نتا ليا عمرها تفرح بيك الجزء الاول

نتا ليا عمرها تفرح بيك الجزء الاول

غزلان:: الو سهام صباح الخير فين شاداها؟؟
سهام:: صباحاتو لله مالك بايتا تحلمي بيا يا ربي امتى نتهنا منك خارجالي ف زهري نتي ااش نسالك اغزلان مصبحا عليا راها 7 دصباح هادي فين غانكون اغدايديييي
غزلان:: شحاال فيك نGير و هضرة فيقي يلاه و نتي فين ما نصوني عليك ناعسة
سهام:: احيانييي انا ل سمعك يقول كتصونيلي ف اوقات ناس تكون فايقة فيها وا بسيف نكون ناعسة حيت كتصوني يا اما على صباح قبل ديك ما يفيق يا اما ف ليل ناس ناعسة عمرك صونيتي كي الناس ف وقت مسgد
غزلان:: بفففف فرعتيلي راسي ب هضرة يلاه نوضي ليوم راه نبيل غادي يجي من سفر
سهام:: اناري و يجي ولا يمشي حنا مالنا
غزلان:: كيفاش مالنا حشومة عليك والله توحشتو شهر هادي مشفتو ليوم غادي يتلاقا مع صحابو ف كافي يفطرو يلاه تمشي معايا نشوفو بلييييز منقدش نمشي بحدي نحشم
سهام:: شحال تحشمي تبارك الله لوكان كنتي تحشمي لوكان راكي ناعسة كي ناس و مبرزطينيش على بوصبيح
غزلان:: يااااك دابا وليت منحشمش و برزطك هادي هي صحبة بصح معليش عند الصح انا ل منسواش و حمارة عمري نعاود نصوني عليك و نطلب منك شي حاجة دابا يلااه وجدي راسك انا ساعة نكون عندك باش نمشيو نشوف لحووووب راه توحشتو
سهام:: ناري ناري نتاحر انا و لا اش ندير معاااك معندك نفس يا ديك بنادمة والو الاحساس
غزلان:: اهاهاها لوكان عندي احساس كاع ما نبغي داك بوركابي لي عمرو شاف فيا حتى شوفة و متبعلي ديك صفريطة ديال ايمان ولاكن والله لا كان ليها نبيل ليا انااا

سهام:: مسطية نتي وانا كتر بيك لي دايرة فيك راسي نبيل ديال ايمان فهميها و هنينا راكي غ ضيعي وقتك كلشي باين و واضح
غزلان:: واضح و باين وضوح شمس ف نهار واضح و باين ترااارااا تراارارا كي جاك صوت زين ياك عارفة عارفة انمشي ل ستار اكاديمي و نولي ستار وتما تبقاي تمناي نصوني عليك وانا والله لا عبرتك
سهام:: ياااك مافيك نفس و زيد ما فيك تيقة
غزلان:: اه مديريش تيقة ف بنت عتيقة يلااااه نوضي ضيعتيني ف روشارج ديال ساعة مشات غ معاك
سهام:: ههه اصلا الى ممشات معايا معامن غتمشي عندك غ انا ف ريبيرطوار كاملة
غزلان:: كتفلاي عليا قريبا غادي تكون نمرة ديال حبيب ديالي لي شاغلي بالي معمر لي ريبيرطوار ونتي غا نسيبريميك يلاااه
سهام:: فقصتيني فالحة تجيبي gاع خبارو فين مشا فين غادي اش كياكل اش يبغي و شنو يكره حتى من البنت لي كيبغيها عندك كامل دواسا ديالها ونمرتو مقداش تجيبيها
غزلان:: اول حاجة ايمان مكيبغيهاش نبيل ديالي انا و غيبغيني انا
وبالنسبة للنمرة ديالو انا نقد نجيبها دابا الى بغيتي ولاكن مبغيتش رقمو ب هاد طريقة بغيتو هو يعطيني رقم ب نفسو و قريب هاد شي غيكون
سهام:: فرعتيلي راسي ب قريب قريب ببقاي متبعا فيسبوك حتى يهبلك
غزلان:: انا خارجة من دار يلاه بلا تكتار الهضرة نجي لقاك واجدة..
كوكو لباس عليكم سمحولي دخلت هاد الدخلة عليكم بلا متعرفوني و لا تعرفو علامن كنهضرو انا و سهام مهم ف طريقي لعند سهام غادي نحكيلكم عليا باش تعرفوني
انا غزلان ف عمري24 كيقولو ليا نتي زينة بزاااف و لي كيشوفني كيحماق عليا ولاكن انا بيني و بيننكم مين كنشوف ف لمرايا مكيعجبنيش راسي وعرفت بلي كيكدبو عليا الناس و يقولولي زينة غي باش ميبقاش خاطري مي دابا كنتمشا ولي داز كيقولي تبارك الله تحمقي بزين ههه يمكن انا زينة وكنحشم نقولها ههه مهم خليونا من زين راه زين د بصح زين القلب والفعايل والاخلاق ماشي زين الكمارة

مهم كيف قلت ليكم ف عمري 24 حاليا بلا خدمة ختكم عاطلة عن العمل و هادشي نضرا ل عقليتي الصعبة حيت انا مكنحملش شي حد يتحكم فيا ولا يخدمني عندو و يبدا يعطيني ف الاوامر نعقل اخر مرة خدمت فيها حيت كانو بزاااف ههه زعمة كيف ناس كالسة ف بيرو ديالي و كندير الحسابات ديال الشركة حيت تخصص ديال محاسبة وهو يجي عندي الشاف قاليا زربي يلاه ونتي كتخدمي بخاطرك حسابك مبرزة ف العمارية يلااه سربي راه خاصنا نكملو باش نحطو دوسي ل الضرائب مجاوبتوش بردت قلت مع راسي راه معصب حيت هاد العام الشركة كان عندها الخارج كتر من الداخل و الضرائب هلكوه و زيد tva و روينة ماشي لخاطرو مسكين انا مزال كنحسن ليه العون هي تبالي يدو فوق البيرو حطها بكل قوتو و غوت غوتة طرش ليا ودني الله يعطيه الغراق مزال ودني عاقلة على ديك الغوتة معرفت مالو تسيف وبدا يسب فينا كاملين لي خدامين عندو غا لي نساه و صافي واخا بالي انا منسا والو حيت تبارك الله عليه حافض و عندو تجربة ف سبان االخدامة ديالو كيخرج فيهم زعافو ولاكن جيت انا خرجت فيه داك شي كامل لي كيديرو ف ناس جمعت الوقفة و حطيت يد على جنبي و يد كنشالي بيها عرفتو الوقفة كيدايرا بحال دوك عارضات الازياء مين يديرو session de Photographie ولاكن انا كنت دايراها بحال دوك بنات السوق مين يبغيو يشنشفو شي وحدة معولا ختكم على خلاها اوا درت الوققة و بديت عليه جبد عطيه عطيتو ف جنابو علاش كيضور و شديت clavier ودرت supprimé للخدمة كاملة لي شهر وانا خدامة فيها و هزيت صاكي باغا نخرج باغا نبان ليوم عليهم الخدمة طارت و سالير باي باي مامشيت حتى نوضت روينة (متنساوش تقولو الجملة مع اللحن ديال الاغنية الله يخليكم مبغينا مشاكل مع الداودية تقولك سرقتيلي اغنيتي لي رفعات بالراية دلبلاد ههاها)

مهم هو جبتها في راسي من داك نهار ماخدمت ما شفتها سمعيتي في الارض محدش عاوز يشغلني يا لاهوييي ولاكن انا ختكوم هانياتون معندي موشكيل غي هو نgير ديال صحاب دار و صافي ما عليا انا منخدم مندير والو نبقى غي نوم و الراحة والاستراحة ..
مهم نكملو كيف قلت ليكم انا دابا بدون عمل ولاكن الحمد الله بخيير ممحتاجاش الخدمة عايشة لخروج سفر فلوس موجودين من ناحية العائلة الحمد الله بخير مكان حتى مشكل ولاكن المشكل لي عندي هو نبيل من نهار شفت كمارتو ما شفت نهار زين وليت بحال المحقق كونان غي لاحقاه و كنخبش و نبش موراه هو مسكين معارف والو اش كيوقع حيت اصلا مكيعرفينيش و مكيشوفنيش واخا نكون حداه و هاد شي كيهبلني وكيخليني نتسطا واش انا خايبة لهاد الدرجة كامل صحابو لي كيكونو معاه بغاو يتعرفو عليا الا هو ايمان دايالو العقل والقلب وعينيه حتى هوما
بغيتو تفهمو ياك تلفتكم مهم نبيل اول مرة شفتو هادي عامين شفتو ف شركة فين كنت خدامة كان صاحب شاف ماشي شاف لي حيحت عليه لا لي قبلو راه قلت ليكم خدمت بزاف الخدمات ركزو معايا ههه
مهم كان جا لشركة على ود شي خدمة بيناتهم وانا ل قاديت ليه الامور كان كالس ف كرسي ديال بيرو ديالي و انا كنكتب ليه ف pc la facture
وكيعطيني المعلومات ديالو منهم الاسم ديالو تما عرفت سميو نبيل وتما قلبي خداه معاه و خلاني تالفة من داك نهار وانا نصبح على صورتو و نعس بيها غاتقولو مين جاتني غنقولكم خديت سميتو و قلبت عليها ف فيسبوك و لقيت فيس ديالو و اكيد دخلتو عندي ولاكن ماشي ب فيس ديالي ب فيس اخور ب اسم اخور على اساس انا بنت ساكنة ف مدينة غير مدينتو باش ميشكش رجع عندي ف فيس لي درتو باسم مستعار ورجعت مدمنة على فيس كندخل ليه ديما نشوف نبيل اش حط و اش كيقول كنقرا ل statut لي كيحط و عرفت عليه كلشي و حتى من عائلتو عرفتها ولاكن يا فرحة ما تمت من خلال الصور ديالو و تعليقات لي كيعلق هو و حتى ناس كتفشت ايمان صفيريطة حبيبتو لي كانت ديما كتعلق ف تصاور ديالو با حبيبي شيري بيبي نبغيك نموت عليك نتا حياتي و هو كذلك لا يبخل عليها بالكلام الجميل و رومانسي يا سلام يعطيه حبة ف لسان هوما عايشين الحب وانا نتفقص كنت مين نقرا شي تعليق بيناتهم ولا نشوف شي صورة مع بعضياتهم كنموت بالغيرة و نبات نحسب دموعي ولي كيزيد يفقصني مين يحكيلي عليها و على شحال كيبغيها و يتمنى داك نهار لي تكون مرتو (يحكيلي زعمة على اساس انا ديك البنت لي عندو ف الفيس لي هي انا ولاكن هو معارفش بلي هي انا هههه دوختكم انا عارفة اوا فهمو راسكم بلا منبقا نشرح )

مهم رجعنا اصدقاء ف فيس لي دايراه ب اسم كوتر رجع يحكي لكوتر كلشي شنو يبغي شنو يكره و على ايمان وكيف تلاقاها و شحال يبغيها كنت كنصحو و كنصبرو الى كان مخاصم معاها وانا كنبكي هو يقرا الكتبة لي كنكتب ليه و يشكرنني حيت عااونتو و نصحتو ميتخلاش على اييمان و يصبر معاها و مشايفش دموعي لي كانت تهبط من عيني وانا كنقولو يبقا مع لي كيبغي كنقولها و انا كنتقطع هاد شي ف الاول لاكن دابا مبقيتش نبكي حيت تعودت على هاد شي حيت كيتخاصمو بزاف حتى دموعي نشفو ف كل مرة كيحكيلي وانا نصح فيه على اساس انا كوتر
دازت عامين وانا نبغيه غ ف صمت و عن بعد كان دايما كيكلس مع صحابو ف كافي كتعجبو وانا ديما كناخد سهام معاايا ونمشي نكلس مقابلاه و نشوف فيه هو والا على بالو وكانني غير موجودة شي مرات غنبغي نمشي عندو نقولو انا كوتر حيت كانت عزيزة عليه و كيحكيلها كلشي و كيفوولها كرتاحلك نتي الوحيدة لي كنحكيلك اسراري ولاكن الى عرف كوتر هي انا غادي يتقلق و مغاديش نبقى نعرف عليه والو و نخسرو ف مرة بقيت صابرة صابرة عامين وليوم شهر مشفتو توحشتو وعرفت منو ف فيس راه جاي وغادي يفطر ليوم مع صحابو داك شي علاش صبحت على سهام صاحبتي و عشيرتي ولوحيدة لي كتهزلي هبالي و صابرالي على جنوني... يلاه انا وصلت عندها و خليكم معايا نكملو القصة و نعرفو شكون غادي تربح انا ولا صفيريطة سبحان الله مكنحملهاش واخا مكنعرفهاش ولاكن بيني و بينكم قوقة و زين ديالها يطيح زرزور من الصور :p
هاني داخلة عند سهام دابا باش نمشيو ل كافي نشوف لحووب..

يتبع بعض لحضات