زواج قاصر الجزء التالت

 زواج قاصر الجزء التالت

مقتلكمش بلي زهرة تعلمات للاكارط ناسيونال لي كتجبد لفلوس و تعرفات على وحد لبنت جارتها و ثاقة فيها و بدات تعاود ليها لبنت سميتها ردينة زوينة بزااف و غنيتو. لكن متواضعة فعمرها 16 عام قد زهرة و ملي عرفات قصتها بقات كتجي عندها ديما واحد نهار جبدوا موضوع على الحب 
ردينة:أجي أزهرة علاش متخليهش يبغيك راه مزال قدامك 8 شهوور أصاحبتي 
زهرة:شوفي أردينة حسن عمرواا يبغيني حيث عندو سلمى و أصلا هو كيعتبارني ختو 
ردينة:أجي نجربوا ماخاسرين واالوا 
زهرة:و شنو نعملوا 
ردينة:أجي نقوليك أولا:يالله نشريو حوايج 
وثانيا:......
نمشيو عند حسن لي فخدمتوا و غير كيغوت أوف طلعلي فراسي بهاد صداع 
حسن:كلتلكوم ديروا شغلكم مالكوم أغبياء لدين مكم اوووف خرجو 
ناس:سمح لينا شاف 
مهم سالا خدمتوا و رجع لدار لقا غير لميمة و حسناء ختو إلا عقلتوا عليها و زهرة باقا مارجعات تعصب حيت 9 هادي و هي مزال برا بقا كيستنا حتى 10 و والوا تعصب أوف ...

حسن تعصب و صافي جهل بدا كيصوني عليها حتى جاوبات و بين زعما مامسوقش 
حسن:ألو زهرة فينك 
زهرة:أنا جايا كنت كنشري حوايج و عندي ليك مفاجئة 
حسن تهدن :واخا أجي دابا يا الله باي 
عرفتوا واقيلا لخطة ديال لبنات لولا هي لغيييرة و يتأكدوا واش كيبغيها ههه إيوا مكدبوش ملي قالوا كيد نسا خبيث هه
مهم زهرة رجعات لدار و كانت لابسة سروال مقطع كحل و تيشرت فيها بيض و كحل و كتبين صرة مع سبادري و صاك فالكحل مهم جات قوووقة بمتياز ملي دخلات لقات حسن كيستناها 
حسن:فين تعطلتي ها؟و أش هاد لباس أزهرة 
زهرة:مالوا؟مم تعطلت كنت كنقلب على هادي...جبدات واحد صندوقة حمرا مكتوب فيها H و مداتها ليه:نهار عيد ميلادك مغنكونش معاك و بغيت نجيب ليك قبل ما نمشي 
حسن عنق زهرة و هي بادلاتو لعناق و واحد جوج بركاكات مورا باب لكوزينة 
لميمة:يااه أحسناء بنتي شفتيه شحال كيبغيها 
حسناء:و حتى هي ألميمة باااينة 
لميمة:ويلي ويلي رجعي رجعي هاهما جايين 
دخلوا زهرة و حسن و هو معنقها هه كانت هدية عبارة عن ساعة فيها محفور جوج حروف 
H&Z
عجباتو بزاااف زهرة شافت حسناء طارت عليها 
زهرة:فوقاش جيتي توحشتك ملي دفنوه ما زاروه 
حسناء..

حسناء:توحشتك القردة والله غير مع الحمل ماقدرتش نجي نشوفك 
زهرة سمعات الحمل تفكرات ولدها لي مات و حسن شاف فيها و قال:زهرة أجي معايا ندوي معاك 
ناضت زهرة من بعد ما طمأنات بلي حسناء غادي تبات معاهم و مشات 
زهرة:حسن أش بغيتي شوف والله حتى تعطلت غير فسوق و مع ردينة و أصلا تاصلت بيك و ديك بنت الهم قاتلي بلي رصيدكم غير كاف و مشيت باش نجبد فلوس من لاكارط نا.....
حسن شد ليها فمها بيده:سكتي شوية ها لعار واش مكتقادايش أووف شحال فيك ديال لوك لوك و زيدون ماشي فهادشي بغيت ندوي 
زهرة :ماميما 
حسن زول يديه:اش قلتي 
زهرة:و فأش 
حسن:شفتك قبيلا ملي هضرات حسناء سمحيلي عفاك مقدرتش نحميك 
زهرة قلباتها بكا:أهئ أهئ مهما كان لحال هداك كان ولدي والله حتى كنت باغاه 
حسن عنقها و زير عليها:صافي زهرة بغيتي نديروا أخر 
زهرة:هااه ضرباتو لصدروا والله ماعندك لاش تحشم 
وشداتها بجريا 
حسن:أجي فين غادة 
زهرة و هي طالعة فدروج:غاديا نبدل حالتي
دخلات زهرة للبيت و هي كتفكر فكلاموا و قررات باش تدير بكلام ردينة و دوشا و لبسات..

لبسات بيجامة شورط و صوفيطمة و هبطات عرفتو لخطوة ثانية هي الاغراء (هه شفتو دابا كنعلمكم تتعملوا مع الجنس الخشن )
ملي كانت هابطة فدروج شافت فيها لميمة:بنتي لغزالة بصحة تدويشة 
دار حسن و هي توقف ليه:كح كح كح 
زهرة:مالك حسن شرب 
و مشات كلسات هه و سي حسن على ناااار واو أول مرة تعجبو شي بنت و ميقدرش يقيسها (حوفيه)سيد داب فيها و هي كانت كتاكل بواحد طريقة بريئة و زوينة ههه دوبااتو 
ولكن عرفتوا دابا بقا ليهم غير 8 شهور و يتفارقوا حسن ملي كيفكر بداك نهار كيبغي يحمااق 
المهم كلاو و سالاو و مشاو ينعسو بعدا زهرة نعساااات أما حسن مين جاه بقا كيفكر**ماسحابليش غادي نبغي لبرهوشة لي تزوجت بزز مني و رميت حبيبتي برى على قبلها أووف ننعس حسن ليا حيث شوية و نمشي ليها **
كتعرفو ديك القاعدة نفسية لي كتقول *إن إستيقضت في اليل فجأة فعلم أن أحدهم يفكر فيك*داكشي لي وقع لزهرة ناضت فجأت و حاسا بلي هو فكر فيها مهم دازت مدة ديال شهريين و زهرة كتدير كثر من جهدها باش يبغيها و تلبس لمقزب و حسن صابر بزز المهم بقات 5 شهور و تمشي بحالها كأن شيئا لم يكن بفف أنا وتعصبت 
زهرة كانت كالسة مع ردينة فجردة ديال دار 
زهرة:شفتي مكيبغينيش 
ردينة:واخا يكون مكيبغيكش واش عندوا بروود حتى لهاد درجة أجي لقيت لك فكرة 
زهرة:أرا نشوف هاد الافكار ديالك .....

ردينة:أجي علاش متعمليش راسك كتغرقي فالبسين و إدا خاف عليك عرفو كيبغيك 
زهرة:أويلي و شحال فيك ديال هضرة أكيد غادي يخاف و ينقدني 
ردينة:إدااا كان كيبغيك 
زهرة:محااال أ ردينة 
ردينة:مهم أنا غادية و نتلاقاو غدا مواح 
مشات ردينة و زهرة بقات كتفكر و قالت تجرب يمكن تزدق 
مشات و كلسات فبيتها ملي شافت طموبيل ديال حسن وصلات هبطات كتجري و وقفات حداالمسبح 
غير شايفتو دخل و هي تعمل راسها زلقات هو سحابليه كتضحك و بدا كيضحك حتى كيشوف الانسة كطلع و تهبط مشا كيجري شدها و وقفها فوق رجليه 
حسن :ماكتعرفيش تعومي لاش داخلة؟
زهرة:راه زلقت 
حسن:أوف منك أجي يالله 
هزها و خرجها و داها لبيتها و هي تسخف لقا حرارة ديالها مرتافعة كيعيط لميمة و لكن خرجات مع حسناء و مالقا حتى حل من غير يبدل ليها هو ....

ولكن معرفش كيفاش 
حسن:اووف واخا صافي غنديرها 
مشا هز بيجامة طويلة و سوتيان و ما جورهما 
و بدا يقلع ليها و عينيه مغمضين حتى سالا 
و مشا جاب لما بارد و فوطة صغيرة دارهم ليها فوق راسها و كلس حداها وحد شوية هي جاتها هلوسة ديال سخانة هه زهرة:ح حسن 
حسن:نعام أنا حداك 
زهرة:فيا لبرد (عنقها)مم كنبغيك أحسن والله أهئ أهئ و مابغيتش نبعد منك 
هنا حسن رتاح من جهة و رتابك من جهة كيفاش غادي يقولها بلي كيبغيها نعسات زهرة فحضنو و ليل كولو و هو فايق حتى رتاحت عاد نعاس 
دازوا لياام و حسن مزال معتارف بحوبو لزهرة لي قلبها كيتقطع تخيلوا مزال شهر و يتفارقوا و ليني هادا غبي كثر مني أوووف (لمياء وقيلا كتسبيني) لا خويا سمح ليا ولكن عصبتيني (ما بقا والوا صبري و تعرفي مالك طايرة) هه هدا حوار بيني و بين حسن ما علينا داز داك شهر و غدا زهرة غادة بحالها ...

وزهرة فبيتها كتجمع حوايجها كتبكي و هي تدخل عليها لميمة :زهرة بنتي والله حتى بغيت نعاونك عارفاك كتبغيه ولكن ما بيدي والوا 
زهرة عنقاتها و بدات كتبكي حتى دخلات حسناء :حبيبة ديالي ماتبكيش أختي أجي عندي 
زهرة مشات عند حسناء و عنقاتها بقوة بحالي كتقول ليها خليني معاك و لميمة كتبكي أما حسناء حابسة ضحكة (دبا تعرفوا علاش)
حسناء:صافي حبيبة أجي لبسي هاد الكسوة واحد كسوة طويلة فالحمر و ضهرها مشبك و جبدات ليها طالون كحل معاها 
زهرة:مالك شفتيني غادا لعرس أهئ أهئ 
حسناء:أختي خسكي تباني قوية 
بقات معاها حتى قنعاتها و بالفعل لبساتهم جات فنة أما سي حسن لبس كومبلي كحل جا غزااال 
مافهمتش واش غاديين يتفارقوا ولا يعادوا زواج مهم وصلات ساعة الفراق و بداو يتسالمو و زهرة بدرع حابسة دمووع مشات مع حسن 
حسن:غاديين ندووزوا لدار واليدية عاد نشدوا طريق 
حركات راسها بإجااب و مشاو وصلوا لقاو دنيا مكاالميا بزاف دخلوا سكوت فشكل وصلوا للوسط وهو يتشعل ضو و بداو ناس يتجمعو على حسن كيضحك أما زهرة مافهمات والو و هو يجرها عندوا حسن: شوفي أنا كنبغيك و نمووووت فيك منقدرش نخليك تمشي نتي هي حياتي
زهرة ما عرفات باش تبلات و عنقااات حسن:كنبغييييييييييك 
مهم لعرسان ديالنا سالاو الحفل ومشاو لدارهم جديدة حيت حسن مابغاش زهرة تتفكر لي كان وقع ليها و دوزوا أول ليلا رمنسية و كان حسن حنين بزاف معاها 
من بعد 3 سنوات**
جود:ماما أ بابا ؟
ههه هادا ولد زهرة وحسن لي فعمروا عامين زوين بحال ماماه و عصبي بحال باباه زهرة خدمات مع حسن وولات ملازمة و ولدوا جود لي هو نور عينيهم و ثمرة حبهم و أنا سالييت قصة زواج قاصر كنتمنى تكون نالت إعجابكم 
#عطيوني أرائكم 
و موعدنا فقصة ثانية إدا بغيتوا 

النهاية