نتا ليا عمرها تفرح بيك الجزء السابع و الاخير

نتا ليا عمرها تفرح بيك الجزء السابع و الاخير

سهام:: ضحكي عليا بلاتي كاع مغتعقليش عليا تكوني مع نبيل
غزلان:: نسيتي صفيريطة بلي مزال كاينا اصلا متخليهش حتى يشوف فيا ماشي يهضر معايا يلاه تحركي
(خرجنا من الدار لقينا دراري كيستناونا باش نشدو طريق باليا غ دراري لبنات يلاه انا و سهام و واحد البنت مع راجلها صفيريطة مغاديش تمشي حيت قاتليك هي قبل جات و هبطت مع طريق اقشور يلاه شوية ومقدتش تكمل حيت صعيب و زيد كتخاف على وجها يكحال و شعرها يتحرق و رجيلاتها دفارهم يطيرو ناري ويتك ويتك واش بحالي انا لي لبست توني و سبادرين و جيت غي علال القادوس. اقشور لي بغات تمشيلو تنسى الانوتة ونو و وي و اووه من ديو ...مهم تحركنا و صلنا ل طريق لي نهبطو ل اقشور كانت صعيبة بزاف ف الاول كنا مجموعين شوية بدينا نتفرقو انا كنت لاسقة غي ف نبيل حيت هو قالي بقاي حدايا سهام و عبدو غبرو عليا و انا بقيت مع نبيل منقولش ليكم رجولة رجولة طريق كاملة و هو خايف عليا و كيتمشى قبلي يقادلي طريق و عاد ندوز انا و الى كانت شي هبطة صعيبة كيهزني يهبطني و لا يشدلي يدي باش نهبط مهم ديك طريك كاملة ب صعوبات ديالها و البعد انا محسيت ب والو دازت بحال رمشة العين كان وجود نبيل و خوفو علياا منسيني كلشي لدرجة محسيتش بالعيا و صلنا ل اقشور منضر رائع نعيا نوصفو مغاديش نوفي بحقو خاصكم تشوفو ب عينيكم شلالات وطبيعة الرائعة حنا وصلنا قبلهم تصورنا و درنا رجلينا ف الما و كااان بارد بزاااف لدرجة انا مقديتش بقيت نغوت و ملقيت كيف ندير حيت كنت بعيدة على الحجر باش نخرج و جمدت ف بلاستي مقدرتش نحرك رجليا و لا نتمشا شوية لقيت راسي مهزوزة و عيني جات ف عينو نسيت الناس و الشلالات و نسيت سميتي و شكون انا مبقيت كنشوف حد بحال غي انا وياه لي كينين ب2 حتى نبيل محيدش عينو من عيني و حسيت بحالل كيقولي بزاف حوايج ب عينيه كان اول مرة نشوف عينيه عن قرب ب حكم طول ديالو هه حطني فوق حجرة كبيرة و حسيتو خاف عليا

نبيل:: غزلان دابا حسن ياك شنو باقين رجليك جامدين
غزلان::ا اا اشنو لا اه شوية لا لا صافي مزيان ولاكن الما بارد بزاااف جمدت
نبيل::ههه وا راه هاكدا داير الما ديال اقشور بارد و هنا فين كاين الحكمة دابا غادي كامل لعيا يمشيلك باش ترجعي تكملي طريق بقوة
غزلان:: (انا اصلا معاك محسيتش بالعيا مكرهتش هاد طريق تزيد طوال كتر باش نبقا معاك)
نبيل:: فين ساهية ياك ما كضرك رجلك نرجعو الى بغيتي دابا
غزلان:: لا لااا فين رجعو مكرهتش لوكان نبقى هنا ديما وسط هاد المنضر شلالات و طبيعة
نبيل:: اه حتى انا مكرهتش اش ضهر ليك نبقاو انا وياك هنا و خليهم هوما يرجعو ههه
غزلان::و الله مكرهت ولاكن الى بقينا نموتو غ ب جوع ههه
نبيل:: اوا مرة جاية رجعو و نجيبو معانا كلشي لي نحتاجوه
( تقربنا بزااف و لينا بحال كنعرفو بعضياتنا سينين داز نهار رائع رجعنا صفيريطة كرهتني كتر حيت نبيل بدا يهتم بيا و يضحك معايا و يهضر و هي موجودة حقدت عليا حسيت بيها حطتني ف دماغها مهم كملت سيمانة و رجعنا كل واحد ل دارو دازت سيمانة فحال ساعة معا نبيل ولاكن تافقنا نتلاقاو مرة اخرى و بقينا على اتصال انا و نبيل رجعنا كنهضرو كتر حتى جا واحد نهار سهام جات عندي لدار تخرجني حيت كان عيد ميلادي بغات نخرجو ندوزوه برة و عرضات عليا ف كافي دخلنا حسيت شي حاجة ماشي هي هاديك شوية باليا نبيل و عبدو هازين طارط فيها صورة ديالي و كيغنيولي joyeux anniversaire متصوروش فرحتي قداش كانت كلسنا فوق طابلة كبيرة و كانت منضمة ب طريقة زوينة وورود و شموع و عرفت بلي نبيل هو لي تكلف ب كلشي صفيريطة بانتلي داخلة من الباب بفف يا فرحة ما تمت شكون عرضها و لاش جاية هادي و هي متحملنيش)
ايمان:: عيد ميلاد سعيد حبيبة لعقبة ل 100 عام مبقالكش بزاف هاهاها
غزلان:: شكرا حبيبة (بغيتلك كاميو يدخل فيك يفتت ليك لعضام صفيريطة جات تحرم عليا فرحتي ولاكن والله حتى نهجرو ليها

نبيل شكراا بزاااف على كلشي و دوق ديالك رائع و تنضيم يحمق هادا اجمل عيد ميلاد ف حياتي ب سبابك نتا عمري نساه
ايمان:: نبيل نتا لي صايبتي هاد شي امممم شوفي غيزلان نبيل راك بقيتي فيه و بغا يديرليك عيد ميلاد باش تفرحي شوية 25 و عاد فرحانا دايراها ف شمعة د طارط ماس لي ف لاج ديالك كاع مكيحتافلو ب انيف
(عطاطني 10ل 0 معرفت منجاوبها تلفت كلشي بقا كيشوف و كيحاولو يبدلو الموضوع ونبيل حسيتو تعصب شدها من يدها و زير عليهم و قالها سكتي هي مزال غ زايدة ف دفيع لهضور حتى نبيل وقف و جرها و قالي غزلان سمحيلي حنا نمشيو كملو نتوما بلاتي نهضرو هي سمعت بلاتي نهضرو زادت شعلت كتر بقات لمعايرا) ايمان::نتي نكرة و نبيل عمرو يشوف فيك بلا متحاولي انا عايقة بيك من نهار الكار حسابك انا دمدومة بحالك من ليوم نبيل عمرك دوري بيه سمعتيني البايرة
(دابا هادي اش نقولها انا بقيت ساكتة و دموعي هبطو بلا ميشاوروني ولاد لدينا
نبيل تعصب و جرها بجهد حتى طالو ديالها لي لابسا فيه 20 سنتم تهرسليها شحححح تستاهل ومشاو وبقيت انا و عبدو و سهام كيصبرو فيا ولاكن صافي عيد ميلادي باااز باااز :'( بقا فيا الحال و حلفت حتى نرجع حقي نبيل صراحة عتاذر ليا و عرض عليا ل غدا غ انا وياه اكيد انا وافقت وجا نهار لعراضا كان نهار حاسم ف علاقتنا ل طوررت بزااف ف وقت قصير تقربنا بزاااف مهم لبست اجمل ما عندي و قاديت راسي و مشيت عندو كلسنا و بقينا نهضرو و عتاذر ليا بزاااف على تصرف ايمان وطلب مني ..

نبيل:: غزلان ممكن نبقاو نتلاقاو مرة مرة الى بغيتي اكيد على حسب الوقت ديالك شوفي لي يناسبك
غزلان::(اش كتقول الى بغيت وا راه داخلا ف 3 سنين وانا كنستنا هاد نهار ناري واش نعنقك دابا ولا اش ندير غزلان تبتي راسك و جاوبي جواب معقول متفضحيناش) اه موافقة اصلا وقتي كلو خاوي نتلقاو حتى كل نهار عادي
نبيل:: ههه خلعيتيني شتك ساكتة قلت مبغيتيش و حشمتي تقوليها ونتي مسالية و باغيا غ فين تلصقي ههه اكنضحك تبقاي تقلقي
غزلان::(ناري جاوبت جواب خاطئ رونت دنيا فينك ا سهام باش تقرصييني) هيهيه لا زعمة قصدت عادي ماشي مشكل نتلقاو اووف صافي خلينا من بروتوكول معنديش معاه
نبيل:: حتى انا والله معنديش معاه يلاه هاتي يدك و نتافقو من ليوم نبقاو نتلقاو و نحكيو ل بعضياتنا كلششي منخبيو والو سمعتي والو
غزلان:: انا موافقة صافي يلاه بدي نتا حكيلي على صفيريطة ديال ايمان
نبيل:: هههه ناري زربتي عليا دخلتي كوود صفيريطة نيشان مفيهاش لوكان تخليك ف بروتوكول حست جو بوونس هههه
غزلان:: ههههه اوا تافقنا مكانش زواق و صباغة يلاه متلفنيش حكيلي
نبيل:: اش غنقولك ايمان مبقاتش تهمني حيت عقليتها مكتوالمنيش و تصرفاتها كتستفزني و اكترية نهار عيد ميلادك عصباتني كتر وتخاصمنا من داك نهار مكنهضرش معاها واخا كتعيط مكنجاوبهاش
غزلان:: لا عادي انا معنديش مشكل نسيت داك نهاار صافي لي وقع وقع مغديش رجعو حتى حاجة من لي فات
نبيل:: عرفتي نتي ف شكل فيك حوايج زوينة مخبياهم ب ضحك ديالك و تقشاب و لاكن عندك قلبك عامر بالحب و رومانسية و حتى حزن
غزلان:: شكراا بزااف على كلام زوين
نبيل:: ماشي كلام زوين هادي حقيقة وبلا ديك شكرا حيت انا لي كنشوفو كنقولو وتفقنا بلا زواق و صباغة
(مهم اش غنقوليكم انا متايقاش واش هاد شي حقيقة ولا خيال بقينا كنتلقاو بزااف وتقربناا بزاااف من بعضياتنا و لاكن صفيريطة رجعت تبكي و تشكي و نبيل سمح ليها ولاكن بشرط يحبسو العلاقة و يرجعو خوت هي متقبلتش هاد شي .

واحد نهار كنت كالسة ف دار بانتلي ف فيس لي حلاه ب سمت كوتر نفتحو نشوف اش كاين لقيت ميساج من نبيل كاتبلي فين هاد لغبور سيفتلو مساج جاوبني و بقا يحكيلي بلي تعرف على بنت جديدة لي هي انا و راه تالف و قالي ايمان عرضاه ل عيد ميلادها باش تصالح معاه و تنسيه ف المشاكل لي وقعت و طلبت منو يعطيها فرصة نبيل قال ل كوتر لي هي انا اصلا بلي غادي يمشي و يحاول يقنعها بلي صافي لي بينهم سالا انا فرحت صراحة حيت نبيل بدا يبغيني و قررت كيما حرمت عليا عيد ميلادي و حرمتني نفرح داك نهار غادي نمشي و نحرم عليها و عرفت البلاسة لي غادي يديرو فيها عيد ميلاد و نحرم عليها الفرحة كيف دارتلي ... مهم جا نهار عبد ملاد صفيريطة خرجت و لبست و قاديت راسي و مشيت ل كافي دخلت و صفيريطة تصدمت بقات غي كتشوف
اييمان:: اش جايية ديري و شكون قالك البلاسة يلاه خرجي نتي ممعروضاش
غزلان:: انا مجاياش عندك جيت عند نبيل هو لي عرضني
ايمان:: نبيل هضر بصح نتا لي قلتلها ياك تافقنا نتلاقاو ليوم غ انا و ياك و قتلي غادي نهضرو و نحطو نقط على الحروف لاش جيبها هادي لاش
نبيل:: غزلان يلاه زيدي نمشيو ايمان من بعد و نهضرو و نفهمك دابا نخليك
ايمان:: نبيل اجي نبييل كيفاش تمشي و تخليني بصح نتي يا فليفلة والله لا بقات فيك يا انا يا نتي
(نبيل معجبوش تصرف ديالي ولاكن بقا كيضحك حس بلي الغيرة هي لي جابتني واخا حاول يعرف كيدرت عرفتو معا ايمان ف هاد لبلاسة ولاكن انا دوختو و مخدا مني لا حق لا باطل نبيل رجع كل نهار يهضر معايا و نخرجو بان فيه بلي كيبغيني حيت رجع يتحكم ف كلشي حتى من كسوتي..

نبيل:: نتي اش لابسة ديما كنقولك متلبسيش هاد لبااس مكيجيكش زوين بفف
غزلان:: شناهوااا لي مكيجينيش زين بعدا هاد لباس مين كلبسو كاع ناس كيحماقو عليا

نبيل:: يا الالة زيدي عتارفي و شنو اخور عليها جايا ديما لابساه كيعجبك مين ناس تبقا تشوف فيك غزلان متعصبينيش الله يرضي عليك هاد لباس عمرك تلبسيه مين تخرجي معايا
غزلان:: واخا هي لي متعاودش غنبقا لبسو مين نخرج بحدي
نبيل:: شنووو عرفتي نشوفك لابساه و خارجة بيه نقطعوليك راني مسطي و نديرها
غزلان:: اوا شنو نرميه راه عزيز عليا
نبيل:: مهميش خبيه حتى تلبسيهللي مين نكونو ف دارنا راس ف راس ههه
غزلان:: ششكون قاليك غنكونو ف دار وحدة حشم الخايب قليل لحيا
نبيل:: مالك نتي ديما نيتك خايبة زعمة مين تكوني مراتي ولا مباغاش تكوني مراتي
غزلان:: سوg غا بلاتي راك تقتلنا
نبيل:: كتهربي من الجواب غنوريك سوg كيف داير
غزلان:: نبييل حبس بلاتي لا لا بليييز كندوخ متجريش هاكا لاااا نبييل
نبيل:: حتى تجاوبي و نحبس يلاه بغيتي ولا مبغيتيش
غزلان:: :'( بغيت بغييت يلاه حبس
نبييل:: لا حتى تحلفي قولي والله العظيم الى بغيت نكون مرتك
غزلان:: لااا حرام علييك حتى الى قلتها غتكون تحت ضغط ماشي ب خاطري
نبيل:: يااك الالة يلاه انا حبست يلاه قوليلي بخاطرك
غزلان:: والو معندي منقول
نبيل:: انا عندي بزاف منقول
غزلان::اش عندك يلاه قول مالك كتشوف فيا بحال هاكا 😳😚
نبيل:: يخليلي زين ديالي مين يحشم شحال يولي غزال و كيحمق
غزلان:: شوووت اوااا صاافي قول لي عندك و بلا هاد الهضرة لي كدوب متزربش عليا اني نتزلعليك هنا و ماجاب لي يجمعني :-p
نبيل:: الالة غي تزلعي ليا و تقلشي و دوبي انا موجود و ف الخدمة ههه غزلان والله بصح كندوي معاك لقيت بزاف حوايج زوينين كنت كنقلب عليهم و عمري شفتهم ف شي بنت غزلان تبغي تكوني حبيبتي و مرتي و ختي و صاحبتي وحتى مي

غزلان::مك لا جداااك هههه
نبيل::منيش نضحك غزلان الله يرضي عليك علاش كلشي تقلبيه ضحك :-\
غزلان:: وا سااافي سااافي غي ضحكت معاك تقلقت شوف فيا وينوو زويون ديالي كي جات معاه تقليقة جيتي كتحمق
نبيل::صافي خليني علييك انا كنعبر ليك على شنو كنحس و نتي كضحكي عليا :-(
غزلان:: صافي والله الى غي حشمت و بغيت نهرب من الجواب و قلبتها ضحك راه حتى انا كنتمنى امتى يجي نهار لي نكون غ انا وياك وتكون ليا انا بوحدييي
نبيل::حلفي قولي والله ناري شحفتيني و ركبتيلي سكر ولملحا باش نطقتي وا اخيراااااا عرفتي انا كنموووت عليك
(مهم لي وقع صراحة من بعد حشمت نحكيه 😳🐠غ كنضحك معاكم هيهي مهم شدليا يدي و قالي غزلان انا من نهار شفتك حسيت بحال كنعرفك مدة طويلة وكل مرة كنشوفك كنكتاشف فيك حاجة جديدة لي تخليني نتعلق بيك كتر و ليوم بغيتك تعرفي بلي وليتي حاجة مهمة ف حياتي وكنبغيك بزاف ديريها ف بالك هاد الكلمة...مهم بزااااف الكلام زوين قالو ليا و كنت كنسمع و ممتيقاش ودني كنخاف ف شي لحضة نفيق و لقا كلشي هاد شي حلم اخيرا نبيل رجع ليا انا و كيبغيني و اخيرا ايمان مبقاتش ف حياتو و مبقاتش عائق ليا نبيل طلب يخطبني و حددنا بعد 10 ايام نديرو خطوبة كنت اسعد انسانة اي حاجة زوينة وقعات ليا قبل مبقات تسوا حتى حاجة قدام فرحتي و سعادتي وانا كنشوف نبيل معايا و نشدلو يدو كيف بغيت و نعنقو و انا لي كتر من عامين وانا نتمنى غي يشوف فيا قبل الخطوبة فتحت الفيس لي مدة طويلة مفتحتوش باش نحيد داك الكونط ديال كوتر حيت غادي نبدي صفحة جديدة معا نبيل واخا كنت كنحس بالذنب حيت مقدرتش نعتارف ليه بلي انا هي كوتر و باليا مساج من نبيل فكرت واش نقراه ولا لا قررت نديزاكتيفيه بلا منقراه ولاكن الفضول قتلني و فتحتو و ياريتني ما فتحتو...كان سبب دمار الشامل ليا لي خلاني نحماااق ..

المساج من نبيل كان فيه
كوتر مين تقراي ل ميساج سيفطيلي ضروري بغيت نهضر معاك
انا دخلني شك قلت يمكن بغا يقول شي حاجة عليا و بلا منفكر سيفت ميساج و رد عليا
نبيل:: فين غابرة شحال وانا كنستناك دخلي نهضرو
كوتر(انا):: لا غي مع الخدمة راك عارف اوا نتا سافا ياك لباس لقيت مسج ديالك شنو بغيت تقولي
نبيل:: منكدبش عليك نتي الوحيدة لي كنفضفض و نقولها كلشي معندي لمن نحكي م غيرك
كوتر:: امممم ولحبيبة جديدة لي حكيتلي عليها فين خليتها خاصك تفضفض ليها هي ماشي انا
نبيل؛؛ اه عارف ولاكن هاد الهضرة لي غنقولك منقدش نقولها ليها
كوتر:: وشوشتيني حكييلي اش كاين ؟؟
نبيل:: ختي كوتر منكدبش عليك غزلان عمري بغيتها و لا غنبغيها انا كنبغي غ وحدة هي حياتي و هي لي نموت عليها ايمان من غيرها مكان حتى بنت تقد تاخد بلاستها
كوتر::(دموعي نازلة وكنكتب ليه حيت بغيت نفهم علاش ) وعلاش نتا معاها مين مكتبغيهاش صافي حبس كلشي و رجع ل ايمان و تهنا و خلي البنت عليك مسكينة مضحكش عليها
نبيل:: وا ختي راه حصلت دابا حصلة كبيرة ف لول درتها غي ضحك باش نجنن ايمان و نغيرها وايمان كاع ماداتها فيا شوية قلت نطور الامور باش نشوف ايمان واش غادي تغير ومنا ل 10ايام عندي خطوبة مع غزلان وانا غ درت هاكا باش ايمان تغير و ايمان ليوم رجعات ليا حسن من الاول حيت حست بالغيرة و باقيمتي وحتى انا كنبغيها ودابا وحلت ف غزلان كيف ندير نتفك منها و نقولها مكنبغيكش و منقدش نخطبك حيت ايمان هي لي دايما كنحلم بيها تكون مراتي اش باليك كوتر نتي بنت تقدي تفيديني
( اش غادي نقوليه منكدبش عليكم كرهتوو و عفتو و مبقيتش حاملة فيه شعرة صدق كدااااب و حمار و شماااتة طفيت داك الويل ديال pc وبلا منففكر ولا نشاور حتى واحد جمعت فاليزتي و حوايجي كاملين و هزيت باسبور لي كان عندي مزال فيه فيزا باقيلها 5شهور عاد تكمل خرجت حجزت اقرب وقت ديال طيارة لي ديني مترجعنيش ومشيت عند ختي ل فرنسا نبدي حياة جديدة خليت كلشي مورايا مشرحت ل حتى واحد سبب سفر ديالي وانا لي كنت طايرة من الفرحة و كنوجد ل خطوبة شريت كلشي و عرضت كلشي ناس باش يفرحو معايا كلشي خليتو مورايا و خليت ماما و بابا حايرين و حتى من سهام مقلت ليها والو مسلمتش حتى عليها و نبيل خليتو منو لله واصلا هو يكون فرحان حيت هنيتو مني بلا ميقلب على طريقة باش يوصلي بلي مكيبغينيش و دارني طريق باش يدوز بيها ل قلب ايمان كان كيكذب عليا اصلا انا حمارة تيقتو هو ديما كنت حداه و مشافنيش كيفاش ليوم عاد بنتليه علاش مفكرتش ب عقلي كنت متبعا غ قلبي علاش انا معنديش زهر لي نبغيه يمشي و يخليني عيييت الحل الوحيد هو نهرب و نخلي كلشي مورايا كان واحد راس يقولي واجهيه مديريش نفس ل غلط ل دىتيه مع عماد و تسكتي وواحد راس يقولي كيف نسيني عماد تنساي نبيل ولاكن نبيل ماشي هو عماد نبيل بغيتو و عشقتو من كل قلبي حلمت و تخيلت حياتي الجاية كلها معاه هو كيندير دابا نكمل بلا بيه بكييت و غوت و حرست و فلخر اشمن ربح عندي م هاد لبكا والو ... مهم وصلت ل فرنسا بقيت عند ختي و كنحاول ننسى ولاكن..

ولاكن مقدرتش انا مع ختي الهام و ولادها و عقلي و قلبي مع نبيل بغيتو و مقدرتش نستوعب لي دار معايا ميمكنش هضرتو تكون كذوب خوفو عليا غيرتو لا مستحيل هاد شي يكون تمتيل انا دمدومة ل هاد درجة كنت حمارة ف وسطهم ايمان نتاصرت عليا و خداتو ولاكن ربي يعوضني معليش فيها خير :'(
كنصبر و نكذب على راسي بهاد الكلام عمرو لخير يجيني بلا نبيل استغفر الله اش كنخربق صافي نوض نصلي 2 ركعات كيبالي بديت نخلي ل شيطان فرصة يدي و يجيب معايا دابا يدصر عليا نوض نتوضاا اعوذ بالله من الشيطان الرجيم....
الهام:: غيزو فينك جاوبي تلفون كيصوني
غزلان:: اجاوبي نتي انا غادي نصلي
الهام:: اش غتصلي دابا ياك العصر اذن هادي ساعة باش صليناه نسيني
غزلان:: وا راني نكفر على ذنوبي كنزيد ركعات مالكي نتي صوقك جاوبي انا قتلك منجاوبش من مبغيت نهضر مع حد غي نتي اني ندير معاك صواب حيت اني ف دارك
الهام:: ههههه مسخوطة واخة فيك سيري صلي و ستغفري انجاوب انا
سهام:: وااااا غزلان اجي راه ماما هادي بغات تهضر معااك
غزلان:: هانا جايا صبري غي نكمل تسبيح ديالي دقيقة لهيها بيلاما كملت..
الهام:: وا زربي راه كتستناك انا نمشي نقابل ريان راه خليتو بوحدو ف بيت
غزلان:: الو ماما لباس مالكي يلاه هضرت معاك صباح توحشتيني
الام:: ياك هاكا ناس تهضر معا ماماها و مالك منتوحشكش راك خليتي دار خاوية علينا
غزلان:: تقتك انا دابا ماشي نتي لي كنتي فارعا ليا راسي ب سيري تزوجي سيري عند ختك هادا عامك تالي هاني درتهاليك على قد فمك و جبتها في Paris
الام::المهم انا منقدش عليك اندوزليك شي حد بغا يهضر معاك
غزلان:: ماما شكون قتليك متقولي ل حد انا هنا ياك فضحتيني صافي صبرك تقاضاا
سهام:: هادي انا سهام ولا حتى انا مبغيتيش تهضري معايا
غزلان:: سهام لا لا نتي معليش سهام سمحيلي عارفة درتها ناقصة معاك ولاكن مكنتش كنشعر ولا نفكر
سهام:: وا دابا بغيت غي نفهم مالك مشيتي بلا متقولي والو خليتينا كاملين مصدومين حتى ماماك كنسولوها و باباك معرفينش فاجئتينا كاملين
غزلان:: سهام راه وقعت حاجة عمري تصورتها راني تحطمت :'(
سهام:: غزلان اش وقع علاش كتبكي دابا شهر وانا هابلة كنزاوg ماماك تقولي غ شنو واقع و فينك كتقولي غي معرفتش
غزلان:: وا راه انا لي وصيتهم يقولو هاكا حيت مكنتش باغيا حد يعرفني فين انا
سهام:: ولاكن علاش هاد شي و نتي ل كنتي 3 سنين ونتي تحلمي تكوني مع نبيل نهار تحقق الحلم و كنتي غديري خطوبة ديالك مشيتي بلا سابق انذار
غزلان::ماشي بخاطري انحكيلك(وحكيتلها كلشي لي عرفت)
سهام:: شماتة لكلب انوريه و داير راسو مفقوص و كيقلب معانا عليك و يسول عليك وهو كان غي يكذب و ف لخر مشا رجع ل ايمان و راه غادي يديرو لعرس هاد سيمانة على حساب مقالي عبدو
غزلان:: :'( غادي يتزوج كذاااب
سهام::صافي علاش كتبكي عليه ياك عرفتيه على حقيقتو بصح والله لا بقات فيه شماتة انقليه ودنيه مزيان
غزلان:: سهام لا صافي متقولي والو بليز خلي ديك شوية دييال ل كرامة لي بقاتلي متزيديش طيحيها ف الارض

سهام::واخا حبيبة نتي و خاطرك
غزلان::يلاه من بعد و نهضرو
(قطعت و قلبي كيتقطع نبيل غادي يتزوج هاد سيمانة بكيت بكيت بكيت حتى عييت و دموع نشفو و نعست محسيتش ب نهارات كيدوزو و دازت سيمانة عليا بحال جحيم كنقول نبيل مع ايمان و يكون دارليها عرس زوين و فيه مفاجئات كيف كان يحلم وانا نهار على نهار كنزيد نمرض كتر بقيت كالسة ف دار و ناكل و نعس و نبكي ختي مسكينة عيات تحاول تخرجني تفوج عليا والو من بعد سيمانة حسيت ب راسي كنضيع وهو عايش الحياة السعيدة مع مرتو ديك صفيريطة و انا كنغبن راسي ...واحد نهار جات ختي طلبات مني نخرج معاها حيت من نهار جيت وانا غ دار بغات تفوج عليا انا وافقت ب سهولة حتى هي ستغربات ولاكن انا كنت صافي قررت نعيش مع هاد الوضع جديد و نحاول نحيد نبيل من قلبي واخا صعيب مهم خرجنا تمشينا ف شوارع باريس الخلابة و وصلنا حدا لاتوريفيل بقاو ريان و مروة يلعبو سهام شوية قاتلي اناخدهم ندور بيهم شوية يلاه معانا انا مقديتش قلتلها نبقى غي هنا نستناكم حتى ترجعو هي بحال جاتها على هواها مشات و خلاتني و بقيت gالسة بحدي و كشوف ف ناس كتصور و فرحانة كنشوف ل كوبل دايرين يد ف اليد و عايشين اجمل لحضات الحب ف مدينة الانوار و رومانسية باريس وانا كالسة كنتامل فيهم شوية ما بقا يبالي والو غي ضلام ف ضلام..

شي يد تحطت لي على عيني بقيت كنتلمس فيها جاتني ماشي غريبة عليا بقيت نقول شكون حتى حد ماجوبني تعصبت و حيدتا ب جهد من عيني و بالي نااس بزااف واقفين و كيشوفو فيا من بينهم سهام و عبدو و ختي الهام وهازين ورد حمر و شموع مفهمت والو درت نشوف شكون لي كان مغمض ليا عيني لقيت
نبيل:: (هاز قلب كبير حمر و مكتوب ف وسطو will you marry me..وهاز بواط حمرا فيها خاتم وااااو ) شنو موافقة ا كوتر اه بغيت نقول غزلان ههه
غزلان:: :o كيفاااش اش جابك واش هاد شي وشكون قالك كوتر و ايمان متزوجتوش ياك..
نبيل :: بلاتي بلاتي متزربيش عليا انحكيلك كلشي دابا نتي نهار جيتي هنا بلا متعلمي وهادي من بعد و نتفاهمو عليها
غزلان:: ولاكن انا جيت حيت نتا...
نبيل حط يدو على فمو مخلانيش نكمل وانا بلا منحس سكت بحال دارلي تنويم مغناطيسي اصلا غ يدو تحط عليا و لا نشوفو كندوب
نبيل::خليني نكمل من بعد نتي هضري مهم ف داك نهار ايمان عيطولي من دارهم قالولي راها 

سبيطار كتموت مشيت و قاتلي حاولت نتاحر و بابا و ماما عتقوني ب سبابك لي خليتني ويلا مبقيتش معايا غادي رجع نقتل راسي و دنوبي عليك خوفاتني بزاف و معرفت مندير بقيت كنعيط ليك تلفون طافي داز نهار جوج تشوشت هضرت مع سهام حتى هي معارفة والو مشينا ل داركم قالولينا سافرتي دازت سيمانة ونتي حد ما عارف عليك والو انا ستنتجت انك جيتي هنا ولاكن هربتي مني حيت مبغيتينيش و جيتي عند وائل ل اصلا مكينش وهاد شي عرفتو مؤخرا من عند سهام ونتي كالسة كتلعبيها علينا لبناني و معرفت شنو ونتي جايبة تصاورو غ من فيس ههه
غزلان:: نو ماشي هاك راه ديك صفيريطة هي لي خلاتني ندير هاك حرجاتني حداكم و..
نبيل:: صافي ششش عارف عارف خليني نكمليك مهم انا هاك فهمت بلي نتي مكتبغينيش ومقدرتيش تواجهيني وقبل عرسي انا و ايمان لي كان مبزينو عليا الاب ديالي و ايمان ضغوطات عليا بزاف و تهديداتها بالانتحار خلاوني نوافق على العرس باش هوما يرتاحو اما انا كنت غادي نهبل عليك و مفهمتش علاش درتي هاكا معايا ولاكن سهام جات عندي قبل لعرس ب يومين و بقات تسب فيا و تحيح عاد فهماتني شنو وقع و حكاتلي على كوتر لي هي نتي هه مشيت حليت فيس لي اصلا نسيتو مدة مفتحتو كنت لاهي ف لول مع خطوبة ديالنا من بعد نتي مشيتي جاو مشاكل ايمان لعرس روينة ملقيتلوش كاع لوقت من حكاتلي سهام دخلت مساجات ملقيت والو تفكرت بلي مودباس عند صفيريطة كيما كتقوليلها واكيد من بعد فعلتها مسحت كلشي كانت مخططة مزيان واجهتها و هددتها الا معتارفتش نسمح ف كلشي و نمشي خافت وقاتلي بلي عرفاتك نتي لي داخلة ب اسم كوتر باش تعرفي اخباري يا جنية كنتي طابة فيا من زمااان هههه مهم هي عرفاتك من نهار جيتي ل عيد ميلادها حيت قرات conversation وهنا عرفت بلي عرفتي بلاسة فين دايرة انيف ديالها حيت مكانت قايلاها ل حتى واحد من غيري وانا حكيت ل كوتر لي هي نتي اصلا و جيتي خربقتي ليها انيف تما قررت دير الخطة ديالها ونتي طحتي ف شبكة و تيقتيها و حتى انا حيت كانت قاصدة ف نفس نهار دير راسهة بغات تنتاحر باش تلهيني عليك و منسولش فيك و نتي عاونتيها ف نجاح خطتها لوكان ما سهام جات حكاتلي كلشي كنت غادي نتزوجها وانا كنبغيك نتي و كنموت عليك الهبيلة ونتي فيك جن غي كاطيري مجيتي سولتيني ما ستفسرتي دغيا حكمتي عليا و هربتي

غزلان:: ناري صفيريطة هاد شي كامل خرج منها ولاكن دنوبي ماشي عليها على مارك لي ختارع هاد لويلبوك ديما مصائب كتجيني منو انا اعتزلت لفيس عمري نعاود ندخليه :( سمحلي حبيبوو مكنتش عارفة انا هاد شي محسيتش ب راسي حتى هزيت فاليزتي و جيت دائما كنهرب بلا منستفسر ولا نحاول نفهم
نبيل:: اجي بعدا فهميني كيفاش نتي طايحا فيا من زمان و كتقلبي على خباري اممم ؟؟
غزلان:: وا نتا لي عماا مكتشوفش كنت حداااك نضل مقابلاك فين ما مشيت ولاكن صفيريطة دايالك مخك و كلشي
نبيل:: ههه عرفتي لوكان عرفتك شحال هادي كون ليوما عندنا ولد ولا بنت يا لبهلولة نتي لي غالطة لوكان درتي غ شي اشارة
غزلان:: سكت سكت اشمن اشارة راه كنت قريب ناكلك ونتا ولا نتا هناا
نبيل:: هبيلة معليش كلشي من الخير و كل تاخيرة فيها خير هانا ليوم جيت عندك حتى ل باريس و هاد ناس كاملا جايين ليوم باش يقولو ليك ماعايا
تتزوجيني كنقولها ب اعلى صوتي كنبغيييييييييك
غزلان:: ويكيي سكووت كاع ناس كتشوف فينا
نبيل:: هههه ناري كتحمقني و نتي حشمانة
غزلان:: تعرف حلمت ب هاد نهار و هاد اللقطة ولاكن كانت ف تركيا دومااج متحققش الحلم كامل ههه
نبيل:: هه مسطية كاع هاد شي الورد و ششموع و لقلوبة و زيد حداك لاتورفيل و كتقولي ليا تركيا
غزلان:: مراكش فاهم الحلمة كان فيها تركيا و شموع و ورود و يخت و فيها غي انا و نتا صافي و هاد شي اجمل ماكان فيها
نبيل:: كلشي هاد شي غيتحقق دابا طلقينا لفراجا ناس كتستنا باش تصفق انا مغنديرش كيف تركيين و نهبط على ركابيا نونو حنا مغاربة كنوقفو و نشدو اليد كيف هاكدا و ندخلو الخاتم مكانش تخرشيش يلا زيدي قدامي ساعتك سلات ههه
غزلان:: يخليلي روجولة نمووووت علييك
(كلشي بقا كيصفق علينا واخا نبيل مدارش ديك لقطة ديال تركييا و هبط على رجليه و انا مدرتش ديك لقطة زعمة مصدومة و حاطة يديا على فمي و كندمع لا حنا كانت لقطة ديالنا ماد اين موروكو ههه ولاكن زوين ف هاد شي هو شفت البواط الحمرا اش فيهاااا ترااااا :p خاتم ولا اروع عندو ذوق رااائع وحتى انا عندي ذوق حيت ختاريتو هو ييكون راجلي و حبيبي و كلشي ....
ليوم عرس سهام اما انا صبقتها هادي 10ايام تزوجت انا و نبيل و حيت سهام عرسها قرب مدرناش شهر لعسل بقيت مقابلا سهام و توجاد ديال العىرس ولاكن نبيل وعدني مور لعرس غانمشيو مي مقاليش فين خلاهلي مفاجئة حبيبتي سوسو غتكون اجمل عروسة لعقبا لكااامل العزبات لي كيقراو قصتي ...
نبيل::حبيبا اش كديري هنا
غزلان:: والو كنكمل لكتابا ديال قصتناا
نبيل:: نونونو مكيقولوش ليها لكمالا يقولو ليها لبداية ديال قصتنا
غزلان:: اممم غلبتيني ف هادي ولاكن اش نكتب ف لبداية ديال قصتنا معرفت منكتب
نبيلل:: هاتي انكتب انا
ليوم مور العرس غاناخد حبيبتي و حياتي و نطير بيها ل تركيا و نحقق ليها حلمها لي حلماتو فوق اليخت و نكون غي انا وياها و العقبة لكل شاب و بنت يعيشو هاد السعادة لي كنعيشوها دابا لا يوجد اجمل من الحلال الله يلاقيكم مع ولاد و بنات الحلال خليتلكم الراحة و اتمنى لكم سعادة

نهااية بعدها اجمل بداااية