نتا ليا عمرها تفرح بيك الجزء الخامس

نتا ليا عمرها تفرح بيك الجزء الخامس

غزلان:: لا لاا عبدو بلاش من بعد من بعد (وقلبي كيضرب غادي يحبسلي)
سهام:: دابا واش نقتلك ولا شنو عامين ونتي فاقصاني و نهار جاتك فرصة تهضري معاه راك تمهبلي ياك ياك بغيتي ننن ن ماعرفت اش ندير فيك نتي
غزلان:: صافي صافي غي هضرت انا يلاه عيط ليه
عبدو:: ويتك ويتك على حنيكات حميمرين و كي جيتي تحمقي سهام نتي شدي فيها مزيان باش مين يجي نبيل الى طاحت ولا سخفت تكوني نتي شاداها
غزلان:: بزاااف علييك مالو هاد نبيل توم كروز ولا شنو( اح ياني شكون هاد توم كروز حدا نبيل ديالي )
سهام:: امممم تقناك حنا يلاه سكتي ها هو جاي
عبدو:: وي خاي نبيل سافا لباس
نبيل:: وي ضرافات انا سافا نتا سافا بعدا كلشي مزيان صحيحة
عبدو:: يحفضك خويا كولشي 10/ 10
نبيل:: ان شاء الله ديما .شنو متعرفناش على الانسات مافيك صواب يا صاحبي
عبدو:: اوا يلاه غنعرفك عليهم زربتي عليا ههه هادي سهام خطيبتي و هاد شنيولة صاحبتها و كتر من ختها غزلان
نبيل:: ههه شنيولة حرام عليك هاد زين كامل تبارك الله و تقول عليها شنيولة متشرفين ختي سهام
سهام:: انا كتر
نبيل:: شنيولة متشرف بامعرفتك .. شنو مباغاش تمدي يديك تسلمي
غزلان( كنت انا ختكم ف عالم تاني كنستوعب هاد شي واش بصح نبيل واقف حدايا و مادلي يدو و قال عليا زينة نارييي يا ربي ميكونش حلم هاد شي) لا انا واه لا ماشي سمحلي سلام لباس كيف داير نتا مزيان شكرا
سهام::(ف ودني غيزو تبتي ا لهبيلة شوهتيناااا

نبيل:: ههههه واقيلة مزال مفقتي من نعااس يبالي تخالطو عليك الكلمات مهم متشرف بمعرفتكم و نتلاقاو ف رحلة اكيد دابا سمحولي خاصني ندير تلفون مهم
عبدو:: صافي خاي نبيل مزال نتلقاو اكيد خود راحتك..غزلان مالك ا صكعة تبتي راك فضحتي راسك
غزلان:: سكت سكت متهضرش معايا تقول عليا شنيولة دابا غا يحسابو انا شي برهوشة معندي عقل
سهام :: وا راك نيت برهوشة معندك عقل ههههه
عبدو:: ههه اجي غزلان اجي صافي غ ضحكنا معاك متزعفيش
سهام:: وا فين غاديا الهبيلة اجي صافي ضحكنا معااك نتي مولات لعقل اوا اجي
(مشيت و خليتهم بقا فيا الحال تشوهت لقاء الاول مع نبيل لي شحال وانا نستناه داز بحال هاك دابا غادي يحسبني شي بزة مزال كدير كرينات تفو على زهر ..مهم مشيت ل حانوت شريت ما ناكول و نبرد جنوني و بالي نبيل شاد تلفون و كيهضر ب شوية دزت من حداه كاع ماعبرنيش عايش لحضة باينة كيهضر مع صفيريطة بصح معليش مهم مجاتش يا فرحاتي يا سعداتي شريت ما نخشي ف حناكي و رجعت ملقيتش نبيل قلبت عليه بالي راسو كيطل من الكار و طليت بالي كالس قيدت بلاسة لي حداه بقيت واقفة حدا باب الكار باش غ يبديو يطلعو نطلع انا لولة و نكلس حدا نبيل شوية بالي يهضر ف تلفون و وفق وجاي يحبط جريت و تخبيت خليتو غ هبط من الكار وانا طلعت لقيتو مخلي صاكو ف بلاسة كلست تما زعمة صدفة شوية بدا كلشي يطلع ل كار هو مكانش كار كبير كان ميني كار حيت كنا قلالين لي مشينا و كلشي كانو ل كوبل ختكم الوحيدة لي غادية صولو ونبيل حتى هو جا بلا صفيريطة .. اوا كلا و شد بلاستو سهام و عبدو عاقو بيا كايرا شي حاجة حيت ديك ل كلسة ماشي هي هادي جاتني سهام )
سهام:: مالك كالسة ف لخر ديال لكار نتي كاع متبغيش تكلسي تالي اش واقع
غزلان:: سيري عند خطيبك و خليني ديها ف جنب لي يضرك
سهام:: هههه ياااك المووك واخا بصح. انا عايقة بيك خليك زعفانة هاكا موتي
غزلان:: :p
(شوهتي شوهة مهم كلشي ف بلاستو بقا غي سي نبيل مالو تعطل شيفور تقلق بغا يتحرك و كلشي كيستنا غ نبيل فين هو بداو يعيطو ليه ف تلفون شوية و جا طالع و ياريتو ما جا ولا طلع بفففف على زهر عندي

(طلع و جار موراه صفيريطة قال ل شيفور سمحلي درتلكم روطار ولاكن صفيريطة هي لي جاية على خاطرها الاميرة نائمة مسخاتش تفارق مع بلاستها لوكان غي كملتي نعسة ديالك لاش جاية انا بالخلعة تلفت و دخت ماشي نجمع لوقفة ديالي و نوض دخت بقيت كالسة بحال مكان والو هوما يوصلو عندي و انا كالسة ما بيا ما عليا حتى طيح عليا الصاعقة)
نبيل:: ختي الا جات على خاطرك داك صاك لي حداك باش تكلس البنت سمحيلي
غزلان::(ناري على صواب و ضرافات لا لا بزاف عليا هاد شي انا يلاه غانطق الجملة المفيدة ديالي و سمعت صوتا ينادي)
ايمان:: كومون شيري نونونو ابوسيبل نكلس انا حدا هادي تنوض هي و نكلس انا وياك ياك نتا ديجا شاد لبلاسة لينا ب2
نبيل:: ايمان شش كالم توا ماشي مشكل البنت معارفاش واش انا شادها و معايا شي حد جات و كلست و عاادي انا غنكلس هنا اون فاس ليكم كاين بلاسة كلسي نتي هنا مع البنت
ايمان:: نبيل نتا شش ختيتو ممكن تنوضي هادي بلاستي انا و راجلي
غزلان:: اه ختي اه سمحولي مكنتش عارفة(وا كنت عارفة بصح نتي ا صفيريطة مكنتيش ف حساباتي زربتي عليا بصح ا صبري انبالي بيك عندك زهر راه حداك نبيل ما نطير عليك حد ميفكك من بين يديا)
نبيل:: سمحيلي ختي والله مديريش عليها راه معصبة شوية هاد صباح صرالها و...
ايمان:: شش نبيل اش كتشرح ليها صافي كملناا اوووف هي من لول تكلس بوحدها مين جايا راسها
نبيل:: شش ايمان نقص من صوت كلشي كيشوفو فينا
(انا تخلعت انا تزعزعت ختكم الوان طيف كاملا دازو علىيا مكرهتش داك الكار يتشقلب و يتقلب و كلشي يموتو نبقا غ انا و نبيل ههه ناري تشوهت كلشي بقا يشوف فيا و زادتني سهام بقات تسيفط ليا ل ميساج ضحك عليا :'( ... اوا ختكم كلست ف واحد كرسي وحيد لي بقا اون فاس ل نبيل و ايمان هو ل كان باقي و جاي معايا على حسابي بلاسة وحدة اوا درت نضاضري لكوحل و شديت بلاستي و درت راسي على سرجم و عنيا على نبيل زعمة ناعسة و مكنشوف والو و ياريتني اصلا مشفت والو بالي صفيريطة عايشة الحياة ناعسة على صدر نبيل و يديها ف يدو و الحب و الغرام بلا منحس دموعي هبطو حسيت باقهرة و قلبت وجهي و بقيت نشوف ف طبيعة حسن ليا من الفقصة غ لي فيا يكفيني صراحة ندمت لي جيت ل هاد تسفيرة حسيت ب راسي نكرة حدا ايمان هي زينة بزاف و جايبة راسها و الانوتة وانا خوكوم صالح بقيت عايشة مع طبيعة و الارنبات و داك شي حتى وصلنا ل تطوان ناري من اول نضرة عشقتها الشمال اصلا كلو ولا اروع كنحماق عليه و على زين لي فيه دوماج كنبغي نبيل ما لوكان خديت شي شمالي اوعدييي)
سهام:: كي جاتك تطوان
غزلان:: اوعدي كاتحمق شهوة منها
عبدو:: ومشفتيش بناتهم ناري الحماق

سهام:: شناهواااا عاود اش كلتي نسمع مزيان حيت مسمعتش
عبدو:: والو بغيت غ نقول بناتهم كاع مزينات يخليلي زين ديالي انا لي مكانش منو 2 فالعالم
سهام:: اوا هكاك تسكد
غزلان:: كلورادو صباغة زينة كولورادو كاينااا
عبدو:: غزلان اممم علامن كتقلبي
غزلان:: انا كنقلب على فين تصور الاشهار ديال صباغة كولورادو ياك هنا صوروه زوين الاشهار كتعجبني الاغنية كولورادو صباغة زينة ترا غنيو معايا مالكم
عبدو:: ههه يالعفريتة صبغيني الالة متصورش هنا صوروه ف شاون غانمشيولها و نوريك لبلاسة فين صوروه
غزلان:: وي ياحليلي شاون كنحمااق عليها و غنمشيو ل شلالات اقشور ولا لا
عبدو:: سي نمشيو كاينين ف بروكرام
(مهم وصلنا ل دار فين غنكلسو كانت كبيرة فيها 2 طبقات البنات ف الطبقة الاولى و دراري ف تانية انا و سهام شدينا بيت قدينا حوايجنا و ريحنا شوية من لعيا ديال سفر حتى دقو علينا الباب )
عبدو:: وا فيقوو الكسولات راه ليل هادا و نتوما ناعسين
سهام:: احنا فايقين بلا متغوت صدعتينا..غيزو نوضي حبيبة راه 8
غزلان:: وا بلاتي شوية و نمشيو كاملين
سهام:: وا فيقي اديك لهبيلة فين غتمشي وايلي واش جاك زهايمر يلاه نوضي
(فقنا و خرجنا من البيت لقينا الدراري كالسين ف الصالون دخلنا ل كوزينا حنا البنات نوجدو لعشا من غير سفيريطة لي لاسقة ف نبيل بحال لكرادة اخخ لوكان يطلقوني عليها صافي تعشينا و تجمعنا و لعبنا لعبة الصراحة و ياريتني ما لعبت معاهم غي شوهت راسي باطل..

(وحنا كلعبو لعبة صراحة جات فيا يسولوني و سؤال كان من صفريطة لي محملتني ما حملتها ا قاتلي نتي الوحيدة لي جاية بحدك معندك حد ف حياتك؟؟ انا مرضيتش و انا لعبها قافزة و قلتلها لا عندي اكيد البنت هاد الجواب مقنعهاش بغات تزيد تسول علاش مجاش و شكون هو ؟؟ انا صافي حماريت و خضاريت باش نجاوب جاب الله سهام حست بيا تلفت وانا مين نتلف كنرون دنيا وهي تقولها عندك الحق تسولي غ سؤال واحد اووف عاد تنفست صفيريطة معجبهاش الحال و بقات حالفة حتى طاح فها من زهري تسولني عاود و سؤالها تلفني شكون هادا وعلاش مجاش معاك انا ملقيت منقول غير ميقدش يجي حيت هو مساكنش ف المغرب ههه معرفت اش كنت كنقول و هي تقولي اااه شكون هو مجاوبتيش قتلها نتي متعرفيهش قاتلي وي داك شي علاش بغينا نعرفوه ياكو بغيتو تعرفو كلشي ناض وي بغينا نعرفوه عارفين نتوما حنا مغاربة نموتو على هاد القطات و نشدو فيهم وداك شي لي دارو ليا كلشي شد فيا حكيلنا عليه شكون هدا و فين تعرفتي عليه كاملين حنا حكينا على راسنا بقيتي نتي بقيت نشوف ف عبدو و سهام واحد شوفة ديال توم مين يحgر عليه جيري زعمة انقدوني اني اغرق اغرق اغرق.. عياو ما يتلفو فيهم و يبدلو الموضوع ولاكن بدون جدوي مصممين نحكيلهم انا تنفست و بديت نحكيلهم ياك نتوما بغيتو انديرليكم شهرزاد و حكايات الف ليلة ... قتلهم دابا هادا لي انا معاه ساكن ف فرنسا تعرفت عليه مين كنت عند ختي هادي عامين و حنا ب2 صفيريطة زربات عليا قاتلي شنو سميتو انا جاوبت ب زربا وائل حيت كتعجبني هاد سمية قاتلي واش الاخ مصري ولا شنو هيهيهي انا حسيتها كتزتهزء بيا زعما سمية وائل جاتها غريبة وحتى انا لقاتني ماشي من العاgزين قتلها لا لبناني وتاقوني وانا كنت غي نضحك مفهمونيش هوما حسبوني من نيتي كنهضر داوها عليا لبناني بداو يحماضو عليا كيفك حبيبي يؤبرني جمالو ..ناري هادو مالهم :o

يتبع بعض لحضات