قصة : حماتي بدلات حياتي

قصة : حماتي بدلات حياتي

البارت1: بابا:شوفي راه مكاين لا قراية لا زمر وهضرتي ماغاطيحش الأرض.. ماما:صافي أ لحسن مايكون غير خاطرك .. أنا حدرت راسي الأرض وماحاولتش نزيد كلمة من فوق هضرة بابا... نعرفكم على راسي انا سميتي مريم فعمري 17 سنة لكن كنبان أكبر من سني حيت مفورمياا ..كنقراا ف اولى باك ..ساكنين فواحد الفيلاج فبني ملال..كندير الحجاب حيت عايشة فعائلة محاافظة بزااف انا هي الصغيرة ،،منين حليت عيني وهضرت بابا وأحكامو هي لي تكون وماما تقريبا بحال العبيدة ديالو لي طلبها ديرهالو ..ودابا بغاني نخرج من القراية باش يزوجني بولد عمي لي ساكن مع عائلتو فالعروبية حتى هما فبني ملال...حاولت نطلب ماما .. مريم :عافاك اماما انا راه ماباغاش نتزوج دابا بغيت نقرااا ونكمل قرايتي هضري مع بابا الله يعطيك شي حجة .. ماما:ابنتي انا ماكرهتش تقراي وديري مستقبلك لكن واخا تقراي وتخدمي غاتزوجي ومرجوعتك لدارك و ولادك ،تزوجي و ولدي من حدك باقية صغيرة و وليداتك يكبرو معاك و عادل ولد عمك غايتهلى فيك .. انا بقيت كنبكي ونطلب فماما لكن بدون جدوى ..بابا حرقلي كاااع الكتوبة والدفاتر باش مانقراش ،،دوزت شهر غير فالدار و الشقاء ..حتى لواحد العشية جاااء بابا من الجامع .. بابا:مريم اجي فينك ! مريم :هاني أ بااا.. بابا: غدا غايجي عندنا ولد عمك وعمك ومراتو باش يخطبوك واسيري وجدي راسك .. مريم:وااخا أ باا.. نطقات ماما وقالت:إيوااا واش غايجيو فالصباح ولا فالعشية. بابا:غايجيو للغداء وغايباتو معانا .. بقيت كنبكي على زهري المكفس وعلى مستقبلي لي ضااع ..
البارت 2
البيج و درت فولاغ فالابيض وكحول فعيني صافي ..حيت حنا عندنا عيب البنت دير المكياج والله حتى يقتلوني خوتي الكبار..بقينا كنتسناوهم حتى جاو ،،، حطات ماما الغداء انا كنت فالبيت لاخور..تغداو وضحكو شوية نطقات مرات عمي لي غاتولي حماتي فالمستقبل: زهرة فين هيا مريم بنتك!? ماما: هاني نمشي نعيطلها .. جات عندي ماما لبيت بدات كتقاد فياا وتدعي الله باش يتزوجني عادل باغيين غير يتفكو مني هه ..داتني لعندهم الصراحة كنت مخلوعة شوية وحشمانة حدى بابا وخوتي..سلمت عليهم وجلست حدى ماما وحنوكي كنحس بيهم غايطيرو من بلاصتهم .. عمي:لحسن راك عارفنا علاياش جينا.. بابا:الله أودي اخويا خيرنا مايديه غيرنا .. مرات عمي: حنا ماغانخصوها حتى من حاجة و غانديرها بحال بناتي خصها غير تسمع للهضرة.. ماما:بنتي راها صباارة وعمركم تسمعو كلمة العيب من فمهاا .. عمي:ايوااا الله يجعل كلشي مباارك مسعود.. عادل بقى غير ساكت نسيت ماوصفتولكمش (عادل شاب فعمرو 29سنة خدام زلايجي و زينو مقبول) بقينا مجمعين وجالسين و مرات عمي وماما كيوصيوني نتهلى فعادل و نديرلو خاطرو ..وأنا كنقولهم غير "وااخا ،،اه" تعشينا و عمي وبابا علمونا بلي ملهنا سيمانة غانديرو العقد و العرس ملهنا شهر ونص ....مشاو بحالهم و عطاني عادل نمرتو و بقينا كنهضرو طبعا بالتخبية على والدياا ..ولا كيجيني ولد ضريف و ضحوكي..وصل النهار لي غاندير فيه العقد و تزوجناا ..عادل طلب بابا باش نخرجو بزوج نهضرو ونتفاهمو .. بابا: تادير العرس و شبعو خروج .. عادل: اعمي راه ماغانتعطلوش .. بابا:عندك ساعة بالحساب و أجيو للدار راه غانديرو العشاء تما بمناسبة الكاغط ....
البارت3:
بابا قبل نخرج انا وعادل بصعوبة واخا هو راجلي على سنة الله ورسوله.. خرجنا و شد لياا فيدي مانعاودش لكن غلى ديك اللحظة لي قاس لي يدي لحمي تبورشات علياا..شريت واحد الجلابة و زوج قفاطن من فلوص الصداق لي عطاني ورجعنا للدار ..غير دخلنا بدات ماما ومرات عمي وزوج خوالاتي كيزغرتو علينا حتى حشمت ودخلت للبيت ..جات عندي ماما و وريتها شنو شريت ..المهم عرضنا على خوالاتي وعمتي و عمامي للعشاء بمناسة ضريب الكاغيط و الصداق..تعشاو ومشاو و بديت انا وماما كنوجدو وكل مرة نشري حاجة وراكم عارفين العرس فالعروبية كيكون فيه 3 أيام والبشر بزااف...واحد النهار مرات عمي لي هي حماتي عيطات لماما وقات ليها بلي هي عيانة وطلبات ماما تخليني نمشي عندها نقابلها شي يوماين حيت بناتها كلهم مزوجين وبعاد..تشاورت ماما مع بابا وغير بستين كشيفة خلاني نمشي .. دخلاتني ماما البيت وقالت: شوفي ابنتي مريم عنداك ديري شي حاجة قبل ليلة دالعرس وحضي راسك.. مريم:واااصافي اماما.. هزيت زوج بيجامات ولبست جلابتي ومشيت وصلني خويا لكبيرة والصراحة كانت مرات عمي مريضة حالتها مسكينة بالمراارة.مشيت جمعت دار وطيبت الغدااء و نكست الكوري ..وبقيت مقابلاها لو بغات شي حاجة بقيت معاها 3 أيام وفهاد 3 أيام زدت عرفت راجلي عادل مزيان هو ضريف و مرضي مو لي كطلبها مو تحضر حيت هو لي بقى عندهم من بعد خوتي لي تزوجو ...مرات عمي بدات كتصح شوية ..و قالت ليا:مريم نوضي خرجي مع راجلك راك غاتكوني قنطتي ابنتي .. مريم: لا امرات عمي غير خليني مونساك ماتبقايش بوحدك . مرات عمي: لا شوية ويجي عمك غيرسيري..وعيطات لولدها يخرجني ..لبست جلابتي و فولاري و خرجت انا وراجلي تهلا فياا ولي طلبتها يشريهالي و هاد المرة ماشدليش فيدي عنقني هه ....
البارت 4
فالكوزينة حتى كنسمع مرات عمي كتعيط لياا..مشيت عندها وقلت: نعااام امرات عمي خاصك شي حاجة.. مرات عمي: جلشي ابنتي نهضر معاك .. مريم: اه الله يسمعنا خير .. مرات عمي: دابا انت وعادل مزوجين على سنة الله ورسوله و العرس ماشي مشكيل راجلك ابنتي راه بغااك وانت ضروري ديري داكشي لي بغاه راجلك وطيعيه .. انا تزنگت وماعرفت مانقول .. مرات عمي: سيري دخلي عند راجلك وهاني غانجيبلك واحد السروال منين يدخل عليك اري نخبعو ليك وفليلة الدخلة نعطيهلكم غير سيري ابنتي .. انا ماقدرت نقول والو ..دخلت عند عادل لقيتو جالس ومبتاسم .. جلست حداه و بدى كيشوف فيا وقال: مريم ماتحشميش مني انا راه راجلك وانت حلالي .. زول ليا بيجامتي و زوج حوايجو وسد لبااب و بدى فالممارسة وانا غير كنغوت حيت تقصحت بزااف.. سال مني الدم و مسحتو فداك السروال وداه عادل لمو ..بت مع عادل فداك البيت وكنا فرحانين ..صبح الصباح نضت دوشت و صاوبت الفطور و بقيت معاهم لمدة اسبوع و تقريبا كل ليلة كندخل نعس مع راجلي...برات مرات عمي و رجعت لدارنا..ماما سولاتني واش درت شي حاجة مع عادل ماقديتش نقولها اه باش ماتغوتش علياا ..قرب العرس ..وعرضنا على الناس،، صاوبنا الحلوى و دبح بابا مسكين بگرة..مشيت للحمام مع بنات خالتي و بنات عمتي.. دزت عند الكوافورة صاوباتلي شعري و وجهي ولبست قفطان أخضر فيه الذهبي و دازت عشية دالحنة غزااالة..جاء نهاار العرس وكنت متوترة ..مشيت للكوافورة و قاداتلي وجهي و شعري ولبست لبسة فالأبيض المهم درت داكشي بسيط و كان كلشي ناشط وفرحان ،،راكم عارفين عراسات العروبية والناس الموساكن..وصلات اللبسة التالية بديت كنبكي حيت ماساخياش بدارنا وبوالدياا .
لبارت5:
داوني لدار ديال عمي و دخلونا لبيت و عيالات واقفين حدى البت كيطبلو فالتعارج و البنادر وكيدقو علينا فالباب باش زعما نسربيو ونوريوهم السروال او بالأحرى الشرف دالعائلة كلشي كان واقف حتى من بابا وعمي وخوتي .. مريم:عادل سير عند مرات عمي تعطيك دالسروال .. عادل: واخا هاني جاي. خرج عادل و مشلى هضر مع مو وجا لعندي و وجهو صفر و مخطوف .. مريم:فينك فين هو السروال! عادل: مابغاتش تعطيهلي قاتلي تلف ليهاا .. مريم:اويلي على تلف ليها .. وبديت نضرب فوجهي ونقول:اويلي على شهوهتي اويلي على فضيحتي.. مريم : سير ولي شوف وقلب معاها... مشلى بدى كيقلب و رحع لعندي و والو مالقاهش ..تقريبا ساعة وحنا فالبيت و عباد الله بداي كيخرجو الهضرة دقات ماما وخلات لعندي ..لقاتني كنبكي.. ماما: اويلي مالك كتبكي .. عاودت لماما كلشي و بدات كتضرب فيا و تضرب فعادل وخرجات عند مرات عمي باش تفاهم معاها لكن بدون جدوى مرات عمي كانت مصرة انها تشوهلي شرفي .... مشات ماما هضرات مع بابا وعاوداتليه كلشي..شوية بشوية الخبار وصل لكاع النااس لي كانو معروضين تم .. خوتي ساقو الخبار و جاو دخلو علينا فالبيت صرفقني واحد خويا و خويا لاخور شد حديدة و ضرب بيها عادل للراس ...عادل طاح على طولتو و بدات الرغوة خارجاليه من فمو ..انا تصدمت والله و غير كنبكي العرس تحول لمصيبة ..خوت عادل عيطو لبوليس داو خويااا، و ماما غير كتندب فوجهااا.. دينا عادل للطبيب بقى فغيبوبة لمدة 17 ليوم ... انا كرهت راسي حيت انا هي السباب و كرهت حتى مرات عمي وفينما نشوفها قدامي كنبغي نطير عليها نقتلهاا ..فاق عادل لكن جاه شلل نصفي ..حكمو على خويا ب 3 سنين دالحبس و غرامة مالية كتعويض لعادل .. طلقت انا وعادل ...
لبارت 6:
بابا وماما مابقاوش حاملين يشفوني ولا يسمعو سميتي حيت بسبابي زوج دالخوت مابقاوش حاملين بعضياتهم.. هزيت راسي وخرجت او بمعني اخر فهمت راسي..أصلا حنا فعائلتنا عيب البنت تطلق ..و بابا مسكين مابقاش قادر يخرج بسباب هضرة الناس علياا كلشي كيقول بنتو صدقات ماشي بنت..حياتي ترونات بسباب حماتي ..عييت مانصبر للمعيور دماما و الضرب دخوتي ...صبح الصباح نضت مع 5 مور الفجر صليت وهزيت معايا الفلوس وخرجت ..كنت غير كنبكي وماعارفاش راسي فين غادية..تفكرت واحد بنت خالتي كاينة ف أكادير وقررت نمشي عندها..شديت طران و مع الطريق كانت طويلة ..تقريبا نهار وانا راكبة و دموعي مافارقوش خدي ..وصلت لأكادير واتاصلت بيها ..و جات لعندي للمحطة تلاقاتني ..و غير عنقتها وبديت نبكي وعاودت ليها كلشي حيت هي ماحضراتش للعرس ..مع عندها وليدات صغار وخدامة..واساتني مسكينة وداتني للدارها و تعاملت معايا مزيان بزاااف ..وتاصلت بماما علماتها بلي راني معاها باش مايتقلقوش عليااا ...واخا انا مابغيتهاش اتاصل بيهم حيت مابقاوش حامليني و لا مسوقين ليا ولحالتي النفسية... بقيت معاها لمدة أربع أيام ،،كان راجلها مسافر..واحد النهار جات لعندي وقالت: مريم علاش ماتقابلي ليا ولادي وفلوس لي كنخسرهم فالحضانة نعطيهم لك!! مريم:اه حتى هادي فكرة ..انا غير منين فتحتي لياا باب دارك نديرلك لي طلبتيه وبلا فلوس .. بنت خالتي: لا فلوسك غانبقى نعطيهالك كل شهر.. مريم:واااخا لي بغيتي والله يخليلك وليداتك.. المهم بقيت كنقابل وليدات بنت خالتي وكنطيب وكنجمع دار لكن ديما داك المشهد د عادل فاش ضربو خويااا ودماياتو سايلة ماعمرو فارقني حتى لحظة ..حتى لواحد لعشية جاء راجل بنت خالتي ..والصراحة كان كيدير فيا شي شوفات كيخلعوني...
لبارت7:
كان راجل مفورمي و تكون عندو ديك 44 عام..مكنتش أبدا كنرتاح ليه ..واحد النهار فقت كيف العادة و صاوبت الفطور بنت خالتي مشات لخدمتها ..بقيت فالكوزينة كنغسل الماعن حتى كنحس بشي حد مورااياا معنقني بجهد..درت لقيتو راجل بنت خالتي..دفعتو .. مريم: اويلي بعد مني مالك تسطيتي! راجل بنت خالتي: صطيتني انت انا مستعد نعطيك اي حاجة غير باش نعس معاك و نشم ريحتك .. بلا منشعر صرفقتو واخا كان طويل عليااا ..وقلت : الله ياخد فيك الحق واش ماكتحشمش كلكم بحال بحال يخخخ.. و انا غادية بحالي من قدامو ضربني بيديه للمؤخرة ديالي انا ماعرفت شنو ندير قلبي كان غايسكت دخلت لبيت عند دراري وانا كاملة كنترعد ،سديت علياا البااب حتى مشى لخدمتو عاد خرجت كملت شغالي و كنلعن هاد القدر لي وصلني حتى لهنا..وليت كنكرهو و بغيت نمشي بحالي قبل ماتكبر المشكلة و يتعدى حدودو معاياا ولا بنت خالتي تسيق الخبار و نصدق خارجالها على زواجهاا ،،،لكن مااعارفة فين نمشي وعدمن نمشي شحال من فكرة جاتني ف بالي..قررت نصبر حتى تخلصني بنت خالتي ونخرج نكري شي بيت ونخدم حيت ماعندي حتى رياال وماعندي حتى خياار اخور لو بغيت نخرج غانمشي غير للزنقة ونتشرد..كل نهار ولا كيتسنى بنت خالتي حتى تمشي للخدمة ويجي لعندي يعنقني ولا يقيسني فصدري ولا يقرصني ..المهم ولا كيتحرش بيا واخا كنقاومو ونحاول نبعدو علياا لكن هو قوي علياا بزاف...عييت مانصبر صافي وليت ماقادراش نشوف فبنت خالتي وليت كنحشم منهاا وكنشماائز من راسي...القضية تطورات ولا كيتسنى بنت خالتي حتى تمشي وكيجي عندي شبه معري وكيحاول يغتاصبني شحال من مرة هربت للزنقة بلا منشعر وشحال من مرة ضربتو و قمشتو....
البارت 8:
وااحد العشية نعست دراري و بنت خالتي وداك الحيوان كانو فالخدمة ..دخلت لحمام ندوش ..حتى قربت نسالي كندور باش نهز لفوطة كلقااا راجل بنت خالتي حداايا كان كيشوف فياا و كيبتاسم..جرني من يدي و انا كلي معرية ..بديت كنقاومو حتى طحت وهو يشدني من شعري وبقى مجرجرني فالارض و انا كنغوت..لاحني على ناموسية ديالو و حيد گاااع حوايجو..و بدى كيبوس فياا بحال شي متوحش.. بديت كنقااومو حتى قربت نستسلم ليه..جسمي لتاصق ب جسمو..شوية دخلات بنت خالتي ولقاتني انا وياه ف البيت ديالهم وبزوجنا معريين.. بقى كتغوت حتى جاتها كريز وفقدات الوعي..لبست حوايجي وبديت كنبكي و كنطلب من الله ماتفهمنيش غالاط..واخيرا حلات عنيها وبدات كضرب فيا وتعايرني وتقول: انت غير قح** شوهتي ب باك وباغية تاخديلي حتى راجل شنو دنبي الا بغيت ندير فيك الخير ونعاونك .. مريم: اختي راه راجلك لي ديما كيتحرش بيا ومابغيت نقولك والو غير باش ماتخاصموش.. بنت خالتي: سكتي الكلبة راجلي مايديهاش فعروبية بحالك سيري خرجي علياااا...بنت خالتي جاها انهيار عصبي و داها راجلها للصبيطار..لبست حوايجي و سمحت ف ولادها و فكولشي وخرجت ماهزيت معايا حتى ريال.. ماعارفة عدمن نمشي ولا فين..بقيت غير غادية وكان ليل وانا كلي كنترعد ..دزت من حدى واحد الحي فيه غير الفيلات..فجأة شي بنات لابسين مزيان ونص لحمهم كيبان ،،شفتهوم جايين بخطوات متسارعة،،وصلو قدامي وقالو ليا : اختي واش انت كتسكني هنا خبيناا عافاك .. مريم:لا مكنسكنش هنا علاش انخبيكم مالكم! أنا كنسول فيهم على نيتي حتى وقفات حدانا الصطافيط وهزاتنا ب 4بينا وانا مافاهمة والو.. داونا للكوميسارية وهبطونا للتحت للكاڤ..من بعد نص ساعة قدمونا عند واحد الكومسير كل وحدة بوحدها حتى وصلات نوبتي....
لبارت:9
الكومسير:اري لاكارط ديالك. عطيتلو لاكارط ديالي .. الكومسير:علاش كتمارسي الدعارة.. مريم:اشمن دعارة اسيدي انا عمري در..قاطعني وقال:هاهاها كضحكي علياا ولا كفاش ! مريم:لا والله اسيدي ماكندير شي حاجة خايبة..وبديت نبكي ..قال بصوت مرتفع:وشنو كنتي كديري مع دوك لبنات! عاودت ليه كفاش جاو لعندي وسولوني وقال: وشنو كنتي كديري بليل بوحدك ! كذبت وقلت :بنت خالتي جاتها كريز وكنت غادية للطبيب نشوفها .. عيط لواحد البوليسي و رجع هبطني للكاڤ..مشيت نيشان عند لبنات و قلت ليهم:عاافاكم قولو ليهم انا راه مدايرة والو .. البنت1:هاهاها مسكينة كتقطعي القلب.. البنت2:كلنا دزنا من هاد المرحلة هاهاهاها... انا مافهمت والو وبديت نبكي كيف شي حمقة اصعب إحساس هو الظلم و انا تظلمت بزاف دالمرات فحياتي ومابغيتش حتى هاد البنات يحگروني .. البنت1:البنات نقولولها سر العمل! البنت3: اوك قولولهاا.. البنت2:شوفي احبيبة عندك حل واحد لا بغيتي تخرجي من لهنا هو انك تقبلي تخدمي معانا .. مريم:شنو غانخدم معاكم! البنت2: ماعندناش الوقت لي غانشرحولك فيه .. البنت1:شوفي شوية وغانخرجو كاملين بكفالة.. مريم:عافاكم فهموني االه يرحم والديكم....بداو كيضحكو علي ويتغامزو بناتهم ،،وبصح غير وصلا ربعة دالعشية جااا واحد الراجل خرجنا ب ربعة كفالة وجروني ركبوني فطموبيل معاهم..وانا مفاهمة حتى حاجة..وصلنا لواحد الفيلا فحي راقي بزاف.. البنت2: مرحبا بيك ازين. مريم:اختي فين جنا خليوني نمشي بحالي .. البنت3:دخول الحمام بحال خروجو هاهاهاها.. مريم:خليوني نمشي بحالي الله يعطيكم ماكتمناو .. البنت3:شوفي انتي سكتينا من صداعك ولا غانصرفق موك .. انا سكت وماعرفت شنو ندير واحد الشوية جااا عندي داك الراجل لي خرجنا نيت من الحبس و جرني معاه لواحد البيرو ....
لبارت10:
جاء حدايا وقال لي:وقفي ..وقفت وبدااا كيطلع فيا ويهبط .. وقال:تبعيني ..بقيت تابعاه بزز مني ،،مشينا لواحد البيرو و جلست ..قال:المهم مرحبا بيك معانا ازين ماغايخسك خير 40%ديالي و 60%ديالك .. مريم: كفاش شنو هادشي اشمن 60 ولا 40 !!! الراجل: علا مقالولك البنات والو ..المهم انا غانفهمك انت غاتخدمي معانا وحالياا غاتخدمي ف واحد الشركة اروبية ف تمثيل دالافلام الإباحية وكوني هانية مغايبانش وجهك وغاتخلصي مزيان ،،خلصة وحدة كافية تعيشك عمرك كامل هاهاها.. بلا منحس نضت خارجة بحالي حتى شدوني زوج رجال كانو واقفين حدا البيرو وردوني لعندو.. الراجل:شوفي راه ماعمرك ماغاتقدري تخرجي من لهنا حتى ماتبقايش صالحة عاد نجري عليك ..ومن غدا غانبداو فالتصوير ..واش انت بنت! مريم:(تبكي)عافاك اخويااا لما تخليني نمشي بحالي انا مزاوگة فيك .. الراجل : بلا ماتحاولي طلبيني ..وغدا نتشاوفو احبيبة ..داوني دوك الرجال بالقوة عند واحد البنت تما قلباتني وقاتلهم بلي انا ماشي بنت ..وردوني عند البنات تما ..ماقدرتش نتمالك دموعي بقيت كنبكي و كنطلب فالبنات يقولولي فين انا و شنو خدمتهم ..لكن حتى وحدة مكتقدر تجاوبني كلشي كيضحك علياا..دوزت اصعب ليلة فحياتي مكاين لا تلفون لا والو و الفيلا عامرة حراس..بقيت جالسة فواحد ركنة كنبكي وكنفكر فهادشي لي كيوقع لياا..حتى صبح الصباح ..جاو زوج الرجال وركبوني فواحد الطموبيل كبيرة وداوني معاهم تقريبا نصف ساعة ديال طريق . وصلنا لواحد البلاصة فيها غير الخلا و فيلا ..دخلوني لديك لفيلا وياريتني كون مت قبل ماندخل ليها ونشوف اشنو كاين...عالم مختلف عليااا تماما..ماقادراش حتى نوصف لكم شنو شفت...
البارت 11
مصور خاص بيها ..وهالي كيمارس مع زوج دالبنات هالي كيمارس راجل مع راجل وهالي كيمارس مع بنت ..وكانت الناموسية الخامسة خاوية..انا غير شفت داك ديكور برد ليا الماا فركابي و فشلت..جراتني واحد البنت لبيت وتحماو فياا 3دالبنات حيت ماخليتهومش يقيصوني ..وحدة لبساتني دوبيس مشبك ووحدة دارتلي المكياج و وحدة زولاتلي الزغب ...انا غير كنبكي وكنحس بقلبي غايسكت لياا..داوني حطوني فديك الناموسية وقاتلي واحد البنت لي كتعاون المصور ..البنت:شوفي راكي غاتقصحي شوية ولكن غانخلصوك مزيان.. انا بديت غير كنبكي جاا عندي واحد الدري وكان اوروبي ..دري طويل وكان مثير ..نعسني انا كنت كنحس بالتنفس غايتقطعلي ساعة وهو كيمارس معاياا وأخيرا سالا و جيت نايضة باش نستر راسي حتى جاو عندي زوج رجال عاوتاني ومارسو معايا الجنس بطريقة أكثر من حيوانية و كيصورو فينا،،واحد اللحظة كنت كنحس براسي كأنني غانسخف و قلبي غايسكت..رجعوني للدار ودخلت دوشت وبديت كنضرب فراسي ..بقيت معاهم لمدة شهراين ..شهراين وكل نهار كنحاول نهرب او على الأقل نلقى شي تلفون ،،كل نهار كنزيد نكره حياتي ..حاولت ننتاحر فديك الشهراين و عتقوني ..جمعت فديك الشهراين مبلغ خيالي ..6 دالمليون..مابقيتش كنشوف النعاس و كناكل غير بزز..فهاد الشهراين زدت تعرفت على دوك البنات لي كلهم عندهم نفس الإحساس ديالي ومحاملينش يكونو فهاد الوضع وشحال من وحدة مزوجة و شحال من وحدة عندها ولاد ومعارفة شنو واقع ليهم..هادي شهراين ماخرجت على برا غير من الطموبيل للبلاصة فين غانصورو..مكايخليوش لينا الفرصة فين نتحركو....
البارت12:
حتى لواحد النهار جااا عندنا واحد المخرج كيعزل فالبنات لي عجبوه وعزلني حتى انا ..حيت انا لي كنت صغيرة فداك الفيلا ..دانا واحنا ثلاتة دالبنات...مشينا ودرت زوج افلام إباحية ..وقررت نطلبو يهربني ومايرجعنيش لفيلا ..وعرضت عليه مبلغ 7دالمليون مقابل الحرية ديالي..و وافق بصعوبة ..رجعني للفيلا ودار معايا غايجي لعندي غدا فالصباح بحجة انه غايكمل معايا الفيلم لي بديناااه ...وصل الصباح و هزيت گاع داك الفلوس لي جمعت فالحرام درتها فصاك و لبست جلابة ..تسنيتو حتى جاا وداني معاه وهربني لمدينة فاس وعطيتلو الفلوس لي طلب مني ..مكانت قداني فرحة..بقوة الفرحة بديت نبكي وطحت للأرض وسجدت لله وحمدت ربي لي عتقني من دوك الذيااب..بقيت تايهة وقررت نمشي نقلب على شي خدمة لكن تكون فالحلال ونبدى حياة جديدة ..مشيت شريت تلفون وهضرت مع ماما لي كان قلبها محروق علياا... مريم:الو ميمتي توحشتك بزاف.. ماما مسكينة غير سمعات صوتي ناضت تبكي وقالت:حتى انا ابنتي فينك رجعي للدار راني ترزيت فيك انت وخوك فدقة وحدة رجعي ابنتي .. مريم:انا اماما تشوهت ف بني ملال و مانسمحش لراسي نشوهكم حتى انتما وخويا قريب غايخرج من الحبس غير ارتاحي.. قطعت الخط ..وشديت الطريق لبني ملال ..مشيت قلبت على احسن محامي و وكلتو لخويا ..بقيت ف اوطيل تما وماقدرتش نمشي عند والديا حيت مانقدرش نشوف فيهم من بعد هادشي لي وقعلي..دفعت كفالة وخرجت خوياا من الحبس وكنت فرحانة نسبياا..والنهاار لي كان غايخرج مشيت حدى دارنا لي كنت موحشاها..وبقيت كنشوف غير من بعيد حيت ماما وبابا ماعارفينش بلي خويا خرج وخويا براسو ماعارفش شكون لي خلص عليه الكفالة وخرجو..ماما مسكينة كانت كتعنقو وتبكي ومقداها فرحة..رجعت للفاس وقررت نبدى حياة جديدة ..قلبت على خدمة ودفعت للباك حر..
البارت13:
بصعوبة لقيت خدمة عند واحد المرااا كبيرة فالسن كانت عندها56سنة عايشة غير بوحدها ف طريق بورمانة...راجلها ميت و عندها زوج ولاد واحد مطلق و واحد مزوج ..عايشين برا المغرب..وبفضلها تبدلات حياتي للأفضل ،بقيت خدامة عند هاد المرااا وكانت أحن وحدة شفتها فهاد الدنيا كاملة كانت فيها ماما وبابا واختي وخوياا ..تجرئت وعاودتلها قصتي و عينيها دمعو و حسات بياا...بقيت معاها لمدة 7شهور حتى قرب وقت الامتحانات دالباك و الله العظيم الا من عندها شراتلي الكتوبة و دارتلي سوايع اضافية و طول داك الشهر دالمراجعة مخلاتني نحط يدي فالمااا ولا ندخل حتى للكوزينة..كانت كتحسبني بنتها لي مكانتش عندها...دوزت امتحانات الباك ونجحت بميزة حسن ..ومشيت للدار نفرح خالتي بديعة.. مريم:خالتي شوفي راني نجحت ،،وبديت كنضحك . خالتي بديعة زغرتات بالفرحة وقاتلي غاديرلي حفلة وتشيرلي أحسن كادو..وبصح دارتلي حفلة وهداتني سنسلة من ذهب ... خالتي بديعة:ايوا ابنتي را خاصك تعيطي لماماك وتقوليلها بلي نجحتي ف الباك وقولها بلي راك معايا وعطيها العنوان تجي لعندا مداام انت ماقادراش ترجعي لتم،، فالأول رفضت لكن قنعاتني وهضرت مع ماما وفرحتها مسكينة.. مريم:الو ماما كيف بقيتي كيف بقا باا وخوتي .. ماما:بنتي لحبيبة توحشتك بزاف انا مزااوگة فيك رجعي للدار راني غانهبل تبنتي حسي بيا.. مريم:ماما انا باغية نقرا ونضمن مستقبلي ونتهلى فيك اميمتي وهاكي العنوان لابغيتي تجي عندي تشوفني .. عطيتها العنوان ..ومشيت عند خالتي بديعة وبدات كتعاودلي على أيام شبابوا حتى دانت نعاس ،،نضت مع 5 صليت الفجر ،،من بعد ساعة بالضبط..سمعت الدقان انا تخلعت ونوضت خالتي بديعة ..
لبارت14:
..فتحت الباب والمفاجئة هي منين لقيت ماما وبابا .. تصدمت وبديت كنبكي وهبطت بستلهم رجليهم وطلبت منهم السماحة حيت خرجت من الدار ..وأول مرة بابا كيشوف فيا واحد شوفة فشكل كأنه كيطلب مني السماحة حيت ماتاقش فيا ..جلسنا وفرحات بيهم خالتي بديعة ..ووالديا عرفو بلي راني عايشة معاها ومهلية فياا ..خرج بابا يدور ف فاس..وبقيت غير انا وماما وخالتي.. ماما:بنتي لحبية كيف دايرة وخوك راه خرج من الحبس ورجع كيخدم وعادل مسكين براا و خا كيعرج شوية.. مريم:علا سلامتو امي.. ماما:عرفتي ابنتي راه جات عندنا مرات عمك وطلبات منا سماحة وعاودت لينا كلشي وبلي منين مشيتي عندهم ...قاطعت ماما وقلت :صافي دابا لي فات مات اماما وانا ماغارجعش للتما انا بغيت نقرى ونكون مستقبالي.. ماما:حشومة ابنتي راك ثقلتي على المراا.. خالتي بديعة:لا بلعكس مريم أكثر من بنتي.. المهم هضرنا وقنعت والديا بلي مستحيل نرجع لبني ملال ..و بابا أصر انه يصيفطلي الفلوس كل شهر باش نقرا مزيان ..دفعت للجامعة و الحمد الله قريت و كان باقي ليا عام ونشد الإجازة ف اللغة العربية..وطول هاد عاماين بقيت عند خالتي بديعة ومرة مرة كنمشي لدارنا..و فهاد الأيام كانو ولادها غايجيو من براا باش يدوزو عندها رمضان..واحد الصباح فقنا وخملنا الدار وماخليت ماوجدت للفطور وخالتي بديعة مقاداها فرحة مسكينة حيت شحال ماشفتهم ..شوية كنسمعو دقان ..كانو ولادها واحد عندو مراتو گاورية و بنيتة و واحد عندو ولد وبنت و مطلق وباقي صغير ..سلمو علينا وعرفوني انا هي مريم حيت خالتي بديعة معاودالهم عليا..عرفاتني عليهم خالتي هداك لي مزوج سميتو طارق عندو 41 سنة ولا خور لي مطلق سميتو عثمان عندو 37 سنة ..كانو ضريفين بزااف و الله يعمرها سلعة ....
البارت15:
..تعرفت على مرات طارق حتى هي مراا زوينة واخا گاورية ،مسلمة وكتصلي وكتصوم وكتهضر بالدارجة...أذن المغرب وحطينا گاع الشهيوات لي وجدت ... طارق:اختي مريم الله يعطيك الصحة هادشي غزال توحشنا الشهيوات المغربية .. مريم:(مبتسمة)بصحتكم وراحتكم انا غير أمروو .. عثمان:شكراا كلينا وجمعت الروينة وصليت التراويح ،،من بعد زوج سيمانات انساجمت مع طارق وعثمان دغيا ولينا نضحكو ونهضرو ونخرجو...كنت حاسباهم أكثر من خوتي ..ولا عثمان كانو مرة كينعسو حدايا ومرة حداا جداتهم...خرج رمضان و قررو يمشيو رحلة للبحر.. مرات طارق:مريم يالاه مغانا حتى انت ! خالتي بديعة:ضروري هه.. مريم:لا خالتي بلا مانزيد حتى انا أصلا مابقات حتى بلاصة فالطموبيل بحراا تكفيكم انتما غير سيري فوجي مع وليداتك اخالتي.. خالتي بديعة:حتى انت بنتي و راه عثمان كرااا طموبيل سيري معاه انت و ولادو وانا نمشي مع طارق.. مريم: أبلاش اخالتي... خالتي بديعة: قلتلك غاتمشي هي غاتمشي.. مانكذبش علكم حتى انا كنت باغية نمشي لكن مابغيتش نتقل عليهم ..يالفرحة نضت جمعت حوايجي بيوماين قبل هه..وأخيرا وصل النهار ديال السفر فقت انا بكري صليت و وجدت لهم الفطور و لبست كسوة طويلة ف الأسود و درت شال ف لگروناا وصاك فنفس اللون و صندالة عالية ودرت مكياج خفيف لعيني و وجهي و عكار ماط فلگرونا ..فاقت خالتي بديعة وقالت:تبااارك الله على بنتي الغزالة هكا نبغيك ديما مهلية فراسك .. بستلها يديها وقلت لها:هادشي كامل بالفضل ديالك عمري ننسى خيرك .. فاق كلشي و فطرنا و لبست الحوايج لولد عثمان و مشينا ..ركبت فالقدام حدى عثمان ..كنا غانمشيو للشمال ومع طريق بعيدة كنقنط.... والتعاليق داخل الرددد
لبارت16:
نسيت ماوصفتش لكم عثمان..عثمان راجل طويل و صحيح لحيتو خفيفة وعويناتو عسليين و شعرو اسود..ضحوكي ومقبول. عثمان:مريم ياك مادختي! مريم:هه لا غير قنطت .. عثمات:ايوا جبدي شي موضوع نهضرو فيه مثلا عاوديلي كيفاش تلاقيتي انت وماما .. مريم: انا كان مقطع بيا الحبل و الحمدالله ربي رسل ليا ماماك فالطريق من بعد ما كلشي تخلا علياا وحگرني وماماك دايراها أكثر من ماما والله شاهد.. عثمان:كفاش عاوديلي شنو كان عندك ! مريم:مرة اخرى دابا دراري حدانا .. عثمان: اوك لكن ماغانطلق منك حتى تعاوديلي راني بحال خوك داباا.. مريم:واخا ان شاء الله هه.. بقينا كنهضرو على الخدمة ديالو هو محاسب ف ألمانيا و هضرنا تا على قرايتي..وصلنا لتطوان كانت غزالة بزاف ..مشينا جلسنا فواحد القهوى عائلية.. مريم:فراسكم اول مرة كنجي لتطوان واول مرة فحياتي غانشوف البحر هه.. خالتي بديعة:ان شاء الله ماغاتكونش اخر مرة حتى انا شحال ماجيت للبحر دشمال.. عثمان: مريم هي مكتعرفيش تعومي ههه..وبداو كيضحكو علياا..وانا بالكبرياء لي عطاني الله قلت ليه بكل ثقة لا كنعرف.. عثمان: هي نوضو نمشيو للبحر ونشوفو حنة يديك ههه.. خالتي بديعة:بعد من البنت ولا نوض نوريك.. مريم:لا اخالتي خليه صافي متافقين اعثمان هه.. مشينا للاوطيل و حطينا حوايجنا ولبست كيطما طويلة باش نعوم مستورة..مامشاتش خالتي بديعة قالت لينا راسها دايخ من السفر..خلينا معاها ولا عثمان ..رانا و هيتم..رانا عندها 4سنين وهيتم عندو 6سنين..بقاو مع جداتهم..مشيت فير انا و عثمان وطارق ومراتو و لدو ..وصلنا للبحر ومع أول مرة كنشهف البحر و كنشم ريحتو وكنسمع صوت أمواجو..سبحان الخالق..عجبني الحال بزااف لكن مازعمتش نعوم ..طارق ومراتو و لدو بعدو علينا مشاو لواحد البلاصة وجلسو كيتصوروا...
لبارت17:
عثمان:مريم سيري تلاحي نشوف عومانك كيف داير ههه.. مريم:واخا مالك يسحابلك ماتنعرفش ..مشيت بديت زعامة لعندي و غير قاصني الماا دالبحر غوت كان باارد بزااف بديت داخلة شوية حتى وصل لياا الماا لفخاضي وجيت نضور باش نخرج بحالي حتى كنلقى عثمان مورايا وكيموت عليا بالضحك..و قال : خرجي قبل ماتجي شي موجة تلفك على القبلة ههه.. وبصح ماديتهاش فهضرتو وجيت قالك داخلة حتى جات موجة لي دوخاتني ومابقيت عارفة حتى شكون انا ..واخا هكداك مارضيتش حداه...المهم خرجنا من الماء وبدينا غادين فالرملة وعاودلي على مراتو الگاورية لي خانتو مع صاحبو و طلقها وسمحات ليه حتى فدراري مابغاتهمش .. بقااا فيا وبقاو فيا وليداتو أكثر ..رجعا للوطيل ودوشت وبدلت حوايجي و خرجنا بليل دينا دراري للافوار يلعبو وطبعا لغبت حتى انا ههه .. جينا راجعين بحالنا ..ركب دراري فطموبيل و قالي : بلاتي ا مريم بغيت نهضر معاك عاد نمشيو..انا تفاجئت وقلت :الله يسمعنا خير عثمان: انا ماعرفتش كيف غانبدى ولا منين ههه.. مريم: واا قول خلاص مالك كتصفار وتخضار غير بوحدك ههه.. عثمان: مريم انا باغيك للحلال ومالقاش حسن منك مربية ومثقفة ومفاهمالي مع لواليدة ومابغيتش نضيع الوقت أكثر انا باغيك للحلال و جيت قاصدك وقريب غانقصد داركم .. انا ماعرفت مانقول ورسمحت فيه ومشيت ركبت فالطموبيل.. جاء حتى وهو وقال:مالك هربتي.. مريم:ماماليش انت معارف والو .. عثمان:شنو غانعرف ! مريم: انني فايتة مزوجة ومطلقة وعندي ماضي قبيح بزااف.. عثمان: لي فات مات انا ماباغي نعرف والو عجبتني كيف مانتي .. مريم: دابا ماشي وقت الهضرة دينا للوطيل دراري فيهم نعاس.. مشينا للأوطيل وعاودت لخالتي شنو قالي عثمان و فرحات لكن انا مافرحتش حيت يستاهل حسن مني....
لبارت18:
خالتي بديعة:بنتي عثمان الا بغاا الحاجة راه كيوصلها و انت راك تستاهليه واي حاجة وقعات ليك خايبة مدرتيهاش انت بخاطرك .. مريم: ولكن اخالتي ولا عرف بلي كنت خدامة ف شركة دانتاج أفلام اباحية راه عمرو يولي يشوف فياا.. خالتي بديعة ;بنتي انا عاشرتك وعرفتك بنت مزيانة و ولدي ارتاح لك علاش كتعقدي الامور و تفكري الماضي بداي حياة مزيانة من حقك تفرحي ويبغيك شي حد .. مريم:ماعرفتش اخالتي والله راني مترددة ومابغيتش نتزوج ونطلق مرة أخرى.. خالتي بديعة:ماغايكون غير الخير ابنتي غير قبلينا وصافي.. مريم:عطيوني وقت نفكر اخالتي .. دوزنا سيمانة فتكوان ورجعنا للفاس وفهاد المودة گاع ماهضرت مع عثمان ولا جبدت عليه موضوع دالزواج حيت قاتليه خالتي خليها تفكر ..رجعنا للفاس ومابقاش ليه وقت بزاف باش يرجع لالمانيا ..هضرت مع ماما وقتلها شنو كاين وعجبها الحال و شجعاتني هي وخالتي بديعة باش نتزوج ونقوليه يجي لدارنا ..وبصح داكشي لي كان خطبني من دارنا ودرنا العقد ومشى لخدمتو ..كنت كل دقيقة نهضر معاه ونسيت ماقلت لكم ان وليداتو بقاو معايا فالمغرب و ولفتهم بزاااف وحتى هما ولفوني مرة يعيطولي ماما مرا مريم مرة طاتي ههه ..شريت كاع داكشي لي خاص للعرس ..ودرنا حفلة صغيرة غير العائلة وصحاب عثمان ..تفاهم مع خوتي ..وكتعامل معايا مزيان ..حاليا انا عندي 30سنة ورزقناا الله بزوج وليدات اخرين و مستقرة انا وياه ف المانيااا ..خالتي بديعة ماتت الله يرحمهاا ..ولحد الان عثمان ماعارف والو على لماضي ديالي من غير انني كنت مطلقة...
لبارت19 والأخير:
عثمان عمرو جرب انه يسولني على الماضي ديالي ..كل ليلة كيخرجني و كنبغيه اكثر من اي حاجة فهاد دنياا ..العبرة ديالي من قصة لي عاودتها لكم ..هو ان اي وحدة ممكن تظلم من لقرب الناس ليها انا ظلمني بابا وخرجني من لقرايا ومن بعد ضلماتني مرات عمي وضلمني راجل بنت خالتي و ظلموني دوك البنات وظلماتني دنيا ..لكن ربي عوضني بعثمان نساني فگاع داك العداب لي عشتو من قبل..وعالم الذعارة كان ممكن مانخرجش منو لو كنت طمعت فالفلوس ..واي وحدة ممكن تدخل لداك العالم وماتخرجش گاع خاصة فعالم التمثيل الأفلام الاباحية.. وخليو إيمانكم بالله اي وحدة عند بالها كدوز حاليا من ظروف صعبية وكتبان ليها الدنيا كحلة.. سواء تخاصمت مع صاحبها او ماخلاوهاش والديها تخرج او ماشراتش سروال ماركة بحال لي لابسة صاحبتها راه اختي كاين لي كيعيش ظروف أسوأ وكاين لي محروم من حريتو و كاين لي متشردين وكاين لي مكينعسش بليل ومشكلتك كتبان تافهة بزااف ..النهاية..ارائكم كتهمني ..ودعيو معايا .