قصة واقعية

الواقعة لي بصدد غادي نسردها ليكم دب دازت عليها شي عام و شي تخربيقة رمضان لي داز لا رمضان لي قبل منو مهم واحد نهار تجمع واحد السيلول ديال Ultras Wineers بغاو يديرو واحد الرينيو مع الوقيتة ديال الفطور فالبحر..بالنسبة للناس لي مفهموش جوج سطورا لخرين غالبا بنات اطط نفهمكم من المعروف أن كل فرقة ديال الكورة عندها جمهور كنتحدث على فرقات بحال الوداد الرجاء قنيطرا طنجة الجيش مهم هاذ الجماهير مكيتجمعوش غي هكاك يعني قبل كينضمو بحال جمعيات تشجيعية ولكن مكيسميوهاش جمعية كيسميوها Ultras و كل التراس كتنشر بزااف ديال الفروع ديالها فمختلف المدن المغربية هاد الفروع فعالم الألطراس سميتهم السيلول لي يمكن لأي واحد ينخارط فيه هاد الحدث او الواقعة لي غنقوليكم دابا كتعلق Ulteas Wineers التابعة لجمهور الوداد الرياضي طبعا و واحد من الفروع تاع هاد الألطراس واحد نهار فرمضان لي ديجا دكرت ليكم بغاو ينظمو رينيو اش ناهو الرينيو عاوتاني الرينيو هو تجمع كيديروه دوك المنخرطين و كيتناقشو مع بعضياتهم و يزهاو و يدوزو وقيتة زوينة و يغنيو كنظن كلشي فهم دابا نرجعو للموضوع تاعنا كيما قلت ليكم واحد نهار فرمضان تجمعنا فداك الرينيو على اساس نفطرو داك نهار فالبحر الرينيو داز مزيان زهينا غنينا داز نهار طووب ملي قرب يآذن المغرب وجدنا الماكلة لي جاب معاه شي حاجة كيحطها مكاينش لي فيه الأنانية يعني كان جو من المحبة قادينا الماكلة لي جبنا معانا و كل 10 د ناس مجموعين على ميدة كنتسناو غير الآذان و نبداو الماكلة قبل ما يآذن الآذان بشي 10 دقايق واحد الدري كان معانا حتا هو منخرط فداك السيلول معرت اشنو قاليه راصو مشا يعوم و ديك ساعة كان تلبحر هايج شوية و الميطناجورات مكيكونوش فديك لوقيتة لي غيحبسوه و ماشافو حتا شي واحد كلشي ضاحك ناشط زاهيين كنتسناو الأذان داك دري لي مشا يعوم شافو غير واحد عشيرو من بعيد حتا هو ماقالينا والو بقا حاضيه على ما كايعاود لينا شافو دخل للبحر شوية هو يتبعو حتا هو حيت شافو بحالا كيغرق دري تلاح عند عشيرو مسكين اابحر باش يعتقو و مفكرش حتا يعلم كلشي مع الخلعة و الزربة وقيلة ملي د خل يعتق عشيرو شافو دري خور عاوتاني عرف بلي شي واحد غارق هبط كيجري للبحر و كيغوت سمعماه كلشي تلافت للبحر مع الآذان نيشان دري الثالت تلاح دخلو 3 للبحر صافي القضية ترونات تما كلشي عرف بلي شي واحد كيغرق داك الحزاق كامب هابط كيجري للبحر تخيل معايا جايا شي كثر من 50 واحد كيحيدو سليبات و داخلين للبحر هادوك 3 غرقو كامين يعني لول و عشيرو لي بغا يعتقو و داك تالث لي بغا يعتقهم بجوج و لكن الجوج اللخرين يعني عشير هداك اللولاني و اللخر لي دخل للبحر من زهرهم تعتقو عتقوهم دراري بقا واحد لي غرق بمرة مقدروش يجبدوه تخيل معايا واحد اللحضة لي كانت عندو شي فلامة شعلها و لاحها فالبحر يضوي بيها فلامة هي شهوب اصطناعية لي كتشوفو فالتيران مهم البحر كامل ولا حمر بمعنى الكلمة شي 15 فلامة ولا كقر و الدخااان و الرووبلا نايضة جاو البوليس و كذا الخبار تنشرات ترونات القضية بقاو كيقلبو عليه حتا فقدو الأمل قالو تسناو حتا يلوحو البحر صافي مات سميتو ياسين الله يرحمو فهاد نهار و من بين هادوك لي دخلو يعتقو دوك دراري لي غرقو كيعاود لينا واحد الدري صراحة اقود عوام شفتو انا بعدا السيد عوام ديال بصح و معروفة عليه عوام كيعاود لينا و كيبكي قال ياسين كان قدامي ملي دخلت كان بيني و بينو شي 3 ميترو و مقدرتش نوصل ليه كان آخر واحد شاف ياسين حي يمكن السيد كيعاود و كيبكي صراحة اول مرة تشدني التبوريشة بحال داك نهار مهم الله يرحمو فهاد نهار و يرحم جميع المسلمين و جمعة مباركة***النهاية**** هاذي كانت قصة واقعية الخوت