عشق وداع

عشق وداع

الجزء 1 : *********** انا دبا كنجمع حوايجى و كنودع صحاباتى او لانقول خوتاتى اللى كبرت معاهم ضحكنا و بكينا و عسنا احلى لحظات جميع دبا لوقت اللى غانتفارقو حيت لبنت كتوصل سنها 18 سنة كيخرجوها من لخيرية ايما تخدم فديور ايما دبر راسها اه لخيرية حيت انا كبرت فيها مكنعرفش شكون هما وليديا و مكيهمنيش نعرفهوم اللى عارفه هو انهم تخلاو عليا و كنكرهم لاقصى درجة منى عقلت على راسى عشت كيفما انا مسولتش اشنو ولا كيفاش جيت لهنا فقط ختاريت نعيش كيما لباقى انا كنت محظوظة وخه بهاد لهدرا غادى نعيش حزينة و لكن تا انا ما ساهلاش غادى نعيش حتى زبايل و لمقالب كيما قلت محظوظة حيت تزوجت ما يمشيش بالكم بعيد تزوجت زواج عادى بلا عرس بلا والو راجلى او لا نقول راجلى غير فلوراق سميتو يحيى فعمرو 39 سنة اه كبر منى ولكن مازال شباب طويل و بشرتو بيضة و لحيتو شوية كتيرة و شعرو رطب مسرار بصحيح لعبارة زينو زين تركى كيشبه لكمال ههههه عنداكم تزعطو هو لباس عليه عندو نفوذ كبيرة و معارف فلبلاد اتفاقو كان اننا نتزوجو و غا يعيشنى كيف اميرة حتى حاجه ماتخاصنى و شرطو كان اننى عمرى نسولو علاش كيعاملنى هكا بلا مقابل وخه ضارنى راسى وافقت على شرطو دبا شهر باش تزوجنا من داك نهار ما شفتو حتى لهاد نهار حيت قفلت 18 سنة وليت محسوبه على دولة دبا شيفور كيتسنانى باش يوصلنى لقصر اه لقصر اللى تما فين اتبدى قصة حياتى هههههههه اويلى نسيت ما عرفتكومش براسى انا اسمى وداع 18 سنة لاطاى ديالى وااااو شى حاجة طوب و الله لعظيم عندى حقى فالزين شعرى طويل و كحل و رطيطب لحاجه اللى خاصكوم تعرفو هو ختكم عايشورية من درجة ضابط فرتبة الاولى هههههههههه **********************

الجزء2 : ما تفارقت معاهم غير بسته و ستين كشيفه حمرولى وجهى بلبوسان ههههه خرجت و انا جارا باليزتى حتى لقيت شيفور واقف حدى طوموبيل شيفور: تفضلى امدام يعطيه دل و قلت دوا انا مازالا بنت يييييييييخ انا : مرسى دايرا فيها بورجوازية ههههههههههه خدى منى لفاليزا و حطها فلكوفر حل ليا لباب و ركبنا خدينا مسافة طويلة فطريق لحياة على برا زوينة ماشى بحال لخيرية كنضلو بين 4 دلحيوط طريق كاملة و تساؤولات ما بغاتش تفارقنى فين و كيفاش غانعيش حياتى و شنو هما صعوبات اجوبة عارفهم شخص واحد فقط هو سيدى ربى حتى كنفيق هزيت راسى عرفت باللى وصلنا ويلى ويلى هاى هاااااااى واقصر واشمن قصر جردة مشكلة بالورد بواحد طريقة جد رائعة و بحيرات صغار كيحمقو بالزين هبطت بعدما فتح ليا لباب بقيت غادا جهت لباب حتى وصلت صونيت و تفتح..

الجزء 3 / كنت كنتظر تفتح ليا شى خدامة لكن طرا لعكس وخه لقصر عامر خدمات لكن وقع ما لم يكون فلبال فتحتلى واحد سفريطه فيها شى 2 مترو يا ربى سلامه وجها صفر بحال شى ستدعى و لباسها داير بحال ساقطات ما تسوقتش ليها وخه ضرنى راسى بغيت نعرف شكون ضربتها على كتافها وتميت داخلا نارى على قصر كلو زرابى حتى مع دخلا ديال لباب مفرش زرابية طويلة و لخدامات كينقزو من قنت لقنت مع ختكم عندها مع ديك شعار ديال نظافة من الايمان حيدت صباطى ههههههه وهزيتو فيدى هههههههه خفت لا نوسخ ليهم زرابى لكن ضحكت شى صفريطات فيا اه هي لمعكوفة اللى ولداتها بقات كضحك حتى مقديت نصبر انا : ياكما يماك ولداتك فشى عرس ما عجبهاش لحال زراقت و خضارت لكن ما جاوباتش حيت يحيى كان نازل من دروج غا شافتو تربط لسانها اما انا ماشى كفس منها غا شفتو رديت صباطى بزربة لرجلى لا يضحك عليا درت شوهة فراسى يحيى : سلام مرحبا بك انا و كنتمتم : شكرا يحيى : ايناس سيرى صوبى ليا شى قهوة و وصليهالى لبيرو ونتى اجى معايا هههههه مانقولش ليكوم صفريطه كيولات قالك سميتها ايناس بفففففففففف لا زين لا فصاله كى صنداله تميت تابعاها و انا حالا فمى فديكور و الاتات ديال لقصر جاتنى دوخه دخلنا لبيروه يحيى : تفضلى جلسى خودى راحتك دار دارك انا : شكرا وخه نسولك يحيى : اوكى انا ضرنى راسى خاصنى نعرف : شكون هاد صفريطه شكون هاد ايناس يحيى : سبق و قلتلكى مقابل ديالى هو عمرك ما تسولى ينعل بوه قمعنى قمعه مع دخلا ديال ديك لعوجه وجهات لى ابتسامة صفرا انا : وخه سمحلى وخه تورينى بيتى حيت عيانا يحيى ناض تاجه لجيهتى : مالك ياكما مريضة مافهمتش تصرف ديالو غير سمع رانى عيانه ملاميحو تحولو لخوف جاتنى ردت فعلو غريبه مع ان صفريطه ما عجبهاش لحال تانى انا : لا ما بيا والو غير مع طريق و صاف يحيى : مزيان هاهي لخدامة نعيمة توريك بيتك انا : شكرا ***************

الكاتبة زينب أعليلی الجزء 4 / جات لخدامة بصرح ضاهرا فيها بنت ناس ما كبيراش بزاف تكون عندها ديك 25 سنة طلعاتنى لبيتى كان فطابق تانى وااااااااو كبير و لبلاكار فيه جميع لملابس اللى كنبغى كساوى و صبابط و صيكان و سراول داكشى طوب تلاحيت فناموسية الله شحال رطبه انا : سميتك نعيمة ياك لخدامة : اه الاله انا : بلاش من ديك لاله جريتها جلستها فوق ناموسية حاولت نجرليها لسانها انا : نقدرو نكونو صحابات لخدامة : اه شرف ليا انا : اوكى من دبا راك صاحبتى قوليلى ديك صفريطه شكاتجى ليحيى بقات ساكتا ماشى خايفه تجاوبنى لاء حسيت بيها حشمانه انا : جاوبى و غاجاوبى عادى خدامة : هاديك راها بنت ليل اويلى عينى خرجو 190 درجة تصدمت كيفاش بنت ليل لخدامة : سى يحيى كان رجل كل نهار فرحان و سعيد و لكن نهار مات صاحبو و اعز صديق عندو تبدل ولى كل اسبوع يجيب وحده تدوز معاه مدة يخلصها و تمشى اما هاد خيتى هي لوحيدة اللى مازالا هنا و الله حتى دخت كيفاش كان سعيد و كيفاش تبدل من بعد موت صاحبو و شكون : هاد صاحبو لخدامة : و الله ما عرفت هادشى اللى عارفه انا : اوكى خلى هاد لهدره بيناتنا اما ديك لحقيره غادا نوجد راسى مزيان معاها دبا غاندوش و نتكى اوكى من بعد و نهدرو لخدامة : وخه الاله خليتلك راحة انا : عاوتانى لاله لخدامة : اوكى اصاحبتى ههههه بصراحة ضريفة و عجبنى لحال معاها وخه هاد لهدرا اللى قالت ماكتبشرش بلخير *******************

الجزء 5 : ***************** تكيت فوق ناموسية حسيت براحة وخه عقلى ماشى معاى تفكرت صحاباتى كنا فريق واحد وااااو لحظات عمرها ما تنسى عشنا كنحلمو بزاف ولكن لحياة فرقاتنا لخيرية ااااااه يا لخيرية يا اللى نص عمرى ضاع فعالمات بزاف ديال لحوايج ما كانش عندى ليهم جواب ما عرفتش راسى باللى اتحسن حالتى و غانرجع ننقدم من ديك لماسات اللى كيعيشو اه ماسات حيت لقوانين تما جد صارمه ضرب و لعطش و لماكلا خايبة الله يسهل غير على واح لمحسنين هما اللى كانو مره مره كيساعدونا خصوصا انا فلعامين لخرا كانو كيتعاملو معايا مزيان مافهمتش حيت يحيى خبرهم باللى غايتزوج بيا وخافو مع دلك حالفه حتى نخرج صحاباتى من ديك لمحنه ماحسيت براسى حتى صبح لحال شميسة عاطيانى لراس و زقزقة لعصافير جميل منظر خلاب اللى كيعطى واحد لحلة لقصر دخلت لحمام لقيت بزاف ديال لقراعى ماعرفتش ديالاش هههههه خويتهم كاملين و طلعات رغوه ههههه تخشيت فيها الله على سخونيه بقيت مخشيه وانا كنغنى غنيت نانسى عجرم ديك ديال فى حاجات تتحس و ما بتتقالش و الاول مع بعض هاتروحها اهههها رغم ما بتسالش ههههه غاكنخربق والله ماحافظاها ساليت من داك لفضايح لبست حوايجى و جمعت شعرى بفوطه و هبطت نقلب على كراطا ختكم حادكه هههههه لمجره ديال دوش تخنفات و لما هبط وتم خارج مع لبيت قلت نجيب كراطا ونزلو مع دروج هههههه ********************

الجزء 6 : ***************** مع لهبطا لقيت نعيمة نعيمة : صباح نور فايقه بكرى انا : اه فقت بكرى رانى درت واحد لفظيحة واش كاين شى كراطا هنا نعيمة : اويلى اشمن فظيحه انا : لمجرى ديال دوش تخنقات نعيمة : صافى خليك نزلى تفطرى وانا غانحل لمشكل انا : مرسى ربى يخليك اجى تسناى نسولك نعيمة : اهاه سولى انا : يحيى و ديك صفريطه فينهم بقات ساكته و حانيا راسها فهمت باللى لقضيه فيها اينا انا : فين جا بيتو نعيمة : مع دوره حدا بيتك انا : اوكى انا هابطا نفطر نعيمة : بالصحة كملت طريقى و طلعات هيا تفك ديك زبلا اللى درت لقيت طبله موجده فطرت وبقيت جالسه حيت فقت بكرى ضرنى راسى بغيت نعرف واش صفريطه معاه تميت طالعه حتى وصلت لحدا بيتو بقيت حاطه صبعى على فمى و كنفكر واش نحل ونطل و لا بلاش حسبت حد 10وحليتو بشوية ههههههه ما هذا يا هذا !!! صفريطه ناعسا فالارض و يحيى فوق ناموسيه والله ما فهمت شى حاجه هادشى كيعنى ما وقعات حتى حاجه بيناتهم لبارح سديتو و ضربتها بجريات خفاف لبيتى نشوف واش زبلا اللى درت تفكات على خير اوووف لحمد الله لقيتها نشفات دنيا عاد رتاحيت و نزلت تانى مشيت جلست فجرده كنلعب مع واحد لمشيشات حتى كنسمع صوتو يحيى : نعيمة قولي ليهم يوجدو ليا صالا نعيمة : وخه اسيدى هي الولا فهمت باللى ناوى يطرينى مرر ليا ابتسامه من زاج كتعنى صباح نور حتى انا رديت عليه مشى يطرينى اما انا مازالا مع لمشيشات حتى نزلات صفريطه جايا جهتى ضاهرا ناويه ترد صرف ههههه ساعه معامن هيا

الجزء 7 / *************** تميت جايا غير شافت يحيى هبط لاصال اللى لتحت و لقات ساحه خاويه تمات جايه و كتكفط على جلايلها حتى انا ماشى من لعاكزين دفعت لمشيشات باش ماتجيش فيهم شى ضربه ايناس : اجى نتى دبا غانتفاهمو على ديك لهدرا اللى قولتيليا لبارح ملى دخلتى شنو نسيتى اصلك يا بنت لخيريه نارى دبا عاد ضبرات عليها معايا انا و كنخرج فزنافرى : انا بعدا بنت لخيريه ماشى بنت زنقه يا لعوجه يا بنت لعوج تشادينا من شعر بنت اللدينا ما ساهلاش لكن حكمتها شديتها شدا وحده بقيت نجبد ليها فديك شعر جبد يما تجبد ما طلقتها غا بزز بسيف جا يحيى قلبت سيفتى و عطيتها لبكى درت ديك ضربنى و بكى سبقنى و شكى شعككت راسى بلا مايرد لبال و بقيت كنبكى و نواح هههههه مسكينه بقوة صدمه جاتها لقوه بطبيعة لحال يحيى جى من جهتى بقى كيغوت عليها ههههه ختكم عاد مازادت فيه انا : اهيئ اهيئ راها نتفاتنى هيئ وقلت ليا انا بنت زنقه اهيئ اهيئ يحيى جرنى من يدى فاتجاه لحمام غسل لي وجهى حيت تجلخ بلخنونه ههههه وبقات كتحلف عليا والله حتى صرعتها هههه ايوا هي اللى جبدات من بعد ما دخلنا لحمام اللى فسفلى و جرنى طلعنى لبيتى الله عجبنى اهتمامو بيا طلب منى نرتاح شويه وهو غادى لخدمه دبا فلعشيه يرجع و قالى باللى غايتفاهم معاها غير خرج سمعت غواتو كان كيغوت عليها و سمعت لباب تزدح بقوة كان هداك هو خرج معصب ضرنى راسى بغيت نفهم اش قالها

الجزء 8 : ********************** جمعت نوضا وحليت لباب دورت وجهى يمين شمال حتى حد ماكاين تميت نازلا نقلب فين جات لكوزينه مه ختكم يلاه عارفا طريق بيتها ولتحت صافى هههه بقيت نقلب حتى بانت ليا واحد لخدامه سولتها فين جات لكوزينه لقيت نعيمة جالسه كتنقى لخضره وااااو لكوزينه تبارك الله قدها قداش مجهزه بطريقه والله حتى دخت اصلا انا منين دخلت لهاد لقصر وانا دايخه جلست حداها انا : نعاونك نعيمة : هههه انا : كضحكى علاش نعيمة : عجبنى هادشى اللى درتى ليها انا : زعما شفتى كلشى نعيمة : هههههه اه و تستاهل عرفتى قبل ماتجى نتى كانت دايرا لينا لحبس مع دلك مازال قاصحه معانا انا : ينعل جدها مالها اش بغات تكون بنت ليل هههه بقينا كنضحكو حتى سمعنا تعياط ديال ديك طوبه كتعيط نعيمة انا : اش بغات هادى عندك نعيمة : نمشى نشوفها اش بغات و نجى اوكى انا : اوكى مشات نعيمة ماتعطلاتش بزاف وتمات راجعا انا : اش قالتلك نعيمة : قالت ليا باللى هي لى غاطيب لغدا انا :امممممممم هاكداك زعما ايوا طيبو من بعد نعيمة : قالت ليا بغات لكوزينه خاوية انا : ااااااابون نخويها ليها الاله اجى نخرجو لصالون نتحتو شويه انا : نارى الا شافتنى اتبدا تغوت انا : جريتها من يديها زيدى زيدى ماتقدرش تقول والو علاش ما سمعتيش يحيى ندمها دبا بغات تطيب باش تحزرو زيدى يلاه خرجنا من لكوزينه فاتجاهنا لصالون لقيناها واقفه كيلعلام ماتسوقناش ليها زدنا جلسنا و مشات دخلات بقينا شى نص ساعه مجمعين انا و نعيمة عرفاتنى على راسها مزيان وعرفت باللى هي قديمه هنا فهاد لقصر وحتى يحيى كيتيق فيها وديما كيعول عليها بقينا هكاك حتى خرجات صفريطه اممممم ريحت طياب عاطيه خرجات لجرده ايوا دبا عاد انبدى نلعب انا : ببتسامه موجها لنعيمة اش بالك ههههه نعيمة مخلوعه : لا ماديريهاش *******************

الجزء 9 : ************* جريتها من طابليه و تمينا سالتين فاتجاه لكوزينه حتى وصلنا هاى هااااااااى ناويه تبان على يحيى و تحزرو والله لا خليتها تربح نعيمة : نارى ونحصلو انا : يعطيك يدل خايفه منها نعيمة : وراه خايفه من سى يحيى لا يبقى بلا غدا انا : الا بقى تهار بلا بيه ماغاديش يموت صافى خلينا نقادو شغال ههههه نعيمة : اوكى هههه غير سربى قبل ما تجى والله مادرت شى حاجه هههه فقط اضفت نصف قرعة من لملح ونصف قرعة من ابزار وصاف وشى شويه ديال تيد حيت عزيز عليا رغوه فلماكلا هههههه خرجنا رجعنا لبلاصتنا بسليتا بحالا تاحاجه ماطرات هههه بقينا مجمعين و لخدامين ها اللى كتمسح فلحيوط بقيت ساهيه فها لمنظر ااااه يا دنيا اما صفريطه مازال جالسه فجرده وفرحانه Gاعما عارفا اش كيتسناها ههههههه جاتنى لقنطه اووووف حتى نعيمة مشات تقابل شغالها مالقيت ماندير وبديت كنغنى هاد لمره ماشى نانسى عجرم لا هههه هاد لمره حبك جابنى بالليل مابيا ما عليا ماجيت فين نكملها حتى جى بنهار ماشى بليل هههه يحيى وصل يحيى : رتاحيتى دبا ماجيت فين نجاوبو حتى صفريطه جايا تلاحت عليه بتعنيقه ساعه بعدها عليه اووووف ما كرهتش نشدها نجيف جد واليديها و اخيرا تحطات طبله ***********************

لجزء 10 : ************** كنت عارفه لقضية حامضه داكشى علاش كتافيت نجلس ونوجد لما ليحيى وبقيت كندعى يا ربى ما يطرى ليه والو هههه صفريطه كانت فرحانه و هى كتخويلو لماكله يحيى : بسم الله اعععععع كح كح كح هوهوهو سيد تنفخ وجهو حمار بقى فيا نضت كنجرى نديرلو اسعافات اوليه و كنضرب على ضهرو اما لحقيره ما فهمات والو انا : هاك شرب ايناس : يحيى مالك يحيى : شكون طيب هاد لويل انا : لا لا ايناس هي اللى طيباتو ايناس : نتى زمى فمكى يحيى : قولى واش ما عجبكش طيابى يحيى جمع لوقفه و تم جاى جهتها مخرج عينو اما انا غا واقفه و حابسه ضحكه و دايرا يدى مور ضهرى و كنتعوج يحيى : اول حاجه ما عندهاش لا تزم فمها تانيان هاد لماكله ييييخ منها مسكينه هههه هبطو 4 دميعات من عينيها و وجهات ليا شوفه شريره كيف ديما معامن نتيا لالاك وداع هادى واخدا رتبه اولى فتاعيشورت ههههه مشات طلعات كتجرى سدات عليها فواحد لبيت اما يحيى خرج مسكين يشم لهوى هههه لحاجه اللى بغيت نفهم اش بينو و بينها و علاش مخليها عندو اووووووووووف ضرنى راسى قررت نتلف لوقت حيت جاتنى لقنطه بصراحه جانى لفضول بغيت نعرف لفوق يعنى طوابق لعاليين شكاين فيهم طلعت بديت كنقلب بيت ببيت كلهم يا اما كنلقى بيرو ولا بيت نعاس ولا حمام وشى وحدين خاويين حتى وصلت حدا واحد لبيت كان مسدود عييت نتقاتل معاه و والو حلف ولد لحرام ما بغى يتحل نعيمة : اويلى شكاديرى نارى على خلعا قلبى ضرب % 90 انا : الله ياخد فيك لحق مالك على هاد لخلعه نعيمة : هههه تهدنى ماكنتش قاصده ولكن عندك زهر ما شافكش سى يحيى راه ما غاديش يعجبو لحال انا : وعلاش ما غاديش يعجبو لحال وعلاش هاد لبيت مسدود شنو فيه نعيمة : يلاه نهبطو راه سى يحيى دخل و الا شافك هنا ما غايعجبوش لحال او او واعييت هادا جهدى واش صفريطه و ماقالش ليا عليها قلنا ما كاين باس وزاج قلنا دبا نفهمو ولكن حتى لهاد درجه او شى اينا كاينه و ما فهمتش شى حاجه قاضيه كاينه تما حاولت نبين ليها بحالا قتانعت حيت وخه تصاحبت معاها و لكن حاسه بيها مخبيا عليا شى حاجه قررت حتى ليل و نتسلت ونجى نحلو باى طريقه مدام كيخاصمو على ود اللى كيقرب لهاد لبيت هادشى كيعنى شى قضية كتخصنى كاينه فيه *********************

الجزء 11 : ************* هبطت معاها لقيت يحيى واقف يحيى : سيرى وجدى راسك باش خرجو انا : وخه و لكن فين يحيى : من بعد و تعرفى ضرنى راسى هادا فين غادى بيا طلعت لبيتى مشطت شعرى وجمعتو على شكل حصان لبست سروال سليم تجين و بودى مشبك و صبيبط وتميت هابطه بجريه بحال دوك درارى اللى عندهوم 4 سنين كنت غانجى على فمى جاب الله تلاقاو نظرات جيت على صدر يحيى وهو شادنى و حاط يدو ورى ظهرى حسيت بنفس ديالو طلعات معايا حتى وقفنى يحيى : عاودى ردى بالك كنتى غاتجى على وجهك انا : وخه شكرا على لمساعده خرجنا ركبنا فطوموبيل كان هو اللى سايكها عجبنى لحال اول مره يخرجنى دانى لواحد ريسطو كيجمع ما بين طبقة لمغربية و طاليانية شدينا بلايصنا و خدينا ماناكلو بقينا جالسين فصمت حتى سالينا خلص و خرجنا وشى مونيكات كيحنزو فيه ساعه ما تسوقش ليهم يحيى : تبغى نمشيو لواحد لبلاصه انا : اوكى فين يحيى : لروضه نزور صاحبى و مرتو جاتنى هضرتو غريبه و حتى طريقه باش قالها كانت واضحه حزينه تفكرت لبيت و تفكرت هضرت نعيمة فاش قالت ليا تبدل ملى مات صاحبو جاوبتو اه حيت خاصنى نفهم بزاف ديال لحوايج تاجهنا لروضه من بعد ما خدينا لورد ************************

الجزء 12 : **************** اصعب الاشياء فى الوجود ان تكون اسئلة مارسومة على الوجه و الحزن يغمر القلب . كلمات و اسئلة طاحت ببالى فى هذه الحياة وصلنا الى مكان حيت الهدوء و السكون و الطيور تطير احسست برعشة اهتزت بداخلى حزن و كان الحياة التى اشتقت لها موجودة هنا اكتفيت ان اتابع خطواتى وراء رجل نعم يحيىالذى لا اعرفه لماذا يجعلنى...........!!!!!! الرجل نعم رجل ساعدنى على التخلص من حياتى بائسة التى عبارة عن اربعة حيطان رغم المساعدة فانا ليوم فى حياة غريبة حياة جعلت اسئلة تبعتر افكارى و دماغى يحيى : فين عقلك هييييهو انا : لا هانا معاك واش هادو هما لقبور ديال صاحبك و مرتو يحيى : اه هدا صاحبى احمد و هادى مرتو حنا الله يرحمهم *******************

الجزء 13 : ************* انا : كيفاش حتى ماتو قبل ما يجاوبنى تنهد واحد تنهيدا عاد جاوب يحيى : مراتو حنان نتاحرات و احمد مات بمرض خايب حسيت بقليى وقف بقاو فيا علاش نتاحرات مسكينة اشنو سبب انا : علاش نتاحرات مسكينة يحيى : مشاكل دبا يلاه خاصنا نمشيو انا : علاش كدير هكا جاوبنى اش مخبى فواحد لحظة ما فهمتش شنو طرى ليا سعرت عليه انا : لا صافى عييت تم جاى جهتى بخطوات متسارعه شدنى من يدى و جرنى يحيى : زيدى قدامى و سكتى انا : اهيئ اهيئ طلقنى ضريتينى فيدى يحيى تم جارنى حتى خرجنا طلعنا لطوموبيل كتفى انه يبقى ساكت زدح لباب بعدما طلعنى كسيرا بواحد سرعة كبيره **********************

الجزء 14 : ************* سرعة اللى كانت راحة بالنسبه ليه اما انا حسيت بلخنقه هادشى ولى محيرنى لكى ترجع بى دكريات للوراء يوم عرض علي الزواج دبا عاد بديت نتخلوض غابوحدى دبا صافى عييت خاصنى نفهم بقيت كنفكر بصمت طول طريق حتى وصلنا هبطت من طوموبيل كنجرى فاتجاه لقصر طلعت دروج باحار ما فلقوة ديالى حتى وصلت لبيتى دخلت و سديت عليا تلاحيت على ناموسية كنبكى و كنتسائل انا : اهيئ اهيئ علاش يا ربى علاش يوقع ليا هادشى و شكون انا و علاش انا بدات اللى تزوجنى علاااااااااااااش بقيت شى 2 ساعات حتى سمعت دقان كانت نعيمة ماحليتش ليها نعيمة : دق داق حلى لباب وداع عفاك حلى لباب و اجى تعشاى انا : بصوت قوي سيرى بحالك مشات حيت صوتها نقطع ما حسيت براسى حتى دانى نعاس فقت مع ديك 3 ديال ليل تفكرت لبيت لمسدود جمعت نوضى حتى حوايجى اللى كنت لابسه مازالا بيهم تميت خارجه بمشيا خفيفه درت مع دوره حليت باب يحيى تما تصدمت يمكن اكبر صدمه ما فهمتش علاش كنتسوق ليه كان يحيى مع ديك صفريطه كانت معريا و معنقيين تحت ليزار ينعل جد والديهم بجوج سديتو بشويه بلا حس و طالعى لطبقه لعلوية باش نكتاشف شنو كاين فهداك لبيت ************************

لجزء 15 : ************ داكشى اللى درت طلعت و بقيت جر يا ما تجر جر يا ما تجر حتى نتابهت لواحد سليله كانت مور واحد لمحبق جريتها كانو فيها بزاف ديال سوارت شى 100 ساروت انا راغادى ندخل فشؤون و مكيهمنيش اللى كيهمنى هو نعرف شكون هاد صاحبو بقيت جالسه نجرب هادى تصلح هادى دور هادى تصلح هادى دور حتى لقيتو اووووف و اخيرا تحل اه يا سيدى ربى لبيت عامر غبره دخلت و سديت لباب كان بيت كبير و مجهز بناموسية و لكوافوزات ديالو و ماريو طويل متكيه على لحيط وشى بلاكارات حليتهم واو حوايج ديال لعيالات و حتى حوايج ديال رجال كلشى مغطى بليزور بقيت كندور غعويناتى مزيان حتى شفت واحد لمجوره مشيت كنفتش جبدت واحد لمذكره و شى رسائل بسميت احمد و شى وراق و شى جريده مكتوبه فيهم اللى فهمت انه اوراق ملكيه كلشى بسميت يحيى واو لهاد درجه احمد عزيز عليه يحيى حليت لمذكره كانت عبارة على محطه لصور رجل و امراة حتى تصاور بنيته صغيرة بقيت كنامل فتصاور كانت عائله عبارة على رجل ذو ملامح بيضاء و امراة ذات ملامح سمراء و طفلة رضيعه اللى زاد دخل فيا لوسواس هو رجل سبحان الله كيشبه ليا نعلت شيطان و كملت فتفراج كان يحيى موجود فكل صور هدا يعنى باللى نعيمة عندها لحق منين مات احمد يحيى تبدلات حياتو فجميع تصاور شفت يحيى وحدا خور مبتاسم و ضحكه مرسومه على وجهو كان مازال صغير ماشى بزاف لمهم كان ديك لوقيته شاب و حتى احمد و مرتو شباب جمعت لمذكره وحليت رسائل اول رسالة كانت ديال حنان حيت مكتوبه سميتها اللى فهت ان رسالة كاتباها فنهار اللى نتاحرات فيه انا نقرى عليكم اشنو كانت كاتبه سلام اما بعد حبيبى احمد و زجى لعزيز

الجزء 16 : **************** زوجى العزيز انا اعرف ان حياتنا كانت جد سعيدة انا اعرف ايضا ان كل هده الصعوبات لها حل و لكن قلبى لا يشعر بالارتياح انا فقط كنت اود ان اعيش حياتنا بكل سعادتها انا و انت و يحيى صديقنا لكن وقع شئ لم يكن فى الحسبان صغيرتى حبيبتى ابنتى لحبيبة تمرة حبنا تحملت اوقات و تحملتو سنين و انا بعيدة عليها لا اعرف هل نائمة هل هى بصحة جيدة لقد عشت سنين و انا بعيدة عليها لكن لم اعد اتحمل الان اعلنت وفاتى سادع نهاية لم اعد اتحمل اهيئ اهيئ اطلب منك السماح و امنيتى هى ان تجد ابنتنا تمرة حياتنا و اريد منك ان تقول لها بان حبيبتكى امكى تعشقكى لحد لجنون زوجتك و حبيبتك حنان اوووف انا اش دانى لهادشى مساكن بقاو فيا و الله الله يرحمهم حتى يحيى خاصنى نطلب منو سماحه حيت عصبتو عند بالى غانلقى شى حاجه تخصنى ساعه غير زدت كملت على دوختى و صافى ما فهمت والو ما قدرتش نكمل جاتنى لخنقه رديت داكشى بلاصتو سديت لباب و تميت راجعه لبيتى هبطت يلاه قربت نوصل انا : بسم الله رحمان الرحيم ايناس : مالكى شفتى جن الله يستلر انا : لا شفت جنية ايناس : ضربك ان شاء الله و لا راكى مضروبه خلوق ههههه انا : تهجريه ايناس : نوووو اكبيده انا طوب فرحانه حيت كنت مع حبيبى انا : بزعط و ما تنسايش راه انا اللى مرتو اما نتى و نتعت بصبعى فيها راك غير تيدوز بيك لوقت خليتها طلعت و هبطت فيها دخلت لبيتى و زدحت عليها لباب كان صباح قريب يطلع تلاحيت كملت نعاسى حتى ضربات ديك 8 فقت دوشت هاد لمره ما خنقتش لمجرى هههه لبست بيجامه و نشفت شعرى و هبطت لتحت لقيتهم حاطين طبلة و صفريطة حاطه يديها على يد يحيى كتافيت نجلس انا : صباح النور يحيى جاوبنى و هو حانى راسو : صباح النور اوووف هاد صفريطة عاجبها لحال والله حتى ندمها و الله لا كانت ليها يمكن ما كانبغيهاش و لكن كنعشقو اه كنعشقو من ايام لخيرية كان ديك لوقت كيجى يجلس معاى و كنا كنتحدتو بزاف كملت فطورى و بقيت جالسه بلاصتى يحيى ناض وقف كان مقاد راسو حتى صفريطة كانت لابسه و مقاده حالتها فهت باللى خارجين و لكن فين ضرنى راسى و الله حتى نسول *******************

الجزء 17 : **************** انا : يحيى بغيتك ضرورى يحيى : سبقينى لبيرو هانا جاي مشيت سبقتو لبيرو بقيت جالسه كنتسنى حتى سد لباب وجا جلس تقابل معاى يحيى : ياكما خاصك شى حاجه قولى ليا ما تحشميش انا : لا لا تا حاجه مرسى بغيت نعتدر ليك على لبارح يحيى : حتى حاجه ما طرات انا اللى خاصنى نعتذر حيت زدت فيه معاك انا : من اليوم ما غاداش ندخل فشى حاجه نعيش عادى بحال اللى ما كاين والو قرب لكرسى لجهتى و شدلى يدى جمعهم عندو يحيى : انا عارف باللى هاد لعيشه برزطاتك و لكن كنواعدك قريب غادى نفهمك كلشى غير عيشى و خودى راحتك و ما تبقاى ديما مكشره وجهك اوكى انا : ههههه اوكى دبا فين غادى يحيى : معروض عند شى ضياف انا : واش كتبغيها يحيى : شكون انا : ايناس يحيى : هههه انا : علاش كضحك ياك غير سولتك يحيى : هههههه حتى نجى فالليل و نهدرو بسلامه خرج بعدما خلى 100سؤال فراسى علاش ضحك فاش سولتو اوووف علاش ما دانيش معاه ضاهر كيبغيها و الا لاش كينعس معاها تفووو كرهنى فراسى ما لقيت ما ندير و وعدت راسى غادى نعيش كيما كنت لا عين شافت لا قلب يوجع توحشت داك لبيت اووف حتى نعيمة خدات روبو 5 ايام بقيت بوحدى مع لخدامات طلعت لبيت حليتو و دخلت ما فهمتش شنو لحاجه اللى كتخلينى نتوحشو بقيت جالسه فيه بعدما هزيت مذكره كنتفرج فتصاور كنحس بواحد احساس زوين و خايب فنفس لوقتاللى كنفكر باللى زعما هادو واليديا لا لا هههه بديت كنحلم خرجت منو حيت الا بقيت فيه غانتسطى هبطت لصالون شعلت تلفزة و بقيت جالسه كنتفرج ********************

الجزء 18 : ***************** بقيت نص نهار و انا جالسه كندور فلكوزينه ناكول و نرجع نجلس حتى قزيبتى طابت ههههه جانى لملل قلت اش ندير نطلع لبيت يحيى داكشى اللى درت طلعت ليه اممممممم عادى بحال Gاع لبيوتا غير هو فيه كلشى غالى ااااااااح اقلبى هاد لفراش و هاد لبيت كانو غايكونو ديالى و كنت غا نكون ناعسه حداه كا اى رجل مع مرتو و لكن لحياة لعبات لعبتها بقيت شحال كنتامل حتى كنت خارجه و هو يبان ليا واحد دفتر طايح تحت لبلاكار جبدتو حليت صفحه الاولى كتشفت من ديكشى اللى كاتب انه دفتر اسرارو لكن مع دلك والو جلست و حليتة و بديت كنقرا الله الله اول صفحه هدر على راسو باللى ما كيبغى تاواحد واااو شحال فرحت و كان كاتب حتى عللى صفريطه بالنسبه ليه تدواز لوقت هههه و الله حتى فرحت شويه قلبت واحد صفحة تفاجئت حيت كان كاتب على احلام و امنيات فتاة و هدا الفتاة اسمها وداع تصدمت او بالاحرى تفاجئت اه فعلا انا فايتا معاوداليه على احلامى وشى حوايج كنتمناهم و لكن علاش كاتب عليا بديت ندور صفحة بصفحه هدر على صاحبو و مرتو و معاناتو ملى مات اعز شخص فالدنيا حتى وصلت لصفحه اللى غادى دمر ليا قلبى صفحه اللى كنقرى فيها و دموعى هابطين صفحه اللى قلبات لموازين سمعت يحيى طالع لكن ما حبستش لقرايا كملت حيت كنت جسد بلا روح كنفرى و كنشهق انا انا : اه انا اهيئ اهيئ انا اللى كنت كنتمنى نلقى اجوبة على حياتى ليوم و فهاد لحظه لقيت لجواب على كل اللى فات دخل يحيى لبيت بقى واقف مصدوم و انا جالسه و حاطه دفتر على ركابيا و كنشوف فيه و كنشهق بلبكى كنشهق لدرجة وقفت كنهرس داكشى اللى فالبيت كولو حتى نعيمة كانت جات يحيى جى قبطنى كيحاول يهدنى و حتى نعيمة كتحاول تهدنى حيت فهمو باللى كلشى عرفتو اه عرفت كلشى حقيقة حياتى ما عقلتش على راسى كنبكى و كنغوت انا : لااااااااااا اهيئ اهيئ ما يمكنش لا اهيئ اهيئ ما يمكنش يحيى : نعيمة سربى عيطى لدكتور حكيم نعيمة : وخه اسيدى يحيى : وداع تهدنى عفاك تهدنى غا نفهك كلشى انا : اهيئ اهيئ كا يمكنش اهيئ انا انا لاااااااا ***************************

الجزء 19 : ***************** ما شعرتش براسى حتى طحت سخفت دبا وداع سخفات انا لكاتبة غادى نكمل بلاصتها حتى تفيق بعدما سخفات وداع يحيى تلف و بقى كيفيق فيها يحيى : وداع فيقى ماتخلعينيش عليك وداع عفاك فيقى وداع تمات داخلا ايناس ايناس : حبيبى يحيى مالها ياكما دايرا موت حمارا فهاد لحظة يحيى جهل بعدما حط وداع فوق ناموسيه جر ايناس من شعرها و خرجها من لقصر و لاح عليها شراوطها و شى فلوس و هددها الا عتبات هاد لباب غايخليها تختافى من هاد دنيا بسيف واش وداع سخفات بعدما عرفات لحقيقه و هو كلو كيترعد و خايف عليها وهى كتطنز عبر عليها تفاكينا منها بعد محاولات يحيى باش يفيق وداع وصل طبيب دخل لبيت و طلب من يحيى يخرج طبيب قلب وداع و ضرب ليها يبرا باش ترتاح و تهدن من بعد خرج طبيب يحيى : ياك لاباس ما تخلعنيش احاتم حاتم هو دكتور ديال لعائله حاتم : جاتها حاله صعيبه بزاف هاك دوا تبعو ليها و حاول تبعدها على اى حاجه اللى تخليها تنفعل دبا راه ناعسه حيت ضربت ليها ليبرا يحيى : اوكى عذبناك معنا شكرا حاتم : اش كتقول راك صديقى قبل ما نكون طبيبك بسلامه الله يشافيها يحيى : امين نعيمة وصلى حاتم لباب نعيمة : وخه اسيدى من بعد ما وصلات نعيمة دكتور مشات تقضى شغالها اما يحيى بقى جالس حدا وداع كيتامل فيها و فملامح وجها اللى كلهم براءه بقى كيفكر منين غايبدى ليها لقصة دازو سوايع بزاف كان قريب صبح يطلع عاد بدات وداع كتفيق يحيى رد لبال ليها يحيى : وداع واش فقتى تهدنى و رتاحى دبا مللى فقت بدات ضبابا كتبان لى و كنسمع صوت يحيى و هو كيطمئن عليا انا بصوت مبحوح : فهمنى بغيت نعرف كلشى يحيى : وداع انا : عفاك عاودلى انا مستعده *****************************

الجزء 20 : *************** زاد قرب منى حيد صباطو و لفيسطه وجى عنقنى بكل حنان وبقى كيعاود من الاول يحيى كنا مازال شباب كنا فرحانين انا و احمد كنا يلاه فالجامعه كنا كنقراو بجوج كنا ديما ضاحكين و فرحانين واحد نهار احمد تعرف على حنان كانت بنت الله يعمرها دار زوينه و معقوله بقى مده معاها كنا كنخرجو بثلاتة كنا صحاب لواحد درجة ما كتصورش حتى نهار تخرجنا نجحنا بثلاته احمد تقدم لعائلة حنان اللى كانو واليديها ناس على قد لحال اما احمد كانو واليديه لباس عليهم بحكم ان واليدينا كانو صحاب داكشى علاش درنا شراكا بقاو فيها لعائله ديالنا مجموعين انا و احمد تكلفنا بشركات بكلشى حتى زدنا كبرناهم ولينا معروفين فلبلاد احمد تزوج بحنان كان اسعد نهار فحياتو ضحكنا جميع و استمتعنا جميع دازت مدة سنة حنان حملات كانت اسعد مره فالوجود حتى احمد كان فرحان كان قالى الى تزاد ولد غايسميه يحيى على سميتى و قلت ليه الا تزادت بنت غانسميها انا بسمية وداع اه وداع ان بنت احمد و حنان لواليدين اللى كرهت طلعو مضلومين زات عنقتو و كنشهق بلبكى انا : كمل اهيئ اهيئ يحيى : دوزات حنان مدة ديال لحمل حتى ولداتك سبحان الله ولدات احسن بنت فدنيا كان صاحبى اولا نقول خويا فرحان حيت ايولى اب فرحو بك بزاف حتى جدك و جداتك لدرجة ما تصورش و حتى جدك و جداتك واليدين ماماك فرحو بزاف قبل ما يموتو انا : ماتو اهيئ اهيئ يحيى : اه ماتو من بعد ما نتاحرات حنان حيت كانت واحد لحقيرة سرقاتك ونتى يلاه عندك عامين كانت سميتها كوتر كانت كتبغى باباك ولكن بالنسبة ليا كانت طامعه فلفلوس كانت بغاه غير ليها بوحدها داكشى لاش سرقاتك احمد ما كانش باغيها ماماك نتاحرات من بعد معانات و صدمه انا فقط واسيت احمد فمعاناتو لكن مع لمدة مرض بزاف جاه مرض خايب اللى ادى بيه لشلل نصفى مع دلك ما خلى مادار باش يلقاك دازت خمس سنوات على موت ماماك اخيرا انا و احمد كتاشفنا باللى لحقيرة هي سبب حاولنا باش نحضروها انا و باباك لكن بلا جواب كانت حقيرة من الدرجة اولى حتى واحد نهار احمد ما قدرش يصبر و امر باش تقتل داكشى اللى دار ماتت و غبرنا ليها اتار باباك زادت حالتو تضهورات حتى جدك و جداتك كانو ما مقصرينش من جهدهم جدك عيا ما يقلب و والو واش مازال عايشين يحيى اه جداتك و جدك مازالين عايشين هما دبا على برا فلخارج بعد موت احمد سافرو قبل ما يموت وصانى نلقاك و عطيتو وعد باللى غانلقاك و بالصدفة كنت كنساعد و نعطى مساعدات الخيرية حتى شفتك جيتينى كتشبهى لاحمد بزاف داكشى علاش فتحت قبر احمد و خديت عينه منو و عينه منك بلا ما تردى لبال و درت تحاليل و طلعتى بنتهم فرحت بزاف حيت قدرت نفذ وصية احمد فرحة لدرجه كبيرة و كملت لوصية ديالى هي اننى نتزوجك و نرد ليك لبال داكشى علاش تسنيت حتى تقربى 18سنة و نتزوج بيك و كملت اخر طلب فلوصية اننى نديك لروضه يشوفوك وفعلا رانى ديتك اه قبل ما نسى ماماك كانت خلات برى و خلات امنية انا : عارفه يحيى : كيفاش عارفه انا : داك لبيت رانى حليتو و دخلت ليه و قريت لبرى لكن ما كنتش متخايلا ان ديك لبنت اللى فصورة هي انا يحيى : اه هاديك نتى و هاداك بيت باباك و ماماك و هاد لقصر ديالك و حتى املاك واليديك راهم دياولك اما انا املاكى مخليهم على برى مكلفين بيهم عائلتى انا : واش عائلتك مازال عايشين يحيى : هههه اه وراهم عايشين مع عائلتك فقصر واحد انا : ههههه هيا دبا انا عندى عائلة كبيره ياك يحيى : هههههه اه كبيره فرحت بزاف حيت كتاشفت باللى عندى عائله وخه ضرنى ضميرى حيت من صغرى و انا ضالمه و واخدا فكره خايبه على واليديا ااااااااه ماما لحبيبة ديالى و بابا اهيئ اهيئ انا : بغيت نمشلى نزورهم يحيى حتى ترتاحى و غا نسافرو انا : لا انا كنهدر على واليديا يحيى : واش متاكده هههه تبراى و نمشيو نزوروهم انا : اه مستعده و انا مزيان داك دكتور غير كذاب يحيى : هههه حميمقه ديالى

الكاتبة زينب أعليلی الجزء 22 : ************** نفسى مخلطه مع نفسو يحيى : وداع كنموت عليك عمرى ما نبعد عليك انا : الى كتبغينى علاش كنت مع ديك صفريطه وداع نساى اللى فات عفاك كنت مبرزط ما عرفاش اش كندير انا : دبا عارف اش كدير يحيى : اه هههه عارف باللى غاندوز ليله فنه مع مرتى لحميمقه كنحس بفرحه كبيره حيت يحيى ولى ديالى و كيبغينى الله ولكن ختكم خوافه يحيى : مالك * و كيتلمس فجسدى بكل رقه و حنان * ياكما خايفه انا و حانيا راسى اه يحيى ما تخافيش ما غانضركش غير غا ناكلك ضربتو على راسو يحيى يحيى :عيون يحيى هههه انا : ههههه بدى كيعض على شنايفى و كيمص لعابى بطريقه اللى جعلاتنى نكمل معاه ههههه وخه ما بينى و بين رومنسيه غير لخير و احسان بصراحه عجبنى لحال و فرحت لكن لفرحه ما كملاتش ملى حسيت بحال شى خنجر تخشى فيا طلقتها بغوته احاح معامن انا بقى كيعض فشنايفى و كيبوسنى حتى ترخيت ما بقيتش كنحس بالالم و لكن شى شويه ديال لحريق شعل معايا بقينا هكاك عايشين رومنسيه حتى وصلات ديك 8 ديال ليل ختكم وكالا ضرنى جوع ما تفاكيت منو غير بزاز انا : يحيى يحيى : امممممم انا : يحيى يحيى : هانا شنو انا : ضرنى جوع يحيى : علاش انا ما شبعتكش انا : هههه نوض حيد يحيى : غير رتاحى انا غانوض نجيبلك ما تاكلى منها نيت نقول لنعيمة تجمع لحوايج انا : اوكى جريتو من يدو و انا مغطيا بيلزار و صحاباتى رجع جلس حدايا و كيلمس فحنيكاتى يحيى : مالهم انا : خاصنى نساعدهم يحيى : غير تهناى راه شريت لخيريه باللى فيها و راه كيصلحو فيها و لبنات عمر شى وحده ما غادى تخرج لزنقه خصصت عدة فروع باش يستافذو و يخدموا انا : بصاح يحيى :هههه احياتى ايوا نستاهل شى بوسه نقزت من بلاصتى بستو و رجعت تغطيت بقوة لحشمه

الجزء : 23 ************** اممممم كتحشمى انا هابط جمعى نوضى و سيرى دوشى على ما نجى غير خرج جمعت لوقفه دخلت لدوش دوشت هاد لمره فحمامو هو شى 5 دلقراعى ديال لبرودوى هرستهم ليه ههههههو الله ما درتهاش بلعانى ههه ساليت دوتشى خلرجت ضربتها بسلتى لبيتى و انا ملويه عليا فوطه دخلت حليت بلاكارى جبدت كسيوه فلغوز قصيره حد ركبه لبستها نشفت شعرى و رجعت لبيتواللى ولى دبا بيتى جلست نتسناه اه اربى لحريق فيا الى عرفتوه ديالاش قولوها ليا هههههه بقيت كنتعوج حتى وصل جايب صينيه فيها لماكله عمرت كرشى مزيان انا و ياه ورجعنا تانى لبوسان هاد لملره وقفتو بحجة لحريق اللى فيا بقينى غير كنتباوسو و كنهضرو انا : انا يحيى دبا خدمتك و قفتيها فهنى شغانديرو من هنا لقدام يحيى : حولت كلشى على برى و من بعد 3 ايام غانتحولو لخارج جنب عائلتنا تم غانكملوا حياتنا انا : غادى يفرحو ملى غايشوفونا يحيى : بطبيعة لحال غادى يتاترو مى غيفرحوا بزاف حيت نتى لحفيظه ديالهم انا : اوووواه واش بابا كان هو لوحيد عندهم يحيى : اه اما ماماك كانو عندها واليديها و صافى انا : مسكينه يحيى : عنقنى يلاه نعسو دبا باش غادا نفيقو بكرى نمشيو نزورو واليديك انا : وخه صبح صباح هاد نهار مختالف على جميع صباحات اللى دازو فقت على صوت يحيى و هو كيداعبنى بهدرتو زوينه فقنا و فطرنا و تاجهنا لروضة

الجزء 24 : *************** مشينا لروضه جلسنا شحال يحيى فهم باللى خاصو يخلينى بوحدى نهضر معاهم داكشى اللى طرى ناض تاجه لسيارتو انا بقيت جالسه كنهضر مع ماماتى و بابا لحبيب انا ماما وبابا انا فرحانه بزاف حيت عرفت باللى انا تمرة حبكم النقى اه فاش كنت صغيره كرهتكم حيت يصحابلى تخليتو عليا لكن ملى كتاشفت لحقيقه ندمت حيت كنت ضالمكم سمحوليا انا وداع بنتكم لحبيبه ماما بابا كنبغيكم بزاف الله يرحمكم انا بعد غدا غادى نسافر انا و يحيى عند جداتى و جدى غادى نكملوا حياتنا تماك ماما بابا كنبغيكم بزاف عمرى ما نساكم مااااح عليكم اهيئ اهيئ بسلامه نضت تاجهة لسياره يحيى فتح ليا لباب و طلعت و كملنا طريقنا رجعنا لقصر لقيت نعيمة مدابزه مع لحوايج انا : ههههه بشويه عليكم يحيى : هههه انا : شفتك كضحك يلاه برى برى من بيتى سير لبيتك جمع حوايجك تميت دافعاه جيهت لباب يحيى : هانا غادى غير اراى شى بوسه انا : ويلى ويلى كن تحشم سير يحيى : ههههه هانا غادى و الله لا بقات فيك خرج و بقيت مع نعيمة كنجمع داكشى اللى غادى ندى معاى و كدير فيا شى شوفات انا : مالنا حتى نتى ما نخافوش نعيمة : ههههه ارى شى بوسه هههه انا : ههههه

الجزء 25 : **************** دازت يوماين كنا جمعنا حوايجنا انا بعدا عمرت جوج فاليزات فيها حوايجى و وحدا صبابطى و صيكانى و مذكره اللى فيها تصاورى انا و بابا و ماما حتى يحيى قد امور كمل نعيمة جمعات حوايجها هاد نهار فقنا بكرى تاجهنا لمطار بقينا كنتاظروا الوقت ديال طياره مع ختكم اول مره غادا تركب فيها ههههه غير حطيت رجلى فدرجه اولى وقفت ومورايا امة عباد الله يحيى : يلاه طلعى احياتى انا : دبا الى طلعنا غادى نطيرو نعيمة : هههه لا غادى نعوموا يحيى : ههههه وداع طلعى باش نخليو ناس يطلعوا انا : ويلا طحنا يحيى : ما غاديش نطيحو انا : دبا الى متنا يحيى : وداع طلعى انا : اووووف دبا دبا دبا الى طحنى غاتشدنى ياك نعيمة هههههههههه يحيى : هههههه اوووف خليتى ناس كاملين كايضحكو عليا طلعت على وعدى و سعدى و الله حتى لبوله غانطلقها شدينا بلاصتنا يحيى جلس حدايا و شد ليا فيدى حس بيا راه مخلوعه يحيى : حبيبتى ما تخافيش ما غايطرا والو انا : اهيئ اهيئ و الا متنا يحيى : ما تخافيش ما غيطرى والو بدات طياره تهز وا بلاتى تشوفوا تعيشوريت اللى فيا تقادات انا : واك واك غانموت * كنغوات و ناس كيضحكو عليا * الله اربى واعتقو روح غنموت نعيمة : ههههه تهدنى هههه يحيى : هههه ماتخافيش سكتى ما غايطرى والو غير ترخاى انا : واك واك ما بغاش نموت بعد منى الله يلكيها ليك نتا سببى وعتقو روح هههههه كنت كندير بحال شى وحده موحمه دازت على خير داروليا كينات ديال نعاس فلعصير و الله و ماهى لو كان راه حمقت عباد الله

الجزء 26 و الاخييييييير : ************* دازو سوايع كنا وصلنا يحيى فيقنى و خدينا فاليزات ديالنا و خرجنا لقينا طوموبيل كاتسنى كانت ديال يحيى ركبنا بثلاته و تاجهنا لقصر حتى وصلنا يا سلام كان قصر زوين بكل ما تحمل لكلمات وخه نعيا ما نوصف ما نقدرش نوصف على لمظهر لخلاب اللى كيتميز بيه لحظه وصلات دخلنا و انا شادا فيد يحيى شفتهوم اه شفتهوم كانت مرا وخه كبيره ما ظاهراش عليها مهليا فراسها عرفتها باللى هى جداتى حيت كتشبه لبابا حتى جدى عرفتو كيشبهلو حتى هو و شفت حتى عائلة يحيى جاو عنقوا ولدهم و سلموا علي حتى انا مازال ما عارفينيش اما جداتى بحالا حاسه بشى حاجه حيت ماللى وصلنا وهى كتشوف فيا اه قلب لام ديما كيحس يحيى ما قدرش يزيد يصبر و سرسر ليهم كلشى غير عرفونى انا وداع جداتى جات كتجرى عنقاتنى بقات كتقيصنى فوجهى و كتبوسنى مخلطه عليها ضحكه و لفرحه حتى انا عنقتها شميت فيها ريحت بابا و جدى مسكين بقى كيبكى لعائله كامله فرحو بيا دوزت وقت احلى من اى وقت عشتو فحياتى جداتى شحال عاوداتلى على بابا و ماما و جدى مسكين ما بغاش يتفارق معايا ديما و كل دقيقة جلس حدايا حتى عائلة يحيى فرحو بيا حماتى هههه و لا عجوزتى ضريفه عشنا سنين و حنا فرحانين فهاد سنين كنت ولدت ولد سماه يحيى على سميت بابا احمد و بعد فتره ولدت بنيته سميتها حنان ودبا هانا حامله و كنفكر فشى سميه س اعدونى هههه ************************** .