قصة سفيان وسلمى 2

قصة سفيان وسلمى 2

كيف شديت كورة كاع تمو جاين لعندي مع لخلعة وليت غير تنجري فتيران حتى ماركيتها هههه لمهم دازت عليا فداك لماتش متيتنساش بقيت تنلعب معاهم حتى سالا شعر لول وبصح عطاني خونا شيك فيه 50 الف دولار صيفتو لواليد متيقش قلت ليه بلي وليت تنلعب مع واحد لفرقة امريكية ولاو تيتفرجو فيا فلقهوة ديال درب هههه بقيت تنلعب معاهم وفنفس لوقت لي تنشدو تنصيفطو لدار فلمغرب حيت بغيت غير نكمل دوك 6 سنين وغادي نرجع أما ديك لولاية لي تنلعب فيها وليت مشهور فيها فينما ندوز تيوقفني واحد تيتصور معايا بقيت هاكدا عامين وسلمى مبقيتش هضرت معاها هيا معيطتش عليا وحتى انا مشاولي نوامر حتال واحد نهار كنت داخل لتيران مع لعابا وهيا توقف قدامنا معرفت منقول ولى شنو ندير عامين مشفتها تبدلات بزااف وحتى انا نبقيتش فشكلي وعقليتي كيف كنت قلت ليهم دخلو وانا غادي نتبعكم قالت ليا مالك متتسولش فيا صافي نسيتيني فبلجيكة قلت ليها لا ولله حتى بالي ديما معاك ولكين انا راه ديما مشغول و عاد مشالي تيلي لي فيه نمرتك ملقيت كيف ندير قالت ليا صافي دزولي و نساني تبعتها شديت ليها يدها قلت ليها سلمى ولله ما لخاطري فهميني قالت ليا صافي نسى نسى واش ضبرتي ليك بشي وحدا دبا نتا مشهور قلت ليها لا انا عند بالي باقي معاك ومتنوقف مع حتى وحدا وهيا تعنقني قالت ليا سمح ليا بزااف أنا تزوجة نتا تعطلتي بزااف عامين و بابا مات مكان عندي مندير صدماتني حيدت ليها يديها وقلت ليها مبروك فرحت ليك ودخلت لتيران بدا لماتش وانا فعالم أخر وخا مبقيتش تنبغيها كيف لول ولكين كان تيحساب ليا غتسناني سالا لماتش لبست حوايجي طلعت فطوموبيل مع شي دراري تيلعبو معايا عاودة ليهم علاش انا ملعبتش مزيان قالو ليا والو ليوم تجي لعندنا لحفلة ولله حتى تنسى و هادشي لي درت رجعت لبست حوايجي ومشيت دخلت لحفلة تيبان ليا بنادم عريان لحمة بنادم مبجقل بالحشيش وشراب والماريوانا وهو يجي عندي واحد خونا تيلعب معايا وهو لي عرض عليا قاليا هاك ومو ليا ساروت قاليا طلع لبيت لفوق غتلقا واحد بنت تتسنى فيك من المعجبات ديال لفرقة مبغيتش فلول ولكين ملي ضورتها فراسي مكين لاش نبقى هاكدا حيت لبنت لي كنت باغي نرجع لعندها تزوجات😔 ..

طلعت حليت لبيت تتبان ليا درية باقيا صغيرة وضفاك غتكون عندها ديك 16/17 وانا نعيط على داك خونا قلت ليه ياك اطلاوي جايب ليا بنت باقيا قاصر باغي تصيفطني مؤبد قاليا مالك معقد اصاط واش مفيديكش كلشي بدا تيضحك وبنادم مخلط غادي تشيع بلي الظهير رباعي ديال لفرقة مفيدوش مجاتش ههههه قلت ليه صافي انا غادي دخلت لقيتها عريانة باقة صغيرة بزاف قلت ليها واش عارفة بلي قدك فلمغرب تتلعب لاستيك -__- قاليت ليا أجي برك حدايا هههه ناري خلعاتني مقديتش نبقى معاها ابنت يلاه عندها 16 وزعزا يمكن ماشي أمريكية وانا كبيير عليها و مع سبور ديما تندير منها 3 قلت ليها نوضي نوضي سيري لداركم تلقاي باك مخلى فين قلب عليك خرجت يلاه حليت لباب لقيت واحد زوج واقفين عند لباب قلت ليه شنو باغي وهوما يطيحوني فلرض (ههه غير زربو عليا وصافي 😅) مفهمت والو قلت ليه شنو درت وهو يشوف فلبنت قاليها هو هدا ألالة قالت ليهم أاه هو هدا ديوه لدار ديال بابا مفهمت والو غادين مخرجيني لقيت بلي عوما بزااف وهازين سلاح على عشراني لي تيلعبو معايا فلفرقة طلعوني فواحد لمرسيديس عمري شفت بحالها عندها شي 8 ديال روايض غمضو ليا عينيا وداوني لشي بلاصة بعييدة يمكن حيت شحاال وحنا غادين ملي دخلوني تنسمعهم تيهضرو بشي لغة فشكل بيناتهم معرفتهاش وهيا تدخل ديك لبنت قالت ليهم حيدو ليه داكشي من عينيه ولاش رابطينو غوتات عليهم حلووه باينة فيها قبيحة ومفششا وقفت بحال هاكدا قلت ليها سمحي ليا علاش هادشي كامل وانا مدرت ليك والو ومقصتكش قالت ليا باقين حاين ليام وغادي نديرو كلشي مفهمت والو قلت ليها باراكة من تبرهيش شنو هادشي وشكون نتوما واش تيحسابليكم انا لعبة تهزون تجيبوني هنا واحد فيهم قاليا متغوتش قدام لأنسة صغيرة مع جاي باغي يضربني انا طويل عليه ضربتو برجلي لراسي بكل هدوء وهيا تقوليهم لا متمسوهش وهيا تجي لعندي قالت ليا نعرفك براسي ''جوليا من روسيا من أكبر المعجبات ديالك وتنبغيك ونتا من دبا ديالي ...'' وضفاك معرفت واش نتخلع ولى نحشم قلت ليها ديالك كيفاش قالت ليا بابا عندو كلشي أي حاجة حتاجيتيها غادي تاخدها وحتى دوري و الكرة نساهم غادي نلعبو غير بزوج انا وياك حيت نتا من دبا راجلي بديت تنضحك ختنى لاعبة معايا ديك لعبة ديال دار برهوشة باقا لاصقة فلأرض وتتحكم فهاد رجال كاملين مفهمت والو بغيت نعيط على مسؤل لفرقة وهيا تقوليا سفيان صافي نسى عليك داكشي انا غنبدل حوايجي ونجي نخرجو نضورو بقيت واقف مع هادوك لي خدامين عندها قاليا واحد فيهم كين خبر زوين وخبر خيب باش بغيتيني نبدا قلت ليه زوين قاليا لبنت تتبغيك بزااف و لاباس عليهم مزياان تقدر تبن بحال هاد لقصر بالفلوس ويبقى لخير قلت ليه و الخبر لخيب قاليا ماشي نتا أول واحد مشهور تبغيه ديجا مغنين و عدائين و لاعبين وعاد نزيدك باها شي حاجة كبيرة #فالمافيا روسية صدمني بقيت مصدوم لمافيا وهيا ناري وهيا ترامب😬...

نزلات ختنى مقديت نقول والو ملي سمعت لمافيا روسية تخلعت ديال بصح قالت ليا يلاه نمشيو نتعشاو برى قلت ليها جوليا واش حماقيتي أنا راه عندي ماتش غدا خليني نمشي قالت ليا لا نتا غتبقى معايا من ليوم فاك ومشكلة هادي كون بقيت غير فبلادي بدينا خارجين ركبنا فواحد طوموبيل سميتها بحال بورنستار دانا شيفور بدات تتوري فيا داكشي ديال باها تتفوح عليا نزلنا لواحد المطعم دخلنا كلشي تيشوف فيا بارك معاها وهيا باقيا صغيرة صغر مني ب 10 سنين شفت فيها وقلت ليها سمعي انا معرفتش كيفاش حتى تتقولي ليا ديالك وعجبتك وانا معمري شفتك ديري فبالك بلي انا عندي عائلة وتنصرف عليها وديك لفرقة هيا لحاجة لوحيدة لي تتأمن ليا لفلوس وغدا عندي ماتش منقدرش منمشيش وهيا تسكت شويا وجبدات ورقة سينات فيها وقالت ليا كتب رقم لي بغيتي وعطيه لعائلتك هوما عائلتي دبا مخلات ليا منقول درية داخلة سخونة مخلاتش ليا فين نتحرك شديت شيك كتبت 250 مليون هادشي لي طاح ليا فبالي وصيفطتو لدار فلموغريب بقيت معاها بحال هاكدا كل نهار تنضورو شويا وتنرعو لدار مبغيت ندير معاها والو فينما تتجبد لموضوع ديال لحلوى تنقوليها بلي شي عيد فديانة ديالي حتال واحد نهار معرفتش مالي تعشينا تبدل ليا سيستيم طلعنا لبيت بركت انا وياها فوق ناموسية لمهم راكم عارفين خانى روسية بلقة وخوكم مغربي وأخر مرة نعسة مع شي بنت من يامات سلمى و بلجيكا لمهم سالينا انا وياها حتى تيتحل لباب واحد شيباني بدا تيغوت وبدا داوي معاها بالروسية وضفاك هدا باها دخل لقانا عريانين وانا قد جغل وهيا صغييرة قلت هادي هيا لخرة ليا بدا تيشوف فيا وتيهضو شفت فختنى باش تشرح ليا قالت ليا قالك تزوج بيا ولى يقتلك قلت ليها شنو نتزوج بك مالني حمق وهو يجبد لفردي قلت ليها لا لا غادي نتزوج بيك ولكين ندير واحد لحاجة قبل راسها ضرها باغا تعرف شنو هاد شرط ديالي 🤔...

قالت ليا شنو شرط شفت فباها وقلت ليه بغيتك تخدمني معاك وهو يقوليا فالمافيا ؟ قلت ليه أه فلمافيا روسية باش حتى انا ندير شي حاجة متبقاش بنتك هيا لي تصرف عليا وهو يبدا يضحك وشاف فبنتو قاليها هدا عجبني وهو يقوليا انا شوف أولدي من غدا غادي تولي من رجالنا ولكين دير فبالك بلي معمرك بقيتي تخرج من الجماعة ديالنا ، ضورتها فراسي مزيان فكرت بلي غادي ندير لعاقة بحال هاد خونا قلت ليه اه دخلني معاكم قلتها وندمت فلبلاصة قاليا صافي غدا نوريك رجالنا وغادي تبدا تدير مهمات بحالنا قلت ليه صافي خرج قررت نبدا نتقرب من بنتو باش متملش مني بحال لي فاتو دخلت لكوزينة قلت لخدامة تطيب شي عشا زوين طلعة فوق قصرهم وقادية واحد الميدة تما داكشي ديال لأفلام جات بقيت تنعمر ليها راسها بالهظرة ديال لوv بعد ما داز شهر صافي وليت تنحس بيها بدات تتولفني بزاف وحتى باها بدا تيوريني ناس لي خدامين معاه واحد نهار كنا باركين وهيا تصوني عليا لواليدة جاوبتها قالت ليا مالك مبقيتيش تتبان فتلفازة علاش مبقيتيش مع هادوك قلت ليها لواليدة انا صافي وليت خدام فواحد شركة مع واحد صاحبي فرحات قالت ليا حسن ليك من ديك لعبة تولي ميت شي نهار تخليني نتصطى هنا قلت ليها فراسي الواليدة دبا عاد وليت فخطر ديال بصح بقيت خدام مع بات ديك جوليا خدمتي هيا تنبقى نهار كامل بارك فلبيرو متندير والو مرة مرة تتجي بنتو لمهم راكم عارفين داكشي فلبيرو ههه واخد نهار تنسمعو تيهضر مع واحد خونا على شي واحد باغين يقتلوه فلمغرب وعاطين مكافئة للب غادي يقتلو رقم كبيير نقديتش نقراه حتى خرجت ليهم من جنب انا مغرب تنعرف تما درب درب أنا نتكلف بهاد لعملية بات جوليا مبغاش فلول حيت جوليا مكتفرقنيش نهار كامل ولات بحال ضلي قلت ليه خليها تمشي معايا مغيوقع ليها والو قاليا صافي أصلا ملي غادي ترجعو غادي نزوجكم ولكين خاصك تدرب على داك سلاح لي غادي نخدم بيه بقيت كنتريني واخد زوج سيمانات حتى وليت تنحس بيدي ولفات على داك سلاح وليت تنقدر نضرب اي لعيبة وخا تكون بعيدة لمهم قاديت وراقيا وراقي جوليا حتى هيا ومشينا طيارة لي حطاتنا فلمغرب فيها غير رجال ديال باها أول مرة غاديا تخرج لشي بلاد بلا ميكون معاها باها ، لقينا طوموبيلات تيتسناو فينا تما شي 7 ديال طوموبيلات مقودين بحال بحال حتى فلون طلعنا وهيا تقوليا شوف سفيان بغيتك توريني لمغرب مزياان قلت ليها صافي غادي تولي مغربية فهاد ليومين ديتهم لواحد سوق هههه دخلتهم لعند مول لقهوة وهو يتخلع تيبان ليه بنادم لابس مزياان والحديد لواعر قلت ليه لشي زوج كيلو ديال لحم راس ولكرعين بالحمص وشي زوج برارد ديال أتاي ههعه تبرعت عليهم مزيان خوتنا عجباتهم لماكلة بقاو تياكلو حتى شبعو مشينا لوطيل ولاو دايرين صف على طوالية خخخخخ إلا انا الخبرة تتحكم المصران المغربي يختلف كليا على لمصارين لأخرى 😇 خليتهم تيتغاوتو وعيطة على بات جوليا باش نسولو على لعملية لي غادي ندير 👿...

صونا عليا باها قاليا سفيان قديتي لغرض لي صيفطتك عليه قلت ليه اه قاليا رجع بزربة بغيتك تقتل واحد خونا هنا قلت لدار بلي غادي نمشي وشديت طاجين ديال لواليدة ديتو معايا غادي وتنقصي هههههه وصلنا لمطار لقينا طيارة تتسنى طلعنا محسيتش بلوقت تنفكر بلي غادي نقتل واحد أخر تاني وصلنا مشينا لقصر ديالهم قاليا باها يلاه معايا نوريك ل غادي تقتل وهاد المرة مغيكون معاك حتى واحد و بغيتك تقتلو ب سكين ماشي سلاح وتعدبو وهادشي خاصك تديرو لايف مباشر قلت ليه شنو لا منقدرش قاليا أسمع بعدا عرفتي شحال ديال لفلوس غادي ناخدو راه شيك خاوي كتب فيه لي بغيتي قاليا راسي هاد خونا لي غتني نقتلو حتى هو غيكون داير شي حاجة باش باغينو يموت إدا حلال قتله 😈 خديت واحد سكين مقود دوك السكاكين صناعة أمريكية وراني خونا دار داك لي خاصن نقتو وانا هاز معايا بيسي باش ندير هادشي مباشر يلاه غادي تنشوف فدارو تتبان ليا سلمى وشي دري صغير تما وخونا معاهم تصدمة هدا هو لي تزوجات بيه سلمى بففف على زهر شنو غندير دبا عيطة غلى بات حوليا قات ليه منقدرش نقتل هدا قاليا صافي قبلتي لعرض دبا غادي غير تجبد لراسك لمشاكل مع شاف لكبير كاع وأصلا إلى مقتلتيهش نتا غادي يجي شي واحد ويقتلو للهم فيك نتا قلت ليه صافي انا غادي نقتلو مشيت لور ديال دارهم هرسة ليد ديال لباب ودخلت داير ماسك على وجهي باش متعرفنيش سلمى دخلت وقفت على خونا هو لول ربطتو فكرسي وسديت ليه فمو عاد طلعت لسلمى ناري وها بنت ولكين لقيت معاها مشكل كبير كانت غدا تقتلني راجلها وملقيتش معاه مقاومة فحالها ربطتها بزز فلبيت نزلت بزربة شعلت بيسي وحطيتو مقاد مع خونا وتنتسنى فلكليان يدخل باش نقتل خونا قدامو باش يخلصنا بقيت تنتسنى شحااال عاد دخل واحد لياباني دار ليا بيدو سير بدا مشيت ورى خونا مع الخلعت و الفلوس قلبي مات مبقيت تنخاف من والو دوزت على خونا قدام بيسي غادي طالع باش نحل سلمى يديها ونمشي تيبان ليا ولدها مع هاد خونا كان مخشي فالبلاكار وتيشوف كلشي دري تيبكي ديال بصح تصدمت بديت تنشوف لفين وصلت دبا هاد دري كيفاش غادي يكون بعد ما شاف هادشي خرجت تنجري هربان تفكرت بلي نسيت لبيسي فدار لفوق رجعت باش نهزو لقيت سلمى شادا خونا لي قتلت و ولدهم حداهم بقيت تنشوف فهاد المنضر كنت نقدر نكون انا فبلاصتو دبا هزيت بيسي بزربة يلاه غادي نخرج وهيا تشدني 😱....

شداتني يلاه درت بغيت نشوف فيها وهيا تلاح ليا على لماسك لي داير بغات تحيدو مخليتهاش دفعتها وبقيت تنجري حتى وصلت لطوموبيل بزز ديماريت وشديت طريق لدار وصلت فواحد لحالة لله لي عالم بيا حوايجي عامرين بدم و عاد تصويرت ولد سلمى ملي شافني تنقتل فباه بقات فعينيا حليت لباب ديال دوش دوشت مزياان وطلعت لبيت بغيت نعس شويا وهي تجي جوليا بنت خونا نعسات حدايا بدات تتقرب باغاني ناكل ليها لحلوة ولكين جات فواحد لوقيت ماشي حتال لهيه وانا نضور فيها قلت ليها واش نتي حمقة ولى غير حيت باك فالمافيا تديري لي بغيتي ودفعتها بدات تتبكي وخرجات انا خرجت عند باها خديت شيك ديال هاد لخدمة وكتبة واحد رقم أنا مقديتش نقراه قاليا شنو غادي تدير بهاد لفلوس قلت ليه عندي مشروع فلمغرب طلقتها عليه شديت دوك لفلوس وعيطة على لواليد قلت ليه شوف الواليد بغيتك تصيب شي وريقات لعمرة ليك نتا ودار كلشي مبغيت حتى واحد يبقى فديك دار قاليا لله يرضي عليك درت هادشي حيت بغيت نتهنى من هاد لمافيوزي وبنتو وهوما عارفيني فين ساكن للهم نبعد دارنا قد لإمكان على صداع ودرت كاع لفلوس لي جمعت فواحد لكونط ودخلتهم لواحد سيت هاد سيت ديال لقمر ولكين باش مزيان فلوسي تما حتى واحد ميمسهم و نهار نبغي نهزهم معندهم كيفاش يتعقبوني بديت تنفكر كيفاش غادي نهرب من هاد زوج باغين يلصقوني حداهم دبا ملي نتزوج بجوليا وأنا نسمع على واحد لعملية مقاااودة ديال شي واحد باغين يقتلوه قلت ليه صافي انا غادي نتكلف بيها قاليا صافي كالعادة لفلوس بعد العملية قلت ليه لا هاد المرة عطيني لفلوس بعدا انا من رجالك و قريب نولي نسيبك قاليا صافي كيف شديت لفلوس درتهم فسميتي ودوزتهم لسيت مع خوتهم وراوني خونا فين ساكن لي غادي نقتل بقيت تنخطط مزيان كيفاش تكون أخر عملية طاحت عليا فكرة دار هاد خونا حدا قنطرة ديال لبحر بقيت تنفكر مزيان ولغد ليه قبل من لعملية بشي 15 ساعة عيطت على لبوليس وقلت ليهم بل شي واحد غادي يموت فديك لبلاصة ودخلت عند خونا قتلتو هو لول ملي بانو ليا لبوليس بديت تنجري باش يتبعوني والو مجراوش معايا لعشرة وانا نتيري فيهم عاد بداو تابعيني طلعت فطوموبيل وخوتنا لبوليس تيتيريو ومشيت حتال لقنطرة باش منفرشش راسي دخلت فصور ودرت بحالا تلاحيت من جاج لقدامي لي كنت ديجا هرستو باش منتقصحش لمهم طحت لتحت فلما لعقتها ديال بصح تخشيت تحت لما باش ميشوفونيش وبقيت غادي تنعوم تحت القنطرة حتال جيهة لأخرى بعيييدة و الما جاي بزربة ولكين مع الخلعة معقلت على والو وصلت مشيت لديك لبلاصة فين مخبي لوراق وتيلي ديالي وشديت طاكسي لمطار يلاه بغيت نطفي تيلي باش نطلع طيارة وهيا تصوني عليا سلمى 😯...

يلاه بغيت نطفي تيلي ونطلع فطيارة وهيا اصوني عليا سلمى جاوبتها وهيا تقوليا شوف راجلي مات و ولدي مريض بزااف ونتا لوحيد لي تنعرفو فهاد لبلاد قلت ليها لا سمحيلي منقدرش انا فلمطار قالت ليا بلي دري غادي يموت إلى مداتوش لعند شي طبيب تفكرت ملي كان تيشوف فيا وانا تنقتل فباه وانا نقوليها انا غادي نجي تسنايني وقطعت شديت طاكسي ورجعت لعندها لدار فين قتلت راجلها دقيت وهيا تحل قالت ليا كيفاش عرفتيني فين ساكنة ملقيت منقول هادي مفكرتش فيها قلت ليها راه كنتي عطيتيهالي داك نهار قالت ليا لا زربت عليها قلتزليها فينا هو لولد قالت ليا راه فوق ناموسية هزيتو طلعنا فداك طاكسي ديناه لواحد لمستشفى قريب قالينا طبيب بلي عندو صدمة أنا سباب هاد لبرهوش وانا نقوليها سلمى دبا خاصني نمشي ولله خرجت تنجري ليشوفني شي واحد طيارة لمطار بزربة وصلت لمغرب مشيت لدارنا لقيتهم مشاو لعمرة عيطت على لواليد قلت ليه يبقاو تما شي زوج سيمانات حتى نتأكد بلي دوك خوتنا متابعينيش بدلت حوايجي مشيت لعند واحد لبنكة حدانا حولة كاع دوك لفلوس لسميتي تاني ورجعت لدار شي يوماين وانا تنفكر شنو ندير بهاد لعاقة كاملة وانا معندي حتى حرفة من غير لميكانيك قررت غادي ندير كاراج صغير يكون ديالي ونبقا خدام فيه عادي وديك لفلوس نخليها حتى نعرف شنو ندير بيها وهادشي لي درت رجعو دار ودرت كراج صغير حدا دارنا خدمت معايا زوج ديال ناس تفكرت سلمى و ولدها وبلي انا سباب حتى مات راجلها بدلت نمرة وعيطت عليها قالت ليا سلام سلام قلت ليها معاك سفيان بغيتك تجي لعندي لمغرب نتي و ولدك قالت ليا تاني مرة غادي تعطل تزوجت تاني بنت الطحبة ديما زربانة قلت ليها مبروك 😞 للمرة تانية وقطعت.
فكرت بلي أنا عندي 29 عام دبا و الواليدة كل نهار تتبقى تزن ليا على ودني تزوج تزوج طلعت لدار لفوق قلت ليها لواليدة صافي شوفي لولدك شي بنت ناس غير تكون زوينة وصافي مدازتش ساعة ديال لمgانة لقيتها جابا ليا ألبوم ديال تصاور ديال لبنات وتتوريني هههه هادشي بالعزلة أنا عجباتني غير واحد الوين ناري مقودة وتتبان زوينة قلت ليها منها خلقت قالت ليا صافي اوليدي يوماين غادي نهضر ليك مع ماماها وليت تنحلم بيها فليل ههههه زوينة مقودة تنعرف عليها غير سميتها فدوى وتصويرتها لغد ليه جابت ليا لواليدة نمرتها بغيت نعيط عليها ولكين معرفت منقول🤐 ..

عيطت ليها قلت ليها سلام سلام قالت ليا شكون نتا ومنين جبتي نمرتي وانا نطلقها عليها أول مرة نعرف راسي عندي مهارة فتعناب قلت ليها سفيان من كازا مشيت لبلجيكا و لأمريكا لحمد لله وخا مجبت والو مي درت عقلي ودبا عندي واحد لgراج معيش معايا زوج دناس و عائلتي لحمد لله (مبغيتش نقوليها بلي لباس عليا لفلوس لي خديت من عند بات جوليا باقين فلبنكة ) قلت ليها بلي لواليدة وراتني تصويرتها و عجباتني بزاف قالت ليا بلي لواليدة مشات لعندهم و وراتها تصويرتي وعجباتها ولكين هيا باغا تشوفني قلت ليها صافي بعد غدا نتلاقاو وفداك نهار كان فيا لي يمشي يخرج شي حاجة من دوك لفلوس وناخد شي حديدة مقودة وشي حطة صداع راس ولكين مبغيتش بغيت نشوفها شنو غدير إلى بينت ليها بل انا مقودة عليا شديت طوبيس وغادي فداك صداع نزلت دخلت لقهوة لقيتها تتسنى قالت ليا تعطلتي قلت ليها سموحات راه غير مع طوبيس قالت ليا صافي إوا زيد عاود ليا على راسك قلت ليها بلي ديجا لاعب ف أمريكا كرة لقدم لأمريكية متيقاتش وريتها تصاور و المداليات متيقاتش قالت ليا هادشي كامل و خدام فغاراج قلت ليها انا لقيت راحتي فداكشي و هديك الخدمة معيشاني انا وخوتي و والديا لحمد لله بقينا داوين شويا لمهم ختنى لاباس عليهم ولكين مواصلينش لداةشي لي مخبي انا طبعا ولكين من لأحسن نشوفها واش غتقبل عليا هاكدا لمهم ختنى زوينا وتتبان ضريفة رجعت لدار قلت لواليدة هاد لبنت هيا لي بغيت زوجيني بيها أحمباك قالت ليا لواليدة صافي أوليدي إلى قبلو دارهم الشهر لماجي ندير لولدي شي عراسية طايح كتر من نيض بست ليها راسها وخرجت لكاراج متخايلوش طوموبيلة ديالمن لقيت عند فلغراج خدامين فيها دراري ؟😱..

نزلت للكاراج اقيت طوموبيلت داك لعامل لي كنت قتلت داك نهار ملي جبت معايا جوليا ولكين طموبيلتو شنو جات تتدير هنا وهو يبان ليا جاي لعندي من لغاراج بديت تنمسح راسي انا متأكد دبحتو من الوريد وتخلصت عليه ياكما شيح هدا بديت تنمسح فعينيا وهو يوقف حدايا وبان ليا عنقو مضروب بلاصة دبحا إدا خونا مماتش داك نهار وقاليا على سلامة ملي رجعتي دبا مبقات لا مافيا لا والو شكين دبا نوريك علاش كانو باغين يقتلوني قاليا طلع لطوموبيل ولى نعيط ليك على لبوليس وديك ساعة ملي يسمعو بلي خدام مع المافيا يوريوك شغلك قلت ليه لا بلاش يلاه نبعدو من دار وهو يشوفيا قاليا سالاو ليك دبا طلعنا فطوموبيلتو ومشينا لواحد لغابة حدانا قاليا ها علاش قلت ليه شنو قاليا زيد قدامي دخلنا لغابا مزيان لقيت خونا تيزرع تما لحشيش وجامع رجال بزاف حاضين داكشي قاليا اشكين دبا نقوليهم يقتلوك وحتى واحد ميجيب ليك خبار تفكرت سلاح لي كان علموني عليه فالمافيا كن جبتو كن وريت لديلمهم علاش قادر ولكين زهري مكوز (بديت تنطلب فيه قلت ليه شوف انا غير عبد لمأمور وبديت تنبوس ليه رجليه ) هههه تيقتو داكشي لي دوزت فالمافيا ماشي قليل لقلب مييت قلت ليه دبا شنو نتا حايبني حتال هنا باش تقتلني قاليا لا أنا عارفك عندك لفلوس بغيتش تخدم معايا نص ب نص و غادي ننسى بلي نتا كنتي غادي تقتلني فواحد نهار قلت ليه لا انا معندي لا فلوس لا والو عندي غير كراج لي تتشوف مبغيت حتى واحد يعرف على فلوسي فالبنكة قاليا دبا صافي غير سير ولكين تقول لشي واحد بلي أنا تنزرع هادشي هنا ماشي غير غادي نقتلك غادي نشوه عائلتك قلت ليه وجعني لغراج منين جبتيني خونا حطني تحت دار يلاه حليت لباب لواليدة تتزغرت قلتزليها علاش مالك قالت ليا لينت وافقات أولدي مبروك واو لوين وافقات دموع سالو طلعت لبيت وعيطت ليها قلت ليها نتمنى لله يكمل علينا بالخير درت ليها داكشي ديال قال لله وقال رسول بقات كتضحك قلت ليها يلاه باي دبا راه غادي نجيو لعندكم غدا نخطبو قالت ليا مرحبا فوق راسي نتا و خالتي قلت ليها صافي علمي داركم رجعت خديت واحد طوموبيل ديال كليان نهار كامل وانا تنضور بالواليدة جمعنا زوج زوج من الحاجة لمهم لواليدة أول دري غاديا تزوجو حمرات ليا وجهي تفكرت فهاد لحضة فلوسي لي مخبي فلبنكة وبلي خاصني قريب نجبدها قلت صافي بعد زواج لغد ليه غادين باش نخطبو انا و الواليدة و الدار يلاه حلات ماماها لباب و دخلنا صالوم مغتيقوش شكونا هو باباها .

 يتبع بعد لحضات