زواج قاصر الجزء التاني

زواج قاصر الجزء التاني

جا صباح جديد و ناضت زهرة هي و مها خملولك دار كولها و طلعات زهرة تصبن و هي كتغني ^موجووووع قلبي وتعاب بية من أطالع على روحي ينكسر قلبي علي تعباان وجهي و عيوني قهرتني دنياا شلة حال حالي و فحيااتي كرهتني كرهت لحب مريضة....بلاما تنفاعلوا عرفاكم حافضينها أجيو نشوفوا حسن 
ناض صباح بكري مع 5 دوش وفطر و شد طريق لبارح داز عليه فشكل روحو خلاها مع لبرهوشة لي فعينيه أميرة و لكن كيكدب راسوا باش يرتح ضميروا مهم وصل بكري مع ديك 12 تقريبا لقا مها كتسيق لباب 
حسن:خالتي سلام لباس
سعدية:أه أولدي حمد الله و نتا 
حسن:حمد الله فين زهرة 
سعدية:دخل راها فسطح 
دخل حسن و بدا طالع بشوية حتى وصل سمعها كتغني و كمل معاها 
مريضة دامارني طيب أني و دري طيبي هالحال وصلننني هنا سكتات زهرة و حتى هو
زهرة:إيمتا جيتي 
حسن:عاد وصلت صوتك زوين 
زهرة تزنكات و كملات صبين جات تنشر وهي تزلق ....

وااسيدنا كانت مشاات و هو يشدها حسن من الخصر ديالها ههه و قربها عندوا زهرة فهاد لحضة حسات بتبوريشة و هو عجبوا لحال و بقا كيشوف فيها داب فعينيها و فلحضة بتفكر سلمى و تفكربلي كيبغيها و لكن أش هادشي لي فقلبو كيميل لزهرة وقفها و قالها كملي أنا نستناك لتحت هود لتحت لقا باها كلس حداه 
حسن:صباح نور سي حمد 
حمد:صباح لخير أولدي كيف تينا 
حسن:مزيان و نتا 
حمد:مزيان هاد ساعة إيوا ولدي كيفنيا البنت معاك ما كتعصبكشي 
حسن شدو سي حمد من جهة لي كتحرقو و تفكر بلي كيضربها :لاا هي مزيانة حمد الله 
حمد:إيوا تهالا فيها أوليدي 
حسن بتاسم و هي تجي زهرة دوشات و لبسات جلابة فالحمر و طلقات شعرها و هبطات سلمات على كلشي و قالت:نمشيو؟
حسن ناض و مشاو للوطو و زاد وحد شوية سمع لبكي بشوييية أه هادي زهرة لي حسات بحرقة حيت واليديها رماوها و بغات تسكت و لكن مقدراتش أما حسن خلاها على راحتها و زاد فطريق وصلوا لواحد ريسطو و قالها 
حسن:يالله نتغداو 
دخلوا و الانضار كلها عليهم شي كيقول ..

تبارك الله و صلاة على نبي زوينين و شي كيقول الله جاو فنين بزااف و شي دراري داروا عينيهم فزهرة لي ملي دخلات و هي عينيها فالارض جا مدير لمطعم:اهلا ميسو حسن كيداير زارتنا باركة فين هي مدام سلمى 
زهرة تقرصاات و دمعة الاحتقار نزلات من عينيها 
حسن:خليتها فدار إيوا شنو غادي توكلنا ليوم 
لمدير بتاسم و طلب من نادل ينزل ليهم Munu 
و مشا زهرة عجبها طاكوست و هي أول مرة تشوفوا و بغاتو بزااف (من هاد لمنبر كنقول تحية لناس لي كيعجبهم طاكوست)
حسن:زهرة شنو بغيتي 
زهرة بحماس:هادا بغيتوا زوين بزاف 
حسن طلب طاكوست لزهرة مع عصير ليمون و هو طلب سمك مدخن مع كولا 
كلاو و سالاو و خلصو لحساب ملي كانو خارجين زهرة بغات تمشي للحمام و هو يتبعها واحد من دوك دراري لي عجباتهم و ملي جات خارجة شدها من يديها 
شاب:بغيت ندوي معاك و نمشي 
زهرة:شوف طلق عفاك ولا غادي تندم راني مزوجة 
شاب:هه بلا كدووب بزا....
سيد ماجا فين يكملها و هو ينزل عليه حسن بالعصى و ملي سالا عيط لشي حد:أوا أجيو هزوا عليا هادا 
شد زهرة من يديها و خرجوا ملي ركب 
حسن بالغواات:زهررررة شنو هاد تقح*** لي ولا فيك أه؟ بغيتي تديري علاقة مع شي حد قودي عليا 
زهرة حسات بالقهر من معاملتو ليها:شوف أنا والله مادرت شي حاجة ياك حنا غير صحاب ديها فديك لعاهرة لي فدار (كتبكي) اما أنا غير برهوشة غادي ترميها فالخر ديال لعام جاي 
حسن تعصب من كلامها و ضربها حتى هبط ليها دم من نيفها و سخفات 
حسن:زهرة زهرة مالك نوضي سمحيلي عفاك 
حسن مشا كيجري لسبيطار و هنا كانت صدمة الكبرى 
ملي دارو ليها لعلاج وتحاليل لقاو بلي....

لقاو بلي زهرة حاملة فشهرها الاول و مشا طبيب يبشر حسن
طبيب :مبروك أسيدي لمدام حامل 
حسن حس بالفرحة معرفش علاش هه أما زهرة لي فاقت لقات راسها بصيروم و حداها واحد الممرضة 
زهرة:ختي أنا مالي ؟
ممرضة:مدام نتي حاملة 
زهرة بقات ساكتة عاد ستوعبات كييييفاش و بدات تبكي أهئ الله يا ربي أهئ و بقات هكاك حتى نعسات دخل حسن لقاها ناعسة جاب كورسي و تقابل معاها و داه نعاس فاقت زهرة صباح دوزات يديها على وجهو و جمعاتها و كتقول مع رسها أوف أهاد زمر شنو كنعمل أش هادشي الله ياربي ياك ما ...لا لا ميمكنش أكيد كاين شي غلط هنا ناض حسن و شاف فيها ساهية 
حسن:مالك 
زهرة:كاين غلط ؟
حسن:فااش؟
زهرة: فيك 
حسن:شنووووو 
زهرة عاد فاقت من قلبا هههه بدات غير كتشوف :لا زعما فيا أنا 
حسن ما فهم تاوزة:شوفي توضي بدلي هاني نستناك
خرج برا و دار داسو على لحيط و كيفكر فيها فبرائتها ضحكتها بكيتها كلشي كلشي 
زهرة:وااع وااه وااا سبحان مولانا وا لعام جاي مالك 
حسن:أه؟لا مم شاليتي 
زهرة:لبارح
واخا زيدي مهم مشاو وصلوا لدار مع لباب حسن جبد كارط كيشي و عطاها لزهرة:هاكي بقاي تخرجي و شري لي بغيتي 
زهرة:شنو هادي؟
حسن:أه هادي من بعد نعلمك كيفاش تجبدي بيها لفلووس 
زهرة:ويلي لمسخووط رجعني بحالي 
حسن:علاش 
زهرة:بغيتيني نgريسي عباد الله ياك أهئ و نتشد فالحبس 
حسن بقا كيشوووف و هو يبدا يضحك ههه بدمووع 

زهرة بقات غير كتشوف هه أول مرة كيضحك أما وحد سلمى خرجات و هي تشوفهم كيضحكوا خرجات عند حسن و باستو من فمو :حبيبي جيتي 
زهرة تقرصات و دوات:دخول صحة هادا لا؟ ونتي مالك أحبيبة 
سلمى:نتي لي مالك 
زهرة:يا ألمنيكة أجي نوري يماك مالي 
زهرة جعرات و نتفات سلمى نتيف حسن مسكين كيفك و والوا لاصقة من بعد محولات عديدة عاد هز زهرة و هي كتفركل
حسن:زهرة وقفي أش هاد تبارهيش 
زهرة:دابا أنا برهوشة يااك و هي لي عايشة معانا شكون واش معندهاش دار و بشمن حق تجي تبوسك و تقولك علاش تعطلتي و كيفاش أه؟
حسن شاف فزهرة حيت ستغرب من تصرف لي دارت :زهرة يالله بيتك 
زهرة:أوووف عاود اف اف اف. ومشات 
حسن نوض سلمى ملي شاف وجهها مقدرش ميضحكش ههههه 
سلمى تقرصات و تمات داخلة و كتحلف فزهرة:والله لا بقات فيك ألبرهوشة ديال أخر زماان 
هنا حسن تفكر بلي زهرة حامل و هو لازم ميقولهاش لسلمى و فنفس لوقت سلمى خسها تأديها 
لحل لي لقا هو يقول لميمة ترض ليها لبال لمهم باش منطولوش بزاااف 
×تسريع الاحداث×
زهرة تسجلات فباك حر و تقبلات و لميمة راضة معاها لبال و حتى حسن هي فشهرها 3 مزال ما بانت ليها لكرش و سلمى كتحلف فيها حتى لداك نهار لمشؤوم ...

داك نهار سلمى قررات باش تنتقم من زهرة و حسن كان فالخدمة و لميمة مع خدامة فالكوزينة زهرة لبسات شورط و تيشرت قصار مع سبادري و خرجات من بيتها جات هابطة فدرووج و هي تزلق مسكينة بقات كتغوت حتى وصلات لأخر درجة و سخفات 
عرفتو علاش زلقات××حيت سلمى حطات ليها زيت و جافيل و صابون××
و سمعات غواتها لميمة جات لقات زهرة كلها دم و نزيف بزاااف مالقات مادير بقات كتبكي و خدامة جرات تاصلات بالاسعاف لي جات معطلة (راه قصتي طبيعية راها فالمغرب ماشي سويد) و هزوها داوها نيشان لصبيطار تحت أنضار سلمى لي معرفاتش علاش داك دم ؟
مهم وصلوا و لميمة تاصلات بحسن لي وصل دغيا بحال لبرق ملي جا و هو يغوت 
حسن:شنو وقع ليها دوييي
لميمة:زهقات فدروج و...
حسن:و شنوا 
لميمة:ن

حسن:شنو وقع ليها دوييي
لميمة:زهقات فدروج و...
حسن:و شنوا 
لميمة:نزل من نها د دم ببزاف 
حشن بحالي كبيتي عليه سطل ديال لما و طاح فالارض كيبكي 
خرج طبيب:لباركة فراسكوم لجنين مات و الام بيخير الحمد الله ولكن هادي جريمة حيت..
حسن:حيث شنو 
طبيب:حيت مازهقاتش بوحدها زهقات عن قصد حيت حوايج لي جات بيهم فيهم ديحت صابون و زيت 
هنا حسن طلعات معاها و مشا بجرى لدار ..

مشا لدار ولقا سلمى كتنقز فوق نموسية و هو يشدها من دوك زغبات لي خلات زهرة 
حسن:عاهرة قح** ولدي مات بسبابك يالله برااا منشوفش وجهك ألحمارة و حسابي معاك هو لخر
خرجها ولاحها حدا لباب و رما صاك ديالها و دخل بدا يبكي عرفتوا داك شعور ديال تفقد ولدك و نتى مزال مشفتيهش صعيب بزااااف والله مهم مشا عند زهرة لقاها فاقت و كتبكي مشا كلس حداها فالكرسي دارت ليه بلاصة و شيرات ليه يجي يكلس حداها 
هو بدون شعور مشا 
زهرة و دموعها غالبين عليها:هه مايبقاش فيك لحال مم هو أصلا حنا غاديين نتفارقوا صافي مع لوقت غادي تنسى و نزلوا جوج دمعات حاريييين 
حسن عنق زهرة:ماتقوليش هاكا و لحمد الله على سلامتك و دابا و كيف كلتي دابا ننساو 
مهم بعد مرور أيام قليلة خرجات زهرة من مستشفى و مشات لدارها 
حسن:يالله كلسي بشويييية عليك 
زهرة:راني بيخير والله أجي حسن فوقاش غادي تعلمني نجبد لفلوس بلاكارط ناسيونال 
حسن بدا كيموووت بضحك 
حسن:ههههه والله حتى هبيلة..

حسن:والله حتى هبيلة ههه واخا غدا نعلمك نعسي دابا هاني مشيت 
زهرت:لا لا خليك شوية نهضروا 
بقا معاها و بداو يهضروا 
حسن:إيوا أزهرة دابا شنو بغيتي مورا لباك 
زهرة:أولا بغيت نجيب معدل و فاش نوصل 17 عام نخدم فالبوليس 
حسن:ههه أووه بغيتي تمخدمي معايا ؟
زهرة:أه و عرفتي أحسن أنا ملي كنت صغيرة من ديما كنت منgورا واخا كنت قرايا ولكن با و ماما كان همهم الاول هو زواج و زوجوني ليك بزز ولكن حمد الله لقيتك تعاوني 
حسن حس براسو حمار حيت قاصها و غتاصبها و ندم 
حسن:زهرة سمحيلي حيت...
زهرة:هه لاا مكاين لاش نسمح ليك هاداك حقك و خديتيه و أصلا عمري غادي نتزوج من بعدك 
زهرة قالت هاد لكلمة و عنات بيها بلي كتبغيه و عمرها تزيد تزوج بعدوا أما حسن فمع بالو كيقول مصاب لو كان لوقت يرجع لور و نعتارف ليك بحبي من لول مهم داز العام و زهرة و حسن مزيانين و حبهم كيزيد فقلب كل واحد منهم زهرة شدات الباك بنقطة واعرة و فرح ليها حسن و لميمة أما سلمى غبرات عام هاهو داز و مزال عام اه يا دنيا شحال قاسية فلول زوجاتهم و من بعد حبباتهم فبعضهم و كل واحد فيهم سكت خوفا من مشاعر طرف ثاني و دابا واش غادي يتفارقوا واش صافي قصة زهرة غادي تكون دات نهاية حزينة شنو رأيكم 

انتضرو الجزء التالت و الاخير بعد لحضات