قصة تحت عنوان غزل البنات

غزل البنات

نبدا من الاول من الزمان لي مشفناهش مي عشناه من خلال الهضرة ديال الولدين غادي نبدا من الجد الاكبر 
عبد العزيز راجل بسيط او ضرافات خدام فلاح فالدوار ديالوا مزوج بالباتول من هادي ثلاثين عام بقاو ست سنين عاد باش ولدا او ولدوا توام احمد او محمد او هاد التوام خرجوا او وضروا السوارت كان عبد العزيز او الباتول عزاز عليهم ولادهم عايشين الحياة معندهومش او مخاصهمش واحد النهار بداو علامات وحد المرض غريب على الاب عبد العزيز ولا منعازل نسى عايلتوا او ولا كينفر من كاع بنادم ولا كيتغير 180درجة كولشي حتى من حالتوا ولا ضعيف او توسخ او لون دعينيه تغير مبقاوش كيعرفوه او ولا كيدخل فنوبات هستيرية ديال صراخ او كيضرب فراسوا او كيهرب او كيمشوا ايجيبوه تال وحد نهار مبقاوش سمعوا حسوا فالبيت لي حاطينو فيه باش ميخرجش نهار كامل متسمعش حاسوا تخلعات الباتول او فاش دخالت عندوا لقات البيت كولو دمايات لقات عبد العزيز فقع عينيه بواحد المسمار نهارت العايلة كولها من بعد الموت ديال عبد العزيز قررات العايلة تمشي فحالها من الدوار او سافروا المدينة او تم احمد او محمد شمروا على كتافهم او خدموا تولاو ميسورين دازت الايام الباتول داها الله او محمد تزوج او احمد كدالك احمد ولدت ليه مرتو ولد او ثلاثة البنات او محمد ولدت لو مرتو جوج دراري او بنت او قررو الخوت احمد او محمد باش يزوجوا الولد الوحيد لحمد ليهو ابراهيم للبنت الوحيدة لمحمد ليهي خديجة خديجة او براهيم من بعد ماتزوجوا ولدوني انا او خويا مروان

خديجة او براهيم كانوا عايشين قصة حب فالاصل او كملوها والديهم بالزواج المهم بقت خديجة عامين مع ابراهيم النجار عادباش ولدات بنت سماتها (زينة) كانوا كيعطوها كاع الرعاية حتافظوا بها لريوسهم صافي مكنتش كتلعب بحال لاخرين كانوا كيخافو عليها بزاف دازت ثمنية السنوات عاد ولدوا ولد سماوه (مروان)كانو فرحانين به بزاف مي مشات الفرحة مين عرفوا انا الطفل صغير مصاب بما يسمى متلازمة براون (او التثلث الصبغي بحيت يكون هناك تشوه او خلل جيني فصبغي 21 او كيكونوا المصابين بهاد المرض عندهم تاخر عقلي او توحد)هاد المصابين لي كنسميوهم فالمجتمع ديالنا لي منغوليان ولكن مروان كان عندوا تاخر كبير فالدماغ ديالوا كان كيدري صغير برغم من ضخامة الجسم ديالوا كيهرب او كيخرج او كيكرفص حالتو تعذبات معاه ماماه

"دازت الايام او طراو بزاااف ديال الاحداث نخيلوا زينة تعاود ليكم"
ولاو والديا مدابزين غي مع مزوان مخلاو فين داوه مي واالوو انا نشاغلت بقرايتي كنت قرايا مجتهدة او كنت ديما بوحدي البنات مكيبغيوش يبقاو معايا كيتجلهلوني كيتقربوا ليا غي فالوقيتا ديال الامتحانات باش مقالهم او نواريهم كنت عارفا انهم ديال المصلحة مي مكنتش مهتمة بزاف عادي ولافت بوحدي مي غادي يتحول هاد البعد الى خوف مني يبدا اللون ديال عينيا يتبدال من لون بني عادي كنت ديك ساعات فالاولى اعدادي فالاول ديال سنة فاش بدات عيني الايمنى تتيتغير لونها حتى واليت وحش عين بلون زرق او عين بلون بني داوني واليديا لطبيب لي قاليهم انه عندي المياه الزرقاء لي غادي تسبب ليا لعمى (مي كون كان غي العمى كان احسن)حددوا ليا المواعيد باش نتعالج مي انا رفض صح كنت صغيرة مي من ديما او انا صارمة فاي شيء كيخصني كنت قررات كنخودهم مكيناقشونيش فيهم كنت ديما كنقول انني انا ديما على حق انا مبغيتش نتعالج حينت قلت حسن نبقا وحش كولشي كيبعد مني ولا نبقا نتامل انه غادي نلقا شي حد يهتم بيا شي نهار او فالدورة الثانية من داك العام بدات تاعيني الايسرى كتبدل لونها حتا ولاو عينيا بجوج زرقين او فواحد نهار كنت داخلا مع التمنية فقت حليت عينيا كنلقى مكيبان ليا والو غمضت او عاودت حليت والوو مكينشوف واالوا غي ظلام بقيت شحال او انا كاعدة فوق السرير او حالا عينيا او كنقول انا غي كنحلام دقات عليا ماما باش نخروج نمشي المدرسة او قلت ليها مقارينش راه المدرسة دايرة اضراب منقشتنيش مشات مبغيتش نقوليها ماما مبقيتش كنشوف كنت كنعتامد على راسي فكولشي منشركهاش معايا فحياتي حينت هي باراك عليها غي مروان بقيت ساعتين او انا فوق الفراش مكنشوفش او واحد شوي بدا كيرجع ليا شوف او بديت كنشوف مي ماشي بحال الاول تخلاعت او رجاعت غمضت عينيا او كنحلهوم والواا وليت كنشوف مي ماشي بحال قبل وليت كنشوف كولشي بادق التفاصيل كنشوف ايديا لدرجة كنشوف الخطوط ديال البصمات ديالي كنشوف المسام الصغيرة على جلدي او لدرجة كنشوف الداخل ديال الموسجلة انطلاقا من التقوب ديال بااف شوي بدا كيضرني راسيي بشي حريق خيب او بدا قلبي كيضرب بجهد او دخلت فنوبات صراخ هيستيرية كنغوت او كنسد فعينيا حتى سخافت

من بعد داوني الصبيطار هاد الاخرين ليحاولوني لطب النفسي بقا كيدير معايا واحد طبيب جلسات نفسية بغا يدرس الحالة ديالي فواحد المصحة بوكو لعاقة حينت الحالة ديالي نادرة بزااف او نتاشر الخبر مني تعرف المرض ديالي او تما جا هاد الطبيب طلب من والديتا باش يهتم بالمصاريف ديال العلاج ديالي فاحسن مصحة بشرط هو يتكلف بيا او يعطوه كاع صلاحياتاو داكشي ليكان نتقلت لديك المصحة اوبقا ديما معايا كيبي يهضرني مكنبيش او بقيت شحال ديال الوقت مقصحة راسي حتى واليت كنولفوا او وليت كنهدر معاه او كنتفاعل معاه كنت انا اصغر وحد فهاديك المصحة كانت عندي 14عام او كنت المدللة ديال المصحة كولها او ولاو كيعجبوني الحصص لي كنقضيها انا او الطبيب خالد فالهدرة كيسولني او كنجاوبوا او كيديليا شي تجارب او نعاود ليه باش كنحس ولا الدكتور خالد هو فبلاصة الاب او الام ديالي حينت بقيت 9 الشهور فالمصحة او كان قليل فاش كيجيو عندي واليديا

قليا الدكتور خالد:ابنتي زينة مسخيناش بك مي راكي غادي تخورجي باش تلتاحقي بالدراسة ديالك راكي فوتي عام او حنا منقدروش نخليو عنا بنت موهوبة بحالك
زينة: ماشي موشكيل عندي القراية ولكن علاش كتقول انني موهوبة او انا كنت غي مجرد مريضة فهاد المصحة
د.خالد:اوكي دابا غادي نهدرو ابنتي زينة انا تعمدت نخبي عليك شناهو المرض ديالك تنعرف اشمن حالة بضبط او منكرش انا مكنتش متوقع غادي نوصلو اهاد نتيجة المهم ابنتي انتي عندك واحد المرض نفسي عضوي كيتسمى ب (متلازمة الكبح المنخفض)او هاد المرض كيخلي المصاب بيه ييشوف ابسط الامور فالحويج لي تحت مجال الرؤيا ديالو او كيخليه يشوف مدى واسع فمكان ما عبر ثقب بسيط او هاد المرض متعلق بمعدل الدكاء ديال المصاب حيت الى كان معدل الدكاء ديال المريض جيد جدا الى ممتاز كيولى المخ ديالوا عندو قدرة خارقة على استوعاب اي شيء اي كيولي عبقري بمعنى الكلمة اما ادا كان معدل الدكاء هابط عند المريض فكيتصاب بالجنون او العقل ديالو كيتصاب بالخلل فالوظايف او كيما بان ليا من الهضرة ديال والديك فهاد المرض عندكم وراثي فالعايلة او شمل الحالتين معا ديال هاد المرض فالجد الاكبر ديالك عبد العزيز جاه جنون بسبب معدل الذكاء المنخفض عندو او العكس بالنسبة ليك حينت قدامي دابا عقل ثمين ميمكنش ليا نخليه محبوس هنا

زينة:منخبيش عليك انا مبغيتش نمشي من هنا او مكنضنش ان الذكاء ديالي غادي يغير لي حياتي ليكنعيشها مع العايلة ديالي او غادي شكل فارق
د.خالد: منقدروش نحكموا دابا ابنتي زينة او الحياة هي لكتعلمنا او انا بغيتك تشوفي راسك مزيان فداكشي لي تقدري تحققيه انا متاكد انك غادي تلقاي ذات لي ترتاحي فيها 
زينة: متقدرش تحكم عن جهل او هدرتك غادي تبقى مجرد استنتاج مكتنف بشك حينت انا عارفة راسي
د.خالد: خالينا نجربوا اوكي او انا ا زينة مغاديش نخليك غادي نبقى متبعاك فصغيرة او لكبيرة او غادي نزوراك ديما اوكي
زينة :اوكي
من بعد مرجعت لدار كي العادة او كيفما خاليتها ماما مع مروان او بابا الخدمة او انا غي دراسة مي لاحظت داكشي ليقال ليا الدكتور على ذكاء ديالي انه بصح كنجيب المعدل الكامل فجميع المواد او بلا منراجع او حتى بلا منحضر لدرس لدرجة انني كنصحح الاوستاذ الخصاء ديالوا بحال هكا حتى وصل الخبر ديال العلامات ديالي لنيابة التعليم او تما خضعوني لمجموعة من الاختبارات فجميع المواد او كان الحاصل انني كولهم جبت فيهم المعدل الكامل او هكا نقزت سنوات دراسية ليتابع او واليت كنقرا مع ناس كبر مني او زاد الاحتقار ديال الزملاء دياولي ربما لانني مكنهدرش او كنبقى بوحدي او كانوا كايضايقوني بزااف مي لاحياة لمن تنادي مكندير تاشي ردة فعل تملوا مني او خلاوني كان بامكاني انني منمشيش ندوز الاختبارات من الاول او منحطش راسي هكا مي بقيت مامنة بداكشي لقاليا د. خالد باش نلقا الذات ديالي هكا كانت حياني فديك الوقيتة الحاجة الوحيدة ليتبدلات انني تقربت بزااف من مروان وليت كنلعب معاه واخا معمرني لعب او كنكلموا كنت كنفهمو مزيان شيغا يقول ولا كول وقتي ليه او وليت عزيزة عليه او كنت كنحاول معاه باش يهدر او ينطق حيت هو غي كيهمهم او بقيت معاه حتي نطقها نطق سميتي متقطعا او مقطعة ديال معقول (زززيي ااه)فرحت بزااف شعور ربما مدقتوش شي مرة كلمة قدرات تخليني نبتاسم او كنت كنحاس انني انا او مروان بوحدنا فهاد العالم

من بعد تخرجت من الثانوية او جا عندي د.خالد
د.خالد:دابا نتي غي ختاري اش بيتي او انا غادي ندعمك فاي اختيار 
زينة: انا فكرت او بغيت ندير طب او بضبط طب الجراحة العامة او انا فكرت انني نستغل المرض ديالي لانو غادي يكون مفيد ليا بزاف او بالاخص طبيعة الرؤي ديالي او منخبيش عليك انا مني رجعت لحياتي ولات كتجيني نوبات الالم ديال الراس او الصراخ

د.خالد برافو عليك ونعم الاختيار او موضوع ازمات الام انا كنت متوقعها لانو تغير جذري او دخول فنمط حياة بشكل مباشر غادي يهيج انظمة الدماغ عندك او انا فكرت ابنتي زينة انك علاش مبداي تمارسي بعض الممارسات الروحية او اش بيت نقصد انك راه هملتي الجانب الروحي فحياتك او بقيتي حبيسة لما هو واقعي مجرد حاولي تصلي دخلي الاماكن العبادة لتقدري تحسي فيها بروحانية بالخشوع او بداي قراي الكتاب الله حاولي تلقاي راسك فجميع الانواع الموثرات لي كتاطر حياتك الجانب العملي او الجانب الروحي 
زينة:انشاء الله
التحقت بالكلية ديال الطب لي عندها سمعة بتنويه من د.خالد او انا بطبيعت الحال كنت فمحل حسن الظن او كنت من المتفوقين او فقمة فالكلية تخرجت فزمن قصر من العادي او بديت الخدمة فمشفى عمومي باش نكون اكثر قربا من الحياة العامة واخا جاوني طلبات من مستشفيات خاصة او من مصحات من الخارج الى انني بغيت نبقى حدا مروان ليكان صعيب عليا نخليه او نمشي نقرا فمدينة اوخرى او طبقت داكشي ليقال ليا د.خالد او لقيت راحتي بديت كنغير راسي واليت مكنفلتش اوقات صلاة او نوافل او قراة القران او دعاء او تحقق ليا نوع من السلام الروحي ليكنت باغاه او بزااف

او فاش كانت عندي 23سنة او هنا غادي تبدل ليا حياتي او فواحد النهار كانت ماما خرجات تجيب شي صخرة او بابا مكانش او نسات الباب محلول او تما خرج مروان او مبقا حد فدار كنت انا ديك ساعات كنخدم فداك المشفى مين رجعات ماما ملقاتوش او خرجات كتقلاب عليه باتصطا او هي بتقطع الطريق ضرباتها طوموبيل او وافتها المنية او فاش وصلني لخبار كانو يلاه لقاو مروان بقا يوماين موضر جيت او حضرت الجنازة او عزاونا الناس او كولشي طان كيتعجب من حالتي انني كنت كنتصرف عادي مبكيتش او محركتش ساكن او جثة ديال ماما بقات فالمصحة او انا ليدرت التشريح من بعد ماطحت ضربات فراسها جها نزيف داخلي او تختر او منع الاوكسجين من انو يوصل لباقي اجزاء دماغ الديالها او جاها انسداد فشريان ابهر ادى الى توقف القلب او هدا هو التشخيص ليدرت على الحالة ديال الجثة لكانت ديال ماما من بعد مدازت 60يوم على الموت ديال ماما انا بقيت معهم فدار او من بعد فاتحني بابا فواحد الموضوع
بابا:زينة ابنتي انا راه قررت انني نقلب على مرا باش نتزوج تقابلني او تقابل مروان او بلاصة ماماك معمر غادي يعمرها شي حد او نتي راكي عارفة انا مغاديش نقدر نقابل مروان بوحدي او خاصني نخدم واخا كتصيفتي لنا الفلوس مخصناش نعدبوك
زينة:ليبيتي حياتك هاديك او انا مكيهمنيش بشكون ولا واش غادي تعمر بلاصة ماما ولا لا او تخير لي بغيتي نتا ليغادي تعيش معاها مي مروان مغاديش يبقا معاك نتا او مراتك مروان غادي يبقا معايا
بابا: ولكن ابنتي..
زينة؛ شوف ابابا ماما او كانتكتزعف من لمقابلة ديال مروان الله يرحمها او اشنو فنضرك غادي دير بنت الناس مروان غادي يمشي معايا او سالينا 
من بعد سيمانة مشينا انا او مروان لدار ديالي لكانت على قدي انا او ياه او فايتانا كانت من الداخل هندسة خشبية او ديكورات بسيطة مي عاطيا رونق او اثاث جلدي كان كولشي موزع باش ميبانش كثير او متزاحم حينت الاشياء الكثيرة اوةالاماكن المزدحمة كدير كتهيج ليا دوك نوبات الهستيرية خديت واحد المربية باش تهالا فمروان او كنت كنخلاصها مزيان باش دير خدمتها سمتها دنيا كتقابلوا او كتدير ليه ترويض فالوقيتة ليكنكون فالخدمة

فالخدمة كيف ديما غرفة العمليات هي الاختصاص ديالي او كنت فبعض الحالات لي كيجو ناس مفحالهومش او كترفض ادارة المشفى انها تدير العمليات الى متخلصوش او كنت ديما كنتمرد على القانون او كندير العمليات او بعض المرات حتى الادارة كتوقف ضدي او كندير العملية بدون طاقم غي بوحدي او فاش كنسالي من العملية كنكمل لفلوس ديال دوك ناس باسم فاعل الخير صاح انني نوعا ما باردة الشعور ولكن عندي جانب انساني لفيقوا ليا تعرف ديالي على الله سبحانه وتعالى او فواحد المرة جات طبيبة متدربة او حطوها تحت المسؤولية ديالي سميتها عايدة كانت فنفس العمر ديالي كانت العكس ديالي تماما كنت ضريفة او ضحوكية او زوينة او كتدخل القلب دغيا 
مي ماشي معايا انا كنت صارمة فالخدمة او جدية او هي كانت باغا غي تسمى طبيبة او صافي او انا كنت لها بالمرصاد كنت كنكلفها بمهمات صعيبة سيري رتبي الاشيف الخاص بالامراض الحنجرة ،سيري ديري دورة تفقدية ،سيري نضفي ادوات الجراحة ،سيري ديري بحث حول الاضطربات الوهمية ،سيري سيري يعني وريتها الخدمة ديال المعقول مي واخا كتبقى تغيبن فالاول مي كدير الخدمة متقونة وليت كنشركها فالعمليات يعني ماشي متفرجة لا تخدم دير يدها او هادشي كانت معارضاه الادارة مي شكون مسوق هي حسات بداكشي ليكتنقدم ليها او تهيا كنتكتحمر لوجه هاكا تاولات عايدة المتدربة ليممهتماش ولات باغا تدير خدمتها باش تولي طبيبة ديال المعقول واحد النهار جاتنا عملية مستعجلة ديال حادث سيارة او السيدة ليجات عندها نزيف داخلي او فين فراس او ناس مفحالهومش او وفروا غي نص ديال الفلوس او الادارة مبغاتش تعصبت او مشيت لرييس المشفى
زينة:كنضن انه بما انك رييس مشفى او طولتي فالخدمة كطبيب مغاديش تنسى انك اديتي واحد القسم باش دير خدمتك على احسن وجه
رييس د. اسماعيل:انا عارف خدمتي او مغاديش تجي نتي او تواريني اش غادي اندير او الى حسيتي براسك مديريش عليا قيدة هنا
زينة؛ ليكيدير قيد هنا هو نتا او الى ضرك جيبك او بغيتي لفلوس انا نعطيهم ليك (او مشيت قربت البيرو ديالوا او هزيت بطاقة ليمكتوبة عليها سميتوا)او سميت دكتور متستهلهاش عرفتي نتا خصك تنسى كاع دكشي ليتعلمتي حينت منفعاك بولوا
د.اسماعيل؛ اديك البرهوشة شتي راه تجاوزتي الحدود ديالك بزاف او الى بتي ديري العملية ديريها مي مغاديش يعاونك فيها حد او بحال هاد العمليات ميقدرش يديرهم طبيب بوحدوا ولا لا

يلاه بغيت نغوت عليه او هي تنقز عايدة من الباب دكتور زينة غرفة العمليات جاهزة او المريضة فوضعية التخدير كنتسناك او هي تضحك او غمزاتني شفت فيه او درت ابتسامة ديال غلبتاك او ضرابت بالباب اوخرجت ديريكت الغرفة ديال العمليات او درنا المرة العملية انا او عايدة او فاش كنا كنديروها او مرة كنتفكر ماما او فاش كنت كندير تشريح الجثة ديالها كندير العملية او كنبكي او كنتنخسس اول مزة كنبكي على ماما عايدة تصدمات بقات اكتشوف او فاش سالينا خرجت او مشيت البيرو ديال دكتور اسماعيل او انا لوح ليه الفلوس او قالت ليه
زينة؛هادي علاش كتقلب خودها
او خرجت او خليتو كيغوات عارفاه ميقدرش يدير ليا شي حاجة او مشيت البيرو ديالي لي لقيت فيه عايدة كتسناني او كي كعدت او هي تقوليا 
عايدة؛انا مكيهمنيش واش نتي رييسة ديالي ولا لا انا حسيت بيلي نتي خاصك تهدري او انا خصني نسمع دابا هدري
زينة؛عايدة ممسالياش ليك..
مجيت فين سالي هدرتي حتى لقيتها معنقاني او بجهد لاول مرة كان كيعنقني شي حد او محسيتش براسي تلقيت راسي كنبكي او كنعاود ليها كولشي بكولشي او من داك النهار او انا او عايدة ولينا صحبات او قربات بزاف كنخرجو اندخلوا معا بعضياتنا او كانت اول وحدا تقدر ضحكني او ولات كتجي عندي او كتلعب مع مروان او كتقابلوا ليا الى كان عندي شي ايام مناوبة ليلية حينت دنيا المربية مكتقعودش معاه بليل او داك د.اسماعيل كينتقم مني او كيزيد ليا السوايع

واحد نهار كنت انا او مروان فواحد الريسطو بغيتو يبدل الجو حسيت براسي كيضرني او قلت ليه
زينة؛ مروان حبيبي انا نمشي دغيا اونجي 
مروان؛ااا زززيي ياا
مشيت الحمام غسلت وجهي او فاش رجعت ملقيتوش تخلعت بقيت كنسول كالوا ليا خرجت او خرجت دغيا كنقلب عليه او كانت واحد الكسيدةفالطريق طاح ليا الما فالركابي (من كتر الكسيد الله يستر)مشيت لتما او كنشوف فداك ليطايح او تطمنت فاش عرفت بلي ماشي هو او كان حادث بسيط داك سيد دغيا ناض او كانو البوليس خلعوني او بديت انتلفت حتى لقيت واحد خاينا كيغوت على مروان محسيتش براسي حتى دفعت داك بنادم او انا نعنق مروان او نبوس فيه او كنقول ليه
زينة؛فين مشيتي تخلاعت عليك حشومة عليك 
داك بنادم؛ويييه شتك دخلتي فيا دخلت الكار منخافوس
زينة؛شتي نتا غي حشمت اما نقولها ليك كاد راسك نتا بنادم تغوت على دري معارف والوا نتا بنادم
داك بنادم؛اش قالوا ليك مكتوبة فجبهتي حيوان وااه جمعي راسك او قبل متهدري عرفي اش كين بعدا 
قربتلييه تال وجهوا او كنهدر او كنوارك على الهدرة
زينة؛عاد فهمتيه زعما مضنيتش حيوان بحالك يفهم ضغيا 
او جريت مروان او مشيت

او مشيت لدار دواشت لمروان او وكلتوا او جمعت ليه داكشي ليغادي يحتاج حينت انا عندي مناوبة ليلية او هوا غادي يبقى عند عايدة او هي غادي تجي ديه حينت انا معرفاش العنوان عاد الصباح نتلاقو فالممشفى تعطيني سوارت او نمشي نجيبوا هادشي علاش تافقنا هكاك دوازت ديك ليلة جري من هنا لهنا او فصباح تلاقيت اعايدة عند الباب او عطاتني سوارت او قالت ليا بلي خلات مروان ناعس او كين حتى خوها مي راه ناعس حينت قالت ليا بلي هو بوليسي او عايشة غي هي او ياه حينت واليديها ميتين هكاك مشيت حاليت الباب او مشيت ديريكت الاول غرفة بانت ليا حينت مع السهر عيانة لقيتها مضلمة دخلت كنتهمش او تلمس ايد او بديت كنفيق 
زينة؛مروااان فيق يااه راه بينا نمشيو و يلاه امروااان
او شوي كيجاوبني شي حاد
الشخص؛اشبتي عندي اعايدة عطيني تساع خليني نعاس (بالغوات) انا ضغيا عرفت بلي راني غلاط او بديت كنتسلات خارجة بلا منقول شي حاجة
الشخص؛عايدة..عايدة مالكي فينك..
او شعل الضوا 
الشخص؛شكون نتي .. او اش كاديري هنا 
زينة؛دارت او بلا منشوف فيه قالت ليه سماح ليا راه جيت ناخود غي خويا راه تكون عايدة قالت ليك....لا رد
هزيت راسي تكنلقاه داك بنادم ليكان كيغوت على مروان او انا نفلب سبعة فربعا او قلنا قد قد
انتي اش كديريهنا^^انتا اش كدير هنا
هالي رجعت سيناريو او فهمت او خرجت بلا منقول شي حاجة او مشيت كنقلب على مروان او لقيتو يلاه فاق او نوضتو او بديت نبدل لييه فحوايجوا او هداك بنادم تبعني دخل وقف عليا 
الشخص؛فالاول حيوان او تخراج العينين او دابا هاجما عليا
زينة ؛ماشي نتا بوحدك فهاد العلام تنهجمو عليك او راني قلت ليك اش جابني لهنا او الى كنتي نتا مكلاخ انا مفياش ميعاود الهضرة
الشخص ؛لاواااه بزاااف هاديي كتعايري او نتي فداريي عايقتيي انتي كااع 
زينة ؛اش بيتي ديير كااع تبين نتشادوا او هي تدخل عايدة 
عايدة؛عبدالالاه...
دار داك بنادم عندهااو انا نقوليها دغيا 
زينة ؛شوفيي مع هاد بنادم محياح داير لينا فيها المحقق كادجييت

عبد الالاه؛او مالك كي جيتك محقق او حسن منك 
زينة؛اوو بااااش بسلامة
تدخلات عايدة او وقفات بيناتنا ؛وانتوووومااا صافييييي جيت ندي شي وراق لقيت الحرب مالنا منخافوش
او قلنا قد قد تاني
شوفيها هي^^شوفيه هو
زينة؛مغالوش ليك راه غي الببغاء هو ليكيعاود الهدرة
عبد الالاه؛او مقالوش ليك بيلاه باراك من الفهمات او انا معودش هضرتك نتي ليكتعاودي هضرتي
زينة؛عايدة هدا هو الباطل
عايدة ؛صافي صافي عبد الالاه خويا او هادي زينة صحبتي او زميلة ديالي فالخدمة ...صمت...
عايدة؛ او هادا مروان خو زينة ليعاوت ليك 
عبد الالاه؛متشرفيين البطل
زينة؛وبنادم شحال من وجه عندو او غا لبارح كنتي كتغوت علييه
عبد الالاه؛اه غوت مي راه كان كيلعب بموس خرجو معاه من ريسطو او كان بيضرب راسو شديتو منو او ابقيت كنغوات على هاد الحساب الفهيمة
زينة تخنزيرة لا جواب دغيا عونت مروان فحوايجو 
زينة ؛صافي اعايدة غادي نمشي
عايدة ؛غي بلاتي يصحبتي
معرافتش علاش ديك الوقيتة بضبط علاش ملقى هاد صداع ديال رتس ايمتا يجي وقفت او شديت فراسي او بقيت كنغوت
عايدة؛زينة مالك مالك
او كنحس شيحاد شبرني او انا نسخااف

مالي فقت لقيت عايدة دايرة ليا الفاصمة على عيني ليمنا هنا فهمت بلي العدسة طاحط ليا حينت من ضمن العلاج لي خديت فالمصحة كانوا هاد العداسات لي كيقللوا من الحدة ديال الرؤيا او حينت طاحط ليا جاني داك الصداع فقت من بعد 5سوايع او لقيت مروان نعس قالت ليا عايدة
عايدة؛ راه مروان بقا كيبكي تخلع مني شافك تتبكي او من بعد مهزك عبد الالاه لهنا داه البيت او بقا معاه تنعس واش لاباس دابا
زينة؛بيخير مي فيناهي..
عبد الالاه ؛كتسولي على هادي او مد ليا العدسة شديتها لاجواب حينت اخر حاجة كنت متوقعاها هي تجيني هاد الحالة قدام بنادم داكشي باش كنت كنبقا بوحدي ديما بوحدي 
مشات عايدة تجيب العصير او مبقاتش رجعات المشفى او بقا الاخ الكريم السيد محقق كينقي شي تفاح حدايا شوي او هوا يضرب ايدوا
عبد الالاه:يلاه ا طبيبة عالجيني
زينة:كون كان جرح لحال هادا كيقضي على ليبحالك كون مادليه تهانينا منكم
عبد الالاه:وباز عيانة او لسانك صحيح سكتينا او خودي شسوفي قرب ليا ايدوا لفت الانتباه ديالي ضفارو
زينة؛شحال من مرا كتشرب الما فالنهار
عبد الالاه: كنشرب من العام لعام
زينة:وكنهضر معاك ابنادم
عبد الالاه؛ اوكي غالبا كنشرب بزاف فالنهار ابنادم او علاش كتسولي 
تما رجعات عايدة هازا العصير مداتوا ليه او يلاه بيشربوا اخطفتو من ايدة
عبد الالاه:واشتي زعاما
زينة :دابا اعايدة اعار اله نتي طبيبة او نتا ابنادم فاطر
عبد الالاه:او نتي خليتينا نفطرواوقت لغدا هادا او حنا مدرنا فومنا والوا 
عايدة :زينة اش كاين
زينة ؛عندك داك اباراي لي كتقيس سكري هنا فدار
عايدة:لاوااه متقوليهاش بلاتي هايا عندي
فسنا ليه سكر او لقيناه بصح طالع ليه او خدات منو عايدة عينة من دم باش تحللها فالمشفى
عبد الالاه:او باش عرفتيها 
عايدة:بصح كيدرتي ليها
زينة:،من ضفاروا الى شتي ليه مزيان فيهم غادي تشوغي فيهم بزاف ديال الخطوط بيضة او رقيقة او هادي من ضمن الاعراض ديال مرضى السكري

دازو الايام او انا او عايدة مكنتفارقوش كي العادة او فاش كنكون عندها انا او مروان كنتلاقا بعبد الالاه او تناكير كيف ديما مي كيكنلها ضحك او انا حتى انا ولييت كنضحك معاهم بصراحة هاد جوج خوت استثناءين كان نادرا مكيزعم عليا شي دري مي غي كنخلوا او ولا نهزر فييه كيبعد مي هاد خونا مكانش كيبعد بالعكس كيعرف كيفاش يتعامل معايا كيجوبني بالاسلوب ديالي او كيخليني نتفاعل معاه مغاديش نكوليكم جسم رياضي ولا عينين زرقين ولا خضرين نو عبدالالاه كان هو عبد الالاه لي عرفت فحياتي
فواحد النهار كنا فالمشفى كنت فالبيرو ديالي تدخلات عليا عايدة
عايدة: زينة زوينة او زيونات ديال زوينين المزيانين
زينة:من لاخر اش بغيتي هاد حلاوة اللسان عندك كتشككني فراسي
عايدة:ياااه على بنادم مكتعرفيش تحلي لسانك وحد شوي
زينة ؛ودابا كولي ولا غنمشي فحالي صافي
عايدة صافي شتي داك طبيب جديد لي كلت ليك كيجي بعض مرات يعاوني
زينة:شكون هادا تاني
عايدة: وامراكش داك مول الشعر داك الواعر
زينة:شوفي بلا متبقاي دوبي ليا هنا قولي اش كاين
عايدة :،اش كاين راحنا كولنا مغاربة ياااح هههه
زينة :هههه حيدي عليا خليني نخرج
عايدة:صافي صافي كال ليا باغي يتزوج بيا
زينة:وا انا ماسوقيش حياتك هاديك مي مزربتيش او اصلا يلاه عرفتيه 
عايدة :وراااه عام وانا كنعرفوا هادا هي يلاه عرفتو عندك
زينة: عام ماشي وقت باش تعرفي معامن تكملي حياتك
عايدة :مي والله طحت فيه ولد لحرام
زينة:احم احم زيري زيري شوي او انا اش المطلوب مني
عايدة :زينة عرفتك كتفكري فيا مي انا عرفت اش بغيت او فكرت فيها مزيان او نتي خاصك تعاونيني
زينة واله يوفقك مي فاش بيت نعاونك انا دوك علاقات الغرام راه مكنفهمش فيهم او معنديش معاهم
عايدة :دابا هو كاليا باش نقولها لخويا باش يجي هو او عايلتو مي انا منقدرش نقولها لعبد الالاه اواااه واخا انا او ياه قراب بزااف مي منقدر ش نقولها ليه
زينة:او انا مالي دابا 
عايدة: واباركا اصحبتي
زينة :او باشمن صفة غادي نقولها ليه
عايدة :عايدة بصيفتك صديقة العايلة صغيرة ديالنا
زينة :او هاا زربا انا معرفتش
عايدة: وعافك عافك شوفي كي ديري عافااااك 
زينة:انا فرحت ليك ابلالمصطية ديالي او صافي غادي نقولها ليه مي انا ماشي مسؤولة على داكشي ليغيقول 
عايدة:غيكوليها ليه نتي او انا متاكدة غادي يكون خير

عايدة:خودي نيميرو ديالو اوكي
زينة :بلاتي واش نتي مغاديش تكوني معانا
عايدة:نو نو 
زينة:خالبها تا دوز شي ايام اوكي
دازت ديك الايام او حكرات عليا عايدة او قررت انني نعايط ليه لبيرو ديالو او نشوف كي نوصل ليه داكشي لبغات عايدة فكرت اش بيت نقول حينت انا عند مكنعرفش نتواصل مع الناس او كيف ناس 
عبد الالاه:الوا شكون معايا 
زينة: كدير ستجواب حتى مع تيليفون
عبد الالاه: هه مروان صافا
زينة:وي ممكن غدا انشاء الله نلقاك بيتك فشي موضوع
عبد الالاه:او علاش ماشي دابا انا مسالي
زينة:مي انا ممسالياش غدا مع العشرة ديال صباح .....
او قطعت التيليفون مشيت لخدمتي او ماخليتش عايدة تحيد على عيني تحت المراقبة منخايهاش تهنا مع داك خاينا حتى نشوفو اخرتها

الغد ليه مشيت فين درنا باش نتلقاو لي هو جردة ديال الاطفال مشيت فالموعد مي صاحب السمو وسعادة مجال تال 11:30 فداك الوقت بقيت كنقرا فشي وراق كانو معايا حتا وقف عليا السيد محقق
زينة: شنو المعنى ديال مسالي عندك
عبد الالاه:صافي سموحات اش كتقراي واش الخدمة
عطيتو شي وراق او بقا كيفرا فيهم
عبد الالاه: مريم .... زينة..واش رواية
زينة؛ ممكن تقول رواية
عبد الالاه :واش نتي ليكتباها شفت سميتك
زينة؛ماشي انا ليكتبتها نتا فراسك انن كنت مصحة ديال امراض نفسية فاش كنت صغيرة
عبد الالاه:وي 
زينة كانت تما فالوقيتة ليكنت فالمصحة واحد المرا تكون فربعينات من عمرها اسمها سمية كانت مكتخلي تا حد يدخول عندها سوى د. خالد لراه عاودت ليك عليه عايدة او ام ديالها او انا كان عندها اضطراب نفسي او ادراك حسي ابداعي مزمن او هاد الابداع او المرض فنفس الوقت كانو هوما احلام اليفضة ليكاتشوف كانت كتشوفهم مرا مرا او من بعد ما غرقت ليها بنتها فالبحر ليكانت عندها عشرة سنين جاتها صدمة او ولاات كتشوف هاد احلام اليقضة فكل دقيقة او ديما او ديما بنتها هي المحور ديال هاد الاحلام او ولات فينما تشوف شي حلم يقضة كانت كتكتبو مكانتش كتخلي تواحد يقيس ليها الكتابات دياولها سوايا انا ليكنت ديما فاش كنسالي الحصص ديالي كندخل لعندها او كنعقد نقرا ليكتباتو كنقراه طول ديك المدة ليكنت كنجي عندها مهدرت انا او ياه كنت كنقرا او هي كتحلم او كتكتب بسكات هادي هي الطقوس دياولنا واحد الوقت وليت تا انا بطلة ديال هاد القصص مع بنتها مريم داز وحد الوقت تازمات صحة ديال سيدة سمية بسبب سرطان ليكان عندها او ماتت او الام ديالها عطاتني هاد الكتابات دياولها او فاش خرجت من المصحة كنت ديما كنقراهم قريتهم اكثر من مرا طول المدة ليفيتا او هاد الوراق ليبين ايديك دابا هو الكتابات ديال سيدة سمية لي دارت ليهم عنوان ديال غزل البنات او انا من ديك الوقت او وليت كناكول غزل البنات فينما تازمات صحتي النفسية
عبد الالاه:حتى وان كانو مجرد احلام يقضة فراهم قصص فمنتهى الروعة 
زينة :وي 
عبد الالاه: فنضري مخصكيش تحتافضي بيهم لراسك بوحدك
زينة: داكشي فاش فكرت او تاصلت بالعائلة ديالها او قترحت عليهم انني نديهم لشي دار نشر او قبلو 
عبد الالاه: انتي ماشي شي وحدة تسنا ناس يوروها اش دير
زينة: مكيهمش انا دابا المهم هو الموضوع ليبتك فيه موضوع عايدة
عبد الالاه:مال عايدة

زينة :كين واحد طبيب معانا باغيها لزواج او مباتش تقولها ليك ديريكت او طلباتني نسهل ليك الموضوع 
بان ليا مصدوم واحد شوي اوقف او بقا كيشوف شحال وقف عندو او تنهد او قال
عبد الالاه:دابا اش غادي نديرو 
زينة: الاصح انك تقول اش غادي ندير
عبد الالاه:نو نو اش غادي نديرو انا او ياك عندنا مسؤوليات على هاد عايدة انا خوها او نتي راك صحبتها او ختها 
زينة: مت طلبتي رائي علاش مديرش تلاقا بيه تعرف عليه او شوف او متنساش انا عايدة باغاه او نتا غادي غي تعرف عليه او الا وقفتي ضدها انا غادي نوقف قدامك
عبد الالاه:، اوكي الالا انا كنخاف منك نتي مي خليه يجي لدار هو او عائلتو او نشوفو او خاصك تكوني معانا مدام هي بغاتو خالينا نشوفو 
تم تاصلو بعبد الالاه فالخدمة او عتادر او مشا او انا وصلت لخبيرة لعايدة لي بدورها وصلاتها لميسيو

جا داك نهار او كنت انا او مروان قادت ليه عايدة البيت او نعاس او انا او عايدة تقادينا او صاوبنا الدار او جا عبد الالاه لي ضوموندا علئ الماكلة جا الميسيو او ختو او مو كانو ناس ضراف مابيهمش 
عبد الالاه:نتا فين الواليد او واش ساكن بوحدك ولا مع العائلة او كيدرتي تعرفتي عايدة
العريس صلاح: انا خدام مع ليلى او تما فين عرفتها 
عبد الالاه:، او انا اش عرفني 
كانت ديك ساعات عايدة فبيتها او انا او عبد الالاه او الام ديال صلاح او صلاح او ختو تعجبت لسيد كي كيسول او غا مكيزيد فيه
عبد الالاه: اجي شحال ديال وقت او نتا كتعرفها راه انا معزيش عليا لكدوب 
سالا معايا هاد نادت او شايرت ليه باش يتبعني بقا شوي او هو يتبعني لبيت ديالو حينت هو ليبعيد على ناس
زينة:واش نتا يسحابليك راسك كين فلابريكاد هادا راه بيخطب ختك او ماشي متهم بجريمة قتل
عبد الالاه: اش غادي ندير او انا اول مرا كنتحط فبجال هاد المواقف او راه عندي غي خت واحدا اما كون كان قاتل لينديرو ليه منقولوش ليه انا معاطيهش ختي
زينة:وايني مصيبة غادي تقبل هي غادي تقبل او سالينا 
كنت خارجة او شبرني
عبد الالاه:فين غادا راه مازال مسالينا لهضرة
زينة:حيد راه نتا خسارة فيك الهضرة 
كنت غادا خارجة
عبد الالاه:وراه نتي ليخسارة لي يفكر فيك
خرجت درت راسي مسمعت والو مشيت عند ناس كعد شوي او رجاع 
عبد الالاه: نتوما دابا تلاقيتو فصبيطار ليخدامين فيه 
صلاح ؛وي سول كاع دكتور زينة راها هي المشرفة علينا 
شاف فيا مجوبتش 
عبد الالاه: صافي تو كلنا على الله الله يكمل 
صافي بقاو كيهضرو على تفاصيل الخطبة او داكشي

فاش مشاو ناس جمعنا الدنيا انا او عايدة او بقيت معاها فالبيت حينت غادي نبات معاها هضرنا على كاع داكشي ليداز فاش بينا نعسوا ناضت باش نشوف مروان او لقيت
عبد الالاه:مازال فايق كيتفرج دازت منحداه او هو يقول 
عبد الالاه:زينة فينوهو باباك
زينة: او علاش هاد سؤال
عبد الالاه:حينت انا الوليد مشا هو الوليدة او خلاو ليا عايدة امانة انا ماشي بيت نوقف فطريقها انا بغيت غي الاحسن او هادشي ليخلا عاينية يتعماو او نسا اشنو بغات هي 
زينة ؛انا ماما ماتت بعامين او بابا من نهار ولدت ليه مرتو توام نسانا مبقاش سول عايدة عندها زهر حينت لقات خو بحالك او انا مكرهتش كون تانا كان عندي خو بحالها 
عبد الالاه: حتا انا مكرهتش 
زينة:، بحالاش مفهمتش (كانت اول مرة نقول مفهكتش)
عبد الالاه:حتا انا مكرهتش تكوني ليا انا بغيتك ا زينة 
زينة:انا غادي ندير راسي مسمعتش تصبح على خير 
عبد الالاه:،فكري 
مشيت عند مروان او انا مرفوعة لقيتو ناعس تكيت حداه او بقيت كنلعب ليه فشعروا او كنفكر (انا هي زينة ليكان كولشي ناس كيهربو منها انا لي ديما بوحدي دابا باغيني واحد نكون معاه انا اصلا خطط لحياتي باش نكون بوحدي انا او مروان بوحدنا انا تقت ف د. خالد فاش كاليا انني غادي نلقا داكشي ليبيت مي او فاشتلاقيت بعايدة قلت صافي هاهيا هضرت دكتور ولات صحيحة متوقعتش لهاد درجة او انا ليخلاني كاع ناس حتى من اقرب ناس ليا منين جاني هادا )

داك نهار نعست حدا مروان فقت بكري لبستو حوايجوا اخرجنا من داك نهار مبقيت كنمشي لدار عايدة حاولت انني نقطع اي حاجة تقدر تخايني نتلقى بعبد الالاه حينت انا صافي قررت انا غادي نبقا طول حياتي بوحدي عايدة حترمات لقرار ديالي او حكراتش عليا او عوناتني دوزت الخطبة ديالها او ممشيتش ليها او لمدة 9شهور لي تبعو ديك ليلة مشفتش ابدا عبد الالاه او طول هاد المدة او كنت ديمة كنلقى فسلة ديال البريد حلوى ديال غزل البنات اول مرة مهتميتش مي من بعد ما بقا هادشي كيتكرر كولا نهار مقدارتش نشوف شكون كان كيحطها مي عرفت شكون لانه هو الوحيد ليكيعرف بالحكاية ديال هاد الحلوى او ليخلاني منساش هضرتو ديال ديك ليلة فكري هي الكلمة لطبعات فدماغي اخر شهر من ديك المدة كنت كنعيش صراع ديال الافكار مرضت او دزادت حالتي او رجعت لمصحة لي كنت فيها انا او عندي 14عام او رجعت لحصص ليكنت كندير مع د. خالد ليكنت كنحكي ليه كولشي مروان بقا عند اعز انسانةعندي عايدة او كانو كيزورو ني بزاف دلمرات فواحد نهار جا عندي د. خالد درنا الحصة ديالنا او فاش سالينا قاليا ان حلوى غزل البنات هي جمعت الحلاوة ديال الفنيلة او المرارة ديال صوف سكر او هكاك حياتي بحلوها ومرها انا داك العود الخشبي ليف هاد الحلوى مفراسوش بي لي داير بيه احلى شي فالعالم او انني انا هو داك العود الخشبي لي ممقدراش الحويج زوينين لي ضايرين بيا او فالغد ليه بقيت كنقلب على د. خالد فالمصحة او ملقيتوش كنت بغيت نقوليه انني بغيت نتبدل بغيت نولي زينة وحدة اوخرى مي ملقيتوش او مشيت قعدت فجردة ديال المصحة او شوي او هو يمد ليا شي حد حلوى غزل البنات قدام وجهي كان ورايا درت كان كيحسابلي د. خالد مي لقيتو هه عبد الالاه بالابتسامة العريضة ديالو كعدنا شحال او حنا ساكتين او انا نطق 
زينة:انا بغيت نتبدل بغيت نولي زينة وحدا او خرى تقدر تفرح ناس ليضايرين بها 
عبد الالاه: صافي فكرتي 
زينة :وي او انا موافقة 
او بقينا كنوكلو فغزل البنات او كنضحكو ☺😊
هادي هي حكاية زينة مغاديش نقول نهاية حينت مدام حنا فهاد الحياة معمر سيناريو القصة ديالنا غادي يسالي صحيح ان زينة او مروان او عبد الالاه او عايدة او كل لي كان عايش فغزل البنات مجرد كائنات حبرية الا انه يقدر يكونو شي ناس كيعيشو القصة ديال غزل البنات
كنتمنى تعجبكم اول قصة ليا