قصة سفيان وسلمى 3 و الاخيرة

قصة سفيان وسلمى 3 و الاخيرة

دخلنا لعندهم باش نشوفو باها حتى كنتصدم باها هو العامل لي كنت باغي نقتل و مماتش وتيبيع لحشيش قال ليا شنو تدير هنا نتا زربت عليه عنقتو وقلت ليه غير بريط ستنا انا جيت نخطب بنتك غادي نتزوج بيها وغادي نتهلا فيها قاليا صافي صافي طلقني راه تيشوفو فينا معانقين غادي يحساب ليهم واش توامل حنى طلقتو سلم على لواليد و الواليدة جابو اتاي و من وراه لقص عاودو حطو أتاي عاد بدات الهضرة فالمعقوق قاليه لواليد شوف أسيدي البنت بنتنا و والولد ولدكم ولدي انا لي مربيه وميأديش دبانة باها وهو يشوفيا وبدا تيحك فعنقو بلاصة دبحة ههههههه قاليا غير بالإشارات كدبو عليك الحاج قلت ليه عمي راه بنتك هاديك مغادي نبززو عليكم والو أنا راه تتعرفني قبل ولكين متتعرفنيش مزياان أنا متنخليش حبابي و عائلتي و بنتك انا بغيتها لحلال و هو يمد يدو لواليد قاليه لفاتحة أسيدي مصطفى ياك فرحني شفت فختنى وينو لوين تتحشم ههههه رجعنا لدار بعد ما تافقو دارنا ودارهم بلي غيديرو لعرس بعد 3 سيمانات قلت مع راسي دبا جا الوقت باش نخرج فلوسي وندير شي حاجة مشيت لبنكة جبدت شي حاجة قليلة من داكشي وشريت بيها شي برطمات فواحد المشروع خليت هلدو أبار شي ستة تيدخلو شي مليون تقريبا وعاد خديت واحد طوموبيل ماشي شي حاجة أصلا مغتخدمليش وانا باغي نكمل فخدمتي جديدة وهيا عاجباني gاراجي حدايا حتا وصل لعرس لعرس صدمة لوين لي غادي نتزوج بيها بواحد رونج خديتها غير باش نصدمها حيت هيا تتعرف عليا بلي انا معنديش شي فلووس وقفت رونج قدام القاعة ديال لحفلات ودخلنا معمري شطحت بحال هاكداك ليهونش ضروني لواليدة مع زيف و تلخمار قلت مغادياش تشطح ولات هيا تتعلم شيخات لمهم تحميرت لوجه وهو يجي باها قاليا بعد لعرس دوز لعندنا لدار بغيت نقولك شي حاجة👿 ..

سالا لعرس لمهم راكم عارفين أول ليلة دازة طوب لمهم ملينا للوين لحلوى وخرجنا خليت دار تيلعبو بسروال لواليد بارك عليهم والد رجال نعام أس و الواليدة تتقول ليهم ولدي راه غير قطة ومغمضة أودي الواليد و الواليدة لله يسمح ليا منكم مزال معارفين والو لقطيط لمغمض راه كان خدام مع المافيا روسية ههههه خليتهم فدار وراكم عارفين أول ليلة مسخيتش نخرج من لبيت ولكين باها قالي دوز لعندي بفيت نمشي نشوفو شنو باغي هزيت رونج ومشيت لدارهم لقيت لباب محلول دخلت و أنا نلقاه مضارب نع واحد خونا هاز سلاح فااك حرت معرفت شنو ندير نسيبي هدا حيدت لأخر سلاح نسيب عندي نقود شدو وانا تيريت فيه قاليا شكون هدا قلت ليه دارك هادي وكان باغي يقتلك نتا ماشي أنا قاليا ولكين لي صيفطوك داك نهار هوما لي صيفطو هدا قلت ليه و هدا عليا هادوك انا هربت منهم غير بزز وتيحساب ليهم انا ميت وهويباليا لبيسي لي جايب داك خونا نفسو لي كنت موالف تنخدم بيه انا وانا نقوليه بلاتي شعلت لبيسي لقيت كاع لفديوات ديالي وكاع لي خدامين مع ديك لمافيا و حتى لكليان شفت فنسيبي وقلت ليه عرفتي شنو هاد لبيسي راه إلى عرفوه عندنا غادي تسمع بالمافيا روسية داخلة للمغرب لأول مرة قاليا ''شوف ليا شكون هاد ولد لقحبة لي باغي يقتلني بعدا'' شعلت لبيسي رجعت لدوصي ملي كنت دبحت هاد خونا قبل ميولي نسيبي لقيت داك خونا واحد الجزائري قاليا نسيبي بلي هاد خونا كان هو لي تيدخل لحشيش لمغرب ودبا ملي ولا حتا نسيب عندي تيبيع داكشي وتيزرعو طيح سوق على خونا وباغي يقتلو وهو يشوف فيا وقاليا سفيان بغيت نطلبك قلت ليه شنو قاليا مكينش شي واحد يقدر يعاوني فحالك نتا مدوز لمافيا ورجالي متيعرفوش حتى يشدو سلاح قلت ليه بلاما تكمل لا غير بعد مني أنا يلاه تزوجت ودخلت على مرتي غير قبيلا ب بنتك و مزال دار تيتسناو فيا ودبا درت غاراجي و فلوسي فالبنكة بغيت نعيش هاني قاليا شوف نسيبك انا بغيتك تعاوني فهاد لقضية و مبقيت نطلبك فحتى شي حاجة قلت لا وخا نسيبي خاصك نتا تقوليا لا وحتى إلى وافقت منين غادي نجيب سلاح باش نقتل خونا وأنا مدربيني غير على سلاحات لمقودين راه لمافيا روسية هديك قاليا انا غادي نتكلف بسلاح نتا غير وافق قاليا راسي صافي هدا نسيبك ومزيان باش ميبقاش حاقد عليا حيت حاولة نقتلو فلول قلت ليه صافي ولكين ماشي دبا حتال سيمانة لجايا على لأقل ندوز شي يامات مع مرتي و نفكر كيفاش ندير قاليا صافي حتى أنا غادي نشوف ليك سلاح🔫 ...

دوزت ديك سيمانة غير تسركيل مع لمدام و الواليدة مخلينا فين مشينا وفنفس وتنفكر لخونا وبلي منقدرش نمشي عادي لجزائر حيت لمشاكيل بيناتهم قاليا راسي غادي نمشي لشي دولة أخرى عاد ندوز لدزاير وهادشي لي درت رجعنا لدار بقيت واحد نهار غير ساد عليا فدار وتنهضر مع نسيبي وريتو فين يحط ليا سلاح فدزاير و صافي تقاد كلشي وخاصني غير انا نمشي ولكين يلاه مزوج سيمانة دبا شنو غادي نقول للبنت دبا مغاداش تيق قلت لباها هو يقوليها بلي انا غادي خدام و حتى لواليدة بزز باش خلاتني نمشي تيحساب ليها غادي نغبر تاني ولكين شرحت ليها بلي نهار وغادي نجي قطعت ورقة فطيارة ليبيا ومن تما لجزائر مشيت تنقلب فين قلت لخونا يحط ليا سلاح حيت عارف تما غير إلى عرفوني مغربي غادي يكون مشكل هزيت داك سلاح ضربتو تحت القبية وغادي تنسول على داك شارع لي ساكن فيه خونا والو ملقيتش حتى قاليا واحد مول لحانوة تما بلي خونا عندو دار فشي غابة قريبة نعت ليا بقيت غادي تنجري بحالا تندير سبور باش حتى واحد ميدي ميجيب معايا حتى وصلت خونا مول لحانوة قاليا دار هدا راه عندو قصر فهاد لغابة وعندو بزاف ديال لخدامة معندي كيف ندخل بنهار قلت صافي حتال ليل مشيت لبنكة وخرجة شي حاجة باش نبرك فشي أوطيل وبقيت ناعس حتال ديك 2:40 ديال ليل عاد مشيت تيبان ليا ضو باقي شاعل جاتني فشكل واش هادو متينعسوش بغيت ندخل من صور تيبانو لا لكلاب بقيت تندور بداك لقصر حتى لقيت واحد لبلاصة خاوية نقزت دخلت تنشوف من شرجم تيبان ليا خونا لي وراني داك نسيب داك نهار باش نقتلو بغيت نتيري فيه من تما ونمشي ولكين ملي شفتو شنو تيدير تصدمت خونا رابط بنت باقا صغيرة ديك 20 عام ومقاااااااودة تيتيزة مقودة على لوين لي تزوجت بيهل خونا رابطها مع كرسي وحاط قدامو بزاف ديال لماس بحال ديال طبيب ناري هاد لقلاوي مصطي قلت صافي ولله حتى ندخل ونفك ديك خيتي ونعدبو فلموتة طلعت مع واحد سلوم حتال لفوق ودخلت من دروج فصقف ولكين قصر كبير معرفتش منين نهود بقيت تنقلب حتى لقيت كيفاش نزلت لتحت لقيت خونا شاد لبنت زربت عليه سديت ليه فمو باش ميغوتش وضربت لقنب باش مربوطا ديك خيتي بالموس تحلات وهيا تم غادا كتجري قلت ليها لا تسناي عاونيني وغادي نخرجك راه رجالو كينين برا بركة خونا فداك لكرسي وقلت ليها ربطيه ربطناه يلاه بغيت نقوليها مالو معاك وهيا تشد داك لموس ودبحاتو وضفاك أنا لي كنت باغي نقتلو قلت ليها علاش قالت ليا خرجن من هنا ونعاود ليك قصتي كاملة و نعطيك لي بغيتي👈....

قلت ليها صافي أنا غادي نخرجك ولكين تعاودي ليا كلشي قلت ليها يلاه نطلعو لفوق حيت انا نزلت من تما قالت ليا صافي طلعنا كيف شافت سلوم والقصر طويل قالت ليا لا لا منقدرش ولله تنخاف من لبلايص لعالين مشكيلة كيفاش غادي نخرجها قلت ليها يلاه نرجعو فين كنا نشوف كندير غادين نازلين وهو يبان ليا خونا معلق سلاحات بزااف فلحيط هزيت واحد السلاح كبير تيشبه لكلاشينكوف قلت ليها بقاي هنا تخباش ورا لحيط هههه منها نهربو و نتصور عليها ختنا تيتيزة وهيا ناري مقودة كن مكنتش يلاه تزوجت كن خديتها خرجت عند خوتنا مشافونيش ناعسين هههههه تفو من صباح وانا تنقز من صور وخايف وهوما ناعسين لحت سلاح وعيطت عليها خرجات لبستها سبرديلتي وعطيناها لدرادك فديك لغابة وخوكم رحليه حفيانين ندمت حتى عطيتها سبرديلتي -__- واحد شيطان قاليا شوف ختنى مقودة بحال شي سويدية وكين غير نتا وهيا ولكين تنتفكر بل يلاه دوزة عرسي لبارح نعلت شيطان وبقينا غادين حتى وصلنا لشانطي فليل ولي دايز تنشيرو عليه متيوقفش وانا نقوليها عرفتي شنو ولاد لعاهرات مغاديش يوقفو نتي شيري عليهم ملي غادي يوقف غادي نجي انا سبحان الله اول طوموبيل شيرات عليها وهيا واقفا بحدها وقفات مع وقفت خرجو منها زوج دراري تيحساب ليهم ختنى بوحدها وباغين يدوقو ليها لحلوى أصلا ختنى مقودة انا وكنت غادي نغلط معاها بحال شي فيلم حتى خرجت ليهم وهاز سلاح لي صيفط ليا نسيب شافوني وهوما يبداو تيطلبو قلت ليهم غادي ناخد غير طوموبيل ولله يسامح وانا نتفكر بلي انا حفيان وانا نضرب على خونا ضارب واحد لكوبرا مقودة فشكل عمري شفتها فلموغريب قلت ليه حط هديك السبرديلة لبستها وطلعنا فطوموبيل مشينا حتال تيليبوتيك عيطة على نسيبي قلت ليه شوف راه قتلت هداك لي كان باغي يقتلك وشوف داك لبيسي عنداك يزمل ليك ضمير وتمشي دير بيه شي حاجة راه فيه كاع دواصا ديال لمافيا إلى خرج غادي ينحرونا دوك ناس مقودين قاليا رجع راه بنتي مرتك تتسول من صباح و ماماك وكلشي قلت ليه بلي انا دبا باقي معرفتش إمتى غادي نجي وقطعت دخلنا لواحد سطاسيون بركنا فلقهوة ديالو وحوايجنا مبهدلين كلشي تيشوف فينا شفت فالبنت وقلت ليها دبا عاودي ليا ليا مالك مع هادا لي كان باغي يقتلك قالت ليا صافي أنا غادا نعاود ليك كلشي أنا بنت واحد الجنرال و لكين نعرفتش علاش كلشي تابعني من صغري يمكن حيت تيقولو بل انا زوينا قلت ليها ومن هاد ناحية مكدبوش مي كملي شنو وصلك ليد ديال هداك راجل قالت ليا هداك ملي شافني واحد نهار وهو تابعني قتل بابا وماما وخويا وبدات تتبكي كلشي تيشوف فيا تيحساب ليهم واش انا لي بكيتها واش انا حيوان نبكي هاد التيتيزة وانا ممتيقش بلي تتهضر معايا قلت ليها صافي مسحي دموعك وكملي ليا قالت ليا صافي ومن بعد شدني وداني لديك دار وهربة منو و زهر لي عندي شافني واحد أخر حتى هو بحال داك سيد و ولاو مدابزين عليا تنهرب من هدا تيشدني هدا هادي هيا قصتي وهيا تقولي نتا لهجتك فشكل فينا ولاية تتسكن قربت حداها وقلت ليها أنا ماشي من دزاير أنا مغربي وهيا تبدا كتطلب فيا قالت ليا ديني معاك لتما مننساش خيرك هنا غاديا نبقا معدبة مع هاد الحيوانات قلت ليها ميمكنش ولله خاصك وراق باش نخرجو من المطار قالت ليا صافي نمشيو من الحدود قراب وليني مصطية هادي الحدود العسكر غادي يقتل ديلمنا قبل منقربو لتما قالت ليا لا راه قلت لك بابا كان جنرال وتيخدم بزاف فالحدود وكان ديما تيديني معاه وعارفا دوك لبليص بزاف قلت ليها صافي خليني نفكر🤔 ...

قلت مع راسي بلي أنا خاصني نمشي مع ختنا من الحدود مجاتش نخليها بحدها هنا قلت ليها صافي غادط نمشي معاك ولكين بغيتك تمشي معايا لشي بنكة نخرج شي شويا ديال لفلوس وهادشي لي درنا جبدت شويا دلعاقة باش شريت داكشي لي كان خاصنا فالطريق وتحركنا بقينا غادين شحااال عاد وصلنا لواحد لمنطقة صحراوية قالت ليا هادي الولاية 12 دبا خاصنا نكملو على رجلينا غادين بحال داكشي ديال رحل دوك صيكان لكبار فضهري وغادين قربنا لحدود وكان باقي نهار قالت ليا بلي منقدروش ندوزو من ديك طريق فنهار خلي حتال ليل ونرجعو وهيا تبان ليا واحد دار مشينا لتما تندقو حتى واحد مجاوب واقيلا غير خاوية وانا نجبد سلاح هرست الباب ودخلنا تنتسناو يطيح ضلام ولكين راه ختنى مقودة تيتيزة شحال من مرة تنكون غادي نتعدى عليها ولكين تنتفكر بلي يلاه مزوج وتنصبر صافي وصل ليل جمعنا حوايجنا من ديك دار وخرجنا وصلنا للحدود بصح لقيت واحد لبلاصة مفيها حتى واحد من العسكر لا ضو لا والو بقينا غادين حتى قالت ليا سفيان راه دخلنا لمغرب دبا نوبتك نتا لي بلادك هادي بقينا غادين حتى بان ليا واحد البرهوش قلت ليه حنا فين دبا قاليا نتا فوجدة شديت تيلي عيطة على نسيب قاليا بقى تما انا غادي نجي لعندك واحد ساعة وهو يجي لعندي شاف ختنى وهو يقوليا شكون هادي قلت ليه هادي جرائرية جبتها معايا معندها متبقى تدبر فدزاير قاليا طلعو بعدا طلعنا فطوموبيل وبدينا راجعين لكازا وهو يشوف فيها وقاليا بلاما تديها لداركم خليها نديها معايا داري خاوية وانا نشوف فيه عرفتو باغي ياكل ليها لحلوى قلت ليه سير سير عطيني لبيسي نمشي لدار نشوف شنو غادي ندير نتهنى منو و البنت غنديها معايا لدارنا وهو يسكت مشينا لدارو طلعت جبت لبيسي ديال لمافيا ومشيت لدار دقيت حلات ليا مرتي لباب تصدمات ملي شافت ختنى غابر شحال من نهار و جايب معايا بنت وماشي أي بنت تيتيزة مقاااودة حلات لباب شافتها وهيا تطلع لبيت مقالت ليا والو هههه وينو لوين تتغير عيطت على لواليدة جات عنقتها وقلت ليها تهلاي فهاد لبنت حتى نشوف مرات ولدك تقلقات قالت ليا سير وشدات لبنت طلعت انا عند لمدام هههه قلت ليها بلي هاد البنت جزائرية وانا غير باغي نعاونها مبيناتنا والو بقيت تنشرح ليها حتى تيقات قالت ليا صافي وانا نقوليها إوى دبا نزلي ليها شي حاجة من حوايجك باش تبدل و وريها لحمام راه يوماين ديال طريق صافي مشات هيا وبقيت انا فلبيت بدلت حوايجي وحطيت قدامي لبيسي شعلتو لقيت دواصا باقين كيفما خليتهم هادشي مقود خوتنا مسجلين تما العمليات لقدام و الجداد واحد ساعتين باش شفت ماع دوك لفديوهات جبدة واحد لكارط ميموار كوبيت فيها كاع داكشي يلاه حيدت الكارط ميموار وشديت بيه لويفي ديال دار وهو يطفى بقى طافي بقيت تنخربق فلكلافي الكاميرة ديال لقدام شعلات و طفات صوراتني هزيت لبيسي مشيت عند واحد ولد جيرانا عندو مع هاد تخربيق قاليا بلي خونا مول لبيسي هو لي سدو وداك ضو لي شعل راه باش يصورني فاك يعني غادي يكونو عرفوني ممتش ندمت كون غير هرست داك لبيسي وهو يشعل فديك لحضة وطلع شي مساج فالإمايل مزعمتش ندخل ليه😬..

دخلت لإمايل ديال لبيسي نشوف هاد لمساج لقيت خونا بات جوليا لي كنت خدام معاه مصيفط ليا مساج عرفني بلي باقي حي قاليا '' كيفاش نتا باقي حي ومخلي بنتي كانت غدا تصطى بالبكى عليك و عاد زايدها بابيسي ديال لخدمة كيفاش خديتيه راه داه واحد خدام معانا كيفاش وصل لعندك '' مساج زعزعني بقيت تنفكر كيفاش نفك هاد المشكل وبأشمن كدبة غادي نفكها تاني قررت غادي نقوليه شنو كين من لأخر بلاما نبقى نزيد على راسي بالكدوب قلت ليه بل انا مبقيتش باغي نبقى مع بنتو و بلي انا دبا تزوجت وداكشي لي تيديرو مغادي نقولو لحتى واحد وخا نموت وهو يقطع مقال ليا والو هادشي لي كنت خايف منو وقع دبا معرفت واش غادي يسامحني ولى غير تيخطط كيف يدير ليا وخوتنا مقودين إلى دارني فراسو يعني غادي نموت هزيت داك لبيسي و الكارط ميموار لي فيها داكشي وشديتها بجريا لدار لقيت لبنت دزايرية باقا معانا خبيت لبيسي تحت ناموسية و هزيت لاكارط فجيبي وخرجت مشيت لبنكة دبا غاد نحتاج لديك لفلوس لي مخبي من يامات الخدمة مع المافيا خرجت شي باراكة ومشيت لعند دار نسيبي وقلت ليه صافي عرفوني دبا حي وهربان قاليا سوقك هداك أنا غادي ناخد بنتي ونخرج من المغرب حتى يسالي فيلمك وعيط لينا نجيو قلت ليه شنو بنتك راه مراتي هاديك دبا واش نسيتي خيري بلي انا مشيت على قبلك حتال الجزائر وقتلت خونا قاليا ونتا نسيتي بلي نتا قبل متزوج ب بنتي كنتي باغي تقتلني ودبحتني😉 قلت ليه شوف دبا هو مفال ليا والو يقدر يكون نساني دبا وغير حنا مكبرين لموضوع قاليا واش حماقتي راه المافيا روسية هاديك و مستحيل ينساوك قلت ليه صافي دبا نشوفو لمهم خاصنا دبا نحضيو كرنا قلت ليه بلي خاصنا نتجمعو فدار وحدا ونجيبو شي شويا ديال رجال قاليا واش تتضحك عليا مالك ف فيلم هندي راه إلى درتي هادشي غادي تولي مكون عصابة وفكها ديك ساعة حتى مع صحاب لوقت قلت ليه ماشي بزاف ولكين خاصنا نحضيو راسنا دبا وهادشي لي درنا تجمنا فدارنا كلشي نسيبي ونسيبتي و الواليد(ة) و مراتي و الجزائرية وكلشي بقينا بحال هاكدا واحد شهر حتى صدمني لخوادري فواحد صباح قاليا سفيان بغيت مطلبك ومترجعهاليش فوجهي قلت ليه شنو باغي حتى نتا قاليا ديك الجزائرية لي جبتي راه تنبغيها وبغيت نتزوج بيها وضفاك قلت ليه كيفاش واش تصطيتي راه ميمكنش غير نوض ونزوجك بيها قاليا سمع بعدا راها موافقا تتبغيني وتنبغيها ومنقدرش نقولها للواليد و الواليدة نتا لي غادي تفهمني خويا لكبير وغادي تبغي ليا غير الخير دموع سالو فهاد الحضة البرهوش كبر كنعقل عليه باقي تيلعب البي فراس درب وتيجيب تبريا وتنمشي انا نفاريها قلت ليه يلاه خلين حتى نهضر مع الواليدة و البنت و ميكون غير الخير وهو يبوسني ههههه الفرحة الفرحة البرهوش تيبغي ديال بصح😂..

مشيت لعند الواليدة باركا هيا و مراتي لوين قلت ليها لواليدة بغيت نقولك شي حاجة قالت ليا خود راحتك أوليدي قلت ليها ديك لبنت لي جبت معايا من دزاير ولدك صغير راه تيبغيها وباغي يتزوج بيها ومقدرش يقولك وجا لعندي انا مترضيهاليش فوجهي الواليدة راه البرهوش كبر وبغيت نشوفو مزوج حتى هو قالت ليا الله أسفيان وليدي شنو تتقول بالعكس أنا راضيا عليك البنت ضريفة و من نهار جات وهيا تتعاونا فلكوزينا ولي بانت ليها و السكات ولكين أوليدي راها من بلاد أخرى ومعندها حتى وراق و عاد راك كتشوف البنت كيف دايرة لي شافها تيتزعط فيها قلت ليها مي هادشي كامل حالو ساهل وافقي لينا غير نتي وغادي ندير هادشي فنهار و أشنو فيها إلى كانت زوينة بزااف مال خويا حتى هو زوين وغادي ندير ليه شي مشروع وشي دار وديك ساعة تشوفي ولدك كيفاش غادي يولي الواليدة وهيا تعنقني قالت ليا '' معرفتش منين تتجيب هاد لفلوس و متقولش ليا بلي من يامات كنتي تتلعب كورة فميريكان ولكين أنا راضية عليك '' خرجت مشيت عند واحد عشيري كنت تنعرفو شحال هادي خونا هو لي تنعرف عندو مع داكشي ديال لوراق حيت خدام فالجماعة قلت ليه بلي ختنى معندها لا فيزا لا لكارط لا والو قاليا عطيني شي 5 دلمليون و عاد زيدني حلاوت خدمتي معاك وغادي نطلع ليك هادشي فنهار قلت ليه صافي أخونا طحن دير لفلوس بحالا فجيبك دبا مشيت لدار جبت ليه لفلوس ورجعت تاني لدار لقيتهم باركين قلت ليهم صافي راه دويت مع سيد غادي يقاد ليها لوراق وطلعت للبيت لقيت لمرت عندي يلاه بركت انا وياها حتى تنسمع صوت طوموبيلات تحت دار طليت وهوما يبانو ليا طوموبيلات لي كنت جيت فيهم شحال هادي مع جوليا ملي كنت خدام مع المافيا ولكين دبا هوما جايين ليا هاد المرة😱 .

صافي الما برك ليا فركابي هادو جاين ليا ليوم وعارفيني فين ساكن نزلت تنجري قلت لدار يطلعو لفوق لبيت ويسدو عليهم ولكين ملقيتش الوين مرتي مفهمت والو فبن مشات ، بزز باش دخلتهم لبيت وسورت عليهم فلبيت الواليدة تتضرب فالباب على جهدها مفهمو والو سمعت دقان هزيت سلاح لي كان عندي ملي مشيت لجزائر لقيتو خاوي من القرطاس مفهمت والو كان سلاح عامر دبا معندي مندير حليت لباب لقيت جوليا وباها ورجالهم قال ليا مغاديش تدخلنا قلت ليهم لا دخلو دخلو بركو فصالون ورجالهم دارو بدارنا ملقيت مندير خاصني غير نفك هادشي بالهدوء مشيت لكوزينا لقيت ماما كانت تتطيب فالقهوة للفطور هزيت صينية وديتها ليهم مبغاوش يشربو خايفين لا نكون مسممهم ولى شي حاجة قلت ليه عمي نتا عزيز عليا وحتى بنتك ولكين راه منقدرش نكمل معاكم فداكشي تقدرو تقتلوني خدو راحتكم ولكين بنتك راه مغيكون بيني وبينها والو دبا حيت تزوجت بدا تيضحك وقاليا صافي خود راحتك انا منقدرش نخسر واحد من رجالي المقودين على ود بنتي أنا بغيتك غير تشوف كيف تدير وترجع لخدمة وخا غير من هنا من المغرب وملي تكون شي عملية أجي نفدها قلت ليه صافي موافق ماشي حيت خاصيني لفلوس ولى شي حاجة حيت معندي مندير إلى موافقتش غادي نولي فالمشاكل قاليا صافي خلي تيليفونك ديما شاعل وتم غادي خارج وهو يشوفدفيا قاليا قلتي ليا بلي تزوجتي ياك قلت ليه أه تزوجت قاليا فيناهيا قلت ليه راه معرفتش ملقيتهاش بدا تيضحك وقاليا عدى سلامتك راه هيا وباها لي عيطو ليا وقالو ليا فين نتا ساكن وهو قالينا بلي خوى ليك سلاح لي عندك . وهو يخرج بات جوليا خرج وحل ليا عينيا خرج وهو تيضحك طليت من الشرجم لقيت كاع رجالو و طوموبيلات مشاو حليت لبيت على دار و أنا حابس البكية غير بزز خرجات الواليدة هيا لولى دخلات للكوزينة قريبة هزات واحد لموس ديال لعيد و قالت ليا شكون هادو شنو دارو ليك أولدي فيناهوما مقديتش نضحك عنقتها وبديت تنبكي البكو ديال دراري صغار معمري بكيت هاكداك أصلا انا مموالفش تنبكي لواليدة قالت ليا مالك أسفيان قلت ليها صافي صافي مسحت دموعي و قلت ليها دبا أمي خاصنا نزوجو خويا قالت ليا أه صافي ولكين فيناهيا مراتك مشفتهاش عاودت ليها بلي هيا وباها قالو لشي رجال كانو تيقلبو عليا فين انا وخا عارفينهم غادين يقتلوني ودبا انا خليت داك المشكل مع دوك رجال و ديك بنت * متبقاش تدخل هنا براتها غادي توصلها لله يجعل لباراكة البنت الوحيدة لي كنت تنبغي وداير فيها تيقة مزوجة فأمريكا دبا (بعد شهر) باقين المافيا معيطوش ليا لشي عمليت ولكين علاقتي بيهم مزيانة وديك لي كانت في وقت ما مراتي طلقتها وهيا ساكنة مع باها دبا و خويا قاديت ليه واحد القهوة ودار فوقها وقاديت لمراتو الوراق و غادي يتزوجو غدا الدار كاملين مرونين مع هاد العرس وعاد هدا الدري صفير ديال الدار أخر فرحة ليهم حيت أنا حلفت على زواج بعد هاديك خيتي وفنهار العرس ديال خويا عرضنا على كاع جيران وماس ليتنعرفو و حتى ديك البنت عيطات على شي ناس تتعرفهم من عائلتها فالجزائر وتنتسناو غير فشي صاحبتها مغربية وهيا تجي لعندي مرات خويا قالت ليا بلي لبنت ماشي فالمغرب دبا هيا فأمريكا وسميتها سلمى وبلي هيا دبا ملقاتش فاش تجي واقفة قدام المطار قلت ليها صافي دخلي نتي عند راجلك انا غادي نمشي نجيبها هزيت رونج و غادي وخا تنقول '' سلمى مغربية فميريكان '' بحالا تنعرفها ولكين مجرتش لعشرة بلي تقدر تكون هيا ختنى وصلت لتما وقفت وهيا تبان ليا سلمى واقفت تما تصدمة ناري على زهر مكوز عندي معرفت شنو ندير كلاكسونية عليها باش تجي وهيا تم جايا وانا تنفكر غير فشنو غادي تدير ملي تشوفني😬 ..

بدات جايا هيا و ولدها لطوموبيل حلات لباب وهيا تشوفني قالت ليا نتا شنو تدير هنا وسدات لباب وانا ننزل تنجري قلت ليها لا راه غير صيفطاتني صاحبتك باش نجيبك راه خويا هو لعريس وهيا توقف رجعات طلعنا لطوموبيل مقالت لوالو حتى وصلنا لدار نزلات هيا مشات لعند صاحبتها لبيت وتعاطلو منعرف شنو تيديرو وانا شديت داك لبهوش ديال ولدها مع العلم انه انا لي قتلت باه البرهوش متيضحكش والو بقيت تنعوج فحناكي حتى ضروني والو خليتو مع البراهش ديال درب وطلعت عند خويا مشينا لعند الحلاق وبعدها الحمام لمهم يحمرلي وجهي رجعنا لدار لقينا لعرس بدا وكلشي تيتسنى بدا لعرس ومكين غير شطيح ناري مرات لخوادري هيا خالقة مشكيل بجمالها بلا ماكياج وعاد دبا كلشي حاضيها وانا غير تنضور تما وهو يصوني تيلي لقيتو لمافيوزي قاليا سفيان مبروك مدار خوك وخا معرضتيش علينا كنا باغين نشوفو شي عرس مغربي قلت ليه غير سمحلي ولله حتى تنسيتولي قاليا هانية لمهم عندي لك عملية جديدة ملي تسالي أجي خود راحتك وقطع ، المهم عرس داز زاااهي كلشي فرحان طبعا داكشي من جيبي وخا فلوس حرام ولكين تنبرد على راسي بلي إلى مدرتش انا هادشي غادي يديرها شي واحد أخر للهم انا والعرس بدا مع 5 مسالينا حتال 3 ديال ليل مشا بنادم و وصلت خويا ومرتو لدار لي خديت ليه نزلات هيا من طوموبيل طلعات لدار وانا نقوليه أجي شوف حمرلي وجهي راه دار باقين جاين ورايا بقا تيضحك هههه البرهوش كبر وتزوج لمهم ليلة دازة مقودة خليناهم ورجعنا لدار باش غدا نرجعو تاني دخلت لدار لقيت سلمى تتحمع صاكها وغادا قات ليها واش حماقيتي راه 5:30 هادي اشمن طيارة ولى طاكسي غادي يديكك إلى ماشي على قبلك غير على ولدك خليه ينعس وتحضري لغدا شافتها لواليدة وبدات تتطلب فيها حتى قالت لينا صافي طلعت انا لبيت ونعست حتى جا لعندي لبرهوش ديال ولدها قاليا نعسني حداك هزيتو ودااني نعاس حتال لغد ليه فقت ملقيتوش حدايا تنقلب عليه قالت ليا لواليدة راه ديك لبنت و ولدها مشاو غر دبا هزيت طوموبيل ومشيت بزربة لقيتها غادا فطريق تتسنى فطاكسي قلت ليها سلمى طلعي نوصلكم طلعات هيا لور و ولدها حدايا قلت ليه لبرهوش علاش مفيقتينيش قالت ليا متيهضرش بدارجة ومغيفهمكش وبغيت نقولك شي حاجة شكرا بزاف على داكشي لي درتي مع صاحبتي فالجزائر وحتى دار والقهوة و الوراق عاودات ليا كلشي ولكين ل مبغاش يتفهم ليا منين تتجيب لفلوس ونتا مبقيتيش تتلعب فديك الفرقة ومخدامش ومتقولش ليا فلوس الغاراج وقفت طوموبيل شفت فيها وقلت ليها هداك خويا وندير عليه شي حاجة كتر ونزيدك أ سلمى راه باقي تنبغيك ولكين نتي تتزربي ديما تزوجتي تاني قالت ليا لا انا متزوجتش غير قلت ليك هاكداك داك نهار حيت داك نهار خليتيني فالمستشفى و ولد مريض وراجلي كان عاد ميت شنو بغيتيني ندير شوحت ليها بلي انا داك نهار كنت مشغوول بزااف وكان خاصني نرجع للمغرب قالت ليا صافي ولكين انا متنبغيش هاد سفيان لي تيعرف لكلشي انا تنبغي سفيان ديال بلجيكا لي فينما تيبغي يدير شي حاجة تيسولني سفيان لي انا تنخلص عليه ملي تناكلو شي حاجة حليت لباب وقلت ليها نزلي نزلي أوجه الزلط بقات تتضحك قلت ليها إوى راه حتى أنا تزوجت وطلقتها دبا لديمك راه مكاتبين لبعضياتنا راه سفيان وسلمى وخا تيدخل شي واحد بيناتنا تيخرج واش ملاحضتيش هادشي قالت ليا وي عارفة ولله وعاد زيد نتا تتبان ليا دخلتي لولدي لقلبو البرهوش بارك حدايا وانا نصرفقو وقلت ليه وينو متيضحكش بدات تتغوت علاش ضربتيه ههههه باش يخرج محكوك قالت ليا دبا وصلني لمطار راه لابدة خصني نمشي نقاد شي حاجة ونرجع تفكرت بلي خونا ديال لمافيا روسية قاليا بلي باغيني ندير شي عملية قلت ليها صافي حتى انا غادي نجي لأمريكا ونجيبكم معايا هاد المرة إنشاء الله .

رجعت لدار دوزت شي يوماين خونا لمافيوزي معيطش عليا ومشيت لأمريكا مشيت لعند خونا لمافيوزي لدارو باش نعرف شنو العملية لي غادي ندير وخا تندق مخرج عندي حتى واحد سولت جيرانهم قالو ليا بلي خونا شي واحد قتلو هو وبنتو هههههه وخا كان رجولة ولكين فرحة حيت تهنية منو ومن خدمتو مشيت من وراها لعند عشراني لي كنت تنلعب معاهم بقيت معاهم شويا عاد عيطت لسلمى وراتني فين ساكنة مشيت لعندها لدار بقيت معاها شي يوماين فدارها هي و ولدها حتى خرجات من خدمتها وجمعات حوايجها وشدينا طريق لمغرب راجعين وتنتفكرو يامات بلجيكا رجعتها لدار لواليدة مفهمات والو قلت ليها لواليدا راه هاد البنت تنعرفها من قبل من لي فبلجيكا وطراو لينا شي مشاكل الواليدة هادي هيا البنت لي بغيت قالت ليا صافي أوليدي البنت على ما بان ليا ضريفة ومربية وحتى ولدها دخلي لخاطري صافي الواليدة وافقات مبقا عندنا حتى مشكل (بعد شهر) تزوجنا وداز عرس مقااود تاني و داك المافيوزي مبقيت سمعت عليه والو من داك نهار صافي تهنية من داك صداع و حتى لفلوس ليرهديت من عند المافيا باقا عندي فينما تنحتاج شي حاجة تنجبد منها وخا متنحتاح بزاف حيت باقي خدام فالغاراج ديالي ومخاصني حتى خير بقيت ساكن مع الواليد و الواليدة و سلمى و داك لبرهوش ديال ولدها ولفني و داكشي ديال لقتيل و المافيا بقى بيني وبين لمافيوزي لي مات وفينما تنتفرج فشي فيلم أمريكي تنتفكر ياماتي وتنضحك😈.... 

نهاية