‏قصتي مع المكلمنة‬ الجزء 2

‏قصتي مع المكلمنة‬ 

.
عيطات ليا نهيلة الو يحيى مالك مبقيتيش كتجي و مكتجوبش على تيلي عاودت ليها البلان ديال الواليدة قالت ليا لا خاصني نجي عندك قلت ليها نتلاقاو فشي قهوة دابا قطعت معاها قالت الواليدة انا راجع متمسي حتا حاجا فدار انا غنرجع و نجمعها هي هاديك خرجت مشيت تلاقيت معاها ريحنا قالت ليا كيبقات ماماك دابا قلت ليها بلي شوية دابا مي عندها اول حصة ديال دياليز بعد غدا قالت ليا بلي خاصاك 500 درهم على معودتي ليا قلت ليها وي غنمشي نقلب عليها و هي تحل صاكها حطات ليا 2000 درهم فوق طابلة قالت ليا هاك هادي عدي بيها خوكم واصلا ليه حتا لعظم مي واخا هكداك قلت ليها لا والو مغنخدهاش قالت ليا اوكي صافي دوزنا ديك ساعتين واخا هكداك ضحكاتني و فوجات عليا شوية مشات قالت ليا تسنا انا راجعا مني رجعات جايبا ميكة ( قبل من زيرو ميكة ) عامرة بالحليب و داك لعب راكم عارفين و قالت ليا هادي ديها للواليدة و سلم عليها و قول ليها راه غنجي عندها شي نهار هي هاديك هزيت الميكة ديتها لدار عطيتها الواليدة انا جمعت دار قاديت الأتواش قرب ليل اطيح خرجت مشيت عند مول القهوة عاودت ليه البلان و هو يجبد ليا 1500 درهم قاليا هاك لا والو قلت ليه نخدم عليها قاليا يحيى باك الله ارحمو معرفة قديمة و مك حتا هي راه حنا عائلة و شد اولدي بلا متقصح راسك هي هاديك خديتها و دخلت نعاون دراري شوية و نجمع شوية صرف مع انا كنخدم سرباي ضربت 1 د ليل خرجت فحالي طلعت 200 درهم غا تدويرة عندي دابا 1700 ثلاتة الحصص مزسان رجعت لقيت الواليدة نعسات غطيتها مزيان على البرد و هي تفيق قالت ليا ولدي جيتي قلت ليها غير نعسي قالت ليا بلاتي نوريك شي حاجا وي شنو ارا الميكة لجبتي قليلة مديته ليها و هي تجبد شي فلوس قالت ليا بلي لقات فيها 40 الف ريال و مبغاتش تقرب ليها تصحبها ديالي انا فديك لحظة حدرت راسي عرفتهم فلوس نهيلة خديتهم و حطيتهم فواحد البلاصة و عيطت ليها خرجت على برا قلت ليها وراسك قاصح قالت ليا مي علاش الفلوس ياله شفتهم قالت ليا هاديك هي طريقة الوحيدة باش تاخذهم قلت ليها مغسي و غير افرج الله و نردهم لك قالت ليا لا مبيناتناش نسا عليا انا توحشتك بزاااف قلت ليه موا اوسي مي راه الوقت راك عارفا ياله جست من الخدمة قالت ليا وي عارفا غدا نشوفك قلت ليها بلي غدا غنوجد سيفي و غنبدا ندفع لشي شركات على الله نتقبل قالت ليا سيفي خليه عليا انا نصوبو و نطبعو لك غدا فصباااح نتلاقاو و نمشيو نشوفو بزوج قلت ليها اوكي بون نوي بب كنبغيك قالت ليا موا اوسي انا بقيت مريح تما شوية اييه الهموم و ليل شوية كيبان ليا عبيقة ثامل دايز سكران جا عندي خويا يحيى عزيز نتا والله وراك عارف لي كين قلت ليه حتا نتا واخا كل درهم زيدا فيا جبدت ليه 10 دراهم عطيتها ليه مشا و الله اعفو دخلت طيبت شوية دالبيض قصيت ونعست الغد كنفيق على تيلي نهيلة هادي ...

.
لقيتها نهيلة جوبتها قالت ليا بلي هي قدام دارها دابا كتسناني انا زربت على لعب لبست دغيا خشيت شي حاجا فوجهي هههه و خرجت دغيا كان باقا دنيا خاوية مشيت دخلت سلمت عليها لقيتها جايبة بيسي و لور حطا بزاااف دالوراق مطبوعين هزيت وحدة نشوف لقيتها صيفي ديالي مطبوع مزيان و لعب كامل واجد و داخلا الأنترنت كتقلب على شركات لي خاصها شي واحد حاصل على الماستر المهم بدينا غادين لولة كنهز صيفي كنمشي صافي غا سير حتا نعيطو لك لونطغوتيان كلهم بقينا حتا لشي 12 و حنا غير كندورو قلت ليها حبسي غنمشييو نتغداو انا لزدت ساعة غنموت قالت ليا نن غنكملو و انا نشوف فيها قلت لك ياله نتغداو بلا متزيدي الهدرة بدات كتمتم هههه ااا ه ص افي ننمشيي و ههههه كتسطيني انا معلينا مشينا قصيت مزيان هي مبغاتش تاكل قلت ليها مالك قالت ليا بلي دايرة رجيم كيفاش رجيم ثبي قالك رجيم اهاه و أنا نضيع فداك طرف مزيان ههههه و انا نمشي جبت ليها دجاج و لعب عطيتها و كلتها بزز شناهو انا نضيع فطرف غيصغار مع ريجيم المهم نضنا كملنا حتا لديك ثلاتة و هي تقول ليا نمشيو نتقهواو داكشي لي كان حيت انا خاصني نمشي لقهوة دابا نطلع شي صريفة شربنا قهيوة قلت ليها بلي غدا خاصني ندي الواليدة الأول حصة ديال ديالز سولاتني على العنوان قلتو ليها صافي قالت ليا غتمشي بوحدها لا متقدرش حيت من ورا ديالز بنادم كيسخف خاصو ضاروري اياكل شي حاجا و شي واحد اعونو باش اتمشى قالت ليا اوا الله اعونك و الله اشافيها نخليك دابا هي هاديك انا عوجت الدار حيدت الحويج رسميين و لبست عليا و مشيت الخدمة طلعت صريفة المهم و سيد لاح ليا 200 درهم صافي ضربت 12 قلت ليه خاصني نمشي مشيت قصيت نعست الغد فيقت الواليدة مسكينا و مشينا غير طاكسيات دارو فينا حالة و صلنا تسنينا شوية و هي دخلات تعالج انا مريح حتا كيبان ليا ..

.
حتا كتبان ليا رباعة الكالمنة جايين نهيلة عشيراتها اواااه وقفا جاو سلمو عليا و داكشي كيبقات الواليدة راه الداخل دابا مي كوم ميم راها مزيان دابا قاليو ليا بلي بغاو ادخلو اشوفوها دخلو انا مبغيتش بقيت مريح غير برا شوية خرجو قالو ليا ميبقا عندها باس وديك الهدرة مشاو بقات نهيلة قالت ليا نتلاقاو فالعشية اوكي و مشات صافي سالات الواليدة خرجتها كانت مسكينة صخفانا المهم و صلتها لدار عمرت اتاي و صوبت شي لعيبة الغدا قالت ليا اجي حدايا اولدي شكون هادوك دريات قلت ليها كيقراو معايا الواليدة و هي تجبد واحد لونفلوب جوا قالت لي راه عطاوني هادي و قالو ليا جمعناها لك اوااه شديت داك ثبي حاليتو كيبان ليا غير زرقة حسبتها قدام الواليدة لقيتها 20.000 درهم قالت ليا الواليدة دوي معايا ب ريال قلت ليها جوج دالمليون الواليدة تصدمات قلت ليها تسناي خرجت و انا نجبد تيلي عيطت ل نهيلة هي لولة قالت ليا وي قلت ليها اش داكشي عطيتو الواليدة قالت ليا بلي بغينا نعونوها و انا نسعر واش طلبتها منكم قلت صافي غادا تبدا تمتم وهي تغوت عليا قالت ليا مالك نتا ديما داير فيها عزة نفس و ديما باغا تحبسنا على الخير و سكت شوية و سمعني ماماك فحال ماما و هذا راه واجب عليا خوكم سد فمو من صدمة صـافي قطعات انا مفدرتش نهبط تيلي وااااع التكلمين رجع قباحة تا رااااه طحبة شوكاتني واااع رجعت لدار الواليدة قالت ليا مالك والو شرب اتاي و خرجت فحالي مشيت القهوة لقيت الحركة ميتة و انا نمشي جيهت البحر و كنفكر كيفاش ختنا دارت فيا شيت ملقيت مندير و انا نمشي العند داك الطبيب لي قاليا غنجمع لك مشيت سولتو فين و صل قاليا غادي كنجمع قلت ليه نقدر ندوز و نشوف واش نقدر نتبرع على الواليدة ب كلوة قاليا وي ياله مشينا دار ليا تحليلة و قاليا رجع عندي من بعد مع الخرجة كتبان ليا نهيلة حتا هي خارجة وايلي هاد ختنا اش كادير هنا فلول مبغيتش نمشي شوية قلت يخ صافي عيطت عليها دارت لقاتني انا وقفات قلت ليه صافا فين كنتي نغ قالت ليا مسوقكش شكيت فيها مقلقة مي شوية كنشوف ..

شويا و أنا نضرب على القطن فيدها قلت ليها ياك لاباس مالك قالت ليا مسوقكش شديت ليها فيدها وأنا نقول ليها قبيلا غوتتي و سكتينا دابا و باراكا مديري فيها مقلقة انا راه مبغيتش نتقل علبكم بمشاكيلي اما انا راه كل ريال زايد فيا ختنا بدات كتمتم هههه ناري الحنان اثبي قالت ليا صصافي غاااا مممتعصب ش عليا قلت ليها شنو كنتي كاديري هنا قالت ليا ياله نحيدو من هنا مشينا قدام اليحر و ريحنا قالت ليا مشيت لسبيطار درت شي تحاليل قلت ليها علاش قالت ليا كنحس براسي ماشي حتا لهيه و نتا قلت ليها مشيت درتهم باش نشوف واش نقدر نتبرع للواليدة قالت ليا مزيان ايوا نتمناو خير قلت ليها كيفاش جمعتو ديك الفلوس قالت ليا مني عودت ليهم علك و ماماك و بقا فيهم الحال بزاااف و قالو بلي خاصنا نعونوه باش نقدرو نعونوك غنجمعو لك شي شوية دالفلوس قلت ليه جوج دالمليون شوية قالت ليا تستاهل كثر اودي خاصني 8 دالمليون غير العملية و الخيبة هي لكلوتي موافقاتش الواليدة قالت ليا اكون خير المهم دازت ديك ثلاتة ايام بزربة و ديت الواليدة الحصة اخرا و الخدمة بليل تسركيل مع ختنا صافي وليت انا وياه البيرفيكت كوبل مكين غالحب و المشاعر ا بب المهم مشيت عند دام طبيب نشوف تحاليل دخلت قاليا سي يحيى للأسف متقدرش تبرع الواليدة ديالك يعني خاصك تلقى شي متبرع اواااه و شكون هاد لي غيتبرع نغ وابقينا شي 50 عام كنقلب مشكيل اخر مي هانيا مشيت لدرب كنطللب فبنادم والو لحتها فالفيس مخليت فين بوسطيتها والو من بعد يومين ديت الواليدة للحصة ثالتة و مني رجعت تكيت شوية فقت على صوت تيلي كيصوني نهيلة جي دابا عندي عندي لك شي هدرة مهمة مني مشيت عرفت بلي هاد الهدرة مهمة بزاااف..
.
دغيا لبست و مشيت لعندها لقيتها مريحة فواحد القهوة سلام صافا مالك بب غيان غير نهار درت تحاليل وي يكما كاين باس نن ماشي شي حاجا انا كذبت علك كيفاش كذبتي عليا قالت ليا بلي تحاليل لي دارت دارتهم باش تشوف واش تقدر تبرع الواليدة و قالت لداك طبيب هاد الهدرة تبقى سر قلت ليها وي وشنو فتحاليل قالت ليا بوزيتيف يعني نقدر بديت كنضحك قلت ليها من نيتك انا لي ولدها و مقدرتش بقا غير نتي و هي تجبد ورقة من صاكها عطاتها ليا قريت لعب لقيتو بصح وايلي و دابا شنو قالت ليا يحيى انا على استعداد نتبرع لماماك قلت ليها لا منقدرش نخلليك قالت ليا بلي انا باغا و نتا مغتقدرش تمنعني قلت ليها اوكي انا منقدرش و واليديك قالت ليا لا دخل لهم اصلا غيتقبولها قلت ليها وايلي مدخلش لعقلي قالت ليا شوف انا قررت وصافي المهم نتا بقاو علك غير فلوس العملية قلت ليها هادا مشكيل اخر قالت ليا الواليد دار المغادرة طوعية و عطاوه زبالة ديال الفلوس فوق 100 مليون انا قلت ليها و من بعد غيتصدق علينا ب 10 المليون راه بزاااف قالت ليا وي بصح مغيعطيناش مي خاصنا شي بلان حيت لايمكن نخاليو ماماك هاكدا قلت ليه وشنو نشفروه قالت ليا ماشي حتا لديك الدرجة مي فكر فشي بلان قلت ليها اوكي غنفكر قالت ليا دابا نخليك عندي شي حاجا فلافاك وي حتا انا مشيت لقهوة خدمت و كنفكر ف ان عشيرتي لي ياله عرفتها ماكملاش شهر مستعدة ضحي معايا و جيرانا لي كنعرفهم 24 عام هادي عاد الواليدة كيعرفوها معرفت شحال مبغاوش ايه تلقا الخير فالبراني ختنا عزااات بزاااف مي البلان ديال الفلوس خاصو بلان كيف غندير واش نمشي نطلبو 10 دالمليون بزاااف واااش غنشفرو نصدق غادي الحبس و بلانات طاحو ليا فراسي مي مشكيل ضبرت على واحد 300 درهم من القهوة رجعت الدار و كنفكر كنفكر كنفكر بقيت بلا عشا و اخيرا طاح عليا اقود بلان لي كنظن غيصدق صباح عيطت لنهيلة ..

صباح عيطت لنهيلة قلت ليها نتلاقاو ضاروري قالت ليا جي حدا دارنا هي هاديك هادشي فصباح بكري خارج و البرد مشيت لقيتها حتا هي خارجة جات لعندي سلمات عليا و قالت ليا مالك قلت ليها كاين بلان باش ناخذو صرف من عند باباك قالت ليا شنو قلت ليها غنخطفك ختنا غوتات شنو قلت ليها راه شفتها فساعة فالجحيم حتاجو صرف خونا خطف ختنا و طلب من عائلتها صرف او بيخسر قالت لسا واش بغيتي ماما تسطى قلت ليها مالني غنديك 3 سنين راه غير 3 دسوايع اصلا انا مخنخطفكش راه غتمشي معايا برجليك بداات كضحك قالت ليا حتا نفكر هادشي راه فيه مخاطرة مشفتيش لديكلاراو عند البوليس وجاو داونا قلت ليها لا غنهدو زعما راه غنقتلك ختنا قالت ليا وراك كتفرج مع راسك فهاد ساعة ولامعرفت قلت ليها ساعة فالجخيم هادشي ماشي ديالكم ههههه ذيالنا حنا المهم تافقنا قالت ليا حتا نفكر قلت ليها من حقك دابا نرجع نكمل نعاسي فهاد البرد رجعت لدار طحت الكاو مني فقت لقيت الواليد كتصبن و انا نود حيدت ليها لعب و حلفت عليها متبقا تقرب لشي حاجا من هادشي كملت لعب و انا كنقول شوف حتا شركة معيطات من هادوك ايييه زهر لمكوز فهاد البلاد قريت حتا عييت و فلخر سير حتا نعيطو لك تا مالي يهودي و صلت ديك ثلاثة خرجت نتسركل فواحد الغابة قريبة شوية لينا كنتأمل و هي تجيني واحد الفكرة علاش منتخباش انا و نهيلة هنا مكينش مكينش برتوش لهم هنا مزيان احححح مجيانة هادي جبدت تيلي عيطت ليها قالت ليا بلي شي نص ساعة نتلاقاها فالقهوة هيا هاديك مبغيتش نمشي فطاكسي ضربتها على رجليا وصلت سلام بب طوحشتك قلت ليها حتا انا اش درنا فبلاننا قالت ليا وي نديروه مي خايفة شديت فإيدها قلت ليها والو متخافيش وايلي انا معاك قلت ليها غدا مع ستة دالعشية جي لابسا شي حاجا سخونة مزيان قالت ليا صافي هي هاديك تفارقت معاها و عوجت القهوة نضبر على مصيريف ساليت طلعت لدار نعااااااس باش نرتاح الغدا كنسمع الواليدة كتفيقني ولدي نوض راه 12 هادي نضت صوبت فطوري ديت الواليدة دير دياليز و رجعت بزربة مدويتش مع نهيلة احتياطا من اي شبوهات المهم ستة دالعشية عيطت قالت ليا واجدة قلت ليها خرجي بلا طومبيلتك و جي لقدام الغابة انا مشيت شريت القص من عند مول الحانوت و هزيت واحد لاطونت قديمة عندي و لبست مزيان و مشيت نتسناها شوية كتبان ليا جايا ....
.
شوية كتبان ليا جايا قلت ليها ياله دخلي قالت ليا تسنا طفات تيلي ديالها وقالت ليا ياله دخلنا غبرنا لداخل 

صافي مبقيناش كنبانو و انا نقوليه زيدي عونيني حطيت القص حليت لاطونت ههههه كنصوب فيها قلت ليها اجي عونيني كنصوبو و كنضحكو وليت كنحس براسي تريبر هههه تريبر حدا دارنا معلينا صاوبنا لعب مزيان بما ان لعب كبيرة شوية دخلنا ريحنا جبدت تيلي ديالي طلعت واحد الفيلم و كنتفرج انا وياها حطات راسها على كتفي مرا مرا كنهز شي بيمو من ديك الميكة ههههه و غادا ( نو حلوة قراو لخر دالجزء 11 ) معلينا وصلت ديك تسعة دليل ملقينا منديرو شيت خرجنا جبنا تسركيلا تما اصلا الغابة كابر فيها مكين لي يدوي معايا بقينا حتا لديك الوحدة غير كنضورو و كنهدرو صافي دخلت انا وياه جبدت غطا و تغطينا و نعسنا تما مع كان البرد صافي خوكم نعاس على صباح كنسمع ختنا كتفيقني يحيى يحيى و فيق نضت واشنو قالت ليا راه فقت كنحس براسي فحالا عند ضياف بقيت حاضيا غير سقف شفت فساعة لقيتها 8 او مالي يهودي و انا نهبطها على صدري زعما رومنسية و انا نمشي خليتها مني فقت لقيتها كدوي هههه شيت كانت كتعود ليا شي حاجا من قبيلا واااع بديت كنسمع غير هدرة خاوية كتعود على حياتها و صحاباتها و انا نسولها قلت ليها صحاباتك عارفينا اون كوبل قالت ليا واش كضحك هادوك راه خوتاتي قلت ليها وشنو كانت ردة الفعل ديالهم قالت ليا بلي فرحو ليا و قالو ليا بلي نتا هو الدري المثالي ليا و غنكونر كوبل واعر اه مزيان مزيان نضت هزيت ديك الميكة جبدت ريبي و ميروندينا (ملحد ستارتر باك خخخخه) قلت ليها نتي مبغيتي والو قالت ليا لا كنفكر ف ماما دابا غتكون مخلوعا عليا قلت ليها شعلي تيلي مع شعل بابها كيصوني انا شديت تيلي مجوبتش عاود عيط والو حتا رشقات ليا و انا نجوب الو الو سلام انا ماكين لا سلام لاوالو قاليا شكون نتا قلت ليه مسوقكش ( مع تغليظ صوت طبعا هههه ) المهم بغيتي بنتك خاصك تخلص قاليا كيفاش واش مخطوفا قلت ليه شوف بلا منشبهو راسنا بالأفلام مي راه تعيط البوليس غادي نقتلها بهاد البساطة حياتي غا حبس قاليا لا عفاك عفاك نلبيو لك غاع المطالب ( الهدرة المكلمنة ) قلت ليه شوف 30 مليون تكون واجدة من هنا لعشية شوية نعيط نقولك البلاصة قطعت و انا نتهند اوووف شيت ختنا كتشوف سولتها مالك قالت ليا وايني راك حريفي قلت ليها غير الموهبة ههههه دابا 1 نتسناو شوية و كنفكر فخونا لاعيط البوليس المهم دابا فين غيحط ليا الفلوس نغ مشكيل ا بب فكرة فواحد تيران مهجور ورا الغابة مزيان تما غنقول ليه حطهم و خبيهم تم المهم ضربت الخمسة عيطت ليه .... 

يتبع بعض لحضات

.