلك و ديها في دارك و راجلك..و ناسك...و انا مقابلاهم و نبكي... حسيت بانني ما عمرني نعيش هد اللحظة ماما ماعمرها تحن عليا بحاال هاكدا.. حسيت بالغيااب ديالها اليووم أكثر من قبل ما عرفتش علاش رفضت تجي تحضر لعرس نجوى.. كنحاول نحبس دموعي للي غلبوني... جا حدايا بابا و عنقني... حسيت بيه حس بالألم ديالي و كيواسيني.. عد عرفت بابا حنين بزاااف.. جات نوبتي نودع نجوى.. تعانقنا كنتباكاوو..و نبيل يجر في نجوى و خالتي تجر فيا حلفنا لا تفارقنا نجوى كثر من ختي.... و دابا غتخليني بوحدي.. خالتي : ا لحمقة صافي..ره غتسكن غي قريبة و كل مرة بقااي تمشي عندها..خي ماشي غتخوي البلااد.. نبيل : هههه وي سارة مرحبا بيك في أي وقت.. ودعناهم و مشاات نجوى تعيش حياتها الجديدة.. و بقيت انا نكمل حياتي..للي مازااال ما عرفت واش غتكوون سعيدة و لا لا...
البارت 18 دازت الأيام و الأسابيع و رجعنا للقراية كملت حياتي بين قرايتي و الدار و حسام و بابا كيجي يشوفني من الشهر للشهر و كيدوز معايا شي يوماين و يرجع للدواار.. اما ماما فهي نساتني..ز انا وليت كنعتبر راسي يتيمة الأم  وآخا بابا و دار عمي و اكيد حتى حسام.. ما مخليني محتاجة لوالوو و لكن حتى حاجة ماكتعوض بلاصت الأم و حنانها و عطفها... دازت الاعوام كتجري كملت الليسي و شديت الباك ديالي بمونصيون.. حسام فرح ليا..و دار ليا حفلة ماضايراش..و حتا في الداار حتافلو بيا و باركو ليا.. .. دفعت للمنحة و تسجلت في لافااك تبعت بيولوجي.. حلمي انني نولي بيطرية و غنحققو بإذن الله.. دازت العطلة عادي كنت متحمسة امتا نبدى القراية في لافاك..نتعرف صحاب جداد.. و قراية مختلفة.. المهم بعد العطلة الدراسة من جديد.. واخة لافااك...بقى لي الوقت خاوي بزااف و كنحس بالملل.. خديت رأي حسام في انني نقلب على خدمة غي دومي جووغ.. باش نعمر وقتي و نيت نضبر صريف.. في حين حسام كانت عندوو فكرة أخرى .. هو كان ديما كيعطيني فلووس..مي كنرفض ناخدهم بحكم اننا ماكتربطنا حتى حاجة رسمية لذلك مانقدرش ناخد من عندوو فلوووس...دابا قتارح عليا .. حسام : سارة علاش لي ما تخدميش معايا..؟!! سارة : ههههه فين في الليسي نجمع ليك لي بالووون.. حسام: هههه اكيد لا.. هنا في صال تكوني لاغيسبونسابل.. سارة : هههه كتهضر بصح حسام : وي.. نيت باش نبقاااو نتشاوفووو كل نهاار..هههه سارة : اوكي.. موافقة.. حسام : اوكي.. بدينا...ههه يالاه شدي البووسط ديالك.. و ديري خدمتك مزيان..هههه سارة : و لكن أنا اش غنولي ندير.. حسام : غادا تكلفي بلي كليان إلى جا شي حد جديد بغى يتسجل عندنا غطلبي منو معلوماتو الشخصية و تقولي لي اللوازم للي مطلوبة سي توو..و تسجليه..و تعطيه الكارط ديالوو للي كدل على أنه عضو معانا في الكلوب.. و تكلفي بي صال ديال لي فيي.. من نكوون انا مقابل هنا نتي غتكوني المدربة ديالهم.. انا غنعلمك كاع الحركات ديال الايروبيك... كلشي ساهل.. سارة : هههه اهاه..و بشحال غتخلصني... حسام : هههه نتي كلشي ديالك.. لي حبات حبيبة تاخدها... سارة : لا لا دابا نسا بلي انا حبيبتكك..دابا انا خدامة معاك بشحال غتخلصني..ههه نتفاهمو من دبا لي اولوو شرط اخروو نوور..انا رك عارفني كنقرى..يعني مغنجيش ديما..ههههه حسام : و الله يعطيك عقل.. سارة : اميييين...ههههه ايوا هاكدا عمرت وقتي..الدار و لافاك و الكلووب.. داز العام طاير..و فاليديت كاع لي موديل... واااو راني نابغة الله يحفضني من العين و خلاص...ههههه هاد المرة كان الكادو د النجااح مختالف حسام من عرفني فاليديت كلشي فاجأني و في واحد النهار حتى لقيتووو عندنا في الداار علاش؟!!.ما عرفت.. معروووض العشاء اصلا هو كيعرف عمي و عمي كيعرفوو.. عاادي.. جالسين كنتعشااو عادي.. بعد العشاء الديسير و ابغي اتاي.. المهم جالسين شوية.. حسام : اححم اححم عمي انا جيت اليوم قاصدك و عندي طلب و نتمنى ما تخيبنيش عمي : اه تفضل ا ولدي إلى عندي..مرحبا حسام : اه عندك ا عمي.. عمي : ا ما هو ا ولدي.. حسام : طالب بنتكم سارة للزواج على سنة الله و رسوله.. سارة : كححح كحح.. كنت نشرب اتاي وحل ليا... و زناكيت.. عمي : وا الصراحة ا ولدي نتا ولد الناس ما فيك كا يتعاب و لكن سارة واخة هي بمثابة بنتي و لكن هاد القرار ما نقدرش نتاخدو بوحدي.. هي بنت خويا ضروري تطلب يدها من باها ا ولدي و انا ما نزيدكم غير الخير و الإحسان. . حسام : بصح ا عمي.. انا دابا كنطلب منك نمشيو عند باها غدا ان شاءالله عمي : مرحبا ا ولدي.. من بعد حسام مشى و خلاني انا غنضور في عينيا... غي دخلت البيت و عيطت ليه... سارة : علاش ما قلتيش ليا غتجي تخطبني.. حسام : الو السلام لابأس بعدا..عاد سولي..ههه5ولا زربانة... سارة : جاوبني.. علاااش ما علمتيني.. حسام : و لا علمتك غتبقاي تقولي ليا ما نقدرش نقولها للدار كنحشم..و كدا و كدا...ههه اللهم ندير شرع يدي.. سارة : واخة فيك والله ما تبقى فيك..هههه حسام : سيري تنعسي الصباح شادين الطريق.. سارة : اوكي.. بونوي 😍 حسام: بن نوي.. عمي عيط لبابا و قاليه كلشي..و بابا رحب بالفكرة... المهم حاولت نعس واخة ماجانيش النعاس غدا غتبدل حياتي..و نتخطب لحسام حبيب قلبي للي من السانكيام لدابا.. 4 سنين د الحب ماشي ساهلة.. الحمدلله حسام ما خذلنيش و ما خيبش ظني فيه.. واخة الليل عيطت لنجوى و عاودت ليها كلشي كيما هو من طقطق للسلام عليكم..ههههه حتى خرجت كلشي عاد رتاحيييت... و نعست

 البارت 19 صبح الصباح فقت لبست و فطرنا..جا حسام باش نمشيو مجموعين.. عمي: يالاه ابنتي.. سارة : و خالتي ماغاداش؟! خالتي : لا أ بنتي غي سيروو نتوما.. سارة : ننن انا ماغنمشيش بلا بيك عارفة نتي هي ماما خالتي : واخة ا بنتي انا نلبس و نجي سارة : واخة.. هبطنا ركبت انا و خالتي و ولد عمي الصغير في طوموبيل ديال عمي.. و أما حسام فكان جاي هو و خوه و مرات خوه فطوموبيلتوو.. حنا قدامهم و حسام تابعنا حيت ماعارفش الطريق.. بعد ساعة و نص وصلنا للدواار.. دخلنا للدار و ماكانش شي استقبال حار من ماما و ختي نادية الصراحة انا كنت متوقعة هدشي..و حتى حسام ره عارف كلشي عليا ماكنخبي عليه والو..و لكن كان كيقوول ليا هاديك ماماك ما يمكنش تقسى عليك..و لكن اليوم هو غيتأكد من كلامي.. دخلنا استقبال بارد..بابا هو الوحيد للي كيرحب بالناااس.. حتا خالتي ما عجبهاش الحال وايلي ماما حشماتما مع الناس و أول مرة كيشوفونا غياخدو انطباع خايب.. المهم بابا و حسام بقاو هاضرين..بابا سول على الأم الأب ديال حسام.. بابا: علاش ما جاو الوالدين ديالك ا ولدي.. حسام : عمي انا يتيم و في هد الدنيا عندي غي خويا هشام و مرتو كوثر من بعد الله هادو هوما عائلتي.. و إلى قبلتو بينا غنوليو عائلة وحدة.. بابا : اه الله يرحمهم..و مرحبا بيكم. . و لكن بنتي شرطها تكمل قرايتها و تحقق حلمها... حسام : انا موافق على شروطكم كلها ا عمي.. بابا: ايوا على بركة الله نقرااو الفاتحة و الله يتمم بخير... بعد قراءة الفاتحة انا عينيا دمعووو.. خالتي عنقتني.. و طلقات واحد التزغريتة... خالتي : مبروووك ا بنتي.. أما ماما غي تقرات الفاتحة و هي عاد مازادت غوبشت كاع ما فرحانة ليا.. خنزرات فيا ة في خالتي و مشات للبيت.. خالتي ناضت تبعاتها... خالتي : مالكي على هد التصرفات راها بنتك زعما.. ماما : ما هي بنتي ما انا مها.. سمعتي.. مع هد الكلمة وقفت انا جات في ودني نزلات عليا كي الصاعقة.. سارة : اش كنسمع ا ماما..  انا ماشي بنتك..و علاش كتنكريني و في أهم نهار في حياتي في عوض ما توقفي جنبي نكرتيني.. و انا كنبكي خالتي كتحاول تهدأني.. خالتي : ماتديش عليها ا بنتي غير ساعة غضب.. دبا تفووت..و تقاد الاموور.. كنستغرب مرات عمي احن عليا من ماما للي من لحمي ة دمي كتجرح و بزااااف.. مسحت دموعي و خرجت لعند النااس.. المهم بابا عارف الوضع هنا.. حدد كلشي قريب ... اتفقو ضريب الصداق و العرس بعد شهر و من بعد هما جاو انا كان خصني نبقى تماك شي ايام باش نعرف اش خاص و اش لازم للعرس و نبداو التوجااد.. ودعنا الكل.. و هما رجعووو بابا : أجي ا بنتي حدايا.. بنتي كبرات و غتزوج ماشاء الله. . الله يفرحك ا بنتي و يحقق ليك كل ما تمنيتي.. دكشي للي ما قدرتش انا نوفرو ليك و نحققو ليك.. نتمنى يحققو ليك راجلك..واخة هدشي كان الواجب ديالي كاب.. و لكن ما كنتش قد المسؤولية سارة : لا أ بابا ما تقولش هدشي نتائج احسن آب في العالم و عنقتووو.. كنحس ب بابا تبدل ماعرفت مالوو.. مابقيت فاهمة والوو في هد الداار.. و لكن من بعد شهر غنمشي و نخلي الدار و ما فيها.. غيبقى بالي مشغول غ على بابا اما الآخرين فهما مل حاملينيش اصلا.. بقيت متكية و كنفكرر في المستقبل.. فجأة كنسمع غوات بابا و ماما.. بابا: لا هي لا فهمتي مايمكنش نخليك تدمري سعادة بنتي.. من جاو الناس ما ستقبلتيهم مزيان ما قلت والووو..صبرت على ود بنتي ولكن باش تبغي تسلبي فرحتها هادي للي ما عمرها تكوون... ماما : و لكن الأصول و العادات هاكا كتقوول.. مايمكنش نزوجوو الصغيرة و البنت الكبيرة واصلة 28 و باقا بلا زوااج بابا: ايوا الزواج نصيب الصغيرة جاها نصيبها حتا لبين يديها و الكبيرة مازال ما دقو في بابها ياكما بغيتيني نمشي ندق البيبان و نخطب ليها نتي راك تسطيتي.. سارة : ماكم ا بابا ماكاين باس صواتكم واصلة للجيران.. بابا: ماكاين حتا باس ا بنتي سيري ترتاحي.. ماما : لا كاين الباس... ماعندها فين تمشي... أجي لهنا سمعي اش نقول ليك.. الزواج غي نسايه ماحد نادية ما تزوجات حتى نتي ماغتزوجيش.. هادو هوما العادات ديالنا قد بغيتي قد ما بغيتيش نادية للي غتجوج ماشي نتي..


البارت 20 ماما : لا كاين الباس... ماعندها فين تمشي... أجي لهنا سمعي اش نقول ليك.. الزواج غي نسايه ماحد نادية ما تزوجات حتى نتي ماغتزوجيش.. هادو هوما العادات ديالنا قد بغيتي قد ما بغيتيش نادية للي غتجوج ماشي نتي.. سارة : و الناس للي عطيناهم الكلمة.. من هنا للشهر اش غنقولو ليهم.. ماما : ماعندك نتي ما تقولي لا ليهم لا لغيرهم.. و العرس للي من هنا لشهر غيكوون و لكن ماشي ليك لنادية. . سارة : كيفااااش و لكن هدشي غش.. و اليوم تقرات الفاتحة ديالي انا و حسام مايمكنش تديري هدشي.. ماما : علاش للي ما يمكنش..را دويت نادية هي للي غتزوج بحسام و هضرتي واضحة.. سارة : ما غنخليش هدشي يوقع.. بابا عافاك رجعني لعند عمي دابا.. مابقيتش باغا نبقى هنا.. ماما : نتي ما غتمشي فين و من اليوم ماغتحطيش رجلك بران الدار حتى تزوج نادية.. سارة : جبدت التيلي باش نعيط لحسام..انا دابا غنعيط ليه و نقوول ليه كلشي.. يالله غنتصل خدات ليا التيلي.. ماما : من اليووم هادا ولى ديال نادية و جراني غاديا بيا لواحد البيت باش تسد عليا.. سارة : لااا حرااام عليكم... 😭 بابا جا يفكني دفعااتووو حتى طاااح و غيب.. سارة : بابا بابا فيق عافاك ما تخلينيش.. بابا: لا رد.. سارة : قتلتي بابا اش درتي.. خرجت نغوت جمعت الجيران و طلبتهم يعيطو على الطبيب للي في الدواار.. هو بعيد ما وصل حتا ريقي نشف و قلبي كان غيخرج من بلاصتو.. قلب بابا و قال لينا بلي هو تصدم ما بقى يقدر لا يهضر و لا يتحرك.. سارة : لا ما يمكنش...بابا  السند الوحيد للي كان عندي و لى عاجز عن الحركة بعد هد الحادثة ماما ولات تهددني ب بابا.. مقابل سكاتي و انني نخلي هد العرس يكمل بابا ما تآديهش... كنت مضطرة نوافق مقابل حياة أغلى شخص على قلبي غنضحي بحب حياتي.. و نشووفو قدام عيني كيتزووووج.. بوحدة أخرى قدااام عيني ماما و ختي سرقووو مني حبي و حياتي بحجة العادات و التقاليد.تتببعععع ....

البارت 21 داز العرس كامل و اللباسي كلهم نادية مغطية وجهها.. في آخر لحظات العرس جات ماما حلات الباب عليا و قالت ليا دابا نقدر نخرج.. تعمدت ديرها بلعاني.. جراتني لبرا باش نشووف مراسم جنازة الحب ديالي الحب للي استمر 4 سنين كانت هادي نهايتووو.. حاولت نتهرب باش ما يشوفنيش حسااام..ما عندي باش نواجهوو.. اش غنقوول باش غنجاوب من يسولني.. و لكن ماما هي هدشي لي بغات..بغاتوو يشوووفني... جابتني حتا لقدامهم.. حسام : ساااااارة!!!!! الكل التفت فيا و مفاجئ حسام : عرى لنادية وجهها. .. لا ما يمكنش.. شد من راسووو.. نتوما غشيتوني.. انا جيت نتزوج بسارة..سارة هي البنت للي كنبغي.. ماما : و لكن دابا مرتك هي نادية ماشي سارة.. حسام : نتوما زوجتوها ليا بالغش لذلك غنطلقها.. و دابا.. ماما : ما يمكنش حيت إلى وقع هدشي لي كتقوول..ما غيعجبك حاال.. و مشات جرت بابا لبرى.. سارة : لا بابا حتى لبابا و لا فهمتي.. 😭😭 حسام : سارة ماتوقعتكش تسمحي فيا هاكا.. سارة : انا ما سمحتش فيك انا مجبرة على هدشي نتمنى تفهمني...و نتمنى ليك السعادة..و الحب يملأو حياتك حسام : السعادة و الحب .!!! هااء.. سعادتي اليووم ضاعت و أنا كنضحك..و حبي مات و جنازتو خارجة دابا ؛ من اليوووم كاين غي التعاسة و الكره و خنززر في نادية... ماما : دابا نتا راجل بنتي و واجبك تعيشها في سعادة... حسام : كنعطيك وعد بلي غنخليها تكره النهار للي فكرات فيه تاخد بلاصت سارة. . سارة : مشاااو و خلاوني في معاناتي... الحب ضااع كلشي ضااع.. حياتي تدمراات.. بقيت فترة في العروبية مقابلا بابا.. و قريب تبدا الدراسة و خصني نرجع باش نكمل قرايتي ماخاصش هدشي يأتر عليا و يدمرلي مستقبلي.. قررت نرجع و لكن كيفاش غنقدر نسكن حدااه كيفاااااش.. غنحاول انا قوية..  جمعت الحوايج و جيت انا و بابا عند عمي حيت ما نقدرش نخليه بين يدين امرأة ما فيها لا رحمة و لا شفقة... و نيت في المدينة غنقدر نعالج بابا.. رجعت للمدينة و بديت نقلب على خدمة للي نقدر نخدمها و نقرى في الكلية في نفس الوقت و لقيت واخة فيها تمارة شوية و لكن ضروري نخدم باش نشري الدوا لبابا... بديت القراية و الخدمة و حتا بابا بدا العلاج كنحاول نتفادى نتلاقا حسام في طريقي..الى بان لي من البعد و لا سمعتوو نازل في الدرووج كنتخبى حتى يدوووز.. دازت فترة و ماما جات لعند نادية.. شفتها غير في الدرووج.. و هي طالعا... و في الأيام الاخيرة.. نادية كتخليني حتى ندخل للدار و تجي تدق.. خالتي : سارة عافاك ا بنتي حلي البااب معاك... ره شي حد كيدق سارة : واخة.. حليت الباااب.. سارة : هادي نتي اش بغيتي ماعندك ماديري هنا و سديت الباب... هي دفعاتووو.. نادية : شميت عندكم ريحة الحريرة و انا كنتوحم ماقدرتش نصبر.. سارة : ماشي عندنا غير غالطا..و سديت الباااب.... درت لقيت خالتي ورايا عنقتها و بكيت تا شبعت...و دخلت لبيتي.. تطمأنيت على بابا و نعست..أو بالأحرى سرحت كنفكر.... كتوحم حاملة.. إذن هو تقبلها على أنها مراتووو...صافي نساني.. الله يفرحهم نتمنى ليه كل خير... مسحت دموعي.. و نعست.. دازت ايام و ايام و نادية ديما كتجي تفكرني بأنها حاملة و كتوحم..ماعرفتش واش كتفقصني و لا شنووو... حتا كنحاول نزيد خطوة القدام و نخلي حسام ورايا كتجي نادية و ترجعني الف خطوة للووور..علاش ما قدرتش نساااه و هو نساني..
 البارت 22 وليت منطوية على راسي ما كنكون علاقات صداقة و لا حتى حاجة في لافاك ما كندوي مع حد و حتى في خدمتي ما كنهضر حد الدار الخدمة لافاك.. بابا هو للي عندي في هاد الدنيا حالتو غاديا و كتزيد تسوووء.. كملت العام التاني و شديت الدوg دار عمي و بابا فرحو ليا واخة كاع دكشي للي داز ما خليتووش يأثر على قرايتي.. العطلة تاني غير الدار و الخدمة وللى عندي شوية الوقت نرتاح فيه و نجمع مع بابا شوية.. بابا للي حالتو ما تعجب حتى واحد.. ضعااف و ديما مهمووم.. مع الأيام بابا غادي و كيتزاااد عليه الحااال.. و نادية مازال حالها هو حالها.. كتجي بلعاني تدق و هي شادة كرشها للي كبراات.. يمكن هادا هو شهرها.. الله يفكها على خير و الله يهديها..واخة دارت فيا للي ما يدار مي الله يخلص كل واحد على قد نيتوو ماكنتمنا الشر لحتى واحد... أما حسام فترة و هو غاابر حسو ماكاينش في المووبل.. في واحد الليلة بابا تزااد عليه الحااال.. و كنسسمع صوت الأنين ديالوو.. هزيناه في نص الليل ديناه ليغجونص.... سارة : دكتوور بابا غيولي بخير ياك الدكتور : اش نقوليك ابنتي.. باباك حالتو ما ليها حتى علاج.. و الأجل من كيوصل ماعندنا حنا مانديروو.. سارة : كيفاش.. اش كتقصد بكلامك.. الدكتوور: نصيحة ا بنتي بلاما تبقاو تمحنو في الراجل على آخر اياموو و تسخسخو حتا نتوما على والوو...ماعند الأطباء باش ينفعووه..الله للي قادر على كلشي و للي نقوليك ديو السيد لداروو..و خليوه حتى يوصل اجلوو يموت في راحتوو.. هادو سكرات الموت ا بنتي... سارة : لا ما يمكنش..بابا.. مايمكنش يخليني.. الدكتور : البقاء لله ا بنتي را حتا واحد ما كيخلد في الدنيا.. را الدايم الله... الله يعطيكم الصبر... و هاكدا خديت العزوو في بابا و هو مازال حي... رجعنا للدار و هاد اليوماين ما مشيتش للخدمة بقيت مع بابا.. و كاننا كنودعووه.. مابقيتش كنتحرك من حداه... كنلاحظ بللي هو غير ساهي... بحال كيشوووف فيا.. و لكن ما كيرمشش.. و من كنتحرك ما كيتبعنيش بعينيه.. مفيكسين في جهة وحدة و ابتسامة خفيفة مرسومة على وجهووو.. من زمان مابقيت شفتوو مبتاسم.. اليوم التات من بعد ما جبناه من ليغجونص.. جالسة حدى راسو و كنقرى ليه سورة الرحمان.. وجهوو تبهج و شفت واحد البريق في عينيه.. بقى كيسمع ليا حتى كملت.. هز يدو و حطها على وجهي.. و انا تخلطات ليا فرحة و دهشة..و دمووع..بابا حرك يدوو..و حالتو على مابان ليا تحسنت شوية.. شوية قلت مع راسي ندوش ليه ربما يتخفو عليه عضامو..دوشت ليه و لبستو حويج جداد..و درتليه الريحة.. و عطيتو تسبيح بما انه يدو ولا يحركها.. و هو غير كيشوووف فيا و يبتاسم... و حتا انا كنبتاسم ليه..شوية كينعث لي جهة الماريو.. حليت المجر و جبدت واحد العلبة.. و شفت في بابا كيأشر ليا براسووو باش نجي حداه و نحلها.. مشيت حداه جلست و بديت كنفتح فيها.. لقيت فيها واحد الخميسة ديال النقرة و خويتم صغير حتى هو نقرة.. و تصويرة فيها انا من كنت صغيرة و معايا مرات عمي.. شفتها و ضحكت شو كيف كنت.. سارة : هههه انا و خالتي بابا: كيأشر ليا براسوو يمين و يساار... بمعنى لا...!!!! و لمح ليا باش نشووف الصورة الاخرى.. لي مازال في العلبة.. سارة : كنشوووف شخصين بنفس الوجه و انا؟ ؟؟ وحدة خالتي...لكن شكوون الأخرى اكيد ختها ولكن اش علاقتها بيا... !!!! هزيت عيني شفت في بابا.. شكوون هادي ا بابا..لقيتو عينوو دامعين.. بابا: و بصعووووبة نطق كلمة وحدة... مك سارة : ماما؟!!!! علاه شكون هي سعاد من هادي هي ماما. .. بابا كيبكي... شوية جات خالتي نورا لي هي مرات عمي.. سارة : لا مايمكنش.. خالتي : مالكي ا بنتي... سارة : بنت من انا..شكون هي ماما.. خالتي : قبل ما تجاوب شافت التصويرة في يدي.. اش غنقول ليك ا بنتي... خدات التصويرة و بقاات تشووف فيها..و تنهدات الله يرحمك ا ختي. . هادي هي ماماك ا بنتي..و هي ختي حنان.. ماتت و خلات عندك 3 سنين... شاء القدر و جا أجلها و من دك الحين باباك قرر يربيك بوحدو و ما يخليك تفتاقدي لحنان الأم و لكن ما قدرش..رك عارفة ا بنتي صعيب على راجل يقابل تربية صغيرة.. و أنا للي قنعت باباك باش يتزوج و بديت نقلب ليه على بنت الناس للي تربيك و تحن عليك بحاال مك.. و نجاة كانت ساكنة في نفس الدوار و أرملة تا هي و عندها بنت..قلت علاش للي مانجمعهم و بنتها يولي عندها اب و نتي تلقاي ام.. و فعلا تزوجوو..و لكن سرعان ما نجااة تقلبات على باباك ولات معامالتها خايبة..معاه و معاك...و ديما كتفضل بنتها عليك...و باباك الشيء للي خلاه يصبر على هدشي...هو نتي...مابغاكش تعرفي بللي رك يتيمة و لا تتحرمي من الام هدشي للي كاين. ماجات في تكمل هضرتها حتى غرقت في دموعي..عنقت بابا و انا كنبكي... سارة : هدشي كامل ا بابا استحملتيه على قبلي.. علاش ا بابا.. كنا نقدرو نعيشوو انا و ياك بلا حتا واحد..و حسن من هد العذاب..لي دوزووه علينا...أنا و بابا معانقين و كنبكيو... سارة : و لكن الحمدلله ربي كبير.. ربي كبير بابا : كيأشر ليا بللي بغى يشرب.. جبت ليه الما و شربتوو.. و لمح ليا نجي حدااه.. جيت هزيت ليه راسو و حطيتو فوق ركبتي..و كندوز يدي على راسو واحد اللحظة هز صبعو السبابة ديال اليد اليمنى و شاف فيا و كأنه كيودعني.. حسيت بيه و كأنه كيشهد...كيحاول يحرك لسانوو..و لكن تقيل عليه....بصعوبة..و بعد جهد كبير خرجات ليه الشهادتين و ختم بابتسامة على وجهوو.. فجأة يدووو طاااحت... لااااا بابا مااااات الله يرحموووو.... عنقتوووو و غوت باعلى صوت... باااابااااا...
 البارت 23 مات بابا و خلاني بوحدي في هاد الدنيا.. بعد الدفن و العزوو وليت غي جالسة و نبكي... مقدرتش نتقبل فكرة أن بابا مات جاتني صعيبة...واخة عمي و خالتي و نجوى ديما في جنبي و لكن بلاصت بابا ما يعوضها حد... و بلاصت ماما للي تحرمت من شوفتها و أنا صغيرة.. بابا ماما الله يرحمكم و يجعل مثواكم الجنة... بعد فترة عاد بديت كنخرج مرة مرة .. و رجعت للخدمة و ايام و تبدى الدراسة تاني.. رجعت القراية و الخدمة و الدااار... بعد اسبوعين من بداية الموسم الدراسي.. عندي امتحان.. قلت نطلع للسطح نشم شوية الهوى و نحفظ شوية.. طلعت.. جالسة كنتامل و نتفكر الأيام للي دازت.. تفكرت اول نهار جيت لهاد المدينة لحظات رسمو الابتسامة على وجهي للي نسى الضحكة...و لحظات نزلو لي دموعي... و هادي هي الحياة.. تنهدت و مسحت دموعي..و بديت نحفظ... شوية كنسمع شي صوووت تلافت نشووف لقيتها نادية و ماما.. كنقصد ماماها.... أما ماما الله يرحمها... ياه بابا يلله ميت و يا حسرة هي مازال مرتوو و مالبستش عليه الابيض... اصلا ما حضرتش حتى في الجنازة ديالوو...  نادية : ااااي ميمتي.. تقلت.. ماماها : غير بشوية عليك... خمسة و خميس عليك عيون الحساد كثااار... سارة : كتمعني عليا زعما..ههه الله يستر و الله يشفيهم..هادو مراااض.. دازت عام و زيادة و هما مازال واحلة ليهم أنا في الحلق.. درت براسي بحال ماشفتهمش..و كملت حفاضتي.. هما غير شوية و هبطوو...أصلا طالعين غير باش يديرو بغوفا قدامي...ههه ها أنا قريب نولد زعما...هههه اصلا أنا نسيتهم واش كاينين في هد الدنيا... هما هبطوو و أنا بقيت كنحفض النهار كامل بغيباغيت مزياان...بدى يضلم الحال.. حطيت كتوبتي و نضت نتمشى في السطح و نشششوف المدينة من الفووووق و منظر الغرووووب شحااال زوين... و تنهدت ... : هازا هدشي كلوو في قلبك..؟!! سارة : سمعت صوت كان كيعني ليا كلشي تلافت.. بالزربة... نتأكد يحسابلي غي تهيألي..مي بصح هو يااااه شحاااال ماشفتوووو تبدل... ولى يبان بعقلووو...الزواج كيدير عقل ما هضرتش معاه هزيت كتوبتي و بغيت نهبط.. شدني من يدي.. حسام : سارة خرجي دكشي للي في قلبك.. ما تخليههش يعذبك.. سارة : قلبي مات قبل عام و نص ...عافاك دابا طلق لي من يدي حسام : سارة أنا ما نسيتكش انا كنبغيك.. سارة : خويا عافاك يدي.. نتا رك راجل مزوج و انا ماكتسمحش ليا أخلاقي نهضر مع راجل بمرتوو. حسام : اش كتخربقي عارفاني ماكنحملهاش و نتي الوحيدة لي كنت و مازال و غنبقى نبغي... سارة : وي كلشي باين... دابا طلق يدي و لا ماغيعجبك حال.... نترت يدي من يدووو و هبطت كنجري...و دموعي سبقوني...

البارت 24 هبطت و دخلت نيشان لبيتي بكيت حتى تنفخت و خرجت. . خالتي : مالكي ا بنتي عينيك منفوخين.. سارة : والو اخالتي.. خالتي: ما يمكنش والوو و نتي عينيك حمرين و منفوخين بالبكا... سارة : توحشت بابا و ماما.. خالتي : دعي ليهم بالرحمة ا بنتي.. عمي : الله يرحمهم..و ها حنا معاك ا بنتي نتي ماشي بوحدك... سارة : امييين... عمي : خرجي ا بنتي و بدلي جو..ماتبقايش غير سادة عليك... هاكدا غتمرضي... خالتي : اه ا بنتي علاش ما تمشي تونسي نجوى شي أيام و منها نيت تغيري الجو... سارة : واخة ا خالتي.. عمي : بنتي سارة بغيت نقوليك شي هضرة.. و لكن مانبغيكش تقلقي إلى ما عجباتكش الفكرة عادي سارة : اه قول ا عمي.. انا كنسمعك.. عمي : ا بنتي حسام أسس دارو و كمل حياتوو..و تقبلها كيما هي.. و حتا نتي ماخصكيش تبقاي واقفة في بلاصتك..حتى نتي مازال الحياة قدامك..و الزواج مكاتيب كوني أكيدة لو أنه فيكم الخير لبعضهم اكيد كنتو غتزوجوو...و لكن الخير فيما اختاره الله.. سارة : بصح ا عمي و انا تقبلت الأمر شحاال هادي و كملت حياتي عمي : لا نتي مازال في نفس البلاصة فين خلاك حسام نتي مازال في نهار عرسك نهار شفتي حسام كيتزوج نادية.. الحياة ماشي هي القراية و الخدمة.. لا هادشي غير جزء صغير منها.. العمر كيجري ا بنتي و بصراحة ما كرهناش نشوفو وليداتك كيما شفنا وليدات نجوى.. حتى نتي بنتي بحالك بحال نجوى..و نبغي ليك غير الخير... سارة : عارفة للي كاين ا عمي.. عمي : واحد السيد صاحبي كان في العزو ديال المرحوم باباك هو و ولدو.. و شافك ولدو و عجبتيه و طلب يدك مني..و انا من دك النهار كنتهرب منو كل مرة نعطيه حجة.. ماعرفت مانقول و ما لقيت كيفاش نفاتحك في الموضووع.. و دابا عادت لقيت الفرصة.. الدري ولد الناس معقول و ميسور الحال.. انسان كيخاف الله و غيخليك أسعد انسانة ما تجاوبيني حتى تفكري مزيان انا مانضغطش عليك أهم حاجة عندي سعادتك.. سارة : كنواعدك نفكر في الأمر ا عمي... عمي : الله يرضي عليك ا بنتي.. سارة : امين.. جاتني الفكرة ديال انني نمشي عند نجوى مزيانة نيت نتفادى نشوووف حسام... الغد ليه جمعت حويجي و كتوبتي في للي غنحتاج.. و مشيت عند نجوى.. كانت ساكنة في نفس المدينة و لكن بعيدة علينا... مشيت عندها نجلس شي 2 سيمانات.. نجوى : نهار كبير هادا للي تفكرتينا...ههه سارة : ياك.. نجوى : وييه الالة خصني نفرش الورد و نجيب التمر و الحليب..ههههه سارة : الله يحفظك ليا...ايوا اش خبارك نتي و الوليدات و نبيل اش خباروو... نجوى : غي سكتي يا ختي..فاقصني هو و ولادووو... نبيل : مالي انا و ولادي...سمعت شي حد كيعيرنا...ههه نجوى : ههه هااه.. دكر المش و وجد الزرواطة هاهو جا... نبيل : ايييه جيييت..ههه أهلا أهلا عاش من شافك غبوراااتتت... سارة : ههه غي مع الخدمة و لافاك ماكنلقاش الوقت... نجوى : اممم الخدمة و لافاااك.. احياني... سارة : هههه وي و الله و لكن دابا غنجلس معاك حتى نطلع ليك في الراس... نجوى : ههه هي غتبقاي معايا شي عام..و زيادة.. غتعمري عليا الدار سارة : ههه لاواه عامين..ر غ 2 سيمانات لا طولت..هههه نجوى : ايوا صافي... شلا.. لا كان غي جوج سيمانات غي م نوضي سيري دابا نيت.. نبيل : ههه مرحبا بيك ا سارة الدار دارك سارة : بارك الله فيك.. نجوى : نوووض نتا سير فحالك خليني نجمع مع ختي..و شد عليا ولادك...هههه باش نجمع في خاطري.. نبيل : وا خلينا مجمعين مجموعين را سارة ختي حتى انا... نجوى : ههه نتا غي مدخل رأسك ديما...نوووض حيد رآه غي سوق العيالات هادا..و نتا ديما كتقوول سوق العيالات خاوي.. نبيل : إلى خاوي ا لالة نعمرووه...خخخخ سارة : هههههههههه بقينا مجمعين نضحكو..فوجوو عليا كنت نسيت شنو هي الضحكة.. و لكن دابا رتاحيت شوية... نبيل مشى ينعس و حتى الوليدات نعسوو..بقيت انا و نجوى كنتعاودو..و عاودت ليها على لي وقع مع حسام و على الهضرة للي قال ليا عمي.. نجوى : بصراحة بابا عندو الحق.. سارة : رآه عارفة هدشي و لكن ما قدرتش ننساه..ره صعييب... نجوى : حاسة بيك و لكن كيف قلتي مراتو حاملة واخة يكون مازال كيبغيك... ما عندكم ما ديرووو.. سارة : بصح عندك الحق..و حتى لايمتا غنبقى نتعذب على قبل واحد أسس حياتو بعيد عليا...حتى انا خصني ننسى و نكمل حياتي بعيد عليه...و دكشي علاش من غنرجع للدار غنقول لعمي بللي موافقة على هد الزواج.. نجوى : احسن ما غديري والله سارة : وي نجوى : يلله نخليك ترتاحي شوية.. تصبحي على خير سارة :تصبحي على خير...

 البارت 25 نبيل : سارة غتزوج؟!! نجوى : كنتي كتسنط علينا؟!!! نبيل : ننن كنت ماشي نشرب سمعتكم بالصدفة.. نجوى : اه غتزوج عندك شي مانع.. نبيل : علاش كتجوبيني هاكدا.. نجوى : عارفاك غتجي من جيهة صاحبك.. نبيل : أنا مع الحق.. هما بجووج تضلمو بزااف و تالمو الغلط ما ديال سارة ما ديال حسام نجوى : و ديالمن؟!!! نبيل : رك عارفة شكون سباب فراقهم نجوى : اه و لكن سارة تعدبات بزااف و دابا جاية لعاماين باش تزوج حسام.. و مراتو قريب تولد هدشي كيعني انه تقبل دك الزواج و كمل حياتوو.. إذن حتى سارة من حقها تدير دارها و وليداتها.. و لا حلال علينا و حرام عليكم.. نبيل : مرات حسام حاملة؟!!! ما قال ليا والووو... نجوى : يحساب ليك بحالك ا حال دك الفم للي كانت تقولها رآه بنادم ما يخرج الكلمة حتا يعرف لمن.. نبيل : و لكن حنا كلنا عارفين حسام كان كيموت على سارة ما يمكنش ينساها بسهولة.. نجوى : راك قلتيها دابا... كاااان.. ره فعل ماض... دابا خلينا نعسوو.. نبيل : مابقيت فاهم والو.. مايمكنش حسام كنعرفو مزيان.. نجوى : ايوا الله اعلم.. تصبح على خير نبيل : تصبحي على خير.. صبح الصباح نهار جديد.. مشيت لافاك كيف ديما..و من بعد الخدمة.. و في العشية رجعت عند نجوى... نجوى : زيدي جابك الله نخرجوو نسرحو رجلينا و نبدلوو جو.. سارة : عيانة والله غي سيري نتي.. نجوى : لا والوو والله ما نتفاك معاك.. سارة : ههه السلامة يا ربي درتي جووج ولاد و العقل الله يجيب.. نجوى : نهار ندير العقل نهار تولد البغلة.. سارة : ههه بغيتها تركلك...ههههه زيدي ا لفضيحة.. خرجنا للقيسارية تمشينا و شرينا شي حوايج و رجعنا لللدااار.. نجوى : اوووه يا حتي عيييت.. سارة : ههه بالسيف العادة هي العادة ضرووري تدوري القيسارية كلها ماتزكلي تاقنت فيها.... نجوى : و تقووول...ههه إلى خليت شي قنت فيها ماشي نجوى انا.. سارة : هههه و لاهيلا.. نجوى : و دابا إلى الكوزييينة..ههه جعت.. سارة : ياالله غنقوول ماعرت أش جرى و طرى ما جبدتيش حس الماكلة هههه الساعة سبقتيني...للي مهيف يبقى مهيف...ههههههه دخلنا للكوزينة نوجدو ما نقصيو.. تا كنسمعو الهضرة من الباب.. نبيل : زيد مرحبا نهار كبير هادا... .... : ترحب بيك الجنة... نبيل : واه ا صاحبي.. هادي هي الصحبة من نهار دفنووه مازارووه.. ....: غي مع المشاغل و الجرى.. نبيل : ايوا اش خبارك اش تعاود ... : ها حنا غير كنتلاوحوو مع الدنيا سارة : نجوى هو صوتو.. متأكدة نجوى : صوتمن..شكوون هو؟!!! سارة : حساام.. نجوى : بسم الله عليك و اش غيجي يدير عندنا.. ما عمرو جا عندنا سارة : متأكدة ا نجوى مايخفاش عليا صوتوو خرجي شوفي واش هو... نجوى : اكيد ماشي هو.. سارة : و غي خرجي شوفي نتي اش خاسرة نجوى : واخة ا لالة..ها انا... خرجت نجوى مشات للصالووون تشووف واش بصح حسام و لا سارة كتهيأ... قبل ما توصل للصالووون شافتووو.. نجوى :  يا ربي هادا اش جابو عندنا... سارة ما كدبااتش واللاهيلا حسااام.. يااه مالو تبدل و حالتو حالة.. بديت كنطل بشوية بغيت نعيط لنبيل بلاما يشوفني حسام... ايهوو نبيل بس..اجي..اجي..

 البارت 27 سارة : صافي باراكة ماتكذب عليا و على راسك.. سير مرتك اولى بيك... حسام : آخر مرة نسمعك كتقولي عليها مرتي.. سارة : ملي ماكتبغيهاش..و جامي قستيها لاش مازالك معاها طلقها و تهنى.. حسام : اه من حقك تقولي هد الهضرة...و لكن كيما نتي كنتي مجبرة تتنازلي على حبك و تضحي بيه قبل عام و نص..حتى انا مجبر دابا باش نصبر و نضحي بحبي ليك.. سارة : انا كنت مجبرة نحافظ على صحة بابا للي كانت تحت يديهم.. أما نتا اش جابرك.. ما عندك حتا سبب.. حسام : نفس السبب للي خلاك تضحي بيا.. هو للي خلاني نضحي بيك دابا.. سارة : ما فهمتش.. لا حسام : مقابل حياة باباك ا سارة انا مضطر نصبر و نستمر في هاد الزوااج.. للي ماعارفاش نتي بأن ماماك كانت كتمارس السحر على باباك..و هدشي للي خلا صحتو تتدهور..و من كشفتهم انا هددوني و خيروني يا إما نكمل في هد الزواج يا إما باباك يمووت.. ما كنتش بغيتك تعرفي هدشي على ماماك و لكن نتي ما خليني لي حتى حل آخر كان لابد نعاود ليك كلشي.. ما عمرني توقعت أقرب الناس ليه يآديوه مراتو و بنتووو.. سارة : كذووب في كذوووب.. حسام : ما تيقتينيش.. عادي حيت ماماك و ختك اكيد ماتبغيش تسمعي هدشي عليهم وصعب تيقي... سارة : أولا هاديك ماشي ماما..و نادية ماشي ختي.. و تانيا شووف ليك شي كذبة أخرى تدير بيها السبة من غير حياة بابا...حيت بابا مااااات الله يرحموو... حسام : لا ما يمكنش.. سارة : بابا شهر باش مات.. و سعاد ما عمرها كانت و لا غتكوون ماما... ماما ماتت و انا في عمري 3 سنين.. حتا انا ما كنتش عارفة و ظنيت سعاد ماما لكن كنت غالطة... ص هي ما توصل لماما حتى في التراب للي كانت تمشي عليه... أما نادية فهي بنت سعاد و ما كتربطني بيها حتا علاقة من غير أنها بنت مرات بابا..هدشي ماعرفتوو حتى للنهار للي مات فيه بابا... دابا انا قلت ليك كلشي و سير عند مراتك هي أولى بيك هي و دكشي للي في كرشها.. حيت انا مستحيل نتيق بكلامك.. حسام : اه سمعت كلامك للي قلتيه و تيقتك.. واخة نتي ماتقتيش بكلامي...اجي معايا باش تأكدي بلي هي محملاش.... سارة : ماعندي فين نمشي معاك.. حسام : لا غتمشي معايا و دابا.. جرني من يدي و هبطني.. حل الباب د الطوموبيل و ركبني بززز.. و ركب..و كسيرا.. و نجوى و نبيل هزوو ولادهم و تبعونا.. حسام : دابا غتاكدي من كلامي و تعرفي بللي نتي ضالماني.. سارة : هاحنا غنشووفو.. وصلنا و طلعنا للموبل كاملين انا و حسام و نجوى و نبيل.. وصلنا لباب الدار.. حسام بغى يحل.. سارة : لا بلاتي..خليني انا ندق نتوما بقاو على الجنب.. حسام : اوكي لي بغيتي.. سارة: انا صونيت كنتسنا الباب يتحل باش نعرف الحقيقة و كنتمنى من كل قلبي يكون حسام كيقول الصدق..قلبي متيقوو..و لكن عقلي ماقادرش يستوعب كلاموو و انا شفتها حاملة شوية تحل الباب و شفت من ورااه نادية.. و يا ريت ما حلات.. نادية و كرشها للي واصلة لفمها... حاملة إذن حسام كذاااب...

شوية تحل الباب و شفت من ورااه نادية.. و يا ريت ما حلات.. نادية و كرشها للي واصلة لفمها... حاملة إذن حسام كذاااب... نادية : اش بغيتي.. و علاش جاية عندي لداري.. سارة : جيت باش تأكد لراجلك بللي هو كداب و من جيت جيت عافاك قولي لراجلك يفوتني عليه.. شوووف ا سي حسااام.. ماشي كنتهيأ انا شوفو كلكم راها حاملة.. خرجو كاملين.. و حسام شد لنادية درعها و لواه حسام : اشمن لعبة كتلعبي تاني.. نادية : أي يدي..طلق مني.. حسام : ماغنطلقش حتى تقولي علاش ناوية و اشمن خطة هادي.. و ضرب ليها في كرشها.. سارة : وصلات بيك الحقارة لهاد الدرجة تحاول تقتل روح خلقها ربي..و من لحمك و دمك يا حسرة.. حسااام..: بعصبية انا ما عندي ولااااد.. و عاود ضرب كرش نادية..و هو يتسمع صوت فرقعة.. الكل تخلع... و لكن الصدمة كانت أقوى نجوى :  كتشوووف في نادية و هي مبهورة.. نبيل : تحدر للارض هز بقايا البالون اللي تفرقعت.. بالون  سارة :  حسام : ماعرفتش بنادم ماعندو نفس لاصق فيك بزز... واش ماكتفهميش بلي انا من سابع المستحيلات نكون ليك واخة تدري للي درتي ا نادية.. درتي بزاااف المحاولات باش تخليني بعيد على سارة طول عمري.. لدرجة انك تظاهرتي انك حاملة باش تخليها تبعد... الحاجة للي ماشي ديالك ما عمرها تكون ليك.. و نتي سرقتي بلاصت سارة في حياتي.. و لكن ما وصلتيش بلاصتها في قلبي.. و دابا جا الوقت باش ترجع البلاصة لماليها.. و نتي جمعي حوايجك و الصبااح ما نشوووفش كمارتك هنا فهمتي... سارة :  حسام سمح لي ظلمتك و كذبتك.. حسام : اششش.. نتي قلتي غير للي شفتي و لو كان انا في بلاصتك غندير بحالك.. نتي معذورة مانلومكش.. ما لك حتى ذنب.. لذلك انا ما عندي لاش نسمح ليك.. بالعكس نتي للي سمحي ليا سمحي ليا على كل لحظة حزن عشتيها و ما كنتش فيها جنبك..سمحيلي على كل دمعة نزلت من عينك و ما مسحتهاش ليك سمحي ليا على كل دقة من دقات قلبك لي كانو كيدقو ليا و ما كنتش حداك باش نسمعهم... سارة تزوجي بيا.. سارة :  نجوى : قولي اه..اااه ا سارة نبيل : شفتي شحال كيبغيها... قلت ليك صاحبي و كنعرفووو... نجوى : اه.. عندك الصح حسام : سارة جاوبيني راه تقادى لي الصبر..هههه سارة : ههههه وي موافقة نتزوج بيك... حسام : عنقني... كنبغيك ا سارة و ما عمرني نساك و حياتي بلا بيك ما تسماش حياة الموت أهون من انني نعيش بعيد عليك.. في دك الليل حسام نزل عند عمي و عاود خطبني منو للمرة التانية..ههههه و عمي وافق بعد ما عرف كاع دكشي للي واقع و عرف بللي حسام غيطلق نادية غي صبح الحال نادية مشات فحالها و لكن قبل ما تمشي مشاو للمحكمة باش يتطلقوو.. بعد إجراءات الطلاق رجع ليا حسام حب حياتي.. للي كان غيضيع مني الحمد لله ربي ما كيخيبش عبادو و جازاني الله على قد نيتي.. و ثمار الصبر ديالي كانو هما حسام ولى راجلي و أنا مراتو .. #النهااااااية

لي عندها شي قصة ولا شي مشكل بغات تشاركو معانا تراسلنا على الواتساب 0628882296