ها العار شكون نتا

ها العار شكون نتا

لجزء 1

ﻳﻘﻮﻝ ﺃﺣﺪ ﻋﻠﻤﺎﺀ ﺍﻟﻨﻔﺲ ﻻ ﺃﻋﺮﻑ ﺇﺳﻤﻪ ﺃﻥ ﺍﻹﻧﺴﺎﻥ ﻳﺮﻯ ﻧﻔﺴﻪ ﻓﻲ ﺍﻟﻤﺮﺁﺓ ﺃﺟﻤﻞ 6 ﻣﺮﺍﺕ ﻣﻤﺎ ﻫﻮ ﻋﻠﻴﻪ ﻓﻲ ﺍﻟﻮﺍﻗﻊ ﻣﻴﻤﺘﻲ ﺃﻧﺎ ﻫﺎﻛﺎ ﺩﺍﻳﺮﺓ ﻭ ﻏﻴﺮ ﺑﺈﺿﺎﻓﺔ 6 ﻣﻌﺪﻻﺕ ﻋﻠﻰ ﺟﻤﺎﻟﻲ ﺍﻟﺤﻘﻴﻘﻲ ﺃﻣﺎ ﻓﺎﻟﻮﺍﻗﻊ ﻋﻠﻢ ﺍﻟﻠﻪ ﻛﻴﺪﺍﻳﺮﺓ ﻳﻼﻩ ﺑﻼ ﻣﺎﻧﺘﻘﻠﻖ ﺃﻫﻢ ﺣﺎﺟﺔ ﺟﻤﺎﻝ ﺍﻟﺮﻭﺡ ﻛﻴﻘﻮﻟﻮ ﻭ ﺍﻟﻠﻪ ﺃﻋﻠﻢ ﺃﻥ ﻫﺎﺫ ﺍﻟﻨﻮﻉ ﻣﻦ ﺍﻟﺠﻤﺎﻝ ﺃﻭ ﻛﻤﺎ ﻳﻄﻠﻖ ﻋﻠﻴﻪ ﺍﻟﺒﻌﺾ ﺍﻟﺠﻤﺎﻝ ﺍﻟﺒﺎﻃﻨﻲ ﻣﺼﻄﻠﺢ ﺇﺧﺘﺮﻋﺘﻪ ﺍﻟﻘﺒﻴﺤﺎﺕ ﺃﻭ ﺍﻟﻜﻮﻓﺮﺍﺕ ﻟﻠﺘﺒﺮﺩﺓ ﻋﻠﻰ ﺃﻧﻔﺴﻬﻦ ﺍﻟﺼﺮﺍﺣﺔ ﻛﻮﻛﺎ ﻛﺘﺼﻼﺡ ﻓﻬﺎﺫ ﺍﻟﻤﻮﺍﻗﻒ ﻻ ﺣﺎﻟﺘﻲ ﻣﺎﻋﺠﺒﺎﻧﻴﺶ ﻏﻨﻠﺘﺎﺟﺊ ﻟﻤﻼﺫ ﺍﻟﻔﺘﻴﺎﺕ ﺍﻷﺷﻬﺮ "ﻣﻮﺍﺩ ﺍﻟﺘﺠﻤﻴﻞ " ﺍﻟﻤﻴﻚ ﺃﺏ ﻭ ﻫﺎﻧﺎ ﻏﻨﺪﺧﻞ ﻟﻌﺎﻟﻢ ﺍﻟﺠﻤﻴﻼﺕ ﻻ ﻣﺤﺎﻝ ﻳﻘﺪﻱ ﺷﻲ ﺣﺎﺟﺔ ﻏﻨﻤﺸﻲ ﻟﻠﺒﻨﺎﻥ ﻧﺪﻳﺮﻟﻴﺎ ﺷﻲ ﻋﻤﻠﻴﺔ ﺗﺠﻤﻴﻞ ﻫﺎﺩﺷﻲ ﺧﺎﺻﻮ ﺍﻟﻔﻠﻮﺱ ﺗﻔﻮ ﻋﻠﻰ ﺯﻫﺮ ﺍﻟﺨﻴﻮﺑﻴﺔ ﻭ ﺍﻟﺰﻟﻂ : ﻭﺭﺍﻙ ﻣﺎﺷﻲ ﺟﻮﻉ ﺃﺻﺎﺣﺒﺘﻲ ﻣﺎﺑﻴﻜﺶ ﻣﻘﺒﻮﻟﺔ ﻏﻴﺮ ﻧﺘﻲ ﻣﺎﻛﺘﻬﻼﻳﺶ ﻓﺮﺍﺳﻚ ﻗﺎﺩﻱ ﺍﻟﺤﺎﻟﺔ ﺷﻮﻳﺔ ﻭ ﺗﻮﻟﻲ ﻋﺎﻃﻴﺔ ـ ﺃﺳﻤﺎﺀ ﺍﻟﻠﻪ ﻳﻌﻄﻴﻚ ﺍﻟﺴﺘﺮ ﺧﻠﻴﻨﻲ ﻋﻠﻴﻚ ﺭﺍﻧﻲ ﻓﻲ ﺣﺎﻟﺔ ﻳﺮﺛﻰ ﻟﻬﺎ ـ ﺍﻟﻠﻲ ﺳﻤﻌﻚ ﻏﻴﻘﻮﻝ ﺍﻟﺒﻨﺖ ﻫﺮﺏ ﻋﻠﻴﻬﺎ ﺍﻟﻌﺮﻳﺲ ﻧﻬﺎﺭ ﺍﻟﻌﺮﺱ ﻋﺎﺩﻱ ﻳﺎﺻﺎﺣﺒﺘﻲ ﺭﺍﻩ ﻏﻴﺮ entretien ﻫﺬﺍ ﻃﻠﺒﻲ ﺯﻫﺮﻙ ﺗﻘﺒﻠﺘﻲ ﻫﻮ ﻫﺬﺍﻙ ﻣﺎﺗﻘﺒﻠﺘﻴﺶ ﻓﻴﻬﺎ ﺧﻴﺮ ـ ﻧﺎﺭﻱ ﻳﺎﺧﺘﻲ ﻓﻴﺎ ﺍﻟﺨﻠﻌﺔ ﻋﺮﻓﺘﻲ ﺭﺍﻧﻲ ﻣﺤﺘﺎﺟﺔ ﻟﻠﺨﺪﻣﺔ ـ ﻭﺣﺒﻴﺒﺔ ﻋﺎﺭﻓﺔ ﻭﺟﺪﻱ ﺩﺍﻛﺸﻲ ﺍﻟﻠﻲ ﻋﻠﻴﻚ ﻭﺭﺑﻲ ﻳﻜﻤﻞ ـ ﻳﺎﺳﻴﺪﻱ ﺭﺑﻲ ﺍﻟﺤﺒﻴﺐ ﺳﻬﻞ ﻟﻴﺎ ﻓﻬﺎﺫ ﺍﻟﺨﺪﻣﺔ ـ ﺇﻥ ﺷﺎﺀ ﺍﻟﻠﻪ ﻣﻬﻢ ﻧﺘﻲ ﻏﻴﺮ ﻣﺎﺩﻫﺸﺮﻳﺶ ﻛﻮﻧﻲ ﻭﺍﺛﻘﺔ ﻣﻦ ﻧﻔﺴﻚ ـ ﻛﻴﻘﻮﻟﻮ ﺑﺎﻟﻠﻲ ﻑ les entretiens ﻛﻴﺮﻛﺰﻭ ﻋﻠﻰ ﺍﻟﻌﺎﻣﻞ ﺍﻟﻨﻔﺴﻲ ﺩﻳﺎﻝ ﺍﻟﻤﺮﺷﺢ ـ ﻭ ﻓﻬﺎﺩﺷﻲ ﻣﺎﻧﺨﺎﻓﺶ ﻋﻠﻴﻚ ﺍﻟﺴﺎﻃﺎ ﻟﺴﺎﻧﻚ ﻃﻮﻳﻞ ـ ﻫﺎﻧﺘﻲ ﺩﺭﺕ ﺍﻟﺤﺴﺎﺏ ﻟﻜﻠﺸﻲ ﺩﺍﺑﺎ ﺍﻳﻼ ﺳﻮﻟﻨﻲ ﻛﻴﻔﺎﺵ ﺣﺘﻰ ﻭﺻﻠﺖ ﻟﻠﺸﺮﻛﺔ ﻣﺎ ﻧﻘﻮﻟﺶ ﻟﻴﻬﻮﻡ ﺟﻴﺖ ﺳﺎﻟﺘﺔ ﻓﺎﻟﻄﻮﺑﻴﺲ ﻭ ﻓﻠﺖ ﻣﻦ Contrôle ﻧﻘﻮﻟﻴﻬﻮﻡ ﺭﻛﺒﺖ
*************************

الجزء 2

...ﻧﻘﻮﻟﻴﻬﻮﻡ ﺭﻛﺒﺖ ﺍﻟﻄﺎﻛﺴﻲ ﻭﻻ ﻧﻔﻮﺡ ﻭ ﻧﻘﻮﻝ ﺟﻴﺖ ﻓﺎﻟﺘﺮﺍﺍﺍﺍﻣﻮﺍﻱ ـ ﻻ ﺍﻟﺤﺒﻴﺒﺔ ﻗﻮﻟﻲ ﻟﻴﻬﻮﻡ ﺟﻴﺖ ﻓﺎﻟﻠﻴﻤﻮﺯﻳﻦ ﻭﻻ ﻋﺮﻓﺘﻲ ﻗﻮﻟﻴﻬﻮﻡ ﻭﺻﻼﺗﻨﻲ ﻫﻴﻼﻛﻮﺑﺘﻴﺮ ﺣﺘﻰ ﺍﻟﺴﻄﺢ ﻭ ﻧﺘﻲ ﺳﻴﺮﻱ ﺣﺘﻰ ﻓﻜﺮﻭﺳﺔ ﻭﻻ ﺭﺍﻛﺒﺔ ﺣﻤﺎﺭ ﺷﻜﻮﻥ ﺩﺍﻫﺎ ﻓﻬﺎﺩﺷﻲ ﺍﻟﻤﻬﻢ ﺗﻮﺻﻠﻲ ﻓﺎﻟﻮﻗﺖ ﺭﻛﺒﺘﻲ ﺍﻟﺘﺮﺍﻣﻮﺍﻱ ﻛﻴﺴﺤﺎﺏ ﻟﻴﻚ ﻫﺬﺍ ﻫﻤﺎ ﺑﻨﺎﺕ ﺍﻟﺪﻭﺍﺭ ﺍﻟﻠﻲ ﻓﺤﺘﻲ ﻋﻠﻴﻬﻮﻡ ﻧﻬﺎﺭ ﺭﻛﺒﺘﻲ ﻓﻴﻪ ﻣﻨﻴﻦ ﻣﺸﻴﺖ ﻟﻌﺮﻭﺑﻴﺘﻜﻢ ﻓﺎﻟﺼﻴﻒ ـ ﺻﺎﻓﻲ ﺧﻠﻴﻨﺎ ﻣﻦ transport ﺷﻔﺘﻲ ﺍﻟﻠﺒﺴﺔ ﺍﻟﻠﻲ ﺷﺮﻳﺖ ﻧﻌﺠﺐ ﺍﻟﻤﺪﻳﺮ ﻳﺎﻙ ـ ﺃﻭﻳﻠﻲ ﻧﺘﻲ ﺑﺎﻏﺎ ﺩﺑﺮﻱ ﻋﻠﻰ ﺧﺪﻣﺔ ﻭ ﻻ ﺩﺑﺮﻱ ﻋﻠﻰ ﺭﺍﺟﻞ ـ ﻭ ﻋﺼﻔﻮﺭﻳﻦ ﺑﺤﺠﺮ ﻭﺍﺣﺪ ﻣﺎﻛﺘﻔﻜﺮﻭﺵ ﻓﺎﻟﻤﺴﺘﻘﺒﻞ ـ ﻧﺎﺭﻱ ﻭ ﻳﺴﻤﻌﻚ ﻋﻤﻲ ﺇﺳﻤﺎﻋﻴﻞ ﻳﻨﻮﺽ ﻣﻦ ﺍﻟﻘﺒﺮ ﻳﺎﺣﺒﻴﺔ ﻭ ﻳﻘﻮﻟﻴﻚ ﻭﺍﺵ ﻧﺘﻲ ﻏﺘﺪﺧﺪﻣﻲ ﻭ ﺗﻌﺎﻭﻧﻲ ﻣﺎﻣﺎﻙ ﻭﻻ ﻏﺘﺤﻀﻲ ﻟﻴﺎ ﺍﻟﺮﺟﺎﻝ ـ ﺃﺳﻤﺎﺀ ﻣﺎﻏﻨﻤﺸﻴﺶ ﻏﺪﺍ ﻣﺎﻧﻘﺪﺭﺵ ﺃﺻﺎﺣﺒﺘﻲ ﻻ ﺩﺭﺕ ﺑﻨﺎﻗﺺ ـ ﺷﻔﺘﻲ ﻧﺘﻲ ﺍﻳﻼ ﺑﻘﻴﺖ ﺣﺪﺍﻙ ﻫﺎﺩ ﺷﻮﻳﺔ ﺍﻟﻌﻘﻞ ﺍﻟﻠﻲ ﺑﻘﻰ ﻟﻴﺎ ﻏﺘﺪﻳﻪ ﺧﻠﻴﻨﻲ ﻧﻤﺸﻲ ﻟﺨﺮﺑﺘﻨﺎ ـ ﺃﺳﻤﺎﺀ ﻋﻔﺎﻙ ﺑﻘﺎﻱ ﻣﻌﺎﻳﺎ ﻭ ﻛﻴﻤﺎ ﺍﻟﻌﺎﺩﺓ ﻣﺎﺩﺍﺗﻬﺎﺵ ﻓﻴﺎ ﻭ ﻣﺸﺎﺕ ﻟﺪﺍﺭﻫﻮﻡ ﻭ ﺑﻘﻴﺖ ﺃﻧﺎ ﻓﻮﺳﻂ ﺃﻓﻜﺎﺭﻱ ﻏﺪﺍ l’entretien ﻏﺪﺍ l’entretien ﻗﻠﺒﻲ ﻛﻨﺤﺲ ﺑﻴﻪ ﻏﻴﺨﺮﺝ ﻣﻦ ﺑﻼﺻﺘﻮ ﻟﻘﺪ ﺩﺑﺮﺕ ﻋﻠﻴﻬﺎ ﺍﻧﺎ ﻣﺎﺑﻐﻴﺘﺶ ﻧﺨﺪﻡ ﺃﻧﺎ ﻏﻨﺘﺰﻭﺝ ﺣﺴﻦ ﻟﻴﺎ ﻭ ﻧﻘﺎﺑﻞ ﺩﺍﺭﻱ ﻭﻭﻻﺩﻱ ﺩﺍﺑﺎ ﺍﻟﻌﺮﺳﺎﻥ ﻏﻴﺮ ﺷﺎﺩﻳﻦ ﺍﻟﺼﻒ ﻓﺒﺎﺏ ﺩﺍﺭﻧﺎ ﺳﻤﺤﻮﻟﻴﺎ ﺩﺧﻠﺘﻜﻢ ﺩﺧﻠﺔ ﺩﻳﺎﻝ ﺍﻟﻌﺮﺍﻳﺶ ﺃﻧﺎ ﺳﻤﻴﺘﻲ ﺳﺎﺭﺓ ﻓﻌﻤﺮﻱ 23 ﻋﺎﻡ ﻗﺮﻳﺖ l’informatique ﻭ ﻏﺪﺍ ﻋﻨﺪﻱ entretien ﻓﻮﺣﺪﺓ ﻣﻦ ﺃﻫﻢ ﺷﺮﻛﺎﺕ ﻓﻬﺎﺩ Domaine ﻛﻴﻤﺎ ﺳﻤﻌﺘﻮﻧﻲ ﻣﻨﺬ ﻗﻠﻴﻞ ﻓﺄﻧﺎ ﺑﻨﺖ ﻭ ﺑﻜﻞ ﻧﻮﺍﺿﻊ ﺃﻣﻠﻚ ﻗﺪﺭ ﻛﺒﻴﺮ ﻣﻦ ﺍﻟﺠﻤﺎﻝ ﻭ ﺍﻟﺤﺴﻦ ﻣﺎﻋﺮﻓﺖ ﻭﺍﺵ ﻧﻀﺤﻚ ﻭ ﻻ ﻧﺒﻜﻲ ﻋﻠﻰ ﺣﺎﻟﺘﻲ ﺃﻧﺎ ﻣﻦ ﺻﻐﺮﻱ ﻭ ﺣﻠﻤﻲ ﻧﻜﻮﻥ ﺑﻮﻟﻴﺴﻴﺔ ﻋﺮﻓﺘﻮ ﻋﻼﺵ ﺣﻴﻨﺖ ﻛﺘﻌﺠﺒﻨﻲ ﺷﻲ ﺣﺎﺟﺔ ﺳﻤﻴﺘﻬﺎ ﺍﻟﻐﻤﻮﺽ ﻛﻴﻌﺠﺒﻨﻲ ﺑﻨﺎﺩﻡ ﻣﺎﻣﻔﻬﻮﻣﺶ ﻳﻤﺮﺿﻨﻲ ﻓﺮﺍﺳﻲ ﺗﻤﻨﻴﺖ ﺗﺠﻴﻨﻲ ﺷﻲ ﺟﺮﻳﻤﺔ ﻗﺘﻞ ﻭ ﻧﺒﻘﻰ ﻧﺒﺤﺚ ﻓﻴﻬﺎ ﻭ ﻧﻔﻚ ﺍﻷﻟﻐﺎﺯ ﺩﻳﺎﻟﻬﺎ ﻭ ﻧﺮﺑﻂ ﺍﻷﺣﺪﺍﺙ ﻭﺍﺍﺍﻭ ﺳﻌﺪﺍﺗﻬﻢ ﻛﻨﺖ ﻧﺘﻤﻨﻰ ﻧﺨﺪﻡ ﺑﺤﺎﻟﻬﻢ ﺳﺎﻋﺔ ﺍﻟﻄﻮﻝ ﻻﻳﺴﻤﺢ ﻟﻠﻌﻤﻞ ﻓﻲ ﻣﺠﺎﻝ ﺍﻟﺸﺮﻃﺔ ﻟﻤﺎﺫﺍ ﻳﺎ ﺃﻣﻲ ﻟﻤﺎﺫﺍ ﻟﻢ ﺗﻮﻛﻴﻠﻴﻨﻲ ﺩﺍﻧﻴﻨﻮ ﻓﻲ ﺍﻟﺼﻐﺮ ﺭﺍﻩ ﻛﻴﺪﻳﺮ ﻏﻴﺮ ﺩﺭﻫﻢ ﻳﺎﻋﺒﺎﺩ ﺍﻟﻠﻪ ﻣﻨﻴﻦ ﻣﻘﺪﻳﻨﺶ ﻋﻠﻰ ﺍﻟﻮﻻﺩ ﻻﺵ ﻛﺘﻮﻟﺪﻭﻫﻮﻡ ﻻ ﻭ ﺍﻟﺰﻭﻳﻨﺔ ﻭﺍﻟﺪﺓ 5 ﺑﻨﺎﺩﻡ ﻛﺘﻠﻘﺎﻩ ﺷﺎﺑﻊ ﻟﻌﺎﻗﺔ ﻭﻭﺍﻟﺪ ﺑﻨﻴﺘﺔ ﻭﻭﻟﻴﺪ ﺃﻧﺎ ﻣﺎﻓﻬﻤﺘﺶ ﻋﻼﺵ ﻫﺎﺫ ﺍﻟﻨﺎﺱ ﺍﻟﻠﻲ ﻻﺑﺎﺱ ﻋﻠﻴﻬﻮﻡ ﺩﻳﻤﺎ ﻫﺎﺫ ﺍﻟﻘﻀﻴﺔ ﺩﻳﺎﻝ ﺑﻨﺖ ﻭﻭﻟﺪ ﻭ ﺣﻨﺎ ﺍﻟﺸﻌﺐ ﺍﻟﻤﻜﺤﻂ ﺗﻠﻘﺎﻩ ﻣﺎﻗﺎﺩﺵ ﺣﺘﻰ ﺑﺮﺍﺳﻮ ﻭﻭﺍﻟﺪ ﻓﺮﻗﺔ ﺩﻳﺎﻝ ﺍﻟﻜﺮﺓ ﻛﻴﻘﻮﻟﻴﻚ ﺍﻟﻮﻻﺩ ﻛﻴﺠﻴﻮ ﺑﺮﺯﻗﻬﻢ ﻳﻜﺒﺮﻭ ﻭ ﻳﺨﺪﻣﻮ ﻋﻠﻴﻨﺎ ﻣﺸﺮﻭﻉ ﺣﻨﺎﻳﺎ ﻭﻭﺍﻟﺪﻳﻨﺎ ﻏﻴﺮ ﺑﺎﺵ ﺗﺴﺘﺜﻤﺮﻭ ﻓﻴﻨﺎ ﺃﺡ ﻳﺎﻗﻠﺒﻲ ﻋﻠﻰ ﺯﻫﺮﻱ ﺗﻔﻜﺮﺕ ﺩﻳﺴﻚ ﺩﻳﺎﻝ " ﺃﺭﺍﺳﻲ ﻣﺪﺍﺯ ﻋﻠﻴﻚ ﻭ ﺑﺎﻗﻲ " ﺧﻠﻴﻮﻧﻲ ﻧﺮﻛﺪ ﻏﺪﺍ ﺇﻥ ﺷﺎﺀ ﺍﻟﻠﻪ ﺃﻧﺎ ﺃﻣﺎﻡ ﻣﺼﻴﺮ ﺣﻴﺎﺗﻲ ﺩﻋﻴﻮ ﻣﻌﺎﻳﺎ ﺃﻧﺎ ﻣﺰﺍﻭﻛﺔ ﻳﺘﺒﻊ
**********************
لجزء 3

ﻧﺘﻲ ﻣﺮﻓﻮﺿﺔ ﻧﺘﻲ ﺃﺻﻼ ﻋﺎﻟﺔ ﻋﻠﻰ ﺍﻟﻤﺠﺘﻤﻊ ﺑﺤﺎﻟﻚ ﺧﺎﺻﻬﻢ ﻳﻨﻔﻴﻮﻫﻮﻡ ﻣﻦ ﺍﻟﻤﻐﺮﺏ ﺑﺮﺍ ﻭﻣﺎﺗﻌﺎﻭﺩﻳﺶ ﺗﻔﻜﺮﻱ ﺗﺠﻲ ﻟﺸﻲ entretien ﻣﺮﺓ ﺃﺧﺮﻯ ﻧﺘﻲ ﻳﺼﻼﺡ ﻟﻴﻚ ﺗﺨﺪﻣﻲ ﻏﻴﺮ ﻓﺎﻟﻤﻴﻨﺎﺝ ﺳﻴﺮﻱ ﺑﺤﺎﻟﻚ l’informatique ﺑﺰﺍﺍﺍﻑ ﻋﻠﻴﻚ ﺃﻋﻮﺫ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴﻢ ﺃﻋﻮﺫ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴﻢ ﺃﺵ ﻫﺎﺫ ﺍﻟﻜﺎﺑﻮﺱ ﺍﻟﺤﻤﺪ ﻟﻠﻪ ﺃﻧﺎ ﻓﺪﺍﺭﻧﺎ ﻛﻨﺖ ﻏﻴﺮ ﻛﻨﺤﻠﻢ ﻣﻲ ﻓﻴﻦ ﻋﻨﺪﻱ ﻣﻨﻴﻦ ﻧﻬﺮﺏ ﻣﻦ ﻫﺎﺫ ﺍﻟﻮﺍﻗﻊ ﺑﺎﻳﻦ ﺍﻟﻌﺮﺑﻮﻥ ﻻ ﻣﻮﺭ ﻫﺎﺫ ﺍﻹﺷﺎﺭﺓ ﻣﺎﻏﻨﻤﺸﻴﺶ ﻧﺘﺒﻬﺪﻝ ﺻﺎﻓﻲ ﺑﻨﺎﻗﺺ ﻭﻟﻜﻦ ﺇﻟﻰ ﻣﺘﻰ ﺧﺎﺻﻨﻲ ﻧﺨﺪﻡ ﺃﻋﻮﺫ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴﻢ ﻳﺎ ﻓﺘﺎﺡ ﻳﺎ ﺭﺯﺍﻕ ﺳﻬﻞ ﺍﻷﻣﻮﺭ ﻳﺎﺭﺑﻲ ﻋﺎﻭﻧﻲ ﺗﻮﺿﻴﺖ ﻭ ﺻﻠﻴﺖ ﻭ ﻣﺸﻴﺖ ﻧﻔﻄﺮ ﺍﻟﻨﺎﺱ ﻛﻴﺒﺪﺍﻭ ﻓﻄﻮﺭﻫﻮﻡ ﺑﻜﺎﺱ ﺍﻟﺤﻠﻴﺐ ﻭ ﻛﺮﻭﺍﺻﺔ ﻭ ﻋﺼﻴﺮ ﺍﻟﻠﻴﻤﻮﻥ ﻭ ﺃﻧﺎ ﺧﺒﺰ ﻭ ﺃﺗﺎﻱ ﻭ ﺍﻟﺰﻳﺖ ﺟﻠﺴﺖ ﻛﻨﺸﻮﻑ ﻓﻬﺎﺫ ﺍﻟﻔﻄﻮﺭ ﺍﻟﻠﻲ ﻏﻴﺮ ﺷﻮﻓﺘﻮ ﻛﺘﺴﺪ ﺍﻟﺸﻬﻴﺔ ﻭ ﻛﻨﺘﻔﺮﺝ ﻓﺎﻟﺘﻠﻔﺰﺓ ﺻﺒﺎﺣﻴﺎﺕ 2M ﻫﺎﺫ ﺍﻟﺸﺎﻑ ﺍﻟﻬﺎﺩﻱ ﻣﺎﻟﻘﻰ ﻭﻗﺘﺎﺵ ﻳﻄﻴﺐ ﺣﺘﻰ ﻛﻨﻔﻄﺮ ﺃﻧﺎ ﺑﻬﺎﺫ ﺍﻟﻮﺟﺒﺔ ﺍﻟﺸﻬﻴﺔ ﻭ ﺑﻘﻰ ﻛﻴﻬﻀﺮ ﻋﻠﻰ ﻭﺟﺒﺔ ﺍﻟﻔﻄﻮﺭ ﻭ ﻣﻨﺎﻓﻌﻬﺎ ﻭ ﺃﻧﻬﺎ ﻛﺘﻌﺘﺎﺑﺮ ﺍﻟﻮﺟﺒﺔ ﺍﻟﻤﻬﻤﺔ ﻓﺎﻟﻨﻬﺎﺭ ﺷﺎﻓﺖ ﻓﻴﺎ ﻣﺎﻣﺎ ﺍﻟﻠﻲ ﻟﻘﺎﺗﻨﻲ ﻛﻴﻤﺎ ﺍﻟﻌﺎﺩﺓ ﻛﻨﺪﻭﺯ ﺍﻟﺨﺒﺰ ﻭ ﺃﺗﺎﻱ ﻏﻴﺮ ﺑﺰﺯ : ﺳﻤﻌﺘﻲ ﺍﻟﺴﻴﺪ ﺃﺵ ﻗﺎﻝ ﻋﻠﻰ ﺍﻟﻔﻄﻮﺭ ﻭ ﻧﺘﻲ ﻣﻜﺘﺒﻐﻴﺶ ﺗﺎﻛﻠﻲ ـ ﺷﻔﺘﻴﻪ ﺃﺵ ﻛﻴﻄﻴﺐ ﻭﻻ ﻻ ﺣﻄﻲ ﻟﻴﺎ ﺑﺤﺎﻝ ﺫﻳﻚ ﺍﻟﻤﺎﻛﻠﺔ ﻭ ﺗﻔﺮﺟﻲ ﺫﻳﻚ ﺍﻟﺴﺎﻋﺔ ﺇﻳﻼ ﻣﺎﻧﻌﺮﻛﻬﺎ ﻭ ﻧﺘﻲ ﺣﻄﺎ ﻟﻴﺎ ﺍﻟﺨﺒﺰ ﻭ ﺃﺗﺎﻱ ﻋﺎﻟﺼﺒﺎﺡ ـ ﻣﺎﻝ ﺍﻟﺨﺒﺰ ﻭ ﺃﺗﺎﻱ ﻭ ﺍﻟﺰﻳﺖ ﺑﺎﺵ ﻛﺒﺮﻧﺎ ﺣﻨﺎ ﻏﻴﺮ ﺑﻴﻪ ﻭ ﺷﻮﻓﻲ ﺗﺒﺎﺭﻙ ﺍﻟﻠﻪ ﺻﺤﺘﻨﺎ ﻭﻧﺘﻮﻣﺎ ﻳﺎﻫﺎﺩ ﺍﻟﺠﻴﻞ ﻫﺎﻟﻔﻮﺭﻣﺎﺝ ﻫﺎ ﺩﺍﻧﻮﻥ ﻭ ﻃﺎﻟﻌﻴﻦ ﺧﺎﻭﻳﻴﻦ ـ ﻛﺘﻬﻀﺮﻱ ﻳﺎﺍﻟﻮﺍﻟﻴﺪﺓ ﺗﻘﻮﻟﻲ ﺍﻟﻮﺍﻟﻴﺪ ﺍﻟﻠﻪ ﻳﺮﺣﻤﻪ ﻛﺎﻥ ﻫﻮ ﻣﻮﻝ ﺳﻨﻄﺮﺍﻝ ﻓﻴﻦ ﻳﺎﻭﺩﻱ ﻛﻨﺎﻛﻮﻝ ﺷﻲ ﻓﺮﻣﺎﺝ ﻭ ﻻ ﺩﺍﻧﻮﻥ ﻳﺎﻙ ﻛﻨﺸﻮﻓﻬﻮﻡ ﺣﺘﻰ ﻛﻨﻤﺮﺽ ﺑﻼﺻﺔ ﻣﺎﺗﺪﻳﻮﻧﻲ ﻋﻨﺪ ﺍﻟﻄﺒﻴﺐ ﻛﺘﺠﻴﺒﻮ ﻟﻴﺎ ﺭﺍﻳﺒﻲ ﺩﻳﺎﻝ 2 ﺩﺭﺍﻫﻢ ﺯﻋﻤﺔ ﺭﺍﻩ ﻏﻨﺒﺮﺍ ﺑﻴﻪ ﻣﺎﻟﻮ ﺩﻭﺍ ﺍﻟﻮﺍﻟﻴﺪﺓ ﻛﻴﻤﺎ ﺍﻟﻌﺎﺩﺓ ﻣﺎﺟﺎﻭﺑﺎﺗﻨﻴﺶ ﻭ ﻛﺘﺎﻓﺎﺕ ﺗﺮﻣﻘﻨﻲ ﺑﺘﻠﻚ ﺍﻟﻨﻈﺮﺓ ﻋﻨﺪﻣﺎ ﻻﻳﻌﺠﺒﻬﺎ ﻣﺎ ﺃﻗﻮﻟﻮﻩ ﺟﺎ ﺍﻟﺰﻳﻦ ﺍﻟﻤﺴﺮﺍﺭ ﺩﻳﺎﻝ ﺍﻟﺪﺍﺭ ﺃﺧﻲ ﺍﻟﺤﺒﻴﺐ ﺍﻟﺬﻱ ﻳﻜﺒﺮﻧﻲ ﺑﺴﻨﺘﻴﻦ ﻭ ﻟﻤﺤﻨﻲ ﺟﺎﻟﺴﺔ ﺃﺣﻨﺠﺮ ﻫﺎﺫﺍ ﺍﻟﻔﻄﻮﺭ ﺍﻟﻠﺬﻳﺬ ﻭ ﻛﻴﻤﺎ ﺍﻟﻌﺎﺩﺓ ﺻﺒﺢ ﻋﻠﻴﺎ ﺑﺄﺳﻠﻮﺑﻪ ﺍﻟﻤﻠﻲﺀ ﺑﺎﻟﺤﻨﺎﻥ ﻭ ﺍﻟﺤﺐ ﻭ ﺍﻟﻌﺎﻃﻔﺔ ﺗﺠﺎﻩ ﺃﺧﺘﻪ ﺍﻟﺼﻐﻴﺮﺓ : ﺻﺒﺎﺣﺎﺗﻮ ﻟﻠﻪ ﺍﻟﻨﺎﺱ ﻛﻴﺼﺒﺤﻮ ﻋﻠﻰ ﺷﻲ ﺣﺎﺟﺔ ﺯﻭﻳﻨﺔ ﻭ ﺃﻧﺎ ﻣﺼﺒﺢ ﻋﻠﻰ ﻫﺎﺫ ﺍﻟﻜﻮﻓﺮﺓ ﻭ ﺟﺎﻭﺑﺘﻪ ﺑﺄﺳﻠﻮﺏ ﻻﻳﻘﻞ ﻋﻨﻪ ﻣﺤﺒﺔ
***********************

لجزء 4

ﺍﻟﻜﻮﻓﺮﺓ ﻭ ﺟﺎﻭﺑﺘﻪ ﺑﺄﺳﻠﻮﺏ ﻻﻳﻘﻞ ﻋﻨﻪ ﻣﺤﺒﺔ : ﻻ ﺃﻧﺎ ﺍﻟﻠﻲ ﻣﺼﺒﺤﺔ ﻋﻠﻰ ﺑﺮﺍﺩ ﺑﻴﺖ ﻭ ﻻ ﺗﻮﻡ ﻛﺮﻭﺯ ﺻﺎﻓﻲ ﺑﺎﻳﻦ ﻧﻬﺎﺭﻱ ﻛﻴﻐﻴﺪﻭﺯ ﻣﺎﻣﺎ ﻛﺘﺸﻮﻑ ﻓﻴﺎ ﻭ ﻛﺘﺸﻮﻑ ﻓﻴﻪ : ﻏﺘﺴﻜﺘﻮﻧﺎ ﻳﺎﻫﺎﺫ ﺍﻟﺠﻮﺝ ﻭ ﻻ ﻧﻮﺽ ﻧﺠﻤﻌﻜﻢ ﺑﺠﻮﺝ ﻳﺎﻛﻤﺔ ﺻﺤﺎﺑﻠﻴﻜﻢ ﺭﺍﺳﻜﻢ ﻛﺒﺮﺗﻮ ﻋﻠﻰ ﺍﻟﻌﺼﺎ ﺳﻜﺘﻨﺎ ﺃﻧﺎ ﻭ ﺧﻮﻳﺎ ﺧﻮﻓﺎ ﻣﻦ ﺗﻬﺪﻳﺪﺍﺕ ﺃﻣﻲ ﻧﻀﺖ ﻟﺒﺴﺖ ﻟﺒﺴﺘﻲ ﺍﻟﻠﻲ ﺷﺮﻳﺖ ﻋﻠﻰ ﻭﺩ ﻫﺎﺫ ﺍﻟﻨﻬﺎﺭ ﻫﺰﻳﺖ ﺻﺎﻛﻲ ﻛﻨﺖ ﺑﺎﻏﺎ ﻧﻤﺎﻛﻲ ﺳﺎﻋﺔ ﺗﻔﻜﺮﺕ ﺍﻳﻼ ﺧﺮﺟﺖ ﻭ ﺷﺎﻓﻨﻲ ﺧﻮﻳﺎ ﻏﻴﺤﻴﺪ ﻟﻴﺎ ﺍﻟﺮﺟﻠﻴﻦ ﻣﺎﻓﻬﻤﺘﺶ ﺃﻧﺎ ﻋﻼﺵ ﻫﺎﺫ ﺍﻟﺨﻮﺕ ﻛﻴﺤﻜﻤﻮ ﻓﺨﻮﺍﺗﺎﺗﻬﻮﻡ ﻛﺜﺮ ﻣﻦ ﺍﻟﻮﺍﻟﻴﺪﻳﻦ ﺗﻤﻴﺖ ﺧﺎﺭﺟﺔ ﻭ ﺩﺭﺕ ﻋﻨﺪ ﺧﻮﻳﺎ ﻧﺎﺧﺬ ﺭﺃﻳﻮ : ﻃﺎﺭﻕ ﺍﻟﺒﻮﻛﻮﺹ ﻗﻮﻟﻲ ﻳﺎﺧﻮﻳﺎ ﺍﻟﻌﺰﻳﺰ ﻛﻴﺠﻴﺘﻚ ﻫﺰ ﻃﺎﺭﻕ ﻋﻴﻨﻴﻪ ﻃﻠﻊ ﻓﻴﺎ ﻭ ﻫﺒﻂ ﻭ ﺑﺘﺎﺳﻢ : ﻛﺘﻌﺮﻓﻲ ﺃﻧﺠﻴﻠﻴﻨﺎ ﺟﻮﻟﻲ ﻭﻳﻠﻲ ﻭﻳﻠﻲ ﻃﺎﺭﻕ ﺷﺒﻬﻨﻲ ﺑﺄﻧﺠﻴﻠﻴﻨﺎ ﺟﻮﻟﻲ : ﺃﻩ ﻫﺎﺫﻳﻚ ﺍﻟﻤﻤﺜﻠﺔ ﺍﻟﻘﻮﻗﺔ ﻛﻨﻌﺮﻓﻬﺎ ﻣﺎﻟﻬﺎ ﺃﺵ ﻓﻜﺮﻙ ﻓﻴﻬﺎ ـ ﻋﺮﻓﺘﻲ ﺫﻳﻚ ﺑﻨﺘﻬﺎ ﺍﻟﻌﺰﻳﺔ ﺳﺒﺤﺎﻥ ﺍﻟﻠﻪ ﻏﻴﺮ ﻧﺘﻲ ﻭ ﻫﻨﺎ ﺗﺸﻠﻠﺖ ﻓﻲ ﺑﻼﺻﺘﻲ ﻳﺎﻙ ﻳﺎﻃﺎﺭﻕ ﻳﺎﻙ ﺑﺎﻟﺤﻖ ﻻﻓﻮﺕ ﻣﺎﺷﻲ ﺩﻳﺎﻟﻚ ﺃﻧﺎ ﺍﻟﻠﻲ ﺳﻮﻟﺘﻚ ﻭ ﺧﺮﺟﺖ ﻗﺒﻞ ﻣﺎﻧﺴﻤﻊ ﺫﻳﻚ ﺍﻟﻜﻠﻤﺔ ﺍﻟﻠﻲ ﻛﺘﺠﻴﺐ ﻟﻴﺎ ﺍﻟﺠﻠﻄﺔ ﺍﻟﺪﻣﺎﻏﻴﺔ ﻭ ﺃﺯﻣﺔ ﻧﻔﺴﻴﺔ ﺳﺎﻋﺔ ﻻ ﻣﻔﺮ ﻣﻨﻬﺎ ﻏﻴﺮ ﻭ ﺻﻠﺖ ﻟﻠﺒﺎﺏ ﺣﺘﻰ ﻛﻨﺴﻤﻌﻮ ﻛﻴﻘﻮﻟﻴﺎ : Bon chance ﻳﺎﻟﻤﻌﺰﺓ ـ ﺣﻠﻮﻑ ﺍﻟﻐﻴﺲ ـ ﻣﻌﺰﺓ ـ ﻗﺮﺩ ـ ﻣﻌﺰﺓ ـ ﺣﻤﺎﺭ ـ ﻣﻌﺰﺓ ـ ﻛﻠﺐ ﺩﺣﺶ ﺑﻐﻞ ﻣﻬﻢ ﻛﺎﻉ ﺍﻟﺤﻴﻮﺍﻧﺎﺕ ﺫﻛﺮﺗﻬﻢ ﺣﺘﻰ ﻛﻨﺴﻤﻊ ﻗﻬﻘﻬﺎﺗﻮ : ﺷﻔﺘﻲ ﺟﺒﺘﻲ ﺣﺪﻳﻘﺔ ﺍﻟﺤﻴﻮﺍﻧﺎﺕ ﻛﺎﻣﻠﺔ ﻭ ﺃﻧﺎ ﻏﻴﺮ ﺑﻤﻌﺰﺓ ﻏﻠﺒﺘﻚ ﻣﺎﺩﻳﺘﻬﺎﺵ ﻓﻴﻪ ﻭ ﺧﺮﺟﺖ ﻳﺘﺒﻊ
***************************
جزء 5

ﺍﻟﻨﺎﺱ ﻛﻴﻠﻘﺎﻭ ﺍﻟﺘﺸﺠﻴﻊ ﻓﻬﺎﺫ ﺍﻟﻤﻮﺍﻗﻒ ﻭ ﺃﻧﺎ ﻓﺎﻃﺮﺓ ﺑﺄﺗﺎﻱ ﻭ ﻛﻨﺴﻤﻊ ﻣﻌﻴﻮﺭ ﻃﺎﺭﻕ ﻋﺎﺋﻠﺔ ﻻ ﺗﺤﺘﺮﻡ ﺍﻟﺤﺎﻟﺔ ﺍﻟﻨﻔﺴﻴﺔ ﻷﻭﻻﺩﻫﺎ ﻓﺎﻟﺒﺎﺏ ﻟﻘﻴﺖ ﻭﺍﺣﺪ ﺍﻟﻤﺮﺃﺓ ﻣﻀﺎﺭﺑﺔ ﻣﻊ ﺍﻟﺒﺎﺏ ﺗﺤﻠﻮ ﻭﺍﻟﻮ ﺍﻟﺴﺎﺭﻭﺕ ﺗﻌﻜﺲ : ﺍﻟﺴﻼﻡ ﻳﺎﻙ ﻻﺑﺎﺱ ﻳﺎﺧﺎﻟﺘﻲ ؟ ـ ﻭ ﻋﻠﻴﻜﻢ ﺍﻟﺴﻼﻡ ﻫﺎﻧﺘﻲ ﻛﺘﺸﻮﻓﻲ ﻳﺎﺑﻨﺘﻲ ﺣﻠﻒ ﻳﺘﺤﻞ ﺍﻟﺒﺎﺏ ـ ﺑﻼﺗﻲ ﻳﺎﺧﺎﻟﺘﻲ ﻧﺠﻴﺐ ﻟﻴﻚ ﺷﻮﻳﺔ ﺩﻳﺎﻝ ﺍﻟﺰﻳﺖ ﻓﺸﻲ ﻃﺒﺴﻴﻞ ﻧﺪﻫﻦ ﺑﻴﻪ ﺍﻟﺴﺎﺭﻭﺕ ﺑﺎﺵ ﻳﺘﺤﻞ ﻫﺎﺫ ﺍﻟﺰﻳﺖ ﻛﻨﺎﻛﻠﻮﻫﺎ ﻛﻨﻄﻴﺒﻮ ﺑﻴﻬﺎ ﺗﻌﺘﺒﺮ ﻣﺮﻃﺐ ﻟﻠﺸﻌﺮ ﺃﻭ ﻛﻨﺪﻫﻨﻮ ﺑﻴﻬﺎ ﺣﺘﻰ ﺍﻟﺴﻮﺍﺭﺕ ﻃﻠﻌﺖ ﻟﻠﺪﺍﺭ ﻫﺰﻳﺖ ﺍﻟﺰﻳﺖ ﻭﻧﺰﻟﺖ ﺛﺎﻧﻲ ﺩﻫﻨﺖ ﺍﻟﺴﺎﺭﻭﺕ ﻏﻴﺮ ﺧﺸﻴﺘﻮ ﻓﺎﻟﻘﻔﻞ ﺗﺤﻞ ﺍﻟﺴﻴﺪﺓ ﺩﺧﻼﺕ ﻟﺪﺍﺭﻫﺎ ﻣﻮﺭ ﻣﺎﺗﺤﻠﻴﻬﺎ ﺍﻟﺒﺎﺏ ﻭ ﺷﻜﺮﺍﺗﻨﻲ ﻭ ﺃﻧﺎ ﺣﻮﺍﻳﺠﻲ ﻛﺎﻣﻠﻴﻦ ﻃﺒﻌﻮ ﺑﺎﻟﺰﻳﺖ ﺭﺟﻌﺖ ﻟﻠﺪﺍﺭ ﻣﺤﺒﻄﺔ ﻧﺸﻮﻑ ﻣﺎﻧﻠﺒﺲ ﻣﻮﺭ ﻫﺎﺫ ﺍﻟﺤﺎﻟﺔ ﻏﻴﺮ ﺩﺧﻠﺖ ﻣﻊ ﺍﻟﺒﺎﺏ ﺣﺘﻰ ﻛﻨﺸﻮﻑ ﻓﻄﺎﺭﻕ ﻛﻴﺸﻮﻑ ﻃﺒﺎﻳﻊ ﺻﻔﺮﻳﻦ ﻋﻠﻰ ﺣﻮﺍﻳﺠﻲ ﻭ ﻛﻴﺘﺸﺘﺖ ﺑﺎﻟﻀﺤﻚ : ﺩﺧﻠﻲ ﺑﺪﻟﻲ ﻳﺎﺣﻨﻴﻨﺘﻲ ﺗﺮﺟﻌﻲ ﻟﻠﺘﻜﺮﻓﻴﺲ ﺍﻟﺘﻔﺮﻛﻴﺲ ﻣﺎﺟﺎﺵ ﻣﻌﻚ ـ ﻭﺑﻌﺪ ﻣﻨﻲ ﺗﻔﻮ ﻋﻴﻨﻴﻚ ﺷﺤﺎﻝ ﺧﺎﻳﺒﻴﺒﻦ ﻭ ﻣﺎﺯﻛﻠﺘﻴﻨﻴﺶ ﺍﻟﻤﺤﺴﺎﺩ ـ ﻣﺎﻟﻲ ﺃﺵ ﺩﺭﺕ ﻟﻴﻚ ﻧﺘﻲ ﺍﻟﻠﻲ ﻣﻨﺤﻮﺳﺔ ﺑﻘﻴﻨﺎ ﻛﻨﺘﺎﻛﺮﻭ ﺣﺘﻰ ﻓﻜﺎﺗﻨﺎ ﻣﺎﻣﺎ ﻛﻴﻒ ﺍﻟﻌﺎﺩﺓ : ﺳﻜﺎﺕ ﻣﺎﻧﺴﻤﻊ ﺣﺲ ﺣﺘﻰ ﺣﺪ ﻓﻴﻜﻢ ﻭ ﻧﺘﻲ ﺣﺘﺎﺭﻣﻲ ﺧﻮﻙ ﺍﻟﻜﺒﻴﺮ ﺷﻮﻳﺔ ﻭ ﻧﺘﻲ ﺑﺎﻏﺎ ﺗﻨﻘﺰﻱ ﻋﻠﻴﻪ ـ ﻧﺘﻲ ﺩﻳﻤﺎ ﻛﺘﺠﻲ ﻣﻨﻮ ﻛﺘﺒﻐﻴﻪ ﻛﺜﺮ ﻣﻨﻲ ﻭﺍﺵ ﺃﻧﺎ ﻣﺎﺷﻲ ﺑﻨﺘﻚ ﺳﻤﻢ ﻟﻴﺎ ﻃﺎﺭﻕ ﺃﺫﻧﺎﻱ ﻛﻴﻒ ﺍﻟﻌﺎﺩﺓ : ﺣﺸﻮﻣﺔ ﻋﻠﻴﻚ ﻳﺎﻣﺎﻣﺎ ﺧﺒﻴﺘﻲ ﻋﻠﻴﻬﺎ ﺍﻟﺤﻘﻴﻘﺔ ﺍﻟﺼﺮﺍﺣﺔ ﺣﻨﺎ ﻟﻘﻴﻨﺎﻙ ﻏﻴﺮ ﻓﻄﺎﺭﻭ ﺩﻳﺎﻝ ﺍﻟﺰﺑﻞ ﻭ ﺭﺑﻴﻨﺎﻙ ﻣﺎﻋﻤﺮﻙ ﻋﻘﺘﻲ ﺷﻮﻓﻲ ﺗﺒﺎﺭﻙ ﺍﻟﻠﻪ ﺃﻧﺎ ﻛﻲ ﺑﻮﻛﻮﺹ ﻭ ﻧﺘﻲ ﻛﻲ ﺍﻟﻜﺮﻣﻮﺳﺔ ﺭﺍﻙ ﻣﺎﺷﻲ ﺑﻨﺘﻨﺎ ـ ﻭ ﻣﺎﻣﺎ ﺷﺪﻱ ﻭﻟﺪﻙ ﻭﺍﺵ ﻣﺎﻣﻘﺪﺭﺍﺵ ﺣﺎﻟﺘﻲ ﺭﺍﻩ ﻋﻨﺪﻱ entretien ﻳﺎﻋﺒﺎﺩ ﺍﻟﻠﻪ ﻣﺎﻣﺎ ﻛﺄﻱ ﺃﻡ ﻣﻐﺮﺑﻴﺔ ﻏﻴﺮ ﻛﺘﺴﻤﻊ ﺣﺲ ﺍﻟﻘﺮﺍﻳﺎ ﺣﺘﻰ ﻛﺘﻘﻮﻝ ﺍﻷﻗﻮﺍﻝ ﺍﻟﻤﺄﺛﻮﺭﺓ ﻟﻸﻣﻬﺎﺕ : ﻣﺎﻟﻚ ﺃﺑﻨﺘﻲ ﻏﺪﻭﺯﻱ ﻟﻴﺎ ﺍﻟﺪﻛﺘﻮﺭﺍﻩ ﺧﻮﻳﺎ ﺩﺍﺭ ﻣﻊ ﻣﺎﻣﺎ ﺍﻟﺘﺤﺎﻟﻒ entretien : ﺩﺍﻳﺮﺓ ﻓﻴﻪ ﻫﺎﺫ ﺍﻟﺤﺎﻟﺔ ﺳﻴﺮﻱ ﺭﺍﻙ ﺑﺎﻳﻨﺔ ﻣﺎﻣﻄﻔﺮﺍﻫﺶ ﺃﺷﻜﺮﻛﻢ ﺃﺷﻜﺮﻛﻢ ﻳﺎ ﻋﺎﺋﻠﺘﻲ ﺍﻟﺤﺒﻴﺒﺔ ﻋﻠﻰ ﺗﺸﺠﻴﻌﺎﺗﻜﻢ ﺍﻟﻠﺘﻲ ﻟﻢ ﺗﺒﺨﻠﻮ ﻋﻠﻴﺎ ﺑﻴﻬﺎ ﻣﺸﻴﺖ ﺑﺪﻟﺖ ﺣﻮﺍﻳﺠﻲ ﻭ ﻛﻨﺘﺴﻨﻰ ﻃﺎﻛﺴﻲ ﻭﺍﻟﻮ ﻛﺘﻌﻜﺲ ﺑﻤﺮﺓ ﺍﻟﻠﻪ ﻳﺴﺘﺮ ﺍﻟﺼﺮﺍﺣﺔ ﻻﻓﻮﺕ ﺩﻳﺎﻟﻲ ﺍﻟﺒﺎﺭﺡ ﻭﺍﺣﺪ ﺩﺭﻱ ﺣﻂ statut ﻭ ﻗﺎﻝ ﺍﻥ ﻟﻢ ﺗﺮﺳﻠﻬﺎ ﻝ5 ﺃﺷﺨﺎﺹ ﺳﺘﺴﻤﻊ ﺧﺒﺮ ﺣﺰﻳﻦ ﻭﺍﺷﻲ ﻳﺤﻞ ﺍﻟﻔﺎﻳﺴﺒﻮﻙ ﻳﻠﻘﻮ ﺣﺒﻴﺒﺔ ﺗﻮﺣﺸﺘﻚ ﻭ ﺷﻲ ﻳﻠﻘﻰ ﺇﺭﺳﻠﻬﺎ ﻭ ﺇﻻ ﺳﺘﺤﺮﻕ ﺑﻨﺎﺭ ﺟﻬﻨﻢ ﺗﺤﺮﻕ ﻓﻴﻬﺎ ﻧﺘﻰ ﻧﻴﺖ ﻻﻣﻔﺮ ﻣﻨﻚ ﻳﺎﻃﻮﺑﻴﺲ ﻃﻠﻌﺖ ﻭ ﺃﻧﺎ ﻣﺎﺣﺎﻣﻼﻫﺶ ﻫﺎﺫ ﺍﻟﻄﻮﺑﻴﺲ ﻛﻴﺒﻘﻰ ﻳﻬﺰ ﻓﺎﻟﻨﺎﺱ ﺣﺘﻰ ﻛﻴﺪﻛﺲ ﻣﺎﻋﺮﻓﺘﺶ ﺃﺷﻨﻮ ﻛﻴﺴﺘﺎﻓﺪ ﻭ ﻫﻮ ﺍﻷﻏﻠﺒﻴﺔ ﻏﻴﺮ ﺳﺎﻟﺖ ﻭﺻﻠﺖ ﻟﻠﺸﺮﻛﺔ ﺑﺤﺎﻝ ﺷﻲ ﺩﺟﺎﺟﺔ ﻣﺮﻳﺸﺔ ﻭﻗﻔﺖ ﺣﺪﺍ ﻭﺍﺣﺪ ﺍﻟﺴﻴﺎﺭﺓ ﺯﺍﺟﻬﺎ ﻛﺤﻞ ﻗﺎﺩﻳﺖ ﺷﻌﺮﻱ ﻭ ﺣﺎﻟﺘﻲ ﺃﻧﻘﺬ ﻣﺎ ﻳﻤﻜﻨﻨﻲ ﺇﻧﻘﺎﺫﻩ ﺣﺘﻰ ﺧﺮﺟﺎﺕ ﻣﻨﻬﺎ ﻭﺍﺣﺪ ﺍﻟﺴﻴﺪﺓ ﺟﻤﺪﺕ ﻓﺒﻼﺻﺘﻲ ﻃﻠﻌﺎﺗﻨﻲ ﻭ ﻫﺒﻄﺎﺗﻨﻲ ﻭ ﺿﺤﻜﺎﺕ ﻭ ﺯﺍﺩﺕ ﻫﺎﺫﻱ ﻣﺎﻟﻬﺎ ﺷﺎﻓﺖ ﻛﻠﻮﻥ ﺍﻟﻠﻪ ﻳﺴﺘﺮ ﻣﺎﻛﻴﻘﺪﺭﻭﺵ ﺍﻟﺠﻤﺎﻝ ﺍﻟﻄﺒﻴﻌﻲ ﺩﺧﻠﺖ ﻟﻠﺸﺮﻛﺔ ﺣﻠﻴﺖ ﻓﻤﻲ ﻭﺍﺍﺍﻭ ﻫﺎﺩﺷﻲ ﺯﻭﻳﻦ ﺷﺮﻛﺔ ﻛﻴﺪﺍﻳﺮﺓ ﻳﺎﺳﻼﻡ ﻳﺎﺳﻼﻡ ﻗﺪﻱ ﺇﻳﻪ ﺣﻠﻮ ﺍﻟﻐﺮﺍﻡ ﻟﻘﺪ ﻭﻗﻌﺖ ﻓﻲ ﺣﺐ ﻫﺬﻩ ﺍﻟﺸﺮﻛﺔ ﺟﺎﻟﺴﺔ ﻣﻊ Les candidats ﻓﻮﺍﺣﺪ ﺍﻟﺼﺎﻟﻮﻥ
*********************
الجزء 6

....ﺟﺎﻟﺴﺔ ﻣﻊ Les candidats ﻓﻮﺍﺣﺪ ﺍﻟﺼﺎﻟﻮﻥ ﻛﻨﺘﺴﻨﺎﻭ ﻧﻮﺑﺘﻨﺎ ﻭ ﻛﻴﺒﺎﻧﻮﻟﻴﺎ ﺍﻟﻠﻲ ﻗﺒﻞ ﻣﻨﺎ ﻛﻠﻬﺎ ﻛﻴﺨﺎﺭﺝ ﻫﺎﻟﻠﻲ ﻓﺮﺣﺎﻥ ﻫﺎﻟﻠﻲ ﻛﻴﺒﻜﻲ ﻫﺎﻟﻠﻲ ﻛﻴﺴﺐ ﻓﺎﻟﻠﺠﻨﺔ ﻭ ﺃﺳﺌﻠﺘﻬﺎ ﺍﻟﻠﻲ ﻻﻋﻼﻗﺔ ﻭﺍﺵ ﻫﻮ ﻗﺎﺭﻱ l’informatique ﻭ la jury ﻛﺘﺴﻮﻟﻮ ﻋﻠﻰ ﺍﻟﻄﻘﺲ ﻛﻴﺪﺍﻳﺮ ﺍﻟﻴﻮﻡ ﻣﺰﻭﻕ ﻛﻴﺪﺍﻳﺮ ﻣﺎﻓﻬﻤﺘﺶ ﻋﻼﺵ ﻑ gﺍﻉ les entretiens ﻛﻴﺴﻮﻟﻮﻙ ﺃﺳﺌﻠﺔ ﻣﻐﺎﻳﺮﺓ ﻟﺪﺍﻛﺸﻲ ﺍﻟﻠﻲ ﻗﺮﻳﺘﻲ ﺟﺎﻟﺴﺔ ﻓﻲ ﻫﺬﺍ ﺍﻟﻤﻜﺎﻥ ﺣﺎﺳﺔ ﺑﺮﺍﺳﻲ ﻣﺸﺎﺭﻛﺔ ﻑ Arab Idol ﺑﻌﺪﺍ ﻋﻠﻰ ﺍﻷﻗﻞ ﻑ Arab Idol ﺣﺘﻰ ﻛﺎﻉ ﺍﻳﻼ ﻣﺎﻃﻔﺮﺗﻴﻬﺶ ﻛﺘﺸﻮﻑ ﺍﻟﺰﻳﻦ ﻭﺍﺋﻞ ﻛﻔﻮﺭﻱ ﻭﺫﺍﻙ ﺍﻟﺒﻮﻛﻮﺹ ﺩﻳﺎﻝ ﺣﺴﻦ ﺍﻟﺸﺎﻓﻌﻲ ﺃﻣﺎ ﻫﻨﺎ ﻏﻨﺪﺧﻞ ﻋﻨﺪ ﺭﺑﺎﻋﺔ ﺩﻳﺎﻝ ﺍﻟﺸﺮﺍﻑ ﻛﻞ ﻭﺍﺣﺪ ﺣﺎﻁ ﻛﺮﺷﻮ ﺣﺪﺍﻩ ﺑﺤﺎﻝ ﺷﻲ ﺍﻣﺮﺃﺓ ﻓﺸﻬﺮﻫﺎ ﺑﺪﻳﺖ ﻛﻨﺘﻔﻜﺮ ﻛﺎﻉ ﺍﻟﻔﻴﺪﻳﻮﺍﺕ ﺩﻳﺎﻝ ﺑﺮﻧﺎﻣﺞ ﻛﻨﻘﻠﺐ ﻋﻠﻰ ﺧﺪﻣﺔ ﻭ ﻛﻨﺤﺎﻭﻝ ﻧﺘﻔﻜﺮ ﺍﻟﺤﻮﺍﺭ ﺍﻟﻠﻲ ﻛﻨﺪﻳﺮ ﻣﻊ ﺍﻟﻤﺮﺍﻳﺎ ﻭ ﻣﻊ ﺍﻟﻤﺨﺎﺩ ﺑﺎﺵ ﻧﺘﺪﺭﺏ ﻣﺰﻳﺎﻥ ﺻﺎﻓﻲ ﻳﺎﺳﺎﺭﺓ ﻣﺎﻟﻚ ﻛﺘﻘﻔﻘﻲ ﻓﻴﻦ ﺯﻋﺎﻣﺘﻚ ﻏﻴﺪﻭﺯ ﻛﻠﺸﻲ ﺑﺨﻴﺮ ﻭ ﻏﺘﻌﻄﻴﻬﻮﻡ ﺃﺟﻮﺑﺔ ﻣﻨﺎﺳﺒﺔ ﻣﻊ ﻛﻠﻮﺭﺗﺲ ﺍﻟﺜﻘﺔ ﻓﻲ ﺍﻟﻨﻔﺲ ﺗﻬﺪﻧﺖ ﻭ ﺗﻜﺎﻟﻤﻴﺖ ﻭ ﻛﻴﺒﺎﻧﻮﻟﻴﺎ ﺍﻟﻤﻮﻇﻔﺎﺕ ﻛﻴﺪﻭﺯ ﻣﻦ ﺣﺪﺍﻳﺎ ﻓﻘﺮﺓ ﺩﻳﺎﻝ ﻟﻴﻠﻰ ﺣﺪﻳﻮﻱ ﻓﺼﺒﺎﺣﻴﺎﺕ 2M ﺑﺪﺍﺕ ﻣﺎﺗﻔﺮﺟﺘﺶ ﻓﻴﻬﺎ ﻓﺎﻟﺪﺍﺭ ﻭ ﺃﻧﺎ ﺩﺍﺑﺎ ﻛﻨﺘﻔﺮﺝ ﻓﻌﺮﺽ ﺃﺯﻳﺎﺀ ﺣﻲ ﻭ ﻣﺒﺎﺷﺮ ﻃﺎﻝ ﺍﻹﻧﺘﻈﺎﺭ ﺩﺍﺑﺎ ﻏﻴﺮ ﻣﻨﺸﻮﺭﺓ ﺣﺘﻰ ﻧﺪﺧﻞ ﻋﻨﺪ ﺍﻟﻠﺠﻨﺔ ﻭ ﻧﻜﻤﻞ ﻳﺘﺒﻊ
************************
لجزء 7

ﺩﺧﻠﺖ ﻟﻮﺍﺣﺪ ﺍﻟﻤﻜﺘﺐ ﻛﻴﺒﺎﻥ ﻟﻴﺎ 3 ﺩﻳﺎﻝ ﺍﻟﺮﺟﺎﻝ ﺟﺎﻟﺴﻴﻦ 2 ﻛﻴﻤﺎ ﺗﺨﻴﻠﺘﻬﻮﻡ ﻗﺒﻴﻠﺔ ﻭ ﻟﻜﻦ ﻭﺍﺣﺪ ﺑﺎﻗﻲ ﺻﻐﻴﺮ ﻭ ﺑﻮﻛﻮﺹ ﺑﻌﺪﺍ ﻫﺎﻭﺍﺣﺪ ﻭﺍﺋﻞ ﻛﻔﻮﺭﻱ ﺷﻔﺘﻮ ﺣﺘﻰ ﻛﺎﻉ ﺍﻳﻼ ﻣﺎﻃﻔﺮﺗﻮﺵ ﻣﺎﻧﺨﺮﺟﺶ ﺑﻴﺪﻱ ﺧﺎﻭﻳﻴﻦ ﻧﺨﻀﺮ ﻟﻴﺎ ﻋﻮﻳﻨﺎﺗﻲ ﺑﺎﻥ ﻟﻴﺎ 2 ﻛﺮﺍﺳﺔ ﻭﺍﺣﺪ ﺗﻘﺮﻳﺒﺎ ﺣﺪﺍﻳﺎ ﻭﻭﺍﺣﺪ ﺑﻌﻴﺪ ﺷﻮﻳﺔ Alors ﻫﻨﺎ ﻏﻨﺘﻔﻜﺮ ﻭﺍﺣﺪ ﺍﻟﺠﻤﻠﺔ ﺩﻳﺎﻝ ﻭﺍﺣﺪ ﺍﻷﺳﺘﺎﺫ " ﻣﻨﻴﻦ ﺗﺪﻭﺯﻭ ﺷﻲ Entretien ﻭ ﺗﻠﻘﺎﻭ 2 ﻛﺮﺍﺳﺔ ﻭﺍﺣﺪ ﻗﺮﻳﺐ ﻭﻭﺍﺣﺪ ﺑﻌﻴﺪ ﺳﻴﺮﻭ ﺟﻴﺒﻮ ﻫﺬﺍﻙ ﺍﻟﻠﻲ ﺑﻌﻴﺪ ﺣﻴﻨﺖ ﻫﻤﺎ ﻛﻴﺒﻐﻴﻮ ﻳﺸﻮﻓﻮ ﻭﺍﺵ ﻧﺘﻰ ﺷﺨﺺ ﺍﻟﻠﻲ ﻛﺘﺸﻮﻑ ﺍﻟﻘﺪﺍﻡ ﻭ ﻛﺘﺄﻣﻞ ﺍﻟﻤﻜﺎﻥ ﺍﻟﻠﻲ ﻧﺘﻰ ﻓﻴﻪ ﻭﻻ ﻛﺘﻜﺘﺎﻓﻲ ﻏﻴﺮ ﺑﺪﺍﻛﺸﻲ ﺍﻟﻠﻲ ﻗﺪﺍﻣﻚ " ﺳﻴﺮ ﻳﺎ ﺃﺳﺘﺎﺫ ﺍﻟﻠﻪ ﻻ ﻳﺤﺮﻕ ﻓﻴﻚ ﺷﻲ ﻋﻈﻢ ﻣﺎﻋﻘﻠﺖ ﻋﻠﻰ ﺣﺘﻰ ﺩﺭﺱ ﺩﻳﺎﻟﻚ ﺧﺮﺟﺖ ﻣﻨﻚ ﻏﻴﺮ ﺑﻬﺎﺫ ﺍﻟﺠﻤﻠﺔ ﻣﺸﻴﺖ ﻛﻲ ﺍﻟﻄﺎﻭﻭﺱ ﺟﺒﺖ ﺍﻟﻜﺮﺳﻲ ﺍﻟﺒﻌﻴﺪ ﺍﻟﻌﺰ 0ـ1 ﻭﺍﺧﺎ ﻣﺎﻋﺮﻓﺘﺶ ﺃﺵ ﺟﺎﺏ ﺍﻟﻜﺮﺳﻲ l’informatique ﻣﺎﻋﻠﻴﻨﺎ ﻗﺎﻟﻲ ﺫﺍﻙ ﺍﻟﺒﻮﻛﻮﺱ : ﻣﺮﺣﺒﺎ ﺗﻔﻀﻠﻲ ﺍﻟﻠﻪ ﻳﺎﺧﻮﻳﺎ ﺍﻟﻠﻪ ﻋﻼﺵ ﻫﻀﺮﺗﻲ ﺃﻧﺎ ﺗﺎﻟﻔﺔ ﻭﺯﺩﺗﻲ ﻋﻠﻴﺎ ﺑﺎﺵ ﻏﻨﺠﺎﻭﺏ ﻣﻴﺮﺳﻲ ﻻ ﺇﻳﻼ ﺑﺪﻳﺖ ﻫﻀﺮﺗﻲ ﺑﺎﻟﻔﺮﻭﻧﺴﻲ ﺧﺎﺻﻨﻲ ﻧﻜﻤﻞ l’entretien ﻛﺎﻣﻞ ﺑﺎﻟﻔﺮﻭﻧﺴﻲ ﻭ ﻫﺎﺩﺷﻲ ﺍﻟﻠﻲ ﻣﺎﺑﻐﻴﺘﺶ ﺍﻳﻼ ﺩﻭﻳﺖ ﺑﻬﺎﺫ ﺍﻟﻠﻐﺔ ﻏﻴﻮﻗﻊ ﻟﻴﺎ ﻣﺎﻭﻗﻊ ﻓﺎﻟﺤﻠﻤﺔ ﺣﺴﻦ ﻧﺠﺎﻭﺑﻮ ﺷﻜﺮﺍ ﺑﺎﺭﺍﻙ ﺍﻟﻠﻪ ﻓﻴﻚ ﻻ ﻭﺍﻳﺎﻙ ﻣﺎﻟﻮ ﻛﻴﺒﺎﺭﻙ ﻟﻴﺎ ﺍﻟﻌﺮﺱ ﺑﻘﻴﺖ ﻛﻨﻔﻜﺮ ﻓﺎﻟﺠﻮﺍﺏ ﺣﺘﻰ ﺑﻘﻴﺖ ﺳﺎﻛﺘﺔ ﻣﺮ ﻟﻠﺴﺆﺍﻝ ﺍﻟﺜﺎﻧﻲ : ﺃﺷﻨﻮ ﺍﻟﻠﻲ ﺧﻼﻙ ﺗﺪﻓﻌﻲ ﻟﻬﺎﺫ ﺍﻟﺸﺮﻛﺔ ؟ ﺷﻨﻮ ﻧﻘﻮﻟﻴﻪ ﺑﺎﻟﻠﻲ ﺷﺮﻛﺘﻜﻢ ﻛﺘﻌﺘﺎﺑﺮ ﻣﻦ ﺃﺣﺴﻦ ﺍﻟﺸﺮﻛﺎﺕ ﻓﺎﻟﻤﻐﺮﺏ ﻓﻬﺎﺫ domaine ﻻ ﻻ ﻫﺎﺫﻱ ﻗﺪﻳﻤﺔ ﺣﺴﻦ ﻧﺠﻴﻪ ﻣﻦ ﺍﻵﺧﺮ ﻭ ﻧﻘﻮﻟﻴﻪ ﺭﺍﻩ ﻣﺮﺍﺕ ﺧﺎﻟﻲ ﺧﺪﺍﻣﺔ ﻓﺎﻟﻔﻴﻼ ﺩﻳﺎﻝ ﺍﻟﺒﺎﻃﺮﻭﻥ ﻭﻫﻲ ﺍﻟﻠﻲ ﻧﺼﺤﺎﺗﻨﻲ ﻧﺪﻓﻊ ﺣﻴﻨﺖ ﺷﺮﻛﺘﻜﻢ ﻛﺘﻬﻼ ﻓﺎﻟﺨﻼﺹ ﻻ ﺑﺤﺎﻝ ﺍﻳﻼ ﻛﻨﺪﻳﺮ Code Pistant ﻫﻨﺎﻳﺎ ﺑﻘﻴﺖ ﻛﻨﻔﻜﺮ ﻓﺠﺎﻭﺍﺏ ﻣﻨﺎﺳﺐ ﺣﺘﻰ ﻣﺮ ﻟﻠﺴﺆﺍﻝ ﺍﻟﺜﺎﻟﺚ : ﻓﺤﺎﻟﺔ ﻗﺒﻠﻨﺎﻙ ﺃﺷﻨﻮ ﻣﻤﻜﻦ ﺗﻀﻴﻔﻲ ﻟﻠﺸﺮﻛﻮ ؟ ﺩﺍﺑﺎ ﻋﺠﺒﻨﻲ ﻫﺬﺍ ﻫﻮ ﺍﻟﺴﺆﺍﻝ ﺍﻟﻤﻌﺮﻭﻑ ﻭ ﺍﻟﺸﺎﺋﻊ ﻓﻜﺎﻉ les entretiens ﺩﺭﺑﺖ ﻋﻠﻴﻪ ﻣﺰﻳﺎﻥ ﻧﻘﻮﻟﻴﻪ ﺑﺎﻟﻠﻲ ﺍﻳﻼ ﻗﺒﻠﺘﻮ ﺑﻴﺎ ﻏﻨﺰﻳﺪ ﺑﺎﻟﺸﺮﻛﺔ ﺍﻟﻘﺪﺍﻡ ﺣﺘﻰ ﺗﻮﻟﻲ ﺗﻨﺎﻓﺲ ﺍﻟﺸﺮﻛﺎﺕ ﺍﻟﻌﺎﻟﻤﻴﺔ ﻭ ﻣﺎﺷﻲ ﺑﻌﻴﺪ ﺗﻨﺎﻓﺲ Microsoft ﻻ ﻫﺎﺫ ﺍﻟﺠﻮﺍﺏ ﻣﺒﺎﻟﻎ ﻓﻴﻪ ﻭ ﺍﻳﻼ ﻣﺸﻴﺖ ﺣﺘﻰ ﺟﺎﻭﺑﺘﻮ ﻏﻴﺰﺍﻭﻃﻨﻲ ﻣﻦ ﺍﻟﺸﺮﺟﻢ ﺑﻘﻴﺖ ﻛﻨﻔﻜﺮ ﻭ ﻛﻴﻤﺎ ﺍﻟﻌﺎﺩﺓ ﻣﺮ ﻟﻠﺴﺆﺍﻝ ﺍﻟﺮﺍﺑﻊ ﻳﻼﻩ ﺑﻐﻰ ﻳﺴﻮﻝ ﺷﺎﻑ ﻑ cv ﻭ ﺃﻛﻴﺪ ﻗﺎﻝ ﻣﻊ ﺭﺍﺳﻮ ﻫﺬﻱ ﻣﺴﺘﺤﻴﻞ ﺗﺠﺎﻭﺏ ﻋﻠﻰ ﺳﺆﺍﻟﻲ ﻋﻨﺪﻭ ﺍﻟﺤﻖ ﺟﺎﻭﺑﺖ ﻋﻠﻰ ﺣﺘﻰ ﺍﻷﻭﻟﻴﻦ : ﻣﻬﻢ ﻧﻤﺮﺗﻚ ﻋﻨﺪﻧﺎ ﻭﻛﺄﻱ ﻣﻘﺎﺑﻠﺔ ﻓﺘﺎﺭﻳﺦ ﻣﺒﺎﺭﻳﺎﺕ ﺍﻟﺘﻮﻇﻴﻒ ﺍﻟﻤﻐﺮﺑﻴﺔ ﺧﺘﻢ ﺑﺎﻟﺠﻤﻠﺔ ﺍﻟﺸﻬﻴﺮﺓ " ﺳﻴﺮﻱ ﺣﺘﻰ ﻧﻌﻴﻄﻮ ﻋﻠﻴﻚ " ﺑﺴﻼﻣﺔ ﻭﻫﻨﺎ ﺗﺸﺠﻌﺖ ﻭ ﺟﺎﻭﺑﺘﻮ :ﺑﺴﻼﻣﺔ ﻛﺎﻧﺖ ﻫﺎﺫﻱ ﻫﻲ ﺍﻟﺠﻤﻠﺔ ﺍﻟﻮﺣﻴﺪﺓ ﺍﻟﻠﻲ ﻧﻄﻘﺘﻬﺎ ﻃﻴﻠﺔ ﺍﻟﻤﺒﺎﺭﺍﺓ ﺧﺮﺟﺖ ﻣﻦ ﺍﻟﻤﻜﺘﺐ ﻭ ﻛﻨﺴﻤﻊ ﺿﺤﻚ ﺩﻳﺎﻟﻬﻮﻡ ﺍﻳﻴﻴﻪ ﺿﺤﻜﻮ ﻋﻤﺮ ﻳﻤﻜﻦ ﺟﺎﺗﻬﻢ ﺷﻲ ﺣﺎﻟﺔ ﺑﺤﺎﻟﻲ ﺳﺎﻛﺘﺔ ﻋﻄﺎ ﺍﻟﻠﻪ ﺍﻟﻠﻲ ﻛﻴﺒﻠﺰ ﻭﻟﻜﻦ ﻋﻠﻰ ﺍﻷﻗﻞ ﻛﻴﺠﺎﻭﺏ ﻛﻴﻬﻀﺮ ﻣﺎﺷﻲ ﺯﻳﺰﻭﻥ ﻭ ﺃﻧﺎ ﻏﺎﺩﺍ ﻛﺘﺒﺎﻥ ﻟﻴﺎ ﻭﺍﺣﺪ Clé USB ﻃﺎﻳﺤﺔ ﻓﺎﻷﺭﺽ ﻓﺮﺣﺖ ﺷﻔﺖ ﺳﺎﺭﻭﺕ ﻓﺎﻝ ﺧﻴﺮ ﻳﺎ ﺭﺑﻲ ﻓﺎﻝ ﺧﻴﺮ ﻛﻨﻬﺰ ﺭﺍﺳﻲ ﻛﻨﻠﻘﺎ ﻭﺍﺣﺪ ﺍﻟﺪﺭﻱ ﺗﻜﻮﻥ ﻋﻨﺪﻭ ﺷﻲ 30 ﺳﻨﺔ ﻫﺎﻛﺎﻙ ﻣﺸﺮﻭﻁ ﻭ ﻣﺒﻬﺪﻝ ﺣﻮﺍﻳﺠﻮ ﻣﺒﻬﺪﻟﻴﻦ ﻭ ﺑﺎﻳﻨﺔ ﻓﻴﻪ ﻳﻼﻩ ﻓﺎﻳﻖ ﻣﻦ ﺍﻟﻨﻌﺎﺱ ﻭ ﻛﻴﻬﻀﺮ ﻓﺎﻟﺘﻠﻴﻔﻮﻥ ﻭ ﺑﺤﺎﻝ ﺍﻳﻼ ﻣﻌﺼﺐ ﺑﺎﻳﻨﺔ ﻫﻮ ﺍﻟﻠﻲ ﻃﺎﺣﺖ ﻟﻴﻪ Clé ﻭﺻﻠﺖ ﺣﺪﺍﻩ : ﺳﻤﺤﻠﻴﺎ ﺗﻠﻔﺖ ﺷﺎﻑ ﻓﻴﺎ ﻭ ﻓﺤﺎﻟﺘﻲ
**************************
لجزء 8

ﻣﻌﺼﺐ ﺑﺎﻳﻨﺔ ﻫﻮ ﺍﻟﻠﻲ ﻃﺎﺣﺖ ﻟﻴﻪ Clé ﻭﺻﻠﺖ ﺣﺪﺍﻩ : ﺳﻤﺤﻠﻴﺎ ﺗﻠﻔﺖ ﺷﺎﻑ ﻓﻴﺎ ﻭ ﻓﺤﺎﻟﺘﻲ ﺯﻋﻤﺔ ﻧﺘﻰ ﻣﻄﻔﺮﻭ ﻗﻄﻊ ﺍﻟﺘﻴﻠﻴﻔﻮﻥ : ﻧﻌﻢ ﺍﻷﻧﺴﺔ ﻛﺎﻳﻦ ﺷﻲ ﻣﺸﻜﻞ؟ ـ ﻻ ﻭﺍﻗﻴﻠﺔ ﻫﺎﺫ Clé ﻃﺎﺣﺖ ﻟﻴﻚ ـ ﻭﻱ ﺩﻳﺎﻟﻲ ﺷﻜﺮﺍﺍ ﺑﺰﺍﻑ ﻓﻴﻬﺎ ﺷﻲ ﺧﺪﻣﺔ ﻣﻬﻤﺔ ـ ﻻ ﺷﻜﺮ ﻋﻠﻰ ﻭﺍﺟﺐ ـ ﻛﻨﺖ ﻛﺪﻭﺯﻱ l’entretien ـ ﺑﺤﺎﻝ ﺍﻳﻼ ﻋﻠﻤﻚ ﺍﻟﻠﻪ ـ ﻛﻴﺪﻭﺯﺗﻲ ﻣﺰﻳﺎﻥ ؟ ـ ﻣﻨﻴﻦ ﺟﺎﻩ ﺍﻟﺰﻳﻦ  ـ ﻳﺎﻛﻤﺔ ﺻﻌﺒﻮ ﻋﻠﻴﻚ ﺍﻷﺳﺌﻠﺔ ﻣﺎﺗﺨﺎﻓﻴﺶ ﺑﻌﺪ ﺍﻟﻤﺮﺍﺕ ﻭﺍﺧﺎ ﻣﺎﻛﺎﻳﻜﻮﻧﻮﺵ ﻛﺎﻉ ﺍﻷﺟﻮﺑﺔ ﺻﺤﺎﺡ ﻛﻴﺸﻮﻓﻮ ﺭﺩﺓ ﻓﻌﻞ ﺍﻟﻤﺮﺷﺢ ﻭ ﻛﻴﻔﺎﺵ ﻛﻴﺘﻌﺎﻣﻞ ﻣﻊ ﺍﻷﻣﻮﺭ ـ ﻫﺎﺩﺷﻲ ﻋﺎﺭﻓﺎﻩ ﻭﻟﻜﻦ ﺧﺎﺻﻚ ﺗﻘﻮﻟﻮ ﻟﺸﻲ ﻭﺍﺣﺪ ﻋﻠﻰ ﺍﻷﻗﻞ ﻏﻴﺮ ﻫﻀﺮ ﻭ ﻗﺎﻝ ﻏﻴﺮ ﺍﻟﺴﻼﻡ ـ ﻋﻼﺵ ﺃﺵ ﻭﻗﻊ ؟ ﻣﺎﺟﺎﻭﺑﺘﻲ ﻋﻠﻰ ﻭﺍﻟﻮ ـ ﻫﻀﺮﺕ ﺑﻌﺪﺍ ﺑﺎﺵ ﻧﺠﺎﻭﺏ ﻭ ﺃﻧﺎ ﺑﺤﺎﻝ ﺍﻳﻼ ﺿﺮﺑﺎﺗﻨﻲ ﺍﻟﻠﻘﻮﺓ ﻏﻴﺮ ﺣﺎﻟﺔ ﻓﻤﻲ ﻭ ﻛﻨﺸﻮﻑ ـ ﻣﺎﻗﻠﺘﻲ ﻭﺍﻟﻮ ﻛﺎﻉ ـ ﺃﻩ ﻗﻠﺖ ﻗﻠﺖ ﻟﻴﻬﻮﻡ ﺑﺴﻼﻣﺔ ﻣﻨﻴﻦ ﻛﻨﺖ ﺧﺎﺭﺟﺔ ﺣﺴﻴﺖ ﺑﻴﻪ ﻛﻴﺤﺒﺲ ﺍﻟﻀﺤﻜﺔ ﻏﻴﺮ ﺿﺤﻚ ﻣﺎﻓﻴﻬﺎ ﺑﺎﺱ ـ ﺳﻤﺤﻴﻠﻴﺎ ﻭﺍﺵ ﻏﺎﺩﻱ ﻧﻘﻮﻟﻴﻚ ﺍﻟﻘﻀﻴﺔ ﺣﺎﻣﻀﺔ ﻣﻬﻢ ﺃﺵ ﻏﺎﺩﻱ ﺩﻳﺮﻱ ﺩﺍﺑﺎ ـ BAC ـ ﻣﺰﻳﺎﻥ ﺩﻓﻌﻲ BAC libre ﻭﺟﺮﺑﻲ ﺣﻈﻚ ﻓﺸﻲ ﺩﻭﻣﻴﻦ ﺃﺧﺮ ـ ﻻ ﺃﻧﺎ ﻛﻨﻘﺼﺪ Bienvenue Au Chaumage ﻭ ﺧﻠﻴﺘﻮ ﻛﻴﻀﺤﻚ ﻭﺯﺩﺕ ﺑﺤﺎﻟﻲ ﻳﺘﺒﻊ
*********************

الجوء 9

ﻣﺎ ﻫﺬﺍ ﺍﻟﺤﻆ ﺍﻟﻌﺎﺛﺮ ؟ ﻭﺳﻴﻤﺎﻧﺔ ﻭ ﺃﻧﺎ ﻛﻨﻮﺟﺪ ﻟﻬﺎﺫ ﺍﻟﻤﻘﺎﺑﻠﺔ ﺗﺼﻮﺭﺕ ﺃﻛﻔﺲ ﺍﻟﻤﻮﺍﻗﻒ ﺍﻟﻠﻲ ﻣﻤﻜﻦ ﻃﺮﺍ ﻟﻴﺎ ﺗﺼﻮﺭﺕ ﺭﺍﺳﻲ ﻛﻨﻘﻔﻘﻒ ﺗﺼﻮﺭﺕ ﺭﺍﺳﻲ ﻣﺎﻛﻨﻌﺮﻓﺶ ﻧﻌﺒﺮ ﻭ ﻣﺎﺗﺨﻴﻠﺘﺶ ﺭﺍﺳﻲ ﺿﺎﺭﺑﺎﻧﻲ ﺍﻟﺴﺎﻛﺘﺔ ﺍﻟﻤﺴﻜﻮﺗﺔ ﻭﺻﻠﺖ ﻟﻠﺪﺍﺭ ﻭﺍﺵ ﺍﻟﻠﻲ ﻋﺎﻳﺶ ﻓﻬﺎﺫ ﺍﻟﻌﺎﺋﻠﺔ ﻏﻴﻄﻔﺮﻭ ﻟﻘﻴﺖ ﺳﺘﻲ ﺍﻟﺤﺒﺎﻳﺐ ﻳﺎﺣﺒﻴﺒﺔ ﻛﺘﺴﻨﺎﻧﻲ ﻋﻠﻰ ﺍﻟﺪﺧﻠﺔ ﺳﻮﻻﺗﻨﻲ : ﺃﻣﺪﺭﺓ ﺃﺵ ﺩﺭﺗﻲ ؟ ﺑﻘﻴﺖ ﺳﺎﻛﺘﺔ ﻭ ﻛﻨﺸﻮﻑ ﻓﻴﻬﺎ ﺟﺎﻭﺑﻬﺎ ﺍﻟﻤﻔﻀﻲ ﺩﻳﺎﻝ ﺧﻮﻳﺎ : ﻭﻇﻔﻮﻫﺎ ﻏﺘﻮﻟﻲ ﻫﻲ ﺍﻟﻤﺴﺌﻮﻟﺔ ﻋﻠﻰ ﺍﻟﺸﺮﻛﺔ ﺍﻟﻠﻪ ﻳﻬﺪﻳﻚ ﻳﺎﻟﻮﺍﻟﻴﺪﺓ ﺣﺘﻰ ﻧﺘﻲ ﻛﺘﺴﻮﻟﻴﻬﺎ ﻋﻠﻰ ﺑﺤﺎﻝ ﻫﺎﺫ ﺍﻟﻨﻮﻉ ﻛﻴﺨﺪﻡ ﻏﻴﺮ ﺧﺴﺮﺗﻲ ﻓﻠﻮﺳﻚ ﻭ ﻗﺮﻳﺘﻴﻬﺎ ﺷﻔﺘﻲ ﻛﻮﻥ ﺗﺒﻌﺘﻲ ﻫﻀﺮﺗﻲ ﻭ ﻣﻨﻴﻦ ﻛﺎﻧﺖ ﺻﻐﻴﺮﺓ ﺗﺨﺪﻣﻴﻬﺎ ﻓﺎﻟﺪﻳﻮﺭ ﻛﻮﻥ ﺩﺍﺑﺎ ﻧﺎﻓﻌﺔ ﺭﺍﺳﻬﺎ ﻭ ﻧﺎﻓﻌﺎﻙ ﺃﺧﻲ ﺍﻟﻌﺰﻳﺰ ﻟﻤﺎﺫﺍ ﻛﻞ ﻫﺬﺍ ﺍﻟﻜﺮﻩ ﺃﻧﺎ ﻏﻨﻮﺭﻳﻚ ﺗﻀﺤﻚ ﻋﻠﻴﺎ ﻳﺎﻟﺒﺎﺳﻞ : ﺑﺰﺍﻑ ﻋﻠﻴﻚ ﺍﻟﺨﺪﻣﺔ ﻓﺎﻟﺪﻳﻮﺭ ﺑﻌﺪﺍ ﻭﺍﺧﺎ ﻛﺎﻉ ﻣﺎﻧﺘﻘﺒﻠﺶ ﻣﻬﻢ ﻛﻨﺘﺤﺮﻙ ﻭ ﻛﻨﺪﻳﺮ ﻣﺠﻬﻮﺩ ﻣﺎﺷﻲ ﺑﺤﺎﻟﻚ ﻏﻴﺮ ﺟﺎﻟﺴﺔ ﻓﺬﺍﻙ ﺍﻟﺴﺪﺍﺭﻱ ﺣﻔﺮﺗﻴﻪ ﻣﺴﻜﻴﻦ ﻭﻻ ﻳﻄﻠﺐ ﻣﻌﻚ ﺍﻟﺸﺮﻉ ـ ﻫﺎﻧﺘﻲ ﺗﺤﺮﻛﺘﻲ ﺃﺵ ﻗﺪﻳﺘﻲ ﺩﺭﺗﻲ ﺷﻲ ﺣﺎﺟﺔ ﺍﻟﻠﻬﻢ ﺃﺟﻲ ﺗﻴﺘﻲ ﻧﻴﻨﻲ ﺣﺪﺍ ﺧﻮﻙ ﺍﻟﻠﻲ ﺑﻐﻰ ﻳﺮﺑﺢ ﺍﻟﻌﺎﻡ ﻃﻮﻳﻞ ـ ﺃﻧﺎ ﻛﺎﻉ ﺍﻳﻼ ﺟﻠﺴﺖ ﺟﺎﺕ ﻣﻌﺎﻳﺎ ﺃﻧﺎ ﻏﻴﺮ ﺑﻨﺖ ﺟﻠﺴﺖ ﻓﺎﻟﺪﺍﺭ ﻭ ﻻ ﺧﺮﺟﺖ ﺧﺪﻣﺖ ﻣﺎﻛﻴﻨﺶ ﺍﻟﻠﻲ ﻳﻬﻀﺮ ﻋﻠﻴﺎ ﻧﻜﻠﺲ ﻧﺘﺴﻨﻰ ﺯﻣﺎﻧﻲ ﻭ ﺷﻮﻑ ﻧﺘﺎ ﺍﻟﻠﻲ ﺩﺭﻱ ﻭ ﺗﺎﺑﻌﻚ ﻣﺴﺌﻮﻟﻴﺔ ﻭ ﺧﺎﺻﻚ ﺗﺰﻭﺝ ـ ﺃﺧﺘﻲ ﺍﻟﺼﻐﻴﺮﺓ ﺳﻤﻌﻲ ﻧﻘﻮﻟﻴﻚ ﻭﺍﺣﺪ 2 ﻛﻠﻤﺎﺕ ﻛﻴﻘﻮﻟﻴﻚ ﻭﺍﺣﺪ ﺍﻟﻤﺜﺎﻝ "ﺍﻟﺰﻭﺍﺝ ﺃﻭﻝ ﺣﺎﺟﺔ ﻛﻴﻔﻜﺮ ﻓﻴﻬﺎ ﺍﻟﻔﻘﻴﺮ ﻭ ﺛﺎﻧﻲ ﺣﺎﺟﺔ ﻛﻴﻔﻜﺮ ﻓﻴﻬﺎ ﺍﻟﻐﻨﻲ ﻭ ﺛﺎﻟﺚ ﺣﺎﺟﺔ ﻛﻴﻔﻜﺮ ﻓﻴﻬﺎ ﺍﻟﺤﻜﻴﻢ " ﻭ ﺧﻮﻙ ﻳﺎ ﺃﺧﺘﺎﻩ ﺣﻜﻴﻢ ﻭ ﺣﺘﻰ ﻧﺘﻲ ﻳﺎﻟﺰﻭﻳﻨﺔ ﺷﻔﺘﻲ ﺗﺒﺎﺭﻙ ﺍﻟﻠﻪ ﺍﻟﺨﻄﺎﺏ ﻏﻴﺮ ﻛﻴﻄﻠﺒﻮ ﻭ ﻳﺰﺍﻭﻛﻮ ﺗﻘﺒﻠﻴﻬﻮﻡ ﻧﻮﺿﻲ ﺷﻜﻮﻥ ﺩﺍﻫﺎ ﻓﻴﻚ ﻳﺎ ﺍﻟﻤﻌﺰﺓ ﺻﺎﻓﻲ ﻫﻨﺎ ﺧﻠﻴﺘﻮ ﻛﻴﺒﺮﻛﻢ ﻣﺎﻓﻴﺎ ﻣﺎﻳﺘﺰﺍﻳﺪ ﻣﻌﺎﻩ ﻓﺎﻟﻬﻀﺮﺓ ﺟﻴﺖ ﻧﺘﻐﺪﻯ ﺍﻟﻠﻪ ﻳﺴﻤﺢ ﻟﻴﻚ ﻳﺎﻟﻮﺍﻟﻴﺪﺓ ﺷﺎﻳﻔﺎﻧﻲ ﻣﻌﺼﺒﺔ ﻭﺯﺍﻳﺪﺍﻫﺎ ﺑﺪﻭﺍﺯ ﺍﻟﻠﻔﺖ ﻛﻠﻴﺖ ﻏﻴﺮ ﺑﺰﺯ ﻭ ﻣﺸﻴﺖ ﻋﻨﺪ ﺻﺎﺣﺒﺘﻲ ﺃﺳﻤﺎﺀ : ﻛﻴﺪﻭﺯﺗﻲ ـ ﻛﻲ ﻭﺟﻬﻲ ـ ﻫﻲ ﻗﻔﺮﺗﻴﻬﺎ ﻳﺎﻟﻤﺴﺨﻮﻃﺔ ـ ﻏﻴﺮ ﺧﻠﻴﻬﺎ ﻋﻠﻰ ﺍﻟﻠﻪ ﻭ ﺧﻠﻲ ﺫﺍﻙ ﺍﻟﺠﻤﻞ ﺭﺍﻛﺪ ـ ﻭﺍﺵ ﻣﺎﺟﺎﻭﺑﺘﻲ ﻋﻠﻰ ﻭﺍﻟﻮ ﻛﻠﺸﻲ ﺧﻄﺄ ـ ﺣﺘﻰ ﻧﻜﻮﻥ ﺑﻌﺪﺍ ﻫﻀﺮﺕ ﻋﺎﺩ ﻧﺸﻮﻓﻮ ﻭﺍﺵ ﺩﺍﻛﺸﻲ ﺧﻄﺄ ﻭﻻ ﺻﺤﻴﺢ ـ ﺃﻭﻳﻠﻲ ﻣﺎﻫﻀﺮﺗﻴﺶ ـ ﻭ ﺧﺘﻚ ﺑﺤﺎﻝ ﺍﻳﻼ ﺩﺍﺭﻭ ﻟﻴﻬﺎ Sélencieux ـ ﺻﺤﺎﺑﻠﻲ ﻧﻴﺖ ﻭ
******************

الجزء 10

ﺍﻳﻼ ﺩﺍﺭﻭ ﻟﻴﻬﺎ Sélencieux ـ ﺻﺤﺎﺑﻠﻲ ﻧﻴﺖ ﻭ ﻳﺎﺧﺘﻲ ﻓﺎﻟﺪﺍﺭ ﻛﻄﻴﺮﻱ ﻛﻈﻠﻲ ﺗﻌﺎﻳﺮﻱ ﻧﺘﻲ ﻭ ﻃﺎﺭﻕ ﻭ ﻓﻮﻗﺖ ﺍﻟﻠﻲ ﺧﺎﺻﻚ ﺗﻬﻀﺮﻱ ﻭ ﺗﻌﺒﺮﻱ ﺩﺭﺑﺘﻴﻬﺎ ﺑﺴﻜﺘﺔ ـ ﺍﻳﻮﺍ ﻫﺎﺫﻱ ﻫﻲ ﺩﻳﺎﻝ ﻧﻬﺎﺭ ﺑﻐﻴﺘﻚ ﻳﺎ ﻭﺟﻬﻲ ﻗﻤﺸﻮﻙ ﺍﻟﻤﺸﺎﺵ ـ ﺻﺎﻓﻲ ﻳﺎ ﺣﺒﻴﺒﺘﻲ ﻣﺎﺗﻔﻘﺴﻴﺶ ﺭﺍﺳﻚ ﻓﻴﻬﺎ ﺧﻴﺮ ـ ﺩﺍﻛﺸﻲ ﺍﻟﻠﻲ ﻛﺎﻳﻦ . ﻳﻮﻣﻴﻦ ﻭ ﺃﻧﺎ ﻛﻨﻘﻠﺐ ﻋﻠﻰ ﺷﻲ ﺷﺮﻛﺔ ﻧﺪﻓﻊ ﻟﻴﻬﺎ ﺛﺎﻧﻲ ﻣﺎﻓﻴﻬﺎ ﺑﺎﺱ ﺍﻹﻧﺴﺎﻥ ﺃﺻﻼ ﻣﺎﻛﻴﻜﻮﻧﺶ ﻣﻌﻮﻝ ﻋﻠﻰ ﺍﻟﺨﺪﻣﺔ ﻣﻦ ﺃﻭﻝ ﻣﻘﺎﺑﻠﺔ ﺣﻴﻨﺖ ﻛﺘﻜﻮﻥ ﻣﻜﻔﺴﺔ ﻭﺫﻛﺮﻯ ﺳﻮﺩﺍﺀ ﻓﻘﺖ ﻓﺎﻟﺼﺒﺎﺡ ﻋﻠﻰ ﺻﻮﺕ ﻫﺎﺗﻔﻲ ﻻ ﻣﺎﺷﻲ Réveil ﻫﺬﻱ ﻛﺎﻧﺖ Appel ﻛﻨﺸﻮﻑ ﻓﺘﻴﻠﻴﻔﻮﻧﻲ ﻋﻴﻨﻲ ﻭﺣﺪﺓ ﻣﺴﺪﻭﺩﺓ ﻭﻭﺣﺪﺓ ﻛﻨﺸﻮﻑ ﻧﻤﺮﺓ ﺩﻳﺎﻝ ﺷﻜﻮﻥ ﺍﻟﻠﻲ ﻣﺘﺎﺻﻞ ﺑﻴﺎ ﻋﻠﻰ ﺍﻟﺼﺒﺎﺡ ﻫﺎﺫ ﺍﻟﻨﻤﺮﺓ ﻣﺎﻛﻨﻌﺮﻓﻬﺎﺵ ﻣﺎﻣﺴﺠﻼﻫﺎﺵ ﻑ Répertoire ﺍﻟﺘﺒﺮﺯﻳﻂ ﻳﺎﺳﻴﺪﻱ ﺭﺑﻲ ﻭ 8 ﻫﺎﺫﻱ ﻳﺎﺑﻨﺎﺩﻡ : ﺃﻟﻮ ﻗﻠﺘﻬﺎ ﺑﻮﺍﺣﺪ ﺍﻟﻄﺮﻳﻘﺔ ﻛﻮﻥ ﺟﺎﻭﺑﻨﻲ ﺷﻲ ﻭﺍﺣﺪ ﺑﻴﻬﺎ ﻧﺒﻠﻮﻛﻲ ﻟﻴﻪ ﺍﻟﻨﻤﺮﺓ ﺟﺎﻭﺑﺎﺗﻨﻲ ﻭﺍﺣﺪ ﺍﻷﻧﺴﺔ ﺑﻮﺍﺣﺪ ﺍﻟﺼﻮﺕ ﺣﺴﺴﺘﻨﻲ ﺃﻧﻨﻲ ﻣﺎﺷﻲ ﺃﻧﺜﻰ : Allo Bonjour ـ ﺷﻜﻮﻥ ﻣﻌﺎﻳﺎ ـ ﻭﺍﺵ ﺍﻷﻧﺴﺔ ﺳﺎﺭﺓ ﻫﺎﺫﻱ ـ ﻫﻲ ﻫﺎﺫﻱ ﺷﻜﻮﻥ ﻧﺘﻲ ؟ ـ ﻣﻌﻚ ﺃﻣﺎﻝ ﺍﺣﺒﻴﺒﺔ Secrétaire ﻓﺸﺮﻛﺔ Web ﺍﻟﻠﻲ ﺩﻓﻌﺘﻲ ﻟﻴﻬﺎ ﻭ ﻫﻨﺎ ﻧﻘﺰﺕ ﻣﻦ ﺑﻼﺻﺘﻲ ﻣﻴﻤﺘﻲ ﻫﺎﺫﻱ ﻫﻲ ﺍﻟﺸﺮﻛﺔ ﺍﻟﻠﻲ ﺩﻭﺯﺕ ﻓﻴﻬﺎ ﺍﻟﻤﻘﺎﺑﻠﺔ ﻭ ﻫﻨﺎ ﻧﺒﺮﺓ ﺻﻮﺗﻲ ﺗﺒﺪﻻﺕ : ﻭ ﻳﺨﺘﻲ ﻳﺎﻙ ﻻﺑﺎﺱ ـ ﺣﺒﻴﺒﺔ ﺑﻐﻴﺘﻲ ﻧﺒﺸﺮﻙ ﺭﺍﻙ ﺗﻘﺒﻠﺘﻲ ﻓﺎﻟﺨﺪﻣﺔ ﻧﻬﺎﺭ ﺍﻹﺛﻨﻴﻦ ﻣﻊ 9 ﺇﻥ ﺷﺎﺀ ﺍﻟﻠﻪ ﺗﻜﻮﻧﻲ ﻋﻨﺪﻧﺎ ﺃﻧﺎ ﺑﺎﻗﺎ ﻣﺼﺪﻭﻣﺔ ﻣﺎﺟﺎﻭﺑﺘﻬﺎﺵ ﻣﺎﺗﻴﻘﺘﺶ ﻳﺪ ﺷﺎﺩﺍ ﺑﻴﻬﺎ ﺍﻟﺘﻴﻠﻴﻔﻮﻥ ﻭﻳﺪ ﺩﺍﻳﺮﺍﻫﺎ ﻋﻠﻰ ﻓﻤﻲ ﻣﻦ ﺍﻟﺼﺪﻣﺔ ﺗﻤﻨﺎﺕ ﻟﻴﺎ ﺃﻣﺎﻝ ﻧﻬﺎﺭ ﻣﺒﺮﻭﻙ ﻭﻗﻄﻌﺎﺕ ﺍﻹﺗﺼﺎﻝ ﻭ ﺃﻧﺎ ﺑﺎﻗﺎ ﻣﺎﻣﺴﺘﻮﻋﺒﺎﺵ ﻳﺘﺒﻊ
****************
جزء 11

ﺃﻧﺎ ﻟﻘﻴﺖ ﺧﺪﻣﺔ ﻟﻘﻴﺖ ﺧﺪﻣﺔ ﻭ ﺃﺧﻴﺮﺍ ﻏﻨﺴﺘﻘﻞ ﺑﺬﺍﺗﻲ ﻭ ﻧﺤﻘﻖ ﻛﺎﻉ ﺩﺍﻛﺸﻲ ﺍﻟﻠﻲ ﺑﻐﻴﺖ ﻭ ﺣﻠﻤﺖ ﻧﺸﺮﻳﻪ ﻭ ﺃﺟﻠﺘﻮ ﻧﻈﺮﺍ ﻟﻌﺪﻡ ﺗﻮﻓﺮ ﺍﻟﻌﻤﻠﺔ ﺍﻟﺼﻌﺒﺔ ﻓﻘﺖ ﻧﻬﺎﺭ ﺍﻻﺛﻨﻴﻦ ﻧﺎﺷﻄﺔ ﺃﻧﺎ ﻭﻟﻴﺖ ﻣﻮﻇﻔﺔ ﻣﺎﺑﻐﻴﺘﺶ ﻧﻔﻄﺮ ﻣﺎﺷﻲ ﺣﻴﻨﺖ ﻣﺎﻓﻴﺎﺵ ﺍﻟﺠﻮﻉ ﺭﺍﻛﻮﻡ ﻋﺎﺭﻓﻴﻦ ﻋﻼﺵ ﺑﻼ ﻣﺎﻧﻌﺎﻭﺩ ﺳﻠﻤﺖ ﻋﻠﻰ ﻣﺎﻣﺎ ﻭ ﺑﻘﺎﺕ ﻣﺴﻜﻴﻨﺔ ﻛﺪﻋﻲ ﻣﻌﺎﻳﺎ 9:00 ﻭﺍﻗﻔﺔ ﻭﺻﻠﺖ ﻟﻠﺸﺮﻛﺔ ﻣﺸﻴﺖ ﻋﻨﺪ ﺃﻣﺎﻝ : ﺳﻼﻡ ﺧﺘﻲ ﺃﻧﺎ ﺍﻟﻠﻲ ﺗﺎﺻﻠﺘﻮ ﺑﻴﺎ ﻋﻠﻰ ﻭﺩ ﺍﻟﺨﺪﻣﺔ ـ ﻭﻱ ﺣﺒﻴﺒﺔ ﺗﺴﻨﺎﻱ ﺑﻼﺗﻲ ﻳﺠﻲ Mr. Yousef ﺑﺎﺵ ﻳﻬﻀﺮ ﻣﻌﺎﻛﻢ ﻓﺎﻟﺘﻔﺎﺻﻴﻞ ﺟﻠﺴﻲ ﺗﺴﻨﺎﻳﻪ ﻣﻊ ﺍﻟﺸﺒﺎﺏ ﺭﺍﻛﻢ ﻛﻠﻜﻢ ﻏﺘﺨﺪﻣﻮ ﺇﻥ ﺷﺎﺀ ﺍﻟﻠﻪ ﻫﻮﻣﺎ ﻛﺎﻧﻮ ﻃﺎﻟﺒﻴﻦ 10 ﺩﻳﺎﻝ ﺍﻟﻤﻮﻇﻔﻴﻦ ﻭ ﻛﻴﺒﺎﻥ ﻟﻴﺎ ﻫﻨﺎ 10 ﻭ ﺃﻧﺎ ﻫﻲ 11 ﻣﺎﻟﻲ ﻛﻨﻌﻘﺪ ﺍﻷﻣﻮﺭ ﻳﻜﻮﻥ ﺣﺘﻰ 40 ﺷﺤﺎﻝ ﻋﺰﻳﺰ ﻋﻠﻴﺎ ﻧﺰﻳﺪ ﻓﻴﻪ ﺑﻘﻴﻨﺎ ﻣﻨﺸﻮﺭﻳﻦ ﻛﻨﺘﺴﻨﺎﻭ ﻫﺎﺫ ﺍﻟﺴﻲ ﻳﻮﺳﻒ ﻣﺰﺍﻝ ﻣﺎﺑﺎﻥ ﺟﺎﻟﺴﺔ ﺣﺪﺍ ﻭﺍﺣﺪ ﺍﻟﺒﻨﺖ ﻭﻫﻲ ﺗﻠﻔﺖ ﻟﻴﺎ : ﺟﻴﺘﻲ ﻋﻠﻰ ﻭﺩ ﺍﻟﺨﺪﻣﺔ ؟ ﻻ ﺟﻴﺖ ﻋﻠﻰ ﻭﺩ ﺷﻲ ﺳﺨﺮﺓ ﺑﻨﺎﺩﻡ ﻣﺎﻋﺮﻓﺘﺶ ﻭﺍﺵ ﻣﻜﻠﺦ ﻭﻻ ﻛﻴﺪﻳﺮﻫﺎ ﺑﻠﻌﺎﻧﻲ ﺟﺎﻭﺑﺘﻬﺎ : ﻭﻱ ﻭﻧﺘﻲ ؟ ـ ﺣﺘﻰ ﺃﻧﺎ ﺷﺮﻓﻴﻨﻲ ﺑﺴﻤﻴﺘﻚ ـ ﺳﺎﺭﺓ ﻭﻧﺘﻲ ؟ ـ ﺳﻤﻴﺘﻲ ﺣﺴﻨﺎﺀ ﻟﺤﺴﻨﺎﻭﻱ ﺍﺍﺍﺍﺡ ﺍﻗﻠﺒﻲ ﻓﻴﻦ ﻛﺎﻧﺖ ﻋﻴﻨﻴﻬﻢ ﺣﺘﻰ ﺳﻤﺎﻭﻙ ﺣﺴﻨﺎﺀ ﻻ ﻭﺯﺍﺩﻭﻫﺎ ﺣﺘﻰ ﺑﺎﻟﻜﻨﻴﺔ ﻟﺤﺴﻨﺎﻭﻱ ﺃﻧﺎ ﻛﻮﻥ ﺟﺎﺕ ﻋﻠﻴﺎ ﻳﺴﻤﻴﻮﻫﺎ ﻗﺒﻴﺤﺔ ﺍﻟﻘﺒﻴﺤﺎﻭﻱ ﻭﻻ ﺧﻴﺒﺔ ﺍﻟﺨﻴﺒﺎﻭﻱ ﺃﻭ ﻛﻮﻓﺮﺓ ﺍﻟﻜﻮﻓﺮﺍﻭﻱ ﺗﺠﻲ ﻣﻌﺎﻫﺎ ﺣﺴﻦ ﻭ ﺗﻔﻜﺮﺕ ﺑﻼﺗﻲ ﺭﺍﻩ ﺣﺘﻰ ﺃﻧﺎ ﺳﻤﻴﺘﻲ ﺳﺎﺭﺓ ﻭ ﺳﺎﺭﺓ ﻛﺘﻌﻨﻲ ﺑﺸﻲ ﻟﻐﺔ ﻫﻲ ﺍﻟﺠﻤﻴﻠﺔ ﺑﻼ ﻣﺎﺗﺸﻔﺎﻱ ﺭﺍﻛﻮﻡ ﺑﺤﺎﻝ ﺑﺤﺎﻝ 10:30 ﻭﺳﻲ ﻳﻮﺳﻒ ﻋﺎﺩ ﺟﺎﻱ ﻃﻮﻳﻞ ﻭ ﺑﻴﺾ ﻭﺑﺎﻗﻲ ﺻﻐﻴﺮ ﺷﻌﺮﻭ ﺭﻃﻴﻄﺐ ﻭ ﺍﻟﻠﺤﻴﺔ ﺳﻤﺤﻮﻟﻴﺎ ﺧﺘﻜﻢ ﺯﻫﻮﺍﻧﻴﺔ ﻛﺘﺸﻮﻑ ﺍﻟﺰﻳﻦ ﻭ ﻛﺪﻭﺥ ﻭﺻﻞ ﺣﺪﺍﻧﺎ ﻭ ﻣﺨﻨﺰﺭ ﺷﺎﻓﻴﻨﺎ : ﺗﺒﻌﻮﻧﻲ ﻟﻠﻤﻜﺘﺐ ﻣﺸﻴﻨﺎ ﻣﻌﺎﻩ ﺩﺧﻠﻨﺎ ﻟﻮﺍﺣﺪ ﺍﻟﻘﺎﻋﺔ ﻛﻞ ﻭﺍﺣﺪ ﺟﻠﺲ ﻓﻜﺮﺳﻲ ﺷﺎﻑ ﻓﻴﺎ ﺣﺒﺲ ﺍﻟﻀﺤﻜﺔ ﻭﺯﺍﺩ ﻫﺬﺍ ﻫﻮ ﺍﻟﻠﻲ ﺩﻭﺯ ﻟﻴﺎ l’entretien ﻋﻘﻞ ﻋﻠﻴﺎ ﺻﻌﻴﺐ ﻳﻨﺴﺎﻧﻲ ﺃﺻﻼ ﻋﻼﺵ ﻓﻴﻦ ﻋﻤﺮﻭ ﺩﻭﺯ ﺷﻲ ﻣﺮﺷﺢ ﺑﺤﺎﻟﻲ ﻏﻴﺮ ﺳﺎﻛﺖ ﻭ ﻗﺎﻝ ﺟﻤﻠﺔ ﻭﺣﺪﺓ ﺑﺴﻼﻣﺔ ﻫﺎﺫ ﺍﻟﺴﻲ ﻳﻮﺳﻒ ﻭﺍﻟﻮ ﻳﺎ ﺭﺑﻲ ﺍﻟﺴﻼﻣﺔ
********************
زء 12

هاذ السي ﻳﻮﺳﻒ ﻭﺍﻟﻮ ﻳﺎ ﺭﺑﻲ ﺍﻟﺴﻼﻣﺔ ﻣﺎﻛﻴﻀﺤﻜﺶ ﻳﺎﻛﻤﺔ ﻣﺎﻋﻨﺪﻭﺵ ﺍﻟﺴﻨﺎﻥ ﻭ ﺍﻟﺴﻲ ﺭﺍﻩ ﺣﻨﺎ ﻏﻨﺨﺪﻣﻮ ﻑ l’info ﻣﺎﺷﻲ ﻓﺎﻟﻌﺴﻜﺮ ﻃﻠﻖ ﺍﻟﻠﻌﺐ ﺷﻮﻳﺔ : ﻣﺮﺣﺒﺎ ﺑﻴﻜﻢ ﻓﺸﺮﻛﺔ Web ﻫﺎﺫ ﺍﻟﺸﺮﻛﺔ ﻣﺎﺷﻲ ﺑﺰﺍﻑ ﺑﺎﺵ ﺗﺄﺳﺴﺖ ﻳﺎﻻﻩ 8 ﺳﻨﻴﻦ ﺩﺍﺑﺎ ﺑﺎﺵ ﺩﺍﺭﺕ ﺑﻼﺻﺘﻬﺎ ﻓﺎﻟﺴﻮﻕ ﻛﻴﻤﺎ ﺗﻌﺮﻓﻮ ﺣﻨﺎ ﻛﻴﺨﺼﻨﻲ ﻧﺮﺑﺤﻮ Des Projets ﻭ ﻛﻨﺨﺪﻣﻮ ﻋﻠﻴﻪ ﻋﻠﻰ ﺷﻜﻞ équipe ﻃﺒﻌﺎ ﻧﺘﻮﻣﺎ ﺍﻟﻤﺴﺄﻟﺔ ﺩﻳﺎﻝ Les marchés et les Projets ﻣﺎﻋﻨﺪﻛﻢ ﻣﺎﺩﻳﺮﻭ ﺑﻴﻬﺎ ﻧﺘﻮﻣﺎ ﻛﺘﺨﺪﻣﻮ ﻑ Partie de développement de Logiciel ﺃﻫﻢ ﺣﺎﺟﺔ ﻛﻴﻌﺘﺎﻣﺪ ﻋﻠﻴﻬﺎ ﻭ ﺃﻫﻢ ﻣﻴﺰﺓ ﺧﺎﺻﻬﺎ ﺗﻜﻮﻥ ﻓﺼﺤﺎﺏ l’info ﻫﻲ l’esprit d’équipe ﻛﺘﺨﺪﻣﻮ ﻋﻠﻰ ﺃﺳﺎﺱ ﺃﻧﻜﻢ ﺷﺨﺺ ﻭﺍﺣﺪ ﻭ ﻧﺴﺎﻭ ﻋﻠﻴﺎ ﻣﺴﺄﻟﺔ ﺩﻳﺎﻝ ﺍﻟﻤﻨﺎﻓﺴﺔ ﻭﻻ ﺧﺎﺻﻨﻲ ﻧﺒﺎﻥ ﺣﺴﻦ ﻣﻦ ﻛﻠﺸﻲ ﺩﺍﻛﺸﻲ ﺧﻠﻴﺘﻮﻩ ﻓﺎﻟﻘﺮﺍﻳﺎ ﺃﻣﺎ ﺩﺍﺑﺎ ﻏﺘﺨﺪﻣﻮ ﻛﻔﺮﻳﻖ ﻧﻌﺮﻓﻜﻮﻡ ﺑﺮﺍﺳﻲ ﺃﻧﺎ ﻳﻮﺳﻒ Ingénieur d’état et votre Encadrant ﺍﻟﻠﻲ ﺧﺼﺎﺗﻜﻢ ﺃﻧﺎ ﻣﻮﺟﻮﺩ ﺑﺎﺵ ﻧﻮﺟﻬﻜﻢ ﻏﺘﺪﻭﺯﻭ ﺑﻌﺪﺍ ﻣﻦ ﻓﺘﺮﺓ ﺗﺪﺭﻳﺐ ﻣﺪﺓ ﺩﻳﺎﻟﻬﺎ 4 ﺃﺷﻬﺮ ﻏﺘﻌﻠﻤﻮ ﺧﻼﻟﻬﺎ ﺃﺳﺲ ﺍﻟﻌﻤﻞ ﻭ les logiciels w les Plateformes ﺑﺎﺵ ﻛﻨﺨﺪﻣﻮ ﻭﺃﻱ ﺗﻘﺼﻴﺮ ﺧﻼﻝ ﻣﺪﺓ ﺗﺪﺭﻳﺐ ﻳﻌﺘﺒﺮ ﻓﻴﻬﺎ ﺍﻟﻤﺘﺪﺭﺏ ﻧﻔﺴﻮ ﻣﺎﻣﺮﺳﻤﺶ ﻣﻌﺎﻧﺎ ﺇﺳﺘﻌﻤﺎﻝ ﺍﻟﺰﻣﻦ ﻋﻠﻰ ﺍﻟﺸﻜﻞ ﺍﻷﺗﻲ ﺍﻟﺘﻮﻗﻴﺖ ﺍﻟﻤﺴﺘﻤﺮ ﻣﻦ 9:00 ﺣﺘﻰ 16:00 ﻣﻊ ﺍﺳﺘﺮﺍﺣﺔ ﺳﺎﻋﺔ ﻭﺣﺪﺓ ﻣﻦ 12:00 ﻝ 13:00 ﺗﻐﺪﺍﻭ ﻓﻴﻬﺎ ﻭﻻ ﺗﻨﻌﺴﻮ ﻭﻻ ﻧﺎﻗﺸﻮ ﻭﻻ ﺷﺎﻃﻴﻮ )ﺍﻟﻌﺰ ﻃﺎﻟﻘﻴﻦ ﺍﻟﻮﻳﻔﻲ (ﻣﺎﺷﻐﻠﻨﺎﺵ ﻣﻬﻢ ﻓﺄﻭﻗﺎﺕ ﺍﻟﻌﻤﻞ ﻣﺎﻧﺒﻐﻲ ﻧﺸﻮﻑ ﺣﺘﻰ ﻣﺨﺎﻟﻔﺔ ﻣﻔﻬﻮﻡ ﺑﺼﻮﺕ ﻭﺍﺣﺪ ﺟﺎﻭﺑﻨﺎ ﻣﻔﻬﻮﻡ ﻳﺘﺒﻊ
*********************
ﺭﺕ 13

ﻣﺎﻛﺎﻳﻦ ﻏﻴﺮ ﺍﻟﺨﺪﻣﺔ ﺍﻟﺼﺮﺍﺣﺔ ﺍﻟﺤﻤﺪ ﻟﻠﻪ l’équipe ﺑﻌﺪﺍ ﻟﺤﺪ ﺍﻟﺴﺎﻋﺔ ﻣﺘﻔﺎﻫﻤﻴﻦ ﻛﻨﺎ 5 ﺩﺭﺍﺭﻱ ﻭ 6 ﺩﻳﺎﻝ ﺍﻟﺒﻨﺎﺕ ﻛﻞ ﻭﺍﺣﺪ ﻓﺎﺵ ﺧﺪﺍﻡ ﺃﻧﺎ ﻭ ﺣﺴﻨﺎﺀ ﻭﻭﺍﺣﺪ ﺍﻟﺒﻨﺖ ﺳﻤﻴﺘﻬﺎ ﻟﻤﻴﺎﺀ ﺧﺪﺍﻣﻴﻦ ﻑ partie de design ﻣﺎﻟﻘﺎﻭ ﻟﻤﻦ ﻳﻌﻄﻴﻮ ﻫﺎﺫ ﺍﻟﺨﺪﻣﺔ ﻏﻴﺮ ﻟﻴﻨﺎ ﻛﻮﻥ ﻛﺎﻥ ﺍﻟﺨﻮﺥ ﻛﻴﺪﺍﻭﻱ ﻛﻮﻥ ﺩﺍﻭﺍ ﺭﺍﺳﻮ ﺣﺎﻟﺘﻨﺎ ﺗﺸﻔﻲ ﺍﻟﻌﺪﻭ ﻭ ﻋﻄﺎﻭﻧﺎ ﺍﻟﺒﺎﺭﺗﻲ ﺩﻳﺎﻝ ﺍﻟﺰﻭﺍﻕ ﺯﻭﻗﻨﺎ ﺣﺘﻰ ﺭﺍﺳﻨﺎ ﻣﺸﻴﻨﺎ ﻧﺘﻐﺪﺍﻭ ﻓﻮﺍﺣﺪ ﺍﻟﺮﻳﺴﻄﻮ ﻣﻊ 12:00 ﺃﺵ ﻏﻨﻌﺎﻭﺩ ﻋﻠﻴﻪ ﺭﻳﺴﻄﻮ ﻏﺰﺍﺍﺍﺍﻝ ﻭ ﻓﻬﻮﺍﺀ ﺍﻟﻄﻠﻖ ﻭ ﻏﺎﻟﻲ ﻓﻌﻼ ﻣﺎﻋﻨﺪﻳﺶ ﺍﻟﻜﻤﺎﺭﺓ ﻋﻼﺵ ﻧﺤﺸﻢ ﻣﺸﻴﻨﺎ ﺗﻐﺪﻳﻨﺎ ﻓﺴﻨﺎﻙ ﺧﺪﻳﻨﺎ ﺑﺎﻧﻴﻨﻲ ﺩﻳﺎﻝ 5 ﺩﺭﺍﻫﻢ ﻭ ﻃﺒﺴﻴﻞ ﺩﻳﺎﻝ ﺍﻟﻔﺮﻳﺖ ﺏ 4 ﺩﺭﺍﻫﻢ ﺗﺸﺎﺭﻛﻨﺎ ﻓﻴﻪ ﻭ ﺍﻟﺪﻳﺴﻴﺮ ﻣﺸﻴﻨﺎ ﻋﻨﺪ ﻣﻮﻝ ﺍﻟﺰﻳﺘﻮﻥ ﺧﺪﻳﻨﺎ ﺍﻟﺮﻭﻳﺰﺓ ﺏ 2 ﺩﺭﺍﻫﻢ ﻭﺭﺟﻌﻨﺎ ﻟﻠﺨﺪﻣﺔ ﻣﻊ 12:30 ﻣﺰﺍﻝ ﻣﺎﺳﺎﻻﺕ La pause ﺑﻘﻴﻨﺎ ﺟﺎﻟﺴﻴﻦ ﻛﻨﻬﻀﺮﻭ ﺣﺘﻰ ﺟﺒﺪﺍﺕ ﺣﺴﻨﺎﺀ ﻭﺍﺣﺪ Catalogue ﺩﻳﺎﻝ Avon ﺃﻭﻳﻠﻲ ﻋﻠﻰ ﺍﻟﻤﺼﻴﺒﺔ ﺑﻐﺎﺕ ﺗﺨﺮﺝ ﻋﻠﻴﻨﺎ : ﺷﻮﻓﻮ ﻳﺎﻟﺒﻨﺎﺕ ﺷﺎﺭﻛﻨﺎ ﺍﻟﻤﻠﺤﺔ ﻭﺍﻟﻄﻌﺎﻡ ﻭ ﺗﻤﺸﻲ ﺗﻐﺪﺭﻧﻲ ﺷﻲ ﻭﺣﺪﺓ ﻓﻴﻜﻢ ﻭ ﺗﺸﺮﻱ ﺍﻟﻤﺎﻛﻴﺎﺝ ﻣﻦ ﻋﻨﺪ ﺷﻲ ﻭﺣﺪﺓ ﻫﺎﻧﺎ ﺗﻌﺎﻭﻧﻮ ﻣﻊ ﺧﺘﻜﻢ ﻭ ﺷﺮﻳﻮ ﻣﻦ ﻋﻨﺪﻱ ﺃﻧﺎ ﺟﺎﻟﺴﺔ ﻭ ﺧﺎﻳﻔﺔ ﻻﻳﺠﻲ ﻳﻮﺳﻒ ﻳﺤﺼﻠﻨﺎ : ﻭﺍﺵ ﺣﻤﺎﻗﻴﺘﻲ ﺧﺒﻲ ﺩﺍﻛﺸﻲ ـ ﻣﺎﻟﻚ ﻛﺘﻘﻔﻘﻔﻲ ﻏﻴﺮ ﺑﻮﺣﺪﻙ ﺭﺍﻩ la pause ﻣﺰﺍﻝ ﻣﺎﺳﺎﻻﺕ ﻭ ﺃﺟﻲ Demander ﻋﻠﻰ ﺷﻲ ﺣﺎﺟﺔ ﺭﺍﻩ ﺩﺍﻳﺮﻳﻦ Promotion ﻫﺎﺫ ﺍﻷﻳﺎﻡ ـ ﺃﻧﺎ ﻣﺎﻋﻨﺪﻳﺶ ﻣﻊ ﻫﺎﺩﺷﻲ ﻭﺍﺵ ﺑﺎﻳﻦ ﻟﻴﻚ ﺩﺍﻳﺮﺓ ﺷﻲ ﻣﺎﻛﻴﺎﺝ ـ ﻭﺭﺍﻙ ﻏﺘﺤﺘﺎﺟﻴﻪ ﻣﺎﻟﻜﻲ ﺭﺍﻩ ﺩﺍﺑﺎ ﻧﺘﻲ ﺧﺪﺍﻣﺔ ﺧﺎﺻﻚ ﺗﻬﻼﻱ ﻓﺮﺍﺳﻚ ﻗﻠﺖ ﻟﻴﻬﺎ ﻓﺨﺎﻃﺮﻱ ﺗﻬﻼﻱ ﻓﺮﺍﺳﻚ ﻏﻴﺮ ﻧﺘﻲ ﻛﻮﻥ ﺷﺎﻓﺘﻚ Avon ﺧﺪﺍﻣﺔ ﻣﻌﺎﻫﻮﻡ ﻛﻮﻥ ﺳﺪﺍﺕ ﺷﺤﺎﻝ ﻫﺎﺫﻱ ﺧﺸﻴﺖ ﺭﺍﺳﻲ ﺣﺘﻰ ﺃﻧﺎ ﻣﻌﺎﻫﻢ ﻛﻨﺸﻮﻑ ﻫﻮﻣﺎ ﻛﻴﺸﻮﻓﻮ ﺍﻟﺮﻭﺍﻳﺢ ﻭﺍﻟﻤﻜﻴﺎﺝ ﻭ ﺃﻧﺎ ﺣﺎﺩﻳﺎ ﻏﻴﺮ model ﻫﺎﺫ ﺍﻟﺪﺭﺍﺭﻱ ﺍﻟﻠﻲ ﻛﻴﺪﻳﺮﻭ ﺍﻹﺷﻬﺎﺭ ﺩﻳﺎﻝ ﺍﻟﺮﻳﺤﺔ ﺷﺤﺎﻝ ﻏﺰﺍﻟﻴﻴﻴﻦ ﺍﻟﻨﺎﺱ ﻓﺎﻟﻨﺎﺱ ﻭ ﺍﻟﻘﺮﻋﺔ ﻓﻤﺸﻴﻂ ﺍﻟﺮﺍﺱ ﺫﻳﻚ ﺍﻟﺮﻭﻳﺰﺓ ﺟﺎﺑﺖ ﻟﻴﺎ ﺍﻟﺸﺤﻔﺔ 12:45 ﺑﺎﻗﻲ ﺍﻟﺤﺎﻝ ﻧﻤﺸﻲ ﻧﺠﻴﺐ ﺍﻟﻤﺎﺀ ﺧﺮﺟﺖ ﻭ ﻛﻴﺒﺎﻥ ﻟﻴﺎ ﻭﺍﺣﺪ ﺍﻟﺪﺭﻱ ﺑﺤﺎﻝ ﻫﺬﻭﻙ model ﺩﻳﺎﻝ Avon ﻛﻴﻬﻀﺮ ﻣﻊ Chef de service ﻭ ﻛﻴﻀﺤﻚ ﻣﻌﺎﻫﺎ ﻓﻴﻦ ﺷﻔﺘﻮ ﺃﻩ ﻫﻮ ﺍﻟﻠﻲ ﻃﺎﺣﺖ ﻟﻴﻪ Clé USB ﺫﺍﻙ ﺍﻟﻨﻬﺎﺭ ﻫﺎﺫ ﺍﻟﻤﺮﺓ ﻣﻘﺎﺩ ﺷﻮﻳﺔ ﻣﺎﺷﻲ ﺗﻜﺮﻓﻴﺴﺔ ﺩﻳﺎﻝ ﺫﻳﻚ ﺍﻟﻤﺮﺓ ﻣﻦ ﺑﻌﺪ ﻣﺸﻰ ﻋﻨﺪ ﺃﻣﺎﻝ ﺍﻟﺴﻜﺮﺗﻴﺮﺓ ﻭ ﺧﺪﺍ ﺷﻲ ﻭﺭﺍﻕ ﻏﺎﺩﻱ ﻓﺎﻟﻄﺮﻳﻖ ﻭ ﺃﻧﺎ ﻧﻮﻗﻒ ﻋﻠﻴﻪ : ﺍﻟﺴﻼﻡ ﻋﻘﻠﺘﻲ ﻋﻠﻴﺎ ؟ ﺑﻘﺎ ﻛﻴﺸﻮﻑ ﻓﻴﺎ ﻛﻴﺤﻘﻖ ﻣﺰﻳﺎﻥ : ﻭﻱ ﻧﺘﻲ ﺍﻟﻠﻲ ﻛﻨﺖ ﻛﺪﻭﺯﻱ l’entretien ﺳﺎﻓﺎ ـ ﺳﺎﻓﺎ ﺍﻟﺤﻤﺪ ﻟﻠﻪ ﻭﻧﺖ؟
*******************
لجزء 14

ﺳﺎﻓﺎ ـ ﺳﺎﻓﺎ ﺍﻟﺤﻤﺪ ﻟﻠﻪ ﻭﻧﺖ؟ ـ ﺍﻟﺤﻤﺪ ﻟﻠﻪ ﻛﻴﺒﺎﻥ ﻟﻴﺎ ﺗﻘﺒﻠﺘﻲ ﻣﺰﺍﻝ ـ ﻭﻱ ﺍﻟﻜﺮﺳﻲ ﻋﻄﺎ ﺍﻟﻤﻔﻌﻮﻝ ـ ﺃﺷﻤﻦ ﻛﺮﺳﻲ ـ ﻣﺎﺗﺪﻳﺶ ﻋﻠﻴﺎ ﻧﺘﻰ ﺧﺪﺍﻡ ﻫﻨﺎ ؟ ـ ﺃﺵ ﺑﺎﻥ ﻟﻴﻚ ؟ ـ ﺃﻧﺎ ﻛﻨﻌﺘﻘﺪ ﺑﺎﻟﻠﻲ ﻧﺘﻰ ﻫﻮ Comptable ـ Comptable ؟ ﺃﺷﻨﻮ ﺧﻼﻙ ﺗﻌﺘﺎﻗﺪﻱ ﻫﺎﻛﺎ ـ ﺑﺎﻳﻨﺔ ﺭﺍﻩ ﻏﻴﺮ ﻫﻮﻣﺎ ﺍﻟﻠﻲ ﻛﻴﻜﻮﻧﻮ ﻣﻀﺎﺳﺮﻳﻦ ﻣﻊ ﺍﻟﺒﻨﺎﺕ ﻓﺎﻟﺸﺮﻛﺔ ﻭ ﻋﺰﺍﺯ ﻋﻠﻰ ﻛﻠﺸﻲ ﺣﻴﻨﺖ ﺍﻟﻘﻀﻴﺔ ﻓﻴﻬﺎ ﺍﻟﻔﻠﻮﺱ ـ ﻻ ﺁﻧﺴﺔ ﺃﻧﺎ ﻣﺎﺷﻲ Comptable ـ ﻭﻓﺎﺵ ﺧﺪﺍﻡ ـ ﺃﻧﺎ ﺍﻟﻠﻲ ﻣﺴﺌﻮﻝ ﻋﻠﻰ ﺍﻟﻌﻼﻗﺎﺕ ـ ﺃﺣﻴﺎﻧﻲ ﻋﻠﻴﻚ ﻳﺎﺷﻼﻫﺒﻲ ﻧﺘﻰ ﺭﺍﻙ ﻣﺴﺌﻮﻝ ﻋﻠﻰ ﻋﻼﻗﺎﺗﻚ ﺷﻔﺘﻚ ﻣﻊ Chef de service ﻛﻀﺤﻚ ﺣﻨﺎﻳﺎ ﺩﺍﻳﺮﺓ ﻟﻴﻨﺎ ﺍﻟﺤﺒﺲ ﻭﻧﺘﻰ ﻭﺍﺧﺪﺓ ﻣﻌﻚ ﺭﺍﺣﺘﻬﺎ ـ ﺷﻼﻫﺒﻲ ؟ ﻣﻘﺒﻮﻟﺔ ﻣﻨﻚ ﺷﻜﻮﻥ Encadrant ﺩﻳﺎﻟﻚ ؟ ـ Mr. Yousef ـ 13:10 ﻫﺎﺫﻱ ﺃﻋﺪﻯ ﺣﺎﺟﺔ ﻋﻨﺪ ﻳﻮﺳﻒ ﻫﻮ ﺍﻟﺘﺄﺧﻴﺮ ـ ﻭﻳﻠﻲ ﻭﻳﻠﻲ ﺩﺑﺮﺕ ﻋﻠﻴﻬﺎ ﺍﻟﻴﻮﻡ ﻳﺠﺮﻱ ﻋﻠﻴﺎ ﺑﺴﻼﻣﺔ ﻋﻠﻴﻚ ﻧﻤﺸﻲ ﻧﺮﻏﺐ ﺍﻟﺸﺎﻑ ﻳﺴﻤﺢ ﻟﻴﺎ ﻭﻟﻜﻦ ﺍﻟﻠﻲ ﻏﻴﺤﻤﻘﻨﻲ ﻓﻬﺎﺫ ﺍﻟﺸﺮﻛﺔ ﻓﻴﻬﺎ ﺍﻟﺰﻳﻦ ﺍﻟﻮﺍﺣﺪ ﻫﻮ ﺍﻟﻠﻲ ﻳﺨﺪﻡ ﻓﺄﺟﻮﺍﺀ ﺑﺤﺎﻝ ﻫﺎﻛﺎ ﻳﺨﺪﻡ ﻭ ﻳﻤﺘﻊ ﻋﻮﻳﻨﺎﺗﻮ ﻳﺘﺒﻊ
*************************
ﺒﺎﺭﺕ 15

ﻓﻠﺖ ﻣﻨﻬﺎ ﻫﺎﺫ ﺍﻟﻤﺮﺓ ﺷﺤﺎﻝ ﺑﻘﻰ ﻛﻴﻐﻮﺙ ﺣﺘﻰ ﻓﻜﺮﺕ ﻧﻘﺪﻡ ﺍﺳﺘﻘﺎﻟﺘﻲ ﻭ ﻧﻤﺸﻲ ﺑﺤﺎﻟﻲ ﻭ ﺗﻔﻜﺮﺕ ﻣﺰﺍﻝ ﻛﺎﻋﻤﺎ ﺳﺨﻨﺖ ﺑﻼﺻﺘﻲ : ﻣﺰﺍﻝ ﻣﺎﻫﺪﺍﻙ ﺍﻟﻠﻪ ﺗﺸﺮﻱ ﻣﻦ ﻋﻨﺪﻱ ﺷﻲ ﺣﺎﺟﺔ ؟ ـ ﺣﺴﻨﺎﺀ ﺍﻟﻠﻪ ﻳﻌﻄﻴﻚ ﺍﻟﺴﺘﺮ ﺣﻨﺎ ﺧﺪﺍﻣﻴﻦ ﺩﺍﺑﺎ ﺷﻔﺘﻲ ﺫﻳﻚ ﺍﻟﻤﺮﺓ ﺗﻌﻄﻠﺖ 10 ﺩﻗﺎﺋﻖ ﺃﺵ ﺩﺍﺭ ﻟﻴﺎ ﺩﺍﺑﺎ ﻳﺸﻮﻓﻨﺎ ﻛﻨﻘﻠﺒﻮ Cataloguee ﺩﻳﺎﻝ ﺍﻟﻤﺎﻛﻴﺎﺝ ﺃﺵ ﻏﻴﺪﻳﺮ ﻟﻴﻨﺎ ﻏﻴﺰﻭﻕ ﻟﻴﻨﺎ ﻭﺟﻬﻨﺎ ﺑﻼ  ﻣﺎﻛﻴﺎﺝ ـ ﺑﺎﺯ ﻋﻠﻴﻚ ﺯﻋﻤﺔ ﻏﻴﺮ ﻏﺎﺩﻱ ﺗﺸﺮﻱ ـ ﻭﺻﺎﻓﻲ ﻗﻠﺒﻲ ﻋﻠﻴﺎ ـ ﺃﻧﺎ ﻋﺎﺭﻓﺎﻙ ﺑﺎﻟﺨﺎﺋﻨﺔ ﻋﻼﺵ ﻣﺎﻛﺘﺸﺮﻳﺶ ﻣﻦ ﻋﻨﺪﻱ ـ ﻋﻼﺵ ؟ ـ ﻛﺘﺸﺮﻱ ﻣﻦ ﻋﻨﺪ ﺳﻜﺮﻳﺘﻴﺮﺓ ﺩﻳﺎﻝ ﻳﻮﺳﻒ ﺧﺪﺍﻣﺔ ﻑ Oriflamme ﻛﺘﺮﺷﻴﻬﺎ ﺑﺎﺵ ﺗﻮﺳﻂ ﻟﻴﻚ ﻣﻌﺎﻩ ﺑﺎﺵ ﻳﺮﺳﻤﻚ ﺩﺍﻏﻲ ـ ﻧﻤﻮﺕ ﻭﻧﻌﺮﻑ ﺃﺵ ﻋﻨﺪﻙ ﺑﻼﺻﺔ ﺫﺍﻙ ﺍﻟﺪﻣﺎﻍ ﺧﺪﻣﻲ ﻭ ﺳﻜﺘﻲ ﺍﻟﺼﺮﺍﺣﺔ ﺍﻟﺨﺪﻣﺔ ﺯﻭﻳﻨﺔ ﻭﻋﺎﺟﺒﺎﻧﻲ ﻭﻟﻜﻦ ﻣﺎﻓﻴﻬﺎﺵ ﺩﺍﻛﺸﻲ ﺍﻟﻠﻲ ﻛﻨﺒﻐﻲ "ﺍﻟﻐﻤﻮﺽ" ﻣﻦ ﻏﻴﺮ ﻳﻮﺳﻒ ﺍﻟﻠﻲ ﻣﺮﺓ ﻣﺮﺓ ﻛﻨﺸﻮﻑ ﺑﺎﻟﻠﻲ ﺷﺨﺼﻴﺔ ﻏﺎﻣﻀﺔ ﻻ ﻭﺍﻟﻮ ﺍﻟﺮﻭﺗﻴﻦ ﻭﺣﻠﺖ ﻓﻮﺍﺣﺪ Code ﺳﻮﻟﺖ ﻋﻠﻴﻪ Mes collègues ﻭﺍﻟﻮ ﻣﺎﻋﺮﻓﻮﻫﺶ ﻧﻤﺸﻲ ﻋﻨﺪ ﻳﻮﺳﻒ ﻭﻛﺎﻥ ﻳﺤﻞ ﻣﻌﺎﻳﺎ ﺍﻟﻤﺸﻜﻞ ﻫﺰﻳﺖ ﻣﻌﺎﻳﺎ PC ﻭﻣﺸﻴﺖ ﻟﻠﺒﻴﺮﻭ ﺳﻮﻟﺖ ﻋﻠﻴﻪ ﺍﻟﺴﻜﺮﻳﺘﻴﺮﺓ ﺍﻟﻠﻲ ﺧﺪﺍﻣﺔ ﻑ Oriflamme ﻗﺎﻟﺘﻠﻲ ﻋﻨﺪﻭ ﺷﻲ ﺣﺪ ﺗﺴﻨﻴﺘﻮ ﺣﺘﻰ ﻳﺨﺮﺝ ﺟﺎﻟﺴﺔ ﻭ ﻛﻴﺒﺎﻥ ﻟﻴﺎ ﺍﻟﻤﺴﺌﻮﻝ ﻋﻦ ﺍﻟﻌﻼﻗﺎﺕ ﺣﺘﻰ ﻫﻮ ﻛﻴﺴﻮﻝ ﻋﻠﻰ ﻳﻮﺳﻒ : ﺃﻫﻼ Comptable ﺳﻤﺤﻠﻲ Bonjour mon Responsable ـ Bonjour Technicien ﺳﻤﺤﻴﻠﻲ ﺗﻴﻜﻮﻧﻴﺴﻴﺎﻧﺔ ـ ﻛﻴﺪﺍﻳﺮ ﻻﺑﺎﺱ ﻋﻠﻴﻚ ـ ﺍﻟﺤﻤﺪ ﻟﻠﻪ ﺁﻧﺴﺔ ﺷﺮﻓﻴﻨﻲ ﺑﺎﻻﺳﻢ ﺩﻳﺎﻟﻚ ـ ﺳﺎﺭﺓ ـ ﺳﺎﺭﺓ ﻣﺘﺸﺮﻓﻴﻦ ﺃﻧﺎ ﺳﻤﻴﺘﻲ ﻣﺮﻭﺍﻥ ـ ﻣﺘﺸﺮﻓﻴﻦ ﺑﻐﻴﺘﻲ ﺍﻟﺴﻲ ﻳﻮﺳﻒ ـ ﻭﻱ ﺑﻐﻴﺘﻮ ﻓﺸﻲ ﺧﺪﻣﺔ ـ ﺍﻳﻮﺍ ﻛﻠﻨﺎ ﺑﻐﻴﻨﺎﻩ ﻋﻠﻰ ﻗﺒﺎﻝ ﺍﻟﺨﺪﻣﺔ ﺷﺪ ﺍﻟﺼﻒ ﻣﻊ ﺧﻮﺗﻚ ـ ﻫﻲ ﺍﻟﻠﻲ ﻣﺎﺗﻌﺎﻭﺩﺵ ﺟﺎﺕ ﺍﻟﺴﻜﺮﻳﺘﻴﺮﺓ ﻭﻳﻼﻩ ﺑﻐﻴﺖ ﻧﺪﺧﻞ ﺣﺒﺴﺎﺗﻨﻲ : ﺍﻟﺴﻴﺪ ﻫﻮ ﺍﻷﻭﻝ ـ ﺷﻨﺎﻫﻮﺍ ﻋﻼﺵ ﺷﻜﻮﻥ ﺍﻟﻠﻲ ﺟﺎ ﻓﻴﻨﺎ ﺍﻷﻭﻝ ﺗﺪﺧﻞ ﻣﺮﻭﺍﻥ : ﻧﻬﺎﺩ ﻏﻴﺮ ﺧﻠﻲ ﺍﻵﻧﺴﺔ ﺩﺧﻞ ﺩﺧﻠﺖ ﻭ ﻋﺎﻭﻧﻲ ﻳﻮﺳﻒ ﺣﺘﻰ ﺻﺎﻭﺑﺖ ﺍﻟﻤﺸﻜﻞ ﺍﻟﻠﻲ ﻋﻨﺪﻱ ﻭﺍﺧﺎ ﺑﺎﻥ ﻟﻴﺎ ﻣﺎﺷﻲ ﻋﻠﻰ ﺃﻋﺼﺎﺑﻮ ﻭﺟﻬﻮ ﺻﻔﺮ ﻭ ﻓﻴﻪ ﺍﻟﺨﻠﻌﺔ ﺷﻜﺮﺗﻮ ﻭﺧﺮﺟﺖ ﺑﺎﻥ ﻟﻴﺎ ﻣﺮﻭﺍﻥ ﻣﺎﻛﻴﻨﺶ ﻓﻴﻦ ﻣﺸﻰ ﻫﺬﺍ ﻳﻼﻩ ﺑﻐﻴﺖ ﻧﺴﻮﻝ ﻋﻠﻴﻪ ﻧﻬﺎﺩ ﺑﺎﻧﺖ ﻟﻴﺎ ﺟﺒﺪﺍﺕ Catalogue ﺑﺎﺵ ﺗﻮﺭﻳﻪ ﻟﻴﺎ ﻭﺍﻗﻴﻠﺔ ﺩﺭﺕ ﺑﻨﺎﻗﺺ ﻭ ﺭﺟﻌﺖ ﺑﺤﺎﻟﻲ ﻝ Atelier ﻓﻴﻦ ﺧﺪﺍﻣﺔ Atelier ﺑﺎﻟﻌﺮﺑﻴﺔ ﻫﻲ ﻣﺤﺎﺭﻑ ﺑﺎﻳﻦ ﻋﺮﺑﻮﻥ ﺍﻟﻠﻲ ﺧﺪﺍﻡ ﻓﻴﻬﺎ ﻏﻴﺮ ﻣﻦ ﺍﻟﺴﻤﻴﺔ ﻛﻠﺸﻲ ﻣﻨﺤﺮﻑ ﻧﻴﺖ 12:00 ﺃﺣﺴﻦ ﻭﻗﻴﺘﺔ ﻋﻨﺪﻱ ﻓﺎﻟﺨﺪﻣﺔ ﻫﻲ ﻭ 16:00 ﺣﻴﻨﺖ ﺍﻟﻠﻮﻟﺔ ﻓﻴﻬﺎ Pause ﻭﺍﻟﻘﺲ ﻭﺍﻟﺜﺎﻧﻴﺔ ﻛﻨﺨﺮﺝ ﺑﺤﺎﻟﻲ ﻣﺸﻴﻨﺎ ﻟﺮﻳﺴﻄﻮ ﺩﻳﺎﻟﻨﺎ ﻭ ﺃﺧﺬﻧﺎ ﻭﺟﺒﺘﻨﺎ ﺍﻟﻠﺬﻳﺬﺓ ﻛﻠﻴﻨﺎ ﻭﺭﺟﻌﻨﺎ ﻟﻠﺨﺪﻣﺔ ﻟﻤﻴﺎﺀ ﻛﺘﻬﻀﺮ ﻓﺎﻟﺘﻴﻠﻴﻔﻮﻥ ﻣﻊ ﺣﺒﻴﺐ ﺍﻟﻘﻠﺐ ﻗﻮﻟﻲ ﻭﺍﺵ ﻛﺘﺒﻐﻴﻨﻲ ﻭ ﺃﻧﺎ ﻭ ﺣﺴﻨﺎﺀ ﻛﻨﺮﻣﻘﻬﺎ ﺑﻨﻈﺮﺍﺕ ﻧﺎﺭﻳﺔ ﻭ ﻣﺎﺣﺎﻣﻠﻴﻨﻬﺎﺍﺍﺍﺵ ﻛﻤﻠﺖ ﺍﻟﻤﻜﺎﻟﻤﺔ : ﻣﺎﻟﻨﺎ ﻋﻠﻰ ﻫﺎﺫ ﺍﻟﺸﻮﻓﺎﺕ ﻣﺎﻧﺨﺎﻓﻮﺵ ﻧﻘﺰﺕ ﻋﻠﻴﻬﺎ : ﻣﺎﺷﻲ ﺣﺸﻮﻣﺔ ﻋﻠﻴﻚ 2 ﺑﺎﻳﺮﺍﺕ ﺣﺪﺍﻙ ﻭﻧﺘﻲ ﻛﺮﻛﺮﻛﺮ ﻓﺎﻟﺘﻴﻠﻴﻔﻮﻥ ﻣﺎﺭﺍﻋﻴﺘﻴﺶ ﻟﻴﻨﺎ ﻣﺸﺎﻋﺮﻧﺎ ـ ﻭﺻﺎﻓﻲ ﺣﺘﻰ ﻧﺘﻲ ﺩﺍﺑﺎ ﻳﺴﻬﻞ ﻋﻠﻴﻜﻮﻡ ﺍﻟﻠﻪ ﺭﺍﻛﻮﻡ ﺑﺎﻗﻴﻴﻦ ﺻﻐﺎﺭ ﻭﺯﻳﺪﻭﻥ ﺃﺵ ﺑﻐﻴﺘﻮ ﺑﺸﻲ ﺯﻭﺍﺝ ﻓﻴﻪ ﻏﻴﺮ ﺍﻟﺼﺪﺍﻉ ﺧﻠﻴﻜﻮﻡ ﺣﺮﻳﻦ ﺩﻳﺎﻝ ﺭﺍﺳﻜﻢ ﺣﺴﻦ ـ ﺻﻐﺎﺭ ﺍﻟﻠﻪ ﻳﻌﻄﻴﻨﺎ ﻭﺟﻬﻚ ﻧﺘﻮﻣﺎ ﺍﻟﻠﻲ ﺗﺰﻭﺟﺎﺕ ﻓﻴﻜﻢ ﺗﺒﺪﺍ ﺗﻐﻨﻲ ﻋﻠﻴﻨﺎ ﻫﺎﺫ ﺍﻟﺪﻳﺴﻚ " ﻭﺯﻳﺪﻭﻥ ﺃﺵ ﺑﻐﻴﺘﻮ ﺑﺸﻲ ﺯﻭﺍﺝ ﻓﻴﻪ ﻏﻴﺮ ﺍﻟﺼﺪﺍﻉ ﺧﻠﻴﻜﻮﻡ ﺣﺮﻳﻦ ﺩﻳﺎﻝ ﺭﺍﺳﻜﻢ ﺣﺴﻦ" ﺧﺘﻲ ﻗﻮﻟﻲ ﻫﺎﺫ
*************************
جزء 16

...ﺧﺘﻲ ﻗﻮﻟﻲ ﻫﺎﺫ ﺍﻟﻬﻀﺮﺓ ﻟﺮﺍﺳﻚ ﺍﻟﻨﻬﺎﺭ ﺍﻷﻭﻝ ﻻﺵ ﺗﺰﻭﺟﺘﻲ ﻭ ﺧﻠﻴﻚ ﺳﻨﺠﻞ ﺑﺤﺎﻟﻨﺎ ﻭﻻ ﻏﻴﺮ ﺍﻟﻠﻲ ﺗﻨﻘﺬﺍﺕ ﻣﻦ ﺷﺒﺢ ﺍﻟﻌﻨﻮﺳﺔ ﺗﺠﻲ ﺗﻮﺍﺳﻴﻨﺎ ﺑﻬﺎﺫ 2 ﻛﻠﻤﺎﺕ ـ ﻭﻗﻠﺒﻚ ﻃﺎﻳﺐ ﻳﺎﺧﺘﻲ ﺟﺎﻣﻌﺔ ﻓﻴﻪ ﻧﻴﺖ ﺧﻠﻴﻨﻲ ﻣﺎﻣﺴﺎﻟﻴﺎﺵ ﻟﻴﻚ ﺩﺍﺑﺎ ﺣﺴﻨﺎﺀ ﺍﻟﺰﻳﻦ ﺩﻳﺎﻟﻲ ﻛﺎﻳﻦ ﺷﻲ Promotion ﻑ Avon ﻋﻠﻰ ﺍﻟﺴﺎﻋﺎﺕ ﺩﻳﺎﻝ ﺍﻟﺮﺟﺎﻝ ﺑﻐﻴﺖ ﻧﺸﺮﻱ ﻝ Mon mec ﻭﺣﻴﺪﺓ ﺣﺴﻨﺎﺀ ﻳﺎ ﺣﺴﻨﺎﺀ ﺫﺍﻙ ﺍﻟﻨﻬﺎﺭ ﻏﻠﻄﺘﻲ ﻑ Code ﻭﻗﻠﺘﻲ ﻟﻴﻮﺳﻒ ﺃﻧﺎ ﺍﻟﻠﻲ ﺧﺪﻣﺘﻮ ﺍﻟﻴﻮﻡ ﻧﺘﺎﻗﻢ ﻣﻨﻚ : ﻻ ﻋﺴﺎﻙ ﻳﺎﺧﺘﻲ ﻟﻤﻴﺎﺀ Avon ﻣﺎﻓﻴﻬﺎ ﻭﺍﻟﻮ ﻫﺎﺫ ﺍﻷﻳﺎﻡ ﻏﻴﺮ ﺍﻟﻐﻼ ﺳﻴﺮﻱ ﻋﻨﺪ ﻧﻬﺎﺩ ﺍﻟﻠﻲ ﺧﺪﺍﻣﺔ ﻑ Oriflamme ﻋﻨﺪﻫﻮﻡ ﺷﻲ Promotion ﺍﻟﺮﻓﻴﻊ ﺷﻔﺖ ﻓﺤﺴﻨﺎﺀ ﻣﺎﻛﺮﻫﺎﺗﺶ ﺗﻨﻮﺽ ﺫﺑﺤﻨﻲ ﺗﻌﻠﻤﻲ ﺍﺣﺒﻴﺒﺔ ﺍﻟﻤﺮﺓ ﺍﻟﺠﺎﻳﺔ ﺗﺼﺒﻲ ﺃﺧﻄﺎﺋﻚ ﻓﻴﺎ ﻳﺘﺒﻊ
****************************

ﺑﺎﺭﺕ 17

ﻳﻮﻡ ﻓﺎﻟﺘﺪﺭﻳﺐ ﺍﻟﺤﻤﺪ ﻟﻠﻪ ﺍﻷﻣﻮﺭ ﻏﺎﺩﺍ ﻋﻠﻰ ﺃﺣﺴﻦ ﻣﺎ ﻳﺮﺍﻡ ﻭ ﻛﻞ ﻧﻬﺎﺭ ﻛﻨﺘﻌﻠﻤﻮ ﺣﺎﺟﺔ ﺟﺪﻳﺪﺓ ﻳﻮﺳﻒ ﻣﺎﻛﻴﺒﺨﻠﺶ ﻋﻠﻴﻨﺎ ﺑﺎﻟﺨﺒﺮﺓ ﺩﻳﺎﻟﻮ ﻭﻭﺍﺣﺪ ﻣﺮﻭﺍﻥ ﺷﺤﺎﻝ ﻣﺎﺑﺎﻥ ﻟﻴﺎ ﺳﺎﻋﺔ ﻛﻮﻥ ﻏﻴﺮ ﻃﻠﺒﺖ ﺷﻲ ﻣﻠﻴﻮﻥ ﺩﻭﻻﺭ ﻛﻮﻥ ﺗﺤﻘﻘﺎﺕ ﻟﻴﺎ ﺍﻟﺪﻋﻴﻮﺓ ﻛﻨﺖ ﺑﻮﺣﺪﻳﺘﻲ ﻑ Atelier ﻟﻤﻴﺎﺀ ﻭ ﺣﺴﻨﺎﺀ ﻣﺸﺎﻭ ﻋﻨﺪ ﻳﻮﺳﻒ ﻳﺸﻮﻑ ﻣﻌﺎﻫﻮﻡ ﺷﻲ ﺧﺪﻣﺔ ﻭ ﺃﻧﺎ ﺧﺎﺭﺟﺔ ﻛﻴﺒﺎﻥ ﻟﻴﺎ ﺟﺎﻱ ﻭﻫﺎﺫ ﺍﻟﻤﺮﺓ ﺟﺎﻱ ﺳﺒﻮﺭ ﻫﺎﺫ ﺍﻟﺴﻴﺪ ﻣﺎﻛﻴﺨﺎﻓﺶ ﺟﺎﻱ ﺑﻬﺎﺫ ﺍﻟﻠﺒﺎﺱ ﻟﻠﺨﺪﻣﺔ : ﺍﻟﺴﻼﻡ ﺗﻴﻜﻮﻧﻴﺴﻴﺎﻧﺔ ـ ﻭﻋﻠﻴﻜﻢ ﺍﻟﺴﻼﻡ ـ ﻣﺎﻟﻚ ﻛﺘﺸﻮﻓﻲ ﻓﻴﺎ ﺑﺤﺎﻝ ﻫﺎﻛﺎ ﻓﻴﺎ ﺷﻲ ﺣﺎﺟﺔ ﻣﺎﺷﻲ ﺣﺘﻰ ﻟﻬﻴﻪ ـ ﻧﺘﻰ ﺭﺍﻩ ﻛﻠﻚ ﻣﺎﺷﻲ ﺣﺘﻰ ﻟﻬﻴﻪ ـ ﻛﻠﻲ ﻣﺎﺷﻲ ﺣﺘﻰ ﻟﻬﻴﻪ ؟ﻭﺍﺵ ﺷﻮﻳﺔ ـ ﻧﺘﻰ ﺍﻟﻠﻲ ﻭﺍﺵ ﺷﻮﻳﺔ ﻫﺬﺍ ﻟﺒﺎﺱ ﻛﻴﺠﻴﻮ ﺑﻴﻪ ﺍﻟﻨﺎﺱ ﻟﻠﺨﺪﻣﺔ ﺟﺎﻱ ﺩﻳﺮMusculation ﻋﻨﺪﻧﺎGym ﻫﻨﺎ ـ ﻋﻨﺪﻧﺎ ؟ ﺷﺮﻛﺔ ﻣﻜﺘﻮﺑﺔ ﺑﺴﻤﻴﺘﻚ ﺑﺎﻥ ﻟﻴﺎ ﺍﻟﺴﻲ ﻳﻮﺳﻒ ﺟﺎﻱ ﺫﺍﻙ ﻧﻬﺎﺭ ﺑﺎﻥ ﻟﻴﻪ ﻭﺍﺣﺪ ﻣﻦ ﺍﻟﺪﺭﺍﺭﻱ ﺍﻟﻠﻲ ﺧﺪﺍﻣﻴﻦ ﻣﻌﺎﻳﺎ ﺟﺎﻱ ﺑﻜﺎﺑﻴﺘﺸﻮ ﻣﺎﺧﻼ ﻓﻴﻪ ﻏﻴﺮ ﺍﻟﻠﻲ ﻧﺴﻰ ﻭ ﻫﺬﺍ ﺟﺎﻱ ﺑﻠﺒﺎﺱ ﺭﻳﺎﺿﻲ ﺩﺑﺮ ﻋﻠﻴﻬﺎ ﺷﺪﻳﺘﻮ ﻣﻦ ﻳﺪﻳﻪ ﻭ ﺩﺧﻠﺘﻮ ﻝ Atelier ﻣﺎﻓﻬﻢ ﻭﺍﻟﻮ ﺳﺪﻳﺖ ﻋﻠﻴﻪ ﻭ ﺧﺮﺟﺖ ﻋﻨﺪ ﺍﻟﺴﻲ ﻳﻮﺳﻒ : ﺻﺒﺎﺡ ﺍﻟﺨﻴﺮ ـ ﺻﺒﺎﺡ ﺍﻟﻨﻮﺭ ﻋﻔﺎﻙ ﺍﻟﺒﻨﺎﺕ ﺭﺍﻩ ﺳﻴﻔﻄﺘﻬﻮﻡ ﻟﻮﺍﺣﺪ ﺍﻟﻮﺭﺷﺔ ﻭ ﺟﻴﺖ ﻧﻌﻠﻤﻚ ﺑﺎﺵ ﺗﺒﻌﻴﻨﺎ ـ ﻭﺍﺧﺎ ﺍﻟﺴﻲ ﻳﻮﺳﻒ ﻥ Enregistrée ﻏﻴﺮ ﻭﺍﺣﺪ Fichier ﻭﻧﺘﺒﻌﻜﻮﻡ ـ ﻭﺍﺧﺎ ﻣﺎﺗﻌﻄﻠﻴﺶ ﻭﺻﻠﻲ ﻟﻠﻤﻜﺘﺐ ﺩﻳﺎﻝ Mr.Ouazzani ﻋﺮﻓﺘﻴﻪ ﻓﻴﻦ ﺟﺎ ﺑﻌﺪﺍ ـ ﻻ ﻣﺎﻛﻨﻌﺮﻓﺶ ـ ﺭﺍﻩ ﻫﻮ ﺍﻟﻤﻜﺘﺐ ﺍﻟﻠﻲ ﻛﺎﻳﻦ ﻓﺂﺧﺮ Etage ﻋﻠﻰ ﻳﺪﻙ ﺍﻟﻴﺴﺎﺭ ﺳﻮﻟﻲ ﺍﻟﺴﻜﺮﻳﺘﻴﺮﺓ ﺩﻳﺎﻟﻮ ﻋﻠﻰ ﺍﻟﻮﺭﺷﺔ ﺃﻧﺎ ﻏﻨﻮﺻﻴﻬﺎ ﻋﻠﻴﻚ ﺣﻴﻨﺖ ﺍﻟﻮﺭﺷﺔ ﻛﺎﻳﻨﺔ ﺣﺪﺍ ﺍﻟﻤﻜﺘﺐ ﺩﻳﺎﻟﻮ ـ ﻭﺍﺧﺎ Mr. Youssef 5 ﺩﻗﺎﺋﻖ ﻭﻧﺘﺒﻌﻚ ﻣﺸﻰ ﻭ ﺃﻧﺎ ﻋﺎﺩ ﺗﻨﻔﺴﺖ ﺩﺧﻠﺖ ﻭﻟﻘﻴﺖ ﻣﺮﻭﺍﻥ ﻛﻴﺘﺴﻨﺎﻧﻲ ﻋﻠﻰ ﺃﻋﺼﺎﺑﻮ : ﻭﺍﺵ ﺣﻤﺎﻗﻴﺘﻲ ﻋﻼﺵ ﺩﺧﻠﺘﻴﻨﻲ ﻟﻬﻨﺎ ـ ﻫﺎﺫﻱ ﻫﻲ ﺷﻜﺮﺍ ﺭﺍﻩ ﻭﺍﻟﻠﻪ ﻭ ﻛﻮﻥ ﺷﺎﻓﻚ Mr. Youssef ﺣﺘﻰ ﻳﻜﻮﻥ ﺁﺧﺮ ﻧﻬﺎﺭ ﻟﻴﻚ ﻓﺎﻟﺸﺮﻛﺔ ﻭﺍﻟﻠﻪ ﺣﺘﻰ ﻳﺠﺮﻱ ﻋﻠﻴﻚ ـ ﻻ ﻣﺎﻳﻘﺪﺭﺵ ﻳﺠﺮﻱ ﻋﻠﻴﺎ ـ ﻋﻼﺵ ؟ ـ ﺣﻴﻨﺖ ﺑﻜﻞ ﺑﺴﺎﻃﺔ ﻣﺎﺷﻲ ﻫﻮ Mon Supérieur ﺑﺎﺵ ﻳﺘﺪﺧﻞ ﻓﻴﺎ ـ ﻭﺍﺧﺎ ﻫﺎﻛﺎﻙ ﺭﺍﻩ ﻳﻘﺪﺭ ﻳﺸﺮﻳﻬﺎ ﻟﻴﻚ ﻣﻊ Ton Supérieur ﻭ ﻳﺨﺎﺻﻢ ﻋﻠﻴﻚ ـ ﺃﺻﻼ ﺃﻧﺎ ﻣﺎﺧﺪﺍﻣﺶ ﺍﻟﻴﻮﻡ ﺟﻴﺖ ﻏﻴﺮ ﻋﻠﻰ ﻭﺩ ﺷﻲ ﻏﺮﺽ ـ ﺳﻤﺤﻠﻴﺎ ﺍﻳﻼ ﺩﺧﻠﺖ ﺷﻔﺖ Mr. Youssefﻭﻣﺎﻓﻜﺮﺗﺶ ﺧﻔﺖ ﻳﻐﻮﺙ ﻋﻠﻴﻚ ﺣﻴﻨﺖ ﻭﺍﺣﺪ ﺍﻟﺪﺭﻱ ﻭﺍﺣﺪ ﺍﻟﻨﻬﺎﺭ ﺟﺎ ﻏﻴﺮ ﺑﻜﺎﺑﻴﺘﺸﻮ ﺩﺍﺭ ﻟﻴﻪ ﻧﻬﺎﺭ ـ ﻣﺎﻛﺎﻳﻦ ﻣﺸﻜﻞ ﺃﻧﺎ ﺍﻟﻠﻲ ﺳﻤﺤﻴﻠﻴﺎ ﻏﻮﺙ ﻋﻠﻴﻚ ﻭﻧﺘﻲ ﺑﻐﻴﺘﻲ ﻏﻴﺮ ﻣﺼﻠﺤﺘﻲ ﺷﻜﺮﺍ ﺣﻴﻨﺖ ﻓﻜﺮﺗﻲ ﻓﻴﺎ ـ ﺍﻟﻌﻔﻮ ـ ﻋﺮﻓﺘﻲ ﺍﻟﻤﻜﺘﺐ ﺩﻳﺎﻝ Mr.Ouazzani ـ ﻭﻱ ﻧﻌﺖ ﻟﻴﺎ ﻳﻮﺳﻒ ﻗﺎﻟﻴﺎ ﻋﻠﻰ ﻳﺪﻙ ﺍﻟﻴﺴﺎﺭ ـ ﺗﺒﺎﺭﻙ ﺍﻟﻠﻪ ﻋﻠﻰ ﺍﻟﺘﻨﻌﻴﺘﺔ ﻛﻴﺪﺍﻳﺮﺓ ﺍﻟﺤﺼﻮﻝ ﻫﺎﺫ ﻳﻮﺳﻒ ﺭﺑﺎﻃﻲ ﺣﺮ ﺍﻟﻤﻜﺘﺐ ﺭﺍﻩ ﻋﻠﻰ ﻳﺪﻙ ﺍﻟﻴﻤﻴﻦ ـ ﻭﻫﺎﺫﻭ ﻫﻤﺎ ﺻﺤﺎﺏ ﺍﻟﺮﺑﺎﻁ )ﺗﺤﻴﺔ ﻛﺒﻴﺮﺓ ﻟﺼﺤﺎﺏ ﺍﻟﺮﺑﺎﻁ ﻣﺎﻛﻨﻌﻴﺮﻛﻮﻣﺶ ﺭﺍﻩ ﺃﺻﻼ ﺃﻧﺎ ﻭﺣﺪﺓ ﻣﻨﻜﻢ ﻏﻴﺮ ﻫﻮ ﺑﻴﻨﺎﺗﻨﺎ ﻣﺎﻛﻨﻌﺮﻓﻮﺵ ﻧﻌﺘﻮ ﻛﻨﺘﻠﻔﻮ ﺑﻨﺎﺩﻡ ( ـ ﺭﻛﺒﻲ l’ascenseur ﺣﺴﻦ ﻟﻴﻚ ﺭﺍﻩ ﺍﻳﻼ ﻃﻠﻌﺘﻲ ﻓﺎﻟﺪﺭﻭﺝ ﻏﺘﺴﺨﻔﻲ ﺍﻟﻤﻜﺘﺐ ﻛﺎﻳﻦ ﻓﺄﺧﺮ Etage ـ ﻻ ﻏﻴﺮ ﺧﻠﻴﻨﻲ ـ ﻣﺎﻟﻚ ؟ ـ ﻣﺎﻋﻤﺮﻱ ﺭﻛﺒﺖ ﻓﺸﻲ ascenseur ﻛﻨﺨﺎﻑ ـ ﺯﻳﺪﻱ ﻧﻤﺸﻲ ﻣﻌﻚ ﻳﺎﻭﺩﻱ ﺑﺎﺵ ﻣﺤﺰﻣﻴﻦ ﻓﻬﺎﺫ ﺍﻟﺸﺮﻛﺔ ﻭﺻﻠﻨﺎ ﻭ ﺃﻧﺎ ﻓﻴﺎ ﺍﻟﺨﻠﻌﺔ ﺷﺎﻑ ﻓﻴﺎ ﻭ ﺿﺤﻚ ﻏﻴﺮ ﺩﺧﻠﺖ ﺗﻬﺪﻧﺖ ﻏﻴﺮ l’ascenseurﻛﻴﺪﺍﻳﺮ ﻭﺃﻧﺎ ﻧﺴﻮﻟﻮ : ﺩﺍﺑﺎ ﺃﻣﻴﻦ ﺷﻜﻮﻥ ؟ ـ ﺃﻣﻴﻦ ﻫﻮ ﺍﻟﻤﺪﻳﺮ ﺍﻟﻌﺎﻡ ـ ﻭ ﺷﺮﻑ ؟ ـ ﺍﻟﻨﺎﺋﺐ ﺩﻳﺎﻟﻮ ـ ﻭ Mr.Ouazzani ـ ﻋﻼﺵ ﻫﺬﺍ ﻗﻠﺘﻴﻬﺎ ﺏ politesse ـ ﻛﻴﻌﺎﻭﺩﻭ ﻋﻠﻴﻪ ﺻﻌﻴﻴﻴﻴﻴﻴﻴﻴﺐ ﻭﻗﺎﺳﺢ ﻭ ﻣﺎﻛﻴﺘﻔﺎﻫﻤﺶ ﻭ ﻣﺎﻛﺘﻌﺠﺒﻮ ﺣﺘﻰ ﺣﺎﺟﺔ ـ ﻫﻬﻪ ﻋﻨﺪﻫﻢ ﺍﻟﺤﻖ ﺭﺍﻩ ﻫﻮ PDG ـ ﺻﺎﻓﻲ ﻏﻴﺮ ﺣﻴﻨﺖ ﻣﻮﻝ ﺷﻲ ﻳﺘﻌﺎﻣﻞ ﻫﺎﻛﺎ ـ ﻭﻳﺴﻤﻌﻚ ﻳﺎﻟﺼﻜﻌﺔ ـ ﻣﺎﻟﻮ ﻛﺎﻳﻦ ﻣﻌﺎﻳﺎ ﺍﻳﻼ ﻣﺎﻭﺳﻠﺘﻴﻬﺎﺵ ﻟﻴﻪ ﻣﺎﻋﻨﺪﻭ ﻣﻨﻴﻦ ﻳﻌﺮﻑ ـ ﺃﺵ ﺑﻴﻨﻲ ﻭﺑﻴﻨﻮ ﺃﻧﺎ ﻏﻴﺮ ﻣﻮﻇﻒ ﺑﺴﻴﻂ ﻭ ﺻﺎﻓﻲ ﻭﺻﻠﻨﺎ Etage ﺗﺤﻞl’ascenseur ﻭﺃﻧﺎ ﻏﻴﺮ ﻛﻨﺸﻮﻑ ﻓﻬﺎﺫ ﺍﻟﺠﻨﺎﺡ ﻣﺼﻤﻢ ﺑﻄﺮﻳﻘﺔ ﺭﺍﺋﻌﺔ ﻏﻴﺮ ﻣﻜﺘﺐ ﺍﻟﺴﻜﺮﻳﺘﻴﺮﺓ ﻛﻴﺪﺍﻳﺮ ﺩﺧﻠﺖ ﻋﻨﺪﻫﺎ ﻭ ﺳﻮﻟﺘﻬﺎ ﻋﻠﻰ ﻳﻮﺳﻒ ﻭﻭﺭﺍﺗﻨﻲ ﺍﻟﻮﺭﺷﺔ ﻛﻤﻠﻨﺎ ﺧﺪﻣﺘﻨﺎ ﻭﺧﺮﺟﻨﺎ ﺑﻐﻴﺖ ﻧﻤﺸﻲl’ascenseur ﺍﻟﻠﻲ ﻃﻠﻌﻨﺎ ﻓﻴﻪ ﺃﻧﺎ ﻭﻣﺮﻭﺍﻥ ﻭ ﺟﺮﺍﺗﻨﻲ ﻟﻤﻴﺎﺀ : ﻻ ﻫﺬﺍ ﺭﺍﻩ ﻣﺎﻣﺴﻤﻮﺣﺶ ﻟﻠﻤﻮﻇﻔﻴﻦ ﻗﺎﻟﻬﺎ ﻟﻴﻨﺎ ﻳﻮﺳﻒ ـ ﺷﻜﺮﺍ ﻭ ﻣﺎﻗﻠﺘﺶ ﻟﻴﻬﺎ ﺭﺍﻩ ﻃﻠﻌﺖ ﻓﻴﻪ ﻳﺘﺒﻊ
********************


الجزء 18

و ﺃﺧﻴﺮﺍ ﻭﺻﻞ ﺍﻟﺴﺒﺖ ﺑﻐﻴﺖ ﻧﺴﺘﺎﺭﺡ ﻭ ﻧﻀﺮﺑﻬﺎ ﺑﻨﻌﺴﺔ ﺳﺎﻋﺔ ﺷﻜﻮﻥ ﺧﻼﻙ ﺟﺎﺕ ﺍﻟﻮﺍﻟﻴﺪﺓ ﻣﻊ 8 ﻛﺘﻔﻴﻖ ﻓﻴﺎ : ﻧﻮﺿﻲ ﺳﺎﺭﺓ ﻧﻮﺿﻲ ﻳﺎﻫﺎﺫ ﺍﻟﻤﻮﺻﻴﺒﺔ ـ ﻭﻣﺎﻣﺎ ﺣﺸﻮﻣﺔ ﻋﻠﻴﻚ ﻧﺤﻦ ﻓﻲ ﻋﻄﻠﺔ ﻟﺪﺍﻋﻲ ﻟﻠﺴﺮﻋﺔ ﺧﻠﻴﻨﻲ ﻧﻌﺲ ـ ﻧﻮﺿﻲ ﻳﺎﺑﻨﺘﻲ ﺍﻟﻠﻪ ﻳﺮﺿﻲ ﻋﻠﻴﻚ ﺩﻧﻴﺎ ﻭ ﺁﺧﺮﺓ ﺍﻟﻘﻀﻴﺔ ﻓﻴﻬﺎ ﺍﻟﺮﺿﺎ ﻧﻮﺽ : ﻧﻌﻢ ﺃﺵ ﺑﻐﻴﺘﻲ ـ ﻣﺮﺍﺕ ﺧﺎﻟﻚ ﻳﺎﺑﻨﺘﻲ ﻧﺴﺎﺕ ﻫﺎﺫ ﺍﻟﻮﺭﺍﻕ Madame.Ouazzani ﺧﻼﺗﻬﻮﻡ ﻋﻨﺪﻫﺎ ﻭﻗﺎﻟﺘﻠﻴﻬﺎ ﺗﺠﻴﺒﻬﻮﻡ ﻣﻌﺎﻫﺎ ﺍﻟﺴﺒﺖ ﻭﻧﺴﺎﺗﻬﻮﻡ ـ Mr.Ouazzani ﻣﺰﻭﺝ؟؟ ـ ﺯﻣﺎﻥ ﻳﺎﺑﻨﺘﻲ ﺭﺍﻩ ﻫﺎﺫﻱ ﻣﺮﺍﺗﻮ ﺍﻟﺜﺎﻧﻴﺔ ـ ﻣﺎﻓﺮﺍﺳﻴﺶ ـ ﺑﻼ ﻫﻀﺮﺓ ﺧﺎﻭﻳﺔ ﺳﻴﺮﻱ ﻳﺎﺑﻨﺘﻲ ﻃﺎﻳﺮﺓ ﻭﺻﻠﻲ ﻟﻴﻬﺎ ﺍﻟﻮﺭﺍﻕ ﻏﺴﻠﺖ ﻭﺟﻬﻲ ﻳﺎﻙ ﻳﺎ ﺃﻣﻲ ﻳﺎﻙ ﺣﺘﻰ ﺍﻟﻨﻬﺎﺭ ﺍﻟﻠﻲ ﻣﺎﻏﻨﻔﻄﺮﺵ ﻓﻴﻪ ﺃﻧﺎ ﻋﺎﺩ ﻣﺼﺎﻭﺑﺔ ﻧﺘﻲ ﺍﻟﻤﺴﻤﻦ ﻟﻠﻔﻄﻮﺭ ﺷﺪﻳﺖ ﻃﺎﻛﺴﻲ ﻋﻄﻴﺘﻮ ﺍﻟﻌﻨﻮﺍﻥ ﻭﻭﺻﻠﺖ ﻟﻠﻔﻴﻼ ﻋﻴﻂ ﺍﻟﻌﺴﺎﺱ ﻋﻠﻰ ﻣﺮﺍﺕ ﺧﺎﻟﻲ ﺧﺮﺟﺎﺕ ﻭ ﺧﺪﺍﺕ ﻣﻦ ﻋﻨﺪﻱ ﺍﻟﻮﺭﺍﻕ ﻏﻴﺮ ﺍﻟﻠﻲ ﻳﻮﺻﻴﻬﺎ ﻋﻠﻰ ﺷﻲ ﺣﺎﺟﺔ ﻭﻫﻲ ﺩﺍﺧﻠﺔ ﺑﻘﻴﺖ ﻭﺍﻗﻔﺔ ﻓﺒﻼﺻﺘﻲ ﻣﻨﻴﻦ ﺑﺎﻥ ﻟﻴﺎ ﻣﺮﻭﺍﻥ ﺧﺎﺭﺝ ﻣﻦ ﺑﺎﺏ ﺍﻟﻔﻴﻼ ﺗﺼﺪﻡ ﺣﺘﻰ ﻫﻮ ﻣﻨﻴﻦ ﺷﺎﻓﻨﻲ ﺧﺮﺝ ﻋﻨﺪﻱ : ﺷﻨﻮ ﻛﺪﻳﺮﻱ ﻫﻨﺎ ؟ ـ ﺟﻴﺖ ﻋﻠﻰ ﻭﺩ ﺷﻲ ﻏﺮﺽ ﻋﻄﻴﺘﻮ ﻟﻤﺮﺍﺕ ﺧﺎﻟﻲ ﺧﺪﺍﻣﺔ ﻫﻨﺎ ﻭﻧﺘﻰ ﺃﺵ ﻛﺪﻳﺮ ؟ ـ ﺯﻳﺪﻱ ﺷﻮﻳﺔ ﻟﻠﻘﺪﺍﻡ ﺷﻮﻓﻲ ﺃﻧﺎ ﻏﻨﻘﻮﻟﻴﻚ ﻭﺍﺣﺪ ﺍﻟﺴﺮ ﻭ ﻳﺒﻘﻰ ﺑﻴﻨﺎﺗﻨﺎ ـ ﻭﻱ ﺍﻟﻠﻲ ﻫﻮ ـ ﺍﻟﺼﺮﺍﺣﺔ Mr.Ouazzani ﻣﺨﺪﻣﻨﻲ ﺟﺎﺳﻮﺱ ﻓﺎﻟﺸﺮﻛﺔ ـ ﺟﺎﺳﻮﺱ ؟ ـ ﻭﻱ ﻛﻨﻮﺻﻞ ﻟﻴﻪ ﺍﻷﺧﺒﺎﺭ ﺣﻴﻨﺖ ﻋﻨﺪﻭ ﺷﻲ ﺷﻜﻮﻙ ﻣﻦ ﺑﻌﺾ ﺍﻟﻤﻮﻇﻔﻴﻦ ـ ﻭﺍﻳﻠﻲ ﻧﺎﺭﻱ ﻋﻨﺪﻙ ﺗﻜﻮﻥ ﻭﺻﻠﺘﻲ ﻟﻴﻪ ﻋﻠﻰ ﺍﻟﻬﻀﺮﺓ ﺩﻳﺎﻝ ﺫﻳﻚ ﺍﻟﻨﻬﺎﺭ ـ ﻻ ﻣﺎﻛﻨﻮﺻﻠﺶ ﺍﻟﻬﻀﺮﺓ ﻏﻴﺮ ﺍﻳﻼ ﺷﻜﻴﺖ ﻓﺸﻲ ﻭﺍﺣﺪ ـ ﺻﺎﻓﻲ ﻓﻬﻤﺖ Directive privé ـ ﻫﺎﻧﺘﻲ ﻓﻬﻤﺘﻲ ـ ﺑﺤﺎﻝ ﺍﻟﻤﺤﻘﻖ ﻛﻮﻧﺎﻥ ـ ﻫﻬﻪ ﺑﺤﺎﻟﻮ ـ ﻧﺘﻰ ﻣﺮﻭﺍﻥ ﻭﻫﻮ ﻛﻮﻧﺎﻥ ﺑﺠﻮﺟﻜﻢ ﻛﺘﺴﺎﻟﻴﻮ ﺏ ﺍﻥ ـ ﻭﺍﺣﺎﺷﺎﻙ ـ ﻧﺘﻰ ﻣﺎﻟﻚ ﺗﻘﻠﻘﺘﻲ ﺳﻤﻌﺘﻴﻨﻲ ﻗﻠﺖ ﺣﻤﺎﺭ ـ ﻫﺎﻧﺘﻲ ﻗﻠﺘﻴﻬﺎ ـ ﺻﺎﻓﻲ ﺑﻼ ﻣﺎﺗﻘﻠﻖ ﻣﺎﻗﺼﺪﺗﺶ ـ ﻻ ﻗﺼﺪﺗﻲ ـ ﺻﺎﻓﻲ ﺍﻟﻠﻪ ﻳﺴﺎﻣﺢ ﻋﺮﻓﺘﻲ ﺷﻨﻮ ﺃﻧﺎ ﻏﺎﺩﻱ ﻧﺘﺼﺎﻟﺢ ﻣﻌﻚ ﺃﺷﻨﻮ ﺭﺃﻳﻚ ﻭﻻ ﺧﻠﻴﻬﺎ ﻣﻔﺎﺟﺌﺔ ـ ﻣﻔﺎﺟﺌﺔ ؟؟ ـ ﺗﺒﻌﻨﻲ ﻭﺳﻜﺖ ﻭﺗﺒﻌﻨﻲ ﻭﻣﺎﻃﻠﻊ ﺣﺘﻰ ﻫﻀﺮﺓ ﺣﺘﻰ ﻭﺻﻠﻨﺎ :ﺳﺎﺭﺓ ﻛﻀﺤﻜﻲ ﻋﻠﻴﺎ ﻓﻴﻦ ﺍﻟﻤﻔﺎﺟﺌﺔ ؟ ـ ﻋﺎﺭﺿﺔ ﻋﻠﻴﻚ ﻧﺎﻛﻠﻮ Fruit ﻓﺄﻱ ﻭﻗﺖ ﻛﺎﻧﻜﻮﻥ ﻣﻘﻠﻘﺔ ﻭﻻ ﻣﻀﺒﺮﺓ ﻋﻠﻰ ﺻﺮﻳﻒ ﻛﻨﺠﻲ ﻧﺎﻛﻠﻮ ـ ﺩﺍﺑﺎ ﻫﺎﺩﺷﻲ ﺑﺎﺵ ﺑﺎﻏﺎ ﺗﺼﺎﻟﺤﻲ ﻣﻌﺎﻳﺎ ـ ﻭﻱ ﻣﺎﻟﻚ ﺷﻜﻮﻥ ﺑﺤﺎﻟﻚ ﻏﺘﻔﻄﺮ ﻓﻄﻮﺭ ﻣﻠﻜﻲ ـ ﻓﻴﻚ ﺍﻟﺴﺨﺎﻧﺔ ﻻ ـ ﺯﻳﺪ ﺩﺧﻞ ﺯﻳﺪ ﺗﻌﻴﺶ ﺷﻮﻳﺔ ﺣﻴﺎﺓ ﺍﻟﻨﺎﺱ ﺍﻟﻠﻲ ﻻﺑﺎﺱ ﻋﻠﻴﻬﻮﻡ ـ ﺩﺍﺑﺎ ﻧﺎﺱ ﺍﻟﻠﻲ ﻻﺑﺎﺱ ﻋﻠﻴﻬﻮﻡ ﻛﻴﻔﻄﺮﻭ ﻫﻨﺎ ﻓﻬﺎﺫ ﺍﻟﺒﻼﺻﺔ ﻭﺳﻂ ﺍﻟﺰﺑﺎﻟﺔ ـ ﻛﻮﻝ ﻭ ﺳﻜﺖ ﺷﺤﺎﻝ ﻓﻴﻚ ﺍﻟﻠﻲ ﺳﻤﻌﻚ ﻳﻘﻮﻝ ﻭﻟﺪ ﻭﺯﻳﺮ ﺣﻤﺪ ﺍﻟﻠﻪ ﻟﻘﻴﺘﻲ ﻓﻄﻮﺭ ﻓﺎﺑﻮﺭ ـ ﺃﻧﺎ ﺭﺍﻩ ﻣﺎﺑﻐﻴﺘﺶ ـ ﺣﺸﻮﻣﺔ ﻋﻠﻴﻚ ﻣﺮﻭﺍﻥ ﻣﺎﻛﻨﺤﻤﻠﺶ ﻧﺎﻛﻞ ﺑﻮﺣﺪﻱ ﺩﻳﺮ ﻟﻴﺎ ﺧﺎﻃﺮﻱ ﻋﻔﺎﻙ ـ ﻭﺍﺧﺎ ﻻﻟﺔ ـ ﻋﺮﻓﺘﻲ ﺣﺘﻰ ﺃﻧﺎ ﻋﻨﺪﻱ ﻟﻴﻚ ﺷﻲ ﺧﺒﺎﺭ ﻋﻠﻰ ﺍﻟﻠﻲ ﻛﻴﻮﻗﻊ ﻓﺎﻟﺸﺮﻛﺔ ﻣﻮﺭ ﺿﻬﺮﻛﻢ ـ ﺃﺷﻨﻮ ﻛﻴﻮﻗﻊ ؟ ـ ﻋﻨﺪﻱ ﻟﻴﻚ ﺷﻲ ﺃﺳﺮﺍﺭ ـ ﺧﻠﻌﺘﻴﻨﻲ ﺃﺵ ﻛﺎﻳﻦ ـ ﻛﺎﻳﻨﻴﻦ ﺷﻲ ﻣﻮﻇﻔﻴﻦ ﺧﺪﺍﻣﻴﻦ ﻓﺎﻟﺸﺮﻛﺔ ﻭ ﻣﻊ Avon ـ Avon؟ ﺷﻨﻮ ﻫﺎﺫﻱ ﺷﻲ ﺷﺮﻛﺔ ﻣﻨﺎﻓﺴﺔ ﺍﻟﻐﺪﺍﺭﺓ ﺩﺍﺑﺎ ﻧﺒﻐﻲ ﺳﻤﻴﺎﺗﻬﻮﻡ ـ ﻻ ﻫﺬﻱ ﺷﺮﻛﺔ ﺩﻳﺎﻝ ﺍﻟﻤﺎﻛﻴﺎﺝ ـ ﺍﻟﻤﻜﻴﺎﺝ ـ ﻭﻱ ﻛﻴﺠﻴﺒﻮ Catalogue ﻭ ﻛﻴﻔﺮﻗﻮﻩ ﻋﻠﻰ ﺍﻟﺒﻨﺎﺕ ﻭ ﻛﻴﺒﻘﺎﻭ ﻳﺒﻴﻌﻮ ﻭﻳﺸﺮﻳﻮ ـ ﺑﻐﻴﺖ ﻧﺴﻮﻟﻚ ـ ﻣﺮﺣﺒﺎ ـ ﻋﻨﺬﻙ ﺍﻟﻌﻘﻞ ـ ﻭﻗﺎﻟﻮ ـ ﻻ ﻣﻮﺣﺎﻝ ﻭﺍﺵ ﺩﺍﺑﺎ ﻣﺎﻋﻨﺪﻧﺎ ﻣﺎﻳﺪﺍﺭ ﻏﻨﺒﻘﺎﻭ ﺣﺎﺿﻴﻴﻦ ﺍﻟﻨﺎﺱ ﺍﻟﻠﻲ ﺧﺪﺍﻣﻴﻦ ﻑ Avon ﻭﻻ ﻣﺎﻋﺮﻓﺖ ﺷﻨﻮ ﺳﻤﻴﺘﻬﺎ ﻛﺎﻉ ـ ﻭ ﺃﻧﺎ ﺭﺍﻩ ﻏﻴﺮ ﻗﻠﺖ ﻧﻘﺪﺭ ﻧﻔﻴﺪﻙ ـ ﻛﻤﻠﻲ ﻓﻄﻮﺭﻙ ﻭﻧﻮﺿﻲ ﻧﻤﺸﻴﻮ ﺑﺤﺎﻟﻨﺎ ـ ﻭﺍﺧﺎ ﻫﺬﻳﻚ ﻫﻲ ﺍﻟﻔﻴﻼ ﺩﻳﺎﻝ Mr.Ouazzani ـ ﻫﻲ ﻫﺎﺫﻳﻚ ـ ﺯﻭﻳﻨﺔ ـ ﺷﻔﺘﻴﻬﺎ ﺑﻌﺪﺍ ـ ﺑﺎﻳﻨﺔ ﻏﻴﺮ ﻣﻦ ﺍﻟﺠﺮﺩﺓ ـ ﺷﻮﻓﻲ ﻣﺎﺗﻘﻮﻟﻴﺶ ﻟﻤﺮﺍﺕ ﺧﺎﻟﻚ ﻋﻠﻴﺎ ـ ﻋﻼﺵ ـ ﺣﻴﻨﺖ ﻫﺎﺩﺷﻲ ﺳﺮﻱ ـ ﻭﺍﺧﺎ ﻛﻮﻥ ﻫﺎﻧﻲ
*************************
ﺭﺕ 19

ﺩﺍﺑﺎ ﻣﺮﻭﺍﻥ Directive privé ﺳﻌﺪﺍﺗﻮ ﻛﻮﻥ ﺭﺍﻩ ﺣﻴﺎﺗﻮ ﻛﺎﻣﻠﺔ ﻭﻫﻮ ﻛﻴﺤﻞ ﺍﻟﻘﻀﺎﻳﺎ ﺇﻧﻬﺎ ﺣﻴﺎﺓ ﺍﻟﻐﻤﻮﺽ ﺍﻟﺘﻲ ﺃﻋﺸﻘﻬﺎ ﻣﺎﻛﺮﻫﺘﺶ ﻧﺨﺪﻡ ﺑﺤﺎﻟﻮ ـ ﺭﺟﻮﻉ ﻟﻠﻪ ﻓﻴﻦ ﺳﺎﻫﻴﺔ ـ ﻻ ﻭﺍﻟﻮ ﺃﺣﺴﻨﺎﺀ ﻏﻴﺮ ﻛﻨﻔﻜﺮ ﻭ ﺻﺎﻓﻲ ـ ﻭﺧﺪﻣﻲ ﺧﺪﻣﻲ ﻳﺎﺣﺒﻴﺒﺔ ﻋﻠﻰ ﻭﻟﻴﺪﺍﺗﻚ ـ ﺃﻭﺩﻱ ﻓﻴﻦ ﺑﺎﻫﻮﻡ ﺑﻌﺪﺍ ـ ﺩﺍﺑﺎ ﻳﺠﻲ ﺩﺍﺑﺎ ﻳﺠﻲ ﻳﺎﻟﺤﺒﻴﺒﺔ ـ ﻋﻴﻴﺘﻴﻨﻲ ﺑﻜﺬﻭﺑﻚ ﺷﻲ ﻣﺎﺟﺎ ﻫﻨﻴﻨﺎ ﻳﺎ ﻫﺎﺫ ﺍﻟﻤﺼﻴﺒﺔ ﺩﺍﺑﺎ ﻳﺠﻲ ﻳﻮﺳﻒ ﻭﻳﻠﻘﺎﻧﺎ ﻣﻨﻮﺿﻴﻨﻬﺎ ﻋﻴﻄﺔ ـ ﻻ ﻳﻮﺳﻒ ﻣﺤﺎﻝ ﻭﺍﺵ ﻳﺠﻲ ﺍﻟﻴﻮﻡ ـ ﻋﻼﺵ ؟ ـ ﻛﺘﻌﺮﻓﻲ Mr.Ouazzani ـ ﻛﻨﺴﻤﻊ ﺑﻴﻪ ﻫﻮ PDG ـ ﻫﻮ ﻫﺬﺍﻙ ﺩﺍﻳﺮ ﺇﺟﺘﻤﺎﻉ ﻛﻠﺸﻲ ﺭﺍﻛﺒﺎﻩ ﺍﻟﺨﻠﻌﺔ ﻭﻳﻮﺳﻒ ﺃﺻﺎﺣﺒﺘﻲ ﺍﻟﻠﻲ ﻣﺎﻛﻴﺨﻠﻲ ﻣﺎﻳﺪﻳﺮ ﻓﻴﻨﺎ ﻳﺪﻳﻪ ﻛﻴﺮﺟﻔﻮ ـ ﺣﺘﻰ ﻟﻬﺎﺫ ﺍﻟﺪﺭﺟﺔ ﻫﻮ ﺻﻌﻴﺐ ـ ﻛﻴﻌﺎﻭﺩﻭ ﻋﻠﻴﻪ ﻳﺎﺧﺘﻲ ﻣﺎﻛﻴﺤﻤﻠﺶ ﺍﻟﺨﻄﺄ ﻭ ﻣﺎﻛﻴﺘﻔﺎﻫﻤﺶ ﻫﻮ ﻏﻴﺮ ﺟﺎ ﻑ 8 ﺳﻨﻴﻦ ﺭﺩ ﺍﻟﺸﺮﻛﺔ ﻣﻦ ﺃﻛﺒﺮ ﺷﺮﻛﺎﺕ ﺍﻟﻤﻐﺮﺏ ﻳﺤﺴﻦ ﻋﻮﺍﻥ ﻣﺮﻭﺍﻥ ﻣﺴﻜﻴﻦ ﺧﺪﺍﻡ ﻣﻌﺎﻩ ﻛﻮﻥ ﺭﺍﻩ ﻣﺎﻛﻴﻌﻄﻴﻪ ﺍﻟﻔﺮﺻﺔ ﺣﺘﻰ ﻓﻴﻦ ﻳﺘﻨﻔﺲ ﻋﺰ ﻋﻠﻴﺎ ﺩﺧﻼﺕ ﻟﻤﻴﺎﺀ : ﻓﺮﺍﺳﻜﻮﻡ ﺍﻟﺒﻨﺎﺕ ﺷﻨﻮ ﻭﺍﻗﻊ ـ ﻳﺎﻙ ﻻﺑﺎﺱ ـ ﺃﻣﻴﻦ ﺍﻟﻤﺪﻳﺮ ﺍﻟﻌﺎﻡ ﺩﺑﺮ ﻋﻠﻴﻬﺎ ﻳﻜﻤﺎ Mr.Ouazzani ﺣﺼﻠﻮ ﻓﺸﻲ ﺣﺎﺟﺔ ـ ﻣﺴﻜﻴﻦ ﻣﺸﺎ ﻛﻔﺘﺔ ﻫﺎﺫﻱ ﻫﻲ ﺍﻟﻔﺮﺻﺔ ﺩﻳﺎﻟﻲ ﻧﻤﺸﻲ ﻧﺘﺴﻠﺖ ﻧﺸﻮﻑ ﺷﻨﻮ ﻭﺍﻗﻊ ﺃﻧﺎ ﻓﺮﺣﺎﻧﺔ ﺃﺧﻴﺮﺍ ﻛﺎﻳﻨﺔ ﺷﻲ ﺣﺎﺟﺔ ﻏﺎﻣﻀﺔ ﻓﻬﺎﺫ ﺍﻟﺸﺮﻛﺔ ﻧﻤﺸﻲ ﻧﻘﻠﺐ ﻋﻠﻰ ﻣﺮﻭﺍﻥ ﻧﺮﻏﺒﻮ ﻳﻘﻮﻟﻴﺎ ﺃﺵ ﻛﺎﻳﻦ ﺩﺭﺕ ﺍﻟﺴﺒﺔ ﺑﺸﻲ ﺧﺪﻣﺔ ﻭﺧﺮﺟﺖ ﻛﻴﺒﺎﻥ ﻟﻴﺎ ﻣﺮﻭﺍﻥ ﺧﺎﺭﺝ ﻣﻌﺎﻫﻮﻡ ﻣﻦ ﻗﺎﻋﺔ ﺍﻻﺟﺘﻤﺎﻋﺎﺕ ﺃﺵ ﻛﻴﺪﻳﺮ ﺍﻟﺪﺍﺧﻞ ﻧﺴﻴﺖ ﺧﺎﺻﻮ ﻳﺴﺠﻞ ﻛﺎﻉ ﺍﻷﺧﺒﺎﺭ ﻭﻟﻜﻦ ﻻﺑﺲ ﻣﺰﻳﺎﻥ ﺃﻧﻴﻖ ﺍﻟﻴﻮﻡ ﻻ ﺯﻋﻤﺔ ﻳﻜﻮﻥ ﻏﻴﺮ ﺑﻼﺗﻲ ﺣﺘﻰ ﺗﺠﻲ ﺑﻨﺖ ﻟﻴﻪ ﺷﻴﺮﺕ ﻟﻴﻪ ﻭ ﻋﺘﺎﺫﺭ ﻣﻦ ﺍﻟﻨﺎﺱ ﻭ ﺟﺎ ﻋﻨﺪﻱ ﻟﻘﺎﻧﻲ ﺷﺎﻋﻠﺔ : ﻭﻳﻠﻲ ﻣﺎﻟﻜﻲ ؟ ـ ﻧﺘﻰ ﻛﺬﺍﺏ ﻣﺎﻛﺎﻳﻦ ﻻ Directive privé ﻻﻭﺍﻟﻮ ـ ﺃﺵ ﻛﺘﻘﻮﻟﻲ ﻋﻼﺵ ﻏﻨﻜﺬﺏ ﻋﻠﻴﻚ ـ ﺣﻴﻨﺖ ﺃﻧﺎ ﻋﺮﻓﺘﻚ ﻋﻠﻰ ﺣﻘﻴﻘﺘﻚ ﻣﺮﻭﺍﻥ ﺗﺒﺪﻟﻮ ﻓﻴﻪ ﺍﻟﻠﻮﺍﻥ : ﺃﺷﻤﻦ ﺣﻘﻴﻘﺔ ﺍﻟﻠﻪ ﻳﻬﺪﻳﻚ ـ ﻧﺘﻰ ﺳﺮﺑﺎﻱ ﻭ ﻣﺨﺒﻴﻬﺎ ﺃﺵ ﻓﻴﻬﺎ ﺍﻳﻼ ﻗﻠﺘﻴﻬﺎ ﺣﺴﻴﺖ ﺑﻴﻪ ﺗﺼﺪﻡ : ﻋﺎﻭﺩﻱ ﺳﺮﺑﺎﻱ ﺷﻨﺎﻫﻲ ﺳﺮﺑﺎﻱ ـ Serveur ﻫﺎﻛﺎ ﺟﺎﺕ ﺣﺴﻦ ﻭﻫﻨﺎ ﻧﻔﺠﺮ ﻣﺮﻭﺍﻥ ﺑﺎﻟﻀﺤﻚ ﻭﺍﻟﻠﻪ ﻣﺎﻋﻨﺪﻙ ﻏﺮﺍﻡ ﺩﻳﺎﻝ ﺍﻟﻌﻘﻞ ﺃﺵ ﺧﻼﻙ ﺗﻘﻮﻟﻲ ﻋﻠﻴﺎ ﺳﺮﺑﺎﻱ ـ ﻋﺮﻓﺘﻬﺎ ﺩﺍﺧﻞ ﻣﻊ ﺍﻟﺸﺨﺼﻴﺎﺕ ﺍﻟﻜﺒﺎﺭ ﻟﻼﺟﺘﻤﺎﻉ ﻭﻻﺑﺲ ﻫﺎﺫ ﺍﻟﻜﻮﺳﺘﻴﻢ ﺃﺵ ﻏﺘﻜﻮﻥ ـ ﺳﺮﺑﺎﻱ ﺧﻼﻧﻲ ﻭﺯﺍﺩ ﻏﻴﺮ ﺑﻼﺗﻲ ﻋﻠﻴﻚ ﻳﺎﻫﺎﺫ ﺍﻟﺴﺮﺑﺎﻱ ﺿﺤﻚ ﻋﻠﻴﺎ ﺃﻧﺎ ﻣﺸﻴﺖ ﻧﺘﻐﺬﻯ ﻭﻫﺎﺫ ﺍﻟﻤﺮﺓ ﺑﻮﺣﺪﻱ ﻟﻤﻴﺎﺀ ﻣﻊ ﻳﻮﺳﻒ ﻣﺎﻛﺎﻳﻨﺶ ﺿﺮﺑﺎﺗﻬﺎ ﺑﺴﻠﺘﺔ ﻭ ﺣﺴﻨﺎﺀ ﺑﻘﺎﺕ ﻓﺎﻟﺸﺮﻛﺔ ﻛﺘﺒﻴﻊ ﺷﻲ Produits ﻣﺸﻴﺖ ﻧﺎﻛﻞ ﺑﻮﺣﺪﻳﺘﻲ ﺣﺘﻰ ﻛﻴﻮﻗﻒ ﻋﻠﻴﺎ ﻣﺮﻭﺍﻥ : ﻛﺘﺰﻳﺪ ﺍﻟﺴﻮﺍﻳﻊ ﻓﻬﺎﺫ ﺍﻟﺴﻨﺎﻙ ـ ﺩﺍﺑﺎ ﻧﺘﻲ ﻻﺵ ﻣﻌﺼﺒﺔ ؟ ـ ﻛﺬﺑﺘﻲ ﻋﻠﻴﺎ Directive privé ﺍﻷﺥ ﺳﺎﻛﻦ ﻓﻤﻴﺮﻳﻜﺎﻥ ـ ﺃﻭﻻ ﻧﺘﻲ ﺍﻟﻠﻲ ﻗﻠﺘﻲ ﻟﻴﺎ Directive privé ﻣﺎﺷﻲ ﺃﻧﺎ ـ ﻭﺍﺷﻨﻮ ﻓﻴﻬﺎ ﺍﻻ ﺻﺤﺤﺘﻲ ﻟﻴﺎ ﻭ ﻗﻠﺘﻲ ﺑﺎﻟﻠﻲ ﺭﺍﻙ ﺳﺮﺑﺎﻱ ـ ﻣﺎﺭﺿﻴﺘﺶ ﻭﺩﺍﺑﺎ ﻧﺘﻲ Technicien ﻭ ﺃﻧﺎ ﺳﺮﺑﺎﻱ ـ ﻣﺎﻓﻴﻬﺎ ﺑﺎﺱ ﺃﻧﺎ ﻣﻜﻨﻬﺘﻤﺶ ﺑﻬﺎﺩﺷﻲ ـ ﻣﺎﻛﻨﻬﺘﻤﺶ ﺑﻬﺎﺩﺷﻲ ﻣﻴﻠﻴﺎﺭﺩﻳﺮﺓ ﺭﺍﻙ ﻏﻴﺮ Bac+2 échelle 9 ـ ﻛﺘﻌﺎﻳﺮﻧﻲ ﻧﺘﻰ ﻣﻄﻔﺮﻭ ﻗﻮﻟﻲ ﻗﺎﺭﻱ ﺷﻮﻳﺔ ـ ﺷﻮﻳﺔ ﻣﻬﻢ ﻛﻨﻌﺮﻑ ﻧﻜﺘﺐ ﺳﻤﻴﺘﻲ ﺩﺍﺑﺎ ﻧﺘﻲ ﻣﻘﻠﻘﺔ ﻣﻨﻲ ﺣﻴﻨﺖ ﻋﺮﻓﺘﻴﻨﻲ ﺳﺮﺑﺎﻱ ـ ﻻ ﺃﻧﺎ ﺗﻘﻠﻘﺖ ﻏﻴﺮ ﺣﻴﻨﺖ ﻛﺬﺑﺘﻲ ﻋﻠﻴﺎ ﺃﻣﺎ ﺷﻨﻮ ﻓﻴﻬﺎ ﺧﺪﻣﺔ ﺷﺮﻳﻔﺔ ـ ﺃﻧﺎ ﻣﺎﺷﻲ ﺳﺮﺑﺎﻱ ـ ﺭﺍﻩ ﻣﺎﺷﻲ ﻋﻴﺐ ﻏﻴﺮ ﻣﺎﺗﻜﺬﺑﺶ ـ ﺭﺍﻩ ﻭﺍﻟﻠﻪ ﻣﺎﻛﺬﺑﺖ ﻋﻠﻴﻚ ﺃﻧﺎ ﻣﺎﺷﻲ ﺳﺮﺑﺎﻱ ﺃﻧﺎ ﺩﺍﻛﺸﻲ
******************
ء 20

..... ﺃﻧﺎ ﻣﺎﺷﻲ ﺳﺮﺑﺎﻱ ﺃﻧﺎ ﺩﺍﻛﺸﻲ ﺍﻟﻠﻲ ﻗﻠﺘﻠﻚ ﻓﺎﻷﻭﻝ ـ ﺃﻧﺎ ﺟﺎﻧﻲ ﺫﺍﻙ ﺍﻟﻜﻮﺳﺘﻴﻢ ﻏﻴﺮ ﺩﻳﺎﻝ ﺍﻟﺴﺮﺑﺎﻳﺔ ـ ﻋﺮﻓﺘﻲ ﺷﺤﺎﻝ ﻛﻴﺪﻳﺮ ـ ﺷﺤﺎﻝ ﻛﻴﺪﻳﺮ ﻫﺬﺍﻙ ﻣﺎﻧﻔﻮﺗﺶ ﻓﻴﻪ 100 ﺩﺭﻫﻢ ﻭ ﺇﻻ ﺑﺎﻋﻮ ﻟﻴﻚ ﺑﻜﺜﺮ ﻗﻮﻟﺒﻚ ﻳﺎﻟﻜﺎﻣﺒﻮ ـ qu’est ce que ça veut dire « Cambo « ـIdiot ça veut dire ﻣﻜﻠﺦ ﻣﻄﻨﻚ ـ ﺍﻷﺧﺖ ﻛﺎﺑﺮﺓ ﻓﺸﻲ ﺇﺻﻼﺣﻴﺔ ـ ﺗﻐﺪﻳﺘﻲ ﻭﻻ ﻣﺰﺍﻝ ـ ﻻ ﻣﺰﺍﻝ ـ ﻃﻠﺐ ﻟﻴﻚ ﺷﻲ ﺑﺎﺣﻨﻴﻨﻲ ـ ? quoi ـ ﺑﺎﻧﻴﻨﻲ ﻣﺎﻛﺘﻌﺮﻓﻮﺵ ـ ﻧﻮ ﻛﻨﻌﺮﻓﻮ ﺷﺤﺎﻝ ﻛﻴﺪﻳﺮ ـ 5 ﺩﺭﺍﻫﻢ ﻻ ﻏﻼ ﻋﻠﻰ ﻣﺴﻜﻴﻦ ـ ﻭﻳﻠﻲ ﻫﺬﺍ ﺭﺍﻩ ﺍﻟﻤﺮﺽ ﺑﻌﻴﻨﻴﻪ ـ ﻣﺎﻓﻴﻪ ﻭﺍﻟﻮ ﺍﻟﻠﻪ ﻳﻬﺪﻳﻚ ﻋﻤﺮﻱ ﻛﻠﻮ ﻭﺃﻧﺎ ﻛﻨﺎﻛﻞ ﻓﻴﻪ ﺃﺵ ﻭﻗﻊ ﻟﻴﺎ ـ ﻻ ﻏﻴﺮ ﺑﺎﻟﺼﺤﺔ ﻣﺎﻓﻴﺎﺵ ﺍﻟﺠﻮﻉ ـ ﺍﻟﻠﻲ ﺑﻐﻴﺘﻲ ﻣﻨﻴﻦ ﻧﺴﺎﻟﻲ ﻧﻤﺸﻲ ﻧﺎﻛﻞ ﺍﻟﺮﻭﻳﺰﺓ ـ ﺍﻟﺮﻭﺯ ـ ﻻ ﺭﻭﻳﺰﺓ ﺑﻄﺎﻃﺎ ﻣﺴﻠﻮﻗﺔ ﻭﺍﻟﺤﺎﺭ ـ ﺃﺵ ﻫﺎﺫ ﺍﻷﻛﻼﺕ ﻛﺘﺎﻛﻠﻲ ﻏﻜﺘﺨﺸﻲ ـ ﺑﺼﺤﺘﻲ ـ ﻣﺎﺩﺍﻳﺮﺍﺵ ﻭﺍﺣﺪ ﺍﻟﺤﺎﺟﺔ ﺳﻤﻴﺘﻬﺎ ﺩﺍﻳﺖ ـ ﺑﻨﺖ ﻟﻴﻚ ﻣﺤﺘﺎﺟﺔ ﻟﺸﻲ ﺩﺍﻳﺖ ﻋﻨﺪﻱ ﺷﻲ ﺷﺤﻤﺔ ﻣﺎﻧﻘﺺ ـ ﺍﻟﺼﺮﺍﺣﺔ ﻻ ﻭ ﺩﺍﻛﺸﻲ ﻻﺵ ﻣﻌﺠﺐ ـ ﻛﻨﺎﻛﻞ ﻣﺎﻛﻴﺒﺎﻥ ﻓﻴﺎ ـ ﺳﻌﺪﺍﺗﻚ ﺃﻧﺎ ﻋﻨﺪﻱ ﻭﺍﺣﺪ ﺑﻨﺖ ﻋﻤﻲ ﻣﻀﺎﺭﺑﺔ ﻏﻴﺮ ﻣﻊ ﺍﻟﺮﻳﺠﻴﻢ ﻣﺎﻛﺘﺎﻛﻠﺶ ﺑﺰﺍﻑ ﻭ ﻛﺘﻌﺎﻧﻲ ﻣﻦ ﺍﻟﻮﺯﻥ ﺍﻟﺰﺍﻳﺪ ـ ﻋﻨﺪﻱ ﻟﻴﻚ ﺍﻟﺤﻞ ﺧﻮﺩ ﺣﻨﻴﺶ ﺻﻐﻴﻮﺭ ﻳﺎﻛﺎ ﺷﺮﺑﻮ ﻟﻴﻬﺎ ﻓﺎﻟﻜﺎﺱ ﺗﺸﺮﺑﻮ ﻭ ﻳﻜﺒﺮ ﻓﺎﻟﺬﺍﺕ ﺩﻳﺎﻟﻬﺎ ﺗﻮﻟﻲ ﺍﻟﻠﻲ ﺗﺎﻛﻠﻮ ﻳﺎﻛﻠﻮ ﻣﻌﺎﻫﺎ ﺗﻮﻟﻲ ﻛﻴﻒ ﻋﺼﺎ ﺍﻟﺸﻄﺎﺑﺔ ) ﺑﺎﻟﻤﻨﺎﺳﺒﺔ ﻋﺰﻳﺰﻱ ﺍﻟﻘﺎﺭﺉ ﻻ ﻳﻨﺼﺢ ﺗﺠﺮﺑﺔ ﻫﺬﻩ ﺍﻟﻄﺮﻳﻘﺔ ( ـ ﻓﻌﻠﻢ ﺍﻟﻨﻔﺲ ﺃﻭ ﻓﻲ ﻋﻠﻢ ﺍﻹﺟﺮﺍﻡ ﺑﺎﻟﺘﺤﺪﻳﺪ ﻛﺎﻳﻦ 3 ﺃﻧﻮﺍﻉ ﺍﻟﻤﺠﺮﻣﻴﻦ ﻣﺠﺮﻡ ﺑﺎﻟﻔﻄﺮﺓ ﻭ ﻣﺠﺮﻡ ﺑﺎﻟﺼﺪﻓﺔ ﻭ ﻣﺠﺮﻡ ﺑﺎﻻﻛﺘﺴﺎﺏ ﻭﻧﺘﻲ ﺟﺎﻣﻌﺎﻫﻮﻡ ﺏ3 ﺍﻟﻠﻪ ﻳﺴﺘﺮ ﻛﻤﻠﺖ ﻏﺬﺍﻳﺎ ﻭﺭﺟﻌﻨﺎ ﻟﻠﺸﺮﻛﺔ ﻳﺘﺒﻊ
*******************
ﺎﺭﺕ 21

ﻣﺮﻭﺍﻥ ﻣﻨﻴﻦ ﻛﺎﻧﻜﻮﻥ ﻣﻌﺎﻩ ﺍﻟﻮﻗﺖ ﺩﺍﻏﻲ ﻛﻴﺪﻭﺯ ﻫﺎﺫ ﺍﻟﺸﺨﺺ ﻓﺮﻳﺪ ﻣﻦ ﻧﻮﻋﻪ ﺿﺤﻮﻛﻲ ﻭ ﺣﻤﻖ ﻭ ﻛﻴﻤﺸﻲ ﻣﻊ ﻫﺒﺎﻟﻲ ﺻﺮﺍﺣﺔ ﻳﻄﺒﻖ ﻋﻠﻴﻪ ﻣﻘﻄﻊ ﻣﻦ ﺩﻳﺴﻚ ﺍﻟﺪﻭﺯﻱ " ﺍﻟﻠﻲ ﺗﻤﻨﻴﺘﻮ ﻟﻘﻴﺘﻮ ﻓﻴﻚ ﻛﺎﻉ ﺍﻟﺰﻳﻦ ﻭ ﺍﻟﻌﻘﻠﻴﺔ ﻭﻟﻴﺖ ﻧﻬﻀﺮ ﻏﻴﺮ ﻋﻠﻴﻚ ﻏﺮﺍﻣﻚ ﻫﻮ ﺍﻟﻠﻲ ﺑﻴﺎ " ﺃﻭﻳﻠﻲ ﺃﻧﺎ ﺃﺵ ﻛﻨﻘﻮﻝ ﺃﺷﻤﻦ ﻏﺮﺍﻡ ﺍﻟﻠﻪ ﻳﻬﺪﻳﻨﻲ : ﺍﻟﻨﺎﺱ ﺻﺎﺑﺤﻴﻦ ﻛﻴﻐﻨﻴﻮ ﺍﻟﺪﻭﺯﻱ ﻃﻠﻌﺎﺕ ﺧﺎﻟﺘﻲ ﺧﺪﻳﺠﺔ ﻋﻨﺪﻱ ﺑﺒﺴﻄﺢ ﻭ ﺃﻧﺎ ﺩﺍﻳﺮﺓ ﻓﻴﻬﺎ ﻧﺎﻧﺴﻲ ﻋﺠﺮﻡ ﻓﺴﻄﺢ ـ ﺧﺎﻟﺘﻲ ﺟﻤﻴﻠﺔ ﻛﻴﺪﺍﻳﺮﺓ ﻻﺑﺎﺱ ﻋﻠﻴﻚ ـ ﺃﻧﺎ ﻻﺑﺎﺱ ﺍﻟﺤﻤﺪ ﻟﻠﻪ ﻧﺘﻲ ﺍﻟﻠﻲ ﺃﺵ ﻛﺎﻳﻦ ـ ﻭﺍﻟﻮ ﺍﺧﺎﻟﺘﻲ ﻏﻴﺮ ﻛﺘﻌﺠﺒﻨﻲ ﻫﺎﺫ ﺍﻷﻏﻨﻴﺔ ـ ﺍﻣﻤﻢ ﻛﺘﻌﺠﺒﻚ ﺍﻷﻏﻨﻴﺔ ﻭﻻ ﻣﻮﻻﻫﺎ ﻭﻻ ﺷﻲ ﺣﺪ ﻛﺘﻐﻨﻴﻬﺎ ﻋﻠﻴﻪ ـ ﺍﻟﺼﺮﺍﺣﺔ ﺏ 3 ـ ﺍﻷﻏﻨﻴﺔ ﻭﺍﻟﺪﻭﺯﻱ ﻋﺮﻓﻨﺎﻫﻮﻡ ﺇﻳﻮﺍ ﻭ ﺍﻟﺜﺎﻟﺚ ـ ﻫﺬﺍ ﻭﺍﺣﺪ ﺍﻟﺪﺭﻱ ﺧﺪﺍﻡ ﻣﻌﺎﻳﺎ ـ ﻣﺰﻳﺎﻥ ﺍﺑﻨﺘﻲ ﺍﻟﻠﻪ ﻳﻜﻤﻞ ـ ﻣﺎﻋﺮﻓﺘﺶ ﺃﺧﺎﻟﺘﻲ ـ ﻋﻼﺵ ﺍﺑﻨﺘﻲ ـ ﺯﻋﻤﺔ ﻭﺍﺵ ﺣﺘﻰ ﻫﻮ ﻣﻌﺠﺐ ﺑﻴﺎ ﻭﻻ ﻏﻴﺮ ﺻﺪﻳﻘﺔ ـ ﺍﻳﻼ ﻓﻴﻪ ﺍﻟﺨﻴﺮ ﺭﺑﻲ ﻳﻜﺘﺒﻮ ﻟﻴﻚ ـ ﺩﺍﻛﺸﻲ ﺍﻟﻠﻲ ﻛﺎﻳﻦ ـ ﻫﻮ ﻓﺎﺵ ﺧﺪﺍﻡ ؟؟ـ ﻭﻫﺎﺩﺷﻲ ﺍﻟﻠﻲ ﻣﻬﺒﻠﻨﻲ ﻳﺎﻧﺎ ﻛﻞ ﻣﺮﺓ ﺧﺎﺭﺝ ﻟﻴﺎ ﺑﺨﺪﻣﺔ ﻓﺸﻜﻞ ـ ﺃﻭﻳﻠﻲ ﻳﺎﺑﻨﺘﻲ ﺃﺵ ﻫﺎﺩﺷﻲ ـ ﺁﺧﺮ ﻣﺮﺓ ﻗﺎﻟﻲ ﺑﺎﻟﻠﻲ ﺟﺎﺳﻮﺱ ﻋﻨﺪ ﺍﻟﺒﺎﻃﺮﻭﻥ ﻛﻴﻮﺻﻞ ﻟﻴﻪ ﺍﻷﺧﺒﺎﺭ ﻭ ﻣﺎﺑﻘﻴﺘﺶ ﻋﺎﺭﻓﺔ ـ ﻋﻨﺪﻙ ﻳﺎﺑﻨﺘﻲ ﻏﻴﺮ ﻳﻜﻮﻥ ﺟﺎﺳﻮﺱ ﻟﻠﺸﺮﻛﺔ ﺃﺧﺮﻯ ﻭ ﻛﻴﻮﺻﻞ ﻟﻴﻬﺎ ﺍﻟﺨﻴﺎﺭ ﻭ ﻛﻴﺴﺘﻐﻠﻚ ﻋﻨﺪﻙ ﺗﺨﺮﺟﻲ ﺷﻲ ﺣﺎﺟﺔ ـ ﻻ ﺃﺻﻼ ﺃﻧﺎ ﻣﺎﻋﺎﺭﻓﺔ ﻭﺍﻟﻮ ﺣﺮﺕ ﻳﺎﺧﺎﻟﺘﻲ ـ ﻳﺎﻫﺎﺫ ﺍﻟﻬﺒﻴﻠﺔ ﻣﺎﻋﻨﺪﻙ ﻣﻨﺎﺵ ﺗﺤﻴﺮﻱ ﺧﻠﻴﻬﺎ ﻋﻠﻰ ﺍﻟﻠﻪ ﺧﺎﻟﺘﻲ ﺟﻤﻴﻠﺔ ﻋﺰﻳﺰﺓ ﻋﻠﻴﺎ ﻫﺎﺫﻱ ﺭﺍﻩ ﻫﻲ ﺍﻟﻠﻲ ﻋﺎﻭﻧﺘﻬﺎ ﺣﺘﻰ ﺣﻼﺕ ﺍﻟﺒﺎﺏ ﺩﺍﻙ ﺍﻟﻨﻬﺎﺭ ﻭ ﻣﻦ ﺗﻤﺎ ﻭ ﺣﻨﺎ ﺑﻴﻨﺎﺗﻨﺎ ﻋﻼﻗﺔ ﺯﻭﻳﻨﺔ ﻫﺒﻄﺖ ﻣﻦ ﺍﻟﺴﻄﺢ ﻃﺎﺭﻕ ﻳﻼﻩ ﻓﺎﻳﻖ ﺣﺘﻰ ﻏﻨﺒﺪﺍ ﺍﻟﺠﻔﺎﻑ ﻭ ﻫﻮ ﻋﺎﺩ ﻏﻴﺒﺪﺍ ﻳﺘﺴﺎﺭﺍ ﻟﻴﺎ : ﺷﻮﻑ ﻧﺘﺎ ﻏﺘﺸﺪ ﺭﻛﻨﺔ ﻭﺣﺪﺓ ﺣﺘﻰ ﻧﺠﻔﻒ ﻣﺎﺗﺒﻘﺎﺵ ﺧﻴﻄﻲ ﺑﻴﻄﻲ ﻋﻠﻴﺎ ﻛﻨﻮﺳﺦ ﻟﻴﺎ ﺍﻟﺪﻧﻴﺎ ـ ﻧﻘﻴﺔ ﺑﺰﺍﻑ ﺣﺒﺴﻴﻨﻲ ﺣﺴﻦ ﻏﻨﺘﻤﺸﻰ ﻛﻴﻒ ﺑﻐﻴﺖ ـ ﻭﺟﻠﺲ ﻳﺎﻫﺎﺫ ﺍﻟﻤﻮﺻﻴﺒﺔ ﻛﺘﺒﻘﻰ ﻧﺎﻋﺲ ﻧﺎﻋﺲ ﻏﻴﺮ ﻛﺘﺴﻤﻌﻨﻲ ﻏﻨﺠﻔﻒ ﻛﻀﺮﺑﻚ ﻓﻴﻘﺔ ﺳﺒﺤﺎﻥ ﺍﻟﻠﻪ ﻫﺎﺫ ﺧﻮﻳﺎ ﻗﻤﺔ ﺍﻟﺘﺒﺮﺯﻳﻂ ﻓﺎﺷﻚ ﻧﺪﻳﺮ ﺍﻟﺸﻐﻞ ﻛﻴﻨﻮﺽ ﺣﺘﻰ ﻛﻨﺒﺪﺍ ﻧﺠﻔﻒ ﻛﻴﻔﻄﺮ ﻭ ﻳﺘﻐﺬﻯ ﺣﺘﻰ ﻛﺘﻐﺴﻞ ﺍﻟﻤﺎﻋﻦ ﻛﻴﺪﻭﺵ ﻭﻻ ﻛﻴﺒﺪﻝ ﺣﻮﺍﻳﺠﻮ ﺣﺘﻰ ﻧﻜﻮﻥ ﺳﺎﻟﻴﺖ ﺍﻟﺼﺎﺑﻮﻥ ـ ﻛﻨﺒﻐﻲ ﻧﻌﺎﻭﻧﻚ ـ ﻳﺎﻙ ﻛﻨﺘﻲ ﺧﺎﺭﺝ ﻣﻊ ﺻﺤﺎﺑﻚ ـ ﻭﺍﺵ ﻏﻨﻘﻮﻟﻴﻚ ﻳﺎ ﺃﺧﺘﺎﻩ ﻛﻨﺎ ﺧﺎﺭﺟﻴﻦ ﻓﻌﻼ ﺳﺎﻋﺔ ﻋﺮﻓﺖ ﺑﺎﻟﻠﻲ ﻏﻴﻤﺸﻴﻮ ﻟﻠﺤﺪﻳﻘﺔ ﺩﻳﺎﻝ ﺍﻟﺤﻴﻮﺍﻧﺎﺕ ﺃﺵ ﻏﻨﺸﻮﻑ ﺍﻟﻤﻌﺎﺯ ﻃﻠﻌﻮ ﻟﻴﺎ ﻓﺮﺍﺳﻲ ﺑﻘﻮﺓ ﻣﺎﻛﻨﺸﻮﻓﻬﻮﻡ ﻛﻞ ﻧﻬﺎﺭ ـ ﻣﺎﺑﺎﻏﻴﺶ ﺗﺸﻮﻑ ﺍﻟﻤﻌﺎﺯ ﻭﻻ ﻣﺎﻋﻨﺪﻛﺶ 50 ﺩﺭﻫﻢ ﺩﻳﺎﻝ ﺍﻟﺪﺧﻠﺔ ـ ﻋﻘﺘﻲ ﺑﻴﺎ ﺃﻭﺩﻱ ﻛﻨﺎ ﻣﺤﻴﺤﻴﻦ ﺑﺎﻟﺤﺪﻳﻘﺔ ﻣﻨﻴﻦ ﻛﺎﻧﺖ ﺏ 12 ﺩﺭﻫﻢ ﻭ ﻃﻠﻌﻮﻫﺎ ﺑﻤﺮﺓ ﻓﻘﺖ ﻧﻬﺎﺭ ﺍﻹﺛﻨﻴﻦ ﺑﻜﺮﻱ ﺍﻟﻴﻮﻡ ﻧﻌﺮﻑ ﻫﺎﺫ ﺍﻟﻤﻮﺻﻴﺒﺔ ﺩﻳﺎﻝ ﻣﺮﻭﺍﻥ ﻓﺎﺵ ﺧﺪﺍﻡ ﻣﺸﻴﺖ ﺑﻜﺮﻱ ﻟﻠﺸﺮﻛﺔ ﻭ ﺑﻘﻴﺖ ﻭﺍﻗﻔﺔ ﺑﻌﻴﺪ ﺷﻮﻳﺔ ﻛﻨﺘﺴﻨﺎﻩ ﻳﺪﺧﻞ ﻛﺘﺒﺎﻥ ﻟﻴﺎ ﻭﺍﺣﺪ ﺍﻟﺴﻴﺎﺭﺓ ﺟﺎﻳﺎ ﻭ ﻫﺒﻂ ﻣﻨﻬﺎ ﻭﺍﺣﺪ ﺍﻟﺸﺎﺏ ﺃﻧﻴﻖ ﻡ ﻡ ﻣﺮﻭﺍﻥ ﻫﺎﺫﺍ ﻣﺸﻴﺖ ﻃﺎﻳﺮﺓ ﻭﺻﻠﺖ ﻟﻌﻨﺪﻭ : ﺃﺣﺼﻠﺘﻲ ﻳﺎﻟﺒﺎﻧﻀﻲ ﺗﻠﻔﺖ ﻭ ﺷﺎﻓﻨﻲ ﺑﻘﺎ ﻣﺼﺪﻭﻡ : ﺳﺎﺭﺓ ﺃﺵ ﻛﺪﻳﺮﻱ ﻓﻬﺎﺫ ﺍﻟﻮﻗﺖ ـ ﻛﻨﺮﺍﻗﺒﻚ ﻧﻌﺮﻓﻚ ﺷﻜﻮﻥ ـ ﻭ ﻋﺮﻓﺘﻲ ـ ﺃﺧﻴﺮﺍﺍ ـ ﺃﺷﻨﻮ ﻏﺪﻳﺮﻱ ﺩﺍﺑﺎ ﻣﻨﻴﻦ ﻋﺮﻓﺘﻲ ﺍﻟﺤﻘﻴﻘﺔ ـ ﻭﺍﻟﻮ ﺃﺟﻲ ﺑﻌﺪﺍ ﺃﺷﻤﻦ ﺣﻘﻴﻘﺔ ـ ﻣﺎﻋﺎﺭﻓﺎﺵ ﻋﺮﻓﺘﻴﻨﻲ ﺷﻜﻮﻥ ؟ ـ ﻣﺮﻭﺍﻥ ﺍﻟﺸﻴﻔﻮﺭ ﺩﻳﺎﻝ Mr.Ouazzani ـ ﺷﻴﻔﻮﺭ ﺍﻳﻴﻪ ﺣﺘﻰ ﺷﻴﻔﻮﺭ ﺯﻭﻳﻨﺔ ﻣﺎﻝ ﺷﻴﻔﻮﺭ ـ ﺩﻭﺧﺘﻴﻨﻲ ﺑﺎﺵ ﻧﻌﺮﻑ ﺧﺪﻣﺘﻚ ﺳﺎﻋﺔ ﻣﻌﺎﻣﻦ ﻧﺘﺎ ﻣﺎﻣﺸﻴﺖ ﺣﺘﻰ ﺟﺒﺖ ﺍﻷﺧﺒﺎﺭ ﺃﻧﺎ ﺭﺍﻩ ﻛﻨﺖ ﺑﻐﻴﺖ ﻧﻜﻮﻥ ﺑﻮﻟﻴﺴﻴﺔ ﺳﺎﻋﺔ ﻏﻴﺮ ﺍﻟﻮﺍﻟﻴﺪﺓ ﻭﻟﺪﺍﺗﻨﻲ ﻗﺼﻴﺮﺓ ـ ﺍﻟﺤﻤﺪ ﻟﻠﻪ ﻭﻟﺪﺍﺗﻚ ﻗﺼﻴﺮﺓ ﺃﻣﺎ ﺭﺍﻙ ﺗﺸﺪﻱ ﺍﻟﺒﺮﻱﺀ ﻭ ﺗﻘﻮﻟﻴﻠﻴﻬﻮﻡ ﻫﺎﺫﺍ ﺍﻟﻠﻲ ﻗﺘﻞ ـ ﺑﺎﻟﺤﻖ ﺍﻟﻴﻮﻡ ﺟﻴﺘﻲ ﺑﻮﻛﻮﺹ ﻭﻫﺬﺍ ﺑﻌﺪﺍ ﻛﻮﺳﺘﻴﻢ ﺟﺎ ﻣﻌﻚ ﻣﺎﺷﻲ ﺑﺤﺎﻝ ﻫﺬﺍﻙ ﺩﻳﺎﻝ ﺍﻟﺴﺮﺑﺎﻳﺔ ـ ﻳﺎﻙ ﺑﻌﺪﺍ ﺭﺑﻲ ﻳﺨﻠﻴﻚ ـ ﻭﺭﺍﻙ ﻣﺰﻳﺰ ﺿﺎﺭﺏ ﺍﻟﺤﻄﺔ ﺍﻟﻴﻮﻡ ﺩﻭﺥ ﻟﻴﺎ ﺑﻨﺎﺩﻡ ـ ﻻ ﺣﻮﻝ ﻭ ﻻ ﻗﻮﺓ ﺇﻻ ﺑﺎﻟﻠﻪ ﺃﺵ
****************
جزء 22

ﻻ ﺣﻮﻝ ﻭ ﻻ ﻗﻮﺓ ﺇﻻ ﺑﺎﻟﻠﻪ ﺃﺵ ﻫﺎﺫ ﺍﻷﻟﻔﺎﻅ ﻧﺘﻲ ﻣﻨﻴﻦ ؟ ـ ﻣﻦ ﺍﻷﺣﻴﺎﺀ ﺍﻟﺸﻌﺒﻴﺔ ﻭﺣﻨﺎ ﻛﻨﻬﻀﺮﻭ ﻭﻗﻔﺎﺕ ﻋﻠﻴﻨﺎ ﻭﺍﺣﺪ ﺍﻟﻄﻮﻣﻮﺑﻴﻞ ﺷﻜﻮﻥ ﻫﺎﺫ ﺧﻴﺘﻲ ﻭﻱ ﻋﻘﻠﺖ ﻫﺎﺫﻱ ﺍﻟﻠﻲ ﺍﻟﻨﻬﺎﺭ ﺍﻷﻭﻝ ﻓﺎﻟﺨﺪﻣﺔ ﺗﻼﻗﻴﺘﻬﺎ ﻭ ﻛﻨﺖ ﻛﻨﻘﺎﺩ ﺣﺎﻟﺘﻲ ﻓﺎﻟﻤﺮﺍﻳﺎ ﺩﻳﺎﻝ ﺍﻟﺴﻴﺎﺭﺓ ﻣﺎﻟﻬﺎ ﻛﺘﺨﻨﺰﺭ ﻓﻴﻨﺎ : ﻫﺎﺫ ﺧﻴﺘﻲ ﻣﺎﻟﻬﺎ ﺷﺎﻓﺖ ﻓﻴﻨﺎ ﻃﻠﻌﺎﺕ ﻭ ﻫﺒﻄﺎﺕ ـ ﻫﺎﺫﻱ ﺭﺍﻩ ﺍﻟﺨﻄﻴﺒﺔ ﺍﻷﻭﻟﻰ ﺩﻳﺎﻝ Mr.Ouazzani ﻣﺎﺩﻳﻬﺎﺵ ﻓﻴﻬﺎ ـ ﺍﻟﺨﻄﻴﺒﺔ ﺍﻷﻭﻟﻰ ﻗﺒﻞ ﺍﻟﺰﻭﺟﺔ ﺍﻷﻭﻟﻰ ﻭﻻ ﺍﻟﺜﺎﻧﻴﺔ ـ ﺃﺷﻤﻦ ﺯﻭﺟﺔ ؟ ـ ﻣﺎﻓﺮﺍﺳﻜﺶ Mr.Ouazzani ﺭﺍﻩ ﻣﺰﻭﺝ 2 ﻋﻴﺎﻻﺕ ﺑﻘﺎ ﻛﻴﺸﻮﻑ ﻓﻴﺎ ﺳﺎﻛﺖ ﺷﺤﺎﻝ ﻋﺎﺩ ﻛﻤﻞ : ﻣﺎﻛﻨﻌﺮﻓﺶ ﻫﺎﺩﺷﻲ ﻣﺎﻛﻨﻬﻀﺮﺵ ﻣﻌﺎﻩ ﻓﺎﻟﺤﻴﺎﺓ ﺍﻟﺸﺨﺼﻴﺔ ﺩﺧﻠﺖ ﻟﻠﺸﺮﻛﺔ ﻣﺮﻭﺍﻥ ﺷﻴﻔﻮﺭ ﺩﻳﺎﻝ Mr.Ouazzani ﺩﺧﻠﺖ ﻧﺎﺷﻄﺔ ﻟﻠﺨﺪﻣﺔ ﻛﺘﺒﺎﻥ ﻟﻴﺎ ﺣﺴﻨﺎﺀ ﺍﻷﻣﻮﺭﺓ ﺻﺎﻋﺮﺓ : ﻣﺎﻟﻜﻲ ؟ ـ ﻣﺎﻣﺎﻟﻴﺶ ﻣﻌﺼﺒﺔ ﻏﻴﺮ ﺑﻮﺣﺪﻱ ـ ﻳﺎﻛﻤﺎ ﺷﻲ Code ـ ﻻ ـ ﻭﺻﺎﻓﻲ ﺗﻠﻘﻲ ﺍﻟﻐﻮﺑﺎﺷﺔ )ﺧﻼﺹ ﻓﺎﺵ ﻛﻀﺤﻜﻲ ﻛﺘﺠﻲ ﺯﻭﻳﻨﺔ ﺑﻘﺎ ﻟﻴﻚ ﻏﻴﺮ ﺩﺍﺑﺎ ﻭ ﻧﺘﻲ ﻛﺎﻋﻴﺔ( ـ ﺃﻧﺎ ﻃﻠﻌﺎﺕ ﻟﻴﺎ ﺍﻟﺨﺪﻣﺔ ﻓﺮﺍﺳﻲ ﺑﻐﻴﺖ ﻧﺘﺰﻭﺝ ـ ﻭ ﺗﺰﻭﺟﻲ ﻳﺎﺧﺘﻲ ﺷﻜﻮﻥ ﻣﺎﻧﻌﻚ ـ ﻳﻮﺳﻒ ـ ﻭﻳﻠﻲ ﻣﺎﻝ ﻳﻮﺳﻒ ﻫﻮ ﺍﻟﻠﻲ ﻣﺎﻧﻌﻚ ﻣﻦ ﺍﻟﺰﻭﺍﺝ ـ ﻻ ﺻﺪﻕ ﺧﺎﻃﺐ ـ ﻭ ﻣﻦ ﺑﻌﺪ ـ ﻭﺭﺍﻩ ﻛﻨﺖ ﻛﻨﺒﻐﻴﻪ ﺯﻋﻤﺔ ـ ﻫﺎﺩﺷﻲ ﺟﺪﻳﺪ ﻋﻠﻴﺎ ﺍﻟﺴﺎﻃﺎ ﻣﻦ ﺇﻣﺘﻰ ـ ﻣﻦ ﺃﻭﻝ ﻧﻬﺎﺭ ﺷﻔﺘﻮ ـ ﺍﻟﻨﺎﺱ ﻛﺎﻧﻮ ﻋﺎﻳﺸﻴﻦ ﻗﺼﺔ ﺣﺐ ﻭ ﻣﺨﺒﻴﻴﻦ ـ ﻭﻧﺘﻲ ﻳﺎﻟﻌﻮﺟﺔ ﻛﺎﻳﻦ ﺷﻲ ﻭﺍﺣﺪ ـ ﻭﺍﻟﻠﻪ ﻣﺎﻧﺨﺒﻲ ﻋﻠﻴﻚ ﺃﺣﺒﻴﺒﺔ ﻣﺎﻋﺮﻓﺘﺶ ـ ﻋﺎﻭﺩﻱ ﻋﺎﻭﺩﻱ ـ ﺩﺍﺑﺎ ﺃﻧﺎ ﻣﻌﺠﺒﺔ ﺑﻮﺍﺣﺪ ﻭ ﻣﺎﻋﺮﻓﺘﺶ ﻭﺍﺵ ﻛﻴﺒﺎﺩﻟﻨﻲ ﻧﻔﺲ ﺍﻟﺸﻌﻮﺭ ـ ﻻ ﺣﺒﻴﺒﺔ ﻣﺎﻛﻴﺒﺎﺩﻟﻜﺶ ﻧﻔﺲ ﺍﻟﺸﻌﻮﺭ ـ ﻋﻼﺵ ﻛﺘﻌﺮﻓﻴﻪ ؟ ـ ﻧﻮ ﺍﻟﺰﻳﻦ ﻛﻨﻌﺮﻓﻚ ﻧﺘﻲ ﻋﺮﻓﺘﻲ ﺇﻻ ﻛﻨﺖ ﻛﺘﻬﻀﺮﻱ ﻣﻌﺎﻩ ﺑﺤﺎﻝ ﻫﺎﻛﺎ ﻋﻤﺮﻭ ﻳﺪﻳﻬﺎ ﻓﻴﻚ ﺣﺴﻨﺎﺀ ﻋﻨﺪﻫﺎ ﺍﻟﺤﻖ ﻣﺮﻭﺍﻥ ﻓﺎﺵ ﻛﻨﻬﻀﺮ ﻣﻌﺎﻩ ﻛﻴﺒﻘﻰ ﻏﻴﺮ ﻳﻀﺤﻚ ﻭﻻ ﻳﺴﺘﻬﺰﺃ ﺑﻴﺎ ﻛﻨﻌﺘﺎﻗﺪ ﺑﺎﻟﻠﻲ ﺃﻧﺎ ﻣﺠﺮﺩ ﺣﺎﺟﺔ ﻛﺘﻨﺴﻴﻪ ﺳﺘﺮﻳﺲ ﺍﻟﺨﺪﻣﺔ ﻭ ﻣﻌﻴﻮﺭ Mr.Ouazzani ﻳﺘﺒﻊ
****************************
لجزء 23

ﻭﺍﻟﺼﺪﻣﺔ ﻛﺎﻧﺖ ﻗﻮﻳﺔ ﻛﻞ ﻫﺎﺩﺷﻲ ﺍﻟﻠﻲ ﻋﺸﺖ ﻓﻴﻪ ﻣﺠﺮﺩ ﻭﻗﺖ ﻛﺎﻥ ﻣﺮﻭﺍﻥ ﻛﻴﺪﻭﺯﻭ ﺑﻐﻴﺖ ﻏﻴﺮ ﻧﻌﺮﻑ ﻻﺵ ﺃﻧﺎ ﻣﻘﻠﻘﺔ ﻭﺍﺵ ﻫﻮ ﻋﻤﺮﻭ ﻭﺍﻋﺪﻧﻲ ﺑﺸﻲ ﺣﺎﺟﺔ ﻟﻤﻴﺎﺀ ﻣﺎﻓﻬﻤﺎﺕ ﻭﺍﻟﻮ ﺃﻭﻝ ﻣﺮﺓ ﺗﺸﻮﻓﻨﻲ ﻫﺎﻛﺎ : ﺣﺒﻴﺒﺔ ﻣﺎﻟﻜﻲ ؟ ـ ﻣﺎﻣﺎﻟﻴﺶ ـ ﻏﻴﺮ ﻗﻮﻟﻲ ﻟﻴﺎ ﻣﺎﻟﻚ ﺃﺵ ﻛﺎﻳﻦ ـ ﺩﺍﺑﺎ ﺃﻧﺎ ﻛﻴﻌﺠﺒﻨﻲ ﻭﺍﺣﺪ ﻭ ﺣﺴﻨﺎﺀ ﻗﺎﻟﺖ ﻟﻴﺎ ﺑﺎﻟﻠﻲ ﻣﺎﻳﻤﻜﻨﺶ ﻳﻜﻮﻥ ﺣﺘﻰ ﻫﻮ ﻛﺘﻌﻨﻲ ﻟﻴﻪ ﺷﻲ ﺣﺎﺟﺔ ـ ﻭﺣﺴﻨﺎﺀ ﺑﺎﺵ ﻋﺮﻓﺎﺗﻬﺎ ـ ﻭﺭﺍﻙ ﺷﺎﻳﻔﺎﻧﻲ ﺃﻧﺎ ﻣﺎﻓﻴﺎﺵ ﺯﻭﺍﻕ ﻭ ﺍﻟﺒﺮﻭﺗﻮﻛﻮﻝ ـ ﺷﻮﻓﻲ ﻳﺎﻟﺤﻤﻘﺔ ﻣﺎﺗﺪﻳﻬﺎﺵ ﻓﺤﺴﻨﺎﺀ ﻓﻬﻤﺘﻲ ﻫﻲ ﺭﺍﻩ ﻣﺎﺷﻲ ﺫﺍﻙ ﺍﻟﺪﺭﻱ ﺍﻟﻠﻲ ﻛﻴﻌﺠﺒﻚ ﺑﺎﺵ ﺗﻌﺮﻑ ﻫﻮ ﺑﺎﺵ ﻛﻴﺤﺲ ﺷﻮﻓﻲ ﻳﺎﺣﺒﻴﺒﺔ ﺍﻳﻼ ﻓﻴﻪ ﺧﻴﺮ ﺭﺑﻲ ﻳﻜﺘﺒﻮ ﺍﻳﻼ ﻣﺎﻓﻴﻪ ﺧﻴﺮ ﺭﺑﻲ ﻳﺠﻴﺐ ﻣﺎﺣﺴﻦ ﺣﻴﻨﺖ ﻭﺍﻟﻠﻪ ﺣﺘﻰ ﺗﺴﺘﺎﻫﻠﻲ ﻋﺮﻓﺘﻲ ﺷﻨﻮ ﺃﻧﺎ ﻭﺍﺣﺪ ﻭﻟﺪ ﺍﻟﺤﻮﻣﺔ ﻛﻨﺖ ﻛﻨﺤﻤﺎﻕ ﻋﻠﻴﻪ ﻭﻫﻮ ﻣﺎﻛﺎﻧﺶ ﻛﻴﺪﻳﻬﺎ ﻓﻴﺎ ﻓﺎﺵ ﺟﺎ ﺧﻄﺒﻨﻲ ﺭﺍﺟﻠﻲ ﺍﻟﺤﺎﻟﻲ ﺩﺍﺑﺎ ﻭﺍﻓﻘﺖ ﻏﻴﺮ ﺑﺎﺵ ﻧﺮﺿﻲ ﻭﺍﻟﻴﺪﻳﺎ ﻭ ﺣﻴﻨﺖ ﻣﺎﻛﺎﻥ ﻓﻴﻪ ﻣﺎﻳﺘﻌﺎﺏ ﻃﻠﻲ ﻋﻠﻴﺎ ﺩﺍﺑﺎ ﻋﺎﻳﺸﺔ ﻓﺴﻌﺎﺩﺓ ﺍﻟﺤﻤﺪ ﻟﻠﻪ ﻭ ﻫﺬﺍﻙ ﺍﻟﻮﻟﺪ ﻓﻴﻪ ﻏﻴﺮ ﺍﻟﻤﺸﺎﻛﻞ ﺩﻳﻤﺎ ﻛﻴﺠﻴﺐ ﺍﻟﺼﺪﺍﻉ ـ ﺣﺒﻴﺒﺔ ﻋﺎﺭﻓﺔ ﻫﺎﺩﺷﻲ ﻭﻟﻜﻦ ﻏﻴﺮ ﺍﻹﻧﺴﺎﻥ ﻛﻴﻀﻌﻒ ﻣﺮﺓ ﻣﺮﺓ ﻓﺮﻕ ﻛﺒﻴﺮ ﺑﻴﻦ ﻫﻀﺮﺓ ﺩﻳﺎﻝ ﻟﻤﻴﺎﺀ ﻭ ﺍﻟﺰﻳﻦ ﺍﻟﺼﺎﻓﻲ ﺩﻳﺎﻝ ﺣﺴﻨﺎﺀ ﺫﻛﺮ ﺍﻟﻜﻠﺐ ﻭﺟﺒﺪ ﻫﺮﺍﻭﺗﻮ ﺩﺍﺧﻠﺔ ﻛﻴﻒ ﺍﻟﺮﻋﺪﺓ ﺣﺎﻃﺎ ﺩﺍﻙ Catalogue ﺩﻳﺎﻟﻬﺎ : ﻫﺎﻧﺎ ﺣﺴﻨﺎﺀ ﺟﺎﺕ ﻭ ﺟﺎﺑﺖ ﺍﻟﺠﺪﻳﺪ ﻋﺮﻓﺘﻮ ﻳﺎﻟﺒﻨﺎﺕ ﻫﺎﺫ collection ﻛﺘﺨﻠﻲ ﺍﻟﻄﺎﻳﺢ ﻛﺜﺮ ﻣﻦ ﺍﻟﻨﺎﻳﺾ ﻋﺮﻓﺘﻲ ﻧﺘﻲ ﺭﺍﺟﻠﻚ ﻗﻔﺮﻫﺎ ﺍﻳﻼ ﺩﺭﺗﻲ ﻟﻴﻪ ﻫﺎﺫ ﺍﻟﻤﺎﻛﻴﺎﺝ ﺃﻣﺎ ﻧﺘﻲ ﺧﻼﺹ ﻫﺬﺍﻙ ﺍﻟﻠﻲ ﻛﻴﻌﺠﺒﻚ ﻳﺸﻮﻓﻚ ﺃﻭﻝ ﺣﺎﺟﺔ ﻳﺴﻮﻝ ﻋﻠﻴﻬﺎ ﻋﻨﻮﺍﻥ ﺩﺍﺭﻛﻮﻡ ﻫﺎﻧﺎ ﻫﺎﺫ ﺍﻟﻤﺎﻛﻴﺎﺝ ﻫﻮ ﺍﻟﻠﻲ ﻛﺪﻳﺮ ﻓﺮﻳﺪﺓ ﺍﻟﺒﻄﻠﺔ ﺩﻳﺎﻝ ﺳﺎﻣﺤﻴﻨﻲ ﺃﺧﻴﺮﺍﺍ ﻓﺎﻟﻤﻐﺮﺏ ﻭ ﺑﺄﺛﻤﻨﺔ ﻣﻨﺎﺳﺒﺔ ﻫﺰﻳﺖ ﺫﺍﻙ Catalogue ﻛﻨﻘﻠﺐ ﻓﻴﻪ : ﻫﺎﺫ ﺍﻟﻤﺎﻛﻴﺎﺝ ﻛﻴﺰﻋﺮ ﺍﻟﺸﻌﺮ ﻛﻴﺮﺩ ﺍﻟﻌﻴﻨﻴﻦ ﺯﻭﺭﻕ ﻛﻴﺒﻴﺾ ﺍﻟﺒﺸﺮﺓ ـ ﻻ ـ ﻭﻫﺰﻱ ﻳﺎﺑﻨﺘﻲ ﺭﺍﻩ ﺍﻟﻠﻲ ﺯﻳﻦ ﺯﻳﻦ ﻭﺍﺧﺎ ﻳﻐﺴﻞ ﻣﻦ ﺍﻻﺛﻨﻴﻦ ﺍﻻﺛﻨﻴﻦ ـ
*******************

لجزء 24

لي ﺯﻳﻦ ﺯﻳﻦ ﻭﺍﺧﺎ ﻳﻐﺴﻞ ﻣﻦ ﺍﻻﺛﻨﻴﻦ ﺍﻻﺛﻨﻴﻦ ـ ﻣﺎﻛﺘﺸﺠﻌﻮﺵ ﺍﻟﺼﻨﺎﻋﺔ ﺍﻟﻮﻃﻨﻴﺔ ﺃﺟﻲ ﻣﺘﻰ ﺁﺧﺮ ﻣﺮﺓ ﺩﻭﺷﺘﻲ ـ ﺷﻜﻮﻥ ﺑﻘﺎ ﻋﺎﻗﻞ ﻣﻬﻢ ﺍﻟﺒﻨﺎﺕ ﻧﺪﻳﺮﻭ ﺷﻲ ﺧﺮﺟﺔ ﻟﻠﺤﻤﺎﻡ ـ ﻻ ﻣﺎﻋﻨﺪﻳﺶ ـ ﻣﻌﻔﻮﻧﺔ ﻋﻨﺪﻙ ﻏﻴﺮ ﻓﻠﻮﺱ ﺍﻟﻤﺎﻛﻴﺎﺝ ﺻﺎﻭﺑﺘﻮ code ـ ﻋﻴﻴﺖ ﻣﺎﻧﻀﺎﺭﺏ ﻣﻌﺎﻩ ﻭﻭﺍﻟﻮ ـ ﺍﻳﻮﺍ ﺃﺵ ﻏﻨﻘﻮﻟﻮ ﻟﻴﻮﺳﻒ ـ ﻏﻴﺒﻘﻰ ﻳﻐﻮﺙ ﻋﺎﻭﺗﺎﻧﻲ ﺷﻜﻮﻥ ﺍﻟﻠﻲ ﻏﺎﺗﻬﻀﺮ ﻣﻌﺎﻩ ـ ﺃﻧﺎ ﻣﺸﻴﺖ  ﺫﻳﻚ ﺍﻟﻤﺮﺓ ﻭ ﺑﻘﻴﻨﺎ ﻧﺘﻲ ﺍﻟﻠﻲ ﻏﺘﻤﺸﻲ ﻻ ﻧﺘﻲ ﺣﺘﻰ ﻗﺮﺭﻧﺎ ﻧﺪﻳﺮﻭ ﺍﻟﻘﺮﻋﺔ ﻛﺘﺒﻨﺎ ﺳﻤﻴﺎﺗﻨﺎ ﻓﻮﺭﻳﻘﺎﺕ ﺍﻟﻘﻠﺐ ﻛﻴﻀﺮﺏ ﻫﺰﺍﺕ ﺣﺴﻨﺎﺀ ﻭﺭﻗﺔ ﻟﺤﻈﺔ ﺭﻋﺐ ﺑﻘﺎﺕ ﻛﺘﺤﻠﻬﺎ ﺻﺎﻓﻲ ﺃﻧﺎ ﻏﻨﺴﺨﻒ ﺑﺎﻟﺨﻠﻌﺔ ﻗﻠﺒﺎﺗﻬﺎ ﺃﻭﻭﻭﻑ ﺍﻟﺤﻤﺪ ﻟﻠﻪ ﻣﺎﺷﻲ ﺃﻧﺎ ﺳﺎﺭﺓ ﺍﻟﻠﻲ ﻏﺘﻤﺸﻲ ﺷﻨﻮ ﻫﺎﺫﻱ ﺳﻤﻴﺘﻲ ﺳﺎﺭﺓ ﺃﻧﺎ ﺍﻟﻠﻲ ﻏﻨﻤﺸﻲ ﺃﻧﺎ ﺃﻧﺎ ﻏﺎﺩﺍ ﺑﺤﺎﻟﻲ ﻧﻤﺸﻲ ﻟﺪﺍﺭﻧﺎ ﻭﻻ ﻧﻤﺸﻲ ﻋﻨﺪ ﻳﻮﺳﻒ ﻛﻠﺸﻲ Erreur ﻣﺪﺍﺕ ﻟﻴﺎ ﺣﺴﻨﺎﺀ ﺍﻟﺒﻴﺴﻲ : ﺧﺘﻲ ﺑﺎﻟﺪﻭﻣﻘﺮﺍﻃﻴﺔ ﻧﺘﻲ ﺍﻟﻠﻲ ﺟﺎﺗﻚ ﺍﻟﻘﺮﻋﺔ ﻧﺎﺱ ﺗﺠﻴﻬﻮﻡ ﻗﺮﻋﺔ ﻷﻣﺮﻳﻜﺎ ﻗﺮﻋﺔ ﻳﺸﺪﻭ ﻓﻴﻬﺎ ﺍﻟﻔﻠﻮﺱ ﻳﺮﺑﺤﻮ ﺩﺍﺭ ﻭ ﺃﻧﺎ ﺍﻟﻘﺮﻋﺔ ﻧﻤﺸﻲ ﻧﺘﻮﺍﺟﻪ ﻣﻊ ﻳﻮﺳﻒ ﻭ ﻳﺒﻘﻰ ﻳﻐﻮﺙ ﻭ ﻳﻌﻴﺐ ﺍﻟﺨﺪﻣﺔ ﺃﻣﺮﻱ ﻟﻠﻪ ﻣﺸﻴﺖ ﺳﻮﻟﺖ ﻧﻬﺎﺩ : ﻻ ﺣﺒﻴﺒﺔ ﻳﻮﺳﻒ ﻣﺎﺟﺎﺵ ﺍﻟﻴﻮﻡ ﻣﺮﻳﺾ ﺃﻭﻭﻭﻑ ﻭﺍﺧﺎ ﻣﺎﺑﻐﻴﺘﺶ ﻟﻴﻪ ﺍﻟﻤﺮﺽ ﺣﺴﻦ ﻧﻴﺖ ﻧﺮﺟﻊ ﺑﺤﺎﻟﻲ ﻳﻼﻩ ﻏﻨﺰﻳﺪ : ﺑﻼﺗﻲ ﻗﺎﻟﻲ ﺍﻳﻼ ﺟﺎﺑﻮ Code ﻭﻣﺎﻟﻘﺎﻭﻧﻴﺶ ﻳﻮﺭﻳﻮﻩ ﻝ Mr.Ouazzani ﺣﺒﻴﺒﺔ ﻃﻠﻌﻲ ﻟﻴﻪ ﺍﻟﺨﺪﻣﺔ ﻣﺴﻴﻮ ﺃﺵ ﻳﻮﺳﻒ ﻣﺎﻟﻘﻴﺘﻲ ﻭﻗﺘﺎﺵ ﺗﻤﺮﺽ ﻏﻴﺮ ﺍﻟﻴﻮﻡ ﺃﻭﻳﻠﻲ ﻭ ﻧﻬﺎﺩ ﻣﺎﺷﻲ ﻣﻦ ﺍﻟﻌﺎﻛﺰﻳﻦ ﺫﻳﻚ ﺳﺎﻋﺔ ﺩﻭﺭﺍﺕ ﻟﻠﺴﻜﺮﻳﺘﻴﺮﺓ ﺩﻳﺎﻝ Mr.Ouazzani ﺍﻟﻠﻲ ﻗﺎﻟﺘﻠﻴﻬﺎ ﻗﻮﻟﻴﻬﺎ ﻃﻠﻊ ﻓﻴﻦ ﻏﻨﻄﻠﻊ ﺃﻧﺎ ﺭﺍﻩ ﻏﻨﻬﺒﻂ ﺗﺤﺖ ﺍﻷﺭﺽ ﺃﻭﻳﻠﻲ ﻣﺸﻴﺖ ﻭ ﺃﻧﺎ ﻛﻨﻔﻜﺮ ﻣﻦ ﺩﺍﺑﺎ ﻓﺎﻟﺸﺮﻛﺎﺕ ﺍﻟﻠﻲ ﻏﻨﺪﻓﻊ ﻟﻴﻬﻮﻡ ﻣﻮﺭ ﻣﺎﻳﺠﺮﻱ ﻋﻠﻴﺎ ﻭﺻﻠﺖ ﻋﻨﺪ ﺍﻟﺴﻜﺮﻳﺘﻴﺮﺓ : ﺳﻼﻡ ﻛﺎﻳﻦ Mr.Ouazzani ـ ﻻ ﺣﺒﻴﺒﺔ ﻣﺎﻛﺎﻳﻨﺶ ـ ﺻﺎﻓﻲ ﺣﺘﻰ ﻳﺠﻲ ـ ﻣﺎﻏﻴﺠﻴﺶ ﺍﻟﻴﻮﻡ ﻭﻟﻜﻦ ﻛﺎﻳﻦ ﻣﺮﻭﺍﻥ ﺧﻠﻲ ﻋﻨﺪﻭ ﺍﻟﺨﺪﻣﺔ ﺭﺍﻩ ﻛﺎﻳﻦ ﺩﺍﺑﺎ ﻓﺎﻟﺒﻴﺮﻭ ﺩﻳﺎﻝ Mr.Ouazzani ﻣﺮﻭﺍﻥ ﺣﺴﻦ ﻧﻴﺖ ﻫﻮ ﻧﺨﻠﻲ ﻋﻨﺪﻭ ﺍﻟﺨﺪﻣﺔ ﻭ ﻳﺘﻮﺳﻂ ﻟﻴﺎ ﻣﺎﻳﻐﻮﺗﺶ ﻋﻠﻴﺎ ﺩﺧﻠﺖ ﻟﻠﺒﻴﺮﻭ ﻭﺣﻠﻴﺖ ﻓﻴﻪ ﻓﻤﻲ ﺑﺎﻥ ﻟﻴﺎ ﻣﺮﻭﺍﻥ ﻭﺍﻗﻒ ﺣﺪﺍ ﺍﻟﺒﻴﺮﻭ ﺃﻧﺎ ﻣﺎﻋﻨﺪﻳﺶ ﻣﻊ ﺍﻟﺪﻳﻜﻮﺭ ﻭﺍﺵ ﻫﺬﺍ ﺣﻴﻂ ﺩﻳﺎﻝ ﺍﻟﺰﺟﺎﺝ ﻣﻬﻢ ﺍﻟﻤﺪﻳﻨﺔ ﻛﺎﻣﻠﺔ ﻛﺘﺒﻘﻰ ﺗﺒﺎﻥ : ﺍﻟﺤﻤﺪ ﻟﻠﻪ ﻣﻨﻴﻦ ﻟﻘﻴﺘﻚ ﺃﻭﻭﻭﻑ ﻛﻨﺖ ﻋﺎﻳﺸﺔ ﺍﻟﺮﻋﺐ ـ ﻫﻬﻪ ﻣﺎﻟﻜﻲ ؟ ـ ﺧﻔﺖ ﻧﻠﻘﻰ ﻳﻮﺳﻒ ﺳﺎﻋﺔ ﺻﺪﻗﻨﺎ ﻑ Mr.Ouazzani ـ ﺻﺎﻭﺑﺘﻲ ﺍﻟﺨﺪﻣﺔ ـ ﺧﺎﻃﺌﺔ ـ ﺃﺭﻱ ﻧﺸﻮﻑ ـ ﺳﻴﺮ ﺳﻴﺮ ﺗﺮﻭﻧﻬﺎ ﻟﻴﺎ ﺃﺵ ﺟﺎﺑﻚ ﻟﺸﻲ ﻣﻌﻠﻮﻣﻴﺎﺕ ـ ﻭﻏﻴﺮ ﺃﺭﻱ ﻣﺎﺧﺎﺳﺮﺓ ﻭﺍﻟﻮ ﺧﺬﺍ ﺍﻟﺨﺪﻣﺔ ﻭ ﻛﻴﻘﺮﺍ ﻓﺎﻟﻜﻮﺩﺍﺕ ﺷﻮﻳﺔ ﻛﻴﻜﺘﺐ ﻓﺎ: clavier ﺃﻭﻳﻠﻲ ﺃﺵ ﻛﺪﻳﺮ ﻃﻠﻖ ﻟﻴﺎ ﺍﻟﺒﻴﺴﻲ ﻏﺘﺨﺮﺝ ﻋﻠﻴﺎ ﻣﺎﺩﺍﻫﺎﺵ ﻓﻴﺎ ﻛﻤﻞ ﻭ ﻋﻴﻂ ﻋﻠﻴﺎ ﺷﻮﻓﻲ ﺩﺍﺑﺎ ﻛﻨﺪﻳﺮ test ﺃﻭﻳﻠﻲ l’application ﺧﺪﺍﻣﺔ ﻣﺎﻓﻴﻬﺎ ﺣﺘﻰ ﻣﺸﻜﻞ ﻫﺬﺍ ﻭﺍﺵ ﺳﺮﺑﺎﻱ ﺷﻴﻔﻮﺭ ﻣﺴﺌﻮﻝ ﻋﻦ ﺍﻟﻌﻼﻗﺎﺕ ﺟﺎﺳﻮﺱ ﻣﻬﻨﺪﺱ ﻫﺬﺍ ﺷﻜﻮﻥ ﺍﻋﺒﺎﺩ ﺍﻟﻠﻪ : ﺷﻜﻮﻥ ﻧﺘﻰ ؟ ـ ﻫﻬﻪ ﻛﻴﻔﺎﺵ ﺷﻜﻮﻥ ﺃﻧﺎ ﻣﺮﻭﺍﻥ ﻧﺴﻴﺘﻴﻨﻲ ـ ﻧﺘﻰ ﻫﻮ chef de projet ـ ﻫﻬﻪ ﻻ ﻛﻮﻧﻲ ﻫﺎﻧﻴﺔ ﺃﻧﺎ ﻣﺎﺷﻲ ﺷﺎﻑ ـ ﺃﻭﻭﻭﻑ ﺍﻟﺤﻤﺪ ﻟﻠﻪ ﺧﻠﻌﺘﻴﻨﻲ ـ ﻣﻨﺎﺵ ﺧﻔﺘﻲ ؟ ـ ﺧﻔﺘﻚ ﺗﻜﻮﻥ ﺍﻟﺸﺎﻑ ﻭ ﺃﻧﺎ ﻣﺎﺧﻠﻴﺖ ﻣﺎﻗﻠﺖ ﻓﻴﻚ ـ ﺯﻋﻤﺔ ﻛﻮﻥ ﻛﻨﺖ ﺍﻟﺸﺎﻑ ﺃﺵ ﻏﺪﻳﺮﻱ ؟ ـ ﻛﺘﺴﻮﻝ ﻭﺍﻟﻠﻪ ﺣﺘﻰ ﻧﺤﻂ ﺍﺳﺘﻘﺎﻟﺘﻲ ـ ﻋﻼﺵ ؟ ـ ﻻ ﻣﺎﺧﺎﺻﻜﺶ ﺗﻜﻮﻥ ﺍﻟﺸﺎﻑ )ﺷﺎﻑ ﻭﻧﺘﻰ ﻣﻮﻇﻒ ﺑﺴﻴﻂ ﻣﺎﻭﺻﻠﺘﺶ ﻟﻴﻚ ﺑﻘﻰ ﻏﻴﺮ ﺍﻟﺸﺎﻑ ( ـ ﺃﻧﺎ ﺍﻟﺬﺭﺍﻉ ﺍﻟﻴﻤﻴﻦ ﺩﻳﺎﻝ Mr.Ouazzani ـ ﺫﺭﺍﻉ ﺍﻟﻴﻤﻴﻦ ﻧﺘﻰ ﻫﻮ ﺍﻟﻜﻞ ﻓﻲ ﺍﻟﻜﻞ ـ ﺿﺮﻭﺭﻱ ﺍﻟﺴﻠﻄﺎﺕ ﺍﻟﻤﺤﻠﻴﺔ ﻣﻌﻚ ـ ﺍﻟﺴﻠﻄﺎﺕ ﻫﻲ ﺍﻳﻼ ﺩﺧﻞ ﺍﻟﺒﺎﻃﺮﻭﻥ ﻭﻟﻘﺎﻧﻲ ﻣﺠﺒﺪﺓ ﻟﻴﻪ ﻓﺎﻟﺒﻴﺮﻭ ـ ﻫﻪ ﻻ ﻣﺎﻛﺎﻳﻨﺶ ﺃﺟﻲ ﻧﻮﺭﻳﻚ ﺷﻲ ﺣﺎﺟﺔ ـ ﺣﻤﺎﻗﻴﺘﻲ ﻳﺪﺧﻞ ﺍﻟﺒﺎﻃﺮﻭﻥ ﻳﻠﻘﺎﻧﻲ ﻛﻨﺘﺴﺎﺭﺍ ﻟﻴﻪ ﻫﻨﺎ ـ ﻭﻏﻴﺮ ﻧﻮﺿﻲ ﺣﻞ ﻭﺍﺣﺪ ﺍﻟﺒﺎﺏ ﻭﺩﺧﻠﻨﺎ ﻟﻘﺎﻋﺔ ﺍﻹﺟﺘﻤﺎﻋﺎﺕ ﻣﻘﺎﺑﻠﺔ ﻣﻊ ﺍﻟﺒﺤﺮ ﺃﺣﺴﻦ ﺑﻼﺻﺔ ﻓﺎﻟﺸﺮﻛﺔ ﻛﺎﻣﻠﺔ ـ ﺯﻭﻳﻨﺔ ﺑﺰﺍﻑ ﻛﻠﻬﺎ ﺯﻭﻳﻨﺔ ﻣﺮﻭﺍﻥ ﻗﺎﺭﻱ ﺍﻟﻤﻌﻠﻮﻣﻴﺎﺕ ـ ﻭﻱ ﻣﺎﻟﻜﻲ ﻣﻘﻠﻘﺔ ـ ﺫﺍﻙ ﺍﻟﻨﻬﺎﺭ ﺿﺤﻜﺘﻲ ﻋﻠﻴﺎ ﻭ ﻗﻠﺘﻲ ﻣﺎﻛﺘﻌﺮﻑ ﺗﻜﺘﺐ ﺣﺘﻰ ﺳﻤﻴﺘﻚ ـ ﻻ ﻗﻠﺖ ﻟﻴﻚ ﻛﻨﻌﺮﻑ ﻧﻜﺘﺐ ﺳﻤﻴﺘﻲ ﺑﻼﺗﻲ ﻫﺎﻛﻲ ﻭﺍﺣﺪ ﺍﻟﻜﺘﺎﺏ ﺯﻭﻳﻦ ﻏﻴﻨﻔﻌﻚ ﻳﺘﺒﻊ
**********************

جزء 25

ﺻﻨﺎﻳﻊ ﻭ ﺍﻟﺮﺯﻕ ﺿﺎﻳﻊ ﻫﺎﻛﺎ ﻗﺮﺭﺕ ﻧﺨﺘﺎﺯﻝ ﺧﺪﺍﻣﻲ ﻣﺮﻭﺍﻥ ﺑﺎﺵ ﻧﺒﻘﻰ ﻣﺮﺗﺎﺣﺔ ﻛﻞ ﻣﺮﺓ ﺧﺎﺭﺝ ﻟﻴﺎ ﺑﺸﻲ ﺩﻭﻣﻴﻦ ﻓﺸﻜﻞ ﻛﻞ ﻭﺍﺣﺪ ﻣﺨﺘﻠﻒ ﻋﻦ ﺍﻟﺜﺎﻧﻲ ﺩﺧﻞ ﻳﻮﺳﻒ ﺷﺎﻑ ﻓﻴﻨﺎ ﺃﻭﻝ ﻣﺮﺓ ﻛﻴﺒﺘﺎﺳﻢ : ﺗﺒﺎﺭﻙ ﺍﻟﻠﻪ ﻋﻠﻴﻜﻮﻡ ﻋﺠﺒﺎﺗﻨﻲ ﺍﻟﺨﺪﻣﺔ ﺗﻘﻮﻝ ﺻﺎﻭﺑﻬﺎ ﻣﻬﻨﺪﺱ ﻣﺴﺘﻮﺍﻛﻢ ﺯﻭﻳﻦ ﻛﻨﻘﺪﻡ ﻟﻴﻜﻢ ﺍﻷﻧﺴﺔ ﺷﺎﻫﻴﻨﺎﺯ ﻭﺣﺪﺓ ﻣﻦ ﺍﻟﻤﺴﺌﻮﻟﻴﻦ ﺍﻟﻜﺒﺎﺭ ﻓﺎﻟﺸﺮﻛﺔ ﺷﺎﻫﻴﻨﺎﺯ ﻫﺬﻱ ﻣﺎﺷﻲ ﺍﻟﻠﻲ ﻗﺎﻟﻲ ﻣﺮﻭﺍﻥ ﺧﻄﻴﺒﺔ Mr.Ouazzani ﺍﻷﻭﻟﻰ ﻭ ﺍﻟﻠﻪ ﺣﺘﻰ ﻫﻲ ﻣﺴﺌﻮﻟﺔ ﻫﻨﺎ ﺳﻠﻤﺎﺕ ﻋﻠﻰ ﺍﻟﺒﻨﺎﺕ ﻭ ﺗﻌﺮﻓﺎﺕ ﻋﻠﻴﻬﻮﻡ ﻭﺻﻼﺕ ﺣﺪﺍﻳﺎ ﺳﻠﻤﺎﺕ ﻋﻠﻴﺎ ﻭ ﻛﺘﺤﺒﺲ ﺍﻟﻀﺤﻜﺔ ﻫﺎﺫﻱ ﻣﺎﻟﻬﺎ : ﺳﻤﺤﻴﻠﻴﺎ ﺍﻷﻧﺴﺔ ﺷﺎﻫﻴﻨﺎﺯ ﻳﺎﻛﻤﺔ ﻛﺎﻳﻦ ﺷﻲ ﻣﺸﻜﻞ ـ ﻻ ﻏﻴﺮ ﺟﺎﺗﻨﻲ ﻓﺸﻜﻞ ﻭﺣﺪﺓ ﺑﺤﺎﻟﻚ ﺧﺪﺍﻣﺔ ﻫﻨﺎ ﺃﻭﻝ ﻣﺮﺓ ﺷﻔﺘﻚ ﻛﺎﻥ ﻛﻴﺼﺤﺎﺏ ﻟﻴﺎ ﻣﻨﻲ ﻣﻦ ﺻﺤﺎﺏ ﺍﻟﻤﻴﻨﺎﺝ ﻫﺎﺫﻱ ﻣﺎﻟﻬﺎ ﻣﻌﺎﻳﺎ ﺃﺵ ﺩﺭﺗﻠﻴﻬﺎ ﺣﺘﻰ ﺗﻘﻮﻟﻴﺎ ﻫﺎﻛﺎ ﻗﺪﺍﻡ ﺍﻟﻨﺎﺱ ﻋﺪﻳﺎﻧﻲ ﺭﺗﺎﺣﻮ ﻟﻴﻮﻡ ﺗﺸﻔﺎﻭ ﻣﺰﻳﺎﻥ ﺣﻀﺮﺕ ﺭﺍﺳﻲ ﻭ ﺑﻘﻴﺖ ﺳﺎﻛﺘﺔ ﻣﻊ 12:00 ﺧﺮﺟﺖ ﺑﻮﺣﺪﻱ ﻣﺎﺣﺎﻣﻠﺔ ﻧﻬﻀﺮ ﻣﻊ ﺣﺘﻰ ﻭﺍﺣﺪ ﺩﺯﺕ ﻣﻦ ﺣﺪﺍ ﻣﺮﻭﺍﻥ ﻣﺎﺩﻳﺘﻬﺎﺵ ﻓﻴﻪ ﺗﺒﻌﻨﻲ : ﺳﺎﺭﺓ ﻣﺎﻟﻜﻲ ؟ ـ ﻣﺎﻣﺎﻟﻴﺶ ـ ﺷﻮﻓﻲ ﺣﺎﻟﺘﻚ ﻛﻴﺪﺍﻳﺮﺓ ﻣﻨﺎﺵ ﻣﻘﻠﻘﺔ ـ ﻣﻦ ﻫﺎﺫﻳﻚ ﺷﺎﻫﻴﻨﺎﺯ ﺟﺎﻳﺎ ﻭ ﻛﻀﺤﻚ ﻋﻠﻴﺎ ﺑﻐﻴﺖ ﻏﻴﺮ ﻧﻌﺮﻑ ﺃﺵ ﺩﺭﺕ ﻟﻴﻬﺎ ﻣﺮﻭﺍﻥ ﺳﻜﺖ ﻭ ﻃﻠﻊ ﻟﻴﻪ ﺍﻟﺪﻡ :ﺯﺍﺩﺕ ﻓﻴﻪ ﻏﻨﻬﻀﺮ ﻣﻌﺎﻫﺎ ﻗﺎﻃﻌﺘﻮ : ﺣﻤﺎﻗﻴﺘﻲ ﻻ ﻣﺮﻭﺍﻥ ﻧﺘﻰ ﻓﻌﻼ Bras droit de Mr.Ouazzani ﻭﻟﻜﻦ ﺣﻨﺎ ﺭﺍﻩ ﻏﻴﺮ ﺩﺭﺍﻭﺵ ﻣﺎﻧﻘﺪﻭﺵ ﻋﻠﻴﻬﻮﻡ ـ ﺻﺎﻓﻲ ﻣﻬﻢ ﻧﺘﻲ ﺩﻳﻤﺎ ﻛﺘﻌﺮﺿﻲ ﻋﻠﻴﺎ ﺍﻟﻴﻮﻡ ﺃﻧﺎ ﺍﻟﻠﻲ ﻋﺎﺭﺽ ﻋﻠﻴﻚ ﻟﻠﻐﺬﺍﺀ ـ ﻣﺸﺎﺕ ﻭﻣﺸﻴﻨﺎ ﻭ ﺃﻧﺎ ﻣﻌﻮﻟﺔ ﻋﻠﻰ ﺷﻲ ﺑﺎﻧﻴﻨﻲ ﺣﺘﻰ ﻛﻨﺪﺧﻞ ﻟﻮﺍﺣﺪ ﺍﻟﺮﻳﺴﻄﻮ ﻳﻼﻩ ﺑﻐﺎ ﻳﺪﺧﻞ ﻭﻗﻔﺘﻮ ـ ﻓﻴﻦ ﻏﺎﺩﻳﻴﻦ ـ ﻏﻨﺘﻐﺬﺍﻭ ﻫﻨﺎ ـ ﻻ ﻭﻳﻠﻲ ﺣﻨﺎ ﻗﺎﺩﻳﻦ ﻋﻠﻰ ﻫﺎﺩﺷﻲ ـ ﺭﺍﻩ ﺃﻧﺎ ﺍﻟﻠﻲ ﻋﺎﺭﺽ ﻋﻠﻴﻚ ـ ﻻ ﻣﺎﺑﻐﻴﺘﺶ ﻧﻜﺜﺮ ﻋﻠﻴﻚ ﺧﻼﺻﻚ ﻛﺎﻣﻞ ﻏﺘﺤﻄﻮ ﻓﻐﺬﺍ ـ ﺩﺧﻠﻲ ﻫﺎﺫﻱ ﺃﺻﻼ ﺭﻳﺴﻄﻮ ﺗﺎﺑﻌﺔ ﻟﻠﺸﺮﻛﺔ ﺧﺎﺻﺔ ﺑﺎﻟﻤﻮﻇﻔﻴﻦ ـ ﻭﻗﻮﻝ ﻫﺎﻛﺎ ﺩﺧﻞ ﻧﻘﺴﻴﻮ ـ ﺣﻤﻘﺔ ﻫﻮ ﻛﻴﺎﻛﻞ ﻭ ﺃﻧﺎ ﻏﻴﺮ ﻛﻨﺪﻭﺭ ﺭﺍﺳﻲ ﻛﻴﻒ ﺍﻟﺤﻨﺶ ﻫﻨﺎ ﻭ ﻫﻨﺎ : ﻣﺎﻏﺎﺗﺎﻛﻠﻴﺶ ـ ﻻ ﻏﻴﺮ ﻫﺎﺩﺷﻲ ﺯﻭﻳﻦ ﺍﻟﻮﺯﺍﻧﻲ ﺑﺎﻳﻦ ﻣﺎﺷﻲ ﻏﻴﺮ ﻻﺑﺎﺱ ﻋﻠﻴﻪ ـ ﺍﻟﻮﺯﺍﻧﻲ ﻫﺎﻛﺎ ﺑﻼ ﺍﻟﺴﻲ ـ ﻣﺎﻟﻮ ﺟﺎﻟﺲ ﻣﻌﺎﻳﺎ ﺷﺤﺎﻝ ﺭﺍﺳﻤﺎﻟﻮ ـ ﻧﺘﻲ ﻋﻴﻨﻴﻚ ﻓﻴﻪ ﻛﻴﺒﺎﻥ ﻟﻴﺎ ـ ﻻ ﺃﻧﺎ ﺃﺻﻼ ﻛﻴﻌﺠﺐ.... ﺳﻜﺖ ﻧﺎﺭﻱ ﺃﻧﺎ ﺃﺵ ﻛﻨﺖ ﻏﻨﻘﻮﻝ ﻧﺎﺭﻱ ﻋﺎﻕ ﺑﻴﺎ ﺷﻔﺘﻮ ﺣﺎﺑﺲ ﺍﻟﻀﺤﻜﺔ ﺳﺎﺭﺓ ﻗﻠﺒﻲ ﺍﻟﻤﻮﺿﻮﻉ ﻣﺎﺗﺒﻘﺎﻳﺶ ﺳﺎﻛﺘﺔ : ﻣﺎﻋﻤﺮﻱ ﺷﻔﺘﻮ ﻭﻳﻠﻲ ﻛﻮﻥ ﻛﻨﺖ ﺃﻧﺎ ﻣﻮﻻﺕ ﺍﻟﺸﻲ ﺗﻠﻘﺎﻧﻲ ﻭﺍﻗﻔﺔ ﻓﺎﻟﺒﺎﺏ ﻭ ﺗﺼﺎﻭﺭﻱ ﻓﻜﻞ ﻣﻜﺎﻥ ﻭ ﻛﻨﺒﺎﻥ ﻓﺄﺧﺒﺎﺭ 12:45 ﻋﻨﺪﻱ ﺷﺮﻛﺔ ﺑﺤﺎﻝ ﻫﺬﻳﻚ ﻭﻣﺎﻳﻌﺮﻓﻨﻲ ﺣﺪ ـ ﻛﻴﺒﺎﻥ ﻏﻴﺮ ﻳﻤﻜﻦ ﻣﺎﻛﺘﻜﻮﻧﺶ ﺍﻟﺼﺪﻓﺔ ﺗﺸﻮﻓﻴﻪ ـ ﻣﻤﻜﻦ ﻣﺎﺷﻲ ﺑﺤﺎﻟﻚ ﻏﻴﺮ ﻣﻮﺟﻮﺩ ـ ﻫﺎﻫﻮ ﻏﺎﺩﻱ ـ ﻓﻴﻦ ﻏﺎﺩﻱ ؟ ـ Déplacement ﺳﻴﻤﺎﻧﺔ ﻓﺄﻛﺎﺩﻳﺮ ـ ﻣﺎﻏﺘﻜﻮﻧﺶ ﻓﺎﻟﺤﻔﻠﺔ ﺍﻟﺴﻨﻮﻳﺔ ﺩﻳﺎﻝ ﺍﻟﺸﺮﻛﺔ ـ ﺿﺮﻭﺭﻱ ﻏﻨﺠﻲ ﻧﻬﺎﺭ ﺍﻟﺤﻔﻠﺔ ـ ﻏﺘﺒﻘﺎ ﺑﻼﺻﺘﻚ ـ ﺻﺎﻓﻲ ﻏﻴﺮ ﻏﺎﺩﻱ ﺗﺒﻘﺎ ﺑﻼﺻﺘﻲ ﻭﺍﻟﻠﻪ ﺣﺘﻰ ﻋﺎﻕ ﺑﻴﺎ ﺣﺘﻰ ﺃﻧﺎ ﻟﺴﺎﻧﻲ ﺧﺎﺻﻮ ﻳﺘﻘﻄﻊ ﺗﺤﻨﻴﺖ ﻛﻨﺎﻛﻞ ﻭﻫﻮ ﺣﺎﺿﻴﻨﻲ ﺣﻴﺪ ﻋﻴﻨﻴﻚ ﻋﺎﻓﺎﻙ Déplacement : ﻭ ﻓﻴﻦ ﻓﺄﻛﺎﺩﻳﺮ ﻧﺘﻰ ﻏﺎﺩﻱ ﺗﺼﻴﻒ ﻣﺎﺷﻲ ﺗﺨﺪﻡ ـ ﻭﺷﻔﺘﻲ ﺍﻟﺰﻫﺮ ـ ﺳﻌﺪﺍﺗﻚ ﺧﺎﺻﻨﺎ ﻧﻤﺸﻴﻮ Pause ﺳﺎﻻﺕ ـ ﻳﻼﻩ ﺯﻳﺪﻱ ﺭﺟﻌﺖ ﻟﻠﺸﺮﻛﺔ ﻭ ﺃﻧﺎ ﻓﻌﺎﻟﻢ ﺁﺧﺮ ﻭﺍﺧﺎ ﺍﻋﺘﺮﺍﻓﻲ ﻛﺎﻥ ﺑﻄﺮﻳﻘﺔ ﻏﻴﺮ ﻣﺒﺎﺷﺮﺓ ﺑﺎﻟﻠﻲ ﺃﻧﺎ ﻣﻌﺠﺒﺔ ﺑﻴﻪ ﺣﺴﻴﺖ ﺑﻴﻪ ﺑﺤﺎﻝ ﺍﻳﻼ ﺗﻘﺒﻠﻮ ﻭ ﻣﺎﻣﻌﺎﺭﺿﺶ ﺑﺎﻟﻌﻜﺲ ﺑﺤﺎﻝ ﺍﻳﻼ ﻋﺠﺒﻮ ﺍﻟﺤﺎﻝ ﻳﺘﺒ
***************************

لجزء 26

اﻟﺸﺮﻛﺔ ﺧﺎﻭﻳﺔ ﻫﻬﻪ ﻻ ﻋﻤﺮﻫﺎ ﺗﺨﻮﻯ ﻏﻴﺮ ﺃﻧﺎ ﺣﺴﻴﺖ ﺑﺎﻟﻔﺮﺍﻍ ﺍﻟﻌﺠﺐ ﺭﻏﻢ ﻭﺟﻮﺩ ﺃﻻﻑ ﺍﻟﻤﻮﻇﻔﻴﻦ ﻏﻴﺎﺏ ﺷﺨﺺ ﻭﺍﺣﺪ ﺣﺴﺴﻨﻲ ﺑﻔﺮﺍﻍ ﻛﺒﻴﺮ ﺳﺒﺖ ﻓﺮﺍﻍ ﻛﺒﻴﺮ ﺍﻟﻴﻮﻡ ﺗﺮﺳﻤﻨﺎ ﻓﺎﻟﺸﺮﻛﺔ ﻭ ﻋﻄﺎﻭﻧﺎ ﺑﺤﺎﻝ Rappel ﻣﻬﻢ ﻣﺒﻠﻎ ﻣﺤﺘﺎﺭﻡ ﻣﻦ ﺍﻟﻔﻠﻮﺱ ﻟﻤﻴﺎﺀ ﻓﺮﺗﻜﺎﺕ ﺍﻟﺨﻠﺼﺔ ﻛﺎﻣﻠﺔ ﻋﻨﺪ ﺣﺴﻨﺎﺀ ﻭ ﺃﻧﺎ ﺧﺒﻴﺘﻬﺎ ﻧﻌﻄﻴﻬﺎ ﻟﻠﻮﺍﻟﻴﺪﺓ ﺣﺴﻨﺎﺀ ﻣﺎﻗﺎﺩﺍﻫﺎ ﻓﺮﺣﺔ : ﻏﻨﺸﺮﻳﻬﺎ ﻛﻠﻬﺎ ﺣﻮﺍﻳﺞ ﻭ ﻣﺎﻛﻴﺎﺝ ﺑﺎﺵ ﻧﺒﺎﻥ ﻓﺎﻟﺤﻔﻠﺔ ﻋﺮﻓﺘﻮ Mr.Ouazzani ﻳﺠﻲ ﻳﺨﻄﺒﻨﻲ ـ ﺃﺵ ﺑﻐﻴﺘﻲ ﺑﻴﻪ ﻣﺰﻭﺝ 2 ﻋﻴﺎﻻﺕ ـ ﺩﺍﻛﺸﻲ ﺍﻟﻠﻲ ﺳﻤﻌﺖ ﺣﺘﻰ ﺃﻧﺎ ﻟﻤﻴﺎﺀ ﺣﻄﺎﺕ ﺍﻟﺒﻴﺴﻲ ﻣﻦ ﻳﺪﻳﻬﺎ : ﻭﺍﻟﻠﻪ ﺭﺍﻛﻮﻡ ﺟﺎﻳﺒﻴﻦ ﺍﻟﺨﺒﺎﺭ ﺑﺎﻟﻤﻘﻠﻮﺏ ـ ﺃﺷﻤﻦ ﺧﺒﺎﺭ ؟ ـ ﺧﺒﺎﺭ Mr.Ouazzani ﺣﺴﻨﺎﺀ ﻣﻨﺘﺎﺑﻬﺔ ﻣﻌﺎﻫﺎ ﻭ ﺃﻧﺎ ﻣﺎﻣﺴﻮﻗﺎﺵ : ﻟﻤﻴﺎﺀ ﺷﻨﻮ ﻛﺘﻌﺮﻓﻲ ﻋﻠﻴﻪ ـ ﺳﻤﻌﻲ ﺩﺍﺑﺎ ﻓﻌﻼ Mr.Ouazzani ﻣﺰﻭﺝ 2 ﻋﻴﺎﻻﺕ ﻭﻟﻜﻦ ﺭﺍﻩ ﻣﺎﺷﻲ ﻫﻮ ﻣﻮﻝ ﺍﻟﺸﺮﻛﺔ ـ ﺳﻴﺮﻱ ﺳﻴﺮﻱ ﺻﺤﺎﺑﻠﻲ ﻧﻴﺖ ﻭﺍﺵ ﻋﺎﺭﻓﺔ ﺷﻲ ﺣﺎﺟﺔ ـ ﻭﻏﻴﺮ ﺳﻤﻌﻲ Mr.Ouazzani ﺃﻭﻻ ﻋﻨﺪﻭ ﺳﻠﺴﻠﺔ ﻓﻨﺎﺩﻕ ﻭ ﻣﻄﺎﻋﻢ ﻭﻭﻟﺪﻭ ﻣﺒﻠﻲ ﺑﺎﻟﻤﻌﻠﻮﻣﻴﺎﺕ ﻣﻨﻴﻦ ﻛﻤﻞ ﻗﺮﺍﻳﺘﻮ ﻣﺎﺑﻐﺎﺵ ﻳﺨﺪﻡ ﻣﻊ ﺑﺎﺑﺎﻩ ﻭﺩﺍﺭ ﻫﺎﺫ ﺍﻟﺸﺮﻛﺔ ﻓﻬﻤﺘﻲ ﺭﺍﻩ Mr.Ouazzani ﺍﻹﺑﻦ ﻫﻮ ﻣﻮﻝ ﺍﻟﺸﺮﻛﺔ ﻣﺎﺷﻲ ﺍﻷﺏ ـ ﻭﻧﺘﻲ ﻣﻨﻴﻦ ﻋﺮﻓﺘﻲ ﻫﺎﺩﺷﻲ ـ ﺭﺍﺟﻠﻲ ﺧﺪﺍﻡ chef cuisinnier ﻓﻮﺍﺣﺪ ﻣﻦ ﺍﻟﻤﻄﺎﻋﻢ ﺩﻳﺎﻟﻮ ـ ﺩﺍﺑﺎ ﺭﺍﺟﻠﻚ ﻃﺒﺎﺥ ﻭ ﻣﺮﺍﺗﻮ ﺧﺪﺍﻣﺔ l’info ﻣﺎﻟﻜﻢ ﻣﻘﻠﻮﺑﻴﻦ ـ ﻭﻫﺎﻧﺘﻲ ﺗﺸﻮﻓﻲ ـ ﻛﻴﺪﺍﻳﺮ ﺍﻟﺒﺎﻃﺮﻭﻥ ـ ﻛﻴﻘﻮﻟﻮ ﺑﺎﻗﻲ ﺻﻐﻴﺮ ﻭ ﺑﻮﻛﻮﺹ ﻭ ﻣﻤﺰﻭﺟﺶ ـ ﻧﺎﺭﻱ ﺻﺎﻓﻲ ﺯﻫﺮﻱ ﺿﺤﻚ ﻟﻴﺎ ﺃﻧﺎ ﻭﻟﻴﺖ ﻛﻨﺒﻐﻴﻪ ﻫﻬﻬﻪ ﺃﺣﻴﺎﻧﻲ ﻋﻠﻴﻚ ﻛﺘﺒﻐﻴﻪ ﻫﻮ ﻭﻻ ﻓﻠﻮﺳﻮ ﻭﺷﺮﻛﺘﻮ ﺍﻟﺒﻨﺖ ﻏﻴﺮ ﺳﻤﻌﺎﺕ ﺍﻟﺒﺎﻃﺮﻭﻥ ﺻﻐﻴﺮ ﻭﺯﻭﻳﻦ ﺩﺍﺧﻮ ﻋﻮﻳﻨﺎﺗﻬﺎ ﻳﻜﻮﻥ ﻭﺳﻴﻢ ﺣﺘﻰ ﻳﻌﻴﺎ ﻣﺎﺷﻲ ﺑﺤﺎﻝ ﻣﺮﻭﺍﻥ ﻭﻟﻜﻦ ﻓﺸﻜﻞ ﻫﺎﺫ ﺍﻟﻘﻀﻴﺔ ﺩﺍﺑﺎ junior Mr.Ouazzaniﻫﻮ ﺍﻟﺒﺎﻃﺮﻭﻥ ﻣﺮﻭﺍﻥ ﻋﻤﺮﻭ ﺟﺒﺪ ﻟﻴﺎ ﻫﺎﺫ ﺍﻟﻘﻀﻴﺔ ﻭ ﺃﻧﺎ ﻣﺎﻟﻲ ﻓﺎﻟﺤﻔﻠﺔ ﻧﺸﻮﻓﻮﻩ ﻭ ﻧﺘﻌﺮﻓﻮ ﻋﻠﻴﻪ ﻋﻄﻴﺖ ﻟﻤﺎﻣﺎ ﺍﻟﺮﺍﺗﺐ ﻭﺷﺤﺎﻝ ﻓﺮﺣﺎﺕ ﻣﺴﻜﻴﻨﺔ ﺍﻟﺤﻤﺪ ﻟﻠﻪ ﻣﻨﻴﻦ ﻗﺪﻳﺖ ﻧﺮﺽ ﻟﻴﻬﺎ ﻭﻟﻮ ﺟﺰﺀ ﻣﻦ ﺩﺍﻛﺸﻲ ﺍﻟﻠﻲ ﺩﺍﺭﺗﻮ ﻟﻴﺎ ﻭﺍﺧﺎ ﻣﺴﺘﺤﻴﻞ ﺗﺮﺽ ﺣﻖ ﺍﻟﻮﺍﻟﻴﺪﻳﻦ ﺍﻟﻠﻪ ﻳﺴﻤﺢ ﻟﻴﻨﺎ ﻣﻨﻬﻢ ﻭﺻﻞ ﺍﻟﻴﻮﻡ ﺍﻟﻤﻮﻋﻮﺩ ﻳﻮﻡ ﺍﻟﺤﻔﻞ ﻓﺮﺣﺎﻧﻴﻦ ﺑﺎﻟﺘﺮﺳﻴﻢ ﺩﻳﺎﻟﻨﺎ ﻭ ﺃﻧﺎ ﻓﺮﺣﺘﻲ ﺯﺍﻳﺪﺓ ﻣﻌﻠﻮﻡ ﻭ ﺃﻧﺎ ﺍﻟﻠﻲ ﻏﻨﺸﻮﻑ ﻣﺤﺒﻮﺏ ﺧﺎﻃﺮﻱ ﻣﻮﺭ ﺃﺳﺒﻮﻉ ﺩﻳﺎﻝ ﺍﻟﻐﻴﺎﺏ ﺟﺎﻳﺎ ﺣﺪﺍﻳﺎ ﺣﺴﻨﺎﺀ : ﺯﻳﻦ ﻧﻌﺠﺐ Mr.Ouazzani ـ ﻻ ـ ﻋﻼﺵ ؟ ـ ﻋﺮﻓﺘﻲ ﺇﻻ ﻛﻨﺖ ﻛﺘﻬﻀﺮﻱ ﻣﻌﺎﻩ ﺑﺤﺎﻝ ﻫﺎﻛﺎ ﻋﻤﺮﻭ ﻳﺪﻳﻬﺎ ﻓﻴﻚ ﺃﺧﻴﺮﺍ ﻗﺪﺭﺕ ﻧﺮﺩﻫﺎ ﻟﻴﻬﺎ ﻭ ﺟﻤﻌﻲ ﺻﺮﻓﻚ ﺩﺍﺑﺎ ﻣﺮﺓ ﺃﺧﺮﻯ ﺩﻭﺭﻱ ﺑﻴﺎ ﻓﻌﻼ ﺣﺘﻰ ﺃﻧﺎ ﺟﺎﻧﻲ ﺍﻟﻔﻀﻮﻝ ﻧﻌﺮﻑ ﺷﻜﻮﻥ ﻫﻮ Mr.Ouazzani ﺧﺼﻮﺻﺎ ﺃﻥ ﻛﻠﺸﻲ ﻛﻴﻬﻀﺮ ﻏﻴﺮ ﻋﻠﻴﻪ ﻣﺮﻭﺍﻥ ﺗﻌﻄﻞ ﺷﺎﻫﻴﻨﺎﺯ ﻫﻨﺎ ﻣﺎﻛﺘﺤﻴﺪﺵ ﻋﻴﻨﻴﻬﺎ ﻋﻠﻴﺎ ﻃﻠﻊ ﻳﻮﺳﻒ ﻟﻠﻤﻨﺼﺔ : ﺃﻳﻬﺎ ﺍﻟﺤﻀﻮﺭ ﺍﻟﻜﺮﻳﻢ ﻣﺮﺣﺒﺎ ﺑﻴﻜﻢ ﻓﺎﻟﺤﻔﻞ ﺍﻟﺴﻨﻮﻱ ﺍﻟﺘﺎﺳﻊ ﻟﻤﺠﻤﻮﻋﺔ ﺷﺮﻛﺎﺕ Web ﺍﻟﻠﻲ ﻛﺘﺸﻬﺪ ﻧﺠﺎﺡ ﻭ ﺗﻘﺪﻡ ﺳﻨﺔ ﺑﻌﺪ ﺃﺧﺮﻯ ﺑﻔﻀﻞ ﻣﺠﻬﻮﺩ ﻣﺠﻤﻮﻋﺔ ﺩﻳﺎﻝ ﺍﻟﻨﺎﺱ ﺃﺑﺮﺯﻫﻢ ﺍﻟﺴﻲ ﺃﻣﻴﻦ ﺍﻟﻠﻲ ﻏﺎﺩﻱ ﻳﺤﻀﻰ ﺑﺘﻜﺮﻳﻢ ﺧﻼﻝ ﺍﻟﺤﻔﻞ ﻭﻧﻄﻠﺐ ﻣﻨﻮ ﻳﻘﺪﻡ ﻛﻠﻤﺔ ﺍﻟﺴﻲ ﺃﻣﻴﻦ ﻛﻴﻬﻀﺮ ﻭ ﺃﻧﺎ ﻛﻨﺘﻤﻨﻰ ﺷﻲ ﻧﻬﺎﺭ ﻧﻜﻮﻥ ﺑﻼﺻﺘﻮ ﻭ ﻳﻜﺮﻣﻮﻧﻲ ﺳﺎﻋﺔ ﻛﻴﺒﺎﻥ ﻟﻴﺎ ﻏﻴﻜﺮﻣﻮﻧﻲ ﺑﺎﻟﻌﺼﺎ ﻋﻠﻰ ﺧﺪﻣﺘﻲ ﺍﻟﺰﻳﻨﺔ ﻓﻴﻨﻚ ﻳﺎﻣﺮﻭﺍﻥ ﻳﺎﻛﻤﺔ ﻣﺎﻏﺎﺩﻳﺶ ﻳﺠﻲ ﻳﻮﺳﻒ ﻗﻄﻊ ﺣﺒﻞ ﺃﻓﻜﺎﺭﻱ ﻣﻨﻴﻦ ﺗﻘﺪﻡ ﺛﺎﻧﻲ ﻟﻠﻤﻨﺼﺔ : ﺃﻛﻴﺪ ﺷﺮﻛﺘﻨﺎ ﺍﻵﻥ ﺃﺻﺒﺤﺖ ﻣﻦ ﺑﻴﻦ ﺃﺑﺮﺯ ﺍﻟﺸﺮﻛﺎﺕ ﻓﺎﻟﻤﻤﻠﻜﺔ ﻭ ﻫﺎﺩﺷﻲ ﻛﺎﻣﻞ ﺑﻔﻀﻞ ﻃﻤﻮﺡ ﻭ ﻋﺰﻳﻤﺔ ﻭﺣﺪ ﺍﻟﺸﺨﺺ ﺍﻟﻠﺬﻱ ﺃﺻﺒﺢ ﻳﻀﺮﺏ ﺑﻴﻪ ﺍﻟﻤﺜﻞ ﻓﺎﻟﺘﺤﺪﻱ ﻭ ﻓﺎﻟﻌﻤﻞ ﺃﻛﻴﺪ ﻋﺮﻓﺘﻮﻧﻲ ﻋﻼﻣﻦ ﻛﻨﻬﻀﺮ ﺭﺋﻴﺲ ﻣﺠﻠﺲ ﺇﺩﺍﺭﺓ ﻣﺠﻤﻮﻋﺔ ﺷﺮﻛﺎﺕ Web ﺍﻟﺴﻴﺪ ﻣﺮﻭﺍﻥ ﺍﻟﻮﺯﺍﻧﻲ ﻻ ﻳﺎﺭﺑﻲ ﻫﺎﺩﺷﻲ ﺍﻟﻠﻲ ﻓﺒﺎﻟﻲ ﻣﺎﻳﻜﻮﻧﺶ ﺻﺤﻴﺢ ﻳﺎﺭﺑﻲ ﻧﻜﻮﻥ ﻣﺎﺳﻤﻌﺘﺶ ﻣﺰﻳﺎﻥ ﺗﻠﻔﺖ ﻧﺸﻮﻑ ﻓﻌﻼ ﻫﻮ ﻣﺮﻭﺍﻥ ﻣﺮﻭﺍﻥ ﻫﻮ PDG ﻳﺘﺒﻊ
*******************

جزء 27

ﻣﺴﺌﻮﻝ ﻋﻦ ﺍﻟﻌﻼﻗﺎﺕ Directive privé ﺷﻴﻔﻮﺭ Chef de Projet ﻣﻬﻨﺪﺱ ﻻ ﻭﺍﻟﻮﺍﻋﺮﺓ ﺳﺮﺑﺎﻱ Bras droit ﺍﻟﺨﺪﺍﻣﻲ ﺗﺼﻮﺭﺗﻬﻮﻡ ﻟﻤﺮﻭﺍﻥ ﻭﻟﻜﻦ ﺑﺎﺵ ﻳﻜﻮﻥ PDG ﺩﻳﺎﻝ ﺍﻟﺸﺮﻛﺔ ﻻ ﻋﻤﺮﻱ ﺗﺼﻮﺭﺗﻬﺎ ﻣﺮﻭﺍﻥ ﻛﻴﺴﻠﻢ ﻋﻠﻰ ﻛﻞ ﻣﺠﻤﻮﻋﺔ ﻭﺻﻞ ﻟﻠﻤﺠﻤﻮﻋﺔ ﺍﻟﻠﻲ ﻓﻴﻬﺎ ﺃﻧﺎ ﺷﻔﺖ ﻓﻴﻪ ﻭ ﺣﻀﺮﺕ ﺭﺍﺳﻲ ﺿﺤﻚ ﻭﻭﺻﻞ ﻟﻠﻤﻨﺼﺔ : ﺷﻜﺮﺍ ﻋﻠﻰ ﺍﻟﺘﺮﺣﻴﺐ ﻭ ﺷﻜﺮﺍ ﻳﻮﺳﻒ ﻋﻠﻰ ﺍﻟﻜﻠﻤﺎﺕ ﺩﻳﺎﻟﻚ ﺷﺮﻛﺔ Web ﻣﺎﻋﻤﺮﻫﺎ ﺗﺴﻮﻯ ﺷﻲ ﺣﺎﺟﺔ ﺑﻼ ﻣﻮﻇﻔﻴﻨﻬﺎ ﻛﻨﺸﻜﺮﻛﻢ ﻋﻠﻰ ﺍﻟﺘﻔﺎﻧﻲ ﻭ ﺍﻹﺧﻼﺹ ﻓﺎﻟﻌﻤﻞ ﺻﺮﺍﺣﺔ ﺃﻧﺎ ﻛﻨﺒﻐﻲ ﻛﻞ ﺳﻨﺔ ﻧﺪﻳﺮ ﺣﻔﻠﺔ ﺑﺎﺵ ﻧﻌﺒﺮﻟﻴﻜﻢ ﻋﻠﻰ ﻣﺪﻯ ﺍﻓﺘﺨﺎﺭﻱ ﺑﻴﻜﻢ ﻧﺘﻮﻣﺎ ﻫﻤﺎ ﺭﺍﺱ ﺍﻟﻤﺎﻝ ﺩﻳﺎﻝ ﻫﺎﺫ ﺍﻟﺸﺮﻛﺔ ﻋﻠﻰ ﺍﻣﺘﺪﺍﺩ 8 ﺳﻨﻴﻦ ﻭﺃﻧﺎ ﻓﺮﺣﺎﻥ ﺑﻴﻜﻢ ﻭﺍﺧﺎ ﻣﺮﺓ ﻣﺮﺓ ﻛﻨﻐﻮﺙ ﻭ ﻛﻨﺴﻤﻊ ﺷﻲ ﺇﺷﺎﻋﺎﺕ ﻋﻠﻴﺎ ﻣﺎﻋﻠﻴﻨﺎ ﻭﻟﻜﻦ ﻫﺎﺫ ﺍﻟﻌﺎﻡ ﺑﺎﻟﻨﺴﺒﺔ ﻟﻴﺎ ﻛﺎﻥ ﺍﺳﺜﺘﻨﺎﺋﻲ ﻋﺸﺖ ﻓﻴﻪ ﺃﺣﺪﺍﺙ ﺯﻭﻳﻨﺔ ﻛﻨﺒﻐﻲ ﻧﺘﻘﺪﻡ ﺑﺎﻟﺸﻜﺮ ﻟﻮﺍﺣﺪ ﺍﻟﺸﺨﺺ ﺃﻛﻴﺪ ﻏﻴﻜﻮﻥ ﻋﺎﺭﻓﻨﻲ ﻛﻨﻬﻀﺮ ﻋﻠﻴﻪ ﻋﻠﻰ ﺭﻭﺡ ﺍﻟﻤﺮﺡ ﺍﻟﻠﻲ ﺩﺧﻠﻬﺎ ﻓﻴﺎ ﺃﻧﺎ ﻣﻜﺘﻌﺠﺒﻨﻴﺶ ﺍﻟﻬﻀﺮﺓ ﺑﺰﺍﻑ ﺃﻣﺴﻴﺔ ﺳﻌﻴﺪﺓ ﺃﺵ ﺑﺎﻗﺎ ﻛﻨﺪﻳﺮ ﺃﻧﺎ ﻫﻨﺎ ﻫﺬﻱ ﻣﺎﺷﻲ ﺑﻼﺻﺘﻲ ﻫﺬﺍ ﻫﺬﺍ ﺍﻟﻠﻲ ﻗﺪﺍﻣﻲ ﺩﺍﺑﺎ ﺷﻜﻮﻥ ﻫﻮ ؟ ﻭﺍﺵ ﻣﺮﻭﺍﻥ ﺍﻟﺸﺨﺺ ﺍﻟﻤﺮﺡ ﺍﻟﻤﺠﻨﻮﻥ ﺍﻟﻠﻲ ﺑﻐﻴﺘﻮ ﻭﻻ Mr.Ouazzani ﺍﻟﺮﺋﻴﺲ ﺍﻟﻠﻲ ﻣﺘﻜﺒﺮ ﻭ ﺻﺎﺭﻡ ﺃﻧﺎ ﻓﻴﺎ ﺍﻧﻔﺼﺎﻡ ﺍﻟﺸﺨﺼﻴﺔ ﻭﺍﻗﻴﻠﺔ ﺭﺍﻩ ﻧﻔﺲ ﺍﻟﺸﺨﺺ ﺃﻧﺎ ﻏﻨﺪﺧﻞ ﻟﻤﺮﺣﻠﺔ ﺍﻟﺠﻨﻮﻥ ﻏﻨﺨﺮﺝ ﺑﺤﺎﻟﻲ ﻳﻼﻩ 5 ﺑﺎﻗﻲ ﺍﻟﺤﺎﻝ ﺧﺮﺟﺖ ﻣﻦ ﺍﻟﺸﺮﻛﺔ ﻣﺎﻭﺍﻋﻴﺎﺵ ﻻ ﺑﺎﻟﻠﻲ ﻣﻌﺎﻳﺎ ﻻ ﺑﺎﻟﻠﻲ ﺣﺪﺍﻳﺎ ﻣﻜﻨﺸﻮﻓﺶ ﻗﺪﺍﻣﻲ ﻣﺎﻛﻨﺴﻤﻌﺶ ﻏﻴﺮ ﻛﻨﺘﻤﺸﻰ ﻣﺎﻋﺎﺭﻓﺎﺵ ﻓﻴﻦ ﻛﻨﺤﻂ ﺭﺟﻠﻲ ﻏﻨﻘﻄﻊ ﺍﻟﻄﺮﻳﻖ ﺷﻮﻳﺔ ﻣﺎﺗﺠﻤﻌﻨﻲ ﻭﺍﺣﺪ ﺍﻟﺴﻴﺎﺭﺓ ﺣﺘﻰ ﻛﻨﺤﺲ ﺑﻴﺪ ﺟﺮﺍﺗﻨﻲ ﻟﻠﺮﺻﻴﻒ ﺗﻠﻘﺖ ﻧﺸﻮﻑ ﺷﻜﻮﻥ ﻫﻮ ﻭﻟﻜﻦ ﺷﻜﻮﻥ ﻫﻮ ﺑﻘﺎ ﺷﺎﺩﻧﻲ ﻭ ﺃﻧﺎ ﺳﺎﻫﻴﺔ ﻓﻴﻪ ﻧﻔﺲ ﺍﻟﻮﺟﻪ ﻭﻟﻜﻦ ﻣﺎﺷﻲ ﻧﻔﺲ ﺍﻟﻨﻈﺮﺓ ﻭ ﻣﺎﺷﻲ ﻧﻔﺲ ﺍﻟﺸﺨﺼﻴﺔ ﻣﺎﺷﻲ ﻧﻔﺲ ﺍﻹﺣﺴﺎﺱ ﺑﻐﻴﺖ ﻧﺼﺮﺥ ﻭ ﻧﻘﻮﻟﻴﻪ ﺷﻜﻮﻥ ﻧﺘﻰ ؟ ﻭﻟﻜﻦ ﺧﺎﻧﻲ ﺍﻟﺼﻮﺕ ﻓﻠﺖ ﺭﺍﺳﻲ ﻣﻦ ﺑﻴﻦ ﻳﺪﻳﻪ : ﻭﺍﺵ ﻣﻜﺘﺸﻮﻓﻴﺶ ﻗﺪﺍﻣﻚ ﺭﺍﻩ ﻛﻨﺖ ﻏﺎﺩﻳﺮﻱ ﺣﺎﺩﺛﺔ ﺑﺎﺵ ﻏﻨﺠﺎﻭﺑﻮ ﻛﻴﻔﺎﺵ ﻏﻨﻬﻀﺮ ﻣﻌﺎﻩ ﻭﺍﺵ ﺑﺄﺳﻠﻮﺏ ﺍﻷﻭﻝ ﻭﻻ 100 ﺗﺴﺎﺅﻝ ﻓﺎﻟﺮﺍﺱ ﻏﺘﺒﻘﺎﻱ ﺳﺎﻛﺘﺔ ﺟﺎﻭﺑﻴﻨﻲ ﺭﺍﻙ ﺧﻠﻌﺘﻴﻨﻲ ﻋﻠﻴﻚ ـ ﻣﺮﻭ... ﺗﻠﺠﻢ ﻟﻴﺎ ﻟﺴﺎﻧﻲ ﻻ ﻫﺬﺍ ﻣﺎﺷﻲ ﻣﺮﻭﺍﻥ ﺟﻤﻌﺖ ﻣﺎﺗﺒﻘﻰ ﻟﻲ ﻣﻦ ﻗﻮﻯ Mr.Ouazzani ﺷﻜﺮﺍ ـ ﻋﺎﻭﺩﻱ Mr.Ouazzani ﻣﻦ ﺇﻣﺘﻰ ﻛﺘﻌﻴﻄﻲ ﻋﻠﻴﺎ ﻫﺎﻛﺎ ـ ﺳﻤﺤﻠﻲ ﻋﻠﻰ ..... ﻳﺴﻤﺤﻠﻴﺎ ﻋﻼﻳﺎﺵ ﻋﻠﻰ ﺃﻧﺎ ﺧﻠﻴﺖ ﻓﻴﻬﺎ ﺷﻲ ﻣﺴﺎﻣﺤﺔ ﻣﺎﺧﻠﻴﺖ ﻣﺎﻗﻠﺖ ﻓﻴﻪ ﻭﺍﺵ ﻋﻨﺪﻱ ﺍﻟﻮﺟﻪ ﺍﻟﻠﻲ ﻳﺒﻘﻰ ﻳﺸﻮﻑ ﻓﻴﻪ ﺷﻼﻫﺒﻲ ﺑﺎﻧﻀﻲ ﻣﻜﻠﺦ ﻛﺎﻣﺒﻮ ﻣﻄﻨﻚ ﺣﻤﺎﺭ Mr.Ouazzani ﻛﻨﻌﺘﺎﺫﺭ ﻋﻠﻰ ﺳﻮﺀ ﺗﻔﺎﻫﻢ ﺍﻟﻠﻲ ﻭﻗﻊ ﺃﻧﺎ ﺑﺎﻏﺎ ﻧﻤﺸﻲ ﺑﺤﺎﻟﻲ ـ ﻣﺎﻋﻨﺪﻙ ﻓﻴﻦ ﺗﻤﺸﻲ ﺣﺘﻰ ﻧﺘﻔﺎﻫﻤﻮ ـ ﻋﻼﺵ ﻏﻨﺘﻔﺎﻫﻤﻮ ﺍ ﺳﻴﺪﻱ ﺃﻧﺎ ﺃﻭﻝ ﻣﺮﺓ ﻧﺸﻮﻓﻚ ـ ﺳﺎﺭﺓ ﻧﺴﻴﺘﻲ ﺃﻧﺎ ﺭﺍﻩ ﻣﺮﻭﺍﻥ ـ ﻣﺮﻭﺍﻥ ؟ ﻣﺮﻭﺍﻥ ﻣﺸﻰ ﻷﻛﺎﺩﻳﺮ ﻭ ﻣﺎﻋﺎﻭﺩﺵ ﺭﺟﻊ ﺧﻠﻴﺘﻮ ﻭﺯﺩﺕ ﺑﺤﺎﻟﻲ ﻳﺎﺣﻈﻲ ﻳﺎﺳﺎﺭﺓ ﻋﻤﺮﻭ ﻣﺎﺣﺒﻰ ﻣﺎﻟﻠﻲ ﺣﺒﻰ ﻃﺎﺡ ﻓﺎﻟﺒﻴﺮ ﻫﻲ ﻫﺎﺫﻱ ﺩﺍﺑﺎ ﻋﻤﺮﻱ ﺑﻐﻴﺖ ﻭ ﻻ ﺃﻋﺠﺒﺖ ﺑﺸﻲ ﺣﺪ ﻭﻧﻬﺎﺭ ﺣﺘﻰ ﺃﻧﺎ ﻗﻠﺒﻲ ﺿﺮﺏ ﺗﻌﻠﻘﺖ ﻓﻴﻦ ﺗﻔﻠﻘﺖ ﻛﺎﻥ ﻣﺠﺮﺩ ﻣﻮﻇﻒ ﻭ ﺧﺎﻳﻔﺔ ﻣﺎﻳﻘﺒﻠﺶ ﺑﻴﺎ ﻭ ﻳﺮﻓﻀﻨﻲ ﺃﻣﺎ ﺭﺋﻴﺲ ﻣﺠﻠﺲ ﺍﻹﺩﺍﺭﺓ ﻻ ﺃﻧﺎ ﺧﺎﺳﺮﺓ ﻗﺒﻞ ﻣﺎﻧﺒﺪﺍ ﻋﻼﺵ ﻣﺎﻗﺎﻟﻴﺶ ﺍﻟﺤﻘﻴﻘﺔ ﻋﻼﺵ ﺧﻼﻧﻲ ﻋﺎﻳﺸﺔ ﻓﻜﺬﺑﺔ ﻋﻼﺵ ﻣﺎﺟﺎﻧﻴﺶ ﻣﻦ ﺍﻵﺧﺮ ﻭ ﻗﺎﻟﻲ ﺷﻮﻓﻲ ﺭﺍﻧﻲ ﺑﻌﻴﻴﺪ ﻋﻠﻴﻚ ﺷﻮﻓﻲ ﻟﻴﻚ ﺷﻲ ﻃﺮﻳﻖ ﺃﺧﺮﻯ ﻻ ﻭﺍﻟﻮﺍﻋﺮﺓ ﻫﻲ ﺩﻳﺎﻝ ﺍﻟﺤﻔﻠﺔ " ﻛﻨﺒﻐﻲ ﻧﺘﻘﺪﻡ ﺑﺎﻟﺸﻜﺮ ﻟﻮﺍﺣﺪ ﺍﻟﺸﺨﺺ ﺃﻛﻴﺪ ﻏﻴﻜﻮﻥ ﻋﺎﺭﻓﻨﻲ ﻛﻨﻬﻀﺮ ﻋﻠﻴﻪ ﻋﻠﻰ ﺭﻭﺡ ﺍﻟﻤﺮﺡ ﺍﻟﻠﻲ ﺩﺧﻠﻬﺎ ﻓﻴﺎ " ﻟﻬﺎﺫ ﺍﻟﺪﺭﺟﺔ ﻣﺎﻛﻨﻌﻨﻲ ﻟﻴﻚ ﻭﺍﻟﻮ ﻣﺠﺮﺩ ﺷﺨﺺ ﻛﺘﺴﻼ ﺑﻴﻪ ﺑﺎﺵ ﺗﻨﺴﻰ ﻣﺸﺎﻛﻠﻚ ﺗﻔﺮﺝ ﻟﻴﻚ ﻓﺸﻲ ﺳﻜﻴﺘﺶ ﻭﻓﻮﺝ ﻋﻠﻰ ﻗﻠﺒﻚ ﻋﻼﺵ ﺗﻼﻋﺒﺘﻲ ﺑﻴﺎ ﺣﺮﺍﻡ ﻋﻠﻴﻚ ﻭﺍﺵ ﻛﺘﻌﺎﻗﺒﻨﻲ ﺣﻴﻨﺖ ﻣﺎﺗﻌﺎﻣﻠﺘﺶ ﻣﻌﻚ ﺑﺒﺮﻭﺗﻮﻛﻮﻝ ﺑﺤﺎﻝ ﺍﻷﺧﺮﻳﻦ ﺟﺮﻱ ﻋﻠﻴﺎ ﻏﻮﺙ ﻋﻠﻴﺎ ﻣﺎﺷﻲ 4 ﺃﺷﻬﺮ ﻋﻴﺸﺘﻴﻨﻲ ﻓﻔﺮﺣﺔ ﻭ 4 ﺩﻗﺎﺋﻖ ﺭﻳﺒﺘﻲ ﻛﻠﺸﻲ ﻳﺘﺒﻊ
*******************
ﺎﺭﺕ 28

ﻣﺎﻏﺘﻤﺸﻴﺶ ﻟﻠﺨﺪﻣﺔ ﺍﻟﻴﻮﻡ ـ ﻻ ﺍﻟﺒﺎﺭﺡ ﻛﺎﻧﺖ ﺣﻔﻠﺔ ﻭﻋﻨﺪﻧﺎ 3 ﺃﻳﺎﻡ repos ـ ﻣﺎﻟﻜﻲ ـ ﻣﺎﻣﺎﻟﻴﺶ ﺍﻟﻮﺍﻟﻴﺪﺓ ﺿﺎﺭﻧﻲ ﺭﺍﺳﻲ ﻭ ﻣﺎﻋﻨﺪﻳﺶ ﺍﻟﺤﻖ ﻧﻤﺮﺽ ـ ﺻﺎﻓﻲ ﺩﺍﺑﺎ ﻧﺸﺮﻱ ﻟﻴﻚ aspro ﻣﻦ ﺍﻟﺤﺎﻧﻮﺕ ﻭ ﺗﻬﺪﻧﻲ ﺍﻟﺪﻭﺍ ﻛﻴﺘﺒﺎﻉ ﻓﺎﻟﺤﺎﻧﻮﺕ ﺗﻘﺎﻣﻴﺖ ﻋﻠﻴﻚ ﺭﺧﻴﺼﺔ ﻳﺎﻟﻮﺍﻟﻴﺪﺓ ـ ﻣﺎﻛﺘﻌﺠﺒﻨﻴﺶ ﺣﺎﺭﺓ ـ ﺻﺎﻓﻲ ﺷﺮﺑﻲ ﺍﻟﻤﺎ ﻭﺍﻟﺴﻜﺮ ﻛﻴﺮﻳﺢ ـ ﺍﻟﻤﺎ ﻭﺍﻟﺴﻜﺮ ﻏﺘﺰﻭﺭﻱ ﺳﻴﺪ ـ ﻧﻮﺿﻲ ﻣﻦ ﺣﺪﺍﻳﺎ ﻛﻴﻤﺎ ﺩﺭﺕ ﻣﻌﻚ ﻭﺣﻠﺔ ـ ﻫﺎﻫﻲ ﻧﺎﻳﻀﺔ ﻧﻤﺸﻲ ﻋﻨﺪ ﺧﺎﻟﺘﻲ ﺟﻤﻴﻠﺔ ﻧﺸﻜﻲ ﻋﻠﻴﻬﺎ ﻫﻤﻲ ﺩﻗﻴﺖ ﺣﻼﺕ ﺍﻟﺒﺎﺏ ﻭ ﺑﺤﺎﻝ ﺍﻳﻼ ﺣﺴﺎﺕ ﺑﻴﺎ : ﻣﺎﻟﻚ ﺳﺎﺭﺓ ؟ ـ ﻣﺨﻨﻮﻗﺔ ﺍﺧﺎﻟﺘﻲ ـ ﺩﺧﻠﻲ ﺍﺣﺒﻴﺒﺔ ﺩﺧﻠﺖ ﻟﺪﺍﺭﻫﺎ : ﻳﺎﻙ ﻻﺑﺎﺱ ؟ ـ ﺧﺎﻟﺘﻲ ﺃﻧﺎ ﺗﺼﺪﻣﺖ ﺃﻛﺒﺮ ﺻﺪﻣﺔ ﻓﺤﻴﺎﺗﻲ ـ ﻣﺎﻟﻚ ﺍﺑﻨﺘﻲ ـ ﺧﺎﻟﺘﻲ ﺍﻟﺪﺭﻱ ﺍﻟﻠﻲ ﺑﻐﻴﺖ ﻭﺭﺳﻤﺖ ﺃﺣﻼﻣﻲ ﻣﻌﺎﻩ ﺻﺪﻕ ﺷﺨﺺ ﻣﺎﺧﺎﺻﻨﻴﺶ ﺣﺘﻰ ﻧﻔﻜﺮ ﻓﻴﻪ ـ ﻋﻼﺵ ﻣﺎﻟﻮ ﻣﺰﻭﺝ ﻭﻻ ؟ ـ ﻻ ﺧﺎﻟﺘﻲ ﻣﺎﻣﺰﻭﺝ ﻣﺎﻭﺍﻟﻮ ﺑﻜﻞ ﺑﺴﺎﻃﺔ ﺷﺨﺺ ﺑﻌﻴﻴﻴﺪ ـ ﺣﺘﻰ ﺣﺎﺟﺔ ﻣﺎﺑﻌﻴﺪﺓ ـ ﻻ ﻭﻫﻮ ﻣﻮﻇﻒ ﺑﺴﻴﻂ ﻛﻴﺠﻴﻨﻲ ﺻﻌﻴﺐ ﻋﺎﺩ ﺭﺋﻴﺲ ﻣﺠﻠﺲ ﺇﺩﺍﺭﺓ ﺍﻟﺸﺮﻛﺔ ﺍﻟﻠﻲ ﺧﺪﺍﻣﺔ ﻓﻴﻬﺎ ـ ﻋﻠﻰ ﻣﺎﻋﺎﻭﺩﺗﻲ ﻟﻴﺎ ﺣﺘﻰ ﻫﻮ ﻛﻴﺒﻐﻴﻚ ﻛﻮﻥ ﻣﺎﻛﺎﻧﺶ ﻛﻴﺒﻐﻴﻚ ﺍﻟﻨﻬﺎﺭ ﺍﻷﻭﻝ ﻳﻘﻮﻟﻴﻚ ﺑﺎﻟﻠﻲ ﻫﻮ ﺷﻜﻮﻥ ﻭ ﺻﺎﻓﻲ ـ ﻻ ﺧﺎﻟﺘﻲ ﻫﻮ ﻣﺎﻛﻴﺒﻐﻴﻨﻴﺶ ﺃﻧﺎ ﻏﻴﺮ ﻭﺣﺪﺓ ﻛﺘﺠﻲ ﺗﻔﻮﺝ ﻋﻠﻴﻪ ﻛﻨﺘﺴﻴﻪ ﻣﺸﺎﻛﻞ ﺑﻬﺒﺎﻟﻲ ﻭ ﺳﺬﺍﺟﺘﻲ ﻛﻨﻬﻀﺮ ﺑﻌﻔﻮﻳﺔ ﻣﺎﺧﻼﺗﻨﻴﺶ ﻧﺘﺼﻮﺭ ﺃﻥ ﻫﺬﺍ ﺍﻟﻠﻲ ﻗﺪﺍﻣﻲ ﻣﺠﺮﺩ ﺷﺨﺺ ﻛﻴﺪﻭﺯ ﺑﻴﺎ ﺍﻟﻮﻗﺖ ـ ﻗﻄﻌﺘﻲ ﻟﻴﺎ ﻗﻠﺒﻲ ﻧﻮﺿﻲ ﻧﺒﺪﻟﻮ ﺍﻟﺠﻮ ﺷﻮﻳﺔ ـ ﻻﺧﺎﻟﺘﻲ ﻏﻴﺮ ﺧﻠﻴﻚ ﺑﺎﻏﺎ ﻧﺒﻘﻰ ﺑﻮﺣﺪﻱ ﻓﻴﻦ ﻏﻨﻤﺸﻲ ﻛﻞ ﻣﻜﺎﻥ ﻓﻬﺎﺫ ﺍﻟﻤﺪﻳﻨﺔ ﻛﻴﺬﻛﺮﻧﻲ ﺑﻤﺮﻭﺍﻥ ﺑﻐﻴﺖ ﻧﻤﺸﻲ ﻟﺒﻼﺻﺔ Fruit ﺗﻔﻜﺮﺕ ﻧﻬﺎﺭ ﻛﻨﺎ ﺑﺠﻮﺝ ﻣﺸﻴﺖ ﻟﺴﻨﺎﻙ ﻧﻬﺎﺭ ﻗﻠﺘﻠﻴﻪ ﺳﺮﺑﺎﻱ ﻛﻞ ﺑﻼﺻﺔ ﻋﻨﺪﻱ ﻓﻴﻬﺎ ﺫﻛﺮﻯ ﻣﺸﻴﺖ ﻟﻠﺒﺤﺮ ﻳﻼﻩ ﺑﻐﻴﺖ ﻧﺠﻠﺲ ﺗﻔﻜﺮﺕ ﻧﻬﺎﺭ ﻛﻨﺎ ﻭﺍﻗﻔﻴﻦ ﺃﻧﺎ ﻭﻣﺮﻭﺍﻥ ﻓﻤﻜﺘﺐ ﺩﻳﺎﻝ ﻫﻬﻬﻪ ﻣﻜﺘﺐ ﺩﻳﺎﻝ ﻣﻦ ﺭﺍﻩ ﻫﻮ ﺷﺨﺺ ﻭﺍﺣﺪ ﺷﺎﻣﺒﻮﺍﻥ ﻫﺬﺍ 2*1 ﻓﻌﻼ ﻫﻮ ﺷﺎﻣﺒﻮﺍﻥ ﺣﺎﺭ ﻭ ﺑﻠﺴﻢ ﻟﻄﻴﻒ) ﻣﺎﻋﻨﺪﻳﺶ ﻣﻊ ﺍﻟﻤﻘﺎﺭﻧﺔ ﻏﻴﺮ ﻧﺴﺎﻭ ( ﺑﺎﻟﺤﻖ ﺣﺘﻰ ﺃﻧﺎ ﻣﺎﻛﻨﻔﻜﺮﺵ ﺷﺤﺎﻝ ﻣﻦ index ﻛﺎﻥ ﻗﺪﺍﻣﻲ ﺷﻔﺘﻮ ﻓﺎﻟﻔﻴﻼ ﺷﻔﺘﻮ ﻓﻘﺎﻋﺔ ﺍﻹﺟﺘﻤﺎﻋﺎﺕ ﺷﻔﺘﻮ ﻧﺎﺯﻝ ﻣﻦ ﺫﻳﻚ ﺍﻟﺴﻴﺎﺭﺓ ﺍﻟﻔﺎﺧﺮﺓ ﺷﻔﺘﻮ ﻓﺎﻟﺒﻴﺮﻭ ﻟﻤﻴﺎﺀ ﻗﺎﻟﺖ ﻟﻴﻨﺎ ﺑﺎﻟﻠﻲ ﺍﻟﺸﺮﻛﺔ ﺩﻳﺎﻝ ﺍﻹﺑﻦ ﻃﻠﻌﻨﻲ ﻓﺬﺍﻙ l’ascenseur ﻣﺸﻴﻨﺎ ﻟﺬﻳﻚ ﺍﻟﺮﻳﺴﻄﻮ ﻛﻴﺪﻳﺮ ﺍﻟﻠﻲ ﺑﻐﻰ ﻓﺎﻟﺸﺮﻛﺔ ﻫﺎﺩﺷﻲ ﻛﺎﻣﻞ ﻭ ﻣﺎﺭﺿﻴﺘﺶ ﺍﻟﺒﺎﻝ ﻓﻌﻼ ﺃﻧﺎ ﻏﺒﻴﺔ ﻋﺰﻳﺰ ﻋﻠﻴﺎ ﺍﻟﻐﻤﻮﺽ ﺃﻧﺎ ﻛﻨﻜﺮﻩ ﺷﻲ ﺣﺎﺟﺔ ﺳﻤﻴﺘﻬﺎ ﺍﻟﻐﻤﻮﺽ : ﺟﺎﻟﺴﺔ ﺑﻮﺣﺪﻙ ﺃﻭﻳﻠﻲ ﺑﺎﺵ ﻋﺮﻓﻨﻲ ﺃﻧﺎ ﻫﻨﺎ ﺗﻠﻔﺖ ﻟﻴﻪ ﻳﻼﻩ ﺑﻐﻴﺖ ﻧﻮﺽ ﺟﻠﺴﻨﻲ : ﺳﻤﻌﻲ ﻟﻴﺎ ـ Mr.Ouazzani ﻣﺎﻋﻨﺪﻱ ﻣﺎﻧﺴﻤﻊ ـ ﻣﺎﺗﺒﻘﺎﻳﺶ ﺗﻘﻮﻟﻲ ﻟﻴﺎ ﻫﺎﻛﺎ ﺳﺎﺭﺓ ﺃﻧﺎ ﻣﺮﻭﺍﻥ ﻭ ﻏﻨﺒﻘﻰ ﺩﻳﻤﺎ ﻣﺮﻭﺍﻥ ﺩﺧﻠﻴﻬﺎ ﻟﺮﺍﺳﻚ ـ ﻧﺘﻰ Mr.Ouazzani ﺭﺋﻴﺴﻲ ﻓﺎﻟﻌﻤﻞ ـ ﻧﺘﻲ ﻋﺎﺭﻓﺔ ﻭﺟﻬﺔ ﻧﻈﺮﻙ ﺧﻠﻴﻨﻲ ﻧﺸﺮﺡ ﻟﻴﻚ ﻋﻄﻴﻨﻲ ﻓﺮﺻﺔ ﻧﻬﻀﺮ ﻳﺘﺒﻊ
*********************
لجزء 29

ﻫﺬﺍﻙ ﺍﻟﻨﻬﺎﺭ ﻋﻨﺪﻱ ﺇﺟﺘﻤﺎﻉ ﻣﻬﻢ ﻣﻊ ﺷﻲ ﻳﺎﺑﺎﻧﻴﻴﻦ ﻓﻘﺖ ﻣﻌﻄﻞ ﻣﻦ ﺍﻟﻨﻌﺎﺱ ﻟﺒﺴﺖ ﺣﻮﺍﻳﺠﻲ ﺑﺎﻟﺰﺭﺑﺔ ﻓﺎﻟﻄﺮﻳﻖ ﺧﺴﺮﺍﺕ ﻟﻴﺎ ﺍﻟﻄﻮﻣﻮﺑﻴﻞ ﺑﻐﻴﺖ ﻧﺼﺎﻭﺑﻬﺎ ﻭﺳﺨﺎﺕ ﻟﻴﺎ ﺣﻮﺍﻳﺠﻲ ﺍﻟﻄﺎﻛﺴﻲ ﻭﺍﻟﻮ ﻣﺎﺑﻐﺎ ﻳﻮﻗﻒ ﻟﻴﺎ ﺣﺘﻰ ﻭﺍﺣﺪ ﻛﻤﻠﺖ ﻋﻠﻰ ﺭﺟﻠﻲ ﻭﺻﻠﺖ ﺍﻟﻴﺎﺑﻨﻴﻦ ﺍﻟﻮﻗﺖ ﻫﻮ ﺍﻟﻮﻗﺖ ﻣﺸﺎﻭ ﺑﺤﺎﻟﻬﻮﻡ ﺗﻌﺼﺒﺖ ﺻﺎﻓﻲ ﻣﻨﻴﻦ ﺧﺮﺟﺘﻲ ﻣﻦ ﺍﻟﻤﻘﺎﺑﻠﺔ ﻭ ﻋﺎﻭﺩﺗﻲ ﻟﻴﺎ ﺫﺍﻙ entretien ﺍﻟﻌﺠﻴﺐ ﺿﺤﻜﺖ ﻭ ﻧﺴﻴﺖ ﻣﺸﻜﻠﺘﻲ ﻭ ﺧﺪﻣﺔ ﺫﺍﻙ ﺍﻟﻨﻬﺎﺭ en forme ﻗﺮﺭﺕ ﻧﻜﺎﻓﺊ ﻫﺎﺫ ﺍﻟﻔﺘﺎﺓ ﺍﻟﻠﻲ ﻗﺪﺭﺍﺕ ﺗﺤﻮﻝ ﻣﺰﺍﺟﻲ ﺫﺍﻙ ﻧﻬﺎﺭ ﺧﺘﺎﺭﻭ ﺷﻜﻮﻥ ﻏﻴﺨﺪﻣﻮ ﻣﺎﻛﻨﺘﻴﺶ ﻣﻦ ﺿﻤﻨﻬﻢ ﻫﻀﺮﺕ ﻣﻊ ﻳﻮﺳﻒ ﻭ ﻗﺮﺭ ﻳﻌﻄﻴﻚ ﻓﺮﺻﺔ ﻭ ﺧﺪﻣﺘﻲ ﻓﺎﻟﺸﺮﻛﺔ ﺻﺎﻓﻲ ﺃﻧﺎ ﻧﺴﻴﺖ ﺍﻟﻤﻮﺿﻮﻉ ﺣﺘﻰ ﻭﻗﻔﺘﻴﻨﻲ ﺫﺍﻙ ﺍﻟﻨﻬﺎﺭ ﻋﺎﺩ ﺗﻔﻜﺮﺗﻚ ﻣﻨﻴﻦ ﻫﻀﺮﺗﻲ ﻣﻌﺎﻳﺎ ﺑﺬﻳﻚ ﺍﻟﻄﺮﻳﻘﺔ ﻋﺠﺒﻨﻲ ﺍﻟﺤﺎﻝ ﻛﺎﻳﻦ ﺷﻲ ﻭﺍﺣﺪ ﻣﺎﻛﻴﻬﻀﺮﺵ ﻣﻌﺎﻳﺎ ﺭﺳﻤﻴﺎ ﻭﻗﺮﺭﺕ ﻣﺎﻧﻘﻮﻟﺶ ﻟﻴﻚ ﺷﻜﻮﻥ ﺃﻧﺎ ﺃﻧﻪ ﻋﻠﻰ ﺃﺳﺎﺱ ﻏﺘﻜﺘﺎﺷﻔﻲ ﻫﺎﺩﺷﻲ ﺭﺍﺳﻚ ﻗﺮﻳﺒﺎ ﻣﻨﻴﻦ ﺗﻼﻗﻴﻨﺎ ﺣﺪﺍ ﻣﻜﺘﺐ ﻳﻮﺳﻒ ﻛﻨﺖ ﺟﺎﻱ ﻧﺨﺎﺻﻢ ﻋﻠﻴﻪ ﻋﻠﻰ ﺷﻲ ﺣﺎﺟﺔ ﺷﻔﺘﻚ ﻭﻫﻀﺮﺕ ﻣﻌﻚ ﻭ ﻟﺜﺎﻧﻲ ﻣﺮﺓ ﻛﺘﻐﻴﺮﻱ ﻣﺰﺍﺟﻲ ﻣﻨﻴﻦ ﺩﺧﻠﺘﻲ ﺗﺄﻛﺪﺕ ﺑﺎﻟﻠﻲ ﻣﺰﺍﻝ ﻣﺎﻋﺮﻓﺘﻴﻨﻲ ﻗﺮﺭﺕ ﻧﺴﺎﻣﺢ ﻳﻮﺳﻒ ﺩﺍﻛﺸﻲ ﻋﻼﺵ ﻣﻨﻴﻦ ﺧﺮﺟﺘﻲ ﻣﺎﻟﻘﻴﺘﻴﻨﺶ ﺃﻣﺎ ﺍﻟﻴﻮﻡ ﺍﻟﻠﻲ ﻓﻌﻼ ﻋﺠﺒﻨﻲ ﺑﺰﺍﻑ ﻫﻮ ﻧﻬﺎﺭ ﺍﻟﻔﻴﻼ ﺫﻳﻚ ﺍﻟﺴﺎﻋﺔ ﻛﺎﻥ ﻭﻻﺑﺪ ﻧﺘﺼﺮﻑ ﺑﺎﺵ ﻣﺎﺗﻌﺮﻓﻴﺶ ﺷﻜﻮﻥ ﺃﻧﺎ ﻣﻮﺍﻗﻒ ﻛﺜﻴﺮﺓ ﻭﻗﻌﺎﺕ ﺑﻴﻨﺎﺗﻨﺎ ﻟﺪﺭﺟﺔ ﺃﻧﻲ ﺑﺪﻳﺘﻚ ﻧﺒﻐﻲ ﺭﺍﺳﻲ ﻛﻤﺮﻭﺍﻥ ﻭ ﻣﺎﺑﻘﻴﺘﺶ ﻛﻨﺤﻤﻞ ﺍﻟﻮﺯﺍﻧﻲ ﻛﺘﻬﻀﺮﻱ ﻋﻠﻴﻪ ﻭ ﺃﻧﺎ ﻛﻨﺘﺴﺎﺋﻞ ﻣﻊ ﺭﺍﺳﻲ ﻭﺍﺵ ﻓﻌﻼ ﺍﻟﻨﺎﺱ ﻛﻴﺸﻮﻓﻮﻧﻲ ﻫﺎﻛﺎ ﻛﻠﺸﻲ ﻛﻴﺨﺎﻑ ﻣﻨﻲ ﻛﻠﺸﻲ ﻛﻴﺒﻌﺪ ﻭ ﻛﻴﺘﻔﺎﺫﺍﻧﻲ ﺇﻻ ﻧﺘﻲ ﻫﻀﺮﺗﻲ ﻣﻌﺎﻳﺎ ﺑﻼ ﺭﺳﻤﻴﺎﺕ ﻛﻨﻀﺤﻚ ﻣﻨﻴﻦ ﻛﻨﻜﻮﻥ ﻣﻌﻚ ﻛﻨﺴﻰ ﺣﻴﺎﺓ ﺍﻟﻤﺎﻝ ﻭﺍﻷﻋﻤﺎﻝ ﺍﻟﻠﻲ ﻋﺎﻳﺶ ﻓﻴﻬﺎ ﻛﻨﺪﺧﻞ ﻭﺳﻂ ﺍﻟﻌﺎﻟﻢ ﺩﻳﺎﻟﻚ ﺍﻟﻠﻲ ﻓﻴﻪ ﻛﻠﺸﻲ ﺑﺴﻴﻂ ﻛﻞ ﻣﺮﺓ ﻛﺘﺨﺮﺟﻲ ﻟﻴﺎ ﺑﺨﺪﻣﺔ ﻭﻟﻜﻦ ﺃﺣﺴﻦ ﺧﺪﻣﺔ ﺧﺪﻣﺘﻴﻬﺎ ﻟﻴﺎ ﻫﻲ ﺳﺮﺑﺎﻱ ﻛﻨﺖ ﻛﻨﻔﻜﺮ ﻧﻌﺘﺎﺭﻑ ﻟﻴﻚ ﻭﻧﺤﺒﺲ ﺍﻟﻠﻌﺒﺔ ﺳﺎﻋﺔ ﻭﻗﻊ ﺍﻟﻠﻲ ﻣﺎﺿﺮﺑﺘﺶ ﻟﻴﻪ ﺍﻟﺤﺴﺎﺏ ﺑﻐﻴﺘﻚ ﻭ ﺑﻐﻴﺘﻚ ﺗﺒﻔﺎﻱ ﻣﻌﺎﻳﺎ ﺗﺄﻛﺪﺕ ﻣﻦ ﻫﺎﺩﺷﻲ ﻧﻬﺎﺭ ﺍﻟﻠﻲ ﻟﻘﻴﺘﻨﻲ ﻓﺎﻟﺴﻴﺎﺭﺓ ﺧﻔﺖ ﺻﺤﺎﺑﻠﻲ ﻛﺘﺎﺷﻔﺘﻴﻨﻲ ﻭﻟﻜﻦ ﻃﻤﺄﻧﻴﺖ ﻣﻨﻴﻦ ﻋﺘﺎﻗﺪﺗﻲ ﺑﺎﻟﻠﻲ ﺃﻧﺎ ﻣﺠﺮﺩ ﺷﻴﻔﻮﺭ ﺍﻟﻠﻲ ﺧﻼﻧﻲ ﻧﺘﻌﻠﻖ ﺑﻴﻚ ﺃﻧﻚ ﻋﻘﻮﻳﺔ ﺑﺴﻴﻄﺔ ﺧﺠﻮﻟﺔ ﺿﺤﻮﻛﻴﺔ ﺣﻤﻘﺔ ﻭ ﺃﻫﻢ ﺣﺎﺟﺔ ﻣﺎﺷﻲ ﻣﺎﺩﻳﺔ ﺷﺎﻫﻴﻨﺎﺯ ﻛﻨﺖ ﺧﺎﻃﺒﻬﺎ ﻭ ﻣﺎﺗﻔﺎﻫﻤﻨﺎﺵ ﺩﺍﻛﺸﻲ ﻋﻼﺵ ﻣﺎﻛﺎﻧﺘﺶ ﻛﺘﺤﻤﻠﻚ ﻭ ﻛﺘﺴﺘﻔﺰﻙ ﺑﻐﻴﺘﻲ ﺗﻌﺮﻓﻲ ﺷﻜﻮﻥ ﺃﻧﺎ ﺧﺘﺎﺭﻱ ﺍﻟﺸﺨﺼﻴﺔ ﺍﻟﻠﻲ ﻋﺠﺒﺎﺗﻚ ﻣﻦ ﺑﻴﻦ ﻛﺎﻉ ﺍﻟﻠﻲ ﺷﻔﺘﻴﻨﻲ ﻓﻴﻬﻮﻡ ﺃﻧﺎ ﺭﺍﻩ ﻛﻨﺒﻘﻰ ﻭﺍﺣﺪ ﻣﻨﻬﻢ ـ ﻛﻤﻠﺘﻲ ـ ﺃﺷﻨﻮ ﻗﺮﺭﺗﻲ ـ ﻣﺤﺘﺎﺟﺔ ﻟﻮﻗﺖ ﻧﻔﻜﺮ ﻓﻴﻪ ﺩﺍﺯﺕ 3 ﺃﻳﺎﻡ ﺩﻳﺎﻝ ﺍﻟﻜﻮﻧﺠﻲ ﺩﺍﺑﺎ ﺧﺪﺍﻣﺔ ﻣﺎﺑﻘﻴﺘﺶ ﻛﻮﻧﺠﻲ ﺣﺪﺩﺕ ﻗﺮﺍﺭﻱ ﺍﻟﻠﻲ ﻣﺎﻏﺎﺩﻳﺶ ﻧﻨﺪﻡ ﻋﻠﻴﻪ ﻭﺻﻠﺖ ﻟﻠﺸﺮﻛﺔ ﻭ ﻣﺸﻴﺖ ﻧﻴﺸﺎﻥ ﻟﻤﻜﺘﺐ ﺑﺎﻗﺎ ﻣﺎﻋﺮﻓﺎﺵ ﻣﻜﺘﺐ ﺷﻜﻮﻥ ﻭﻋﻠﻤﺖ ﺍﻟﺴﻜﺮﻳﺘﻴﺮﺓ ﺩﺧﻠﺖ : ﺍﻟﺴﻼﻡ ﻭﻋﻠﻴﻜﻢ Mr.Ouazzani ﻣﺎﺟﺎﻭﺑﻨﻴﺶ : ﻣﺎﻛﺘﺮﺩﺵ ﺍﻟﺴﻼﻡ ـ ﺣﺘﻰ ﺗﻌﻴﻄﻲ ﻋﻠﻴﺎ ﺑﺴﻤﻴﺘﻲ ـ ﻫﺬﻱ ﻫﻲ ﺳﻤﻴﺘﻚ ﻳﺎﺳﻴﺪﻱ ﻣﺎﺗﻘﺎﻃﻌﻨﻴﺶ ﻋﻔﺎﻙ ﺃﻧﺎ ﺗﻌﺪﻳﺖ ﺣﺪﻭﺩﻱ ﻣﻌﻚ ﻛﻨﻌﺘﺎﺫﺭ ﻗﺮﺭﺕ ﻫﻴﺒﺔ ﺩﻳﺎﻟﻚ ﺗﺮﺟﻊ ﻭ ﺃﻧﺎ ﻛﻨﺘﻌﺎﻣﻞ ﻣﻌﻚ ﺑﺮﺳﻤﻴﺔ ﻷﻥ ﻫﺬﺍ ﻫﻮ ﻣﻮﻗﻌﻲ ﺍﻟﻄﺒﻴﻌﻲ ﻫﺬﻱ ﺍﺳﺘﻘﺎﻟﺘﻲ ﻧﺘﻤﻨﻰ ﺗﻘﺒﻠﻬﺎ ـ ﻋﺎﺭﻓﺎﻧﻲ ﻣﺎﻏﻨﻘﺒﻠﻬﺎﺵ ﺳﺎﺭﺓ ﻓﻴﻦ ﺍﻟﻤﺸﻜﻞ ﺃﻧﺎ ﻛﻨﺒﻐﻴﻚ ﻭﻧﺘﻲ ﻛﺘﺒﻐﻴﻨﻲ ـ ﺧﻄﺄﺗﻲ ﻣﺎﺃﻧﺎ ﻛﻨﺒﻐﻴﻚ ﻣﺎﺃﻧﺖ ﻛﺘﺒﻐﻴﻨﻲ ﺃﻧﺎ ﻛﻨﺒﻐﻲ ﻣﺮﻭﺍﻥ ﺍﻟﻠﻲ ﻣﺎﺑﻘﺎﺵ ﻛﻨﺸﻮﻓﻮ ﺩﺍﺑﺎ ﻭ ﻧﺘﻰ ﺑﻐﻴﺘﻲ ﺫﻳﻚ ﺳﺎﺭﺓ ﺍﻟﺤﻤﻘﺎ ﺍﻟﻌﻔﻮﻳﺔ ﺍﻟﻀﺎﺣﻜﺔ ﺍﻟﻲ ﺣﺘﻰ ﻫﻲ ﻣﺎﺑﻘﺎﺗﺶ ﻣﺸﺎﺕ ﺗﺒﻌﺎﺕ ﻣﺮﻭﺍﻥ ﻷﻛﺎﺩﻳﺮ Mr.Ouazzani ﺷﻜﺮﺍ ﺑﺰﺍﻑ ﻋﻠﻰ ﺍﻟﻮﻗﺖ ﺍﻟﻠﻲ ﺩﻭﺯﺗﻮ ﻫﻨﺎ ﻓﺎﻟﺸﺮﻛﺔ ﺗﻌﻠﻤﺖ ﺑﺰﺍﻑ ﺷﻜﺮﺍ ﺑﺴﻼﻣﺔ ﻭﺧﺮﺟﺖ ﺳﺪﻳﺖ ﺍﻟﺒﺎﺏ ﻛﻨﺴﻤﻊ ﺻﻮﺕ ﺑﻴﺴﻲ ﺗﻀﺮﺏ ﻣﻊ ﺍﻷﺭﺽ ﻛﻮﻥ ﻏﻴﺮ ﻋﻄﺎﻩ ﻟﻴﺎ ﺑﻼﺻﺔ ﻣﺎﻳﻬﺮﺳﻮ ﻳﺘﺒﻊ
***********************

ﺎﺭﺕ 30 ﻭ ﺍﻷﺧﻴﺮ

ﻛﻠﺸﻲ ﺳﺎﻻ ﻣﺎﺑﻘﺎﺕ ﻻﺧﺪﻣﺔ ﻻ ﻣﺮﻭﺍﻥ ﻻ ﺣﺘﻰ ﺣﺎﺟﺔ ﺭﺟﻌﺖ ﻟﻠﺪﺍﺭ ﻋﻠﻰ ﺍﻟﺪﺧﻠﺔ ﻃﺎﺭﻕ ﻭﺍﻗﻒ ﻋﻠﻴﺎ : ﺻﺎﻓﻲ ﺟﺮﺍﻭ ﻋﻠﻴﻚ ﺑﺎﻥ ﻟﻴﻬﻮﻡ ﻋﻴﺒﻚ ﻓﺤﺮﻛﺔ ﻣﻔﺎﺟﺌﺔ ﻋﻨﻘﺘﻮ ﺍﻟﻠﻪ ﺷﺤﺎﺍﺍﻝ ﺗﻮﺣﺸﺘﻮ ﻭﺗﻮﺣﺸﺖ ﺣﻤﺎﻗﻮ ﻭﻳﻠﻲ ﻃﻠﻘﻲ ﻣﻨﻲ ﺃﺵ ﻛﺪﻳﺮﻱ formatawk ﻛﻴﺒﺎﻥ ﻟﻴﺎ ﻳﺎﻟﻤﻌﺰﺓ ﻭﻟﻴﺘﻲ ﻗﺮﺩﺓ ﻛﺘﻨﻘﺰﻱ ﻋﻠﻰ ﺑﻨﺎﺩﻡ ﺧﻠﻴﺘﻮ ﻭﻣﺸﻴﺖ ﻋﻨﺪ ﻣﺎﻣﺎ : ﻓﻴﻬﺎ ﺧﻴﺮ ﻳﺎﺑﻨﺘﻲ ﻣﻬﻢ ﺭﺍﺣﺘﻚ ـ ﺭﺑﻲ ﻳﺨﻠﻴﻚ ﻳﺎﺃﺣﻠﻰ ﺃﻡ ﻓﺎﻟﻌﺎﻟﻢ ﺃﺳﺒﻮﻉ ﻭ ﺃﻧﺎ ﻛﻨﺒﺤﺚ ﻋﻠﻰ ﻋﻤﻞ ﺳﻴﺮﻱ ﺩﺍﺑﺎ ﻧﻌﻴﻄﻮ ﻋﻠﻴﻚ ﻓﺮﻋﻮ ﻟﻴﺎ ﺭﺍﺳﻲ ﻋﻴﻄﺎﺕ ﻟﻴﺎ ﺧﺎﻟﺘﻲ ﺟﻤﻴﻠﺔ ﻋﻨﺪﻫﺎ ﻟﻠﺪﺍﺭ : ﺩﺧﻠﻲ ﻳﺎﺑﻨﺘﻲ ـ ﺷﻜﺮﺍ ﺍﺧﺎﻟﺘﻲ ﺟﺎﻟﺴﺔ ﻓﺎﻟﺼﺎﻟﻮﻥ ﺗﻌﻄﻼﺕ ﻋﻠﻴﺎ ﺗﻴﻠﻴﻔﻮﻧﻲ ﻛﻴﺼﻮﻧﻲ ﻧﻤﺮﺓ ﻣﺎﻛﻨﻌﺮﻓﻬﺎﺵ : ﺃﻟﻮ ﺷﻜﻮﻥ ﻣﻌﺎﻳﺎ ـ ﺳﺎﺭﺓ ﺳﺎﻓﺎ ﻣﻌﻚ ﻣﺮﻭﺍﻥ ـ ﻻ ﺧﻮﻳﺎ ﺍﻟﻨﻤﺮﺓ ﻏﻼﻁ ـ ﻋﻔﺎﻙ ﻣﺎﺗﻘﻄﻌﻴﺶ ـ ﺃﺵ ﺑﻐﻴﺘﻲ ؟ ـ ﺭﺟﻌﺖ ﻣﻦ ﺃﻛﺎﺩﻳﺮ ﻭ ﺑﻐﻴﺖ ﻧﺸﻮﻓﻚ ـ ﺃﻧﺎ ﻣﺰﺍﻝ ﻣﺎﺭﺟﻌﺖ ـ ﻋﻔﺎﻙ 5 ﺩﻗﺎﻳﻖ ﺑﺎﻟﻤﺸﻲ ﻭ ﺑﺎﻟﻤﺠﻲ ﻧﺸﻮﻓﻚ ـ 5 ﺩﻗﺎﻳﻖ ﻛﻴﻐﻨﺪﻳﺮ ﻟﻴﻬﺎ ﺷﺒﺢ ﺃﻧﺎ ـ ﺃﻧﺎ ﻧﻘﻮﻟﻴﻚ ﻓﻴﻦ ﻧﺘﻠﻘﺎﻭ ـ ﻓﻴﻦ ـ ﺩﻭﺭﻱ ﻭ ﺃﻧﺎ ﻧﺘﻠﻔﺖ ﻛﻨﻠﻘﺎﻩ ﻣﻮﺭﺍﻳﺎ ﻫﻮ ﺧﺎﻟﺘﻲ ﺟﻤﻴﻠﺔ ﺗﻠﻔﺖ ﻟﻴﻬﺎ : ﻣﺎﻣﺎ ﻋﻔﺎﻙ ﻭﺍﺧﺎ ﺗﺨﻠﻴﻨﺎ ﻧﻬﻀﺮﻭ ﺷﻮﻳﺔ ـ ﺧﻮﺫ ﺭﺍﺣﺘﻚ ﺃﻭﻟﺪﻱ ﺃﻭﻳﻠﻲ ﻋﻠﻰ ﻣﺎﻣﺎ : ﺃﻧﺎ ﻣﺰﺍﻭﻛﺔ ﺷﻜﻮﻥ ﻧﺘﻰ ﻫﺎﻟﻌﺎﺭ ؟ ـ ﺃﻧﺎ ﻣﺮﻭﺍﻥ ﺍﻟﻮﺯﺍﻧﻲ 33 ﺳﻨﺔ PDG ﺃﻋﺰﺏ ﻭ ﺇﻥ ﺷﺎﺀ ﺍﻟﻠﻪ ﻗﺮﻳﺐ ﻧﺨﻄﺐ ﺇﺳﻢ ﺍﻷﺏ ﻋﻤﺮ ﻭ ﺇﺳﻢ ﺍﻷﻡ ﺟﻤﻴﻠﺔ ـ ﺧﺎﻟﺘﻲ ..ـ ﻭﻱ ﺍﻟﻮﺍﻟﻴﺪﺓ ﺩﻳﺎﻟﻲ ﻣﻨﻔﺎﺻﻠﺔ ﻫﻲ ﻭ ﺍﻟﻮﺍﻟﻴﺪ ﻭ ﻋﺎﻳﺸﺔ ﺑﻮﺣﺪﻫﺎ ﻭﻫﻲ ﺍﻟﻠﻲ ﻗﺎﻟﺖ ﻟﻴﺎ ﺫﺍﻙ ﻧﻬﺎﺭ ﻓﻴﻦ ﻧﺘﻲ ـ ﺃﺵ ﺑﻐﻴﺘﻲ ﻋﻨﺪﻱ ؟ ـ ﺣﺘﻰ ﺣﺎﺟﺔ ﺑﻐﻴﺘﻚ ﻧﺘﻲ ﺻﺎﻓﻲ ـ ﻣﺮﻭﺍﻥ ﻫﻀﺮﻧﺎ ـ ﻻ ﺻﺎﻓﻲ ﻏﻴﺮ ﻣﻨﻴﻦ ﻗﻠﺘﻲ ﻣﺮﻭﺍﻥ ﺭﺍﻩ ﺗﺼﺎﻟﺤﻨﺎ ـ ﻣﺮﻭﺍﻥ ﺃﻭﻭﻭﻑ ﻋﺎﻭﺗﺎﻧﻲ ـ ﻭﺍﻟﻠﻪ ﺑﻌﺪﺍ ﺃﻧﺎ ﻣﺎﻋﺮﻓﺘﺶ ﺷﻜﻮﻥ ﺧﺎﺻﻮ ﻳﺘﻘﻠﻖ ﺃﻧﺎ ﻭﻻ ﻧﺘﻲ ﺭﺩﻳﺘﻴﻨﻲ ﻛﺎﻣﺒﻮ ﺣﻤﺎﺭ ﺷﻼﻫﺒﻲ ﺑﺎﻧﻀﻲ ﻣﻜﻠﺦ ﻭ ﺃﺷﻴﺎﺀ ﺃﺧﺮﻯ ﻣﻜﻨﻌﺮﻑ ﺣﺘﻰ ﻧﻄﻘﻬﺎ ﻭﻛﻠﺘﻴﻨﻲ fruit ﺣﺪﺍ ﺯﺑﺎﻟﺔ ﻭ ﺑﺎﻧﻴﻨﻲ ﺏ 5 ﺩﺭﺍﻫﻢ ﻭﺑﻄﺎﻃﺎ ﻣﺎﻋﺮﻓﺘﺶ ﺃﺵ ﻛﺘﺴﻤﻴﻬﺎ ﺏ2 ﺩﺭﺍﻫﻢ ﺳﻴﻤﺎﻧﺔ ﻭ ﺃﻧﺎ ﻣﺮﻳﺾ ﺃﻣﺎ ﺧﻼﺹ ﻓﺎﺵ ﻛﺘﻬﻀﺮﻱ ﻋﻠﻰ ﺍﻟﻮﺯﺍﻧﻲ ﻛﺘﺴﻤﻊ ﻏﻴﺮ ﺍﻟﺴﺒﺎﻥ ﻛﻴﺘﺸﺎﻳﺮ ـ ﺳﻤﺤﻠﻲ ﺳﻤﺤﻠﻲ ﻭﺍﻟﻠﻪ ﻣﺎﻛﻨﺖ ﻋﺎﺭﻓﺔ ـ ﺩﺍﺑﺎ ﺳﻤﺤﺘﻲ ﻟﻴﺎ ـ ﻋﻨﺪﻱ ﺷﺮﻭﻁ ـ ﺃﻣﺮﻱ ـ ﺃﻭﻻ ﻣﺎﺗﺒﻘﺎﺵ ﺗﻜﺬﺏ ﻋﻠﻴﺎ ﺛﺎﻧﻴﺎ ﻫﺎﺩﻳﻚ ﺷﺎﻫﻴﻨﺎﺯ ﺗﺠﺮﻱ ﻋﻠﻴﻬﺎ ﺛﺎﻟﺜﺎ ﺗﺤﺘﺎﺭﻡ ﺍﻟﻤﻮﻇﻔﻴﻦ ﺍﻟﻠﻲ ﻋﻨﺪﻙ ﻭﺭﺍﺑﻌﺎ ﻭﻫﻮ ﺍﻷﻫﻢ ﻣﺎﺗﺒﻘﺎﺵ ﺗﻠﺒﺲ ﺫﺍﻙ ﺍﻟﻜﻮﺳﺘﻴﻢ ﻛﺘﺠﻲ ﻓﻴﻪ ﺑﺤﺎﻝ ﺷﻲ ﺳﺮﺑﺎﻱ ـ ﺳﻴﺮﻱ ﺳﻴﺮﻱ ﺃﺵ ﻛﺘﻌﺮﻓﻲ ﻫﺬﺍﻙ ﺭﺍﻩ ﺃﻏﻠﻰ ﻛﻮﺳﺘﻴﻢ ﻋﻨﺪﻱ ـ ﻭﺍﻟﻠﻪ ﻣﺎﻋﻨﺪﻙ ﺍﻟﺬﻭﻕ ـ ﻋﻼﺵ ﺃﻧﺎ ﻛﻮﻥ ﻛﺎﻥ ﻋﻨﺪﻱ ﺫﻭﻕ ﻏﻨﺨﺘﺎﺭﻙ ﻣﻦ ﺍﻷﻭﻝ ﻏﻤﻀﻲ ﻋﻴﻨﻴﻚ ـ ﺷﻨﻮﻏﺘﻜﺘﺐ ﻟﻴﺎ ﺍﻟﺸﺮﻛﺔ ﻛﺘﺒﻬﺎ ﻋﺎﺩ ﻧﻮﺍﻓﻖ ﻧﺘﺰﻭﺝ ﺑﻴﻚ ـ ﺃﺭﺍ ﻣﺎﺗﻘﻮﻟﻲ ﻋﺎﺭﻓﻚ ﻣﺎﺷﻲ ﻣﺎﺩﻳﺔ ﻭ ﻏﻤﻀﻴﻬﻮﻡ ـ ﻫﺎﻧﺎ ـ ﺣﻠﻴﻬﻮﻡ ﺣﻠﻴﺘﻬﻮﻡ ﻭﻟﻘﻴﺘﻮ ﺟﺎﺑﺪ ﺧﺎﺗﻢ ﺯﻭﻳﻦ : ﻏﻨﺨﻄﺒﻚ ﺑﻄﺮﻳﻘﺔ ﺭﺳﻤﻴﺔ ﺗﻘﺒﻠﻲ ﺗﺰﻭﺟﻲ ﺑﻴﺎ ـ ﻧﻔﻜﺮ ـ ﺷﺤﺎﻝ ﺧﺎﺻﻚ ﺩﻳﺎﻝ ﺍﻟﻮﻗﺖ ـ 5 4 3 2 1 ﻣﻮﺍﻓﻘﺔ ﺍﻟﻌﻘﺒﺔ ﻟﻴﻜﻮﻡ ﺍﻟﺒﻨﺎﺕ ﺍﻟﻤﺴﺞ ﺍﻟﻠﻲ ﺑﻐﻴﺖ ﻧﻮﺻﻠﻮ ﻣﻦ ﻫﺎﺫ ﺍﻟﻘﺼﺔ ﺃﻥ ﺍﻟﺒﻌﺾ ﻛﻴﺸﻮﻑ ﺍﻟﺒﻨﺎﺕ ﻛﻠﻬﻢ ﻣﺎﺩﻳﺎﺕ ﻭ ﻛﻴﻬﻤﻬﻢ ﻏﻴﺮ ﺍﻟﻔﻠﻮﺱ ﺳﻤﺤﻮﻟﻴﺎ ﻛﺎﻳﻦ ﺑﻨﺎﺕ ﺍﻟﻨﺎﺱ ﺍﻟﻠﻲ ﻛﻴﻬﻤﻬﺎ ﺷﺮﻳﻚ ﺍﻟﺤﻴﺎﺓ ﻭ ﺃﺧﻼﻕ ﺍﻟﺴﻴﺪ ﺍﻟﻠﻲ ﻏﺘﺰﻭﺝ ﺑﻴﻪ ﻭ ﺁﺧﺮ ﺣﺎﺟﺔ ﺗﻔﻜﺮ ﻗﻴﻬﺎ ﻫﻲ ﺍﻟﻔﻠﻮﺱ ﻛﻴﻤﺎ ﻧﺘﻮﻣﺎ ﻛﺘﻘﻮﻟﻲ ﺑﺎﻟﻠﻲ ﺍﻟﺪﺭﺍﺭﻱ ﻣﺎﺷﻲ ﻛﻠﻬﻮﻡ ﺑﺤﺎﻝ ﺑﺤﺎﻝ ﺣﺘﻰ ﺃﻧﺎ ﻛﻨﻘﻮﻟﻴﻜﻢ ﺑﺎﻟﻠﻲ ﻣﺎﺷﻲ ﻛﻠﻨﺎ ﺑﺤﺎﻝ ﺑﺤﺎﻝ ﻫﺎﺫ ﺍﻟﻘﺼﺔ ﺟﺎﺗﻨﻲ ﺍﻟﻔﻜﺮﺓ ﺩﻳﺎﻟﻬﺎ ﻣﻦ ﻭﺍﺣﺪ ﺍﻟﻌﺒﺎﺭﺓ ﻋﺠﺒﺎﺗﻨﻲ " ﻋﺬﺭﺍ ﺃﻳﻬﺎ ﺍﻟﺮﺟﺎﻝ ﻓﻠﺴﻨﺎ ﻛﻠﻨﺎ ﻣﺎﺩﻳﺎﺕ ﻓﺎﻟﻨﺴﺎﺀ ﻳﺨﺘﻠﻔﻮﻥ " ﻛﻴﻤﺎ ﺍﻟﻌﺎﺩﺓ ﻣﺎﻏﻨﻜﺘﺒﺶ ﺍﻟﻨﻬﺎﻳﺔ ﺣﻴﻨﺖ ﺣﻴﺎﺗﻬﻢ ﻳﻼﻩ ﺑﺪﺍﺕ ﻧﺘﻤﻨﻰ ﺗﻜﻮﻧﻮ ﻗﻀﻴﺘﻮ ﻭﻗﺖ ﺟﻤﻴﻞ
النهاااااااااااااااااااااية