ﻗﺼﺔ ﻳﺎﺳﻤﻴﻦ
ﻗﺼﺔ ﻳﺎﺳﻤﻴﻦ
ﺍﻟﺴﻼﻡ ﻋﻠﻴﻜﻢ ﺳﻤﻴﺘﻲ ﻳﺎﺳﻤﻴﻦ ﺍﻟﺒﻨﺎﻧﻲ ﻭﺣﻴﺪﺓ ﻋﻨﺪ ﻭﺍﻟﻴﺪﻳﺎ ﺍﻻﺏ ﺩﻳﺎﻟﻲ ﻏﻨﻲ ﺑﺰﺍﻑ ﻭﻣﻌﺮﻭﻑ ﺟﻴﺖ ﻧﻜﻤﻞ ﻗﺮﺍﻳﺘﻲ ﻓﻲ ﻓﺮﻧﺴﺎ
ﻣﺎﻣﺎ ﺭﻳﻔﻴﺔ ﻭﺑﺎﺑﺎ ﻓﺎﺳﻲ ﻫﺪﺍﻛﺸﻲ ﻋﻼﺵ ﺍﻧﺎ ﺯﻭﻳﻨﺔ ﺑﺰﺍﻑ ﻫﻬﻬﻬﻬﻪ
ﻋﻴﻨﻴﺎ ﺧﻀﺮﻳﻦ ﻭﺷﻌﺮﻱ ﺻﻔﺮ ﻭﻻﻃﺎﻱ ﺩﻳﺎﻟﻲ ﻣﻘﺎﺩﺓ ﻗﺼﻴﺮﺓ ﺷﻮﻳﺔ
ﻛﺎﻧﺖ ﺍﻣﻮﺭﻱ ﻏﺎﺩﺓ ﻣﺰﻳﺎﻥ ﺣﺘﻰ ﻟﻮﺍﺣﺪ ﺍﻟﻨﻬﺎﺭ ﺍﺗﺼﻠﺖ ﺑﻴﺎ ﻣﺎﻣﺎ ﻭﻗﺎﻟﺖ ﻟﻴﺎ ﺑﻠﻲ ﺑﺎﺑﺎ ﻣﺮﻳﺾ ﻃﺎﻳﺢ ﻛﻮﻣﺔ ﻓﻲ ﻟﻜﻠﻴﻨﻴﻚ ﺟﺎﺗﻮ ﺟﻠﻄﺔ ﻧﺰﻝ ﻋﻠﻴﺎ ﺍﻟﺨﺒﺮ ﺑﺤﺎﻝ ﺍﻟﺼﺎﻋﻘﺔ ﺩﺍﺭﺕ ﺑﻴﺎ ﺍﻟﺪﻧﻴﺎ ﻭﺗﻠﻔﺖ ﻣﻌﺮﻓﺖ ﺷﻨﻮ ﻧﺪﻳﺮ ﺷﺤﺎﻝ ﺧﺎﻳﺒﺔ ﺗﻜﻮﻧﻲ ﺑﻮﺣﺪﻙ ﻭ ﻣﺘﻠﻘﺎﻳﺶ ﺣﺘﻰ ﻟﻲ ﻳﺸﺪ ﻟﻴﻚ ﻓﻴﺪﻳﻚ ﻭﺍﻧﺘﻲ ﻓﺸﻲ ﺃﺯﻣﺔ ﺣﺎﻭﻟﺖ ﻧﺘﻘﻮﻯ ﺷﻮﻳﺔ ﻭﻧﻘﻨﻊ ﺭﺍﺳﻲ ﺑﺄﻥ ﺑﺎﺑﺎ ﻏﻴﺮ ﻋﻴﺎﻥ ﻭﺻﺎﻓﻲ ﺣﺠﺰﺕ ﻋﻠﻰ ﺃﻭﻝ ﻃﻴﺎﺭﺓ ﻧﺎﺯﻟﺔ ﻟﻠﻤﻐﺮﺏ ﻫﺰﻳﺖ ﻣﺎ ﺧﻒ ﺣﻤﻠﻪ ﻭﻣﺸﻴﺖ ﻟﻠﻤﻄﺎﺭ ﺍﻟﺪﻗﺎﺋﻖ ﺗﺘﻤﺸﻲ ﺑﺒﻄﺊ ﺑﺤﺎﻝ ﺷﻲ ﺣﻠﺰﻭﻥ ﻗﻠﺒﻲ ﻗﺮﺏ ﻳﺴﻜﺖ ﻭﻋﻘﻠﻲ ﻛﻴﻬﺮﺏ ﻣﻦ ﻛﻞ ﻓﻜﺮﺓ ﺧﺎﻳﺒﺔ ﻛﻨﺖ ﺗﻨﻬﺮﺏ ﻣﻦ ﺍﻻﺳﻮﺀ ﻭﻛﻨﺘﺨﻴﻞ ﺑﺎﺑﺎ ﻏﺎﺩﻱ ﻳﻜﻮﻥ ﻏﻴﺮ ﻋﻴﺎﻥ ﻭﺻﺎﻓﻲ
ﺭﻛﺒﺖ ﺍﻟﻄﻴﺎﺭﺓ ﻭﻛﻞ ﻣﺎ ﻃﻴﺎﺭﺓ ﻗﺮﺑﺎﺕ ﺗﻮﺻﻞ ﻭﺗﺘﺰﻳﺪ ﻣﻌﺎﻫﺎ ﺩﻗﺎﺕ ﻗﻠﺒﻲ ﻭﺍﺧﻴﺮﺍ ﺣﻄﺎﺕ ﻓﺎﻟﻤﻄﺎﺭ ﻟﻘﻴﺖ " ﺳﻌﻴﺪ " ﺍﻟﺸﻴﻔﻮﺭ ﺗﻴﺘﺴﻨﺎﻧﻲ ﻭﻓﻌﻴﻨﻴﻪ ﻭﺍﺣﺪ ﺍﻻﻧﻜﺴﺎﺭ ﺭﻛﺒﺖ ﺩﺍﻧﻲ ﻧﻴﺸﺎﻥ ﻟﻠﻜﻠﻴﻨﻴﻚ ﺩﺧﻠﺖ ﺗﻨﺠﺮﻱ ﻟﻘﻴﺖ ﻣﺎﻣﺎ ﻓﻮﺍﺣﺪ ﺍﻟﺤﺎﻟﺔ ﺑﺎﻳﻦ ﻋﻠﻴﻬﺎ ﺍﻟﺒﻜﺎ ﻭﺍﻟﺨﻮﻑ ﻭﺍﻟﻌﻴﺎ ﺷﺎﻓﺘﻨﻲ ﻭﻋﻨﻘﺎﺗﻨﻲ ﻭﺑﻘﺎﺕ ﺗﺒﻜﻲ ﺑﺤﺮﻗﺔ
ﺍﻧﺎ ﻋﻴﻨﻴﺎ ﻧﺎﺷﻔﻴﻦ : ﻣﺎﻣﺎ ﺷﻨﻮ ﻭﻗﻊ !! ﻓﻴﻦ ﺑﺎﺑﺎ؟؟
ﺟﺮﺍﺗﻨﻲ ﻣﺎﻣﺎ ﻟﻮﺍﺣﺪ ﻟﺒﻴﺖ ﺩﺍﻳﺮ ﺑﻴﻪ ﺍﻟﺰﺍﺝ ﺷﻔﺖ ﺑﺎﺑﺎ ﻓﺄﺳﻮﺀ ﻣﺎ ﺗﺘﺨﻴﻠﻮﺍ ﻏﺎﻳﺐ ﻋﻠﻰ ﺍﻟﺪﻧﻴﺎ ﻛﻠﻮﻭ ﺃﺳﻼﻙ ﻭﺗﻴﺘﻨﻔﺲ ﻏﻴﺮ ﺍﺻﻄﻨﺎﻋﻴﺎ ﻣﺤﺴﻴﺘﺶ ﺑﺮﺍﺳﻲ ﺣﺘﻰ ﻏﺒﺖ ﻋﻠﻰ ﺍﻟﻮﻋﻲ
ﻓﻘﺖ ﻟﻘﻴﺖ ﺭﺍﺳﻲ ﻓﺒﻴﺖ ﺁﺧﺮ ﻭﻣﻌﻠﻘﻴﻴﻦ ﻟﻴﺎ ﺍﻟﺴﻴﺮﻭﻡ ﻭ ﻣﺎﻣﺎ ﻓﺠﻨﺒﻲ ﺗﺘﺒﻜﻲ
ﺣﻠﻴﺖ ﻋﻴﻨﻴﺎ ﺟﺎﺕ ﻣﺎﻣﺎ ﺗﺘﺠﺮﻱ ﻋﻨﺪﻱ : ﺣﺒﻴﺒﺔ ﺷﻮﻳﺔ؟؟
ﺃﻧﺎ ( ﻭﺗﻨﺒﻜﻲ ) : ﺍﻟﺤﻤﺪ ﻟﻠﻪ ﻣﺎﻣﺎ ﺷﻨﻮ ﻭﻗﻊ ﻟﺒﺎﺑﺎ؟؟ﻳﺎﻙ ﻛﺎﻥ ﻟﺒﺎﺱ ﻋﻠﻴﻪ ﻋﻤﺮﻭﺍ ﺗﺸﻜﻰ ﻣﻦ ﺷﻲ ﺣﺎﺟﺔ؟ !
ﻣﺎﻣﺎ ﺗﺘﺒﻜﻲ : ﻫﺎﺩﺷﻲ ﻟﻲ ﻗﺴﻢ ﺍﻟﻠﻪ ﺍﺑﻨﺘﻲ ﻛﺎﻥ ﻓﺎﻟﻤﻜﺘﺐ ﺩﻳﺎﻟﻮ ﺣﺘﻰ ﻃﺎﺡ ﺗﻤﻰ ﻭﺟﺎﺗﻮ ﻟﻜﺮﻳﺰ ﺍﻟﺒﺎﺭﺡ ﺟﺎ ﺷﺮﻳﻜﻮ ﺳﻲ ﻛﻤﺎﻝ ﻭﻋﺮﻓﺖ ﻣﻨﻮ ﺍﻥ ﺑﺎﺑﺎﻙ ﺧﺴﺮ ﻓﻠﻮﺱ ﺑﺰﺍﺍﻑ ﻓﺎﻟﺒﻮﺭﺻﺔ ﻫﺎﺩﺷﻲ ﻋﻼﺵ ﺟﺎﺗﻮ ﻟﻜﺮﻳﺰ
ﺃﻧﺎ ﺑﺎﻟﻐﻮﺍﺕ : ﺍﺑﺎﺑﺎ ﻻﺵ ﺗﻘﻬﺮ ﺭﺍﺳﻚ ﺭﺍﻩ ﺍﻟﻔﻠﻮﺱ ﺍﻧﺖ ﻟﻲ ﺩﺭﺗﻴﻬﻢ ﻭﺍﺵ ﺩﺍﺑﺎ ﻏﺎﺩﻱ ﻳﺮﺟﻌﻮﺍ ﻟﻴﻚ ﺻﺤﺘﻚ ﻭﺑﻘﻴﺖ ﺗﻨﺒﻜﻲ
ﻣﺎﻣﺎ ﻋﻨﻘﺎﺗﻨﻲ ﻭﺗﺘﻬﺪﻥ ﻓﻴﺎ
ﺧﺮﺟﺖ ﺗﻨﺠﺮﻱ ﻋﻨﺪ ﺑﺎﺑﺎ ﻭﺗﻨﺒﻜﻲ ﻗﺪﺍﻡ ﺍﻟﺰﺍﺝ ﻣﻘﺪﺭﺗﺶ ﻧﺪﺧﻞ ﻋﻨﺪﻭﻭ ﺣﻴﺖ ﻣﺎﻧﻌﻴﻴﻦ ﺍﻟﺰﻳﺎﺭﺓ ﻛﻨﺖ ﺑﺎﻏﻴﺎ ﻧﻌﻨﻘﻮ ﻭ ﻧﺒﻮﺳﻮ
ﺑﺪﻳﺖ ﻧﻌﻴﻂ ﻟﻴﻪ : ﺑﺎﺑﺎ ﻫﺎ ﺍﻧﺎ ﺟﻴﺖ ﻫﺎ ﺍﻻﻣﻴﺮﺓ ﺩﻳﺎﻟﻚ ﻭﺻﻼﺕ ﺑﺎﺑﺎ ﻛﺎﻥ ﻛﻴﻌﻴﻂ ﻟﻴﺎ ﻏﻴﺮ ﺍﻻﻣﻴﺮﺓ ﺩﻳﺎﻟﻲ ﺑﻘﻴﺖ ﻧﺒﻜﻲ ﺑﺤﺮﻗﺔ ﺣﺘﻰ ﺳﺨﻔﺖ ﻋﺎﻭﺗﺎﻧﻲ ﻫﺎﺩ ﺍﻟﻤﺮﺓ ﻟﻘﻴﺖ ﺭﺍﺳﻲ ﻓﺒﻴﺘﻲ ﻋﻨﺪﻧﺎ ﻓﺎﻟﻔﻴﻼ ﻣﺎﻣﺎ ﻭﻫﻨﺪ ﺑﻨﺖ ﺧﺎﻟﺘﻲ ﺣﺪﺍﻳﺎ
ﺍﻧﺎ : ﻓﻴﻦ ﺍﻧﺎ ﺑﻐﻴﺖ ﻧﻤﺸﻲ ﻋﻨﺪ ﺑﺎﺑﺎ ﻭﺗﻨﺒﻜﻲ
ﻣﺎﻣﺎ : ﺣﺒﻴﺒﺔ ﺧﺎﺻﻜﻲ ﺗﺮﺗﺎﺣﻲ ﺍﻟﺼﺒﺎﺡ ﻧﻤﺸﻴﻮﺍ ﻟﻠﻜﻠﻴﻨﻴﻚ
ﻫﻨﺪ ﻋﻨﻘﺎﺗﻨﻲ ﻭﺗﺘﺒﻜﻲ : ﺣﺒﻴﺒﺔ ﺩﻳﺎﻟﻲ ﺻﺒﺮﻱ ﺍﻥ ﺷﺎﺀ ﺍﻟﻠﻪ ﻋﻤﻲ ﻏﺎﺩﻱ ﻳﻮﻟﻲ ﻟﺒﺎﺱ ﻋﻨﻘﺖ ﻫﻨﺪ ﻭﺑﻘﻴﺖ ﻧﺒﻜﻲ ﻫﻨﺪ ﻟﻲ ﻓﻤﺘﺎﺑﺔ ﺧﺘﻲ ﺍﻟﻜﺒﻴﺮﺓ ﻋﺎﺷﺖ ﺃﻛﺜﺮ ﻭﻗﺘﻬﺎ ﻣﻌﺎﻧﺎ ﺣﻴﺖ ﺧﺎﻟﺘﻲ ﻭﺭﺍﺟﻠﻬﺎ ﻣﺎﺗﻮﺍ ﻓﺤﺎﺩﺗﺔ ﺭﺑﺎﺗﻬﺎ ﺟﺪﺍﺗﻲ ﻭﻟﻜﻦ ﺃﻏﻠﺐ ﺍﻻﻭﻗﺎﺕ ﺗﺘﻜﻮﻥ ﻣﻌﺎﻧﺎ ﺗﻜﻠﻒ ﺑﺎﺑﺎ ﺑﻘﺮﺍﻳﺘﻬﺎ ﻭﻣﺼﺮﻭﻓﻬﺎ ﻭﺩﺍﺑﺎ ﺗﺒﺎﺭﻙ ﺍﻟﻠﻪ ﺭﺍﻫﺎ ﻃﺒﻴﺒﺔ ﻭﻫﻲ ﺻﺪﻳﻘﺘﻲ ﺍﻟﻮﺣﻴﺪﺓ ﻟﻲ ﺗﺘﻨﺼﺤﻨﻲ ﻭﺗﺴﺎﻧﺪﻧﻲ ﻭﺗﺒﻐﻲ ﻟﻴﺎ ﺍﻟﺨﻴﺮ
ﻋﻄﺎﺗﻨﻲ ﻭﺍﺣﺪ ﺍﻟﺤﻘﻨﺔ ﻣﻬﺪﺋﺔ ﻭﻣﺤﺴﻴﺘﺶ ﺑﺮﺍﺳﻲ ﺣﺘﻰ....
لحلقة 2
نعست و حلمت براسي مخشية ﻓﻮﺍﺣﺪ ﺍﻟﺰﺭﻳﺒﺔ ﺩﻳﺎﻝ ﺍﻟﺒﻬﺎﻳﻢ ﻭﺗﻨﻈﻒ ﺗﺤﺘﻬﻢ .. ﻭﺩﻳﻚ ﺍﻟﺮﻳﺤﺔ ﺍﻟﻤﻘﺮﻓﺔ ﺭﻭﻋﺎﺗﻨﻲ ﻭﺣﺴﻴﺖ ﺑﺎﻟﻐﺘﻴﺎﻥ .. ﺣﺘﻰ ﺗﻨﺤﺲ ﺑﻮﺍﺣﺪ ﺍﻟﻀﺮﺑﺔ ﺟﺎﺗﻨﻲ ﻟﻠﺮﺟﻠﻴﻦ ﻏﻮﺕ ﺑﺎﻋﻠﻰ ﺻﻮﺗﻲ .. ﺑﺎﻥ ﻟﻴﺎ واحد ﺍﻟﺠﻼﺩ ﻫﺎﺯ ﻓﻴﺪﻳﻪ ﻣﺸﻮيطة ﻭﺑﺪﺍ ﺗﻴﻀﺮﺏ ﻓﻴﺎ .. ﻏﻮﺕ ﺑﺄﺣﺮ ﺟﻬﺪﻱ ﻭﺃﻧﺎ ﻧﻔﻴﻖ ..
ﺟﺎﺕ ﻣﺎﻣﺎ ﻭﻫﻨﺪ ﺗﻴﺠﺮﻳﻮﺍ ﻋﻨﺪﻱ ﻭﺗﻴﻬﺪﻧﻮﺍ ﻓﻴﺎ .. ﺑﻘﻴﺖ ﻧﺘﻔﻜﺮ ﻫﺎﺩ ﺍﻟﻜﺎﺑﻮﺱ ﻭﺗﻨﺤﺎﻭﻝ ﻧﻠﻘﻰ ﻟﻴﻪ ﺷﻲ ﺗﻔﺴﻴﺮ ﻭﻭﺍﻟﻮ .. ﺷﺮﺑﺖ ﺍﻟﻤﺎﺀ .. ﻭﻛﺎﻥ ﺍﻟﻔﺠﺮ ﺗﻴﺄﺫﻥ .. ﻧﻀﺖ ﺗﻮﺿﻴﺖ .. ﺻﻠﻴﻨﺎ ﻣﺠﻤﻮﻋﻴﻴﻦ ﻭﺩﻋﻴﻨﺎ ﻣﻊ ﺑﺎﺑﺎ ﺣﺘﻰ ﺗﺨﻨﻘﻨﺎ ﺑﺎﻟﺪﻣﻮﻉ
ﻟﺒﺴﻨﺎ ﻭﻣﺸﻴﺖ ﺍﻧﺎ ﻭﻣﺎﻣﺎ ﻟﻠﻜﻠﻴﻨﻴﻚ .. ﻫﻨﺪ ﻣﺸﺎﺕ ﻟﻠﻤﺴﺘﺸﻔﻰ ﻓﺎﺵ ﺧﺪﺍﻣﺔ ..
ﺑﺎﺑﺎ ﻣﺴﻜﻴﻦ ﻣﺰﺍﻝ ﻛﻴﻒ ﻣﺎﻫﻮ ﺣﺎﻟﺘﻮ ﺗﺘﺸﻔﻲ .. ﺷﺤﺎﻝ ﺑﻜﻴﺖ ﻭﺃﻧﺎ ﺗﻨﺸﻮﻑ ﻓﻴﻪ ... ﻣﺸﻴﺖ ﻋﻨﺪ ﺍﻟﺪﻛﺘﻮﺭ ﺷﻬﺎﺏ .. ﻃﺒﻴﺐ ﺑﺎﺑﺎ ﻭﺻﺎﺣﺒﻮ
ﺷﻬﺎﺏ : ﺑﻨﺘﻲ ﻳﺎﺳﻤﻴﻦ ﺻﺒﺮﻱ ﻓﻬﺎﺩ ﺍﻟﻤﻮﻗﻒ ﺩﺍﺑﺎ ﺧﺎﺻﻜﻲ ﺗﺘﻘﻮﺍﻱ .. ﺑﺒﺎﻙ ﻛﺎﻥ ﺗﻴﻘﻮﻝ ﺍﻧﺎ ﻋﻨﺪﻱ ﺭﺍﺟﻞ ﻣﺎﺷﻲ ﺑﻨﺖ ﻫﻮ ﺗﻴﻬﻀﺮ ﻭﺩﻣﻮﻋﻲ ﺗﻴﻨﺰﻟﻮﺍ
ﺃﻧﺎ : ﻭﺍﺵ ﺃﻋﻤﻲ ﺑﺎﺑﺎ ﻏﻴﻤﻮﺕ !!
ﺷﻬﺎﺏ : ﺍﻟﻤﻮﺕ ﺑﻴﺪ ﺍﻟﻠﻪ ﺳﺒﺤﺎﻧﻪ ... ﺳﻲ ﺍﻟﺒﻨﺎﻧﻲ ﺍﻟﺤﻤﺪ ﻟﻠﻪ ﺗﺠﺎﻭﺯ ﻣﺮﺣﻠﺔ ﺍﻟﺨﻄﺮ .. ﺍﻟﻤﺸﻜﻞ ﺍﻧﻪ ﻫﻮ ﻟﻲ ﻣﺒﺎﻏﻴﺶ ﻳﻘﺎﻭﻡ .. ﺍﻻﺯﻣﺔ ﺍﻟﻤﺎﻟﻴﺔ ﻟﻲ ﺟﺎﺗﻮ ﺧﻼﺗﻮ ﻳﻔﻀﻞ ﻳﻤﻮﺕ ﻭﻣﻴﺮﺟﻌﺶ ﻟﻠﺤﻴﺎﺓ .. ﺣﻴﺖ ﺣﺲ ﺑﺮﺍﺳﻮ ﻣﺸﺎ ﻟﻴﻪ ﻛﻠﺸﻲ ﻭﻣﻘﺎﺩﺭﺵ ﻳﻮﺍﺟﻪ ﺍﻟﻤﺠﺘﻤﻊ ...
ﺃﻧﺎ ﺑﺎﺣﺒﺎﻁ ﻭﺗﻨﺸﻮﻑ ﻓﻴﻪ ﻭﻋﻴﻨﻴﺎ ﻋﺎﻣﺮﻳﻦ ﺑﺎﻻﺳﺌﻠﺔ
ﺷﻬﺎﺏ : ﺣﻨﺎ ﺩﺭﻧﺎ ﻟﻲ ﻋﻠﻴﻨﺎ و ﻟﻲ ﻋﻠﻴﻨﺎ ﺩﺍﺑﺎ ﺑﻨﺘﻲ ﻫﻮ ﻧﺼﺒﺮﻭﺍ ﻭﻧﻨﺘﺎﺿﺮﻭﺍ ﺍﻟﻔﺮﺝ ﻣﻦ ﺍﻟﻠﻪ ... نتي ﻣﻌﻨﺪك ﻣﺘﺪﻳﺮﻱ ﻫﻨﺎ ﺳﻴﺮﻱ ﺷﻮﻓﻲ ﺍﻟﻰ ﻣﺰﺍﻝ ﺷﻲ ﺣﺎﺟﺔ ﺗﺪﺍﺭﻛﻴﻬﺎ ﻗﺒﻞ ﻣﺎ ﻳﻔﻮﺕ ﻟﻔﻮﺕ .. ﻣﺘﻨﺴﺎﻳﺶ ﻣﺎﻣﺎﻙ ﺑﻘﺎ ﻟﻴﻬﺎ ﻏﻴﺮ نتي ﻓﻬﺎﺩ ﺍﻟﻠﺤﻈﺔ ...
ﻛﻼﻡ ﻋﻤﻲ ﺷﻬﺎﺏ ﻗﻮﺍﻧﻲ ﻭﺧﻼﻧﻲ ﻧﻔﻜﺮ ﻓﺸﻲ ﺣﻞ ﻧﻘﺪﺭ ﻧﺴﺎﻋﺪ ﺑﻴﻪ ﺑﺎﺑﺎ ﻭﺗﺮﺩ ﻟﻴﻪ ﻟﻲ ﺿﺎﻉ ﻭﺧﺎ ﻧﻌﺮﻑ ﻧﺒﻴﻊ ﺣﻴﺎﺗﻲ ﻣﻘﺎﺑﻞ ﺑﺎﺑﺎ ﻳﺮﺟﻊ ﻭﻧﺸﻮﻑ ﺿﺤﻜﺘو.. ﻭﻋﻴﻨﻴﻪ ﻟﻲ ﺗﻴﺒﺮﻗﻮﺍ ﺑﺎﻻﻣﻞ .. ﺧﺮﺟﺖ ﻋﻨﺪ ﻣﺎﻣﺎ ﻟﻘﻴﺖ ﻋﻤﻲ ﻛﻤﺎﻝ ( ﺷﺮﻳﻚ ﺑﺎﺑﺎ ) ﻭﻭﻟﺪﻭ ﺣﺴﺎﻡ .. ﻋﻨﻘﺖ ﻋﻤﻲ ﻛﻤﺎﻝ ﻭﺗﻨﺒﻜﻲ ﺑﺤﺎﻝ ﺍﻟﻰ ﻛﻨﺸﻢ ﻓﻴﻪ ﺭﻳﺤﺔ ﺩﻳﺎﻝ ﺑﺎﺑﺎ .. ﻭﻫﻮ ﺗﻴﻬﺪﻥ ﻓﻴﺎ ﻭﺗﻴﺘﺤﺴﺮ ﻋﻠﻰ ﺻﺎﺣﺒﻮ ﻭﺷﺮﻳﻚ حياتو...
حلقة 3
ﻋﻤﻲ ﻛﻤﺎﻝ ﺻﺎﺣﺐ ﺑﺎﺑﺎ ﻭﻛﺜﺮ ﻣﻦ ﺧﻮﻩ ﺑﺪﺍﻭ ﺑﺰﻭﺝ ﻭﻛﺒﺮﻭﺍ ﺑﺰﻭﻭﺝ .. ﻛﺎﻥ ﺷﺮﻳﻜﻮ .. ﻭﺣﺘﻰ ﻓﺎﺵ ﻓﻀﺎﻭﺍ ﺍﻟﺸﺮﺍﻛﺔ ﻭﻛﻞ ﻭﺍﺣﺪ ﺍﺳﺘﻘﻞ ﺑﺮﺍﺳﻮﻭ .. ﺑﻘﺎﺕ ﻋﻼﻗﺘﻬﻢ ﺩﻳﻤﺎ ﻗﻮﻳﺔ ﻳﺴﺘﺎﺷﺮﻭﺍ ﻣﻊ ﺑﻌﻀﻬﻢ .. ﻭﻳﺴﺎﻧﺪﻭﺍ ﺑﻌﻀﻬﻢ .. ﻛﺎﻧﻮﺍ ﻛﻞ ﻣﻨﺎﺳﺒﺔ ﻳﺘﺠﻤﻌﻮﺍ ﺍﻟﻌﺎﺋﻠﺘﻴﻦ .. ﺑﻨﺘﻮ ﺳﺎﺭﺓ ﻭﻭﻟﺪﻭ ﺣﺴﺎﻡ ﻛﺎﻧﻮﺍ ﺑﺤﺎﻝ ﺧﻮﺗﻲ .. ﻭﺧﺎ ﺣﺴﺎﻡ ﻛﻨﺖ ﺗﻨﺤﺲ ﺑﻴﻪ ﺍﻫﺘﻤﺎﻣﻮ ﻭﺷﻌﻮﺭﻭ ﻣﻦ ﻧﺎﺣﻴﺘﻲ ﺗﻌﺪﺍ ﺍﻻﺧﻮﺓ ﻟﻜﻦ ﺩﻳﻤﺎ ﺗﻨﺨﻠﻲ ﺑﻴﻨﺎ ﺍﻟﺤﺪﻭﺩ ﻭﺗﻨﻌﺘﺒﺮﻭ ﺍﺥ ﻻ ﺃﻛﺘﺮ ﻭﻻ ﺃﻗﻞ .. ﻭﺍﺧﺎ ﻛﺎﻥ ﻭﺳﻴﻢ ﻭﻓﻴﻪ ﻛﺎﻉ ﺍﻟﺸﺮﻭﻁ ﻟﻲ ﺗﺨﻠﻴﻚ ﺗﺘﻐﺮﻣﻲ ﺑﻴﻪ ... ﻭﺣﺘﻰ ﺳﺎﺭﺓ ﻭﺍﺧﺎ ﻣﺸﺎﺕ ﻣﻊ ﺭﺍﺟﻠﻬﺎ ﻻﻣﺮﻳﻜﺎ ﺑﻘﺎ ﺍﻻﺗﺼﺎﻝ ﺩﺍﺋﻤﺎ ﻗﺎﺋﻢ ﺑﻴﻨﺎﺗﻨﺎ ...
ﻛﻤﺎﻝ : ﻣﻌﺮﻓﺘﺶ ﻛﻴﻔﺎﺵ ﺑﺎﺑﺎﻙ ﻏﺎﻣﺮ ﻫﺎﺩ ﺍﻟﻤﻐﺎﻣﺮﺓ .. ﻭﺍﻧﺎ ﻋﻬﺪﻱ ﺑﻴﻪ ﻣﺘﺒﺖ ﻭﺣﻜﻴﻢ ﻓﻘﺮﺍﺭﺗﻮ ﻣﻌﺮﻓﺘﺶ ﻋﻼﺵ ﻣﺘﺸﺎﻭﺭﺵ ﻣﻌﺎﻳﺎ ﻭﺣﻨﺎ ﺗﻨﺘﺸﺎﻭﺭﻭﺍ ﻓﺎﻟﺼﻐﻴﺮﺓ ﻭﺍﻟﻜﺒﻴﺮﺓ .. ﻋﻼﺵ ﻋﻼﺵ .. ﻛﻮﻥ ﻏﻴﺮ ﺑﻘﻴﻨﺎ ﺷﺮﻛﺎ ﻣﻴﻮﻗﻌﺶ ﻫﺎﺩﺷﻲ ﻭﺑﻘﺎ ﻳﺒﻜﻲ ﻭﺗﻨﻬﺪﻥ ﻓﻴﻪ ﻭﻧﺒﻜﻲ ..
ﻗﺮﺏ ﻋﻨﺪﻱ ﺣﺴﺎﻡ ﻋﻨﻘﻨﻲ ﻭﺗﻴﺼﺒﺮﻧﻲ .. ﻭﺗﻴﻬﺪﻥ ﺑﺎﺑﺎﻩ ﻟﻲ ﻛﺎﻥ ﻓﻴﻪ ﺍﻟﺴﻜﺮ ﻭﺧﺎﻑ ﻋﻠﻴﻪ ..
ﺃﻧﺎ : ﻋﻤﻲ ﻭﺍﺵ ﻣﻜﺎﻳﻨﺶ ﺷﻲ ﺣﻞ ﻗﻮﻟﻲ؟؟ !!!
ﻛﻤﺎﻝ : ﺑﻨﺘﻲ ﺑﺎﺑﺎﻙ ﺿﻴﻊ ﻓﻠﻮﺱ ﻛﺜﻴﺮﺓ ﺛﺮﻭﺓ ﺗﻘﺮﻳﺒﺎ ﻭﺍﻧﺎ ﻣﻌﻨﺪﻳﺶ ﺍﻟﺴﻴﻮﻟﺔ ﺗﻜﻔﻲ ﺑﺎﺵ ﻧﺴﺪﺩ ﺍﻟﺪﻳﻮﻥ ﻭﺑﺎﺵ ﻧﺨﻠﺺ ﺍﻟﻤﺴﺘﺤﻘﺎﺕ ﻟﻲ ﻋﻠﻴﻪ ..
ﺃﻧﺎ : ﻧﺒﻴﻌﻮﺍ ﻛﻠﺸﻲ ﻟﻲ ﻋﻨﺪﻧﺎ ﺃﻋﻤﻲ ..
ﻛﻤﺎﻝ : ﺭﺍﻩ ﺍﻟﺒﻨﻚ ﺃﺑﻨﺘﻲ ﺍﻟﻰ ﻣﺴﺪﺩﺗﻮﺵ ﻟﻴﻬﺎ ﻏﺎﺩﻳﺎ ﺗﺒﻴﻊ ﻛﻠﺸﻲ ﻭﻣﺤﺎﻝ ﺣﺘﻰ ﺗﺮﺽ ﻓﻠﻮﺳﻬﺎ ﻭﻧﺰﻝ ﺭﺍﺳﻮﺍ ﻟﻸﺭﺽ ..
ﺃﻧﺎ : ﺍﺫﺍ ﻣﻜﺎﻳﻦ ﺣﺘﻰ ﺣﻞ !!
ﻣﺠﺎﻭﺑﻨﻴﺶ .. ﻭﻓﻬﻤﺖ ﺑﺄﻥ ﻛﻠﺸﻲ ﺿﺎﻉ ﻛﻠﺸﻲ ﻣﺸﺎ ﺳﻲ ﺍﻟﺒﻨﺎﻧﻲ ﻗﺮﻳﺐ ﻳﻌﻠﻦ ﺍﻻﻓﻼﺱ ﺩﻳﺎﻟﻮ .. ﻭﻧﻮﻟﻴﻮﺍ ﻧﺘﺒﺎﻋﻮﺍ ﻛﺎﻣﻠﻴﻦ ﻓﺎﻟﻤﺰﺍﺩ ﺍﻟﻌﻠﻨﻲ ... ﺑﻘﻴﺖ ﻧﺒﻜﻲ ﺑﺤﺮﻗﺔ ﻭﻣﺎﻣﺎ ﺗﻬﺪﻧﻲ ..
ﻣﺎﻣﺎ : ﺃﻫﻢ ﺣﺎﺟﺔ ﻧﺪﻋﻴﻮﺍ ﻣﻊ ﺑﺎﺑﺎﻙ ﻳﻮﻟﻲ ﻟﺒﺎﺱ ﺃﻣﺎ ﺍﻟﻔﻠﻮﺱ ﺣﻨﺎ ﻟﻲ ﺩﺭﻧﺎﻫﻢ ﻣﺎﺷﻲ ﻫﻮﻣﺎ ﻟﻲ ﺩﺍﺭﻭﻧﺎ .. ﻫﺪﺍ ﻫﻮ ﻛﻼﻣﻬﺎ ﻣﻦ ﺩﻳﻤﺎ ﺣﻴﺖ ﻛﺎﻧﺖ ﻣﺴﻜﻴﻨﺔ ﻗﺎﻧﻌﻪ .. ﻣﺘﻴﻬﻤﻮﻫﺎ ﻻ ﻓﻠﻮﺱ ﻻ ﺃﻣﻼﻙ...
ﻟﻜﻦ ﺑﺎﺑﺎ ﻣﺴﻜﻴﻦ ﺍﻟﻰ ﻓﺎﻕ ﺷﻨﻮ ﻏﺎﺩﻱ ﺗﻜﻮﻥ ﺭﺩة ﺍﻟﻔﻌﻞ ﺩﻳﺎﻟﻮ؟؟؟
ﻭﺍﺵ ﻳﻘﺪﺭ ﻳﻌﻴﺶ ﻓﺎﻟﻔﻘﺮ ﻭﻫﻮ ﻭﻟﺪ ﺍﻟﺨﻴﺮ ﺗﺰﺍﺩ ﻓﻴﻪ ﻭﻛﺒﺮ ﻓﻴﻪ؟؟؟...
الحلقة 4
ﺑﻘﻴﺖ ﺣﺪﺍ ﺑﺎﺑﺎ ﻓﻜﻠﻴﻨﻴﻚ ﻣﺘﻨﻔﺎﺭﻗﻮﺍ ﻻ ﻟﻴﻞ ﻻ ﻧﻬﺎﺭ .. ﻏﻴﺮ ﺣﺎﺿﻴﺎﻩ ﻭﺗﻨﺒﻜﻲ ﻭﺗﻨﺪﻋﻲ ﺍﻟﻠﻪ .. ﻳﻄﻮﻝ ﻟﻴﻪ ﺍﻟﻌﻤﺮ ﺣﻴﺖ ﻣﺰﺍﻝ ﻣﺤﺘﺎﺟﺎﻩ ﺣﺪﺍﻳﺎ .. ﻣﻌﻨﺪﻱ ﺣﺪ ﻣﻦ ﻏﻴﺮﻭ ﻫﻮ ﻭﻣﺎﻣﺎ .. ﺟﺎ ﻋﻨﺪﻱ ﺣﺴﺎﻡ .. ﻭﺑﻘﺎ ﻳﻮﺍﺳﻲ ﻓﻴﺎ ﺻﺮﺍﺣﺔ ﺍﻧﺴﺎﻥ ﻧﺒﻴﻞ ﻣﻔﺎﺭﻗﻨﻴﺶ .. ﻛﻞ ﺷﻮﻳﺔ ﻳﺠﻲ ﻳﻄﻞ ﻋﻠﻴﺎ ..
ﺣﺴﺎﻡ ﻭﺷﺪ ﻟﻴﺎ ﻓﻴﺪﻱ : ﻳﺎﺳﻤﻴﻦ ﻗﻠﺒﻲ ﺗﻴﺘﻘﻄﻊ ﻋﻠﻴﻚ ﻭﺍﻧﺎ ﺗﻨﺸﻮﻓﻚ ﻓﻬﺎﺩ ﺍﻟﺤﺎﻟﺔ .. ﺗﻨﺸﻮﻓﻚ ﺗﺘﺬﺑﻠﻲ ﻗﺪﺍﻣﻲ ﻧﻬﺎﺭ ﻋﻠﻰ ﻧﻬﺎﺭ .. ﺣﺎﻭﻟﻲ ﺗﺨﺮﺟﻲ ﻣﻦ ﻫﺎﺩﺷﻲ .. ﻭﺍﺵ ﺗﻘﺒﻠﻲ ﻧﺨﺮﺟﻚ ﺷﻮﻳﺔ . ؟؟ . ﻳﺎﻟﻠﻪ ﻧﺘﻐﺪﺍﻭﺍ ﻋﻠﻰ ﺑﺮا ؟ﺑﺪﻟﻲ ﺍﻟﺠﻮ ﺩﻳﺎﻝ ﺍﻟﻜﻠﻴﻨﻴﻚ .. ﺣﺴﺎﻡ ﺗﻴﻬﻀﺮ ﻭﺍﻧﺎ ﻣﺮﻓﻮﻋﺔ ﺗﻨﺸﻮﻑ ﺑﺎﺑﺎ ﻭﺗﺘﺒﺎﻥ ﻟﻴﺎ ﻳﺪﻳﻪ ﺗﺘﺤﺮﻙ ﺑﺤﺎﻝ ﺍﻟﻰ ﺗﻴﻬﺰﻫﻢ ﻏﻮﺕ واحد ﻏﻮﺗﺔ .. ﺣﺴﺎﻡ ﻣﻌﺮﻓﺶ ﺑﺎﺵ ﺗﺒﻠﻰ
ﺍﻧﺎ : ﺣﺴﺎﻡ ﺷﻮﻑ !! ﺑﺎﺑﺎ ﺗﻴﺘﺤﺮﻙ !! ﺣﺮﻙ ﻳﺪﻳﻪ ﺷﻮﻑ ﺷﻮﻑ !!
ﻣﺸﻴﻨﺎ ﺗﻨﺠﺮﻳﻮ ﻋﻨﺪ ﺍﻟﺪﻛﺘﻮﺭ ﺷﻬﺎﺏ ﻟﻲ ﺟﺎ ﺗﻴﺠﺮﻱ ﻫﻮ ﻭﺍﻟﻄﺎﻗﻢ ﺩﻳﺎﻟﻮ ..
ﻣﺨﻼﻭﻧﺎﺵ ﻧﺒﻘﺎﻭﺍ ﻭﺍﻗﻔﻴﻦ ﺣﺪﺍ ﺍﻟﺰﺍﺝ .. ﺧﺮﺟﻨﺎ و بقينا ﺗﻨﺘﺴﻨﺎﻭ ﻋﻤﻲ ﺷﻬﺎﺏ حتى ﻳﺨﺮﺝ ..
ﻭﺍﻗﻔﺔ ﺑﺤﺎﻝ ﺍﻟﻰ ﻭﺍﻗﻔﺔ ﻋﻠﻰ ﺍﻟﺠﻤﺮ ﺗﻨﺘﺤﺮﻕ ﻭﺣﺴﺎﻡ ﺗﻴﻬﺪﻧﻲ : ﺍﻥ ﺷﺎﺀ ﺍﻟﻠﻪ ﺃﻳﻜﻮﻥ ﻏﻴﺮ ﺍﻟﺨﻴﺮ ..
ﺧﺮﺝ ﺍﻟﺪﻛﺘﻮﺭ ﻭﺷﺎﺭ ﻟﻴﻨﺎ ﻧﺘﺒﻌﻮﻩ ﻟﻠﻤﻜﺘﺐ
ﺷﻬﺎﺏ : ﺑﻨﺘﻲ ﻳﺎﺳﻤﻴﻦ .. ﺳﻲ ﺍﻟﺒﻨﺎﻧﻲ ﺗﺠﺎﻭﺯ ﻣﺮﺣﻠﺔ ﺍﻟﺨﻄﺮ ﻭﺍﻟﺤﻤﺪ ﻟﻠﻪ ﻋﻄﺎﻧﺎ ﺍﺷﺎﺭﺓ ﻋﻠﻰ ﺃﻧﻪ ﺗﻴﻘﺎﻭﻡ ﺑﺎﺵ ﻳﺘﺠﺎﻭﺯ ﺍﻻﺯﻣﺔ .. ﻏﻴﺮ ﻣﺴﺄﻟﺔ ﻭﻗﺖ .. ﻗﺮﻳﺐ ﺍﻥ ﺷﺎﺀ ﺍﻟﻠﻪ ﻏﺎﺩﻱ ﻧﺤﻴﺪﻭﻩ ﻣﻦ ﺍﻻﻧﻌﺎﺵ .. ﻭﻧﺪﻳﺮﻭﻩ ﻓﻐﺮﻓﺔ ﻣﺴﺘﻘﻠﺔ ﻭﺗﻘﺪﺭﻱ ﺗﺸﻮﻓﻴﻪ ﻭﺗﻬﻀﺮﻱ ﻣﻌﺎﻩ ..
ﻧﻘﺰﺕ ﻣﻦ ﺍﻟﻔﺮﺣﺔ .. ﻋﻨﻘﺖ ﺍﻟﺪﻛﺘﻮﺭ ﻭﺣﺴﺎﻡ .. ﻋﻴﻄﺖ ﻟﻤﺎﻣﺎ ﻧﺒﺸﺮﻫﺎ ﻟﻘﻴﺘﻬﺎ يلاه ﺩﺧﻼﺕ ﻟﻠﻜﻠﻴﻨﻚ ... ﻣﺸﻴﺖ ﺗﻨﺠﺮﻱ ﻋﻨﻘﺘﻬﺎ ﻭﻗﻠﺖ ﻟﻴﻬﺎ ﺷﻨﻮﻭ ﻗﺎﻟﻴﺎ ﺍﻟﻄﺒﻴﺐ .. ﻃﺎﺭﺕ ﺑﺎﻟﻔﺮﺣﺔ ﻭﻗﺎﻟﺖ ﻟﻴﺎ ﺭﺑﻲ ﻣﻐﺎﺩﻳﺶ ﻳﺨﻴﺒﻨﺎ ..
ﻃﻠﺒﺎﺕ ﻣﻨﻲ ﻧﻤﺸﻲ ﻟﻠﺪﺍﺭ ﻧﺮﺗﺎﺡ ﻭﻫﻲ ﺍﺗﺒﻘﻰ ﻣﻊ ﺑﺎﺑﺎ .. ﻭﻧﻴﺖ ﺧﺎﺻﻨﻲ ﻧﺪﻭﺵ ﻭﻧﺒﺪﻝ ﻋﻠﻴﺎ ﺧﺼﻮﺻﺎ ﻣﻦ ﺑﻌﺪ ﻫﺎﺩ ﺍﻟﺨﺒﺮ ..
ﺗﻔﻜﺮﺕ ﻃﻠﺐ ﺣﺴﺎﻡ ﺑﺎﺵ ﻧﻤﺸﻴﻮ ﻧﺘﻐﺪﺍﻭﺍ ..
ﺃﻧﺎ : ﺣﺴﺎﻡ ﺑﺎﻗﻲ ﻋﺎﺭض عليا ﻟﻠﻐﺪﺍ .. ﻭﻻﻭﻝ ﻣﺮﺓ ﻧﺒﺘﺎﺳﻢ ﻣﻦ ﺑﻌﺪ ﻣﺮﺽ ﺑﺎﺑﺎ ..
ﻣﺸﻴﻨﺎ ﻟﻮﺍﺣﺪ ﺍﻟﺮﻳﺴﻄﻮ ﻧﺘﻐﺪﺍﻭ ﻋﺎﺩ ﻧﻤﺸﻲ ﻟﻠﺪﺍﺭ
فجأة ﺻﻮﻧﺎ التيلي ديالي و كانت هادي هي ﺍﻟﻤﻜﺎﻟﻤﺔ ﻟﻲ ﻏﺎﺩﻱ ﺗﻐﻴﺮ ليا مصير ﺣﻴﺎﺗﻲ...
الحلقة 5
فاش صونا لي التيلي ﺷﻔﺖ ﻓﺤﺴﺎﻡ و قلت ليه ﺑﺎﺑﺎﻙ هو المتصل مانعرف مالو اش واقع
ﺟﺎﻭﺑﺖ ﻋﻤﻲ ﻛﻤﺎل
أنا : ﺃﻟﻮ ﻋﻤﻲ ﻛﻤﺎﻝ ﺑﺎﺑﺎ ﺭﺍﻩ ﺗﺤﺴﻦ ﺃﻋﻤﻲ ﻃﺒﻴﺐ ﻗﺎﻟﻴﺎ ﺗﺠﺎﻭﺯ ﻣﺮﺣﻠﺔ ﺍﻟﺨﻄﺮ
ﻛﻤﺎﻝ : ﺍﻟﻠﻪ ﻳﺎﺭﺑﻲ ﺷﻬﺎﺩ ﺍﻟﺨﺒﺮ ﻓﺮﺣﺘﻴﻨﻲ ﻭ ﺣﺘﻰ ﺍﻧﺎ ﻏﺎﺩﻱ ﻧﻔﺮﺣﻚ ﻭﻗﻴﻠﺔ ﺭﺑﻲ ﺟﺎﺏ ﺍﻟﻔﺮﺝ ﺃﺑﻨﺘﻲ !!
ﺃﻧﺎ : ﻛﻴﻔﺎﺵ ﺃﻋﻤﻲ؟
ﻛﻤﺎﻝ : ﺍﻟﻤﻬﻢ ﺣﺘﻰ ﺗﺠﻲ ﻭﻧﺸﺮﺡ ﻟﻴﻚ ﺃﻧﺎ غانتسناك
ﺍﻧﺎ : ﻫﺎﻫﻮ ﻣﻌﺎﻳﺎ ﺣﺴﺎﻡ ﻫﺎ ﺣﻨﺎ ﺍﻧﺠﻴﻮ ﺩﺍﺑﺎ
ﻛﻤﺎﻝ ﺗﺒﺪﻻﺕ ﻫﻀﺮﺗﻮﺍ
كمال : شوفي أبنتي ﻣﺘﻘﻮﻟﻲ ﻟﺤﺴﺎﻡ ﻭﺍﻟﻮ ﻫﺎﺩﺷﻲ ﺑﻴﻨﺎﺗﻨﺎ ﺻﺎﻓﻲ ﺣﺘﻰ ﻟﻠﻌﺸﻴﺔ ﻭﺃﺟﻲ ﻋﻨﺪﻱ غاﻧﺘﺴﻨﺎﻙ ﻓﺎﻟﻤﻜﺘﺐ
ﺃﻧﺎ : ﻭﺍﺧﺎ ﻋﻤﻲ إﻥ ﺷﺎﺀ ﺍﻟﻠﻪ
ﻗﻄﻊ ﻋﻤﻲ ﻛﻤﺎﻝ ﻭﺧﻼﻧﻲ ﻓﺤﻴﺮﺓ ﻭﺫﻫﻮﻝ ﻛﻴﻔﺎﺵ ﻫﺎﺩ ﺍﻟﻔﺮﺝ ﻟﻲ ﺟﺎ؟؟
ﻭﺍﺵ ﻣﻌﻘﻮﻝ ﺑﻬﺎﺩ ﺍﻟﺴﺮﻋﺔ؟؟
ﻛﻴﻔﺎﺵ؟؟ ﻭﻋﻼﺵ؟؟
أﺳﺌﻠﺔ كثيرة كدور ﻓﺮﺍﺳﻲ ﺣﺘﻰ ﻗﺎﻃﻌﻨﻲ ﺣﺴﺎﻡ
حسام : ﺷﻨﻮ ﺑﻐﺎﻙ ﺑﺎﺑﺎ؟؟
ﺃﻧﺎ : ﻻ ﻭﺍﻟﻮ ﻏﻴﺮ ﺗﻴﺴﻮﻝ ﻋﻠﻰ ﺑﺎﺑﺎ ﻭﺑﻐﺎﻧﻲ ﻧﺪﻭﺯ ﻋﻨﺪﻭ ﻧﻬﻀﺮﻭﺍ ﻋﻠﻰ ﺍﻟﻤﺸﺎﻛﻞ ﻟﻲ ﻋﻨﺪﻧﺎ يلاه ﻧﺘﻐﺪﺍﻭﺍ ﻭﺑﺪﻟﺖ ﺍﻟﻤﻮﺿﻮﻉ ﻣﻌﺮﻓﺘﺶ ﻋﻼﺵ ﻋﻤﻲ ﺧﺒﺎ ﻋﻠﻰ ﺣﺴﺎﻡ ﻭﺧﺎ ﻫﻮ ﺫﺭﺍﻋﻮ ﻟﻴﻤﻦ ﻓﺎﻟﺨﺪﻣﺔ !!
ﺣﺴﺎﻡ : ﺷﻨﻮ غاﻃﻠﺒﻲ الغذا؟؟
ﺃﻧﺎ : ﻃﻠﺐ ﻟﻴﺎ ﺍﻧﺖ ﻟﻲ ﻛﺎﻥ !!
المهم ﺗﻐﺪﻳﻨﺎ ﻭﻭﺻﻠﻨﻲ ﺣﺴﺎﻡ ﻟﻠﻔﻴﻼ ﻟﻘﻴﺖ ﻫﻨﺪ ﻓﺎﻟﺒﺎﺏ ﻣﺎﺷﻴﺎ ﻟﻠﻜﻠﻴﻨﻴﻚ ﺗﺸﻮﻑ ﺑﺎﺑﺎ
ﺭﺟﻌﺘﻬﺎ ﺗﺠﻠﺲ ﻣﻌﺎﻳﺎ ﺷﻮﻳﺔ ﻋﺎﺩ ﺗﻤﺸﻲ ﻋﺎﻭﺩﺕ ﻟﻴﻬﺎ ﻋﻠﻰ ﺑﺎﺑﺎ ﻭﻓﺮﺣﺎﺕ ﺑﺰﺍﺍﻑ ﻭﻋﺎﻭﺩﺕ ﻟﻴﻬﺎ ﻋﻠﻰ ﻋﻤﻲ ﻛﻤﺎﻝ
ﻫﻨﺪ : ﺍﻥ ﺷﺎﺀ ﺍﻟﻠﻪ ﺃﺣﺒﻴﺒﺔ ﺭﺑﻲ ﻳﺠﻴﺐ ﻟﻲ ﻓﻴﻬﺎ ﺍﻟﺨﻴﺮ ﻭﻳﺠﻴﺐ ﺭﺑﻲ ﺍﻟﻔﺮﺝ ﻟﻌﻤﻲ رﺍﻩ ﺭﺑﻲ ﻣﻴﺨﻴﺒﻮﺵ ﺣﻴﺖ ﺩﺍﺭ ﻏﻴﺮ ﺍﻟﺨﻴﺮ ﻭﻫﺎﺍﻧﺎ ﻗﺪﺍﻣﻚ ﻛﻮﻥ ﻣﺎ ﺑﺎﺑﺎﻙ ﻛﻮﻥ ﻋﺎﻟﻢ ﺍﻟﻠﻪ ﺑﻴﺎ ﻭﺑﻈﺮﻭﻓﻲ
ﻋﻨﻘﺘﻬﺎ : ﺳﻜﺘﻲ ﺍﻟﻬﺒﻴﻠﺔ ﻧﺘﻲ ﺭﺍﻩ ﺧﺘﻲ
ﻭﻓﻌﻼ ﻫﻨﺪ ﺧﺘﻲ ﻟﻲ ﻣﻮﻟﺪﺍﺗﻬﺎﺵ ﻟﻲ ﻣﺎﻣﺎ ﺣﻨﺎ ﺗﻨﺘﺸﺎﺑﻬﻮﺍ ﻓﺎﻟﺸﺨﺼﻴﺔ و ﻧﻔﺲ ﺍﻻﻓﻜﺎﺭ و ﻧﻔﺲ ﺍﻟﻌﻘﻠﻴﺔ ﻭﺍﺧﺎ ﻛﻞ ﻭﺣﺪﺓ ﻭﺟﻤﺎﻟﻬﺎ ﺍﻻ ﺍﻧﻬﺎ ﻛﺎﻧﺖ ﺗﻮﺃﻡ ﺭﻭﺣﻲ
ﺃﻧﺎ : ﻋﺮﻓﺘﻲ ﺷﻜﻮﻥ ﻭﺻﻠﻨﻲ؟
ﻫﻨﺪ : ﺷﻜﻮﻥ ؟؟
ﺃﻧﺎ : ﺍﺣﻢ ﺍﺣﻢ ﺣﺴﺎﺍﺍﺍﺍﺍﻡ
ﻫﻨﺪ ﺑﺮﻗﻮﺍ ﻋﻴﻨﻴﻬﺎ و تزنكات
ﻫﻨﺪ كانت كاتبغي ﺣﺴﺎﻡ ﻣﻦ ﺻﻐﺮﻫﺎ و ﻣﺘﻔﺎﻫﻤﻴﻦ ﻭﺃﺻﺪﻗﺎﺀ ﻟﻜﻦ ﻫﻮ ﺗﻴﻌﺘﺎﺑﺮﻫﺎ ﺧﺘﻮ ﻭﻫﻲ ﻋﻤﺮﻫﺎ ﻓﻜﺮﺍﺕ ﺣﺘﻰ ﺗﺒﻮﺡ ﻟﻴﻪ ﺣﻴﺖ ﻋﻨﻴﺪﺓ ﻭ ﻣﺸﺎﻋﺮﻫﺎ ﺗﺘﺪﻓﻨﻬﻢ ﺑﺤﺎﻟﻲ...
الحلقة 6
جمعت اﻧﺎ ﻭﻫﻨﺪ ﺷﻮﻳﺔ .. ﻣﺸﺎﺕ ﻫﻲ ﻋﻨﺪ ﻣﺎﻣﺎ ﻟﻜﻠﻴﻨﻴﻚ .. ﻭﺃﻧﺎ ﻃﻠﻌﺖ ﻟﺒﻴﺘﻲ ﺩﻭﺷﺖ .. ﻟﺒﺴﺖ ﻭﻣﺸﻴﺖ ﻧﺸﻔﺖ ﺷﻌﺮﻱ .. ﺃﻭﻝ ﻣﺮﺓ ﻣﻦ ﺑﻌﺪ ﻣﺮﺽ ﺑﺎﺑﺎ ﻧﺸﻮﻑ ﻭﺟﻬﻲ ﻓﺎﻟﻤﺮﺍﻳﺔ ﺑﺎﻥ ﻟﻴﺎ ﻣﺮﻳﺾ ﻭﺣﺰﻳﻦ ﻭﺫﺑﻼﻥ .. ﺗﺤﺖ ﻋﻴﻨﻲ ﺯﺭﻗﻴﻦ ﻣﻦ ﻗﻠﺔ ﺍﻟﻨﻌﺎﺱ .. ﺗﻜﻴﺖ ﻭﻣﺸﻴﺖ .. ﻭﻧﻔﺲ ﺍﻟﺤﻠﻢ ﺭﺍﻭﺩﻧﻲ .. ﻗﻔﺰﺕ ﻟﻘﻴﺖ ﺭﺍﺳﻲ ﺑﺒﻴﻨﻮﺍﺭ ﺍﻟﺤﻤﺎﻡ ... ﺗﻔﻜﺮﺕ ﺍﻟﻤﻮﻋﺪ ﻣﻊ ﻋﻤﻲ ﻛﻤﺎﻝ .. ﻟﺒﺴﺖ ﻟﺒﺴﺔ ﻛﻼﺱ ﻓﺎﻟﻜﺤﻞ ﺟﻤﻌﺖ ﺷﻌﺮﻱ ﻭﺩﺭﺕ ﻧﻀﺎﺿﺮ ﻛﻮﺣﻞ ﻧﻲ ﻣﻜﻴﺎﺝ ﻧﻲ ﻭﺍﻟﻮ .. ﻧﺎﺷﻔﺔ
ﺳﻌﻴﺪ ﻛﺎﻥ ﻣﻊ ﻣﺎﻣﺎ ﻓﺎﻟﻜﻠﻴﻨﻴﻚ .. ﺧﺪﻳﺖ ﻃﻮﻣﻮﺑﻴﻠﺘﻲ ﻭﻣﺸﻴﺖ .. ﻭﺻﻠﺖ ﻟﺸﺮﻛﺔ ﻋﻤﻲ ﻛﻤﺎﻝ ﻛﺎﻉ ﺍﻟﻤﻮﻇﻔﻴﻦ ﺳﺘﻘﺒﻠﻮﻧﻲ ﺑﺎﻻﺑﺘﺴﺎﻣﺔ ﻭﺳﻮﻟﻮﻧﻲ ﻋﻠﻰ ﺑﺎﺑﺎ ﻛﻠﺸﻲ ﺗﻴﺪﻋﻲ ﻣﻌﺎﻩ ﺑﺎﻟﺸﻔﺎﺀ .. ﺩﺧﻠﺖ ﻋﻨﺪ ﻋﻤﻲ ﻟﻲ ﻟﻘﻴﺘﻮ ﺑﻮﺣﺪﻭ ﻭﺗﻴﻔﻜﺮ ...
ﻏﻴﺮ ﺷﺎﻓﻨﻲ ﻭﻭﻗﻒ : ﺑﻨﺘﻲ ﺍﻟﺤﺒﻴﺒﺔ ﻣﺮﺣﺒﺎ ﺑﻴﻚ .. ﺯﻳﺪﻱ ﻗﺮﺑﻲ ﻟﻌﻨﺪﻱ ..
ﺃﻧﺎ : ﺷﻜﺮﺍ ﻋﻤﻲ .. ﺧﺒﺎﺭ ﺧﻴﺮ ﺃﻋﻤﻲ ﻓﺮﺣﺘﻴﻨﻲ ﻭﺍﺧﺎ ﻣﻔﻬﻤﺖ ﻭﺍﻟﻮﻭﻭ ...
ﻛﻤﺎﻝ : ﺑﻨﺘﻲ ﻫﺎﺩ ﺍﻟﻬﻀﺮﺓ ﻟﻲ ﻏﺎﻧﻘﻮﻝ ﻟﻴﻚ .. ﺣﺎﻭﻟﻲ ﺗﺎﺧﺪﻱ ﻭﻗﺘﻚ ﻭﺗﻔﻜﻴﺮﻙ .. ﻋﺎﺩ ﺟﺎﻭﺑﻲ .. ﻻﻥ ﻫﺎﺩﺷﻲ ﻣﺮﺗﺒﻂ ﺑﺤﻴﺎﺗﻚ ﻭﻣﺴﺘﻘﺒﻠﻚ !!
ﺃﻧﺎ : ﻋﻤﻲ ﺃﻧﺎ ﺃﻱ ﺣﺎﺟﺔ ﺗﺮﺩ ﻟﺒﺎﺑﺎ ﻟﻲ ﺿﺎﻉ ﻣﻨﻮ ﻭﺗﺮﺩ ﻟﻴﻪ ﺻﺤﺘﻮ ﻣﺴﺘﻌﺪﺓ ﻧﺒﻴﻊ ﻋﻤﺮﻱ ﻋﻠﻴﻬﺎ !!
ﻛﻤﺎﻝ : ﺩﺍﺑﺎ ﻏﺎﺩﻱ ﻧﻌﺎﻭﺩ ﻟﻴﻚ ﻛﻠﺸﻲ .. ﺍﻟﺒﺎﺭﺡ ﺍﺗﺼﻞ ﺑﻴﺎ ﻭﺍﺣﺪ ﺍﻟﺴﻴﺪ ﻗﺎﻟﻴﺎ ﻫﻮ ﻣﺤﺎﻣﻲ ﺩﻳﺎﻝ ﻭﺍﺣﺪ ﺭﺟﻞ ﺍﻋﻤﺎﻝ ﻋﺎﺩ ﺟﺎ ﻣﻦ ﻣﻴﺮﻳﻜﺎﻥ ﻭﻗﺎﻟﻴﺎ ﺑﻐﺎ ﻳﺸﻮﻓﻨﻲ ﺿﺮﻭﺭﻱ ﻋﻠﻰ ﻭﺩ ﺳﻲ ﺍﻟﺒﻨﺎﻧﻲ ﺗﻼﻗﻴﺘﻮﻭ ..
ﻛﻼﻣﻮﻭ ﺟﺎﻧﻲ ﻏﺮﻳﺐ ﻭﻣﺘﻴﻘﺘﻮﺵ ﻓﺎﻻﻭﻝ
ﺃﻧﺎ : ﺷﻨﻮ ﺑﻐﺎ ﺃﻋﻤﻲ ! ؟
ﻛﻤﺎﻝ : ﺻﺒﺮﻱ ﺃﺑﻨﺘﻲ ﺃﻧﻌﺎﻭﺩ ﻟﻴﻚ ﺑﺎﻟﺘﻔﺼﻴﻞ ﺍﻟﻤﻬﻢ ﻗﺎﻟﻴﻚ .. ﺃﻥ ﻣﻮﻛﻞ ﺩﻳﺎﻟﻮﻭ ﻣﺴﺘﻌﺪ ﻳﺘﻜﻠﻒ ﺑﺎﻟﺨﺴﺎﺭﺓ ﻛﺎﻣﻠﺔ ﺩﻳﺎﻝ ﺳﻲ ﺍﻟﺒﻨﺎﻧﻲ .. ﻳﻐﻄﻲ ﻋﻠﻴﻪ ﻛﻠﺸﻲ ﻭﺑﻼ ﻣﻴﺒﺎﻥ ﻫﻮ ﻓﺎﻟﺼﻮﺭﺓ ... ﺑﺎﺵ ﺗﺒﻘﻰ ﻣﻜﺎﻧﺔ ﺩﻳﺎﻝ ﺑﺎﺑﺎﻙ ﻣﺤﻔﻮﻇﺔ ..
ﺃﻧﺎ ﺑﺎﺳﺘﻐﺮﺍﺏ : ﻭﺷﻨﻮ ﺍﻟﻤﻘﺎﺑﻞ ﺃﻋﻤﻲ !! ؟ﻣﻴﻤﻜﻨﺶ ﻳﺪﻳﺮ ﻫﺎﺩﺷﻲ ﻓﺴﺒﻴﻞ الله...
ﻋﻤﻲ ﺳﻜﺖ ﻟﻮﺍﺣﺪ ﺍﻟﻤﺪﺓ : ﺍﻟﺴﻴﺪ ﺑﻐﺎ ﻳﻌﻘﺪ ﻣﻌﺎﻧﺎ ﺻﻔﻘﺔ ﻭﺍﻟﻤﻘﺎﺑﻞ بغاك ﻧﺘﻲ !!!!
ﺃﻧﺎ : ﻛﻴﻔﺎﺵ ﺃﻋﻤﻲ !!
ﻛﻤﺎﻝ : ﺍﻟﺴﻴﺪ ﻃﻠﺐ ﺃﻧﻚ ﺗﺰﻭﺟﻲ ﺑﻴﻪ .. ﻭﻛﺬﻟﻚ ﺗﺨﺪﻣﻲ ﻋﻨﺪﻭﻭ ﻟﻤﺪﺓ 5 ﺳﻨﻮﺍﺕ ﻭﻣﻦ ﺑﻌﺪ ﺗﻔﺎﺭﻗﻲ ﺍﻧﺘﻲ ﻭﻳﺎﻩ...
الحلقة 7
ﺑﻘﻴﺖ ﺣﺎﻟﺔ ﻓﻤﻲ ﻣﻦ ﻫﻮﻝ ﺍﻟﺼﺪﻣﺔ .. ﺍﻻﺭﺽ ﺩﺍﺭﺕ ﺑﻴﺎ .. ﻭﺑﺤﺎﻝ ﺍﻟﺴﺤﺎﺑﺔ ﺩﺍﺯﺕ ﻗﺪﺍﻣﻲ ﻓﻴﻬﺎ ﻛﺎﻉ ﺃﺣﻼﻣﻲ ﻭﻣﺘﻤﻨﻴﺎﺗﻲ ﻭﺑﺪﺍﺕ ﺗﺘﻼﺷﻲ
ﺃﻧﺎ : و صفقة غريبة هادي أعمي .. ﻛﻴﻔﺎﺵ ﻳﺘﺰﻭﺟﻨﻲ 5 ﺳﻨﻴﻦ ﻭﺍﺵ ﻫﺪﺍ ﺑﻐﺎ ﺟﺎﺭﻳﺔ ﻭﻻ ﺷﻨﻮ؟ ﺷﻜﻮﻥ ﻫﻮ ﻫﺎﺩ ﺍﻟﺴﻴﺪ !!
كمال : ﺍﻧﺎ ﺑﻨﺘﻲ ﻣﻌﺮﻓﺘﻮﻭﺵ .. ﻫﺎﺩﺷﻲ ﺗﻢ ﻏﻴﺮ ﻋﺒﺮ ﺍﻟﻤﺤﺎﻣﻲ ﺩﻳﺎﻟﻮ .. ﻫﻮ ﺑﻐﺎ ﺣﺘﻰ ﻳﻌﺮﻑ ﺭﺃﻳﻚ ﻋﺎﺩ ﻳﻈﻬﺮ .. ﺃﻭ ﻣﻴﻀﻬﺮﺵ ﺍﻟﻰ ﺭﻓﻀﺘﻲ ﺍﻟﻤﻬﻢ ﺃﺑﻨﺘﻲ ﻓﻜﺮﻱ .. ﻭﺍﻧﺘﻲ ﻣﺎﺷﻲ ﻣﻔﺮﻭﺽ ﺩﻳﺮﻱ ﻫﺎﺩﺷﻲ .. ﻫﺎﺩﻱ ﺻﻔﻘﺔ ﺍﻣﺎ ﺗﻘﺒﻠﻴﻬﺎ ﺍﻭ ﺗﺮﻓﻀﻴﻬﺎ ..
ﺣﺪﺭﺕ ﺭﺍﺳﻲ ﻭﺃﻧﺎ ﻣﺬﻫﻮﻟﺔ ﻣﻦ ﺍﻟﺼﺪﻣﺔ .. ﺑﻘﻴﺖ ﺷﺎﺭﺩﺓ ﻭﻣﺰﺍﻝ ﻣﻤﺴﺘﻮﻋﺒﻪ ﻫﺎﺩ ﺍﻟﻐﻤﻮﺽ ﺷﻜﻮﻥ ﻫﺪﺍ ﻭﺷﻨﻮ ﺑﻐﺎ ﻣﻨﻲ !! ﻓﺎﺵ ﺑﻐﺎﻧﻲ ﻧﺨﺪﻡ ﻋﻨﺪﻭﻭ .. ﻭﻻﺵ ﺑﻐﺎ ﻳﺘﺰﻭﺟﻨﻲ ﻏﻴﺮ ﻟﻤﺪﺓ 5 سنين.. ﻭﺍﻧﺎ ﻓﺤﻴﺮﺗﻲ ﻭﺗﺴﺎﺅﻻﺗﻲ..
فيقني ﺻﻮﺕ ﺑﻮﺭﻃﺎﺑﻠﻲ ﻛﺎﻧﺖ ﻫﻨﺪ ﺗﺘﺼﻮﻧﻲ : ﻋﻤﻲ ﻓﺎﻕ ! ﻋﻤﻲ ﻓﺎﻕ !
ﺗﺼﺪﻣﺖ ﻣﻦ ﺍﻟﺨﺒﺮ ﻣﺒﻘﻴﺖ ﻋﺎﺭﻓﺔ ﻧﻔﺮﺡ ﺍﻭ ﻧﺤﺰﻥ ﺗﺨﻠﻄﻮﺍ ﻋﻠﻴﺎ ﺍﻟﻤﺸﺎﻋﺮ ﺻﺪﻣﺔ ﻭﺭﺍ ﺻﺪﻣﺔ .. ﻣﺤﺴﻴﺖ ﺑﺮﺍﺍﺳﻲ ﺣﺘﻰ ﻃﻠﻘﺖ ﺭﺟﻠﻴﺎ ﻟﻠﺮﻳﺢ ﻧﻴﺸﺎﻥ ﻟﻠﻜﻠﻴﻨﻴﻚ !
ﻣﻌﺮﻓﺘﺶ ﻛﻴﻔﺎﺵ ﻭﺻﻠﺖ ﻟﻠﻜﻠﻴﻨﻴﻚ ﻣﺸﻴﺖ ﺗﻨﺠﺮﻱ ﻟﻼﻧﻌﺎﺵ ﻣﻠﻘﻴﺘﺶ ﺑﺎﺑﺎ .. ﺳﻮﻟﺖ ﻓﺎﻻﺳﺘﻘﺒﺎﻝ ﻋﺮﻓﺖ ﺑﺄﻥ ﺑﺎﺑﺎ ﺗﺤﺴﻦ ﻭﻋﻄﺎﻭﻩ ﻏﺮﻓﺔ ﻣﺴﺘﻘﻠﺔ .. ﻣﺸﻴﺖ ﺗﻨﺠﺮﻱ ﻟﻴﻬﺎ ﻟﻘﻴﺖ ﻫﻨﺪ ﻭﻣﺎﻣﺎ ﻋﻨﻘﺘﻬﻢ ﻭﺗﻨﺒﻜﻲ ﺑﻜﺎﺀ ﺍﻟﻔﺮﺡ .. ﻋﺮﻓﺖ ﺃﻥ ﺑﺎﺑﺎ ﻓﺎﻕ ﻭﻟﻜﻦ ﻣﺰﺍﻝ ﻋﻴﺎﻥ ﻭﺍﻟﻄﺒﻴﺐ ﻃﻠﺐ ﻣﻨﺎ ﻧﺨﻠﻴﻮﻩ ﻣﺮﺗﺎﺡ .. ﺩﺧﻠﺖ ﻟﻌﻨﺪﻭ ﺑﺸﻮﻳﺔ .. ﺑﺴﺘﻮ ﻓﺠﺒﻬﺘﻮﻭ .. ﻭﺟﻬﻮﻭ ﻛﺎﻥ ﺻﻔﺮ ﺑﺤﺎﻝ ﺍﻟﻤﻮﺗﺔ ﻭﺿﻌﺎﻑ .. ﺣﺲ ﺑﻴﺎ ﻭﺣﻞ ﻋﻴﻨﻴﻪ ﻭﻫﻮ ﻣﻘﺎﺩﺭﺵ : ﺑﻨﺘﻴﻴﻴﻲ !!
ﻗﺮﺑﺖ ﻟﻌﻨﺪﻭ ﻭﺷﺪﻳﺖ ﻟﻴﻪ ﻓﻴﺪيه ﺑﺴﺘﻬﺎ : ﺑﺎﺑﺎ ﻟﺤﺒﻴﺐ .. ﻧﻮﺭ ﻋﻴﻨﻲ .. ﺩﺍﺑﺎ ﻋﺎﺩ ﺭﺟﻌﺎﺕ ﻟﻴﺎ ﺣﻴﺎﺗﻲ .. ﻋﺎﺩ ﻧﺒﺾ ﻗﻠﺒﻲ .. ﻛﻮﻥ ﻭﻗﻌﺎﺕ ﻟﻴﻚ ﺷﻲ ﺣﺎﺟﺔ ﻛﻮﻥ ﺗﺒﻌﺘﻚ ﻭﺑﻘﻴﺖ ﻧﺒﻜﻲ ﻓﻮﻕ ﻳﺪﻳﻪ .. ﻣﺴﺢ ﻟﻴﺎ ﺩﻣﻮﻋﻲ .. ﻭﻗﺮﺑﻨﻲ ﻟﻌﻨﺪﻭ
ﺑﺎﺑﺎ : ﺍﻣﻴﺮﺓ ﺩﻳﺎﻟﻲ ﻣﺘﺒﻜﻴﺶ .. ﺳﻤﺤﻲ ﻟﻴﺎ ﺑﻨﺘﻲ ﺍﻧﺎ ﻟﻲ ﺿﻴﻌﺖ ﻛﻠﺸﻲ ﺍﻧﺎ ﻟﻲ ﺗﻜﺮﻓﺴﺖ ﻋﻠﻴﻜﻢ
.. ﺍﻧﺎ ﻟﻲ ﻣﺘﻬﻮﺭ ﻭﺿﻴﻌﺘﻜﻢ ﻣﻌﺎﻳﺎ !! ﻭﺑﻘﺎ ﺗﻴﺒﻜﻲ !!
ﻋﻨﻘﺖ ﺑﺎﺑﺎ ﻭﻣﺴﺤﺖ ﻟﻴﻪ ﺩﻣﻮﻋﻮ : ﺣﺘﻰ ﺣﺎﺟﺔ ﻣﺎﺿﺎﻋﺖ ﺍﺑﺎﺑﺎ ﻛﻠﺸﻲ ﻏﺎﺩﻱ ﻳﺘﺼﻠﺢ
ﺑﺎﺑﺎ : ﻻ أ ﺑﻨﺘﻲ ﻛﻠﺸﻲ ﻣﺸﺎ و ﻛﻠﺸﻲ ﺿﺎﻉ...
الحلقة 8
ﺑﻘﺎ ﺑﺎﺑﺎ ﺗﻴﺒﻜﻲ ﻭﺍﻧﺎ ﻣﻌﻨﻘﺎﻩ ﺗﻨﻬﺪﻥ ﻓﻴﻪ ﺣﺘﻰ ﺣﺴﻴﺖ ﺑﻴﻪ ﺳﺨﻒ .. ﺗﺨﻠﻌﺖ ﻭﺑﺪﻳﺖ ﻧﺠﺮﻱ ﻭﻧﻐﻮﺕ : ﺑﺎﺑﺎ ﻋﺘﻘﻮﻧﻲ .. ﺑﺎﺑﺎ !
ﺩﺧﻼﺕ ﻣﺎﻣﺎ ﻭﻫﻨﺪ ﺗﻴﺠﺮﻳﻮﺍ ! ﺑﻘﺎﺕ ﻫﻨﺪ ﺗﺘﻘﻠﺐ ﻟﻴﻪ ﺍﻟﻨﺒﺾ ﺩﻳﺎﻟﻮﻭ .. ﻭﺍﻧﺎ ﺟﺮﻳﺖ ﺗﻨﻌﻴﻂ ﻟﻠﺪﻛﺘﻮﺭ ﺷﻬﺎﺏ ﻟﻲ ﺟﺎ ﺗﻴﺠﺮﻱ ﻭﺧﺮﺟﻨﺎ ﻛﺎﻣﻠﻴﻴﻦ
ﺑﻘﻴﺖ ﺗﻨﺒﻜﻲ ﻭﺣﺎﺳﺔ ﺍﻧﺎ ﺍﻟﺴﺒﺐ .. ﺍﻧﺎ ﻟﻲ ﺧﻠﻴﺘﻮ ﻳﺒﻜﻲ ﻭﻳﺘﺄﺗﺮ : ﺍﻟﻠﻪ ﻳﺎﺭﺑﻲ ﻳﺎ ﺑﺎﺑﺎ ﺍﻟﺤﺒﻴﺐ .. ﺃﺵ ﻫﺎﺩ ﺍﻟﻤﻜﺘﺎﺏ ﺟﺎﻙ .. ﺃﺵ ﻣﺨﺒﻲ ﻟﻴﻨﺎ ﺍﻟﺰﻣﺎﻥ .. ﺗﻨﺒﻜﻲ ﻭﻧﺒﻜﻲ ﺣﺘﻰ ﺳﺨﻔﺖ ..
ﻫﺰﻭﻧﻲ ﻟﺒﻴﺖ ﺁﺧﺮ .. ﺑﻘﺎﺕ ﻫﻨﺪ ﺗﺘﻔﻴﻖ ﻓﻴﺎ : ﺣﻠﻴﺖ ﻋﻴﻨﻴﺎ ﻟﻘﻴﺘﻬﻢ ﺟﻨﺒﻲ .. ﻗﻔﺰﺕ : ﺑﺎﺑﺎ .. ﺃﺵ ﻃﺮﺍ ﻟﻴﻪ ! ؟
ﻣﺎﻣﺎ : ﺑﻨﺘﻲ ﺭﺍﻩ ﺍﻟﺪﻛﺘﻮﺭ ﺷﻬﺎﺏ ﻃﻤﻨﺎ ﻋﻠﻴﻪ .. ﺭﺍﻩ ﻭﻻ ﻟﺒﺎﺱ ﻏﻴﺮ ﻫﻮ ﻃﻠﺐ ﻣﻨﺎ ﻧﻘﻠﻠﻮﺍ ﺍﻟﺰﻳﺎﺭﺓ ﺣﻴﺖ ﺑﺎﻗﻲ ﻋﻴﺎﻥ ...
ﺯﺩﺕ ﺣﺴﻴﺖ ﺑﺎﻟﻨﺪﻡ ﻋﻼﺵ ﺧﻠﻴﺘﻮ ﻳﻬﻀﺮ ﻭﻳﺒﻜﻲ ﻋﻼﺵ؟ !
ﻭﺍﺣﺪ ﺷﻮﻳﺔ ﺩﺧﻼﺕ ﺍﻟﻤﻤﺮﺿﺔ : ﺁﻧﺴﺔ ﻳﺎﺳﻤﻴﻦ ﺍﻟﻰ ﻭﻟﻴﺘﻲ ﺷﻮﻳﻪ ﺍﻟﺪﻛﺘﻮﺭ ﺷﻬﺎﺏ ﺑﻐﺎ ﻳﺸﻮﻓﻚ !
ﻗﻔﺰﺕ ﻧﻴﺸﺎﻥ ﻟﻠﻤﻜﺘﺐ ﺩﻳﺎﻟﻮ ﻭﻋﻘﻠﻲ ﺗﻴﺘﺴﻨﻰ ﻏﻴﺮ ﺍﻷﺳﻮﺀ
ﺩﻗﻴﺖ ﺩﺧﻠﺖ
ﺷﻬﺎﺏ : ﺑﻨﺘﻲ ﻳﺎﺳﻤﻴﻦ ﺟﻠﺴﻲ
ﺃﻧﺎ : ﻳﺎﻙ ﻟﺒﺎﺱ ﺍﻋﻤﻲ ﺑﺎﺑﺎ ﻣﻐﻴﻮﻗﻊ ﻟﻴﻪ ﻭﺍﻟﻮﻭ ﻳﺎﻙ ! ؟
ﺷﻬﺎﺏ : ﺷﻨﻮ ﻟﻲ ﻭﻗﻊ ﺃﺑﻨﺘﻲ ﻓﺎﺵ ﻛﻨﺘﻲ ﻋﻨﺪﻭ؟
ﺃﻧﺎ : ﺗﻔﻜﺮ ﺍﻻﺯﻣﺔ ﺩﻳﺎﻟﻮﻭ ﻭﺑﻘﺎ ﻳﺒﻜﻲ ﻭﻳﻄﻠﺐ ﻣﻨﻲ ﺍﻟﻤﺴﺎﻣﺤﺔ ﻋﻠﻰ ﺩﺍﻛﺸﻲ ﻟﻲ ﺿﻴﻊ . ﺑﺎﺑﺎ ﺣﺎﺱ ﺑﺎﻟﺬﻧﺐ ﺃﺩﻛﺘﻮﺭ ﺩﺍﻛﺸﻲ ﺗﻴﻌﺬﺑﻮ . ﻛﻴﻔﺎﺵ ﻧﻘﻮﻟﻴﻪ ﺭﺍﻩ ﺍﻧﺎ ﻫﻮ ﻟﻲ ﺗﻴﻬﻤﻨﻲ .. ﻣﺎﺑﺎﻏﺎ ﻓﻠﻮﺱ ﻣﺎﺑﺎﻏﺎ ﺍﻣﻼﻙ .. ﺑﻐﻴﺖ ﻏﻴﺮ ﺑﺎﺑﺎ ﻳﺮﺟﻊ ﻳﻀﻮﻱ ﺣﻴﺎﺗﻲ .. ﻭﺑﻘﻴﺖ ﻧﺒﻜﻲ ﺍﻫﺊ ﺍﻫﺊ
ﺷﻬﺎﺏ : ﺑﻨﺘﻲ ﺗﻬﺪﻧﻲ ﺧﺎﺻﻜﻲ ﺗﻜﻮﻧﻲ ﻗﻮﻳﺔ . ﺳﻤﻌﻲ ﻫﺎﺩﺷﻲ ﻟﻲ ﻏﺎﺩﻱ ﻧﻘﻮﻟﻴﻚ ﻣﺰﻳﺎﻥ ﻭﺣﺎﻭﻟﻲ ﺗﻜﻮﻧﻲ ﻗﻮﻳﺔ ﻭﻋﻨﺪﻙ ﺍﺭﺍﺩﺓ ﺻﻠﺒﺔ .. ﺳﻲ ﺍﻟﺒﻨﺎﻧﻲ ﺩﺍﺯ ﻣﻦ ﺃﺯﻣﺔ ﻗﻠﺒﻴﺔ ﺧﻄﻴﺮﺓ .. ﻭﺭﺑﻲ ﻛﺘﺐ ﻟﻴﻪ ﻋﻤﺮ ﺟﺪﻳﺪ .. ﺣﻴﺖ ﺩﻳﻚ ﺍﻻﺯﻣﺔ ﻓﻴﻞ ﻛﺎﻧﺖ ﺗﻘﺘﻠﻮ ﻟﻜﻦ ﺍﻟﺤﻤﺪ ﻟﻠﻪ ﺭﺑﻲ ﻟﻄﻒ ﺑﻴﻪ .. ﺍﻟﻤﺸﻜﻞ ﺃﺑﻨﺘﻲ ﺍﻥ ﻫﺎﺩ ﺍﻻﺯﻣﺔ ﺍﺣﺘﻤﺎﻝ ﺗﺮﺟﻊ ﻟﻴﻪ ﻣﺮﺓ ﺍﺧﺮﻯ ﻭﻫﺎﺩ ﺍﻟﻤﺮﺓ ﻣﻨﻀﻨﻬﺎﺵ ﺗﺮﺣﻤﻮﻭ ﺣﻴﺖ ﻣﺒﻘﺎﺵ ﻗﺎﺩﺭ ﻳﺘﺤﻤﻞ ..
ﻫﻮ ﺗﻴﻬﻀﺮ ﻭﺍﻧﺎ ﺗﻴﻨﺰﻟﻮﺍ ﺩﻣﻮﻋﻲ ﺑﺎﺭﺩﻳﻦ ﺩﻣﻮﻉ ﺩﻳﺎﻝ ﺍﻟﻘﻬﺮﺓ ﻭﺍﻟﺤﺴﺮﺓ ﻋﻠﻰ ﻣﺼﻴﺮ ﺑﺎﺑﺎ ﻟﻲ ﻭﻻ ﻣﻌﻠﻖ ﺑﺤﺎﻝ ﺷﻲ ﺭﻳﺸﺔ ﺍﻱ ﺭﻳﺢ ﺑﺴﻴﻄﺔ ﻳﻄﻴﺮ ﻣﻌﺎها...
الحلقة 9
ﺃﻧﺎ : ﺷﻨﻮ ﺍﻟﻤﻌﻤﻮﻭﻝ؟ ﻋﺎﻓﺎﻙ ﺃﻱ ﺣﺎﺟﺔ ﺩﻳﺮها ﻧﺼﻴﻔﻄﻮﻩ ﻟﺒﺮﺓ !! ﺃﻱ ﺑﻼﺻﺔ !! ﺃﻧﺎ ﻣﺴﺘﻌﺪﺓ ﻧﻔﺪﻳﻪ ﺑﺤﻴﺎﺗﻲ ..!! ﻭﻏﺮﻗﺖ ﻓﺒﻜﺎﺀ ﻃﻮﻳﻞ
ﺷﻬﺎﺏ : ﺑﺮة ﻣﻌﻨﺪﻭﻭ ﻣﻴﺪﻳﺮ ﻟﻴﻪ .. ﺳﻲ ﺍﻟﺒﻨﺎﻧﻲ ﺧﺎﺻﻮ ﺩﺍﺑﺎ ﻏﻴﺮ ﻳﺒﻌﺪ ﻋﻠﻰ ﺍﻟﺘﻮﺗﺮ ﻭﺍﻟﺤﺰﻥ ﺣﺎﻭﻟﻮﺍ ﺗﺨﻠﻴﻮﻩ ﻳﻨﺴﻰ ﺍﻻﺯﻣﺔ ﺩﻳﺎﻟﻮﻭ .. ﻭﺍﺧﺎ ﺭﺍﻩ ﺻﻌﻴﺐ ﻣﻲ ﺣﺎﻭﻟﻮﺍ .. ﻭﺗﻨﻬﺪ ﻭﺧﺮﺝ ﺧﻼﻧﻲ
ﺧﻼﻧﻲ ﻏﺎﺭﻗﺔ ﻓﺄﺣﺰﺍﻧﻲ ﻭﺍﻧﺎ ﻧﻔﻜﺮ في بابا ﺍﻟﺤﺒﻴﺐ .. ﻛﻴﻔﺎﺵ ﻧﻌﺎﻭﻧﻮ ﺗﻔﻜﺮﺕ ﺍﻟﺼﻔﻘﺔ !
ﻭﺍﺵ ﻫﻲ ﺍﻟﺤﻞ ﻟﻲ ﺗﺮﺟﻊ ﻟﺒﺎﺑﺎ ﻛﻠﺸﻲ؟ و ﺗﺮﺟﻊ ﻣﻌﺎﻫﺎ ﺻﺤﺘو ﻭﺿﺤﻜﺘو .!. ﻭﻟﻜﻦ ﻏﺎﺩﻳﺎ ﻧﺪﻓﻦ ﺭﺍﺳﻲ ﻭﺣﻴﺎﺗﻲ ﻭﻣﺴﺘﻘﺒﻠﻲ ﻟﻤﺪﺓ ﺧﻤﺲ ﺳﻨﻴﻦ .. ﻏﺎﺩﻳﺎ ﻧﺤﻜﻢ ﻋﻠﻰ ﺭﺍﺳﻲ ﺑﺎﻟﺴﺠﻦ ﺑﺪﻭﻥ ﺃﻱ ﺫﻧﺐ ﺍﻭ ﺟﺮﻳﻤﺔ !!..
ﺧﺮﺟﺖ ﺑﺮا ﻟﻘﻴﺖ ﻣﺎﻣﺎ ﻣﻊ ﺑﺎﺑﺎ ﻛﺎﻥ ﻧﺎﻋﺲ ﻭﻣﺮﺗﺎﺡ .. ﻓﺮﺣﺖ ﻣﻨﻴﻦ ﺷﻔﺖ ﻭﺟﻬو ﺑﺪﺍﺕ .. ﺗﺮﺟﻊ ﻟﻴﻪ ﺍﻟﺼﺤﺔ ﻭﺍﻟﻌﺎﻓﻴﺔ ..
ﻃﻠﺒﺖ ﻣﻨﻲ ﻣﺎﻣﺎ ﺍﻧﺎ ﻭﻫﻨﺪ ﻧﻤﺸﻴﻮﺍ ﻟﻠﺪﺍﺭ ﻭﻫﻲ ﺍﺗﺒﻘﻰ ﻣﻊ ﺑﺎﺑﺎ ..
ﻣﺸﻴﺖ ﺣﻴﺖ ﻓﻌﻼ ﻛﻨﺖ ﻣﺤﺘﺎﺟﺔ ﻧﺪﻭﺵ ﻭﻧﺮﺗﺎﺡ .. ﻭﺑﻐﻴﺖ ﻧﻴﺖ ﻧﻔﻀﻔﺾ ﻟﻬﻨﺪ ..
ﻭﺻﻠﻨﺎ ﻟﻠﻔﻴﻼ ﺩﻭﺷﻨﺎ ﺑﺪﻟﻨﺎ ﻭﻫﺒﻄﻨﺎ ﻧﺘﻌﺸﺎﻭﺍ .. ﻛﻨﺖ ﺷﺎﺭﺩﺓ ﻭﺗﻨﻔﻜﺮ ﻓﺒﺎﺑﺎ ﻭﺣﺎﻟﻮ ﻭﺗﻨﺘﻔﻜﺮ ﺍﻟﺼﻔﻘﺔ ﻭﺍﻟﻐﻤﻮﺽ ﻟﻲ ﺩﺍﻳﺮ ﺑﻴﻬﺎ !.
ﻗﻔﺰﺍﺗﻨﻲ ﻫﻨﺪ ﻣﻦ ﺃﻓﻜﺎﺭﻱ : ﻳﺎﺳﻤﻴﻦ ﻣﺎﻟﻜﻲ ﺷﺎﺭﺩﺓ ﻓﻴﻦ ﻣﺸﻴﺘﻲ؟؟
ﺑﻘﻴﺖ ﻣﺘﺮﺩﺩﺓ ﻭﻓﺎﻻﺧﻴﺮ ﺑﻘﻴﺖ ﻧﻔﻀﻔﺾ ﻭﻧﻌﺎﻭﺩ ﻟﻴﻬﺎ .. ﺣﻜﻴﺖ ﻟﻴﻬﺎ ﻋﻠﻰ ﺍﻟﺼﻔﻘﺔ .. ﻭﻋﻠﻰ ﺍﻟﻤﻘﺎﺑﻞ ﻟﻲ ﻣﻄﻠﻮﺏ ﻣﻨﻲ .. ﺣﺘﻰ ﻫﻨﺪ ﺗﺼﺪﻣﺎﺕ : ﺁﺵ ﻫﺎﺩ ﺍﻟﺤﻤﺎﻕ .. ﺷﻜﻮﻥ ﻫﺬﺍ ﻟﻲ ﻏﺎﺩﻱ ﻳﻌﻄﻲ ﻫﺎﺩ ﺍﻟﺘﺮﻭﺓ ﻛﺎﻣﻠﺔ ﺑﺎﺵ ﻳﺘﺰﻭﺟﻚ 5 ﺳﻨﻴﻦ .. ﻭﺷﻨﻮ ﺳﺒﺐ ﺍﻟﻰ ﻳﺨﻠﻲ ﻭﺍﺣﺪ ﻳﺪﻳﺮ ﺑﺤﺎﻝ ﻫﺎﻛﺪﺍ؟ أﻧﺎ ﺧﺘﻲ ﻣﻤﺮﺗﺎﺣﺶ ﻟﻬﺎﺩﺷﻲ .. ﺭﻓﻀﻲ ﻫﺎﺩ ﺍﻟﺼﻔﻘﺔ .. ﻭﻋﻤﻲ ﻟﻴﻪ ﺭﺏ ﻛﺮﻳﻢ ..
ﺃﻧﺎ : ﻛﻴﻔﺎﺵ ﻧﺮﻓﺾ ﺍﺻﺎﺣﺒﺘﻲ؟ ﻧﺘﻲ ﻣﻌﺎﺭﻓﺎﺵ ﺑﺎﺑﺎ؟ ﻭﺍﺵ ﺑﺎﺑﺎ ﻳﻘﺪﺭ ﻳﻌﻴﺶ ﻓﺎﻟﻔﻘﺮ ﻭﺍﻟﺬﻝ .. ﻭﺍﺵ ﺑﻐﻴﺘﻴﻨﻲ ﻧﺨﺴﺮﻭ ﺑﻤﺮﺓ .. ﺍﻧﺎ ﺭﺍﻩ ﻧﺒﻴﻊ ﺣﻴﺎﺗﻲ ﻛﺎﻣﻠﺔ ﻋﻠﻰ ﻭﺩﻭ ﺍﻣﺎ ﻫﺎﺩ ﺍﻟﺼﻔﻘﺔ ﺭﺍﻩ ﻏﺎﺩﻳﺎ ﻧﺒﻴﻊ ﻏﻴﺮ 5 ﺳﻨﻴﻦ ﻣﻦ ﺣﻴﺎﺗﻲ ﺻﺎﻓﻲ
ﻫﻨﺪ : ﻭﺍﺵ ﺣﻤﺎﻗﻴﺘﻲ؟ ﺑﺎﻏﺎ ﺗﺒﻴﻌﻲ ﺭﺍﺳﻚ ﻳﺎﻙ؟ ﺍﻳﻮﺍ ﻋﻤﻲ ﺍﻟﻰ ﺳﺎﻕ ﺍﻟﺨﺒﺎﺭ ﺷﻨﻮ ﺍﺗﻘﻮﻟﻲ ﻟﻴﻪ؟"ﻣﻔﻜﺮﺗﻴﺶ ﻓﻬﺎﺩﺷﻲ؟ ﻓﺎﺵ ﻳﻌﺮﻓﻚ ﺑﻌﺘﻲ ﺭﺍﺳﻚ ﻋﻠﻰ ﻭﺩﻭﻭ؟ ﺭﺍﻩ ﻫﺪﻳﻚ ﻫﻲ ﺍﻟﻀﺮﺑﺔ ﺍﻟﻘﺎﺿﻴﺔ ﻟﻲ ﻏﺎﺩﻳﺎ ﺗﺠﻴﺐ ﻟﻴﻪ ﺍﻟﻨﻬﺎﻳﺔ ﺩﻳﺎﻟﻮﻭ
ﻳﺎﺳﻤﻴﻦ : ﺑﺎﺑﺎ ﻣﻐﺎﺩﻱ ﻳﻌﺮﻑ ﻭﺍﻟﻮﻭ .. ﻭﺣﺘﻰ ﻣﺎﻣﺎ ﻭﺣﺘﻰ ﺍﻧﺘﻲ ﺍﻫﻨﺪ ﻣﻐﺎﺩﻱ ﺗﻘﻮﻟﻲ ﻭﺍﻟﻮ !!
ﻫﻨﺪ : ﺻﺮﺍﺣﺔ ﺍﻧﺎ ﻣﺴﺘﻐﺮﺑﺔ .. ﻭﺍﺵ ﻧﺘﻲ ﻳﺎﺳﻤﻴﻦ؟؟'ﻭﺍﺵ ﻣﻜﺘﺄﻣﻨﻴﺶ ﺑﺎﻟﻘﺪﺭ ﺧﻴﺮﻩ ﻭﺷﺮﻩ .. ﻫﺎﺩﺷﻲ ﻣﻜﺘﺎﺏ ﻋﻠﻰ ﻋﻤﻲ ﺭﺑﻲ ﻟﻲ ﺑﻮﺣﺪﻭ ﻗﺎﺩﺭ ﻳﻔﺮﺝ ﻋﻠﻴﻪ .. ﺍﻣﺎ ﻫﺎﺩﺷﻲ ﻟﻲ ﺑﺎﻏﺎ ﺩﻳﺮﻱ ﺭﺍﻩ ﺍﻧﺘﺤﺎﺭ ﺑﺎﻏﻴﺎ ﺗﺒﻴﻌﻲ ﺭﺳﻚ ﻭﻟﻼﺳﻒ ﺑﺎﻟﻐﺎﻟﻲ .. ﻛﻴﻔﺎﺵ ﻏﺎﺩﻱ ﻳﺤﺘﺮﻣﻚ ﻫﺎﺩﺍ ﻟﻲ ﺑﺎﻏﻲ ﻳﺸﺮﻳﻚ ؟؟ ﻛﻴﻔﺎﺵ ﻏﺎﺩﻱ ﻳﻘﺪﺭﻙ؟؟ ﻋﺎﻟﻢ ﺍﻟﻠﻪ ﻭﺍﺵ ﺷﺎﺭﻑ ﺃﻭ ﻣﺮﻳﺾ ﺃﻭ ﺷﻲ ﺟﺎﻳﺤﺔ ﻟﻲ ﺿﺮﺑﻮ !! ﺻﺪﻣﺘﻴﻨﻲ ﺃﻳﺎﺳﻤﻴﻦ ﻭﺍﻟﻠﻪ ﻓﻴﻦ ﻃﻤﻮﺣﻚ .!!. ﻓﻴﻦ ﺍﻟﻤﺎﺳﺘﺮ ﻟﻲ ﻗﺮﺑﺘﻲ ﺗﺎﺧﺪﻳﻪ؟
ﻳﺎﺳﻤﻴﻦ : ﻣﺎﺑﻘﺎ ﻫﺎﻣﻨﻲ ﻭﺍﻟﻮ ﻣﻦ ﻏﻴﺮ ﺑﺎﺑﺎ .. ﻭﺍﻧﺎ ﺻﺎﻓﻲ ﻗﺮﺭﺕ ﻗﺮﺍﺭ ﻻ ﺭﺟﻌﺔ ﻓﻴﻪ .. ﻭﻳﺎﺭﻳﺖ ﺍﻫﻨﺪ ﺑﻼ ﻣﺘﺴﺮﻋﻲ ﻭﺗﻘﻮﻟﻲ ﺷﻲ ﺣﺎﺟﺔ ﺣﻴﺖ ﻣﻐﺎﺩﻱ ﺗﻐﻴﺮ ﻭﺍﻟﻮﻭ !!
ﻫﻨﺪ : ﺍﻧﺎ ﻋﺎﺭﻓﺔ ﺭﺍﺳﻚ ﻗﺎﺻﺢ .. ﻭﻟﻜﻦ ﻋﺎﻓﺎﻙ ﺃﺣﺒﻴﺒﺔ ﻓﻜﺮﻱ ﻭﺑﻼ ﻣﺘﺴﺮﻋﻲ ..
ﺧﻠﻴﺖ ﻫﻨﺪ ﺑﺎﺵ ﻣﺘﺰﻳﺪﺵ ﺗﻘﻨﻌﻨﻲ .. ﺣﻴﺖ ﻋﺎﺭﻓﺎﻫﺎ ﻛﺘﻌﺮﻑ ﺗﻘﻨﻊ ﺑﺎﻟﻌﻘﻞ .. ﻭﺧﻔﺖ ﻣﻨﻬﺎ ﺩﺍﻛﺸﻲ ﻻﺵ ﻫﺮﺑﺖ ﻣﻨﻬﺎ
الحلقة 10
ﺍﻟﻠﻴﻞ ﻛﺎﻣﻞ ﻭﺍﻧﺎ ﺗﻨﺘﻘﻠﺐ ﺣﻠﻒ ﺍﻟﻨﻌﺎﺱ ﺍﻟﻰ ﺟﺎﻧﻲ .. ﻫﺎﺩ ﺍﻟﺼﻔﻘﺔ ﺍﻟﻤﻠﻴﺌﺔ ﺑﺎﻟﻐﻤﻮﺽ ﻭﺍﻟﻤﺨﺎﻭﻑ .. ﻭﻟﻜﻦ ﻋﻼﺵ ﺗﻨﺘﺨﻴﻞ ﻏﻴﺮ ﺍﻻﺳﻮﺀ .. ﻋﻼﺵ ﻣﻴﻜﻮﻧﺶ ﻫﺎﺩ ﺍﻟﺸﺨﺺ ﺭﺍﺟﻞ ﻣﺰﻳﺎﻥ ﻭﻏﺎﻳﻌﺎﻣﻠﻨﻲ ﻣﺰﻳﺎﻥ .. ﻭﺍﺧﺎ ﻳﻜﻮﻥ ﻛﺒﻴﺮ ﻧﺼﺒﺮ ﺭﺍﻩ ﻏﻴﺮ ﺧﻤﺲ ﺳﻨﻴﻦ ﻭﻓﺎﻳﺘﺔ .. ﺩﺍﻧﻲ ﺍﻟﻨﻌﺎﺱ ﻭﻧﻔﺲ ﺩﺍﻙ ﺍﻟﺴﻮﻁ ﻛﻴﻨﺰﻝ ﻋﻠﻴﺎ .. ﻭﺍﻧﺎ ﺗﻨﻐﻮﺕ .. ﻭﺗﻨﻔﻴﻖ ﻋﻠﻰ ﻧﻔﺲ ﺍﻟﻜﺎﺑﻮﺱ ﻟﻲ ﻣﺒﻐﺎﺵ ﻳﻔﺎﺭﻗﻨﻲ .. ﺣﺴﻴﺖ ﺑﺎﻟﻐﻢ ﻭﺍﻟﻜﺂﺑﺔ ﻭﻋﻄﻴﺘﻬﺎ ﻟﻠﺒﻜﺎ ...
ﺩﺧﻠﺖ ﺩﻭﺷﺖ .. ﻭﺑﺪﻟﺖ ﻋﻠﻴﺎ .. ﻭﻧﺰﻟﺖ ﺑﺎﺵ ﻧﻤﺸﻲ ﻟﻠﻜﻠﻴﻨﻴﻚ ﻋﻨﺪ ﺑﺎﺑﺎ . ﻟﻘﻴﺖ ﻫﻨﺪ ﺗﺘﻔﻄﺮ ﺑﺴﺘﻬﺎ ﻭﻫﻲ ﺗﺘﺸﻮﻑ ﻓﻴﺎ ﻭ ﻣﻘﻠﻘﺔ ﻣﻨﻲ ﻣﺒﻐﻴﺘﺶ ﻧﺠﺒﺪ ﻣﻌﺎﻫﺎ ﺍﻟﻤﻮﺿﻮﻉ ﻣﺰﺍﻝ .. ﺟﻠﺴﺖ ﺗﻨﻔﻄﺮ .. ﺷﻮﻳﺔ ﺟﺎﺕ ﺍﻟﺨﺪﺍﻣﺔ : ﺧﺘﻲ ﻳﺎﺳﻤﻴﻦ ﻭﺍﺣﺪ ﺍﻟﺮﺍﺟﻞ ﺟﺎﺏ ﻫﺎﺩ ﺍﻟﺒﺮﺓ ..
ﺧﺪﻳﺘﻬﺎ ﻣﻨﻬﺎ ﻓﺘﺤﺘﻬﺎ .. ﻛﺎﻥ ﺍﻧﺬﺍﺭ ﻣﻦ ﺍﻟﺒﻨﻚ .. ﺍﻟﻰ ﻣﺨﻠﺼﻨﺎﺵ ﻓﻬﺎﺩ ﺍﻟﻤﺪﺓ .. ﻛﻠﺸﻲ ﺍﻳﺪﺧﻞ ﻓﺎﻟﺴﻴﺰﻱ ..
ﻭﺭﻳﺖ ﺍﻟﻮﺭﻗﺔ ﻟﻬﻨﺪ ﻭﺍﻧﺎ ﺗﻨﺒﻜﻲ : ﻫﺎ ﻋﻼﺵ ﺃﻫﻨﺪ ﺑﻐﻴﺖ ﻧﺒﻴﻊ ﺭﺍﺳﻲ !! ﻭﺍﺵ ﺑﻐﻴﺘﻲ ﺑﺎﺑﺎ ﻳﺘﺒﻬﺪﻝ ﻓﺄﺧﺮ ﺍﻳﺎﻣﻮﻭ؟؟ .. ﺭﺍﻩ ﻭﺍﻟﻠﻪ ﺑﺎﺑﺎ ﻣﻴﺘﺤﻤﻞ ﺩﻗﻴﻘﺔ ﻫﺎﺩﺷﻲ ﺭﺍﻩ ﻏﺎﺩﻱ ﻳﻤﺸﻲ ﻓﻴﻬﺎ !!!.. ﻭﺍﺵ ﻣﻴﺴﺘﺤﻘﺶ ﺍﻟﺘﻀﺤﻴﺔ ﻭﻫﻮ ﻟﻲ ﻃﻮﻝ ﻋﻤﺮﻭ ﻣﻮﻓﺮ ﻟﻴﻨﺎ ﻛﻠﺸﻲ ﻭﻋﻤﺮﻭ ﺣﺮﻣﻨﺎ ﻣﻦ ﺷﻲ ﺣﺎﺟﺔ .. ﻋﻨﻘﺎﺗﻨﻲ ﻫﻨﺪ ﻭﺑﻘﻴﻨﺎ ﻧﺒﻜﻴﻮﺍ ﺑﺰﻭﺝ .. ﺗﻨﺒﻜﻴﻮﺍ ﺑﺎﻧﻜﺴﺎﺭ .. ﺑﻘﻠﺔ ﺣﻴﻠﺔ ﻭﺑﻜﺎﻉ ﻣﻌﺎﻧﻲ ﺍﻟﻴﺄﺱ ﻭﺍﻻﺿﻤﺤﻼﻝ ...
ﻫﺰﻳﺖ ﻃﻮﻣﻮﺑﻴﻠﺘﻲ ﻭﻣﺸﻴﺖ ﺗﻨﺠﺮﻱ ﻋﻨﺪ ﻋﻤﻲ ﻛﻤﺎﻝ ﺍﻟﻴﻮﻡ ﺧﺎﺹ ﻛﻠﺸﻲ ﻳﺘﺒﺪﻝ !! ﻟﻴﻮﻡ خاصني ﻧﺮﺟﻊ ﺍﻟﺤﻴﺎﺓ ﻟﺒﺎﺑﺎ...
لحلقة 11
ﺩﺧﻠﺖ ﻋﻨﺪ ﻋﻤﻲ ﻛﻤﺎﻝ ﻟﻠﻤﻜﺘﺐ ﺷﺎﻓﻨﻲ ﻭ ﺍﺗﻔﺎﺟﺄ : ﺑﻨﺘﻲ ﻳﺎﻙ ﻟﺒﺎﺱ؟ ﻛﻴﻒ ﺑﻘﺎ ﺑﺎﺑﺎﻙ؟
ﺃﻧﺎ : ﻟﺒﺎﺱ ﺍﻟﺤﻤﺪ ﻟﻠﻪ ﺑﺎﺑﺎ ﺍﺗﺤﺴﻦ ﺃﻋﻤﻲ
ﻛﻤﺎﻝ : ﻋﻠﻰ ﺳﻼﻣﺘﻮ ﺍﺑﻨﺘﻲ ﻋﺸﻴﺔ ﻧﺪﻭﺯ ﻟﻌﻨﺪﻭﻭ
ﻭﺷﺎﻑ ﻓﻴﺎ : ﻳﺎﻙ ﻟﺒﺎﺱ ﺃﺑﻨﺘﻲ؟ ﺷﻔﺘﻚ ﻣﻔﺮﺣﺎﻧﺎﺵ؟
ﺃﻧﺎ : ﻋﻤﻲ ﺟﻴﺖ ﻟﻌﻨﺪﻙ ﻋﻠﻰ ﻗﺒﻞ ﺍﻟﺼﻔﻘﺔ !..
ﻛﻤﺎﻝ : ﻭﺍﺵ ﻓﻜﺮﺗﻲ ﻣﺰﻳﺎﻥ؟
ﺃﻧﺎ : ﻋﻤﻲ ﺍﻩ ﻓﻜﺮﺕ ﺃﻧﺎ ﻣﻮﺍﻓﻘﺔ ﻧﻌﻘﺪ ﺍﻟﺼﻔﻘﺔ .. ﻭﺑﺄﻗﺼﻰ ﺳﺮﻋﺔ ﺑﻐﻴﺖ ﻛﻠﺸﻲ ﻳﺘﻢ ﻗﺒﻞ ﻣﺎﻳﺨﺮﺝ ﺑﺎﺑﺎ ﻣﻦ ﺍﻟﻜﻠﻴﻨﻴﻚ ..
ﻛﻤﺎﻝ : ﺑﻨﺘﻲ ﻣﺘﺴﺮﻋﻴﺶ ﻫﺬﺍ ﺭﺍﻩ ﻗﺮﺍﺭ ﻣﺼﻴﺮﻱ .. ﻣﺎﺷﻲ ﻳﺘﻘﺮﺭ ﺑﻬﺎﺩ ﺍﻟﺴﺮﻋﺔ
ﺃﻧﺎ : ﻋﻤﻲ ﻣﻌﻨﺪﻳﺶ ﺑﺪﻳﻞ ﺃﺧﺮ .. ﺑﺎﺑﺎ ﻣﻬﺪﺩ ﺑﺎﻟﻤﻮﺕ ﺍﻟﻰ ﺟﺎﺗﻮ ﺷﻲ ﺻﺪﻣﺔ ﺃﺧﺮﻯ .. ﺍﻟﻴﻮﻡ ﺍﻟﺒﻨﻚ ﺻﻴﻔﻄﻮﺍ ﻟﻴﻨﺎ ﺍﻻﻧﺪﺍﺭ .. ﺍﻟﻰ ﺗﺒﺎﻉ ﻛﻠﺸﻲ ﻓﻴﻦ ﻏﺎﻳﻤﺸﻲ ﺑﺎﺑﺎ؟ وﺍﺵ ﺑﺎﺑﺎ ﻣﻮﺍﻟﻒ ﺑﺎﻟﺬﻝ ﻭﺍﻟﺘﻜﺮﻓﻴﺲ؟ ﻭﺍﺵ ﺑﺎﺑﺎ ﻗﺎﺩﺭ ﻳﺨﺮﺝ ﻳﺨﺪﻡ ؟ ﻛﻴﻔﺎﺵ ﻳﻘﺪﺭ ﻳﺸﻮﻑ ﻓﺎﻟﻨﺎﺱ .. ﻭ في عينيهم؟ ﺍﻧﺖ ﺗﺘﻌﺮﻓﻮﺍ ﻛﺜﺮ ﻣﻨﻲ ﺃﻋﻤﻲ ﻭﺍﺵ ﺑﺎﺑﺎ ﻳﻘﺪﺭ ﻳﺘﺤﻤﻞ ﺟﺎﻭﺑﻨﻲ ﺃﻋﻤﻲ؟ ﻭﺑﻘﻴﺖ ﺗﻨﺒﻜﻲ : ﺍﻧﺎ ﻣﺎﺷﻲ ﻏﻴﺮ ﻧﺒﻴﻊ ﺭﺍﺳﻲ ﺍﻧﺎ ﺭﺍﻩ ﻧﺪﻓﻊ ﺣﻴﺎﺗﻲ ﻭﺑﺎﺑﺎ ﻳﻌﻴﺶ !..
ﻋﻤﻲ ﻛﻤﺎﻝ ﺑﻘﺎ ﺗﻴﻬﺪﻥ ﻓﻴﺎ ﻭﺗﻴﻮﺍﺳﻴﻨﻲ
ﺃﻧﺎ ﺑﻜﻞ ﺗﻘﺔ : ﻋﻤﻲ ﺍﺗﺼﻞ ﺩﺍﺑﺎ ﺑﺎﻟﺴﻴﺪ ﻭﻗﻮﻟﻴﻪ ﺭﺍﻧﻲ ﻣﻮﺍﻓﻘﺔ !!
ﻛﻤﺎﻝ : ﻭﺍﺧﺎ ﺑﻨﺘﻲ ﻭﺗﻨﺘﻤﻨﻰ ﺭﺑﻲ ﻳﻮﻓﻘﻚ .. ﻭﻳﺎﺭﻳﺖ ﻛﻮﻥ ﻛﺎﻥ ﻓﻴﺪﻱ ﺷﻲ ﺣﺎﺟﺔ ﻧﺪﻳﺮﻫﺎ ﻣﻲ ﺍﻟﻐﺎﻟﺐ ﺍﻟﻠﻪ ﻭﺣﻨﺎ ﺭﺍﺳﻮ ﺑﺤﺰﻥ
ﺃﻧﺎ : ﻋﻤﻲ ﺑﻼ ﻣﺘﻘﻠﻖ ﺃﻧﺎ ﻋﺎﺭﻓﺔ ﺷﻨﻮ ﻛﺎﻳﻦ .. ﺍﻟﻤﻬﻢ ﺃﻋﻤﻲ ﺍﺗﺼﻞ ﺑﺎﻟﺴﻴﺪ ﺩﺍﺑﺎ ﺑﻐﻴﺖ ﻧﻌﺮﻑ ﺷﻨﻮ ﻛﺎﻳﻦ؟
ﻫﺰ ﻋﻤﻲ ﺑﻮﺭﻃﺎﺑﻠﻮ ﻭﺍﺗﺼﻞ .. ﺳﻤﻌﺘﻮ ﺗﻴﻬﻀﺮ ﻣﻊ ﺍﻟﻤﺤﺎﻣﻲ .. ﻭﻗﺎﻟﻴﻪ ﻋﻠﻰ ﻛﻠﺸﻲ .. ﻗﻄﻊ ﻋﻤﻲ ﻭﺍﻧﺎ ﻛﻠﻲ ﻟﻬﻔﺔ ﻧﻌﺮﻑ شناو ﻭﻗﻊ : ﻋﻤﻲ ﺷﻨﻮ ﻗﺎﻟﻴﻚ؟؟؟ !!
ﻛﻤﺎﻝ : ﺍﻟﻤﺤﺎﻣﻲ ﻗﺎﻟﻲ ﺑﺄﻧﻪ ﻏﺎﺩﻱ ﻳﺘﺼﻞ ﺑﻤﻮﻛﻠﻪ ﻳﺨﺒﺮﻭ ﻭﻏﺎﺩﻱ ﻳﺘصلو ﺑﺎﻻﻧﺴﺔ ﻳﺎﺳﻤﻴﻦ ﺑﺎﺵ ﻳﺤﺪﺩ ﻟﻴﻬﺎ ﻣﻮﻋﺪ ﻣﻌﺎﻩ !!..
ﺁﻻﻑ ﺍﻷﺳﺌﻠﺔ ﺗﺘﺪﻭﺭ ﻟﻴﺎ في راسي على ﻫﺎﺩ الشخص ﺍﻟﻤﺠﻬﻮﻝ :
ﺷﻜﻮﻥ ﻫﺎﺩ ﺍﻟﺮﺟﻞ ﺍﻟﻐﺎﻣﺾ؟؟
ﺷﻨﻮ ﺳﻤﻴﺘﻮ؟؟
ﻋﻼﺵ ﺑﺎﻏﻴﻨﻲ ﻟﻠﺰﻭﺍﺝ؟؟
أﺷﻤﻦ ﺧﺪﻣﺔ ﺑﻐﺎﻧﻲ ﻧﺨﺪﻡ ﻋﻨﺪﻭﻭ؟؟
ﺑﻘﻴﺖ ﺗﺘﻨﺨﺒﻂ ﻓﺄﻓﻜﺎﺭﻱ ﺣﺘﻰ ﺩﺧﻞ ﻋﻠﻴﻨﺎ ﺣﺴﺎﻡ ﻟﻲ غي شافني ﺣﺲ ﺑﻔﺮﺣﺔ ﻛﺒﻴﺮﺓ...
الحلقة 12
ﺣﺴﺎﻡ ﺗﻴﻀﺤﻚ : أهلا أهلا و ﺍﻧﺎ ﺗﻨﻘﻮﻝ ﻣﺎﻝ ﺍﻟﺸﺮﻛﺔ مضوية ﻻﻟﺔ ﻳﺎﺳﻤﻴﻦ هي لي منوراها
أنا حاولت ﻧﺨﻠﻲ ﺣﺴﺎﻡ ﻣﺎ ﻳﺸﻚ ﻓﻮﺍﻟﻮ : ﻻ ﻻﻻﻙ ﺍﻟﻀﺎﻭﻳﺔ هادي ﻫﻬﻪ
ﺑﻘﻴﻨﺎ ﻧﻀﺤﻜﻮﺍ ﻛﺎﻣﻠﻴﻦ
ﺣﺴﺎﻡ : ﻋﻠﻰ ﺳﻼﻣﺔ ﻋﻤﻲ عاد جيت من عندو ﺭﺍﻩ ﺍﻟﻴﻮﻡ ﻭﺟﻬﻮ ﻣﻨﻮﺭ
مممم ﻓﺮﺣﺖ ﺑﺰﺍﻑ ﺣﻴﺖ ﺑﺎﻗﺎ ﻣﺸﻔﺘﺶ ﺑﺎﺑﺎ ﻟﻘﻴﺘﻴﻨﻲ ﻋﺎﺩ ﺍﻧﻤﺸﻲ ﺩﺍﺑﺎ ﻣﺰﺍﻝ ﻣﺸﻔﺘﻮﺵ
ﺣﺴﺎﻡ : ﻭﻱ ﺳﻮﻟﺖ ﻋﻠﻴﻚ تما ﻣﻲ ﻣﺘﻮﻗﻌﺘﺶ ﻧﺸﻮﻓﻚ ﻫﻨﺎﻳﺎ ﻭﺑﻘﺎ ﻳﺸﻮﻑ ﻓﺒﺎﺑﺎﻩ ﻟﻲ ﺗﻬﺮﺏ ﻣﻦ ﺷﻮﻓﺎﺗﻮ ﻗﺎﻃﻌﺘﻬﻢ ﺟﻴﺖ ﻧﺘﺸﺎﻭﺭ ﻣﻊ ﻋﻤﻲ ﻓﺸﻲ ﺣﺎﺟﺔ ﻧﺎﺭﻱ ﺷﺤﺎﻝ ﻓﻀﻮﻟﻲ ﺩﻳﻬﺎ ﻓﺮﺍﺳﻚ
ﺣﺴﺎﻡ : ﻫﺎﻧﺎ أﻻﻟﺔ ﻭﻟﻜﻦ ﺑﺸﺮﻁ ﺍﻟﻰ ﺑﻐﻴﺘﻲ ﻧﺪﻳﻬﺎ ﻓﺮﺍﺳﻲ يلاه ﻧﺘﻐﺪﺍﻭ ﻋﺎﺩ ﺳﻴﺮﻱ ﻟﻜﻠﻴﻨﻴﻚ
ﺃﻧﺎ : ﻭﺍﺧﺎ أﺳﻴﺪﻱ ﻧﻴﺖ ﺧﺮﺟﺖ ﺑﻼ ﻓﻄﻮﺭ ﻭﺟﺎﺏ ﻟﻴﺎ ﺍﻟﻠﻪ ﻧﺘﻐﺪﺍ ﻋﻠﻰ ﻇﻬﺮ ﺷﻲ ﺣﺪ يلاه ﺳﺒﻘﻨﻲ ﺍﻧﺎ ﻫﺎﺑﻄﺔ
ﺧﺮﺝ ﺣﺴﺎﻡ ﻭﻗﺮﺏ ﻋﻨﺪﻱ ﻋﻤﻲ : ﺑﻨﺘﻲ ﻣﺰﺍﻝ ﻗﺪﺍﻣﻚ ﻓﺮﺻﺔ ﻧﺤﺒﺴﻮ ﻫﺎﺩﺷﻲ ﻧﺘﻲ ﻣﺎﺷﻲ ﻣﺠﺒﺮﺓ ﻓﻜﺮﻱ ﻣﺰﻳﺎﻥ
ﺃﻧﺎ : ﻋﻤﻲ ﺭﺍﻧﻲ ﻓﻜﺮﺕ ﻭﻗﺮﺭﺕ ﻭﺻﺎﻓﻲ ﻋﻄﻴﺖ ﻛﻠﻤﺘﻲ ﻭﺭﺍﻙ ﻋﺎﺭﻓﻨﻲ ﻋﻨﺪ ﺍﻟﻜﻠﻤﺔ ﻋﻤﻲ ﻭﺍﻋﺪﻧﻲ ﻭﺍﻋﺪﻧﻲ ﻫﺎﺩﺷﻲ ﻳﺒﻘﻰ ﺑﻴﻨﺎﺗﻨﺎ ﺣﺘﻰ ﺣﺪ ﻣﻴﻌﺮﻑ ﺑﺄﻥ ﻫﺪﻱ ﺻﻔﻘﺔ ﺑﻐﻴﺖ ﺑﺎﺑﺎ ﻳﻌﺮﻑ ﺍﻧﻨﻲ ﻏﺎﺩﻱ ﻧﺘﺰﻭﺝ ﻋﻦ ﺭﺿﺎ ﻭﻋﻦ ﻗﻨﺎعة ﻭﺍﻋﺪﻧﻲ ﺑﺎﺑﺎ ﻣﻴﻌﺮﻑ ﻭﺍﻟﻮﻭ
ﻛﻤﺎﻝ : ﺗﻨﻮﺍﻋﺪﻙ ﺍﺑﻨﺘﻲ ﻛﻮﻧﻲ ﻫﺎﻧﻴﺔ ﻭﻳﺎﺭﺑﻲ ﺗﻮﻓﻘﻚ ﻭ ﺗﺤﻤﻴﻚ ﻭﺑﺎﺳﻨﻲ ﻓﺠﺒﻬﺘﻲ
تميت غادا ﺧﺎﺭﺟﺔ ﺣﺒﺴﻨﻲ ﻋﻤﻲ : ﻳﺎﺳﻤﻴﻦ ﻳﺎﺭﻳﺖ ﻣﺘﻘﻮﻟﻲ ﻟﺤﺴﺎﻡ ﻭﺍﻟﻮ ﺭﺍﻛﻲ ﻋﺎﺭﻓﺎﻩ ﺷﺤﺎﻝ ﺗﻴﻌﺰﻙ ﻣﺒﻐﻴﺘﻮﺵ ﻳﺘﺄﺗﺮ ﻫﺰﻳﺖ راسي قلت لو كون هاني من هاد الناحية و خرجت
ﻛﻨﺖ ﻋﺎﺭﻓﺔ ﺍﻥ ﻛﻠﺸﻲ ﻋﺎﺭﻑ بلي ﺣﺴﺎﻡ كايبغيني ﻟﻜﻨﻪ ﺗﻴﺒﻘﻰ ﺧﻮﻳﺎ ﻭﺻﺪﻳﻘﻲ
مي أجي و لا انا تزوجت بهاد الشخص و وصلات الخبار لحسام شناو ممكن تكون ردة الفعل ديالو و هو كايبغيني؟
المهم ﻗﺒﻞ ﻣﻨﺨﺮﺝ ﻋﻨﺪ ﺣﺴﺎﻡ ﺍﺗﺼﻠﺖ ﺑﻬﻨﺪ ﻭﻗﻠﺖ ﻟﻴﻬﺎ ﻏﺎﺩﻱ ﻧﺪﻭﺯﻭ ﻣﻦ ﻭﺭﺍﻫﺎ ﻟﻠﻤﺴﺘﺸﻔﻰ ﺗﺘﻐﺪﺍ ﻣﻌﺎﻧﺎ ﻛﺎﻥ ﺧﺎﺻﻨﻲ ﻧﺪﻳﺮ ﺷﻲ ﺣﺎﺟﺔ ﺗﺠﻤﻌﻬﻢ ﺧﺼﻮﺻﺎ ﺍﻧﻬﻢ ﺑﺰﻭﺟﻬﻢ ﻳﺴﺘﺎﻫﻠﻮ ﺑﻌﻀﻬﻢ ﺑﺰﻭﺟﻬﻢ ﻗﻠﻮﺑﻬﻢ ﻧﻘﻴﺔ ﻭﺻﺎﻓﻴﺔ
ﻫﺒﻄﺖ ﻋﻨﺪ ﺣﺴﺎﻡ ﻟﻘﻴﺘﻮ ﻣﺨﺮﺝ ﺭﺍﺳﻮ ﺗﻌﻄﻠﺖ ﻋﻠﻴﻪ
حسام : ﻭﻃﻠﻘﻴﻨﺎ ﺳﺨﻔﺖ ﺑﺎﻟﺠﻮﻉ
ﺃﻧﺎ : ﺍﻣﺎﻟﻚ ﺃﺻﺎﺣﺒﻲ ﻛﺮﺷﻚ ﻏﺎﺩﻳﺎ ﻃﻴﺤﻚ ﻓﺒﻴﺮ ﺧﻠﻴﺖ ﻃﻮﻣﻮﺑﻴﻠﺘﻲ ﻭﺭﻛﺒﺖ ﻣﻌﺎﻩ : يلاه ﻃﻴﺮ ﻋﻨﺪ ﻫﻨﺪ ﻟﻠﺴﺒﻴﻄﺎﺭ ﺭﺍﻩ غاﺗﻤﺸﻲ ﺗﺘﻐﺪﻯ ﻣﻌﺎﻧﺎ
ﺣﺴﻴﺖ ﺑﻴﻪ ﺑﺤﺎﻝ ﺍﻟﻰ تزير ﻭﻟﻜﻦ ﺧﺎﺻﻮ ﻳﻔﻴﻖ ﺻﺎﻓﻲ ﻳﺸﻮﻑ ﺣﻴﺎﺗﻮ ﻭﺧﺼﻮﺻﺎ ﻣﻊ ﻫﻨﺪ لي كاتبغيه ﺣﻨﺎ ﻣﻮﺍﻟﻔﻴﻦ ﺩﻳﻤﺎ ﺗﻨﺨﺮﺟﻮ ﺏ ﺗﻼﺗﺔ ﻫﻨﺪ ﺷﺨﺼﻴﺘﻬﺎ ﺍﻟﻘﻮﻳﺔ ﻣﻜﺎﻧﺘﺶ ﺗﺘﺨﻠﻲ ﺣﺴﺎﻡ ﻳﺤﺲ ﺑﻤﺸﺎﻋﺮﻫﺎ ﺟﺎﻓﺔ ﺑﻄﺒﻌﻬﺎ ﻛﺎﻥ ﻣﺴﻤﻴﻬﺎ ﺍﻟﺪﻛﺘﻮﺭ ﺷﺎﻧﺒﻮ ﻭﻛﻨﺎ ﺩﻳﻤﺎ ﺗﻨﺸﺪﻭ ﻓﻴﻬﺎ أنا ﺑﻮﺣﺪﻱ ﻟﻲ ﻋﺎﺭﻓﺎﻫﺎ ﺷﺤﺎﻝ كاتبغيه ﻭ كاتمناه
ﻭﺻﻠﻨﺎ ﻟﻠﻤﺴﺘﺸﻔﻰ ﺷﺤﺎﻝ و حنا كانتسناو ﻋﺎﺩ خرجات ﻻﻟﺔ ﻫﻨﺪ ﻛﺎﻧﺖ ﻏﺰﺍﻟﺔ ﻭﺩﺍﻳﺮﺓ ﻧﻈﺎﺭﺗﻬﺎ ﺍﻟﻄﺒﻴﺔ ﻟﻲ ﻛﺎﻧﻮﺍ ﺗﻴﻌﻄﻴﻮﻫﺎ ﺟﺪﻳﺔ ﻭﺣﻀﻮﺭ ﻛﺜﺮ ﻣﻦ ﺳﻨﻬﺎ
ﻫﻨﺪ : ﺍﻫﻼ ﻳﺎﺳﻤﻴﻦ و فين أﺑﻮﺭﺍﺱ ﺻﺎﻓﺎ ﻳﺎﻛﻤﺎ ﺗﻌﻄﻠﺖ ﻋﻠﻴﻜﻢ؟
ﺣﺴﺎﻡ : ﻻ ﻏﻴﺮ ﻛﻨﺖ ﻏﺎدي ﻧﺪخل ليك ﻧﺠﺮﻙ ﻣﻦ ديك الشعكاكة ههه
ﻫﻨﺪ : ﺍﻳﻮﺍ ﻛﻮﻥ ﺩﺭﺗﻴﻬﺎ ﻭﺗﺸﻮﻑ ﺍﻟﻌﻴﺎﻻﺕ ﺷﻨﻮ ﻏﺎﺩين ﻳﺪﻳﺮﻭ ﻟﻴﻚ
ﺑﺤﻜﻢ ﺍﻧﻬﺎ ﻃﺒﻴﺒﺔ ﻧﺴﺎﺀ ﻭﺗﻮﻟﻴﺪ ﺑﻘﺎﺕ ﺗﺸﻮﻑ ﻓﻴﺎ : ﻳﺎﺳﻤﻴﻦ ﺻﺎﻓﺎ ﺣﺒﻴﺒﺔ ﺍﻟﺪﻛﺘﻮﺭ ﺷﻬﺎﺏ ﻃﻤﻨﻲ ﻋﻠﻰ ﻋﻤﻲ ﺭﺍﻩ ﺣﺎﻟﺘﻮ ﺍﺳﺘﻘﺮﺍﺕ
ﺃﻧﺎ : ﺍﻳﻮا ﺍﻟﺤﻤﺪ ﻟﻠﻪ
ﻫﻨﺪ ﺣﺴﺎﺕ ﺑﻴﺎ ﺷﻨﻮ ﻋﻨﺪﻱ ﻭﺑﻐﺎﺕ ﺗﺒﺪﻝ ﺍﻟﻤﻮﺿﻮﻉ : ﻋﺮﻓﺘﻮ ﺗﺸﻬﻴﺖ ﺍﻟﺤﻮﺕ ﺷﺤﺎﻝ هادي ﻣﻜﻠﻴﺘﻮ ﺷﻨﻮ بان ليكم؟
ﺣﺴﺎﻡ ﻋﺠﺒﺎﺗﻮ ﺍﻟﻔﻜﺮﺓ ﻭﺍﻧﺎ ﻭﺍﻟﻮ ﺣﺘﻰ ﺍﻟﺸﻬﻴﺔ ﻣﻌﻨﺪﻳﺶ غي بغيت ندير ليه خاطرو و نمشي معاه نتغداو
ﻭﺻﻠﻨﺎ ﻟﻤﻄﻌﻢ ﺟﻨﺐ ﺍﻟﺒﺤﺮ ﻏﻴﺮ ﺩﻳﺎﻝ الحوت ﺣﺴﺎﻡ ﻭﻫﻨﺪ ﻧﺎﺿﻮ ﺗﻴﺨﺘﺎﺭﻭﺍ ﺍلحوت ﺭﺍﺳﻬﻢ أما أﻧﺎ ﻏﻴﺮ ﺷﺎﺭﺩﺓ ﻭﺗﻨﻔﻜﺮ في داك الشخص الغامض ﻋﻴﻴﺖ ﻣﻨﺘﺨﻴﻞ ﺷﻨﻮ ﻣﺨﺒﻲ ﻟﻴﺎ ﻟﻜﻦ ﻛﻠﺸﻲ ﻛﺎﻥ ﻣﺒﻬﻢ ﻭﻏﺎﻣﺾ ﺣﺎﺟﺔ ﻭﺣﺪﺓ ﻟﻲ ﺑﺎﻳﻨﺎ ﻟﻲ ﻫﻲ ﺻﺤﺔ ﺑﺎﺑﺎ ﻭﻫﻨﺎﻩ
ﻛﻠﻴﺖ ﻏﻴﺮ ﺷﻮﻳﺔ ﻭﺍﺳﺘﺄﺫﻧﺖ ﻣﻨﻬﻢ : ﺧﺎﺻﻨﻲ ﻧﻮﺽ ﺩﺍﺑﺎ ﻛﻮﻟﻮ ﻓﺮﺍﺣﺘﻜﻢ ﻋﻨﺪﻱ ﺷﻲ ﻏﺮﺽ ﻗﺮﻳﺐ ﻣﻦ ﻫﻨﺎ
ﺣﺴﺎﻡ : ﺑﻼﺗﻲ ﻧﻮﺻﻠﻚ
ﺃﻧﺎ : ﻻ ﺧﺎﺻﻨﻲ ﻧﻘﻀﻴﻪ ﺑﻮﺣﺪﻱ يلاه خليت ليكم الراحة ﺑﺼﺤﺘﻜﻢ ﻧﺘﺸﺎﻭﻓﻮ ﻏﻤﺰﺕ ﻫﻨﺪ ﻓﻐﻔﻠﺔ ﻣﻦ ﺣﺴﺎﻡ ﻭﻓﻬﻤﺎﺗﻨﻲ ﺷﻨﻮ ﺑﻐﻴﺖ ﻧﺪﻳﺮ
ﺧﻠﻴﺘﻬﻢ ﻭﻣﺸﻴﺖ ﺧﺪﻳﺖ ﻃﺎﻛﺴﻲ ﻭﻧﻴﺸﺎﻥ ﻟﻠﻜﻠﻴﻨﻴﻚ...
حلقة 13
ﻟﻘﻴﺖ ﺳﻌﻴﺪ ﺍﻟﺸﻴﻔﻮﺭ ﻗﺪﺍﻡ ﺍﻟﻜﻠﻴﻨﻴﻚ ﻃﻠﺒﺘﻮ ﻳﺠﻴﺐ ﻟﻴﺎ ﻃﻮﻣﻮﺑﻴﻠﺘﻲ ﻣﻦ ﻗﺪﺍﻡ ﺷﺮﻛﺔ ﻋﻤﻲ ﻛﻤﺎﻝ ﻭﺩﺧﻠﺖ ﻋﻨﺪ ﺑﺎﺑﺎ ﻣﻜﻨﺘﺶ ﻧﺎﻭﻳﺔ ﻧﻘﻮﻟﻴﻪ ﻭﺍﻟﻮ ﺣﺘﻰ ﻧﺘﻼﻗﻰ ﻣﻊ ﺍﻟﺴﻴﺪ ﻭﻧﺸﻮﻑ
ﺩﺧﻠﺖ ﻟﻘﻴﺖ ﻣﻌﺎﻩ ﻣﺎﻣﺎ ﺗﺘﺸﺮﺑﻮ ﺍﻟﺼﻮﺑﺔ ﻓﺮﺣﺖ ﺑﺰﺍﻑ ﺣﻴﺖ ﺷﻔﺘﻮ ﺭﺟﻊ ﻳﺎﻛﻞ ﻭﺧﺼﻮﺻﺎ وجهو ﺭﺟﻊ ﻟﻴﻪ ﺍﻟﻀﻴﺎﺀ ﺩﻳﺎﻟﻮﻭ
ﻏﻴﺮ ﺷﺎﻓﻨﻲ ﺍﺑﺘﺎﺳﻢ ﺩﻳﻚ ﺍﻻﺑﺘﺴﺎﻣﺔ ﻟﻲ ﺗﺘﺮﺟﻊ ﻟﻴﺎ ﺍﻟﺮﻭﺡ
ﺑﺴﺘﻮ ﻭﻋﻨﻘﺘﻮ : ﺣﺒﻴﺐ ﺩﻳﺎﻟﻲ ﻭﻟﻴﺘﻲ ﻟﺒﺎﺱ؟
ﺑﺎﺑﺎ : ﺍﻟﺤﻤﺪ ﻟﻠﻪ ﺍﺑﻨﺘﻲ ﻓﺎﺵ ﺗﻨﺸﻮﻓﻚ ﻧﺘﻲ ﺑﻴﺨﻴﺮ ﻭﻓﺮﺣﺎﻧﺔ ﺗﺘﺮﺟﻊ ﻟﻴﺎ ﺻﺤﺘﻲ ﻭﻋﺎﻓﻴﺘﻲ
ﻋﺎﻭﺩﺕ ﻋﻨﻘﺘﻮ ﺑﺴﺖ ﻣﺎﻣﺎ ﻟﻲ ﻧﺴﻴﺘﻬﺎ ﻣﺴﻜﻴﻨﺔ ﻫﺎﺩ ﺍﻻﻳﺎﻡ : ﻣﺎﻣﺎ ﺣﺒﻴﺒﺔ ﻛﻴﻒ ﺻﺒﺤﺘﻲ؟
ﻣﺎﻣﺎ ﺑﺼﻮﺕ ﻋﻴﺎﻥ : ﺍﻟﺤﻤﺪ ﻟﻠﻪ ﺍﺑﻨﺘﻲ ﻣﻨﻴﻦ ﺭﺟﻊ ﻟﻴﻨﺎ ﺑﺎﺑﺎﻙ ﻫﺪﻳﻚ ﻫﻲ ﺍﻟﺪﻧﻴﺎ ﻭﻣﺎ ﻓﻴﻬﺎ وﺷﺪﺍﺕ ﻟﻴﻪ ﻓﻴﺪﻳﻪ
ﻛﺎﻥ ﻭﺍﺣﺪ ﺍﻟﺤﺐ ﺑﻴﻨﺎﺗﻬﻢ ﻛﺒﻴﺮ ﻭﻋﻈﻴﻢ ﻛﻨﺖ ﺗﻨﺤﺴﺪﻫﻢ ﻭ كانتمنى ﺷﻲ ﻧﻬﺎﺭ ﻧﻠﻘﻰ ﺷﻲ ﻭﺍﺣﺪ ﻳﺒﻐﻴﻨﻲ ﻭﻧﺒﻐﻴﻪ ﺑﺤﺎﻟﻬﻢ ﻛﻴﻒ ﻣﺎ ﻋﺎﻭﺩﺍﺕ ﻟﻴﺎ ﻣﺎﻣﺎ أﻧﻬﻢ ﺗﺰﻭﺟﻮﺍ ﻓﻈﺮﻭﻑ ﺻﻌﻴﺒﺔ ﻣﺎﻣﺎ ﻟﻲ ﻛﺎﻧﺖ ﻓﻈﺮﻭﻑ ﻣﺘﻮﺳﻄﺔ ﻭﺑﺎﺑﺎ ﻟﻲ ﻛﺎﻥ ﻭﻟﺪ ﺍﻟﺤﺎﺝ ﺍﻟﺒﻨﺎﻧﻲ ﺍﻟﻜﺒﻴﺮ ﻟﻲ ﻛﺎﻥ ﻣﺘﺴﻠﻂ ﻟﺪﺭﺟﺔ ﻛﺒﻴﺮﺓ (ﺍﻟﻠﻪ ﻳﺮﺣﻤﻮ) ﻛﺎﻥ ﻃﺎﻏﻴﺔ ﺑﻤﻌﻨﻰ ﺍﻟﻜﻠﻤﺔ ﺭﻓﺾ ﺯﻭﺍﺟﻬﻢ ﻭﻫﺪﺩ ﺑﺎﺑﺎ أنه ﻳﺤﺮﻣﻮ ﻣﻦ الإرث ﻟﻜﻦ ﺑﺎﺑﺎ ﻭﺍﺟﻬﻮ ﻭﻗﺎليه ﻣﺎﺑﻐﺎ ﻣﻨﻮ ﻭﺍﻟﻮ ﻣﻨﻴﻦ ﻳﺄﺱ ﻣﻦ ﺑﺎﺑﺎ
مشى ﺟﺪﻱ هدد ﺑﺎﺑﺎﺕ ﻣﺎﻣﺎ و صايفط ليه ﺭﺟﺎل ديالو ﻫﺪﺩﻭﻩ ﻭﺑﻔﻀﻞ ﺳﻠﻄﺘو ﺟﺮﺍﻭ ﻋﻠﻴﻪ ﻣﻦ ﺧﺪﻣﺘو ﻭﻭﻗﻒ ﻗﺪﺍﻡ ﺭﺯﻗو ﺣﺘﻰ ﻣﺎﺕ ﻣﺴﻜﻴﻦ ﺑﺤﺴﺮتو
ماكتاﺏ ﻟﻴﻬﻢ ﺍﻟﺰﻭﺍﺝ ﺣﺘﻰ ﻣﺎﺕ ﺟﺪﻱ ﺑﺤﺎﺩﺙ ﺳﻴﺮ ﻓﻀﻴﻊ ﻛﺄﻥ ﺍﻟﻤﺸﻴﺌﺔ ﺍﻻﻟﻬﻴﺔ ﺷﺎﺀﺕ ﺑﺎﺵ ﻳﻜﻮﻧﻮ ﻟﺒﻌﻀﻬﻢ
بقيت ﻏﺎﺭﻗﺔ ﻓﺄﻓﻜﺎﺭﻱ حتى ﻓﻴﻘﻨﻲ تيلي بدا يصوني ﺧﺮجت برا ﺑﺎﺵ ﻣﻨﺒﺮﺯﻃﺶ ﺑﺎﺑﺎ ﻛﺎﻧﺖ ﺳﺎﺭﺓ ﺑﻨﺖ ﻋﻤﻲ ﻛﻤﺎﻝ ﻟﻲ ﺳﻤﻌﺎﺕ ﺑﺎﺑﺎ ﻭﻋﻴﻄﺎﺕ ﻣﺨﻠﻮﻋﺔ ﺗﻄﻤﻦ ﻋﻠﻴﻪ ﻃﻤﻨﺘﻬﺎ ﻭﻗﺎﻟﺖ ﻟﻲ ﺑﺄﻧﻬﺎ ﻗﺮﻳﺒﺔ ﺗﺪﺧﻞ ﻟﻠﻤﻐﺮﺏ
ﺳﺎرﺓ ﺑﻨﺖ ﺯﻭﻳﻨﺔ ﻛﺒﺮ ﻣﻨﻲ ﺏ 4 ﺳﻨﻴﻦ ﻛﺎﻧﺖ ﺑﺤﺎﻝ ﺍﺧﺘﻲ ﺗﺮﺑﻴﻨﺎ ﻛﺎﻣﻠﻴﻦ ﺗﺰﻭﺟﺎﺕ ﻋﻦ ﺣﺐ ﺑﻮﺍﺣﺪ ﺍﻟﺸﺎﺏ غني ﻋﻨﺪﻭ ﻣﺸﺎﺭﻳﻊ ﻓﺒﺮا ﻭﺩﺍﺑﺎ ﺭﺍﻫﻢ ﻣﺴﺘﻘﺮﻳﻦ ﻓﺎﻟﻮﻻﻳﺎﺕ ﺍﻟﻤﺘﺤﺪﺓ
ﺩﺧﻠﺖ ﻋﻨﺪ ﺑﺎﺑﺎ
ﻣﺎﻣﺎ : ﺑﻨﺘﻲ ﺍﺟﻲ ﺍﺭﺗﺎﺣﻲ و هي ﺗﺘﻬﻀﺮ ﺑﺼﻮﺕ ﻋﻴﺎﻥ ﻣﺴﻜﻴﻨﺔ ﻣﻨﻴﻦ ﻣﺮﺽ ﺑﺎﺑﺎ ﻣﺮﺗﺎﺣﺘﺶ
ﺍﻧﺎ : ﻣﺎﻣﺎ ﺳﻴﺮﻱ ﺍﺣﺒﻴﺒﺔ ﻟﻠﺪﺍﺭ ﺗﺮﺗﺎﺣﻲ ﺭﺍﻙ ﻋﻴﻴﺘﻲ ﻫﺎ ﺍﻧﺎ ﻣﻊ ﺑﺎﺑﺎ
ﺑﺎﺑﺎ : ﻋﻨﺪﻫﺎ ﺍﻟﺼﺢ ﺳﻴﺮﻱ ﺭﺗﺎﺣﻲ ﺑﺼﻌﻮﺑﺔ ﻗﻨﻌﻨﺎﻫﺎ ﺗﻤﺸﻲ
ﻣﺎﻣﺎ : ﺭﺩﻱ ﺃﺑﻨﺘﻲ ﻟﺒﺎﻙ ﺍﻟﺒﺎﻝ ﺃﻱ ﺣﺎﺟﺔ ﺍﺗﺼﻠﻲ ﺑﻲ ﺍﻟﻠﻴﻞ ﺍﻧﺎ ﻫﻨﺎ ﺩﺍﺭﺕ ﻋﻨﺪ ﺑﺎﺑﺎ : ﺧﻠﻴﺖ ﻟﻴﻚ ﺭﺍﺣﺔ ﺍﻟﻠﻪ ﻫﺎﺩ ﺍلساعة ﻭﺑﺎﺳﺘﻮ ﻓﺮﺍﺳﻮ و مشات
ﺑﻘﻴﺖ ﻣﻊ ﺑﺎﺑﺎ ﺣﺎﻭﻟﺖ ﻧﺒﻌﺪﻭﻭ ﻋﻠﻰ ﺃﻱ ﺗﻮﺗﺮ ﺟﺒﺖ واحد الكتاب ﺑﻘﻴﺖ ﻧﻘﺮﺍﻩ ﻟﻴﻪ ﺣﺘﻰ ﺩﺍﻩ ﺍﻟﻨﻌﺎﺱ ﺧﺮﺟﺖ ﺑﺮا ﻧﺨﻠﻴﻪ ﻳﺮﺗﺎﺡ ﺣﺘﻰ ﺟﺎﺕ ﻫﻨﺪ ﺑﻘﻴﺖ ﺍﻧﺎ ﺗﻨﻀﺤﻚ ﻭﻫﻲ ﺗﺘﺨﻨﺰﺭ : ﺩﺭﺗﻴﻬﺎ ﺑﻠﻌﺎﻧﻲ ﺃ ﺻﻔﺮﺓ؟
ﺑﻘﻴﺖ ﻧﻀﺤﻚ : ﻳﺎﻙ ﺩﺍﻛﺸﻲ ﻟﻲ بغيتي ﺧﻠﻴﺘﻚ ﻣﻊ ﻣﺤﺒﻮﺏ ﺍﻟﻘﻠﺐ
ﻫﻨﺪ : ﺃﻭﺩﻱ ﺍﺷﻤﻦ ﻣﺤﺒﻮﺏ ﻫﻮ ﻣﻨﻴﻦ ﻳﺠﻠﺲ ﻭﻫﻮ ﻳﻬﻀﺮ ليا غي ﻋﻠﻰ ﺍﻟﺨﺪﻣﺔ ﻳﺎ ﻋﻠﻰ ﺍﻟﻜﻮﺭﺓ ﻭﺍﻧﺎ ﺩﺍﻳﺮﺓ ﻓﻴﻬﺎ ميسي ﺯﻋﻤﺎ ﺗﻨﻔﻬﻢ ههه ﻭﺍﻧﺎ مكانقشبل ﻭﺍﻟﻮ ﻓﺎﻟﻜﺮﺓ ﺑﻘﻴﺖ ﻧﻀﺤﻚ ﻋﻠﻴﻬﺎ : ﻻ ﺯﻋﻤﺎ ﻧﺘﻲ ﻣﻄﻔﺮﺍﻩ
إﻳﻮﺍ أصاحبتي ﺑﺪﺍﻱ ﻧﺘﻲ ﺣﺎﻭﻟﻲ ﺗﻘﺮﺑﻲ ﻣﻨﻮ ﺗﺤﻠﻮﻧﻲ ﺷﻮﻳﺔ كوني بحال هيفاء وهبي في التحلوين
ﻫﻨﺪ : مزﻳﻨﺎﺗﻮ ﻭﺍﻟﻠﻪ ﺍﻟﻰ ﻛﺎﻧﺖ ﻟﻴﻪ ﺩﺍﺑﺎ ﺧﻠﻴﻨﺎ ﻣﻨﻮ ﺷﻨﻮ ﺩﺭﺗﻲ ﻓﺤﺮﻳﺮﺗﻚ
ﺟﻴﺖ ﻧﺠﺎﻭﺑﻬﺎ حتى ﺻﻮﻧﺎ ليا التيلي و كانت ديك النمرة غريبة عليا معرفتهاش يمكن كايبان هاذا هو ذاك الشخص الغامض مول الصفقة...
ﺍﻟﺤﻠﻘﺔ 14
ﺟﻴﺖ ﻧﺠﺎﻭﺑﻬﺎ ﺣﺘﻰ ﺻﻮﻧﺎ ﻟﻴﺎ ﺍﻟﺘﻴﻠﻲ ﻭ ﻛﺎﻧﺖ ﺩﻳﻚ ﺍﻟﻨﻤﺮﺓ ﻏﺮﻳﺒﺔ ﻋﻠﻴﺎ ﻣﻌﺮﻓﺘﻬﺎﺵ ﻳﻤﻜﻦ ﻛﺎﻳﺒﺎﻥ ﻫﺎﺫﺍ ﻫﻮ ﺫﺍﻙ ﺍﻟﺸﺨﺺ ﺍﻟﻐﺎﻣﺾ ﻣﻮﻝ ﺍﻟﺼﻔﻘﺔ
ﺃﻧﺎ : ﺃﻟﻮ ﺷﻜﻮﻥ ﻣﻌﺎﻳﺎ؟
ﺍﻟﺸﺨﺺ : ﺃﻟﻮ ﺃﻧﺴﺔ ﻳﺎﺳﻤﻴﻦ ﺑﻨﺎﻧﻲ ﻫﺎﺩﻱ؟؟
ﺃﻧﺎ : ﻭﻱ ﻫﻲ ﺷﻜﻮﻥ ﻣﻌﺎﻳﺎ؟
ﺍﻟﺸﺨﺺ : ﻣﺘﺸﺮﻓﻴﻦ ﺍﻧﺎ ﺍﻟﻤﺤﺎﻣﻲ ﺃﺣﻤﺪ ﺍﻟﻌﻠﻮﻱ ﺍﺗﺼﻠﺖ ﺑﻴﻚ ﺑﺨﺼﻮﺹ ﺍﻟﺼﻔﻘﺔ ﺍﻟﻰ ﻛﺎﻥ ﻳﻨﺎﺳﺒﻚ ﻧﻘﺪﺭ ﻧﺸﻮﻓﻚ ﻏﺪﺍ ﻣﻊ ﻫﺎﺩﻳﻚ 4
ﺃﻧﺎ : ﺍﻭﻛﻲ ﻣﺮﺣﺒﺎ ﻣﻤﻜﻦ ﺗﻌﻄﻴﻨﻲ ﺍﻟﻌﻨﻮﺍﻥ
ﺍﻟﺸﺨﺺ : ﺃﻭﻛﻲ ﻫﻲ ﺍﻟﻠﻮﻟﺔ ﻫﺎﻧﻲ ﻏﺎﺩﻱ ﻧﺼﺎﻳﻔﻄﻮ ﻟﻴﻚ ﺩﺍﺑﺎ ﻓﻲ ﻣﻴﺴﺎﺝ ﻳﻼﻩ ﺧﻠﻴﺖ ﻟﻴﻚ ﺍﻟﺮﺍﺣﺔ ﺗﻬﻼﻱ ﻟﻴﺎ ﻓﻲ ﺭﺍﺳﻚ ﻧﺘﺸﺎﻭﻓﻮ
ﻗﻄﻌﺖ ﻭﺑﻘﻴﺖ ﻣﺼﺪﻭﻣﺔ ﻣﻦ ﻫﻮﻝ ﺍﻟﺪﻫﺸﺔ ﻭ ﻫﻨﺪ ﻛﺎﺗﻬﻀﺮ ﻣﻌﺎﻳﺎ ﻭ ﺗﻨﻐﺰ ﻓﻴﺎ ﻣﺎﻟﻜﻲ ﺷﻨﺎﻭ ﻛﺎﻳﻦ ﻭ ﺍﻧﺎ ﻭﺍﻟﻮ ﺧﺎﺭﺝ ﺗﻐﻄﻴﺔ ﻏﻲ ﻛﺎﻧﻔﻜﺮ ﻓﻲ ﺩﺍﻛﺸﻲ
ﻫﻨﺪ : ﻳﺎﺳﻤﻴﻦ ﻭ ﻳﺎﺳﻤﻴﻦ ﺑﺴﻢ ﺍﻟﻠﻪ ﻋﻠﻴﻚ ﺭﺟﻮﻉ ﺍﻟﻠﻪ فين ﺳﺮﺣﺘﻲ ﺷﻜﻮﻥ ﻟﻲ ﻋﻴﻂ ﻟﻴﻚ؟
ﺃﻧﺎ : ﻋﻴﻂ ﻟﻴﺎ ﺍﻟﻤﺤﺎﻣﻲ
ﻫﻨﺪ : ﺁﻩ ﻣﺰﻳﺎﻥ ﺇﻭﻯ ﻣﺎﻗﻠﺘﻴﺶ ﻟﻴﺎ ﻭﺍﺵ ﻭﺍﻓﻘﺘﻲ ﻋﻠﻰ ﺍﻟﺼﻔﻘﺔ؟
ﺃﻧﺎ : ﻭﻱ ﻭﺍﻓﻘﺖ ﻫﻨﺪ ﻋﺎﻓﺎﻙ ﻣﺘﺒﺪﺍﻳﺶ ﺛﺎﻧﻲ ﺗﻤﺮﺿﻲ ﻓﻴﺎ ﻟﻲ ﻓﻴﺎ ﻳﻜﻔﻴﻨﻲ ﺑﻼ ﻣﻮﺍﻋﻆ ﻫﻀﺮﺗﻚ ﻣﻐﺎﺩﻱ ﺗﻐﻴﺮ ﻭﺍﻟﻮ
ﻫﻨﺪ ﺻﺮﻃﺎﺕ ﻫﻀﺮﺗﻬﺎ ﻭﺧﻼﺗﻨﻲ ﻭﺩﺧﻼﺕ ﺗﺸﻮﻑ ﺑﺎﺑﺎ
ﺑﻘﻴﺖ ﺍﻧﺎ ﺗﻨﻔﻜﺮ ﻭﻋﻘﻠﻲ ﻣﺸﻠﻞ ﺑﺎﻧﺖ ﻟﻴﺎ ﺍﻻﻣﻮﺭ ﻭﺍﻻﺣﺪﺍﺙ ﺗﺘﺴﺎﺭﻉ ﻭﺍﻧﺎ ﻣﻌﺎﺭﻓﺎﺵ ﺷﻨﻮ ﻣﺨﺒﻲ ﻟﻴﺎ ﺍﻟﻘﺪﺭ
ﻗﺮﺭﺕ ﻏﻴﺮ ﻧﻤﺸﻲ ﻟﻠﺪﺍﺭ ﻧﺼﻠﻲ ﺻﻼﺓ ﺍﻹﺳﺘﺨﺎﺭﺓ ﻭﻧﻄﻠﺐ ﺭﺑﻲ ﻳﻌﺎﻭﻧﻲ ﻭﻳﻨﻮﺭ ﺩﺭﺑﻲ
ﺩﺧﻠﺖ ﻋﻨﺪ ﺑﺎﺑﺎ ﻟﻘﻴﺖ ﻫﻨﺪ ﻛﻴﻒ ﺍﻟﻌﺎﺩﺓ ﺗﺘﻌﺎﻭﺩ ﻟﻴﻪ ﻭﻫﻮ ﻛﺎﻳﻀﺤﻚ ﺗﺘﻌﺎﻭﺩ ﻟﻴﻪ ﻋﻠﻰ ﻭﺍﺣﺪ ﺍﻟﻤﺮﺓ ﺟﺎﺕ ﺗﻮﻟﺪ ﺭﺍﻳﺸﺎﺕ ﺭﺍﺟﻠﻬﺎ ﻭ ﻋﻀﺎﺗﻮ ﻭﺑﺎﺑﺎ ﺗﻴﻀﺤﻚ ﺩﻳﻚ ﺍﻟﻀﺤﻜﺔ ﺍﻟﺼﺎﻓﻴﺔ ﺩﻳﺎﻝ ﺍﻟﻘﻠﺐ ﻳﺎﺭﺑﻲ ﺗﺨﻠﻴﻪ ﻟﻴﺎ ﻭﻣﺘﺤﺮﻣﻨﻴﺶ ﻣﻦ ﺿﺤﻜﺘﻮ ﻳﺎﺭﺑﻲ
ﺑﻘﻴﻨﺎ ﻣﺠﻤﻌﻴﻦ ﻣﻌﺎﻩ ﻭﻧﻀﺤﻜﻮ ﺣﺘﻰ ﺟﺎﺕ ﻣﺎﻣﺎ ﻣﺸﻴﻨﺎ ﻟﻠﺪﺍﺭ ﻭﺧﻠﻴﻨﺎﻫﺎ ﻣﻌﺎﻩ
ﻫﻨﺪ : ﺷﻮﻓﻲ ﺃ ﺣﺒﻴﺒﺔ ﺍﻧﺎ ﻣﻨﻘﺪﺭﺵ ﻧﻠﻮﻣﻚ ﺣﻴﺖ ﻛﻮﻥ ﻛﻨﺖ ﻓﻲ ﺑﻼﺻﺘﻚ ﻧﺪﻳﺮ ﻛﺘﺮ ﻣﻦ ﻫﺎﻛﺎ ﻫﺪﺍﻙ ﺑﺎﻙ ﻭﻳﺴﺘﺤﻖ ﺍﻟﺘﻀﺤﻴﺔ
ﻋﻨﻘﺘﻬﺎ ﻭﺑﺪﻳﺖ ﻧﺒﻜﻲ
ﻫﻨﺪ : ﺍﻥ ﺷﺎﺀ ﺍﻟﻠﻪ ﺭﺑﻲ ﻳﺴﻬﻞ ﻋﻠﻴﻚ ﻭﻫﺎﺩﺷﻲ ﻛﺎﻣﻞ ﻳﻜﻮﻥ ﻣﻦ ﺍﻟﺨﻴﺮ
ﻃﻠﻌﺖ ﻟﺒﻴﺘﻲ ﺩﻭﺷﺖ ﻭﻧﻌﺴﺖ ﻭ ﺑﺪﻳﺖ ﻧﺤﻠﻢ ﺛﺎﻧﻲ ﺣﻠﻤﺖ ﺑﺮﺍﺳﻲ ﻓﻲ ﺑﻴﺖ ﻣﻈﻠﻢ ﻭ ﻛﺎﻧﺒﻜﻲ ﻭﻧﻐﻮﺕ ﻭ ﺃﻧﺎ ﺷﺤﻔﺎﻧﺔ ﻭ ﻓﻴﺎ ﺍﻟﻌﻄﺶ ﺟﺎﺕ ﻭﺍﺣﺪ ﺍﻟﻤﺮﺓ ﻛﺒﻴﺮﺓ ﻓﻲ ﺍﻟﺴﻦ ﺑﻜﺮﺳﻲ ﻣﺘﺤﺮﻙ ﻭﺑﺪﺍﺕ ﻛﺎﺩﻭﺯ ﻳﺪﻫﺎ ﻋﻠﻰ ﺭﺍﺳﻲ ﻋﻄﺎﺗﻨﻲ ﻧﺸﺮﺏ ﻭ ﻣﺸﺎﺕ ﺑﺪﻳﺖ ﻛﺎﻧﻐﻮﺕ ﻭ ﻧﻐﻮﺕ ﺣﺘﻰ ﺩﺍﺭﺑﺎﺗﻨﻲ ﺍﻟﻔﻴﻘﺔ ﻟﻘﻴﺖ ﺭﺍﺳﻲ ﻓﺒﻴﺘﻲ ﺷﺤﻔﺎﻧﺔ ﻭ ﻋﺮﮔﺎﻧﺔ ﻭﻛﻠﻲ ﻛﺎﻧﺘﺮﻋﺪ ﺗﺨﻠﻌﺖ ﻭ ﺗﺰﻋﺰﻋﺖ ﻣﻲ ﺍﻟﺤﻤﺪ ﻟﻠﻪ ﻛﺎﻥ ﻏﻴﺮ ﺣﻠﻢ ﺳﻤﻌﺖ ﺍﻟﻔﺠﺮ ﻛﺎﻳﺄﺫﻥ ﻧﻀﺖ ﺗﻮﺿﻴﺖ ﻭﺻﻠﻴﺖ ﻭﺭﺟﻌﺖ ﻧﻌﺴﺖ ﺑﻌﺪ ﻣﺸﻘﺔ ﺍﻻﻧﻔﺲ
ﻭﺻﻠﻨﻲ ﻣﻴﺴﺎﺝ ﻓﻲ ﺍﻟﺘﻴﻠﻲ ﻫﺰﻳﺘﻮ ﻟﻘﻴﺖ ﻫﻨﺪ : ﺣﺒﻴﺒﺔ ﻓﻴﻘﻲ ﺭﺍﻩ 3 ﻫﺎﺩﻱ ﺭﻭﻧﺪﻳﻔﻮ ﺩﻳﺎﻟﻚ ﻗﺮﺏ
ﻗﻔﺰﺕ ﺑﺰﺭﺑﺔ مضت ﻧﺠﺮي ﺃﻭﺍﻩ ﺃﻧﺎ ﻧﻌﺴﺖ ﻫﺎﺩ ﺍﻟﻨﻌﺴﺔ ﻛﺎﻣﻠﺔ ﺑﻼ ﻣﻨﺤﺲ ﻣﺸﻴﺖ ﺩﻭﺷﺖ ﻟﺒﺴﺖ ﻭ ﺗﻘﺎﺩﻳﺖ ﻭﻫﺒﻄﺖ ﺷﺮﺑﺖ ﻛﺎﺱ ﻗﻬﻮﺓ ﻛﺤﻠﺔ ﻛﺎﻥ ﺭﺍﺳﻲ ﻛﺎﻳﺤﺮﻗﻨﻲ ﺩﻳﻤﺎﺭﻳﺖ ﻟﻄﻮﻣﻮﺑﻴﻠﺘﻲ ﻭ ﻣﺸﻴﺖ ﻟﻠﻌﻨﻮﺍﻥ ﺩﻳﺎﻝ ﺍﻟﻤﺤﺎﻣﻲ
ﻓﺎﺵ ﻭﺻﻠﺖ ﻟﻠﻌﻨﻮﺍﻥ ﻟﻲ ﻋﻄﺎﻧﻲ ﺩﺧﻠﺖ ﻭ ﺑﺪﻳﺖ ﻃﺎﻟﻌﺎ ﻓﺎﻟﺴﺎﻧﺴﻮﺭ ﻭ ﻗﻠﺒﻲ بدا ﻛﺎﻳﻀﺮﺏ ﻭ ﺭﻛﺎﺑﻴﺎ ﺧﻮﺍﻭ ﻋﻠﻴﺎ ﻧﺎﺭﻱ ﺃﻣﻴﻤﺘﻲ ﺃﺵ ﻫﺎﺩﺷﻲ ﻭ ﺃش ﺟﺎﺑﻨﻲ أنا أصلا ﻫﻨﺎ ....
الحلقة 15
ﻓﺎﺵ ﻭﺻﻠﺖ ﻟﻠﻌﻨﻮﺍﻥ ﻟﻲ ﻋﻄﺎﻧﻲ ﺩﺧﻠﺖ ﻭ ﺑﺪﻳﺖ ﻃﺎﻟﻌﺎ ﻓﺎﻟﺴﺎﻧﺴﻮﺭ ﻭ ﻗﻠﺒﻲ ﺑﺪﺍ ﻛﺎﻳﻀﺮﺏ ﻭ ﺭﻛﺎﺑﻴﺎ ﺧﻮﺍﻭ ﻋﻠﻴﺎ ﻧﺎﺭﻱ ﺃﻣﻴﻤﺘﻲ ﺃﺵ ﻫﺎﺩﺷﻲ ﻭ ﺃﺵ ﺟﺎﺑﻨﻲ ﺃﻧﺎ ﺃﺻﻼ ﻫﻨﺎ
المهم توكلت على الله و ﺩﺧﻠﺖ ﻛﺎﻥ ﻣﻜﺘﺐ ﻓﺨﻢ ﻭﺭﺍﻗﻲ ﺍﺳﺘﻘﺒﻼتني واحد ﺳﻜﺮتيرة غزالة
سكرتيرة : ﻣﺮﺣﺒﺎ ﻻﻟﺔ ﺷﻨﻮ ﺣﺐ ﺍﻟﺨﺎﻃﺮ؟
ﺃﻧﺎ : ﻗﻮﻟﻲ ﻟﺴﻲ ﺍﻟﻌﻠﻮﻱ ﺍﻻﻧﺴﺔ ﺑﻨﺎﻧﻲ ﻫﻨﺎ
سكرتيرﺓ : أوكي اللالة تفضلي دخلي عندو راه في انتظارك
ﺩﺧﻠﺖ ﻋﻨﺪﻭ ﻛﺎﻥ ﺭﺍﺟﻞ ﻓﺎﻟﺨﻤﺴﻴﻨﺎﺕ ﺷﺎﻓﻨﻲ ﻭﻗﻒ
ﺍﻟﻤﺤﺎﻣﻲ : ﻣﺮﺣﺒﺎ بيك ﺃﻧﺴﺔ ياسمين نورتينا ﺗﻔﻀﻠﻲ گلسي
ﺃﻧﺎ : ﺷﻜﺮﺍ ﺑﻼ ﺷﻚ ﻋﺎﺭﻓﻨﻲ ﻻﺵ ﺟﻴﺖ هنا حيث ﺍﻧﺎ ﻫﺎﺩ ﺍﻟﺼﻔﻘﺔ ﻣﺰﺍﻝ ﻣﻔﺎﻫﻤﺎﻫﺎﺵ مزيان
اﻟﻤﺤﺎﻣﻲ : ﺳﻬﻠﺘﻲ ﻋﻠﻴﺎ ﺍﻻﻣﺮ ﻣﻨﻴﻦ ﺩﺧﻠﺘﻲ ﻟﻴﺎ ﻓﺎﻟﻤﻮﺿﻮﻭﻉ ﺑﺪﻭﻥ ﻣﻘﺪﻣﺎﺕ اﻟﻤﻬﻢ ﻏﺎﺩي ﻧﺸﺮﺡ ﻟﻴﻚ ﻛﻠﺸﻲ ﻭﺩﻳﻚ ﺍﻟﺴﺎﻋﺔ ﻋﻄﻴﻨﻲ ﻗﺮﺍﺭﻙ ﺍﻟﻨﻬﺎﺋﻲ
ﺃﻧﺎ : أوكي صافي ﺩﺍﻛﺸﻲ ﻟﻲ ﺑﻐﻴﺖ
اﻟﻤﺤﺎﻣﻲ : ﺍﻟﻤﻮﻛﻞ ﺩﻳﺎﻟﻲ ﺳﻲ ﻳﻮﺳﻒ ﻋﻨﺪﻭ ﻧﻔﺲ ﺃﺳﻤﻚ ﺍﻟﻌﺎﺋﻠﻲ ﺳﻲ ﻳﻮﺳﻒ ﺑﻨﺎﻧﻲ
ﺍﻧﺎ : أوكي متشرفة بيه و ﻣﺎﺷﻲ مشكل في الكنية بحال بحال زيد كمل ﻣﺎﻟﻮ؟؟
ﺍﻟﻤﺤﺎﻣﻲ : ﺳﻲ ﺍﻟﺒﻨﺎﻧﻲ ﺍﺗﺼﻞ ﺑﻴﺎ ﻭﻃﻠﺐ ﻣﻨﻲ ﻧﻌﺮﺽ ﻋﻠﻴﻚ ﻫﺎﺩ ﺍﻟﺼﻔﻘﺔ ﻭﻫﺎ ﺍﻧﺎ ﻏﺎﺩﻱ ﻧﻌﺮﺽ ﻋﻠﻴﻚ ﺑﺎﻟﺘﻔﺼﻴﻞ ﺷﻨﻮ ﺑﻐﺎ ﺳﻲ ﺑﻨﺎﻧﻲ هاد ﺳﻲ ﺑﻨﺎﻧﻲ ﻋﺎﺩ ﺟﺎ ﻣﻦ ﺍﻣﺮﻳﻜﺎ ﻣﺸﺎﺭﻳﻌﻮ ﻛﻠﻬﺎ ﺗﻤﺎ ﺟﺎ ﻏﺎﺩﻱ ﻳﺴﺘﻘﺮ ﻫﻨﺎ ﻟﻤﺪﺓ ﺧﻤﺲ ﺳﻨﻴﻦ ﻭﺍﻟﺴﺒﺐ ﻣﻌﺮﻓﺘﻮﺵ ﺍﻟﻤﻬﻢ ﻓﺎﺵ ﻋﺮﻑ ﺃﺯﻣﺔ ﺩﻳﺎﻟﻜﻢ ﻫﻮ ﻋﺮﺽ عليك تزوجي بيه ﻭﺗﺨﺪﻣﻲ ﻋﻨﺪﻭ ﻣﺪﺓ ﺧﻤﺲ ﺳﻨﻴﻦ ﻭﻓﺎﻟﻤﻘﺎﺑﻞ...
أنا : قاطعتو و ﻳﺎﻙ ﻗﻠﺘﻲ ﻫﻮ ﻣﺸﺎﺭﻳﻌﻮ ﻛﻠﻬﺎ ﻓﻤﻴﺮﻳﻜﺎﻥ ﺷﻨﻮ ﻏﺎﺩﻱ ﻧﺨﺪﻡ ﻋﻨﺪو؟
ﺍﻟﻤﺤﺎﻣﻲ : ﺍﻧﺎ ﻟﻲ ﻋﺎﺭﻑ ﻫﻮ هادشي لي كانعاود ليك دابا ﺍﻣﺎ ﺷﻲ ﺣﺎﺟﺔ أﺧﺮﻯ ﺳﻲ ﻳﻮﺳﻒ ﻳﺸﺮﺣﻬﺎ ﻟﻴﻚ من بعد و الله ماعرفت ﺷﻨﻮ ﻏﺎﺩا ﺗﺨﺪﻣﻲ معاه المهم ﻧﻜﻤﻞ ﻟﻴﻚ ﻏﺎﺩا ﺗﺰﻭجي بيه ﻭﺗﻤﺸﻲ ﺗﺴﻜﻨﻲ ﻣﻌﺎﻩ ﻓﻮﺍﺣﺪ ﺍﻟﻔﻴﺮﻣﺔ ﺩﻳﺎﻟﻮ ﺷﺮﺍﻫﺎ ﺑﻌﻴﺪﺓ على هنا ﻛﺎﻳﻨﺔ في اﻟﺮﻳﻒ ﻫﻮ كايشرط ﻋﻠﻴﻚ ﻣﺘﺨﺮﺟﻴﺶ ﺍﻻ بالإذن ﺩﻳﺎﻟﻮ ﻭ ﺍﻟﻰ ﻓﻜﺮﺗﻲ ﺗﻄﻠﻘﻲ ﺍﻭ ﺷﻲ ﺣﺎﺟﺔ ﻏﺎﺩﻱ ﻳﺎﺧﺪ ﻛﻠﺸﻲ ﻣﻦ ﺑﺎﺑﺎﻙ و ﻋﺎﻭﺗﺎﻧﻲ ﻫﺎﺩﺷﻲ ﻏﺎﺩا ﺗﻮﻗﻌﻲ ﻋﻠﻴﻪ ﻭ ﻏﻴﺮ ﺗﺪﻭﺯ ﺍﻟﻤﺪﺓ ﻛﻞ ﻭﺍﺣﺪ ﻳﺸﺪ ﻃﺮﻳﻘﻮﻭ ﻭﺗﺤﺘﺎﻓﻀﻲ ﺑﻜﻠﺸﻲ ﺍﻟﻤﻬﻢ ﻓﻜﺮﻱ ﻣﺰﻳﺎﻥ ﻭﺍﻧﺎ ﻓﺎﻧﺘﻈﺎﺭ جوابك
ﺃﻧﺎ : شوف ﺍﻧﺎ ﺑﻐﻴﺖ نشوف ﻫﺎﺩ ﺍﻟﺴﻴﺪ ﻭﺍﺵ ﻣﻤﻜﻦ؟؟
اﻟﻤﺤﺎﻣﻲ : ﻟﻼﺳﻒ ﺍلسي ﻳﻮﺳﻒ ﻣﻴﻤﻜﻨﺶ ﺗﺸﻮﻓﻴﻪ دابا ﺭﺍﻩ ﺩﺍﻳﺮ ﻟﻴﺎ ﻭﻛﺎﻟﺔ ﻣﻜﻠﻒ ﻟﻴﻪ ﺍﻧﺎ ﺑﻜﻠﺸﻲ ﻭ ﺣﺘﻰ ﺑﻌﻘﺪ ﺍﻟﺰﻭﺍﺝ ديالكم و ﺍﻟﻰ ﻭﺍﻓﻘﺘﻲ ﻏﺎﺩﻱ ﻧﺼﺎﻭﺏ ﻟﻴﻜﻢ ﻋﻘﺪ ﺍﻟﺰﻭﺍﺝ ﻭ ﻓﻨﻔﺲ ﺍﻟﻮﻗﺖ ﻧﻮﻗﻊ ﻟﻴﻚ گاﻉ ﺍﻻﻭﺭﺍﻕ ﻟﻲ ﺗﺮﺩ ﻟﺒﺎﺑﺎﻙ ﻓﻠﻮﺳﻮ ﻭ ﺍﻧﺎ ﻟﻲ نتكلف و ﻧﻮﺻﻠﻚ ﺣﺘﻰ ﻟﻌﻨﺪﻭ
ﺃﻧﺎ : ﺃﺵ ﻫﺎﺩ ﺍﻟﻐﻤﻮﺽ؟
ما بقيت فاهمة والو فيه ﻫﺬﺍ ﻋﻼﺵ كايدير معايا هاكا؟
ﻋﻼﺵ كايدللني بحال الكلبة؟؟
ﻣﻨﻴﻦ ﺑﺎﻏﻴﻨﻲ ﻋﻠﻰ ﺍﻻﻗﻞ ﻳﺠﻲ ﻫﻮ ﻳﺘﻔﺎﻫﻢ ﻣﻌﺎﻳﺎ
ﺍﻟﻤﺤﺎﻣﻲ : شوفي أبنتي ﺍﻧﺎ ﻟﻲ ﻋﻨﺪﻱ ﻗﻠﺘﻮ ليك ﻣﻨﻘﺪﺭﺵ ﻧﺰﻳﺪ ﺷﻲ ﺣﺎﺟﺔ من عندي ﺣﻴﺖ ﻫﺎﺩ ﺷﻲ ﻟﻲ عاودت ﻟﻴﻚ سي يوسف ﻫﻮ ﻟﻲ ﺧﺒﺮﻧﻲ ﺑﻴﻪ ﺍﻣﺎ ﻋﻼﺵ ﺩﺍﺭ هاك ﻓﺴﻲ ﻳﻮﺳﻒ ﺑﻮﺣﺪﻭ ﻳﻘﺪﺭ ﻳﺠﺎﻭﺑﻚ على أسئلتك اﻟﻤﻬﻢ ﻓﻜﺮﻱ ﻣﺰﻳﺎﻥ ﻭﺍﻧﺎ ﻓﺎﻧﺘﻈﺎﺭ ﺟﻮﺍﺑﻚ ﻏﻴﺮ ﻣﺘﻌﻄﻠﻴﺶ عليا
نضت خرجت بحالي و ﺍﻧﺎ ﻣﺼﺪﻭﻣﺔ ﻣﻦ ﻫﺎﺩﺷﻲ ﻟﻲ ﺳﻤﻌﺖ أواه هادﺷﻲ ﺑﺤﺎﻝ ﺷﻲ ﻓﻴﻠﻢ ﺗﺮﻛﻲ ﺍﻭ ﻫﻨﺪﻱ ﺷﻜﻮﻥ ﻫﺪﺍ ﻟﻲ ﻣﻀﺤﻲ بثروﺓ كاملة ﺑﺎﺵ ﻳﺘﺰﻭﺝ ﻭﺣﺪﺓ و ﻣﻜﻠﻒ ﻧﻔﺴﻮ ﺣﺘﻰ ﻳﺠﻲ ﻳﺸﻮﻓﻬﺎ ﺩﺍﺑﺎ ﺻﺎﻓﻲ ﻣﺎﺑﻘﺎ ﻟﻲ ﻓﻴﻦ ﻧﺘﺮﺍﺟﻊ ﻫﺎﺩ ﺍﻟﻤﻐﺎﻣﺮﺓ ﺻﺎﻓﻲ ﺍﺧﺘﺎﺭﻳﺘﻬﺎ ﻭﻏﺎﺩﻱ ﻧﺨﻮﺿﻬﺎ ﺣﻴﺖ ﺍﻟﺘﺮﺍﺟﻊ ﻣﻌﻨﺎﻩ ﺣﻴﺎﺓ ﻭﺻﺤﺔ ﺑﺎﺑﺎ
ﺭﺟﻌﺖ ﺑﺴﺮﻋﺔ ﻋﻨﺪ ﺍﻟﻤﺤﺎﻣﻲ شوف أﻧﺎ ﻣﻮﺍﻓﻘﺔ ﺑﺸﺮﻁ ﻫﺎﺩﺷﻲ ﻳﺘﻢ ﻓﺄﻗﺮﺏ ﻭﻗﺖ حيت ﻗﺮﻳﺐ ﺑﺎﺑﺎ ﻳﺨﺮﺝ ﻣﻦ ﺍﻟﻤﺴﺘﺸﻔﻰ ﻭﺷﺮﻁ ﺍﺧﺮ ﺍﻧﻲ ﻣﻨﻤﺸﻲ ﻋﻨﺪﻭ ﺣﺘﻰ ﺗﺮﺟﻊ ﺍﻟﺼﺤﺔ و العافية ﻟﺒﺎﺑﺎ ﻭ ﺃﻫﻢ ﺣﺎﺟﺔ ﺑﺎﺑﺎ ﻣﻴﻌﺮﻑ ﺣﺘﻰ ﺣﺎﺟﺔ في هاد ﺍﻟﺼﻔﻘﺔ
اﻟﻤﺤﺎمي : ﺍﻭﻛﻲ ﺃﻧﺴﺔ ﻳﺎﺳﻤﻴﻦ غادي ﻧﺨﺒﺮ ﺳﻲ ﻳﻮﺳﻒ ﻭ نجاوبك
ﺧﺮﺟﺖ ﺣﺴﻴﺖ ﺑﺸﻮﻳﺔ ﺍﻟﺮﺍﺣﺔ ﺣﻴﺪﺕ ﻋﻠﻴﺎ ﻭﺍﺣﺪ ﺍﻟﻬﻢ كبير ﺑﺎﺵ ﻣﻴﺒﻘﻰ ﻟﻴﺎ ﻓﻴﻦ ﻧﺘﺮﺍﺟﻊ ﻣﺸﻴﺖ ﻟﻠﻜﻠﻴﻨﻚ ﺑﺎﺑﺎ ﻧﻬﺎﺭ ﻋﻠﻰ ﻧﻬﺎﺭ كاتحسن حالتو ﻟﻘﻴﺘﻮ ﺿﺎﺣﻚ ﻣﻊ ﻣﺎﻣﺎ و ﺩﻛﺘﻮﺭ ﺷﻬﺎﺏ ﺧﺒﺮﻧﻲ ﺍﻧﻪ ﺑﻘﺎﺕ ﻟﻴﻪ ﻏﻴﺮ ﺷﻲ ﻳﺎﻣﺎﺕ ﻭﻳﺨﺮﺝ ﻭﻭﺻﺎﻧﻲ ﻋﻠﻴﻪ ﺑﺎﺵ ﻳﺒﻌﺪ ﻋﻠﻰ ﺍﻟﻤﺸﺎﻛﻞ ﻭﺍﻟﻀﻐﻮﻁ ﺧﺒﺮتو ﺍﻧﻪ ﻛﻠﺸﻲ ﺗﺤﻞ ﻣﺎﺑﻘﺎﺕ ﻣﺸﺎﻛﻞ ﻣﻔﻬﻢ ﻭﺍﻟﻮ ﻟﻜﻦ ﻓﺮﺡ لهادشي
ﻛﺎﻥ ﺑﺎﻗﻲ ﻋﻨﺪﻱ ﻣﺸﻜﻞ ﻭﺍﺣﺪ ﻫﻮ ﻛﻴﻐﺎﺵ ﻧﺨﺒﺮﻫﻢ ﻛﺎﻥ ﺧﺎﺻﻨﻲ نفبرك ﺷﻲ ﻗﺼﺔ ﻓﺮﺍﺳﻲ ﺗﺨﻠﻴﻬﻢ ﻣﺎ ﻳﺤﺴﻮ ﺑﻮﺍﻟﻭ ﻭ ﺗﺒﺎﻥ ﻟﻴﻬﻢ ﺍﻟﻤﺴﺎﺋﻞ جد ﻃﺒﻴﻌﻴﺔ
المهم رﺗﺎﺣﻴﺖ فاش طمنت ﻋﻠﻰ ﺑﺎﺑﺎ ﻭﻣﺸﻴﺖ خرجت ديماريت ﻃﻮﻣﻮﺑﻴﻠﺘﻲ ﻭﺑﻘﻴﺖ نتسركل ﺣﺘﻰ ﻭﺻﻠﺖ ﻟﻠﺒﺤﺮ ﻛﻨﺖ ﻛﻨﺮﺗﺎﺡ ﻓﻴﻪ ﺑﺰﺍﻑ ﻛﺎﻥ في ﻭﻗﺖ ﺍﻟﻐﺮﻭﺏ ﻭ ﺍﻧﺎ كانشوف في ﻟﻲ ﻛﻮﺑﻞ شادين في يدين بعضياتهم و ضاحكين كاتجيني ﻭﺍﺣﺪ ﺍﻟﻜﺂﺑﺔ ﺩﻳﻤﺎ ﻛﻨﺖ ﺗﻨﺘﻤﻨﻰ ﻧﺠﻲ ﺍﻧﺎ ﻭﺷﻲ ﺣﺪ ﻧﻜﻮﻥ كانبغيه حدا ﻟﻠﺒﺤﺮ ﻭﻧﻜﻮﻧﻮ حتى حنا ﺷﺎﺩﻳﻦ في يدين ﺑﻌﻀﻨﺎ ﻭﻧﺸﻮﻓﻮ ﺍﻟﻐﺮﻭﺏ ﻟﻜﻦ ﺷﻮﻑ ﺍﻟﺪﻧﻴﺎ ﻓﻴﻦ ﻏﺎﺩا ﺗﻠﻮﺣﻨﻲ في فيرﻣﺔ ﺑﻌﻴﺪﺓ ﻣﻊ ﺭﺍﺟﻞ ﻛﺒﻴﺮ ﻋﻠﻴﺎ علام الله شناو مخبي ليا القدر معاه بقيت ساهية و كانفكر في هادشي واحد اللحظة غادا سايگة و انا نضرب...
الحلقة 16
ﻭﺍﺣﺪ ﺍﻟﻠﺤﻈﺔ ﻏﺎﺩﺍ ﺳﺎﻳﮕﺔ ﻭ ﺍﻧﺎ ﻧﻀﺮﺏ الدورة و رجعت للدار المهم مشيت بلاصيت طوموبيل و ﺩﺧﻠﺖ ﻟﻠﻔﻴﻼ و ﺍﻧﺎ ﻣﻘﺮﺭﺓ ﻧﻘﺘﻞ ﻓﻴﺎ گاع ﺍﻻﺣﺎﺳﻴﺲ ﻭﺍﻟﻤﺸﺎﻋﺮ معرفتش ﻋﻼﺵ ﺟﺎﻧﻲ ﺍﻟﺠﻮﻉ ﺩﺧﻠﺖ ﻟﻠﻜﻮﺯﻳﻨﺔ نتعشى بقيت كاناكل كليت بزاف ﺑﺤﺎﻝ ﺍﻟﻰ ﺷﻬﺮ مدقت النعمة
شوية ﺟﺎﺕ عندي ﻫﻨﺪ ﻟﻘﺎﺗﻨﻲ ﻣﺰﺍﻝ كانتعشى ﻭ گلساﺕ تعشى ﻣﻌﺎﻳﺎ
هند : إوى ماقلتيش ليا واش ﺷﻔﺘﻲ ﺍﻟﻤﺤﺎﻣﻲ؟
ﺷﻨﻮ ﻗﺎﻝ ﻟﻴﻚ؟
ﺷﻨﻮ ﺩﺭﺗﻲ معاه؟
ﺃﻧﺎ : مزيان صافي كلشي هو هداك أﻫﻨﺪ كانتسنى دابا ﻏﻴﺮ ﺳﻲ ﺑﻨﺎﻧﻲ ﻳﺮﺩ ﻋﻠﻴﺎ
ﻫﻨﺪ : كيفاش مفهمتش ﻋﻼﺵ ﺷﻨﻮ ﺩﺧﻞ ﻋﻤﻲ ﻓﻬﺎﺩﺷﻲ؟
أنا : بديت كانضحك ﻻ الهبيلة راه ﻣﺎﺷﻲ ﺑﺎﺑﺎ هذا ﺳﻲ ﺑﻨﺎﻧﻲ ﺭﺍﻩ ﺭﺍﺟﻠﻲ ﺣﺘﻰ ﻫﻮ ﻛﻨﻴﺘﻮ ﺑﻨﺎﻧﻲ
ﻫﻨﺪ : ممم إوى مزيان أجي واش ﻏﺎﺩا ﺗﻘﻮﻟﻲ ﻟﻌﻤﻲ هادشي؟ ﻭﻻ ﺑﺎﻏﺎ ﺗﺰﻭﺟﻲ ﺑﻼ ﺧﺒﺎﺭﻭ؟
ﺍﻧﺎ : إوى ﻫﺬﺍ ﻫﻮ ﺍﻟﻤﺸﻜﻞ مناش خايفة و ﻟﻲ ﻣﺰﺍﻝ ﻣﻠﻘﻴﺖ ﻟﻴﻪ ﺣﻞ ﻋﺎﻓﺎﻙ ﻋﺎﻭﻧﻴﻨﻲ أحبيبتي ﺷﻨﻮ ممكن ﻧﻘﻮﻟﻴﻪ في نظرك؟
ﻫﻨﺪ : شوفي ﺧﺎﺻﻨﺎ ﻧﻔﻜﺮﻭ ﻣﺰﻳﺎﻥ ﻓﺸﻲ ﺣﺎﺟﺔ لي ﻣﺘﺨﻠﻴﺶ ﻋﻤﻲ ﻳﺸﻚ ﺣﻴﺖ ﺍﻟﻰ ﺷﻚ ﻓﺸﻲ ﺣﺎﺟﺔ ﺭﺍﻩ ﻣﺸﺎ ﻓﻴﻬﺎ تاني صحتو غادا تدهور من جديد
ﺃﻧﺎ : إوى ﺭﺍﻩ ﻫﺎﺩﺷﻲ ﻟﻲ ﺧﺎﻟﻌﻨﻲ ﻳﺎﺭﺑﻲ ﺗﻌﺎﻭﻧﻲ ﻳﺎﺭﺑﻲ
ﻫﻨﺪ : داكشي نيت لي كاين الله يدير شي تاويل ديال الخير
ﺑﻘﻴﻨﺎ ﺳﺎﻫﻴﻴﻦ و كانخمو فجأة قلت ليها :
أنا : آه ﺟﺎﺗﻨﻲ ﻭﺍﺣﺪ ﺍﻟﻔﻜﺮﺓ ﻏﺎﺩﻳﺎ ﻧﻘﻮﻝ ﻟﺒﺎﺑﺎ ﺍﻧﻨﻲ ﺗﻌﺮﻓﺖ ﻋﻠﻰ ﻭﺍﺣﺪ ﺍﻟﺸﺨﺺ ﺷﺤﺎﻝ ﻫﺪﻱ ﻭ ﻣﻨﻴﻦ ﻋﺮﻑ ﺷﻨﻮ ﻭﻗﻊ ﻟﻴﻨﺎ ﻗﺮﺭ ﻳﺴﺎﻋﺪﻧﺎ ﻭﺑﺎلمقاﺑﻞ ﻧﺨﺪﻡ ﻣﻌﺎﻩ ﻭ ﻧﺨﻠﻲ ﻣﻮﺿﻮﻉ ﺍﻟﺰﻭﺍﺝ ﺣﺘﻰ ﻟﻤﻦ ﺑﻌﺪ ﻭﻧﻘﻮﻟﻮ ﻟﻴﻪ
ﻫﻨﺪ : إوى ﻭﻓﺎﺵ غاﺗﻤﺸﻲ ﻋﻨﺪ ﺭﺍﺟﻠﻚ ﺷﻨﻮ غاﺗﻘﻮﻟﻲ ﻟﻌﻤﻲ؟
أنا : غادا ﻧﻘﻮﻟﻴﻪ ﺭﺍﻩ ﺩﺍﻙ ﺍﻟﺴﻴﺪ ﻓﻔﺮﻧﺴﺎ غانمشي ﻧﺨﺪﻡ ﻣﻌﺎﻩ ﻭﻧﻜﻤﻞ ﻗﺮﺍﻳﺘﻲ تما ﺑﺎﺵ ﻣﺎﻳﻌﺎﺭﺿﺶ غي
ﺗﺪﻭﺯ ﺷﻲ ﺍﻳﺎﻡ ﻭﺩﻳﻚ ﺍﻟﺴﺎﻋﺔ ﻧﻘﻮﻟﻴﻪ ﺭﺍﻩ ﺍﺭﺗﺎﺣﻴﺖ ﻟﻴﻪ ﻭﺑﻐﻴﻨﺎ ﻧﺘﺰﻭﺟﻮ ﺍﻟﻤﻬﻢ ﻣﻦ ﺗﻤﺎ لتما يحن مولانا الكريم
ﻫﻨﺪ : ﻭﺍﻟﻠﻪ ﺍﻧﺎ ﻣﻤﺮﺗﺎﺣﺎﺵ ﻟﻬﺎﺩ ﺍﻟﻜﺪﻭﺏ ﻛﺎﻣﻞ و ﺧﺎﻳﻔﺔ ﻋﻠﻰ ﻋﻤﻲ ﻭ الله
ﺍﻧﺎ : إوى أنا ﻋﻼﺵ ﺩﺍﻳﺮﺓ ﻫﺎﺩﺷﻲ ﻛﺎﻣﻞ ﺭﺍﻩ ﻏﻴﺮ ﺧﻮفا ﻋﻠﻰ ﺑﺎﺑﺎ باش يرجع ليه كلشي و يكون خير إن شاء الله ربي مغاديش يخيبني
ﻃﻠﻌﺖ ﻟﺒﻴﺘﻲ ﻭ ﺑﺼﻌﻮﺑﺔ ﻛﺒﻴﺮﺓ ﺍﺳﺘﺴﻠﻤﺖ ﻟﻠﻨﻮﻡ ﻭ ﻧﻔﺲ ﺍﻻﺣﻼﻡ ﻭ ﺍﻟﻜﻮﺍﺑﻴﺲ ﻟﻲ ﺗﺘﺮﺍﻭﺩﻧﻲ ﻛﻞ ﻟﻴﻠﺔ في حلمي ﻧﻔﺲ ﺍﻟﺮﻋﺐ ﻭ ﺧﻔﻘﺎﻥ ﺍﻟﻘﻠﺐ حتى ﻗﻔﺰﺕ ﻣﻦ ﺑﻼﺻﺘﻲ حليت عيني لقيت اﻟﺸﻤﺲ ساطعة و ﻣﻀﻮﻳﺔ ﺷﻔﺖ ﺍﻟﺴﺎﻋﺔ لقيتها العشرة ﻧﻀﺖ ﺩﻭﺷﺖ و لبست ﻭﺻﻠﻴﺖ ﻭﻧﺰﻟﺖ ﻧﻔﻄﺮ لتحت و أنا نلقى ﻣﺎﻣﺎ في الدار گالسة كاتخمل و تقاد هي و الخدامات و كاتوجد في الكوزينة أواه أناري أميمتي أشهادشي أش واقع هنا شفت كلشي كايقاد ياكما جايين فيا الخطاب و انا مافي راسي مايتعاود...
ﺍﻟﺤﻠﻘﺔ 17
ﻳﺎﻛﻤﺎ ﺟﺎﻳﻴﻦ ﻓﻴﺎ ﺍﻟﺨﻄﺎﺏ ﻭ ﺍﻧﺎ ﻣﺎﻓﻲ ﺭﺍﺳﻲ ﻣﺎﻳﺘﻌﺎﻭﺩ
ﻣﺎﻣﺎ ﻏﻴﺮ ﺷﺎﻓﺘﻨﻲ ﻭ ﺿﺤﻜﺎﺕ
ﻣﺎﻣﺎ : ﺣﺒﻴﺒﺔ ﺻﺒﺎﺡ ﺍﻟﺨﻴﺮ
ﺃﻧﺎ : ﺻﺒﺎﺡ ﺍﻟﻨﻮﺭ ﻣﺎﻣﺎ ﻣﺎﻟﻜﻢ ﺃﺵ ﻭﺍﻗﻊ؟
ﻣﺎﻣﺎ : ﺣﺒﻴﺒﺔ ﺑﺎﺑﺎﻙ ﺭﺍﻩ ﻏﺪﺍ ﻏﺎﺩﻱ ﻳﺨﺮﺝ ﺍﻥ ﺷﺎﺀ ﺍﻟﻠﻪ ﺍﻳﻮﻯ ﺧﺎﺻﻨﺎ ﻧﺒﺪﺍﻭ ﻧﻮﺟﺪﻭ ﺣﻴﻨﺖ ﻏﺎﻳﺒﺪﺍﻭ ﻳﺠﻴﻮ ﻋﻨﺪﻧﺎ ﺍﻟﻨﺎﺱ يسولو فيه ﻋﻨﻘﺘﻬﺎ ﻭﺍﻧﺎ ﻓﺮﺣﺎﻧﺔ
ﺃﻧﺎ : ﺇﻭﻯ ﻋﻠﻰ ﺳﻼﻣﺘﻮ ﺃﻣﺎﻣﺎ ﺣﺘﻰ ﺩﺍﺭﻭ ﺗﻮﺣﺸﺎﺗﻮ
ﻣﺎﻣﺎ : ﺑﺤﺰﻥ ﻣﻌﺮﻓﻨﺎ ﻫﺎﺩ ﺍﻟﺪﺍﺭ ﻭﺍﺵ ﺑﻘﺎﺕ ﺩﻳﺎﻟﻮ ﻭﻻ ﻻ ﺭﺍﻩ ﺍﻟﺒﻨﻚ ﻏﺎﺩﻱ ﻳﺤﺠﺰ ﻋﻠﻰ ﻛﻠﺸﻲ ﺭﺍﻧﻲ ﺍﺑﻨﺘﻲ ﻏﻲ ﻛﺎﻧﺨﻤﻢ ﻓﻲ ﺑﺎﻙ ﻓﺎﺵ ﻏﺎﻳﺤﻴﺪﻭ ﻟﻴﻨﺎ ﺍﻟﺪﺍﺭ ﻟﻲ ﻋﺸﻨﺎ ﻭﻛﺒﺮﻧﺎ ﻓﻴﻬﺎ
ﺍﻧﺎ : ﻻ ﺃﻣﺎﻣﺎ ﺣﺘﻰ ﺣﺎﺟﺔ ﻣﻐﺎﺩﺍ ﺗﻤﺸﻲ ﻟﻴﻨﺎ ﻛﺎﻧﻬﻀﺮ ﺑﻜﻞ ﺗﻘﺔ ﺍﻟﻤﻬﻢ ﻋﻠﻰ ﻫﺎﺩ ﺍﻟﻤﻮﺿﻮﻉ ﺑﻐﻴﺘﻚ ﺃﻣﺎﻣﺎ ﻭﺍﺵ ﻣﻤﻜﻦ ﻧﻬﻀﺮﻭ؟
ﻣﺎﻣﺎ : ﻭﺍﺧﺎ ﻫﻲ ﺍﻟﻠﻮﻟﺔ ﺃﺑﻨﺘﻲ ﻳﺎﻙ ﻻﺑﺎﺱ؟
ﺃﻧﺎ : ﻏﻴﺮ ﺍﻟﺨﻴﺮ ﺍﻟﺤﺒﻴﺒﺔ ﺩﻳﺎﻟﻲ
ﺩﺧﻠﻨﺎ ﻟﻠﻤﻜﺘﺐ ﻭﺑﻘﻴﺖ ﻧﻌﺎﻭﺩ ﻟﻴﻬﺎ ﺍﻟﻤﻮﺿﻮﻉ ﻣﻦ ﺍﻟﻠﻮﻝ ﺣﺘﻰ ﺍﻟﻠﺨﺮ ﻭﻃﺒﻌﺎ ﻣﺎﻋﺎﻭﺩﺗﺶ ﻟﻴﻬﺎ ﺍﻟﺤﻘﻴﻘﺔ ﺣﻴﺖ ﻋﺎﺭﻓﺔ ﻣﺎﻣﺎ ﻣﺴﺘﺤﻴﻞ ﺗﻘﺒﻞ ﻭﺍﺧﺎ ﻣﻨﻌﺮﻑ ﺷﻨﻮ
ﻣﺎﻣﺎ : ﺑﻘﺎﺕ ﻣﺴﺘﻐﺮﺑﺔ ﻭﺍﺵ ﺍﺑﻨﺘﻲ ﺑﺎﻗﻲ ﺷﻲ ﻭﺍﺣﺪ ﺑﻬﺎﺩ ﺍﻟﻨﺒﻞ ﻛﺎﻣﻞ ﻣﻤﺘﻴﻘﺎﺵ ﺍﺑﻨﺘﻲ ﻭﺍﺵ ﻧﺘﻲ ﻣﺘﺄﻛﺪﺓ ﻣﻦ ﻫﺎﺩﺷﻲ ﻟﻲ ﺗﺘﻘﻮﻟﻲ؟
ﻳﺎﻛﻤﺎ ﺧﺪﺍﻡ ﻓﺎﻟﺤﺸﻴﺶ ﺍﻭ ﺍﻟﻐﺒﺮﺓ ﻭﺑﻐﺎﻙ ﺗﺨﺪﻣﻲ ﻣﻌﺎﻩ؟
ﺃﻧﺎ : ﻻ ﺃﻣﺎﻣﺎ ﺷﻨﻮ ﺗﺘﻘﻮﻟﻲ ﻫﻮ ﺍﻧﺴﺎﻥ ﻣﺤﺘﺮﻡ ﻭﺍﻧﺎ ﻋﺎﺭﻓﺎﻩ ﻣﺰﻳﺎﻥ ﻣﺪﺓ ﻃﻮﻳﻠﺔ ﻭ ﺃﻧﺎ ﻛﺎﻧﻌﺮﻓﻮ ﻭ ﻋﺎﺭﻓﺔ ﺍﺧﻼﻗﻮ ﻋﺎﻟﻴﺔ ﻭﺧﺪﻣﺘﻮ ﻃﻮﺏ ﻧﻘﻴﺔ ﻭﺯﺍﻳﺪﻭﻥ ﺣﻨﺎ ﻏﻨﺴﺪﺩﻭ ﻟﻴﻪ ﻓﻠﻮﺱ ﻋﻠﻰ ﺷﻜﻞ ﺃﻗﺴﺎﻁ ﻣﺎﺷﻲ ﻏﺎﻳﺼﺪﻕ ﻋﻠﻴﻨﺎ
ﺻﺮﺍﺣﺔ ﺧﻠﻌﺎﺗﻨﻲ ﻣﺎﻣﺎ ﻭ ﻫﻴﺎ ﻧﺎﺭﻱ ﻭ ﻫﻴﺎ ﺍﻟﻤﻠﻚ ﻭ ﻫﻴﺎ ﺳﻴﺪﻧﺎ ﻋﻨﺪﺍﻙ ﻏﻲ ﻫﺎﺩ ﺳﻴﻬﻢ ﻳﻮﺳﻒ ﻳﻜﻮﻥ ﻳﺒﻴﻊ ﺍﻟﺤﺸﻴﺶ ﻭ ﺍﻟﻐﺒﺮﺓ ﻭﻧﻠﻘﺎ ﺭﺍﺳﻲ ﺁﺧﺮ ﺃﻳﺎﻣﻲ ﻣﺮﻣﻴﺔ ﻓﻲ ﺍﻟﺤﺒﺎﺳﺎﺕ ﺣﻴﺪﺕ ﻫﺎﺩ ﺍﻻﻓﻜﺎﺭ ﻣﻦ ﺭﺍﺳﻲ ﻭ ﻗﻠﺖ ﻟﻴﻬﺎ : ﺇﻭﻯ ﺷﻨﻮ ﻏﺎﻳﺪﻳﺮ ﺑﺎﺋﻊ ﻣﺨﺪﺭﺍﺕ ﺑﻴﺎ؟
ﻓﺎﺵ ﻏﺎﻧﻔﻌﻮﺍ ﺍﻧﺎ؟
ﻭﻋﻼﺵ ﻏﺎﻳﺒﻐﻲ ﻳﺘﺰﻭﺡ ﺑﻴﺎ؟
ﻗﺎﻃﻌﺎﺗﻨﻲ ﻣﺎﻣﺎ : ﺍﻳﻮﻯ ﻋﻠﻰ ﺭﺑﻲ ﻳﻜﻮﻥ ﻫﺎﺩﺷﻲ ﺻﺤﻴﺢ ﻭ ﻳﻜﻮﻥ ﻭﻟﺪ ﺍﻟﻨﺎﺱ ﻛﻴﻤﺎ ﻗﻠﺘﻲ ﻋﻤﺮﻧﺎ ﻧﻨﺴﺎﻭ ﺧﻴﺮﻭ
ﺍﻧﺎ : ﺩﺍﺑﺎ ﺍﻟﺒﻘﻴﺔ ﻋﻠﻴﻚ ﺑﻐﻴﺘﻚ ﺗﻘﻮﻟﻴﻬﺎ ﻟﺒﺎﺑﺎ ﻭﺗﻘﻨﻌﻴﻪ ﺑﺎﺵ ﻣﻴﺮﻓﻀﺶ ﺭﺍﻛﻲ ﻋﺎﺭﻓﺎﻩ ﻏﺎﻳﺮﻓﺾ ﻧﺨﺪﻡ ﻣﻊ ﺷﻲ ﺣﺪ ﺭﺍﻩ ﻏﻴﺮ ﻣﺪﺓ ﻭﺻﺎﻓﻲ
ﻣﺎﻣﺎ : ﺍﻥ ﺷﺎﺀ ﺍﻟﻠﻪ ﺍﺑﻨﺘﻲ ﻛﻮﻧﻲ ﻫﺎﻧﻴﺔ ﻣﻦ ﻫﺎﺩ ﺍﻟﻨﺎﺣﻴﺔ ﻣﺎﻳﻜﻮﻥ ﻏﻲ ﺍﻟﺨﻴﺮ
ﻓﺠﺄﺓ ﺑﺪﺍ ﺍﻟﺘﻴﻠﻲ ﺩﻳﺎﻟﻲ ﻛﺎﻳﺼﻮﻧﻲ ﺁﻩ ﻫﺎﺩﻱ ﻧﻤﺮﺓ ﺍﻟﻤﺤﺎﻣﻲ ﺧﺮﺟﺖ ﻟﻠﺠﺮﺩﺓ ﺑﺎﺵ ﻧﺠﺎﻭﺑﻮ
ﺃﻧﺎ : ﺃﻟﻮ ﺳﻲ ﺍﻟﻌﻠﻮﻱ ﺻﺒﺎﺣﻚ ﻣﺒﺮﻭﻙ
ﺍﻟﻤﺤﺎﻣﻲ : ﺍﻟﻠﻪ ﻳﺒﺎﺭﻙ ﻓﻴﻚ ﺣﺘﻰ ﻧﺘﻲ ﺻﺒﺎﺣﻚ ﻣﺒﺮﻭﻙ ﺍﻧﺴﺔ ﻳﺎﺳﻤﻴﻦ ﻧﺘﻤﻨﻰ ﺗﺠﻲ ﻋﻨﺪﻱ ﻓﺎﻗﺮﺏ ﻭﻗﺖ ﺣﻴﺖ ﻭﺻﻞ ﺍﻟﺠﻮﺍﺏ ﺩﻳﺎﻝ ﺳﻲ ﻳﻮﺳﻒ
ﺍﻧﺎ : ﺍﻭﻛﻲ ﻛﻮﻥ ﻫﺎﻧﻲ ﺷﻮﻳﺔ ﻭﻧﻜﻮﻥ ﻋﻨﺪﻙ ﺗﻤﺎ
ﻫﺰﻳﺖ ﺻﺎﻛﻲ ﻭ ﺧﺮﺟﺖ ﻣﺸﻴﺖ ﻃﺎﻳﺮﺓ ﻋﻨﺪﻭ ﺩﺧﻠﺖ ﻏﻲ ﺷﺎﻓﻨﻲ ﺗﻔﺎﺟﺄ ﺯﻋﻤﺎ ﻭﺻﻠﺖ ﺑﺰﺭﺑﺔ ﻏﺎﺩﻱ ﻳﻘﻮﻝ ﻓﻲ ﺧﺎﻃﺮﻭ ﻫﺎﺩ ﺧﺎﺗﻨﺎ ﻓﻲ ﺍﻟﻠﻪ ﻣﻴﺘﺔ ﻋﻠﻰ ﻫﺎﺩ ﺍﻟﺰﻭﺍﺝ ﻭ ﻫﻮ ﻣﺤﺎﺳﺶ ﺑﺎﻟﻨﺎﺭ ﻟﻲ ﺷﺎﻋﻠﺔ ﻓﻴﺎ ﻟﺪﺍﺧﻞ
ﺍﻟﻤﺤﺎﻣﻲ : ﺃﻫﻼ ﻣﺮﺣﺒﺎ ﺍﻧﺴﺔ ﻳﺎﺳﻤﻴﻦ ﺗﻔﻀﻠﻲ ﮔﻠﺴﻲ
ﺃﻧﺎ : ﻣﻴﻐﺴﻲ ﺗﺮﺣﺐ ﺑﻴﻚ ﺍﻟﺠﻨﺔ ﺇﻭﻯ ﺍﺷﻤﻦ ﺟﺪﻳﺪ ﻛﺎﻳﻦ؟
ﺍﻟﻤﺤﺎﻣﻲ : ﺍﻟﻤﻬﻢ ﺳﻲ ﺍﻟﺒﻨﺎﻧﻲ ﻣﻮﺍﻓﻖ ﻋﻠﻰ ﺷﺮﻭﻃﻚ ﺑﺸﺮﻁ ﻣﺘﻔﻮﺗﻴﺶ 15 ﻳﻮﻡ ﻣﻦ ﻭﺭﺍ ﻓﺎﺵ ﻳﺨﺮﺝ ﺑﺎﺑﺎﻙ ﻣﻦ ﺍﻟﻤﺴﺘﺸﻔﻰ ﺷﻨﻮ ﺭﺃﻳﻚ؟
ﺃﻧﺎ : ﻭﺍﺧﺎ ﺻﺎﻓﻲ ﻣﻮﺍﻓﻘﺔ
ﺍﻟﻤﺤﺎﻣﻲ : ﻳﻼﻩ ﻋﻠﻰ ﺑﺮﻛﺔ ﺍﻟﻠﻪ ﻫﺎﻛﻲ ﻭﺟﺪﻱ ﻫﺎﺩ ﺍﻟﻮﺭﺍﻕ ﺑﺎﺵ ﻧﺪﻳﺮﻭ ﻋﻘﺪ ﺍﻟﺰﻭﺍﺝ ﻭﻛﺪﻟﻚ ﺗﻮﻗﻌﻲ ﻋﻠﻰ ﺍﻟﻮﺗﻴﻘﺔ ﻟﻲ ﻏﺎﺗﻠﺘﺎﺯﻣﻲ ﻓﻴﻬﺎ ﺑﺸﺮﻭﻁ ﺳﻲ ﻳﻮﺳﻒ ﻭﻏﺎﺩﻱ ﻧﻌﻄﻴﻚ ﺍﻟﻮﺭﺍﻕ ﻟﻲ ﺧﺎﺻﻴﻦ ﺑﺎﺑﺎﻙ
ﺃﻧﺎ : ﺍﻭﻛﻲ ﻭﺍﺧﺎ ﺍﺳﻴﺪﻱ ﻳﻮﻣﻴﻦ ﻭﻧﻮﺟﺪ ﻟﻴﻚ ﻛﻠﺸﻲ ﻗﺒﻞ ﻣﺎ ﻳﺠﻲ ﺍﻻﻧﺬﺍﺭ ﺍﻻﺧﻴﺮ ﺩﻳﺎﻝ ﺍﻟﺒﻨﻚ
ﺗﻌﻤﺪﺕ ﻧﻘﻮﻟﻴﻪ ﻫﻜﺪﺍ ﺑﺎﺵ ﻳﻌﺮﻑ ﺍﻥ ﻫﺎﺩ ﺍﻟﺰﻭﺍﺝ ﻏﻴﺮ ﻋﻠﻰ ﻗﺒﻞ ﺑﺎﺑﺎ
ﺧﺮﺟﺖ ﻭﺧﻠﻴﺘﻮ ﻫﺎﺩ ﺍﻟﻤﺤﺎﻣﻲ ﻛﺎﻥ ﺑﺤﺎﻝ ﻋﺰﺭﺍﺋﻴﻞ ﺑﺎﻟﻨﺴﺒﺔ ﻟﻴﺎ ﻛﺮﻫﺘﻮ ﻛﺜﺮ ﻣﺎ ﻛﺮﻫﺖ ﻫﺎﺩ ﺳﻴﻬﻢ ﻳﻮﺳﻒ ﺍﻟﺒﻨﺎﻧﻲ ﻋﻼﻩ ﻏﻲ ﻣﺎﻳﻜﻮﻧﺶ ﻛﻼﻡ ﻣﺎﻣﺎ ﺻﺤﻴﺢ ﻭ ﻳﻜﻮﻥ ﺧﺪﺍﻡ ﺷﻲ ﺧﺪﻣﺔ ﻧﻘﻴﺔ ﺃﻧﺎﺭﻱ ﺃﻣﻴﻤﺘﻲ ﺃﺵ ﺩﺧﻠﻨﻲ ﻓﻲ ﻫﺎﺩ ﺍﻟﺸﺒﻮﻗﺎﺕ ﻣﻲ ﻫﺎﻧﻴﺔ ﻋﻠﻰ ﻭﺩ ﺑﺎﺑﺎ ﺣﺒﻴﺒﻲ ﻧﻀﺤﻲ ﺑﺤﻴﺎﺗﻲ ﻏﻲ ﺑﺎﺵ ﻳﺮﺟﻊ ﻟﻴﻪ ﻛﻠﺸﻲ ﺍﻟﻤﻬﻢ ﻟﻲ ﻟﻴﻬﺎ ﻟﻴﻬﺎ ﻳﺎ ﺭﺑﺤﺔ ﻳﺎ ﺩﺑﺤﺔ ...
ﺍﻟﺤﻠﻘﺔ 18
ﺍﻟﻴﻮﻡ ﻧﻬﺎﺭ ﺍﻻﺣﺪ ﻫﻨﺪ ﻣﻜﺎﻧﺘﺶ ﺧﺪﺍﻣﺔ ﻛﺎﻧﺖ ﻫﺎﺩ ﺍﻟﻨﻬﺎﺭ ﺑﺎﻳﺘﺔ ﻓﺪﺍﺭ ﺟﺪﺍﺗﻲ ﺍﻟﻠﻪ ﻳﺮﺣﻤﻬﺎ ﺑﻘﺎﺕ ﻓﻴﻬﺎ ﻏﻴﺮ ﻫﻨﺪ ﺑﻮﺣﺪﻫﺎ ﻭﻗﻠﻴﻞ ﻓﺎﺵ ﺗﺘﺒﺎﺕ ﻓﻴﻬﺎ ﺣﻴﺖ ﺩﻳﻤﺎ ﻣﻌﺎﻧﺎ ﻟﻜﻦ ﻧﻬﺎﺭ ﺍﻻﺣﺪ ﺗﺘﺒﻐﻲ ﺗﺼﺒﺢ ﻓﻴﻬﺎ ﺑﺎﺵ ﺗﺨﻤﻠﻬﺎ ﻭﺗﺪﻭﺭ ﺑﻴﻬﺎ ﺷﻮﻳﺔ ﻭﺗﺸﻢ ﻓﻴﻬﺎ ﺭﻳﺤﺔ ﺟﺪﺓ ﻟﺤﺒﻴﺒﺔ ﻟﻲ ﻛﺎﻧﺖ ﻣﺘﻌﻠﻘﺔ ﺑﻴﻬﺎ ﺑﺰﺍﻑ ﺧﺼﻮﺻﺎ ﺍﻧﻬﺎ ﻫﻲ ﻟﻲ ﺭﺑﺎﺗﻬﺎ ﻣﻦ ﺑﻌﺪ ﻣﻮﺕ ﻭﺍﻟﺪﻳﻬﺎ ﻭ ﻣﺎﻧﺴﺎﺵ ﺣﺎﻟﺔ ﺍﻟﺤﺰﻥ ﻟﻲ ﺟﺎﺕ ﻟﻬﻨﺪ ﻣﻦ ﻭﺭﺍ ﻭﻓﺎﺗﻬﺎ ﻗﺮﺭﺕ ﻧﻔﺎﺟﺄﻫﺎ ﻓﻬﺎﺩ ﺍﻟﺼﺒﺎﺡ ﻣﺸﻴﺖ ﻧﻴﺸﺎﻥ ﻟﻠﻤﺪﻳﻨﺔ ﺍﻟﻘﺪﻳﻤﺔ ﺷﺤﺎﻝ ﻛﻨﺮﺗﺎﺡ ﻣﻨﻴﻦ ﺗﻨﺠﻲ ﻟﻴﻬﺎ ﻛﺎﻧﻠﻘﻰ ﺍﻟﺒﺴﺎﻃﺔ ﻓﻜﻠﺸﻲ ﻓﻮﺟﻮﻩ ﺍﻟﻨﺎﺱ ﻓﻜﻼﻣﻬﻢ ﻓﺘﻌﺎﻣﻠﻬﻢ ﻣﺎﺷﻲ ﺑﺤﺎﻝ ﺣﻴﺎﺗﻨﺎ ﻛﻠﻬﺎ ﺗﺼﻨﻊ ﻭﻧﻔﺎﻕ ﻭﺗﻤﺘﻴﻞ ﺑﺪﻋﻮﻯ ﺍﻟﻌﻼﻗﺎﺕ ﺍﻻﺟﺘﻤﺎﻋﻴﺔ
ﻭﺻﻠﺖ ﻓﺘﺤﺖ ﺍﻟﺒﺎﺏ ﻟﻘﻴﺖ ﻻﻟﺔ ﻫﻨﺪ ﻏﺎﺭﻗﺔ ﻓﻮﺳﻂ ﺍﻟﻐﺒﺎﺑﺮ ﻭﺍﻟﻤﺴﻴﺢ ﻭ ﺍﻟﺘﺴﻴﺎﻕ ﻭ ﺍﻟﺘﺠﻔﺎﻑ ﻏﻴﺮ ﺷﺎﻓﺘﻨﻲ ﻓﺮﺣﺎﺕ
ﻫﻨﺪ : ﺟﺎﺑﻚ ﺍﻟﻠﻪ ﺍﺑﻨﺘﻲ ﺗﻌﺎﻭﻧﻴﻨﻲ
ﺃﻧﺎ : ﻫﺎﺯﺍ ﻗﻨﺎﻧﻔﻲ ﻟﺴﻤﺎ ﻭﺻﺎﺣﺒﺘﻲ ﺭﺍﻛﻲ ﻋﺎﺭﻓﺎﻧﻲ ﻣﻌﻨﺪﻳﺶ ﻣﻊ ﻫﺎﺩﺷﻲ ﺧﺘﻚ ﻣﻌﮕﺎﺯﺓ
ﻫﻨﺪ : ﻋﺎﺭﻓﺎﻙ ﻣﻌﻴﮕﻴﺰﺓ ﻭ ﺍﻟﻠﻪ ﻭﻣﺎ ﺗﻌﺎﻭﻧﻴﻨﻲ ﺣﺘﻰ ﻧﺨﻮﻱ ﻋﻠﻴﻚ ﻫﺎﺩ ﺳﻄﻞ ﺩﻳﺎﻝ ﻟﻤﺎ ﻧﺨﻠﻴﻚ ﺗﻤﺸﻲ ﺗﺒﺪﻟﻲ ﻣﻦ ﺟﺪﻳﺪ
ﺃﻧﺎ : ﻭﺍﺧﺎ ﺍﻟﻼﻟﺔ ﻣﺎﻳﻜﻮﻥ ﻏﻲ ﺧﺎﻃﺮﻙ ﻏﺎﺩﺍ ﻧﺪﺧﻞ ﻧﺒﺪﻝ ﻭ ﻧﻠﺒﺲ ﺑﻴﺠﺎﻣﺔ ﻣﻦ ﺩﻳﻮﻟﻚ ﻭ ﻧﺠﻲ ﻧﻌﺎﻭﻧﻚ ﺣﻴﺖ ﺻﺮﺍﺣﺔ ﻭﺍﺧﺎ ﻛﻨﺖ ﺑﻨﺖ ﺍﻟﺨﻴﺮ ﻣﺎﻣﺎ ﻋﻠﻤﺎﺗﻨﻲ ﻛﻠﺸﻲ ﻋﻠﻤﺎﺗﻨﻲ ﻧﻌﺘﻤﺪ ﻋﻠﻰ ﺭﺍﺳﻲ ﻧﻄﻴﺐ ﻭﻧﺪﻳﺮ ﺍﻱ ﺣﺎﺟﺔ ﻭ ﺣﺘﻰ ﻓﻔﺮﻧﺴﺎ ﻛﻨﺖ ﻣﻌﺘﻤﺪﺓ ﻋﻠﻰ ﺭﺍﺳﻲ ﻧﻄﻴﺐ ﻭ ﻧﺴﻴﻖ ﻭ ﻧﺠﻔﻒ ﻭ ﺍﻟﻮﺣﺪﺓ ﻫﻲ ﻟﻲ ﺗﻜﻮﻥ ﻻﻟﺔ ﻭ ﻣﻮﻻﺗﻲ ﻭ ﻣﺎﺷﻲ ﻣﻌﻔﻮﻧﺔ ﺧﻼﻫﺎ ﻋﺒﺪ ﺍﻟﺮﺣﻤﺎﻥ ﺍﻟﻤﺠﺪﻭﺏ ﻗﺎﻟﻴﻚ " ﻻ ﺗﺪﻱ ﺍﻟﻤﺮﺍ ﺍﻟﻤﻌﻔﻮﻧﺔ ﺭﺍﻩ ﺗﺘﻌﺎﻭﻥ ﻫﻲ ﻭ ﺍﻟﺰﻣﺎﻥ ﻋﻠﻴﻚ "...
ﺍﻟﻤﻬﻢ ﻛﻤﻠﻨﺎ ﺩﺍﻛﺸﻲ ﻭ ﺩﻭﺷﻨﺎ ﻭ ﺗﻐﺪﻳﻨﺎ ﺑﻮﺍﺣﺪ ﻃﻮﻳﺠﻴﻦ ﻣﻦ ﻳﺪﻳﻦ ﻫﻨﺪ ﻭﻧﻌﺴﻨﺎ ﻣﺎﻓﻘﻨﺎ ﺣﺘﻰ ﻟﻠﻌﺸﻴﺔ ﺑﺪﻟﻨﺎ ﻋﻠﻴﺎ ﻭﻣﺸﻴﻨﺎ ﻟﻠﻜﻠﻴﻨﻴﻚ ﻧﺸﻮﻓﻮﺍ ﺑﺎﺑﺎ ﻟﻘﻴﻨﺎﻩ ﻓﻲ ﺃﻓﻀﻞ ﺣﺎﻝ ﻭﺭﺟﻌﻨﺎ ﻟﻠﻔﻴﻼ ﻭ ﺩﺍﺯ ﻧﻬﺎﺭ ﻏﺰﺍﻝ ﻓﺪﺍﺭ ﺟﺪﺍﺗﻲ ﺍﻟﺤﺒﻴﺒﺔ ﺍﺳﺘﺮﺟﻌﻨﺎ ﻓﻴﻬﺎ ﺫﻛﺮﻳﺎﺕ ﺍﻟﺼﻐﺮ ﻭ ﺍﻟﺤﻨﻴﻦ ﻟﻠﻤﺎﺿﻲ
ﻛﻤﻠﻨﺎ ﺃﻧﺎ ﻭﻫﻨﺪ ﺍﻟﺴﻬﺮﺓ ﻓﺒﻴﺘﻲ ﺣﻜﻴﺖ ﻟﻴﻬﺎ ﺍﻥ ﻣﻦ ﺑﻌﺪ ﻳﻮﻣﻴﻦ ﻏﺎﻧﺘﺰﻭﺝ ﻭﻣﻦ ﻫﻨﺎ 15 ﻳﻮﻡ ﻏﺎﻧﻤﺸﻲ ﺣﻴﺖ ﺑﺎﺑﺎ ﻏﺪﺍ ﺧﺎﺭﺝ ﻣﻦ ﺍﻟﻤﺴﺘﺸﻔﻰ
ﺑﻘﻴﺖ ﻧﻮﺻﻒ ﻟﻴﻬﺎ ﻓﻲ ﺍﺣﺴﺎﺳﻲ ﻟﻲ ﻛﺎﻧﺤﺲ ﺑﻴﻪ ﻭ ﺑﺎﻟﺨﻠﻌﺔ ﻭﺍﻟﺤﺴﺮﺓ ﻭﺍﻻﻟﻢ ﻋﻨﻘﺎﺗﻨﻲ ﻭﺑﻜﻴﻨﺎ ﺑﺰﻭﻭﺝ ﺣﺘﻰ ﻧﻌﺴﻨﺎ ﻭﺣﻨﺎ ﻣﻌﺎﻧﻘﻴﻴﻦ
ﻓﻘﻨﺎ ﻛﺎﻥ ﻧﻬﺎﺭ ﺟﺪﻳﺪ ﻫﺎﺩ ﺍﻟﻨﻬﺎﺭ ﻏﺎﺩﻱ ﻳﺨﺮﺝ ﻓﻴﻪ ﺑﺎﺑﺎ ﻣﻦ ﺍﻟﻤﺴﺘﺸﻔﻰ ﻛﻠﺸﻲ ﻓﺮﺣﺎﻥ ﻭﻧﺎﺷﻂ ﺍﻟﺨﺪﺍﻣﺎﺕ ﻛﺎﻳﻮﺟﺪﻭ ﺃﺭﻭﻉ ﻭ ﺃﻃﻴﺐ ﻭ ﺃﻟﺬ ﻣﺎ ﻃﺎﺏ ﻣﻦ ﺍﻷﻃﺒﺎﻕ ﻟﻲ ﻛﺎﻳﺒﻐﻲ ﺑﺎﺑﺎ
ﺍﻟﻤﻬﻢ ﻫﻨﺪ ﻣﺸﺎﺕ ﻟﺨﺪﻣﺘﻬﺎ ﺑﻘﻴﺖ ﻓﺎﻟﺠﺮﺩﺓ ﻛﺎﻧﺘﺴﻨﺎﻫﻢ ﻳﺠﻴﻮ ﻭﺍﺣﺪ ﺍﻟﺸﻮﻳﺔ ﺻﻮﻧﺎ ﺍﻟﺘﻴﻠﻲ ﺩﻳﺎﻟﻲ ﻭ ﺑﺪﺍﺕ ﺍﻟﻄﻮﻣﻮﺑﻴﻞ ﻛﺎﺗﻜﻼﻛﺴﻮﻧﻲ ﺧﺮﺟﺖ ﻛﺎﻧﺠﺮﻱ ﻓﺎﺳﺘﻘﺒﺎﻝ ﺑﺎﺑﺎ ﺍﻟﺤﺒﻴﺐ ﻏﻴﺮ ﺷﻔﺘﻮ ﻭﺍﻗﻒ ﻋﻠﻰ ﺭﺟﻠﻴﻪ ﺭﺟﻌﺎﺕ ﻓﻴﺎ ﺍﻟﺮﻭﺡ ﻛﻨﺖ ﻛﺎﻧﺘﺎﻇﺮ ﺭﺩﺓ ﻓﻌﻠﻮ ﺧﺼﻮﺻﺎ ﺍﻥ ﻣﺎﻣﺎ ﻏﺎﺩﻱ ﺗﻜﻮﻥ ﻗﺎﻟﺖ ﻟﻴﻪ ﻛﻠﺸﻲ ﻋﻠﻰ ﺩﺍﻛﺸﻲ ﻟﻲ ﻋﺎﻭﺩﺕ ﻟﻴﻬﺎ ﻣﺸﻴﺖ ﺗﻼﺣﻴﺖ ﻓﺼﺪﺭﻭ ﻭ ﺑﺪﺍﻭ ﺩﻣﻮﻋﻲ ﻳﻨﺰﻟﻮ ﻣﺴﺤﺘﻬﻢ ﺑﺎﺵ ﻣﻨﺒﻴﻨﺶ ﻟﻴﻪ
ﺍﻧﺎ : ﻋﻠﻰ ﺳﻼﻣﺘﻚ ﺃﺑﺎﺑﺎ ﺣﺒﻴﺒﻲ ﺩﺍﺑﺎ ﻋﺎﺩ ﺍﻟﺮﻭﺡ ﺭﺟﻌﺎﺕ ﻟﻴﺎ
ﺑﺎﺑﺎ : ﺍﻟﻠﻪ ﻳﺴﻠﻤﻚ ﺣﺒﻴﺒﺔ ﺩﻳﺎﻟﻲ
ﻛﻠﺸﻲ ﺟﺎ ﻋﻨﺪ ﺑﺎﺑﺎ ﻛﺎﻳﺴﻠﻤﻮ ﻋﻠﻴﻪ ﻭﻳﺒﺎﺭﻛﻮ ﻟﻴﻪ ﻋﻠﻰ ﺳﻼﻣﺘﻮ ﻛﺎﻧﻮ ﻛﻠﻬﻢ ﻛﺎﻳﺒﻐﻴﻮﻩ ﺣﻴﺖ ﻋﻤﺮﻭ ﻃﻐﻰ ﻭﻻ ﻇﻠﻢ ﺷﻲ ﻭﺍﺣﺪ ﻛﺎﻥ ﻛﺎﻳﻌﺘﺒﺮﻫﻢ ﻛﺎﻣﻠﻴﻦ ﺑﺤﺎﻝ ﻭﻻﺩﻭ
ﺍﻟﻤﻬﻢ ﺳﻠﻢ ﻋﻠﻰ ﻛﻠﺸﻲ ﻭ ﻃﻠﻊ ﻳﺮﺗﺎﺡ ﻓﻲ ﺑﻴﺘﻮ ﻭﺍﻧﺎ ﺍﺳﺘﻐﻠﻴﺖ ﺍﻟﻔﺮﺻﺔ ﻭ ﻗﺮﺭﺕ ﻧﻤﺸﻲ ﻧﻮﺟﺪ ﺍﻟﻮﺭﺍﻕ ﻟﻲ ﻃﻠﺐ ﻣﻨﻲ ﺍﻟﻤﺤﺎﻣﻲ ﻣﺎﻣﺎ ﻏﻲ ﺷﺎﻓﺘﻨﻲ ﺧﺎﺭﺟﺔ ﻭ ﻗﺎﻟﺖ ﻟﻲ :
ﻣﺎﻣﺎ : ﻳﺎﺳﻤﻴﻦ ﻓﻴﻦ ﻏﺎﺩ ﺃﺑﻨﺘﻲ؟
ﺃﻧﺎ : ﺗﻠﻌﺘﻤﺖ ﻫﺎﻧﻲ ﺃﻣﺎﻣﺎ ﻏﺎﺩﺍ ﺧﺎﺭﺟﺔ ﻧﺠﻴﺐ ﻏﻲ ﺷﻲ ﺣﻠﻮﻯ ﺭﺍﻛﻲ ﻋﺎﺭﻓﺔ ﺷﻮﻳﺔ ﻭﺍﻟﺪﻧﻴﺎ ﺗﻌﻤﺮ ﺑﺎﻻﺻﺪﻗﺎﺀ ﻭﺍﻟﻌﺎﺋﻠﺔ ﻭ ﺩﺍﻛﺸﻲ ﻋﻨﺪﻧﺎ ﺑﺎﻥ ﻟﻲ ﻣﻜﺎﻓﻴﺶ
ﻣﺎﻣﺎ : ﻻ ﺃﺑﻨﺘﻲ ﻏﻲ ﺧﻠﻴﻚ ﺍﻟﻰ ﺟﺎ ﺷﻲ ﺣﺪ ﺍﺳﺘﻘﺒﻠﻴﻪ ﻭ ﺧﻠﻲ ﺳﻌﻴﺪ ﻳﻤﺸﻲ ﻳﺠﻴﺐ ﺍﻟﺤﻠﻮﻯ ﻭ ﺩﺍﻛﺸﻲ
ﺍﻧﺎ : ﻻ ﺃﻣﺎﻣﺎ ﻣﻐﺎﺩﺍﺵ ﻧﺘﻌﻄﻞ ﺩﺍﺑﺎ ﺷﻮﻳﺔ ﻭ ﻧﻜﻮﻥ ﻫﻨﺎ ﻣﺎﺗﺨﺎﻓﻴﺶ ﻣﺎﻧﺘﻌﻄﻠﺶ
ﺧﺮﺟﺖ ﺩﻏﻴﺎ ﻣﺸﻴﺖ ﻗﺒﻞ ﻣﺎ ﺗﺸﺪﻧﻲ ﻭﺑﺤﻜﻢ ﻣﻜﺎﻧﺔ ﺑﺎﺑﺎ ﻭ ﺍﻧﻪ ﺷﺨﺼﻴﺔ ﻣﻌﺮﻭﻓﺔ ﺍﺳﺘﺎﻃﻌﺖ ﻧﺼﺎﻭﺏ ﻛﺎﻉ ﺍﻟﻮﺭﺍﻕ ﻓﻮﻗﺖ ﻭﺟﻴﺰ ﻭﺩﺯﺕ ﺑﺴﺮﻋﺔ ﺗﻘﺪﻳﺖ ﺑﻼﻃﻮﺍﺕ ﺩﻳﺎﻝ ﺍﻟﺤﻠﻮﻯ ﻭﻣﺸﻴﺖ ﻟﻠﺪﺍﺭ
ﻃﻠﻌﺖ ﻟﺒﻴﺘﻲ ﺩﻭﺷﺖ ﺑﺪﻟﺖ ﻋﻠﻴﺎ ﻭﻫﺒﻄﺖ ﻟﺘﺤﺖ ﺑﺪﺍﻭ ﺍﺻﺪﻗﺎﺀ ﺑﺎﺑﺎ ﻳﺘﻮﺍﻓﺪﻭ ﻭ ﺍﻟﺠﻴﺮﺍﻥ ﻭﺍﻟﺤﺒﺎﺏ ﺑﺤﻜﻢ ﺍﻧﻪ ﺍﻧﺴﺎﻥ ﻃﻴﺐ ﻭﻣﺤﺒﻮﺏ ﺣﺘﻰ ﻭﺍﺣﺪ ﻣﺘﻘﺎﻋﺲ ﻋﻠﻰ ﺯﻳﺎﺭﺗﻮ
ﻛﻤﻠﻨﺎ ﺍﻟﺒﺮﻭﺗﻮﻛﻼﺕ ﺍﻻﺟﺘﻤﺎﻋﻴﺔ ﻭ ﻣﺸﺎﻭ ﺍﻟﻨﺎﺱ ﺑﺤﺎﻟﻬﻢ ﻭ ﻃﻠﻌﺖ ﻟﺒﻴﺘﻲ ﻧﺮﺗﺎﺡ
ﺷﻮﻳﺔ ﺟﺎﺕ ﺍﻟﺨﺪﺍﻣﺔ ﺩﻕ ﻓﻲ ﺑﻴﺘﻲ ﻗﺎﻟﺘﻲ ﻧﻮﺿﻲ ﺗﻜﻠﻤﻲ ﻟﺒﺎﺑﺎﻙ ﺑﻐﺎﻙ ﺩﺍﺑﺎ ﺿﺮﻭﺭﻱ ﻭ ﻫﻴﺎ ﻧﺎﺭﻱ ﻭ ﻫﻴﺎ ﺍﻟﻤﻠﻚ ﻭ ﻫﻴﺎ ﺳﻴﺪﻧﺎ ﻣﺸﻴﺖ ﻓﻴﻬﺎ ﺣﻴﺚ ﻋﺮﻓﺘﻮ ﻻﺵ ﺑﻐﺎﻧﻲ ﻧﺎﺭﻱ ﺭﺟﻠﻴﺎ ﺧﻮﺍﻭ ﻋﻠﻴﺎ ﻭ ﻟﺴﺎﻧﻲ ﺗﻘﺎﻝ ﻭ ﻗﻠﺒﻲ ﺑﺪﺍ ﻛﺎﻳﻀﺮﺏ ﻧﻀﺖ ﺧﺮﺟﺖ ﺗﻤﻴﺖ ﻏﺎﺩﺍ ﻋﻨﺪﻭ ﻭ ﻛﻠﻲ ﻛﺎﻧﻔﻴﺒﺮﻱ ﺣﻴﺚ ﺧﺎﻳﻔﺔ ﻣﻦ ﺭﺩﺓ ﺍﻟﻔﻌﻞ ﺩﻳﺎﻟﻮ ...
ﻳﺘﺒﻊ ....
ﺍﻟﺤﻠﻘﺔ 19
ﺗﻤﻴﺖ ﻏﺎﺩﺍ ﻋﻨﺪﻭ ﻭ ﻛﻠﻲ ﻛﺎﻧﻔﻴﺒﺮﻱ ﺣﻴﺚ ﺧﺎﻳﻔﺔ ﻣﻦ ﺭﺩﺓ ﺍﻟﻔﻌﻞ ﺩﻳﺎﻟﻮ ﻭ ﺑﺪﻳﺖ ﻛﺎﻧﺪﻋﻲ ﺍﻟﻠﻪ ﻳﻘﺒﻞ ﻭﻣﺎﻳﻌﺎﺭﺿﺶ ﻟﻘﻴﺖ ﻣﻌﺎﻩ ﻣﺎﻣﺎ ﻓﺮﺣﺖ ﺣﻴﺖ ﻏﺎﺩﻳﺎ ﺗﺪﻋﻤﻨﻲ ﻭﺗﻜﻮﻥ ﻓﺠﻨﺒﻲ
ﻗﺮﺭﺕ ﻧﻬﺎﺟﻢ ﺍﻧﺎ ﺍﻻﻭﻟﻰ
ﺃﻧﺎ : ﺑﺎﺑﺎ ﺍﻟﺤﺒﻴﺐ ﺑﻼ ﺷﻚ ﻣﺎﻣﺎ ﻗﺎﻟﺖ ﻟﻴﻚ ﻋﻠﻰ ﺍﻟﺼﻔﻘﺔ ﺩﻳﺎﻝ ﺍﻟﺴﻴﺪ ﻟﻲ ﻗﻠﺖ ﻟﻴﻬﺎ ﺷﻨﻮ ﺭﺃﻳﻚ ﺃﺑﺎﺑﺎ؟ ﻭﺍﺧﺎ ﺍﻧﺎ ﺭﺍﻩ ﺗﻴﺒﺎﻥ ﻟﻴﺎ ﻓﺮﺻﺔ ﻣﺰﻳﺎﻧﺔ ﻭﻣﻌﻨﺪﻧﺎﺵ ﺑﺪﻳﻞ ﻋﻠﻴﻬﺎ ﺣﺒﺴﺖ ﻛﻼﻣﻲ ﻭﺍﻧﺎ ﺗﻨﺤﺎﻭﻝ ﻣﺎ ﺃﻣﻜﻦ ﻧﺠﻨﺒﻮ ﺍﻱ ﺿﻐﻂ ﺍﻭ ﻋﺼﺐ
ﺑﺎﺑﺎ : ﻛﻴﻒ ﻣﺎ ﻗﻠﺘﻲ ﺍﺑﻨﺘﻲ ﻣﻌﻨﺪﻧﺎﺵ ﺑﺪﻳﻞ ﻟﻜﻦ ﻣﺒﻐﻴﺘﺶ ﺍﺑﻨﺘﻲ ﺗﺘﻔﺮﺽ ﻋﻠﻴﻚ ﺍﻟﺨﺪﻣﺔ ﺑﺰﺯ
ﺍﻧﺎ : ﺑﺎﻟﻌﻜﺲ ﺍﺑﺎﺑﺎ ﺭﺍﻩ ﻓﺮﺻﺔ ﻣﺰﻳﺎﻧﺔ ﻟﻴﺎ ﺭﺍﻩ ﻏﺎﻧﺨﺪﻡ ﻓﻨﻄﺎﻕ ﺍﻟﺘﺨﺼﺺ ﺩﻳﺎﻟﻲ ﻭﻏﺎﺩﻱ ﻧﻜﻤﻞ ﻗﺮﺍﻳﺘﻲ ﻳﻌﻨﻲ ﻏﺎﺩﻱ ﻧﻀﺮﺏ ﻋﺼﻔﻮﺭﻳﻦ ﺑﺤﺠﺮ ﻭﺍﺣﺪ
ﺑﺎﺑﺎ : ﻭﻛﻴﻔﺎﺵ ﻏﺎﺩﻱ ﻧﺴﺪﺩﻭ ﻟﻠﺴﻴﺪ ﺍﻻﻗﺴﺎﻁ ﻭ ﺍﻟﺪﻳﻮﻥ ﺩﻳﺎﻟﻮ؟
ﺍﻧﺎ : ﻏﺎﺩﻱ ﻧﺒﻘﺎﻭ ﻧﻌﻄﻴﻮﻩ ﺟﺰﺀ ﻣﻦ ﺍﻻﺭﺑﺎﺡ ﻫﻮ ﺭﺍﻩ ﻋﻄﺎﻧﺎ ﻧﺴﺪﺩﻭ ﻋﻠﻰ ﻣﺪﺓ ﻃﻮﻳﻠﺔ ﺍﺑﺎﺑﺎ
ﺑﺎﺑﺎ : ﻋﻠﻰ ﻫﺎﺩ ﺍﻟﺤﺴﺎﺏ ﻫﺎﺩ ﺍﻟﺴﻴﺪ ﻣﻼﻙ ﻧﺰﻝ ﻋﻠﻴﻨﺎ ﻣﻦ ﺍﻟﺴﻤﺎ ﻓﺄﻭﻝ ﻓﺮﺻﺔ ﺧﺎﺻﻨﻲ ﻧﺘﻼﻗﺎﻩ ﻭﻧﺸﻜﺮﻭ
ﺍﻧﺎ : ﺍﻥ ﺷﺎﺀ ﺍﻟﻠﻪ ﺃﺑﺎﺑﺎ ﻏﻴﺮ ﻳﺠﻲ ﻟﻠﻤﻐﺮﺏ ﻳﺠﻲ ﻳﺘﻌﺮﻑ ﻋﻠﻴﻚ
ﺧﺮﺟﺖ ﻣﻦ ﻋﻨﺪﻫﻢ ﻭﻏﺎﺩﻳﺎ ﻧﻄﻴﺮ ﺑﺎﻟﻔﺮﺣﺔ ﺣﻴﺖ ﺍﺧﻴﺮﺍ ﺑﺎﺑﺎ ﻭﺍﻓﻖ ﺣﺴﻴﺖ ﺑﻴﻪ ﻣﺴﻜﻴﻦ ﺑﺤﺎﻝ ﺇﻟﻰ ﻛﺎﻥ ﻛﺎﻳﻐﺮﻕ ﻭﻣﺪﻭ ﻟﻴﻪ ﻳﺪ ﺍﻟﻌﻮﻥ ﻭﺍﻻﻧﻘﺎﺩ ﻭﺍﺣﺪ ﺍﻟﻔﺮﺣﺔ ﻓﻌﻴﻨﻴﻪ ﻻ ﺗﻘﺪﺭ ﺑﺘﻤﻦ ﻭﺗﺴﺘﺤﻖ ﻫﺎﺩ ﺍﻟﺘﻀﺤﻴﺔ ﻟﻲ ﻏﺎﻧﺪﻳﺮ
ﻧﻌﺴﺖ ﻓﻘﺖ ﻋﻠﻰ ﺻﻮﺕ ﺍﻟﻤﻨﺒﻪ ﻛﺎﻥ ﺍﻟﻴﻮﻡ ﻣﻮﻋﺪ ﺩﻳﺎﻟﻲ ﻣﻊ ﺍﻟﻤﺤﺎﻣﻲ ﺑﺎﺵ ﻧﻮﻗﻊ ﺻﻔﻘﺔ ﻋﻠﻰ ﺣﻴﺎﺗﻲ ﻧﻬﺎﺭ ﻟﻲ ﻏﺎﻧﺘﺰﻑ ﻓﻴﻪ ﻋﺮﻭﺳﺔ ﻟﻠﻤﺠﻬﻮﻝ ﻧﻬﺎﺭ ﻟﻲ ﻏﺎﻧﺘﺰﻭﺝ ﺑﺎﻟﻮﻛﺎﻟﺔ ﻭﺍﺵ ﻛﺎﻳﻦ ﺷﻲ ﺫﻝ ﻛﺜﺮ ﻣﻦ ﻫﺬﺍ
ﻭﺻﻠﺖ ﻋﻨﺪ ﺍﻟﻤﺤﺎﻣﻲ ﻛﻠﺸﻲ ﻣﻮﺟﺩ ﺍﻟﺸﻬﻮﺩ ﻮﺭﺍﻕ ﺍﻟﻌﺮﻭﺳﺔ ﻏﻴﺮ ﺍﻟﻌﺮﻳﺲ ﻟﻲ ﻣﻤﺴﺎﻟﻴﺶ ﻫﻪ ﺿﺤﻜﺖ ﻋﻠﻰ ﺭﺍﺳﻲ ﻭﺗﻔﻜﺮﺕ ﻭﺍﺣﺪ ﺍﻟﻔﻴﻠﻢ ﺩﻳﺎﻝ ﻧﺠﻼﺀ ﻓﺘﺤﻲ ﻟﻲ ﺗﺰﻭﺟﺎﺕ ﺑﺎﻟﻮﻛﺎﻟﺔ ﻭﻓﺎﻟﻠﺨﺮ ﻟﻘﺎﺕ ﺍﻟﻮﻛﻴﻞ ﻋﻴﻨﻮ ﻓﻴﻬﺎ ﺃﻭﻳﻠﻲ ﻫﺎﺩ ﺍﻟﺒﻮﺑﺮﺍﻳﺺ ﺩﻳﺎﻝ ﺍﻟﻤﺤﺎﻣﻲ ﻭ ﺍﻟﻠﻪ ﺗﻨﺨﻠﻲ ﺩﺍﺭ ﺑﻮﻩ ﺑﻘﻴﺖ ﻧﻀﺤﻚ ﺣﺘﻰ ﻓﻴﻘﻨﻲ ﻣﻦ ﺍﻓﻜﺎﺭﻱ ﻭ ﻗﺎﻟﻲ :
ﺍﻟﻤﺤﺎﻣﻲ : ﻭﻗﻌﻲ ﻫﻨﺎ ...
ﻭﻗﻌﺖ ﻋﻠﻰ 5 ﺳﻨﻴﻦ ﻣﺒﻴﻮﻋﺔ ﻣﻦ ﺣﻴﺎﺗﻲ ﻭﺧﺪﻳﺖ ﺍﻟﻮﺭﻗﺔ ﻟﻲ ﻏﺎﺩﻱ ﺗﺮﺟﻊ ﻟﺒﺎﺑﺎ ﻛﺎﻉ ﺩﺍﻛﺸﻲ ﻟﻲ ﺿﺎﻉ ﻣﻨﻮ ﻓﻠﻮﺳﻮ ﻭ ﺻﺤﺘﻮ ﻭﺭﺟﻌﺖ ﻟﻠﺪﺍﺭ ﻟﻘﻴﺖ ﻋﺎﺋﻠﺔ ﻋﻤﻲ ﻛﻤﺎﻝ ﻋﻨﺪﻧﺎ ﺣﺴﺎﻡ ﻭﻫﻨﺪ ﻓﺎﻟﺠﺮﺩﺓ ﺗﻴﻬﻀﺮﻭ ﻓﺮﺣﺖ ﻓﺎﺵ ﺷﻔﺘﻬﻢ ﺑﺰﻭﺝ ﺷﺎﻓﻮﻧﻲ ﺟﺎﻭ ﻋﻨﺪﻱ
ﺣﺴﺎﻡ : ﻋﻴﻨﻴﻪ ﺗﻴﺒﺮﻳﻮ ﻋﻠﻰ ﺳﻼﻣﺔ ﻋﻤﻲ
ﺍﻧﺎ : ﺍﻟﻠﻪ ﻳﺴﻠﻤﻚ ﻣﻴﻐﺴﻲ ﺣﺴﺎﻡ
ﻋﻨﻘﺎﺗﻨﻲ ﻫﻨﺪ ﻭﻗﻠﺖ ﻟﻴﻬﺎ ﻓﻮﺩﻧﻴﻬﺎ : ﺻﺎﻓﻲ ﻛﻠﺸﻲ ﺳﺎﻻ ﻭﻟﻴﺖ ﻣﺪﺍﻡ ﺑﻨﺎﻧﻲ
ﺧﺮﺟﺎﺕ ﻓﻴﺎ ﻋﻴﻨﻴﻬﺎ ﺑﺼﺪﻣﺔ ﻋﻨﻘﺎﺗﻨﻲ ﺑﺠﻬﺪ ﻭﺑﻘﺎﺕ ﺗﺒﻜﻲ ﻭ ﺣﺴﺎﻡ ﻣﺎﻓﻬﻢ ﻭﺍﻟﻮ
ﺩﺧﻠﻨﺎ ﻟﻠﺪﺍﺭ ﻟﻘﻴﻨﺎ ﻛﻠﺸﻲ ﻧﺎﺷﻂ ﻭﻓﺮﺣﺎﻥ
ﻋﻤﻲ ﻛﻤﺎﻝ ﻋﻴﻂ ﻟﻴﺎ ﻭ ﺍﻧﻔﺮﺩ ﺑﻴﺎ
ﻛﻤﺎﻝ : ﺷﻨﻮ ﺩﺭﺗﻲ ﺍﺑﻨﺘﻲ ﻓﻲ ﺩﺍﻛﺸﻲ؟
ﺟﺒﺪﺕ ﻟﻴﻪ ﺍﻟﻮﺭﻗﺔ ﺻﺎﻓﻲ ﺍﻋﻤﻲ ﻛﻠﺸﻲ ﻫﻮ ﻫﺪﺍﻙ ﻋﻨﻘﻨﻲ ﻭﺗﻤﻨﻰ ﻟﻴﺎ ﺍﻟﺘﻮﻓﻴﻖ ﻭ ﺣﺴﺎﻡ ﻣﺮﺍﻗﺒﻨﻲ ﻣﻦ ﺑﻌﻴﺪ ﻭﻣﺎﻓﺎﻫﻢ ﻭﺍﻟﻮ ﺧﻮﺍﺕ ﺍﻟﺪﺍﺭ ﻛﻠﺸﻲ ﻣﺸﺎ ﺑﻘﻴﺖ ﻏﻴﺮ ﺍﻧﺎ ﻭﺑﺎﺑﺎ ﻋﻄﻴﺘﻮ ﺍﻟﻮﺭﻗﺔ ﻭ ﻋﺮﻑ ﺑﺎﻧﻪ ﻛﻠﺸﻲ ﺭﺟﻊ ﻟﻴﻪ ﻋﻨﻘﻨﻲ ﻭﺑﻘﺎ ﻳﺒﻜﻲ ﻣﺨﻠﻴﺘﻮﺵ ﻳﺘﺄﺗﺮ ﺑﺎﺵ ﻣﻴﻤﺮﺿﺶ ﻋﺎﻓﺎﻙ ﺍﺑﺎﺑﺎ ﻣﺘﺒﻜﻴﺶ ﺍﻟﺤﻤﺪ ﻟﻠﻪ ﻛﻠﺸﻲ ﺭﺟﻊ ﺭﺑﻲ ﻛﺒﻴﺮ ﻫﻮ ﻟﻲ ﺧﺪﺍ ﻟﻴﻚ ﻫﻮ ﻟﻲ ﺭﺩ ﻟﻴﻚ ﺍﺑﺘﺴﻢ ﺍﺑﺘﺴﺎﻣﺔ ﻭﻣﺸﻰ ﻳﻨﻌﺲ ﻭ ﺣﺴﺎﻡ ﻋﺮﺽ ﻋﻠﻴﻨﺎ ﺍﻧﺎ ﻭﻫﻨﺪ ﻧﺘﻌﺸﺎﻭ ﺑﺎﺵ ﻧﺤﺘﺎﻓﻠﻮ ﺑﺨﺮﻭﺝ ﺑﺎﺑﺎ ﻣﻦ ﺍﻟﻜﻠﻴﻨﻴﻚ ﻭﺍﻓﻘﻨﺎ ﻧﻴﺖ ﻛﻨﺎ ﺑﺎﻏﻴﻴﻦ ﻧﺒﺪﻟﻮ ﺍﻟﺠﻮ ﻭﺻﻼﺕ ﺍﻟﻌﺸﻴﺔ ﻻﻭﻝ ﻣﺮﺓ ﻣﻦ ﺷﺤﺎﻝ ﻫﺪﻱ ﻧﻠﺒﺲ ﻭﻧﺪﻳﺮ ﻣﻜﻴﺎﺝ ﻟﺒﺴﺖ ﺍﻧﺎ ﻛﺴﻮﺓ ﻓﺎﻟﺒﻴﺾ ﺗﺤﺖ ﺍﻟﺮﻛﺒﺔ ﺻﺎﻙ ﻭﻃﺎﻟﻮﻥ ﻓﺎﻟﻜﺤﻞ ﻃﻠﻘﺖ ﺷﻌﺮﻱ ﺍﻟﺬﻫﺒﻲ ﻟﻠﺮﻳﺢ ﻭ ﻫﻨﺪ ﻟﺒﺴﺎﺕ ﻛﺴﻮﺓ ﻓﺎﻟﻤﻮﻑ ﻃﺎﻟﻮﻥ ﻭ ﺻﺎﻙ ﻓﻲ ﺍﻟﮕﺮﻱ ﺟﻴﻨﺎ ﻏﺰﺍﻻﺕ ﻫﺒﻄﻨﺎ ﻟﻘﻴﻨﺎ ﺣﺴﺎﻡ ﺷﺎﻓﻨﺎ ﻭﺑﺪﺍ ﻳﺼﻔﺮ ﻫﺎﻱ ﻫﺎﻱ ﻋﻠﻰ ﺍﻻﻧﺎﻗﺔ ﻓﻴﻦ ﻛﻨﺘﻮ ﻣﺨﺒﻴﻴﻦ ﻫﺎﺩﺷﻲ ﺗﻌﻤﺪﺕ ﻧﺮﻛﺐ ﺍﻟﻠﻮﺭ ﻭﺭﻛﺒﺎﺕ ﻫﻨﺪ ﺣﺪﺍﻩ ﺷﺎﻑ ﻓﻬﻨﺪ ﻭ ﻗﺎﻟﻬﺎ
ﺣﺴﺎﻡ : ﻗﻮﻟﻴﺎ ﺃﺩﻛﺘﻮﺭ ﺷﺎﻧﺒﻮ ﻓﻴﻦ ﻛﻨﺘﻲ ﻣﺨﺒﻲ ﻫﺎﺩ ﺷﻲ ﺑﻘﻴﻨﺎ ﻧﻀﺤﻜﻮ
ﻫﻨﺪ : ﺭﺍﻩ ﺍﻟﻌﻴﺐ ﻣﺎﺷﻲ ﻓﻴﺎ ﺭﺍﻩ ﻓﻌﻴﻨﻴﻚ ﻟﻲ ﺗﻴﺸﻮﻓﻮ ﻏﻴﺮ ﺍﻟﻤﻈﺎﻫﺮ ﺍﻟﺒﺮﺍﻗﺔ
ﺍﻧﺎ : ﺗﻨﻀﺤﻚ ﻭﺍﻭ ﻭﺍﺣﺪ ﻟﻮﺍﺣﺪ ﺗﻌﺎﺩﻝ ﻋﻄﺎﺗﻚ ﺍﺑﺎ ﺣﺴﺎﻡ ﻫﻬﻪ
ﺣﺴﺎﻡ : ﻫﻨﺪ ﻣﺘﻘﻠﻘﻴﺶ ﺭﺍﻩ ﻫﺪﻱ ﺑﺎﻏﺎ ﺗﺨﺎﺻﻤﻨﺎ
ﺍﻧﺎ : ﺍﺣﻢ ﺍﺣﻢ
ﺑﻘﻴﻨﺎ ﻧﻀﺤﻜﻮ ﻛﺎﻣﻠﻴﻦ ﻛﻨﺖ ﻓﺮﺣﺎﻧﺔ ﺣﻴﺖ ﺑﺪﻳﺖ ﻧﺤﺲ ﺑﻴﻬﻢ ﺑﺪﺍﻭ ﻳﺘﻘﺮﺑﻮ ﻣﻦ ﺑﻌﻀﻬﻢ
ﺩﺍﺯﺕ ﺍﻟﺴﻬﺮﺓ ﻏﺰﺍﻟﺔ ﺿﺤﻜﻨﺎ ﻭﻟﻌﺒﻨﺎ ﻭﺷﻄﺤﻨﺎ ﻣﺮﺓ ﺍﻧﺎ ﻣﻊ ﺣﺴﺎﻡ ﻣﺮﺓ ﻫﻨﺪ ﺩﻭﺯﻧﺎ ﻟﻴﻠﺔ ﻏﺰﺍﻟﺔ ﻭﺻﻠﻨﺎ ﺣﺴﺎﻡ ﻭﻣﺸﺎ
ﻛﻨﺎ ﻋﻴﺎﻧﻴﻦ ﻣﺎﻓﻴﻨﺎ ﻣﺎﻳﻬﻀﺮ ﻛﻞ ﻭﺣﺪﺓ ﻃﻠﻌﺎﺕ ﻟﺒﻴﺘﻬﺎ ﺗﺮﺗﺎﺡ
ﻣﻊ ﺣﻄﻴﺖ ﺭﺍﺳﻲ ﻋﻠﻰ ﺍﻟﻮﺳﺎﺩﺓ ﺻﻮﻧﺎ ﺍﻟﺘﻴﻠﻲ ﺩﻳﺎﻟﻲ ﻭﻛﺎﻧﺖ ﺩﻳﻚ ﺍﻟﻨﻤﺮﺓ ﺑﺮﻳﻔﻲ ﺍﻟﻤﻬﻢ ﺟﺎﻭﺑﺖ
ﺃﻧﺎ : ﺃﻟﻮ ﺷﻜﻮﻥ ﻣﻌﺎﻳﺎ؟
ﺍﻟﺸﺨﺺ : ﺷﻮﻓﻲ ﺃﺩﻳﻚ ﺍﻟﻤﻮﺳﺨﺔ ﺭﺍﻩ ﻣﺮﺍﺕ ﺍﻟﺮﺍﺟﻞ ﺍﻟﻤﺤﺘﺮﻣﺔ ﻣﺎﻛﺎﺗﺸﻄﺤﺶ ﻣﻊ ﺍﻟﺮﺟﺎﻝ ﻓﻨﺺ ﺍﻟﻠﻴﻞ ﺍﻟﻤﻬﻢ ﻫﺬﺍ ﺃﻭﻝ ﻭ ﺁﺧﺮ ﺇﻧﺬﺍﺭ ﻟﻴﻚ ﻭﻻ ﺩﻳﻚ 15 ﻳﻮﻡ ﻏﺎﺩﺍ ﺗﻮﻟﻲ ﺳﻴﻤﺎﻧﺔ ﻭ ﻗﻄﻊ
ﻗﻄﻊ ﺍﻟﺨﻂ ﻭﺍﻧﺎ ﺑﻘﻴﺖ ﻣﺼﺪﻭﻣﺔ ﻓﺒﻼﺻﺘﻲ ﻫﺎﺩ ﺍﻟﻨﺒﺮﺓ ﺩﻳﺎﻝ ﺻﻮﺗﻮ ﺧﻠﻌﺎﺗﺘﻲ ﻭ ﺯﻋﺰﻋﺎﺗﻨﻲ ﺷﻜﻮﻥ ﻫﺬﺍ؟
ﻳﺎﻛﻤﺎ ﻳﻮﺳﻒ؟
ﻭﻟﻜﻦ ﻳﻮﺳﻒ ﻳﺎﻙ ﻓﻲ ﻣﻴﺮﻳﻜﺎﻥ؟
ﻭﻻ ﻛﺎﻥ ﻣﺮﺍﻗﺒﻨﻲ ﻋﻼﺵ ﻣﺒﻐﺎﺵ ﻳﺘﻼﻗﻰ ﺑﻴﺎ؟
ﺃﻭﻑ ﺃﻻﻑ ﺍﻻﺳﺌﻠﺔ ﺭﺍﻭﺩﺍﺗﻨﻲ ﺑﻘﻴﺖ ﺳﺎﻛﺘﺔ ﻣﻌﺮﻓﺖ ﻣﺎﻧﺪﻳﺮ
ﺻﻮﺗﻮ ﺍﻟﺤﺎﺩ ﺧﻠﻌﻨﻲ ﻭ ﻛﻴﻔﺎﺵ ﺍﻟﻤﻮﺳﺨﺔ؟
ﻫﺬﺍ ﻣﺎﻟﻮ ﺃﺵ ﺧﺎﺻﻮ؟
ﺻﺮﺍﺣﺔ ﻋﻤﺮ ﺷﻲ ﻭﺍﺣﺪ ﺧﺎﻃﺒﻨﻲ ﻭﻻ ﺗﻜﻠﻢ ﻣﻌﺎﻳﺎ ﺑﻬﺎﺩ ﺍﻟﻄﺮﻳﻘﺔ ﺍﻟﻠﻴﻞ ﻛﺎﻣﻞ ﻣﺎﺟﺎﻧﻴﺶ ﻧﻌﺎﺱ ﺑﻘﻴﺖ ﻏﻲ ﻛﺎﻧﻔﻜﺮ ﻭ ﻧﺘﺨﺎﻳﻞ ﻓﻲ ﻫﺎﺩ ﻳﻮﺳﻒ ﻭ ﺍﻟﻐﻤﻮﺽ ﺩﻳﺎﻟﻮ ﻛﻴﻔﺎﺵ ﺷﻜﻠﻮ ﻭ ﺷﺨﺼﻴﺘﻮ ﻭ ﻫﻴﺎ ﻧﺎﺭﻱ ﺃﻣﻴﻤﺘﻲ ﺇﻟﻰ ﻛﺎﻥ ﻫﻮ ﺍﻟﻤﺘﺼﻞ ﺭﺍﻩ ﻣﺸﻴﺖ ﻓﻴﻬﺎ ﻏﻲ ﻣﻦ ﺻﻮﺗﻮ ﺑﺎﻳﻨﺔ ﻓﻴﻪ ﻗﺒﻴﺢ ﻛﻴﻔﺎﺵ ﻏﺎﺩﻱ ﻳﻜﻮﻥ ﻟﻘﺎﺀﻧﺎ؟
ﻭ ﻛﻴﻔﺎﺵ ﻏﺎﺗﻜﻮﻥ ﻫﺎﺩ ﺍﻻﻳﺎﻡ ﻟﻲ ﺟﺎﻳﺔ ﻣﻌﺎﻩ؟ ﺗﻔﻮ ﻧﻬﺎﺭ ﻋﻠﻰ ﻧﻬﺎﺭ ﻛﺎﻧﺰﻳﺪ ﻧﻜﺮﻫﻮ ﻭﺍﺧﺎ ﻣﺎﺯﺍﻝ ﻣﺎﺷﻔﺖ ﻛﻤﺎﺭﺗﻮ...
الحلقة 20
ﺻﺮﺍﺣﺔ ﻋﻤﺮ ﺷﻲ ﻭﺍﺣﺪ ﺧﺎﻃﺒﻨﻲ ﻭﻻ ﺗﻜﻠﻢ ﻣﻌﺎﻳﺎ ﺑﻬﺎﺩ ﺍﻟﻄﺮﻳﻘﺔ ﺍﻟﻠﻴﻞ ﻛﺎﻣﻞ ﻣﺎﺟﺎﻧﻴﺶ ﻧﻌﺎﺱ ﺑﻘﻴﺖ ﻏﻲ ﻛﺎﻧﻔﻜﺮ ﻭ ﻧﺘﺨﺎﻳﻞ ﻓﻲ ﻫﺎﺩ ﻳﻮﺳﻒ ﻭ ﺍﻟﻐﻤﻮﺽ ﺩﻳﺎﻟﻮ ﻛﻴﻔﺎﺵ ﺷﻜﻠﻮ ﻭ ﺷﺨﺼﻴﺘﻮ ﻭ ﻫﻴﺎ ﻧﺎﺭﻱ ﺃﻣﻴﻤﺘﻲ ﺇﻟﻰ ﻛﺎﻥ ﻫﻮ ﺍﻟﻤﺘﺼﻞ ﺭﺍﻩ ﻣﺸﻴﺖ ﻓﻴﻬﺎ ﻏﻲ ﻣﻦ ﺻﻮﺗﻮ ﺑﺎﻳﻨﺔ ﻓﻴﻪ ﻗﺒﻴﺢ ﻛﻴﻔﺎﺵ ﻏﺎﺩﻱ ﻳﻜﻮﻥ ﻟﻘﺎﺀﻧﺎ؟
ﻭ ﻛﻴﻔﺎﺵ ﻏﺎﺗﻜﻮﻥ ﻫﺎﺩ ﺍﻻﻳﺎﻡ ﻟﻲ ﺟﺎﻳﺔ ﻣﻌﺎﻩ؟ ﺗﻔﻮ ﻧﻬﺎﺭ ﻋﻠﻰ ﻧﻬﺎﺭ ﻛﺎﻧﺰﻳﺪ ﻧﻜﺮﻫﻮ ﻭﺍﺧﺎ ﻣﺎﺯﺍﻝ ﻣﺎﺷﻔﺖ ﻛﻤﺎﺭﺗﻮ
ﺃﺧﻴﺮﺍ ﻧﻌﺴﺖ ﻓﻘﺖ ﻣﺘﺄﺧﺮﺓ ﺩﻭﺷﺖ ﻭﻗﺮﺭﺕ ﻧﻤﺸﻲ ﻻﺻﺎﻝ ﺣﻴﺖ ﻣﻨﻴﻦ ﺟﻴﺖ ﻣﻦ ﻓﺮﻧﺴﺎ مادرت سبور ﻟﺒﺴﺖ ﺳﻴﺮﻓﻴﺖ ﻓﺎﻟﻨﻮﺍﺭ و ﺳﺒﺎﺩﺭيا ﻓﺎﻻﺑﻴﺾ ﻫﺰﻳﺖ ﺷﻌﺮﻱ درت ﺫﻳﻞ ﺣﺼﺎﻥ ﺩﺭﺕ ﻧﻀﺎﺭﺍﺗﻲ ﺍﻟﺸﻤﺴﻴﺔ ﻭﻧﺰﻟﺖ ﻟﻘﻴﺖ ﺑﺎﺑﺎ ﻓﺎﻟﺠﺮﺩﺓ ﺗﻴﻘﺮﺍ في ﺍﻟﺠﻮﺭﻧﺎﻝ ﺣﻤﺪﺗﻚ ﻳﺎﺭﺑﻲ ﻭﺷﻜﺮﺗﻚ ﻣﻨﻲ ﺑﺎﺑﺎ ﺭﺟﻌﺎﺕ ﻟﻴﻪ ﺻﺤﺘﻭ ﻭﻋﺎﻓﻴﺘﻮ ﺑﺴﺘﻮ وﻣﺸﻴﺖ غي على رجليا
ﻛﺎﻥ ﻻﺻﺎﻝ ﻗﺮﻳﺐ ﺗﻼﻗﻴﺖ ﺣﺴﺎﻡ ﻟﻲ ﻣﻮﺍﻟﻔﺔ ﻧﺴﻠﻢ ﻋﻠﻴﻪ ﺑﺎﻟﻮﺟﻪ ﺳﻠﻤﺖ ﻋﻠﻴﻪ ﺑﺎﻟﻴﺪ وﻫﻮ ﻣﺎﻓﻬﻢ ﻭﺍلو ﻃﻠﺐ ﻳﻮﺻﻠﻨﻲ ﻭﺭﻓﻀﺖ ﻣﻌﺮﻓﺘﺶ ﻻﺵ حيث خفت من داك الاتصال لي جاني أنا غادا أواحد ﻃﻮﻣﻮﺑﻴﻞ ﻛﺤﻠﺔ ﺗﺎﺑﻌﺎﻧﻲ من اللور ﺗﻠﻔﺖ ﻟﻴﻬﺎ ﻭﻫﻲ ﺗﺪﻭﺭ ﺍﻟﻠﻪ ﻳﺎﺭبي ﻣﺎﻟﻲ ﻭﻟﻴﺖ ﻏﻴﺮ ﻣﻮﺳﻮﺳﺔ ﺍﺳﺘﻐﻔﺮﺕ ﺍﻟﻠﻪ ﻭﻛﻤﻠﺖ ﻃﺮﻳﻘﻲ
ﻭﺻﻠﺖ لاصال ﻛﻠﺸﻲ ﻓﺮﺡ ﺑﻴﺎ ﻟﺒﻨﺎﺕ كايعنقوني ﻛﻠﻬﻢ ﺗﻘﺮﻳﺒﺎ ﺻﺤﺎﺑﺎﺗﻲ ﻭﺑﻨﺎﺕ ﺟﻴﺮﺍﻧﺎ ﺗﺮﻳﻨﻴﻨﺎ ﻭﻓﺎﺵ ﺳﺎﻟﻴﻨﺎ ﻗﻠﺒﻨﺎﻫﺎ ﺷﻌﺒﻲ ﺳﺎﻋﺔ ﻭﺣﻨﺎ ﻧﺸﻄﺤﻮ ﻭﻧﺪﺭﺩﻛﻮ ﺻﺮﺍﺣﺔ ﻓﺮﻏﺖ ﻛﺎﻉ ﺩﺍﻛﺸﻲ ﻟﻲ ﻛﺎﻥ ﻣﺘﻘﻞ ﻋﻠﻴﺎ ﻓﺎﻟﺸﻄﻴﺢ ﻭﺍﻟﺮﺩﻳﺢ ﻫﻬﻪ ﺭﺟﻌﺖ ﻟﻠﺪﺍﺭ ﺟﻠﺴﺖ ﻣﻊ ﻭﺍﻟﺪﻳﺎ ﺿﺤﻜﻨﺎ ﻭ جمعنا و خبرتهم ﺍﻧﻪ ﻣﻦ ﺑﻌﺪ 12 ﻳﻮﻡ ﻏﺎﻧﺮﺟﻊ ﻟﻔﺮﻧﺴﺎ ﺑﺎﺵ ﻧﺒﺪﺍ ﺍﻟﺨﺪﻣﺔ ﻣﻊ ﺍﻟﺴﻴﺪ ﺍﻟﻠﻪ ﻳﺴﻤﺢ ﻟﻴﺎ ﻛﻮﻥ ﻳﻌﺮﻓﻨﻲ ﺑﺎﺑﺎ ﺗﺰﻭﺟﺖ ﺑﻬﺎﺩ ﺍﻟﻄﺮﻳﻘﺔ ﻛﻮﻥ ﻣﺸﻰ ﻓﻴﻬﺎ ﻃﻠﻌﺖ ﻟﺒﻴﺘﻲ ﺗﻜﻮﻧﻴﻜﻄﻴﺖ ﻫﻀﺮﺕ ﻣﻊ ﺯﻣﻼئي لي في ﻓﺮﻧﺴﺎ ﻭ ﺧﺒﺮﺗﻬﻢ ﺍﻧﻨﻲ ﻏﺎﻧﺒﻘﺎ ﻓﺎﻟﻤﻐﺮﺏ ﺩﺍﺯﺕ ﺍﻻﻳﺎﻡ ﺑﺎﻟﺰﺭﺑﺔ ﻭﺑﻘﺎﺕ ﻏﻴﺮ ﻳﻮﻣﻴﻦ ﻟﻠﻤﻬﻠﺔ ﺍﻟﻤﺤﺪﺩﺓ ﺧﺮﺟﺖ ﺷﺮﻳﺖ ﻛﺎﻉ داكشي ﻟﻲ ﻏﺎﺩا ﻧﺤﺘﺎﺝ ﻣﻦ ﺣﻮﺍﻳﺞ ﻭﻣﺴﺘﻠﺰﻣﺎﺕ و أدوية و ﺍﻱ ﺣﺎﺟﺔ ﻃﺎﺣﺖ ﻟﻴﺎ ﻓﺎﻟﺒﺎﻝ ﺷﺮﻳﺖ ﺑﻴﺠﺎﻣﺎﺕ ﻛﻴﻄﻤﺎﺕ ﻭﻣﻨﺴﻴﺘﺶ ﺷﻲ ﺣﻮﻳﺠﺎﺕ ﺑﻠﺪﻳﻴﻦ ﻭﺑﻠﻴﻐﺔ ﺯﻋﻤﺎ ﺭﺍﻧﻲ ﻋﺮﻭﺳﺔ
ﻧﻬﺎﺭ ﻗﺒﻞ ﺍﺗﺼﻞ ﺑﻴﺎ ﺍﻟﻤﺤﺎﻣﻲ ﻭﻃﻠﺐ مني ﻧﺴﺘﻌﺪ ﺣﻴﺖ ﻏﺪﺍ ﻏﺎﺩﻱ ﻳﻮﺻﻠﻨﻲ ﻗﻠﺖ ﻟﻴﻪ ﻧﺘﻼﻗﺎﻭ ﻓﺎﻟﻤﻄﺎﺭ وﺻﻞ ﺍﻟﻨﻬﺎﺭ ﺍﻟﻤﺤﺪﺩ فلبي ﺑﺪﺍ كايضرﺏ بسرعة قصوى ﺳﻠﻤﺖ ﻋﻠﻰ ﻣﺎﻣﺎ ﻭﺑﺎﺑﺎ ﻋﻨﻘﺘﻬﻢ ﻭﺑﻜﻴﺖ ﻭﺍﺧﺎ ﻣﺒﻐﻴﺘﺶ ﻧﺒﻴﻦ ﻫﻨﺪ ﺩﻣﻮﻋﻬﺎ ﻣﺒﻐﺎﻭﺵ ﻳﺤﺒﺴﻮ ﺑﺤﺎﻝ ﺍﻟﻰ كاتودعني ﺍﻟﻮﺩﺍﻉ ﺍﻻﺧﻴﺮ ﺭﻓﻀﺖ ﺍﻧﻬﻢ ﻳﻮﺻﻠﻮﻧﻲ ﻟﻠﻤﻄﺎﺭ ﺣﻴﺖ ﻋﺎﺭﻓﻴﻨﻲ ﻣﻌﺰﻳﺰﺵ ﻋﻠﻴﺎ ﺍﻟﻮﺩﺍﻉ ﻭﺻﻠﻨﻲ ﺍﻟﺸﻴﻔﻮﺭ ﻟﻠﻤﻄﺎﺭ ﺑﻐﺎ ﻳﻮﺻﻞ ﻟﻴﺎ الشانطات ﻟﻠﺪﺍﺧﻞ مي ﻃﻠﺒﺖ ﻣﻨﻮ ﻳﺨﻠﻴﻬﻢ ﻭﻳﻤﺸﻲ ﺳﻠﻤﺖ ﻋﻠﻴﻪ ﻭﻣﺸﺎ ﻭﺩﻳﻚ ﺍﻟﺴﺎﻋﺔ ﻭﻗﻔﺎﺕ ﻋﻠﻴﺎ واحد الطوموبيل ﻛﺤﻠﺔ ﻓﻐﺎﻳﺔ ﺍﻟﻔﺨﺎﻣﺔ ﻫﺒﻂ ﻣﻨﻬﺎ ﺍﻟﺸﻴﻔﻮﺭ ﻫﺰ ﻟﻴﺎ الشانطات و ﺧﺮﺝ ﻋﻨﺪﻱ ﺍﻟﻤﺤﺎﻣﻲ
المحامي : ﻣﺪﺍﻡ ﺑﻨﺎﻧﻲ ﻫﺎ ﺍﻟﺸﻴﻔﻮﺭ ﺩﻳﺎﻝ ﺳﻲ ﻳﻮﺳﻒ ﻏﺎﺩﻱ ﻳﻮﺻﻠﻚ عندو
ﺍﻧﺎ : كيفاش ﻳﺎﻙ نتا لي ﻗﻠﺘﻲ ليا ﻏﺎﺩﻱ ﺗﻮﺻﻠﻨﻲ عندو؟
ﺍﻟﻤﺤﺎﻣﻲ : شوفي اللالة أنا ماقلت ليك والو المهم هنا ﺳﺎﻻ ﺍﻟﺪﻭﺭ ﺩﻳﺎﻟﻲ ﺍﻟﻠﻪ ﻳﻮﻓﻘﻚ ﺍﺑﻨﺘﻲ
ﺷﻔﺖ ﻓﻌﻴﻨﻴﻪ ﺣﺰﻥ كبير بحال إلى ﻏﺎﺩﻳﻴﻦ ﺑﻴﺎ المقبرة ﻓﺘﺢ ﻟﻲ ﺍﻟﺸﻴﻔﻮﺭ ﺍﻟﺒﺎﺏ و قالي ﺗﻔﻀﻠﻲ اللالة ﺭﻛﺒﺖ ﺍﻟﻠﻮﺭ ﻭﻋﻘﻠﻲ ﻣﺮﻓﻮﻉ ﻗﻠﺒﻲ كايضرب ﻏﺎﺩﻳﺎ في طرﻳﻖ ﻏﺮﻳﺒﺔ ﻭﻣﺼﻴﺮ ﻣﺠﻬﻮﻝ ﻋﻨﺪ ﺭﺟﻞ ﻏﺎﻣﺾ ﻳﺎ ﺗﺮﻯ ﻓﻴﻦ ﻏﺎﺗﺪﻳﻚ ﺍﻻﻳﺎﻡ ﻭﺗﺠﻴﺒﻚ ﺃﻳﺎﺳﻤﻴﻦ؟
ﺑﻘﻴﺖ سارحة و هايمة في أﻓﻜﺎﺭﻱ ﺣﺘﻰ ﺩﺍﻧﻲ نعاس بقيت ناعسة حتى ضرباتني الفيقة على صوت فران الطوموبيل تهازات و تحاطات قفزت من بلاصتي أناري أميمتي أشهادشي و أنا نسول الشيفور...
الحلقة 21
ﻗﻔﺰﺕ ﻣﻦ ﺑﻼﺻﺘﻲ ﺃﻧﺎﺭﻱ ﺃﻣﻴﻤﺘﻲ ﺃﺷﻬﺎﺩﺷﻲ ﻭ ﺃﻧﺎ ﻧﺴﻮﻝ ﺍﻟﺸﻴﻔﻮﺭ
أنا : خويا ﻭﺍﺵ ﻭﺻﻠﻨﺎ؟
اﻟﺸﻴﻔﻮﺭ : ﻗﺮﺑﻨﺎ اللالة
ﺑﻘﺎ غادي ﻓﻮﺍﺣﺪ ﺍﻟﺼﻒ ﻃﻮﻳﻞ ﺩﻳﺎﻝ ﺃﺷﺠﺎﺭ ﺍﻟﺼﻔﺼﺎﻑ ﺣﺘﻰ ﻭﺻﻞ ﻟﻮﺍﺣﺪ ﺍﻟﺒﻮﺍﺑﺔ ﻛﺒﻴﺮﺓ ﺑﺰاااﻑ ﻭﻋﺎﻣﺮﺓ ﺑﺎﻟﻌﺴﺎﺳﺔ ﻣﻦ ﺑﺮا
ﺷﺎﻓﻮ ﺍﻟﻄﻮﻣﻮﺑﻴﻞ ﻧﺎﺿﻮﺍ كايجريو ﻓﺘﺤﻮ داك اﻟﺒﺎﺏ ﺍﻟﻜﺒﻴﺮ ﻭﺩﺧﻠﻨﺎ و تمينا غادين ﻓﺼﻒ ﺃﺧﺮ ﺩﻳﺎﻝ ﺍﻻﺷﺠﺎﺭ ﺑﺤﺎﻝ ﺷﻲ ﻏﺎﺑﺔ ﻏﻴﺮ ﻫﺎﺩﺷﻲ ﻣﺮﺗﺐ ﻭﻣﻬﻨﺪﺱ ﻛﻞ ﺣﺎﺟﺔ ﻓﺒﻼﺻﺘﻬﺎ ﺑﻘﻴﺖ مندهشة ﻣﻦ ﻫﺎﺩ ﺍﻟﺜﺮﺍﺀ ﺍﻟﻔﺎﺣﺶ ﻭﻫﺎﺩ ﺍﻟﻔﺨﺎﻣﺔ ﺍﻟﻜﺒﻴﺮﺓ ﺑﻘﺎﺕ ﺍﻟﻄﻮﻣﻮﺑﻴﻞ غادا ﻭﺍﻧﺎ كانتأمل ﻭﺍﺵ ﻫﺪﻱ ﻏﻴﺮ ﻓﻴﺮﻣﺔ؟ لا هادي ﺭﺍﻩ ﻣﺪﻳﻨﺔ ﺻﻐﻴﺮﺓ ﺍﻟﻌﻤﺎﻝ ﻣﻨﺘﺸﺮﻳﻦ ﻓﻜﻞ ﺑﻼﺻﺔ ﺍﻟﺨﺪﺍﻣﺎﺕ ﻛﻞ ﻭﺣﺪﺓ ﺑﺎﺵ ﻣﻜﻠﻔﺔ ﻛﻮﺭﻳﺎﺕ ﺍﻟﺒﻘﺮ ﻭﻛﻮﺭﻳﺎﺕ ﺍﻟﻐﻨﻢ ﻭﺣﺘﻰ ﺍﻟﺪﻭﺍﺟﻦ
ﻭﻗﻒ ﺑﻴﺎ ﻗﺪﺍﻡ ﻭﺍﺣﺪ ﺍﻟﺪﺍﺭ راه ﻗﺼﺮ هذا ﻣﺎﺷﻲ ﺩﺍﺭ ﺍﻟﻔﺨﺎﻣﺔ باينة ﻣﻦ ﺍﻻﺑﻮﺍﺏ ﻛﻠﺸﻲ ﺃﺭﺳﺘﻘﺮﺍﻃﻲ ﻭﺗﻴﻐﻠﺐ ﻋﻠﻴﻪ ﺍﻟﻄﺎﺑﻊ ﺍﻟﻘﺪﻳﻢ ﺩﺍﻳﺮ ﺑﺤﺎﻝ ﻗﺼﻮﺭ ﺣﺮﻳﻢ ﺍﻟﺴﻠﻄﺎﻥ ﻭﺍﺵ ﻓﻌﻼ ﻛﺎﻳﻦ ﺑﺤﺎﻝ ﻫﺎﺩﺷﻲ ﻓﺎﻟﻤﻐﺮﺏ؟
ﺷﺪﺍﺗﻨﻲ ﻭﺍﺣﺪ الخلعة ﻣﻦ داك ﺍﻟﻤﻜﺎﻥ ﺩﺧﻠﺖ ﻭ آﺛﺎﺭ ﻟﻠﺼﺪﻣﺔ ﺑﺎﻳﻨﺔ ﻋﻠﻴﺎ ﻭﺍﻧﺎ كانتأمل في اﻟﻤﻜﺎﻥ ﺍﻻﺗﺎﺕ ﺍﻟﻔﺨﻢ و ﺍﻟﻠﻮﺣﺎﺕ ﺍﻻﺻﻠﻴﺔ و ﺍﻟﺪﻳﻜﻮﺭﺍﺕ ﺍﻟﻔﺎﺧﺮﺓ ﻛﻞ ﺣﺎﺟﺔ ﻓﺒﻼﺻﺘﻬﺎ ﻛﺄﻧﻬﺎ ﻳﺪ ﻓﻨﺎﻥ ﻟﻲ ﻧﻈﻤﺎﺕ ﻫﺎﺩﺷﻲ ﻗﻠﺖ ﻓﻨﻔﺴﻲ : ﻋﻠﻰ ﻣﺎﻟﻬﻢ ﻏﻴﻐﻠﺒﻬﻢ ﻳﺠﻴﺒﻮ ﻣﻬﻨﺪﺳﻲ ﺍﻟﺪﻳﻜﻮﺭ؟
ﺩﺍﺭﻭ ﺑﻴﺎ ﺍﻟﺨﺪﺍﻣﺎﺕ ﻫﺰﻭﺍ ﻟﻴﺎ الشانطات ﻃﻠﻌﻮﻫﻢ ﺣﺴﻴﺖ ﺑﺎﺭتياح ﻧﻮﻋﺎ ﻣﺎ ﻟﻜﻦ ﺍﺗﺴﺄﻟﺖ ﻓﻴﻨﻬﻮ ﻋﺮﻳﺲ ﺍﻟﻐﻔﻠﺔ؟
ﺟﻠﺴﺖ ﻓﻮﺍﺣﺪ ﺍﻟﺼﺎﻟﻮﻥ ﺣﻄﻮ ﻟﻴﺎ ﺍﻟﺨﺪﻣﺎﺕ ﻣﺎ ﻟﺬ ﻭﻃﺎﺏ أكله من الطعام ﻭﻟﻜﻦ ﻣﻌﻨﺪﻱ ﺷﻬﻴﺔ ﺑﻘﻴﺖ ﺑﺤﺎﻝ ﺍﻟﻐﺮﻳﺒﺔ ﺗﻨﺘﺴﻨﻰ ﺍﻣﺘﻰ ﻳﺠﻲ ﻫﺎﺩ ﻳﻮﺳﻒ ﺑﻘﻴﺖ ﺟﺎﻟﺴﺔ ﺷﻲ ﺳﺎﻋﺘﻴﻦ ﻭﺍﻧﺎ ﺗﻨﻔﻜﺮ ﻛﻴﻒ ﻏﺎﺩﻱ ﻳﻜﻮﻥ ﻫﺎﺩ ﻳﻮﺳﻒ ﺍﻛﻴﺪ ﻏﺎﺩﻱ ﻳﻜﻮﻥ ﺭﺍﺟﻞ كبير و شيباني ﺣﻴﺖ ﻫﺎﺩ ﺍﻻﻣﻼﻙ ﻛﺎﻣﻠﻴﻦ ﺧﺎﺻﻬﻢ ﻋﻤﺮ ﻃﻮﻳﻞ ﺑﺎﺵ ﻳﺪﺍﺭﻭ
ﺗﻤﺪﺩﺕ ﻭﺣﺴﻴﺖ ﺑﺎﻟﻮﺣﺪﺓ ﺑﺤﺎﻝ ﺷﻲ ﻛﻠﺒﺔ ﻣﺪﺍﻫﺎ ﻓﻴﻬﺎ ﺣﺪ ﺑﺴﻴﻒ ﻳﻌﺎﻣﻠﻨﻲ ﻫﻜﺪﺍ ﺍﻧﺎ ﻟﻲ ﺑﻌﺖ ﺭﺍﺳﻲ ﻟﻴﻪ ﺭﺍﻩ ﻳﺒﻴﻊ ﻭﻳﺸﺮﻱ ﻓﻴﺎ ﺩﺍﺑﺎ ﻛﻴﻒ ﺑﻐﺎ ﺩﺍﺗﻨﻲ ﻋﻴﻨﻲ
ﻓﻘﺖ ﻋﻠﻰ ﻭﺍﺣﺪ ﺍﻟﺼﻮﺕ ﻭﻭﺍﺣﺪ ﺍﻟﻨﺒﺮﺓ ﺣﺎﺩﺓ ﺗﺘﻐﻮﺕ ﻭﺗﺘﺬﻣﺮ منها ﻛﻠﺸﻲ قالهم ﺃﺵ ﻫﺎﺩ ﺍﻟﻨﻈﺎﻓﺔ؟ و ﺃﺵ ﻫﺎﺩ ﺍﻟﻨﻈﺎﻡ؟
ﻭﺍﻟﺨﺪاﻣﺎﺕ بداو كايقفقفو : ﻭ الله ﺍﺳﻴﺪﻱ...
غوﺕ عليهم ﺑﺠﻬﺪ : ﺳﻜﺘﻭﻧﻲ سيرو نظمو داكشي و نظفو مزيان و لا و الله مانعقل عليكم
اه هاد الصوت ﺗﻨﻌﺮﻓﻮ ﻫﺬﺍ هو ﺍﻟﺼﻮﺕ ﻟﻲ ﻛﻠﻤﻨﻲ ﻓﺎﻟﺘﻴﻠﻴﻔﻮﻥ سمعتو كايسولهم فين هي ديك خايتي لي جات؟
قالت ليه واحد اﻟﺨﺪﺍﻣﺔ : راها ﻓﺎﻟﺼﺎﻟﻮﻥ ﺃﺳﻴﺪﻱ يوسف
ﺳﻤﻌﺖ ﺭﺟﻠﻴﻪ جايين كايقربو ﻣﻨﻲ و بديت ﻛﻠﻲ ﺗﻨﻘﻔﻘﻒ ﻭﻧﺘﺮﻋﺪ ﻭﻗﻒ ﻋﻠﻴﺎ ﻭﻗﻔﺖ ﻭﻫﺰﻳﺖ ﺭﺍﺳﻲ شفت فيه ﻭﺯﺍﺩﺕ ﺻﺪﻣﺘﻲ ﻭﺗﺸﻠﻠﺖ ﻣﻨﻴﻦ ﻟﻘﻴﺖ ﺭﺍﺳﻲ ﻗﺪﺍﻡ ﺷﺎﺏ ﻓﺎﻟﺜﻼﺗﻴﻨﺎﺕ ﻏﺎﻳﺔ ﻓﺎﻟﻮﺳﺎﻣﺔ ﺳﻤﺮ ﻭﺷﻌﺮو ﻛﺤﻞ ﻃﻮﻳﻞ ﺑﺰﺍﻑ ﻭﻣﻔﻮﺭﻣﻲ و قلدة ﺑﻘﻴﺖ ﺣﺎﻟﺔ ﻓﻤﻲ فيه و ﻫﻮ ﺗﻴﻄﻠﻌﻨﻲ ﻭﻳﻬﺒﻄﻨﻲ
ﻛﻨﺖ ﻻﺑﺴﺔ ﺩﺟﻴﻦ ﻭﺟﺎﻛﻴﻂ ﻛﻮﻳﺮ ﺷﻌﺮﻱ ﺍﻟﺤﺮﻳﺮﻱ ﻣﻄﻠﻮﻕ ﺑﻘﻴﺖ ﺳﺎﻛﺘﺔ ﻭﻧﻈﺮﺍتو ﺗﺘﺨﺘﺮﻗﻨﻲ ﻭﺗﻨﺤﺲ ﺑﻴﻬﺎ ﺑﺤﺎﻝ ﺍﻟﻨﺎﺭ ﺗﺘﻜﻮﻳﻨﻲ
ﻫﻮ : ﻧﺘﻲ ﺍللالة ﻫﻲ ﺻﺎﺣﺒﺔ ﺍﻟﺼﻮﻥ ﻭﺍﻟﻌﻔﺎﻑ سلالة ﺍﻟﺒﻨﺎﻧﻲ و ﻃﻠﻖ واحد ﺿﺤﻜﺔ خلعاتني
أنا : ﺟﺎﻭﺑﺘﻮ بكل ﻋﺠﺮﻓﺔ : آه أسيدي ﺍﻧﺎ هي بنت سي البناني ﻭﺍﻧﺖ ﻫﻮ ﻳﻮﺳﻒ بناني ﻗﻠﺘﻬﺎ بواحد التهكم
ﻳﻮﺳﻒ : ﻛﻴﻒ ﻣﺎ ﺗﻮﻗﻌﺖ ﻧﻔﺲ ﺍﻟﻌﺠﺮﻓﺔ ﻭ ﻧﻔﺲ ﺍﻟﺠﺒﺮﻭﺕ ﻟﻲ ﻓﻴﻜﻢ ﻭﻟﻜﻦ ﻻ ﺩﺍﺑﺎ ﺟﻴﺘﻲ ﺑﺎﺵ ﺗﺘﺮﺑﺎﻱ ﻫﻨﺎ ﻭﺗﺘﺮﻭﺿﻲ ﻗﺮﺏ ﻋﻨﺪﻱ ﻭﺷﺪﻧﻲ ﻣﻦ ﻭﺟﻬﻲ ﻭﺟﺮﻧﻲ ﻋﻨﺪﻭ : ﺩﺍﺑﺎ ﺍﻣﺮﺍﺗﻲ ﺍﻟﻌﺰﻳﺰﺓ ﻃﻠﻌﻲ ﻭﺟﺪﻱ ﺭﺍﺳﻚ ﻟﻴﺎ ﺍﻧﺎ ﺟﺎﻱ و ﺿﺤﻚ واحد ﺿﺤﻜﺔ ﺷﺮﻳﺮﺓ
ﻋﻴﻂ ﻟﻠﺨﺪﺍﻣﺎﺕ : أجيو ﻃﻠﻌﻮﻫﺎ ﻟﺒﻴﺘﻬﺎ
ﺑﻘﻴﺖ ﻣﺼﺪﻭﻣﺔ ﻣﻦ ﻫﻀﺮﺗﻮ ﺍﻟﻠﻪ ﻳﺎﺭﺑﻲ ﺍﺵ ﻫﺎﺩ ﺍﻟﺤﻴﻮﺍﻥ لي سلطتي عليا؟ ﻋﻼﺵ ﺣﺎﻗﺪ ﻋﻠﻴﺎ ﺷﻨﻮ ﺩﺭﺕ ﻟﻴﻪ؟
ﻃﻠﻌﺖ ﻟﻠﺒﻴﺖ ﻛﺎﻥ ﻛﺒﻴﺮ ﻭﺯﻭﻳﻦ ﻟﻜﻦ ﺣﺴﻴﺘﻮ ﺑﺤﺎﻝ ﺍﻟﺤﺒﺲ ﺑﺎﻟﻨﺴﺒﺔ ﻟﻴﺎ ﻛﻠﻤﺔ ﻭﺣﺪﺓ ﻟﻲ كاتردد ﻓﻮﺩﻧﻲ : ﻭﺟﺪﻱ ﺭﺍﺳﻚ ﻟﻴﺎ !! ﻭﺟﺪﻱ ﺭﺍﺳﻚ ﻟﻴﺎ !! ﺣﺴﻴﺖ ﺑﺮﺍﺳﻲ ﺑﺤﺎﻝ شي عاهرة ﻗﺎﻟﻬﺎ ﻟﻲ ﺑﺤﺎﻝ ﺍﻟﻰ ﺭﺍﻧﻲ ﻣﺎﺷﻲ ﻣﺮﺍﺗﻮ ﺑﺤﺎﻝ ﺷﻲ ﻭﺣﺪﺓ ﺑﻐﺎﻫﺎ ﻟﻐﺮﺿﻮ
ﺩﺧﻠﺖ ﺩﻭﺷﺖ و ﻧﺸﻔﺖ ﺷﻌﺮﻱ ﻭﻟﺒﺴﺖ ﺑﻴﺠﺎﻣﺘﻲ ﻋﺎﺩﻳﺔ ﻭﺟﻠﺴﺖ شوية ﺗﻨﺴﻤﻊ ﺭﺟﻠﻴﻦ ﻃﺎﻟﻌﻴﻦ ﻓﺎﻟﺪﺭوج ناري أميمتي أشهادشي ﻗﻠﺒﻲ بدا كايضرب بقصوى كبيرة و رجليا خواو عليا و لساني ثقال ناري أنا تخلعت أنا تزعزعت و صل حدا الباب و هو يفتحو بكل جهدو حتى الباب تفرع و دخل عليا و انا نقفز من بلاصتي....
الحلقة 22
ﻭ ﺻﻞ ﺣﺪﺍ ﺍﻟﺒﺎﺏ ﻭ ﻫﻮ ﻳﻔﺘﺤﻮ ﺑﻜﻞ ﺟﻬﺪﻭ ﺣﺘﻰ ﺍﻟﺒﺎﺏ ﺗﻔﺮﻉ ﻭ ﺩﺧﻞ ﻋﻠﻴﺎ ﻭ ﺍﻧﺎ ﻧﻘﻔﺰ ﻣﻦ ﺑﻼﺻﺘﻲ
ﻛﺎﻥ ﻻﺑﺲ ﻻﻛﻮﺳﻂ ﻓﺎﻟﺒﻴﺾ ﻭﺩﺟﻴﻦ و العطر ﺩﻳﺎﻟﻮ ﻏﻴﺮ ﺩﺧﻞ طغى ﻋﻠﻰ ﺍﻟﻤﻜﺎﻥ ﺩﺧﻞ ﺑﻜﻞ ﺗﻘﺔ ﻭﺑﺪﻭﻥ ﻣﺎ ﻳﺤﺮﻙ ﻓﻴﻪ ﻭﺟﻮﺩﻱ ﺍﻱ ﺣﺎﺟﺔ ﻣﻘﺎﻝ ﺣﺘﻰ ﺍﻟﺴﻼﻡ ﺷﺎﻑ ﻓﻴﺎ ﺑﻨﻈﺮﺓ ﻛﺮﻩ ﻭﺍﺣﺘﻘﺎﺭ : ﺁﺵ ﻫﺎﺩ ﺷﻲ ﻻبسة؟ ﻣﻌﺮﻓﺘﻴﺶ ﺍﺑﻨﺖ ﺍﻟﻔﺸﻮﺵ ﺍﻥ ﺍﻟﻴﻮﻡ ﺍﻟﺪﺧﻠﺔ ﺩﻳﺎﻟﻚ ﻭﺧﺎﺻﻜﻲ ﺗﻠﺒﺴﻲ ﻟﺒﺴﺔ ﺗﻠﻴﻖ ﺑﺎﻟﻤﻨﺎﺳﺒﺔ ﻭﻏﻤﺰﻧﻲ
ﺍﻧﺎ : ﺑﻨﺮﻓﺰﺓ ﻫﺎﺩﺷﻲ ﻟﻲ ﻋﻨﺪﻱ هاد الساعة
ﻣﺸﺎ ﻟﻮﺍﺣﺪ ﺍﻟﺒﻼﻛﺎﺭ ﺟﺒﺪ ﻭﺍﺣﺪ ﺷﻮﻣﻴﺰ دونوي ﻓﺎﻻﺣﻤﺮ ﺭﻣﺎﻩ ﻋﻠﻰ ﻭﺟﻬﻲ هاني غادي ندوش ﻧﺨﺮﺝ ﻣﻦ ﺍﻟﺪﻭﺵ ﻧﻠﻘﺎﻙ ﻻﺑﺴﺔ ﻫﺪشي و ﺑﻼ ديك ﺍﻟﻨﻔﺨﺔ ﺍﻟﺨﺎﻭﻳﺔ ﺩﻳﺎﻟﻚ ﺭﺍﻩ ﻣﻨﻴﻦ ﺩﺧﻠﺘﻲ ﻫﻨﺎ ﻭﻟﻴﺘﻲ ﻣﻦ ﺃﻣﻼﻛﻲ ﻳﻌﻨﻲ ﻧﻔﺪﻱ ﺍﻻﻭﺍﻣﺮ ﺑﺎﻟﺴﻜﺎﺕ ﻭﺑﻼ ﻣﻨﻔﻜﺮﻙ ﻋﻠﻴﺎﺵ ﻭﻗﻌﺘﻲ ﻭﻏﻮﺕ عليا ﻓﻬﻤﻤﻤﻤﺘﻲ ﺩﻓﻌﻨﻲ ﻭﺩﺧﻞ ﻳﺪﻭﺵ
ﺣﺴﻴﺖ ﺑﻮﺍﺣﺪ ﺍﻟﺬﻝ ﻭﺑﻮﺍﺣﺪ ﺍﻟﻘﻬﺮﺓ ﺑﻘﻴﺖ ﻧﺒﻜﻲ ﻧﺒﻜﻲ ﻋﻼﺵ ﺗﻴﺪﻳﺮ ﻟﻴﺎ ﻫﺎﻛﺪﺍ ﻋﻼﺵ؟؟ ﺷﻨﻮ ﺩﺭﺕ ﻟﻴﻪ ﺗﻴﻬﻴﻨﻲ ﻭ يطيح ﺑﻜﺮﺍﻣﺘﻲ ﻟﻼﺭﺽ؟؟
ﻭﻟﻜﻦ ﺭﺍﻩ ﻫﺎﺩﺷﻲ ﺗﻮﺍﺣﺪ ماﺑﺰﺯﻭ ﻋﻠﻴﺎ ﺍﻧﺎ ﻟﻲ ﺍﺧﺘﺎﺭﻳﺘﻮ ﺍﻳﻮى ﺧﺎﺻﻨﻲ ﻧﺘﺤﻤﻞ ﻗﺮﺍﺭﻱ ﻭﻗﻔﺖ ﻭﺗﻘﺘﻼﺕ ﻓﻴﺎ ﻛﺎﻉ ﺍﻻﺣﺎﺳﻴﺲ ﻭﻟﻴﺖ ﺑﺤﺎﻝ ﺩﻣﻴﺔ ﺍﻭ صنم ﻟﺒﺴﺖ داك اﻟﺸﻮﻣﻴﺰ ﻛﺎﻥ ﻣﻌﺮﻱ ﺑﺰﺍﺍﻑ ﺍﺣﺘﺎﻗﺮﺕ ﺭﺍﺳﻲ ﻛﻨﺖ ﺩﻳﻤﺎ ﺗﻨﺘﺨﻴﻞ ﻫﺎﺩ ﺍﻟﻠﻴﻠﺔ ﺩﻳﺎﻝ ﺍﻟﺤﺐ ﻭﺍﻻﺣﺎﺳﻴﺲ ﺍﻟﺰﻭﻳﻨﺔ ﻟﻜﻨﻬﺎ ﺗﻘﻠﺒﺎﺕ ﻟﻴﺎ ﻟﻜﺎﺑﻮﺱ ﻭﻛﺎﺑﻮﺱ ﻓﻀﻴﻊ
ﺧﺮﺝ ﻋﺮﻳﺎﻥ ﺭﻳﺤﺔ ﺷﺎﻣﺒﻮان ﺗﺘﻔﻮﺡ ﻣﻨﻮ ﻛﺎﻥ ﻭﺳﻴﻢ ﻻﻗﺼﻰ ﺣﺪ ﻟﻜﻦ ﻗﻠﺒﻮ ﻛﺤﻞ ﻃﺎﻏﻴﺔ ﻭﻗﺎﺳﻲ ﻭﻛﺮﻫﺖ ﺍﻟﻨﻬﺎﺭ ﻟﻲ ﺳﻤﻌﺖ ﻓﻴﻪ ﺳﻤﻴﺘﻮ ﺧﺮﺡ ﻋﺮﻳﺎﻥ ﻻﺑﺲ ﺷﻮﺭﺕ ﻗﺼﻴﺮ فاش شفتو تزنگت ﺃﻭﻝ ﻣﺮﺓ ﻧﺸﻮﻑ ﺭﺍﺟﻞ ﻋﺮﻳﺎﻥ ﻭﻗﺮﻳﺐ ﻣﻨﻲ ﻫﻮ ﻣﺤﺮﻛﺘﺶ ﻓﻴﻪ ﺍﻟﺴﺎﻛﻦ ﺑﺤﺎﻝ ﺍﻟﻰ ﺷﻲ ﻣﻮﻧﻴﻜﺔ شينوية ﻣﺤﻄﻮﻃﺔ ﺗﺘﺴﻨﺎﻩ ﻣﺸﺎ ﺷﺮﺏ ﺍﻟﻤﺎ ﻭﺟﺎ ﻟﻌﻨﺪﻱ ﻛﻨﺖ ﻛﻨﺘﻤﻨﻰ ﻟﻴﻠﺔ ﺩﺧﻠﺘﻲ ﺭﺍﺟﻠﻲ ﻧﺼﻠﻲ ﺍﻧﺎ ﻭﻳﺎﻩ ﻭﻳﺪﻳﺮ ﺍﻟﺪﻋﺎﺀ ﺑﺎﺵ ﺭﺑﻲ ﻳﺒﺎﺭﻙ ﻟﻴﻨﺎ ﻓﺒﻌﻀﻨﺎ ﻟﻜﻦ ﻫﺎﺩ ﺍﻟﻮﺣﺶ ﻗﺮﺏ ﻋﻨﺪﻱ و ﺟﺮﻧﻲ ﺑﻜﻞ ﻭﺣﺸﻴﺔ ﻭﺍﻧﻘﺾ ﻋﻠﻴﺎ ﺑﺤﺎﻝ ﺍﻟﻔﺮﻳﺴﺔ ﺍﻧﺎ ﺗﻨﻐﻮﺕ ﻭﻧﺪﻓﻊ ﻓﻴﻪ ﻟﻜﻦ ﻗﻮتو ﻃﻐﺎﺕ ﻋﻠﻴﺎ ﺧﺪﺍ ﻣﻨﻲ ﻟﻲ ﺑﻐﺎ ﺑﻜﻞ ﻭﺣﺸﻴﺔ ﻭﺑﻐﺮﻳﺰﺓ ﺣﻴﻮﺍﻧﻴﺔ ﻣﺤﺎﻝ ﻭﺍﺵ ﻫﺪﺍ ﻓﻴﻪ ﺷﻮﻳﺔ ﺍﻻﺩﻣﻴﺔ ﻛﻤﻞ ﻭﻗﻒ ﻭﻗﺎﻟﻲ : مكانتش ﺗﻨﻀﻨﻚ ﺍﺑﻨﺖ ﺍﻟﺒﻨﺎﻧﻲ ﻣﺰﺍﻝ عذراء و فييغج و بدا ﻳﻀﺤﻚ ﺑﺴﺨﺮﻳﺔ
ﺍﻧﺎ ﺑﻘﻴﺖ ﻧﻐﻮﺕ ﺑﻜﻞ ﺃﻟﻢ ﻭﺑﻜﻞ ﻗﻬﺮﺓ : ﺍﻧﺖ ﺣﻴﻮﺍﻥ ﻣﺤﺎﻝ ﺑﻨﺎﺩﻡ ﺷﻨﻮ ﻳﺤﺴﺎﺏ ﻟﻴﻚ ﺍﻧﺎ ﺑﻨﺖ ﺍﻟﺰﻧﻘﺔ ﺍﻧﺎ ﺭﺍﻧﻲ ﺑﻨﺖ ﺍﻻﺻﻞ ﻭﺍﻟﻔﺼﻞ ﻭﺍﻧﺖ ﻫﺎﺩ ﺍﻟﺴﻤﻴﺔ ديال النبي و سيدنا يوسف الصديق ﺭﺍﻙ ﻣﺘﺴﺘﺤﻘﻬﺎﺵ ﻏﻴﺮ ﺩﺧﻴﻞ ﻋﻠﻴﻬﺎ ﺍﻟﻬﻤﺠﻲ ﻛﻤﻠﺖ ﻛﻼﻣﻲ ﺍﻧﻘﺾ ﻋﻠﻴﺎ ﺑﺤﺎﻝ ﺍﻟﻮﺣﺶ ﺗﻴﻀﺮﺑﻨﻲ ﻭﺍﻧﺎ ﺗﻨﻐﻮﺕ ﻭﺗﻨﺒﻜﻲ ﺩﺧﻞ ﻳﺪﻭﺵ ﻭﺧﻼﻧﻲ ﻋﺎﻣﺮﺓ ﺩﻣﺎﻳﺎﺕ ﺑﻘﻴﺖ ﻧﺒﻜﻲ ﻭﻧﻐﻮﺕ ﻭﻻ ﻣﻦ ﻳﺴﻤﻌﻨﻲ ﻻ ﺣﻨﻴﻦ ﻻ ﺭﺣﻴﻢ
ﺍﻏﺘﺎﺻﺒﻨﻲ ﺑﻜﻞ ﻭﺣﺸﻴﺔ ﻗﺘﻞ ﻋﺬﺭﻳﺘﻲ ﻗﺘﻞ ﻧﻘﺎﺋﻲ و ﺧﻼﻧﻲ ﻣﺮﻣﻴﺔ ﻭﺍﻧﺎ ﺗﻨﺰﻑ ﻣﻦ ﻗﻮﺓ ﺍﻻﻳﻼﺝ
ﺧﺮﺝ ﻣﻦ ﺍﻟﺪﻭﺵ ﻭﺟﺎ ﻧﻌﺲ ﺣﺪﺍﻳﺎ ﺑﺪﻭﻥ ﻣﺘﺤﺮﻙ ﻓﻴﻪ ﺣﺎﻟﺘﻲ ﺍﻱ ﺷﻔﻘﺔ ﺍﻭ ﺭﺣﻤﺔ ﺑﻘﻴﺖ ﻧﺒﻜﻲ ﻭﻧﺘﻨﺨﺼﺺ ﻭﻫﻮ يغوﺕ : تفو عليك راك صدعتيني و ﺳﻜﺘﻲ ﺧﻠﻴﻨﻲ ﻧﻨﻌﺲ ﻗﻄﻌﺖ ﺣﺴﻲ ﻭﺍﻧﺎ ﻣﺨﻨﻮﻗﺔ ﻭﺍﻟﻠﻴﻞ ﻛﺎﻣﻞ ﻣﻨﻌﺴﺘﺶ ﻭﻫﻮ ﺣﺪﺍﻳﺎ ﻣﺤﺎﺳﺶ ﻛﺎﻉ ﺑﺎﻟﺬﻧﺐ ﻟﻲ ﺩﺍر ضرباتني الفيقة على صوت غواتو بدا يفقيق فيا و تي نوضي شفتك خمرتي في نعاسك تگعدي خلاص وجدي ليا الفطور باش نديك نوريك خدمتك...
الحلقة 23
ﺗﮕﻌﺪﻱ ﺧﻼﺹ ﻭﺟﺪﻱ ﻟﻴﺎ ﺍﻟﻔﻄﻮﺭ ﺑﺎﺵ ﻧﺪﻳﻚ ﻧﻮﺭﻳﻚ ﺧﺪﻣﺘﻚ ﺃﻧﺎ ﻣﺰﺍﻝ ﺗﻨﺘﺄﻟﻢ ﻭﻣﻘﺎﺩﺭﺍﺵ ﻧﺘﺤﺮﻙ ﺍﻟﺴﺨﺎﻧﺔ ﻃﺎﻟﻌﺔ ﻟﻴﺎ ﺟﺎﻭﺑﺘﻮ ﻭﻣﻘﺪﺭﺍﺵ ﻧﻬﻀﺮ : ﺣﺮﺍﻡ ﻋﻠﻴﻚ ﻭﺍﺵ ﻣﻜﺎﻳﻨﺶ ﻓﻘﻠﺒﻚ ﺍﻟﺸﻔﻘﺔ ﻭﺍﻟﺮﺣﻤﺔ ﺭﺍﻧﻲ ﻣﻘﺎﺩﺭﺍﺵ ﻧﻮﺽ ﻣﻘﺎﺩﺭﺍﺵ ﻭﺑﻘﻴﺖ ﻧﺒﻜﻲ
ﻳﻮﺳﻒ : ﺷﻮﻓﻲ ﺑﺎﺭﻛﺔ ﻣﻦ ﺍﻟﺘﺒﻮﺣﻴﻂ ﻧﺘﻲ ﻭﻗﻌﺘﻲ ﺑﺎﺵ ﺗﺨﺪﻣﻲ ﻋﻨﺪﻱ ﻭﺍﻧﺎ ﻣﺎ ﻗﺎﺑﻞ ﺣﺘﻰ ﻋﺬﺭ منك ﻭﺭﺍﻛﻲ ﻋﺎﺭﻓﺔ ﺑﻠﻲ ﺣﻴﺎﺓ ﺑﺎﺑﺎﻙ ﺑﻴﻦ ﻳﺪﻱ ﻏﻴﺮ ﺳﻤﻌﺖ ﺑﺎﺑﺎ ﻭﺍﻧﺎ ﻧﻮﺽ ﺩﻓﻌﻨﻲ ﺟﻴﻬة ﺍﻟﺪﻭﺵ : ﺩﺧﻠﻲ ﻏﺴﻠﻲ ﻭﺳﺨﻚ ﻭﻫﺒﻄﻲ ﻧﻮﺭﻳﻚ ﺧﺪﻣﺘﻚ ﻣﻜﻨﺘﺶ ﻗﺎﺩﺭﺓ ﻧﺰﻳﺪ نتحرق ﻭﻧﺘﻌﺪﺏ ﺣﻴﺪﺕ ﺣﻮﺍﻳﺠﻲ ﻟﺤﻤﻲ ﺯﺭﻕ ﺑﺎﻟﻀﺮﺏ ﺗﺨﺸﻴﺖ ﺗﺤﺖ ﺍﻟﺪﻭﺵ ﻭﻧﺰﻟﻮ ﺩﻣﻮﻋﻲ ﺑﻘﻮﺓ ﻛﺒﻴﺮﺓ ﺍﻟﻤﺎ ﻛﻴﻨﺰﻝ ﻣﺨﻠﻂ ﺑﺎﻟﺪﻡ ﻟﻲ ﻧﺰﻑ ﻣﻨﻲ ﻭﺍﻟﺠﺮﺡ ﺗﻴﺤﺮﻗﻨﻲ ﺗﻨﻐﺴﻞ ﺍﻟﺠﺴﻢ ﺩﻳﺎﻟﻲ ﺑﺎﺷﻤﺌﺰﺍﺯ ﻛﺎﻉ ﺍﻟﺒﻼﻳﺺ ﻟﻲ ﻗﺎﺳﻨﻲ ﻓﻴﻬﻢ ﻛﺮﻫﺖ ﻟﺤﻤﻲ ﻟﻲ ﻭﺳﺨﻮ ﻟﻴﺎ ﺧﺮﺟﺖ ﻟﺒﺴﺖ ﺳﻴﺮﻓﻴﺖ ﻧﺸﻔﺖ ﺷﻌﺮﻱ ﻭﻧﺰﻟﺖ ﻏﻴﺮ ﺑﻤﺸﻘﺔ ﻭﺻﻌﻮﺑﺔ ﻟﻘﻴﺘﻮ ﺩﺍﻳﺮ ﺭﺟﻞ ﻓﻮﻕ ﺭﺟﻞ ﻭﺗﻴﻌﺎﻳﻨﻲ ﺍﻧﺎ ﻫﺎﺑﻄﺔ ﺗﻨﻌﺮﺝ ﻭﻣﻘﺪﺭﺍﺵ ﻧﻔﺮﻕ ﺭﺟﻠﻴﺎ ﻭﻫﻮ ﺗﻴﺸﻮﻑ ﻓﻴﺎ ﺑﻌﺼﺒﻴﺔ : ﺳﺮﺑﻲ ﺧﻼﺹ تحركي ﺑﺪﻳﺖ ﺗﻨﺰﺭﺏ ﺗﻨﺰﺭﺏ ﻭﺍﻧﺎ ﺗﻨﺘﺄﻟﻢ ﻭﺻﻠﺖ ﻋﻨﺪﻭ ﺑﺪﺍ ﻣﺠﺮﺟﺮﻧﻲ في الدروج ﻭﺍﻧﺎ ﺗﻨﺘﻘﺼﺢ ﺣﺘﻰ ﻭﺻﻠﺖ ﻟﻠﻜﻮﺯﻳﻨﺔ : يلاه ﻭﺟﺪﻱ ﻟﻴﺎ ﻟﻔﻄﻮﺭ ﺭﺍﻩ ﺩﺍﺑﺎ ﺍﻟﻜﻮﺯﻳﻨﺔ ﻣﺴﺆﻭﻟﻴﺘﻚ ﻣﺒﻐﻴﺘﺶ ﺍﻟﺨﺪﺍﻣﺎﺕ ﻳﻮﺟﺪﻭ ﻟﻴﺎ ﺑﻐﻴﺖ ﻣﺮﺍﺗﻲ ﺑﻨﺖ ﺍﻟﺒﻨﺎﻧﻲ ﺗﻄﻴﺐ ﻟﻴﺎ ﻭﺧﺮﺝ ﺧﻼﻧﻲ : المهم ﻣﺘﻌﻄﻠﻴﺶ عليا
ﺍﻟﻜﻮﺯﻳﻨﺔ ﻛﺒﻴﺮﺓ ﺑﺰﺍﻑ ﺑﺤﺎﻝ ﺩﻳﺎﻝ ﺍﻟﻤﻄﺎﻋﻢ ﻣﻜﺎﻳﻨﻴﻨﺶ ﺍﻟﺨﺪاﻣﺎﺕ ﺗﻤﺎ ﻣﻌﺮﻓﺘﺶ ﻓﻴﻦ ﻛﺎﻳﻨﺔ ﻛﻞ ﺣﺎﺟﺔ ﺑﺪﻳﺖ ﻧﻘﻠﺐ ﻭﻧﻘﻠﺐ ﺷﻮﻳﺔ ﺟﺎﺕ ﻭﺍﺣﺪ ﺍﻟﺨﺪﺍﻣﺔ شيبانية : ﺑﺪﺍﺕ ﺗﻮﺭﻳﻨﻲ ﻛﻞ ﺣﺎﺟﺔ ﻭﺑﻼﺻﺘﻬﺎ : ﺑﻨﺘﻲ ﺳﻲ ﻳﻮﺳﻒ ﺗﻴﺒﻐﻲ ﺍﺗﺎﻱ ﻓﺎﻟﺼﺒﺎﺡ ﻭﻗﻬﻮﺓ ﻓﺎﻟﻌﺸﻴﺔ ﺭﺍﻩ ﻛﻠﺸﻲ ﻛﺎﻳﻦ ﻓﺎﻟﻜﻮﻧﺠﻴﻼﺗﻮﻍ ﻣﻼﻭﻱ ﻭﺍﻱ ﺣﺎﺟﺔ ﺑﻐﻴﺘﻴﻬﺎ ﺳﻤﺤﻲ ﻟﻴﺎ أﺑﻨﺘﻲ ﺑﻐﻴﺖ ﻧﺴﺎﻋﺪﻙ ﻟﻜﻦ...ﻭﺳﻜﺘﺎﺕ
ﻋﺮﻓﺘﻬﺎ ﻣﺴﻜﻴﻨﺔ ﻋﺒﺪ ﺍﻟﻤﺆﻣﻮﺭ ﺑﺪﻳﺖ ﻧﻮﺟﺪ ﻭﻧﻘﺎﺩ عمرت ﻟﻴﻪ ﺍﺗﺎﻱ ﻭﺳﺨﻨﺖ ﻣﻼﻭﻱ و ﺣﻄﻴﺖ ﺍﻟﻌﺴﻞ ﻭﺍﻟﺰﻳﺪﺓ ﻭﺍﻱ ﺣﺎﺟﺔ ﺑﺎﻧﺖ ﻟﻲ ﺑﺎﺵ ﻧﺘﺠﻨﺐ ﻫﻀﺮﺗﻮ
ﻫﺰﻳﺖ ﺑﻼﻃﻮ و تميت ﻏﺎﺩﺍ ﺑﻴﻪ ﻟﻌﻨﺪﻭ ﻣﻊ ﻣﺘﻨﻘﺪﺭﺵ ﻧﺰﻳﺪ ﻭﺍﻻﻟﻢ ﺗﻴﺰﻳﺪ ﻋﻠﻴﺎ ﻣﺤﺴﻴﺘﺶ براسي حتى طاح ليا البلاطو من يدي ﺗﺨﻠﻌﺖ ﺑﺰﺍﺍﻑ
ناض جاي يجري ﻗﺮﺏ ﻋﻨﺪﻱ و قاليا : ﻭﺍﻟﺪﻳﻚ ﻣﻌﻠﻤﻮﻛﺶ ﺣﺘﻰ ﺗﻬﺰﻱ ﺑﻼﻃﻮ ﺍﺑﻨﺖ ﺍﻟﻔﺸﻮﺵ ﻣﻦ ﺍﻟﺼﺒﺎﺡ ﻭﺍﻧﺎ ﻧﺘﺴﻨﻰ في ﺍﻟﻔﻄﻮﺭ و في اللخر طيحتيه؟
ﺑﺪﻳﺖ ﻧﺘﺮﻋﺪ و لساني ثقال عليا : ﺭﺍني... ﺭﺍﻩ...
ﻣﺤﺴﻴﺘﺶ ﺑﻴﻪ ﺣﺘﻰ ﺟﻤﻊ ﻭﺍﺣﺪ الكروشي و ضربني بجهد ﻓﺪﻳﻚ ﺍﻟﻠﺤﻈﺔ ﻃﺤﺖ ﻭ ﻣﺒﻘﻴﺖ ﻋﺎﻗﻠﺔ ﻋﻠﻰ ﻭﺍﻟﻭ فاش ﻓﺘﺤﺖ ﻋﻴﻨﻴﺎ ﻟﻘﻴﺖ ﺭﺍﺳﻲ في...
حلقة 24
ﻣﺤﺴﻴﺘﺶ ﺑﻴﻪ ﺣﺘﻰ ﺟﻤﻊ ﻭﺍﺣﺪ ﺍﻟﻜﺮﻭﺷﻲ ﻭ ﺿﺮﺑﻨﻲ ﺑﺠﻬﺪ ﻓﺪﻳﻚ ﺍﻟﻠﺤﻈﺔ ﻃﺤﺖ ﻭ ﻣﺒﻘﻴﺖ ﻋﺎﻗﻠﺔ ﻋﻠﻰ ﻭﺍﻟﻭ ﻓﺎﺵ ﻓﺘﺤﺖ ﻋﻴﻨﻴﺎ ﻟﻘﻴﺖ ﺭﺍﺳﻲ ﻓﻲ بيت اﻟﻨﻌﺎﺱ ﻋﺮﻓﺖ ﻣﻦ ﺍﻟﺨداﻣﺔ الشيبانية ﺍﻧﻨﻲ ﺳﺨﻔﺖ ﻭﺍﻟﻄﺒﻴﺐ ﻛﺎﻥ ﻋﻨﺪﻱ
اﻟﺨﺪﺍﻣﺔ : ﺑﻨﺘﻲ ﺭﺍﻩ ﺍﻟﻄﺒﻴﺐ ﺧﺮﺝ ﻟﻴﻚ ﻫﺎﺩ ﺍﻟﺪﻭﺍ ﺍﻧﺎ ﻏﺎﺩﻳﺎ ﻧﻘﺎﺑﻠﻚ ﺣﺘﻰ ﺗﺒﺮﺍﻱ ﺗﻔﻜﺮﺕ ﻣﺎﻣﺎ ﻭﺑﻘﻴﺖ ﻧﺒﻜﻲ ﻛﺎﻉ ماتصلت بيهم ﻏﺎﺩين ﻳﻜﻮﻧﻮ ﺗﺨﻠﻌﻮ ﻋﻠﻴﺎ و تيلي ديالي ﻣﻄﻔﻲ ﻫﻨﺪ ﻏﺎﺗﻜﻮﻥ ﻏﺎﺩا ﺗﺤﻤﺎﻕ ﺑﻘﻴﺖ ﻧﺒﻜﻲ ﻭﻫﻲ ﺗﻤﺴﺢ ﻟﻴﺎ ﺩﻣﻮﻋﻲ
الخدامة : ﺻﺎﻓﻲ ﺍﺑﻨﺘﻲ ﻃﻴﺒﺘﻲ ﻟﻴﺎ ﻗﻠﺒﻲ
ﺃﻧﺎ : ﻋﻼﺵ ﺗﻴﺪﻳﺮ ﻟﻴﺎ هاكا ﺷﻨﻮ درت ﻟﻴﻪ؟
الخدامة : ﺑﻨﺘﻲ ﺍﻧﺎ ﻣﺎﻋﺎﺭﻓﺔ ﻭﺍﻟﻮ ﻭﻟﻜﻦ ﺳﻲ ﻳﻮﺳﻒ ﺣﻨﻴﻦ ﻣﻌﺮﻓﺘﺶ ﻣﺎﻟﻮ؟ ﻭﺍﺧﺎ ﻗﺎﺳﻲ ﻭﺗﻴﻐﻮﺕ ﻗﻠﺒﻮ ﺑﻴﺾ
ﺍﻧﺎ : ﻫﺪﺍﻙ ﺍﺣﻘﺪ ﺍﻧﺴﺎﻥ ﺷﻔﺘﻮ ﻓﺤﻴﺎﺗﻲ ﺍﻟﻠﻪ ﻳﻠﻘﻴﻬﺎ ﻟﻴﻪ و ﻳﺎﺧﺪ ﻓﻴﻪ ﺍﻟﺤﻖ ﺑﻐﻴﺖ ﺭﺑﻲ ﻳﻐﺼﺒﻮ ﻓﺤﻴﺎﺗﻮ ﻛﻴﻒ ﻣﺎﻏﺼﺒﻨﻲ
ﻭﺑﻘﻴﺖ ﻧﺒﻜﻲ ﻭﻧﺘﺨﻨﺼﺺ ﻓﺪﻳﻚ ﺍﻟﻠﺤﻈﺔ ﺩﺧﻞ ﻭﺑﺪﻳﺖ ﻧﺘﺮﻋﺪ ﺧﻔﺘﻮ ﻳﻜﻮﻥ ﺳﻤﻌﻨﻲ
ﺩﺧﻞ ﻣﺨﻨﺰﺭ ﻛﻴﻒ ﺍﻟﻌﺎﺩﺓ ﻣﻲ ﺯﻫﺮﺓ ﺷﺎﻓﺘﻮ ﻭﺧﺮﺟﺎﺕ ﻗﺮﺏ ﻟﻌﻨﺪﻱ وقالي
يوسف : ﺳﻤﻌﻴﻨﻲ ﻣﺰﻳﺎﻥ ﺍﻟﻰ ﺑﻐﻴﺘﻲ ﺗﻌﻴﺸﻲ ﻣﻌﺎﻳﺎ ﺳﺎﻟﻤﺔ ﻧﻔﺬﻱ ﺍﻷﻭﺍﻣﺮ ﻭﺳﺪﻱ ﺩﺍﻙ ﺍﻟﻔﻢ ﻭﻻ ﻧﻬﺮﺳﻮ ﻟﻴﻚ ﺍﻟﻄﺒﻴﺐ ﻟﻼﺳﻒ ﻋﻄﺎﻙ ﺳﻴﻤﺎﻧﺔ ﺭﺍﺣﺔ ﻳﻌﻨﻲ ﻣﻦ ﻭﺭﺍ ﻫﺎﺩ ﺍﻟﺴﻴﻤﺎﻧﺔ ﻏﺎﺩا ﺗﻘﻮﻣﻲ ﺑﻮﺍﺟﺒﻚ ﻛﺄﻱ ﻣﺮﺓ ﻣﺰﻭﺟﺔ ﺗﻄﻴﺒﻲ ﻭﺗﺼﺒﻨﻲ ﻟﻴﺎ ﺗﻨﻈﻔﻲ ﺍﻟﺪﺍﺭ ﻭﺣﺘﻰ ﺍﻟﺒﻬﺎﻳﻢ ﺗﻨﻈﻔﻲ ﻟﻴﻬﻢ الكوري ﻭﻋﺎﺩ ﻓﺎﻟﻠﻴﻞ نجي ﻧﻠﻘﺎﻙ ﻣﻘﺎﺩﺓ ﻟﻴﺎ ﻓﻬﻤﺘﻲ؟
ﺍﻧﺎ : ﻛﻴﻔﺎﺵ ﺍﻟﺒﻬﺎﻳﻢ؟ ﺍﻧﺎ ﻋﻤﺮﻱ ﻋﺮﻓﺖ ﻟﻬﺎﺩﺷﻲ ﻗﺎﻃﻌﻨﻲ ﻣﻌﻠﻮﻡ ﻣﺘﻌﺮﻓﻴﺶ ﺍﺵ ﻏﺎﺩﻱ ﺗﻌﺮﻑ ﺑﻨﺖ ﻋﺎﺋﻠﺔ ﺗﺮﺑﺎﺕ ﻭﻫﻲ ﻏﻴﺮ ﺗﺘﺄﻣﺮ ﻭﻛﻠﺸﻲ ﻳﻜﻮﻥ ﺑﻴﻦ ﻳﺪﻳﻬﺎ المهم هنا ﻏﺎﺩا ﺗﻌﻠﻤﻲ ﻓﻬﻤﺘﻲ ﻫﺎﺩﻱ ﻫﻲ ﺍﻟﺨﺪﻣﺔ ﻟﻲ ﻭﺍﻓﻘﺘﻲ ﺗﺨﺪﻣﻲ ﻋﻨﺪﻱ هي تنكسي الكوري ديال البهايم و النعاج و داكشي ﺯﺍﺋﺪ ﺍﻫﻢ ﺧﺪﻣﺔ ﻏﺎﺩا ﺗﺪﻳﺮﻱ وﻫﻲ ﺗﻘﺎﺑﻠﻲ ﻭﺍﺣﺪ ﺍﻟﺴﻴﺪﺓ ﻛﺒﻴﺮﺓ ﻭﻣﺮﻳﻀﺔ ﻟﻲ ﻫﻲ ﻋﺠﻮﺯﺗﻚ ﻭﻫﺪﻳﻚ ﺍﻟﻰ ﻓﺮﻃﺘﻲ ﻏﻴﺮ ﺷﻮﻳﺔ ﻣﻌﺎﻫﺎ ﻓﻐﺎﺩﻳﺎ ﺗﺠﺒﺪﻱ ﻋﻠﻰ ﺭﺍﺳﻚ ﻧﺎﺭ ﺟﻬﻨﻢ ﻭﺍﺵ ﻓﻬﻤﺘﻲ؟
ﺍﻳﻮا ﺗﺪﻭﺯ ﻫﺎﺩ ﺍﻟﺴﻴﻤﺎﻧﺔ ﻣﻨﺴﻤﻊ ﻣﻨﻚ ﺣﺘﻰ ﻛﻠﻤﺔ ﻣﻲ ﺯﻫﺮﺓ ﻏﺎﺩا ﺗﻜﻮﻥ ﻣﻌﺎﻙ ﺣﺘﻰ ﺗﻌﻠﻤﻲ ﻛﻠﺸﻲ ﻣﻦ ﺑﻌﺪ ﺗﻮﻟﻲ ﺗﺨﺪﻣﻲ ﺑﻮﺣﺪﻙ ﺗﻔﺎﻫﻤﻨﺎ
ﻫﺰﻳﺖ ﺭﺍﺳﻲ ﺑﺎﻻﻳﺠﺎﺏ ﻗﺮﺏ ﻟﻌﻨﺪﻱ ﻭﺷﺪ ﻟﻴﺎ ﻓﻮﺟﻬﻲ ﺣﺘﻰ ﺑﺪﻳﺖ ﻧﺸﻢ ﺭﻳﺤﺔ ﻧﻔﺴﻮ ﺳﺨﻮﻧﺔ ﻓﻮﺟﻬﻲ و قالي ﺍﻳﻮﺍ ﻫﺎﻫﻮ ﺟﺎ ﻟﻲ ﻳﺮﺑﻴﻚ أ بنت ﺍﻟﺒﻨﺎﻧﻲ ﻭﺧﺮﺝ ﻭﺧﻼﻧﻲ
ﻣﻌﺮﻓﺖ ﺷﻨﻮ ﻗﺼﺘو ﻣﻊ ﻋﺎﺋﻠﺔ ﺍﻟﺒﻨﺎﻧﻲ ﺑﺪﻳﺖ ﻧﻔﻬﻢ ﺭﺑﻤﺎ ﻋﻨﺪﻭ ﻣﻊ ﺑﺎﺑﺎ ﺷﻲ ﺣﺴﺎﺏ ﻗﺪﻳﻢ ﺭﺑﻤﺎ ﻟﻜﻦ ﻣﻘﺪﺭﺗﺶ ﻧﻔﻬﻢ ﻋﻼﺵ ﺗﻴﻜﺮﻫﻨﻲ ﻟﻬﺎﺩ ﺍﻟﺪﺭﺟﺔ؟ ﻋﻼﺵ ﻣﺘﺼﻮﺭﻧﻲ ﺩﻳﻚ ﺍﻟﻤﻔﺸﺔ وﺍﻟﻤﻐﺮﻭﺭﺓ ﺍلمتسلطة و ﺍﻟﻤﺠﺮﺩﺓ ﻣﻦ ﺍﻻﺣﺎسيس فكرت حتى عيت و ﻗﺮﺭﺕ ﻣﻊ ﺭﺍﺳﻲ ﻧﺪﻳﺮ ﻟﻴﻪ....
الحلقة 25
ﻓﻜﺮﺕ ﺣﺘﻰ ﻋﻴﺖ ﻭ ﻗﺮﺭﺕ ﻣﻊ ﺭﺍﺳﻲ ﻧﺪﻳﺮ ﻟﻴﻪ داكشي ﻟﻲ ﺑﻐﺎ ﺑﺎﺵ ﻧﺘﻔﺎﺩﻯ ﺍﻱ ﻣﺸﻜﻞ ﻣﻌﺎﻩ ﻭ ماننساﺵ ﺍﻧﻨﻲ ﻫﺎﺩﺷﻲ ﺑﻐﻴﺘﻮ ﺑﺎختياﺭﻱ و ﺍﻛﺜﺮ ﺣﺎﺟﺔ ﻛﻨﺖ ﻣﺤﺎﻣﻼﻫﺎﺵ ﻭﻛﻨﺸﻤﺌﺰ منها ﻫﻲ ﺍﻟﻌﻼﻗﺔ ﺍﻟﺠﻨﺴﻴﺔ ﻣﻌﺎﻩ ﻛﺮﻫﺖ ﺍﻧﻪ ﻳﻠﻤﺴﻨﻲ وﺍﻧﻪ ﻳﻘﺮﺏ ﻟﻴﺎ ﻛﻨﺖ نتمنى ﻧﻤﻮﺕ ﻭﻻ ﻧﻌﻴﺶ داكشي لي عشتو ﻧﻬﺎﺭ ﺍﻏﺘﺎﺻﺒﻨﻲ
ﻣﻲ ﺯﻫﺮﺓ ﻣﺴﻜﻴﻨﺔ ولات ﻣﻘﺎﺑﻼﻧﻲ ﻭﺭﺍﺩﺓ ﻟﻴﺎ ﺍﻟﺒﺎﻝ ﺗﺘﺠﻴﺐ ﻟﻴﺎ ﺍﻟﻤﺎﻛﻠﺔ ﻭﺍﻟﺪﻭﺍ و ﺑﺪﻳﺖ ﻧﺴﺘﺮﺟﻊ ﺻﺤﺘﻲ ﻭﻋﺎﻓﻴﺘﻲ وﻫﻮ ﻣﻦ ﺩﺍﻙ ﺍﻟﻨﻬﺎﺭ ﻣﺸﻔﺘﻮﺵ ﺣﺴﻦ نيت ﺣﻴﺖ ﻣﻜﻨﺘﺶ ﺣﺎﻣﻠﺔ ﺣﺘﻰ ﺳﻤﻴﺘﻮ ﻧﺴﻤﻌﻬﺎ
ﻛﻤﻞ ﺍﻻﺳﺒﻮﻉ ﻭﻗﻔﺖ ﻋﻠﻰ ﺭﺟﻠﻴﺎ ﻭﺍﻟﺠﺮﺡ برا ﺧﺎﺻﻨﻲ ﻧﺘﺄﻗﻠﻢ ﻣﻊ ﻭﺿﻌﻲ ﺍﻟﺠﺪﻳﺪ ﻗﺮﺭﺕ ﻧﺒﻌﺪ ﻋﻠﻰ ﺍﻟﻤﺸﺎﻛﻞ ﻣﻌﺎﻩ ﻭﻧﺒﺪﺍ ﺧﺪﻣﺘﻲ ﻃﻠﺒﺖ ﻣﻦ ﻣﻲ ﺯﻫﺮﺓ ﺗﻌﺎﻭﻧﻲ وﻭﺍﻋﺪﺍتني ﻣﺴﻜﻴﻨﺔ ﺑﺎﺵ ﺗﺪﻳﺮ ﻟﻲ ﻓﺠﻬﺪﻫﺎ
ﻓﻘﺖ ﺩﺍﻙ ﺍﻟﻨﻬﺎﺭ ﺑﻜﺮﻱ ﺩﻭﺷﺖ ﻟﺒﺴﺖ ﻟﺒﺴﺔ ﺑﺤﺎﻝ ﺩﻳﺎﻝ ﺍﻟﺨﺪﺍﻣﺎﺕ ﻟﻲ ﻓﺎﻟﺪﺍﺭ ﻭﻣﺸﻴﺖ ﻟﻠﻜﻮﺯﻳﻨﺔ ﻭﺟﺪﺕ ﻟﻴﻪ ﺃﺗﺎﻱ وﺻﺎﻭﺑﺖ ﺣﺮﻳﺸﺔ ﻋﻠﻤﺎﺗﻬﺎ ﻟﻴﺎ ﻣﺎﻣﺎ ﺣﻄﻴﺖ ﺍﻟﻌﺴﻞ ﻭﺍﻟﺰﺑﺪﺓ ﻭﺩﻳﺖ ﻟﻴﻪ ﺍﻟﻔﻄﻮﺭ ﻟﻠﺠﺮﺩﺓ ﺷﺎﻓﻨﻲ ﺗﺼﺪﻡ ﺣﻴﺖ ﻣﺘﻮﻗﻌﺶ داكشي مني و قالي : ﻣﺰﻳﺎﻥ ﻣﻨﻴﻦ ﻧﻀﺘﻲ و حداگيتي ﺭﺍﺳﻚ قبل مانجي ﻋﺎﻭﺗﺎﻧﻲ
ﻣﺠﺎﻭﺑﺘﻮﺵ ﻭﺗﻤﻴﺖ ﻏﺎﺩﺍ ﻋﻴﻂ ﻟﻴﺎ : تي وقفي فين غادا ﻭﺍﺵ ﺍﻧﺎ ﻗﻠﺖ ﻟﻴﻚ ﺳﻴﺮﻱ؟ ﻣﺎﻟﻜﻲ ﻋﺰﻳﺰ ﻋﻠﻴﻚ ﺗﻤﺮﺿﻴﻨﻲ وقفت ﻭﺣﺪﺭﺕ ﺭﺍﺳﻲ ﻭﺍﻧﺎ ﺧﺎﻳﻔﺔ ﺗﺠﻴﻨﻲ ﺷﻲ ﺿﺮﺑﺔ أﻩ ﺍﺣﺴﺎﺱ ﺑﺎﻟﺤﻜﺮﺓ ﺷﺤﺎﻝ ﺧﺎﻳﺐ ﺍﺣﺴﺎﺱ ﻣﻴﻜﻮﻥ ﻋﻨﺪﻙ ﻻ ﺣﻨﻴﻦ ﻻ ﺭﺣﻴﻢ ﻣﻴﻜﻮﻥ ﻟﻲ ﻭﻗﻒ ﻓﺠﻨﺒﻚ ﻗﺎﻃﻌﻨﻲ : ﺳﻤﻌﻲ ﺃﻭﻻ ﺍﻧﺎ ﻣﻤﺰﻭﺟﺶ ﺑﺨﺪﺍﻣﺔ ﺣﻴﺪﻱ ﻋﻠﻴﺎ ﺩﻭﻙ ﺍﻟﺸﺮﺍﻭﻁ ﻭﻟﺒﺴﻲ ﺷﻲ ﺣﺎﺟﺔ ﻣﻘﺎﺩﺓ ثاﻧﻴﺎ ﻏﺎﺩﻳﺎ ﺗﺒﻘﺎﻱ ﺟﺎﻟﺴﺔ ﻣﻌﺎﻳﺎ ﺣﺘﻰ ﻧﺴﺎﻟﻲ ﻓﻄﻮﺭﻱ
ثالثا ﻛﻤﻠﻲ ﺷﻐﺎﻟﻚ ﺩﻏﻴﺎ ﺑﺎﺵ ﺗﻤﺸﻲ ﺗﺸﻮﻓﻲ ﺍﻟﻮﺍﻟﻴﺪﺓ ﻭﻧﻘﻮﻟﻴﻚ ﺷﻨﻮ ﺧﺎﺻﻚ ﺗﺪﻳﺮﻱ
ﺍﻧﺎ : ﺑﻐﻴﺖ ﻏﻴﺮ ﻧﻌﺮﻑ ﻋﻼﺵ كادير ﻟﻴﺎ هاكا ﺷﻨﻮ ﺍﻟﺬﻧﺐ ﻟﻲ ﺩﺭﺕ ﺑﺎﺵ ﺣﺎﻗﺪ ﻋﻠﻴﺎ ﻭﺗﺘﻜﺮﻫﻨﻲ حتى لهاد الدرجة ﻗﺎطعني ﺑﺎﻟﻐﻮﺍﺕ : ﻧﺘﻲ ﻣﺪﺭﺗﻲ ﻭﺍﻟﻮ ﻟﻜﻦ ﻟﻲ ﻗﺒﻠﻚ هما لي ﺩﺍﺭﻭ ﻭﺣﺘﻰ ﺍﻧﺎ ﻗﺒﻞ ﻣﻨﻚ ﻗﻠﺖ ﺷﻨﻮ ﺍﻟﺬﻧﺐ ﻟﻲ ﺩﺭﺕ؟ ﻭﺩﺍﺑﺎ ﺳﻴﺮﻱ ﺩﺭﻗﻲ ﻋﻠﻴﺎ ﻭﺟﻬﻚ ﻣﺒﻐﻴﺘﺶ ﻧﻮﺳﺦ ﻳﺪﻱ ﻓﻴﻚ ﻫﺎﺩ ﺍﻟﺼﺒﺎﺡ ﻣﺸﻴﺖ ﺗﻨﺠﺮﻱ ﻟﻠﻜﻮﺯﻳﻨﺔ نظفتها ﻭﺟﺪﺕ ﺍﻟﻐﺪﺍ ﻃﻴﺒﺖ ﻃﺎﺟﻴﻦ ﺑﺎﻟﻠﺤﻢ ﺩﺭﺕ ﺷﻼﻳﺾ ﻭﻋﺼﻴﺮﺍﺕ ﻃﻠﻌﺖ ﻟﻠﺒﻴﺖ ﺭﺗﺒﺖ ﻟﻴﻪ ﺣﻮﺍﻳﺠﻮ ﻭﺯﻭﻟﺖ ﺍﻟﻤﻮﺳﺨﻴﻦ ﺩﻳﺘﻬﻢ ﻟﻠﻤﺎﻛﻴﻨﺔ ﻛﻤﻠﺖ ﺷﻐﻠﻲ ﻛﺎﻣﻞ ﻣﻲ ﺯﻫﺮﺓ ﺗﻜﻠﻔﺎﺕ ﺗﻨﻈﻒ ﺍﻟﻜﻮﺭﻱ ﻭﻃﺒﻌﺎ ﺑﻼ ﻣﻴﻌﺮﻑ ﻳﻮﺳﻒ ﺩﺧﻠﺖ ﺩﻭﺷﺖ ﻧﺸﻔﺖ ﺷﻌﺮﻱ ﻟﺒﺴﺖ ﻛﺴﻮﺓ ﻓﺎﻟﻤﻮﻑ ﺷﻮﻳﺔ حتى كانسمع الدقان في الباب ناري أميمتي هاهو جا عاوتاني مشيت فيها....
لحلقة 26
ﺩﺧﻠﺖ ﺩﻭﺷﺖ ﻧﺸﻔﺖ ﺷﻌﺮﻱ ﻟﺒﺴﺖ ﻛﺴﻮﺓ ﻓﺎﻟﻤﻮﻑ ﺷﻮﻳﺔ ﺣﺘﻰ ﻛﺎﻧﺴﻤﻊ ﺍﻟﺪﻗﺎﻥ ﻓﻲ ﺍﻟﺒﺎﺏ ﻧﺎﺭﻱ ﺃﻣﻴﻤﺘﻲ ﻫﺎﻫﻮ ﺟﺎ ﻋﺎﻭﺗﺎﻧﻲ ﻣﺸﻴﺖ فيها تفتح الباب و هي دخل مي ﺯﻫﺮﺓ : ﺗﺒﺎﺭﻙ ﺍﻟﻠﻪ ﻋﻠﻴﻚ ﺍﺑﻨﺘﻲ ﺳﺒﺤﺎﻥ ﻣﻦ ﺻﻮﺭﻙ ﻭﺭﺩﺓ ﻓﻮﻕ ﺍﻻﺭض ﻳﺎﺭﺑﻲ ﺗﺰﻳﻦ ﺳﻌﺪﻙ ﻣﻊ ﺳﻲ ﻳﻮﺳﻒ ﺭﺍﻛﻢ ﺗﺴﺘﺎﻫﻠﻮ ﺑﻌﻀﻜﻢ
ﺍﻧﺎ : ﺍﻟﺪﻋﻮﺓ ﻟﻲ ﺗﺪﻋﻲ ﻣﻌﺎﻳﺎ ﺍﻣﻲ ﺯﻫﺮﺓ ﻫﻲ ﻳﻔﻜﻨﻲ ﺭﺑﻲ ﻣﻨﻮ ﻋﻠﻰ ﺧﻴﺮ
ﻣﻲ ﺯﻫﺮﺓ : نوضي ﺭﺍﻩ ﺗﻴﺴﺎﻳﻨﻚ ﺍﺑﻨﺘﻲ ﺑﻐﺎ ﻳﺪﻳﻚ ﺗﺸﻮﻓﻲ ﺍﻟﺤﺎﺟﺔ ﻭﺗﻘﺎﺑﻠﻴﻬﺎ
ﺍﻧﺎ : ﻣﺎﻟﻬﺎ ﻫﺎﺩ ﺍﻟﺤﺎﺟﺔ؟
ﻣﻲ ﺯﻫﺮﺓ : ﺍﻟﺤﺎﺟﺔ ﻣﺴﻜﻴﻨﺔ ﻣﺮﺓ ﻛﺒﻴﺮﺓ ﺷﻮﻓﻬﺎ ﻗﻠﻴﻞ ﻭﻣﻜﺘﻨﻮﺿﺶ ﻣﺴﻜﻴﻨﺔ ﻣﻘﻌﺪﺓ ﻣﻦ ﺷﺤﺎﻝ ﻫﺪﻱ ﻭﻣﺆﺧﺮﺍ ﺑﺪﺍﺕ ﺗﻨﺴﻰ ﺷﻮﻳﺔ (ﻋﻼﻣﺔ ﺍﻟﺰﻫﺎﻳﻤﺮ)
ﺍﻧﺎ : ﺷﻨﻮ ﺧﺎﺻﻨﻲ ندير ﺍﻧﺎ؟
ﻣﻲ ﺯﻫﺮﺓ : ﻏﻴﺮ ﺗﻐﺴﻠﻲ ﻭﺗﺒﺪﻟﻲ ﻟﻴﻬﺎ ﻭﺗﻮﻛﻠﻴﻬﺎ كاتنعس ﺻﺎﻓﻲ ﻣﺘﺘﻔﻴﻘﺶ
ﻫﺒﻄﺖ ﻋﻨﺪﻭ ﻭﻫﻮ ﺗﻴﺎﻛﻠﻨﻲ ﺑﻌﻴﻨﻴﻪ ﻣﻦ ﻟﺘﺤﺖ ﻗﺮﺑﺖ ﻋﻨﺪﻭ ﻭﻫﻮ ﻳﺨﻨﺰﺭ ﻓﻴﺎ ﺍﻟﻠﻪ ﻳﺎﺭﺑﻲ ﻭﺍﺵ ﻫﺪﺍ ﻣﺎ ﺗﻴﻀﺤﻜﺶ : شوفي سمعي ﻧﺘﻴﺎ ﺍﻟﻮﺍﻟﺪﺓ ﻣﻨﺒﻐﻴﻬﺎﺵ ﺗﻌﺮﻑ ﺍﻟﺼﻔﻘﺔ ﻟﻲ ﺑﻴﻨﺎتنا ﻧﺘﻴﺎ ﻣﺮﺍﺗﻲ ﻭﻣﺰﻭﺟﻴﻦ ﻋﻦ ﺣﺐ ﻭﺗﺮﺍﺿﻲ فهمتي؟
ﺍﻧﺎ ﻓﻨﻔﺴﻲ : ﺍﻟﻠﻪ ﻳﻌﻄﻴﻚ ﺣﺒﻮﺑﺔ ﻓﺎﻟﻠﺴﺎﻥ ﺍﻧﺖ ﻭﺟﻪ ﺍﻟﺤﺐ راه ﺍﻟﺤﺐ ﺑﺤﺎلك ﻣﺘﻴﻌﺮﻓﻮﻫﺶ
ﻣﺸﻴﻨﺎ ﻟﺠﻨﺎﺡ ﺍﺧﺮ ﺩﺧﻠﻨﺎ ﻟﺒﻴﺖ ﻛﺒﻴﺮ لقينا ﻣﺮﺓ ﻛﺒﻴﺮﺓ ﻧﺎﻋﺴﺔ ﻓﻮﻕ ﻧﺎﻣﻮﺳﻴﺘﻬﺎ ﺷﻌﺮﻫﺎ ﺑﻴﺾ ﻭﺑﺎﻳﻦ ﻋﻠﻴﺎ ﺍﻟﻌﻴﺎ ﻭﺍﻟﻤﺮﺽ ﻏﻴﺮ ﺩﺧﻠﻨﺎ ﺍﻟﺴﻴﺪ ﺗﺒﺪل ﺗﺤﻮﻝ ﻣﻦ ﻭﺣﺶ ﻟﻤﻼﻙ ﺍﺑﺘﺴﻢ ﻭﺍﺣﺪ ﺍﻻﺑﺘﺴﺎﻣﺔ ﺗﺘﺪﻭﺏ ﺍﻟﺤﺠﺮ ﻭﻓﻌﻴﻨﻴﻪ ﺣﻨﺎﻥ ﻳﻐﻄﻲ ﺍﻟﻜﻮﻥ ﺑﻘﻴﺖ ﺗﻨﺸﻮﻑ ﺍﻟﺘﻨﺎﻗﺺ ﻟﻲ ﻓﻬﺎﺩ ﺍﻟﺴﻴﺪ ﻗﺮﺏ ﻟﻌﻨﺪﻫﺎ ﺑﺎﺳﻬﺎ ﻓﺮﺍﺳﻬﺎ : ﻣﻲ ﺍﻟﺤﺒﻴﺒﺔ ﻟﺒﺎﺱ ﻋﻠﻴﻚ ﺷﻮﻳﺔ ﺍﻟﻴﻮﻡ؟
ﺍﻻﻡ : ﻳﻮﺳﻒ ﻭﻟﺪﻱ ﺟﻴﺘﻲ ﻣﺴﻜﻴﻨﺔ ﻣﻜﺎﻧﺘﺶ ﺗﺘﺸﻮﻑ ﻣﺰﻳﺎﻥ
ﻳﻮﺳﻒ : ﻣﻲ ﻋﺮﻓﺘﻲ ﺷﻜﻮﻥ ﺟﺒﺖ ﻣﻌﺎﻳﺎ؟
ﺍﻻﻡ : ﺷﻜﻮﻥ ﺍﻭﻟﺪﻱ؟
ﻳﻮﺳﻒ : ﻳﺎﺳﻤﻴﻦ ﻣﺮﺍﺗﻲ ﻗﺎﻟﻬﺎ ﺑﻮﺍﺣﺪ ﺍﻟﺤﻨﺎﻥ ﺃﻭﻝ ﻣﺮﺓ ﻣﻨﻴﻦ ﺟﻴﺖ ﻳﻨﻄﻖ ﺑﺴﻤﻴﺘﻲ ﺩﻳﻤﺎ ﺗﻴﻌﻴﻂ ﻟﻴﺎ ﺳﻠﻴﻠﺔ ﺍﻟﺒﻨﺎﻧﻲ اﻻﻡ : ﻗﺮﺑﻲ ﻋﻨﺪﻱ ﺍﺑﻨﺘﻲ؟
ﻫﻮ ﺧﻨﺰﺭ ﻓﻴﺎ ﺑﺎﺵ ﻧﺠﻲ ﺟﻴﺖ ﻟﻌﻨﺪﻫﺎ ﺳﻠﻤﺖ ﻋﻠﻴﻬﺎ
ﺍﻻﻡ : ﻣﺮﺣﺒﺎ ﺑﻤﺮﺍﺕ ﻭﻟﺪﻱ ﺍﻧﺎ ﻓﺮﺣﺎﻧﺔ ﻣﻨﻴﻦ ﻭﻟﺪﻱ ﺗﺰﻭﺝ ﻭﻭﻻﺩﻭ ﻳﻌﻤﺮﻭ ﻟﻴﺎ ﺩﺍﺭﻱ
ﺍﻧﺎ ﺳﺎﻛﺘﺔ ﻭﺟﻠﺴﺖ ﺣﺪﺍﻫﺎ
ﻳﻮﺳﻒ : ﺍﻟﻮﺍليدﺓ ﺭﺍﻩ ﻳﺎﺳﻤﻴﻦ ﺣﻠﻔﺎﺕ ﻫﻲ ﻟﻲ ﺗﻘﺎﺑﻠﻚ ﺟﺮﺍﺕ ﻋﻠﻰ كاع ﺍﻟﺨﺪﺍﻣﺎﺕ ﻛﺎﻣﻠﻴﻦ ﻣﻦ ﺍﻟﺠﻨﺎﺡ ﺩﻳﺎﻟﻚ و قالت لي والو انا لي نتكلف ليك بالميمة الحنينة ﻭﺧﻨﺰﺭ ﻓﻴﺎ ﺑﺤﺎﻝ ﺍﻟﻰ ﻛﻴﺘﺤﻠﻒ ﻓﻴﺎ ﻧﻘﻮﻝ ﺷﻲ ﺣﺎﺟﺔ
ﺍﻻﻡ ﺷﺪﺍﺕ ﻟﻲ ﻓﻴﺪﻱ : ﻟﻮﺍﻩ ﺍﺑﻨﻴﺘﻲ نتي ﻋﺮﻭﺳﺔ ﺩﺍﺑﺎ ﻗﺎﺑﻠﻲ ﻏﻴﺮ ﺭﺍﺳﻚ ﻭﺭﺍﺟﻠﻚ ﺍﻧﺎ ﺍﻟﺨﺪﻣﺎﺕ ﻗﺎﻳﻤﻴﻦ ﺑﺎﻟﻮﺍﺟﺐ ﻣﻌﺎﻳﺎ
ﻫﻮ ﺑﻐﺎ ﻳﻘﺠﻨﻲ ﻭﺗﻴﺘﻮﻋﺪﻧﻲ ﺑﺎﺵ ﻧﺘﻜﻠﻢ : ﻻ ﺧﺎﻟﺘﻲ ﺍﻧﺎ ﻟﻲ ﻗﻠﺖ ﻟﻴﻮﺳﻒ ﺑﻐﻴﺖ ﻧﻘﺎﺑﻠﻚ ﻭﻧﺘﻬﻼ ﻓﻴﻚ ﺣﻴﺖ ﻧﺘﻴﺎ ﺑﺤﺎﻝ ﻣﺎﻣﺎ ﻭﺍﻧﺎ ﻏﺎﺩﻳﺎ ﻧﺪﻳﺮﻙ ﻓﻌﻴﻨﻴﺎ
ﻋﻨﻘﺎﺗﻨﻲ ﻣﺴﻜﻴﻨﺔ : ﺍﻳﻮﺍ ﺣﺘﻰ ﺍﻧﺎ ﻋﻴﻄﻲ ﻟﻲ ﻣﺎﻣﺎ ﺗﻔﺎﻫﻤﻨﺎ
ﻭﺻﺮﺍحة ﻣﻜﻨﺘﺶ ﺗﻨﻜﺬﺏ ﻓﺎﺵ ﻗﻠﺖ ﻟﻴﻬﺎ ﻧﺘﻬﻼ فيك ﺣﻴﺖ ﻓﻌﻼ ﻫﻲ ﺗﺴﺘﺎﺣﻖ ﻣﺮﺓ ﻛﺒﻴﺮﺓ ﻣﺴﻜﻴﻨﺔ ﺿﻌﻴﻔﺔ ﻭﺑﺎﻳﻦ ﻋﻠﻴﻬﺎ ﺍﻟﻄﻴﺒﻮﺑﺔ ﻋﻠﻰ ﺍﻻﻗﻞ ﻧﻠﻘﻰ ﻭﺍﺣﺪ ﺍﻟﺼﺪﺭ ﺣﻨﻴﻦ ﻧﺘﻠﺠﺄ ﻟﻴﻪ
ﻣﺸﺎ ﻏﺎﺩﻱ ﺧﺎﺭﺝ ﻗﺮﺏ ﻟﻮﺩﻧﻲ : ﺗﻘﺼﺮﻱ ﻏﻴﺮ ﺷﻮﻳﺔ ﻣﻦ ﺟﻬﺘﻬﺎ ﻭﺍﻟﻠﻪ ﺣﺘﻰ ﻧﺼﻔﻴﻬﺎ ﻟﻴﻚ ﻭﺧﺮﺝ ﻓﻴﺎ ﻋﻴﻨﻴﻪ
ﺍﻧﺎ ﻓﻨﻔﺴﻲ : ﺳﻴﺮ ﺍﻟﻠﻪ ﻳﻠﻘﻴﻬﺎ ﻟﻴﻚ
ﻣﺸﻴﺖ ﻋﻨﺪ ﻣﺎﻣﺎ فاطنة ﺩﻭﺷﺖ ﻟﻴﻬﺎ ﺑﺪﻟﺖ ﻟﻴﻬﺎ ﺑﻘﻴﺖ ﻧﻤﺸﻂ ﻟﻴﻬﺎ ﻓﺸﻌﺮﻫﺎ ﻛﻨﺖ ﺗﻨﺤﺲ ﺑﺎﺣﺴﺎﺱ ﺯﻭﻳﻦ ﻣﻌﺎﻫﺎ ﺍﻧﺎ ﺑﻄﺒﻌﻲ ﻋﺰﻳﺰ ﻋﻠﻴﺎ ﺍﻟﻨﺎﺱ ﺍﻟﻜﺒﺎﺭ ﻭﻛﻨﺖ ﻣﻨﺨﺮﻃﺔ ﻓﻮﺍﺣﺪ ﺍﻟﺠﻤﻌﻴﺔ ﺗﻨﺰﻭﺭﻭﻫﻢ ﻭ نتهلاو ﻓﻴﻬﻢ ﺩﺍﻛﺸﻲ ﻻﺵ ﻫﺎﺩﺷﻲ ﻣﻐﺮﻳﺒﺶ ﻋﻠﻴﺎ
ﻫﻮ ﻛﺎﻥ ﻛﻴﻈﻦ ﺍﻧﻪ ﻏﺎﺩﻱ ﻳﻌﺎﻗﺒﻨﻲ ﺑﺎﻟﺸﻘﺎ ﻭﻓﺎﺵ ﻧﻘﺎﺑﻞ ﻣﻮﻭ ﻣﺸﺎﻓﺶ ﺍﻥ ﻫﺎﺩﺷﻲ ﻋﺎﺩﻱ ﻣﻐﺮﻳﺒﺶ ﻋﻠﻴﺎ ﻭﺍﺧﺎ ﺑﻨﺖ ﺍﻟﺨﻴﺮ ﻣﻮﺍﻟﻔﺔ ﻣﺮﺓ ﻣﺮﺓ ﻧﻄﻴﺐ ﻭﻧﺠﻤﻊ ﺍﻟﺪﺍﺭ
ﻭﺍﺣﺪ ﺍﻟﺸﻮﻳﺔ ﺩﺧﻞ ﻋﻨﺪﻱ ﻟﻘﺎ ﻣﻮ ﻧﻌﺴﺎﺕ ﻭﺍﻧﺎ ﺗﻨﻐﻄﻲ ﻓﻴﻬﺎ ﺧﻨﺰﺭ ﻓﻴﺎ ﺑﺤﺎﻝ ﻣﺤﻤﻠﺶ ﻳﺸﻮﻓﻨﻲ ﻣﺮﺗﺎﺣﺔ ﻭﻫﺎﺩﺋﺔ
ﺧﺮﺟﺖ ﻋﻨﺪﻭ ﺧﺮﺝ ﻓﻴﺎ ﻋﻴﻨﻴﻪ : ﻛﻤﻠﺘﻲ إﻳﻮﺍ ﻣﻨﺘﻐﺪﺍﻭﺵ؟؟
ﺧﺮﺟﺖ ﺑﺰﺭﺑﺔ ﻣﺸﻴﺖ ﻟﻠﻜﻮﺯﻳﻨﺔ ﺳﺨﻨﺖ ﺍﻟﻐﺪﺍ ﻭﻗﺎﺩﻳﺖ ﺷﻼﻳﺾ ﺣﻄﻴﺖ ﻟﻴﻪ ﺍﻟﻐﺪﺍ ﻭﺟﻠﺴﺖ ﻣﻘﺎﺑﻠﺔ ﻣﻌﺎﻩ
بقا ﻳﺸﻮﻑ ﻓﺎﻟﻤﺎﻛﻠﺔ ﻭﺍلشلايض ﻭﺷﺎﻑ ﻓﻴﺎ ﺑﺎﺳﺘﻬﺰﺍﺀ : ﻣﻜﺎﻧﺶ ﻳﺤﺴﺎﺏ ﻟﻲ ﺑﻨﺖ ﺍﻟﺒﻨﺎﻧﻲ ﺗﺘﻌﺮﻑ ﺗﻄﻴﺐ ﻭﺑﺪﺍ ﻳﻀﺤﻚ ﺑﺴﺨﺮﻳﺔ
ﺍﻧﺎ : ﺑﻨﺖ ﺍﻟﺒﻨﺎﻧﻲ ﺑﻨﺖ ﺑﺤﺎﻝ ﺍﻟﺒﻨﺎﺕ ﺗﺘﻌﺮﻑ ﺗﻄﻴﺐ ﻭﺗﻨﻈﻒ ﻭ تعمل ﻛﻠﺸﻲ
ﻫﻮ ﺑﻐﺎ ﻳﺴﺘﺎﻓﺰﻧﻲ : ﺍﻳﻮﺍ ﻧﺘﻤﻨﻰ ﻓﺎﻟﻠﻴﻞ ﺗﻌﺮﻓﻲ ﻣﺰﻳﺎﻥ ﻭﺟﺪﻱ ﺭﺍﺳﻚ ﻫﺎﺩ ﺍﻟﻠﻴﻠﺔ ﻧﺸﻮﻓﻮ ﺷﻨﻮ ﺗﺘﻌﺮﻓﻲ ﻭﺿﺤﻚ ﺑﺠﻬﺪ ﻭﺧﻼﻧﻲ ﻏﺎﺭﻗﺔ ﻓﺪﻣﻮﻋﻲ ﺑﻘﻴﺖ ﻧﺒﻜﻲ ﺑﺠﻬﺪ ﻋﻼﺵ ﻳﺎﺭﺑﻲ ﺗﻴﻌﺬﺑﻨﻲ ﺗﻤﻨﻴﺖ ﻧﻤﻮﺕ ﻭﻻ ﻳﻌﺎﻭﺩ ﻳﻘﻴﺴﻨﻲ
ﺟﺎﺕ ﻣﻲ ﺯﻫﺮﺓ ﺗﺘﻬﺪﻥ ﻓﻴﺎ : ﺑﻨﺘﻲ ﺍﻟﺤﺒﻴﺒﺔ ﻏﻴﺮ ﺻﺒﺮﻱ ﺩﺍﺑﺎ ﺭﺑﻲ ﻳﺪﻳﺮ ﻟﻴﻚ ﺗﺎﻭﻳﻞ ﺩ اﻟﺨﻴﺮ ﻋﺎﻓﺎﻙ ﺍﻟﻰ ﻣﺎﺩﻳﺮﻱ ﻟﻴﻪ ﺧﺎﻃﺮﻭ ﺭﺍﻩ ﻋﺼﺒﻲ ﺑﺰﺍﺍﻑ ﻭﻣﺘﻴﺤﻤﻠﺶ ﻟﻲ ﺗﻴﻌﻨﺪ ﻣﻌﺎﻩ ﻫﻮ ﺣﻨﻴﻦ ﺩﺍﺑﺎ ﻳﺮﺟﻊ ﻛﻴﻒ ﻛﺎﻥ
ﺃﻧﺎ : ﻣﻲ ﺯﻫﺮﺓ ﺣﺎﺟﺔ ﻭﺣﺪﺓ ﻟﻲ ﺑﻐﻴﺖ ﻧﻌﺮﻑ ﻻﺵ ﺗﻴﻌﺪﺑﻨﻲ ﻻﺵ؟
ﻣﻲ ﺯﻫﺮﺓ : ﺭﺍﻩ ﻣﻜﺎﻧﺶ ﻫﻜﺪﺍ ﻣﻌﺮﻓﺘﺶ ﻣﺎﻟﻮﻭ ﻟﻜﻦ ﺩﺍﺑﺎ ﻳﺮﺟﻊ ﻏﺒﺮ ﺻﺒﺮﻱ
ﺍﻧﺎ : ﻣﻌﻨﺪﻱ ﻣﻨﺪﻳﺮ ﺑﺮﺟﻮﻋﻮ ﺑﻐﻴﺖ ﻏﻴﺮ ﺗﻜﻤﻞ ﻫﺎﺩ ﺍﻟﻤﺪﺓ ﻭﻧﻤﺸﻲ ﺑﺤﺎﻟﻲ ﻣﻦ ﻫﻨﺎ
ﻃﻠﻌﺖ ﻟﺒﻴﺘﻲ ﺩﻭﺷﺖ ﻟﺒﺴﺖ ﻭﺍﺣﺪ ﺍﻟﻜﺴﻴﻮﺓ ﻓﺎﻟﺒﻠﻮ ﺳﻴﺎﻝ ﻭﺗﻜﻴﺖ ﻭﺩﺍﻧﻲ ﺍﻟﻨﻌﺎﺱ حتى ضرباتني الفيقة على صوت الباب كايتخبط حليت عيني لقيتو هو دخل بعجاجتو ثاني و عينيه خارجين اناري اميمتي مشيت فيها...
الحلقة 27
ﺣﻠﻴﺖ ﻋﻴﻨﻲ ﻟﻘﻴﺘﻮ ﻫﻮ ﺩﺧﻞ ﺑﻌﺠﺎﺟﺘﻮ ﺛﺎﻧﻲ ﻭ ﻋﻴﻨﻴﻪ ﺧﺎﺭﺟﻴﻦ ﺍﻧﺎﺭﻱ ﺍﻣﻴﻤﺘﻲ ﻣﺸﻴﺖ ﻓﻴﻬﺎ
يوسف : آه ﻣﺴﻜﻴﻨﺔ ﻣﻤﻮﺍﻟﻔﺎﺵ ﺑﺘﻤﺎﺭﺓ ﺩﻏﻴﺎ ﻧﻌﺴﺘﻲ؟
ﻣﺠﺎﻭﺑﺘﻮﺵ إوى راني ﺗﻨﺪﻭﻱ ﻣﻌﺎﻙ ﻭﺍﺵ ﺻﻤﻜﺔ؟
ﺍﻧﺎ : ﺷﻨﻮ ﺑﻐﻴﺘﻲ ﻣﻨﻲ ﻧﻘﻮﻝ؟
ﻳﻮﺳﻒ ﻗﺮﺏ مني ﺷﺪﻧﻲ ﻣﻦ ﻭﺟﻬﻲ ﻭﺯﻳﺮ ﻋﻠﻴﺎ ﺣﺘﻰ ﻗﺼﺤﻨﻲ ﻫﻀﺮﻱ ﺗﻜﻠﻤﻲ ﻣﺎﻟﻜﻲ ﺯﻳﺰﻭﻧﺔ ﺷﻮﻳﺔ ﺑﺪﺍ ﻳﺸﻮﻑ ﻟﻴﺎ ﻓﻌﻴﻨﻲ و ﻭﺟﻬﻲ هبط ﻟﻌﻨﻘﻲ ﺷﻮﻳﺔ ﺍﻧﻘﺾ ﻋﻠﻴﺎ ﺑﻜﻞ ﻭﺣﺸﻴﺔ ﺣﺎﻭلت ﻧﺴﺘﺴﻠﻢ ﺑﺎﺵ ﻣﻨﺠﻴﺒﻬﺎﺵ ﻓﻀﻠﻮﻋﻲ ﻟﻜﻦ ﺍﻻﻟﻢ ﻛﺜﺮ ﻣﻨﻲ ﻋﺎﺩ ﺣﻴﺎ ﻟﻴﺎ ﺟﺮﻭﺣﻲ ﺑﻘﻴﺖ ﻧﻐﻮﺕ ﻭﻧﺪﻓﻌﻮ ﻭﻋﺎﺩ ﺗﻴﺰﻳﺪ ﻳﺠﻌﺮ ﻭﻳﻌﺎﻣﻠﻨﻲ ﺑﻜﻞ ﺧﺸﻮﻧﺔ ﻭﻭﺣﺸﻴﺔ ﻃﻴﺤﻨﻲ ﺍﻻﺭﺽ ﻭﺍﻧﻘﺾ ﻋﻠﻴﺎ ﺳﺎﻻ ﻏﺮضو ﻧﺎﺽ من فوقي ﻭﺧﻼﻧﻲ ﺑﺤﺎﻝ ﺷﻲ ﻛﻠﺒﺔ ﻣﺮﻣﻴﺔ ﻋﻠﻰ ﺍﻻﺭﺽ ﺩﺧﻞ ﺩﻭﺵ ﻭﺧﺮﺝ ﻫﺎﺩ ﺍﻟﻤﺮﺓ ﻣﺠﺎﺵ ﻧﻌﺲ حدايا ﻣﺸﺎ ﻟﻠﺒﺎﻟﻜﻮ ﻭﺟﻠﺲ ﻓﻴﻪ
ﺩﺧﻠﺖ ﺩﻭﺷﺖ ﻏﺴﻠﺖ ﺍﻟﻘﺬﺍﺭﺓ ﻟﻲ ﺧﻼ ﻓﻴﺎ ﻭﻣﺸﻴﺖ ﻧﻌﺴﺖ ﻫﻮ ﻛﺎﻥ ﻣﺰﺍﻝ ﻓﺎﻟﺒﺎﻟﻜﻮ
ﻣﺒﻐﺎﺵ ﻳﺠﻴﻨﻲ ﺍﻟﻨﻌﺎﺱ ﺑﻘﻴﺖ ﻧﺒﻜﻲ ﻭﻧﺘﺨﻨﺼﺺ ﺣﺴﻴﺖ ﺑﻴﻪ ﺟﺎﻱ ﺩﺭﺕ ﺭﺍﺳﻲ ﻧﺎﻋﺴﺔ ﺧﻔﺘﻮﻭ ﻳﻐﻮﺕ ﻋﻠﻴﺎ ﻭﻻ ﻳﻀﺮﺑﻨﻲ ﺟﺎ ﺣﺪﺍﻳﺎ ﺣﺴﻴﺖ ﺑﻴﻪ ﻗﺮﻳﺐ ﻣﻦ ﻭﺟﻬﻲ ﻭﺗﻴﺘﺄﻣﻞ في ﻣﻼﻣﺤﻲ ﺧﻔﺖ ﻧﻔﺘﺢ ﻋﻴﻨﻲ ﺳﻤﻌﺘﻮ ﺗﻴﺘﻨﻬﺪ و يقول : ﺁﻩ ﺁﻩ ﻣﺎﺷﻲ ﻟﺨﺎﻃﺮﻱ ﻧﻌﺬﺑﻚ ﻣﺎﺷﻲ ﻟﺨﺎﻃﺮﻱ ﻧﺬﻟﻚ ﻟﻜﻦ كل ﻣﺮﺓ ﻧﺸﻮﻑ ﻭﺟﻬﻚ ﻧﺘﻔﻜﺮ ﻛﺎﻉ ﺍﻟﻌﺬﺍﺏ ﻟﻲ ﺷﻔﺖ ﺃﻧﺎ ﻭﺍﻟﻤﻴﻤﺔ ﻣﺴﺢ ﻟﻴﺎ ﺍﻟﺪﻣﻮﻉ ﻣﻦ ﻭﺟﻬﻲ ﻭﺑﺎﺳﻨﻲ ﻓﺨﺪﻱ ﻫﺎﺩ ﺍﻟﻤﺮﺓ ﺑﻮﺳﺔ ﺣﻨﻴﻨﺔ ﻣﺎﺷﻲ ﻗﺎﺳﻴﺔ ﻭﺍﻧﺎ ﺩﻳﻚ ﺍﻟﺴﺎﻋﺔ ﺗﺮﻓﻌﺖ ﻟﻌﺎﻟﻢ ﺃﺧﺮ ﻧﺴﻴﺖ ﻓﻴﻪ ﻛﻠﺸﻲ ﻓﺪﻳﻚ ﺍﻟﻠﺤﻈﺔ
ﺗﻜﺎ ﻧﻌﺲ ﻭﺍﻧﺎ ﺣﻠﻒ ﺍﻟﻨﻌﺎﺱ ﺍﻟﻰ ﺟﺎﻧﻲ بقيت ﺗﻨﻔﻜﺮ ﻓﻜﻼﻣﻭ ﺷﻜﻮﻥ ﻋﺬﺑﻮ ﻫﻮ ﻭﻣﻮ؟ ﻭﺍﻧﺎ ﺷﻨﻮ ﺩﺧﻠﻨﻲ ﻓﺎﻟﻘﺼﺔ؟
ﻓﻘﺖ ﺍﻟﺼﺒﺎﺡ ﻋﻠﻰ ﺻﻮﺕ ﺗﺪﻭﺍﺷﻮ ﻗﻔﺰﺕ ﻭﻟﻴﺖ ﺗﻨﺨﺎﻑ ﻏﻴﺮ ﻣﻦ ﺧﻴﺎﻟﻲ ﺧﺮﺝ ﺧﻨﺰﺭ ﻓﻴﺎ ﺗﻔﻜﺮﺕ ﺑﻮﺳﺘﻮ ﻟﻴﺎ ﻟﺒﺎﺭﺡ ﻭﺣﻨﺎﻧﻮ ﻭﻗﺮﺭﺕ ﻧﻠﻄﻒ ﺍﻻﺟﻮﺍﺀ ﻋﻠﻰ ﺍﻻﻗﻞ ﻧﻌﻴﺶ ﺳﺎﻟﻤﺔ ﻣﻌﺎﻩ : قلتلو ﺻﺒﺎﺡ ﺍﻟﺨﻴﺮ ﺷﺎﻑ ﻓﻴﺎ و ﺧﻨﺰﺭ و قالي : ﻃﻠﻘﻲ ﺭﺍﺳﻚ ﻣﺒﻘﺎﺵ ﻓﻄﻮﺭ ﻫﺪﺍ ﺭﺍﻩ ولا ﻏﺪﺍ ﻭﺧﺮﺝ و ﺧﻼﻧﻲ
ﺗﻔﻮ ﻋﻠﻰ ﻣﺘﻌﺠﺮﻑ ﻧﺪﻣﺖ ﺣﺘﻰ ﻗﻠﺖ ﻟﻴﻪ ﺻﺒﺎﺡ ﺍﻟﺨﻴﺮ
ﺩﺧﻠﺖ ﻏﺴﻠﺖ ﻟﺒﺴﺖ ﻛﻴﻄﻤﺔ ﻓﺎﻟﻜﺤﻞ ﻣﺰﻳﺮﺓ ﻭﻗﺼﻴﺮﺓ ﻫﺒﻄﺖ ﻧﻴﺸﺎﻥ ﻟﻠﻜﻮﺯﻳﻨﺔ ﻭﺟﺪﺕ ﻟﻴﻪ ﺍﻟﻔﻄﻮﺭ ﻃﻴﺒﺖ ﻟﻴﻪ ﺍﻟﺨﻠﻴﻊ ﻭﺃﺗﺎﻱ ﺳﺨﻨﺖ ﺍﻟﺨﺒﺰ ﻭﺩﻳﺘﻮ ﻟﻴﻪ ﺩﻳﻚ ﺍﻟﺴﻴﺮﻓﻴﺖ ﺑﻴﻨﺎﺕ ﻻﻃﺎﻱ ﺩﻳﺎﻟﻲ ﺑﻘﻰ ﺗﻴﺸﻮﻑ ﻓﻴﺎ ﻭﻣﺒﻬﻮﺽ ﻓﺎﺵ ﺷﺎﻓﻨﻲ ﺷﻔﺘﻮ : ﺑﺪﺍ ﻳﻐﻮﺕ ﺭﺍﻩ ﺍﻟﺠﻮﻉ ﻗﺘﻠﻨﻲ ﺍﻧﺎ ﻣﺴﺎﻟﻲ ﻟﻴﻚ ﻧﺒﻘﻰ ﻧﺘﺴﻨﺎﻙ ﻧﻬﺎﺭ ﻛﺎﻣﻞ
ﺣﻄﻴﺖ ﻭﺟﻠﺴﺖ ﺗﻨﻔﻄﺮ ﻣﻌﺎﻩ ﻗﺮﺭﺕ ﻧﺒﻘﺎ ﻣﺮﺓ ﻣﺮﺓ نلوح ﻟﻴﻪ ﺍﻟﻬﻀﺮﺓ : ﻭﺍﺵ ﻛﺘﻌﺮﻑ ﺑﺎﺑﺎ ﻭﻋﺎﺋﻠﺘﻲ؟؟
ﺻﺪﻣﺎﺗﻮ ﻫﻀﺮﺗﻲ ﻭﺟﺮﺃﺗﻲ : ﻭﺷﻜﻮﻥ ﻣﻴﻌﺮﻓﺶ ﻋﺎﺋﻠﺘﻜﻢ ﻋﺎﺋﻠﺔ ﻓﺎﺳﻴﺔ ﻣﺄﺻﻠﺔ ﻛﺎﻉ ﺍﻟﻨﺎﺱ ﺗﻴﻌﺮﻓﻮﻫﻢ ﻭﻫﻮ ﺗﻴﺘﻤﺴﺨﺮ ﻭﺯﺍﺩ ﺗﻴﺘﻬﻜﻢ ﻟﻜﻦ ﻟﻲ ﻣﻌﺎﺭﻓﻴﻨﺶ ﺍﻟﻨﺎﺱ ﻫﻮ ﺍﻧﻜﻢ ﺍﻧﺬﻝ ﻧﺎﺱ ﻓﻬﺎﺩ ﺍﻟﺪﻧﻴﺎ
ﺃﻧﺎ ﻣﺸﻌﺮﺗﺶ : ﺑﺰﺍﺍﺍﺍﺍﻑ ﻋﻠﻴﻴﻴﻴﻚ ﻣﻜﺎﻳﻨﺶ ﺍﻟﻨﺬﻝ ﻗﺪﻙ ﻟﻲ ﺗﻴﻌﺬﺏ ﻭﻳﺪﻝ ﻣﺮﺓ ﻣﺪﺍﺭﺕ ﻟﻴﻪ ﻭﺍﻟﻮ ﻣﺤﺴﻴﺘﺶ ﺣﺘﻰ ﻧﺰﻝ ﻋﻠﻴﺎ بواحد التصرفيقة ﺷﺮﻙ ﻟﻴﺎ ﻓﻴﻬﺎ ﻭجهي ﻭ عنقي حتى بان لي عزريل كايقلي في السفنج طحت الكاو...
الحلقة 28
ﻣﺤﺴﻴﺘﺶ ﺣﺘﻰ ﻧﺰﻝ ﻋﻠﻴﺎ ﺑﻮﺍﺣﺪ ﺍﻟﺘﺼﺮﻓﻴﻘﺔ ﺷﺮﻙ ﻟﻴﺎ ﻓﻴﻬﺎ ﻭﺟﻬﻲ ﻭ ﻋﻨﻘﻲ ﺣﺘﻰ ﺑﺎﻥ ﻟﻲ ﻋﺰﺭﻳﻞ ﻛﺎﻳﻘﻠﻲ ﻓﻲ ﺍﻟﺴﻔﻨﺞ ﻃﺤﺖ ﺍﻟﻜﺎﻭ و جا ﻫﺰﻧﻲ ﻣﻦ ﻋﻨﻘﻲ شوفي ﺁﺧﺮ ﻣﺮﺓ ﻧﺴﻤﻊ ﺣﺴﻚ ﻭﻻ ﺗﻘﻮﻟﻲ ﺷﻲ ﻛﻠﻤﺔ ﺗﻔﺎﻫﻤﻨﺎ ﻭﺩﺍﺑﺎ نوضي سيري ﻧﻈﻔﻲ ﺍﻟﻜﻮﺭﻱ ﻳﺤﺴﺎﺏ ﻟﻴﻚ ﺍﻟﺒﺎﺭﺡ ﻣﻌﺮﻓﺘﺶ ﺷﻜﻮﻥ ﻧﻈﻔﻮ راه مي زهرة لي نكساتو بلاما تبداي دوزي عليا الدكاكة
ﻣﺸﻴﺖ ﻧﻴﺸﺎﻥ ﻟﻠﻜﻮﺭﻱ ﺩﺧﻠﺖ ﻭﺗﺼﺪﻣﺖ ﻛﺎﻧﺖ واحد اﻟﺮﻳﺤﺔ ﺗﺘﻌﻴﻒ ﺗﺨﻨﻘﺖ ﻭﺷﺪﺍﺗﻨﻲ ﺍﻟﺪﻭﺧﺔ ﺍﺻﻼ ﻛﺎنت عندي ﺣﺴﺎﺳﻴﺔ ﻣﻦ ﺍﻟﺮﻭﺍﺋﺢ ﻭﺗﻨﺒﺪﺍ ﻧﻌﻄﺲ ﻛﺎﻧﻮ ﺗﻤﺎ ﺷﻲ ﻋﻤﺎﻝ ﺩﺧﻠﺖ ﻫﺰﻳﺖ ﺍﻟﺒﺎﻟﺔ ﻭﺑﺪﻳﺖ ﻧﺠﻤﻊ في الزبل ﻭﺍﻧﺎ ﺧﺎﻳﻔﺔ ﻣﻦ ﺍﻟﺒﻘﺮ ﺗﺤﻨﻴﺖ ﺗﻨﺠﻤﻊ في داك الزبل ﻣﻊ سروالي كان ﻣﺰﻳﺮ ﻭﺍﻟﻔﻮﻗﺎﻧﻲ ﻗﺼﻴﺮ ﺿﻬﺮﻱ ﺗﻌﺮﻯ و ﺍﻧﺎ ﻣﻨﺘﺎﺑﻬﺘﺶ ﻛﺎﻧﻮ ﺍﻟﻌﻤﺎﻝ ﺣﺎﺿﻴﻨﻲ ﻭ مخرجين ﻋﻴﻨﻴﻬﻢ ﻓﻴﺎ
شفتو ﺩﺧﻞ ﻻﺑﺲ ﻟﺒﺎﺱ ديال ﺍﻟﺨﻴﻞ ﻭﻫﺎﺯ ﺍﻟﻤﺸﻮيطة ﻓﻴﺪﻳﻪ ﻏﻮﺕ ﻋﻠﻰ ﺍﻟﻌﻤﺎﻝ قالهم ﺧﺮﺟﻮ ﺍﻧﺎ ﻗﻔﺰﺕ ﻭﺗﻨﺘﺮﻋﺪ
ﻳﻮﺳﻒ : ﺷﻨﻮ ﻫﺎﺩﺷﻲ ﺗﻨﺸﻮﻑ؟
ﺍﻧﺎ : مالي ﺷﻨﻮ درت ثاني؟ ﻭﻛﻠﻲ كانترعد
ﻳﻮﺳﻒ : ﺗﺒﺎﺭﻙ ﺍﻟﻠﻪ ﻋﻠﻰ ﻣﻮﻻﺕ ﺍﻟﺼﻮﻥ ﻭﺍﻟﻌﻔﺎﻑ ﻣﺤﻨﻴﺔ و ﺗﺘﻮﺭﻱ ﻓﻮﺭﻣﺘﻚ و مؤخرتك ﻭﺿﻬﺮﻙ ﻟﻠﺮﺟﺎﻝ ﻣﺎﻟﻜﻲ ﻳﺎﻛﻤﺎ ﻣﻤﻘﻨﻌﻜﺶ ﺍنا؟
ﺍﻧﺎ : و الله حتى ﺣﺮﺍﻡ ﻋﻠﻴﻚ ﺭﺍﻩ ﻛﻨﺖ ﺗﻨﻈﻒ ﻭﻣﻤﺴﻮﻗﺎ ﻟﺤﺘﻰ واﺣﺪ
ﻳﻮﺳﻒ : كايبان لي ﻧﺘﻲ ﺑﺎﻏﺎ طيحي ﺑﻜﺮﺍﻣﺘﻲ ﺍﻻﺭﺽ؟
أنا : كيفاش أشمن ﻛﺮﺍﻣﺔ؟ ﻭﺍﺵ بعدا نتا ﻋﻨﺪﻙ شي كرﺍﻣﺔ ﻓﺎﺵ ﺗﺼﻴﻔﻂ ﻣﺮﺍﺗﻚ ﺗﻨﻜﺲ ﺍﻟﻜﻮﺍﺭﺓ؟
ﻳﻮﺳﻒ : ﺗﺒﺪﻟﻮ ﻣﻼﻣﺤﻮ ﻭﺗﺤﻮﻝ ﻟﻮﺣﺶ ﻫﺎﻳﺞ ﻧﺘﻴﺎ ﺭﺍﻩ ﺧﺎﺻﻜ ﺗﺮﺑﺎﻱ ﻣﻦ اللول ﺣﻴﺖ ﻋﺎﺋﻠﺘﻜ ﻣﺮﺑﺎﻭﻛﺶ مزيان ﺩﻓﻌﻨﻲ ﻭﺳﻂ داك الزبل ﻭﺑﺪﺍ ﻳﻀﺮﺑﻨﻲ بداك اﻟﺴﻮﻁ ﻟﻲ ﻓﻴﺪﻳﻪ ﺑﻘﻴﺖ ﻧﻐﻮﺕ ﻭﻧﺰﺍﻭگ ﻭﻻ ﻣﻦ ﻳﻌﺘﻘﻨﻲ ﺍﻟﺨﺪاﻣﺎﺕ ﺗﻴﺘﻔﺮﺟﻮ فيا ﻭ يبكيو ﻋﻠﻰ ﺣﺎﻟﻲ ﻭﻫﻮ ﻫﺎﻳﺞ ﻭﺗﻴﻔﺮﻍ ﻓﻴﺎ ﻛﺎﻉ ﺍﻟﺤﻘﺪ ﻭﺍﻟﻜﺮﻩ ﺑﻘﻴﺖ ﻫﺎﺭﺑﺔ ﻣﻨﻮ ﻭﺳﻂ ﺍﻟﺒﻘﺮ ﻛﺎﻥ ﻭﺍﺣﺪ ﺍﻟﺜﻮﺭ هايج ﺷﺎﻓﻨﻲ ﺟﺎﻳﺔ ﻧﺠﺮﻱ جيهتو ﻭﺍﺭﺗﺒﻚ ﻳﺤﺴﺎﺏ ﻟﻴﻪ ﻏﺎﺩا نضربو ﻫﺰﻧﻲ بگرونو وﺧﺒﻄﻨﻲ ﻣﻊ ﺍﻟﺤﻴﻂ ﻭ بقيت غارقة في وسط بركة من الدماء ﻣﺒﻘﻴﺘﺶ ﺣﺎﺳﺔ ﺑﺎﻟﺪﻧﻴﺎ فاش ﻓﻘﺖ ﻟﻘﻴﺖ ﺭﺍﺳﻲ ﻓﺎﻟﻤﺴﺘﺸﻔﻰ ﺩﺍﻳﺮﻳﻦ ﺑﻴﺎ ﺍﻻﺳﻼﻙ ﻭ معلقين ﻟﻴﺎ ﺍﻟﺴﻴﺮﻭﻡ و الباندا ﻓﻮﻕ ﺟﺒﻬﺘﻲ ﺑﻘﻴﺖ ﻧﺒﻜﻲ ﻭﻧﻐﻮﺕ : بابا بابا ﺟﺎﻭ ﺍﻟﻤﻤﺮﺿﺎﺕ ﺗﻴﻬﺪﻧﻮ ﻓﻴﺎ ﻣﺒﻐﻴﺘﺶ ﻧﺘﻬﺪﻥ ﺣﺘﻰ ﻋﻄﺎﻭﻧﻲ ﺣﻘﻨﺔ ﻣﻬﺪﺋﺔ ﻭﻧﻌﺴﺖ ﺩﺍﺯﺕ ﻭﻗﺖ ﻃﻮﻳﻞ ﻋﺎﺩ ﻓﻘﺖ ﻟﻘﻴﺖ ﻣﻲ ﺯﻫﺮﺓ ﻓﺠﻨﺒﻲ ﺷﻔﺘﻬﺎ ﺟﺎﺗﻨﻲ ﻫﺴﺘﻴﺮﻳﺔ ﺩﻳﺎﻝ ﺍﻟﺒﻜﺎﺀ بقات ﺗﻬﺪﻥ ﻓﻴﺎ : ﻣﺘﺒﻜﻴﺶ ﺍﺑﻨﺘﻲ ﺍﻟﺤﺒﻴﺒﺔ ﺭﺍﻩ ﻛﻠﺸﻲ ﻏﺎيدوز ﻋﺎﻭﺩﺍﺕ ﻟﻴﺎ ﺍﻧﻨﻲ 3 ﻳﺎﻡ ﻭﺍﻧﺎ ﻛﻮﻣﺔ ﺣﻴﺖ ﺍﻟﺜﻮﺭ ﺿﺮﺑﻨﻲ ﻣﻊ ﺍﻟﺤﻴﻂ ﻋﻠﻰ ﺭﺍﺳﻲ ﺑﻘﻴﺖ ﻧﺒﻜﻲ : ﺭﺍﻩ ﺍﻟﺜﻮﺭ ﻭﺍﻟﺤﻴﻮﺍﻥ ﺍﻟﺤﻘﻴﻘﻲ ﻫﻮ داك ﻳﻮﺳﻒ
صافي ﺳﻜﺘﻲ ﺍﺑﻨﺘﻲ ﻻ ﻳﺴﻤﻌﻚ راﻩ ﺳﻲ ﻳﻮﺳﻒ ﻛﺎﻥ ﺧﺎﻳﻒ ﻋﻠﻴﻚ ﺑﺰﺍﻑ ﺭﺍﻩ ﻣﻨﻴﻦ ﺟﺒﻨﺎﻙ ﻭﻫﻮ ﻣﻌﺎﻙ ﻫﻨﺎ
ﺍﻧﺎ ﺑﺎﺳﺘﻬﺰﺍﺀ : ﻃﺒﻌﺎ ﺣﻴﺖ هو ﺧﺎﻳﻔﻨﻲ ﻧﻤﻮﺕ ﻭﻫﻮ ﻳﻮﺣﻞ
ﻻ ﺑﻨﺘﻲ ﺭﺍﻩ .. ﻗﺎﻃﻌﺘﻬﺎ : ﺻﺎفي ﻣﺒﻐﻴﺘﺶ ﻧﺴﻤﻊ ﺳﻤﻴﺘﻮ ﻭﺣﺴﻮ ﺷﻮﻳﺔ ﻭﻫﻮ يبان ليا داخل ﻭ ﻣﺨﻨﺰﺭ ومخرج عينيه ﻛﻴﻒ ﺍﻟﻌﺎﺩﺓ ﻟﻜﻦ هاد المرة...
الحلقة 29
ﺷﻮﻳﺔ ﻭﻫﻮ ﻳﺒﺎﻥ ﻟﻴﺎ ﺩﺍﺧﻞ ﻭ ﻣﺨﻨﺰﺭ ﻭﻣﺨﺮﺝ ﻋﻴﻨﻴﻪ ﻛﻴﻒ ﺍﻟﻌﺎﺩﺓ ﻟﻜﻦ ﻫﺎﺩ ﺍﻟﻤﺮﺓ ﻋﻴﻨﻴﻪ ﻓﻴﻬﻢ ﻭﺍﺣﺪ ﺍﻟﺤﺰﻥ كبير
ﻛﻴﻒ بقيتي؟ ﻗﺎﻟﻬﺎ ﺑﻌﺠﺮﻓﺔ
ﺍﻧﺎ : ﺷﻨﻮ ﺑﻐﻴﺘﻲ ﻣﻨﻲ ﻣﺰﺍﻝ؟ ﻭﺍﺵ مقدﻛﺶ ﻫﺎﺩﺷﻲ ﻟﻲ ﺩﺭﺗﻲ ﻟﻲ؟ ﺩﻟﻠﺘﻴﻨﻲ و ﺿﺮﺑﺘﻴﻨﻲ و ﺣﺘﻘﺮﺗﻴﻨﻲ ﻭﻫﺎﺩﺷﻲ ﻋﻠﻰ ﻭﺍﻟﻮ ﺍﻧﺎ ﺩﺭﺕ ﻫﺎﺩﺷﻲ ﻋﻠﻰ ﻗﺒﻞ ﺑﺎﺑﺎ ﺣﻴﺖ ﻣﺮﻳﺾ ﻭﻗﻠﺒﻮ ﻋﻠﻰ سبة ﻟﻜﻦ ﺍﻟﻰ ﻋﺮﻑ ﻫﺎﺩﺷﻲ ﻟﻲ ﺍﻧﺎ ﻓﻴﻪ ﺭﺍﻩ ﻏﺎﺩﻱ ﻳﻤﻮﺕ ﺃﻟﻒ ﻣﺮﺓ ﺍﻧﺎ ﻣﺒﻐﻴﺘﺶ ﻫﺎﺩ ﺍﻟﺼﻔﻘﺔ ﺻﺎﻓﻲ غانمشي ﺑﺤﺎﻟﻲ ﻭﺑﺎﺑﺎ ﻟﻴﻪ ﺭﺏ ﻛﺮﻳﻢ ﻭﺩﺍﺑﺎ ﺧﺮﺝ ﻋﻠﻴﺎ ﻏﺒﺮ ﻭﺟﻬﻚ وﺩﺭﻕ ﻛﻤﺎﺭﺗﻚ من قدامي
ﺑﻘﻴﺖ ﻧﺒﻜﻲ ﻭﻧﻨﺪﺏ في حناكي
ﻫﻮ ﺻﺪﻣﺎﺗﻮ ﻫﻀﺮﺗﻲ ﻗﺮﺏ ﻋﻨﺪﻱ و قالي : ﻣﺘﻨﺴﺎﻳﺶ ﺍﻧﻜ ﺍﻟﻰ ﺭﻓﻀﺘﻲ هاد ﺍﻟﺼﻔﻘﺔ راه ﻧﺘﻲ ﺍﻟﺨﺎﺳﺮﺓ ﺣﻴﺖ ﻏﺎﺩﻱ ﺗﺨﺴﺮﻱ ﺑﺎﻙ ﻭﻟﻼﺑﺪ خصوصا ﻓﺎﺵ ﻳﻌﺮﻑ ﺍﻟﺼﻔﻘﺔ ﻟﻲ ﺩﺭﺗﻲ ﺑﻼ ﺧﺒﺎﺭﻭ ﺍﺑﺘﺴﻢ ﻟﻴﺎ ﺑﻤﻜﺮ ﻭﺧﺮﺝ
ﺑﻘﻴﺖ ﻧﺒﻜﻲ ﻭﻧﻨﺪﺏ ﺣﻈﻲ وي ﻛﻼﻣﻮ ﺻﺤﻴﺢ ﺭﺍﻩ ﺧﺴﺮﺕ ﻛﻠﺸﻲ ﺑﻼ ﻣﻨﺰﻳﺪ ﻧﺨﺴﺮ ﺑﺎﺑﺎ ﺣﺘﻰ ﻫﻮ ﺗﻔﻜﺮﺕ ﻭﺍﻟﺪﻳﺎ ﻛﺎﻉ ﻣﺎ ﺍﺗﺼﻠﺖ ﺑﻴﻬﻢ ﻏﺎﺩﻱ ﻳﻜﻮﻧﻮ ﻣﺨﻠﻮﻋﻴﻴﻦ ﻋﻠﻴﺎ ﻭﺧﺼﻮﺻﺎ ﻫﻨﺪ ﻟﻲ ﻋﺎﺭﻓﺎ ﻛﻠﺸﻲ ﺁﻩ ﻳﺎ ﻫﻨﺪ ﺍﺟﻲ ﺗﺸﻮﻓﻲ ﺧﺘﻚ ﺷﻨﻮ ﻭﺍﻗﻊ ﻟﻴﻬﺎ ﺧﺘﻚ ﻓﻴﻦ ﻭﺻﻠﻬﺎ ﻗﺮﺍﺭﻫﺎ
ﺑﻘﻴﺖ ﻓﺎﻟﻤﺴﺘﺸﻔﻰ ﺍﺳﺒﻮﻉ ﻭﻣﻲ ﺯﻫﺮﺓ ﻣﻌﺎﻳﺎ ﻣﺘﺘﻔﺎﺭﻗﻨﻴﺶ وﻫﻮ ﻣﺒﻘﺎﺵ ﺟﺎ ﻟﻌﻨﺪﻱ ﺣﻴﺪﻭ ﻟﻴﺎ ﺍﻟﻔﺎﺻﻤﺔ ﻃﻠﺒﺖ ﻣﺮﺍﻳﺔ ﻧﺸﻮﻑ ﻭﺟﻬﻲ ﻛﺎﻥ ﺻﻔﺮ ﻭﻛﻠﻭ ﻛﺪﻣﺎﺕ ﺗﺤﺖ ﻋﻴﻨﻴﺎ ﺯﺭق وكحل فاش شفت ﻭﺟﻬﻲ هكاك ﺑﻘﻴﺖ ﻧﺒﻜﻲ ﻛﻨﺖ ﻛﻴﻒ ﺍﻟﻮﺭﺩﺓ ﺍﻟﻤﺘﻔﺘﺤﺔ ودابا ﻭﻟﻴﺖ ﺫﺍﺑﻠﺔ ﻭﻣﻨﻜﺴﺮﺓ و ﻣﺬﻟﻮﻟﺔ ﻗﺮﺭﺕ ﻧﺴﻜﺖ ﻭﻧﻌﻴﺶ ﺗﺤﺖ ﺭﺟﻠﻴﻪ ﻭﻧﻔﺬ ﺃﻭﺍﻣﺮﻭ ﺣﺘﻰ ﻳﺤﻦ ﻋﻠﻴﺎ ﺍﻟﻠﻪ ﻭﻧﺘﻔﺎﺩﺍﻩ ﻭﻧﺘﺠﻨﺐ ﺍﻱ ﺻﺪﺍﻉ ﻣﻌﺎﻩ
ﻣﻲ ﺯﻫﺮﺓ ﻗﺎﻟﺖ ﻟﻲ ﺍﻥ ﻣﺎﻣﺎ فاطنة ﺗﺘﺴﻮﻝ ﻓﻴﺎ ﺩﻳﻤﺎ ﻭﺑﺰﺍﻑ ﻭﺍﻥ ﻳﻮﺳﻒ ﻗﺎﻟﻴﻬﺎ ﻣﺸﻴﺖ ﻧﺰﻭﺭ ﺩﺍﺭ ياسمين
ﻣﺴﻜﻴﻨﺔ ﺣﺘﻰ ﺍﻧﺎ ﺗﻮﺣﺸﺘﻬﺎ ﻣﺘﺼﻮﺭتش ﺍﻥ ﺩﻳﻚ ﺍﻻﻡ ﺍﻟﺤﻨﻮﻥ ﻭﻟﺪﺍﺕ ﻫﺎﺩ ﺍﻻﻧﺴﺎﻥ ﺍﻟﺤﻘﻮﺩ ﺍﻟﻤﻜﺮﻭه
ﺩﺍﻙ ﺍﻟﻨﻬﺎﺭ ﺧﺮﺟﺖ ﻣﻦ ﺍﻟﻤﺴﺘﺸﻔﻰ ﺟﺎ ﻟﻴﺎ ﺍﻟﺸﻴﻔﻮﺭ ﻭﺩﺍﻧﻲ ﻟﻠﻔﻴﺮﻣﺔ و ﻫﻮ ﻣﻌﺎﻭﺩﺵ ﻭﺭﺍﻧﻲ ﻛﻤﺎﺭﺗﻮ ﻣﻦ ديك المرة فاش جريت عليه
ﻭﺻﻠﻨﺎ ﻛﻨﺖ ﻣﺰﺍﻝ ﻋﻴﺎﻧﺔ ﻃﻠﻌﻮﻧﻲ ﻟﺒﻴﺘﻲ ﻭﺍﺭﺗﺎﺣﻴﺖ ﺣﺘﻰ ﺩﺍﻧﻲ ﻧﻌﺎﺱ ﻓﻘﺖ و انا ﺣﺎﺳﺔ ﺑﺮﺍﺣﺔ نسبية ﺣﻴﺖ ﻣﺰﺍﻝ ﻣﺸﻔﺘﺶ ﻛﻤﺎﺭﺗﻮ ﺟﺎﺕ ﻣﻲ ﺯﻫﺮﺓ ﺟﺎﺑﺖ ﻟﻴﺎ ﻧﺎﻛﻞ و ﻋﺮﻓﺖ ﻣﻨﻬﺎ ﺍﻥ ﻳﻮﺳﻒ ﻣﺸﺎ لميريكان ﺍﺳﺒﻮﻉ ﻭﻏﺎﺩﻱ ﻳﺮﺟﻊ ﻗﻠﺖ ﻣﻊ ﺭﺍﺳﻲ مممم ﺩﺍﻛﺸﻲ ﻻﺵ ﻏﺒﺮ ﻛﻤﺎﺭتو ﺍﻟﻠﻪ ﻋﻠﻰ ﺭﺍﺣﺔ الله دابا عاد غادا نلقى راحتي المهم بديت...
الحلقة 30
ﻗﻠﺖ ﻣﻊ ﺭﺍﺳﻲ ﻣﻤﻤﻢ ﺩﺍﻛﺸﻲ ﻻﺵ ﻏﺒﺮ ﻛﻤﺎﺭﺗﻮ ﺍﻟﻠﻪ ﻋﻠﻰ ﺭﺍﺣﺔ ﺍﻟﻠﻪ ﺩﺍﺑﺎ ﻋﺎﺩ ﻏﺎﺩﺍ ﻧﻠﻘﻰ ﺭﺍﺣﺘﻲ ﺍﻟﻤﻬﻢ ﺑﺪﻳﺖ ﻧﺤﺲ ﺑﺮﺍﺳﻲ ﺍﺭﺗﺎﺣﻴﺖ ﻭﺻﺤﺘﻲ ﺗﺘﺮﺟﻊ ﻟﻴﺎ ﺩﺧﻠﺖ ﺩﻭﺷﺖ ﻛﺎﻧﻮ ﻓﺨﺎﺩﻱ ﻭﺭﺟﻠﻴﺎ ﻣﺼﻮﺭﺓ ﻓﻴﻬﻢ ﺁﺗﺎﺭ المشويطة ﺩﻳﺎﻟﻮ ﺯﺩﺕ ﻛﺮﻫﺘﻮ ﻭﺍﺣﺘﻘﺮﺗﻮ ﺣﻴﺖ ﻛﻞ ﻣﺮﺓ ﻧﺸﻮﻑ ﻓﻠﺤﻤﻲ ﻧﺘﻔﻜﺮ ﺍﻧﻪ ﺩﻣﺮ ﻛﻞ ﺣﺎﺟﺔ ﺯﻭﻳﻨﺔ ﻓﻴﻪ ﻟﺒﺴﺖ ﻛﺴﻴﻮﺓ ﻓﺎﻻﺣﻤﺮ ﻋﻄﺎﺕ ﻟﻮﺟﻬﻲ ﺷﻮﻳﺔ ﺍﻟﺤﻤﻮﺭﻳﺔ ﺑﻌﺪ ﻣﺎ ﻛﺎﻥ ﺻﻔﺮ ﺑﺤﺎﻝ ﺍﻟﻤﻮﺗﺔ هبطت ﻟﻔﻴﻼ ﻟﺘﺤﺖ ﻫﺰﻳﺖ التيلي ﻭﺍﺗﺎﺻﻠﺖ ﺑﻬﻨﺪ
ﻟﻲ ﺟﺎﻭﺑﺎﺗﻨﻲ ﻭﻫﻲ ﻣﺼﺪﻭﻣﺔ : ﻳﺎﺳﻤﻴﻦ ﺣﺒﻴﺒﺔ ﻟﺒﺎﺱ ﻋﻠﻴﻚ ﺧﻠﻌﺘﻴﻨﻲ ﻋﻠﻴﻚ و الله
ﻣﺒﻐﻴﺘﺶ ﻧﻌﺎﻭﺩ ﻟﻬﻨﺪ ﻭﺍﻟﻮ ﺑﺎﺵ ﻣﻨﻘﻬﺮﻫﺎﺵ ﻭ خفتها ﺗﺴﺮﻉ وتمشي ﺗﻌﺎﻭﺩ ﻟﺒﺎﺑﺎ ﻛﻠﺸﻲ : ﺍﻟﻮ ﺣﺒﻴﺒﺔ ﺍﻟﺤﻤﺪ ﻟﻠﻪ ﺍﻧﺎ ﻟﺒﺎﺱ ﻏﻴﺮ ﺗﺸﻐﻠﺖ ﻫﺎﺩ ﺍﻻﻳﺎﻡ و صافي
ﻫﻨﺪ : ممم اوكي مزيان أجي واش ﺭﺍﺟﻠﻚ شيباني؟
ﺍﻧﺎ : ههه ﻻ ﺑﺎﻟﻌﻜﺲ ﻣﺰﺍﻝ ﺻﻐﻴﺮ فسر و بوگوص ﻭﻫﻮ ﺩﺍﺭ ﻫﺎﺩ ﺍﻟﺼﻔﻘﺔ ﺣﻴﺖ ﻛﺎﻥ ﺗﻴﺒﻐﻴﻨﻲ ﻓﺎﻳﺖ ﻟﻴﻪ ﺷﺎﻓﻨﻲ ﻓﻔﺮﻧﺴﺎ ﻣﻌﺮﻓﺘﺶ ﻫﺎﺩ الكذبة ﻭﺍﺵ ﻏﺎﺩﻱ ﺗﺪﻭﺯ ﻋﻠﻰ ﻫﻨﺪ ﺣﻴﺖ ﻫﻲ ﺗﺘﻌﺮﻓﻨﻲ ﻛﺜﺮ ﻣﻦ راسها
ﻫﻨﺪ ﺑﺪﻭﻥ ﺗﺼﺪﻳﻖ : ﺁﻩ ﻣﺰﻳﺎﻥ ﺣﺒﻴﺒﺔ ﻣﺎﻝ ﺻﻮﺗﻚ مبدل؟
ﺃﻧﺎ : ﻻ ﻭﺍﻟﻮ ﻏﻴﺮ ﺍﻟﺮﻳﺰﻭ ﻛﻴﺒﻴﻦ ﺻﻮﺗﻲ ﻣﺒﺪﻝ و الله حتى توحشتك راكي في البال يلاه أﺣﺒﻴﺒﺔ ﻧﺨﻠﻴﻚ دابا غادا ﻧﺘﻜﻠﻢ ﻣﻊ ﺑﺎﺑﺎ ﻭﻣﺎﻣﺎ ﺗﻜﻠﻤﺖ ﻣﻌﺎﻫﻢ ﻭﻃﻤﻨﺘﻬﻢ ﻋﻠﻴﺎ ﺧﺒﺮﺗﻬﻢ ﺍﻧﻨﻲ ﻣﺴﺎﻓﺮﺓ ﻣﻊ ﺩﺍﻙ ﺍﻟﺴﻴﺪ ﻻﻣﺮﻳﻜﺎ ﻋﻠﻰ ﻭﺩ ﺷﻲ ﺧﺪﻣﺔ ﺧﻔﺘﻬﻢ ﻳﺴﻮﻟﻮ ﺻﺤﺎﺑﻲ ﻓﻔﺮﻧﺴﺎ ﻭﻳﻌﺮﻓﻮ ﺍﻟﺤﻘﻴﻘﺔ ﻭﺍﻭ ﺷﺤﺎﻝ ﻭﻟﻴﺖ ﻣﻤﺘﻠﺔ ﺑﺎﺭﻋﺔ ﻓﺎﻟﻜﺬﻭﺏ ههه ﻫﺎﺩ ﺍﻟﺼﻔﻘﺔ ﻗﺘﻼﺕ ﻓﻴﺎ ﻛﺎﻉ ﺍﻟﻘﻴﻢ ﺍﻟﺰﻭﻳﻨﺔ ﻟﻲ ﻛﻨﺖ ﻣﺤﺘﺎﻓﻈﺔ ﺑﻴﻬﺎ
ﻣﺸﻴﺖ ﻋﻨﺪ ﻣﺎﻣﺎ فاطنة ﻟﻠﺠﻨﺎﺡ ﺩﻳﺎﻟﻬﺎ ﻛﺎﻧﺖ ﻣﺘﻜﻴﺔ ﻣﺴﻜﻴﻨﺔ ﻭﺗﺘﺴﺒﺢ ﻗﺮﺑﺖ ﻋﻨﺪﻫﺎ ﻭﺑﺴﺘﻬﺎ ﻓﺨﺪﻫﺎ
ماما فاطنة : ﺑﻨﺘﻲ ﻳﺎﺳﻤﻴﻦ ﺟﻴﺘﻲ؟
ﺃﻧﺎ : ﺍﻩ ﺍﻣﺎﻣﺎ ﻭﺟﻴﺖ ﻋﻨﺪﻙ ﻧﻴﺸﺎﻥ ﺟﺮﺍتني ﻋﻨﺪﻫﺎ ﻋﻨﻘﺎﺗﻨﻲ بجهد ﻭﻣﻌﺮفتش ﺩﺍﻙ ﺍﻻﺣﺴﺎﺱ ﺍﻟﺪﺍﻓﺊ ﻛﻴﻔﺎﺵ ﺧﻼ ﺩﻣﻮﻋﻲ ﻳﻨﺰﻟﻮ ﻛﻴﻒ الشتا من السما ﺑﻘﻴﺖ ﻧﺒﻜﻲ ﻓﺼﺪﺭﻫﺎ ﺑﺤﺎﻝ ﺍﻟﻰ ﺗﻨﺸﻜﻲ ﻟﻬﺎ ﻭﻟﺪﻫﺎ ﻭﺷﻨﻮ ﻣﺪﻭﺯ ﻋﻠﻴﺎ
مالكي أﺑﻨﺘﻲ ﻣﺎﻟﻜﻲ ﺷﻨﻮ عندك؟ ﻓﻀﻔﻀﻲ ﻟﻴﺎ؟ ﻳﺎﻛﻤﺎ ﻳﻮﺳﻒ ﻗﻠﻘﻚ؟
ﻗﻠﻘﻨﻲ ﺿﺤﻜﺖ ﻣﻊ ﺭﺍﺳﻲ : ﺁﻩ كون ﺗﻌﺮﻓﻲ داك ﺍلجلاد ﺩﻳﺎﻝ ﻭﻟﺪﻙ ﺷﻨﻮ ﺩﺍﺭ ﻟﻴﺎ ﻭﺗﻔﻜﺮﺕ ﺍﻟﺤﻠﻤﺔ ﻟﻲ ﺣﻠﻤﺖ ﻗﺒﻞ ﺍﻟﺼﻔﻘﺔ ﻫﺎﺩﻳﻚ ﻛﺎﻧﺖ ﺍﺷﺎﺭﺓ ﻋﻠﻰ ﺷﻨﻮ ﻏﺎﺩﻱ ﻳﺠﺮﻯ ﻟﻴﺎ
ﺍﻧﺎ : ﻭﺍﻟﻮ ﺍﻣﺎﻣﺎ ﻳﻮﺳﻒ ﻣﺪﺍﺭ ﻟﻴﺎ ﻭﺍﻟﻮ مفاهمين اناو ياه مزيان الحمد لله
ماما فاطنة : ﻏﻴﺮ ﻗﻮﻟﻲ ماتخبي عليا والو اﻧﺎ ﻋﺎﺭﻓﺎﻩ ﻣﻌﺼﺐ مي غي ﻋﺬﺭيه ﺍﺑﻨﺘﻲ ﺭﺍﻩ ﻟﻲ ﺷﺎﻓﻮ ﻓﺤﻴﺎﺗﻭ ﺻﻌﻴﺐ ﻭﻣﻴﺘﺤﻤﻠﻮ ﺣﺘﻰ ﻭﺍﺣﺪ ﻏﻴﺮ ﺻﺒﺮﻱ ﻣﻌﺎﻩ ﻭﺗﻬﻼﻱ ﻓﻴﻪ رﺍﻩ ﺑﺤﺎﻝ ﺷﻲ ﻭﻟﻴﺪ ﺻﻐﻴﺮ وبقات تعاود لي عليه
ﻗﻠﺖ ﻓﻨﻔﺴﻲ : ﻧﺘﻬﻼ ﻓﻴﻪ ﺍﻧﺎ ﻛﻮﻥ ﻟﻘﻴﺖ ﺍﻟﺴﻢ ﻧﺤﻄﻮ ﻟﻴﻪ
ﺍﻟﺨﺪﺍﻣﺎﺕ ﻛﺎﻧﻮ ﻗﺎﻣﻮ ﺑﺎﻟﻮﺍﺟﺐ ﻣﻊ ﻣﺎﻣﺎ ﺩاكشي ﻻﺵ ﻏﻴﺮ ﺟﻠﺴﺖ ﻣﻌﺎﻫﺎ ﺷﻮﻳﺔ ﻭﻣﺸﻴﺖ ﺧﺮﺟﺖ ﻟﻠﺠﺮﺩﺓ ﺩﺍﺑﺎ ﻋﺎﺩ غادا ناخد ﺭﺍﺣﺘﻲ ﻭﻧﺘﺴﺎﺭﻯ ﻣﺰﻳﺎﻥ ﻓﺎﻟﻔﻴﺮﻣﺔ دﺧﻠﺖ ﻟﻠﻜﻮﺭﻱ ﻭﺗﻨﺸﻮﻑ ﺍﻟﺒﻼﺻﺔ ﻟﻲ ﺗﻜﺮﻓﺺ ﻋﻠﻴﺎ ﻓﻴﻬﺎ ﺗﻨﻘﻠﺐ ﻋﻠﻰ ﺍﻟﺜﻮﺭ ﻟﻲ ﺿﺮﺑﻨﻲ ﻣﻠﻘﻴﺘﻮﺵ ﺑﻘﻴﺖ ﻣﺎﺷﻴﺔ ﻭ نتسركل وواخدة راحتي ﺍﻭﻝ ﻣﺮﺓ ﻣﻨﻴﻦ ﺟﻴﺖ ﻟﻬﺎﺩ ﺍﻟﻔﻴﺮﻣﺔ ﺣﺴﻴﺖ ﺑﺎﻟﺤﺮﻳﺔ ﻭﺍﺧﺎ ﺩﺍﻳﺮﻳﻦ ﺑﻴﺎ ﺍﻟﺤﻴﻮﻁ ﻫﻮ ﻛﺎﻥ ﻏﻴﺮ ﻭﺟﻮﺩﻭ ﺗﻴﺤﺴﺴﻨﻲ ﺑﺎﻟﺴﺠﻦ ﻋﻴﺖ ﻭﺭﺟﻌﺖ ﻟﻠﻔﻴﻼ ﻭﻃﻠﻌﺖ ﻟﺒﻴﺘﻲ ﻧﺮﺗﺎﺡ واحد اللحظة و أنا نتفكر ديك...
الحلقة 31
ﻭﻃﻠﻌﺖ ﻟﺒﻴﺘﻲ ﻧﺮﺗﺎﺡ ﻭﺍﺣﺪ ﺍﻟﻠﺤﻈﺔ ﻭ ﺃﻧﺎ ﻧﺘﻔﻜﺮ ﺩﻳﻚ الهضرة لي ﻗﺎﻟﺖ ﻟﻴﺎ ﻣﺎﻣﺎ فاطنة ﻋﻠﻰ ﻳﻮﺳﻒ على ﺍﻟﻤﻌﺎﻧﺎﺓ ﻟﻲ ﺩﺍﺯﺕ ﻋﻠﻴﻪ مي إلى ﻫﻮ ﺩﺍﺯﺕ ﻋﻠﻴﻪ ﻋﻼﺵ كاﻳﺪﻭﺯﻫﺎ ﻋﻠﻴﺎ ﺍﻧﺎ؟
ﺑﻘﻴﺖ ﺗﻨﺘﺨﺒﻂ ﻓﺎﻻﻓﻜﺎﺭ ﺗﻔﻜﺮﺕ ﺩﻳﻚ ﺍﻟﻠﻘﻄﺔ ﻓﺎﺵ ﻣﺴﺢ ﻟﻴﺎ ﺩﻣﻮﻋﻲ ﻭﺑﺎﺳﻨﻲ ﻣﻌﺮﻓﺘﺶ ﻋﻼﺵ ﺟﺎﺗﻨﻲ ﺍﻟﺮﺟﻔﺔ ﻛﻴﻔﺎﺵ ﻛﺎﻥ ﺻﻮﺗﻮ ﺩﻳﻚ ﺍﻟﺴﺎﻋﺔ؟؟ ﻛﻴﻔﺎﺵ ﻛﺎﻥ ﺑﺤﺎﻝ ﺷﻲ ﺣﻤﻞ ﻭﺩﻳﻊ؟ ﻟﻜﻦ ﺳﺮﻋﺎﻥ ﻣﺎ ﺗﺤﻮﻝ ﻟﻮﺣﺶ ﻛﺎﺳﺮ ﺗﻔﻜﺮﺕ ﺍﻟﻤﺸﻮيطة ﻭﻫﻮ ﺗﻴﻀﺮﺑﻨﻲ بيها ﻭﺗﻔﻜﺮﺕ ﻭﺍﺣﺪ ﺍﻟﻔﻴﻠﻢ ﻛﺎﻧﻮﺍ ﺍﻟﺴﻴﺎﺩ ﺗﻴﻀﺮﺑﻮ ﺍﻟﻌﺒﻴﺪ ﺑﺎﻟﻤﺸﻮيطة ﺭﺍﻩ ﻣﻜﺪﺑﺘﺶ ﺭﺍﻩ ﻓﻌﻼ ﻭﻟﻴﺖ ﻋﺒﺪﺓ ﺩﻳﺎﻝ ﻳﻮﺳﻒ ﺑﻨﺎﻧﻲ ﻧﻌﺴﺖ ﻭﺍﻧﺎ ﻣﺮﺗﺎﺣﺔ ﺣﻴﺖ ﻣﻜﺎﻳﻨﺶ ﻓﺠﻨﺒﻲ ﻭﺍﻧﺎ ﺗﻨﺘﺤﺮﻙ ﻛﻴﻔﻤﺎ ﺑﻐﻴﻴﺖ ﻣﺸﻴﺖ ﻣﺎﻓﻘﺖ ﺣﺘﻰ ﻝ 11 ﺩﻭﺷﺖ ﻟﺒﺴﺖ ﺣﻮﺍﻳﺠﻲ ﻭﻣﺸﻴﺖ ﻋﻨﺪ ﻣﺎﻣﺎ ﻛﻨﺖ ﻣﺼﺮﺓ ﺍﻧﻨﻲ ﻧﻬﺘﻢ ﺑﻴﻬﺎ ﺣﻴﺖ ﻭﻻﺕ ﺑﺤﺎﻝ ﻣﺎﻣﺎ ﺗﻨﻔﺠﺮ ﻓﻴﻬﺎ ﺍﻻﺷﺘﻴﺎﻕ ديال ماﻣﺎ ﻭﺑﺎﺑﺎ
ﺩﺧﻠﺖ ﻟﻘﻴﺘﻬﺎ ﻣﺰﺍﻝ ﻧﺎﻋﺴﺔ ﺑﻘﻴﺖ ﺣﺪﺍﻫﺎ ﺣﺘﻰ ﻓﺎﻗﺖ
ﻫﻲ : ﺑﻨﺘﻲ ﺍﻟﺤﺒﻴﺒﺔ ﻧﺘﻲ ﻫﻨﺎ ﺻﺒﺎﺡ ﺍﻟﺨﻴﺮ
ﺑﺴﺘﻬﺎ : ﺻﺒﺎﺡ ﺍﻟﻨﻮﺭ ﻛﻴﻒ ﺻﺒﺤﺘﻲ ﺷﻮﻳﺔ ﻟﺒﺎﺱ؟
ﻫﻲ : ﺍﻟﺤﻤﺪ ﻟﻠﻪ ﺍﺑﻨﺘﻲ ﺭﺍﻩ ﺣﻨﺎ ﻛﺒﺮﻧﺎ ﻭﻋﻴﻴﻨﺎ ﺍﻟﺒﺮﻛﺔ ﻓﻴﻜﻢ ﻧﺘﻮﻣﺎ
ﻋﻨﻘﺘﻬﺎ : ﻧﺘﻲ ﻫﻲ ﺍﻟﺒﺮﻛﺔ ﻛﺎﻣﻠﺔ ﻟﻬﻼ ﻳﺨﻄﻴﻚ؟
ﺑﺪﻳﺖ ﺍﻟﺮﻭﺗﻴﻦ ﺍﻟﻴﻮﻣﻲ ﺩﻳﺎﻟﻬﺎ ﺩﻭﺷﺖ ﻟﻴﻬﺎ ﻭﻣﺴﺤﺖ ﻟﻴﻬﺎ ﻛﺎﻧﺖ ﺿﻌﻴﻔﺔ ﻣﺴﻜﻴﻨﺔ ﻏﻴﺮ ﻛﻤﻴﺸﺔ ﻭﻟﻲ ﺍﺳﺘﻐﺮﺑﺖ ﻟﻴﻪ ﻫﻮﻣﺎ ﻋﻼﻣﺎﺕ ﻭﻃﺒﺎﻳﻊ ﻛﺤﻠﻴﻴﻦ ﻓﺮﺟﻠﻴﻬﺎ ﻧﺸﻔﺘﻬﺎ ولبستها ﺟﺎﺑﻮ ﺍﻟﺨﺪﺍﻣﺎﺕ ﺍﻟﻔﻄﻮﺭ ﻓﻄﺮﺗﻬﺎ ﻭﻏﻄﻴﺘﻬﺎ ﻭﺧﻠﻴﺘﻬﺎ ﺗﺮﺗﺎﺡ ﺑﻘﺎﺕ ﻣﺴﻜﻴﻨﺔ ﺗﺪﻋﻲ معايا ﺩﻋﺎﻭﻱ ﺩﻳﺎﻝ ﺍﻟﺨﻴﺮ ﻭﺍﻧﺎ ﺗﻨﻘﻮﻝ ﺍﻣﻴﻦ ﺣﺎﺟﺔ ﺍﻟﻠﻪ ﻳﺴﻤﺢ ﻟﻴﺎ ﻟﻲ ﻣﺎﺗﻤﻨﻴﺘﻬﺎﺵ ﻫﻲ ﻓﺎﺵ ﻗﺎﻟﺖ ﻟﻴﺎ الله ﻳﻌﻄﻴﻜﻢ ﺷﻲ ﺫﺭﻳﺔ ﺻﺎﻟﺤﺔ ﺣﻴﺖ ﺍﺧﺮ ﺣﺎﺟﺔ ﻧﺒﻐﻴﻬﺎ ﻫﻲ ﻧﻬﺰ ﻭﻟﺪ ﻓﻜﺮﺷﻲ ﻣﻦ ﻫﺪاك ﺍﻟﺠﻼﺩ السفاح ﻣﺸﻴﺖ ﻟﻠﻜﻮﺯﻳﻨﺔ ﻓﻄﺮﺕ ﻭﺑﻘﻴﺖ مجمعة ﺍﻧﺎ ﻭﻣﻲ ﺯﻫﺮﺓ
ﺍﻧﺎ : ﻣﻲ ﺯﻫﺮﺓ ﻓﻮﻗﺎﺵ ﺳﻜﻨﻮ ﻓﻬﺎﺩ ﺍﻟﻔﻴﺮﻣﺔ؟
ﻣﻲ ﺯﻫﺮﺓ : ﺷﺤﺎﻝ ﻫﺪﻱ ﺑﺎﺵ ﺷﺎﺭﻳﻴﻨﻬﺎ ﻟﻜﻦ ﻏﻴﺮ ﻫﺎﺩ ﺍﻟﻌﺎﻡ ﺑﺎﺵ ﺳﻜﻨﻮ ﻓﻴﻬﺎ ﻛﺎﻧﻮ ﻓﻤﻴﺮﻳﻜﺎﻥ ﻭ كايجيو ﻓﺎﻟﺼﻴﻒ ﻓﺎﺵ ﻻﻟﺔ فاطنة ﻣﺮﺿﺎﺕ ﻃﻠﺒﺎﺕ ﺳﻲ ﻳﻮﺳﻒ ﻳﺠﻴﺒﻬﺎ ﺗﻌﻴﺶ ﻫﻨﺎ ﻭﻫﻮ ﻻﻟﺔ فاطنة ﻫﻲ ﻋﻴﻨﻴﻪ ﻣﺎﻳﻘﺪﺭﺵ ﻳﺮﻓﺾ ﻟﻴﻬﺎ ﺷﻲ ﻃﻠﺐ ﺍﻭ ﻳﺒﻌﺪ ﻋﻠﻴﻬﺎ ﺟﺎ ﻭﻋﺎﺵ ﻫﻮ ﻭﻳﺎﻫﺎ ﻫﻨﺎ
ﺍﻧﺎ : ﻭﺑﺎﻩ ﻭﺍﺵ ﻣﺎﺕ؟
ﻣﻨﻜﺪﺑﺶ ﻋﻠﻴﻚ ﺍﺑﻨﺘﻲ ﻫﺎﺩﺷﻲ ﻟﻲ ﻋﺎﺭﻓﺔ هو أن ﻳﻮﺳﻒ ﺣﻴﺎﺗﻮ ﻏﺎﻣﻀﺔ وﻣﻠﻴﺌﺔ ﺑﺎﻻﺳﺮﺍﺭ ﺣﺘﻰ ﺣﺪ ﻣﻌﺎﺭﻑ ﻋﻠﻴﻪ شي حاجة ﻣﻦ ﻏﻴﺮ ﻣﺎﻣﺎ فاطنة ﺍﻛﻴﺪ ﻫﻲ ﻟﻲ ﻏﺎﺩا ﺗﺤﻴﺪ ﻟﻴﺎ ﻫﺎﺩ ﺍﻟﻐﻤﻮﺽ المهم غادا نمشي و نسولها على كلشي و نجر ليها لسانها و نشوف اشتحت راسها...
الحلقة 32
ﺍﻟﻤﻬﻢ ﻏﺎﺩﺍ ﻧﻤﺸﻲ ﻭ ﻧﺴﻮﻟﻬﺎ ﻋﻠﻰ ﻛﻠﺸﻲ ﻭ ﻧﺠﺮ ﻟﻴﻬﺎ ﻟﺴﺎﻧﻬﺎ ﻭ ﻧﺸﻮﻑ ﺍﺷﺘﺤﺖ ﺭﺍﺳﻬﺎ ﺍﻻﻳﺎﻡ ولات ﻏﺎﺩﻳﺎ ﻋﺎﺩﻳﺔ ﻭﻫﺎﺩﺋﺔ حيث ﻫﻮ ﻣﻜﺎﻳﻨﺶ ﻓﺎﻟﺪﺍﺭ ﻣﻜﺎﻳﻦ ﻟﻲ ﻳﻨﻐﺺ ﻋﻠﻴﺎ ﺣﻴﺎﺗﻲ ﺗﻨﺪﻭﺭ ﻭﻧﺠﺮﻱ ﺑﺤﺎﻝ ﺍﻟﻔﺮﺍﺷﺔ ﺍلنهار ﻛﺎﻣﻞ ﻣﻘﺴﻤﺎﻩ ﻣﺎ ﺑﻴﻦ ﻣﺎﻣﺎ ﻭﺑﻴﻦ ﺍلتسركيل ﻓﺄﺣﻀﺎﻥ ﺍﻟﻄﺒﻴﻌﺔ ﻛﻨﺖ ﺩﻳﻤﺎ ﻛﻨﺤﺎﻭﻝ ﻧﻘﺮﺏ ﻣﻦ ﻣﺎﻣﺎ وﻧﺴﻮﻟﻬﺎ ﻋﻠﻰ ﻳﻮﺳﻒ ﺣﻴﺎتو وﻣﺎضيه ﻟﻜﻦ ﻛﻨﺖ ﺗﻨﺤﺲ ﺑﻴﻬﺎ ﻣﺎﺯﺍﻝ ﻣﻮﺻﻠﺘﺶ ﻟﺪﻳﻚ ﺍﻟﺪﺭﺟﺔ ﺑﺎﺵ ﺗﻔﻀﻔﺾ ﻟﻴﺎ ﻣﺴﻜﻴﻨﺔ ﻛﺎﻧﺖ ﺑﺎﻳﻨﺔ ﻫﺎﺯﺓ ﻫﻢ ﻛﺒﻴﺮ ﻭﺳﺮ ﺧﻄﻴﺮ
ﺩﺍﻙ ﺍﻟﺼﺒﺎﺡ ﻣﺸﻴﺖ ﻋﻨﺪ ﻣﺎﻣﺎ ﻫﻲ ﻛﺎﻧﺖ ﺗﺘﺮﻓﺾ ﺗﺨﺮﺝ ﻣﻦ ﺑﻴﺘﻬﺎ ﻭﻛﻨﺖ ﻣﻘﺮﺭﺓ ﻧﺨﻠﻴﻬﺎ ﺗﺨﺮﺝ
ﺍﻧﺎ : ﻣﺎﻣﺎ ﺻﺒﺎﺡ ﺍﻟﺨﻴﺮ ﻛﻴﻒ ﺻﺒﺤﺘﻲ
ﻫﻲ : ﺻﺒﺎﺡ ﺍﻟﻨﻮﺭ ﺑﻨﺘﻲ ﺍﻟﺤﺒﻴﺒﺔ ﺍﻟﺤﻤﺪ ﻟﻠﻪ ﻭﺍﻟﺸﻜﺮ ﻟﻠﻪ ﻭﺍﺑﺘﺎﺳﻤﺎﺕ ﻟﻴﺎ ﻭ ﺣﺴﻴﺖ ﺑﺤﺎﻝ ﺣﻨﺎﻥ ﻣﺎﻣﺎ ﻣﻜﺎﻳﻦ حتى ﻓﺮﻕ
ﺍﻧﺎ : ﻣﺎﻣﺎ ﺍﻟﺤﺒﻴﺒﺔ ﻳﺎﻙ ﺍﻧﺎ ﻋﻨﺪﻙ ﻋﺰﻳﺰﺓ ﻣﻐﺎﺩﻱ ﺗﺮﻓﻀﻲ ﻟﻲ ﺣﺘﻰ ﻃﻠﺐ
ﻫﻲ : ﻟﻲ ﺑﻐﻴﺘﻴﻬﺎ ﺍﺑﻨﺘﻲ ﺍﻧﺖ ﺭﺍﻩ ﻓﻤﻌﺰة ﺑﻨﺘﻲ ﻟﻲ ﻣﻮﻟﺪﺗﻬﺎﺵ
ﺍﻧﺎ : ﻣﺎﻣﺎ ﺑﻐﻴﺘﻚ ﺗﺨﺮجي ﺗﻔﻄﺮﻱ ﻣﻌﺎﻳﺎ ﺑﺮا ﻓﺎﻟﺠﺮﺩﺓ ﻛﺎﻳﻨﺔ ﺍﻟﺸﻤﻴﺴﺔ ﻏﺰﺍﻟﺔ ﻭﻧﻴﺖ ﺭﺍﻧﻲ ﻗﻨﻄﺖ ﻧﻔﻄﺮ ﺑﻮﺣﺪﻱ ﻭﺩﺭﺕ ﺭﺍﺳﻲ ﻣﻘﻠﻘﺔ
ﻫﻲ : ﺑﻨﺘﻲ والله مكرهت ﺭﺍﻛﻲ ﻋﺎﺭﻓﺔ ﺻﺤﺘﻲ ﻋﻴﺎﻧﺔ ﻭﻣﺘﻨﻮﺿﺶ ﻏﻴﺮ ﻏﺎﺩﻱ ﻧﻌﺬﺑﻜﻢ ﻣﻌﺎﻳﺎ
ﺃﻧﺎ : ﺷﻜﻮﻥ ﻗﺎﻟﻚ ﺗﺘﻌﺬﺑﻴﻨﺎ ﻋﺬﺍﺑﻚ ﺭﺍﻩ ﻫﻮ ﺭﺍﺣﺘﻲ ﺑﻘﺎﺕ ﻣﺴﻜﻴﻨﺔ ﺗﺘﺒﻜﻲ ﻭﻋﻨﻘﺎﺗﻨﻲ : ﺩﻳﻤﺎ ﻛﻨﺖ ﺗﻨﺪﻋﻲ ﻭﻟﺪﻱ ﻳﺘﺰﻭﺝ ﺷﻲ ﺑﻨﺖ ﺣﻨﻴﻨﺔ ﺗﺤﺴﻦ ﺑﻴﺎ ﻭﺭﺑﻲ ﺟﺎﺑﻚ ﻟﻴﻴﻪ ﺍﺳﺘﺎﻃﻌﺖ ﻧﻘﻨﻌﻬﺎ ﺗﻌﺎﻭﻧﺎ ﻭﻫﺒﻄﻨﺎﻫﺎ ﻟﺘﺤﺖ ﻟﻠﺠﺮﺩﺓ ﺟﻠﺴﺘﻬﺎ ﻓﻜﺮﺳﻴﻬﺎ ﺗﺤﺖ ﺍﻟﻈﻞ ﻏﻄﻴﺖ ﻟﻴﻬﺎ ﺭﺟﻠﻴﻬﺎ ﻭﺟﺒﺖ ﺍﻟﻔﻄﻮﺭ : ﺍﻟﻠﻪ ﻳﻔﺮﺷﻚ ﻭﻳﻐﻄﻴﻚ ﺑﺎﻟﺮﺿﻰ ﺍﺑﻨﻴﺘﻲ
ﺍﻧﺎ : ﻋﻄﻴﺘﻬﺎ ﺗﻔﻄﺮ ﻭﺳﻮﻟﺘﻬﺎ : ﻣﺎﻣﺎ ﻓﻴﻨﻮ ﺑﺎﺑﺎﺕ ﻳﻮﺳﻒ؟
ﻣﺴﻜﻴﻨﺔ ﺗﺒﺪﻟﻮ ﻣﻼﻣﺤﻬﺎ ﻭﻋﻴﻨﻴﻬﺎ ﻏﺮﻏﺮﻭ ﺑﺎﻟﺪﻣﻭﻉ : ﻣﺎﺕ ﺍﺑﻨﺘﻲ ﺍﻟﻠﻪ ﻳﺮﺣﻤﻮ ﻭﻳﻮﺳﻊ ﻋﻠﻴﻪ ﻓﻬﺎﺩ ﺍﻟﻨﻬﺎﺭ ﻣﺎﺕ ﻣﻨﻴﻦ ﻛﺎﻥ ﻋﻨﺪ ﻳﻮﺳﻒ 6 ﺳﻨﻴﻦ
ﺑﻨﺘﻲ ﻗﺼﺘﻲ ﺍﻧﺎ ﻭﺑﺎﺕ ﻳﻮﺳﻒ كاتكلم الزيزون و كاتذوب ﺍﻟﺼﺨﺮﻟﻲ ﺷﺎﻓﻨﺎﻩ ﻓﺤﻴﺎﺗﻨﺎ ﻣﺤﺎﻝ ﻭﺍﺵ ﺷﺎﻓﻮ ﺷﻲ ﺣﺪ
ﻛﻨﺎ ﺻﻐﺎﺭ ﻭﺗﻨﺒﻐﻴﻮ ﺑﻌﻀﻴﺎﺗﻨﺎ ﺷﻮﻳﺔ ﺳﻜﺘﺎﺕ ﺷﻔﺘﻬﺎ ﺗﺘﺸﻮﻑ ﻟﺠﻬﺔ ﺍﻟﺒﺎﺏ ﺩﻭﺭﺕ ﻭﺟﻬﻲ ﺑﺎﻥ ﻟﻴﺎ ﺍﻟﺠﻼﺩ ﺟﺎﻱ : ﺗﻔﻮ يلاه كانت ﻏﺎﺩﻳﺎ تبدا ﺗﻌﺎﻭﺩ ﻟﻴﺎ ﺟﺎ ﻛﻴﻒ ﺍﻟﻨﺤﺲ ﺟﺎﻱ ﻣﺒﺘﺎﺳﻢ ﻻﺑﺲ ﻛﻼص ﻛﻮﺳﺘﻴﻢ ﻓﺎﻟﻜﺤﻞ ﻭﻛﺮﺍﻓﻂ ﻛﺎﻥ ﺗﻴﺤﻤﻖ ﻭﺍﻋﺮ ﺳﻬﻴﺖ ﻓﻴﻪ ﺷﻮﻳﺔ ﺍﻧﺘﺒﻬﺖ ﻭﺍﺗﻔﻜﺮﺕ ﺷﻨﻮ ﺩﺍﺭ ﻓﻴﺎ ﻭﺧﻨﺰﺭﺕ
ﻫﻮ ﻣﻨﺪﻫﺶ ﺍﻥ ﻣﺎﻣﺎﻩ ﺧﺮﺟﺎﺕ ﻣﻦ ﺑﻴﺘﻬﺎ ﻓﺮﺡ ﺑﺰﺍﻑ ﻗﺮﺏ ﻋﻨﻘﻬﺎ ﻭﺑﺎﺳﻬﺎ ﻓﺮﺍﺳﻬﺎ
ﻳﻮﺳﻒ : ﺍﻟﻮﺍﻟﺪﺓ أﺷﻬﺎﺩ ﺍﻟﻤﻔﺎﺟﺄﺓ ﻛﻴﻔﺎﺵ ﻃﺮﺍ ﻭﺟﺮﺍ ﺧﺮﺟﺘﻲ ﻣﻦ ﺑﻴﺘﻚ؟
ﻫﻲ : ﻭﻟﺪﻱ ﻋﻠﻰ ﺍﻟﺴﻼﻣﺔ ﺭﺍﻩ ﺑﻨﻴﺘﻲ ﻳﺎﺳﻤﻴﻦ ﻟﻲ ﺍﺻﺮﺍﺕ ﺣﺘﻰ ﻫﺒﻄﺎﺗﻨﻲ ﺍﻟﻠﻪ ﻳﺮﺿﻲ ﻋﻠﻴﻬﺎ ﻣﻨﻴﻦ ﻣﺸﻴﺘﻲ ﻣﻔﺎﺭﻗﺎﺗﻨﻴﺶ ﻫﻮ ﺍﺳﺘﻐﺮﺏ حيث ﻧﻔﺪﺕ ﺃﻭﺍﻣﺮﻭ ﻭﺍﺧﺎ ﻣﻜﺎﻳﻨﺶ ﻭﻭﺍﺧﺎ ﺗﻜﺮﻓﺺ ﻋﻠﻴﺎ تم ﺟﺎﻱ ﻟﺠﻴﻬﺘﻲ ﻋﻨﻘﻨﻲ ﺑﺤﻨﺎﻥ وﺑﺎﺳﻨﻲ ﻋﻠﻰ ﺧﺪﻱ : ﺣﺒﻴﺒﺔ ﺗﻮﺣﺸﺘﻚ
ﺍﻧﺎ ﺍﻻﺭﺽ ﺩﺍﺭﺕ ﺑﻴﺎ ﺑﻘﻴﺖ مندهشة ﻭﻣﺼﺪﻭﻣﺔ ﻛﻠﻲ ﺗﻨﺘﺮﻋﺪ ﻭﻫﺎﺩ ﺍﻟﻤﺮﺓ ﻣﺎﺷﻲ ﻣﻦ ﺍﻟﺨﻮﻑ مي إحساس زوين في شكل ﻣﻌﺮﻓﺘﻮﺵ ﺷﺎﻓﻨﻲ ﻣﺼﺪﻭﻣﺔ ﻭﻣﺘﻨﻀﺤﻜﺶ ﻗﺮﺏ ﻟﻮﺩﻧﻲ ﻗﺎﻟﻲ : ﺿﺤﻜﻲ ﻭﺍﺵ ﻧﺴﻴﺘﻲ ﺷﻨﻮ ﻗﻠﺖ ﻟﻴﻚ ﺭﺍﻩ ﺍﻟﻮﺍﻟﺪﺓ ﺗﺘﺸﻮﻑ ﺍﺑﺘﺎﺳﻤﺖ ﺑﺰﺯ : ﻋﻠﻰ ﺳﻼﻣﺘﻚ أحبيبي ﻳﻮﺳﻒ ﺣﺘﻰ ﺍﻧﺎ ﺗﻮﺣﺸﺘﻚ ماما ﺗﺘﺸﻮﻑ ﻓﺪﺍﻙ ﺍﻟﺘﻨﺎﺋﻲ ﻟﻲ ﻛﺎﻧﺖ ﺗﻴﻤﺜﻞ ﺍﻟﺤﺐ ﻭﺍﻟﻐﺮﺍﻡ : ﺍﻟﻠﻪ ﻳﺴﻌﺪﻛﻢ ﻭﻧﺸﻮﻑ ﻭﻟﻴﺪﺍﺗﻜﻢ ﻗﺮﺏ ﻋﻨﺪﻫﺎ ﻭﺑﺎﺱ ﻟﻴﻬﺎ ﻳﺪﻳﻬﺎ : ﺍﻥ ﺷﺎﺀ ﺍﻟﻠﻪ ﺍﻟﻤﻴﻤﺔ
ﻣﺸﺎ ﻳﺒﺪﻝ ﻋﻠﻴﻪ ﻭﺧﻼﻧﻲ ﻣﻊ ﻣﺎﻣﺎ ﺣﺴﻴﺖ ﺑﻴﻬﺎ ﻋﻴﺎﺕ ﻣﺒﻐﻴﺘﺶ ﻧﻀﻐﻂ ﻋﻠﻴﻬﺎ ﺗﻌﺎﻭﺩ ﻟﻴﺎ ﻗﻠﺖ ﻧﺨﻠﻴﻬﺎ ﻟﻤﺮﺓ ﺍﺧﺮﻯ ﻭﺍﺧﺎ ﻛﺎﻥ ﺍﻟﻔﻀﻮﻝ ﺗﻴﻘﺘﻠﻨﻲ
ﺩﻳﺘﻬﺎ ﻟﺒﻴﺘﻬﺎ ﺑﺪﻟﺖ ﻟﻴﻬﺎ ﻭﻏﻄﻴﺘﻬﺎ ﺑﺴﺖ ﻟﻴﻬﺎ ﻋﻠﻰ ﺟﺒﻬﺘﻬﺎ ﻭ خرجت ﻟﻘﻴﺘﻮ ﺣﺎﺿﻴﻨﻲ ﻭﺗﻴﺘﻔﺮﺝ ﻓﻴﺎ ﺩﺯﺕ ﻣﻦ حداه ﻭﻣﺸﻴﺖ ﺷﻮﻳﺔ ﺗﺒﻌﻨﻲ ﺟﺮﻧﻲ ﻣﻦ ﻳﺪﻱ ﻭﺩﺧﻠﻨﻲ ﻟﻮﺍﺣﺪ ﺍﻟﻤﻜﺘﺐ : ﺯﻋﻤﺎ ﻋﻼﺵ كاتصنعي كاديري ﻫﺎﺩﺷﻲ ﻋﻼﺵ ﺑﺎﻏﺎ ﺗﺒﻴﻨﻲ ﻟﻴﺎ ﺍﻧﻜﻲ ﺣﻨﻴﻨﺔ ﻋﻼﺵ ﺗﺘﺤﺎﻭﻟﻲ ﺗﺨﻠﻲ ﻣﻲ ﺗﺒﻐﻴﻚ ﻭﺍﺵ ﻳﺤﺴﺎﺏ ﻟﻴﻚ ﻫﺎﻛﺪﺍ ﻏﺎﺩﻱ ﻧﺮﺣﻤﻚ ﺭﺍﻩ ﻋﻤﺮﻛﻲ ﺗﻨﺘﻈﺮﻱ ﻣﻨﻲ ﺍﻟﺮﺣﻤﺔ ﺣﻴﺖ ﺣﺘﻰ ﻧﺘﻮﻣﺎ ﻣﺮﺣﻤﺘﻮﻧﺎﺵ
ﺍﻧﺎ : ﻣﻌﻨﺪﻱ ﻻﺵ ﻧﺘﺼﻨﻊ حيث ﺍﻧﺎ ﻫﺎﻛﺪﺍ ﺣﻨﻴﻨﺔ ﻣﻊ ﻛﻠﺸﻲ ﻭﻣﺘﻨﺪﻳﺮﺵ ﻫﺎﺩﺷﻲ ﺧﻮﻑ ﻣﻨﻚ ﺗﻨﺪﻳﺮﻭ ﺣﻴﺖ ﻫﺎﻛﺪﺍ ﺗﺮﺑﻴﺖ ﻋﻠﻰ ﺍﻟﺤﻨﺎﻥ ﻭﺍﻟﺮﺣﻤﺔ ﻭﻣﻚ ﻣﺴﻜﻴﻨﺔ ﻣﺮﻳﻀﺔ ﻭﻣﺤﺘﺎﺟﺎﻧﻲ ﻭﻫﻲ ﻋﺰﻳﺰﺓ ﻋﻠﻴﺎ ﻓﻬﻤﺘﻲ ﺣﻴﺖ ﺑﻮﺣﺪﻫﺎ ﻟﻲ ﻟﻘﻴﺖ ﻋﻨﺪﻫﺎ ﺍﻟﺤﻨﺎﻥ ﻓﻬﺎﺩ ﺍﻟﺤﺒﺲ ﻭﺍﻧﺎ ﻣﻌﻨﺪﻱ ﺣﺘﻰ ﺫﻧﺐ ﺷﻨﻮ ﺩﺭﻧﺎ ﻟﻴﻚ ﺣﻨﺎ ؟؟ ﻓﻬﻤﻨﻲ ﺑﺎﺵ ﻧﻌﺮﻑ ﻋﻼﺵ ﺗﺪﻳﺮ ﻫﻜﺪﺍ؟؟
ﺑﻐﻴﺘﻲ ﺗﻌﺮﻓﻲ ﺷﻨﻮ ﺩﺭﺗﻮ ﻟﻴﺎ ﺑﺪﺍ ﻳﺤﻴﺪ ﻗﺎﻣﻴﺠﺘﻮ ﺍﻧﺎ ﺗﺨﻠﻌﺖ ﻭﺩﻭﺭ ﻟﻴﺎ ﺿﻬﺮﻭ ﻛﺎﻥ ﻓﻴﻪ ﺁﺗﺎﺭ ﺣﺮﻭﻕ ﺑﺤﺎﻝ ﻟﻲ ﻓﻤﺎﻣﺎﻩ ﻓﺮﺟﻠﻴﻬﺎ
ﻳﻮﺳﻒ : ﻫﺎ ﺷﻨﻮ ﺩﺭﺗﻮﺍ ﻟﻴﺎ ﻫﺎ ﺍﻵﺗﺎﺭ ﺩﻳﺎﻝ ﺍﻟﺠﺒﺮﻭﺕ ﺩﻳﺎﻟﻜﻢ ﻭﻟﻜﻦ ﻭﺍﻟﻠﻪ ﺍﻟﻰ ﺑﻘﺎﺕ ﻓﻴﻜﻢ يلاه ﻏﺎﺩا ﻧﺘﻜﻠﻢ ﻭﻫﻮ ﻳﻐﻮﺕ ﻋﻠﻴﺎ : ﺧﺮﺟﻲ درگي عليا كمارتك تفو
ﺧﺮﺟﺖ ﺑﺴﺮﻋﺔ ﻗﺒﻞ ﻣﺎيتلاح ﻋﻠﻴﺎ و يفرشخني ثاني...
الحلقة 33
ﺧﺮﺟﺖ ﺑﺴﺮﻋﺔ ﻗﺒﻞ ﻣﺎﻳﺘﻼﺡ ﻋﻠﻴﺎ ﻭ ﻳﻔﺮﺷﺨﻨﻲ ﺛﺎﻧﻲ ﻣﺸﻴﺖ ﺗﻨﺠﺮﻱ ﻟﺒﻴﺘﻲ ﻭﺗﺨﺸﻴﺖ ﻭﺳﻂ ﺍلمخاد ﻭﺑﻘﻴﺖ ﻧﺒﻜﻲ ﻛﻨﺖ ﺑﺎﻏﺎ ﻧﻌﺮﻑ ﻏﻴﺮ ﺍﻟﺴﺮ ﻟﻲ ﺧﺎﺯﻥ ﺑﺎﺵ ﻧﻌﺮﻑ ﻋﻼﺵ ﺗﻴﺪﻳﺮ ﻣﻌﺎﻳﺎ ﻫﺎﻛﺪﺍ
ﺷﻮﻳﺔ ﺟﺎﺕ ﻋﻨﺪﻱ ﻣﻲ ﺯﻫﺮﺓ : ﺑﻨﺘﻲ ﺭﺍﻩ ﺳﻲ ﻳﻮﺳﻒ ﺑﻐﺎﻙ ﻃﻴﺒﻲ ليه ﺍﻟﻐﺪﺍ ﻭﻃﻠﺐ ﺗﺪﻳﺮﻱ ﻟﻴﻪ البسطيلة ﺑﺎﻟﺪﺟﺎﺝ ﺣﻴﺖ ﻋﺰﻳﺰﺓ ﻋﻠﻴﻪ
ﺍﻧﺎ : مالو ﺗﻴﺘﻮﺣﻢ ﻳﺎﻛﻞ فيها ﺍﻟﺴﻢ ﺍﻥ ﺷﺎﺀ ﺍﻟﻠﻪ
ﻣﻲ ﺯﻫﺮﺓ : ﺑﻨﺘﻲ ﻋﺎﻓﺎﻙ ﺑﻌﺪﻱ ﻋﻠﻰ ﺍﻟﻤﺸﺎﻛﻞ ﺣﺎﻭﻟﻲ ﺗﺪﻳﺮﻱ ﻟﻴﻪ ﻟﻲ ﺑﻐﺎ
ﻫﻮ ﻛﺎﻥ ﻣﺘﺼﻮﺭ ﺍﻧﻨﻲ ﻣﻌﺎﺭﻓﺎﺵ ﻧﻄﻴﺐ ﺍﻟﺒﺴﻄﻴﻠﺔ ﻣﻜﺎﻧﺶ ﻋﺎﺭﻑ ﺍﻧﻬﺎ ﺍﻻﻛﻠﺔ ﺍﻟﻤﻔﻀﻠﺔ ﻋﻨﺪ ﺑﺎﺑﺎ ﻭﻣﺎﻣﺎ ﻋﻠﻤﺎﺗﻬﺎ ﻟﻲ ﻋﻠﻰ ﺣﻘﻬﺎ ﻭﻃﺮﻳﻘﻬﺎ
ﻣﺸﻴﺖ ﻟﻠﻜﻮﺯﻳﻨﺔ بديت نوجد فيها
ﻣﻲ ﺯﻫﺮﺓ : ﺳﻤﺤﻲ ﻟﻲ ﺍﺑﻨﺘﻲ ﻣﻨﻘﺪﺭﺵ ﻧﻌﺎﻭﻧﻚ ﺭﺍﻙ ﻋﺎﺭﻓﺔ ﻭﺣﺪﺭﺍﺕ ﺭﺍﺳﻬﺎ
ﺍﻧﺎ : ﻣﺎﺷﻲ ﻣﺸﻜﻞ ﺍﻣﻲ ﺯﻫﺮﺓ ﻏﻴﺮ ﺳﻴﺮﻱ ﺧﺮﺟﺎﺕ ﻭﺑﺪﻳﺖ ﻧﻘﺎﺩ ﻓﺎﻟﺒﺴﻄﻴﻠﺔ ﺷﺮملت ﺍﻟﺪﺟﺎﺝ ﻋﻠﻰ ﺣﻘﻮ ﻭﻃﺮﻳﻘﻮ ﺑﺎﻟﻌﻄﺮﻳﺔ ﺩﻳﺎﻝ ﺍﻟﺒﺴﻄﻴﻠﺔ ﻗﻠﻴﺖ ﺍﻟﻠﻮﺯ ﻭﻭﺟﺪﺗﻮ ﺻﺎوبت داكشي و عمرتو ﺑﺎﻟﺪﺟﺎﺝ و عسلتو ﺧﺸﻴﺘﻬﺎ ﻓﺎﻟﻔﺮﺍﻥ ﻣﻦ ﺑﻌﺪ ﻣﺎ ﺯﻭﻗﺘﻬﺎ ﺑﻠﻴﻔﻴﻠﻲ ﺩﻳﺎﻝ ﺍﻟﻠﻮﺯ ﺍﻟﺮﻭﺍﻳﺢ ﻓﺎﻟﻜﻮﺯﻳﻨﺔ ﻋﺎﻃﻴﺔ
ﻃﻔﻴﺖ ﻋﻠﻴﻬﺎ ﻃﻠﻌﺖ ﺩﻭﺷﺖ ﺑﺪﻟﺖ ﻋﻠﻴﺎ ﻟﺒﺴﺖ ﻛﺴﻮﺓ ﻓﺎﻻﺣﻤﺮ ﻃﻮﻳﻠﺔ ﻭﺑﺎﻟﺴﻤﻴﻂﺍﺕ و طراسات ﻟﻴﺎ ﻓﻮﺭﻣﺘﻲ ﻟﺒﺴﺘﻬﺎ ﻋﻦ ﻗﺼﺪ ﻣﻌﺮﻓﺘﺶ ﺷﻨﻮ ﻟﻲ ﺧﻼﻧﻲ ﻧﺪﻳﺮ ﻫﺎﻛﺪﺍ ﻗﺎﺩﻳﺖ ﺭﺍﺳﻲ ﻭﻫﺒﻄﺖ ﻣﻲ ﺯﻫﺮﺓ ﺧﺒﺮﺍﺗﻨﻲ ﺍﻧﻪ ﻏﺎﺩﻱ ﻧﺘﻐﺪﺍﻭ ﻓﺠﻨﺎﺡ ﻣﺎﻣﺎ فاطنة ﻓﺮﺣﺖ ﺑﺰﺍﺍﻑ ديت ﻟﻴﻬﻢ ﺍﻟﺒﺴﻄﻴﻠﺔ ﻣﻊ ﺍﻟﻌﻮﺍﺻﺮ ﻣﻤﻢ ﻏﻴﺮ ﻣﻦ ﺍﻟﺪﻳﻜﻭﺭ ﺗﺘﺸﻬﻲ ﻭﺭﻳﺤﺘﻬﺎ ﻭﺍﺻﻠﺔ ﻣﻨﻌﺮﻑ ﻓﻴﻴﻦ
ﺷﺎﻓﻨﻲ ﻭﺷﺎﻑ ﺍلبسطيلة و ﻫﻮ ﻳﺘﺼﺪﻡ ﻣﻜﺎﻧﺶ ﻣﺘﻮﻗﻊ ﺍﻧﻨﻲ ﻋﺎﺭﻓﺔ ﻫﺎﺩﺷﻲ ﻛﺎﻣﻞ
ﻣﺎﻣﺎ : ﺗﺒﺎﺭﻙ ﺍﻟﻠﻪ ﺗﺒﺎﺭﻙ ﺍﻟﻠﻪ على ﺑﻨﺘﻲ ﺣﺎﺩﻛﺔ ﻭﻣﺘﻮﻟﺔ ﻭﻏﺰﺍﻟﺔ ﻭﺷﺎﻓﺖ ﻓﻴﻮﺳﻒ : ﻭﻟﺪﻱ ﺍﻧﺖ راك ﻣﺤﻈﻮﻅ ﻋﻄﺎﻙ ﺭﺑﻲ ﻣﺮﺓ ﻛﺎﻣﻠﺔ ﻣﻜﻤﻮﻟﺔ ﺍﻟﺰﻳﻦ ﻭﺍﻻﺧﻼﻕ ﻭﺍﻟﺤﺪﺍﻛﺔ
ﻫﻮ ﻗﺮﺏ ﻋﻨﺪﻱ ﺑﺎﺱ ﻟﻴﺎ ﻳﺪﻳﺎ ﺑﻜﻞ ﺣﻨﺎﻥ ﺣﺘﻰ ﺟﺎﺗﻨﻲ ﺍﻟﻘﺸﻌﺮﻳﺮﺓ : ﻟﻬﻼ ﻳﺨﻄﻴﻚ ﻋﻠﻴﺎ ﺍحياتي
ﻧﺎﺭﻱ ﻣﻤﺜﻞ ﺑﺎﺭﻉ ﺍﻟﺸﻮﻓﺔ ﺑﺎﺵ ﺗﻴﺸﻮﻑ ﻓﻴﺎ ﻋﻴﻨﻴﻪ ﺗﻴﺒﺮﻗﻮ ﺑﻜﻞ ﺣﻨﺎﻥ
ﺍﻧﺎ : ﻣﺎﺷﻲ ﺷﻲ ﺣﺎﺟﺔ ﺑﺼﺤﺘﻜﻢ ﻭﺍﺑﺘﺴﻤﺖ ﺻﺮﺍﺣﺔ ﻛﻨﺖ ﻓﺮﺣﺎﻧﺔ ﺣﻴﺖ ﻭﺍﺧﺎ ﻫﻮ ﻣﺬﻟﻠﻨﻲ ﺗﻨﺤﺲ ﺑﺮﺍﺳﻲ ﻛﻞ ﻣﺮﺓ ﺗﻨﺘﺼﺮ ﻋﻠﻴﻪ
ﻣﺎﻣﺎ : ﺑﻨﺘﻲ ﺷﻜﻮﻥ ﻋﻠﻤﻚ ﺍﻟﻄﻴﺎﺏ ﻭﺍﺧﺎ ﻛﻴﻒ ﻣﺎﻗﺎﻝ ﻟﻲ ﻭﻟﺪﻱ ﻧﺘﻲ ﺑﻨﺖ ﺍﻟﻔﺸﻮﺵ ﻭﺑﺎﻙ ﻭﻟﺪ ﻋﺎﺋﻠﺔ ﻛﺒﻴﺮﺓ
ﺍﻧﺎ : ﻣﺎﻣﺎ ﺍﺧﺎﻟﺘﻲ ﻫﻲ ﻟﻲ ﻋﻠﻤﺎﺗﻨﻲ ﺑﺎﺑﺎ ﻣﻦ ﻋﺎﺋﻠﺔ ﻛﺒﻴﺮﺓ ﺍﻳﻴﻪ ﻟﻜﻦ ﻣﺎﻣﺎ ﻣﻦ ﻋﺎﺋﻠﺔ ﻓﻘﻴﺮﺓ ﺩﺍﻛﺸﻲ ﻻﺵ ﻋﻠﻤﺎﺗﻨﻲ ﻛﻠﺸﻲ ﺑﺎﺵ ﻣﻨﻄﻠﻌﺶ ﻣﻔﺸﺸﺔ ﻭﺍﻧﺎﻧﻴﺔ ﻋﻠﻤﺎتني ﻧﻄﻴﺐ ﻭﻧﺠﻤﻊ ﺍﻟﺪﺍﺭ و ﻧﻌﺘﻤﺪ ﻋﻠﻰ ﺭﺍﺳﻲ ﻣﺎﺷﻲ ﻋﻠﻰ ﺍﻟﺨﺪاﻣﺎﺕ ﻭﻋﻠﻤﺎتني ﺍﻫﻢ ﺣﺎﺟﺔ ﻫﻲ ﻧﺤﺲ ﺑﺎﻟﻨﺎﺱ وﻧﺮﺣﻤﻬﻢ
ﻭ منقسيش ﻋﻠﻴﻬﻢ ﻭﺷﻔﺖ ﻓﻴﻮﺳﻒ ﺑﻜﻞ ﺁﻧﻔﺔ ﻭﻋﺰﺓ ﻧﻔﺲ ﺑﺤﺎﻝ ﺍﻟﻰ ﺗﻨﻘﻮﻟﻴﻪ ﺍﻥ ﺩﺍﻛﺸﻲ ﺑﺎﺵ ﺑﻐﻴﺘﻲ ﺗﻌﺪﺑﻨﻲ ﺭاني ﻣﻮﺍﻟﻔﺔ ﺑﻴﻪ ﻋﺎﺩﻱ
ﻛﻠﻴﻨﺎ ﺍﻟﺒﺴﻄﻴﻠﺔ ﻟﻲ جات ﺑﻨﻴﻨﺔ ﻫﻮ ﻏﻴﺮ ﺗﻴﺨﺸﻲ ﺑﻼ ﻣﻴﺸﻌﺮ ﺑﺤﺎﻝ ﺷﻲ ﻣﻮﺣﻤﺔ غي كايسرط ﻫﻬﻪ
ﻛﻤﻠﻨﺎ ﺟﺎﻭ ﺍﻟﺨﺪاﻣﺎﺕ ﻫﺰﻭ ﺍﻻﻃﺒﺎﻕ ﻃﺒﻌﺎ ﻗﺪﺍﻡ ﻣﻮ ﻣﻐﺎﺩﻳﺶ ﻳﺨﻠﻴﻨﻲ ﻧﺠﻤﻊ ﺍﻟﻄﺒﻠﺔ
هزينا ماما ﺩﻳﻨﺎﻫﺎ ﻟﻨﺎﻣﻮﺳﻴﺘﻬﺎ ﺗﺮﺗﺎﺡ ﻏﻄﻴﺘﻬﺎ ﻭﻧﻌﺴﺎﺕ ﻫﻮ ﻛﺎﻥ ﻣﻦ ﻭﺭﺍﻳﺎ ﺣﺴﻴﺖ ﺑﻴﻪ ﺗﻴﺎﻛﻠﻨﻲ ﺑﻌﻴﻨﻴﻪ ﺗﻴﺘﺄﻣﻞ ﻛﻞ ﺑﻼﺻﺔ ﻓﺠﺴﻤﻲ ﻗﺮﺏ ﻋﻨﺪﻱ ﺷﺪﻧﻲ ﻣﻦ ﻳﺪﻱ ﻫﺰﻫﻢ ﺑﺎﺳﻬﻢ ﺑﻜﻞ ﺣﻨﺎﻥ و قالي : ﺷﻜﺮﺍ أكبيدة ديالي
ﺍﻧﺎ ﻣﺸﻠﻮﻟﺔ ﻣﻌﺎﺭﻓﺔ ﻣﻨﻌﻤﻞ ﺷﻮﻳﺔ ﻗﺮﺏ ﻟﻮﺟﻬﻲ ﺑﺎﺳﻨﻲ ﻭﻫﺎﺩ ﺍﻟﻤﺮﺓ ﺑﻮﺳﺔ ﻛﻠﻬﺎ ﺣﻨﺎﻥ ﻭﺷﻐﻒ ﻫﺰﺍﺗﻨﻲ ﻟﻌﺎﻟﻢ ﻏﻴﺮ ﻣﺎﺩﻱ ﺑﺤﺎﻝ ﺍﻟﻰ ﺗﻨﺤﻠﻢ ﺍﻭ ﺗﻨﺘﺨﻴﻞ ﺫﺑﺖ ﺑﻴﻦ ﻳﺪﻳﻪ ﻭﻟﻘﻴﺖ ﺭﺍﺳﻲ ﺑﻼ ﻣﻨﺸﻌﺮ ﺗﻨﺘﺠﺎﻭﺏ ﻣﻌﺎﻩ ﺷﻮﻳﺔ و هو يدفعني ﺑﺠﻬﺪ ﻭﺧﺮﺝ وﺧﻼﻧﻲ ﻛﻠﻲ ﻛﻨﺘﺮﻋﺪ ﺍﺣﺎﺳﻴﺴﻲ ﻛﻠﻬﺎ ﻣﺨﺮﺑﻘﺔ ﺣﺎﺟﺔ ﻟﻲ ﻛﻨﺖ ﻣﺘﺄﻛﺪﺓ ﻣﻨﻬﺎ هي ﺍﻧﻪ ﻓﺎﺵ ﺑﺎﺳﻨﻲ ﻣﺒﺎﺳﻨﻴﺶ على سبيل الإنتقام ﻛﺎﻥ ﺣﺘﻰ ﻫﻮ ﻋﺎﻳﺶ ﻣﻌﺎﻳﺎ ﺍﻟﻠﺤﻈﺔ ﺑﻜﻞ ﺣﻨﺎﻥ ﻭ دفئ ﻟﻜﻦ ﻣﺎﻟﻮ ﻋﻼﺵ ﺗﻴﻬﺮﺏ؟ ﻋﻼﺵ ﻛﻴﻈﻠﻢ؟ ﻋﻼﺵ ﺗﻴﻨﺘﻘﻢ؟
ﻣﺸﻴﺖ ﻟﺒﻴﺘﻲ ﻭﺍﻧﺎ ﻣﻘﺮﺭﺓ ﺑﺎﺵ ﻧﻮﺍﺟﻬﻮ وﻧﻌﺮﻑ ﻻﺵ ﺗﻴﺪﻳﺮ ﻫﺎﻛﺪﺍ وﻧﻌﺮﻑ ﻛﻠﺸﻲ ﺑﺎﺵ ﻧﺮﺗﺎﺡ بقيت نتسنى فيه يجي ﺣﺘﻰ ﻋﻴﻴﺖ مي ﻭﺍﻟﻭ ﻣﺠﺎﺵ ﻛﺎﻥ ﺍﻟﻤﻮﺕ ﺩﻳﺎﻝ ﺍﻟﺼﻬﺪ واحد اللحظة قررت أنني...
الحلقة 34
ﻭﺍﺣﺪ ﺍﻟﻠﺤﻈﺔ ﻗﺮﺭﺕ ﺃﻧﻨﻲ نهبط ﻟﻠﺠﺮﺩﺓ ﻧﺘﺒﺮﺩ ﺷﻮﻳﺔ ﻛﻨﺖ ﻻﺑﺴﺔ ﻏﻴﺮ ﺑﻴﺠﺎﻣﺔ ﺑﺎﻟﺸﻮﺭﻁ ﻭﺷﻌﺮﻱ ﻣﻄﻠﻮﻕ ﺟﻠﺴﺖ ﻓﻮﺍﺣﺪ ﺍﻻﺭﺟﻮﺣﺔ ﻏﻤﻀﺖ ﻋﻴﻨﻴﺎ وﺳﺮﺣﺖ و تفكرتو و ﺗﻔﻜﺮﺕ بوستو ﻣﻌﺮﻓﺘﺶ ﻻﺵ ﻭﻟﻴﺖ ﻛﻨﻔﻜﺮ فيه ﺑﺎﻳﺠﺎﺑﻴﺔ؟ ﻻﺵ ﻧﺴﻴﺖ ﺷﻨﻮ ﺩﺍﺭ ﻓﻴﺎ؟
ﻭﺍﺣﺪ ﺍﻟﺸﻮﻳﺔ ﺗﻨﺴﻤﻊ ﺻﻮﺕ ﺑﻜﺎﺀ ﺧﺎﻓﺖ ﺩﺭﺕ و ﻫﻮ ﻳﺒﺎﻥ ﻟﻴﺎ واحد الخيال ﺟﺎﻟﺲ ﻓﺎﻟﻈﻼﻡ ﻭﺗﻴﺒﻜﻲ ﻗﺮﺑﺖ ليه لقيتو يوسف ﺍﻩ ﻭﺍﻟﻠﻪ إلى ﻳﻮﺳﻒ ﻫﺬﺍ ﻭﻟﻜﻦ ﺷﻨﻮ ﻟﻲ خلاه ﻳﺒﻜﻲ ﺑﻬﺎﺩ ﺍﻟﺤﺮﻗﺔ ﻭﺍﺵ ﺣﺘﻰ ﻫﻮ ﺗﻴﺤﺲ ﻭﻳﺒﻜﻲ؟
ﺑﻘﻴﺖ ﺣﺎﻳﺮﺓ ﻭﺍﺵ ﻧﻘﺮﺏ ﻋﻨﺪﻭﻭ ﻭﻻ ﻻ؟؟
ﺍﺧﻴﺮﺍ ﻗﻠﺖ ﺍﻥ ﺧﻴﺮ ﻭﺳﻴﻠﺔ ﻟﻠﺪﻓﺎﻉ ﻫﻲ ﺍﻟﻬﺠﻮﻭﻡ ﻣﺸﻴﺖ قربت ﻟﻌﻨﺪﻭﻭﻭ ﻭ ﺣﻄﻴﺖ ﻳﺪﻱ ﻋﻠﻰ ﻛﺘﺎﻓﻮﻭ : ﻳﻮﺳﻒ ﻣﺎﻟﻚ؟؟ ﻣﻌﻘﻠﺘﺶ ﻛﻴﻔﺎﺵ ﻭﻻ ﻓﻮﻗﺎﺵ ﺣﺘﻰ ﻟﻘﻴﺖ ﺭﺍﺳﻲ ﻓﺄﺣﻀﺎﻧﻮ ﻭﺑﻘﺎ ﻳﺒﻜﻲ ﻓﺼﺪﺭﻱ ﺑﺤﺎﻝ ﺷﻲ ﻃﻔﻞ ﺻﻐﻴﺮ ﻣﺤﺘﺎﺝ ﻟﻠﺤﻨﺎﻥ ﺣﺘﻰ ﺍﻧﺎ ﺑﺪﻳﺖ ﻧﺒﻜﻲ ﻣﻌﺮﻓﺘﺶ ﻋﻼﺵ ؟؟ ﺑﻜﻴﻨﺎ ﻭﺑﺮﺩﻧﺎ ﻗﻠﻮﺑﻨﺎ في البكا ﺷﻮﻳﺔ ﺗﺤﻮﻝ ﻫﺎﺩ ﺍﻟﺒﻜﺎ ﻟﻘﺒﻼﺕ ﺳﺎﺧﻨﺔ ﻭﺷﺮﺳﺔ ﻣﻌﺮﻓﺘﺶ ﺣﺘﻰ ﻟﻘﻴﺖ ﺭﺍﺳﻲ ﻋﺎﻭﺗﺎﻧﻲ ﺗﻨﺘﺠﺎﻭﺏ ﻣﻌﺎﻩ ﻭﺫﺍﻳﺒﺔ ﻓﻴﻪ ﺣﺘﻰ ﺻﺪﻧﻲ ﻭﺩﻓﻌﻨﻲ ﻟﺜﺎﻧﻲ ﻣﺮﺓ : ﺷﺪﻧﻲ ﻭﺯﻳﺮ ﻋﻠﻴﺎ ﺷﻨﻮ ﺑﻐﻴﺘﻲ ﻋﻨﺪﻱ؟ ﻋﻼﺵ ﺗﺘﻌﺬﺑﻴﻨﻲ؟ ﻣﻜﻔﺎﻛﺶ ﺩﺍﻛﺸﻲ ﻟﻲ ﺩﺍﺭﻭ ﻓﻴﺎ ﻋﺎﺋﻠﺘﻚ؟ ﻋﺬﺑﻮﻧﺎ ﻭﻫﺎﻧﻮﻧﺎ ﻭﺗﻜﺮفصو ﻋﻠﻴﻨﺎ ﻻﺵ ﺟﻴﺘﻲ ﺗﻜﻤﻠﻲ ﻋﻠﻴﺎ ﺍﻧﺎ ﻻﺵ؟ ﺗﻴﻬﻀﺮ ﻭﺗﻴﻐﻮﺕ و ﺣﺘﻰ ﺍﻧﺎ ﺑﺪﻳﺖ ﻧﻐﻮﺕ : ﺷﻜﻮﻥ ﻫﺎﺩ ﻋﺎﺋﻠﺘﻲ ﻟﻲ ﻇﻠﻤﻮﻙ ﺷﻜﻮﻥ؟ ﻭﺷﻨﻮ ﺫﻧﺒﻲ ﺍﻧﺎ ؟؟ ﺷﻨﻮ ﺩﺭﺕ ﻟﻴﻚ؟ ﻭﺍﺵ ﺍﻧﺎ ﺁﺫﻳﺘﻚ ﻋﻼﺵ ﻛﺘﺤﺎﺳﺒﻨﻲ ﻋﻠﻰ ﺃﺧﻄﺎﺀ ﺍﻟﻐﻴﺮ ﻓﻬﻤﻨﻲ ﻋﻼﺵ ﺗﺪﻳﺮ ﻟﻴﺎ ﻫﻜﺬﺍ ﻋﻼﺵ ﺗﺘﻜﺮﻫﻨﻲ ﻭﺗﺤﻘﺪ ﻋﻠﻴﺎ ناض ﻣﺸﺎ ﻭﺧﻼﻧﻲ ﻭﺑﺪﻳﺖ ﻧﻐﻮﺕ : ﺣﺸﻮﻣﺔ ﻋﻠﻴﻚ؟؟ ﻋﻼﺵ ﺗﺘﻌﺬﺑﻨﻲ؟؟ ﻋﻼﺵ؟
ﻣﺸﻴﺖ ﻟﻮﺍﺣﺪ ﺍﻟﻜﺮﺳﻲ ﻭ بديت ﺗﻨﺒﻜﻲ ﺣﺘﻰ ﺩﺍﻧﻲ ﺍﻟﻨﻌﺎﺱ ﻓﻘﺖ ﺍﻟﺼﺒﺎﺡ ﻟﻘﻴﺖ ﺭﺍﺳﻲ ﻓﻨﺎﻣﻮﺳﻴﺘﻲ ﻭﻣﻐﻄﻴﺔ؟؟ اﺳﺘﻐﺮﺑﺖ ﺷﻜﻮﻥ ﺟﺎﺑﻨﻲ؟؟ ﻳﻮﺳﻒ ﻣﻜﺎﻳﻨﺶ ﺣﺲ ﺩﻳﺎﻟﻮ ﻳﻌﻨﻲ ﻣﺒﺎﻳﺘﺶ ﻫﻨﺎ ﺷﻔﺖ ﺍﻟﺴﺎﻋﺔ ﻛﺎﻧﺖ ﻝ 10 ﻧﺎﺭﻱ ﻗﻔﺮﺗﻬﺎ ﺍﻟﻴﻮﻡ ﻧﻬﺎﺭﻱ ﻣﻮﺟﺪﺗﺶ ﻟﻴﻪ ﺍﻟﻔﻄﻮﺭ
ﻏﺴﻠﺖ و ﻟﺒﺴﺖ ﺩﺟﻴﻦ ﻭﺑﻮﺩﻱ ﻭﻫﺒﻄﺖ ﺗﻨﺠﺮﻱ ﻟﻠﻜﻮﺯﻳﻨﺔ لقيتها ﻋﺎﻣﺮﺓ ﺑﺎﻟﺨﺪﺍﻣﺎﺕ ﻟﻌﺠﺐ ﺷﻨﻮ ﺗﻴﺪﻳﺮﻭ ﻳﺎﻙ ﺟﺮﺍ ﻋﻠﻴﻬﻢ ﺑﺎﺵ ﻧﺒﻘﻰ ﺍﻧﺎ ﻧﺨﺪﻡ ﺑﻮﺣﺪﻱ؟؟
ﻗﺮﺑﺎﺕ ﻣﻲ ﺯﻫﺮﺓ ﻋﻨﺪﻱ ﻭﻣﻼﻣﺤﻬﺎ ﻣﺒﺸﻮﺭﻳﻦ : ﺑﻨﺘﻲ ﺭﺍﻩ ﺳﻲ ﻳﻮﺳﻒ ﻋﻄﺎ ﺗﻌﻠﻴﻤﺎﺗﻮ ﺑﺎﺵ ﻛﻞ ﺣﺎﺟﺔ ﺗﺮﺟﻊ ﻛﻴﻔﻤﺎ ﻛﺎﻧﺖ ﻳﻌﻨﻲ ﺃﻻﻟﺔ ﺣﻨﺎ ﻏﺎﻧﺘﻜﻠﻔﻮ ﺑﻜﻠﺸﻲ ﻧﺘﻴﺎ ﻏﻴﺮ ﺃﻣﺮﻱ ﻭﺣﻨﺎ ﻧﻔﺪﻭ ﻣﺰﺍﻝ ﻣﻤﺘﻴﻘﺎﺵ ﺷﻨﻮ ﺗﻨﺴﻤﻊ ﺣﺘﻰ ﻗﺎﻟﺖ ﻟﻲ : ﺭﺍﻩ ﺳﻲ ﻳﻮﺳﻒ ﻭﻻﻟﺔ فاطنة ﺗﻴﺘﺴﻨﻮﺍﻙ ﻓﺎﻟﻔﻄﻮﺭ ﻓﺎﻟﺠﺮﺩﺓ ﻣﺎﺷﻴﺔ ﻭﺍﻧﺎ ﻣﻤﺘﻴﻘﺎﺵ ﻫﺬﺍ ﻣﺎﻟﻮ ﺗﻴﺘﺮﻫﻂ ﻣﺮﺓ ﻳﻀﺮﺑﻨﻲ ﻣﺮﺓ ﻳﻬﻴﻨﻲ ﻣﺮﺓ ﻳﻜﻮﻥ ﻣﺰﻳﺎﻥ ﻣﻌﺎﻳﺎ ﺍﻟﻌﺠﺐ
ﻣﺸﻴﺖ ﻋﻨﺪﻫﻢ ﻟﻠﺠﺮﺩﺓ ﻣﺎﻣﺎ ﻭﺟﻬﻬﺎ ﻣﻨﻮﺭ ﻣﻨﻴﻦ ﻭﻻﺕ ﺗﺨﺮﺝ ﻟﺸﻤﻴﺴﺔ ﻭﺣﺘﻰ ﻫﻮ ﻓﺮﺣﺎﻥ ﻭﻣﺒﺘﺎﺳﻢ
ﺃﻧﺎ : ﺻﺒﺎﺡ ﺍﻟﺨﻴﺮ ﻋﻠﻴﻜﻢ ﻭﺑﺴﺖ ﻣﺎما و بدات ﺗﺘﻀﺤﻚ : ﺻﺒﺎﺡ ﺍﻟﻨﻮﺭ ﺑﻨﺘﻲ ﻛﻴﻒ ﺻﺒﺤﺘﻲ؟؟ إﻳﻮﺍ ﻓﻴﻦ ﺑﻮﺳﺔ ﺩيال راﺟﻠﻚ ﻣﺘﺤﺸﻤﻴﺶ ﻣﻨﻲ ﻫﻮ ﺗﻴﺒﺘﺴﻢ ﺑﺤﺎﻝ ﺍﻟﻰ ﻋﺠﺒﻮﺍ ﺍﻟﺤﺎﻝ ﻗﺮﺑﺖ ﻟﻌﻨﺪﻭ و جريتو لعندي...
الحلقة 35
ﻗﺮﺑﺖ ﻟﻌﻨﺪﻭ ﻭ ﺟﺮﻳﺘﻮ ﻟﻌﻨﺪﻱ ﻭﺑﺴﺘﻮ بوسة حلوة و حنينة في خذو
و ﻳﻮﺳﻒ بقى ﻏﻴﺮ ﺗﻴﺸﻮﻑ ﻓﻴﺎ ﻣﻌﺮﻓﺘﺶ ﺩﻭﻙ ﺍﻟﻨﻈﺮﺍﺕ ﺩﻳﺎﻻﺵ ﻧﻈﺮﺍﺕ ﻏﺎﻣﻀﻴﻦ بزاااف فاش ﻓﻄﺮﻧﺎ ﻭﻛﻤﻠﻨﺎ ﺩﻳﻨﺎ ﻣﺎﻣﺎ ﻟﺒﻴﺘﻬﺎ ﻭﻏﻄﻴﺘﻬﺎ ﺗﺮﺗﺎﺡ ﺧﺮﺟﺖ ﻭﺗﺒﻌﻨﻲ
ﻳﻮﺳﻒ ﺑﻨﻔﺲ ﺍﻟﻠﻬﺠﺔ ﻟﻜﻦ ﺍﻟﻨﻈﺮﺓ ﻣﺘﻐﻴﺮﺓ : ﺍﻟﻴﻮﻡ ﺑﺎﻟﻠﻴﻞ ﺟﺎﻱ ﺻﺪﻳﻘﻲ ﻭﻣﺮﺍﺗﻭ ﻋﺎﻳﺸﻴﻦ ﻓﺎﻣﺮﻳﻜﺎ ﻣﻌﺸﻴﻴﻦ ﻭﺑﺎﻳﺘﻴﻦ ﻣﻌﺎﻧﺎ ﻧﺒﻐﻴﻴﻚ تكوني ﻓﺄﺣﺴﻦ ﻣﻈﻬﺮ ﻟﻜﻦ يكون لباسك ﻣﻤﻌﻴﻘﺶ ﺍﻭﻛﻲ ﻭﻣﻨﺒﻐﻴﺶ شي واﺣﺪ ﻳﻌﺮﻑ ﺑﺼﻔﻘﺘﻨﺎ تفاهمنا؟
ﺍﻧﺎ : أوكي صافي تفاهمنا و ﺷﻨﻮ ﺗﺒﻐﻲ ﻧﺪﻳﺮ ﻟﻴﻬﻢ ﻓﺎﻻﻛﻞ؟
ﻫﻮ : ﺭﺍﻩ ﺍﻟﺨﺪﺍﻣﺎﺕ ﻫﻤﺎ ﻟﻲ ﻏﻴﺘﻜﻠﻔﻮ ﻣﻦ ﺍﻻﻥ ﻓﺼﺎﻋﺪﺍ نتي مولات الرأي و الشوار
ﺍﻧﺎ ﺑﺤﻨﺎﻥ : ﺑﻐﻴﺖ ﻧﻄﻠﺐ ﻣﻨﻚ ﻭﺍﺣﺪ ﺍﻟﻄﻠﺐ إلى كان ممكن
ﻳﻮﺳﻒ : وي مرحبا تفضلي ﺷﻨﻭ هو؟؟
ﺍﻧﺎ : ﻣﺎﻣﺎ فاطنة ﺍﻧﺎ ﻟﻲ ﻧﺒﻘﻰ ﻣﻘﺎﺑﻼﻫﺎ.ﻭﺗﻨﺘﻮﺳﻞ ﻟﻴﻪ ﺑﻌﻴﻨﻴﺎ
ﻳﻮﺳﻒ ﺣﺮﻙ ﺭﺍﺳﻮ ﺑﺎﻻﻳﺠﺎﺏ واخا مايكون غي خاطرك ﻭﻣﺸﺎ ﻭﺧﻼﻧﻲ
ﻣﺸﻴﺖ ﻓﺮﺣﺎﻧﺔ ﻟﺒﻴﺘﻲ ﻣﻌﺮﻓﺘﺶ ﻋﻼﺵ ﻳﻮﺳﻒ ﻏﺎﺩﻱ ﻳﻘﺪﻣﻨﻲ ﻟﺼﺤﺎﺑﻭ ﻋﻠﻰ ﺍﻧﻨﻲ ﻣﺮﺍﺗﻮ ﻟﻲ ﺗﻴﺒﻐﻲ ﻓﺮﺣﺖ ﺑﺰﺍﺍﻑ ﺷﻌﻮﺭ ﺍﻟﻜﺮﻩ ﻟﻲ ﻛﺎﻥ ﺍﺗﺠﺎﻫﻮ ﻣﻌﺮﻓﺘﺶ ﻋﻼﺵ ﺫﺍﺏ ﺍﻟﻨﻬﺎﺭ ﻛﺎﻣﻞ ﻭﺍﻧﺎ ﻧﺪﻭﺭ ﺑﺤﺎﻟﺘﻲ ﺩﻭﺷﺖ ﺩﺭﺕ ﻻﺳﻴﻎ ﻗﺎﺩﻳﺖ ﺷﻌﺮﻱ وﻇﻔﺎﺭﻱ ﺍﻟﻤﻬﻢ ﺑﻐﻴﺖ ﻧﻜﻮﻥ ﺩﻳﻚ ﺍﻟﻌﺮﻭﺱ ﺍﻟﻔﺘﺎﻧﺔ ﻟﻲ ﻏﺎﺩﻱ ﻳﺘﺒﺎﻫﻰ ﺑﻴﻬﺎ ﻗﺪﺍﻡ ﺻﺤﺎبو وواحد الهاﺟﺲ ﻣﻦ ﺍﻟﺪﺍﺧﻞ ﺩﻳﺎﻟﻲ ﺗﻴﻘﻮﻟﻲ ﻓﻴﻘﻲ ﺍ ﻳﺎﺳﻤﻴﻦ ﻣﻦ الگلبة ﺑﺎﺭﺍﻛﺔ ﻣﻦ ﺍﻻﺣﻼﻡ ﻭﺍﻻﻭﻫﺎﻡ ﺭﺍﻛﻲ غي ﺻﻔﻘﺔ ﺑﺎﻟﻨﺴﺒﺔ ﻟﻴﻪ ﻭﺍﺵ دغيا ﻭﻟﻴﺘﻲ ﺗﺘﺒﻐﻴﻪ ﻓﻴﻘﻲ ﺍﺑﻨﺘﻲ ﻓﻴﻘﻲ سطوب باراكة
ﻃﺮﺩﺕ ﺍﻱ ﻓﻜﺮﺓ ﻣﻤﻜﻦ ﺗﻨﻐﺺ ﻋﻠﻴﺎ ﻫﺎﺩ ﺍﻻﺣﺴﺎﺱ ﺑﺎﺵ ﺣﺎﺳﺔ ﻭﻛﻤﻠﺖ ﺗﻮﺟﺎﺩ ﺩﻳﺎﻟﻲ ﻗﺮﺏ ﻣﻮﻋﺪ ﺍﺳﺘﻘﺒﺎﻝ ﺍﻟﻀﻴﻮﻑ ﻟﺒﺴﺖ ﻛﺴﻮﺓ ﻓﺎﻟﻜﺤﻞ ﻃﻮﻳﻠﺔ ﻭﻓﻴﻬﺎ ﻓﺘﻴﺤﺔ ﺻﻐﻴﺮﺓ ﻭﻛﺎﻧﺖ ﻣﻨﺤﻮﺗﺔ ﻋﻠﻴﺎ ﻃﻠﻘﺖ ﺷﻌﺮﻱ ﻭﺩﺭﺕ ﻣﻜﻴﺎﺝ ﻏﺎﻣﻖ ومثير ﻭﻧﺰﻟﺖ عند ﻳﻮﺳﻒ غي ﺷﺎفني داخ ﻗﺮﺏ ﻋﻨﺪﻱ ﺑﻼ ﻣﻴﺸﻌﺮ : مممم ﺟﻴﺘﻲ ﺯﻭﻳﻨﺔ ﺑﺰﺍﺍﻑ ﻭﺩﻭﺯ ﻳﺪﻳﻴﻪ ﻋﻠﻰ ﻭﺟﻬﻲ ﺷﻮﻳﺔ ﺗﺪﺍﺭﻙ ﺭﺍﺳﻮﻭ ﻭﺑﻌﺪ ﻋﻠﻴﺎ فجأة ﺳﻤﻌﻨﺎ ﺻﻮﺕ واحد الطوموبيل ﻭﻗﻔﺎﺕ في اﻟﺒﺎﺏ ﻭﺗﻤﺎ كانت ﺍﻟﻤﻔﺎﺟﺄﺓ السارة...
الحلقة 36
ﻓﺠﺄﺓ ﺳﻤﻌﻨﺎ ﺻﻮﺕ ﻭﺍﺣﺪ ﺍﻟﻄﻮﻣﻮﺑﻴﻞ ﻭﻗﻔﺎﺕ ﻓﻲ ﺍﻟﺒﺎﺏ ﻭﺗﻤﺎ ﻛﺎﻧﺖ ﺍﻟﻤﻔﺎﺟﺄﺓ ﺍﻟﺴﺎﺭﺓ بقا معنقني و يبوس فيا لأول ﻣﺮﺓ ﻧﺤﺲ ﺑﺮﺍﺳﻲ ﻋﺮﻭﺳﺔ ﻣﻌﺎﻩ ﻣﻦ ﻗﺒﻞ ﻛﻨﺖ ﻣﺘﻨﺤﻤﻠﻮﺵ ﻳﻘﻴﺴﻨﻲ ﺩﺍﺑﺎ ﻣﻜﺮﻫﺘﻮﺵ ﻣﻴﺤﺒﺴﺶ ﻛﺎﻥ ﺣﻨﻴﻦ ﻣﻌﺎﻳﺎ ﻭﻛﻴﺮﺩﺩ ﻭﻫﻮ ﻓﻜﺎﻣﻞ ﺍﻟﻨﺸﻮﺓ ﺩﻳﺎﻟﻮ كانبغيك أحياتي نتي كلشي بالنسبة ليا واااو ﻣﻴﻤﻜﻨﺶ ﻫﺎﺩ ﺍﻟﻜﻼﻡ ﻳﻜﻮﻥ مزيف ﻭﺗﻤﺘﻴﻞ ﺍﺣﺴﺎﺳﻮ ﻭﻛﻼﻣﻮ ﺻﺎﺩﻕ ﻳﻘﺪﺭ ﻟﻮﺍﺣﺪ ﻳﻤﺜﻞ ﻓﺄﻱ ﺣﺎﺟﺔ ﺍﻻ ﻓﺎﻻﺣﺴﺎﺱ ﻭﺍﻟﺸﻌﻮﺭ و مانكرش ﺣﺘﻰ ﺍﻧﺎ ﻣﺎﺷﻲ وليت غي كانبغيه راه ﻭﻟﻴﺖ ﻣﺘﻴﻤﺔ ﺑﻴﻪ ﻧﺴﻴﺖ ﻛﺎﻉ ﻗﺴﻮتو و ﻧﺴﻴﺖ ﻛﺎﻉ ﺍﻻﻫﺎﻧﺔ ﻭﺍﻟﺬﻝ ﺣﺎﺟﺔ ﻭﺣﺪﺓ ﻟﻲ ﺑﺎﻏﺎ ﻫﻲ ﻧﺒﻘﻰ ﻣﻌﺎﻩ ﺍﻟﻌﻤﺮ ﻛﺎﻣﻞ مشينا استقبلنا الضياف كان صاحبو و مراتو ناس طوب دخلناهم و كرمناهم مزيان بحسن الضيافة بقينا شحال و حنا مجمعين الهضرة معاهم حلوة فاش وصل وقت النعاس كل كوبل مشا لشومبغ ديالو ﻓﻘﺖ ﺍﻟﺼﺒﺎﺡ ﻟﻘﻴﺖ ﺭﺍﺳﻲ ﻧﺎعسة ﻓﻮﻕ ﺻﺪﺭﻭ اﻟﻠﻪ ﻋﻠﻰ ﺍﺣﺴﺎﺱ شحال ﺯﻭﻳﻦ ﺑﺰﺍﺍﻑ ﺗﻔﻴﻖ ﻭتلقى ﺭﺍﺳﻚ ﻓﺤﻀﻦ ﺣﺒﻴﺒﻚ ﺣﺘﻰ ﻫﻮ ﻛﺎﻥ ﻣﺰﻳﺮ ﻋﻠﻴﺎ ﺑﺤﺎﻝ ﺍﻟﻰ ﺧﺎﻳﻔﻨﻲ ﻧﻬﺮﺏ ههه
تسليت ﻣﻨﻮ ﺑﺸﻮﻳﺔ ﻟﻮﻳﺖ ﻋﻠﻴﺎ ﻟﻴﺰﺍﺭ ﻭﺩﺧﻠﺖ ﻟﻠﺪﻭﺵ ﺩﻭﺷﺖ ﻭﺍنا كانتحسس في جسمي و ﻛﻞ ﺑﻼﺻﺔ ﻣﺴﻨﻲ ﻓﻴﻬﺎ وﻛﻞ ﺑﻼﺻﺔ ﺑﺎﺳﻬﺎ ﺧﺮﺟﺖ ﻟﻘﻴﺘﻭ ﻓﺎﻕ ﻭﻭﺍﻗﻒ ﺑﺎﺵ ﻳﺪﺧﻞ ﻳﺪﻭﺵ
ﺃﻧﺎ : ﺻﺒﺎﺡ ﺍﻟﺨﻴﺮ
ﻳﻮﺳﻒ ﺑﻼ ﻣﻴﺸﻮﻑ ﻓﻴﺎ : ﺻﺒﺎﺡ ﺍﻟﺨﻴﺮ يلاه ﻭﺟﺪﻱ ﺭﺍﺳﻚ ﻧﺸﻮﻓﻮ ﺍﻟﻀﻴﺎﻑ ﻧﺒﺮﺓ ﺩﻳﺎﻟﻮ ﻣﺰﺍﻝ ﻗﺎﺳﻴﺔ ﻣﺰﺍﻝ ﺷﻲ ﺣﺎﺟﺔ ﻫﺎﺯﻫﺎ ﻣﻦ ﺟﻴﻬﺘﻲ و ﻣﺨﻠﻴﺎﻩ ﻣﻴﻜﻮﻧﺶ ﺻﺎﻓﻲ ﻣﻌﺎﻳﺎ ﻧﺸﻔﺖ ﺷﻌﺮﻱ ﻭﻟﺒﺴﺖ ﻛﻴﻄﻤﺔ ﻑ ﺍﻟﻤﺎﺭﻭﻭ ﻭﻫﺰﻳﺖ ﺷﻌﺮﻱ ﺫﻳﻞ ﺣﺼﺎﻥ ﻟﺒﺴﺖ ﺑﺎﻟﻐﻴﻦ ﻭﻧﺰﻟﺖ ﻣﺸﻴﺖ ﻧﻴﺸﺎﻥ ﻋﻨﺪ ﻣﺎﻣﺎ فاطنة ﻫﻲ ﺍﻻﻭﻟﻰ ﺑﺴﺘﻬﺎ و ﺑﺪﻟﺖ ﻟﻴﻬﺎ ﻓﻄﺮﺗﻬﺎ و غطيتها ﻭﻣﺸﻴﺖ ﺑﺎﺵ ﻧﺸﻮﻑ ﺿﻴﺎﻓﻲ ﻭﺍﺵ ﻓﺎﻗﻮ ﺩﺭﺕ ﻟﻘﻴﺘﻭ ﺗﻴﺸﻮﻑ ﻓﻴﺎ ﺑﻮﺍﺣﺪ ﺍﻟﻨﻈﺮﺓ ﺩﻳﺎﻝ ﺍﻻﻋﺠﺎﺏ ﺑﺎﺱ ﻣﺎﻣﺎﻩ و ﺩﺍﺭ ﻳﺪﻳﻪ ﻋﻠﻰ ﻛﺘﺎﻓﻲ : يلاه ﻧﺸﻮﻓﻮ ﺍﻟﻀﻴﺎﻑ
ﻫﺒﻄﻨﺎ ﻟﻘﻴﻨﺎﻫﻢ ﻓﺎﻗﻮ ﺗﻴﺘﺴﺎﺭﻭ ﻓﺎﻟﺠﺮﺩﺓ ﻋﺮﺽ ﻋﻠﻴﻬﻢ ﻳﻮﺳﻒ ﻳﺮﻛﺒﻮ على ﺍﻟﺨﻴﻞ
ﻣﺸﻴﻨﺎ ﻟﻼﺳﻄﺒﻞ ﻭﺍﻭ الخيول ﺷﺤﺎﻝ ﻏﺰﺍﻟﻴﻦ ﻭﺍﻧﺎ ﺗﻨﺤﻤﺎﻕ ﻋﻠﻰ ﺍﻟﺨﻴﻞ ﺑﻘﻴﺖ ﻣﺒﺘﺎﺳﻤﺔ ﻛﻴﻒ ﺷﻲ ﺑﻨﻮﺗﺔ ﺻﻐﻴﺮﺓ ﻭﻫﻮ ﺣﺎﺿﻴﻨﻲ ﻋﺎﺩﻝ صاحبو ﺍﻗﺘﺮﺡ ﺑﺎﺵ ﻛﻞ ﻛﻮﺑﻞ ﻳﺮﻛﺒﻮ ﺑﺰﻭﺝ ﻭﻧﺘﺴﺎﺑﻘﻮ ﻫﻜﺪﺍﻙ ﺩﺭﻧﺎ ﺭﻛﺒﺖ ﻭﺭﺍ يوسف ﻭﻋﻨﻘﺘﻮ ﻣﻦ ﺍﻟﻠﻮﺭ ﻭﻃﺎﺭ ﺑﻴﺎ ﻛﻨﺖ ﺣﺎﺳﺔ ﺍﻧﻨﻲ ﺑﺤﺎﻝ ﺷﻲ ﺑﻄﻠﺔ ﺩﻳﺎﻝ ﺍﻟﺮﻭاﻳﺎﺕ و القصص ﺍﻟﻐﺮﺍﻣﻴﺔ...
الحلقة 37
ﺭﻛﺒﺖ ﻭﺭﺍ ﻳﻮﺳﻒ ﻭﻋﻨﻘﺘﻮ ﻣﻦ ﺍﻟﻠﻮﺭ ﻭﻃﺎﺭ ﺑﻴﺎ ﻛﻨﺖ ﺣﺎﺳﺔ ﺍﻧﻨﻲ ﺑﺤﺎﻝ ﺷﻲ ﺑﻄﻠﺔ ﺩﻳﺎﻝ ﺍﻟﺮﻭﺍﻳﺎﺕ ﻭ ﺍﻟﻘﺼﺺ ﺍﻟﻐﺮﺍﻣﻴﺔ و لأﻭﻝ ﻣﺮﺓ ﻧﺮﻛﺐ ﻓﻴﻬﺎ ﺍﻟﻌﻮﺩ ﻭﻃﺒﻴﻌﻲ ﺍﻟﻮﺍﺣﺪ ﺗﻴﺨﺎﻑ لكن ﻣﻌﺎﻩ ﻣﺸﻌﺮﺗﺶ ﺑﺎﻟﺨﻮﻑ ﻭﺍﺧﺎ ﻛﺎﻥ ﻛﻴﺨﻠﻌﻨﻲ ﻗﺒﻞ ﻭﻳﺨﻮفني ﺩﺍﺑﺎ ﻭﻻ ﻣﺼﺪﺭ ﺃﻣﺎﻥ ﻭ ﺣﻨﺎﻥ ﺑﺎﻟﻨﺴﺒﺔ ﻟﻴﺎ ﺳﺒﻘﻨﺎﻫﻢ ﻭﺑﻘﺎﺕ ﺳﺎﺭﺓ ﺗﻐﻮﺕ : ﻻ ﻏﺸﻴﺘﻮﻧﺎ ﻋﻄﻴﺘﻮﻧﺎ ﻋﻮﺩ ﺿﻌﻴﻒ ﺑﻘﻴﻨﺎ ﻧﻀﺤﻜﻮ حتى شبعنا ضحك
ﻣﺸﻴﺖ ﺍﻧﺎ ﺗﻨﺘﺴﺎﺭﻯ ﻓﺎﻻﺳﻄﺒﻞ ﻭﺍﻭ ﺃﺭﻭﻉ ﻣﺎ ﺷﺎﻓﺖ ﻋﻴﻨﻲ ﺃﺟﻮﺩ ﺍﻻﺣﺼﻨﺔ ﺍﻟﻌﺮﺑﻴﺔ ﺍﻻﺻﻴﻠﺔ ﺳﺒﺤﺎﻥ ﻣﻦ ﺧﻠﻘﻬﻢ ﺟﻤﺎﻝ ﻭﺃﺻﺎﻟﺔ ﻫﺎﺩﻭ ﺭﺍﻩ يسواو ثرﻭﺓ ﻣﺸﻴﺖ ﻟﻮﺍﺣﺪ ﺍﻟﻔﺮﺱ ﻋﺎﺩ ﺯﺍﻳﺪﺓ ﻓﺎﻟﻜﺤﻞ ﻭﻓﻴﻬﺎ ﻃﺒﻌﺎﺕ ﻓﺎﻻﺑﻴﺾ بحال شي ﻟﻮﺣﺔ ﻓﻨﻴﺔ ﻣﺮﺳﻮﻣﺔ ﻗﺮﺑﺖ ﻟﻌﻨﺪﻫﺎ ﻫﺰﻳﺘﻬﺎ ﻭﺑﺴﺘﻬﺎ ﻭﻏﻤﻀﺖ ﻋﻴﻨﻲ ﻣﻌﺮﻓﺘﺶ ﻻﺵ ﺣﺴﻴﺖ ﺑﺮﺍﺳﻲ ﺑﺤﺎﻟﻬﺎ ﺿﻌﻴﻔﺔ ﻭﺑﺎﻏﺎ ﻟﻲ يعتني بيها ﺩﺭﺕ ﻟﻘﻴﺖ ﻳﻮﺳﻒ ﺣﺎضينا قالي واش عجباتك قلتلو ﺁﻩ ﺑﺰﺍﺍﺍﻑ
ﻳﻮﺳﻒ : ﺍﻳﻮﺍ ﺻﺎﻓﻲ ﺭﺍﻩ ﺩﻳﺎﻟﻚ
ﺧﺮﺟﺖ ﻋﻴﻨﻴﺎ و انا ﻣﺼﺪﻭﻣﺔ : واش بصح ﺩﻳﺎﻟﻲ؟
ﻳﻮﺳﻒ ﺿﺤﻚ : ﺍﻩ ﻭﺳﻤﻴﺘﻬﺎ ﻳﺎﺳﻤﻴﻦ ﻭﺍﻭ ﻋﻠﻰ ﺿﺤﻜﺔ ﻋﻨﺪﻭ ﺷﺤﺎﻝ ﻣﺘﻴﺮﺓ ﻣﺤﺴﻴﺘﺶ ﺑﺮﺍﺳﻲ ﺣﺘﻰ ﻋﻨﻘﺘﻮ : ﺷﻜﺮﺍ ﺷﻜﺮﺍ بزاااف
ﺟﺎت ﺳﺎﺭﺓ ﻭﺭﺍﺟﻠﻬﺎ ﺷﺎﻓﻮﻧﺎ ﻭﺗﻴﻀﺤﻜﻮ
ﻣﺸﻴﻨﺎ ﺗﻐﺪﻳﻨﺎ ﺩﺭﻧﺎ ﺣﻔﻞ ﺷﻮﺍﺀ ﻛﻠﻴﻨﺎ ﺣﺘﻰ ﺷﺒﻌﻨﺎ ﻭﺿﺤﻜﻨﺎ ﻭﻟﻌﺒﻨﺎ ﻭﺃﺧﻴﺮﺍ ﺟﺎﺕ ﺍﻟﻮقيتة ﺩﻳﺎﻝ ﺍﻟﻮﺩﺍﻉ ودعناهم و مشاو بحالهم كانت ديك اللحظة مؤثرة بزاااف
و من بعد ﻣﺸﻴﻨﺎ ﺑﺰﻭﺝ ﻋﻨﺪ ﻣﺎﻣﺎ فاطنة ﻟﻲ ﺗﺸﻐﻠﻨﺎ ﻋﻠﻴﻬﺎ ﻫﺎﺩ ﺍﻟﻨﻬﺎﺭ ﻓﺮﺣﺎﺕ ﺑﻴﻨﺎ ﺑﻘﻴﻨﺎ مجمعين و مقشبين و ضاحكين ﺣﺘﻰ ﻭﺻﻞ ﺍﻟﻠﻴﻞ ﺗﻌﺸﻴﻨﺎ ﻣﺠﻤﻮﻋﻴﻦ ﻭﻣﺸﻴﻨﺎ ﻟﺒﻴﺘﻨﺎ ﻭﺣﻨﺎ ﻛﻠﻨﺎ ﻟﻬﻔﺔ ﻟﺒﻌﻀﻴﺎﺗﻨﺎ واخا ﻛﻼﻣﻨﺎ ﻗﻠﻴﻞ ﺑﺰﺍﻑ ﻓﺎﺵ ﺗﻨﻜﻮﻧﻮ ﺑﺰﻭﺝ مي ﻳﻮﺳﻒ ﺗﻴﻬﺮﺏ ﻣﻨﻲ ﻭﻣﻦ ﻧﻈﺮﺍﺗﻲ ﻟﻜﻦ ﻓﺒﻴﺘﻨﺎ كانساو ﻛﺎﻉ ﺍﻟﻬﻀﺮﺓ ﻭﺗﻨﺨﻠﻴﻮ ﺍﻻﺣﺎﺳﻴﺲ ﻭﺍﻻﺟﺴﺎﺩ ﺗﺘﻜﻠﻢ
ﺩﺍﺯ ﺷﻬﺮ ﻭﺣﻨﺎ ﺍﻳﺎﻣﻨﺎ غادا مزيان أكثرية كاندوز الوقت يا إما ﻣﻊ ﻣﺎﻣﺎ فاطنة ﺍﻭ ﻣﻊ ﻳﺎﺳﻤﻴﻦ ﺍﻟﻔﺮﺱ ﺩﻳﺎﻟﻲ ﻭﻓﺎﻟﻠﻴﻞ ﻣﻊ ﻳﻮﺳﻒ ﻣﺰﺍﻝ ﻗﻠﺒﻮ ﻫﺎﺯ ثقل من جيهتي ﺣﺘﻰ ﻫﻮ ﻛﺎﻥ ﻛﻴﻬﺮﺏ ﻣﻦ ﻫﺪﺍﻙ ﺍﻟﺜﻘﻞ ﻓﺎﺵ ﺗﻴﻜﻮﻥ ﻣﻌﺎﻳﺎ ﺍﻟﻤﻬﻢ بقات ﺃﻳﺎﻣﻨﺎ غادا ﻋﺎﺩﻳﺔ ﺿﺎﺣﻜﻴﻦ و ﻧﺎﺷﻄﻴﻦ ﻭﻣﺮﺓ ﻣﺮﺓ نتاصل بماما و بابا و هند و ﻋﺎﺋﻠﺘﻲ و اصدقائي نحكي معاهم كلشي كان غادي مزيان ﺣﺘﻰ لواحد النهار و نهار كحل لي كانعتابرو أكفس ﻧﻬﺎﺭ في حياتي كنت...
الحلقة 38
ﺣﺘﻰ ﻟﻮﺍﺣﺪ ﺍﻟﻨﻬﺎﺭ ﻭ ﻧﻬﺎﺭ ﻛﺤﻞ ﻟﻲ ﻛﺎﻧﻌﺘﺎﺑﺮﻭ ﺃﻛﻔﺲ ﻧﻬﺎﺭ ﻓﻲ ﺣﻴﺎﺗﻲ ﻛﻨﺖ عند ﻣﺎﻣﺎ فاطنة مقابلاها حيث ﻛﺎﻧﺖ ﻋﻴﺎﻧﺔ واحد ﺷﻮﻳﺔ حتى ﺗﺨﻨﻘﺎﺕ ﻭﺑﺪﺍﻭ ﻛﺸﺎﻛﺸﻬﺎ ﺧﺎﺭﺟﻴﻦ ﻣﺒﻘﺎﺗﺶ ﻗﺎﺩﺭﺓ ﺗﺘﻨﻔﺲ ﺍﻧﺎ ﺗﺨﻠﻌﺖ ﻭﺑﺪﻳﺖ ﻧﺠﺮﻱ ﻭﻧﻐﻮﺕ ﻭﻛﻠﻲ ﺗﻨﺘﺮﻋﺪ ﻣﻌﺮﻓﺘﺶ ﺷﻨﻮ ﻧﺪﻳﺮ ﺑﺎﺵ ﻧﻌﺘﻘﻬﺎ ﺧﺮﺟﺖ ﺑﺮا كانبكي و كانعيط على يوﺳﻒ و ﻋﺘﻘﻮﻧﻲ أعباد الله تم جاي ﻳﻮﺳﻒ ﺗﻴﺠﺮﻱ ﺣﻔﻴﺎﻥ : مالكي ﺷﻨﻮ ﻭﺍﻗﻊ ليك؟ ﺍﻧﺎ : ﻣﺎﻣﺎ ﻣﺎﻣﺎ راه تخنقات
ﻳﻮﺳﻒ : كيفاش شناو ﻭﻣﺸﺎ ﺗﻴﺠﺮﻱ ﻋﻨﺪ ﻣﺎﻣﺎﻩ ﻟﻘﺎﻫﺎ ﻓﺪﻳﻚ ﺍﻟﺤﺎﻟﺔ ﻭﺑﺪﺍ ﻳﻐﻮﺕ : ﻣﻲ و مي ﻣﺎﻟﻜﻲ ﻭﺗﻴﺒﻜﻲ ﺑﺤﺎﻝ ﺍﻟﺪﺭﻱ ﺍﻟﺼﻐﻴﺮ ﻋﻴﻂ ﺑﺴﺮﻋﺔ ﻟﺼﺪﻳﻘﻮ الدكتور دغيا ﺟﺎﺕ سيارة ﺍﻻﺳﻌﺎﻑ ﻭﻣﻌﺎﻫﺎ ﻃﺎﻗﻢ ﻛﺎﻣﻞ ﺩﻳﺎﻝ ﺍﻻﻃﺒﺎﺀ ﻭﺍﻟﻤﻤﺮﺿﻴﻦ فديك ﺍﻟﻠﺤﻈﺔ ﻭﻫﻮﻣﺎ ﻣﺨﺮﺟﻴﻨﻬﺎ ﺟﺎت ﻗﺪﺍﻣﻲ ذكرايات ﺑﺎﺑﺎ ﺗﻔﻜﺮتو ﻭﺑﻘﺎﺕ ﻓﻴﺎ ﻣﺴﻜﻴﻨﺔ ﺑﻘﻴﺖ كاﻧﺒﻜﻲ
فاش داوها ﻗﺮﺏ ﻟﻌﻨﺪﻱ ﺷﺪﻧﻲ ﺑﺠﻬﺪ ﻭﺗﻴﺪﻓﻌﻨﻲ ﻓﺼﺪﺭﻱ ﺑﻜﻞ ﻗﻮﺓ ﻭﺑﻼ ﺷﻔﻘﺔ : ﺷﻨﻮ ﺩﺭﺗﻲ ﻟﻴﻬﺎ ﺁﺵ ﻭﻗﻊ؟ ﺑﻐﻴﺘﻲ ﺗﻘﺘﻠﻴﻬﺎ ﻣﻜﻔﺎﻛﺶ ﻋﺎﺋﻠﺘﻚ ﺷﻨﻮ ﺩﺍﺭﻭ ﻓﻴﻬﺎ ﻋﺬﺑﻮﻫﺎ ﻭﺣﺮﻗﻮﻫﺎ بسبابهم ﺟﺎﺗﻬﺎ ﺍﻟﻀﻴﻘﺔ ﻓﺎﺵ ﺑﻴﺘﻮﻫﺎ ﻣﻠﻴﻮﺣﺔ ﻋﺮﻳﺎﻧﺔ ﻓﺎﻟﺸﺘﺎ ﻭﺍﻟﺒﺮﺩ ﻣﺮﺣﻤﻮﻫﺎﺵ ﻭﺍﺵ ﻣﻲ ﺑﺎﻳﻨﺔ ﻓﻴﻬﺎ ﻋﻨﺪﻫﺎ 54 ﺳﻨﺔ ﺑﺴﺒﺎبهم شرفاﺕ ﻗﺒﻞ ﺍﻟﻮﻗﺖ ﺧﺮﺟﺘﻮ ﻋﻠﻴﺎ ﻭﻋﻠﻴﻬﺎ و ﻋﻠﻰ ﺣﻴﺎﺗﻨﺎ ﻭﺻﺤﺘﻨﺎ ﻭﻫﻮ ﺗﻴﻐﻮﺕ ﺑﺠﻬﺪ يلاه ﺟﻴﺖ ﻧﻬﻀﺮ ﻭهو يبدا ﺗﻴﻀﺮﺏ و يصرفق ﻓﻴﺎ ﺑﻜﻞ ﻗﻮﺓ ﻭﻋﻨﻒ ﻭﻫﻤﺠﻴﺔ ﺧﻼﻧﻲ ﻏﺎﺭﻗﺔ ﻓﺪﻣﻮﻋﻲ ﻭﺟﺮﺍﺡ ﻗﻠﺒﻲ ﻭﻣﺸﺎ ﺗﺒﻊ ﻣﺎﻣﺎﻩ ﻟﻠﻤﺴﺘﺸﻔﻰ ﻣﺸﻴﺖ ﻟﺒﻴﺘﻲ داويت ﺟﺮﻭﺣﻲ ﻭﺑﺪﻳﺖ ﻧﻔﻜﺮ ﻓﻜﻼﻣﻮ ﺷﻜﻮﻥ ﻟﻲ ﺩﺍﺭ ﻓﻤﺎﻣﺎﻩ ﺩﺍﻛﺸﻲ؟ ﻭﺍﺵ ﺑﺎﺑﺎ؟ ﻻ ﻣﻨﻀﻨﺶ ﺑﺎﺑﺎ ﻋﻤﺮﻭ ﺃﺫﻯ شي ﻭﺍﺣﺪ ﻭﻻ ظلمو ﻗﺮﺭﺕ ﻧﻮﺍﺟﻬﻮ و ﻣﻨﺒﻘﺎﺵ ﺍﻧﺎ ﻫﻲ ﻟﻲ ﺗﻴﺒﺮﺩ ﻓﻴﻬﺎ ﺟﻨﻮﻧﻮ ﻟﺒﺴﺖ ﻭﻣﺸﻴﺖ ﻋﻨﺪ ﺍﻟﺸﻴﻔﻮﺭ ﻃﻠﺒﺘﻮ ﻳﺪﻳﻨﻲ ﻟﻠﻤﺴﺘﺸﻔﻰ فاش ﻭﺻﻠﺖ ﻟﻠﻤﺴﺘﺸﻔﻰ ﺩﺧﻠﺖ ﺗﻨﺠﺮﻱ ﻭﺗﻨﻘﻠﺐ ﺑﺎﻥ ﻟﻴﺎ ﻳﻮﺳﻒ ﻭﺍﻗﻒ ﺗﻴﺒﻜﻲ ﻭﺗﻴﺘﺤﺮﻕ ﻗﺮﺑﺖ ﺣﺪﺍﻩ ﺷﺎﻓﻨﻲ ﺧﺮﺝ ﻓﻴﺎ ﻋﻴﻨﻴﻪ ﺑﺪﺍ ﻳﻐﻮﺕ ﻭﻫﻮ ﻳﺨﺮﺝ ﺍﻟﻄﺒﻴﺐ ﻣﺸﺎ ﺗﻴﺠﺮﻱ ﻣﺨﻠﻮﻉ ﻟﻌﻨﺪﻭ : ﺩﻛﺘﻮﺭ ﻛﻴﻒ ﺑﻘﺎﺕ؟
ﺍﻟﻄﺒﻴﺐ ﻣﺒﺘﺎﺳﻢ : ﺍﻟﺤﻤﺪ ﻟﻠﻪ ﺟﺎﺗﻬﺎ ﺍﻻﺯﻣﺔ ﻛﻴﻒ ﺍﻟﻌﺎﺩﺓ ﻟﻜﻦ ﺍﻟﺤﻤﺪ ﻟﻠﻪ ﺗﺠﺎﻭﺯﺍﺗﻬﺎ ﺗﻘﺪﺭﻭ ﺗﺪﺧﻠﻮ ﻋﻨﺪﻫﺎ ﺳﺒﻘﺘﻮ ﺗﻨﺠﺮﻱ ﻋﻨﺪﻫﺎ ﻋﻨﻘﺘﻬﺎ ﻭﺑﻘﻴﺖ ﻧﺒﻜﻲ ﻓﺤﻀﻨﻬﺎ ﺑﻜﻞ ﻗﻮﺓ ﻭﻛﻠﻲ ﺗﻨﺘﺮﻋﺪ ﻫﺰﺍﺕ ﻟﻴﺎ ﺭﺍﺳﻲ : ﺑﻨﺘﻲ ﺍﻟﺤﺒﻴﺒﺔ ﻣﺘﺨﻠﻌﻴﺶ ﺭﺍﻧﻲ ﻟﺒﺎﺱ ﺩﺍﺑﺎ
ﻳﻮﺳﻒ ﺗﻴﺒﻜﻲ : ﻣﻲ ﺭﺍﻛﻲ ﺧﻠﻌﺘﻴﻨﺎ ﺍﻧﺎ ﻭﻳﺎﺳﻤﻴﻦ ﻋﻠﻴﻚ ﻭﺣﻂ ﻳﺪﻳﻪ ﻋﻠﻰ ﺷﻌﺮﻱ
ﺍﻧﺎ ﻧﺘﺮﺗﻬﺎ ﻟﻴﻪ ﺑﺰﺭﺑﺔ ﻣﻮ ﺷﺎﻓﺖ ﺩﺍﻙ ﺍﻟﺪﻳﻜﻮﺭ : ﻳﺎﺳﻤﻴﻦ ﺷﻨﻮ ﺩﻳﻚ ﺍﻟﺰﺭﻭﻗﻴﺔ ﻟﻲ ﻓﻮﺟﻬﻚ؟ ﺷﻜﻮﻥ ﺩﺍﺭ ﻓﻴﻚ ﻫﺎﺩﺷﻲ؟ ﻭﺷﺎﻓﺖ ﻓﻴﻮﺳﻒ
ﺍﻧﺎ : ﺭﺍﻩ ﻏﻴﺮ ﻛﻨﺖ ﺗﻨﺠﺮﻱ ﻣﺨﻠﻮﻋﺔ ﻭﻃﺤﺖ ﻓﺎﻟﺪﺭﻭﺝ وﺷﺎﻓﺖ ﻓﻴﻮﺳﻒ ﺑﺘﻮﺑﻴﺦ : ﻭﻟﺪﻱ ﻭﺍﺵ ﺍﻧﺖ ﻟﻲ ﺩﺭﺗﻲ ﻟﻴﻬﺎ ﻫﺎﺩﺷﻲ؟ ﻫﻮ ﺣﺪﺭ ﺭﺍﺳﻭ ﻭﺣﺲ ﺑﺎﻟﺬﻧﺐ ﻭﺗﺄﻧﻴﺐ ﺍﻟﻀﻤﻴﺮ ﺧﺮﺟﺖ ﺑﺮا ﺑﺎﺵ ﻧﺨﺒﻲ ﺩﻣﻮﻋﻲ عليهم ﺗﺒﻌﻨﻲ شدني ﻭﺑﻐﺎ ﻳﻬﻀﺮ ﻣﻌﺎﻳﺎ ﺩﻓﻌﺘﻮ ﻭﺑﺪﻳﺖ ﻧﻐﻮﺕ : ﺑﻌﺪ ﻣﻨﻲ ﻃﻠﻖ ﻣﻨﻲ ﺻﺎﻓﻲ ﻣﺎﺑﻘﺎ ﻟﻲ ﻣﻌﺎﻙ ﻻ ﻛﻼﻡ ﻻ ﻭﺍﻟﻮ ﻣﻦ ﺩﺍﺑﺎ ﻫﺪﻳﻚ ﺍﻟﺼﻔﻘﺔ ﺑﻴﻨﺎﺗﻨﺎ ﺳﺎﻻﺕ ﻏﺎﺩا ﻧﺨﺮﺝ ﻣﻦ ﻫﻨﺎ ﻧﻤﺸﻲ ﻟﺪﺍﺭﻧﺎ ﻧﻴﺸﺎﻥ وﺑﻐﻴﺖ ﻃﻼﻗﻲ ﻳﻮﺻﻠﻨﻲ ﻭﺧﻮﺩ ﻓﻠﻮﺳﻚ ﺧﻮﺩ ﺣﻴﺎﺓ ﺑﺎﺑﺎ ﺧﻮﺩ ﻛﻠﺸﻲ مي ﺻﺎﻓﻲ ﺍﻧﺎ ﻋﻤﺮﻱ ﻧﻜﻮﻥ ﻟﻴﻚ ﺩﻟﻠﺘﻴﻨﻲ ﺑﻤﺎ ﻓﻴﻪ ﺍﻟﻜﻔﺎﻳﺔ ﻋﻤﺮﻱ ﺁﺫﻳﺘﻚ و ﺩﺭﺕ ﻟﻴﻚ ﺃﻱ ﺣﺎﺟﺔ ﻃﻠﺒﺘﻴﻬﺎ ﻭﻣﺎﻣﺎ ﻣﺪﺭﺕ ﻟﻴﻬﺎ ﻭﺍﻟﻮﻭ أﻧﺎ ﺗﻨﺒﻐﻴﻬﺎ ﺑﺤﺎﻟﻚ ﺃﻭ ﻛﺜﺮ ﻣﻨﻚ ﺑﻐﺎ ﻳﻌﻨﻘﻨﻲ ﻭﺍﻧﺎ ندﻓﻌﻮ : ﺑﻌﺪ ﻣﻨﻲ ﺷﻮﻳﺔ ﺣﺴﻴﺖ ﺑﺎﻟﺪﻭﺧﺔ و ﺑﺎﻟﺴﺨﻔﺔ ﻣﺤﺴﻴﺘﺶ ﺑﺮﺍﺳﻲ ﺣﺘﻰ ﻟﻘﻴﺖ ﺭﺍﺳﻲ ﻓﺒﻴﺖ ﺁﺧﺮ ﻭﺍﻟﻄﺒﻴﺐ ﺗﻴﻔﺤﺼﻨﻲ ﻭﻳﻮﺳﻒ ﻭﺍﻗﻒ ﻣﺨﻠﻮﻉ ﻋﻠﻴﺎ ﺍﻟﻄﺒﻴﺐ ﺩﺍﺭ ﻋﻨﺪ ﻳﻮﺳﻒ : ﺳﻲ ﻳﻮﺳﻒ ﻣﺪﺍﻡ ﻳﺎﺳﻤﻴﻦ ﻣﺒﺮﻭﻙ ﻋﻠﻴﻜﻢ ﺭﺍﻩ ﻭﺍﺣﺪ ﺍﻟﺒﻴﺒﻲ ﺟﺎﻱ ﻓﺎﻟﻄﺮﻳﻖ ﻫﻮ ﻟﻲ ﺩﺍﺭ ﻟﻤﺎﻣﺎﻩ ﺍﻟﺪﻭﺧﺔ داكشي علاش ﺳﺨﻔﺎﺕ ﻭﺍﺑﺘﺴﻢ ﻫﻮ ﻋﻨﺪ ﺑﺎﻟﻮ ﻓﺮﺣﻨﺎ مي ﺻﺪﻣﻨﺎ ﺻﺪﻣﺔ ﺩﻳﺎﻝ ﺍﻟﻌﻤﺮ ﺑﻘﻴﺖ ﻣﺼﺪﻭمة جا اﻟﻄﺒﻴﺐ قرب ﻣﻦ ﻳﻮﺳﻒ ﻟﻲ كان ﻣﺼﺪﻭﻡ و قاليه...
الحلقة 39
ﺟﺎ ﺍﻟﻄﺒﻴﺐ ﻗﺮﺏ ﻣﻦ ﻳﻮﺳﻒ ﻟﻲ ﻛﺎﻥ ﻣﺼﺪﻭﻡ ﻭ ﻗﺎﻟﻴﻪ ﺳﻲ ﻳﻮﺳﻒ ﺗﻬﻼ في وﻟﻲ ﺍﻟﻌﻬﺪ ﻭ ماماه و اعتاني بيهم مزيان ﺑﻘﻴﻨﺎ ﻣﺼﺪﻭﻣﻴﻦ ﻛﻞ ﻭﺍﺣﺪ فينا بدا ﺗﻴﺸﻮﻑ ﻓﺎﻟﺤﻴﻂ ﻛﻴﻔﺎﺵ ﺣﺎﻣﻠﺔ؟ لا ﻣﻴﻤﻜﻨﺶ ﻋﻼﺵ ﺃﺭﺑﻲ ﻋﻼﺵ؟ ﻋﻼﺵ ﺯﺩﺗﻲ ﺭﺑﻄﺘﻴﻨﻲ ﺑﻴﻪ؟ ﻗﺮﺏ ﻟﻌﻨﺪﻱ ﻭﺑﻐﺎ ﻳﺘﻜﻠﻢ مي ﻫﺒﻄﻮ ﻏﻴﺮ ﺩﻣﻭﻉ ﻋﻴﻨﻴﻪ ﺣﺎﺟﺔ ﻟﻲ ﻗﻠﺖ ﻟﻴﻪ : ﺑﻐﻴﺖ ﻧﻤﺸﻲ ﺑﺤﺎﻟﻲ؟؟ عفاك ﻳﻮﺳﻒ ﺣﻂ ﻳﺪﻳﻪ ﻋﻠﻰ ﻛﺮﺷﻲ ﺑﻜﻞ ﺣﻨﺎﻥ : ﻣﻌﻨﺪﻙ ﻓﻴﻦ ﺗﻤﺸﻲ؟ ﺍﻧﺘﻲ ﻫﺎﺯﺓ ﻗﻄﻌﺔ ﻣﻦ ﺭﻭﺣﻲ ﻫﻨﺎ ﻋﻠﻰ ﻭﺩﻭ ﻏﺎﻧﻨﺴﻰ ﻛﺎﻉ ﺍﻟﻘﺴﻮﺓ ﻭﺍﻻﻟﻢ ﻟﻲ ﺷﻔﺖ ﻓﺤﻴﺎﺗﻲ ﻋﻠﻰ ﻭﺩﻭ ﻏﻨﻘﺘﻞ ﺍﻟﺸﺮ لي ﻓﻴﺎ ﻭﻧﻨﺴﻰ أشداز ﻋﻠﻴﺎ ﺍﻧﺎ ﻭﻣﻲ و ﻧﻨﺴﻰ ﺟﺪﻱ ﺷﻨﻮ ﺩﻭﺯ ﻋﻠﻴﻨﺎ ﺟﺪﻱ ﻟﻲ ﻫﻮ ﺟﺪﻙ ﺑﻘﺎ ﻳﺒﻜﻲ ﺑﺤﺎﻝ ﺷﻲ ﻃﻔﻞ ﺻﻐﻴﺮ ﻭﺧﺮﺝ ﻭﺧﻼﻧﻲ ﺑﻘﻴﺖ ﻣﺼﺪﻭﻣﺔ ﺟﺪﻱ ﺟﺪو؟ ﻛﻴﻔﺎﺵ ﺟﺪﻱ ﺟﺪﻭ؟ ﻳﻌﻨﻲ ﻫﻮ ﻭﻟﺪ ﻋﻤﻲ؟ ﺑﻘﻴﺖ ﺣﺎﻳﺮﺓ ﻭﺭﺍﺳﻲ ﻏﺎﻳﻨﻔﺎﺟﺮ ﺣﺘﻰ ﺩﺧﻼﺕ ﻋﻠﻴﺎ ﻣﺎﻣﺎ فاطنة كانت ﺩﺍﻓﻌﺎﻫﺎ ﺍﻟﻤﻤﺮﺿﺔ : ﺑﻨﺘﻲ ﻳﺎﺳﻤﻴﻦ ﻳﻮﺳﻒ ﻋﺎﻭﺩ ﻟﻴﺎ ﻋﻠﻰ ﻛﻠﺸﻲ ﺍﺧﺮ ﺣﺎﺟﺔ ﻛﻨﺖ ﻣﺘﻮﻗﻌﺎﻫﺎ ﺍﻧﻜﻲ ﺗﻜﻮﻧﻲ ﺑﻨﺖ ﻟﻮﺳﻲ ﻣﻜﻨﺘﺶ ﻋﺎﺭﻓﺔ ﺍﻥ ﻳﻮﺳﻒ ﻣﻨﺴﺎﺵ ﺣﻘﺪﻭ ﻭﺍﻧﺘﻘﺎﻣﻭ ﻋﻠﻰ ﻋﺎﺋﻠﺔ ﺑﺎﻩ المهم غادا نعاود ليك كلشي من اللول ﻗﺼﺘﻲ ﺍﺑﻨﺘﻲ ﺑﺪﺍﺕ ﻣﻦ ﺍﻟﻨﻬﺎﺭ ﻟﻲ ﺗﻼﻗﻴﺖ ﺑﺒﺎﺕ ﻳﻮﺳﻒ ﺣﺒﻴﺘﻮ ﻭﺣﺒﻨﻲ ﺣﺐ ﻛﺒﻴﺮ ﻫﻮ ﻛﺎﻥ ﺍﻟﻮﻟﺪ ﺍﻻﻛﺒﺮ ﻟﺮﺟﻞ ﺍﻻﻋﻤﺎﻝ ﺍﻟﺒﻨﺎﻧﻲ ﺍﻻرستقراطي ﻟﻲ ﻛﺎﻥ ﻃﺎﻏﻴﺔ ﻭﻇﺎﻟﻢ ﺣﺒﻴﻨﺎ ﺑﻌﻀﻨﺎ ﻓﺎﻟﻈﻞ ﺣﻴﻨﺘﺎﺵ ﺍﻧﺎ ﻛﻨﺖ ﻓﻘﻴﺮﺓ و ﻃﻠﺐ ﻣﻦ ﺑﺎﻩ ﻳﺘﺰﻭﺟﻨﻲ ﻭﺭﻓﺾ ﻭﻫﺪﺩﻭ ﻳﻘﺘﻠﻨﻲ ﺩﺍﻛﺸﻲ ﻻﺵ ﺗﺰﻭﺟﻨﺎ ﻓﺎﻟﺴﺮ 5 ﺳﻨﻴﻦ ﻭﺣﻨﺎ ﻣﺰﻭﺟﻴﻦ ﻓﺎﻟﺴﺮ ﻭﻭﻟﺪﻧﺎ ﻳﻮﺳﻒ ﻛﺎﻥ ﻧﻮﺭ ﻋﻴﻦ ﺑﺎﺑﺎﻩ كايحماق ﻋﻠﻴﻪ ﺣﺘﻰ لذاك ﺍﻟﻨﻬﺎﺭ ﺍﻟﻤﺂﺳﺎﻭﻱ ﻓﺎﺵ ﻋﺎﻕ ﺑﻴﻨﺎ ﺑﺎﻩ ﺗﺰﻭﺟﻨﺎ بالتخبية عليهم و ﺧﻄﻔﻮﻧﻲ ﺍﻧﺎ ﻭﻳﻮﺳﻒ ﺷﻔﻨﺎ واحد العذاب عمرك ﺗﺘﺨﻴﻠﻴﻪ ﻣﺤﻨﺶ ﻓﺤﻔﻴﺪﻭ ﻛﺎﻥ ﺗﻴﻘﻮﻟﻲ ﻫﺪﺍﻙ ﻣﺎﺷﻲ ﺣﻔﻴﺪﻱ ﻫﺪﺍﻙ ﻟﻘﻴﻂ ولد الزنقة ﻭﻳﻮﺳﻒ ﺗﻴﺴﻤﻊ ﻭﺍﺧﺎ ﺻﻐﻴﺮ ﻛﺎﻥ ﻋﺎﺭﻑ ﻭﻓﺎﻫﻢ ﺍﻟﻤﻬﻢ ﺷﻔﻨﺎ ﻋﺬﺍﺏ ﻭﺫﻝ ﻧﻌﺴﻨﺎ ﻓﺎﻟﻜﻮﺍﺭﻯ ﻣﻊ ﺍﻟﺒﻬﺎﻳﻢ ﻛﺎﻥ ﺗﻴﻀﺮﺑﻨﻲ ﺑﺎﻟﺴﻮﻁ ﻭﺍﻧﺎ ﻓﺎﺯﻛﺔ ﻭﺗﻨﺘﺮﻋﺪ ﺑﺎﻟﺒﺮﺩ ﺑﻴﺘﻨﻲ ﻓﺎﻟﺸﺘﺎ ﻭﺍﻟﺨﻼ ﺣﺮﻗﻮﻧﺎ ﺍﻧﺎ ﻭﻭﻟﺪﻱ ﺑﺤﺪﻳﺪﺓ ﺳﺨﻮﻧﺔ ﻓﺠﺴﻤﻨﺎ ﻭﺁﺧﺮ ﺣﺎﺟﺔ جاب الخدامة ديالو و ﺍﻏﺘﺎﺻﺒﻮﻧﻲ ﻗﺪﺍﻡ ﻭﻟﺪﻱ ﻭﺭﺍﺟﻠﻲ وﻫﺎﺩﺷﻲ ﻛﺎﻣﻞ ﺑﺎﺵ ﻳﻀﻐﻂ ﻋﻠﻴﻪ و ﻳﻄﻠﻘﻨﻲ وفي اللخر...
الحلقة 40
ﻭﻓﻲ ﺍﻟﻠﺨﺮ بابات يوسف باش ﻳﺮﺣﻤﻨﺎ ﻣﻦ ﺍﻟﻌﺬﺍﺏ ﻃﻠﻘﻨﻲ و مشى ﻃﻠﻊ ﻟﺒﻴﺘﻭ ﻭﺷﻨﻖ ﺭﺍﺳﻮﻭ ﺍﻧﺎ ﺑﻘﻴﺖ ﺗﻨﺴﻤﻊ ﺍﻟﻐﻮﺍﺕ ﻋﺮﻓﺘﻮ ﻣﺴﻜﻴﻦ ﻣﺎﺕ ﻫﺰﻳﺖ ﻭﻟﺪﻱ ﺧﻔﺘﻬﻢ ﻳﺎﺧﺪﻭه ﻭﻫﺮﺑﺖ بقيت غادا هربانة ﺣﺘﻰ ﻭﺻﻼﺗﻨﻲ ﺭﺟﻠﻲ ﻟﻤﺪﻳﻨﺔ ﺑﻌﻴﺪﺓ ﺟﻴﺖ ﻏﺮﻳﺒﺔ ﻭﻓﻘﻴﺮﺓ ﻭﻫﺎﺯﺍ ﻭﻟﺪﻱ ﺻﻐﻴﺮ ﻣﻌﺎﻳﺎ ﻫﻮ ﻛﺎﻥ ﻣﺼﺪﻭﻡ ﻣﺒﻘﺎﺵ ﻳﻬﻀﺮ ﻻﻗﺎﻧﻲ ﺍﻟﻠﻪ ﻣﻊ واحد ﻋﺎﺋﻠﺔ ﺛﺮﻳﺔ ﺧﺪﻣﺖ ﻋﻨﺪﻫﻢ ﻣﻜﺎﻧﻮﺵ ﺗﻴﻮﻟﺪﻭ ﺭﺑﺎﻭ ﻭﻟﺪﻱ ﻭﺗﻬﻼﻭ ﻓﻴﻪ ﻗﺮﺍﻭﻩ ﻓﺎﺣﺴﻦ ﺍﻟﻤﺪﺍﺭﺱ ﻛﺎﻥ ﻳﺤﺴﺎﺏ ﻟﻲ ﻧﺴﻰ ﺍﻟﻤﺎﺿﻲ ﺳﺎﻋﺔ ﺍﻟﻤﺎﺿﻲ ﺩﻳﻤﺎ ﻻﺻﻖ ﻓﻴﻪ ﺍﻟﻤﻬﻢ ﻣﺸﺎ ﻻﻣﺮﻳﻜﺎ ﻳﻜﻤﻞ ﻗﺮﺍﻳﺘﻮ ﻣﺎﺗﻮ ﺩﻭﻙ ﺍﻟﻨﺎﺱ ﻭﻛﺘﺒﻮ ﻛﻠﺸﻲ ﻟﻮﻟﺪﻱ ﺑﺎﻉ ﻛﻠﺸﻲ ﻭﻣﺸﻴﻨﺎ ﻻﻣﺮﻳﻜﺎ ﻭﺗﻤﺎ ﻛﺒﺮ ﻭﻋﻼ ﻭﻭﺻﻞ ﻭﻭﻻ ﻣﻦ ﺍﻻﻏﻨﻴﺎﺀ ﺍﻟﻜﺒﺎﺭ ﻟﻜﻦ ﻣﺎﺿﻴﻪ ﻣﻨﺴﺎﻫﺶ ﺧﺼﻮﺻﺎ ﻣﻨﻴﻦ ﺷﺎﻑ ﺻﺤﺘﻲ ﻛﻴﻔﺎﺵ ﺗﺄﺗﺮﺍﺕ ﻛﺎﻥ ﺗﻴﻨﻮﺽ ﻓﻠﻴﻞ ﻳﻐﻮﺕ ﻭﻳﺒﻜﻲ ﻣﺸﺎ ﻋﻨﺪ ﺍﻻﻃﺒﺎﺀ ﺍﻟﻨﻔﺴﻴﻴﻦ عاد رﺗﺎﺡ ﺷﻮﻳﺔ ﻣﻜﻨﺘﺶ ﻣﺘﻮﻗﻌﺔ انه ﺗﺰﻭﺟﻚ ﺑﺎﺵ ﻳﻌﺬﺑﻚ ﻭﻳﺪﻭﺯ ﻋﻠﻴﻚ ﻟﻲ ﺩﺍﺯ ﻋﻠﻴﻨﺎ ﺳﻤﺤﻲ ﻟﻴﻨﺎ ﺃﺑﻨﺘﻲ ﻭﻭﺍﺧﺎ ﻫﻜﺪﺍﻙ ﺗﻬﻠﻴﺘﻲ ﻓﻴﺎ ﻭﺩﺭﺗﻲ ﻟﻴﺎ ﻛﺜﺮ ﻣﻦ ﻣﺎﻣﺎﻙ ﻋﻨﻘﺘﻬﺎ ﻭﺍﻧﺎ ﺗﻨﺒﻜﻲ ﻓﺪﻳﻚ ﺍﻟﻠﺤﻈﺔ ﺩﺧﻞ ﻳﻮﺳﻒ ﻋﺮﻓﻨﻲ ﻋﺮﻓﺖ ﺍﻟﻘﺼﺔ ﻛﺎﻣﻠﺔ ﻭﺑﻘﻴﺖ ﻧﺒﻜﻲ ﻣﺎﻣﺎ ﺍﻧﺎ ﻣﻌﻨﺪﻱ ﺣﺘﻰ ﺫﻧﺐ ﺑﺎﺵ ﻳﺪﻳﺮ ﻓﻴﺎ ﻫﺎﺩﺷﻲ وﺣﺘﻰ ﺑﺎﺑﺎ ﻣﻌﻨﺪﻭ ﺫﻧﺐ ﺣﻴﺖ ﺣﺘﻰ ﺟﺪﻱ ﻋﺬﺏ ﻣﺎﻣﺎ ﻭﺑﺎﺑﺎ ﻭﺑﺴﺒﺎﺑﻮ ﻣﺎﺕ ﺟﺪﻱ بابات ﻣﺎﻣﺎ ﻭﻟﻮﻻ ﺍﻥ ﺟﺪﻱ ﻣﺎﺕ ﻣﻜﺎﻧﺶ ﺑﺎﺑﺎ ﻭﻣﺎﻣﺎ يتزوجو ﻳﻌﻨﻲ ﺍﻧﺎ ﺟﺪﻱ ﻣﻜﻨﻌﺮﻓﻮ ﻣﻜﻨﺤﺲ ﺑﺤﻨﺎﻧﻮ ﺑﺤﺎﻟﻚ ﺗﻘﺮﻳﺒﺎ ﻭﻛﻮﻥ ﻣﺎ ﺍﻻﺭﺍﺩﺓ ﺍﻻﻟﻬﻴﺔ ﺷﺎﺀﺕ ﻛﻮﻥ ﺭﺍﻩ ﺍﻧﺎ ﻭﻣﺎﻣﺎ ﺑﺤﺎﻟﻚ ﻳﻌﻨﻲ ﺍﻧﺖ ﺍﺳﻲ ﻳﻮﺳﻒ ﺍﻧﺘﺎﻗﻤﺘﻲ ﻣﻦ ﺍﻻﻧﺴﺎﻥ ﺍﻟﺨﻄﺄ ﺣﻴﺖ ﺍﻧﺎ ﻭﻭﺍﻟﺪﻳﺎ ﻣﻌﺎﺭﻓﻴﻦ ﺣﺘﻰ ﺣﺎﺟﺔ ﻭﺑﺎﺑﺎك ﻓﺎﺵ ﻣﺎﺕ ﺑﺎﺑﺎ ﻛﺎﻥ ﺗﻴﻘﺮﺍ ﻓﺎﻟﺨﺎﺭﺝ ﻭﺟﺪﻱ ﻗﺎﻟﻴﻪ ﺑﺎﻧﻪ ﺩﺍﺭ ﺣﺎﺩﺗﺔ ﻫﺎﺩﺷﻲ ﻟﻲ ﻗﺎﻟﻲ ﺑﺎبا و ﺍﻧﺖ ﻇﻠﻤﺘﻴﻨﻲ ﻭﻋﺬﺑﺘﻴﻨﻲ ﻭﻗﻬﺮﺗﻴﻨﻲ ﺣﺮﻣﺘﻴﻨﻲ ﻧﻜﻮﻥ ﻋﺮﻭﺳﺔ ﺗﺨﺮﺝ ﺑﻌﺰﻫﺎ ﻣﻦ ﺩﺍﺭﻫﻢ ﺣﺮﻣﺘﻲ ﻭﺍﻟﺪﻳﺎ ﻳﺰﻓﻮ ﺑﻨﺘﻬﻢ ﻟﺮﺍﺟﻠﻬﺎ ﺫللتيني ﻭﺫﻟﻠﺘﻴﻬﻢ ﺑﻘﻴﺖ ﻧﺒﻜﻲ ﺑﺤﺮﻗﺔ : ﺑﻐﻴﺖ ﻧﻤﺸﻲ ﺑﺤﺎﻟﻲ ﺑﻐﻴﺖ ﺑﺎﺑﺎ ﻭﻣﺎﻣﺎ ﺍﻫﺊ ﺍﻫﺊ ﻳﻮﺳﻒ ﺑﻌﺼﺒﻴﻪ : ﻣﻌﻨﺪﻛ ﻓﻴﻦ ﺗﻤﺸﻲ ﻭﺍﻧﺘﻲ ﺣﺎﻣﻠﺔ ﻣﺎﻣﺎ ﺑﺴﺮﻭﺭ : ﺣﺎﻣﻠﺔ؟ ﻋﻨﻘﺎﺗﻨﻲ ﺍﻟﻠﻪ ﻳﺎﺭﺑﻲ ﻗﺒﻠﺘﻲ ﺩﻋﻮﺗﻲ ﻣﺸﻴﻨﺎ ﻟﻠﺪﺍﺭ ﻭﺍﻧﺎ ﻣﻘﺮﺭﺓ ﻗﺮﺍﺭ ﻻ ﺭﺟﻌﺔ ﻓﻴﻪ باش ﻧﻤﺸﻲ ﺑﺤﺎﻟﻲ ﻣﻨﻘﺪﺭﺵ ﻧﻌﺎﻭﺩ ﻧﺰﻳﺪ ﻣﻌﺎﻩ ﻣﻦ ﺑﻌﺪ ﻫﺎﺩ ﺍﻟﺬﻝ ﻛﺎﻣﻞ ﻟﻲ ﺷﻔﺖ ﻣﻌﺎﻩ ﻃﻠﻌﻨﺎ ﻟﻠﺒﻴﺖ ﻭﻫﻮ ﻫﺎﺯﻧﻲ و ﺍﻟﺨﺪاﻣﺎﺕ ﺗﻜﻠﻔﻮ ﺑﻤﺎﻣﺎ
ﺍﻧﺎ ﻣﺪﻭﺭﺓ ﻭﺟﻬﻲ ﻣﺒﻐﻴﺘﺶ ﻧﺸﻮﻑ ﻓﻴﻪ ﻭﺍﺧﺎ ﺣﺎﺳﺔ ﺑﺎﺣﺴﺎﺱ ﺯﻭﻳﻦ ﻭﻫﻮ ﻗﺮﻳﺐ ﻣﻨﻲ ﺻﺮﺍﺣﺔ كانبغيه بزاف ﻟﻜﻦ ﻛﺮﺍﻣﺘﻲ ﻓﻮﻕ ﺃﻱ ﺍﻋﺘﺒﺎﺭ ﺣﻄﻨﻲ ﻭﻗﺮﺏ ﻋﻨﺪﻱ : ﺧﺎﺻﻨﺎ ﻧﻬﻀﺮﻭ ﺃﻧﺎ : ﻣﺒﻐﻴﺖ ﻧﺴﻤﻊ ﻭﺍﻟﻮ ﺣﺎﺟﺔ ﻭﺣﺪﺓ ﻟﻲ ﺑﻐﻴﺖ ﻫﻲ ﻧﻤﺸﻲ ﺑﺤﺎﻟﻲ ﻫﻮ : ﺩﻳﻚ نمشي بحالي ﻋﻤﺮﻱ ﻧﺴﻤﻌﻬﺎ ﻣﻨﻚ ﺣﻴﺖ ﻛﻴﻒ ﻣﺎ ﻗﻠﺖ ﻟﻴﻚ ﻧﺘﻲ ﻫﺎﺯﺓ ﻭﻟﺪﻱ ﻭﺍﻧﺎ ﻣﻨﺴﻤﺤﺶ ﻓﻮﻟﺪﻱ
ﺍﻧﺎ : ﻫﺬﺍ ﻭﻟﺪﻱ ﺃﻧﺎ ﺍﻧﺖ ﻣﻌﻨﺪﻙ ﻓﻴﻪ ﺩﺧﻞ ﻧﺘﺎ ﺟﺒﺘﻴﻨﻲ ﺗﺘﺬﻟﻠﻨﻲ ﻣﺎﺷﻲ ﻧﻮﻟﺪ ﻣﻌﺎﻙ ﻓﻬﻤﺘﻲ؟ ﻫﻮ ﻏﻮﺕ : ﺧﻠﻴﻨﻲ ﻧﺘﻜﻠﻢ ﻭﺍﺧﺎ ﺧﻠﻌﻨﻲ ﻭﺳﻜﺖ ﺣﻴﺖ ﻋﺎﺭﻓﺎﻩ ﻋﺼﺒﻲ ﺍﻧﺎ ﻟﻲ ﺩﺍﺯ ﻋﻠﻴﺎ ﻛﺜﺮ ﻣﺎ ﺗﺼﻮﺭﻱ ﻭﺍﺧﺎ ﻋﺎﻭﺩﺍﺕ ﻟﻴﻚ ﻣﺎﻣﺎ ﻣﺘﻘﺪﺭﻳﺶ ﺗﺤﺴﻲ ﺑﺎﺣﺴﺎﺱ ﻃﻔﻞ ﺻﻐﻴﺮ كاتعذب ﻗﺪﺍﻣﻮ ﻣﻮ وﻫﻮ ﻣﻘﺎﺩﺭ ﻳﺪﻳﺮ ﻟﻴﻬﺎ ﻭﺍﻟﻮ ﺍﺣﺴﺎﺱ ﺍﻥ ﺟﺪﻙ ﻟﻲ ﻣﻔﺮﻭﺽ ﻳﻜﻮﻥ ﺍﻟﺤﻨﺎﻥ ﻭﺍﻟﺴﻨﺪ ﺩﻳﺎﻟﻚ ﻫﻮ ﻟﻲ ﻛﻴﻌﺬﺑﻚ ﻭﻳﻌﺎﻳﺮﻙ ﺗﻴﺤﺮﻗﻮﻧﻲ ﻭﺍﻧﺎ ﺻﻐﻴﺮ إﺣﺴﺎﺱ تشوف ﻣﻚ ﺗﺘﻐﺘﺎﺻﺐ ﻗﺪﺍﻣﻚ ﺧﻤﺲ ﺳﻨﻴﻦ ﻭﺍﻧﺎ ﺗﻨﺘﻌﺎﻟﺞ ﻓﻤﺼﺤﺔ ﻟﻠﻄﺐ ﺍﻟﻨﻔﺴﻲ ﻛﺒﺮﺕ ﻣﻌﻘﺪ ﻣﺮﻳﺾ ﻭﺣﻴﺪ معنديش ﺍﻟﺼﺤﺎﺏ ﻭﻫﺎﺩﺷﻲ ﻛﻨﺖ ﻛﻨﻌﺎﻧﻴﻪ ﻓﺼﻤﺖ ﻣﺘﻨﻘﻮﻝ ﻟﻤﺎﻣﺎ ﻭﺍﻟﻮ ﺑﺎﺵ ﻣﻨﺰﻳﺪﺵ ﻋﻠﻴﻬﺎ ﻫﺎﺩﺷﻲ ﻟﻲ ﺧﻼﻧﻲ ﻧﺒﻐﻲ ﻧﻨﺘﺎﻗﻢ ﺭﺟﻌﺖ ﻧﺴﻮﻝ وﻧﻨﺒﺶ ﻓﺎﻟﻤﺎﺿﻲ ﻋﺮﻓﺖ ﺍﻥ ﺍﻟﺤﺎﺝ ﺍﻟﺒﻨﺎﻧﻲ ﺧﻼ ﺗﺮﻭﺗﻮ ﻟﻮﻟﺪﻭ ﻟﻲ ﻫﻮ ﺑﺎﺑﺎﻙ ﺷﻔﺘﻜﻢ ﻣﺘﻌﻴﻦ ﻭﻋﺎﻳﺸﻴﻦ ﻣﺮﺗﺎﺣﻴﻴﻦ ﻭﻣﺠﻤﻮﻋﻴﻦ ﻭﺣﻨﺎ ﺗﻌﺬﺑﻨﺎ ﻭﺗﻔﺮﻗﻨﺎ ﻗﺮﺭﺕ ﻧﻨﺘﺎﻗﻢ ﻭﺟﺎﺕ ﺍﻻﺯﻣﺔ ﺩﻳﺎﻝ ﺑﺎﺑﺎﻙ ﻓﺼﺎﻟﺤﻲ ﻛﻨﺖ ﻋﺎﺭﻑ ﻧﺘﻲ ﻧﻘﻄﺔ ﺿﻌﻔﻮ ﻭﺑﻐﻴﺖ ﻧﻌﺪﺑﻮ ﺑﻴﻚ ﻣﻜﻨﺘﺶ ﻋﺎﺭﻑ ﺍﻧﻨﻲ ﺍﻧﺎ ﻟﻲ ﻏﺎﺩﻱ ﻧﺘﻌﺬﺏ ﺩﺭﺕ ﻟﻴﻚ گاع...
الحلقة 41
ﻣﻜﻨﺘﺶ ﻋﺎﺭﻑ ﺍﻧﻨﻲ ﺍﻧﺎ ﻟﻲ ﻏﺎﺩﻱ ﻧﺘﻌﺬﺏ ﺩﺭﺕ ﻟﻴﻚ ﮔﺎﻉ ﺩﺍﻛﺸﻲ ﻟﻲ ﺩﺍﺭﻭ ﻓﻴﻨﺎ ﺍﻏﺘﺼﺒﺘﻚ ﻋﺬﺑﺘﻚ ﻛﻨﺖ ﺗﻨﺘﻔﻘﺺ ﻣﻨﻴﻦ ﺗﻨﺸﻮﻓﻚ ﺗﺘﻨﻔﺪﻱ ﺍﻻﻭﺍﻣﺮ ﻭﻧﺘﻲ ﻣﺮﺗﺎﺣﺔ ﻛﻨﺖ ﺑﺎﻏﻲ ﻏﻴﺮ ﻧﻌﺬﺑﻚ ﺩﺍﻛﺸﻲ ﻻﺵ ﻛﻨﺖ ﻛﻞ ﻣﺮﺓ ﻧﻔﺮﺽ ﻋﻠﻴﻚ ﺣﺎﺟﺔ ﻛﺜﺮ ﻣﻦ ﺍﻻﺧﺮﻯ ﻟﻜﻦ ﻟﻲ ﻗﻀﺎ ﻋﻠﻴﺎ ﻫﻮ ﺍﻫﺘﻤﺎﻣﻚ ﻭﺣﺒﻚ ﻟﻤﺎﻣﺎ ﻫﺪﺍﻙ ﺍﻟﺤﺐ ﺑﺪﺍ ﻳﻔﻴﻘﻨﻲ ﺑﺪﺍ ﻳﻘﺮﺑﻨﻲ ﻟﻴﻚ ﺃﻧﻮﺗﺘﻚ ﺍﻟﻄﺎﻏﻴﺔ ﻭﺟﻤﺎﻟﻚ ﻛﺎﻧﻮ ﺗﻴﻌﺬﺑﻮﻧﻲ مي ﺭﻏﻢ ﻫﺎﺩﺷﻲ ﺑﺴﻬﻮﺓ ﻣﻨﻲ ﺑﻐﻴﺘﻚ و عشقتك واخا كنت كانضربك وﻧﻬﺎﺭ ﺍﻟﻜﻮﺭﻱ فاش نطحك الثور ﻛﻨﺖ ﻏﺎﺩﻱ ﻧﺤﻤﺎﻕ ﻭﺃﻣﺮﺗﻬﻢ ﻳﺬﺑﺤﻮ ﺩﺍﻙ ﺍلثور لي نطحك و يوزعوه على الفقراء ﻗﺮﺏ ﻋﻨﺪﻱ ﺷﺪﻧﻲ ﻣﻦ ﻳﺪﻱ ﻭﻫﺒﻂ ﻋﻠﻰ ﺭﻛﺎﺑﻴﻪ : ﺣﻴﺎﺗﻲ ﻛﺎﻣﻠﺔ ﻋﻤﺮﻱ ﻧﺴﺎﻣﺢ ﺭﺍﺳﻲ ﻋﻠﻰ ﻇﻠﻤﻲ ﻟﻴﻚ وﻋﻠﻰ ﻗﺴﻮﺗﻲ ﺍﻧﺎ ﻣﻜﻠﺦ ﺣﻴﻮﺍﻥ ﻭﻫﻤﺠﻲ و ﺑﻘﺎ ﻳﺒﻜﻲ : سامحيني أحياتي وﺣﺘﻰ ﺍﻧﺎ ﻋﻨﻘﺘﻮ و ﺗﺠﺎﻭﺑﺖ ﻣﻌﺎﻩ : ﻳﻮﺳﻒ ﺍﻧﺎ ﻣﺠﺮﻭﺣﺔ ﻭﺑﺰﺍف ﻋﺎﻓﺎﻙ ﺧﻠﻴﻨﻲ ﻧﻤﺸﻲ ﻟﺪﺍﺭﻧﺎ ﻧﻄﻠﺐ ﺍﻟﺴﻤﺎﺣﺔ ﻣﻦ ﻭﺍﻟﺪﻳﺎ وﻧﺨﺒﺮﻫﻢ ﻛﻠﺸﻲ ﻭﺩﻳﻚ ﺍﻟﺴﺎﻋﺔ ﻳﻜﻮﻥ ﺧﻴﺮ ﺣﺘﻰ ﺍﻧﺎ أﻳﻮﺳﻒ ﺭﺍﻩ ﻛﻞ ﻧﺒﺾ ﻓﻴﺎ ﻛﻴﻬﺘﻒ ﺑﻴﻚ ﻛﻞ ﺩﻗﺔ ﺗﺘﻌﻴﻂ بإسمك ﻛﻞ ﺟﺰﺀ ﻓﻴﺎ ﺑﺎﻏﻴﻴﻚ ﻟﻜﻦ ﺧﺎﺻﻨﻲ ﻣﺎ ﻧﺒﺪﺍ ﻣﻌﺎﻙ ﺣﺘﻰ ﻧﺮﺗﺎﺡ ﻣﻦ ﺟﻬﺔ ﻭﺍﻟﺪﻳﺎ ﻭﺍﻧﺎ ﻣﺴﺎﻣﺤﺎﻙ ﺣﻴﺖ لي كايبغي كايسامح
ﻭﺍﺧﺎ غاﻧﺨﻠﻴﻚ ﺗﻤﺸﻲ مي ﻏﺪﺍ ﻋﻨﺪﻱ ﺷﻲ ﺧﺪﻣﺔ ﺑﻌﺪ ﻏﺪﺍ و ﻧﺪﻳﻚ ﺟﻴﺖ ﻧﻬﻀﺮ ﻭﺳﻜﺘﻨﻲ ﺑﻘﺒﻠﺔ ﺳﺨﻮﻧﺔ ﻭﺩﺍﻓﻴﺔ ﺩﻭﺑﺎﺕ ﻛﺎﻉ ﺍﻟﺤﻘﺪ ﺍﻟﺪﻓﻴﻦ ﻟﻲ ﺑﻴﻨﺎﺗﻨﺎ ﻭﺍنساجمنا ﻫﺎﺩ ﺍﻟﻤﺮﺓ ﻣﻦ ﺑﻌﺪ ﻣﺎ ﺗﺤﻴﺪﺍﺕ ﻛﺎﻉ ﺍﻟﺤﻮﺍﺟﺰ ﺑﻴﻨﺎﺗﻨﺎ ﻛﺎﻉ ﺍﻻﺣﻘﺎﺩ ﻧﻌﺴﺖ ﻓﺄﺣﻀﺎﻧﻮ ﻭﻫﻮ ﻣﻌﻨﻘﻨﻲ ﻭﻣﻌﻨﻖ ثمرة ﻣﻨﺎ ﺑﺰﻭﺝ ثمرة ﻟﻲ ﻛﺎﻧﺖ ﺳﺒﺐ ﺑﺎﺵ ﺗﺘﻮﺣﺪ ﺃﺭﻭﺍﺣﻨﺎ ﻭﺗﺬﻭﺏ ﺧﻼﻓﺎﺗﻨﺎ ﻭ نعيشو ﺍﺣﻠﻰ ﻟﺤﻈﺎﺕ ﺣﻴﺎﺗﻨﺎ ﻓﻘﺖ ﺍﻟﺼﺒﺎﺡ ﻟﻘﻴﺖ ﺣﺒﻴﺒﻲ ﻣﻌﻨﻘﻨﻲ ﻭﻣﺰﻳﺮ ﻋﻠﻴﺎ ﻛﻴﻒ ﺩﻳﻤﺎ ﺑﺴﺘﻮﻭ ﻭﻫﻮ ﻳﻔﻴﻖ
ﻳﻮﺳﻒ : ﺍﺣﺴﻦ ﻧﻬﺎﺭ ﻓﺤﻴﺎﺗﻲ ﻫﻮ ﻓﺎﺵ ﻧﺼﺒﺢ ﻋﻠﻰ ﻣﺮﺍﺗﻲ ﺍﻟﺤﺒﻴﺒﺔ ﻭﺑﻨﺖ ﻋﻤﻲ ﺍﻟﻐﺎﻟﻴﺔ ﻋﻨﻘﺘﻭ : ﺣﺘﻰ ﺍﻧﺎ ﻭﻟﺪ ﻋﻤﻲ الغالي ﺩﻭﺷﻨﺎ ﻫﺎﺩ ﺍﻟﻨﻬﺎﺭ ﺑﺰﻭﺝ ﻭﻫﺎﺩ ﺍﻟﻨﻬﺎﺭ ﺗﻨﺸﻮﻑ ﻳﻮﺳﻒ ﺁﺧﺮ ﻳﻮﺳﻒ ﺟﺪﻳﺪ ﻋﻴﻨﻴﻪ ﺗﻴﺒﺮﻗﻮ ﺑﺎﻟﻔﺮﺣﺔ ﺩﺧﻠﻨﺎ ﻟﻠﺪﻭﺵ ﻭﻣﺤﺒﺴﺶ ﻣﻦ ﺍﻟﺒﺴﺎﻟﺔ و ﺍﻧﺎ ﺗﻨﻀﺮﺑﻮ ﻭﻫﻮ ﻗﺎﻟﻴﻚ ﺗﻴﻠﻌﺐ ﻣﻊ ﻭﻟﺪﻭﻭ ههه دوشنا و سالينا و مشينا ﻋﻨﺪ ﻣﺎﻣﺎ فاطنة ﻟﻲ ﺑﺪﺍﺕ ﺗﺘﺤﺴﻦ ﻭﺗﺮﺟﻊ ﻟﻴﻬﺎ ﺻﺤﺘﻬﺎ ﻋﻨﻘﺘﻬﺎ ﻭﺟﻠﺴﺖ ﺣﺪﺍﻫﺎ ﺷﺎﻓﺘﻨﺎ ﺗﺼﺎﻟﺤﻨﺎ ﻭﻓﺮﺣﺎﻧﻴﻦ ﻭﻓﺮﺣﺎﺕ ﻟﻴﻨﺎ ﺑﺰﺍﻑ ﺍﻟﻔﺮﺣﺔ ﻏﺎﺩﻳﺎ ﺗﺨﺮﺝ ﻣﻦ ﻋﻴﻨﻴﻬﺎ ﻳﻮﺳﻒ سافر ﻫﺎﺩ ﺍﻟﻨﻬﺎﺭ ﻭﻛﺎﻥ ﻣﻮﺍﻋﺪﻧﻲ ﻏﻴﺮ ﻳﺠﻲ ﻳﺪﻳﻨﻲ ﻟﺪﺍﺭﻧﺎ فاش
ﻣﺸﺎ ﻳﻮﺳﻒ ﺣﺴﻴﺖ ﺑﺎﻟﻔﺮﺍﻍ ﻭﺍﻟﻮﺣﺪﺓ ﺻﺮﺍﺣﺔ ﻣﻨﻘﺪﺭﺵ ﻧﻌﻴﺶ ﺑﻼ ﺑﻴﻪ ﻭﻟﻔﺘﻭ ﺑﺰﺍف حيث كانبغيه كثر من راسي ﺑﻘﻴﺖ ﻧﺘﺨﻴﻞ ﺭﺍﺳﻲ ﺍﻟﺒﺎﺭﺡ ﻭﺗﻨﻀﺤﻚ ﻛﻴﻔﺎﺵ ﻛﻨﺖ ﻣﺨﺎﺻﻤﺔ ﻣﻌﺎﻩ وﺑﺎﻏﺎ ﻧﻤﺸﻲ ﺑﺤﺎﻟﻲ ﻭﺑﺴﺮﻋﺔ ﺫﻭﺑﻨﻲ ﻭﻧﺴﻴﺖ ﻛﻠﺸﻲ ﻭﺳﺎمحتو ﻛﻴﻔﺎﺵ ﻧﻘﺪﺭ ﻧﺒﻌﺪ ﻋﻠﻴﻪ ﻓﺎﺵ ﻧﻤﺸﻲ ﻟﻠﺪﺍر ﻭﻫﻮ ﺷﻨﻮ ﻏﺎﺩﻱ ﻳﺪﻳﺮ؟ ﺷﻨﻮ ﻏﺎﺩﻱ ﻧﻘﻮﻝ ﻟﺒﺎﺑﺎ؟ ﻛﻴﻔﺎﺵ نفسر ونشرح ﻟﻴﻪ؟ ﺑﻘﻰ ﻗﻠﺒﻲ ﺗﻴﻀﺮﺏ وﺃﺳﺌﻠﺔ كثيرة في راسي ﻣﻌﻨﺪﻫﺎ ﺟﻮﺍﺏ ﻟﻜﻦ ﻻﺯﻡ ﻋﻠﻴﻪ ﺣﺘﻰ ﻫﻮ ﻳﻌﺎﻭﻧﻲ ﻭﻳﺘﺤﻤﻞ ﻣﻌﺎﻳﺎ ﺍﻟﻤﺴﺆﻭﻟﻴﺔ
ﺩﺍﺯ ﺩﺍﻙ ﺍﻟﻨﻬﺎﺭ ﺗﻘﻴﻞ ﺑﻼ ﻳﻮﺳﻒ ﺑﻘﻴﺖ ﻧﺤﺎﻭﻝ ﻧﻼﻫﻲ ﻭﻗﺘﻲ ﻣﻊ ﻣﺎﻣﺎ شوية صونا ليا : ﺗﻮﺣﺸﺘﻚ بزاف أحياتي
ﺍﻧﺎ : حتى انا و الله مي ﻣﺘﻜﻮﻧﺶ ﻗﺪﻱ
قرقبنا ﺍﻟﻨﺎﺏ ﻭ سالينا ﺧﺒﺮﻧﻲ ﺍﻧﻪ ﻏﺎﺩﻱ ﻳﺠﻲ ﻏﺪﺍ ﻓﺎﻟﻌﺸﻴﺔ ﺑﻘﻴﺖ ﻧﺤﺴﺐ ﺍﻟﺴﻮﺍﻳﻊ ﻭﻧﺴﺘﻌﺪ ﻟﻐﺪﺍ ﺑﻔﺎﺭﻍ ﺍﻟﺼﺒﺮ ﺍﻩ ﺍﻟﺤﺐ ﺷﺤﺎﻝ ﺯﻭﻳﻦ؟ ﺗﻴﺪﻓﻲ ﻭﻳﻨﻮﺭ ﻭﻳﻌﻤﺮ ﺣﻴﺎﺗﻚ نعست ﺑﺼﻌﻮﺑﺔ ﻭﺍﻧﺎ ﺗﻨﺘﺴﻨﻰ ﻓﻮﻗﺎﺵ ﻳﺠﻲ ﻏﺪﺍ ﺑﺎﺵ ﻧﺸﻮﻑ ﺣﺒﻴﺒﻲ فقت ﺍﻟﺼﺒﺎﺡ ﻧﺎﺷﻄﺔ ﻓﺮﺣﺎﻧﺔ ﻣﺸﻴﺖ ﻋﻨﺪ ﻣﺎﻣﺎ ﻟﻘﻴﺘﻬﺎ ﻓﺎﻳﻘﺔ ﻭﺣﺘﻰ ﻫﻲ ﻧﺎﺷﻄﺔ ﻭﻓﺮﺣﺎﻧﺔ ﺑﺰﺍف مي لقيتها ﻣﻘﺮﺭﺓ ﻭﺍﺣﺪ ﺍﻟﻘﺮﺍﺭ ﺧﻄﻴﺮ..
الحلقة 42
ﻣﻲ ﻟﻘﻴﺘﻬﺎ ﻣﻘﺮﺭﺓ ﻭﺍﺣﺪ ﺍﻟﻘﺮﺍﺭ ﺧﻄﻴﺮ
ﻣﺎﻣﺎ : شوفي ﺍﺑﻨﺘﻲ أﻧﺎ ﻛﺎﻉ ﻣﻔﺮﺣﺖ ﺑﻴﻜﻢ مي ﺍﻟﻴﻮﻡ ﺭﺍﻧﻲ ﺩﺍﻳﺮﺓ ﻟﻴﻜﻢ ﺣﻔﻠﺔ ﻓﺎﻟﻌﺸﻴﺔ ﺭﺍﻩ ﻭﺻﻴﺖ ﺍﻟﺨﺪﺍﻣﺎﺕ يوجدو ﻛﻠﺸﻲ و ﻧﺘﻴﺎ ﻫﺎﺩ ﺍﻟﻨﻬﺎﺭ قادي حالتك راه ﺍﻟﻜﻮﺍﻓﻮﺭﺓ ﻭﺍﻟﻨﻜﺎﻓﺔ ﻏﺎﻳﺠﻴﻮ ﻋﻨﺪﻙ ﻭﺍﺣﺪ ﺷﻮﻳﺔ ﺍﻟﻤﻬﻢ ﻧﺒﻐﻴﻚ ﺗﺒﺎﻧﻲ ﺍﺣﺴﻦ ﻋﺮﻭﺳﺔ ﻓﺎﻟﻌﺎﻟﻢ ﻭﻫﺎﺩﺷﻲ ﺭﺍﻩ ﻏﺎﺩﻱ ﻧﺪﻳﺮﻭﻩ ﻣﻔﺎﺟﺄﺓ ﻟﻴﻮﺳﻒ يلاه سيري طلعي لبيتك ﻭ فاش ﻧﺸﻮﻑ ﻳﻮﺳﻒ ﺟﺎ وﻧﺴﻴﻔﻂ ﻟﻴﻚ ﻋﺎﺩ ﻫﺒﻄﻲ ﺗﺎﻓﻘﻨﺎ ﺍﻧﺎ ﻭﻣﺎﻣﺎ وﻣﺸﻴﺖ ﺩﻭﺷﺖ ﻭﻓﺮﻛﺖ ﺣﺎﻟﺘﻲ وخرجت ﺗﻨﺘﺴﻨﻰ ﺍﻟﻜﻮﺍﻓﻮﺭﺓ ﺟﺎﺕ ﻭﺑﺪﺍﺕ ﺧﺪﻣﺘﻬﺎ ﻣﻦ ﺷﻌﺮ ﻭﻣﻜﻴﺎﺝ ﻭﻇﻔﺎﺭ ﻭﻛﻠﺸﻲ ﻭﺍﻭ ﺍﺣﺴﺎﺱ زوين ﺗﻜﻮﻧﻲ ﻋﺮﻭﺳﺔ ﻭﺧﺼﻮﺻﺎ ﻋﺮﻭﺳﺔ ﻟﺤﺒﻴﺒﻚ ﺷﻮﻳﺔ ﺟﺎﻭ ﺍﻟﻨﻜﺎﻓﺎﺕ لبسوني ﺗﻜﺸﻴﻄﺔ ﻓﺎﻻﺑﻴﺾ ﺳﻴﻔﻄﺎﺕ ﻋﻠﻴﻬﺎ ﻣﺎﻣﺎ ﻛﺎﻧﺖ ﻣﺮﺻﻌﺔ ﺑﺎﻻﺣﺠﺎﺭ ﺍﻟﻜﺮﻳﻤﺔ و ﺑﺎﻻكسوسوارات ﺩﻳﺎﻟﻬﺎ ﻭﺑﺘﺎﺟﻬﺎ ﻟﺒﺴﺖ ﻭﻗﻔﺖ ﻗﺪﺍﻡ ﺍﻟﻤﺮﺍﻳﺔ ﻣﻌﺮﻓﺘﺶ ﺭﺍﺳﻲ وليت ﺑﺤﺎﻝ ﺷﻲ ﻟﻮﺣﺔ ﻣﺮﺳﻮﻣﺔ ﺟﻴﺖ ﻭﺍﻋﺮﺓ ﺗﻨﺤﻤﻖ ﺷﻮﻳﺔ ﺗﻨﺴﻤﻊ الحايحة ﺍﻟﺪﻗﺔ ﺍﻟﻤﺮﺍﻛﺸﻴﺔ ﺑﺪﺍﺕ ﻭﺍﻟﻤﻮسيقى ﺧﺪﺍﻣﺔ ﺍﺵ ﻫﺎﺩﺷﻲ ﻋﺮﺱ ﻫﺎﺩﺍ ﻣﺎﺷﻲ ﺣﻔﻠﺔ ﺑﻘﻴﺖ ﻧﺴﻮﻝ ﻣﻊ ﺭﺍﺳﻲ ﻭﺍﺵ ﻳﻮﺳﻒ ﺟﺎ ﻭﻻ ﻣﺰﺍﻝ؟ ﺟﺎﻭ ﺍﻟﺨﺪﺍﻣﺎﺕ ﻭﻃﻠﺒﻮﻧﻲ ﻧﻬﺒﻂ ﻏﻄﺎﻭ ﻟﻴﺎ ﺍﻟﻨﻜﺎﻓﺎﺕ ﻭﺟﻬﻲ وﻃﻠﺒﻮﻧﻲ ﻧﺤﻨﻲ ﺭﺍﺳﻲ ﻫﺎﺑﻄﺔ
وﺳﻂ زغاريتهم ﻭ تعشاقهم ﺣﺘﻰ ﻭﺻﻠﺖ ﻟﺘﺤﺖ ﻭﻫﻮ يهز ليا ﺍﻟﻔﻮﺍﻝ ﻋﻠﻰ ﻭﺟﻬﻲ كان ﺭﺍﺳﻲ ﻣﺤﺪﻭﺭ ﻭﺍﻧﺎ ﺑﺪﻳﺶ ﻧﺸﻢ ﺭﻳﺤﺔ ﺗﻨﻌﺮﻓﻬﺎ ﺭﻳﺤﺔ ﻣﻐﺮﻳﺒﺎﺵ ﻋﻠﻴﺎ ﻫﺰﻳﺖ ﻋﻴﻨﻴﺎ ﻟﻘﻴﺘﻮ ﻫﻮ آﻩ ﻭ ﺍﻟﻠﻪ حتى ﻫﻮ ﺑﺎﺑﺎ ﺍﻟﺤﺒﻴﺐ ﻫﺬﺍ ﻧﻮﺭ ﻋﻴﻨﻲ ﻣﺒﺘﺴﻢ ﻟﻴﺎ ﻭﻋﻴﻨﻴﻪ ﻛﻠﻬﺎ ﻓﺨﺮ ﻣﻌﻘﻠﺘﺶ ﺣﺘﻰ ﻋﻨﻘﺘﻭ ﻭﺟﺎﺗﻨﻲ ﺍﻟﺒﻜﻴﺔ : ﺑﻨﺘﻲ ﻣﺘﺒﻜﻴﺶ ﻫﺬﺍ ﺃﺳﻌﺪ ﻧﻬﺎﺭ ﻓﺤﻴﺎﺗﻲ ﻧﺸﻮﻓﻚ ﻋﺮﻭﺳﺔ راه ﻳﻮﺳﻒ ﺍﺑﻨﺘﻲ ﻋﺎﻭﺩ ﻟﻴﺎ ﻛﻠﺸﻲ و اﻟﺘﻀﺤﻴﺔ ﻟﻲ ﺩﺭﺗﻲ ﻋﻠﻰ ﻗﺒﻠﻲ ﻛﺒﻴﺮﺓ ﻭﻏﺎﻟﻴﺔ ﺑﺰﺍﻑ ﻋﻠﻴﺎ ﻋﻤﺮﻱ ﻧﻨﺴﻰ ﻫﺎﺩﺷﻲ ﺍﺑﻨﺘﻲ ﻳﻮﺳﻒ ﺍﺑﻨﺘﻲ ﺍﺣﺴﻦ ﻭﺍﺣﺪ ﻓﺪﻧﻴﺎ ﻳﺴﺘﺎﻫﻠﻚ ﺣﻴﺖ ﺗﻴﺠﺮﻱ ﻓﻴﻪ ﺩﻡ ﺧﻮﻳﺎ ﻟﻲ ﺗﺤﺮﻣﺖ ﻣﻨﻮﻭ ﻭﻟﺪ ﻋﻤﻚ ﻫﻮ ﻟﻲ ﻏﻴﺼﻮﻧﻚ ﻭﻳﺤﺎﻓﻆ عليك ﻋﺎﻭﺩﺕ ﻋﻨﻘﺖ ﺑﺎﺑﺎ ﻋﻨﻘﺖ ﻓﻴﻪ ﻛﺎﻉ ﺍﻻﺷﺘﻴﺎﻕ ﻭﺍﻟﺤﻨﻴﻦ عنقاتني ﻣﺎﻣﺎ ﺍﻟﺤﺒﻴﺒﺔ ﻟﻲ ﺗﻮﺣﺸﺘﻬﺎ : ﺑﻨﺘﻲ ﺭﺑﻲ ﺣﻘﻖ ﻟﻴﺎ ﺣﻠﻤﻲ ﻭﺷﻔﺘﻚ ﻋﺮﻭﺳﺔ ﻭﻋﻴﻨﻴﻬﺎ ﻣﻐﺮﻏﺮﻳﻴﻦ ﺑﺎﻟﺪﻣﻮﻉ ﺷﺎﺩﻧﻲ ﺑﺎﺑﺎ ﻭﻏﺎﺩي ﺑﻴﺎ ﻟﻠﺠﺮﺩﺓ ﺣﻴﺖ ﺍﻟﺤﻔﻠﺔ ﻛﺎﻳﻨﺔ ﺗﻤﺎ ﺍﻟﻠﻪ ﻋﻠﻰ ﺍﺣﺴﺎﺱ ﻭﺑﺎﺑﺎﻙ ﻣﻮﺻﻠﻚ ﻟﻌﺮﻳﺴﻚ ﻭﻫﻮ ﻓﺮﺣﺎﻥ ﻭﻓﺨﻮﺭ ﺑﻴﻚ ﻭﺻﻠﺖ ﻟﻠﺤﻔﻠﺔ ﻫﺰﻳﺖ ﻋﻴﻨﻴﺎ ﻭﺍﻭ ﺗﺼﺪﻣﺖ ﻛﻠﺸﻲ كايصفق ﻛﻠﺸﻲ ﻛﺎﻳﻦ ﻛﺎﻉ ﺣﺒﺎﺑﻲ ﻭﺻﺤﺎﺑﻲ وﻋﻤﻲ ﻛﻤﺎﻝ ﻭﻣﺮﺍﺗﻮ و ﺣﺴﺎﻡ و ﺳﺎﺭﺓ ﻭﺭﺍﺟﻠﻬﺎ و ﺣﺒﻴﺒﺘﻲ ﻫﻨﺪ ﻟﻲ ﺷﺎﻓﺘﻨﻲ ﻭﻧﺰﻟﻮ ﺩﻣﻮﻋﻬﺎ ﻛﻠﺸﻲ ﻓﺮﺣﺎﻥ ﺑﻴﺎ ﺗﻴﻀﺤﻜﻮ ﻭﻳﺒﺘﺎﺳﻤﻮﻭ و ماما فاطنة ﺩﻣﻮﻋﻬﺎ ﻧﺎﺯﻟﻴﻦ ﺑﺎﻟﻔﺮﺣﺔ تم غادي ﺑﻴﺎ ﺑﺎﺑﺎ ﻟﻌﻨﺪ ﺣﺒﻴﺒﻲ ﻛﻨﺖ ﻋﺮﻭﺳﺔ ﺗﺘﺤﻤﻖ ﻛﻠﺸﻲ ﺗﺒﻬﺮ ﺑﻴﻬﺎ ﻭﺑﺠﻤﺎﻟﻬﺎ ﺑﺎﻥ ﻟﻴﺎ ﺣﺒﻴﺒﻲ ﺗﻴﺘﺴﻨﺎﻧﻲ ﻭﺍﻭ ﻣﺎ ﺃﺭﻭﻋﻪ ﻻﺑﺲ ﻛﻮﺳﺘﻴﻢ ﻛﺤﻞ وﻛﺮﺍﻓﺎﻁ ﻣﻘﺎﺩﺓ ﺩ ﻟﻌﺮﺳﺎﻥ ﺷﻌﺮﻭ ﺍﻟﻜﺤﻞ ﺭﻃﺐ ﻣﻄﻠﻌﻮ ﻭﺗﻴﺒﺮﻱ ﻋﻴﻨﻴﻪ ﺗﻴﺒﺮﻗﻮ ﻗﺮﺑﺖ ﻟﻌﻨﺪﻭ ﻋﻨﻖ بابا ﺑﺠﻬﺪ وﺣﺘﻰ ﺑﺎﺑﺎ ﺗﻴﻌﻨﻘﻮ ﻭﻓﺮﺣﺎﻥ ﺑﺰﺍﻑ خدا ﻳﺪﻳﺎ ﺑﺎﺳﻬﺎ ﺑﻜﻞ ﺣﺐ ﻭﺣﻨﺎﻥ ﻭﺍﺷﺘﻴﺎﻕ ﻭﺧﺪﺍﻧﻲ ﻟﻠﻜﻮﺷﺔ ﺟﻠﺴﺖ ﺣﺪﺍﻩ ﻓﺮﺣﺎﻧﺔ و ﻫﻮ ﺷﺎﺩ ﻟﻲ ﻓﻴﺪﻳﺎ ﻭﻛﻞ ﺷﻮﻳﺔ ﺗﻴﺒﻮﺳﻬﺎ ﺑﺪﺍﻭ ﺍﻟﻌﺎﺋﻠﺔ ﻳﺠﻴﻮ ﻳﺴﻠﻤﻮ ﻋﻠﻴﺎ وﻋﻤﻲ ﻛﻤﺎﻝ ﻭﻣﺮﺍﺗﻮ و ﺳﺎﺭﺓ ﻟﻲ ﻓﺮﺣﺎﻧﺔ ﻭﺗﺘﻀﺤﻚ ﻛﻴﻒ ﻋﺎﺩﺗﻬﺎ وﺣﺴﺎﻡ ﻭﻫﻨﺪ ﻟﻲ ﻋﻨﻘﺘﻬﺎ بجهد ﻭﻋﺮﻓﺘﻬﺎ ﻋﻠﻰ ﻳﻮﺳﻒ ﺑﺄﻧﻬﺎ ﺧﺘﻲ ﺍﻟﻮﺣﻴﺪﺓ ﺣﺴﺎﻡ ﺳﻠﻢ ﻋﻠﻴﺎ ﺑﺎﻟﻮﺟﻪ ﻭﺣﺴﻴﺖ ﺑﻴﻮﺳﻒ ﺑﻐﺎ ﻳﻤﻮﺕ ﺑﺎﻟﻐﻴﺮﺓ ﻗﺮﺏ ﻟﻮﺫﻧﻲ : ﻛﻴﻔﺎﺵ ﺧﻠﻴﺘﻴﻪ ﺳﻠﻢ ﻋﻠﻴﻚ؟ ﺣﺴﺎﺑﻲ ﻣﻌﺎﻙ ﻣﻦ ﺑﻌﺪ ﺑﻘﻴﺖ ﻧﻀﺤﻚ : ﺭﺍﻩ ﺗﺮﺑﻴﻨﺎ ﺑﺰﻭﺝ ﺑﺤﺎﻝ ﺍﻟﺨﻮﺕ ﻫﻮ : ﻣﻦ ﺍﻻﻥ ﻓﺼﺎﻋﺪﺍ ﺍﻧﺎ ﺍﻟﻮﺣﻴﺪ ﻟﻲ ﻋﻨﺪﻱ ﺍﻟﺤﻖ ﻧﺒﻮﺱ ﺩﻭﻙ ﺍﻟﺤﻨﻴﻜﺎﺕ ﻓﻬﻤﺘﻲ ﻭﺧﻨﺰﺭ ﺗﺨﻨﺰﻳﺮﺓ ﻣﺰﻭﺭﺓ وضحكنا ﻭﻟﻌﺒﻨﺎ ﻭﻧﺸﻄﻨﺎ ﺑﻘﻴﺖ ﻧﺒﺪﻝ ﺍﻟﻠﺒﻴﺴﺎﺕ ﻭﻟﺒﺴﺖ ﻻﻏﻮﺏ ﻓﺎﻻﺧﻴﺮ ﺟﻴﺖ ﺗﻨﺤﻤﻖ ﺑﺎﻻﺑﻴﺾ ﺷﻄﺤﺖ أﻧﺎ ﻭﻳﻮﺳﻒ ﻋﻠﻰ ﺃﻧﻐﺎﻡ ﺃﻏﻨﻴﺔ عبالي ﺣﺒﻴﺒﻲ ﻭﻛﻨﺖ ﺩﻳﻚ ﺍﻟﺴﺎﻋﺔ ﻣﺮﻓﻮﻋﺔ ﻟﻌﺎﻟﻢ ﺃﺧﺮ ﻓﻴﻪ ﻏﻴﺮ ﺍﻧﺎ ﻭﺣﺒﻴﺒﻲ ﻳﻮﺳﻒ ﻟﻲ ﻗﺮﺭﺕ...
الحلقة الآخيييييييرة
ﻭﻛﻨﺖ ﺩﻳﻚ ﺍﻟﺴﺎﻋﺔ ﻣﺮﻓﻮﻋﺔ ﻟﻌﺎﻟﻢ ﺃﺧﺮ ﻓﻴﻪ ﻏﻴﺮ ﺍﻧﺎ ﻭﺣﺒﻴﺒﻲ ﻳﻮﺳﻒ ﻟﻲ ﻗﺮﺭﺕ
ﻧﻌﻴﺸﻮ ﺍﺳﻌﺪ ﺭﺟﻞ ﻓﻬﺎﺩ ﺍﻟﺪﻧﻴﺎ ﺧﺼﻮﺻﺎ ﻣﻦ ﺑﻌﺪ ﻛﺎﻉ ﺍﻟﻌﺬﺍﺏ ﻭﺍﻟﻈﻠﻢ ﻟﻲ ﺩﺍﺯ ﻋﻠﻴﻪ ﻣﻦ ﻃﺮﻑ ﺟﺪﻱ ﺍﻟﻠﻪ ﻳﺮﺣﻤﻮ ﻭﻳﺴﻤﺢ ﻟﻴﻪ تم ﻏﺎﺩﻱ ﺑﻴﺎ ﺭﻛﺒﻨﺎ ﻓﺎﻟﻄﻮﻣﻮﺑﻴﻞ ﺍﻧﺎ : ﻓﻴﻦ غادين؟
ﻫﻮ ﺗﻴﻔﺮﻧﺲ : ﺧﺎﻃﻔﻚ ﺃحياتي ﻣﺸﻴﻨﺎ ﻃﺮﻳﻖ ﻃﻮﻳﻠﺔ ﺣﺘﻰ ﻭﺻﻠﻨﺎ ﻟﻮﺍﺣﺪ ﻻﻭﻃﻴﻞ ﻓﺨﻢ ﺩﺧﻠﻨﺎ ﻟﻘﻴﺘﻮ ﻣﻮﺟﺪ ﻟﻴﺎ ﺣﻔﻠﺔ طوب و الحلاوي ﻭﺍﻟﺸﻤﻭﻉ وداكشي ﺟﺒﺪ ﺑﻮﺍﻃﺔ ﻋﻠﻰ ﺷﻜﻞ ﻭﺭﺩﺓ ﺣﻤﺮﺍ ﺟﻠﺲ ﻋﻠﻰ ﺭﻛﺎﺑﻴﻪ ﻭﻓﺘﺤﻬﺎ : حياتي ﻭﺍﺧﺎ ﺣﻨﺎ ﻣﺰﻭﺟﻴﻦ ﺯﻭﺍﺟﻨﺎ ﻣﻜﺎﻧﺶ ﺑﺎﻟﺘﺮﺍﺿﻲ ﻛﺎﻥ ﻣﻔﺮﻭﺽ ﻋﻠﻴﻚ ﻭﻣﻜﻨﺘﻴﺶ ﺑﺎﻏﺎﻩ ﺩﺍﺑﺎ ﺑﻜﻞ ﺣﺐ ﻭﻋﺸﻖ ﺗﻨﻄﻠﺐ منك ﺗﻘﺒﻠﻲ ﻫﺎﺩ ﺍﻟﺰﻭﺍﺝ ﻭﺗﻨﻮﺍﻋﺪك ﻧﻌﻴﺸﻚ ﺃﺳﻌﺪ ﻭﺣﺪﺓ ﻓﺎﻟﻌﺎﻟﻢ ﻭﻧﻌﻮﺿﻚ ﻋﻠﻰ ﻛﺎﻉ ﺍﻟﻌﺪﺍﺏ ﻟﻲ ﺩﻭﺯﺕ ﻋﻠﻴﻚ ﻭﻗﻔﺘﻮ : ﺣﺒﻴﺒﻲ كانشكر ﺍﻟﻠﻪ ﻋﻠﻰ ﻫﺎﺩ ﺍلصفقة لي جمعاتنا ﻭﺍﺧﺎ ﻣﻜﻨﺘﺶ ﺑﺎﻏﺎﻫﺎ ﻟﻜﻦ ﻫﺪﺍﺗﻨﻲ ﺃﻏﻠﻰ ﺣﺒﻴﺐ ﻭﺍﺣﺴﻦ ﺭﺟﻞ ﻓﺎﻟﻌﺎﻟﻢ ﺍﻩ ﺍﻩ ﻣﻮﺍﻓﻘﺔ ﻭﻃﺎﻳﺮﺓ ﺑﺎﻟﻔﺮﺣﺔ ﺭﻛﺒﻨﺎ ﺍﻟﺨﻮﺍﺗﻢ ﻭﻋﻨﻘﻨﻲ ﻋﻨﺎﻕ ﺣﺎﺭ ﻭﻗﺒﻠﺔ إشتياق ﻣﻔﻌﻤﺔ ﺑﺎﻟﺤﺐ ﻭﺍﻟﻮﻟﻪ ﺫﻭﺑﺎﺗﻨﻲ ﻣﺤﺴﻴﺘﺶ ﺑﻴﻪ ﺣﺘﻰ ﻫﺰﻧﻲ ﻟﺒﻴﺘﻨﺎ ﻭﻛﺎﻥ ﻣﻔﺮﺵ ﻛﻠﻭ ﺑﺎﻟﻮﺭﺩ ﺍﻻﺣﻤﺮ ﻭ البالونات ﻣﻜﺘﻮﺑﻴﻦ ﺑﺴﻤﻴﺎﺗﻨﺎ ﻣﺎﺭﺳﻨﺎ ﺍﻟﺤﺐ ﻭﻛﺄﻧﻨﺎ ﺃﻭﻝ ﻣﺮﺓ ﻧﻤﺎﺭﺳﻮه بإشتياق ﻭﻟﻬﻔﺔ ﻭﺍﻧﺼﺎﻫﺮﺍﺕ ﺃﺟﺴﺎﺩﻧﺎ ﻣﻊ ﺑﻌﻀﻬﺎ ﻭﻛﺄﻧﻨﺎ ﺧﻠﻘﻨﺎ ﻟﺒﻌﻀﻨﺎ ﻧﻌﺴﻨﺎ ﻓﺄﺣﻀﺎﻥ ﺑﻌﻀﻨﺎ ﻭﻓﻘﻨﺎ ﻋﻠﻰ ﺃﻧﻔﺎﺱ ﺑﻌﻀﻨﺎ ﺑﺎﺳﻨﻲ ﻓﺠﺒﻬﺘﻲ : ﺻﺒﺎﺡ ﺍﻟﺨﻴﺮ حياتي ﻓﻴﻦ ﺗﺒﻐﻲ ﺗﺪﻭﺯﻱ ﺷﻬﺮ ﺍﻟﻌﺴﻞ؟
ﺃﻧﺎ : ﺍﺣﺴﻦ ﺑﻼﺻﺔ ﻫﻲ ﻓﻴﻦ ﺗﻮﻟﺪ ﺣﺒﻨﺎ ﻧﺪﻭﺯﻭﻩ ﻓﺎﻟﻔﻴﺮﻣﺔ ﺣﺪﺍ ﻣﺎﻣﺎ فاطنة
ﻋﻨﻘﻨﻲ ﺑﺠﻬﺪ ﻭﻓﻌﻴﻨﻴﻪ ﻧﻈﺮﺍﺕ ﺍﻟﻔﺨﺮ ﻭﺍﻻﻋﺠﺎﺏ ﻭﺍﻟﺤﺐ ﺭﺟﻌﻨﺎ ﻟﻠﻔﻴﺮﻣﺔ ﺍﺳﺘﻘﺒﻠﻮﻧﺎ ﻣﺎﻣﺎ ﻭﺑﺎﺑﺎ ﻭﻣﺎﻣﺎ فاطنة ﻟﻲ ﺻﺤﺘﻬﺎ ﺑﺪﺍﺕ ﺗﺮﺟﻊ ﻟﻴﻬﺎ ﻃﻠﺒﻨﺎ ﻣﻦ ﺑﺎﺑﺎ ﻭﻣﺎﻣﺎ ﻳﺒﻘﺎﻭ ﻣﻌﺎﻧﺎ ديما ﻳﻮﺳﻒ ﺻﺎﻳﺐ ﻏﺮﻓﺔ ﻧﻮﻡ ﻭﺍﻋﺮﺓ ﻟﻮﻟﺪﻧﺎ ﻭﺣﺒﻴﺒﻨﺎ ﺩﺍﺭﻫﺎ ﻟﻴﺎ ﻣﻔﺎﺟﺄﺓ ﻭﻛﻨﺎ ﻛﻨﺘﺴﻨﺎﻭﻩ ﻓﻮﻗﺎﺵ ﻏﻴﺮ ﻳﺠﻲ ﻳﻀﻮﻳﻬﺎ ﻭﻳﻨﻮﺭﻫﺎ ﻭﻳﻀﻮﻱ ﻣﻌﺎﻩ ﺣﻴﺎﺗﻨﺎ ﻭﺟﺎ ﺍﻟﻨﻬﺎﺭ ﺍﻟﻤﻮﻋﻮﺩ ﺗﻨﻐﻮﺕ ﻭﻧﻌﺾ ﻛﺎﻥ ﺑﺎﺳﻞ ﺑﺤﺎﻝ ﺑﺎﺑﺎﻩ ﺑﻐﺎ ﻳﺨﺮﺝ ﺑﺰﺭﺑﺔ ﻣﺎ ﻭﺻﻠﻨﻲ ﻳﻮﺳﻒ ﻟﻠﻜﻠﻴﻨﻚ ﺣﺘﻰ عصبتو ﻣﺰﻳﺎﻥ ﺑﺮﺩﺕ ﻓﻴﻪ ﻛﺎﻉ ﺩﺍﻛﺸﻲ ﻟﻲ ﺩﺍﺭ ﻓﻴﺎ ههه ﻗﻤﺸﺘﻮ ﻭﻋﻀﻴﺘﻮ ﻭﺻﺮﻓﻘﺘﻮ ﻭﺍﺧﻴﺮﺍ ﺟﺎ ﻭﻟﻲ ﺍﻟﻌﻬﺪ "محمد" ﻟﻲ ﻛﺎﻥ ﻧﺴﺨﺔ ﻣﺼﻐﺮﺓ ﻋﻠﻰ ﺑﺎﺑﺎﻩ ﻭﺍﻧﺎ ﻏﻴﺮ ﺗﺴﺨﺮﺕ ﻟﻴﻪ ﻭﺟﻴﺖ ﻫﻬﻪ ﺟﺎ ﻧﻮﺭ ﺣﻴﺎﺗﻨﺎ ﻛﺎﻥ ﻫﻮ ﺿﻮ ﻋﻴﻨﻴﻦ ﺑﺎﺑﺎﻩ ﻛﺎﻥ ﻫﻮ ﻟﻲ ﺗﻴﻬﺘﻢ ﺑﻴﻪ وﻳﺒﺪﻝ ﻟﻴﻪ ﻳﺴﻬﺮ ﻣﻌﺎﻩ ﻛﺘﺮ ﻣﻨﻲ ﺍﻧﺎ ﺻﺮﺍﺣﺔ ﻛﺎﻥ ﻣﻬﻨﻴﻨﻲ ﻫﻬﻪ ﺍﻟﻤﻬﻢ ﻗﺮﺭﻧﺎ ﻧﻌﻴﺸﻮ ﻓﺎﻟﻤﻐﺮﺏ ﻫﻮ ﺣﻮﻝ ﺧﺪﻣﺘﻮ ﻛﺎﻣﻠﺔ ﻫﻨﺎ ﺷﺮﻳﻨﺎ ﻓﻴﻼ ﻓﺎﻟﻤﺪﻳﻨﺔ ﻟﻜﻦ ﺍﻟﻔﻴﺮﻣﺔ ﻛﻨﺎ ﻛﻞ ﻭﻗﺖ ﻧﺠﻴﻮ ﻧﺰﻭﺭﻭﻫﺎ ﺣﻴﺖ ﻓﻴﻬﺎ ﻣﻴﻼﺩ ﺣﺒﻨﺎ ﻭﻋﻨﺪﻧﺎ ﻓﻴﻬﺎ ﺫﻛﺮﻳﺎﺕ ﺯﻭﻳﻨﺔ و ﻣﺎﻣﺎ فاطنة ﻋﺎﻳﺸﺔ ﻣﻌﺎﻧﺎ ﻭﻣﺰﺍﻝ ﺍﻧﺎ ﻟﻲ ﻣﻬﺘﻤﺔ ﺑﻴﻬﺎ ﻛﻴﻒ ﺩﻳﻤﺎ ﺣﻴﺎﺗﻨﺎ ﻛﻠﻬﺎ ﺳﻌﺎﺩﺓ ﻭﻟﺪﻧﺎ ﺗﻴﻜﺒﺮ ﻗﺪﺍﻣﻨﺎ ﻭﺳﻂ ﺟﺪﻭﺩﻭ ﻟﻲ ﺗﻴﺒﻐﻴﻮﻩ ﻭﻳﻤﻮﺗﻮ ﻋﻠﻴﻪ ﻣﻨﻨﻜﺮﺵ ﺍﻧﻪ ﺗﺘﺼﺎﺩﻓﻨﺎ ﺷﻲ ﻣﺸﺎﻛﻞ ﺑﺤﺎﻝ ﻛﺎﻉ ﺍﻟﻨﺎﺱ ﻟﻜﻦ ﺗﻨﺘﺠﺎﻭﺯﻭﻫﺎ ﺑﻜﻞ ﺣﺐ ﻭﻭﺩ ﻭﻋﺎﻃﻔﺔ ﺩﻳﻤﺎ ﺗﻨﺘﻔﻜﺮﻭ ﺍﻟﺼﻔﻘﺔ ﻭﺗﻨﺒﻘﺎﻭ ﻧﻀﺤﻜﻮﻭ ﺳﻤﻴﺘﻬﺎ ﺻﻔﻘﺔ ﺣﻴﺎﺗﻨﺎ ﺣﻴﺖ ﻓﻌﻼ ﻛﻮﻥ ﻣﺎ ﻫﺪﻳﻚ ﺍﻟﺼﻔﻘﺔ مانتلاقاش بحب حياتي و فارس أحلامي لي كانبغيه و كانموت فيه
النهاااااااية
كيف جاتكم القصة؟
و شناو ستافدتو منها؟
أراؤوكم و إرتساماتكم تهمني
تعليقات
إرسال تعليق