نتا ليا عمرها تفرح بيك الجزء السادس

نتا ليا عمرها تفرح بيك الجزء السادس

شوية سفيريطة معرفت مالها معايا قاتلي اوا ورينا نشوفو هاد زين لبناني انا هنا حبست شوية بصح سلكت راسي قلتلها فكرتيني تلفوني خليتو ف البيت يكون غ يصوني عليا سمحولي نمشي نشوف تلفوني وبيني و بينكم تلفوني كان ف جيبي هيهي معامن راكي ابنتي انا غزلان و اجرك على الله صفيريطة مصرة تشوف وائل انا غادية ل بيت وهي تقولي اوا متنسايش بلاتي تورينا وائل ممفكيش معاك قردة يمكن حست بيا غ كنكدب انا مشيت درت راسي صمكة دخلت ل بيت و بقيت نفكر و نخطط حتى طاحت عليا فكرة جهنمية عيط ل صاحبتي عندها مع لبنانيين و خليجيين ديما تحكيلي كتشاتي معاهم قلتلها تصيفطلي تصاور ف واتساب ديال شي لبناني يكون قرطاسة وهي ماشي من العاكزين سيفطتلي الاشكال و الانواع ختاريت واحد زين يحمق لدرجة انني كنت غادي نسمح ف نبيل ههه وتفكرت بلي هادا لبناني معندي كيندير نوصلو و رتبت ف بلاستي ختكم سكسفت واحد فيس ب سميت وائل ودرت اون كوبل معاه و تصيورات و داكشي ووجدت للحرب مع صفيريطة نوريها تحشمني حدا نبيل داز داك نهار نعسنا صبح النهار خرجنا تسارينا انا و سهام و عبدو لسقت فيهم مساكن حرمت عليهم لخرجة معندي مندير ملقيت معامن نبيل داتو صفيريطة مشاو مولاوش حتى ليل غدا ليه صبح تحركنا ل شاون وصلنا قدينا راسنا و حوايجنا و خرجنا كتشفنا المدينة لي كتحمق تصورنا فين كانو بنات لالة منانة كيصبنو ههه واحد لقطة زوينة صراتلي مع نبيل كنت واقفة حداه و جات واحد البنوتة هازة كسوة شمالية قاتلي مزيونة تصوري ب هايدا تجك تحمق ودارت عند نبيل قاتلو لبس لعايلا دياك وصورا اتجيها كتحمق نبيل بتاسم وخدا من عندها لبسة شمالية و لبسهالي و بدا كيصور فيا ب تلفون ديالو وهو يجي واحد ولد صغيور و لبس ل نبيل داك شابو شمالي و قاليه كحز العايل صور مع العايلا ديالك شحال غزالين جيتو وخداليه تلفون من يدو و قال ل نبييل عمل هايدا و متحركوشي يلاه ضحكو نصوركوم جيتو كتحمقو ناري انا حسيت ب راسي طايرا و نبيل كان كيضحك وعاجبو لحال صورونا و شحال و حنا كنضحكو معاهم و علمونا الهضرة الشمالية لي كتحمق و ماجيت ندور حتى بانتلي صفريطة شدات نبيل من يدو و خداتو بصح معليش مهم دوزت مع نبيل وقت زوين وكل مكنشوفو ولا نهضر معاه كنزيد نحماق عليه ضريف بزاف كيف كنت كنتخيلو وحنين ومخلق و زين كيحمق اه نسيت كاع ما وصفتو ليكم دابا نوصفو و نحاول نختاصر نضرا لمشاعركم و صاحبات القلوب الضعيفة هو طول عندو منقولش ليكم شحال ولاكن مين كتوقف حداه وجهك يلاه يوصل حد كرشو و يحبس تبارك الله طولة ديالو كدوخ و عندو كتافو بحال دوك عارضين الازياء طااي ديالو تخليك تنساي كامل رجال لي شفتيهم ف حياتك و شعرو كحللل و رطب و لحية كحلة خفيفة ومقادة نيف صغيور نيفي كيدير بيه 10 ههه شنيفات حميمرين توتة وعويناتو ميمتي هوما لي خرجو عليا عندو شفار طواااال و حواجبو تقولي مقادهم عند ستيتيسيان و مومو د عنيه عسلي و مين درب شمس فيهم يميلو لخضورة مهم براكا عليكم غ هاد شي لتمشيو تعشقولي فيه ... مهم جا ليل و كان هاد نهار اجمل و اسعد يوم ف حياتي فيه بدات الحرب الحقيقية مع ايمان و فينه بدات شي حاجة بيناتنا انا و نبيل..

سهام:: غيزو يلاه لبسي غادي نخرجو نتعشاو كاملين على برا
غزلان:: حسن من طياب ف دار نبيل حتى هو يمشي معانا يتعشا ياك
سهام:: واه تافقنا كاملين نتعشاو ليوم
(وجدت راسي و لبست واحد لا غوب جابتولي ختي من فرنسا طوييل و لون ديالو كيحمق ف بلو و ساوبت شعري و طلقتو و لبست نعالا طالو ف كحل و درت ميكب خفيف كحل فوق عيني و شوية بلو و كلوس غوز و درت بارفا خرجنا لقينا دراري كيستناونا..)
عبدو:: فين هي غزلان متخرجش معانا
غزلان:: مالك عبدو و انا شكون مبنتش ليك
عبدو:: وا راك بنتي ليا ولاكن متيقتش تكوني نتي غزلان تبارك الله جيتي تحمقي
نبيل:: صراحة حتى انا معقلتكش جيني كتهبلي دوماج خوك مرتبط مالوكان منك منطلق
عبدو:: سكت راها تسمعك ايمان تحرم علينا الخرجة
(هوما كيهضرو وانا كنت ف غيبوبة ناري نبيل قالي هاد شي لا لا كنحلم يعني عجبتو مهم بعدا شي حاجة تحركت فيه اوا طريق كاملا وانا ساهية و كنفكر واش نبيل شي نهار يكون ليا ولا غ كنكذب على راسي بديت نمل ونحس بحال كنضيع الوقت بلا فايدة مهم تعشينا و مشينا لواحد ساحة كبيرة ف شاون كلسنا تما بقينا كنهضرو و نضحكو الاغلبة مكنوش معانا كل واحد مشا مع حبيبتو بقيت غ انا و عبدو و سهام و نبيل و صفيريطة و شي وحدين خرين انا مهزيتش عيني من نبيل كان كالس اون فاس ليا وصفيريطة عاقت بيا و هي تفكر وائل )
ايمان:: غزلان يبالي كاع مورتيناش وائل واش مزوينش و خفت نضحكو عيك
غزلان:: نو نتي اصلا مطلبتيش مرة اخرى تشوفيه

ايمان:: اوا هانا طلبت يلاه وريني نشوف ياك تلفون ف يدك دابا
غولان:: خودي حبيبة ها هو فيس ديالو و شوفي تصاور
(ايمان شدت تلفون عينيها خرجو شافت يلاه 2 تصاور و عطاتتني تلفون قاتلي خودي مبيهش انا حسيت بيها معجبهاش لحال باين فيها انانية تبغي تكون هي توب ونبيل حيت زوين حسبت حتى وحدة مغادي يكون عندها شي حد حسن منو هي مكتبغيهش هو كتبغي غي زينو و فلوسو مهتمة غ بمضاهر بانتلي البنت بحال معجبها حال بدات تعنق ف نبيل و تشدليه يدو انا تعصبت حيت نبيل ليا انا هي متستاهلوش وحسيتها كتاخدلي بلاستي شوية هي تبوسو انا بلا منحس وقفت و مبغيتش نبقى حيت صاافي زادت فيه كتبوس فيه و تشوف فيا زعمة موتي وحشومة دير هاك حدانا ويكي انا ديك البوسة خطيبي و عمري درتهالو هي حدانا ف زنقة كالسة تما تييت...مهم بقيت نتمشى بحدي و خليتهم هوما ياخدو راحتهم حتى سهام حسيت راسي تقيلة عليها ملي جات مبقات مع خطيبها على راحتهم بقيت غاديا كنتمشى محسيتش بالوقت كلست ف واحد جردة و كنشوف ناس غادية جاية و نشوف لي عرسان جداد جايين يدوزو شهر العسل حيت باينين مزال الحنة ف يديهم وكنشوف لي جايين مع وليداتهم صغار كيلعبو تمنيت نكون ف بلاستهم و يكون نبيل حدايا و نعيش هاد السعادة لي كنشوفها مرسومة على وجهم شوية جا شي حد كلس حدايا فيقني من عالم الخيال لي كنت فيه...

غزلان:: اش كدير هنا ؟؟ فين خليتي لوخرين.
نبيل::اممم جيت نكلس معاك الى بغيتي و سمحتيلي اكيد
غزلان:: اكيد مرحباا مكان حتى مشكل ولاكن كيف درتي حتى هربتي من ايمان
نبيل:: ههه هربت مالها حابساني الالة مشات تنعس و انا مبغيتش كيعجبني نبقى سهران ف ليل
غزلان:: حتى انا كيعجبني نبقى سهرانا و خصوصا الى كان بحال هاد المنضر حدايا الطبيعة ونجوم سما
نبيل:: اسيدي على الناس رومنسية سبحان الله بحالي غنتفاهمو انا وياك اوا حكيلي على راسك نجيبو انا وياك الصباح منك مغنطلق هاد نهار حتى نعرف عليك كلشي
غزلان:: ههه حتى انا مسالية معندي ميدار معاك حتى الصباح ديال بعد غادا كااع ههه
نبيل:: نشايطية مع راسك اوا نبديو من نهار تزاديتي حتى لهاد نهار حكيلي كلشي عليك
غزلان:: ههه اوا من نهار تزاديت منكدبش عليك سول ماما هي تحكيلك انا يلاه بديت نعقل على راسي من شي 10 سنين هادي لي فات تمحى من داكرة ههه
نبيل:: اوا حكيلي من 10 سنين ونتي جاية حتى توصلي ل ليوم
غزلان:: لا لا بدي نتا لول حيت انا مكنعرفش نحكي على راسي والله كنتلف
نبيل:: ياك الالة ولاكن انا لي بغيت نعرف الاول حكيلي نتي و نحكيلك انا
غزلان:: اش عندي نحكيلك معرفتش مهم انا سميتي غزلان 24 وقريب ندير 25 حاليا غ ف دار مكندير والو
نبيل:: حسن ليك راحة زوينة حتى هي ولاكن ضروري مديري شي حاجة متبقايش غي ف دار
غزلان:: وي راه ف دار مهبليني باش نمشي عند ختي ل فرنسا عايشة غ بحدها مع ولادها وعندها مشروع تما ديما كتقولي اجي عاونيني
نبيل:: اممم اوا علاش مبغيتيش منها باش تكوني قريبة من سي وائل
غزلان:: وائل شكون هاد وائل !! اه وائل وي اه لا (فضحت راسي شفاية) اصلا حنا ماشي شي علاقة بيناتنا غ تلفون و فيس واصلا مكنبغيهش
نبيل:: اه حسن هاكا حيت معندك مديري ب لبناني كيقولو ماشي مزيانين
غزلان:: امم صافي قلتيها نتا هي لي متعاودش ههه اوا دابا تور ديالك حكيلي على راسك
نبيل::انا يا لالة نبيل عندي 30 عام و عندي شركة مقاولات ديمة الخدمة و تمارة معنديش وقت بزاف بحالك ل سفر و مسارية و هاد الفرصة جاتني باش نسافر معاكم و كنت متردد ولاكن مزيان مين جيت حيت تعرفت عليك

غزلان::انا كتر احسن حاجة تعرفت عليك وعلى ايمان باين كتبغيو بعضياتكم
نبيل:: معرفت ايمان باباها صاحب الاب ديالي وملي نعقل على راسي وحنا ب2 ولفنا بعضياتنا ومعرفتش واش حب ولا شنو هاد شي
غزلان::اوا الله يخليكم ديما هاك
نبيل:: معرفتش واش نقوليك امين ولا بعيد شر هههه اوا لي فييها الخير ربي يديرها عرفتي شحال ف ساعة دابا تعطلنا راها 3ديال صباح نسينا راسنا
غزلان:: ااو كاع محسينا بالوقت داز دغيا يلاه نمشيو نعسو غدا صباح تابعنا طريق ل اقشور
نبيل؛:غاتمشي معانا ل اقشور متخافيش راه طريقو صعيبة بزاف
غزلان:: اكييد نمشي شحال وانا كنستنا نمشيليه كيقولو فيه شلالات زوينين
نبيل::وا راه روعة كتر ماتصوري غدا غاتشوفي ب عينيك خليلي رقمك باش صباح نفيقك
غزلان:: اوك وقيد لي رقمك باش نسجلو عندي(هاها اين انتي يا سهام ها هو كيقيدلي نمرتو ب صبيعاتو زويونين)
نبيل::يلاه نتحركو خودي جاكيط ديالي لبسيها لراه لبرد
غزلان:: لا لا معليش مفياش لبرد عادي
نبيل:: قتلك خودي جاكيط راك لابسة لباس خفيف و باين فيك كترعدي بالبرد صافي بلا نقاش لبسيها
(لبست جاكيط ديالو كانت سخونة ريحتو فيها كنت حاسة فحال نبيل رجع ليا و كنعيش معاه كامل الاحلام لي كنت كنحلمها و كانت مجرد خيال ليوم رجعت حقيقة .. وصلنا ل دار دخلنا نعسو باش صباح نفيقو بكري نشدو طريق ل اقشور و قبل منعس قريت ميساج من نبيل تغطاي مزيان و نعسي باش صباح تفيقي مزيانة راه كتستنانا طريق و تمارة كبيرة..نعست وانا معنقا تلفون و متايقاش راسي حتى فقت على صوتو.

12...عمرها تفرح بيك...نتا ليا اناا
نبيل::الو كسولة صباح الورد يلاه فيقي باش نشدو طريق
غزلان:: انا واجدة وخارجة دابا (وانا عاد ف بلاستي زعمة بغيت نبيلو انا حادكة )
نبيل::تبارك الله اني راضي عليك يلا خرجي
غزلان:: لا لا بلاتي شوية حتى توجد سهام راه مزال ناعسة
سهام:: انا لي ناعسة يا شنيولة
غزلان::(دايرا صبعي على فومي زعمة كنقول ل سهام سكتي فضحتيني)
نبيل::الو كوكو وا فين ياك ما رجعتي نعستي
غزلان:: لا لا انا فايقة يلاه 10 دقايق نكونو برا بسلامة...واخا فيك نتي بغيتي تفضحيني
سهام:؛ اجي ا ديك شنيولة راه فيك عاد الحلف فين مشيتي لبارح مداخلا حتى 4 دصباح
غزلان:: لا علاش تكذبي مكانتش 4 كانت 3.30
سهام::ياك زعمة 3.30 سهلتيها يلاه نطقي فين و معامن كنتي و شكون هادا ل كنتي تهضري معاه دابا حكيلي مالك فرحانا ؟؟
غزلان:: احكيلي و فضفضيلي مالك فرحانا ليه ترااا فرحانا على زهري لي اخيرا ضحكلي تراااا سوسو حبيبتي باركيلي وا اخيرا نبيل ولا يشوف فيا و هضرنا و تفاهمنا بزاف و قالي بزاف حوايج زيينة عمري حلمت يقولهالي سهام قربت ب خطوة صغيرة بقاتلي و نبيل يكون ليا
سهام:: نوو بصح حلفي ناري فرحتيني يا ربي ياربي يكون نبيل من نصيبك تستاهلو بعضياتكم ب2 كتحمقو
غزلان:: ونزيدك هو لي كان يهضر معايا دابا ها هي نمرتو شوفيها ف ريبرتوار و هو لي قيدلي نمرة اوا شفتي ربحتك يلاه خلصي
سهام:: هاكي بوسة كبيرة هي خلاصك اوا هاكا نبغيك ديريها من شحال هادي
غزلان:: بوسة سيري عطيها ل عبدو اش ندير بيها انا زيدي زيدي حدايا نخرجو
سهام:: اوا حكيلي بعدا تفاصيل راك شوقتيني شنو صرا و اش قلتو و كيفاش و علاش و كلشي كلشي
غزلان:: بلاتي مين نكونو هابطين ل اقشور نحكيلك تفاصيل 

يتبع بعض قليل