قصة سفيان وسلمى 1
قصة سفيان وسلمى
خونا سميتو سفيان وهو فبلجيكة دبا وحتى سلمى ودعيو معاها عندها عملية على عينها ولله قصة واقعية غير انا غادي نزيد فيها وباش نوصل قصتو مزيان غادي ندوي بحالا انا هو سفيان.....
لمهم سفيان 18 عام حفيت راسي فلقرايا ديال لموغريب باش نهرب من هاد لبلاد حتى جبت لباك بميزة مقودة وخا دار حبسو معايا ومخلاونيش نمشي ولكين قصوحية راس وكان تيحسابلي بلي إلى مشيت لتمى غادي ندير لاباس ونرجع لهنا بحال كاع ناس صافي جمعت وراقيا وشويا ديال لفلوس لمهم مشيت لبلجيكة دوزة اليوماين لولين غير تسركيل حتال نهار تالت عاد مشيت لمعهد مشيت وكتاشفت بلي لأكترية فيه مغاربة و دوك ناس لي غادي يقراو معايا لاباس عليهم وداكشي لي تيصيفطو ليا دار و المنحة يلاه تيتغدا بيها هو صافي قررت نشوف شي خدمة نقرى ونخدم كيفما تيديرو فالأفلام وهادشي لي درت بقيت تنقرى وتنخدم لمهم تنبان بحالهم ومتنحس بحتى شي نقص ولكين بقيت ديما عندي عقدة من واحد البنت مغربية سميتها سلمى كنت ديما تنبغي نهضر معاها ولكين معاودين ليا عليها دراري مقودة فريها وأخر واحد وقف معاها ضرباتو لمنطقة لحساسة ولكين هادشي لي تيقولو لا ماشي تيخلعني بالعكس تيزيد يحمسني باش نكون أنا لول لي غادي يتصاحب معاها فدوك لكيليميني كاملين حتال واخد نهار كنا وسط الحصة و البروف عيط ليه شي واحد وقالينا انا غادي خرجو حتى نتوما ومشى وبنادم بدا خارج وهيا يمكن كانت دايرا ليزيات مسمعاتوش بقيت تنتسناها شنو غدا دير حتى خرج كلشي بقات غير هيا وانا نقول صافي هادي هيا أساط دبا ولى بلاش مشيت بزربة سديت لباب ديال لقاعة ودرت صاقطة من لداخل وهيا باقا باركة حيدات ليزيات وقالت ليا شنو علاش سديتي لباب مشيت حداها وقلت ليها سلمى بغيت نقولك شي حاجة قالت ليا عارفاك شنو غادي تقول ''عجبتك وبلا بلا بلا ...قديييمة '' بقيت ساكة شويا حطمات ليا سونتيمو ولكين بديت تنقوليها لا ماشي هاكداك أنا ماشي تتعجبيني أنا تنبغيك وهيا تبدا تتضحك وقالت ليا عرفتي شنو شد هاد لكتاب وتسناني مشات حدا لباب حيدات صاقطة وحلاة خرجات وسداة عليا لداخل ههههه هادي هيا لبنت لي غادي تصلاح ليا بقيت تنضحك بحدي فلقاعة ساعتين وانا تما حتى جا سيكيريتي حل عليا لمهم مشيت لخدمة خدام وتنضحك ختنى مقااودة عاد زدت حتارمتها خرجت انا و واحد دري معايا داير لحيا داك لهية وخا متيصلي محتى قلوة بدينا غادين وهو يسبو واحد لبلجيكي قاليه بزاف ديال تخربيق بلفرونسي وانا متنفهم والو فلفرونسي شوياا وصافي لمهم فهمت (إرهابي رجعو منين جيتو ..) دري لي معايا قبيح وهو يشد خونا شنق عليه و انا غير تنفك فيهم وهوما يدخلو صحاب لوقت ديال لهيه هههه هزونا داونا أول مرة ندخل لكوميسارية ديال تما كن شدونا فلمغرب مداربين كون شبعونا تصرفيق هادوك لا بركنا فزوج كراسا رطبين بحال رحمة ربي دارنا ومفيهاش فحالهم وحا لكوميسير بدا تيسول فينا قاليا نتا شنو تتدير هنا قلت ليه بلي أنا غبر تنقرى فهاد لمدينة وكنت غير تنفكر فيهم متيقنيش وهو يمشي واحد شويا تيبان ليا واقف مع واحد لبنت تنحكر مزيان تتبان ليا سلمى وضفاك اشنو جايا تدير هنا تخبيت ورا داك لي معايا وسولت واحد خونا خدام تما قلت ليه شكون لي واقفت مع لكوميسير قاليا بنتو هاديك ههههه نحس نحس تابعني من لمغرب وهيا تشوفني جات قالت ليا روميو شنو كتدير هنا ههههه
😄...قالت ليا شنو تدير هنا أروميو هههه قلت ليها والو غير كنت تنفك فهاد صاط وجا لواليد ديالك هزنا باش نشربو شي حاجة هنا على حسابو بقات تتضحك وهو يجي قاليها واش تتعرفيه قالت ليه أاه تيقرى معايا وهو يقوليا إدا مكنتيش تتكدب و ختى دري لي معايا قاليه بلي انا غير تنفك وهو يقوليا يلاه خرج خرج منبغيش نعاود نشوفك هنا وهيا تخرج سلمى هيا لولا يلاه بغيت نخرج وهو يشدني باها باها قاليا شوف انا عزاز عليا لمغاربا و مزوج بمغربية ولكين بنتي فرقها عليك ومتبقاش تدير فيها دوك شوفات ولى نقطع لك شي حاجة مكتعوضش ههههه هوما عائلة معقدة العيب ماشي غير من سلمى حتى باها خرجت و بعدي خرج دري لحية حتى هو شديت طاكسي لدار لي كاري مع دراري فبلجيكا نعسة حتال لغد ليه فقت عادي مشيت لمدرسة دخلت لقسم وهيا تبان ليا باركة لور وحداها بلاصة مشيت حداها شفت فيها وقلت ليها شكرا على داكشي لي قلتي لبارح قالت ليا هدا واجب وانا نقوليها عارفاني تنبغيك ياك هههه وهيا تقوليا سير بعد مني مراشقاش ليا دبا على هاد لبسالة ديالكم قلت ليها لا ماشي بسالة ''أنا ماشي بحالهم'' هههه وهيا تقوليا بعد مني دبا وقالتها بجهد هاد المرة كلشي شاف فيا أقود قمعة فحياتي هزيت كتوبتي ومشيت لقدام درت لقب ديالي وبقيت بارك ديك ساعتين غير تنتغدد ودري لي حدايا وهو يقوليا ختنى كتشوف فك اساط من قبيلا ولكين نتا معرفتي إمتى تجي لعندها راه يلاه وقف عليها واحد لبلجيكي تيقرى معانا سميتو إدوارد وملي مبغاتش تعطيه وقت سبها وأنا نشوف فيها بانت ليا تتبكي لور وخا أنا كنت قررت قبيلا كنيقاش نقول لختنى تصاحب معايا ولكين هيا رجولة وعانلاتني فلكوميسارية لبارح فلقسم مشيت عند خونا بارك فواحد صف هو وعشرانو وخوكم زيرو فلفرونسي لمهم نطرجم ليكم قلت ليه ماكل مع سلمى قاليا وهو يقوليا هاديك لبيتش وشير بصبعو ليها شفت فلبيرو لبروف مكينش وأنا نطلع فوق ديك طاولة كلشي تيتسنى شنو غادي نقول وأنا نضرب خونا برجلي
ضربتو وراكم عارفين لبنات بزربة وليت تنسمع غير لغوات ديالهم وهو يجرني واحد من عشران داك خونا يلاه طحت باش نايض باش هزيتو من رجلو جبتو على راسو بقا كلشي غير تيشوف وانا نمشي لداك إدوارد قلت ليه شوف باقي نسمع بلي تعرضتي ليها غادي نوريك هاد لمغربي علاش قادر هزيت كتابي وخارج وتنضرب على تيتيز حاضيني غير بنص عين هههه صافي دبا غادي نوقف على شي وحدا منهم غادي توافق بدون نقاش خرجت وهيا تبعني قالت ليا سفياان وقف قلت ليها شنو قالت ليا شكرا على هادشي عدبتي راسك مكانش عليك دير هاكدا قلت ليها لاشكر على واجب ومشيت لغد ليه دخلت لمعهد وقفت حدا لخزانة ديال لمعهد وهيا تجي واحد لبلجيكية كتقرى معانا قالت ليا سلام سلام بدات تتسول فيا على لبلاد لي جاي منها وانا نقوليها بلي متنعرفش بزاف لفرونسي وبدينا تنهضرو بلونغلي وبديت تنعاود ليها على لموغريب وهيا كتضحك محسيت ب سلمى حتى لقيتها واقفة معانا ومغوبشة شافة فختنى لي
معايا ومنعرف شنو قالت ليها بالفرنسية وهيا تمشي سلمى شافة فيا وقالت ليا ''عنيبة''
😲..وضفاك قالت ليا عنيبة حيت واقف مع لبلجيكية ومالها هيا مبيناتنا والو علاش تقلقت ومشات ؟؟؟ مشيت لحقت عليها لقدام شارع قلت ليها صبري علاش مالك شنو درت لك ياك مبيناتنا والو وقلتي ليا بعد مني وتتغوتي عليا واش تيحساب لك إلى متصاحبتش معاك غادي نموت ولى شنو و هاديك هيا لي وقفات عليا متبقايش شايفة راسك بزاف فحال هاكدا تواضعي ، ختنى عينيها غرغرو ههههه عطيتها لقاصح وهيا تقولي أوك دبا بعد مني أنا متكبرة ياك صافي دبا لي غادي يجي لعندي غادي ندير معاه علاقة باش نولي متواضعة قلت ليها ماشي لي جا لعندك غير أنا حيت تنبغيك وديلمك من نهار جيت وأنا تنقولها ليك ونتي والو بحال شي صنم بدات كتضحك وقالت ليا صافي صافي ولكين أول حاجة منبغيش نلقاك مع شي بنت بالأخصية لبلجيكية قلت ليها صافي مشات ولكين خاصك تعرفي بلي أنا راه مقااودة عليا وغير خدام باش نقرى معاكم فهاد لمعهد وهيا تقوليا واش هادي ظرة كتقال واش باقي شي واحد تيهضر على لفلوس أصلا لمستقبل قدامك قلت ليها يلاه مسخيتش بيك ولكين راه خاصني نمشي لخدمة دبا قربتها لدارهم ومشيت لخدمة تنخدم انا وداك دري لحية (يزيد) لي كنت فكيتو داك نهار ودخلنا بزوج لحبس خدامين وتنعاود ليه على سلمى كنتسناه يضحك ويقوليا مبروك وهو يشوف فيا وحط ساروت لي خدام بيه وشاف فيا قاليا واش نتا مسلم قلت ليه أاه علاش قاليا ( واش مسلم وكتوقف مع لمسيحين وكتقرى معاهم وعاد زايدها بعلاقات محرمة ) بقيت مصدوم خونا عندو واحد لعقلية متخلفة بزااف لدرجة تحجر بدينا داخلين فنقاش وتنشرح ليه بلي رسول كانو حيرانو يهود وتيتعامل معاهم عادي خونا ملي شافني عارف شنو تنقول ومتأكد من هضرتي سكت واحد شويا وهو يقوليا سفيان عرفتي شنو نتا خاصك تحضر معايا أنا وشي أصدقاء من تونس باش تزيد تعرف على دينك فهمت بلي هو مع شي جماعة هنا وأنا نلوح ساروت لي خدام بيه وانا نقوليه يزيد أنا معرفتش شكون هاد دراري ومعرفتش باش تيعمرو ليك راسك شوف اخاي فرق عليك هاد زبل راه غير غادي تخرج على راسك وعلى كاع لمغاربة فهاد لبلاد وهو يكمل خدمتو بسكات ومشى أنا بقيت معطل شويا حيت دبا وليت أون كوبل مع سلمى وخاصني لعاقة باش نخرجو نضورو وبزااف ديال لحوايج ساليت دوشت ، خرجت من لخدمت وهو يوقف عليا باها بطوموبيل ديال لبوليس 
😱 يلاه نزل وانا نقوليه ولله اعمي لا هيا لي جات لعندي وحق لله ..قلت ليه ولله اعمي لا بنتك هيا لي جات لعندي وهو يقوليا سكت راه مقلت والو بغيت غير نوصيك عليها ونقولك بلي ماماها باغا تشوفك إلى بغيتي تقدر تجي تعشى لعندنا ليلة قلت ليه صافي اعمي عشيا نجي لعندكم وعطاني لادريسة ومشى رجعت انا لدار درت واحد تدويشة ولكين دوماج مجبتش معايا خرقة كحلة من لمغرب
لمهم لبست واحد لحطة كنت مخليها غير لنهار نكون راجع لدار فلمغرب وهيا تصوني عليا واحد نمرة متنعرفهاش جاوبة سمعت صوت سلمى قالت ليا زرب راك تعطلتي قلت ليها وضفاك منين جبتي نمرتي قالت ليا ميزات أنك تكوني بنت لكوميسير ههههه قطعات خرجت تنجري مشيت لgراج لي خدام فيه خديت واحد طوموبيل تنعرف مولاها كليان ضريف ومشيت لعندهم وصلت دخلت سلام سلام قاليا برك أولدي ريحت وجات ماماها حتى هيا بدات تتسول فيا شي أسئلة فشكل واش نتا راجل واش نتا معندك حتى شي مرض وانا نقوليها وا الحاجة راني جاي من المغرب ماشي زيمبابوي وهيا تقوليا انا غير بغيت نعرف مالك تقلقتي قلت ليها لا حشا غير سؤال ماشي فمحلو وهيا تسكت راجلها أب ديال سلمى تيضحك حتى بانت ليا ضرسة لعقل بففف هوما عائلة مصطية هاكدا ماشي غير سلمى جات تعشينا وقالت ليا يلاه نخرجو بدينا تنضورو حداهم وهيا تقوليا فاش خدام دبا عاود ليا على راسك كتر انا تنعاود ليها معرفتش كيفاش حتى جبدت (يزي) فلهضرة وبقات تتسول فيا عليه كتر من لقياس علودت زليها على لهضرت لي قال ليا وهيا تقوليا يلاه بون نوي خاصني نرجع دبا لدار نشوفك غدا رجعت طوموبيل لمحال لي خدام فيه ورجعت لدار لغد ليه مشيت لمدرسة وسلمى مجاتش داك نص نهار لول وفتاني جات هضرنا عادي بحال ديما تفارقنا ومشيت لخدمة لقيت مول شي عند لباب قاليا منقدرش نبقى خدام مزال عندو قلت ايه صافي مبغيتش نطلبو دخلت تنجمع فحوايجي وهو يقوليا واحد دري خدام معايا بلي راه شدو يزيد من هنا ومول غاراج تعصب حيت اول مرة غادي يدخلو لبوليس عندو هزيت صاك لي جمعت فيه لحوايج وغادي راجع لدار حتى تيبان ليا واحد سيد تيبيع لجرائد فطريق دايز وتنشوف بانت ليا تصويرة ديال لكوميسير لأب ديال سلمى وكاتبين بلي هو شد خلية إرهابة تتكون من تونسين و مغربي لي هو يزيد عاد وأنا نسرى مع لبلان لي دارو ليا هو وبنتو سلمى من نهار لي قالت ليه راه تيقرى معايا يمكن هو لي قاليها تصاحب معايا باش يعرف شكون هو يزيد وهادشي لي وصلو ليه أول مرة تنحس بلي أنا (مكلخ) كان خاصني نعيق ملي ختى فجأة بدلات معاملتها معايا رجعت لدار طالع ليا دم شعلت تيلي حيت كان طافي لقيتها معيطة شي عشرة ديال لمراة مقدرتش نهضر معاها صيفطة ليها مساج فيه ''مغسي بزااف علمتيني منبقاش نتيق فشي بنت ل*حبة وبرافو عليك تتعرفي تمتلي'' وطفيت تيلي حطيت راسي على لمخدة وداني نعاس لغد ليه كيف فقت لقيت صحاب لوقت ضايرين بيا تخلعت ومفهمت والو😲 ..فقت لقيت صحاب لوقت ضايرين بيا مفهمت والو مخلاونيش حتى نلبس حوايجي هزوني فحال هاكداك بكالصو بوحدو شوهة مشيت معاهم دخلوني لواحد لبيت وهو يجي واحد خونا تيهضر بدارجة قاليا شنو كنتو باغين تديرو نتا ويزيد ولي معاكم بديت تنشرح ليه بلي أنا غير تناقشت معاه ومتنعرفوش سول غير لكوميسير وهو يقوليا لكوميسير هو لي قال ليهم يشدوك ولد طحبة قاليهم بلي انا مع دوك لجماعة صافي حقدة عليه فديك لحضة هو وبنتو بقاو داك صباح كامل تيسولو فيا وفلعشيا تنسمع بلي طرات شي عملية إرهابية فشي بلاصة فبلجيكا عرفتها غادي تقود عليا بالمزيان ديك ساعة مبقيتش تنشوف داك خونا لمغربي لي كان تيسولني دخلو واحد لوحدين عمالقة وباينا متيرحموش سولني بالفرونسي قلت ليه لا انا متنعرفوش وهوما يبداو تيضربو فيا بقاو معايا واحد ليوماين كاع داكشي لي موالف تنشوفو غير فالأفلام عشتو ملي شافو بلي انا مغاديش نعتارف ومعندهم حتى دليل طلقوني ملي خرجت لقيت كلشي تبدل ومبقى حتى واحد فهاد لبلاد تيحمل لعرب ولى لإسلام رجعت لدار بقيت شي يوماين وانا ناعس حتى تنسمع دقان فلباب نضت حليت لقيتها سلمى مخليتهاش تهضر سديت عليها لباب وخايتها كتدق ورجعت لفراشي حتى تنسمع شي صداع تخلعت حتى وقفات عليا فلبيت قالت ليا علاش سديتي عليا لباب نضت شفت فاباب لقيتها هرساتو وضفاك واش هادي بنت بقيت مصدوم قالت ليا جاوب قلت ليها باقي عندك لوجه جايا لعندي بعد تمتيلية لي درتي نك وباباك قالت ليا متفهمنيش غلاط راه بابا لي قاليا باش يشد دوك لإرهابين ونتا مغادي يدير ليك والو قلت ليها إوى على سلامتك راه دارو ليا راه 3 ايام وانا فالعداب بسبابك نتي وباك ودبا خرجي عليا نمشي نشوف شي نجار يعدل ليا لباب لي هرستي هادشي لي كان خاصني وانا نغوت عليها ''يلاه خرجي'' خرجات عيطة على مول لبيت لي كاري قاليا بلي هو غادي يجيب نجار دخلت لدار وندمت علاش غوت عليها بحال هاكداك عيطت على لواليدة قالت ليا شنو تتعاود قلت ليها كاع هادشي لي طرى ليا ملي جيت قالت ليا رجع لهنا أولدي بقيت تنشرح ليها بلي منقدرش نرجع لمغرب وانا باقي مكملتش حتى قرايتي لبست حوايجي وداخل لمعهد حتى وقفني لمدير عند لباب قاليا بصح دخلتي لحبس هاد ليوماين قلت ليه ااه ولكين غير بالغلاط وخرجوني قاليا لا متقدرش تكمل قرايتك هنا من ليوم هادا قانون المعهد صدمني شنو غادي ندير دبا
😧 ..قالا متقدرش تكمل قرايتك فلمعهد مبغيتش نبقى نطلبو قلا ليه صافي أصلا نتوما كاملين فهاد لبلاد عنصرين هزيت يلاه بغيت نمشي تيبان ليا بنادم مجموع ولغوات وحتى لمدير دخل تيجري سولت واحد دري خارج قاليا بلي سلمى باغا تلاح من لفوق متيقتوش دخلت تنجري بانت ليا بصح واقفت قفوق وحتى كتبغي تلاح وكترجع وبنادم تيتفرج طلعت بجرية لفوق محسيتش براسي حتى لقيت راسي واقف معاها قلت ليها تسناي شنو غدا ديري قالت ليا بعد مني ياك انا غير كنت تنستغلك صافي انا غندير لهادشي حل بقيت تنشرح ليها بل انا غير كنت معصب ويلاه خرجت من لحبس إوى حسي بيا حتى نتي وهيا تعنقني بقات تتبكي وتتحلف ليا بلي باها لي بزز عليها باش تدير معايا داك لبلان قلت ليها صافي متيقك يلاه نمشي لدار عندي بزاف منعاود ليك غادين خارجين كلشي تيشوف فينا وصلنى قلت ليها سلمى انا خرجوني من لمعهد حيت ولاو عندي سوابق وغادي نرجع مكين مندير هنا قالت ليا لا متقولش هادشي انا معاك وكينين معاهد بزااف وعاد لي حتاجيتيها قولها ليا انا متحشمش لمهم بقينا تندورو فلمعاهد والو كلشي عامر ولى تيقولو ليا لا واحد لمعهد قريب شويا ولكين ملي دخلنا لعند لمدير قالينا بلي عامر غادين خارجين من حدا تيران ديال كورة وهيوما يلوحو لبالون حدايا وأنا تيريها من ساحة وهيا تماركة كلشي بقى تيشوف فيا وهو يجي لعندي لمدرب قاليا واش نتا فايت لاعب فشي فريق و واش تتقرى هنا قلت ليه لا انا متنقراش هنا قاليا لمدير لا ميقدرش يدخلني وهو يقوليا عطيني نمرتك فليل غادي نقولك واش قبلك وعادشي لي درنا فليل شاد تيلي وتنتسنى من 8 حتال 11 عاد صونا تيلي لقيتو لمدرب ديال لمدرسة قاليا غدا متفطرش جي لمعهد تدير إختبارات يمكن غادي تلعب مع منتخب المعهد إلى بغيتي فرحت بزااف نعسة وتنا تنفكر بلي ملعبت كورة من يامات زلطة فلمغرب ولكين لمهم انني لقيت معهد نكمل فيه قرايتي لغد ليه مع دخلت ديال معهد تيبان ليا كوميسير بات سلمى واقف تما تيتسنى فيا ؟
😡..مشيت عندو قاليا شوف خرجتي من الحبس ياك قلت ليه اه وهو يقوليا إوى بعد من بنتي ولى نرجعك لتما قلت ليه شوف أعمي وخا متستاحقش هاد لقب جيت من لمغريب د تب حيت حgرونا تما وباش نجي هنا وتحgرني غادي تشوف واحد دري اخر من غير هاد لي تتشوف ونزيدك ''بنتك تنبغيها أطلاوي وحتى هيا يدك فيه'' هههه هاد لعبارة لأخيرة قلتها بالدارجة باش ميفهموش وهو يطلع فطوموبيلتو ومشى دخلت لمعهد فحال هاكدا مشيت لعند لمدرب قاليا بلي انا غادي نلعب مع الدرار فليل و غادي نقرى بنهار وملي يكون شي ماتش انا لي غادي نلعب 5 قلت ليه صافي وهيا تصوني عليا لواليدة قاليا متبقاش تجيب تيل ديالك هنا لمرة لجايا نجري عليك مبقيتيش غادي تدخل تيران ودبا خرج جاوب خرجت باش نجاوب يلاه جاوبت زربت عليها لواليدة واش حماقيتي ملقيتي إمتى تعيطي راه كنتي غتخرجي على ولدك ولكين مسمعتش صوت لواليدة لواليد هدا معيط من نمرة ماما قاليا ولدي سمح ليا عارفك بعيد ومشغول مع لمدرسة ولكين منقدرش نخبي عليك خلعني عرفت بلي شي حاجة وقعات لماما قلت ليه لواليد دوز ليا لواليدة راه خلعتيني قاليا سفيان ماماك مريضة بزاف شي يوماين هادي وهيا ناعسة فكلينيك مبغاتنيش نقولها ليك ولكين ماماك هادي مقدرتش خليت كلشي فداك لمعهد مشيت تنجري لدار جمعت حوايجي بزربة وراقيا نازل فدروج تنجري تلاقيت مع سلمى قالت ليا مالك تتجري قلت ليها راه لواليدة مريضة خاصني نجري قالت ليا نمشي معاك صدماتني قلت ليها باشمن صفة غادي نقوليهم صاحبتي خلي حتال شي عطلة دبا نمشي نشوف ميمتي غادي تصح ونرجع خليتها ومشيت فطاكسي لمطار أول طيارة حطاتني فكازا طاكسي حمر حطني فدار تاني راجع من ديك لبلاد محايب معايا حتى كلوى بنادم تيجيب حديدة مقودة ولى شي لعبا وانا حاي صولو ولكين تنسول غير على لواليدة داوني لكلينيك داني لواليد تما مخلاونيش نشوفها حتال ليل عاد دخلت لواليدة مريضة بزااف بقيت ليلة كاملة وانا بارك حداها
😓..بقيت بارك حدا لواليدة حتى داني نعاس فاقت وهيا تضربني بواحد تصرفيقة ناري حنكي داتو معاها فيديها شفت فيها قلت ليها علاش الواليدة علاش كنت مخلوع عليك جاي من بلاد لكفار وهيا تقوليا كين شي كافر قدك أدوي مشيتي مبقيتي تعيط لا والو ياكما شاداك شي زعرت من دوك ديال لأفلام تما أسمع أولد كرشي تديها مغربية ولى نموت وتكون نتا سبابي ههههه هادي غير مريضة قلت ليها موتي موتي الواليدة وعيطة على لواليد أجي تشوف مراتك لمريضة مع فاقت شنو تتقول ههه كانت تتحلم بيا وهو يقوليا ولدي راها كتهضر ليك على مصلاحتك ملي كنت قدك راني مزوج و والد ختك لكبيرة و شنو حبتي معاك من هاد لغربة قلت ليه لواليد ها مناش خايف كلشي غادي يقوليا شنو ربحتي للهم نرجع ندير شي حاجة ونرجع ليكم ونجيب معايا مرات ولدكم لواليدة خاصها غير علاش باقيا مريضة و تتنقز قالت لواليد هانتا شنو قلت لك غتكون ساحرة ليه هادي سحورهم تما صعيب -___- لواليدة علاام قلت ليها مي مكين لاسحور لا والو ملي غادي تلاقاي معاها غاديا تفهمي راه ماماها مغربية غير باها لي بلجيكي وبنت عادية بحالنا صافي هرجنا ماما من تما ديناها لدار بقيت معاهم داك نهار ولغد ليه قلت ليهم بلي خاصني نمشي وخا بقاو خوتي ولواليدة و الواليد تيطلبو فيا مبغيتش نبقى حيت لابدة خاصني ندير شي حاجة أصلا فهاد رجعت للمغرب وراجع مزلوط كيف كنت حسيت بالشمتة وكلشي تيشوف فيا رجعت لبلجيكة وأنا مقرر باش مغاديش نبقى تما حيت لعملة ديالهم ممسلكانيش وحتى لخدمة قليلة أول دولة طاحة ليا فبالي هيا أمريكة على لأقل تنعرف لغتهم شويا عيطة على سلمى وجات لعندي لبيت لي كاري بركنا شويا مقديتش نقولها ليها فلول ولكين هيا لاحضاتها فيا قالت ليها مالك قلت ليها بلي أنا راه غادي نمشي لبلاد أخرى أمريكا قالت ليا لا ولله لا مشيتي وخا نعرف نمشي عند بابا ونقوليه بلي نتا إرهابي كدبت عليها وقلت ليها بلي لواليدة مريضة وخاصيني لفلوس و عاد انا باغي نتزوج بيها وخاصني نضمن مستقبلي وحتى هاد لبلاد مغطاتنيش بحال لمغرب وهيا تقوليا صافي ولكين عرف بلي غاديا نتاقل منقدرش نخليك تمشي بوحدك تولي شايف شي عزية من ميزيكان هههه قلت ليها سيري سيري ماشي دبا قاديت وراقي فواحد 3 ايام ومشيت بلاد جديدة عقلية جديدة لغة جديدة تاني
😍..وصلت لأمريكا بلاد جديدة شديت دوك لفلوس لي عندي بدلتهم لدولار اقيتهم يلاه شي 750 دولار لي فراس مالي وخاصني فين نسكن و شنو غادي ناكل بقيت تنقلب حتى لقيت واحد دار جزائرين كارين واحد دار دخلت معاهم وتنتعاونو فداكشي وتنقلب على خدمة والو ملقيتش قليلة لخدمة فديك لوقت بزااف بزز لقيت واحد سناك قريب لتما قاليا مولاه بلي خاصو شي واحد تيعرف يسوق الموطور باش يبقى يوصل ليه طلبات قلتزليه انا بديت تنخدم معاه وها لعاقة قليلة شويا ولكين لحمد لله حسن من نبقى بارك فدار مرة مرة تنهضر مع سلمى ودار و تنقلب على شي خدمة حسن و تقيدت فواحد لمعهد تنمشي ليه غير فليل واحد ليلة تيبانو ليا تيلعبو فتيران ديال لgازو واحد لعبة بحال ركبي بديت لاعب معاهم خوكم جري ديا بصح مكين غير تنطاع فتيران طرى ليا نفس لبلان مع لمدرب ديال لكرة فبلجيكة جا لعندي قاليا يلي خاصهم ملتقي كرات قلت ليه ااه نلعب معاكم ولكين انا ممساليش تنخدم بنهار قاليا بقيتش تنمشي لخدمة وتنمشي نتريني مع دوك خوتنا وداك لمدرب تيعطيني ضوبل ديال داكشي ليا ف داكشي لي تتاخدو تما غادي تاخد ضوبل من عندي هادشي لي درت بقيت تنتريني حتى فهمت لعبة مبقيتش تنمشي لخدمة وتنمشي نتريني مع دوك خوتنا وداك لمدرب تيعطيني ضوبل ديال داكشي لي كنت تناخد عاد زيد لمنحة ولكين هادشي مطولش وصلنا لأول ماتش فلبطولة ديال لمدارس تحنسيرة انا معمري لعبت هادشي تنعرف غير نجري بدا لماتش ومدخلنيش لمدرب من لول حتى لخر عاد دخلني وكنا خاسرين ب 2 كيف دخلت شديت ديك لكورة جرية وحدا حتال عند لخط ديال 45 لخر كاع ديال هادوك جبت ليهم شي 3 نقاط فلخر وهو يصفر لحكم صدمت كلشي دخلنا لفيستير كلشي تيشوف فيا قلت ليهم بلي انا غير صدقات ليا قبيلة شدو فيا رجعت لدار تلاقيت مع الخوت الجزائرين وجايبين (ل*حاب) انا شفت هاكداك وانا نقوليهم انا خارج حتى تساليو وهو يقوليا لكبير فيه أجي أجي نقولك
😈..قلت ليه مالك قاليا أجي أصحبي زهى معانا قلت ليه غير خليني بعيد على هاد زبل رجعت لمدرسة ترينيت شويا مع درازي فلفرقة حيت لغد ليه عندنا ماتش مقود مع واحد لفرقة رجعت لدار نعست لغد ليه فقت بكري بقيت تنستاعد مزيان ليوم عندنا ماتش مقااود هزيت صاك ومشيت لتيران لبسنا لعيبات ديالنا لمدرب بقى طالقها علينا بلي لي غادي يلعب قدام داك لمدرب مزيان راه يقدر يديه يلعب مع المحترفين ودوري لأمريكي تما أغنى دوري فالعالم هادشي معروف صافي قلت ولله حتى نموت مع ديلمهم وديك ساعة كيف قبلني كيف مقبلنيش بدا الماتش و المدرب كالعادة مدخلنيش من لول حتى التلت التاني ديال لماتش دخلت ولكين والو مكتوصلنيش كورة لي تيشدها تيبدا يحري باغي يبين راسو حتال لأخر كيف شديت لبالون فيديا وانا نعطيها لدرادك عمري جريت بحال هاكداك مخسيتش براسي حتى لقيت بلي انا واقف فلخر ديال تيران ومخلي لأخرين بعاااد فرحت دموع سالو ولينا رابحين بواحد رجعنا أخر طلعة كلشي معارفش شنو لخطة لي نطلعو بيها وانا نقوليهم على واحد لخطة كنت شفتها فواحد الفيلم قالو ليا صافي وهيا لي درنا انا بقيت تنجري وهوما تيلوحو ليا كورة ولينا حاgرين على هادوك لي لاعبين معلهم سالا لماتش كلشي تيتسنى داك لمدرب يعزل دراري لي غادي يطلع لدوري لمحترفين وهو يجي حتال عندي وقاليا نتا جمع حوايجك دبا غادي تمشي معايا قلت ليه و المدرسة قاليا واش باقي باغي تقرى و نتا غادي تبدا تاخد 50 الف دولار لشهر صدمني متيقتش وهو يجبد ورقة قاليا لعقد فيه 6 سنين إلى بغيتي طبعا حتى كنت غادي نسيني وانا نقول بلاتي إلى سينيت خاصني نلعب معاهم هاد6 سنين فديك لفرقة ولكين ملي تفكرت الخمسين الف دولار هيا خمسين مليون تقريبا ديالنا سنيت بزربة وهو يقوليا مبروك دبا متبقاش تدير علاقات مع لبنات و حتى لعادة سرية إلى كنتي تتديرها قطعها نتا دبا بحال لجندي قلت ليه صافي وليت تنتريني معاهم فديك لفرقة و بنادم عملااق تنبان صغييير قدامهم و فأول ماتش لخلعة ديال بصح وتيران عامر بالمزيان وتيتيز تيغوت تضهشرت داك نهار مدخلتش فالول حتال لخر ولكين مع خوكم تيبان مدعوق قدامهم لي تنوقف قدامو تيطيحني واحد لحضة وهيا تجيني كورة فيديا تنشوف قدامي تيبانو ليا كاع لعابا جاين تيجرو لعندي
😲 .. 
زوينة بزااف
ردحذف